1 usd = 68.73 inr 1 gbp = 90.19 inr 1 eur = 80.64 inr 1 aed = 18.71 inr 1 sar = 18.33 inr 1 kwd = 227.20 inr

Jul / 2018
21
Saturday

പുത്തൻ പണത്തിൽ മൊത്തം കള്ളനോട്ടും കീറിയതും! ഇത് കാടുകയറിയ കഥയിൽ തീർത്ത തട്ടിക്കൂട്ട് ചിത്രം; ആശ്വാസമായത് കാസർകോടൻ വാമൊഴിയിൽ കസറിയ മമ്മൂട്ടിമാത്രം; വീണ്ടും പറയട്ടെ, ഷെയിം ഓൺ യൂ മിസ്റ്റർ രഞ്ജിത്ത്

April 13, 2017 | 08:47 AM IST | Permalink



പുത്തൻ പണത്തിൽ മൊത്തം കള്ളനോട്ടും കീറിയതും! ഇത് കാടുകയറിയ കഥയിൽ തീർത്ത തട്ടിക്കൂട്ട് ചിത്രം; ആശ്വാസമായത് കാസർകോടൻ വാമൊഴിയിൽ കസറിയ മമ്മൂട്ടിമാത്രം; വീണ്ടും പറയട്ടെ, ഷെയിം ഓൺ യൂ മിസ്റ്റർ രഞ്ജിത്ത്

എം. മാധവദാസ്

ണ്ടായിരത്തിന്റെ പുതുപുത്തൻ നോട്ട് ഇറങ്ങിയ ഉടനെ തന്നെ അതിന്റെ ഫോട്ടോസ്റ്റാറ്റെടുത്ത് കാഴ്ചക്കുറവുള്ള വയോധികരെ പറ്റിച്ച ഒരുത്തനെയാണ് ഈ പടം കണ്ടപ്പോൾ ഓർത്തുപോയത്.അയാൾ ഒന്നുരണ്ടുപേരെയൊക്കെയാണ് പറ്റിച്ചതെങ്കിൽ, നമ്മുടെ പ്രതിഭാധനനായ സംവിധായകൻ രഞ്ജിത്ത് എത്രപേരെയാണ് പറ്റിക്കുന്നത്.അദ്ദേഹത്തിന്റെ പുതിയ ചിത്രമായ 'പുത്തൻ പണം' സത്യത്തിൽ ഒരു ഫോട്ടോസ്റ്റാറ്റാണ്. വേണമെങ്കിൽ ' ഇന്ത്യൻ റുപ്പി ആൻഡ് ലോഹം റീ ലോഡഡ്' എന്നൊക്കെ പരസ്യംചെയ്യാമായിരുന്നു.'ഇന്ത്യൻ റുപ്പി'തൊട്ട് , 'കടൽകടന്ന് മാത്തുക്കൂട്ടി'യും, 'ലോഹ'വുംതൊട്ടുള്ള രഞ്ജിത്തിന്റെതന്നെ സിനിമകളിലെയും പലഭാഗങ്ങൾ ചുരണ്ടിമാറ്റി അതിലേക്ക് മോദിയുടെ നോട്ട് നിരോധവും, കാസർകോടൻ വാമൊഴിയും കയറ്റിയാൽ അത്് 'പുത്തൻപണ'മായി.

മൊത്തം കള്ളനോട്ടും കീറിയതുമാണ് ഈ 'പുത്തൻ പണത്തിൽ'. വൺലൈൻ കേൾക്കുമ്പോഴും ടീസർ കാണുമ്പോഴുമുള്ള സുഖം ചിത്രത്തിനില്ല. കണ്ടിരിക്കാവുന്ന ആദ്യപകുതിക്കുശേഷം, അരോചകമായ രണ്ടാംപകുതി കടന്ന്, തെലുങ്ക് നടൻ ബാലകൃഷ്ണ മോഡലിൽ നായകൻ വില്ലന്മാരെ അടിച്ചു പറപ്പിച്ച് കളയുന്ന കൈ്‌ളമാക്‌സിലത്തെുമ്പോൾ നാം അന്തവും കുന്തവും വിട്ട് ഇരുന്നുപോവും. എന്താണ് രഞ്ജിത്ത് ഈ ചിത്രത്തിലൂടെ പറയാൻ ശ്രമിച്ചത്?

അതിനിടെ ചിത്രത്തിൽ ആശ്വാസമാവുന്നത് മമ്മൂട്ടിയുടെ സ്‌ക്രീൻ പ്രസൻസാണ്. ഗ്രേറ്റ് ഫാദറിനുശേഷം ഊർജസ്വലമായ മറ്റൊരുവേഷത്തിൽ, കാസർകോടൻ ഭാഷയൊക്കെ നല്ല 'മജയായി' പറഞ്ഞ് മമ്മുക്ക ജോറാക്കുന്നുണ്ട്.പക്ഷേ എന്തുചെയ്യാം ഏച്ചുകെട്ടിയ രംഗങ്ങളും, കണ്ടുമടുത്ത കഥാഗതിയുമായി ചിത്രത്തെ മൊത്തത്തിലങ്ങ് കൊല്ലുകയാണ് രഞ്ജിത്ത് ചെയ്യുന്നത്.

മലയാളത്തിലെ എണ്ണം പറഞ്ഞ ഹിറ്റുകൾ നൽകിയ, എത്രയോ മികച്ച കഥാപാത്രങ്ങളെ സൃഷ്ടിച്ച സംവിധായകനും എഴുത്തുകാരനുമാണ് രഞ്ജിത്ത് എന്നത് മറന്നുകൊണ്ടല്ല ഇത് എഴുതുന്നത്.പക്ഷേ അദ്ദേഹത്തിന്റെ സമീപകാല ചിത്രങ്ങൾ നോക്കുക.'കടൽകടന്ന് ഒരു മാത്തുക്കുട്ടി', 'ഞാൻ', 'ലോഹം', 'ലീല' എന്നീ പടങ്ങളൊന്നും സാധാരണ പ്രേക്ഷകർക്ക് ദഹിച്ചിട്ടില്ല.ഏറെ പ്രതീക്ഷയോടെ ലോഹം കണ്ടിറങ്ങി ഈ ലേഖകൻ എഴുതിപ്പോയത്, 'ഷെയിം ഓൺ യൂ മിസ്റ്റർ രഞ്ജിത്ത്' എന്നായിരുന്നു. അതുതന്നെ ഒരിക്കൽകൂടി പറയട്ടേ. പ്രതിഭാധനനായ താങ്കളൊക്കെ ഇങ്ങനെ തിരക്കഥയിൽ ഗൃഹപാഠം ചെയ്യാതെ, പഴയ സിനിമകളെവെച്ച് മിമിക്രി കളിക്കുന്നത് തീർത്തും ലജ്ജാകരം തന്നെയാണ്.

2011ൽ പുറത്തത്തെിയ രഞ്ജിത്തിന്റെ ഇന്ത്യൻ റുപ്പി ശരിക്കും സാമൂഹിക സാമ്പത്തിക ബന്ധങ്ങളെ നിശിതമായി വിലയിരുത്തിയ ഒരു മികച്ച ചിത്രമായിരുന്നു. സത്യത്തിൽ അതിന്റെ പാരഡിയായിപ്പോയി ന്യൂ ഇന്ത്യൻ റുപ്പിയെന്ന ടാഗ്ലൈനിൽ ഇറങ്ങിയ ഈ പുത്തൻ പണം.ഇന്ത്യൻ റുപ്പിയിൽ തിളക്കുന്ന സാധാരണക്കാരന്റെ ജീവിതം ഉണ്ടായിരുന്നെങ്കിൽ, 'ന്യൂ' ചില വേഷം കെട്ടലുകളിൽ അഭിരമിച്ച് തീരുകയാണ്.

അസാധുനോട്ടിന്റെ കാലത്തെ അധോലോകം

 

നാം കേട്ടു മടുത്ത അധോലോക കഥതന്നെയാണ് ഈ പടത്തിലും. 2016 നവംമ്പർ എട്ട് എന്ന ദിവസം ഈ പടത്തിലെ അധോലോകത്തെയും ഞെട്ടിപ്പിച്ച ദിവസമാണ്. ആയിരം അഞ്ചൂറ് രുപ അസാധുവാക്കിയ അന്ന് രാത്രി എഴുമണിയോടെ നടന്ന ഒരു ഡീലിൽ നമ്മുടെ നായകൻ നിത്യാനന്ദഷേണായിക്ക് നഷ്ടമാവുന്നത് 25 കോടി രൂപയാണ്. നോട്ടുനിരോധനവിവരം നേരത്തെ അറിഞ്ഞ ഒരു രാഷ്ട്രീയ നേതാവാണ് നിരോധനത്തിന് ഒരു മണിക്കൂർ തൊട്ടുമുമ്പേ ഇരുപത്തിയഞ്ചുകോടി രൂപയുടെ നോട്ടുകെട്ടുകൾ നൽകി ഷേണായിയെ പറ്റിച്ചത്. അതുമൂലമുണ്ടായ വലിയ ആഘാതം പരിഹരിക്കാനായി സടകുടഞ്ഞ് എഴുനേൽക്കയാണ് അയാളും സംഘവും. അതിനായി കൊച്ചിയിലത്തെിയ അവർക്ക് പിന്നീട് അതിനേക്കാൾ വലിയ പ്രശ്‌നങ്ങളാണ് നേരിടേണ്ടി വരുന്നത്.

ചിത്രത്തിന്റെ മറ്റൊരു പ്രധാന കഥാപാത്രമായ ഒരു എട്ടാംക്‌ളാസ് വിദ്യാർത്ഥിയുടെയും (മാസ്‌ററർ സ്വരാജ്) അവന്റെ അമ്മയുടെയും( ഇനിയ) ഫ്‌ളാഷ്ബാക്ക് പറഞ്ഞുകൊണ്ടാണ് ചിത്രം നോട്ടുനിരോധന രാത്രിയിലേക്ക് എത്തുന്നത്. ഇവിടെയാക്കെ കഥയുടെ രസച്ചരട് മുറിയാതെ കൊണ്ടുപേകാൻ രഞ്ജിത്തിന് കഴിയുന്നുണ്ട്. നിത്യാനന്ദഷേണായിയായുള്ള മമ്മൂട്ടിയുടെ മാസ് എൻട്രിയിലൂടെ ചിത്രം ചടുലമാവുന്നു. എന്നാൽ രണ്ടാം പകുതിയിൽ കഥയാകെ മാറുകയാണ്.ഇതെങ്ങനെ വികസിപ്പിക്കണമെന്ന് അറിയാൻ വയ്യാത്ത അവസ്ഥ.15 മിനുട്ടുകൊണ്ട് പറഞ്ഞുതീർക്കാവുന്ന കാര്യങ്ങളാണ് ഇങ്ങനെ വലിച്ചുനീട്ടി ഒന്നേകാൽ മണിക്കൂർ ഒപ്പിക്കുന്നത്.കഥയുടെയും തിരക്കഥയുടെയും ബലക്കുറവ് തന്നെയാണ് ഈ പടത്തിന്റെ പ്രശ്‌നം. അതിൽ ഒന്നാം പ്രതി മറ്റാരുമല്ല, ഹിറ്റ് മേക്കർ രഞ്ജിത്ത് തന്നെ.

ക്‌ളീഷേകളിൽനിന്ന് മാറാതെ രഞ്ജിത്ത്

ഒരു കാലത്ത് തമ്പുരാൻ സിനിമകളുടെ വക്താവായിരുന്ന രഞ്ജിത്ത് ഏറെ വിമർശനങ്ങൾക്കുശേഷമാണ് ട്രാക്ക് മാറ്റിയത്.അപ്പോഴും പുരുഷ കേന്ദ്രീകൃതവും, നായക പൂർണതയിൽ അധിഷ്ടിതവുമായ അർധ ഫ്യൂഡൽ വാർപ്പുചിന്തകളിൽനിന്ന് അദ്ദേഹത്തിന് മാറാനായിട്ടില്ല. നായക കഥാപാത്രത്തിന്റെ തുപ്പൽ കോളാമ്പി ചുമക്കാനും ഇടക്കിടെ കോമഡി പറയാനുമായി കുറെ പടപ്പുകളെ സൃഷ്ടിക്കുകയെന്ന പണി ഈ പടത്തിലുമുണ്ട്. മാമുക്കോയയുടെ , ഹരീഷ്‌കണാരന്റെയും നേതൃത്വത്തിലുള്ള ഒരു വലിയ സംഘത്തിന്റെ പണി അതുമാത്രമാണ്.നമ്മുടെ ന്യൂജൻ സിനിമകൾ ഈ ലൈനിൽനിന്നൊക്കെ എത്രയോ മാറ്റിപ്പിടിക്കാൻ ശ്രമിക്കയാണ്.അപ്പോഴാണ് നായകന്റെ ഉപ്പും ചോറും തിന്ന് വളർന്ന, അയാൾക്കായി എന്തും ചെയ്യാൻ മടിക്കാനും, എത്ര തല്ല്കിട്ടിയായും ഒറ്റാത്തവരുമായ ഒരു സംഘം വീണ്ടും വരുന്നത്.ഇത്തവണ അവർ പൂർണ വില്ലന്മാരല്ല, കാസർകോടൻ സ്‌ളാങ്ങിൽ കോമഡി പറയുന്നവരാണ്.

നായകനെ വീരശൂര നരസിംഹാവതാരമാക്കാനുള്ള തള്ളുകൾ ഇത്തവണ പരമാവധി കുറച്ചുവെന്നത് ശരിയാണ്.ഷേണായി സ്വയം തള്ളുമ്പോഴൊക്കെ അതിന് അക്ഷേപഹാസ്യത്തിന്റെ ചുവ നൽകാനും സംവിധായകൻ ശ്രമിച്ചിട്ടുണ്ട്.പക്ഷേ കൈ്‌ളമാക്‌സ് എത്തിയാൽ പിന്നെ മമ്മൂട്ടി മെഗാ സ്റ്റാറാവുന്നു.അതുവരെയുള്ള എല്ലാകെട്ടുകളും പൊട്ടിച്ച് പിന്നീടങ്ങോട്ട് ഒരു ചാട്ടമാണ്.മമ്മൂട്ടിയുടെ ഇടി കിട്ടിയിട്ട് വില്ലന്മാർ പറക്കുയാണ്. (എന്റെ ഡിങ്കാ, നീയിതൊന്നും കാണുന്നില്ലേ!) പ്രിയപ്പെട്ട രഞ്ജിത്ത്, ഒട്ടും റിയലിസ്റ്റിക്കല്ലാത്ത ഇത്തരം സംഘട്ടനങ്ങളൊക്കെ നിങ്ങൾക്ക് ഇപ്പോഴും സ്‌ക്രീനിൽ കാണിക്കാമെന്നത് ലജ്ജാകരമാണ്.ജയൻ-ബാലൻ.കെ നായർ കാലഘട്ടത്തിൽനിന്നൊക്കെ മലയാള സിനിമമാറിയത് നിങ്ങളറിഞ്ഞില്ലേ?
പണത്തിനായുള്ള നെട്ടോട്ടത്തിലുമൊക്കെ നിങ്ങൾക്ക് 'ലോഹത്തിലെ' പലരംഗങ്ങളും കാണാം. സ്വർണത്തിന് പകരം നോട്ടാണെന്ന് മാത്രം. എട്ടാംക്‌ളാസുകാരൻ കുട്ടിയുമായുള്ള നായകന്റെ സൗഹൃദത്തിൽ നമുക്ക് പ്രാഞ്ചിയേട്ടനെ കാണാം. പക്ഷേ പ്രാഞ്ചിയേട്ടനെപ്പോലെ കുട്ടിയുടെ രംഗങ്ങൾ ഇവിടെ സ്വാഭാവികമായി ഉപയോഗിക്കപ്പെട്ടിട്ടില്ല. എട്ടാംക്‌ളാസുകാരൻ തോക്ക് ഉപയോഗിക്കുന്നതും, പണം തട്ടൽ പ്‌ളാൻ ചെയ്യുന്നിടത്തുമൊക്കെ അസ്വാഭാവികതയും കല്ലുകടിയും പ്രകടമാണ്.വൻതോക്കുകളെ ഒതുക്കുന്ന ഷേണായിക്ക് ഒരു കുട്ടിയെ വീഴ്‌ത്താൻ കഴിയാത്തത് സറ്റയറാക്കി പറയാനുള്ള സംവിധായകന്റെ ശ്രമം ദയനീയമായി പരാജപ്പെടുകയാണ്.രണ്ടാം പകുതിയിൽ പലയിടത്തും ചിത്രം ബോറടിപ്പിക്കുന്നുമുണ്ട്.

എന്തിനോവേണ്ടി തിളക്കുന്ന സാമ്പാർ

പക്ഷേ തീർത്തും പിടികിട്ടാത്തത് ഈ ചിത്രം ഉയർത്തുന്ന ആശയത്തിന്റെ കോർ എന്താണെന്നാണ്.എന്തിനോ വേണ്ടി തിളക്കുന്ന സാമ്പാർ എന്നതുപോലെ, ഈ ചിത്രത്തിൽ എന്ത് രാഷ്ട്രീയ ആശയമാണ് പറയേണ്ടതെന്ന് സംവിധായകന് തന്നെ ആശയക്കുഴപ്പമാണ്. ചിത്രം നോട്ടുനിരോധനമെന്ന ഗൗരവേമേറിയ രാഷ്ട്രീയ പ്രശ്‌നത്തെ അനുകൂലിക്കയാണോ പ്രതികൂലിക്കയാണോ? സിനിമയുടെ ചിത്രീകരണ സമയത്തൊക്കെ കേട്ടിരുന്നത് നോട്ടുനിരോധനത്തെ തുടർന്ന് സാധാരണക്കാർക്കുണ്ടായ പ്രശ്‌നങ്ങൾ ഈ പടത്തിലുണ്ട് എന്നൊക്കെയായിരുന്നു.എന്നാൽ ചിത്രത്തിൽ സാധാരണക്കാരന്റെ പ്രശ്‌നങ്ങൾ ഏതാനും ഡയലോഗുകളിൽ തീരുന്നു.ബാക്കിയെല്ലാം കോടികൾ കൊണ്ട് കളിക്കുന്ന അധോലോകത്തിന്റെ ആധിയാണ്.ഇത്തരമൊരു സർജിക്കൽ സ്‌ട്രൈക്ക് ജനങ്ങളുടെ നേർക്ക് നടത്തുമ്പോൾ നമ്മുടെ പ്രധാനമന്ത്രിയും പറഞ്ഞിരുന്നത് കള്ളപ്പണവും കള്ളനോട്ടുമൊക്കെ തടയിടാന് ഈ പരിപാടിയെന്നാണ്.ഫലത്തിൽ ഈ ചിത്രം ആന്ത്യന്തികമായി അതുതന്നെയാണ് ശരിവെക്കുന്നത്.എ.ടി.എമ്മിനുമുന്നിൽ ക്യൂനിന്ന് കുഴഞ്ഞുവീണ് മരിച്ചവരെയൊന്നും കാണാതെ രഞ്ജിത്ത് വൻകിടക്കാരുടെ കോടികളിലേക്കാണ് പോവുന്നത്.

അതുപോലെതന്നെ നോട്ടുനിരോധനത്തിന്റെ ഭാഗമായി നടന്ന ചില സ്റ്റീരിയോടൈപ്പ് പ്രചാരണങ്ങൾക്ക് പെട്രോൾ ഒഴിച്ചുകൊടുക്കുന്ന പലരംഗങ്ങളും ചിത്രത്തിലുണ്ട്.ജോയ്മാത്യു അവതരിപ്പിച്ച കോഴിക്കോട്ടുകാരനായ ഹാജിയാർ തന്നെ ഉദാഹരണം.സ്വന്തം വീട്ടിൽ ഒരു അറപോലെ പണിത് 'എനിക്കുതന്നെ എത്രയുണ്ടെന്ന് നിശ്ചയമില്‌ളെന്ന്' പറയുന്നത്ര കോടികളുടെ നോട്ടാണ് ഹാജിയാരുടെ കൈയിലുള്ളത്.(പക്ഷേ നമ്മുടെ ഷേണായി ബ്രാഹ്മണനായതുകൊണ്ട് ഇതെല്ലാം ബാലൻസ് ചെയ്യുന്നുണ്ട് രഞ്ജിത്ത്. കള്ളക്കടത്തിലും വേണ്ടേ മതസൗഹാർദം! ) അതുപോലെതന്നെ കുഴൽപ്പണക്കാരെയും കള്ളപ്പണക്കാരെയുമൊക്കെ തമാശക്കാരും മനുഷ്യസ്‌നേഹികളുമാക്കി 'ലോഹത്തിലെ'യെന്നപോലെ ഒരു സോഫ്്ട് കോർണർ സൃഷ്ടിക്കുന്നുണ്ട് സംവിധായകൻ. ( സമാധാനമായി കള്ളക്കടത്ത് നടത്തി ജീവിക്കാൻ പറ്റാതായി എന്ന് ഒരു സിനിമയിൽ കരമന പറയുന്നതാണ് ഓർമ്മവരുന്നത്) ഇങ്ങനെയുള്ള ആശയ അവ്യക്ത അവസാന സമയത്ത് ചിത്രത്തിൽ പ്രകടമാണ്.കഥാന്ത്യത്തിൽ ഷേണായി ദാവൂദ് ഇബ്രാഹിമിന്റെ ആളാണ് എന്നൊക്കെ പൊലീസുകാർ പത്രസമ്മേളനം നടത്തുന്ന ഭാഗം സ്പൂഫ് ആണോ ഒറിജിനൽ ആണോ എന്ന കൺഫ്യൂഷൻ പ്രേക്ഷകനിലേക്കും എത്തുന്നു.അതുതന്നെയാണ് ഈ പടത്തിന്റെ പ്രധാന പരാജയവും. എന്തൊക്കെയോ ശക്തമായി പറയാൻ ആഗ്രഹിച്ച്, അത് മറ്റെന്തൊക്കെയോ ആയിപ്പോവുകയും മൊത്തത്തിൽ എവിടെയും എത്താതെ ആവുകയും ചെയ്തു. ചുരുക്കിപ്പറഞ്ഞാൽ ചീറ്റിപ്പോയ ഒരു വിഷുപ്പടക്കത്തിന്റെ ഗണത്തിലേ ഈ പടത്തെയും പെടുത്താൻ പറ്റൂ.

മമ്മൂട്ടി മരണമാസ്

കാസർകോടൻ ഭാഷയിൽ പറഞ്ഞാൽ ഈ 'അൽക്കുൽത്തുകൾക്കൊക്കെ' ഇടയിലും പടം അൽപ്പമെങ്കിലും കണ്ടിരിക്കാൻ തോനുന്നത് തേജസ്സാർന്ന മമ്മൂട്ടി പ്രകടനം കൊണ്ടാണെന്ന് പറയാതെ വയ്യ. കാസർകോടൻ വാമോഴി അതീവ രസകരമായാണ് അദ്ദേഹം കൈകാര്യം ചെയ്തിരക്കുന്നത്. ആ സൗണ്ട് മോഡുലേഷനും, സൂക്ഷ്മമായ ശാരീരിക ഭാവങ്ങളും പുതുതലമുറ കണ്ടുപഠിക്കണം. സംഭാഷണം എഴുതിയ പി.വി ഷാജികുമാറിനും അഭിമാനിക്കാം.'മേങ്ങാതെ മോങ്ങീട്ട് മടങ്ങാൻ ഷേണായി ബേറെ ജനിക്കണം' എന്ന ഡയലോഗിനൊക്കെ ഫാൻസിന്റെ കൈയടിയും കിട്ടുന്നുണ്ട്.
സാധാരണ സ്റ്റണ്ടുരംഗങ്ങളിൽ ഒരു വൃത്തംവരച്ച് അതിനകത്ത് നിന്ന് കൈയും കാലും പ്രത്യേക മോഡലിൽ ചലിപ്പിച്ച് നടത്തുന്ന സംഘട്ടനത്തിനുപകരം ഈ പടത്തിൽ മമ്മൂട്ടി പറന്ന് അടിക്കയാണ്.പലപ്പോഴും ഇത് കത്തിയാവുന്നുണ്ടെങ്കിലും, പ്രായാധിക്യം തനിക്ക് തീരേ ബാധിച്ചിട്ടില്‌ളെന്ന് മമ്മൂട്ടി വീണ്ടും വീണ്ടും തെളിയിക്കുന്നു.(അടുത്തിടെ ബിയോണ്ട് ദ ബോർഡേഴ്‌സിൽ പൊണ്ണത്തടികൊണ്ട് വലയുന്ന മോഹൻലാലിനെയാണ് കണ്ടത്!)

മമ്മൂട്ടി കഴിഞ്ഞാൽ കുഞ്ഞപ്പനെന്ന ക്രിമിനലിനെ അവതരിപ്പിച്ച ബൈജുവും, ആക്രിക്കാരനായ ഇന്ദ്രൻസും, ബാലതാരം മാസ്റ്റർ സ്വരാജുമാണ് ഓർമ്മയിൽ നിൽക്കുന്നത്.മമ്മൂട്ടി ഗ്യാങ്ങിലെ മിമിക്രിക്കാരും മോശമാക്കിയിട്ടില്ല.നവാഗതനായ ഓം പ്രകാശിന്റെ പ്രത്യേക രീതിയിലുള്ള ടേക്കുകൾ ചിലയിടത്ത് ചിത്രത്തിന് ബാധ്യതയാവന്നുമുണ്ട്. സംഗീതവും പശ്ചാത്തലവുമൊന്നും നന്നായിട്ടില്ല. സാധാരണ രഞ്ജിത്ത് ചിത്രങ്ങളിൽ ഇത്തരം ശ്രദ്ധക്കുറവ് കാണാറില്ല. തോക്ക് പിടിച്ചുകൊണ്ടുള്ള കുട്ടികളുടെ പാട്ടിന്റെ ചിത്രീകരണവും അരോചകമായി.

വാൽക്കഷ്ണം: എന്തെങ്കിലും ഒരു സംഭവം ഉണ്ടാകുമ്പോഴേക്കും പടം തട്ടിക്കൂട്ടിയാലുണ്ടാവുന്ന ദുരന്തത്തിന്റെ ഈ വർഷത്തെ രണ്ടാം ഉദാഹരണമാണിത്. മോദിയുടെ സർജിക്കൽ സ്‌ട്രൈക്കിന്റെ വാർത്തകേട്ടതോടെ ആവേശം കയറി നമ്മുടെ മേജർ രവിസാർ പ്രഖ്യാപിച്ച, ബിയോണ്ട് ബോർഡേഴ്‌സ് ഒരു സൂനാമിയായിരിക്കയാണെല്ലോ. അതുപോലെ തന്നെ നോട്ടുനിരോധനം കേട്ടപ്പോഴേ രഞ്ജിത്തും ചിത്രം പ്രഖ്യാപിച്ചു. അതായത് കഥയെ സ്വാഭാവികമായി വികസിപ്പിക്കാതെ ഈ പ്‌ളോട്ടിലേക്ക് ഞെക്കിക്കയറ്റുകയാണ് ഇവർ ചെയ്യുന്നത്.പടങ്ങൾ വാലും തലയുമില്ലാതാവുന്നതിന്റെ ഒരുകാരണം ഇതുമാണ്.ഇങ്ങനെ തട്ടിക്കൂട്ടാതെ നല്ല തിരക്കഥയുണ്ടാവുന്നതുവരെ കാത്തിരിക്കൂ സാർ.കാശുകൊടുത്ത് തീയേറ്റിൽ കയറുന്നവരുടെ അഭ്യർത്ഥനയാണിത്.

(വിഷുവും ദുഃഖവെള്ളിയും പ്രമാണിച്ച് ഓഫീസ് അവധിയായതിനാൽ നാളെ (14/04/2017) മറുനാടൻ മലയാളി അപ്‌ഡേറ്റ് ചെയ്യുന്നതല്ല. എല്ലാ വായനക്കാർക്കും വിഷുവിന്റെ ആശംസകളും, ദുഃഖവെള്ളിയുടെ പ്രാർത്ഥനകളും നേരുന്നു - എഡിറ്റർ)

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
തന്നെ കസേരയിൽ നിന്ന് മാറ്റാൻ രാഹുൽ ഗാന്ധിക്ക് കഴിയില്ല; അതിന് ജനങ്ങൾക്കേ കഴിയൂ; എന്താണ് രാഹുലിന് പ്രധാനമന്ത്രിയുടെ കസേരയിൽ ഇരിക്കാൻ ഇത്ര ധൃതി? പ്രീണനം നടത്തിയല്ല, വികസനം നടത്തിയാണ് തന്റെ സർക്കാർ നിലനിൽക്കുന്നത്; കോൺഗ്രസ് അധ്യക്ഷന്റെ കെട്ടിപ്പിടുത്തത്തിനും പരിഹാസം; രാഹുലിന്റെ കണ്ണിറുക്കൽ ജനങ്ങൾ കാണുന്നുണ്ട്; പ്രതിപക്ഷത്ത് പ്രധാനമന്ത്രി കുപ്പായം തയ്‌പ്പിച്ച പലരുമുണ്ടെന്നും നരേന്ദ്ര മോദി; അവിശ്വാസ പ്രമേയത്തിന് മറുപടിയായി വികസന നേട്ടങ്ങൾ നിരത്തി മോദിയുടെ പ്രസംഗം
ജെസി നാരായണന്റേയും മറുനാടന്റേയും ഇടപെടൽ ഫലം കണ്ടു; ഡബിൾ ഹോഴ്‌സ് പൊടിയരിയിൽ മായമെന്ന് സ്ഥിരീകരിച്ച് ഭക്ഷ്യ സുരക്ഷാ ഓഫീസ്; പച്ചരിയിൽ തവിടും തവിടെണ്ണയും ചേർത്ത് മട്ടയരിയാക്കി വിറ്റതിന്റെ പേരിൽ കേസെടുക്കാനും എല്ലാ കടകളിൽ നിന്നും പിൻവലിക്കാനും ഉത്തരവിറക്കി രാജമാണിക്യം; അമിതലാഭം ഉണ്ടാക്കാൻ പാവങ്ങളുടെ ഭക്ഷണത്തിൽ വിഷം കലർത്തുന്ന അധമന്മാരെ നമുക്ക് ഒറ്റപ്പെടുത്താം
യാത്ര കഴിഞ്ഞ് തിരിച്ചു വന്നപ്പോൾ പൊടിയരി വാങ്ങിയത് വേഗം ആഹാരം ഉണ്ടാക്കാൻ വേണ്ടി; വീട്ടിലെത്തി കഴുകിയപ്പോൾ കണ്ടത് ചുവന്ന അരി വെള്ളയായി മാറിയത്; മക്കളോട് പറഞ്ഞപ്പോൾ വീഡിയോ ചിത്രീകരിച്ച് സോഷ്യൽ മീഡിയയിൽ ഇടണം എന്നു പറഞ്ഞു; വീഡിയോ വൈറലായപ്പോൾ ഭീഷണിയും പ്രലോഭനവും ഒരുപോലെ വന്നു: ഡബിൾഹോഴ്സിന്റെ കബളിപ്പിക്കൽ കണ്ടെത്തിയ ജെസ്സി നാരായണൻ അന്ന് നടന്ന സംഭവം മറുനാടൻ മലയാളിയോട് പങ്കു വയ്ക്കുന്നു
വിരട്ടി കാര്യങ്ങൾ നേടാനുള്ള കെഎസ്ആർടിസി തൊഴിലാളി യൂണിയൻ നേതാക്കളുടെ ശ്രമത്തിന് തിരിച്ചടി; 272 യൂണിയൻ നേതാക്കളുടെ പ്രൊട്ടക്ഷൻ റദ്ദാക്കിയ തച്ചങ്കരിയുടെ നടപടി സ്റ്റേ ചെയ്യാതെ ഹൈക്കോടതി; ഏത് നേതാക്കളായാലും സ്ഥലം മാറ്റാനുള്ള അവകാശം മാനേജ്‌മെന്റിന് ഉണ്ടെന്ന് കോടതി പരാമർശം; തച്ചങ്കരിക്കെതിരെ ഹാലിളകിയവർക്ക് കനത്ത പ്രഹരം; പണി ചെയ്യാതെയുള്ള കറങ്ങിനടക്കലിന് അവസാനമാകുന്നു
ഒരുമിച്ച് ഒൻപത് വർഷം ജീവിച്ചെന്ന് പറഞ്ഞ് ഗോപീസുന്ദർ പോസ്റ്റ് ചെയ്തത് കാമുകിയും ഗായികയുമായ അഭയ ഹിരൺമയിക്കൊപ്പം ഉള്ള ഫോട്ടോ! കണ്ടോ ഇയാൾ നാട്ടുകാരെ തെറ്റിധരിപ്പിക്കുന്നതെന്ന് ചോദിച്ച് ഭാര്യ പ്രിയയുടെ പോസ്റ്റ് പിന്നാലെ! മലയാളത്തിലെ ഹിറ്റ് സംഗീത സംവിധായകന്റെ യഥാർത്ഥ ജീവിത പങ്കാളി ആരെന്ന് തർക്കിച്ച് സോഷ്യൽ മീഡിയ
പട്ടാളചിട്ടയോടെ സംരക്ഷണം ഒരുക്കിയ പോപ്പുലർഫ്രണ്ടു കേന്ദ്രത്തിൽ നിന്നും മുഹമ്മദിനെ പൊലീസ് പൊക്കിയത് പുകച്ചു പുറത്തുചാടിച്ച ശേഷം; എസ്ഡിപിഐ നേതാക്കളെ കസ്റ്റഡിയിൽ എടുക്കുകയും പോപ്പുലർ ഫ്രണ്ട് കേന്ദ്രങ്ങളിൽ തുടർ റെയ്ഡുകളും വന്നതോടെ സംരക്ഷണ വലപൊട്ടി; ഹൈക്കോടതിയുടെ അനുകൂല നിലപാടു കൂടിയായപ്പോൾ അഭിമന്യുവിന്റെ ഘാതകൻ കുടുങ്ങി: മുഖ്യപ്രതി മുഹമ്മദലിയെ പൊലീസ് പൊക്കിയത് തീവ്രസംഘടനക്ക് ചുറ്റും 'പത്മവ്യൂഹം' തീർത്ത്
പെൺകുട്ടികൾ എന്തിനാണ് കുളിച്ച് സുന്ദരിമാരായി അമ്പലത്തിൽ പോകുന്നന്നത്? ലൈംഗിക ബന്ധത്തിൽ ഏർപ്പെടാൻ തയ്യാറാണെന്ന് അബോധപൂർവമായി പ്രഖ്യാപിക്കുകയാണവർ; അവരെന്താണ് മാസത്തിൽ നാലോ അഞ്ചോ ദിവസം അമ്പലത്തിൽ വരാത്തത്? മാതൃഭൂമി ആഴ്ചപതിപ്പിൽ എഴുതിയ എസ് ഹരീഷിന്റെ നോവലിലെ പരാമർശങ്ങൾക്ക് എതിരെ നിലപാട് കടുപ്പിച്ച് സംഘപരിവാർ; ഫെയ്സ് ബുക്ക് പൂട്ടി എഴുത്തുകാരൻ സ്ഥലം വിട്ടു
ഏഷ്യാനെറ്റിലെ ബിഗ് ബോസിനും ലാലിസത്തിന്റേയും ലാൽസലാമിന്റേയും ദുർഗതി; കോടികൾ മുടക്കിയിട്ടും ജനപ്രിയ ചാനലിന്റെ റിയാലിറ്റി ഷോ കാണാൻ ആളില്ല; മോഹൻലാൽ ഷോയെക്കാൾ നല്ലത് കണ്ണീർ സീരിയിൽ തന്നെന്ന് തിരിച്ചറിവിൽ ചാനൽ; ബിഗ് ബജറ്റ് ഷോയ്ക്ക് സാധാരണ ഷോയുടെ റേറ്റിങ് മാത്രം; പ്രൈം ടൈമിലെ കിതപ്പ് മാറ്റാൻ പരീക്ഷിച്ച ബിഗ് ബോസ് റേറ്റിംഗിൽ തളരുന്നു; മിനിസ്‌ക്രീനിൽ ലാലേട്ടന് പറയാനുള്ളത് കിതപ്പിന്റെ കഥ മാത്രം
ചെങ്കൊടിയേന്തിയ സഖാവുമായി അടുത്തത് ചാരനാക്കാനുള്ള പദ്ധതിയുമായി; പ്രസ്ഥാനത്തെ ചതിക്കില്ലെന്ന നിലപാടുമായി വട്ടവടയിലേക്ക് പോയപ്പോൾ രഹസ്യം ചോരുമെന്ന് ഭയന്നു; സഖാക്കളോട് സത്യം വെളിപ്പെടുത്തും മുമ്പേ വിളിച്ചു വരുത്തിയതുകൊലപ്പെടുത്താനുറച്ച് പ്രൊഫഷണലുകളെ സജ്ജമാക്കി തന്നെ; 'സഖാപ്പി'യായി മുഹമ്മദ് മാറിയതും തന്ത്രങ്ങളുടെ ഭാഗം; മഹാരാജാസിലെ അഭിമന്യുവിനെ കൊലപ്പെടുത്തിയത് ചക്രവ്യൂഹമൊരുക്കി ചതിച്ചു തന്നെ; ഗൂഢാലോചന പൊളിക്കാനുറച്ച് പൊലീസ്
കേസിൽ ജയിക്കാൻ ലൈംഗിക ബന്ധം സമ്മതിച്ച് ബലാത്സംഗം നിഷേധിച്ച് ഓർത്തഡോക്‌സ് സഭയിലെ ഫാമിലി കൗൺസിലർ കൂടിയായ ജെയ്‌സ് കെ ജോർജ്; ഇതുവരെ തന്റെ ഭർത്താവിനെ കുടുക്കിയതെന്ന് കരുതിയിരുന്ന ഭാര്യ വിവരം അറിഞ്ഞ് ഉപേക്ഷിച്ച് പോയതായി സൂചന; പെണ്ണു പിടിക്കാൻ പോയ അച്ചന്മാരെ കുടുംബവും കൈവിട്ട് തുടങ്ങി; വൈദികരുടെ ലൈംഗികാസക്തി ചർച്ച ചെയ്ത് വിശ്വാസികളും
ഇവളാണ് കൊലയാളി സംഘത്തിലെ പെൺ തീവ്രവാദി .... തൃശൂർ പാടൂർ സ്വദേശിനിയുടെ ചിത്രം സഹിതം പ്രചരണവുമായി സൈബർ സഖാക്കളും പരിവാറുകാരും; അഭിമന്യു കൊലക്കേസിൽ മഹാരാജാസിലെ വിദ്യാർത്ഥിനിയും കസ്റ്റഡിയിലെന്ന് സൂചന; കാമ്പസ് ഫ്രണ്ട് നേതാവിന് ചോദ്യം ചെയ്യുന്നത് സ്ഥിരീകരിക്കാൻ മടിച്ച് പൊലീസും; ഹൈക്കോടതിയിൽ ഉമ്മയുടെ ഹർജിയും വിരൽ ചൂണ്ടുന്നത് ആരോപണങ്ങളിൽ കഴമ്പുണ്ടെന്ന് തന്നെ; മഹാരാജാസിലെ കൊലയിൽ പൊലീസിന്റെ അതിരഹസ്യ അന്വേഷണം
ജോലി സ്ഥലത്തേക്കുള്ള യാത്രക്കിടെ ബസിലെ കിളിയായ കൗമാരക്കാരനുമായി യുവതി പരിചയപ്പെട്ടു; പ്രായപൂർത്തിയാകാത്ത ആൺകുട്ടിയെ ഭീഷണിപ്പെടുത്തി വീട്ടിൽ എത്തിച്ച് പീഡിപ്പിച്ചു; ഇടുക്കി ചൈൽഡ് ലൈൻ മുമ്പാകെ കൗമാരക്കാരൻ നൽകിയ മൊഴിയിൽ ഭർത്താവ് മരിച്ച യുവതി കുടുങ്ങി; പതിനേഴുകാരനെ പീഡിപ്പിച്ച 28കാരി പോക്‌സോ കേസിൽ അറസ്റ്റിലായി കോട്ടയം വനിതാ ജയിലിൽ റിമാൻഡിൽ
ഇതാണ് നുമ്മ പറഞ്ഞ കലക്ടർ..! മഴക്കെടുതി ഉണ്ടായാൽ അവധി പ്രഖ്യാപിച്ച് വീട്ടിലിരിക്കാൻ അനുപമ തയ്യാറല്ല; കടലേറ്റം രൂക്ഷമായ കൊടുങ്ങല്ലൂർ അഴീക്കോട് തീരദേശ മേഖല സന്ദർശിച്ച് തൃശ്ശൂർ കളക്ടർ; നാട്ടുകാരെ ആശ്വസിപ്പിച്ചും ദുരിതാശ്വാസ പ്രവർത്തനങ്ങൾ നേരിട്ട് ഏകോപിപ്പിച്ചും ഹീറോയിൻ ആയി അനുപമ; കണ്ണീരൊപ്പാൻ ഓടിയെത്തിയ കലക്ടർക്ക് ബിഗ് സല്യൂട്ട് നൽകി തീരവാസികൾ
വിവാഹത്തിന് മുമ്പ് ഒരു വൈദികൻ ലൈംഗികമായി ദുരുപയോഗിച്ചു; ഇക്കാര്യം കുമ്പസാരത്തിൽ പറഞ്ഞപ്പോൾ ആ വൈദികനും ദുരുപയോഗം തുടങ്ങി; ഭർത്താവിനോട് പറയുമെന്ന് പറഞ്ഞ് തിരുമേനിയുടെ സെക്രട്ടറിയടക്കം എട്ടോളം വൈദികർ മാറി മാറി പീഡിപ്പിച്ചു; യാദൃശ്ചികമായി ഭാര്യയുടെ ഹോട്ടൽ ബിൽ കണ്ട ഭർത്താവ് വൈദികനോട് വെളിപ്പെടുത്തിയ ടെലിഫോൺ സംഭാഷണം പുറത്ത്; സോഷ്യൽ മീഡിയയിൽ സംഭാഷണം വ്യാപകമായതോടെ മുഖം രക്ഷിക്കാൻ അഞ്ച് വൈദികരെ പുറത്താക്കി ഓർത്തഡോക്സ് സഭ
ബികോമുകാരിയായ മകളെ ഇളയച്ഛന്റെ വീട്ടിൽ വിട്ട് എഫ് ബി സുഹൃത്തിനെ ക്ഷണിച്ചു വരുത്തിയത് ഗൾഫുകാരന്റെ ഭാര്യ; മലപ്പുറത്തെ ബിടെക്കുകാരൻ രാത്രി മുഴുവൻ നീണ്ട രതിവൈകൃതത്തിന് ഇരയായതോടെ ഭയന്ന് വിറച്ചു; അതിരാവിലെ സ്ഥലം വിടാൻ നോക്കിയപ്പോൾ വിഡീയോ കാട്ടി അദ്ധ്യാപികയുടെ ഭീഷണി; എല്ലാം അതിരുവിട്ടപ്പോൾ നിലവിളിച്ച് പുറത്തേക്ക് ഓടി യുവാവ്; നാട്ടുകാർ ഓടിക്കൂടിയപ്പോൾ അപമാന ഭാരത്താൽ 46-കാരിയുടെ തൂങ്ങിമരണം; ഇരവിപുരത്തെ സിനിയുടെ ആത്മഹത്യക്ക് പിന്നിലെ കഥ
'ബാഡൂ' ആപ്ലിക്കേഷനിലൂടെയുള്ള പരിചയം അവിഹിതമായി മാറി; ഭർത്താവ് ഗൾഫിലായതിനാൽ ഇണക്കിളികളായി ചുറ്റിയടിച്ചു; പിണങ്ങുമ്പോൾ ദേഹോപദ്രവം പതിവായതിനാൽ കുതിരവട്ടത്തെ ഡോക്ടറേയും കാട്ടി; അമിതമായ വികാരപ്രകടനം നടത്തിയ അദ്ധ്യാപിക പറയുന്നതെല്ലാം ചെയ്ത് നല്ല കാമുകനുമായി; മാന്തിപൊളിക്കാൻ വന്നപ്പോൾ ഇറങ്ങി ഓടിയത് ജീവൽ ഭയം കൊണ്ടും; വാട്സ് ആപ്പ് ഹാക്കിങ് വിദഗ്ധന്റെ കഥ പൂർണ്ണമായും വിശ്വസിക്കാതെ പൊലീസും; ഇരവിപുരത്തെ സിനിയുടെ ആത്മഹത്യക്ക് പിന്നിലെ പ്രണയ രഹസ്യങ്ങൾ ഇങ്ങനെ
ഒരുമിച്ച് ഒൻപത് വർഷം ജീവിച്ചെന്ന് പറഞ്ഞ് ഗോപീസുന്ദർ പോസ്റ്റ് ചെയ്തത് കാമുകിയും ഗായികയുമായ അഭയ ഹിരൺമയിക്കൊപ്പം ഉള്ള ഫോട്ടോ! കണ്ടോ ഇയാൾ നാട്ടുകാരെ തെറ്റിധരിപ്പിക്കുന്നതെന്ന് ചോദിച്ച് ഭാര്യ പ്രിയയുടെ പോസ്റ്റ് പിന്നാലെ! മലയാളത്തിലെ ഹിറ്റ് സംഗീത സംവിധായകന്റെ യഥാർത്ഥ ജീവിത പങ്കാളി ആരെന്ന് തർക്കിച്ച് സോഷ്യൽ മീഡിയ
ജിഷയെ കൊന്നത് അമീർ ഉൾ ഇസ്ലാം അല്ല! ഷോജിയെ കൊന്നതും ഇതേ ആൾ; എന്റെ പ്രതിശ്രുത വധുവിനെ ദുരുപയോഗം ചെയ്യാനും ശ്രമിച്ചു; മാതിരപ്പിള്ളിയിലെ ഒരു രാഷ്ട്രീയ നേതാവിനും എല്ലാം വ്യക്തമായി അറിയാം; ജിഷയെ കൊന്നത് സെക്‌സ് റാക്കറ്റിന്റെ പിണിയാളുകൾ; പൊലീസിലും കോടതിയിലും കൊലയാളിയെ കുറിച്ച് എല്ലാം തുറന്നു പറയാൻ തയ്യാർ; രണ്ട് പേരെ കൊന്ന ക്രിമിനലിനൊപ്പം താൻ കഴിഞ്ഞിട്ടുണ്ടെന്നും തുറന്നുപറച്ചിൽ; വെളിപ്പെടുത്തലുമായി കോലഞ്ചേരിക്കാൻ അജി
അടിവസ്ത്രമില്ലാതെ എങ്ങനെ ഒരാൾ മുന്നോട്ട് പോകുമെന്ന് പരിതപിച്ച് മത്സരാർത്ഥികൾ; രഞ്ജിനി ഹരിദാസ് സ്‌നേഹ പൂർവ്വം നൽകിയ വെള്ള ഷഡി തലയിൽ ചുറ്റി അർമാദിച്ച് നടന്ന് അരിസ്റ്റോ സുരേഷിന്റെ കൊഴുപ്പിക്കൽ; ഇഷ്ടമാകുമെന്ന വിശ്വാസത്തോടെ, സ്നഹപൂർവ്വം മോഹൻലാൽ എന്ന കുറിപ്പോടെ 'ജട്ടി' നൽകി ബിഗ് ബോസിന്റെ ഇടപെടൽ; ഏഷ്യാനെറ്റിലെ റിയാലിറ്റി ഷോ സോഷ്യൽ മീഡിയ ചർച്ച ചെയ്യുന്നത് ഇങ്ങനെ
എത്ര ആട്ടി ഓടിച്ചാലും പിന്നേം തോണ്ടാൻ വരും; മൊബൈലിലേക്ക് മെസേജുകൾ അയക്കും; ബിജു സോപാനം ഇടപെട്ടിട്ടും കാര്യമൊന്നും ഉണ്ടായില്ല; അമേരിക്കയിലെ സ്റ്റേജ് ഷോയുടെ പേരിലെ ഒഴിവാക്കൽ സംവിധായകന് വഴങ്ങാത്തതിന്റെ പ്രതികാരമെന്ന് നിഷാ സാരംഗ്; നമ്മൾ തമ്മിൽ പറഞ്ഞതിരിക്കട്ടെ; ഇനി ആരോടും പറയണ്ട; പുറത്തറിഞ്ഞാൽ ആരും വിളിക്കില്ലെന്ന് ഉപദേശം ശ്രീകണ്ഠൻ നായർ നൽകിയെന്ന് മാലാ പാർവ്വതിയും; ഫ്‌ളവേഴ്‌സിലെ 'ഉപ്പും മുളകിലും' വിവാദം പുതിയ തലത്തിലേക്ക്
മഞ്ജു വാര്യർക്കെതിരെ അച്ചടക്ക നടപടിക്ക് സാധ്യത; ചട്ടപ്രകാരം ചെയ്ത കാര്യത്തിൽ പുതിയ നേതൃത്വത്തെ വെട്ടിലാക്കുന്ന കുറ്റപ്പെടുത്തൽ; പരിധി വിടുന്ന സ്ത്രീ കൂട്ടായ്മയെ പിടിച്ചു കെട്ടാൻ ഇടവേള ബാബു; ദിലീപിനെ തിരിച്ചെടുത്തതിനെ വിമർശിച്ചതിൽ പാർവ്വതിയും റിമാ കല്ലിംഗലും രമ്യാനമ്പീശനും വിശദീകരണം നൽകേണ്ടി വരും; കടുത്ത നടപടികൾ കൂടിയേ തീരുവെന്ന് താരസംഘടനയിലെ പുതിയ ഭാരവാഹികൾ; അനുനയത്തിന് മോഹൻലാൽ; ഇനി ഞാൻ 'അമ്മ'യിലേക്കില്ലെന്ന നിലപാടിൽ ഉറച്ച് ജനപ്രിയനായകനും
അമൃത ടിവിയിൽ 'ഓർമ്മയിൽ' ഡോക്യൂഫിഷനുമായി തുടക്കം; മഴവിൽ മനോരമയിൽ 'തട്ടിയും മുട്ടിയും' നടന്ന് ആദ്യ പേരുദോഷമുണ്ടാക്കി; നടിയോട് അശ്ലീലം പറഞ്ഞെന്ന പരാതിയിൽ രാജി എഴുതി വാങ്ങിച്ചത് തന്ത്രപരമായി; ഉപ്പും മുളകും റേറ്റിംഗിൽ മുന്നേറിയപ്പോൾ സംവിധായകൻ വീണ്ടും പ്രശസ്തിയുടെ നെറുകയിലെത്തി; നിഷാ സാരംഗിനെ 'തൊട്ടു കളിച്ചപ്പോൾ' വീണ്ടും പണി കിട്ടി; ഫ്ളവേഴ്സ് ചാനലിനെ വെട്ടിലാക്കിയ ഉണ്ണികൃഷ്ണനെന്ന സംവിധായകന്റെ കഥ