ആദിവാസി സ്ത്രീകളുടെ ഉന്നമനത്തിനായി ടെക്കീസിന്റെ കൈത്താങ്ങ്; ഇൻഫോപാർക്കിൽ കാർത്തുമ്പി...

ആദിവാസി സ്ത്രീകളുടെ ഉന്നമനത്തിനായി ടെക്കീസിന്റെ കൈത്താങ്ങ്; ഇൻഫോപാർക്കിൽ കാർത്തുമ്പി അംബ്രല്ല കാമ്പയിൻ

May 13, 201710:04 AM IST Permalink

തിരുവനന്തപുരം: കാടിന്റെ മക്കൾ എന്നറിയപെടുന്ന ആദിവാസി സമൂഹം നമ്മെക്കാളേറെ പ്രകൃതിയെ നേഞ്ചോട് ചേർത്ത് പിടിക്കുന്നവരാണ് . മണ്ണിനെയും മരത്തെയും കാടിനെയും ആത്മാർത്ഥമായി സ്‌നേഹിക്കുന്ന ഇവരെ അവഗണനയിലും അവജ്ഞയിലും പൊതിഞ്ഞ സഹതാപ തലോടലുകൾക്ക് സഹായിക്കാനില്ല എന്ന് കാലം തെളിയിച്ചു കൊണ്ടിരിക്കുന്നു. സഹതാപത്തെക്കാളേറെ അവരുടെ അദ്ധ്വാനത്തിന് മാന്യമായ വില നൽകാൻ തയ്യാറായാൽ, ഒരു സ്ഥിരം തൊഴിൽ ചെയ്യാനുള്ള അവസരം സൃഷ്ടിച്ചാൽ അത് മതി അവരുടെ സ്വപ്നങ്ങൾക്ക് ചിറകുകൾ വക്കാൻ. ഈ തിരിച്ചറിവിൽ നിന്നാണ് ആദിവാസി അമ്മമാരെ പരിശീലനം നൽകി കുട നിർമ്മാണത്തിലേക്ക് കൊണ്ട് വരാൻ കാർത്തുമ്പി എന്ന സാമൂഹിക കൂട്ടായ്മ ശ്രമിക്കുന്നത് ഇവരോടൊപ്പം പ്രോഗ്രസീവ് ടെക്കീസ് എന്ന ഐടി സാംസ്‌കാരിക സംഘടനയും ഇതിനായി കൈകോർക്കുന്നു.

അട്ടപ്പാടിയിലെ അമ്മമാർ നിർമ്മിക്കുന്ന കാർത്തുമ്പി കുടകളുടെ ഗുണനിലവാരം മറ്റുള്ളവയോട് കിടപിടിക്കത്തക്കതാണ്. ഇവ വഴിയുള്ള വരുമാനം ഇവർക്കൊരു കൈത്താങ്ങാവും. ലാഭവിഹിതം പൂർണ്ണമായും ആദിവാസി ക്ഷേമ പ്രവർത്തനങ്ങൾക്കായി വിനിയോഗിക്കുന്നതാണ്.

എന്നും ഒരു കൂരയുടെ മറവിൽ എല്ലാം നിഷേധിക്കപ്പെട്ടു കഴിയാൻ വിധിക്കപ്പെട്ടവർ ഈ സമൂഹത്തിനെ അതിജീവനത്തിന്റെ പുതിയ പാഠങ്ങൾ പഠിപ്പിക്കുകയാണ് തങ്ങളുടെ സ്വന്തം ബ്രാൻഡായ 'കാർത്തുമ്പി' കുടകളുടെ നിർമ്മാണത്തിലൂടെ. അട്ടപ്പാടിയിലെ ആദിവാസി സ്ത്രീകളുടെ സ്വപ്രയത്‌നം തന്നെയാണ് ഇതിന്റെ മൂലധനം. സമൂഹത്തിന്റെ വിവിധ മേഖലകളിൽ ഇതിനോടകം തന്നെ ഈ സംരംഭം ചർച്ചയായി കഴിഞ്ഞു. വിദ്യാലയങ്ങൾ, കലാലയങ്ങൾ, മറ്റു സന്നദ്ധ സംഘടനകൾ എന്നിവ വഴിയാണ് പ്രധാനമായും ഈ കുടകൾ വിറ്റഴിക്കപ്പെടുന്നത്. ഈ അവസരത്തിലാണ് കേരളത്തിന്റെ വാണിജ്യ തലസ്ഥാനത്തു ഈ സംരംഭത്തിന് പിന്തുണയുമായി ഒരു കൂട്ടം ടെക്കികൾ കടന്നു വരുന്നത്.

'പ്രോഗ്രെസ്സീവ് ടെക്കീസ്' എന്ന ടെക്കി കൂട്ടായ്മയാണ് കൊച്ചി ഇൻഫോപാർക്കിൽ ഇതവതരിപ്പിക്കുന്നത് സമൂഹത്തിന്റെ ഏതു തലത്തിൽ എന്ന പോലെ ഐ ടി ജീവനക്കാരുടെ ഇടയിലും ശാക്തീകരണത്തിന്റെ ഈ സന്ദേശം എത്തിപ്പെടണം എന്ന ഉത്തമ ബോധ്യം തന്നെയാണ് കൊച്ചി ഇൻഫോപാർക്കിൽ 'കർത്തുമ്പി' കുടകളുടെ പ്രചാരണവും അതിലൂടെ വില്പനയും പ്രോഗ്രസ്സീവ് ടെക്കീസ് ഏറ്റെടുത്തത്. വിവിധ വർണങ്ങളിൽ ഉള്ള ത്രീ ഫോൾഡ് കുടകളാണ് കാർത്തുമ്പി ബ്രാൻഡിലൂടെ നിർമ്മിക്കപ്പെടുന്നത്.

ഇപ്പോൾ വിതരണം ചെയ്യുന്ന പ്രീ സെയ്ൽ കൂപ്പണുകൾ അനുസരിച്ചു കുടകൾ മെയ് അവസാന വാരത്തോടെ ടെക്കികളുടെ പക്കൽ എത്തിച്ചു കൊടുക്കും. 350 രൂപയാണ് ഒരു കുടയുടെ വില. ഓരോ ആദിവാസി അമ്മമാരുടെ കയ്യിലും എത്തുന്ന വേതനവും മുഖത്തു വിരിയുന്ന ആനന്ദവും തന്നെയാണ് ഇതിലൂടെ ലഭിക്കുന്ന ഏക പ്രതിഫലം. ഇതിനോടകം തന്നെ മികച്ച പ്രതികരണമാണ് ടെക്കികളുടെ ഇടയിൽ നിന്നും ലഭിച്ചുകൊണ്ടിരിക്കുന്നത്. തിരുവനന്തപുരം, കൊരട്ടി, കോഴിക്കോട് തുടങ്ങിയ മറ്റു ഐ ടി പാർക്കുകളിലെ പ്രോഗ്രസ്സീവ് ടെക്കീസിന്റെ പ്രവർത്തകരും ഈ സംരംഭത്തിന് പ്രചോദനമായി കൂടെയുണ്ട്.

താഴെ പറയുന്ന രീതികൾ ഉപയോഗിച്ച് നിങ്ങൾക്ക് കുട ബുക്ക് ചെയ്യാം

പ്രോഗ്രസീവ് ടെക്കീസിന്റെ ഫേസ്‌ബുക് പേജ് വഴി ബുക്ക് ചെയ്യാം. താഴെ കൊടുക്കുന്ന ഗൂഗിൾ ഫോം വഴി ബുക്ക് ചെയ്യാം

https://docs.google.com/forms/d/1f_wHw8XG5PBiHSie3U1THdmq_HLlRcmN7bEWF7LJ-60/viewform?ts=590ac0a0&edit_requested=true.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: