1 aed = 17.77 inr 1 eur = 75.78 inr 1 gbp = 86.39 inr 1 kwd = 213.51 inr 1 sar = 17.40 inr 1 usd = 64.42 inr

Dec / 2017
16
Saturday

ഏഴാം ക്ലാസ്സുവരെ പഠിച്ച മൂകനും ബധിരനുമായ ഒരു ഇടുക്കിക്കാരൻ; സ്വന്തം വിമാനം നിർമ്മിച്ച് പറത്തിയ അത്ഭുതത്തിന്റെ കഥ വെള്ളിത്തിരയിലേക്കും; സജി തോമസാകുന്നത് പൃഥ്വിരാജും

June 20, 2016 | 08:03 AM | Permalink



മറുനാടൻ മലയാളി ബ്യൂറോ

തൊടുപുഴ: സ്വന്തമായി വിമാനം നിർമ്മിച്ച് തമിഴ്‌നാട്ടിലെ അംബാ സമുദ്രത്തിന് മുകളിലൂടെ പറപ്പിച്ച മൂകനും ബധിരനുമായ സജി തോമസിന്റെ കഥ വെള്ളിരയിലേക്ക്. പൃഥ്വിരാജിനെ നായകനാക്കി പ്രദീപ് എം. നായർ സംവിധാനം ചെയ്യുന്ന 'വിമാനം' എന്ന ചിത്രത്തിന്റെ ചിത്രീകരണം ഉടൻ തുടങ്ങും. പ്രതീക്ഷകൾക്കും മുകളിലൂടെ പറന്ന തൊടുപുഴക്കാരന്റെ കഥ സിനിമാ പ്രേമികൾ ഏറ്റെടുക്കുമെന്നാണ് അണിയറക്കാരുടെ പ്രതീക്ഷ. ശാരീരിക പരിമിതികളെ നേരിട്ട് ജീവിത വിജയം നേടിയ സജി തോമസിന്റെ വേഷമാണ് പൃഥ്വിരാജിന്.

ആഡംബര വിമാനങ്ങൾ നിർമ്മിക്കുന്ന ജർമനി ആസ്ഥാനമായ ആരോ ഏവിയേഷൻ കമ്പനിയുടെ കൊൽക്കത്ത ഓഫിസിൽ ടെക്‌നീഷ്യനായി സജി കഴിഞ്ഞദിവസം ജോലിക്ക് കയറി. 40,000 രൂപയാണ് ശമ്പളം. തൊടുപുഴ തട്ടക്കുഴ സ്വദേശിയായ സജി തോമസിനെ ഇന്ന് ലോകം അറിയുന്നതിന് പിന്നിൽ ആരെയും ആവേശം കൊള്ളിക്കുന്ന, അതിലേറെ അദ്ഭുതപ്പെടുത്തുന്ന കഠിന പ്രയത്‌നങ്ങളുടെ കഥയുണ്ട്. ഏഴാം ക്‌ളാസുവരെ മാത്രം പഠിച്ച സജിയുടെ കൊച്ചുനാളിലേയുള്ള ആഗ്രഹമായിരുന്നു വിമാനം നിർമ്മിക്കുക. ആഗ്രഹം കലശലായതോടെ മുംബൈയിലെ വിമാനനിർമ്മാണക്കമ്പനികളിലത്തെി.

സജിയുടെ താൽപര്യം മനസ്സിലാക്കിയ ജീവനക്കാർ വിമാന നിർമ്മാണത്തെക്കുറിച്ച പുസ്തകങ്ങൾ കൈമാറി. യന്ത്രഭാഗങ്ങൾ വാങ്ങാൻ സഹായിച്ചു. 2009ലാണ് സജി വിമാന നിർമ്മാണം ആരംഭിച്ചത്. മുഴുവൻ ഭാഗങ്ങളും സ്വന്തമായി സൃഷ്ടിച്ച് 2014 ഏപ്രിൽ 10ന് സജി നിർമ്മിച്ച വിമാനം തിരുനെൽവേലി അംബാ സമുദ്രത്തിന് മുകളിലൂടെ വിജയകരമായി പരീക്ഷണ പറക്കൽ നടത്തി. വ്യോമസേനയിൽനിന്ന് വിരമിച്ച വിങ് കമാൻഡർ എസ്.കെ.ജെ. നായരാണ് വിമാനം പറത്തിയത്.

തട്ടക്കുഴയിലെ വീട്ടിലേക്ക് പിന്നെ അഭിനന്ദനപ്രവാഹമായിരുന്നു. വിമാനം രൂപകൽപന ചെയ്ത ഭിന്നശേഷിയുള്ള വ്യക്തി എന്ന നിലയിൽ ഇന്ത്യ ബുക് ഓഫ് റെക്കോഡ്‌സിലും ഇടംപിടിച്ചു .വൈകല്യം മറന്ന് ജീവിതവിജയം നേടിയ ഒമ്പതു ധീരരിൽ ഒരാളായി ഡിസ്‌കവറി ചാനലിലൂടെ ലോക പ്രേക്ഷകർക്ക് മുന്നിലും ഈ 45കാരൻ മുഖം കാണിച്ചു. ഭാര്യ മരിയയും മകൻ ജോഷ്വയും പിന്തുണയുമായി ഒപ്പമുണ്ട്. ഡിസ്‌കവറി ചാനലിലെ സൂപ്പർഹീറോസ് എന്ന പരിപാടി അവതരിപ്പിച്ചത് ബോളിവുഡ് താരം ഹൃത്വിക് റോഷനായിരുന്നു. ആ ഷോയിൽ നിന്നാണ് സിനിമയിലേക്കുള്ള അവേശം സംവിധായകൻ പ്രദീപ് എം നായരുടെ മനസ്സിലേക്ക് കയറിയത്. അത് യാഥാർത്ഥ്യമാക്കാൻ പൃഥ്വിരാജ് തന്നെ സമ്മതിക്കുകയും ചെയ്തു. 

ഇടുക്കി ജില്ലയിലെ തട്ടക്കുഴയിലെ അഴകനാൽ വീട്ടിൽ തോമസിന്റെയും മേരിയുടെയും മകനായ സജി ജന്മനായ ബധിരനും മൂകനുമാണ്. ഏഴാം ക്ലാസ്സിൽ പഠിപ്പ് നിർത്തേണ്ടിവന്നെങ്കിലും സജിയുടെ സ്വപ്‌നങ്ങൾ ആകാശത്തോളം ഉയർന്നുനിന്നു. ശബ്ദങ്ങളില്ലാ്ത ലോകത്ത് ജീവിച്ചതുകൊണ്ടാവാം, യന്ത്രങ്ങളുടെ മനസ്സറിയുന്നതിലായിരുന്നു സജിക്ക് കമ്പം. ഏത് യന്ത്രത്തിന്റെയും പ്രവർത്തന രീതി മനസ്സിലാക്കാൻ സജിക്ക് ചെറിയ സമയം മതിയായിരുന്നു. വിമാനവും കീഴടങ്ങിയത് അങ്ങനെയാണ്. വ്യോമയാന രംഗത്തെ വിദഗ്ധരെപ്പോലും അതിശയിപ്പിച്ച വിമാനമാണ് സജി നിർമ്മിച്ചത്. കന്യാകുമാരിയിലെ മണിമുത്താറിൽ റിട്ടയേർഡ് വിങ് കമാൻഡർ എസ്. കെ. ജെ. നായരുടെ ഏവിയേഷൻ അക്കാദമിയിലാണ് സജി നിർമ്മിച്ച വിമാനമുള്ളത്. അംഗപരിമിതനായ യുവാവ് സ്വന്തമായി ഒരു വിമാനം നിർമ്മിച്ച് പറപ്പിച്ചതിനെ എസ്്. കെ. ജെ. നായരെപ്പോലെയുള്ള വിദഗ്ദ്ധർ പറയുന്നത് അവിശ്വസനീയം എന്നാണ്. എന്നാൽ, കേരളത്തിന്റെ ശാസ്ത്രസാങ്കേതികരംഗം ഈ ചെറുപ്പക്കാരന്റെ കണ്ടുപിടിത്തത്തെ പാടേ അവഗണിച്ചു.

വീട്ടിലെ സാഹചര്യങ്ങളും വൈകല്യങ്ങളുമാണ് സജിയെ കഌസ് മുറികളിൽ നിന്നും അകറ്റിയത്. ഏഴാം ക്ലാസ്സിനപ്പുറം പഠിക്കാനായിട്ടില്ലെങ്കിലും ഇപ്പോൾ വലിയ സ്വപ്‌നങ്ങളുള്ള എൻജിനിയർമാർ സജിയെ കാണാനെത്തുന്നു. എയറോനോട്ടിക് എൻജിനീയറിങ്ങിൽ വലിയ സ്വപ്നം കാണുന്നവർ സജിയെ മാതൃകയാക്കുന്നു. വെള്ളിയാമറ്റത്തെ കുന്നിന്മുകളിൽ പറന്നിറങ്ങിയ ഹെലിക്കോപ്ടർ കണ്ട് അത്തരത്തിലൊന്ന് നിർമ്മിക്കാൻ ഇറങ്ങിപ്പുറപ്പെട്ട സജിയുടെ ജീവിതം അവർക്കിന്ന പാഠപുസ്തകമാണ്. റബർതോട്ടങ്ങളിൽ മരുന്നു തളിക്കാൻ വന്നതായിരുന്നു ആ ഹെലിക്കോപ്ടർ. യന്ത്രങ്ങളുടെ പ്രവർത്തനങ്ങളിൽ ആകൃഷ്ടനായിരുന്ന സജിക്ക് ഈ വലിയ പക്ഷി ആവേശമായി മാറി. പിന്നീട് വിമാനം സ്വന്തമായി നിർമ്മിക്കാനുള്ള സ്വപ്‌നം മനസ്സിൽക്കൊണ്ടുനടന്നു. ഹെലികോപ്റ്റർ പറത്താൻ വന്ന പൈലറ്റുമാരോടു ചങ്ങാത്തം കൂടിയ സജി രണ്ടുതവണ അതിൽക്കയറി യാത്ര ചെയ്യുകയും ചെയ്തു.

ടെലിവിഷൻ റിപ്പയറെന്ന നിലയ്ക്ക് പേരെടുത്ത സജി അങ്ങനെ സമാഹരിച്ച തുകയുമായാണ് ഹെലിക്കോപ്ടറിന്റെ പൈലറ്റുമാരെ കാണാനെത്തിയത്. മുംബൈയ്ക്ക് നാടുവിട്ട സജിയുടെ കൈയിലുണ്ടായിരുന്നത്് . അന്നു റബർതോട്ടത്തിൽകണ്ട പൈലറ്റുമാരുടെ മേൽവിലാസം മാത്രം. സജിയുടെ ആഗ്രഹം പോലെ അവർ മുംബൈയിലെ വിമാനകമ്പനികളിലൊക്കെ സജിയെ കൊണ്ടുപോയി. വിമാനത്തെ സംബന്ധിച്ച് പുസ്തകങ്ങൾ കൊടുത്തു. യന്ത്രഭാഗങ്ങൾ വാങ്ങാൻ സഹായിച്ചു. അയൽക്കാരിയായ മരിയയുമായുള്ള വിവാഹശേഷം സജി വിമാനനിർമ്മാണമെന്ന സ്വപ്‌നവുമായി വീണ്ടും രംഗത്തിറങ്ങി. വീടിനു മുമ്പിൽ ഒരു പണിപ്പുരയുണ്ടാക്കി. സ്വന്തമായുണ്ടായിരുന്ന ജീപ്പ് വിറ്റു. കൈയിലുള്ള സമ്പാദ്യങ്ങളെല്ലാം ഇതിനുവേണ്ടി മാറ്റിവച്ചു. പക്ഷേ, അതൊന്നും തികയുമായിരുന്നില്ല. ഒടുവിൽ, അന്നത്തെ പ്രധാനമന്ത്രിയായിരുന്ന വൈമാനികൻ കൂടിയായ രാജീവ് ഗാന്ധിയുടെ സഹായം തേടാനാൻ തീരുമാനിച്ചു. സജിക്ക് സഹായവും ജോലിയും അദ്ദേഹം വാഗ്ദാനം ചെയ്‌തെങ്കിലും അതിനിടെ രാജീവ് ഗാന്ധി കൊല്ലപ്പെട്ടു.

പക്ഷേ, തന്റെ സ്വപ്‌നങ്ങളെ കൈവിടാൻ സജി ഒരുക്കമായിരുന്നില്ല. അക്കാലത്താണ് വിങ് കമാൻഡർ എസ്. കെ. ജെ. നായരെ പരിചയപ്പെടുന്നത്. സജിയെക്കുറിച്ച് അറിഞ്ഞപ്പോൾ, സജിയുടെ സ്വപ്നങ്ങളെക്കുറിച്ച് അറിഞ്ഞപ്പോൾ അദ്ദേഹത്തിനും ആവേശമായി. സജിയെ അദ്ദേഹം അകമഴിഞ്ഞ് സഹായിച്ചു. അങ്ങനെ ആദ്യവിമാനം സജിയുടെ പണിപ്പുരയിൽനിന്ന് പുറത്തിറങ്ങി. എന്നാൽ, അതിന് ചില പോരായ്മകൾ ഉണ്ടായിരുന്നു. പറത്താനുമായില്ല. എന്നൽ, അത് ഒരു എൻജിനീയറിങ് കോളജ് കുട്ടികൾക്ക് പഠിക്കാനായി വാങ്ങി. ഏഴാംകഌസുകാരനായ സജി ഉണ്ടാക്കിയ വിമാനം അങ്ങനെ പാഠപുസ്തകമായി. ഒരു ഹെലികോപ്റ്റർ എന്ന സ്വപ്നത്തിലേക്ക് സജി മുന്നേറിയത് ഈ പണവുമായാണ്. ഒപ്പം എസ്. കെ. ജെ. നായരുടെ പിന്തുണയും. 15 വർഷം നീണ്ട കഠിനമായ ശ്രമത്തിനൊടുവിൽ ആ സ്വപ്‌നം സഫലമായി. സജിയുണ്ടാക്കിയ വിമാനം എസ്. കെ. ജെ. നായർ പറത്തിക്കാണിച്ചപ്പോഴാണ് ലോകം ഈ കണ്ടുപിടിത്തത്തിൽ അത്ഭുതം കൂറിനിന്നത്. തൊടുപുഴയിൽ പരീക്ഷണപ്പറക്കൽ നടത്തിയ വിമാനം പിന്നീട് മണിമുത്താറിലെ അക്കാദമിയിലേക്ക് കൊണ്ടുപോയി.

ഉടുമ്പന്നൂർ പഞ്ചായത്തു വച്ചു നൽകിയ ചെറിയ വീട്ടിലാണ് ഈ പ്രതിഭയുടെ ജീവിതം. കാക്കനാട്, ഒരു കമ്പനിയിൽ സജിക്ക് ജോലിയുണ്ട്. മരിയയും അച്ഛന്റെ ഗവേഷണങ്ങൾക്ക് സഹായിയായി ഒമ്പതാം ക്ലാസ് വിദ്യാർത്ഥിയായ മകൻ ജോഷ്വയുംഒപ്പമുണ്ട്. ഇംഗ്ലീഷിൽ വലിയ അവഗാഹമൊന്നും ഇല്ലെങ്കിലും സജി ഇംഗ്ലീഷ് പുസ്തകങ്ങളാണ് സംശയനിവാരണത്തിന് ഉപയോഗിക്കുന്നത്. ഒരു സ്വപ്‌നം പോലെ സജിയുടെ ജീവിതം ഡിസ്‌കവറി ചാനലിലൂടെ ലോകമറിഞ്ഞു. പിന്നാലെ ആരേയും ആവേശത്തിലാക്കുന്ന കഥ വെള്ളിത്തിരയിലുമെത്തുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
എന്തുകൊണ്ട് സ്ത്രീകൾ ഇസ്ലാമിക് റിപ്പബ്‌ളിക്കിനെ വെറുക്കുകയും ഭയക്കുകയും ചെയ്യുന്നു? ഇത് സ്വാതന്ത്ര്യം കുളിപ്പുരക്ക് അകത്തുമാത്രം ഒതുങ്ങുന്ന കുറേ സ്ത്രീകളുടെ കഥ; ഇസ്ലാമിലെ സ്ത്രീയുടെ അവസ്ഥയെ പറ്റി സംവാദങ്ങൾ നടത്തുന്നവർ നിർബന്ധമായും ഈ ചിത്രം കാണണം: ഐ എഫ് എഫ് കെയെ പിടിച്ചുകുലുക്കി നിരോധിത അൾജീരിയൻ ചിത്രം
മാണി സ്വയം തീരുമാനിക്കട്ടേയെന്ന് പറഞ്ഞ് ഉമ്മൻ ചാണ്ടി കൈയൊഴിഞ്ഞു; പിണറായിയും കോടിയേരിയും ഒരുപോലെ വാദിച്ചെങ്കിലും മുഖം തിരിച്ച് കേന്ദ്ര നേതൃത്വം; മഹാസമ്മേളനം വഴി കരുത്തറിയിച്ചെങ്കിലും മാണിയുടെ മുന്നണി പ്രവേശനത്തിൽ അനിശ്ചിതത്വം തുടരുന്നു; കേരളാ കോൺഗ്രസ് ഏത് മുന്നണിക്കൊപ്പമെന്ന് അറിയാൻ ഇനിയും കാത്തിരിക്കണം
മാണി സാറും ജോസഫ് സാറും സിഎഫ് സാറും ജയരാജൻ സാറും അടക്കമുള്ള പ്രമുഖരുടെ മുകളിൽ പോയി ഇരിക്കാൻ മാത്രം വീഡ്ഢിയാണോ ഞാൻ? തിരുന്നക്കരെയേക്കാൾ പത്തിരട്ടി വലുപ്പമുള്ള നെഹ്റു സ്റ്റേഡിയത്തിലേക്ക് റാലി മാറ്റിയപ്പോൾ ആളെ കിട്ടാത്തതു കൊണ്ടെന്ന് പറയുന്നവർക്ക് എന്തു മറുപടി പറയാൻ? പട്ടിക്കിട്ട ചോറ് ഉണ്ണാറായോ എന്നു ജോർജിനോട് ചോദിക്കണം: മഹാസമ്മേളനത്തിന് ശേഷം ജോസ് കെ മാണി മറുനാടനോട് പറഞ്ഞത്
കഥയുണ്ടെന്നും കേൾക്കണമെന്നും പറഞ്ഞെത്തിയത് 35 വയസ്സ് തോന്നിക്കുന്ന സ്ത്രീ; വീടുമാറുന്ന തിരക്കിലും സ്ഥലം പരിചയമില്ലെന്ന് പറഞ്ഞപ്പോൾ വാഹനം ഏർപ്പാടാക്കി; പിന്നെ അഭിനയിക്കാൻ സഹായിക്കണമെന്ന ആവശ്യമെത്തി; അതു കഴിഞ്ഞ് കല്ല്യാണം കഴിച്ചേ മതിയാകൂവെന്ന ഭീഷണിയും; കേസിൽ കുടുക്കാതിരിക്കാൻ അഭിഭാഷകൻ ആവശ്യപ്പെട്ടത് 25 ലക്ഷം; പരാതി മാത്രം പോര തെളിവും വേണമെന്ന് നിർദ്ദേശം; ഉണ്ണി മുകുന്ദന്റെ പീഡന പരാതിയിൽ കരുതലോടെ നീങ്ങാൻ പൊലീസ്
ഓർക്കാട്ടേരിയിലെ മൊബൈൽ ഷോപ്പ് ഉടമയായ 23കാരന്റേയും സ്റ്റാഫായ വീട്ടമ്മയുടേയും തിരോധാനത്തിന് തുമ്പുണ്ടാക്കി പൊലീസ്; ഏറെക്കാലം നീണ്ട അന്വേഷണത്തിന് ഒടുവിൽ ഇരുവരേയും കോഴിക്കോട്ടെ വാടക വീട്ടിൽ നിന്ന് പൊക്കി; അംജാദിനെ കാണാതായി രണ്ടുമാസം കഴിഞ്ഞ് 32കാരിയായ പ്രവീണയും പോയതെങ്ങോട്ടെന്ന നാട്ടുകാരുടെ ആശങ്കയും തീരുന്നു
നളന്ദയിലെ സരസ്വതിയെ ഷെറിൻ മാത്യൂസാക്കിയത് അമേരിക്കയിലെ ആനുകൂല്യം തട്ടാൻ; ഭിന്നശേഷിക്കാരിയുടെ അച്ഛനും അമ്മയുമായി കൊച്ചിക്കാർ മാറിയത് ബോധപൂർവ്വം; ഒരു കുട്ടിയുണ്ടായിട്ടും മൂന്നു വയസ്സുകാരിയെ മകളാക്കിയതിന്റെ രഹസ്യം അറിഞ്ഞ് ഞെട്ടി അമേരിക്കൻ മലയാളികൾ; വെസ്ലിക്കും സിനിക്കുമെതിരെ കൊലക്കുറ്റം ചുമത്താനുറച്ച് അന്വേഷണ സംഘം; ഹൂസ്റ്റണിലെ മൂന്നുവയസ്സുകാരിയോട് വളർത്തച്ഛനും വളർത്തമ്മയും കാട്ടിയതുകൊടുംക്രൂതയെന്ന് തിരിച്ചറിഞ്ഞ് അന്വേഷണ സംഘം
വീടു നിറയെ നൂറു രൂപയുടെ കള്ളനോട്ടുകൾ; വ്യാജ ലോട്ടറിയുണ്ടാക്കി സമ്മാനവും തട്ടിയെടുത്തു; മീഡിയാവൺ ടിവിയുടെ കൃത്രിമ ഐഡന്റിറ്റീകാർഡുപയോഗിച്ചും തട്ടിപ്പ്; പുതിയറയിലെ വാടക വീട്ടിൽ നിറയെ അധോലോക ഇടപാടുകളുടെ തെളിവുകൾ; ഓർക്കാട്ടേരിയിൽ നിന്ന് ഒളിച്ചോടിയ 32കാരിയേയും കൊച്ചു മുതലാളിയേയും അഴിക്കുള്ളിൽ തളയ്ക്കാൻ തെളിവുകിട്ടിയ ആവേശത്തിൽ പൊലീസ്; ഹേബിയസ് കോർപസിൽ തീർപ്പായാലും കാമുകനും കാമുകിക്കും മോചനമില്ല
പണമുണ്ടാക്കാൻ മൊബൈൽ അനുബന്ധ ഉപകരണങ്ങളുടെ ഓൺലൈൺ ഇടപാട് നടത്തി ഓർക്കാട്ടേരിക്കാരൻ; ആരെങ്കിലും തിരക്കിയെത്തുന്നോ എന്ന് അറിയാൻ വീട്ടിൽ സിസിടിവി സംവിധാനം; പിടിക്കുമെന്ന് ഉറപ്പായപ്പോൾ ബൈക്കിൽ രക്ഷപ്പെടാനും ശ്രമം; പ്രണയം മൂത്ത് 32കാരിയുമായി മുങ്ങിയ കൊച്ചു മുതലാളിയെ പൊക്കിയത് കെണിയൊരുക്കി; കുവൈറ്റിലുള്ള ഭർത്താവിനേയും ഏഴ് വയസ്സുള്ള മകളേയും ഉപേക്ഷിച്ചുള്ള പ്രവീണയുടെ ഒളിച്ചോട്ടത്തിൽ ക്ലൈമാക്‌സ് ഇങ്ങനെ
കൂട്ടുകാരൻ എടുത്ത വീഡിയോ സത്യം പറഞ്ഞു! ആടിനെ ലൈംഗിക വൈകൃതത്തിന് ശേഷം കൊന്നു കളയും; ഉപയോഗം കഴിഞ്ഞാൽ രഹസ്യ ഭാഗത്ത് മുറിവേൽപ്പിച്ച് ആനന്ദിക്കുമെന്ന രണ്ടാം ഭാര്യയുടെ മൊഴിയും നിർണ്ണായകമായി; 20 വയസുള്ള മകന്റെ അമ്മയായ 38കാരിയെ കെട്ടിയത് 17-ാം വയസ്സിൽ; കാഴ്ചയിലെ നിഷ്‌കളങ്കത അമീറുൾ ഇസ്ലാമിന്റെ പ്രവൃത്തിയിൽ ഇല്ല; ജിഷാ കേസ് പ്രതിയുടെ വൈകൃത മനസ്സ് ഇങ്ങനെ
നാല് വർഷം മുമ്പ് മഞ്ജുവാര്യരെക്കുറിച്ച് വളരെ മോശമായ രീതിയിൽ ദിലീപിന്റെ താത്പര്യ പ്രകാരം ഒരു സംവിധായകൻ എനിക്ക് റിപ്പോർട്ട് നൽകി; ജനകീയ നടനോട് ഭാര്യ ഇങ്ങനെ പെരുമാറിയതിൽ വല്ലാത്ത ദേഷ്യം തോന്നി; തുടർന്നുണ്ടായ സംഭവവികാസങ്ങളും എഴുത്തും മറ്റു വിവരങ്ങളും അന്വേഷണ ഉദ്യോഗസ്ഥർക്കു കൈമാറി; ദിലീപിനെ കുടുക്കുന്ന മൊഴി നൽകിയവരിൽ പല്ലിശേരിയും: ദേ പുട്ടിൽ ഒളിഞ്ഞിരിക്കുന്ന രഹസ്യം എന്ത്?
ഓർക്കാട്ടേരിയിലെ മൊബൈൽ ഷോപ്പ് ഉടമയായ 23കാരന്റേയും സ്റ്റാഫായ വീട്ടമ്മയുടേയും തിരോധാനത്തിന് തുമ്പുണ്ടാക്കി പൊലീസ്; ഏറെക്കാലം നീണ്ട അന്വേഷണത്തിന് ഒടുവിൽ ഇരുവരേയും കോഴിക്കോട്ടെ വാടക വീട്ടിൽ നിന്ന് പൊക്കി; അംജാദിനെ കാണാതായി രണ്ടുമാസം കഴിഞ്ഞ് 32കാരിയായ പ്രവീണയും പോയതെങ്ങോട്ടെന്ന നാട്ടുകാരുടെ ആശങ്കയും തീരുന്നു
കൊച്ചു നാൾ തൊട്ടേ പ്രതിഭയുടെ പൊൻ തിളക്കം നടിയിൽ പ്രകടമായിരുന്നു; ദിലീപിനൊപ്പം ഇഴുകി ചേർന്നഭിനയിച്ച ഗാനരംഗങ്ങൾ ചേതോഹരം; ഞാൻ ദ്രോഹം ചെയ്തിട്ടുണ്ടെങ്കിൽ നടിക്ക് സമ്മതമാണെങ്കിൽ ഞാൻ വിവാഹം കഴിക്കാം; പ്രായശ്ചിത്തമായിട്ടല്ല. ഒരു ജീവിത പങ്കാളിയെ ആവശ്യമുള്ളതു കൊണ്ട്; ദിലീപ് ശിക്ഷപ്പെട്ടാൽ ആത്മഹത്യയും: സലിം ഇന്ത്യയ്ക്ക് പറയാനുള്ളത്
ഓർത്തഡോക്‌സ് സഭാ വൈദികൻ ചട്ടങ്ങൾ ലംഘിച്ച് രണ്ടാം വിവാഹം നടത്തിയെന്ന് ആക്ഷേപം; വിധവയേയോ ഉപേക്ഷിപ്പെട്ടവരേയോ വിവാഹം കഴിക്കാൻ പാടില്ലെന്ന വിലക്ക് ലംഘിച്ചെന്ന് കാതോലിക്കാ ബാവയ്ക്ക് പരാതി; നിസ്സാര തെറ്റുകളുടെ പേരിൽ വർഷങ്ങളോളം 'സസ്‌പെൻഷനിൽ' നിർത്തിയ വൈദികരോട് ഇനി സഭ എന്തു പറയുമെന്ന് വിശ്വാസികളുടെ ചോദ്യം; അമേരിക്കയിലെ വൈദികന്റെ മിന്നുകെട്ട് വിവാദമാകുമ്പോൾ
ഇടിച്ചു തകർന്ന കാറിൽ ഉണ്ടായിരുന്നത് ആർക്കിടെക്ചർ കോളേജിലെ സഹപാഠികളായ യുവതികൾ; പാതിരാത്രി രക്ഷാപ്രവർത്തനം നടത്താൻ ഓടിയെത്തിയത് ബിനീഷ് കോടിയേരി; അപകടമുണ്ടാക്കിയ വാഹനം അതിവേഗം മാറ്റി പൊലീസും; മത്സര ഓട്ടത്തിൽ പങ്കെടുത്ത ബെൻസിനെ കുറിച്ച് ഇനിയും പൊലീസിന് വിവരമില്ല; സിസിടിവി ക്യാമറ ഓഫായിരുന്നുവെന്നും സൂചന; എസ് പി ഗ്രാൻഡ് ഡെയ്‌സ് ഉടമയുടെ മകന്റെ ജീവനെടുത്തത് അമിത വേഗത തന്നെ
വേട്ടയാടി കൊന്ന കാട്ടുപന്നിയെ അത്താഴത്തിന് വിളമ്പിയ മലയാളി കുടുംബം ഭക്ഷ്യ വിഷബാധയേറ്റ് അതീവ ഗുരുതരാവസ്ഥയിൽ; ദുരന്തം ഉണ്ടായത് അഞ്ചുവർഷം മുമ്പ് ന്യൂസിലാൻഡിലേക്ക് ചേക്കേറിയ ഷിബു കൊച്ചുമ്മനും കുടുംബത്തിനും; ഇറച്ചി കഴിക്കാതിരുന്ന മക്കൾ അത്ഭുതകരമായി രക്ഷപ്പെട്ടു; ശിഷ്ടകാലം കിടക്കയിൽ കഴിയേണ്ടി വന്നേക്കുമെന്ന് ആശുപത്രി വൃത്തങ്ങൾ
14കാരിയായ മകളുമൊത്ത് കാമുകനൊപ്പം ഒളിച്ചോടി നിലമ്പൂരുകാരി; അമ്മയോടുള്ള ഭ്രമം തീർന്നപ്പോൾ ഒൻപതാംക്ലാസുകാരിയെ കടന്ന് പിടിച്ച് രണ്ടാം ഭർത്താവ്; പഴയ കേസുകൾ പൊടി തട്ടിയെടുക്കുമ്പോൾ എസ് ഐയുടെ കണ്ണിലുടക്കിയത് പോക്സോ കേസ്; കൂട്ടുകാരെ നിരീക്ഷിച്ച് പ്രതിയെ കണ്ടെത്താൻ 'ബീഫിൽ' കുരുക്കിട്ടു; ഗുജറാത്ത് പൊലീസ് ഒന്നും നടക്കില്ലെന്ന് പറഞ്ഞപ്പോഴും അതിസാഹസിക നീക്കങ്ങൾ ഫെനിയെ വലയിലുമാക്കി; പീഡകരുടെ പേടിസ്വപ്നമായ നെയ്യാർഡാമിലെ ആക്ഷൻ ഹീറോ സതീഷിന്റെ ബറോഡാ ഓപ്പറേഷൻ ഇങ്ങനെ
നളന്ദയിലെ സരസ്വതിയെ ഷെറിൻ മാത്യൂസാക്കിയത് അമേരിക്കയിലെ ആനുകൂല്യം തട്ടാൻ; ഭിന്നശേഷിക്കാരിയുടെ അച്ഛനും അമ്മയുമായി കൊച്ചിക്കാർ മാറിയത് ബോധപൂർവ്വം; ഒരു കുട്ടിയുണ്ടായിട്ടും മൂന്നു വയസ്സുകാരിയെ മകളാക്കിയതിന്റെ രഹസ്യം അറിഞ്ഞ് ഞെട്ടി അമേരിക്കൻ മലയാളികൾ; വെസ്ലിക്കും സിനിക്കുമെതിരെ കൊലക്കുറ്റം ചുമത്താനുറച്ച് അന്വേഷണ സംഘം; ഹൂസ്റ്റണിലെ മൂന്നുവയസ്സുകാരിയോട് വളർത്തച്ഛനും വളർത്തമ്മയും കാട്ടിയതുകൊടുംക്രൂതയെന്ന് തിരിച്ചറിഞ്ഞ് അന്വേഷണ സംഘം