1 usd = 64.95 inr 1 gbp = 90.70 inr 1 eur = 80.12 inr 1 aed = 17.69 inr 1 sar = 17.32 inr 1 kwd = 216.66 inr

Feb / 2018
23
Friday

സീരിയൽ കണ്ട് ഒരു അമ്മായിയമ്മക്കും മരുമക്കൾ വിഷം കൊടുത്തിട്ടില്ലെന്ന് ദീപ്തി ഐപിഎസ്; ഫെയ്സ് ബുക്കിൽ പൊങ്കാലയിടുന്നത് സീരിയലിൽ നിന്ന് സിനിമയിലെത്തിയവരെന്ന് കറുത്തമുത്തിലെ ബാലചന്ദ്രൻ; ചുംബനരംഗം കാണിക്കാത്ത സീരിയലുകൾക്ക് എന്തിന് കത്രികയെന്ന് പരസ്പരത്തിലെ സൂരജ്; നിലവാരം കൂടുമെന്ന് പ്രണയത്തിലെ ലക്ഷ്മി: സീരിയൽ സെൻസറിംഗിനോട് മിനിസ്‌ക്രീൻ താരങ്ങളുടെ പ്രതികരണം ഇങ്ങനെ

June 27, 2016 | 05:58 PM | Permalink



രാകേഷ് കല്ലേലി

കൊച്ചി: ദൂരദർശൻ മാത്രം അടക്കിവാണ ടെലിവിഷൻ മേഖലയിൽ നിന്നാണ് സീരിയലെന്ന പദം മലയാളി ആദ്യം കേൾക്കുന്നത് പതിനഞ്ചും പതിനാറും എപ്പിസോഡുകളിൽ പൂർണമാകുന്ന സീരിയലുകൾ പിന്നീട് മലയാളം സ്വകാര്യ വിനോദ ചാനലുകൾ കൈയടക്കി ഏറ്റെടുത്തപ്പോൾ അത് മൂന്നക്കത്തിൽ കുറയാത്ത എപ്പിസോഡുകളുള്ള പരമ്പരകളായി. ശ്യാമപ്രസാദും പിന്നീട് കെകെ രാജീവും, രാജീവ് ദേവരാജും കെ കെ നസീറുമൊക്കെ സംവിധാനം ചെയ്തു അരങ്ങു വാണ മെഗാ സീരിയലുകൾ മലയാളിയുടെ അലങ്കാര മുറികൾകളുടെ സായാഹ്ന വിനോദമായി. സീരിയലുകളാണ് സിനിമക്ക് തീയറ്ററുകളിൽ ആളെ കുറക്കുന്നതെന്നു പരാതികൾ വന്നു. സ്ത്രീ പ്രേക്ഷകർ സീരിയലുകൾക്കൊപ്പമാണ് എന്നുള്ള രീതിയും കേരളത്തിൽ മാത്രമല്ല സൗത്ത് ഇന്ത്യയിലെ പല സ്ഥലങ്ങളിലും ഇതാണ് സ്ഥതി എന്ന് വാർത്തകൾ വന്നു.

പിന്നീട് സോഷ്യൽ മീഡിയകൾ സജീവമായതോടെ സീരിയലുകൾക്കും, അതിന്റെ മുന്നിലും അണിയറയിലും പ്രവർത്തിക്കുന്നവർക്ക് പാരയായി. സീരിയലുകൾ പറയുന്നത് യഥാർത്ഥ ജീവിതവുമായി ബന്ധമുള്ള കാര്യങ്ങൾ അല്ല എന്നും എല്ല സീരിയലുകളും അമ്മായി അമ്മ -മരുമകൾ പോരാണ് ചർച്ച ചെയ്യുന്നതെന്നും ഒപ്പം കുട്ടികളെ മറ്റും വഴിതെറ്റിക്കുന്ന കാര്യങ്ങളും, നിലവര കുറവുമാണ് ഇറങ്ങുന്ന ഒട്ടുമിക്ക സീരിയലുകളും എന്നും പരാതികൾ വ്യാപകമായി. തിരുവനന്തപുരത്തു ഒരു സ്ഥലത്ത് ജീവിക്കുന്ന മുഴുവൻ കുടുംബങ്ങളും സീരിയലുകൾ കാണുന്നത് പൂർണമായും നിർത്തി ടിവി ഓഫ് ചെയ്തു.

ആ സമയം വായനയുടെ ലോകത്തേക്ക് പോയി എന്ന വാർത്തയും മലയാളി കണ്ടു. സീരിയലുകൾ നിരോധിക്കണം എന്നുവരെ പല ഉന്നതരും പരസ്യമായി വിളിച്ചു പറയുമ്പോഴും ചാനൽ പണസഞ്ചികൾ നിറച്ചു സീരിയലുകൾ മുന്നോട്ടുപോകുമ്പോഴാണ് സിനിമകളെ പോലെ സീരിയലുകൾക്കും സെൻസർ ഷിപ്പ് വേണമെന്നുള്ള അഭിപ്രായങ്ങൾ ഉയർന്നത് ഇത് വേണം വേണ്ട എന്നുള്ള അഭിപ്രായങ്ങൾ സൈബർ ലോകത്തും പൊതു ഇടങ്ങളിലും ചർച്ചയായി. ഇതിനിടെ സെൻസറിങിനുള്ള സാധ്യതകൾ തേടി സംസ്ഥാന സർക്കാർ കേന്ദ്രത്തിന് കത്തെഴുതി. ഇതോടെ സീരിയൽ രംഗത്ത് സമ്മിശ്ര പ്രതികരണമാണ് ഉണ്ടായത്. ചിലർ സെൻസറിംഗിനെ അനുകൂലിച്ചപ്പോൾ മറ്റു ചിലർ എതിർത്തുകൊണ്ടാണ് സംസാരിച്ചത്. സെൻസറിങ് നടപടിയുമായി സർക്കാർ മുന്നോട്ടു പോകുമ്പോൾ സീരിയൽ രംഗത്തെ പ്രമുഖർക്ക് പറയാനുള്ളത് എന്താണ്. സീരിയൽ രംഗത്തെ പ്രമുഖ നടിമാരും സംവിധായകരും മറുനാടൻ മലയാളിയോട് പ്രതികരിച്ചു. അവരുടെ പ്രതികരണങ്ങൾ ഇങ്ങനെ:

സീരിയൽ കണ്ടതു കൊണ്ട് അമ്മായി അമ്മക്ക് ആർക്കും വിഷം കൊടുത്തിട്ടില്ല: ഗായത്രി (നായിക പരസ്പ്പരം, ഏഷ്യാനെറ്റ്)

സീരിയലിന് സെൻസർഷിപ്പ് എന്നത് ഒരു പരിധി വരേ നല്ലതാണ്. എന്നാൽ സീരിയലുകളാണ് സമൂഹത്തിലെ എല്ലാ വിപത്തുകൾക്കും കാരണമെന്നുള്ള ആരോപങ്ങളോട് യോജിക്കുന്നില്ല. എന്നാണ് ഗായത്രി പറയുന്നത്. ഒരുപാട് സിനിമകൾ സെൻസർഷിപ്പ് കഴിഞ്ഞു ഇറങ്ങുന്നത് ആണെങ്കിലും യുവാക്കളെ വഴിതെറ്റിക്കുന്ന സിനിമകളും ഇറങ്ങുന്നുണ്ട്. ഒരു സീരിയലിന്റെ ഒരു എപ്പിസോഡ് ചിത്രീകരിക്കാൻ പകുതി ദിവസം എങ്കിലും കുറഞ്ഞത് വേണ്ടി വരും. അതിനാൽ അതിന്റെ കുറവുകൾ സീരിയലുകളിൽ ഉണ്ടാകുന്നുണ്ട്. ഒപ്പം സാധാരണ സീരിയലുകൾക്ക് ആവശ്യമായ മസാലകൾ ചേർക്കുമ്പോൾ ആണ് സീരിയലിലെ എല്ലാവരും കളിയാക്കുന്ന പോലെയുള്ള അമ്മായിയമ്മ-മരുമകൾ പോരെല്ലാം വരുന്നത് എന്നും ഗായത്രി പറയുന്നു. എന്നാൽ ഒരു സീരിയൽ കണ്ടതു കൊണ്ട് അമ്മായി അമ്മക്ക് വിഷം കൊടുത്തെന്നോ ഇവർ തമ്മിൽ കത്തികുത്തു നടന്നെന്നോ ഒരു വാർത്ത പോലും വന്നിട്ടില്ല. അതിനു കാരണം എല്ലാം നല്ല രീതിയിൽ എടുക്കുന്ന പ്രേക്ഷകരാണ് മലയാളി എന്നുമാണ് ഗായത്രിയുടെ വാദം.

സീരിയലിലെ തന്റെ കഥാപാത്രമായ ദീപ്തി ഐപിഎസിന് പ്രേക്ഷകരിൽ നിന്ന് തനിക്കു കിട്ടുന്നത്. പരസ്പരത്തിലെ കഥാപാത്രത്തെ പോലെ നന്നായി പഠിക്കുന്ന പെൺകുട്ടിയെ പഠിക്കാൻ വിട്ടതു വരെ ഉണ്ടായി എന്ന് പറയുന്നു ഗായത്രി. സീരിയലിലെ ഓരോ എപ്പിസോഡും കണ്ടു സെൻസർ ചെയ്യാൻ എങ്ങനെ സാധിക്കും? സീരിയലുകളിൽ കേൾക്കുന്ന ചില വാക്കുകൾ കുട്ടികൾ അടക്കം ഏറ്റെടുക്കുന്നു എന്നുള്ളത് വസ്തുതയാണ്. ഇത് പരിഹരിക്കാൻ സ്‌ക്രിപ്റ്റിൽ തന്നെ തിരുത്തലുകൾ വരുതിയോ അല്ലെങ്കിൽ ഇപ്പോൾ പറയുന്നത് പോലെ സെൻസർ വന്നാലോ ചിലപ്പോൾ സാധ്യമായേക്കാം എന്നും ഗായത്രി മറുനാടനോട് പ്രതികരിച്ചു.

എന്നാൽ പരസ്പ്പരം എന്നാ സീരിയലിൽ ഷൂട്ട് ചെയ്ത ഒരു തീവ്രവാദി ആക്രമണം സിനിമയിലെ താനെ സ്റ്റഡ് മാസ്റ്റേഴ്‌സ് അടക്കമുള്ളവരെ കൊണ്ടുവന്നാണ് ചെയ്തത്. എന്നാൽ ചാനൽ തന്നെ ഇടപെട്ടു ഇതിൽ പലതും ടെലികാസ്റ്റ് ചെയ്യാൻ പറ്റില്ല എന്ന് പറഞ്ഞു. എഡിറ്റ് ചെയ്താണ് പിന്നീട് ചില രംഗങ്ങൾ പുറത്തുവിട്ടത്. ഇത്തരത്തിലുള്ള കാര്യങ്ങൾ ചാനലുകൾ തന്നെ ശ്രദ്ധിക്കുന്നുണ്ട് എന്നാണ് അതിൽ നിന്ന് തനിക്കു മനസിലായതെന്നും അതിനപ്പുറം എന്താണ് സെൻസറിംഗിലൂടെ ഉദേശിക്കുന്നതെന്ന് അറിയില്ലെന്നും ദീപ്തി ഐപിഎസിനെ മിനി സ്‌ക്രീനിൽ അവതരിപ്പിക്കുന്ന ഗായത്രി വ്യക്തമാക്കി.

ചാനലുകളിൽ സെൽഫ് സെൻസറിങ് ഉണ്ട്, വേറൊരു സംവിധാനം ആവശ്യമില്ല: കിഷോർ സത്യ (നായകൻ കറുത്തമുത്ത് ഏഷ്യാനെറ്റ്)

ഒന്നുരണ്ടു കാര്യങ്ങളിൽ പറഞ്ഞു ഒതുക്കാൻ കഴിയുന്ന കാര്യങ്ങൾ അല്ല സീരിയലിൽ സെൻസർഷിപ്പ് എന്നാണ് പ്രശസ്ത ടെലിവിഷൻ അവതാരകനും സീരിയൽ നടനുമായ കിഷോർ സത്യ പറയുന്നത്. ഏഷ്യാനെറ്റിലെ കറുത്ത മുത്ത് സീരിയലിലെ ഡോ. ബാലചന്ദ്രൻ എന്ന വേഷമാണ് കിഷോർ സത്യ അവതരിപ്പിക്കുന്നത്. ഇന്ത്യൻ സിനിമയിൽ വരെ സെൻസർ എന്ന സമ്പ്രദായം വേണോ വേണ്ടയോ എന്നുള്ള ചർച്ച സജീവമായിയുള്ള സാഹചര്യത്തിൽ ടെലിവിഷൻ സീരിയലുകൾക്ക് സെൻസർ വേണം എന്നുള്ള അഭിപ്രായത്തിൽ യോജിപ്പില്ല എന്നാണ് കിഷോർ സത്യ പറയുന്നത്. അതിനു ചില ഉദാഹരങ്ങൾ കിഷോർ തന്നെ വ്യക്തമാക്കുന്നു അത് പ്രയോഗികമാക്കില്ല എന്നതാണ്.

പല പ്രമുഖ ചാനലുകൾ ഒരു സെൽഫ് സെൻസർ നടത്തിയാണ് സീരിയലുകൾ ടെലികാസ്റ്റ് ചെയ്യുന്നത്. കറുത്ത മുത്ത് എന്ന ഞാൻ അഭിനയിക്കുന്ന സീരിയലിലെ നായിക കറുത്ത പെൺകുട്ടിയാണ്. നായികയുടെ കറുപ്പിനെ വിമർശിക്കുന്ന പാദങ്ങൾ ചാനലുകൾ ചെയ്യാൻ പാടില്ല എന്ന് പറഞ്ഞിട്ടുണ്ട്. ഇതേ സീരിയലിൽ തന്നെ കറമ്പി എന്ന് വിളിക്കുന്ന രംഗം വരെ ചാനൽ സെൻസർ കമ്മറ്റി പറഞ്ഞു ബീപ് സൗണ്ട് ഇട്ടു മറച്ചു സംപ്രേഷണം ചെയ്താൽ മതിയെന്ന്. ഇങ്ങനെയുള്ള ചരിത്രം സീരിയലുകൾക്ക് ഉണ്ട്. കൃത്യമായ വസ്ത്രം ധരിച്ചുകൊണ്ടാണ് സീരിയലുകൾ എത്തുന്നത്. ഒരു കുടുംബത്തിന് ഒരുമിച്ചിരുന്നു കാണാവുന്ന സീനുകൾ ആണ് സീരിയലുകളിൽ ഉള്ളത് എന്നും കിഷോർ പറയുന്നു.

പല ചാനലുകളും സെൽഫ് സെൻസർ നടത്തുന്നു എന്നാൽ കണ്ടന്റ് അഥവാ കഥാപാരമായ കാര്യങ്ങൾ ആണ്. സെൻസർ എന്നതുകൊണ്ട് ഉദ്ദേശിക്കുന്നത് എങ്കിൽ അതിന്റെ ആത്യന്തികമായ ഉത്തരവാദിത്വം കാണുന്ന പ്രേക്ഷകൻ ആണ്എന്നാണ കിഷോർ സത്യയുടെ അഭിപ്രായം. അമ്മായി അമ്മ പോര് കാണുന്നത് മോശം ആണെങ്കിൽ വേണ്ടത് കാണുന്ന പ്രേക്ഷകരുടെ സെൽഫ് സെൻസറിഗ് ആണ് എന്നും കിഷോർ മറുനാടൻ മലയാളിയോട് പ്രതികരിച്ചു.

ടെലിവിഷൻ എന്ന് കേൾക്കുമ്പോൾ നെഞ്ചിൽ കയറി പൊങ്കാല ഇടുന്ന സ്വഭാവം സോഷ്യൽ മീഡിയക്കും ഉണ്ട്. സോഷ്യൽ മീഡിയയിൽ കുറ്റപെടുത്തുന്ന പലരും സീരിയലുകളിലെ എല്ല കഥപാത്രങ്ങളുടെയും സീരിയലിന്റെയും പേര് അറിയാം. അത് ഇവർ ഡെയ്‌ലി കാണുന്നു എന്ന് സമ്മതിക്കാതെ അടുക്കയിൽ നിന്ന് കേട്ടതാണ് എന്ന് പറയും. ഇത് കണ്ടു ഇതിനെ വിമർശിക്കുന്ന ചില ബുദ്ധിജീവികൾ എന്നവകാശപ്പെടുന്നവരാണെന്നും കിഷോർ സത്യ പറയുന്നു. ഒപ്പം തന്നോടൊപ്പം സീരിയലിൽ അഭിനയിച്ചു സിനിമയിൽ എത്തി സീരിയലിനെ പറ്റിയും ടെലിവിഷനേ പറ്റിയും ചാനൽ ചർച്ചകളിൽ ചീത്ത വിളിക്കുന്ന നടിമാർ ഉണ്ടെന്നും അവരുടെ പേര് പറയാൻ താല്പര്യമില്ല എന്നും കിഷോർ സത്യ പ്രതികരിച്ചു. ഇത്തരം കള്ളത്തരം മാറണം പ്രേക്ഷകന്റെയും ഹിപ്പോക്രസി മാറണം. മോശമാണ് എന്ന് പറഞ്ഞു സീരിയലുകൾ കാണാതെ കാണുന്നവർ മാറാതെ നല്ല സീരിയലുകൾ ഉണ്ടാവില്ലെന്നും പറയുന്ന കിഷോർ പല ചാനലുകളിലും നല്ല ക്വാളിറ്റി സീരിയലുകൾ റേറ്റിഗിൽ താഴെ ആണെന്നും പറഞ്ഞു.

സീരിയലിനുള്ള ചീത്തപ്പേര് മാറ്റാൻ സഹായിച്ചേക്കും: നവീൻ അറക്കൽ (പ്രണയം വില്ലൻ ഏഷ്യാനെറ്റ്)

സീരിയലുകൾ പിള്ളേരെ വച്ച് ടോർച്ചർ ചെയ്യുന്നതും, അമ്മായിയമ്മ ഗ്യാസ് ഓണാക്കിവെക്കൽ തുടങ്ങിയ സീരിയൽ ടോർച്ചർ സംവിധാനങ്ങൾ മാറാൻ ചിലപ്പോൾ സെൻസർ സഹായിക്കും എന്നാണ് ഏഷ്യാനെറ്റ് സംപ്രേഷണം ചെയ്യുന്ന പ്രണയമെന്ന സീരിയലിലേ വില്ലനും ഏഷ്യാനെറ്റ് ടെലിവിഷൻ അവാർഡിലെ ഈ വർഷത്തെ മികച്ച വില്ലൻ ആയി തിരഞ്ഞെടുക്കപ്പെട്ട നവീൻ അറക്കൽ പറയുന്നത്. സിനിമ ആയാലും സീരിയൽ ആയാലും നല്ലൊരു മെസ്സേജ് പാസ് ചെയ്യാൻ സഹായിക്കണം എന്നാണ് നവീന്റെ അഭിപ്രായം.

ഒപ്പം സീരിയലുകൾ കേൾക്കുന്ന ചീത്ത പേരുകൾ മാറാൻ ചിലപ്പോൾ ഇത് സഹായമാകും എന്ന് പറയുന്ന നവീൻ സെൻസർ പ്രയോഗികമാക്കാൻ സീരിയൽ പ്രവർത്തകരും സഹകരിച്ചു സ്‌ക്രിപ്റ്റ് ഉൾപ്പെടെയുള്ള കാര്യങ്ങൾ ചെയ്താൽ നല്ല കലാമൂല്യമുള്ള സീരിയലുകൾ ഉണ്ടാകും എന്നും നവീൻ വ്യക്തമാക്കി. സിനിമയിലും സീരിയലുകളിലും ശ്രദ്ധ കേന്ദ്രീകരിക്കുന്ന നവീൻ കലാ മൂല്യമുള്ള കലകൾ മലയാളത്തിൽ വരണം എന്നാണ് ആഗ്രഹമെന്നും പറഞ്ഞു.

വലിച്ചുനീട്ടൽ ഒഴിവാക്കാൻ സെൻസർഷിപ്പ് വരണം: ആര്യ (സീരിയൽ നടി, ബഡായി ബംഗ്ലാവ്)

സീരിയലുകൾ കാണുന്ന ആളുകളുടെ വ്യക്തി ജീവിതത്തിൽ ബാധിക്കുന്നു എന്നുള്ള കാരണം കൊണ്ടാണ് സീരിയലുകൾക്ക് സെൻസർ വേണം എന്നാണ് എങ്കിൽ അതിനോട് ബഡായി ബംഗ്ലാവിലെ രമേഷ് പിഷാരടിയുടെ ഭാര്യക്ക് യോജിപ്പില്ല.

പേർസണൽ ലൈഫിൽ ഏതു ചെയ്യണം എന്നുള്ളതു സീരിയൽ നോക്കിയിട്ടില്ല പ്രവർത്തിക്കേണ്ടത് ഉള്ളതാണ് ആര്യ ഇതിനു കണ്ടെത്തുന്ന കാരണം. പക്ഷെ ചില സീരിയലുകൾ വലിച്ചു നീട്ടി കാണിക്കുന്ന കാര്യങ്ങൾ പ്രാക്റ്റിക്കൽ ലൈഫിൽ ഒട്ടും നടക്കില്ല. അതിലെ സംഭവങ്ങൾ ബോറടി ആവുമ്പോഴും സെൻസർ എന്നാ സംഭവത്തിൽ നൂറു ശതമാനം യോജിക്കുന്നു എന്നുമാണ് ആര്യ വ്യക്തമാക്കുന്നത്. താൻ അഭിനയിച്ച ചില സീരിയൽ കാണുമ്പോൾ തന്നെ തനിക്കു അത് പലപ്പോഴും ഇത് തോന്നിയിട്ടുണ്ട്. എന്തിനാണ് ഇങ്ങനെ ചെയ്യുന്നതെന്ന് പലപ്പോഴും തനിക്കു തന്നെ സംശയം വന്നിട്ടുള്ളതിനാൽ അതാണ് സെൻസർഷിപ്പ് വരാൻ കാരണം എങ്കിൽ താൻ അതിനു യോജിക്കുന്നു എന്നും ആര്യ മറുനാടൻ മലയാളിയോട് വ്യക്തമാക്കി.

സീരിയലുകൾക്കുള്ള ചീത്തപ്പേര് മാറ്റാൻ സഹായകമായാൽ നല്ലത്: ഡിനി ഡാനിയൽ(ചന്ദനമഴയിലെ ദീദി)

സീരിയൽ എന്ന് കേൾക്കുമ്പോൾ ചിലർ പറയുന്ന ചില കുറ്റങ്ങൾ പരിഹരിക്കാനും നല്ല സീരിയലാകുമ്പോൾ വരാനും സെൻസർ സഹായിക്കുകയാണ് എങ്കിൽ സെൻസർഷിപ്പ് സീരിയലുകളിൽ വരുന്നതിനെ യോജിക്കുന്നു എന്നാണ് ഏഷ്യാനെറ്റിലെ ചന്ദനമഴയിലെ ദീദി എന്നാ കഥാപാത്രത്തെ അവതരിപ്പിക്കുന്ന ഡിനി ഡാനിയൽ പറയുന്നത്. സീരിയൽ എന്ന് കേൾക്കുമ്പോൾ പൊതുവേ പറുന്നത് അമ്മായിയമ്മ മരുമകൾ പോരും, കുട്ടികൾ സീരിയൽ കണ്ടുവഴി തെറ്റുന്നു എന്നുള്ള ആരോപണവും പരിഹരിക്കാൻ സെൻസർ വന്നാൽ സഹായകം ആകുമെങ്കിൽ അതിനെ അനുകൂലിക്കുന്നു എന്നും ഡിനി വ്യക്തമാക്കി.

വിവേക് ഗോപൻ (നായകൻ പരസ്പ്പരം ഏഷ്യാനെറ്റ്)

സെൻസർ ചെയ്യാനുള്ള കാര്യങ്ങൾ സീരിയലുകളിൽ ഉണ്ടെന്നു തനിക്കു തോന്നിട്ടില്ലെന്നാണ് പരസ്പ്പരം നായകൻ വിവേക് ഗോപൻ അഭിപ്രായപ്പെടുന്നത്. വീട്ടിലെ കുടുംബിനികളെ ഉദ്ദേശിച്ചു ചെയ്യുന്ന സീരിയലുകൾ അത്രയ്ക്ക് ശ്രദ്ധിച്ചാണ് ചെയ്യുന്നത്. അതുകൊണ്ടു സിനിമയെ പോലെ ടെലിവിഷൻ സീരിയലുകൾക്ക് സെൻസർ ആവശ്യമില്ലെന്നാണ് ഏഷ്യാനെറ്റിലെ ജനപ്രിയ സീരിയലുകളിൽ ഒന്നായ പരസ്പരത്തിലെ ദീപ്തിയുടെ ഭർത്താവായ സൂരാജ് ആയി വേഷമിടുന്ന വിവേക് ഗോപന്റെ അഭിപ്രായം.

ചുണ്ടും ചുണ്ടും ഒരുമിക്കുന്ന കിസ്സ് പോലും സെൻസർ കഴിഞ്ഞു ഇറങ്ങുന്ന സിനിമകളിൽ കാണിക്കുന്നു എന്നാൽ ഇതൊന്നും സീരിയലിൽ കാണിക്കുന്നില്ല അമ്മായി അമ്മ പോരുപോലെയുള്ള കാര്യങ്ങൾ സെൻസർ ചെയ്യാൻ ഉള്ള കാരണമായി തനിക്കു ഇതുവരെ തോന്നിട്ടില്ല. സിനിമയിൽ ഏതു കാണിച്ചാലും അത് സിനിമയല്ലേ എന്ന് പറയുമ്പോൾ സീരിയലിൽ കാണിക്കുന്ന കാര്യങ്ങൾ സീരിയൽ അല്ലെ എന്ന് പറയാൻ പലരും മുതിരുന്നില്ല. ഇതെല്ലം ഒരു കലയാണ് എന്ന് മനസിലാകുകയാണ് വേണ്ടതെന്നാണ് വിവേക് മറുനാടൻ മലയാളിയോട് വ്യക്തമാക്കിയത്.

നിലവാരമുയർത്താൻ സഹായിക്കും: വരദ (നായികാ പ്രണയം ഏഷ്യാനെറ്റ്)

സീരിയലുകൾക്കു സെൻസർ ഷിപ്പ് എന്നത് ഒരു പരിധിവരെ നല്ലതാണെന്നാണ് ഏഷ്യാനെറ്റിലെ പ്രണയത്തിലെ നായികയായ വരദയുടെ അഭിപ്രപായം. റേറ്റിങ് കൂട്ടാനായി എന്തും കാണിച്ചു കൂട്ടുന്ന അവസ്ഥയിൽ നിന്നും ചിലപ്പോൾ സീരിയലുകളുടെ നിലവാരം ഉയരാൻ ചിപ്പോൾ ഇതുകൊണ്ടു സാധിച്ചേക്കുമെന്നാണ് വരദ പറയുന്നത്. ലോകത്തു ഒരിക്കലും നടക്കാത്തത് എന്ന് പലരും സീരിയലിൽ കണ്ടെത്തുന്ന ക്ലീഷേകൾ മാറ്റാൻ ഒരു പരിധി വരെ ഇത് സഹായിക്കുംമെന്നും വരദ മറുനാടനോട് പറഞ്ഞു.

നടപ്പിലാക്കാൻ സാധിക്കാത്ത കാര്യം: പ്രദീപ് വള്ളിക്കാവ് സീരിയൽ സംവിധായകൻ

സീരിയലിന് സെൻസർ വന്നാൽ അത് പ്രായോഗികമാവുമോ എന്നാ സംശയമാണ് സീരിയൽ സംവിധായകൻ ആയിരുന്ന ഇപ്പോൾ സിനിമയിലേക്ക് കാലുറപ്പിക്കാൻ ശ്രമിക്കുന്ന പ്രദീപ് വള്ളികാവിനുള്ളത്. ഒരു മാസത്തെ സീരിയൽ എപ്പിസോഡുകൾ ഷൂട്ട് ചെയ്യാൻ 15 ദിവസവും എഡിറ്റ്, ഡബ്ബിങ് തുടങ്ങിയ വർക്കുകൾക്ക് ബാക്കി ദിവസവും വേണ്ടി വരുന്ന സാഹചര്യം നിലനിൽക്കുമ്പോൾ സീരിയലുകൾ സെൻസർ ചെയ്യാൻ സമയം ഉണ്ടാവുന്ന എന്നതാണ് പ്രദീപ് ചോദിക്കുന്നത്. 40 സീരിയലുകൾ ഇങ്ങനെ എപ്പിസോഡുകൾ കണ്ടു സെൻസർ ചെയ്യാൻ സാധിക്കും എന്ന കാര്യത്തിലും സംശയമാണെന്നും അദ്ദേഹം പറയുന്നു. സീരിയൽ സെൻസറിങ് ഒരു മണ്ടത്തരമാണെന്നും പ്രദീപ് വള്ളിക്കാവ് പറയുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ബൈബിളിനകത്തു കണ്ട 'രാഖി' സത്യം പറഞ്ഞു; സ്വകാര്യ സ്‌കൂൾ അദ്ധ്യാപികയെ ആസിഡൊഴിച്ച് ആക്രമിച്ചത് പ്രണയം മൂത്ത്; വിരൂപിയായാൽ അന്യമതക്കാരിയെ തനിക്ക് തന്നെ സ്വന്തമാക്കാമെന്ന് മർച്ചന്റ് നേവിക്കാരൻ സ്വപ്നം കണ്ടു; കപ്പലിൽ ഉപയോഗിക്കുന്ന ആസിഡുമായി സൗദിയിൽ നിന്നെത്തിയത് കല്ല്യാണം മുടക്കാൻ; കുറ്റിച്ചലിലെ ആസിഡ് ആക്രമണത്തിൽ പരുത്തിപ്പള്ളിക്കാരൻ സുബീഷ് വേണുഗോപാൽ അറസ്റ്റിൽ; പ്രതിയിലേക്ക് പൊലീസെത്തിയത് സമർത്ഥമായ നീക്കങ്ങളിലൂടെ
ആദ്യാക്ഷരം പകർന്ന ഗുരുനാഥയെ ഇല്ലാതാക്കിയ പ്രിയപ്പെട്ട ശിഷ്യന്മാർ പ്രതികളെ പിടികൂടാനും മുന്നിൽ നിന്നു! സ്വർണം വിറ്റ പണം വീട്ടിൽ സൂക്ഷിച്ചത് അച്ഛൻ കണ്ടത് നിർണ്ണായകമായി; ഇത്രയം പണം മകന് എങ്ങനെ ലഭിച്ചെന്ന പിതാവിന്റെ നീതി ബോധം പൊലീസിന് തുമ്പായി; ചീമേനിയിലെ ജാനകി ടീച്ചറെ വകവരുത്തിയത് അരുണിന്റെ മനസ്സിൽ രൂപംകൊണ്ട കവർച്ചയും; കൊലപാതകത്തിലേക്ക് നയിച്ചത് 'നിങ്ങളും ഈ കൂട്ടത്തിലുണ്ടോ? മക്കളെ' എന്ന ടീച്ചറുടെ ചോദ്യം
'കടലിൽ കുളിച്ച്' വൃത്തിയായി ബിനീഷ് കോടിയേരി തൃശ്ശൂർ സമ്മേളന വേദിയിൽ; ചാനൽ ക്യാമറകളെ കണ്ട് പരുങ്ങിയെങ്കിലും മുഷ്ടി ചുരുട്ടി അഭിവാദ്യം അർപ്പിച്ച് ഇന്നസെന്റിനൊപ്പം ഹാളിലെത്തി; പച്ച ഷർട്ടും ചുവപ്പ് മുണ്ടും ധരിച്ച് ഫ്രീക്കൻ ഹെയർ സ്റ്റൈലിൽ ചുറ്റി നടന്നു; യെച്ചൂരി പ്രസംഗിക്കുമ്പോൾ ക്യാമറകൾക്ക് പിന്നിലിരുന്ന് മൊബൈലിൽ പരതി; പ്രസംഗം തീരും മുമ്പേ സ്ഥലംവിട്ടു സെക്രട്ടറിയുടെ പുത്രൻ
ആരൊക്കെ തള്ളിപ്പറഞ്ഞാലും സൈബർ സഖാക്കൾക്ക് സെക്രട്ടറി ആകാശ് തില്ലങ്കേരി! പുറത്താക്കുമെന്ന് പറഞ്ഞ കോടിയേരിയുടെ ഫേസ്‌ബുക്ക് പോസ്റ്റിൽ പൊങ്കാലമയം; ആകാശിനെതിരേ നടപടി വന്നാൽ ഇടയുമെന്നുറപ്പു നൽകി സൈബർ പ്രചാരകർ; ആഭ്യന്തരം കൈയാളുന്ന മുഖ്യമന്ത്രി കൈ കഴുകുമ്പോൾ കൊലപാതക രാഷ്ട്രീയത്തിൽ കുറ്റക്കാരൻ പി ജയരാജൻ മാത്രമോ എന്നും സൈബർ പോരാളികളുടെ ചോദ്യം?
ഷുഹൈബ് വധക്കേസിൽ ആകാശും രജിനും നിരപരാധികൾ; കൊലപാതകം നടക്കുമ്പോൾ ഇരുവരും ക്ഷേത്രത്തിലെ ഉത്സവ പറമ്പിലായിരുന്നു; പൊലീസിൽ കീഴടങ്ങിയതല്ല, ബോംബു കേസുമായി ബന്ധപ്പെട്ട് സ്‌റ്റേഷനിലേക്ക് പോകും വഴി അറസ്റ്റു ചെയ്തു; പാർട്ടി ഇടപെടില്ലെന്നും നിരപരാധിത്തം കോടതിയിൽ തെളിയിക്കാനും ജില്ലാ നേതൃത്വം ആവശ്യപ്പെട്ടു: വെളിപ്പെടുത്തലുമായി ആകാശിന്റെ പിതാവ്
പൊലീസ് അന്വേഷണത്തിൽ അല്ല, പാർട്ടി അന്വേഷണത്തിലാണ് വിശ്വാസമെന്ന പി ജയരാജന്റെ പ്രസ്താവനയിൽ കടുത്ത അതൃപ്തിയുമായി പിണറായി; ആഭ്യന്തര വകുപ്പിനെ തള്ളിപ്പറഞ്ഞതിലെ അമർഷം സംസ്ഥാന സമ്മേളന വേദിയിൽ അറിയിച്ച് മുഖ്യമന്ത്രി; വിട്ടുവീഴ്ചയില്ലാതെ ജയരാജനൊപ്പം ഉറച്ചുനിൽക്കാൻ കണ്ണൂരിലെ പ്രതിനിധികൾ; പാർട്ടിയുടെ ഉരുക്കുകോട്ടയായി കണ്ണൂരിനെ മാറ്റിയ 'പൊൻതാരകത്തിന്റെ' നിലപാട് പാർട്ടി സമ്മേളത്തിൽ വഴിവയ്ക്കുന്നത് തീപ്പൊരിപാറും ചർച്ചയ്ക്ക്
ആ ജീവൻ തട്ടിപ്പറിച്ചെടുത്തത് നിർധനയായ ഒരു രോഗിക്ക് വൃക്കദാനം ചെയ്യാമെന്ന് ഏറ്റ ശേഷം; പാവങ്ങൾക്ക് വീടൊരുക്കിയും പാവപ്പെട്ട വിദ്യാർത്ഥികളെ പഠിപ്പിച്ചും ഗ്രാമത്തിൽ നിറഞ്ഞു നിന്ന ഷുഹൈബിന്റെ മരണത്തിൽ മനംനൊന്ത് നാട്ടുകാർ; കൊലപാതകം അംഗീകരിക്കാതെ സിപിഎം അണികൾ പോലും; ജീവൻ വെട്ടിയെടുത്തത് നിർധന കുടുംബത്തോടൊപ്പം ഭക്ഷണം കഴിച്ച അതേ ദിവസം
ബസ്സോടിക്കുമ്പോൾ സ്റ്റിയറിങ് വീൽ വിട്ട് മൊബൈലിൽ കണ്ണുനട്ട് റിപ്പയറിംഗുമായി ഡ്രൈവർ; കെഎസ്ആർടിസിയിലെ 'വില്ലന്റെ' ദൃശ്യം വാട്സ്ആപിൽ എത്തിയതോടെ മുഖ്യമന്ത്രിക്ക് പരാതി നൽകി എംജി ഫൗണ്ടേഷൻ ചെയർമാൻ; കുമളി ഡിപ്പോയിലെ ഡ്രൈവറെ സസ്‌പെൻഡ് ചെയ്തു; സോഷ്യൽമീഡിയ തെറിവിളിക്കും തമ്മിൽത്തല്ലിനും അല്ലാതെ സമൂഹനന്മയ്ക്കും ഉപയോഗിക്കാമെന്ന് തെളിയിക്കുന്ന ഒരു സംഭവം കൂടി
ചെറുരാജ്യങ്ങളുടെ ഭരണാധികാരികൾ വരുമ്പോൾ പോലും വിമാനത്താവളത്തിൽ പോയി സ്വീകരിക്കന്ന മോദി എന്തുകൊണ്ട് കനേഡിയൻ പ്രധാനമന്ത്രിയെ സ്വീകരിക്കാൻ സഹമന്ത്രിയെ അയച്ചു...? മൂന്ന് കുട്ടികളും ഭാര്യയുമായി കൈ കൂപ്പി എത്തിയ പയ്യൻ പ്രധാനമന്ത്രിക്ക് ആകെ നിരാശ; ഇന്ത്യ-കാനഡ ബന്ധം കൂടുതൽ വഷളാവുമെന്ന് വിദേശ മാധ്യമങ്ങൾ
സ്വർണ്ണാഭരണം മോഷണം പോയെന്നത് കള്ളക്കഥ; ലൈംഗിക ബന്ധത്തിൽ ഏർപ്പെട്ടത് ഉഭയസമ്മത പ്രകാരവും; പരാതിക്കിടയാക്കിയ അഭിപ്രായ ഭിന്നതിയിൽ വികാരിക്കും ബംഗ്ലാദേശിനിക്കും മിണ്ടാട്ടമില്ല; സിംബാബ് വേക്കാരേയും ചോദ്യം ചെയ്‌തേക്കും; പരാതിക്കാരി ഉറച്ചു നിന്നാൽ അച്ചൻ കുടുങ്ങും; പള്ളി മേടിയിലെ പീഡനത്തിൽ നിറയുന്നത് ഹണിട്രാപ്പ് തന്നെ; ഫാ തോമസ് താന്നിനിൽക്കും തടത്തിൽ ഊരാക്കുടുക്കിൽ
ബൈബിളിനകത്തു കണ്ട 'രാഖി' സത്യം പറഞ്ഞു; സ്വകാര്യ സ്‌കൂൾ അദ്ധ്യാപികയെ ആസിഡൊഴിച്ച് ആക്രമിച്ചത് പ്രണയം മൂത്ത്; വിരൂപിയായാൽ അന്യമതക്കാരിയെ തനിക്ക് തന്നെ സ്വന്തമാക്കാമെന്ന് മർച്ചന്റ് നേവിക്കാരൻ സ്വപ്നം കണ്ടു; കപ്പലിൽ ഉപയോഗിക്കുന്ന ആസിഡുമായി സൗദിയിൽ നിന്നെത്തിയത് കല്ല്യാണം മുടക്കാൻ; കുറ്റിച്ചലിലെ ആസിഡ് ആക്രമണത്തിൽ പരുത്തിപ്പള്ളിക്കാരൻ സുബീഷ് വേണുഗോപാൽ അറസ്റ്റിൽ; പ്രതിയിലേക്ക് പൊലീസെത്തിയത് സമർത്ഥമായ നീക്കങ്ങളിലൂടെ
ഫയൽ ഒപ്പിട്ടശേഷം, അടുത്ത നിമിഷം മന്ത്രി എന്നെ ചുംബിച്ചു; ഒരു നിമിഷം ഞെട്ടുകയും ആഴക്കടലിൽ പെട്ടെന്നവണ്ണം ഉലയുകയും ചെയ്തു; ഒച്ചവച്ച് ആളെക്കൂട്ടാനുള്ള അവിവേകം എനിക്കുണ്ടായില്ല; വൈപ്‌സ് കൊണ്ട് കൈ തുടച്ച് നീരസം പ്രകടിപ്പിച്ച് ഞാനിറങ്ങിപ്പോന്നു; സെക്രട്ടറിയേറ്റിലെ ഓഫീസിൽ വെച്ച് മന്ത്രിയിൽ നിന്നും ലൈംഗികാതിക്രമം നേരിടേണ്ടി വന്നത് ഫേസ്‌ബുക്കിൽ എഴുതി മുൻ പിആർടി ഉദ്യോഗസ്ഥ
സാം എബ്രഹാമിനെ കൊന്നത് ഭാര്യയും കാമുകനും ചേർന്ന് തന്നെ; സോഫിയയും അരുൺ കമലാസനനും കുറ്റക്കാരെന്ന് കണ്ടെത്തി കോടതി; വികാരരഹിതനായി വിധി കേട്ട് ഒന്നാം പ്രതി; സോഫിയ വിധി കേട്ടതും ജയിലിലേക്ക് മടങ്ങിയതും പൊട്ടിക്കരഞ്ഞ്; ശാസ്ത്രീയ തെളിവുകൾ പരിശോധിച്ച് കോടതി നിഗമനത്തിലെത്തിയത് 14 ദിവസത്തെ വിചാരണയ്‌ക്കൊടുവിൽ; മെൽബണെ ഞെട്ടിച്ച മലയാളി കൊലയിൽ ശിക്ഷ തീരുമാനിക്കാനുള്ള വാദം അടുത്ത മാസം 21ന് തുടങ്ങും
രാകേഷ് എങ്ങനെ ഡയസിലിക്കുന്നുവെന്ന് മന്ത്രി ബാലനോട് ചോദിച്ചത് പാച്ചേനി; സിപിഎം പ്രതിനിധിയായെന്ന് ജയരാജൻ നൽകിയ മറുപടി തിരിച്ചടിച്ചു; ജനപ്രതിനിധികളെ വിളിച്ചിട്ടില്ലല്ലോ എന്ന ചോദ്യത്തിന് മുന്നിൽ മന്ത്രിമാർ പതറി; കെസി ജോസഫിനേയും സണ്ണി ജോസഫിനേയും കെഎം ഷാജിയേയും എത്തിച്ച് യുഡിഎഫിന്റെ മിന്നൽ ആക്രമണവും; സമാധാന ചർച്ച പൊളിഞ്ഞത് ഭരണക്കാരുടെ പിടിപ്പുകേടിൽ
രാമചന്ദ്രന് ജാമ്യം നിന്നത് സുഷമാ സ്വരാജ് തന്നെ; ചർച്ചകൾക്ക് നേതൃത്വം നൽകിയത് ദുബായിലെ ഇന്ത്യൻ അംബാസിഡർ; മോചനത്തിനായി അഹോരാത്രം പണിയെടുത്തത് ദുബായിലെ ബിജെപി എൻആർഐ സെൽ നേതാവ്; ഷെട്ടിയുടെ 100 മില്ല്യണും തുണയായി; ഇനി സെറ്റിൽ ചെയ്യാൻ അവശേഷിക്കുന്നത് ഡൽഹിക്കാരന്റെ കടം മാത്രം; എല്ലാവരും കൈവിട്ടു ജയിലിൽ കഴിഞ്ഞ അറ്റ്‌ലസ് രാമചന്ദ്രനെ ഇന്ത്യ നേരിട്ട് പുറത്തിറക്കുന്നത്‌ ഇങ്ങനെ
ഓഡി കാർ വാങ്ങാനായി 53ലക്ഷവും ഇന്ത്യയിലും യുഎയിലും നേപ്പാളിലും ബിസിനസ് തുടങ്ങാൻ 7.7കോടിയും അടക്കം 13 കോടി കൈപ്പറ്റി ദുബായിൽ നിന്നും മുങ്ങി; പണം തിരിച്ചു പിടിക്കാൻ നടത്തിയ നീക്കങ്ങൾ എല്ലാം പരാജയപ്പെട്ടപ്പോൾ പരാതിയുമായി രംഗത്ത്; ഇന്റർപോളിന്റെ സഹായത്തോടെ പിടിക്കുമെന്നായപ്പോൾ ഒത്തുതീർപ്പ് ചർച്ചകളുമായി നെട്ടോട്ടം; ഉന്നതനായ സിപിഎം നേതാവിന്റെ മകനെന്ന് മനോരമ പറയുന്നത് കോടിയേരിയുടെ മകനെ കുറിച്ചെന്ന് റിപ്പോർട്ടുകൾ
ഉറക്കത്തിൽ ആരോ ചുണ്ടിൽ സ്പർശിക്കുന്നതായി തോന്നി; ഞെട്ടി ഉണർന്ന് ബഹളം വച്ചിട്ടും ആരും സഹായിച്ചില്ല; പ്രതികരണവും പ്രതിഷേധവും ഫേസ്‌ബുക്കിൽ മാത്രം; കൺമുന്നിൽ ഒരു പെൺകുട്ടി ആക്രമിക്കപ്പെട്ടാൽ ആരും തിരിഞ്ഞ് നോക്കില്ല; സിനിമയിലെ സുഹൃത്തുക്കൾ മാത്രമാണ് പൊലീസിനെ വിളിക്കാനും പിടികൂടാനും സഹായിച്ചത്: മാവേലി യാത്രയിലെ ദുരനുഭവം മറുനാടനോട് വിവരിച്ച് സനൂഷ
പതിമൂന്ന് കോടിയുടെ തട്ടിപ്പ് കേസിൽ കുടുങ്ങി ദുബായിൽ നിന്ന് മുങ്ങിയത് കോടിയേരിയുടെ മകൻ തന്നെ; പ്രതിസ്ഥാനത്തുള്ളത് ബിനീഷിന്റെ സഹോദരൻ ബിനോയ്; രവി പിള്ളയുടെ വൈസ് പ്രസിഡന്റ് മുങ്ങിയത് ദുബായ് പൊലീസ് അഞ്ച് ക്രിമിനൽ കേസ് രജിസ്റ്റർ ചെയ്തപ്പോൾ; പാർട്ടി സെക്രട്ടറിയുടെ മൂത്തമകനെ രക്ഷിക്കാൻ മുതലാളിമാർ പണം മുടക്കാത്തത് പിണറായിയുടെ പച്ചക്കൊടി കിട്ടാത്തതിനാൽ; പരാതി ഗൗരവമായെടുത്ത് സിപിഎം കേന്ദ്ര നേതൃത്വം
മോഹൻലാലിനെ കാത്തിരിക്കുന്ന പ്രശ്‌നങ്ങൾ കിറുകൃത്യമായി പറഞ്ഞു; ദിലീപിന്റെ സമയം വെളിപ്പെടുത്തലും ശരിയായി; ഇപ്പോൾ കോടിയേരി ബാലകൃഷ്ണൻ കുടുംബത്താൽ ദുഃഖിക്കുന്നുവെന്ന പ്രവചനവും ഫലിച്ചു; 'ആസ്വാമി' എന്ന് വിളിച്ചു പുച്ഛിച്ച മലയാളികൾ ഇപ്പോൾ 'അയ്യോസ്വാമി എന്നായി വിളി; സ്വാമി ഭദ്രാനന്ദ ഭാവി പറയുന്നതിലെ കൃത്യത ചർച്ചയാക്കി സോഷ്യൽ മീഡിയ
ചെറുരാജ്യങ്ങളുടെ ഭരണാധികാരികൾ വരുമ്പോൾ പോലും വിമാനത്താവളത്തിൽ പോയി സ്വീകരിക്കന്ന മോദി എന്തുകൊണ്ട് കനേഡിയൻ പ്രധാനമന്ത്രിയെ സ്വീകരിക്കാൻ സഹമന്ത്രിയെ അയച്ചു...? മൂന്ന് കുട്ടികളും ഭാര്യയുമായി കൈ കൂപ്പി എത്തിയ പയ്യൻ പ്രധാനമന്ത്രിക്ക് ആകെ നിരാശ; ഇന്ത്യ-കാനഡ ബന്ധം കൂടുതൽ വഷളാവുമെന്ന് വിദേശ മാധ്യമങ്ങൾ