1 usd = 68.10 inr 1 gbp = 89.72 inr 1 eur = 78.87 inr 1 aed = 18.54 inr 1 sar = 18.16 inr 1 kwd = 225.15 inr

Jun / 2018
19
Tuesday

മോഹൻലാൽ തന്റെ ആരാധ്യ പുരുഷനും ഹൃദയതാളത്തിൽ ലയിച്ചു ചേർന്ന നടനും; ലാലിന് അഭിനയിക്കാനറിയില്ല ബിഹേവ് ചെയ്യാൻ മാത്രമേ അറിയൂ; പ്രണവിലും പ്രതിഭയുടെ മാന്ത്രികതയുണ്ട്; അച്ഛനേയും മകനേയും വാനോളം പുകഴ്‌ത്തി കമൽഹാസൻ

February 18, 2017 | 01:07 PM IST | Permalink



മോഹൻലാൽ തന്റെ ആരാധ്യ പുരുഷനും ഹൃദയതാളത്തിൽ ലയിച്ചു ചേർന്ന നടനും; ലാലിന് അഭിനയിക്കാനറിയില്ല ബിഹേവ് ചെയ്യാൻ മാത്രമേ അറിയൂ;  പ്രണവിലും പ്രതിഭയുടെ മാന്ത്രികതയുണ്ട്; അച്ഛനേയും മകനേയും വാനോളം പുകഴ്‌ത്തി കമൽഹാസൻ

സ്വന്തം ലേഖകൻ

കോഴിക്കോട്: മോഹൻലാലിനെ വാനോളം പുകഴ്‌ത്തി കമൽഹാസൻ. മോഹൻലാൽ തന്റെ ആരാധ്യ പുരുഷനും ഹൃദയതാളത്തിൽ ലയിച്ചു ചേർന്ന നടനുമാണെന്ന് കമൽഹാസൻ പറയുന്നു. മോഹൻലാലിന് അഭിനയിക്കാനറിയില്ല. ബിഹേവ് ചെയ്യാൻ മാത്രമേ അറിയൂ. ഇന്ത്യൻ സിനിമയിലെ മികച്ച അഞ്ചു നടന്മാരെ എടുത്താൽ അതിൽ ഒരാൾ മോഹൻലാൽ ആയിരിക്കുമെന്നും കമൽഹസൻ പറഞ്ഞു. മാതൃഭൂമി ബുക്‌സ് പുറത്തിറക്കുന്ന മോഹൻലാലിന്റെ ഓർമക്കുറിപ്പുകളായ ഗുരുമുഖങ്ങൾക്കുള്ള അവതാരികയിലാണ് ഇങ്ങനെ കുറിക്കുന്നത്. മാതൃഭൂമിയാണ് ഈ അവതാരിക പുറത്തുവിട്ടത്.

പല സിനിമകളിലെയും മോഹൻലാലിന്റെ കഥാപാത്രങ്ങൾ എന്നിലെ ആസ്വാദകനെ അമ്പരിപ്പിച്ചിട്ടുണ്ട്. 'വാനപ്രസ്ഥ'ത്തിലെ കഥകളി നടൻ തന്നെ ഒരു ഉദാഹരണം. അഭിനയത്തിൽ മോഹൻലാലിന്റെ റിഥം എത്ര ഉന്നതിയിലാണെന്ന് ബോധ്യപ്പെടാൻ ആ വേഷം മാത്രം മതി. വിരലുകളിൽ പോലും നടനതാളം വിരിയിച്ചുകൊണ്ടാണ് മോഹൻലാൽ കഥാപാത്രമായി മാറുന്നത്. കമൽഹാസൻ ലാലിന്റെ അഭിനയത്തെ വിലയിരുത്തുന്നു.

മോഹൻലാലിനെപ്പോലെ മകൻ പ്രണവും കമൽഹാസനെ അതിശയിപ്പിച്ചിട്ടുണ്ട്. ലാൽ അഭിനയിച്ച 'ദൃശ്യം' എന്ന പ്രശസ്ത സിനിമയുടെ തമിഴ് പതിപ്പായ 'പാപനാശ'ത്തിൽ അഭിനയിക്കുമ്പോഴാണ് പ്രണവിലെ പ്രതിഭയുടെ മാന്ത്രികത നേരിട്ടറിഞ്ഞതെന്നും ഒരു സൂപ്പർ താരത്തിന്റെ മകനാണെന്ന ഭാവം പ്രണവിന്റെ മുഖത്തുണ്ടായിരുന്നില്ലെന്നും കമൽഹാസൻ പറയുന്നു.

ഗുരുമുഖത്തിന്റെ അവതാരികയിൽ ഇങ്ങനെ

സൗഹൃദങ്ങൾ പലപ്പോഴും സംഭവിക്കുകയാണ്. എവിടെ എപ്പോൾ എങ്ങനെ എന്ന് കൃത്യമായി ഓർത്തെടുക്കാനാവാത്തവിധം അത് ജീവിതം മുഴുവൻ നമ്മളെ വാരിപ്പുണരും. മോഹൻലാലുമായി എനിക്കുള്ള സൗഹാർദ്ദം അത്തരത്തിലുള്ള ഒന്നാണ്. എങ്ങനെയാണ് ഈ സൗഹൃദം ആരംഭിച്ചതെന്ന് എനിക്കു പറയാനാവില്ല. പക്ഷേ സ്‌നേഹപൂർവ്വം ഞാൻ ലാൽസാർ എന്നു സംബോധനചെയ്യുന്ന മോഹൻലാൽ അത്രമാത്രം എന്റെ ഹൃദയതാളത്തിൽ ലയിച്ചുചേർന്നിട്ടുണ്ട്.  

മലയാളത്തിൽ ഞാൻ സജീവമായിരുന്ന കാലത്താണ് മോഹൻലാലിന്റെ  രംഗപ്രവേശം. ആക്ടിങ്ങിലെ ആ സ്പാർക്ക് അന്നേ അദ്ദേഹത്തിൽ ദൃശ്യമായിരുന്നു. വില്ലൻവേഷങ്ങളിൽ തുടങ്ങിയ ആ നടന സഞ്ചാരം ഇന്ത്യൻ സിനിമയിലെ എത്രയോ വലിയ നടന്മാർക്കൊപ്പം യാത്രചെയ്തു. എന്നിട്ടും ഞങ്ങൾക്ക് ഒരു സിനിമയിൽ ഒന്നിക്കാൻ മുപ്പതുവർഷത്തോളം കാത്തിരിക്കേണ്ടിവന്നു. 'ഉന്നൈപ്പോൽ ഒരുവനി'ലായിരുന്ന ആ സംഗമം. ആ സിനിമയിൽ ഞങ്ങളുടെ കോമ്പിനേഷൻ സീൻ ഒന്നു മാത്രമേ ഉണ്ടായിരുന്നുള്ളൂ. എന്റെ അനുഭവത്തിൽ മോഹൻലാൽ അഭിനിയിക്കാനറിയാത്ത നടനാണ്. ബിഹേവ് ചെയ്യാനേ അദ്ദേഹത്തിനറിയൂ.

ഇന്ത്യൻ സിനിമയിലെ മികച്ച അഞ്ചു നടന്മാരെ ഞാൻ തിരഞ്ഞെടുക്കുകയാണെങ്കിൽ അതിലൊരാൾ മോഹൻലാലായിരിക്കും. ഞാനദ്ദേഹത്തിന്റെ എത്രയോ ചിത്രങ്ങൾ കണ്ടിട്ടുണ്ട്. എപ്പോഴും വലിയ ആരാധന തോന്നിയിട്ടുമുണ്ട്. പല സിനിമകളിലെയും അദ്ദേഹത്തിന്റെ കഥാപാത്രങ്ങൾ എന്നിലെ ആസ്വാദകനെ അമ്പരിപ്പിച്ചിട്ടുണ്ട്. 'വാനപ്രസ്ഥ'ത്തിലെ കഥകളി നടൻ ഒരു ഉദാഹരണം. അഭിനയത്തിൽ മോഹൻലാലിന്റെ റിഥം എത്ര ഉന്നതിയിലാണെന്ന് ബോധ്യപ്പെടാൻ ആ വേഷം മാത്രം മതി. വിരലുകളിൽ പോലും നടനതാളം വിരിയിച്ചുകൊണ്ടാണ് അദ്ദേഹം കഥാപാത്രമായി മാറുന്നത്.

ഇന്ത്യൻ സിനിമയിലെ മഹാരഥന്മാരുടെ അഭിനയമുഹൂർത്തങ്ങളിലൂടെയും ആർദ്രമായ ജീവിതവീഥിയിലൂടെയും മോഹൻലാൽ നടത്തുന്ന സഞ്ചാരമാണ് 'ഗുരുമുഖങ്ങൾ'.  ലാലിന്റെ ബൃഹത്തായ ജീവചരിത്രരചനയുടെ ഭാഗമായി ഭാനുപ്രകാശ് തയ്യാറാക്കിയ ഈ പുസ്തകത്തിലൂടെ മോഹൻലാൽ ഗുരുതുല്യരായ പ്രതിഭകളുടെ ഔന്നത്യം തൊട്ടറിയുന്നു. തനിക്കു മുൻപേ കടന്നുപോയതും തനിക്കൊപ്പം സഞ്ചരിച്ചതുമായ നടന്മാരെയും സംഗീതജ്ഞരേയും എഴുത്തുകാരെയും സംവിധായകരെയും ഗുരുമുഖങ്ങളിലൂടെ അദ്ദേഹം നമുക്കുമുമ്പിൽ ദൃശ്യപ്പെടുത്തുന്നു.

സേതുമാധവൻ സാറിന്റെ 'കണ്ണും കരളും' എന്ന ചിത്രത്തിലൂടെ സത്യൻ മാസ്റ്റർക്കൊപ്പമാണ് മലയാളത്തിൽ എന്റെ തുടക്കം.  മറക്കാനാവില്ല ആ ഓർമ്മകൾ. ആറു വയസ്സു പ്രായമുള്ള എന്നെ കൈപിടിച്ച് അഭിനയിപ്പിച്ചു ആ മഹാനടൻ. ഇന്നോർക്കുമ്പോൾ സത്യനെന്ന മഹാനടനൊപ്പമായിരുന്നല്ലോ അരങ്ങേറ്റം എന്നതിൽ അഭിമാനമുണ്ട്. മോഹൻലാലിന്റെ ഗുരുമുഖങ്ങൾ ആരംഭിക്കുന്നതും സത്യന്മാസ്റ്ററിലാണ്.  വെളുത്ത അംബാസിഡർ കാറിന്റെ പിൻസീറ്റിൽ കറുത്ത കണ്ണട ധരിച്ച് സത്യൻ മാസ്റ്റർ കടന്നുപോകുന്ന ദൃശ്യം.

ലാലിന്റെ പതിനൊന്നാമത്തെ വയസ്സിലെ ആ അനുഭവം വളരെ ഹൃദയസ്പർശിയാണ്. തുടർന്ന് എംജിആറിലേക്കും ഡോ. രാജ്കുമാറിലേക്കും നാഗേശ്വരറാവുവിലേക്കും ശിവാജി ഗണേശനിലേക്കും ലാൽ നടത്തുന്ന ആത്മസഞ്ചാരം ഒന്നിനൊന്ന് വ്യത്യസ്തമാണ്. ഗുരുമുഖങ്ങളിലെ ഓരോ താളുകളിലൂടെയും കടന്നുപോകുമ്പോൾ ഓർമ്മകൾ എന്നെ വന്നു പൊതിയുകയാണ്. 'ആനന്ദജ്യോതി'യുടെ ലൊക്കേഷനിൽവച്ച് എം.ജി.ആർ സാറിനെ ആദ്യമായി കണ്ടപ്പോൾ അദ്ദേഹം എന്നോടു ചോദിച്ചു: 'നിനക്ക് ആരാകണം?' വലിയ നടനാകണം എന്നായിരുന്നില്ല എന്റെ മറുപടി. 'എനിക്ക് സയന്റിസ്റ്റ് ആകണം',

പെട്ടെന്നുതന്നെ ഞാനതു മാറ്റിപ്പറഞ്ഞു. 'അല്ല സാർ, ഡോക്ടറാകണം.' കൃത്യമായി ഒരു ഉത്തരം നൽകാൻ എനിക്കു കഴിഞ്ഞില്ല. എം.ജി.ആർ സാറാണ് എന്നെ നീന്തൽ പഠിപ്പിച്ചത്. എത്രയോവട്ടം അദ്ദേഹം എനിക്ക് ഭക്ഷണം വാരിത്തന്നിട്ടുണ്ട്. 'പാർത്താൽ പശിക്കിറത്' ആയിരുന്നു ശിവാജി ഗണേശൻ സാറിനൊപ്പം വേഷമിട്ട ആദ്യചിത്രം. സ്വന്തം മകനോടുള്ള സ്‌നേഹമായിരുന്നു സാറിനെന്നോട്. അദ്ദേഹത്തിന്റെ പ്രശസ്ത സിനിമകളിലെ ഡയലോഗുകൾ അന്നേ എനിക്ക് കാണാപാഠമായിരുന്നു. ലോക്കേഷനിൽവച്ച് ഞാൻ അതു പറയുമ്പോൾ സാറും ഏറെ ആസ്വദിക്കാറുണ്ട്. എന്റെ ജീവിതത്തിലെ സന്തോഷങ്ങളിലും പ്രതിസന്ധികളിലും തണലായി നിന്ന വലിയ മനുഷ്യനായിരുന്നു ശിവാജി സാർ.

മോഹൻലാൽ വിവരിക്കുന്നതിന് സമാനമായ അനുഭവങ്ങൾ എന്റെ ജീവിതത്തിലും ധാരാളമുണ്ടായിട്ടുണ്ട്. അതുകൊണ്ടുതന്നെ 'ഗുരുമുഖങ്ങൾ' എന്റെ കൂടി പുസ്തകമല്ലേ എന്ന് ഞാൻ ചിന്തിച്ചിട്ടുണ്ട്. അമിതാഭ്ബച്ചൻ, മധു, ജയൻ, രജനീകാന്ത്, ജോസ്പ്രകാശ്, ബാലൻ കെ നായർ, കുതിരവട്ടം പപ്പു, തിലകൻ, എ. വിൻസെന്റ്, ശശികുമാർ, ത്യാഗരാജൻ, ഐ.വി. ശശി, എം ടി. തുടങ്ങി ഈ പുസ്തകത്തിൽ മോഹൻലാൽ പരാമർശിക്കുന്ന മഹാപ്രതിഭകളിലേറെപ്പേരും എനിക്കും മറക്കാനാവാത്തവരാണ്. അവരുടെ സിനിമകളിൽ അഭിനയിക്കാൻ കഴിഞ്ഞു എന്നതിനേക്കാളൊക്കെ വലിയ നേട്ടം അവർ എനിക്കു നൽകിയ സ്‌നേഹമാണെന്ന് ഞാൻ വിശ്വസിക്കുന്നു.

''മധുസാർ ഷൂട്ടിങ് ലോക്കേഷനിലേക്ക് കടന്നുവരുമ്പോൾ ഒരു നിമിഷം വല്ലാത്തൊരു വൈബ്രേഷനാണ് അനുഭവപ്പെടുക. ആ സമയം ലൊക്കേഷനാകെ മധുസാറിൽ ചൊരിയുന്ന ആദരവ് പറഞ്ഞറിയിക്കാനാവില്ല. ചരിത്രത്തെ തൊട്ടറിയുന്നതുപോലുള്ള ഒരനുഭവമാണത്. മലയാള സിനിമയുടെ അഞ്ചു പതിറ്റാണ്ടിന്റെ ചരിത്രം മുന്നിലെത്തിയതുപോലെ ഒരു അനുഭവം. ആ ചരിത്രത്തിനൊപ്പം ചേർന്നുനില്ക്കാനും ജീവിക്കുവാനും കഴിഞ്ഞു എന്നതാണ് നടനെന്ന നിലയിൽ എനിക്കു ലഭിച്ച മഹാഭാഗ്യങ്ങളിലൊന്ന്.'- മധുസാറിനെക്കുറിച്ച് മോഹൻലാൽ പറയുമ്പോൾ അത് എന്റെ കൂടി വികാരമായി മാറുകയാണ്.

മധുസാറിന് എന്നോടുള്ള സ്‌നേഹം ഇപ്പോഴും കുറഞ്ഞിട്ടില്ല. നേരിൽ കാണുമ്പോൾ 'കമൽ....' എന്ന സ്‌നേഹത്തോടെയുള്ള അദ്ദേഹത്തിന്റെ വിളിയിൽ എല്ലാമുണ്ട്. ഇന്ത്യൻ സിനിമയുടെ നൂറാം പിറന്നാൾ ആഘോഷത്തിലാണ് ഞങ്ങൾ അവസാനമായി കണ്ടത്. അന്നു മധുസാറിനെ ആദരിച്ചിരുന്നു.  എം ടി. സാറിന്റെ തിരക്കഥയിൽ സേതുമാധവൻ സാർ സംവിധാനം ചെയ്ത 'കന്യാകുമാരി'യിലൂടെ മലയാളത്തിൽ നായകനാകാൻ കഴിഞ്ഞത് എന്റെ ഗുരുത്വമാണ്. എം ടി.സാറിനെ ഞാൻ ഗുരുതുല്യനായാണ് കാണുന്നത്. അദ്ദേഹം ആദ്യം സംവിധാനം ചെയ്ത 'നിർമ്മാല്യം' ഞാൻ രണ്ടുതവണ കണ്ടിട്ടുണ്ട്. ബാംഗ്ലൂരിലെ തിയേറ്ററിൽ എന്നെ കൊണ്ടുപോയി ആ സിനിമ കാണിച്ചത് സുരാസുവാണ്. മലയാളത്തിൽ ഞാൻ ഏറ്റവുമധികം ഇഷ്ടപ്പെടുന്ന ചിത്രവും 'നിർമ്മാല്യ'മാണ്. മോഹൻലാൽ എന്നെ വിസ്മയിപ്പിച്ചതുപോല തന്നെ അദ്ദേഹത്തിന്റെ മകൻ പ്രണവ് എന്നെ അതിശയിപ്പിക്കുകയുണ്ടായി. ലാൽ അഭിനയിച്ച 'ദൃശ്യം' എന്ന പ്രശസ്ത സിനിമയുടെ തമിഴ് പതിപ്പായ 'പാപനാശ'ത്തിൽ അഭിനയിക്കുമ്പോഴാണ് പ്രണവിലെ പ്രതിഭയുടെ മാന്ത്രികത ഞാൻ നേരിട്ടറിയുന്നത്.

പാപനാശത്തിന്റെ അസിസ്റ്റന്റ് ഡയറക്ടറാണ് പ്രണവ്. ഒരു സൂപ്പർ താരത്തിന്റെ മകനാണെന്ന ഭാവം ആ മുഖത്തുണ്ടായിരുന്നില്ല. സിനിമ പഠിക്കാൻ വരുന്ന ഒരു കുട്ടി എങ്ങനെയായിരിക്കും അതുപോലെയായിരുന്നു പ്രണവും. സെറ്റിൽ ക്ലാപ്പടിച്ചു തുടങ്ങുന്ന അവനെ കാണുമ്പോൾ പലപ്പോഴും ഞാൻ എന്റെ കുട്ടിക്കാലം ഓർത്തിട്ടുണ്ട്. ഇങ്ങനെയൊക്കെയായിരുന്നല്ലോ ഞാനും സിനിമയിലേക്ക് എത്തിയത്. അച്ഛനെപ്പോലെ മകനും ഉയരങ്ങൾ താണ്ടും എന്ന കാര്യത്തിൽ എനിക്ക് ഒട്ടും സംശയമില്ല. പ്രൊഫഷനോടുള്ള പ്രണവിന്റെ സമർപ്പണം അത്ര തീവ്രമാണ്. മോഹൻലാലിന്റെ ഭാര്യാ പിതാവ് ബാലാജി സാറിന്റെ കുടുംബവുമായി എനിക്ക് വ്യക്തിപരമായി വളരെ അടുപ്പമുണ്ട്. സാറിന്റെ പല ചിത്രങ്ങളിലും എനിക്ക് അഭിനയിക്കാൻ കഴിഞ്ഞിട്ടുമുണ്ട്.

ഒരു ചലച്ചിത്ര നടന്റെ തിരക്കുകളെക്കുറിച്ച് എനിക്ക് വ്യക്തമായറിയാം. ഞാൻ ജീവിച്ചതും ജീവിച്ചുകൊണ്ടിരിക്കുന്നതും സിനിമയുടെ മണ്ണിലാണല്ലോ. അത്തരം തിരക്കുകൾക്കിടയിൽ മലയാളത്തിലെ സൂപ്പർ താരം എഴുത്തിനും വായനയ്ക്കും യാത്രയ്ക്കും സമയം കണ്ടെത്തുകയും തന്റെ ചിന്തകളും സ്വപ്നങ്ങളും എല്ലാ മനുഷ്യർക്കുമായി പകർത്തിവെക്കുകയും ചെയ്യുന്നത് അദ്ഭുതത്തോടെ മാത്രമേ നോക്കിക്കാണാനാവൂ. എഴുത്തുകാരന് മരണമില്ല എന്ന് നമ്മൾ പലപ്പോഴും പറയാറുണ്ട്. മോഹൻലാലിന്റെ എഴുത്തിനും മരണമില്ല. അദ്ദേഹത്തിന്റെ വാക്കുകളോരോന്നും ഹൃദയത്തിൽനിന്നും ഹൃദയത്തിലേക്കാണ് പടർന്നുകയറുന്നത്. തീർച്ചയായും ഈ പുസ്തകം ഗുരുതുല്യരായ മഹാരഥന്മാർക്കുള്ള പ്രണാമം കൂടിയാണ്.

സ്വന്തം ലേഖകൻ    
മറുനാടൻ മലയാളി റിപ്പോർട്ടർ

mail: editor@marunadanmalayali.com

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
പൊലീസിന്റെ പെട്ടിവെക്കൽ പരീക്ഷണം വിജയിച്ചു; വീടിന്റെ അടുത്തുള്ള പെട്ടികളിൽ നിന്നും ലഭിച്ചത് അടുപ്പക്കാരുടെ നിർണായക വെളിപ്പെടുത്തൽ; ജെസ്‌ന ഇപ്പോഴും ജീവിച്ചിരിക്കുന്നുവെന്ന് തന്നെ വിശ്വസിക്കുന്ന പൊലീസ് പൂണെയിലെയും ഗോവയിലെയും കന്യാസ്ത്രീ മഠങ്ങളും ഹോസ്റ്റലുകളും കേന്ദ്രീകരിച്ച് അന്വേഷണം തുടങ്ങി; ഈ നഗരങ്ങളിൽ ജെസ്‌നയുടെ ഫോട്ടോയുള്ള നിരവധി പോസ്റ്ററുകൾ പതിപ്പിച്ചു
തലയിലും മുഖത്തും കയ്യിലുമായി ഉണ്ടായത് പതിനഞ്ചോളം മുറിവുകൾ; പ്രതി പതിനാറുകാരനാണെന്ന് അറിഞ്ഞപ്പോൾ പ്രൊഫഷണൽ കില്ലറെ അന്വേഷിച്ച് നടന്ന പൊലീസും ഞട്ടി; അരക്കിണറിലെ ആമിനയെ കൊല്ലാൻ കൗമാരക്കാരന് പ്രചോദനമായത് ആക്ഷൻ സിനിമകൾ: അതിവിദഗ്ദമായി തെളിവുകൾ നശിപ്പിച്ചു മുങ്ങിയ 16കാരനെ പിടികൂടാൻ സഹായമായത് മുറിക്കുള്ളിൽ നിന്നും കിട്ടിയ ബട്ടൻസ്
കൃഷ്ണകുമാറിനെ നാട്ടിൽ എത്തിച്ചത് ദുബായിലെ സിപിഎം പ്രവർത്തകരായ ജലീലും ജുലാഷും കേരളാ പൊലീസുമായി നിരവധി തവണ ബന്ധപ്പെട്ട ശേഷം; വിമാനത്താവളത്തിൽ നിന്നും പിടികൂടിയ പ്രതിയെ ഏറ്റെടുക്കാൻ കേരളാ പൊലീസ് എത്താൻ വൈകി; ട്രെയിനിൽ കയറി എത്തിയ കേരളാ പൊലീസിനെ കാത്തിരുന്നു മടുത്ത ഡൽഹി പൊലീസ് കൃഷ്ണകുമാറിനെ തിഹാർ ജയിലിൽ അടച്ചു; കേരളത്തിൽ എത്തിക്കണമെങ്കിൽ ഇനി കോടതിയുടെ അനുമതി കൂടിയേ തീരൂ
കല്യാൺ മുതലാളിയെ കുറിച്ച് സത്യം പറഞ്ഞപ്പോൾ പൊലീസ് ഏമാന്മാർക്ക് വല്ലാതങ്ങു നൊന്തു; വാർത്ത പ്രസിദ്ധീകരിച്ച മറുനാടനെതിരെ കേസെടുക്കാൻ ധൈര്യമില്ലാത്തതിനാൽ പൊലീസ് ഷെയർ ചെയ്ത ചെറുപ്പക്കാരെ വേട്ടയാടുന്നു; മൊബൈൽ ഫോൺ പിടിച്ചെടുത്തും കോടതിയിൽ ഹാജരാക്കിയും പൊലീസ് പീഡനം; പ്രതി ചേർക്കപ്പെട്ടവരുടെ കേസ് സൗജന്യമായി ഏറ്റെടുത്ത് മറുനാടൻ
മാനസിക രോഗിയായ നീനുവിന്റെ ചികിത്സ നടത്തിയത് തിരുവനന്തപുരത്ത്; ചികിത്സാ രേഖകൾ ഹാജരാക്കാൻ അനുവദിക്കണമെന്ന ചാക്കോയുടെ ഹർജി കോടതി അംഗീകരിച്ചു; പൊലീസ് അരിച്ചു പെറുക്കിയിട്ടും കാണാത്ത രേഖകൾ എടുക്കാൻ ചാക്കോയ്ക്ക് പൊലീസ് അകമ്പടിയോടെ പുനലൂരിലെ വീട്ടിലേക്ക് പോകാം: കെവിന്റെ വീട്ടിൽ നിന്നും നീനുവിനെ പുകച്ച് പുറത്തു ചാടിക്കാൻ ചാക്കോ
മുഖ്യമന്ത്രി പിണറായി വിജയനെ കൊല്ലുമെന്ന് ഭീഷണിപ്പെടുത്തിയ കൃഷ്ണകുമാർ നായർ അറസ്റ്റിൽ; കേരളത്തിൽ വിമാനമിറങ്ങിയാൽ പൊലീസ് പൊക്കുമെന്ന് ഭയന്ന് ഡൽഹി വിമാനത്താവളം വഴി എത്തിയിട്ടും രക്ഷപെട്ടില്ല; വിമാനമിറങ്ങിയ പ്രവാസി മലയാളിയെ കാത്തിരുന്നത് ഡൽഹി പൊലീസ്; അറസ്റ്റു ചെയ്തു കേരളാ പൊലീസിന് കൈമാറിയ പ്രതിയെ ഇന്ന് തന്നെ കൊച്ചിയിൽ എത്തിച്ച് ചോദ്യം ചെയ്യും: ജോലി പോയതോടെ എല്ലാരോടും മാപ്പു പറഞ്ഞ് നാട്ടിലെത്തിയ കൃഷ്ണകുമാറിനെ കാത്തിരിക്കുന്നത് ഇരുമ്പഴികൾ തന്നെ
വെട്ടിയത് ഉമ്മൻ ചാണ്ടിയല്ല രാഹുൽ ഗാന്ധി തന്നെ; തീർന്നു കുര്യാ നിങ്ങൾ തീർന്നു; പിജെ കുര്യന്റെ രാജ്യസഭാ സ്ഥാനം തെറിച്ചത് ബിജെപി പിന്തുണയോടെ ഒരുവട്ടം കൂടി രാജ്യസഭാ വൈസ് ചെയർമാനാകാനുള്ള നീക്കം മണത്തറിഞ്ഞ്; തീരുമാനം എടുത്തത് മോദിയുടേയും അമിത് ഷായുടേയും അടുപ്പക്കാരനായി അവസരം നോക്കി കാലുമാറുമെന്ന് വ്യക്തമായപ്പോൾ  
കാനായി തൊമ്മന്റെ പിന്തുടർച്ചക്കാർ തന്നെയാണോ ക്നാനായക്കാർ? ഡിഎൻഎ ടെസ്റ്റ് നടത്തി അല്ലെന്ന് സ്ഥാപിച്ച് അമേരിക്കയിൽ നിന്ന് ഒരു ക്നാനായക്കാരൻ; മുരളി തുമ്മാരുകുടി ഡിഎൻഎ ടെസ്റ്റിലൂടെ നായർ വേരുതേടി പോയതിന്റെ പിന്നാലെ നടത്തിയ ഡിഎൻഎ ടെസ്റ്റ് ചർച്ചയാക്കി ക്നാനായ വിശ്വാസികൾ; ശുദ്ധരക്തവാദം സംരക്ഷിക്കാൻ വിശ്വാസികളും രംഗത്ത്
വേണു ബാലകൃഷ്ണനെ മാറ്റണമെന്ന് ആവശ്യപ്പെട്ട് 'അമ്മ' കടുത്ത നിലപാടിലേക്ക്; വേണു തുടരുന്നിടത്തോളം കാലം ഒറ്റ സിനിമാ പരസ്യം പോലും നൽകുകയില്ലെന്ന് മാതൃഭൂമിക്ക് മുന്നറിയിപ്പ് നൽകി താര സംഘടന; ക്വട്ടേഷൻ നിരൂപണങ്ങൾ തങ്ങൾക്ക് പുല്ലാണെന്ന് ശ്രേയംസ് കുമാറിനെ നേരിട്ട് അറിയിച്ച് താരങ്ങൾ; പ്രതിസന്ധി പരിഹരിക്കാനുള്ള മാതൃഭൂമി മാനേജ്‌മെന്റിന്റെ തിരക്കിട്ട നീക്കങ്ങൾക്ക് തിരിച്ചടി; പരസ്യ നഷ്ടത്തിനൊപ്പം താരബഹിഷ്‌കരണം കൂടിയാകുമ്പോൾ ചാനലിന് വൻ തിരിച്ചടിയെന്ന് തിരിച്ചറിഞ്ഞ് വീരനും കൂട്ടരും
ഭാര്യയുടെ 'ബ്രാ' കഴുകാൻ വിസമ്മതിച്ചാൽ തന്തയ്ക്ക് വിളിക്കും; മകളെ നോക്കി ചിരിച്ചതിന്റെ പേരിൽ നല്ല നടപ്പിന് വിധിക്കും; എസ് എ പി ക്യാമ്പിൽ പൊലീസുകാർക്ക് വറക്കുന്ന മീൻ മകളുടെ പട്ടിക്ക് കൊണ്ടു കൊടുത്തില്ലെങ്കിലും നടപടി; അടുക്കളപ്പണിയും അടിമപ്പണിയും മടുത്ത് പൊലീസുകാർ; മകൾ മാത്രമല്ല എഡിജിപിയും പുള്ളിപ്പുലി തന്നെ; അസഭ്യവർഷം സഹിക്കാതെ കാർ നിർത്തിയപ്പോൾ എഡിജിപിയുടെ മകളുടെ മർദ്ദനം ഏറ്റ പൊലീസുകാരന്റെ പരിക്ക് ഗുരുതരം
അമേരിക്കൻ ചാരസംഘടനയെ ഭയന്ന് കിമ്മിന്റെ മലമൂത്രം പോലും പൊതിഞ്ഞെടുത്ത് തിരിച്ച് നാട്ടിലെത്തിക്കാൻ പ്രത്യേക സംഘം; സിംഗപ്പൂരിലേക്ക് എത്തിയപ്പോൾ വഴി തെറ്റിക്കാൻ ഒരുപോലെ മൂന്ന് വിമാനങ്ങൾ; നഗരസന്ദർശനത്തിന് ഇറങ്ങിയപ്പോൾ ചുറ്റിനും 20 അകമ്പടി വാഹനങ്ങളും ചുറ്റിനും ഓടുന്ന സുരക്ഷാ ഉദ്യോഗസ്ഥരും; ഉത്തരകൊറിയൻ പ്രസിഡന്റിന്റെ സുരക്ഷാ സന്നാഹം കണ്ട് വാപൊളിച്ച് കാണാനെത്തിയ അമേരിക്കൻ പ്രസിഡന്റുപോലും
തയ്യൽക്കടയുടെ ബോർഡ് വീടിന്റെ മുമ്പിൽ; ഒരു മണിക്കൂറുകൾക്കുള്ളിൽ വസ്ത്രം തയ്ച്ചു കൊടുക്കപ്പെടുമെന്നും പരസ്യവാചകം; ടെയിലറിങ് കടയിൽ എത്തിയവരെല്ലാം കാറിലെത്തി തിരിച്ചു പോകുന്ന കസ്റ്റമേഴ്‌സും; സീമയുടെ വാണിഭ ബുദ്ധി പൊളിച്ചത് നാട്ടുകാരുടെ സംശയം; പ്രധാന പ്രതി വഴുതിപോയ നിരാശയിൽ പൊലീസ്; പുഴയ്ക്കലിലെ മാഫിയയുടെ വേര് തേടി അന്വേഷണം
ക്ഷോഭംകൊണ്ട് അലറുകയായിരുന്ന ജനക്കൂട്ടത്തെ കണ്ട് പൊലീസും റവന്യു ഉദ്യോഗസ്ഥരും ഭയന്നു; മധ്യസ്ഥർക്ക് കിട്ടിയത് കൂകി വിളി; കടൽ പോലെ ഇളകി മറിഞ്ഞ സമരക്കാർക്ക് മുന്നിൽ കളക്ടറെത്തിയപ്പോൾ രംഗം ശാന്തവും; സമരക്കാരെ കേൾക്കാനും അവരോട് പറയാനും ക്ഷമയും സമയവും മാറ്റി വച്ച് മനുഷ്യത്വപരമായ ഇടപെടൽ; കൊടുങ്ങല്ലൂരിലെ തീരവാസികളെ ശാന്തരാക്കി ഗംഭീര തുടക്കം; തൃശൂരിലും 'അനുപമ മാജിക്ക്'
പൃഥ്വിരാജിനെ ലാലിനെ കൊണ്ട് 'കടക്ക് പുറത്തെന്ന്' പറയിച്ചു; വിശ്വസ്തരെ കുത്തി നിറച്ച് 'അമ്മ'യെ കൈക്കലാക്കി കരുത്ത് കാട്ടി; മമ്മൂട്ടിയെ നായകനാക്കി സംവിധായകനാകാനുള്ള തയ്യാറെടുപ്പും; മകളുടെ കൈപിടിച്ച് 'അമ്മ വീട്ടിലെത്തി' മഞ്ജു വാര്യരുടെ സുഹൃത്തുക്കളെ പോലും ഞെട്ടിച്ച നയതന്ത്രം; അറസ്റ്റ് ചെയ്ത എവി ജോർജ് കേസിൽ കുടുങ്ങിയതും ആത്മവിശ്വാസം കൂട്ടി; ദിലീപിന്റേത് കരുതലോടെയുള്ള ഉറച്ച നീക്കങ്ങൾ; നടിയെ ആക്രമിച്ച കേസിന് ഇനി എന്ത് സംഭവിക്കും?
സുഖം അന്വേഷിക്കാൻ പോലും ആരും തിരിഞ്ഞു നോക്കാറില്ല; വീട്ടിലുള്ളവരോട് പോലും കടുത്ത ദേഷ്യം; പത്രക്കാരെ കണ്ടാൽ ആട്ടിയോടിക്കും; ആകെ നരച്ച മുടിയും എല്ലും തോലുമായ രൂപവും; അലട്ടാൻ രോഗങ്ങളുടെ കൂമ്പാരം; വീടിന് പുറത്തിറങ്ങിയിട്ട് വർഷം ഒന്നാകാറായി; മന്ത്രി സ്ഥാനം ഒഴിഞ്ഞ ശേഷം തിരുവനന്തപുരം കണ്ടിട്ടില്ല; രണ്ട് കൊല്ലം മുൻപ് മന്ത്രി മന്ദിരത്തിൽ വസിച്ച് കൊടി വച്ച കാറിൽ പാഞ്ഞു നടന്നിരുന്ന കെ ബാബു ഇപ്പോൾ ആരോടും ഒന്നും മിണ്ടാതെ ഇവിടെയുണ്ട്
ഇസ്ലാമായ അയൽവാസിയെ എതിർപ്പുകളെ അവഗണിച്ച് വിവാഹം ചെയ്തപ്പോൾ കൂടെയുണ്ടായിരുന്നത് ദാരിദ്യം മാത്രം; കഷ്ടപാട് തീർക്കാൻ ഭാര്യയെ ഗൾഫിലേക്ക് അയച്ചത് വഴിത്തിരിവായി; വർഷങ്ങൾ പ്രവാസ ജീവതം നയിച്ച് സമ്പാദിച്ചത് കോടികൾ; വസ്ത്ര വ്യാപാരം പൊടിപൊടിച്ചപ്പോൾ വന്ന വഴി മറന്നു; രണ്ടരക്കൊല്ലം മുമ്പ് യുവാവിനെ വെട്ടിപരിക്കേൽപ്പിച്ചതും മകളുമായി അടുത്തതിന്റെ പേരിൽ; ദുരഭിമാനത്തിന്റെ പേരിൽ കെവിനെ വകവരുത്തിയ കുടുംബത്തിന്റെ കഥ
അറിയാത്ത പണി ചെയ്യുന്നത് ഇനിയും നിർത്താനായില്ലേ ലാലേട്ടാ..? ഓസ്‌ട്രേലിയയിലെ പെർത്തിലും മോഹൻലാലിന്റെ 'ലാലിസം'; റെക്കോർഡ് ചെയ്ത പാട്ടിനൊപ്പം ചുണ്ടനക്കിയപ്പോൾ വീണ്ടും വമ്പൻ പാളിച്ച; പ്രയാഗാ മാർട്ടിനൊപ്പം 'ചന്ദ്രികയിൽ അലിയുന്ന ചന്ദ്രകാന്തം' പാടിയപ്പോൾ പണി പാളി; മുമ്പേ പോയ പാട്ടിനെ പിടിക്കാൻ ഞെട്ടലോടെ മൈക്കെടുത്തു സൂപ്പർസ്റ്റാർ: സോഷ്യൽ മീഡിയയിൽ വൈറലാകുന്ന വീഡിയോ കാണാം
കാമുകൻ മതിയെന്ന് മകൾ വാശി പിടിച്ചപ്പോൾ അച്ഛൻ നാണംകെട്ടു; ഒളി സങ്കേതം കണ്ടെത്താനുള്ള ദൗത്യം ഏറ്റെടുത്ത് രഹന പൊലീസ് സ്റ്റേഷനിലെത്തി; അനീഷിന്റെ വീട്ടിലേക്കുള്ള വഴി എഎസ്ഐയിൽ നിന്ന് മനസ്സിലാക്കി കെവിനെ നേരിൽ കണ്ടുള്ള അനുനയം പൊളിഞ്ഞു; ഭീഷണി വിലപോകാതെ വന്നപ്പോൾ ഗൾഫിലുള്ള മകനെ വിളിച്ചു വരുത്തി; വിവാഹം സാധുവാകും മുമ്പ് നീനുവിനെ വിധവയാക്കിയത് അമ്മയുടെ പക; ഭർത്താവിനേയും അച്ഛനേയും ഒളിവിൽ താമസിപ്പിച്ചത് ഷാനുവിന്റെ ഭാര്യയോ? ദുരഭിമാനക്കൊലയിലെ വില്ലത്തികളെ കുടുക്കാനുറച്ച് പൊലീസ്
ഏഴേ മുക്കാലോടെ ആദ്യമെത്തിയത് ഇടവേള ബാബു; തൊട്ടുപിറകേ അച്ഛനും മകളും; മുത്തച്ഛന്റെ കാല് തൊട്ട് വന്ദിക്കാൻ അമ്മാവൻ നിർദ്ദേശിച്ചപ്പോൾ അനുസരിച്ച് മീനാക്ഷി; അമ്മയ്ക്ക് അടുത്ത് പോയി ആശ്വാസം ചൊരിഞ്ഞ ശേഷം അച്ഛനടുത്ത് ഇരിപ്പുറപ്പിച്ച് മകൾ; ചടങ്ങ് കഴിഞ്ഞ് തിരിച്ചെത്തും വരെ കാത്തിരിപ്പ്; മധുവാര്യരെ കൈപിടിച്ച് കുലുക്കി സമാധാനിപ്പിച്ച് മകളുമൊത്ത് മടക്കം; അപ്പുപ്പന്റെ മുഖം മകളെ അവസാനമായി കാണിക്കാൻ മഞ്ജു വാര്യരുടെ വീട്ടിൽ ദിലീപ് എത്തിയത് അതീവരഹസ്യമായി
അവൾ അനശ്വര രക്തസാക്ഷിയെന്ന് നഴ്‌സിങ് സമൂഹം; എല്ലാമെല്ലാമായ അമ്മയെ മരണം വിളിച്ചപ്പോൾ ഒരു അന്ത്യചുംബനം പോലും നൽകാൻ സാധിക്കാതെ രണ്ടു പിഞ്ചുമക്കൾ; സഹജീവികൾക്ക് ആശ്വാസം നൽകാനുള്ള ശ്രമത്തിനിടെ നിപ്പ വൈറസ് ബാധിച്ചു മരിച്ച ലിനിയെ വൈദ്യുതി ശ്മശാനത്തിൽ രാത്രി തന്നെ സംസ്‌ക്കരിച്ചത് രോഗം പകരാനുള്ള സാധ്യത ഒഴിവാക്കാൻ; വിടപറഞ്ഞ പ്രിയ മാലാഖയ്ക്കായി കണ്ണീർവാർത്ത് സഹപ്രവർത്തകരും ബന്ധുക്കളും
റെഡ്ഡിമാരുടെ പണത്തിൽ തുന്നിയ ചാക്കുമായി അമിത് ഷായുടെ ആളുകൾ എത്തും മുമ്പേ 12 എംഎൽഎമാരെ അങ്ങോട്ട് ഇട്ടുകൊടുത്ത് കളി നിയന്ത്രിച്ചു; ആവശ്യത്തിന് എംഎൽഎമാരെ കിട്ടിയ ആശ്വാസത്തിൽ വേറെയാർക്കും വേണ്ടി വല വീശാതെ ബിജെപി സംഘം; മുങ്ങലും പൊങ്ങലും ഒക്കെ ബോധപൂർവ്വം ഒരുക്കിയ തിരക്കഥയുടെ ഭാഗം; അവസാന നിമിഷം വരെ വിജയപ്രതീക്ഷ നിലനിർത്തി അമിത് ഷായുടെ ചാണക്യതന്ത്രത്തെ വെട്ടിയ 'ഓപ്പറേഷൻ ഡികെ'യുടെ കഥ
സീൻ ഡാർക്കായത് അവനും അവന്റെ ചേട്ടത്തിയമ്മയ്ക്കും; ഡൽഹിയിൽ ശരീരം വിറ്റ് നടക്കുന്ന ഒരു സംഘി; ഏതോ ഒരുത്തൻ പട്ടിയുടെ കൂടെ ഇരിക്കുന്ന പടമെന്ന കമന്റും ഊള ലാൽ ഫാൻസും; സ്റ്റേജിൽ പുലയാട്ടു നടത്തുന്ന ഒരുത്തിയുടെ പേരാണ് റിമി ടോമി; കലാഭവൻ മണിയുടെ മരണത്തിലെ സംശയം ഉന്നയിച്ചവർക്കെല്ലാം തെറിവിളി; ലസിതാ പാലക്കലിനെ കിടപ്പറയിലേക്ക് ക്ഷണിച്ചപ്പോൾ പണി കിട്ടി; ഇനി ചാനലുകളിൽ അവതരണത്തിന് വിളിക്കില്ല; തരികിട സാബുവിനെ കണ്ടെത്താൻ പൊലീസ്