ഓംപുരിയുടേതുകൊലപാതകമാണോ? കൊല ഒരുക്കിയത് മോദിയും ദോവലും ചേർന്നോ? പാക്കിസ്ഥാൻ ചാനലിലെ അ...

ഓംപുരിയുടേതുകൊലപാതകമാണോ? കൊല ഒരുക്കിയത് മോദിയും ദോവലും ചേർന്നോ? പാക്കിസ്ഥാൻ ചാനലിലെ അന്വേഷണ പരമ്പര പറയുന്നത് ഇങ്ങനെയാണ്

January 09, 201709:35 AM IST Permalink

ചില അന്വേഷണാത്മക പത്രപ്രവർത്തനം കാണുമ്പോൾ ചിരിവരും. വിഖ്യാത നടൻ ഓംപുരിയുടെ മരണത്തെച്ചൊല്ലി പാക്കിസ്ഥാനിലെ ബോൽ ടിവിയിൽ നടക്കുന്ന അന്വേഷണ പരമ്പര അത്തരത്തിലുള്ളതാണ്. പ്രധാനമന്ത്രി നരേന്ദ്ര മോദിയും സുരക്ഷാ ഉപദേഷ്ടാത് അജിത് ദോവലും ചേർന്ന് ഗൂഢാലോചന നടത്തി ഓംപുരിയെ ക്രൂരമായി കൊലപ്പെടുത്തുകയായിരുന്നുവെന്നാണ് പാക് ചാനലിന്റെ കണ്ടെത്തൽ.

ഓംപുരിയ കൊലപ്പെടുത്താൻ മോദിയും ദോവലും ഗൂഢാലോചന നടത്താനുണ്ടായ സാഹചര്യവും പാക് ടിവി വിശദീകരിക്കുന്നു. ഉറിയിലെ സൈനിക ക്യാമ്പിനുനേർക്ക് പാക് ഭീകരർ നടത്തിയ ആക്രമണത്തിനുശേഷവും പാക്കിസ്ഥാനിലെ കലാകാരന്മാരെ പിന്തുണച്ച് ഓംപുരി സംസാരിച്ചതിലുള്ള വിരോധമാണ് ഇരുവരെയും കൊലപാതകം ആസൂത്രണം ചെയ്യാൻ പ്രേരിപ്പിച്ചതെന്നാണ് കണ്ടെത്തൽ.

കേട്ടാൽ ചിരിച്ചുമരിക്കുന്ന തമാശകൾ വേറെയുമുണ്ട്. അടുത്തിടെ ഓംപുരിയെ ദോവൽ തന്റെ വീട്ടിലേക്ക് വിളിച്ചുവരുത്തിയെന്നാണ് മറ്റൊരു കണ്ടെത്തൽ. അവിടെവച്ച് ഓംപുരി ക്രൂരമായ മർദനത്തിന് ഇരയായി. വിവസ്ത്രനാക്കപ്പെട്ടു. ഉറിയിൽ വീരമൃത്യുവരിച്ച നിതിൻ യാദവിന്റെ ഗ്രാമത്തിലേക്ക് പോയി അദ്ദേഹത്തെക്കുറിച്ച് ഓംപുരി നടത്തിയ അപകീർത്തികരങ്ങളായ വാക്കുകൾക്ക് മാപ്പുചോദിക്കാനും ദോവൽ ഉത്തരവിട്ടെന്നും ചാനൽ കണ്ടെതത്തുന്നു.

ഓംപുരിയുടെ മരണത്തിന്റെ രഹസ്യങ്ങൾ വെളിപ്പെടുത്തിയ പോസ്റ്റുമോർ്ട്ടം റിപ്പോർട്ടും ചാനൽ പുറതത്തുവിടുന്നുണ്ട്. നിർബന്ധിച്ച് മദ്യം നൽകി മയക്കിയശേഷം തലയിണ ഉപയോഗിച്ച് ശ്വാസം മുട്ടിച്ച് കൊലപ്പെടുത്തുകയായിരുന്നത്രെ. ഓംപുരിയുടെ ശരീരത്തിൽ കൊലയാളിയുടെ പാടുകളുണ്ടായിരുന്നതായും ചാനൽ കണ്ടെത്തി. ദോവൽ ഏർപ്പെടുത്തിയ വാടകക്കൊലയാളിയാണ് കൃത്യം നടത്തിയത്. മോദിയുടെ നിർദ്ദേശമാണ് നടപ്പിലാക്കിയത്. അതിനുള്ള വിചിത്രമായൊരു ന്യായവും ബോൽ ടിവി മുന്നോട്ടുവെക്കുന്നു. ഓംപുരി ദേശസുരക്ഷയുടെ ഏറ്റവും വലിയ വെല്ലുവിളിയായിരുന്നുപോലും. ഓംപുരിയുടെ വിയോഗത്തിൽ സങ്കടമുണ്ടെങ്കിലും ഇതൊക്കെ കേട്ടാൽ ചിരിവരാതിരിക്കുന്നതെങ്ങനെ?

മോദിയുടെയും ദോവലിന്റെയും അടുത്ത ലക്ഷ്യങ്ങൾ ഫവദ് ഖാനും സൽമാൻ ഖാനുമാണെന്നും ബോൽ ടിവി വെളിപ്പെടുത്തുന്നു. ദോവലും കൂട്ടരും അടുത്തതായി സർജിക്കൽ സ്‌ട്രൈക്ക് നടത്തുക ഫവദ് ഖാന്റെ വീട്ടിലായിരിക്കും. അടുത്ത് സൽമാൻ ഖാന്റെയും. രണ്ടുപേരും സൂക്ഷിച്ചിരുന്നാൽ നന്ന്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

MNM Recommends +