1 usd = 71.26 inr 1 gbp = 91.80 inr 1 eur = 81.03 inr 1 aed = 19.40 inr 1 sar = 18.99 inr 1 kwd = 234.82 inr

Jan / 2019
20
Sunday

ആമി: ആത്മാവില്ലാത്ത അഭ്രാഭാസം! വ്യക്തിഹത്യയും വ്യാജ മതേതരത്വവും കുത്തിനിറച്ച് ഒരു വികല സൃഷ്ടി; മേക്കപ്പും മിമിക്രിയുമായി മഞ്ജുവാര്യരുടെ ഗിമ്മിക്ക്; കമൽ സാർ ഇത് ശരിക്കും നാണക്കേടാണ്

February 10, 2018 | 06:42 AM IST | Permalink



ആമി: ആത്മാവില്ലാത്ത അഭ്രാഭാസം! വ്യക്തിഹത്യയും വ്യാജ മതേതരത്വവും കുത്തിനിറച്ച് ഒരു വികല സൃഷ്ടി; മേക്കപ്പും മിമിക്രിയുമായി മഞ്ജുവാര്യരുടെ ഗിമ്മിക്ക്; കമൽ സാർ ഇത് ശരിക്കും നാണക്കേടാണ്

എം മാധവദാസ്

മാധവിക്കുട്ടിയുടെ 'എന്റെ കഥ' ഇറങ്ങിയപ്പോൾ എംപി നാരായണപ്പിള്ള എഴുതിയ ഒരു ക്‌ളാസിക്ക് ഡയലോഗുണ്ട്.'കപട സദാചാരവാദിയായ മലയാളിയുടെ മുഖത്തേക്ക് തീണ്ടാരിത്തുണികൊണ്ടുള്ള ഏറാണ് ഈ പുസ്തകമെന്ന്'. മഞ്ജുവാര്യരെ നായികയാക്കി, പ്രശസ്ത സംവിധായകൻ കമൽ എടുത്ത,മാധവിക്കുട്ടിയെന്ന കമലസുരയ്യയുടെ ജീവചരിത്രാധിഷ്ഠിതമായ ചിത്രം (ബയോപിക്ക്) 'ആമി' കണ്ടപ്പോൾ നാരായണപ്പിള്ള്ള എഴീതിയത് തിരിച്ചിടാൻ തോന്നി.'നല്ല സിനിമയെ സ്‌നേഹിക്കുന്നവരുടെ മുഖത്തേക്കുള്ള കാറിത്തുപ്പലായിപ്പോയി' കമൽ സാർ ഈ പടം.

സത്യത്തിൽ ഈ ചിത്രം ഒരുഗവേഷണ വിഷയമായി ചലച്ചിത്ര അക്കാദമിയുടെ ആർക്കേവിൽ സൂക്ഷിക്കണം സർ. എങ്ങനെ ഒരു ബയോപിക്ക് എടുക്കരുതെന്ന് കുട്ടികളെ പഠിപ്പിക്കാൻ.അത്രക്ക് വികലവും അരോചകവും,വ്യക്തിഹത്യ നിറഞ്ഞതുമായ,വ്യാജമതേതര സന്ദേശം കൊടുക്കുന്ന അറുബോറൻ ചിത്രമായിപ്പോയി ഇത്.കമൽ സാർ, സെല്ലുലോയ്ഡ് എന്ന ബയോപിക്കിലൊക്കെ താങ്കൾ ചെയ്ത മാസ്റ്റർ ക്രാഫ്റ്റ് എവിടെപ്പോയി. ബോറടിയില്ലാതെ ഈ ചിത്രം കണ്ടിരിക്കാൻപോലും കഴിയില്ല. ആർക്കോവേണ്ടിയെന്നോണം യാതൊരു ഫോക്കസുമില്ലാതെ,നാടക ഡയലോഗിൽ പടം അങ്ങനെ പമ്മിപ്പമ്മി പോവുന്നു.ഓർമ്മയിൽ തങ്ങിനിൽക്കുന്ന ഒരു ഷോട്ടുപോലും ചിത്രത്തിലില്ല.രണ്ടാം പകുതിയുടെ മധ്യത്തിലത്തെുമ്പോഴേക്കും, നീട്ടിവലിച്ചിൽ കാരണം ഈ പടപ്പ് എങ്ങനെയെങ്കിലും ഒന്ന് തീർന്ന് കിട്ടിയാൽ മതിയെന്ന് കരുതിപ്പോവും.

പക്ഷേ എന്തൊക്കെയായിരുന്നു തള്ളൽ. തുറന്നു പറയട്ടെ ആമിയായി മഞ്ജു സൂപ്പർ ബോറാണ്. ആകെ കൃതിമത്വം മുഴച്ചു നിൽക്കുന്നു. പക്ഷേ മഞ്ജുവല്ല, ഇത്രയും സംഭവ ബഹുലമായ ഒരു ജീവിതം കിട്ടിയിട്ടും അത് കുളം തോണ്ടിച്ച കമൽ തന്നെയാണ് ഈ ദുരന്തത്തിൽ ഒന്നാം പ്രതി. തിരക്കഥയിലോ ആഖ്യാനത്തിലോ പുതുമ എന്ന സാധനം കൊണ്ടുവരാൻ, എത്രയോ നല്ല ചിത്രങ്ങൾ എടുത്ത കമലിന് കഴിഞ്ഞിട്ടില്ല.ജീവിച്ചിരുന്ന പ്രശസ്ത വ്യക്തിത്വത്തെകുറിച്ചുള്ള ബയോപിക്ക് എടുക്കുമ്പോൾ പാലിക്കേണ്ട, അടിസ്ഥാനകാര്യങ്ങളായ വ്യക്തിഹത്യ നിരാസം, വസ്തുതാപരമായ സത്യസന്ധത എന്നിവപോലും കമൽ പാലിച്ചിട്ടില്ല.ആത്മകഥാനുഷ്ഠിയായ ഒരുപാട് ക്‌ളാസിക്ക് സിനിമകൾ ചലച്ചിത്രോൽസവങ്ങളിലും മറ്റും കണ്ടവരാണ് നാം.

മേരികോമിനെ കുറിച്ചും എന്തിന് നമ്മുടെ സച്ചിനെകുറിച്ചുമൊക്കെയിറങ്ങിയ ബയോപിക്കുകൾ കണ്ടുനോക്കുക. അതാക്കെ വെച്ചുനോക്കുമ്പോൾ ഈ പടത്തിന്റെ സ്ഥാനം എവിടെയാണ്. സംശയം വേണ്ട, ചവറ്റുകുട്ടയിൽ തന്നെ. പക്ഷേ ഈ പടം സാമൂഹിക വിരുദ്ധമാവുന്നത് വികലവും അപക്വവുമായ അതിന്റെ രാഷ്ട്രീയ-സാമൂഹിക ഉള്ളടക്കം കൊണ്ടാണ്.

വ്യക്തിഹത്യയും വ്യാജ മതേതരത്വവും

സ്‌നേഹത്തിനായി എപ്പോഴും ദാഹിച്ച, അരുതാത്തതെന്ന് സമൂഹം പറഞ്ഞതിനെയാക്കെ വരുതിയിലക്കാൻ ശ്രമിച്ച, ജീവിതാസ്‌കതിയുടെ കൊടുമുടിയായിരുന്ന അതിസങ്കീർണ്ണ വ്യക്തിത്വമായിരുന്നു കേരളീയർ മനസ്സിലാക്കിയ മാധവിക്കുട്ടി.എന്നാൽ ആമിയിൽ ആ സങ്കീർന്നതകൾ ഒന്നും പ്രതിഫലിക്കുന്നില്ല. ഫലത്തിൽ അവരും വെറും ഒരു കുലസ്ത്രീയായി ഒതുങ്ങുന്നു! തന്നെ പ്രണയിച്ച് കടൽ കടന്നത്തെിയ തൂലികാ സുഹൃത്തിനെ നിരാശനാക്കുന്ന, ഭർത്താവിനല്ലാതെ മറ്റൊരാൾക്കും ഒപ്പം ശയിക്കാത്ത കെട്ടിലമ്മ.വിധവയായതിന് ശേഷമേ അവർ ഒരാളുമായി കിടപ്പറ പങ്കിടുന്നുള്ളൂ.സരോജ് കുമാർ ചോദിച്ചപോലെ.അതല്ലേ തറവാടിത്തം..അതല്ലേ ഹീറോയിസം!

എന്റെ കഥയിടക്കം ആമി എഴുതിയതെല്ലാം വെറും ഭാവനകൾ.ഇനി അഥവാ അവർക്ക് ആരോടെങ്കിലും പ്രണയം ഉണ്ടായിരുന്നെങ്കിൽ കുട്ടിക്കാലം തൊട്ടേ അവർ സ്വപ്നങ്ങളിൽ കാണുന്ന കൃഷ്ണനുണ്ട് കൂടെ.ടൊവീനോ തോമസിന്റെ ,വേണുനാഗവള്ളിയുടെ നിരാശാകാമുകനെ ഓർമ്മിപ്പിക്കുന്ന കഥാപാത്രം ആമിയിലെ കൃഷ്ണനാണ്.ആദ്യ പ്രണയം തോന്നിയ ചിത്രകലാധ്യാപകൻ തൊട്ട് എല്ലാവരും കൃഷ്ണന്റെ പ്രതിരൂപങ്ങൾ മാത്രം.എല്ലാം മായ എന്ന സുരക്ഷിതമായ ലൈൻ!പക്ഷേ കമൽ സാർ മാധവിക്കുട്ടി അങ്ങനെയായിരുന്നില്ല. ഇഷ്ടങ്ങളിൽ അവർക്ക് സ്വന്തമായ തീർപ്പുണ്ടായിരുന്നു.തന്റെ ലൈംഗികത ഒരു സ്ത്രീ നിർണ്ണയിക്കുന്നതിൽ എന്താണിത്ര പേടി.മാധവിക്കുട്ടിയെപ്പോലൊരാളുടെ കഥ സിനിമയാക്കുമ്പോൾപോലും സ്ത്രീയുടെ ലൈംഗിക സ്വാതന്ത്ര്യത്തെയും പ്രണയത്തേയും ചങ്ങലിക്കിടേണ്ടിവരുന്ന താങ്കളുടെ ധിഷണക്കുമുന്നിൽ നല്ല നമസ്‌ക്കാരം പറയാനേ തോനുന്നുള്ളൂ.

ആമിയെ കുലസ്ത്രീയും വിശുദ്ധമായ പളുങ്കുപാത്രവുമായി ഉയർത്തുന്ന കമൽ,അവരുടെ ഭർത്താവ് മാധവദാസിനെ ഹീനമായി വ്യക്തിഹത്യ ചെയ്യുന്നുണ്ട്.അയാൾ സ്വവർഗഭോഗത്തിൽ തൽപ്പരായ വ്യക്തിയാണെന്ന് ആത്കഥാനുഷ്ഠിതമായ ചിത്രത്തിൽ വരുന്നത്,തിരിച്ച് പ്രതികരിക്കാൻ ഈ ലോകത്ത് ഇല്ലാത്ത ഒരു മനുഷ്യനോട് ചെയ്യുന്ന എത്ര വലിയ ക്രൂരതയാണെന്ന് ചിന്തിച്ചിട്ടുണ്ടോ മിസ്റ്റർ കമൽ നിങ്ങൾ.'എന്റെ കഥയിലെയും',മാധവിക്കുട്ടിയുടെ ചില സ്വകാര്യ സംഭാഷണങ്ങളിലും അങ്ങനെയാരു പരാമർശം ഉണ്ടെന്നുതന്നെ വെക്കുക.ആ ഭാഗം ഡയറക്ടായി കാണിക്കാതെ വ്യംഗ്യമായി നിങ്ങൾക്ക് പറയാമായിരുന്നു.അതാണ് കല.പറയാനുള്ള ദ്യോതിപ്പിക്കുന്നതും ഒരു ആർട്ടാണ് സർ.ഇവിടെ മുരളിഗോപിയുടെ മാധവദാസും സ്വവർഗരതിയനായ സുഹൃത്തും ചുംബിക്കുന്ന രംഗംവരെ കാണിക്കുന്നുണ്ട്.

അതിലും ഭീകരം,തന്നേക്കാൾ 20വയസ്സ് കുറവായ, വെറും 15വയസ്സ്മാത്രമുള്ള ഭാര്യയെ കാമലീലകൾ പഠിപ്പിക്കാനായി മുംബൈ ചുവന്ന തെരുവിൽനിന്ന് ഒരു ലൈംഗിക തൊഴിലാളിയെ മാധവദാസ് വീട്ടിൽ കൊണ്ടുവരുന്ന രംഗമാണ്!ആമിയെ അവരെ എൽപ്പിച്ച് കാര്യങ്ങൾ പറഞ്ഞുകൊടുക്കാൻ പറഞ്ഞ് ഓഫീസിൽപോവുകയാണ് മാന്യനായ ആ ഭർത്താവ്.തിരിച്ചുവരുമ്പോഴേക്കും 'തൊഴിൽ' പഠിച്ച ആ 15വയസ്സുകാരി ഭർത്താവിനെ സന്തോഷിപ്പിക്കുന്നു! ഓർക്കുക,ഷക്കീലപ്പടത്തിൽ കാണുമോ ഇത്രയും അശ്‌ളീലമായ രംഗം.'രതിസാമ്രാജ്യം' എഴുതിയ നാലപ്പാട്ട് നാരയണമോനോന്റെ കൊച്ചുമകൾക്ക് ആ പുസ്തകമെങ്കിലും റഫർ ചെയ്യാമായിരുന്നില്ലേ മാധവദാസിന്.

ഇനി ഈ വിവരം എവിടെനിനാണ് കമലിന് കിട്ടിയത്. എന്റെ കഥയും ,നീർമാതളം പൂത്തകാലവും തൊട്ട് മാധവിക്കുട്ടിയെ മോശമില്ലാതെ വായിച്ച ഈ ലേഖകൻ അടക്കമുള്ളവർക്ക് ആമി എവിടെയും അത്തരം ഒരു ഗുരുതര ആരോപണം ഉന്നയിച്ചതായി അറിയില്ല.( മറിച്ച് വിവരമുള്ള വായനക്കാർ ലേഖകനെ തിരുത്തട്ടെ) ഇനിയുമുണ്ട് വ്യക്തിഹത്യകൾ. തിരുവനന്തപുരത്ത് താമസിക്കുമ്പോൾ തന്നെ കാണാനത്തെിയ ഒരു നിർധന കുടുംബത്തിലെ കവയത്രി കൂടിയായ പെൺകുട്ടിക്ക് ആമി തന്റെ സ്വർണവള ഊരി നൽകുന്നു. എന്നാൽ അവർ പുറത്തിറങ്ങവേ, ആമിയുടെ ഭർത്താവ് അത് സൂത്രത്തിൽ തിരിച്ചുവാങ്ങുന്നു. ആമിക്ക് ഇപ്പോൾ അൽപ്പം ഓർമ്മക്കുറവുണ്ടെന്നും അവർ നൽകിയത് മുക്കുപണ്ടമാണെന്നും നിങ്ങൾ അത് വിൽക്കാൻ ശ്രമിക്കുമ്പോൾ പ്രശ്‌നമാവുമെന്നും പറഞ്ഞാണ് മാധവദാസ് അത് കൈക്കലാക്കുന്നത്. പകരം അയാൾ അൽപ്പം പണം നൽകുന്നുണ്ട്.

ഈ സീൻ കാണുന്ന പ്രേക്ഷകന് മാധവദാസിനോട് തോനുന്ന അഭിപ്രായം എന്തായിരിക്കും. എന്നാൽ യാഥാർഥ്യമെന്താണ്? എന്തും ദാനം ചെയ്യുന്ന ശീലം പണ്ടേയുള്ള ആളാണ് മാധവിക്കുട്ടി. ഒരാൾ കൈയിലെ വാച്ച്‌നോക്കി 'നല്ലവാച്ച്' എന്ന് പറഞ്ഞാൽ ഉടനെ അത് ഊരിക്കൊടുക്കും. ഇങ്ങനെ സ്വർണ്ണമാലതൊട്ട് ഫ്രിഡ്ജ്വരെ അവർ 'ദാനം' ചെയ്തതിൽ പെട്ടിട്ടുണ്ട്. പലരും ഇല്ലാത്ത ബാധ്യതകൾ പറഞ്ഞ് അവരെ പറ്റിക്കാറുമുണ്ട്. ഇത് പതിവായപ്പോൾ മാധവദാസ് പുറത്തെടുത്ത ഒരു കൗശലമാണ് സിനിമയിൽ ചിത്രീകരിച്ചത്. പക്ഷേ ഈ ബാക്ക് ഗ്രൗണ്ട് ചിത്രത്തിലില്ല. പെട്ടന്ന് കാണുന്നവർക്ക് തോന്നുക ,മാധവിക്കുട്ടിയുടെ ഭർത്താവ് അറുത്ത കൈക്ക് ഉപ്പുതേക്കാത്തവനാണെന്നാണ്. (പക്ഷേ യഥാർഥത്തിൽ മാധവിക്കുട്ടിയുടെ ശക്തി, ബിരുദവും ബിരുദാനന്തര ബിരുദവുവുമൊക്കെ ഒന്നാറാങ്കിൽ നേടിയ റിസർവ് ബാങ്കിൽ ഉയർന്ന ഉദ്യോഗസ്ഥനായ ഭർത്താവ് മാധവദാസ് തന്നെയായിരുന്നെന്നാണ് എംപി നാരായണപ്പിള്ളയൊക്കെ എഴുതിയത്. 'എന്റെ കഥ' 90ശതമാനവും മാധവിക്കുട്ടിയുടെ ഭാവനയാണെന്നും). മാധവദാസും കമലയും തമ്മിലുള്ള സങ്കീർണ്ണമായ ബന്ധം പറഞ്ഞു ഫലിപ്പിക്കാനൊന്നും കമലിന് കഴിഞ്ഞിട്ടില്ല.

ഇനി ഇതും കമലിന്റെ ഒരു ട്രിക്കാണോ എന്ന് സംശയമുണ്ട്. പടം കണ്ട് സഹിക്കാതെ മാധവദാസിന്റെ ബന്ധുക്കൾ ആരെങ്കിലും കേസുകൊടുത്താൽ അതാ വരുന്നു, സംഘപരിവാർ ഫാസിസവും ആവിഷ്‌ക്കാര സ്വാതന്ത്ര്യവും. വിവരമില്ലാത്ത ഏതെങ്കിലും സംഘികൾ നാല് കല്ലുകൾകൂടി തീയേറ്ററിലേക്ക് വലിച്ചെറിഞ്ഞാൽ സംഗതി ജോർ. അഞ്ചുപൈസക്ക് കൊള്ളാത്ത ഈ പടം ഹിറ്റാവും! അർഹിക്കുന്ന അവഗണനയല്ലാതെ ആ കെണിയിൽ ആരും തലവെച്ച് കൊടുക്കാതിരിക്കട്ടെ. അക്കാലത്തെ പ്രശസ്തവാരികയായ മലയാള നാടിന്റെ എഡിറ്ററെയും,വിടനും വേന്ദ്രനുമാക്കി അപമാനിക്കുന്നുണ്ട് കമൽ.

ഈ ചിത്രത്തിലൂടെ കമൽ ഉയർത്തുന്ന മതേതര സന്ദേശം കേട്ടാൽ ശരിക്കും ചിരിച്ചുപോവും.ഒരു മൊല്ലാക്കയും,പള്ളീലച്ചനും,പൂജാരിയും ഒന്നിച്ചുനിന്ന് കെട്ടിപ്പിടിച്ചാൽ മതേതരത്വമാവുന്ന എൽ.പികുട്ടികളുടെ സങ്കൽപ്പംപോലൊന്ന്. ഇഷ്ടപ്പെടുന്നവരിൽ ശ്രീകൃഷ്ണനെ കാണുന്ന ആമി, അവസാനം തന്റെ മതംമാറ്റത്തിന് കാരണമായ അക്‌ബർ അലി എന്ന പ്രാസംഗികനും എഴുത്തുകാരനുമായ സഹൃദയനിലും കാണുന്നത് ശ്രീകൃഷ്ണനെയാണ്.ടൊവീനോയുടെ കൃഷ്ണൻ, ഇനി പ്രവാചകനെ കൃഷ്ണനെന്ന് വിളിക്കാനുള്ള സമ്മതം ആമിക്ക് കൊടുക്കുന്നതു കണ്ടപ്പോൾ, കണ്ണുതള്ളിപ്പോയി.എന്റെ കൃഷ്ണാ..എന്തൊരു മതസൗഹാർദം!

അല്ല, അത് ലൗ ജിഹാദല്ല!

ഒരുകാര്യത്തിൽ സന്തോഷമുണ്ട്. മാധവിക്കുട്ടി മതംമാറി കമല സുരയ്യ ആയത് സംഘപരിവാർ ആരോപിക്കുന്നപോലെ ലൗ ജിഹാദല്ലെന്ന് ചിത്രവും പറയുന്നു.(കേരളത്തിലെ ആദ്യത്തെ ലൗ ജിഹാദാണ് മാധവിക്കുട്ടിയുടെ മതംമാറ്റമെന്നാണ് ശശികല ടീച്ചറൊക്കെ ആരോപിക്കുന്നത്) മാധവിക്കുട്ടിയുടെ മതംമാറ്റത്തിന് കാരണക്കാരനായി, ലീലാമേനോനെപ്പോലുള്ള ജേർണലിസ്റ്റുകൾ പിൽക്കാലത്ത് തുറന്നടിച്ച, മുസ്ലീലീഗ് നേതാവും പ്രമുഖ വാഗ്മിയുമായ അബ്ദുസമദ് സമദാനിയുടെ രൂപവും ഭാവവും അനുകരിച്ചുകൊണ്ട്, രോമത്തൊപ്പിയുംവെച്ച് 'പൊറാട്ട മൈദാ..' എന്ന മോഡലിൽ ഗീതയും ഖുർആനുമൊക്കെ ഉദ്ധരിച്ചാണ് അനൂപ്‌മേനോൻ അക്‌ബർ അലി എന്ന കഥാപാത്രത്തെ അവതരിപ്പിച്ചിരിക്കുന്നതെങ്കിലും അവിടെ ഈ സിനിമയുടെ ട്രേഡ് മാർക്കായ വ്യക്തിഹത്യ കമൽ കയറ്റിയിട്ടില്ല.

ആരാധനമൂത്ത് ആമിയെ കാണാനത്തെുന്ന അക്‌ബർ അലി ആദ്യ അവരെ 'അമ്മ' എന്നാണ് വിളിക്കുന്നത്. പിന്നീട് ഒരുഘട്ടത്തിൽ അത് യാദൃശ്ചികമായി പ്രണയമായി വളരുന്നു. പക്ഷേ മാധവിക്കുട്ടിയുടെ കമല സുരയ്യയിലേക്കുള്ള മാറ്റം വലിയ വിവാദ കോലാഹലങ്ങൾ സൃഷ്ടിച്ചതോടെ അയാൾ അധീരനായിപ്പോവുകയും സ്വന്തം കർമ്മ മണ്ഡലമായ ഡൽഹിയിലേക്ക് മടങ്ങുകയും ചെയ്യുന്നു. അല്ലാതെ സംഘികൾ ആരോപിക്കുന്നതുപോലെ ആദ്യമേ മതംമാറ്റം ഉറപ്പിച്ച് അതിനായി പ്രണയിച്ച്, ശേഷം അടിനെ മേക്കാൻ സിറിയക്ക് പോകുന്ന ടെക്ക്‌നിക്കല്ല! പക്ഷേ ഇസ്ലാമിസ്റ്റുകൾക്ക് ആഹ്‌ളാദിക്കാനുള്ള വകയും സംവിധായകൻ നൽകുന്നില്ല. മതം തീർക്കുന്ന തടവറ കൃത്യമായി ചിത്രം അടയാളപ്പെടുത്തുന്നുണ്ട്.

അവസാനം ഫ്‌ളാറ്റിനുമുന്നിൽ മുസ്ലിം ചെറുപ്പക്കാരുടെ കാവലും,മൗലവിമാരുടെ ഭീഷണി മുഴങ്ങുന്ന ആജ്ഞകളും അനുസരിക്കേണ്ടിവരുന്ന സുരയ്യയെും ചിത്രം എടുത്തുകാണിക്കുന്നു. ഈ ഘട്ടത്തിൽ മാത്രമാണ് സംവിധായകന്റെതായ എന്തെങ്കിലും ക്രാഫ്റ്റ് കാണുന്നത്. കടും നിറത്തിലുള്ള സാരിയും ചുവന്ന വലിയ പൊട്ടുംതൊട്ട് നിറയെ ആഭരണങ്ങൾ ധരിച്ച മാധവിക്കുട്ടിയിൽനിന്ന്, കറുത്ത പർദയും കട്ടിക്കണ്ണടയും ധരിച്ച് ചാക്കുകെട്ടുപോലെ തോന്നിക്കുന്ന കമലസുരയ്യയുടെ പുതിയ രൂപത്തിലേക്കുള്ള പരിവർത്തനത്തിലുണ്ട് മതംമാറ്റത്തിന്റെ വ്യർഥതകൾ എല്ലാം.

വിദ്യാബാലന് വെച്ചത് യോജിക്കാതെ മഞ്ജു

പലപ്പോഴും മാധവിക്കുട്ടിയുടെ ശരീരഭാഷയെ മിമിക്രി ചെയ്യാൻ ശ്രമിക്കുകയെന്നല്ലാതെ,ആ വിഭ്രമിപ്പിക്കുന്ന വ്യക്തിത്വത്തിന്റെ ഹൃദയത്തിലേക്ക് കയറാൻ മഞ്ജുവാര്യർക്ക് കഴിഞ്ഞിട്ടില്ല.കണ്ണെഴുതി പൊട്ടും തൊട്ട്,കന്മദം, ദയ എന്നീ മുൻകാല ചിത്രങ്ങളിലെ വേഷങ്ങളുടെ നിഴൽമാത്രമാണ് ഇപ്പോൾ മഞ്ജുവിൽ കാണുന്നത്.സ്വാഭാവിക അഭിനയത്തിന് പേരുകേട്ട മഞ്ജുവിന് ഇവിടെ അടിമുടി കൃത്രിമത്വമാണ്. മേക്കപ്പുകൊണ്ടുള്ള ബാഹ്യസാമ്യത്തിലൂടെ പിടച്ചുനിൽക്കാൻ ശ്രമിക്കുന്ന പച്ചാളം ഭാസി സ്‌റ്റൈൽ! മാധവിക്കുട്ടിയുടെ പ്രശസ്തമായ ചിരി അനുകരിച്ചുകൊണ്ട് സ്ഥാനത്തും അസഥാനത്തും മഞ്ജു ചിരിക്കുമ്പോൾ പ്രേക്ഷകർ കരഞ്ഞുപോവുകയാണ്. ഡബ്ബിങ്ങ്‌പോലും നന്നായിട്ടില്ല. നാടകംപോലത്തെ സംഭാഷണങ്ങൾ ഉള്ള ഫീലും നശിപ്പിച്ചു.

ഈ പടം വിദ്യാബാലൻ അഭിനയിക്കേണ്ടത് തന്നെയായിരുന്നു. അല്ലെങ്കിൽ നമ്മുടെ പാർവതിയയാപ്പോലും ഇതിനേക്കാൾ മെച്ചമായേനെ. ആമിയുടെ ബാല്യ-കൗമാരങ്ങൾ അഭിനയിച്ച കുട്ടികളൊക്കെ എത്ര സ്വാഭവികമായാണ് ക്യാമറയെ അഭിമൂഖീകരിക്കുന്നത് എന്ന് ഓർക്കുമ്പോഴാണ് ലേഡി സൂപ്പർ സ്റ്റാറിന്റെ പതനത്തിന്റെ ആഴം വ്യക്തമാവുക. രണ്ടാംവരവിൽ ഈ അനുഗൃഹീത നടിക്ക് കിട്ടിയ മിക്ക കഥാപാത്രങ്ങളിലും ആർട്ടിഫിഷ്യാലിറ്റി ശരിക്കും തോനുന്നുണ്ട്. എന്നിട്ടും ആരും മഞ്ജുവിന്റെ ശ്രദ്ധയിൽ മാത്രം പെടുത്തില്ല! 

ആമിയുടെ ഭർത്താവായി വേഷമിട്ട മുരളിഗോപി പക്ഷേ വ്യതിരിക്തമായ കഥാപാത്രത്തെ ഉൾക്കൊണ്ടാണ് അഭിനയിച്ചത്. പിതാവ് ഭരത് ഗോപിയെപ്പോലെതന്നെ മലയാളത്തിന് ശരിക്കും മുതൽക്കുട്ടാണ് ഈ നടൻ. ആമിയുടെ സങ്കൽപ്പങ്ങളിലെ ശ്രീകൃഷ്ണനായി വന്ന ടൊവീനോ തോമസിന്റെ വേഷവും പാളി. അടിമുടി കൃത്രിമത്വമാണ് ഈ വേഷത്തിലും.

അടിക്കടി വിജയമായി വളർച്ചയുടെ പടവുകൾ താണ്ടിക്കൊണ്ടിരിക്കുന്ന അവസരത്തിൽ ഇതുപോലൊരു വേഷം ടൊവീനോക്ക് വേണ്ടായിരുന്നു. ആമിയുടെ അവസാന പ്രണയനായകനായി വരുന്ന അക്‌ബർ അലിയായ നമ്മുടെ അനൂപ് മേനോനും സാമാന്യം നന്നായി ബോറടിപ്പിച്ചു. കഥാപ്രസംഗത്തിലെന്ന പോലെ ജീവിതത്തിൽ സംസാരിക്കുന്ന ഒരാൾ. കഷ്ടം എന്നല്ലാതെന്തുപറയാൻ. പക്ഷേ കുറ്റംമാത്രം പറയരുതല്ലോ. ആമിയുടെ പിതാവ് വി എം നായരായി വരുന്ന അനിൽ നെടുമങ്ങാട്, പത്രാധിപരായ രഞ്ജി പണിക്കർ, സ്വർണ്ണപ്പണിക്കാരായി ഒരു സീനിൽ മാത്രം വരുന്ന ഇന്ദ്രൻസ്, വേലക്കാരിയുടെ വേഷമിട്ട കെ.പി.എ.എസി ലളിത, ആമിയുടെ അമ്മൂമ്മയായ ശ്രീദേവി എന്നിവരൊക്കെ തീർത്തും സ്വാഭാവികമായാണ് വേഷങ്ങൾ ചെയ്തിട്ടുള്ളത്. ആമിയുടെ അമ്മയായ ബാലാമണിയമ്മയുടെ വേഷമിട്ട നടി ശരിക്കും അഭിനന്ദനം അർഹിക്കുന്നുണ്ട്.

റിലീസിനുമുമ്പേ ഹിറ്റായ റഫീക്ക് അഹമ്മദ്-എം.ജയചന്ദ്രൻ ടീമിന്റെ ഇമ്പമാർന്ന നീർമാതളപ്പാട്ട് തന്നെയാണ് ചിത്രത്തിന്റെ തീം സോങ്ങ്. മൊത്തത്തിൽ ചിത്രത്തിന്റെ സംഗീതവും പശ്ചാത്തലവും കാതിനിമ്പമുള്ളതാണ്. ബ്രിട്ടീഷ് ഇന്ത്യതൊട്ട് ആധുനിക കേരളംവരെയുള്ള കാലം ഒരുക്കിയതിൽ കലാസംവിധായകനും ക്യാമറാനും അഭിമാനിക്കാം. പക്ഷേ ചോറെത്ര നന്നായിട്ടെന്താ, താളല്ലേ കറി എന്നു പറഞ്ഞപോലെ, ഇവരൊക്കെ എത്ര കഷ്ടപ്പെട്ടാലും സംവിധായകന്റെ തലച്ചോറിൽ വല്ലതുമില്ലെങ്കിൽ പടം നന്നാവുമോ? അനാവശ്യമായ ഒരു പാട് രംഗങ്ങൾ ചെത്തിക്കളഞ്ഞ് ചിത്രത്തിന്റെ നീളം അൽപ്പംകുറക്കാൻ എഡിറ്റർ ശ്രദ്ധിച്ചതുമില്ല. അങ്ങനെയാണെങ്കിൽ രണ്ടാംപകുതിയിലെ ഇഴച്ചിലിന് അൽപ്പം സമാധാനമായേനെ.

വാൽക്കഷ്ണം:
വിദ്യാബാലനെക്കുറിച്ച് കമൽ പറഞ്ഞത് അച്ചട്ടാണെന്ന് ചിത്രം കണ്ടപ്പോൾ തോന്നി. വിദ്യാബാലനായിരുന്നെങ്കിൽ ചിത്രത്തിൽ കൂടുതൽ ലൈംഗിക കടന്നുവരുമായിരുന്നെന്ന് ആദ്യം പറഞ്ഞ കമൽ, പിന്നീടത് വൻ വിവാദമായപ്പോൾ വിദ്യയായിരുന്നെങ്കിൽ ലൈംഗിക വിഷയങ്ങൾ ചിത്രീകരിക്കുമ്പോൾ തനിക്ക് കൂടുതൽ സ്വാതന്ത്ര്യം കിട്ടുമായരിന്നു എന്നാണ് പറഞ്ഞിരുന്നതെന്ന് തിരുത്തിയിരുന്നു. സംഗതി ശരിയാണ്. ലൈംഗിക ചിത്രീകരിക്കുന്ന സീനുകളിൽ മഞ്ജു അസഹനീയ ബോറാണെന്ന് മാത്രമല്ല ഇമേജിന്റെ സമ്മർദ്ദവും പ്രകടമാണ്.

മാക്‌സിയുടത്താണ് ഭർത്താവുമായുള്ള അവരുടെ ഒരു കിടപ്പറ രംഗംപോലും കാണിക്കുന്നത്! ഇത്രമാത്രം സദാചാരബോധത്തിന്റെയും തറവാട്ടമ്മ ഇമേജിലും അഭിരമിക്കുന്നവർ ഇത്തരം അപകടം പിടിച്ച വേഷങ്ങൾക്കൊന്നും ഇറങ്ങിപ്പുറപ്പെടുരുതെന്നാണ് ഈ പടത്തിന്റെ ഗുണപാഠം! സൂർത്തുക്കളേ...ദൂരെ എവിടെനിന്നോ വിദ്യാബാലന്റെ ചിരി നിങ്ങൾ കേൾക്കുന്നില്ലേ.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
സാക്കിർ നായിക്കുമായി ബന്ധപ്പെട്ട 16 കോടി രൂപയുടെ സ്വത്തുക്കൾ കണ്ടുകെട്ടി; ഇതോടെ എൻഫോഴ്സ്മെന്റ് കണ്ടുകെട്ടിയത് 50 കോടിയോളം രൂപ; പീസ് ടീവി നിരോധിച്ചതിന് പിന്നാലെ വന്ന നഷ്ടങ്ങൾ ഇതിന് പുറമെയും; സംഘടനയുടെ പേരിൽ നായിക്കിന് പ്രസംഗങ്ങൾ നടത്താനോ ഫണ്ടുകൾ സ്വീകരിക്കാനോ സാധിക്കുന്നില്ല; മതപരിവർത്തനവും ഐഎസ് റിക്രൂട്ട്മെന്റും അടക്കമുള്ള വിവാദങ്ങളിൽപെട്ട ഇസ്ലാമിക പ്രഭാഷകന്റെ സാമ്പത്തിക സാമ്രാജ്യം കേന്ദ്ര നടപടികളിൽ തകരുന്നു; മോദി സർക്കാർ സാക്കിർ നായിക്കിനെ പൂട്ടിയത് ഇങ്ങനെ
അച്ഛന്റെ കൂട്ടുകാരനായി വീട്ടിൽ കയറിക്കൂടി; മൊബൈലിലൂടെ പതിനാറുകാരിയെ വളച്ചെടുത്തു; അനുനയിപ്പിച്ച് ലോറിയിൽ കയറ്റി കമ്പനിയിലെത്തിച്ചത് ലൈംഗിക സംതൃപ്തി നേടാൻ; പീഡനത്തെ പെൺകുട്ടി എതിർത്തപ്പോൾ കലിമൂത്തുകൊന്ന് ചാക്കിലാക്കി വാഴത്തോപ്പിൽ കുഴിച്ചു മൂടി; ടിപ്പർ ലോറിക്കാരനിൽ അന്വേഷണമെത്തിച്ചത് മൊബൈൽ ഫോൺ വിളികളുടെ ശാസ്ത്രീയ പരിശോധന; അയർക്കുന്നത്ത് പതിനഞ്ചുകാരിയെ കൊന്ന് കുഴിച്ചു മൂടിയത് രണ്ട് ഭാര്യമാരുള്ള പാലാക്കാരൻ; അജേഷിനെ കുടുക്കിയത് ഇങ്ങനെ
കടംവാങ്ങിയയും കൈയിലുള്ളതുമായി മുടക്കിയത് ആറു കോടി; എല്ലാം തീർന്നപ്പോൾ അണിയറക്കാരുടെ പാസ്‌പോർട്ട് വരെ സ്‌പോൺസറുടെ കൈയിലായി; ബാങ്കോക്കിൽ സെറ്റിൽ ചെയ്യാനുള്ളത് രണ്ടരക്കോടി; കടം കൊടുത്ത ഫിനാൻസർ പടം പൂർത്തിയാക്കാൻ തയ്യാറെങ്കിലും പ്രൊഡ്യൂസർ പദവി വിട്ടുകൊടുക്കില്ലെന്ന് നിർബന്ധം പിടിച്ച് സനൽ തോട്ടം; നടിയെ ആക്രമിച്ച കേസ് അനുഗ്രഹമാക്കി രാമചന്ദ്രബാബുവിനേയും സംഘത്തേയും ബാങ്കോക്കിൽ വിട്ട് ദിലീപ് കൊച്ചിയിലുമെത്തി; പ്രൊഫ ഡിങ്കൻ സർവ്വത്ര പ്രതിസന്ധിയിൽ
ഓട്ടോ ചേട്ടന്മാർ പറയുന്നതെ..എന്തിനാ പെങ്ങളെ ഇങ്ങനെ ബസിനു നോക്കി നിൽക്കുന്നെ ഇപ്പോ എങ്ങും ഇനി ബസ് ഇല്ല എന്ന് അറിഞ്ഞുടെ.. ഇങ്ങോട്ട് വേണേൽ കേറിക്കോ; കെഎസ്ആർടിസി ബസ് സമയത്തിന് ഇല്ലാത്തതുകൊണ്ട് വാഴുന്നത് ഓട്ടോകൾ; തലസ്ഥാനത്തിന്റെ സബർബൻ മേഖലയിൽ നിന്ന് ടെക്‌നോപാർക്കിലേക്ക് വരാനുള്ള ബുദ്ധിമുട്ട് കാട്ടി ജീവനക്കാരി ആവണി വിഷ്ണുവിന്റെ തുറന്ന കത്ത് തച്ചങ്കരിക്ക്
പഠിത്തം അവസാനിപ്പിച്ച് ഞാൻ നടന്നു കയറിയ ജീവിതം ഒരു പേടിസ്വപ്നമായിരുന്നു; അന്ന് ഒരുപാട് കരഞ്ഞു; ആരോടും ഒന്നും പങ്കുവച്ചില്ല; ആ സ്വപ്ന ജീവിതം വിട്ടിറങ്ങുമ്പോൾ ഉണ്ടായിരുന്നത് രണ്ട് വയസ്സ് മാത്രം പ്രായമുള്ള ഒരു കുഞ്ഞും സീറോ ബാലൻസ് അക്കൗണ്ടും; അഹങ്കാരിയെന്നും ഒന്നിനും കൊള്ളാത്തവളെന്നും മുദ്രകുത്തി; ഇപ്പോൾ ഞാൻ ആരാണെന്ന് എനിക്കറിയാം: അമൃത സുരേഷ് ജീവിതം പറയുന്നു
ആശുപത്രിയിൽ പോകാൻ കാറിന്റെ താക്കോൽ ആവശ്യപ്പെട്ട് രാജേഷിനെ സമീപിച്ച ശേഷം കത്തിക്ക് കുത്തി വീഴ്‌ത്തി; കമ്പി നെഞ്ചിൽ കുത്തിയിറക്കി മരണം ഉറപ്പാക്കിയ ശേഷം വലിച്ചിഴച്ച് ചെടികൾക്കിടയിൽ ഒളിപ്പിച്ചു; രാജേഷിന്റെ സഹായി മുത്തയ്യയെ തലയ്ക്ക് ചുറ്റികയടിച്ച് വകവരുത്തിയത് ഉറങ്ങിക്കിടക്കുമ്പോൾ; പണത്തിന് ആർത്തി മൂത്തുകൊലകൾ നടത്തിയത് കാമുകിയെ സ്വന്തമാക്കാൻ; ചിന്നക്കനാൽ ഇരട്ടക്കൊലപാതക കേസിൽ ബോബന്റെ മൊഴി ഇങ്ങനെ
മോദിക്ക് ഇന്ത്യയിൽ ഇനി ഒരു അവസരമില്ല; പ്രതിപക്ഷം ഒരുമിച്ച് നിന്ന് സർക്കാരിനെ താഴെയിറക്കും; രഥയാത്രയുടെ പേരിൽ ഒരു വർഗ്ഗീയതയും അനുവദിക്കുകയുമില്ല; മോദി സർക്കാരിനെതിരെ ഐക്യ പ്രതിപക്ഷം കൊൽക്കത്തയിൽ സംഘടിപ്പിച്ച മെഗാ റാലിയിൽ 15 സംസ്ഥാനങ്ങളിലെ മുഖ്യമന്ത്രിമാർ; അഴിമതിക്കെതിരെ പ്രവർത്തിക്കുന്നതാണ് അവരെ ചൊടിപ്പിക്കുന്നതെന്ന് തിരിച്ചടിച്ച് മോദി
എന്തുകൊണ്ട് സുപ്രീംകോടതി തന്ത്രിയെ വിരട്ടി വിട്ടില്ല ? എന്തുകൊണ്ട് കോടതി അലക്ഷ്യകേസെടുത്തില്ല ? എന്തുകൊണ്ട് ശുദ്ധി കർമ്മം കോടതി അലക്ഷ്യമായി പ്രഖ്യാപിച്ചില്ല ? എന്തുകൊണ്ട് മല ചവിട്ടാൻ എത്തുന്ന സ്ത്രീകൾക്കെല്ലാം സുരക്ഷ ഒരുക്കാൻ പറഞ്ഞില്ല ? ശബരിമല യുവതീ പ്രവേശനത്തിലെ മുൻനിലപാട് തിരുത്താൻ സുപ്രീംകോടതി ഒരുങ്ങുന്നു എന്നല്ലെ സൂചനകൾ ?
48 ദിവസത്തെ വിശ്വാസ സംരക്ഷണ സമരം പൂർണവിജയമായില്ലെന്ന് തുറന്നുസമ്മതം; ഓരോഘട്ടത്തിലും ജനപിന്തുണ ഏറിവന്നുവെന്നും അവകാശവാദം; പോരാട്ടം തുടരുമെങ്കിലും സെക്രട്ടേറിയറ്റിന് മുന്നിലെ ബിജെപിയുടെ നിരാഹാര സമരം നാളെ അവസാനിപ്പിക്കുമെന്ന് പി.എസ്.ശ്രീധരൻ പിള്ള; പി.കെ.കൃഷ്ണദാസ് നിരാഹാരം അവസാനിപ്പിക്കുന്നത് രാവിലെ പത്തരയോടെ; ശബരിമല വിഷയത്തിൽ പാർട്ടിയുടെ പിന്മാറ്റം സമരം അപ്രസക്തമായെന്ന തിരിച്ചറിവിൽ
ബിന്ദുവിനും കനകദുർഗ്ഗയ്ക്കും സംരക്ഷണം നൽകുന്ന കാര്യം പറയുന്നതിനിടെയാണ് സർക്കാർ അഭിഭാഷകൻ വിജയ് ഹൻസാരിയ ഒരു പേപ്പർ ഉയർത്തി കാട്ടി പറഞ്ഞത്: അവിടെ ഇപ്പോൾ യുവതികൾ വരുന്നുണ്ട്.. 51 പേര് ഇതിനോടകം വന്നിട്ടുണ്ട്; എത്ര പേര് കയറി എന്നത് ഞങ്ങളുടെ വിഷയം അല്ലെന്ന് ചീഫ് ജസ്റ്റിസ് രഞ്ജൻ ഗൊഗോയി; സുപ്രീംകോടതിയിൽ വെള്ളിയാഴ്ച നടന്നതെന്ത്? മാധ്യമപ്രവർത്തകൻ ബാലഗോപാൽ.ബി.നായരുടെ കുറിപ്പ് വൈറലാകുന്നു
ഓണപ്പതിപ്പിനായി ദിലീപിന്റെയും കുടുംബത്തിന്റെയും ഫോട്ടോ എടുക്കാനാണ് വീട്ടിൽ പോയത്; ഇറങ്ങാൻ നേരം ദിലീപ് എന്നോടു പറഞ്ഞു: ഒരുനടൻ എന്നെ വല്ലാതെ ദ്രോഹിക്കുന്നു... അവനെ കയറൂരി വിട്ടാൽ എനിക്ക് ഭീഷണിയായി വളരും..അതുകൊണ്ട് അവന്റെ വളർച്ച തടയണം: കുഞ്ചാക്കോ ബോബൻ- അവനെ ഒന്ന് ഒതുക്കി തരണം..ഞാൻ എന്ത് വേണമെങ്കിലും ചെയ്യാം; പല്ലിശേരിയുടെ പരമ്പര തുടരുന്നു
ഓപ്പറേഷൻ തിയേറ്ററിൽ വച്ച് സിവിൽ സർജനും സുന്ദരിയായ നഴ്‌സും തമ്മിൽ ചൂടൻ ചുംബനം ! ഉജ്ജൈനിലെ ആശുപത്രിയിൽ വച്ച് നടന്ന സംഭവം പുറംലോകമറിഞ്ഞത് വാട്‌സാപ്പ് വീഡിയോ വഴി; നഴ്‌സുമാരുടെ വാട്‌സാപ്പ് ഗ്രൂപ്പുകളിൽ വീഡിയോ പ്രചരിച്ചതിന് പിന്നാലെ ഡോക്ടറുടെ പണി തെറിച്ചു; ആശുപത്രിയിലെ ചൂഷണത്തിന്റെ മറ്റൊരു മുഖമിങ്ങനെ
പീഡിപ്പിച്ച ശേഷം വിവരം ഭർത്താവറിയാതിരിക്കാൻ കാശു ചോദിച്ച് ബ്ലാക് മെയിലിംഗും ചെയ്തു; ഓർത്തഡോക്‌സ് സഭാ വൈദികന്റെ പീഡനം അതിരു കടന്നപ്പോൾ വീട്ടമ്മ ആത്മഹത്യ ചെയ്തു; നീതി തേടി പൊലീസിന്റെ മുമ്പിലും സഭാ നേതൃത്വത്തിന്റെ മുമ്പിലും കയറി ഇറങ്ങി മടുത്ത് ഒരു പാവം ഭർത്താവ്; നേതി തേടിയുള്ള കുറിച്ചിക്കാരൻ റെജിയുടെ പോരാട്ടം വിജയിക്കുമോ?
കോബാറിലെ കുടുംബവീട്ടിൽ ജിഫിലി ഉറങ്ങാൻ കിടക്കുമ്പോൾ ആരുകരുതി ഉണരില്ലെന്ന്! ജിഫിന്റെ മുറിയിൽ കിടക്കാൻ വാശിപിടിച്ചും അവന്റെ പുതപ്പ് പുതച്ചും വഴുതി വീണത് അവസാന ഉറക്കത്തിലേക്ക്; ഒരുമാസം മുമ്പേ സഹോദരൻ വിടവാങ്ങിയപ്പോൾ ജിഫിലി ഹൃദയം പൊട്ടി പാടിയ 'മറുകരയിൽ നാം കണ്ടീടും' എന്ന ഗാനം ഓർത്ത് അച്ഛൻ ജോർജും കുടുംബവും; ഇത്തവണ ആ ഗാനം മുഴങ്ങുക ജിഫിലിക്കായ്; സൗദിയിൽ രണ്ടുമക്കളുടെയും മരണം ഹൃദയാഘാതം മൂലം; ചെങ്ങന്നൂരിലെ കുടുംബത്തിന്റെ ദുരന്തത്തിൽ ആശ്വാസവാക്കുകളില്ലാതെ ഉറ്റവർ
തിരക്കേറിയ സന്ദർശനത്തിനിടയിൽ രാഹുൽ ഗാന്ധി യൂസഫലിയുടെ അബുദാബിയിലെ ആഡംബര വസതിയിലുമെത്തി; കണ്ടാൽ കൊതി തീരാത്ത അത്യാഡംബരത്തിൽ മയങ്ങി ഭാവി ഇന്ത്യൻ പ്രധാനമന്ത്രി; യൂസഫലിയും ഭാര്യയായ സാബിറയും മകൾ ഷിഫയും മരുമകൻ ഷംസീറും ചേർന്ന് വിശിഷ്ടാതിഥിയെ വീട് ചുറ്റി കാണിച്ചു; ഷെയ്ഖ് സെയ്ദ ഗ്രാന്റ് പള്ളിയും കണ്ട് ദുബായിലേക്ക് തിരിച്ച രാഹുൽ ഇന്ന് ഡൽഹിയിൽ മടങ്ങിയെത്തും
അകമണ്ണിൽ ചതരഞ്ഞത് തീർന്നത് രണ്ട് കുരുന്നുകളും അവരുടെ അമ്മയും നാത്തൂനും മകളും അടക്കം ഒരു കുടുംബത്തിലെ ആറു പേർ; എതിരെ വന്ന ബസ് കാണാതെ ടിപ്പർ ലോറിയെ അമിത വേഗത്തിൽ ഓവർടേക്ക് ചെയ്തത് ദുരന്തകാരണമായി; ബസിനിടയിലേക്ക് ഇടിച്ചു കയറിയ കാറിൽ നിന്നും പുറത്തേക്ക് തെറിച്ചത് ചോരയും മാംസകഷ്ണങ്ങളും; ചാമുണ്ടേശ്വരിയെ കണ്ടിട്ടുള്ള യാത്ര കൊടിയ ദുരന്തമായപ്പോൾ ദുബായിൽ ഇരുന്ന് മനോജ് അലറി വിളിച്ചു; ഇന്നലെ നടന്നത് എംസി റോഡ് കണ്ട ദാരുണ അപകടങ്ങളിൽ ഒന്ന്
ആറു വയസ് മുതൽ ദിവസവും നാലു തവണ പിതാവിന്റെ ക്രൂര ലൈംഗിക പീഡനത്തിന് ഇരയായി ! 'രണ്ടു തവണ ഗർഭം ധരിച്ച ഞാൻ പതിമൂന്നാം വയസിൽ പിതാവിന്റെ കുഞ്ഞിനെ പ്രസവിച്ചു; ഗൂഗിളിൽ നോക്കി ഗർഭം അലസിപ്പിക്കാനുള്ള വഴികൾ തിരഞ്ഞ് അച്ഛൻ നിർബന്ധിച്ച് ചെയ്യിപ്പിച്ചത് കഠിന വ്യായാമങ്ങൾ'; താൻ വർഷങ്ങളായി അനുഭവിച്ച നരകയാതന തുറന്ന് പറഞ്ഞ് 18കാരി ഷാനോൺ
ഇന്നലെ വരെ ബുർഖക്കുള്ളിൽ പൊതിഞ്ഞ് അടിമയെ പോലൊരു ഒറ്റപ്പെട്ട ജീവിതം; ഇന്ന് തലമുണ്ടില്ലാത്ത ബർമുഡയും ധരിച്ച ന്യൂജെൻ സ്‌റ്റൈൽ; പുതു ജീവിതത്തിലേക്ക് ഇറങ്ങിയ റാഫ് മുഹമ്മദിനെ ടൊറന്റോ എയർപോർട്ടിൽ സ്വീകരിക്കാൻ മന്ത്രിമാർ വരെ എത്തി; സൗദിയിൽ നിന്നും രക്ഷപ്പെട്ട് ബാങ്ക്കോംഗിൽ എത്തി കാനഡയിൽ രാഷ്ട്രീയ അഭയാർത്ഥിയായ 18കാരിക്ക് ഇനി സുഖജീവിതം
ആറു വർഷം പ്രേമിച്ച ശേഷം വിവാഹം കഴിഞ്ഞ് മൂന്നു മാസം മധുവിധു ആഘോഷമാക്കിയ യുവാവ് ഒന്നാം തീയതി ദുബായിലെ ജോലി സ്ഥലത്തെത്തി; 11ന് ഭാര്യയെ കാണാൻ ഇല്ല എന്ന് വീട്ടുകാർ പറഞ്ഞപ്പോൾ നെഞ്ച് പൊട്ടി പ്രാർത്ഥിച്ചത് വെറുതെയായി; മറ്റൊരു കാമുകനൊപ്പം ഭാര്യ ഒളിച്ചോടിയെന്ന് തിരിച്ചറിഞ്ഞപ്പോൾ തകർന്നു പോകാതിരിക്കാൻ ഒളിച്ചോട്ടം സുഹൃത്തുക്കൾക്കൊപ്പം ആഘോഷമാക്കി സോഷ്യൽ മീഡിയയിൽ പോസ്റ്റ് ചെയ്തത് വിഷേഷും കൂട്ടരും; ദുബായിലെ വേറിട്ട ആഘോഷം ഷെയർ ചെയ്ത് സോഷ്യൽ മീഡിയ
അവസരം നൽകാമെന്ന് പറഞ്ഞ് ഫ്‌ളാറ്റിൽ വിളിച്ചു വരുത്തി പീഡിപ്പിച്ചെന്ന നടിയുടെ പരാതിയെ തുടർന്ന് നിർമ്മതാവായ വൈശാഖ് രാജനെ തേടി പൊലീസ്; മറുനാടൻ പുറത്തു വിട്ട സിനിമാ പീഡനക്കേസിൽ നിർമ്മതാവിന്റെ പേരിൽ പൊലീസ് ചുമത്തിയിരിക്കുന്നത് ബലാത്സംഗ കേസ്; ഒത്തുതീർപ്പ് ശ്രമങ്ങൾ പൊളിഞ്ഞതോടെ ഒട്ടേറെ ദിലീപ് സിനിമകളുടെ നിർമ്മാതാവായ ഗൾഫ് വ്യവസായിയെ ഉടൻ അറസ്റ്റ് ചെയ്‌തേക്കും; ബ്ലാക് മെയിൽ ശ്രമമെന്ന് ആരോപിച്ച് നിർമ്മാതാവ്; മലയാള സിനിമയെ പിടിച്ചു കുലുക്കി പുതിയ പീഡന കേസ്
മലയാള സിനിമയെ ഞെട്ടിച്ച് വീണ്ടും ലൈംഗിക പീഡന പരാതി; പ്രമുഖ യുവനടിയുടെ ആരോപണം പ്രമുഖ നടന്മാരെ വെച്ച് ഹിറ്റ് സിനിമകൾ ഒരുക്കിയ നിർമ്മാതാവിനെതിരെ; കൊച്ചി നോർത്ത് പൊലീസ് സ്റ്റേഷനിൽ നൽകിയ പരാതി ഒതുക്കിത്തീർക്കാൻ ശ്രമങ്ങൾ തകൃതി; പ്രാഥമിക അന്വേഷണത്തിന്റ പേരിൽ ആരോപണ വിധേയനെതിരെ എഫ്‌ഐആർ ഇടാതെ നടപടികൾ നീട്ടി ഒത്തുതീർപ്പ് ശ്രമങ്ങൾക്ക് അവസരമൊരുക്കി ഉദ്യോഗസ്ഥൻ; അന്വേഷണത്തിന്റെ വാസ്തവം ബോധ്യമാകട്ടെ എന്ന് കൊച്ചി സിറ്റി പൊലീസ്
വിപണിയുടെ താരം ലാലേട്ടൻ, പ്രേക്ഷകരുടെ താരം ഫഹദ്; മമ്മൂട്ടിക്ക് ആശ്വസിക്കാൻ 'അബ്രഹാമിന്റെ സന്തതികൾ' മാത്രം; ടൊവീനോയ്ക്ക് സൂപ്പർ സ്റ്റാറുകൾക്ക് പോലുമില്ലാത്ത മിനിമം ഗ്യാരണ്ടി; വെടി തീർന്ന് ദിലീപ്; പ്രതീക്ഷ നിലനിർത്തി നിവിൻ; പൃത്ഥിയുടെ വിജയം 'കൂടെ ' മാത്രം; ദൂൽഖറിന് ചിത്രങ്ങളില്ല; ബോറടിപ്പിച്ച് കുഞ്ചാക്കോ ബോബൻ; നടിമാർ പൊടി പോലുമില്ല, സാന്നിധ്യം മഞ്ജു തന്നെ; പുതിയ താരോദയമായി പ്രണവ്; 2018ലെ മലയാളത്തിന്റെ താരങ്ങളുടെ പ്രകടനം ഇങ്ങനെയാണ്
ട്രെയിൻ ബെർത്തിലും വിമാനത്തിലും കാട്ടിലും അടക്കം വിചിത്രമായ സ്ഥലങ്ങളിൽ വച്ച് സ്വയംഭോഗം ചെയ്ത അനുഭവം സുഹൃത്തുക്കൾ ലാഘവത്തോടെ പറയുന്നത് കേട്ട് അത്ഭുതം തോന്നി; അന്ന് ഞാൻ പുരുഷനെക്കുറിച്ച് അറിയാത്ത ഒരിക്കലും അറിയാൻ സാധ്യത ഇല്ലാത്ത കുറേ കാര്യങ്ങൾ അറിഞ്ഞു; സ്വയംഭോഗത്തെക്കുറിച്ച് ബ്ലോഗിലൂടെ തുറന്നെഴുതി അർച്ചന കവി
ഓണപ്പതിപ്പിനായി ദിലീപിന്റെയും കുടുംബത്തിന്റെയും ഫോട്ടോ എടുക്കാനാണ് വീട്ടിൽ പോയത്; ഇറങ്ങാൻ നേരം ദിലീപ് എന്നോടു പറഞ്ഞു: ഒരുനടൻ എന്നെ വല്ലാതെ ദ്രോഹിക്കുന്നു... അവനെ കയറൂരി വിട്ടാൽ എനിക്ക് ഭീഷണിയായി വളരും..അതുകൊണ്ട് അവന്റെ വളർച്ച തടയണം: കുഞ്ചാക്കോ ബോബൻ- അവനെ ഒന്ന് ഒതുക്കി തരണം..ഞാൻ എന്ത് വേണമെങ്കിലും ചെയ്യാം; പല്ലിശേരിയുടെ പരമ്പര തുടരുന്നു
ശ്രീലങ്കക്കാരിക്ക് പുറമെ മൂന്ന് മലേഷ്യൻ യുവതികൾ.. ഒരു മഹാരാഷ്ട്രക്കാരി... രണ്ട് വിദേശികൾ; കനകദുർഗയും ബിന്ദുവും ഉൾപ്പെടെ ഇതുവരെ പൊലീസ് മലചവിട്ടിച്ചത് പത്ത് യുവതികളെ; എല്ലാം സുപ്രീംകോടതിയിൽ റിപ്പോർട്ട് നൽകാൻ സർക്കാർ ഒരുക്കിയ നാടകം; ശബരിമലയിൽ സംഘപരിവാറിനെ പൊളിക്കാൻ പിണറായിയെ തുണച്ചത് ബെഹറയുടെ അതിബുദ്ധി; ഡിജിപി തയ്യാറാക്കിയത് സിനിമയെ വെല്ലുന്ന തിരക്കഥ; ആക്ഷൻ സീനുകളില്ലാതെ ക്ലൈമാക്സ് ഗംഭീരമാക്കി പൊലീസ് മേധാവി
ഓപ്പറേഷൻ തിയേറ്ററിൽ വച്ച് സിവിൽ സർജനും സുന്ദരിയായ നഴ്‌സും തമ്മിൽ ചൂടൻ ചുംബനം ! ഉജ്ജൈനിലെ ആശുപത്രിയിൽ വച്ച് നടന്ന സംഭവം പുറംലോകമറിഞ്ഞത് വാട്‌സാപ്പ് വീഡിയോ വഴി; നഴ്‌സുമാരുടെ വാട്‌സാപ്പ് ഗ്രൂപ്പുകളിൽ വീഡിയോ പ്രചരിച്ചതിന് പിന്നാലെ ഡോക്ടറുടെ പണി തെറിച്ചു; ആശുപത്രിയിലെ ചൂഷണത്തിന്റെ മറ്റൊരു മുഖമിങ്ങനെ
കാൽക്കീഴിലെ മണ്ണ് ഒലിച്ചുപോകുന്നത് അറിയാതെ മമ്മൂട്ടി; ഇത്തവണത്തെ സൂപ്പർ ഫ്ളോപ്പുകളിൽ കൂടുതലും മമ്മൂട്ടി ചിത്രങ്ങൾ; എട്ടുനിലയിൽ പൊട്ടിയവയിൽ മുൻപന്തിയിൽ ദിലീപ് ചിത്രം കമ്മാരസംഭവം; പ്രതീക്ഷിച്ച വിജയം നേടാനാവതെ മോഹൻലാലിന്റെ നീരാളിയും; ആമിയും പൂമരവും രണവും തീയേറ്ററുകളിൽ ആവിയായി; 2018ൽ മലപോലെ വന്ന് എലിപോലെ പോയ സിനിമകൾ ഇവയാണ്!
ലൈംഗിക പീഡനത്തിന്റെ ദൃശ്യങ്ങൾ തെളിവായി നൽകി പ്രമുഖ നടി; ബ്‌ളാക്ക് മെയിൽ സംഭാഷണത്തിന്റെ ചുവയുള്ള സംഭാഷണം പൊലീസിന് നൽകി പ്രമുഖ നിർമ്മാതാവ്; നടപടികൾ മനഃപൂർവം വൈകിപ്പിച്ച് കൊച്ചി പൊലീസ്; എഫ്‌ഐആർ അടക്കമുള്ള നടപടികൾ വൈകിപ്പിക്കാൻ വേണ്ടി പൊലീസിൽ സമ്മർദ്ദം ചെലുത്തി മലയാളം സിനിമാരംഗത്തെ പ്രമുഖരും; നടിയുടെ ലൈംഗിക പരാതിയിൽ ഹിറ്റ് ചിത്രങ്ങളുടെ നിർമ്മാതാവിന് മേൽ കൈവിലങ്ങ് വീഴുമോ? ആകാംക്ഷയുമായി സിനിമാ ലോകം