1 usd = 72.67 inr 1 gbp = 95.69 inr 1 eur = 85.44 inr 1 aed = 19.78 inr 1 sar = 19.38 inr 1 kwd = 240.14 inr

Sep / 2018
26
Wednesday

വീണ്ടും ആഷിക്ക് അബു മാജിക്ക്! ഫിലിം ഫെസ്റ്റിവൽ സിനിമപോലെ കെട്ടിലും മട്ടിലും ഞെട്ടിച്ച് മായാനദി; ഇത് മലയാളത്തിലെ ആദ്യത്തെ ലൈംഗിക സ്ത്രീപക്ഷ ചിത്രം; ചുംബനത്തെയും ആലിംഗനത്തെയും ഭയക്കുന്ന കേരളത്തിൽ ഇതുമൊരു സാംസ്കാരിക വൈദ്യുതാഘാതം

December 26, 2017 | 06:45 AM IST | Permalink



വീണ്ടും ആഷിക്ക് അബു മാജിക്ക്! ഫിലിം ഫെസ്റ്റിവൽ സിനിമപോലെ കെട്ടിലും മട്ടിലും ഞെട്ടിച്ച് മായാനദി; ഇത് മലയാളത്തിലെ ആദ്യത്തെ ലൈംഗിക സ്ത്രീപക്ഷ ചിത്രം; ചുംബനത്തെയും ആലിംഗനത്തെയും ഭയക്കുന്ന കേരളത്തിൽ ഇതുമൊരു സാംസ്കാരിക വൈദ്യുതാഘാതം

എം മാധവദാസ്

'ദ ഗ്രേറ്റ് കം ബാക്ക്'! മലയാള സിനിമക്ക് പുതിയ ഭാവുകത്വം തന്ന യുവസംവിധായകരിൽ ഒരാളായ ആഷിക്ക് അബുവിന്റെ അതിഗംഭീരമായ മടങ്ങിവരവ്. മായാനദിയെന്ന പുതിയ ചിത്രത്തെ ഒറ്റവാക്കിൽ അങ്ങനെ വിശേഷിപ്പിക്കാം. ഗ്യാങ്ങ്സ്റ്റർ എന്ന മമ്മൂട്ടി നായകനായ അറുവഷളൻ സിനിമയും, റാണി പത്മിനിയെന്ന 'സോദ്ദ്യേശ്യ കുടുംബ ചിത്രവുമാണ'് അവസാനമായി വന്ന ആഷിക്കിന്റെ രണ്ട് ചിത്രങ്ങൾ.പിന്നീട് നല്ല കുറേ സിനിമകളുടെ നിർമ്മാതാവായല്ലാതെ, സംവിധായകനായി ഇദ്ദേഹത്തെ കണ്ടിട്ടില്ല. '22ഫീമെയിൽ കോട്ടയം'പോലെ മലയാളിയെ ഞെട്ടിച്ച ചിത്രമെടുത്ത സംവിധായകന്റെ മടങ്ങിവരവ് തന്നെയാണ് ആ നിലക്ക് ഇത് .

പ്രമേയത്തിലും അവതരണത്തിലുമുള്ള പുതുമകൾ ഏറെയുണ്ട് മായാനദിയിൽ. ഐ.എഫ്.എഫ്.കെയിൽനിന്നും മറ്റും ഒരു വിദേശ സിനിമയാണോ കണ്ടുകൊണ്ടരിക്കുന്നതെന്ന് ഒരുവേള ശങ്കിച്ചുപോയി. ഇവിടെ ജീവിതം ഒരു നദിയാണ്. ഇതിൽ പ്രണയമുണ്ട്, അതിജീവനമുണ്ട്, ഭരണകൂടത്തിന്റെ നിർദയമായ നീതിരാഹിത്യമുണ്ട്.ഇടക്ക് ഈ നദി കലങ്ങിമറിഞ്ഞ് രൗദ്രമാവും.ഇടക്ക് സ്‌നേഹക്കാറ്റിൽ കുളിരുതരും. അങ്ങനെ മായാനദിപോലെ കുറെ ജീവിതങ്ങൾ.

തീർത്തും റിയലിസ്റ്റിക്കായി കഥപറഞ്ഞുകൊണ്ട് പൊള്ളുന്ന യാഥാർഥ്യങ്ങളിലേക്കുള്ള ആഷിക്ക് അബുവിന്റെ യാത്ര, പരമ്പരാഗതമായ വഴികൾ ഉപേക്ഷിച്ചുകൊണ്ടാണ്.പക്ഷേ ഒരു മിനുട്ടുപോലും ലാഗടിപ്പിക്കുന്നില്ല. മൂന്ന് കഥാസന്ദർഭങ്ങൾ ഒരുപോലെ പുരോഗമിച്ച് ഒടുവിൽ വലിയൊരു ഞെട്ടലിൽ അവസാനിക്കുമ്പോൾ അറിയാതെ കൈയടിച്ചുപോവും.

അതാണ് സിനിമയുടെ ശക്തി. അമൽനീരദിന്റെ കഥയും ശ്യാം പുഷ്‌ക്കരൻ ടീമിന്റെ കരുത്തുറ്റ രചനയും അഭിനന്ദനം അർഹിക്കുന്നു. തുളഞ്ഞുകയറുന്ന എന്നാൽ ഹ്രസ്വമായ ഡയലോഗുകൾ ചിത്രത്തിന്റെ ശക്തി ഇരട്ടിപ്പിക്കുന്നു. പക്ഷേ കടുത്ത കപട സദാചാരവാദിയായ ശരാശരി മലയാളിക്ക് എളുപ്പത്തിൽ ദഹിക്കുന്നതല്ല ഈ പടം. നവമാധ്യമങ്ങളിൽ മതമൗലിക വാദികളും, താരഫാൻസുകാരും ഈ പടത്തിനെതിരെ ഉറഞ്ഞ് തുള്ളുന്നത് നോക്കുക.ഈ എതിർപ്പ്തന്നെയാണ് മായാനദിയുടെ ശക്തിയും.

തിളച്ചുമറിയുന്ന ജീവിത നദീതീരത്ത്

ചിത്രം തുടങ്ങുന്നതുതന്നെ പൂർണ ഇരുട്ടിലാണ്. തമിഴിലുള്ള ഡയലോഗുകൾ മാത്രമേ കേൾക്കാനാവൂ.നായകൻ മാത്യൂസ് എന്ന മാത്തൻ( ടൊവീനോ തോമസ്) എപ്പോഴും ഭാവിയെക്കുറിച്ച് സ്വപ്നം കാണുന്നതിനെ കളിയാക്കുന്ന സുഹൃത്തിനോട് അയാൾ പറയുന്നത്, വർത്തമാനത്തിലും ഭൂതകാലത്തും ജീവിതത്തിൽ നല്ലതൊന്നും സംഭവിച്ചിട്ടില്ലാത്ത താൻ ഭാവിയെക്കുറിച്ചെങ്കിലും അൽപ്പം പ്രതീക്ഷ പുലർത്തിക്കോട്ടെ എന്നാണ്.

കഥാപാത്രങ്ങളെ ഒരിക്കലും നേരിട്ട് പരിചയപ്പെടുത്താതെ കഥ പുരോഗമിക്കുമ്പോഴുള്ള കൊച്ചുകൊച്ചു സംഭാഷണങ്ങളിലൂടെ അവരെ അനാവരണം ചെയ്യുകയെന്നതാണ് ഇവിടെ ആഷിക്ക് ചെയ്തിരിക്കുന്ന രീതി. ഈ പടത്തിന്റെ ഘടനവെച്ച് അത് വൃത്തിയായിട്ടുമുണ്ട്.
ഒരു എഞ്ചിനിയറിങ് ഡ്രോപ്പ് ഔട്ടായ മാത്തൻ ഇന്ന് മധുരയിലെ ഒരു ഹവാല ഏജന്റാണ്.താൻ പഠിച്ച കോളജിലെ തന്നെ അഡ്‌മിഷൻ ബ്രോക്കറുമാണ് അയാൾ.( ഇവിടെയും ഡീറ്റെയിൽസിലേക്ക് കടക്കുന്നില്‌ളെങ്കിലും ചിന്തിക്കുന്നവർക്ക്,സ്വാശ്രയ വിദ്യാഭ്യാസ വ്യവസായവും വിദ്യാഭ്യാസ കച്ചവടവത്ക്കണവുമായി ബന്ധപ്പെട്ട ഒരുപാട് കാര്യങ്ങൾ ചിത്രം നൽകുന്നു)

അങ്ങനെ കറുത്ത പണത്തിന്റെ വഴിയെ സഞ്ചരിക്കുമ്പോഴും മാത്തന്റെ മനസ്സിൽ നിറയെ പ്രണയമാണ്.കോളേജിൽ തന്റെ ജൂനിയറായി പഠിച്ച, ചില കാരണങ്ങളാൽ പിന്നീട് തന്നോട് തെറ്റിയ അപർണയാണ് ( ഐശ്വര്യ ലക്ഷ്മി) അയാൾക്ക് എല്ലാം. അങ്ങനെ ഒരു ഹവാല വിതരണവുമായി കൊടൈക്കനാലിലേക്കുള്ള ഒരു യാത്രയിൽ മാത്തന്റെ ജീവിതം ആകെ മാറിമറയുന്നു.പൊലീസ് വെടിവെപ്പിൽ കൂട്ടത്തിൽ എല്ലാവരും മരിക്കുമ്പോഴും അയാൾ രക്ഷപ്പെടുന്നു. പക്ഷേ വണ്ടിയെടുത്തുള്ള അയാളുടെ വേഗപ്പാച്ചിലിൽ അബദ്ധത്തിൽ ഒരു പൊലീസുകാരനും കൊല്ലപ്പെടുന്നു.പക്ഷേ ഒന്നും നോക്കാതെ മാത്തൻ നേരെ കൊച്ചിയിലേക്ക് വെച്ചുപിടിക്കയാണ്.തന്നെപ്പോലെ എൻജിനീയറിങ്ങ് ഡ്രോപ്പ് ഔട്ടായ, മോഡലിങ്ങിലും ആങ്കറിങ്ങുമായി ജീവിക്കുന്ന, സിനിമാ സ്വപ്നവുമായ കഴിയുന്ന അപർണയെ കാണാനായി.

ചിലപ്പോൾ തല്ലിയും ചിലപ്പോൾ വെറുത്തും മറ്റുചിലപ്പോൾ കാമിച്ചും അപർണ മാത്തനെ സ്വീകരിക്കുന്നത്.മാത്തന്റെയും അപർണ്ണയുടെയും വിചിത്രമായ പ്രണയത്തിന്റെ കൊച്ചി ഒരു ഭാഗത്ത്.സമാന്തരമായി തമിഴ്‌നാട് പൊലീസിന്റെ അന്വേഷണം. ഒപ്പം സിനിമക്കുള്ളിലെ സിനിമപോലെ അപർണയുടെയും കൂട്ടുകാരിയായ ഒരു നടിയുടെയും ജീവിതം. ഈ മൂന്നുകഥാലോകത്തെയും മനോഹരമായി സമ്മേളിപ്പിക്കുന്നിടത്താണ് ആഷിക്ക് അബുവിന്റെ മിടുക്ക് കിടക്കുന്നത്.ഒരു സംവിധായകൻ എന്ന നിലയിൽ ആഷിക്കിന്റെ വളർച്ച തന്നെയാണ് ഇവിടെ കാണുന്നത്.

പൂച്ചയുടെ ജന്മം എന്നാണ് അപർണ മാത്തനെ വിശേഷിപ്പിക്കുന്നത്.ശരിക്കും ഒരു സർവൈവർ. ചിട്ടിപൊളിഞ്ഞ് പാപ്പരായതിന്റെ വിഷമത്തിൽ അപ്പൻ കുടുംബത്തോടെ വിഷംകലക്കി കുടിപ്പിച്ചപ്പോൾ ബാക്കിയായത് കുട്ടിയായ മാത്തന്മാത്രം. അങ്ങനെ വളർന്ന് വന്നതാണ് അയാൾ. പക്ഷേ, എങ്ങനെ വീണാലും നാലുകാലിൽ നിൽക്കുന്ന മാത്തന്റെ അവസാന രംഗങ്ങളൊക്കെ ഭീതിയോടെ മാത്രമേ നമുക്ക് കണ്ടുനിൽക്കാൻ കഴിയൂ.

ലൈംഗികത സ്ത്രീ സ്വയം നിർണ്ണയിക്കുമ്പോൾ

മാധവിക്കുട്ടിയുടെ 'എന്റെ കഥ' പുറത്തിറങ്ങിയപ്പോൾ,എംപി നാരായണപ്പിള്ള ഇങ്ങനെ എഴുതി.'ലൈംഗിക ദാരിദ്രംകൊണ്ട് വീർപ്പുമുട്ടുന്ന മലയാളി സമൂഹത്തിനുനേരെ തീണ്ടാരിത്തുണികൊണ്ടുള്ള ഏറാണ് ഇതെന്ന്'.അത് കടമെടുത്ത് പറയട്ടെ, സദാചാരപൊലീസിങ്ങടക്കമുള്ള കടുത്ത ആൾക്കൂട്ടാധിപത്യക്രമം നിലനിൽക്കുന്ന ഒരു സമൂഹത്തിന്റെ, കിടപ്പറ സ്വപ്നങ്ങൾക്ക് നേരെയുള്ള ആക്രമണമാണ് ഈ പടം.ചിത്രത്തിലെ നായിക നായകനും തമ്മിൽ ചുണ്ടുകൾചേർത്ത് ചുംബിക്കുന്നതാണ് പലരും വിമർശിക്കുന്നത്. ഒരു ആൺകുട്ടിയും പെൺകുട്ടിയും സൗഹൃദത്തിന്റെപേരിൽ ഒന്ന് കെട്ടിപ്പിടച്ചാൽപോലും സ്‌കൂളിൽനിന്ന് പുറത്താക്കപ്പെടുന്ന, സദാചാരക്കൂരു പൊട്ടിയൊലിക്കുന്ന സമകാലീന കേരളീയ സമൂഹത്തിലാണ് നാം ജീവിക്കുന്നതെന്ന് ഓർക്കണം.മായാനദിയിലെ നായിക അപർണ ലൈംഗികത പാപമായി കാണുന്ന കുലസ്ത്രീയല്ല. തനിക്ക് നല്ല മൂഡുള്ളപ്പോൾ ശാരീരിക ബന്ധത്തിൽ ഏർപ്പെടാനായി അവൾ കാമുകനെ വിളിച്ചുവരുത്തുന്നു. തീർന്നില്ല, മലയാളി സദാചാരപൊലീസിന് ഞെട്ടാനുള്ള വകുപ്പുകൾ ആഷിക്ക് ഇനിയും ഒരുക്കിവെച്ചിട്ടുണ്ട്.ഒരു വേഴ്ചക്കുശേഷം അവൾ തന്റെ പുരുഷനോട് 'വൺസ്‌മോർ' എന്ന് ആവശ്യപ്പെടുമ്പോൾ അയാൾതന്നെ അമ്പരക്കുന്നുണ്ട്.

ആ വേഴ്ചകൾക്കുശേഷം അയാൾ കരുതുന്നത് തന്റെ കൂടെ ജീവിക്കാൻ അവൾ തയാറാകുമെന്നാണ്.പക്ഷേ അവിടെയും അവൾ ഞെട്ടിക്കുന്നു.
' സെ്കസ് ഈസ് നോട്ട് എ പ്രോമിസ്'എന്നാണ് അവളുടെ പക്ഷം.അതായത് ഞാൻ എന്റെ സുഖത്തിനായി ഇണചേരുന്നു. നിന്റെ ഭാര്യയായി ജീവിക്കാനുള്ള സമ്മതപത്രമല്ല അതെന്ന്.സ്ത്രീ ലൈംഗിതയെയും സ്വാതന്ത്ര്യത്തെക്കുറിച്ചും ഇത്ര ശക്തമായി പറയുന്ന ഒരു പടം മലയാളത്തിൽ വേറെയില്ലെന്ന് പറയാം.

അപ്പോൾ ക്ഷുഭിതനായ നായകന്റെ മറുപടി നോക്കുക. 'നീയെന്താ പോസ്റ്റിറ്റിയൂട്ടുകളെപ്പോലെ സംസാരിക്കുന്നത്' എന്നാണ്.ടിപ്പിക്കൽ മലയാളി പുരുഷന്റെ ചിന്തയെന്ന നിലക്ക് കൈയടിച്ചുപോയി ശ്യാം പുഷ്‌ക്കരന്റെ ആ ഡയലോഗിന്.അതായത് ഒരു തവണ ശാരീരിക ബന്ധത്തിലേർപ്പെട്ടാൻ പിന്നെ പെണ്ണ് ആജീവനാന്തം കൂടെ നിന്നോളുമെന്നത് ഇവിടുത്തെ പരമ്പരാഗത ധാരണയാണ്.ബലാൽസംഗം ചെയ്തവൻ വിവാഹം കഴിച്ചാൽ ശിക്ഷയില്ലാവുമെന്ന് കരുതുന്ന മതബോധമുള്ളവർക്ക് കുരുപൊട്ടുന്നതിൽ പിന്നെ അത്ഭുതമുണ്ടോ?

പുരുഷൻ തന്റെ ലൈംഗികതയെ സ്വയം നിർണ്ണയിക്കുന്നതുപോലെ, ഒരു സ്ത്രീ ചെയ്താൽ സദാചാരം ഇടിഞ്ഞുപോവുമെന്ന് കരുതുന്നവർക്കുള്ള നല്ല നമസ്‌ക്കാരമാണ് ഈ പടം.അതുകൊണ്ടുതന്നെ വേണമെങ്കിൽ മലയാളത്തിലെ ആദ്യത്തെ ലൈംഗിക സ്ത്രീപക്ഷ സിനിമ എന്ന് ഈ ചിത്രത്തെ വിശേഷിപ്പിക്കാം.പുരുഷന്റെ കാഴ്ചപ്പാടിലൂടെയല്ലാതെ സെ്ക്‌സ് ചിത്രീകരിച്ച എത്ര ചിത്രങ്ങൾ മലയാളത്തിലുണ്ടെന്ന് ഒന്ന് ചിന്തിച്ചുനോക്കുക.

പഴഞ്ചൻ കാഴ്ചപ്പാടുകളുടെ പൊളിച്ചെഴുത്തുകൾ ഈ പടത്തിലെ വ്യക്തി ബന്ധങ്ങളിൽ ഉടനീളം കാണാം. വേഴ്ചക്കുശേഷം, രാവിലെ അമ്മയും സഹോദരനും കാറിൽ വീട്ടുമുറ്റത്ത് എത്തുമ്പോൾ നമ്മുടെ നായകൻ മാത്തൻ പരിഭ്രാന്തനാവുകയാണ്.ഞാൻ പിറകിലൂടെ കണ്ടംവഴി ഓടട്ടെ എന്നാണ് അയാളുടെ ചോദ്യം.എന്നാൽ അപർണ ഒട്ടും പരിഭ്രമിക്കുന്നില്ല.വാതിൽ തുറന്ന് അവർ കൂളായി അമ്മയെയും സഹോദരനെയും പരിചയപ്പെടുത്തുകയാണ്.'ഇത് മാത്യൂസ് കോളജിൽ എന്റെ സീനിയറായിരുന്നു' എന്ന് തുടങ്ങി.തന്റെ ലൈംഗികത തെറ്റാണെന്ന ലവലേശം ചിന്ത അവൾക്കില്ല. അതാണ് ആദ്യമേ പറഞ്ഞത് സോ കോൾഡ് ചാരിത്രവാദികൾക്ക് താങ്ങാൻ പറ്റുന്നതല്ല ഈ പടമെന്ന്.

സ്ത്രീപുരുഷ-ബന്ധത്തിലെ മാറിയ കാഴ്ചപ്പാടുകൾ മാത്രമല്ല വെള്ളിത്തിരയുടെ ലോകത്തുപോലും യുവനടിമാരുടെ പ്രശ്‌നങ്ങളും വളരെ കൃത്യമായി ചിത്രം അടയാളപ്പെടുത്തുന്നുണ്ട്.ലിയോണ ലിഷോയുടെ സമീറ എന്ന യുവനടിയുടെ കഥാപാത്രചിത്രീകരണത്തിലൂടെ വ്യക്തമായ ചില തിരച്ചറിവുകൾ സംവിധായകൻ നൽകുന്നുണ്ട്.

ചിത്രത്തിനെതിരെ ഫാസിസ്റ്റുകൾ ഒറ്റക്കെട്ടാവുമ്പോൾ

ഒരിക്കലും രാഷ്ട്രീയം തുറന്നുപറയാതെ ഉരുണ്ടുകളിക്കുന്നവരിൽനിന്ന് വ്യത്യസ്തമായി സ്വന്തം നിലപാട് നവമാധ്യമങ്ങളിലൂടെ പരസ്യപ്പെടുത്തിയ വ്യക്തിയാണ് ആഷിക്ക് അബു.അതുകൊണ്ടുതന്നെ ആഷിക്കിന്റെ ഏത് ചിത്രമിറങ്ങിയാലും ഒരു വിഭാഗത്തിന്റെ എതിർപ്പ് ശക്തമാവാറുണ്ട്.എന്നാൽ ഇത്തവണ നോക്കുക.

സോഷ്യൽമീഡിയയിൽ പരസ്പരം കടിച്ചുകീറാൻ നിൽക്കുന്ന ഫാസിസ്റ്റുകൾ, അടുത്തകാലത്ത് എന്തെങ്കിലും കാര്യത്തിൽ ഐക്യപ്പെട്ടിട്ടുണ്ടെങ്കിൽ അത് മായാവതി സിനിമക്കെതിരെ പോസ്റ്റിടുന്ന കാര്യത്തിൽ മാത്രമായിരിക്കും. നവമാധ്യമങ്ങളിൽ ഈ സിനിമയെക്കുറിച്ച് അപവാദം പ്രചരിപ്പിക്കുന്നതിൽ സംഘികളും സുഡാപ്പികളും മാത്രമല്ല മമ്മൂട്ടി ഫാൻസുമുണ്ട്.ചിത്രം ഉന്നയിക്കുന്ന തുറന്ന ലൈംഗികതയോടും, മനുഷ്യാവകാശ പ്രശ്‌നങ്ങളോടും മതമൗലിക വാദികൾക്കുള്ള സമീപനം മനസ്സിലാക്കാം.(എൻകൗണ്ടർ കൊല കാണിച്ച് ഇന്ത്യയെ അപാമാനിച്ച ആഷിക് പാക്കിസ്ഥാനിലേക്ക് പോകണമെന്നാണ് ഒരു വിഭാഗത്തിന്റെ പോസ്റ്റ്. മറുഭാഗത്ത് ചുംബന രംഗങ്ങൾ കാണിച്ച് ചിത്രം അരാജകത്വം വളർത്തുന്നെന്നും) പക്ഷേ മമ്മൂട്ടി ഫാൻസ് എങ്ങനെ ഈ പട്ടികയിൽവരുന്നെവെന്ന് ആദ്യം പിടി കിട്ടിയിട്ടില്ലായിരുന്നു. ആഷിക്കിന്റെ ഭാര്യയും നടിയും ഈ ചിത്രത്തിന്റെ സഹ നിർമ്മാതവുമായ നടി റിമകല്ലിങ്കൽ, നടി പാർവതി മമ്മൂട്ടിക്കെതിരെ ഉയർത്തിയ സ്ത്രീവിരുദ്ധ പരാമർശത്തിൽ ഒപ്പം ചേർന്നതാണത്രേ ഫാൻസുകാരെ ചൊടിപ്പിച്ചത്.എല്ലാവിധ അന്ധമായ ആരാധനയും പരിധിവിട്ടാൽ ഒരുതരം ഫാസിസ്റ്റ് സ്വഭാവത്തിലേക്കാണ് നീങ്ങുകയെന്ന് വ്യക്തം.

പ്രിയപ്പെട്ട ആഷിക്ക് അബു,നിങ്ങൾ പൊളിറ്റിക്കലി കറക്ട് ആണെന്നതിന് ഇതിൽ കൂടുതൽ തെളിവുവേണ്ട. ചിത്രമുയർത്തുന്ന ചോദ്യങ്ങൾ ചിലരെ നന്നായി പൊള്ളിക്കുന്നുണ്ടെന്ന് വ്യക്തം.ഇത് പുതിയ ഒരുതരം തന്ത്രമാണ്.കൂട്ടമായി നെഗറ്റീവ് റിവ്യൂകൾ എഴുതി തളർത്തുകയന്നെ തന്ത്രം.അതുകൊണ്ടുതന്നെ നല്ല സിനിമയെ സ്‌നേഹിക്കുന്നവരുടെയും പരോഗമന-മതേതര മനസ്സുള്ളവരെയും പിന്തുണ ഈ ചിത്രം ആഗ്രഹിക്കുന്നുണ്ട്.

ടൊവീനോ മുൻ നിരയിലേക്ക്; തിളങ്ങിയത് ഐശ്വര്യ

2017 ടൊവീനോ തോമസ് എന്ന നടന്റെ കൂടി വർഷമാണ്.മലയാളത്തിലെ മുൻനിര നായകർക്കൊപ്പം ഇരിക്കാനുള്ള കഴിവ് തനിക്കുണ്ടെന്ന് ഈ നടൻ ഒരിക്കൽകൂടി തെളിയിക്കുന്നു. പക്വമായി ചിന്തിക്കാൻ കഴിവില്ലാത്ത പയ്യൻലുക്കുള്ള നായകനായി ടൊവീനോ നന്നായിട്ടുണ്ട്.പക്ഷേ അതിലും കലക്കിയത് നായിക അപർണയായ എശ്വര്യാലക്ഷ്മിയാണ്. 'ഞണ്ടുകളുടെ നാട്ടിൽ ഒരിടവേള'യിൽനിന്ന് തീർത്തും വ്യത്യസ്തമായ വേഷമാണ് ഐശ്വയുടെ അപർണ.പെട്ടെന്ന് മൂഡ് സ്വിംഗുകൾ ഉണ്ടാകുന്ന, അതേസമയം തൻേറടിയായ ജീവിതപോരാളി. അച്ഛൻ മരിച്ച തന്റെ കുടുംബത്തെ മുന്നോട്ടുകൊണ്ടുപോകാനുള്ള നെട്ടോട്ടവും പ്രണയവും ചലച്ചിത്രമേഖലയിലെ മൽസവരും സമ്മർദ്ദവുമെല്ലാം ഐശ്വര്വ അമ്പരപ്പിക്കുന്ന മേക്കോവറിലാണ് ചെയ്യുന്നത്.

സഹതാരങ്ങൾക്കും കൃത്യമായ സ്‌പേസ് കൊടുക്കുന്ന ചിത്രമാണിത്. തമിഴ്‌നാട് പൊലീസ് ഉദ്യോഗസ്ഥരിൽ ഒരാളായി എത്തിയ ഹരീഷ് ഉത്തമന്റെ കഥാപാത്രം ഏറെ ശ്രദ്ധ പിടിച്ചുപറ്റി. സംവിധായകരായ ലിജോ ജോസ് പല്ലിശ്ശേരി, ഖാലിദ് റഹ്മാൻ, ബേസിൽ ജോസഫ് ചിത്രത്തിലുണ്ടെങ്കിലുംലൃ ലിജോക്കാണ് എന്തെങ്കിലും ചെയ്യാനുള്ളത്.രണ്ടുസീനിൽ മാത്രം വന്ന് വിറപ്പിച്ച് പോകുന്നുണ്ട് സൗബിൻ ഷാഹിർ.

മായനദിയെ മനോഹരമാക്കിയതിൽ സംഗീതത്തിനുള്ള പങ്ക് വലുതാണ്. റെക്‌സ് വിജയന്റെ പശ്ചാത്തലസംഗീതം തകർത്തു. ഷഹബാസ് അമന്റെ ശബ്ദമാണ് എടുത്തുപറയേണ്ടത്.കേരളം കാത്തിരിക്കുന്ന പുരുഷ ശബ്ദം!ജയേഷ് മോഹന്റെ ഛായാഗ്രഹണ മിടുക്ക് ചിത്രത്തിൽ ഉടനീളം പ്രകടവമണ്.പ്രത്യേകിച്ച് അവസാന രംഗങ്ങളിൽ.

വാൽക്കഷ്ണം: കപടസദാചാര വാദികൾ ഈ പടത്തെ പോസ്റ്റി നാറ്റിക്കുന്നത് മനസ്സിലാക്കാം. പക്ഷേ ചില ഫെമിനിസ്റ്റുകളോ. അങ്ങേയറ്റം സ്ത്രീവിരുദ്ധമായ 'ഉദാഹരണം സുജാത'പോലുള്ള ചിത്രങ്ങളാണ് ഇവർക്ക് മൂല്യവത്തായ ചിത്രങ്ങൾ. സ്ത്രീ അങ്ങനെ ആയിരക്കണം പോലും.ഭർത്താവ് മരിച്ചാൽ അവൾ പിന്നെ സ്വന്തം സ്വപ്നങ്ങളെല്ലാം ഉപേക്ഷിച്ച് മകൾക്കായി ജീവിക്കണം. അവളുടെ എല്ലാകാര്യവും അറിയാവുന്ന ഒരു സർക്കാർ ജീവനാക്കാരായ ഉദ്യോഗസ്ഥൻ വിവാഹം അന്വേഷിച്ചാൽ പോലും തട്ടിക്കളയണം. എങ്കിലെ നിങ്ങൾ ഒരു കുലസ്ത്രീയാവൂ.പീക്കോക്ക് ഫെമനിസ്റ്റുകൾ എന്ന് സോഷ്യൽ മീഡിയ കളിയാക്കുനനതിലും കുറച്ച്കാര്യങ്ങൾ ഇല്ലാതില്ല.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
എനിക്ക് വൈവാഹിക ജീവിതം വേണമെന്നുപറഞ്ഞ് കത്തുകൊടുത്ത കന്യാസ്ത്രീയാണ് ഇപ്പോൾ ബിഷപ്പ് ബലാത്സംഗം ചെയ്‌തെന്ന് പറയുന്നത്; കന്യാസ്ത്രീക്ക് വട്ടാണ്; ഞാനിവിടെ പരസ്യമായിട്ടാണ് നടക്കുന്നത് ഇങ്ങോട്ട് വാ നേരിട്ടേക്കാം; നിങ്ങൾ പത്രക്കാര് ആണ് ഫ്രാങ്കോയെ ജയിലിൽ ആക്കിയത്; അദ്ദേഹം നൂറുശതമാനം നിരപരാധിയാണ്; ഫ്രാങ്കോയുടെ കൈമുത്തിയ ശേഷം കന്യാസ്ത്രീയെ വേട്ടയാടാനുറച്ച് പി.സി ജോർജ്; തന്നെ അധിക്ഷേപിച്ച പി.സിക്കെതിരെ കോട്ടയം എസ്‌പിക്ക് പരാതി നൽകി പീഡനത്തിനിരയായ കന്യാസ്ത്രീ
ശിവദത്തിലെ 'മാലാഖക്കുട്ടിക്ക്' അച്ഛന്റേയും അമ്മയുടേയും അന്ത്യചുംബനമില്ലാതെ യാത്രമൊഴി; വെന്റിലേറ്ററിലുള്ള ബാലഭാസ്‌കറിന്റെ നിലയിൽ നേരിയ പുരോഗതി; 48 മണിക്കൂറിനുള്ളിൽ വയലിനിസ്റ്റിന് ബോധം തിരിച്ചുകിട്ടുമെന്ന പ്രതീക്ഷയിൽ ഡോക്ടർമാർ; ലക്ഷ്മിയുടെ ആരോഗ്യത്തിൽ ആശങ്ക വേണ്ട; തിട്ടമംഗലത്തെ പുലരി നഗറിൽ സർവ്വത്ര മൂകത; സംഗീത പ്രതിഭയെ എന്ത് പറഞ്ഞ് ആശ്വസിപ്പിക്കുമെന്ന് അറിയാതെ സുഹൃത്തുക്കളും
മക്കൾ ചോദിക്കുമെന്ന് പറഞ്ഞ് ഭീഷണിപ്പെടുത്തി പിണറായിയുടെ ഇമോഷണൽ ബ്ലാക്ക്‌ മെയിലിങ്; കാശ് കൊടുക്കാത്തവരെ പേരെഴുതി പ്രദർശിപ്പിച്ച് നാറ്റിച്ച് വകുപ്പ് മേധാവികൾ; വിമർശനത്തിന്റെ പേരിൽ കേസെടുത്ത് പൊലീസ്; പ്രളയത്തിൽ ഒലിച്ചു പോയ നമ്മുടെ നാട് പുനർനിർമ്മിക്കാൻ ഏക മനസ്സായി എത്തിയ മലയാളികളെ പേടിപ്പിച്ചും ഗുണ്ടായിസം കാട്ടിയും സർക്കാർ; ജീവിക്കാൻ നിവർത്തിയില്ലാത്തവരെ ഭീഷണിപ്പെടുത്തി വാങ്ങുന്നതിനെതിരെ എങ്ങും രോഷം
മുരളീധരനേയും സുരേന്ദ്രനേയും ലക്ഷ്യമിട്ട് ഒരാൾക്ക് ഒറ്റപദവിയെന്ന ആശയം; മഞ്ചേശ്വരത്തും കഴക്കൂട്ടത്തും നേമത്തും പുതിയ സ്ഥാനാർത്ഥിയെ കണ്ടെത്താനും അണിയറയിൽ ചർച്ച സജീവം; രാജ്‌നാഥ് സിംഗിന്റെ പൊതു സമ്മേളനത്തിൽ മോഹൻലാലിനെ എത്തിക്കാനുള്ള നീക്കവും പാളി; തിരുവനന്തപുരത്ത് സൂപ്പർതാരത്തെ മത്സരിപ്പിക്കാൻ സമ്മർദ്ദവും ശക്തമാക്കും; ഗ്രൂപ്പ് പോരിനിടയിലും ലോക്‌സഭയിൽ നേട്ടമുണ്ടാക്കാൻ കരുതലോടെ ബിജെപി
ഒരു രക്ഷയുമില്ല... ഞാൻ തൊടുന്നതെല്ലാം ട്രോളാണല്ലോ; സ്വതവേ എനിക്ക് ട്രോളുകളോടൊക്കെ വളരെ പോസിറ്റീവായിട്ടുള്ള നിലപാടാണ്; ചെറുപ്പം തൊട്ടേ ചൈനയെ കുറിച്ച് നമുക്കൊരു ധാരണ ഉണ്ടല്ലോ? നമ്മുടെ ചങ്കിലുള്ള ചൈന തന്നെയാണോ യഥാർത്ഥത്തിൽ ചൈന എന്നുള്ള അന്വേഷണം കൂടിയായിരുന്നു ആ യാത്ര: വിമർശനങ്ങൾക്ക് മറുപടിയുമായി ചിന്താ ജെറോം
ബാലഭാസ്‌കറിന് തലയ്ക്കും നെട്ടെല്ലിനും മൾട്ടിപ്പിൾ ഫ്രാക്ച്ചർ; യുവ സംഗീതജ്ഞന്റെ നില അതീവഗുരുതരമെന്ന് വിലയിരുത്തി ഡോക്ടർമാർ; അടിയന്തര ശസ്ത്രക്രിയ നിർണ്ണായകം; ഭാര്യ ലക്ഷ്മിയും ഡ്രൈവറും അപകടനില തരണം ചെയ്തു; ഒന്നരവയസ്സുള്ള മകൾ തേജസ്വനി ബാലയുടെ ജീവനെടുത്തത് അച്ഛന്റെ മടിയിൽ ഇരുന്നുള്ള ഫ്രണ്ട് സീറ്റ് യാത്ര; വയലിനിൽ വിസ്മയം തീർക്കുന്ന ബാലഭാസ്‌കറിനും കുടുംബത്തിനും വേണ്ടി പ്രാർത്ഥനയോടെ മലയാളികൾ; കഴക്കൂട്ടത്തെ അപകടത്തിന്റെ ഞെട്ടലിൽ സംഗീത ലോകം
വടക്കുംനാഥനെ കണ്ട് മടങ്ങവേ കാറപകടത്തിൽ വയലിനിസ്റ്റ് ബാലഭാസ്‌ക്കറിന്റെ മകൾക്ക് ദാരുണാന്ത്യം; അകാലത്തിൽ പൊലിഞ്ഞത് വർഷങ്ങൾ നീണ്ട കാത്തിരിപ്പിനും നേർച്ചകാഴ്‌ച്ചകൾക്കും ഒടുവിൽ ദൈവം കൊടുത്ത കൺമണി: ബാലഭാസ്‌ക്കറും ഭാര്യയും അതിതീവ്ര പരിചരണ വിഭാഗത്തിൽ തുടരുന്നു: ബാലഭാസ്‌കറും കുടുംബവും സഞ്ചരിച്ച കാർ തകർന്നത് നിയന്ത്രണം വിട്ട് മരത്തിലിടിച്ച്
വിവാഹം കഴിഞ്ഞ് കാത്തിരുന്നത് നീണ്ട 16 വർഷം; ചികിൽസകൾ ഫലിക്കാതെ വന്നപ്പോൾ അഭയം തേടിയെത്തിയത് ദൈവങ്ങൾക്ക് മുന്നിൽ; വേദന പ്രാർത്ഥനയായി മാറിയപ്പോൾ ചിരിയും കളിയുമായി മകൾ പിറന്നു; ജീവിതത്തിൽ ഐശ്വര്യം ചൊരിഞ്ഞ തേജസ്വനിയുടെ മരണമറിയാതെ അച്ഛനും അമ്മയും വെന്റിലേറ്ററിൽ; ബാലഭാസ്‌കറിനെ വിട്ടുപിരിയുന്നത് കാത്തിരുന്ന് കിട്ടിയ കൺമണി
ലൈറ്റണയ്ക്കാത്ത സെല്ലിൽ കൊതുകിനെ കൊന്നും അങ്ങോട്ടുമിങ്ങോട്ടും നടന്നും രാത്രി തള്ളി നീക്കി അഴിക്കുള്ളിലെ ആദ്യ ദിനം; കൈയിൽ ബൈബിൾ ഉണ്ടായിട്ടും തുറന്നു നോക്കാൻ പോലുമാകാത്ത മാനസികാവസ്ഥ; ജപിക്കാനും മനസ്സ് അനുവദിച്ചില്ല; ഒപ്പമുള്ള കഞ്ചാവ് കേസ് പ്രതികളോടുമില്ല മിണ്ടാട്ടം; ഇന്നലെ ഉച്ചയ്ക്ക് മീൻകറിയും അവിയലും കഴിച്ചെങ്കിലും രാത്രി ഭക്ഷണം വേണ്ടെന്ന് വച്ച് മൗനത്തിലേക്ക് കടന്നു; പാലാ സബ് ജയിലിൽ ബിഷപ്പ് ഫ്രാങ്കോ മുളയ്ക്കൽ ആകെ നിരാശൻ
നിങ്ങൾ എന്താണ് വിചാരിച്ചത്... മര്യാദ ആണെങ്കിൽ മര്യാദ.. അല്ലെങ്കിൽ എല്ലാറ്റിനെയും ഞാൻ ശരിയാക്കും; ഞാൻ ബിഷപ്പാണ്.. എന്റെ ഇഷ്ടം പോലെ ചെയ്യും... ആരാ ഇവിടെ ചോദിക്കാൻ? പീഡനക്കേസിലെ പ്രതി റോബിനച്ചനെ അവസാനം വരെ സംരക്ഷിച്ച ബിഷപ്പ് മാർ ജോസ് പൊരുന്നേടത്തിനെ സംശയ നിഴലിൽ നിർത്തി ഫാ ഫ്രാൻസിസ് ഞള്ളമ്പുഴയുടെ ദുരൂഹ മരണവും; പീഡകൻ ഫ്രാങ്കോയുടെ അറസ്റ്റിന് വേണ്ടി വാദിച്ച സിസ്റ്റർ ലൂസിയെ ഒറ്റപ്പെടുത്തുന്നത് മാനന്തവാടി മെത്രാന്റെ ഉള്ളിലെ ഭയം തന്നെ
ഒന്നുമറിയാത്തപോലെ കൈവീശി നിന്ന് സ്ത്രീകൾ അടുത്തു കൂടി നടന്നു പോകുമ്പോൾ പിന്നിൽ സ്പർശിക്കുന്ന ഏമാന്റെ ദൃശ്യങ്ങൾ സമൂഹ മാധ്യമങ്ങളിൽ; പട്ടാപ്പകൽ നടുറോഡിൽ ഡ്യൂട്ടിക്കിടയിൽ നടത്തുന്ന വിക്രിയകളിൽ ഇയാൾ വിദ്യാർത്ഥിനികളെ പോലെും വെറുതെ വിടുന്നില്ല; സംശയം തോന്നി ചിലർ തിരിഞ്ഞു നോക്കിയിട്ടും യാതൊരു കൂസലുമില്ലാതെ പിന്നെയും പരിപാടി തുടരുന്നു; സേനക്ക് ആകെ നാണക്കേടായ കാക്കിക്കുള്ളിലെ ഞരമ്പുരോഗി ഹോം ഗാർഡാണെന്ന് കേരളാ പൊലീസ്
മഠം സന്ദർശനത്തിന് വന്ന ഫ്രാങ്കോ മുളയ്ക്കൻ രാത്രിയിൽ അവിടെ തങ്ങി; ചർച്ചക്കെന്ന് പറഞ്ഞ് മുറിയിലേക്ക് വിളിപ്പിച്ചു; അടുത്തു ചെന്നപ്പോൾ ചേർത്തുപിടിച്ചു; ഭയന്നുപോയ ഞാൻ കുതറിയോടാൻ ശ്രമിച്ചിട്ടും സാധിച്ചില്ല; തുടർന്ന് ക്രൂരമായി ബലാത്സംഗം ചെയ്തു; കന്യാസ്ത്രീ നൽകിയത് അക്കമിട്ട് നിരത്തിയ പരാതി; ഇടയനോടൊപ്പം ഒരു ദിവസം കാരണം തിരുവസ്ത്രം ഊരിയത് കർത്താവിന്റെ 18 മണവാട്ടികൾ; കേരളാ പൊലീസ് കുടുക്കിയത് പ്രാർത്ഥനാലയവും ലൈംഗിക ചൂഷണത്തിന് ഉപയോഗിച്ച മെത്രാനെ
കോഴിക്കോട്ടെ ചുള്ളന്റെ വലയിൽ വീണത് നിരവധി പെൺകുട്ടികളും വീട്ടമ്മമാരും; ഫയാസിന് പതിവായി മൊബൈൽ ചാർജ് ചെയ്ത് നൽകിയിരുന്നത് സോഷ്യൽ മീഡിയ വഴി പരിചയപ്പെട്ട പെൺകുട്ടികൾ: ചിലർക്ക് പണം നഷ്ടപ്പോൾ മറ്റു ചിലർ ലൈംഗിക ചൂഷണത്തിനും ഇരയായി; പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ അറസ്റ്റിലായതിന് പിന്നാലെ 20കാരനെതിരെ പരാതിയുമായി എത്തിയത് 20ലധികം പേർ
ബംഗളുരു നഗരത്തിൽ നാലേക്കർ സ്ഥലത്ത് പൂന്തോട്ടത്തിന് നടുവിൽ ബംഗ്ലാവ്; പല അന്താരാഷ്ട്ര വിമാനത്താവളങ്ങളുടേയും സമീപം ഭൂമി; കൊട്ടാര സദൃശ്യമായ അരമനയും സമ്പൂർണ്ണമായി എസി ചെയ്ത സെമിനാരിയും; ഡൽഹിയിൽ സ്വകാര്യ ബസ് സർവ്വീസും പഞ്ചാബിൽ സാമ്പത്തിക ഇടപാടുകളും; മഠം സ്ഥാപിച്ചത് ലൈംഗിക ആവശ്യത്തിനും സാമ്പത്തിക ഇടപാടുകൾക്കുമായി; ബെങ്കയിലെ സെമിനാരിയുടെ ചുമതല സാമ്പത്തിക ക്രമക്കേടിന് പുറത്തായ വൈദികന്; ഫ്രാങ്കോയുടെ രഹസ്യ ജീവിതത്തിന്റെ ഞെട്ടിക്കുന്ന കഥകൾ
ഇപ്പോൾ കേന്ദ്രം അനുവദിച്ചത് എത്രയാണെന്ന് അറിയാമോ? കേരളം അനുവദിച്ചത് എത്രയാണെന്ന് അറിയാമോ? ഇതേക്കുറിച്ച് അംഗത്തിന് എന്തെങ്കിലും ധാരണയുണ്ടോ? ജീവൻ നഷ്ടമായവർക്കുള്ള നഷ്ടപരിഹാരം ഉയർത്തണമെന്നും വായ്‌പ്പകൾ എഴുതി തള്ളണമെന്നും ആവശ്യപ്പെട്ട എൽദോ എബ്രഹാം എൽഎൽയോട് ക്ഷുഭിതനായി മുഖ്യമന്ത്രിയുടെ ചോദ്യം; പിണറായിയുടെ ഇടപെടലിൽ സഭ പകച്ചുപോയ നിമിഷം..!
വെറുതെ കിടന്ന് വഴക്കുണ്ടാക്കാതെ.....ഓകെ താങ്ക് യു! ക്ഷമ ചോദിക്കുമോ എന്ന് ആവർത്തിച്ച് ചോദിച്ച് അവതാരിക; ചിരിച്ച് തള്ളി പിസി; കന്യാസ്ത്രീ കന്യകയല്ലെന്ന വാദത്തിൽ പൊട്ടിത്തെറിച്ച് ചോദ്യശരങ്ങൾ; തപ്പിയും തടഞ്ഞും ഇംഗ്ലീഷ് പറഞ്ഞ് പടിച്ച് നിൽക്കാൻ ശ്രമിച്ചെങ്കിലും പതറി വീണ് പൂഞ്ഞാർ എംഎൽഎ; ഷാനി പ്രഭാകരനേയും വേണു ബാലകൃഷ്ണനേയും തെറി പറഞ്ഞ് പേടിപ്പിച്ച് ശീലിച്ച പിസി ജോർജ് റിപ്പബ്ലിക് ചാനൽ അവതാരികയുടെ ചോദ്യത്തിന് മുമ്പിൽ പെട്ട് പോയത് ഇങ്ങനെ
ദിവസം രണ്ടരക്കിലോ ചിക്കനും അൻപത് മുട്ടയുടെ വെള്ളയും ഇനി എവിടെ നിന്നു കിട്ടും? പീഡന കേസിൽ അകത്തായ മുരളീകുമാറിന്റെ ഭക്ഷണചര്യകൾ കേട്ടു ഞെട്ടി പൊലീസും; ഓർമ്മ വെച്ചപ്പോൾ മുതൽ തുടർന്ന ഭക്ഷണവും എക്‌സർസൈസും ഇരുമ്പഴിക്കുള്ളിൽ മുടങ്ങുമ്പോൾ നഷ്ടമാകുന്നത് വർഷങ്ങളായി കാത്തു സൂക്ഷിച്ച ശരീരസൗന്ദര്യം: മിസ്റ്റർ ഏഷ്യയുടെ ആരാധകർക്കും സങ്കടം ഉള്ളിൽ ഒതുക്കാൻ വയ്യ
ശശി നടന്ന വഴിയിൽ കമ്മ്യൂണിസ്റ്റ് പച്ചപോലും മുളയ്ക്കില്ല! ഞാൻ ഗുണ്ടയെന്ന് പരസ്യമായി പറയുന്ന നേതാവ്; വിമർശിക്കുന്നവരെ പച്ചത്തെറി വിളിക്കാൻ ഒരു മടിയുമില്ല; ഷൊർണ്ണൂരിലെ മണൽ മാഫിയയുടെ തലതൊട്ടപ്പൻ; പാർട്ടി സമ്മേളനത്തിനെത്തിയ പിണറായിയെ ഊണു കഴിക്കാൻ വീട്ടിൽ കൊണ്ട് പോകാൻ നടത്തിയ ശ്രമം പൊളിച്ചത് പിണറായിയുടെ മുൻകോപം തന്നെ; പാർട്ടി വനിതാ നേതാവിന്റെ പരാതിയിൽ കുടുങ്ങിയ ഷൊർണ്ണൂർ എംഎൽഎ പികെ ശശി അത്ര ചെറുമീനല്ല
ആറുമാസം മുമ്പ് ഫെയ്‌സ് ബുക്കിലൂടെ ബോഡി ബിൽഡർ പരിചയം തുടങ്ങി; വീട്ടുകാരുമായും അടുത്ത് യുവതിയിൽ വിശ്വാസം നേടിയെടുത്തു; പിന്നെ ഭക്ഷണത്തിന് വിളിച്ച് കോട്ടയത്തെ ഹോട്ടൽ ഐഡയിൽ മുറിയെടുത്ത് ബലാത്സംഗം; നിലയ്ക്കാത്ത രക്തസ്രാവമുണ്ടായപ്പോൾ ആശുപത്രിയിൽ കൊണ്ടു വന്നതും മിസ്റ്റർ ഏഷ്യ പട്ടത്തിനുടമ; അവിവാഹിതയെ വിവാഹിതനായ നാവിക സേന പെറ്റി ഓഫീസർ പീഡിപ്പിച്ചത് അതിക്രൂരമായി; മുരളി കുമാർ അറസ്റ്റിൽ
പന്ത്രണ്ടായിരം ലക്ഷം കോടി ആസ്തിയുള്ള രാജ്യമാണ് ഇന്ത്യ; വിദേശ സഹായം സ്വീകരിക്കുന്നത് അപമാനം; നവകേരള നിർമ്മിതിക്ക് പൂർണ അധികാരമുള്ള സമിതി രൂപീകരിക്കണം; എങ്കിൽ എട്ട് വർഷംകൊണ്ട് പുതിയകേരളം പടുത്തുയർത്താൻ കഴിയും; ഡാം മാനേജ്‌മെന്റിലും കേരളത്തിന് വലിയ പാളിച്ച പറ്റി; ആദ്യഘട്ടിൽ കനത്ത മഴ പെയ്തപ്പോൾ ഡാമിലെ വെള്ളം തുറന്നുവിടാമായിരുന്നു; മനസു തുറന്ന് ഇ ശ്രീധരൻ; പുനർനിർമ്മാണം മെട്രോമാനെ ഏൽപ്പിക്കുമോ എന്ന ചലഞ്ചുമായി സോഷ്യൽ മീഡിയ
അമൃതയിലെ എംബിബിഎസ് പഠനകാലത്ത് മൊട്ടിട്ട പ്രണയം; പഠനം പൂർത്തിയാക്കി ലേക് ഷോറിൽ പ്രാക്ടീസ് ചെയ്ത ശ്രീജ അമേരിക്കയ്ക്ക് പറന്നപ്പോഴും രോഹിത്തുമായുള്ള ആത്മബന്ധം തുടർന്നു; വിവാഹത്തിലൂടെ ഒരുമിക്കാനുള്ള രോഹിത്തിന്റെയും ശ്രീജയുടെയും ആഗ്രഹത്തിന് സന്തോഷത്തോടെ സമ്മതം മൂളി ചെന്നിത്തലയും വ്യവസായി ഭാസിയും; ചിങ്ങ മാസത്തിലെ ഉത്രം നാളിൽ വിവാഹ നിശ്ചയം നടന്നപ്പോൾ പൂവണിയുന്നത് വർഷങ്ങളുടെ പ്രണയം
പിണറായി വിജയൻ അമേരിക്കയിലേക്ക് പോയത് പ്രോസ്‌റ്റേറ്റ്‌ കാൻസറിന് ചികിൽസ തേടിയെന്ന് റിപ്പോർട്ടുകൾ; ഒപ്പമുള്ളത് ഭാര്യ കമലയും പൃഥ്വിരാജിന്റെ അമ്മാവനും മാത്രം; മയോ ക്ലീനിക്കിൽ പോവാൻ തീരുമാനിച്ചത് ചെന്നൈ അപ്പോളോ ആശുപത്രിയിൽ നിന്നും വിദഗ്ധാഭിപ്രായം തേടിയ ശേഷം; പ്രധാന പരിശോധന നടത്തിയത് കഴിഞ്ഞ മാസം വൈറോളജി ഇൻസ്റ്റിറ്റ്യൂട്ടിൽ അവാർഡ് വാങ്ങാൻ പോയപ്പോൾ; പ്രാഥമിക പരിശോധനയിൽ രോഗം ഗുരുതരമല്ലെന്ന് സൂചന
വൈദ്യുത പോസ്റ്റിലെ ഇടിക്കിടെ മുൻസീറ്റിലിരുന്ന ഹനാന്റെ നട്ടെല്ലിനുണ്ടായത് ഗുരുതര പരിക്ക്; സ്‌പൈനൽ കോഡിലെ ക്ഷതം മൂലം ഒരു വശം തളർന്ന നിലയിൽ; ബോധം പോവാത്തതിനാൽ ആശങ്കപ്പെടേണ്ടതില്ലെന്ന് മെഡിക്കൽ ട്രസ്റ്റ്; ഉടൻ അടിയന്തര ശസ്ത്രക്രിയ; കൊടുങ്ങല്ലൂരിലെ അപകടം കോഴിക്കോട്ടെ ഉദ്ഘാടനം കഴിഞ്ഞ് മടങ്ങവേ; വ്യാജപ്രചരണങ്ങളെ അതിജീവിച്ച ധീരതയുടേയും അതിജീവനത്തിന്റേയും പ്രതീകമായ ഹനാന്റെ ആരോഗ്യത്തിന് വേണ്ടി വീണ്ടും പ്രാർത്ഥിച്ച് മലയാളികൾ