1 usd = 69.81 inr 1 gbp = 88.91 inr 1 eur = 79.61 inr 1 aed = 19.00 inr 1 sar = 18.61 inr 1 kwd = 230.05 inr

Aug / 2018
20
Monday

വില്ലനല്ല കൊല്ലൽ! ഇത് തീർത്തും പ്രേക്ഷക വധം; പഴങ്കഞ്ഞി പുതിയ പാക്കറ്റിൽ; കേട്ടുമടുത്ത കഥയും ചത്തസംഭാഷണങ്ങളും ബോറൻ ആഖ്യാനവുമായി നിരാശപ്പെടുത്തി ബി.ഉണ്ണികൃഷ്ണനും സംഘവും; ആകെയുള്ള ആശ്വാസം മോഹൻലാലിന്റെ കരിസ്മ

October 28, 2017 | 11:09 AM IST | Permalink



വില്ലനല്ല കൊല്ലൽ! ഇത് തീർത്തും പ്രേക്ഷക വധം; പഴങ്കഞ്ഞി പുതിയ പാക്കറ്റിൽ; കേട്ടുമടുത്ത കഥയും ചത്തസംഭാഷണങ്ങളും ബോറൻ ആഖ്യാനവുമായി നിരാശപ്പെടുത്തി ബി.ഉണ്ണികൃഷ്ണനും സംഘവും; ആകെയുള്ള ആശ്വാസം മോഹൻലാലിന്റെ കരിസ്മ

എം മാധവദാസ്

ങ്ങനെ പവനായി വീണ്ടും ശവമായി! എന്തൊക്കെയായിരുന്നു തള്ളൽ. 25 കോടിയുടെ ബജറ്റ്, 8 കെ ക്യാമറ, സാൾട്ട് എൻഡ് പെപ്പർ ലുക്ക്, ഹോളിവുഡ് നിലവാരം, പീറ്റർ ഹെയിനിന്റെ സംഘട്ടനം... ഒലക്കേടെ മൂട്! ആളുകൂടിയാൽ പാമ്പു ചാവില്ല എന്ന പഴഞ്ചൊല്ലാണ് ഈ പടം കണ്ടപ്പോൾ ഓർമ്മ വന്നത്. കേട്ടുമടുത്തതും അസംബന്ധങ്ങൾ നിറഞ്ഞതുമായ ആറിത്തണുത്ത ഒരു കഥ ആർക്കോവേണ്ടിയെന്നോണം പതുക്കെ പതുക്കെ അങ്ങ് വന്നുപോവുന്നു. അതാണ് ബി.ഉണ്ണിക്കൃഷ്ണൻ രചിച്ച് സംവിധാനം ചെയ്ത, നമ്മുടെ പ്രിയപ്പെട്ട മോഹൻലാൽ നായകനായ 'വില്ലൻ'.

പ്രേക്ഷകർ ക്ഷമിക്കണം. ആരാധകരുടെ ഭാഷയിൽ ഇതൊരു സ്ലോത്രില്ലറാണ്.( സ്ലോ ബുള്ളറ്റ് ട്രെയിൻ എന്നൊക്കെ ആരെങ്കിലും പറയുമോ ആവോ) ഒരു പുതിയതരം ജാഡ, അല്ലാതെന്തുപറയാൻ. കഷ്ടം. ഉള്ളിൽ തട്ടുന്ന ഒരു സീൻപോലും ഈ പടത്തിലില്ല.ഒരു മഹാദുരന്തം എന്നേ ഒറ്റവാക്കിൽ പറയാനുള്ളൂ.വില്ലൻ എന്നല്ല കൊല്ലൽ എന്നായിരുന്നു ഈ പടത്തിന് കൂടുതൽ ചേരുക.പടം മൊത്തം കൊല്ലലാണ്. ഒപ്പം കഷ്ടപ്പെട്ട് ടിക്കറ്റെടുത്തുവരുന്ന പ്രേക്ഷകരെയും കൊല്ലുന്നുവെന്ന് മാത്രം.കട്ട ഫാൻസിനെക്കൊണ്ടുപോലും കൈയടിപ്പിക്കാൻ കഴിയുന്ന ദൃശ്യങ്ങൾ കുറവാണെന്ന് പറഞ്ഞാൽ പടത്തിന്റെ നിലവാരം വ്യക്തമാവുമല്ലോ.ആകെയുള്ള ആശ്വാസം നമ്മുടെ ലാലേട്ടൻ തന്നെയാണ്.ആനയെയും കടലിനെയുംപോലെ എത്രകണ്ടാലും മടുക്കാത്ത മാനറിസങ്ങളുള്ള ഈ നടന്റെ കരിസ്മാത്രമാണ് ഈ പടത്തിൽനിന്ന് ഇടക്ക്വെച്ച് ഇറങ്ങിപ്പോകുന്നതിൽനിന്ന് പ്രേക്ഷകനെ വിലക്കുന്നത്.

വിശാലാക്കെ കള്ളിൽ വീണ എലിയെപ്പോലെയുണ്ട്.ആകെയൊരു പരുങ്ങൽ.ഇനി വാലുംതലയുമില്ലാത്ത ഈ കഥവെച്ച് ആരു വിചാരിച്ചാലും ഇതൊക്കെയേ പറ്റൂ. ഗ്രാൻഡ്മാസ്റ്റർപോലുള്ള ഒന്നാന്തരം സിനിമകൾ ചെയ്ത സംവിധായകനാണ് ബി.ഉണ്ണിക്കൃഷ്ണൻ.ലോക സിനമയെക്കുറിച്ചും മാസ്‌റേറഴ്‌സിനെക്കുറിച്ചുമൊക്കെ ആധികാരികമായ പറയാൻ കഴിവുന്ന പണ്ഡിതൻ.പക്ഷേ എടുത്തുവെച്ച ഈ പടമോ. ഇതാണ് വിവരം കൂടിപ്പോയാലും മനുഷ്യന് പ്രശ്‌നമാണെന്ന് പറയുന്നത്! ലോകസിനിമകളൊക്കെ കണ്ടതിന്റെ ബലത്തിൽ ഉണ്ണിയൊന്ന് ട്രാക്ക് മാറ്റിപ്പിടിക്കാൻ ശ്രമിക്കുന്നു. അതായത് ഒരു ത്രില്ലറിന്റെ സ്വഭാവമില്ലാതെ പതുക്കെ ഒരു ഇൻവെസ്റ്റിഗേറ്റീവ് കഥപറഞ്ഞ്, അതിനുള്ളിൽ ഒരു ഫാമലി ഇമോഷണൽ ഡ്രാമ കൊണ്ടുവരാനായിരുന്നു സൂർത്തുക്കളേ, കവി ഉദ്ദേശിച്ചത്.പക്ഷേ അത് അമ്പേ ചീറ്റിപ്പോയിരിക്കുന്നു.

പഴങ്കഞ്ഞി പുതിയ പാക്കറ്റിൽ

എത്രയോ തവണ കേട്ട് തേഞ്ഞുപോയ ഈ കഥ തെരഞ്ഞെടുത്തത് തന്നെയാണ് ആദ്യ പരാജയം.ഗ്രാൻഡ്മാസ്റ്ററിലും മെമ്മറീസിലുമൊക്കെ നാം നേരത്തേ കണ്ട, വ്യക്തി ജീവിതത്തിലെ ട്രാജഡികളെതുടർന്ന് ഒദ്യോഗിക ജീവിതത്തിൽനിന്ന് മാറിനിൽക്കുന്ന 'വേദനിക്കുന്ന പൊലീസ് ഓഫീസർ'. അതീവ ബുദ്ധിശാലിയും കേസ് തെളിയിക്കുന്നതിൽ മിടുക്കനുമാണ് മാത്യു കെ മാഞ്ഞൂരാൻ എന്ന ലാൽ കഥാപാത്രമെന്ന് പ്രത്യേകം പറയേണ്ടതില്ലല്ലോ. ഏഴുമാസത്തെ അവധികഴിഞ്ഞ് ഡ്യൂട്ടിക്ക് കയറുന്ന മാത്യൂസ് ആ ദിവസം തന്നെ വളണ്ടറി റിട്ടയർമെന്റ് എടുക്കാൻ തീരീമാനിച്ചിരിക്കയാണ്. പക്ഷേ അന്നുതന്നെയാണ് നഗരത്തിൽ മൂന്നുപേർ ദാരുണമായി കൊല്ലപ്പെടുന്നത്. സൂപ്പർസ്റ്റാർ നായകനായതുകൊണ്ട് ബാക്കിയുള്ളവരെല്ലാം മണ്ടന്മാർ ആയിരിക്കുമല്ലോ.അതുകൊണ്ടുതന്നെ കമ്മീഷണറും, ഡി.ജി.പിയും അടക്കമുള്ള ടീം, പുലിമുരകനിലെ മൂപ്പൻകറുത്തയെ വെല്ലുന്ന രീതിയിൽ മാത്യുസ് കേസ് ഏറ്റെടുക്കാനായി തള്ളോട് തള്ളാണ്. 'തനിക്ക് തുല്യനായി താൻ മാത്രമേ ഉള്ളൂ' എന്നൊക്കെ ഡി.ജി.പി വേഷമിട്ട നടൻ സിദ്ദീഖ് തള്ളുമ്പോൾ, ഈ ന്യൂജൻ കാലത്തും ഇതൊക്കെ വേണമോയെന്ന് നാം സംശയിച്ചിരിക്കും. പക്ഷേ ഫാൻസ് എന്തോ മഹാസാഹിത്യം കേട്ടപോലെ ലോക കൈയടിയാണ്!

അങ്ങനെ ലാലേട്ടൻ കേസ് ഏറ്റെടുത്താൽ എന്ത് സംഭവിക്കുമെന്ന് വ്യക്തമാണെല്ലോ. മണിക്കുറുകൾക്കുള്ളിൽ പ്രതികൾ ആരാണെന്ന് കണ്ടത്തെി, അവരെ പിടിക്കാനുള്ള ചുമതല കേരളാപൊലീസിന് എൽപ്പിച്ച് അദ്ദേഹം തന്റെ മുടങ്ങിപ്പോയ യാത്ര പോവുന്നു. ഇതിനിടയിൽ യഥാർഥ വില്ലനായ മയക്കുമരുന്ന് മാഫിയാതലവനുമായുള്ള എൻകൗണ്ടറും, ബോറടിച്ച് നാം ഉറങ്ങിപോവുന്ന രീതിയിലുള്ള ലാൽ-മഞ്ജുവാര്യർ ഫ്‌ളാഷ്്ബാക്കുമൊക്കെ, ബോയിങ്‌ബോയിംഗിലെ ജഗതി പറഞ്ഞപോലെ ഒരു സൈഡ് ട്രാക്കായി ഇട്ടിട്ടുണ്ട്.

പക്ഷേ കൊലയാളിക്ക് മാത്യൂസിനെ നേരിട്ട് മുട്ടണം.അതെന്തിനാണെന്നതാണ് ചിത്രത്തിന്റെ സസ്‌പെൻസ്. അവിടെമാത്രമാണ് കാൽക്കഴഞ്ച് പുതുമ ഫീൽ ചെയ്യുന്നത്. 'റിവഞ്ച് ഈസ് എ ഡിസീസ്, കൊണ്ടുനടക്കുന്നവനെ അത് കാർന്നു തിന്നും' എന്ന അവസാനത്തിലെ ലാൽ ഡയലോഗും, വില്ലനെ വെടിവെച്ച് കൊല്ലാതെയുള്ള നിയമവ്യവസ്ഥയോടുള്ള നായകന്റെ കൂറും ഇത്തരം ടൈപ്പ് സിനിമകളിലെ വ്യത്യസ്തമായായി പറയാം.ഇനി അൽപ്പം സാമൂഹിക വിമർശനവും പ്രതിബന്ധതയും ചേർത്തില്‌ളെന്ന് വേണ്ട. കൊലയാളി എന്തുകൊണ്ട് അങ്ങനെയായി എന്നതിന് ഉത്തരം അവിടെയാണ്. പക്ഷേ അതും ലക്ഷ്യവേധിയായില്ല. തനി തമിഴ് പടമായ മെർസലിൽ വിജയ്‌പോലും എത്ര ഫോക്കസ്ഡ് ആയിട്ടാണ് രാഷ്ട്രീയ-സാമൂഹിക വിമർശനം നടത്തുന്നതെന്ന് ഓർക്കുക.

അസംബന്ധങ്ങൾ അൺലിമിറ്റഡ്

ഇത്രയും കോടികൾ മുടക്കുന്ന ചിത്രമായിട്ടും അലക്ഷ്യമായി തിരക്കഥ തയ്യാറാക്കിയതിന്റെയും, സാമാന്യ യുക്തിയില്ലായെ രംഗങ്ങൾ സജ്ജീകരിച്ചതിന്റെയും നിരവധി ഉദാഹരണങ്ങൾ ചിത്രത്തിലുണ്ട്. ( വില്ലനിലെ നൂറുതെറ്റുകൾ എന്ന യൂട്യൂബ് വീഡിയോയും ഉടൻ പ്രതീക്ഷിക്കാഒ) പടം തുടങ്ങുന്ന കൊലപാതക ദൃശ്യത്തിന്‌ശേഷം അതുമായി ബന്ധമുണ്ടെന്ന് കരുതന്ന ഒരു സംഭവം നോക്കുക. ഒരു റെസ്റ്റാറന്റിലേക്ക് ഒരു പർദയിട്ട സ്ത്രീ ഓടിക്കയറിവരുന്നു. ആകെ അസ്വസ്ഥയായ അവർ,ഒരു വനിതാ പൊലീസ് ഓഫീസർ അങ്ങോട്ട് സഹായം അഭ്യർത്ഥിച്ചിട്ടും സ്വീകരിക്കാതെ കടന്നുപോവുന്നതും കാണിക്കുന്നുണ്ട്. ആ സ്ത്രീ മാത്യൂസിനെ കാണാനാണ് വന്നതെന്നും സി.സി.ടി.വി ദൃശ്യങ്ങളിൽ പ്രകടമാണ്.

കഥയിലെ നിർണ്ണായക താക്കേൽ എന്ന രീതിയിൽ കൊണ്ടുവരുന്ന ഈ രംഗത്തിന്റെ പൊരുൾ ചിത്രം അവസാനിച്ചിട്ടും പിടികിട്ടില്ല.സൈക്കിക്ക് കൊലയാളിയായ വിശാലിന്റെ കാമുകിയായി ഹൻസിക വേഷമിട്ട കഥാപാത്രമാണ് അതെന്ന് നായകൻ പിന്നീട് കണ്ടുപിടിക്കുന്നുണ്ട്. പക്ഷേ ആ സ്ത്രീക്ക് മാത്യൂസിനോട് എന്താണ് പറയാനുണ്ടായിരുന്നതെന്ന് നാം ബി.ഉണ്ണികൃഷ്ണനോട് ഫോൺചെയ്ത് ചോദിക്കേണ്ടിവരും. ഇനി അവസാന നിമിഷത്തെ എഡിററിങ്ങ് എന്ന കൂട്ടപ്പൊരിച്ചിലിൽ കുറെ വിട്ടുപോയോ എന്ന് അറിയില്ല.

അതുപോലെതന്നെ ഡി.ജി.പിയുടെ വീട്ടിൽ കയറി പൊലീസുകാരെ വെടിവെച്ച്‌കൊന്ന്, നമ്മുടെ കില്ലർ പുഷ്പംപോലെ ചുരുട്ടിയ പായക്കുള്ളിലിട്ട് സംസ്ഥാന പൊലീസ് മോധാവിയെ കടത്തുന്നത് കണ്ട് പേടിച്ചുപോയി.വിശാലിന്റെ തമിഴ് ആക്ഷൻ കത്തികളൊക്കെ എന്ത്! പിന്നെ കൊലയാളി സിറിഞ്ചുമായി കുത്താൻ വരുമ്പോൾ വില്ലന്മാർ അറ്റൻഷനായി നിൽക്കുയാണ്.പേരിന് ഹൻസിക ഒരു തോക്ക് ചൂണ്ടുന്നുണ്ട്. തോക്കുചൂണ്ടുകയും ഒരു പാട്ടുപാടുകയുമല്ലാതെ ആ കുട്ടിക്ക് സിനിമയിൽ യാതൊരു റോളുമില്ല.ഒരു ഭീകരനായ ഡ്രഗ് ഡീലർ പൊലീസ് കസ്റ്റഡിയിൽനിന്ന് ചാടിപ്പോയിട്ടും അതിന്റെ കാരണം കണ്ടത്താനാവുന്നില്ല, അങ്ങേയറ്റം സത്യസന്ധനായ ഒരു ഉദ്യോഗസ്ൻ മകളുടെ മെഡിക്കൽ സീറ്റിനുവേണ്ടി സ്വന്തം ജോലിയെ ഒറ്റുകൊടുത്ത് ആ ക്രിമിനലിനെ തുറന്നുവിടുക തുടങ്ങിയ തമിഴ് മസാലകൾപോലും ഉപേക്ഷിച്ച കുറെ സാധനങ്ങളും ഉണ്ണിക്കൃഷ്ണൻ പൊടിതട്ടി എടുക്കുന്നുണ്ട്.അങ്ങനെ യുക്തിഭദ്രമായി ഇഴപിരിച്ചാൽ നിലനിൽപ്പില്ലാത്ത ഒരു അടിത്തറയുടെ പുറത്താണ്് വില്ലൻ എന്ന ബ്രഹ്മാണ്ഡ ചിത്രം കെട്ടിപ്പൊക്കാൻ ശ്രമിക്കുന്നത്.

കോടികൾ തുലച്ച സാങ്കേതിക വിദ്യകൾ

മോഹൻലാലിന്റെ തന്നെ 'വെളിപാടിന്റെ പുസ്തകം' ഇറങ്ങിയപ്പോൾ ഫേസ്‌ബുക്കിൽ ഒരു ആരാധകൻ ചോദിച്ചതാണ് ഇപ്പോൾ ഓർമ്മവരുന്നത്.വെളിപാടിന്റെ ദൃശ്യങ്ങൾ തൊണ്ണൂറുകളിൽ എടുത്ത പടംപോലെയാണ് തോനുന്നതെന്നും ചിലയിടത്ത് വ്യക്തത കുറവുണ്ടെന്നും ചൂണ്ടിക്കാട്ടി 'ഷൂട്ടിങ്ങിനുമുമ്പ് തുണി നനച്ച് ക്യാമറ ഒന്ന് നന്നായി തുടക്കാത്തതുകൊണ്ടാണോ ഇങ്ങനെ സംഭവിച്ചത്' എന്ന പ്രേക്ഷകന്റെ സംശയം വൈറലായിരുന്നു.

വില്ലനിൽ ദൃശ്യങ്ങൾക്ക് വ്യക്തതക്കുറവൊന്നും ഇല്‌ളെങ്കിലും ,8കെ റസല്യൂഷനിൽ ചിത്രീകരിക്കുന്ന ആദ്യ ചിത്രം എന്ന പ്രചാരണത്തിന് ഒപ്പിച്ച ഗാംഭീര്യമൊന്നുമില്ല.ശരാശരിമാത്രം കൊടുക്കാവുന്ന ഈ ക്യാമറാ വർക്കിനായിരുന്നോ ഇത്രയും ബഹളം.വെറും ആറുകോടി ചെലവിട്ടെടുത്ത പ്രിയദർശന്റെ 'ഒപ്പത്തിലെ' രാത്രി ദൃശ്യങ്ങളുടെയൊക്കെ കോമ്പോസിഷനും ക്‌ളാരിറ്റിയും ഓർത്തുനോക്കൂ. അതുപോലെതന്നെ പീറ്റർ ഹെയിനിനെ സംഘട്ടനത്തിനായി കൊണ്ടുവന്നിട്ടും, ഐ.വി ശശി ചിത്രങ്ങളിൽ ത്യാഗരാജൻ മാസ്റ്റർ ഒരുക്കിയ സ്റ്റണ്ട് രംഗങ്ങളുടെ അത്രപോലും വന്നിട്ടില്ല. കൈ്‌ളമാക്‌സിലെ ചില ലാൽ മാജിക്കുകൾ മാത്രമാണ് ആശ്വാസം. അവിടെയുള്ള വെട്ടിത്തിരിയലും കുത്തിമറിച്ചിലും പലപ്പോഴും പുലിമുരുകനെ ഓർമ്മിപ്പിക്കുന്നുമുണ്ട്.

സാങ്കേതിക മേഖലയിൽ ആകെ നന്നായത് ചിത്രത്തിലെ പാട്ടുകൾ മാത്രമാണ്.അടുത്തകാലത്ത് കേട്ട നല്ല മെലഡിയാണ് 4 മ്യൂസിക്കിനുവേണ്ടി സുഷിൻ ശ്യാം ഒരുക്കിയിരിക്കുന്നത്. പക്ഷേ ഗാന ചിത്രീകരണം ദയനീയമാണ്.മലമുകളിൽ തെയ്യമാടുന്നതും ഒപ്പം നായകനും നായികയും ആടിപ്പാടുന്നതുമായി ചേർച്ചയില്ലാക്കാഴ്ചകൾ. ഇനി മരുഭൂമിയിൽ പെൻഗ്വിനുമായുള്ള ഒരു ഗാനവും, അന്റാർട്ടിക്കയിൽ ഒട്ടകപ്പുറത്തേറിയുള്ള ഐറ്റംസോങ്ങുമൊക്കെ തുടർന്നുള്ള ബി.ഉണ്ണിക്കൃഷ്ണൻ ചിത്രങ്ങളിൽ നമുക്ക് പ്രതീക്ഷിക്കാം!

കഥയുടെ കാര്യംപോട്ടെ ഉണ്ണിക്കൃഷ്ണൻതന്നെ ഒരുക്കിയ സംഭാഷണങ്ങളോ. ചത്തതിനൊക്കുമോ ജീവിക്കിലും എന്നതാണ് നിലവാരം. ഷേക്‌സ്പിയർ കഥാപാത്രങ്ങളുടെ സംഭാഷണങ്ങളും കുറച്ച് പരസ്പരബന്ധമില്ലാത്ത ഫിലോസഫിയും ലാലിന്റെ വായിൽകുത്തിത്തിരുകുന്നുവെന്ന് മാത്രം.

ആശ്വാസം ലാലിന്റെ കരിസ്മ

ഇങ്ങനെയാക്കെയാണെങ്കിലും ചിത്രത്തിനിന്ന് ഇടക്ക്വെച്ച് ഊരിപ്പോരാൻ തോന്നാന്നത് മോഹൻലാൽ എന്ന ഇന്ത്യൻ സിനിമയിലെ അത്ഭുദത്തിന്റെ ഒറ്റ സാന്നിധ്യം കൊണ്ടാണ്.ഭാര്യയെ ദയാവധത്തിന് വിധേയയാക്കുന്ന രംഗങ്ങളിൽ, മകൾ മരിക്കുമ്പോൾ, കൈ്‌ളമാക്‌സിലെ ആസുരമായ ഉയർത്തെഴുനേൽപ്പിലെല്ലാം കാണാം ലാലിന്റെ ക്‌ളാസ്.

പക്ഷേ ലാലിനെപ്പോലുള്ള ഒരു നടന് വെല്ലുവിളി ഉയർത്തത്തക്ക തലപ്പൊക്കമൊന്നും ഈ കഥാപാത്രത്തിന് ഇല്‌ളെന്നതാണ് കഷ്ടം.സാൾട്ട് ആൻഡ് പെപ്പർ ലുക്കിനെക്കുറിച്ച് ഫാൻസുകാർ തള്ളുന്നുണ്ടെങ്കിലും അത് അത്രപോരെന്നാണ് ഈ ലേഖകന് തോന്നുത്. ലാൽ നിത്യഹരിതമായി പൂത്തുലഞ്ഞ് നിൽക്കണമെന്നാണ് ഈയുള്ളവന്റെയൊക്കെ ആഗ്രഹം. നമ്മുടെ കളസം അവരുടെ ബർമുഡ എന്ന് പറഞ്ഞപോലെ, ഈ സാൾട്ട് ആൻഡ് പെപ്പർ ലുക്കിലൊക്കെ ജരാനരകളും മറ്റുമായി വാർധ്യക്യം ഭീതിപ്പെടുത്തുന്ന രീതിയിൽ തോനുന്നുണ്ട്.

ലാലിന്റെ ഭാര്യയായി എത്തുന്ന മഞ്ജുവാര്യർക്കും കാര്യമായൊന്നും ചെയ്യാനില്ല. കൃത്രിമായുള്ള സംഭാഷണങ്ങളും ബ്യൂട്ടിപാർലർ മുഖവുമായി മഞ്ജു സാമാന്യം ബോറായിട്ടുമുണ്ട്.  ആറാം തമ്പുരാൻ കെമിസ്ട്രി പ്രതീക്ഷിച്ചത്തെിയ പ്രേക്ഷകർ വണ്ടറടിച്ചെന്ന് ചുരുക്കം. ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്ന തമിഴ്ഹീറോ വിശാലും അങ്ങോട്ട് കത്തിക്കയറിയിട്ടില്ല.മിഷ്‌ക്കിന്റെ 'തുപ്പറിവാളനിലെ' വിശാലിന്റെ പ്രകടനമൊക്കെ വെച്ചുനോക്കുമ്പോൾ ഇത് ഒന്നുമല്ല.പക്ഷേ തള്ളലുകാർക്ക് വിശാലിന്റെ ഈ വില്ലൻ ചരിത്രസംഭവമാണ്. വിശാലിന്റെ ജോടിയായി ധൻസികയെ കൊണ്ടുവന്നതിന് നിർമ്മാതാവിന്റെ കുറെ കാശുപോയി എന്നല്ലാതെ പ്രത്യേകിച്ച് ഒരു ഗുണവും ഉണ്ടായിട്ടില്ല.

വാൽക്കഷ്ണം: പക്ഷേ സമ്മതിക്കേണ്ടത് നമ്മുടെ ഫാൻസുകാരെയാണ്. മതവിശ്വാസികൾക്ക്‌പോലും ഉണ്ടാവില്ല ഇത്രയും ശക്തമായ ആത്മാർഥതയും അത്മ സമർപ്പണവും.  ആദ്യദിനം രാവിലെ എട്ടുമണിക്കുള്ള ഫാൻസ്‌ഷോക്ക് ടിക്കറ്റ് കിട്ടിയ ഈ ലേഖകൻ കണ്ടത് ലാലേട്ടന്റെ ഓരോ ചത്ത ഡയലോഗുകൾക്കും ഇളകിമറിയുന്ന ആൾക്കൂട്ടത്തെയാണ്.  മോഹലാലിന്റെ മകൾ മരിക്കുന്ന സീനിൽ സാധാരണ തീയേറ്റർ നിശബ്ദമാവേണ്ടതാണ്.  പക്ഷേ ഫാൻസ് നിറഞ്ഞ കൈയടി!അവർ നോക്കുന്ന ആ സീനിലെ ലാലിന്റെ പ്രകടനം മാത്രമാണ്.  ഇങ്ങനെയൊക്കെയായിട്ടും തീയേറ്റിന് പുറത്തിറങ്ങിയിട്ട് അവർ അഭിപ്രായം പറയുന്നതും സൂപ്പർപടം എന്നാണ്! പ്രിയപ്പെട്ട ലാലേട്ടാ, ഇത്രയും ഈ പാവങ്ങളെ ഇങ്ങനെ പറ്റിക്കല്ലേ. അടുത്ത പടത്തിലെങ്കിലും അവർക്ക് ഒന്ന് മനസ്സുതുറന്ന് ആഘോഷിക്കാനുള്ള വകുപ്പ് കൊടുക്കൂ. 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
വീടു തുറന്നു നോക്കിയപ്പോൾ കണ്ടത് കെട്ടിപ്പിടിച്ചു മരിച്ചു കിടക്കുന്ന അമ്മയും കുഞ്ഞും; തുറന്നു പരിശോധിക്കാൻ ബാക്കിയായി അനേകം വീടുകൾ; എത്രപേർ മരിച്ചുവെന്ന് ഒരു നിശ്ചയവും ഇല്ലാതെ പൊലീസും ഉദ്യോഗസ്ഥരും; പൂർണ്ണമായും വെള്ളത്തിൽ മുങ്ങി അനേകം വീടുകളിൽ എന്തു സംഭവിക്കുമെന്ന് ആർക്കും അറിയില്ല; പാണ്ടനാട് എന്ന ദുരിതഭൂമിയിലെ ചിത്രങ്ങൾ അറിയാൻ ഇനിയും ദിവസങ്ങൾ കാത്തിരിക്കണം: എത്ര കണ്ണുനീർ തുടച്ചാലും മായുമോ?
വിളിച്ചിട്ടും തിരിച്ചുവന്നില്ല; കെ രാജുവിന് മന്ത്രിസ്ഥാനം നഷ്ടമാകും; പ്രളയകാലത്തെ വനംമന്ത്രിയുടെ വിദേശയാത്ര ശരിയായില്ലെന്ന് കാനം രാജേന്ദ്രൻ; ചീഫ് വിപ്പിനൊപ്പം പുതിയ മന്ത്രിയേയും കണ്ടെത്താൻ സിപിഐ തീരുമാനം; ദിവാകരനും മുല്ലക്കരയും ബിജി മോളും ഗീതാ ഗോപിയും പരിഗണനാ പട്ടികയിൽ; മന്ത്രിസഭയെ നാറ്റിച്ച മന്ത്രിയെ പുറത്താക്കിയേ പറ്റൂവെന്ന് പിണറായിയും; കോട്ടും സ്യൂട്ടുമിട്ട് ജർമനിക്ക് പോയ രാജുവിന് വിനയായി ഇസ്മായിൽ ബന്ധവും
ഒരു കിലോ ചിക്കൻ വാങ്ങാൻ ഒരു കോടി 46 ലക്ഷം ബൊലിവാർസ് എങ്കിൽ ഒരു ടോയ്ലറ്റ് റോളിന് കൊടുക്കണം 26 ലക്ഷം; ഹ്യൂഗോ ചാവെസ് പോയതോടെ അമേരിക്കയോട് മല്ലിട്ട് വളർന്ന അയൽപക്കക്കാരായ വെനിസ്വലയിൽ ബാക്കിയായത് പട്ടിണിയും പരിവട്ടവും മാത്രം;പണത്തിന്റെ വില പോയാൽ എന്ത് സംഭവിക്കുമെന്നറിയാൻ ഈ ലാറ്റിൻ അമേരിക്കൻ രാജ്യത്ത് ചെല്ലണം
കാണിച്ചൊരു അബദ്ധം എന്താണെന്നു വച്ചാൽ, വീട്ടിലെ മുമ്പത്തെ ചെളിവെള്ളത്തിലൂടെ നടക്കാൻ വയ്യ; നേരെ മുമ്പിലെ പ്രൊഫസറിന്റെ ഭാര്യ ചെമ്പിൽ കയറി ആ കാറ് കിടക്കുന്നിടം വരെ പോയി; ഞാനും കാറിലെത്താൻ വേണ്ടി ഇതിൽ കയറിയിരുന്നപ്പോൾ ആരോ ഫോട്ടോ എടുത്ത് അത് നാടുമുഴുവൻ പ്രചരിപ്പിച്ചു; ഇതൊരു വല്ലാത്ത ചെയ്ത്തായി പോയി: ഇപ്പോൾ വീട്ടിൽ തന്നെയുണ്ട്; ക്ലീനിങ്ങും കഴിഞ്ഞു: പ്രളയകാലത്തെ അണ്ടാവിലെ യാത്രയിൽ പൃഥ്വിയുടെ അമ്മ മല്ലികാ സുകുമാരന് പറയാനുള്ളത്
ലാൽസലാം സഖാവെ! നാം അതിജീവിക്കും എന്ന ഉറപ്പ് നൽകി ആശ്വാസവും പ്രതീക്ഷയും ഉയർത്തിയ മുഖ്യമന്ത്രിക്ക് സ്നേഹാദരങ്ങളുമായി സാറാ ജോസഫ്; അഭിനന്ദിക്കേണ്ട സമയങ്ങളിൽ നമ്മളത് ചെയ്തില്ലെങ്കിൽ വിമർശിക്കേണ്ട സമയങ്ങളിൽ നമുക്കതിനുള്ള അർഹതയുണ്ടാവില്ലെന്ന് ബഷീർ വള്ളിക്കുന്ന്; തലയ്‌ക്കൊപ്പം വെള്ളത്തിൽനിന്ന് കേരളത്തെ ഒറ്റക്ക് ചുമലിൽ ഏറ്റിയെന്ന് ആരാധകർ; കേരളം കണ്ട ഏറ്റവും വലിയ ദുരന്തത്തെ കീഴ്പ്പെടുത്താൻ മുന്നിൽ നിന്ന് നയിച്ച പിണറായിക്ക് സോഷ്യൽ മീഡിയയുടെ അഭിനന്ദനം
കാക്കി നിക്കർ ഇട്ട് രക്ഷാപ്രവർത്തനത്തിന് ഇറങ്ങി ആർഎസ്എസുകാർ; കേഡർ ചിട്ടയോടെ തൊപ്പിയും ബനിയനും ധരിച്ച് ദുരിതാശ്വാസ പ്രവർത്തനത്തിനം നടത്തി പോപ്പുലർ ഫ്രണ്ടുകാർ; രാഷ്ട്രീയത്തിൽ തമ്മിൽ ശത്രുക്കളെങ്കിലും രക്ഷാപ്രവർത്തനത്തിൽ രാഷ്ട്രീയം മറന്നിറങ്ങി വിരുദ്ധ ധ്രുവങ്ങളിൽ നിൽക്കുന്ന സംഘടനകൾ; പ്രളയ രക്ഷാപ്രവർത്തനത്തിൽ കാണുന്ന വേറിട്ട കാഴ്ചകൾ
ഇത്തരത്തിലുള്ള തോന്ന്യാസം ഒരുകാരണവശാലും വച്ചുപൊറുപ്പിക്കില്ലെന്ന് എം.എ.യൂസഫലി; ഒമാനിൽ ലുലു ഗ്രൂപ്പിൽ ജോലി നോക്കുന്ന മലയാളി യുവാവ് സോഷ്യൽ മീഡിയയിൽ ഇട്ട കമന്റ് പൂർണമായി തള്ളിക്കളയുന്നു; ഉടനടി യുവാവിനെ ജോലിയിൽ നിന്ന് പുറത്താക്കി യൂസഫലിയുടെ നടപടി; 'ദുരിതാശ്വാസ കേന്ദ്രങ്ങളിലേക്ക് നാപ്കിനുകൾ ആവശ്യപ്പെട്ട പോസ്റ്റിൽ കുറച്ചു കോണ്ടം കൂടി ആയാലോ' എന്ന കമന്റിന് ഖേദം പ്രകടിപ്പിച്ചിട്ടും രാഹുൽ സിപിക്ക് പണിയായത് സോഷ്യൽ മീഡിയയിലെ ശക്തമായ പ്രതിഷേധം
മഴക്കെടുതിയിൽ പെട്ട മല്ലികാ സുകുമാരനെ ക്രൂരമായി അവഹേളിച്ച് സൈബർ ട്രോളുകൾ; മകന്റെ ലംബോർഗനി കാർ കൊണ്ട് വരാൻ റോഡ് ശരിയല്ല എന്ന് തള്ളിയ അമ്മയാണ് അണ്ടാവിൽ കയറി യാത്ര ചെയ്യുന്നതെന്ന് അപമാനിച്ച് ട്രോളുകൾ; പ്രകൃതിക്ക് മുന്നിൽ പണത്തിന്റെ അഹങ്കാരത്തിന് പുല്ലുവില; ഇപ്പോൾ പറയാൻ പാടില്ലെങ്കിലും ചിലത് പറയാതെ വയ്യെന്ന് കളിയാക്കലുകൾ; കുണ്ടമൺകടവിലെ പൃഥ്വിയുടെ വീട്ടിൽ സംഭവിച്ചത് എന്ത്?
സഹപാഠികളും ബന്ധുക്കളുമായ ഡോക്ടർമാരുടെ മരണകാരണം അമിത ഡോസിലുള്ള മരുന്നുപയോഗം; അനസ്‌തേഷ്യാ സ്‌പെഷ്യലിസ്റ്റുകളുടേത് ആത്മഹത്യയെന്ന പ്രാഥമിക നിഗമനം; യുവതി ഗർഭിണിയെന്നും സ്ഥിരീകരണം; കുടുംബാംഗങ്ങളെ മൊഴി എടുത്ത് തുമ്പുണ്ടാക്കാൻ മനാമാ പൊലീസ്; ഡോ ഇബ്രാഹിം റാവുത്തരുടേയും ഡോ ഷംലീന മുഹമ്മദ് സലിമിന്റേയും മരണത്തിലെ പൊരുൾ തേടി അന്വേഷണം
എന്റെ അറിവില്ലായ്മ കൊണ്ടു പറ്റിപോയതാണ്.. എന്നോട് ക്ഷമിക്കണം; ഞാൻ ചെയ്തത് 100 ശതമാനം തെറ്റാണ്; മദ്യലഹരിയിൽ ചെയ്ത ഒരു കമന്റാണ്; അതെന്നും ഒരിക്കലും തന്റെ ഭാഗത്തുനിന്നും ഇതുണ്ടാവാൻ പാടില്ലാത്തതായിരുന്നു; ദുരിതാശ്വാസ കേന്ദ്രങ്ങളിലേക്ക് ആവശ്യത്തിന് നാപ്കിനുകൾ ആവശ്യപ്പെട്ട പോസ്റ്റിൽ 'കുറച്ചു കോണ്ടം കൂടി ആയാലോ' കമന്റിട്ടതിൽ ഖേദം പ്രകടിപ്പിച്ച് പ്രവാസി മലയാളി യുവാവ്
തമിഴ് നാട്ടിലും കർണാടകത്തിലും ആന്ധ്രയിലും പെയ്യാത്ത മഴയെന്ത് കേരളത്തിൽ മാത്രം? 18 മലകളുടെ അധിപനായ ധർമ്മശാസ്താവ് അതിന്റെ പരിശുദ്ധിക്കു കളങ്കം വരുത്തുവാൻ ശ്രമിച്ച അവിശ്വാസികൾക്ക് നൽകുന്ന മുന്നറിയിപ്പാണ് ഈ പെരുമഴ; 18 തികഞ്ഞ സ്ത്രീകളെ കയറ്റാൻ ശ്രമിക്കുന്നവരോട് അയ്യപ്പൻ പറയുന്നത് ആരും തന്നെ കാണാൻ വരേണ്ട എന്നാണ്; ശബരിമല ക്ഷേത്രത്തിൽ ചടങ്ങുകൾ പോലും മുടങ്ങിയതോടെ സ്ത്രീ പ്രവേശന വിഷയം ആയുധമാക്കി വിശ്വാസികൾ; തന്ത്രിക്ക് പോലും എത്താനാകാത്ത അവസ്ഥ സോഷ്യൽ മീഡിയ ചർച്ചയാക്കുമ്പോൾ
കുതിരാനിൽ കുടുങ്ങി ജയറാം; കഴുത്തറ്റം വെള്ളത്തിൽ നിന്നും നീന്തി രക്ഷപ്പെട്ട് ധർമ്മജൻ; ഉടൻ വരുന്ന വെള്ളത്തെ കാത്ത് ടോവിനോ; മുങ്ങിയ വീടിന്റെ ചിത്രം പങ്കുവച്ച് ജോജു; ദിലീപിന്റെ വീടിന് അടുത്തു വരെ വെള്ളം എത്തി; കായലും കടലും കയറി വീട് പണിത താരങ്ങൾക്കെല്ലാം ആശങ്ക; മല്ലികാ സുകുമാരനെ പോലെ ദുരിതം അറിഞ്ഞവരിൽ അനേകം സിനിമാക്കാർ
വിദേശത്ത് താമസിക്കുന്ന സമ്പന്നരായ മക്കൾ വലിയ വീടുകൾ നിർമ്മിച്ച് സുരക്ഷ ഉറപ്പു വരുത്താൻ കൂറ്റൻ മതിലുകളും കോൺക്രീറ്റിന് കേട് വരാതിരിക്കാൻ ഇരുമ്പഴികളിൽ തീർത്ത റൂഫ് ടോപ്പുകൾ നിർമ്മിച്ച് സംരക്ഷണം ഉറപ്പാക്കി; ടെറസ്സിൽ കയറി നിന്നാലും രക്ഷാപ്രവർത്തകരെ സാന്നിധ്യം അറിയിക്കാൻ സാധിക്കാതെ വൃദ്ധരായ മാതാപിതാക്കൾ; ചെറുവള്ളങ്ങൾ ഒഴുകി പോവുകയും ബോട്ടുകൾ മതിലിൽ ഇടിച്ച് തകരുകയും ചെയ്യുന്നതോടെ എയർലിഫ്റ്റിംഗും നടക്കാതെയായി; ചെങ്ങന്നൂരിൽ രക്ഷാപ്രവർത്തനം അസാധ്യമാകുന്നത് ഇങ്ങനെ
ആദ്യം മുല്ലപ്പെരിയാറിലെ ചതി; പിന്നെ ചാലക്കുടിപുഴയെ മുക്കിയ മലക്കപ്പാറയിലെ ഷോളയാറിൽ നിന്നുള്ള വെള്ളമൊഴുക്ക്; ഇന്ന് നീരാറിലൂടെ ഇടമലയാറിനേയും കുഴപ്പത്തിലാക്കി; നീരാർ ഡാമിൽ നിന്നും ഒഴുക്കിവിടുന്ന വെള്ളത്തിന്റെ അളവ് കൂട്ടി തമിഴ്‌നാടിന്റെ കുതന്ത്രം വീണ്ടും; പെരിയാറിലേക്കുള്ള വെള്ളമൊഴുക്ക് കൂടുന്നത് ആലുവയേയും ചാലക്കുടിയേയും പ്രതിസന്ധിയിലാക്കും; കോതമംഗലവും നേര്യമംഗലവും മൂവാറ്റുപുഴയും ഒറ്റപ്പെട്ട അവസ്ഥയിൽ
മഴക്കെടുതിയിൽ പെട്ട മല്ലികാ സുകുമാരനെ ക്രൂരമായി അവഹേളിച്ച് സൈബർ ട്രോളുകൾ; മകന്റെ ലംബോർഗനി കാർ കൊണ്ട് വരാൻ റോഡ് ശരിയല്ല എന്ന് തള്ളിയ അമ്മയാണ് അണ്ടാവിൽ കയറി യാത്ര ചെയ്യുന്നതെന്ന് അപമാനിച്ച് ട്രോളുകൾ; പ്രകൃതിക്ക് മുന്നിൽ പണത്തിന്റെ അഹങ്കാരത്തിന് പുല്ലുവില; ഇപ്പോൾ പറയാൻ പാടില്ലെങ്കിലും ചിലത് പറയാതെ വയ്യെന്ന് കളിയാക്കലുകൾ; കുണ്ടമൺകടവിലെ പൃഥ്വിയുടെ വീട്ടിൽ സംഭവിച്ചത് എന്ത്?
പ്രസംഗിച്ചു കൊണ്ടിരുന്ന മോഹൻലാലിനെ 'വെടി വെക്കാൻ' നടൻ അലൻസിയറിന്റെ ശ്രമം; ഈർഷ്യ മറച്ചുവെക്കാതെ മോഹൻലാൽ പ്രസംഗം തുടർന്നപ്പോൾ മുഖ്യമന്ത്രിയുടെ ശ്രദ്ധ ക്ഷണിച്ചു സ്‌റ്റേജിലിരുന്ന മന്ത്രി എ കെ ബാലൻ; ഗൗരവം ചോർത്താൻ മുഖ്യമന്ത്രി ചിരിച്ചെങ്കിലും ആർക്കും തമാശ തോന്നിയില്ല; വിരലുകൾ തോക്കുപോലെ ആ്ക്കിയുള്ള വെടിക്ക് ശേഷം സ്‌റ്റേജിലെത്തിയ നടനെ തടഞ്ഞു പൊലീസും സുരക്ഷാ ഉദ്യോഗസ്ഥരും: ചലച്ചിത്ര അവാർഡ്ദാന ചടങ്ങിൽ ഇന്നലെ നടന്നത് നാടകീയ രംഗങ്ങൾ
ജെസ്‌ന കേരളത്തിന് പുറത്ത് ജീവിച്ചിരിക്കുന്നു; മുക്കൂട്ടുതറയിൽ നിന്നുള്ള തിരോധാനം ആസൂത്രിതം; കണ്ടെന്ന കഥകൾ അന്വേഷണം വഴി തെറ്റിക്കാനുള്ള നീക്കത്തിന്റെ ഭാഗം; മടിവാളയിലെ ആശ്രയഭവനിൽ കണ്ടുവെന്ന പ്രചാരണത്തിന് പിന്നിൽ ഒന്നാന്തരം തിരക്കഥ; മറുനാടൻ മുൻപ് സൂചിപ്പിച്ച വഴിയിലൂടെ പൊലീസിന്റെ അന്വേഷണ സംഘം നീങ്ങുമ്പോൾ പുറത്തു വരുന്ന സൂചനകളെല്ലാം ഇനി ജെസ്‌നയിലേക്ക് അധികദൂരമില്ലെന്ന് തന്നെ
സിനിമ മോഹം തലയ്ക്ക് പിടിച്ച ശ്രീകുമാർ മേനോൻ മാസം ഒരുകോടി രൂപ വരുമാനം ഉണ്ടായിരുന്ന സ്വന്തം സ്ഥാപനത്തെ കൈവിട്ടു; കല്യാണുമായി തെറ്റിയതോടെ വരുമാനം നിലച്ച ശ്രീകുമാറിന്റെ പുഷ് കടം കയറി പാപ്പർ ഹർജിയിൽ വരെ എത്തി; ശമ്പളം പോലും ലഭിക്കാതായതോടെ ജീവനക്കാരെല്ലാം സ്ഥലം വിട്ടു; രണ്ടാമൂഴം ഉറപ്പില്ലാതിരിക്കെ ഒടിയൻ കൂടി പൊളിഞ്ഞാൽ എന്താകുമെന്ന് അറിയാതെ ദിലീപ്-മഞ്ജു തർക്കത്തിലൂടെ ശ്രദ്ധ നേടിയ സംവിധായകൻ
ചൂടുണ്ടെന്ന് അറിയാതെയാ അമ്മ ഗ്യാസിന് മുകളിൽ വച്ച ചട്ടുകം കാലിൽ വച്ചത്; കാലു വേദനിച്ചപ്പോ അമ്മ തേൻ പുരട്ടി തന്നിട്ട് ആരോടും പറയല്ലേ എന്ന് പറഞ്ഞു; അടിക്കുകയും പിച്ചുകയും ചെയ്യുമെങ്കിലും അമ്മയോടെനിക്ക് ദേഷ്യമൊന്നുമില്ല; കിടക്കയിൽ മൂത്രമൊഴിച്ചതിന് രണ്ടാനമ്മ ചട്ടുകം പഴുപ്പിച്ച് പൊള്ളിച്ച രണ്ടാം ക്ലാസ്സുകാരിയുടെ മൊഴിയിൽ പൊലീസും കരഞ്ഞു
അരുൺ ഗോപിയും ടോമിച്ചൻ മുളകുപാടവും ചേർന്ന് മലയാളികളെ മുഴുവൻ ഒറ്റ ദിവസം കൊണ്ട് വിഡ്ഢികളാക്കിയോ? പ്രണവ് മോഹൻലാൽ സിനിമയുടെ പ്രമോഷനായി ഒരുക്കിയ നാടകം ആയിരുന്നു ഹനയുടെ മീൻ വില്പനയെന്ന് ആരോപിച്ച് തെളിവുകൾ നിരത്തി അനേകം പേർ; സിനിമക്കാർ കുഴിച്ച കുഴിയിൽ മാതൃഭൂമി ലേഖകൻ ഒറ്റയ്ക്ക് വീഴുകയും പിന്നാലെ മനോരമ മുതൽ മറുനാടൻ വരെ സർവ്വ മാധ്യമങ്ങളും ഒരുമിച്ച് വീഴുകയും ചെയ്തെന്ന് വാദിച്ച്‌ സോഷ്യൽ മീഡിയ
ഗണേശിന്റെ 'ഇടവേളക്കളി' വേണ്ടെന്ന് തറപ്പിച്ച് പറഞ്ഞ് മോഹൻലാൽ; പത്തനാപുരത്തെ എതിരാളിയെ ഒപ്പം നിർത്തി ശുദ്ധീകരണം; ഇനി ജഗദീഷിന് കൂടുതൽ റോൾ; ഡബ്ല്യൂസിസിയെ തകർക്കാൻ വനിതാ സെൽ ഉണ്ടാക്കുന്നത് മഞ്ജു വാര്യരുടെ മനസ്സറിഞ്ഞ്; പൃഥ്വിരാജിനെ ഒപ്പം നിർത്താൻ ഭേദഗതികൾ; ചട്ടങ്ങൾ മാറ്റി ദിലീപിനെ സംഘടനയ്ക്ക് പുറത്ത് നിർത്തും; താരസംഘടനയിൽ ഒടുവിൽ ലാൽ പിടിമുറുക്കുമ്പോൾ
മോഹൻലാലിനെ 'വെടി വെക്കാൻ' ശ്രമിച്ച നടൻ അലൻസിയറിനെ എഎംഎംഎയിൽ നിന്നും പുറത്താക്കിയേക്കും; താരസംഘടനയുടെ അധ്യക്ഷനെ പൊതുവേദിയിൽ പരസ്യമായി അധിക്ഷേപിച്ചത് വെച്ചു പൊറുപ്പിക്കില്ലെന്ന് ഭാരവാഹികൾ; കാരണം കാണിക്കൽ നോട്ടീസ് നൽകി നടപടി സ്വീകരിക്കാൻ നീക്കം; സ്റ്റേജിലേക്ക് കൈചൂണ്ടിയതാണെന്നും മോഹൻലാലിനെതിരെ 'കൈതോക്ക്' പ്രയോഗിച്ചിട്ടില്ലെന്നും വിശദീകരിച്ച് അലൻസിയറും
സഹപാഠികളും ബന്ധുക്കളുമായ ഡോക്ടർമാരുടെ മരണകാരണം അമിത ഡോസിലുള്ള മരുന്നുപയോഗം; അനസ്‌തേഷ്യാ സ്‌പെഷ്യലിസ്റ്റുകളുടേത് ആത്മഹത്യയെന്ന പ്രാഥമിക നിഗമനം; യുവതി ഗർഭിണിയെന്നും സ്ഥിരീകരണം; കുടുംബാംഗങ്ങളെ മൊഴി എടുത്ത് തുമ്പുണ്ടാക്കാൻ മനാമാ പൊലീസ്; ഡോ ഇബ്രാഹിം റാവുത്തരുടേയും ഡോ ഷംലീന മുഹമ്മദ് സലിമിന്റേയും മരണത്തിലെ പൊരുൾ തേടി അന്വേഷണം