1 aed = 17.77 inr 1 eur = 75.78 inr 1 gbp = 86.39 inr 1 kwd = 213.51 inr 1 sar = 17.40 inr 1 usd = 64.42 inr

Dec / 2017
18
Monday

ഖിൽജി സുൽത്താനും റാണി പത്മാവതിയും തമ്മിൽ എന്തു ബന്ധം? യഥാർത്ഥ കഥയ്ക്കൊപ്പം കഥാകൃത്തിന്റെ ഭാവനയും ചാലിക്കുന്നതാണ് സിനിമകൾ; എന്നിട്ടും ദീപികയ്ക്കും സഞ്ജയ് ലീലാ ബൻസാലിക്കും നേരെ വാളെടുക്കുന്നവർ ചരിത്രത്തിലേക്ക് ഒന്ന് തിരിഞ്ഞു നോക്കൂ

November 22, 2017 | 03:33 PM | Permalink



മറുനാടൻ മലയാളി ഡസ്‌ക്

ന്ത്യൻ ചരിത്രങ്ങൾ സിനിമയായി മാറുന്നത് ഇന്നും ഇന്നലെയും അല്ല. ചരിത്രത്തിലെ വീരപുരുഷന്മാരും സ്ത്രീകളും വെള്ളിത്തിരയിലേക്ക് എത്തുന്നതും ഇതാദ്യമല്ല. എന്നാൽ കേവലം ഒരു സിനിമയുടെ പേരിൽ ബാലിശമായ വാദങ്ങൾ ഉയർത്തി ജനങ്ങൾ തെരുവിലിറങ്ങുമ്പോൾ പത്മാവതിയും ചരിത്രവും പരിശോധിക്കപ്പെടേണ്ട ഒന്നു തന്നെയാണ്.

ജഹാംഗീറും അനാർക്കലിയും, അക്‌ബറും ജോധയും എല്ലാം വെള്ളിത്തിരയിലൂടെ പ്രേക്ഷകർക്ക് മുന്നിൽ എത്തി തങ്ങളുടെ പ്രണയ കഥകൾ പറഞ്ഞു പോയതാണ്. യഥാർത്ഥകഥയ്‌ക്കൊപ്പം കഥാകൃത്തിന്റെ ഭാവനയും ചാലിച്ചാണ് ഈ സിനിമകളും ഒക്കെ നിർമ്മിച്ചിരിക്കുന്നത്. എന്നിട്ടും എന്തേ അപ്പോഴൊന്നും ഇല്ലാത്ത രോഷം ജനം പത്മാവതിക്ക് നേരെ ഉയർത്തുന്നത്. യഥാർത്ഥത്തിൽ പത്മാവതി ആരെന്ന് പോലും അറിയാതെയാണ് പലരും ഈ സിനിമയ്ക്ക നേരെ വാൾ ഓങ്ങുന്നത് വേണം കരുതാൻ.

പത്മാവതി രാഷ്ട്രമാതാവാണെന്ന് മധ്യപ്രദേശ് മുഖ്യമന്ത്രിയും പ്രഖ്യാപിച്ചു. എന്നാൽ എങ്ങിനെയാണ് പത്മാവതി രാഷ്ട്രമാതാവായത്. ശ്രീലങ്കയിൽ ജനിച്ച് വളർന്ന് ചിറ്റോറിലെ രാജകുമാരൻ വിവാഹം ചെയ്ത് ഇന്ത്യയിലെത്തിയ പത്മാവതി എങ്ങിനെയാണ് രാഷ്ട്രമാതാവായി മാറുക. പത്മാവതിയെക്കുറിച്ചുള്ള വിവാദത്തിന് തീകൊളുത്തിയപ്പോൾതന്നെ മുഗളചരിത്രത്തിലും രജപുത്ര ചരിത്രത്തിലും അവഗാഹമുള്ളവർ എടുത്തുപറഞ്ഞ ഒരു വസ്തുത, പത്മാവതി ഒരു ചരിത്രകഥാപാത്രമേ അല്ല എന്നതാണ്യ

സൂഫി കവി മാലിക് മുഹമ്മദ് ജയാസിയുടെ പത്മാവതി എന്ന സൃഷ്ടിയിലൂടെയാണ് പത്മാവതി പ്രസിദ്ധയും ആദരണീയയായി മാറുന്നതും. അതും അലാവുദ്ദീൻ ഖിൽജിയുടെ കാലശേഷം രണ്ട് നൂറ്റാണ്ടുകൾക്കും ഇപ്പുറം. ആ പത്മാവതി എങ്ങിനെയാണ് അലാവുദ്ദീൻ ഖിൽജിക്ക് പ്രിയപ്പെട്ടവളായി മാറുന്നത്. മാത്രമല്ല അലാവുദ്ദീൻ ഖിൽജിയെ കുറിച്ചുള്ള ചരിത്രം പരിശോധിച്ചാൽ എവിടെയും പത്മാവതിയെ കുറിച്ച് പറയുന്നുമില്ല.
അലാവുദ്ദീൻ ഖൽജിയുടെ പല നയങ്ങളെയും വിമർശിക്കുകയും സ്വഭാവവൈകൃതങ്ങൾ അനാവൃതമാക്കുകയും ചെയ്ത ബറാനി, റാണിയെ കാംക്ഷിച്ചാണ് ചിറ്റോർ കോട്ട ആക്രമിച്ചതെങ്കിൽ അത് തുറന്നുപറയുകതന്നെ ചെയ്യുമായിരുന്നു. ആ ദിശയിൽ ഒരു സൂചനപോലും നൽകുന്നില്ല എന്നതിൽനിന്നുതന്നെ പിൽക്കാലത്ത് പ്രചരിച്ച കെട്ടുകഥ മാത്രമാണ് പത്മാവതിയുടേതെന്ന് അനുമാനിക്കേണ്ടിവരും. അലാവുദ്ദീൻ ഹിന്ദുറാണിമാരെ പത്‌നിമാരാക്കിയ കഥ ഇതേ ചരിത്രകാരൻ നമ്മുടെ മുന്നിൽ അവതരിപ്പിക്കുന്നുണ്ട്.

ജയാസിയുടെ കെട്ടുകഥകൾ നിറഞ്ഞ കവിതയാണ് പത്മാവതിയെ കുറിച്ചുള്ള ഏറ്റവും ആദ്യത്തെ പരാമർശം. സിങ്കാൾ (ശ്രീലങ്ക) രാജാവിന്റെ മകളായിരുന്നു പത്മാവതി. പത്മാവതിയുടെ പ്രിയപ്പെട്ട സുഹൃത്തായിരുന്നത് ഹിരാമൻ എന്ന തത്തയായിരുന്നു. നന്നായി സംസാരിക്കുന്ന ഹിരാമനും പത്മാവതിയും തമ്മിലുള്ള സൗഹൃദം പത്മാവതിയുടെ പിതാവിന് തീരെ ഇഷ്ടമായിരുന്നില്ല. ഇതോടെ ഈ തത്തയെ കൊല്ലാൻ പത്മാവതിയുടെ പിതാവ് തീരുമാനിക്കുകയും ചെയ്തു. ഇതോടെ കൊട്ടാരം വിട്ട് പറന്നു പോയ ഹിരാമൻ ഒരു തത്ത വിൽപ്പനക്കാരന് കിട്ടുകയും അതുവഴി ചിറ്റോർ കൊട്ടാരത്തിൽ എത്തുകയുമായിരുന്നു.

കൊട്ടാരത്തിലെത്തിയ ഹിരാമൻ രജപുത്ര രാജാവായ രത്തൻ സെന്നിനോട് പത്മാവതിയുടെ സൗന്ദര്യത്തെ കുറിച്ച് മാത്രമേ പറയാനുണ്ടായിരുന്നുള്ളു. ഹിരാമന്റെ സൗന്ദര്യ വർണ്ണനയിലൂടെ പത്മാവതിയെ സ്‌നേഹിക്കുന്ന രത്തൻ സിങ് സിങ്കാൾ ആക്രമിച്ച് പത്മാവതിയെ സ്വന്തമാക്കാൻ പുറപ്പെടുകയും ചെയ്തു. ഇങ്ങനെയാണ് പത്മാവതിയുടെ കഥ തുടങ്ങുന്നത്.

പത്‌നി നാഗമതിയെ കൊട്ടാരത്തിൽ ഉപേക്ഷിച്ച് യോഗിയുടെ ഉത്തരീയമണിഞ്ഞ് അനുചരന്മാരോടൊപ്പം രത്തൻ സെൻ പുറപ്പെടുകയാണ്. പത്മാവതിക്കുവേണ്ടി ജീവത്യാഗം ചെയ്യാൻ സന്നദ്ധമായുള്ള ആ യാത്രയിൽ കഷ്ടപ്പാടുകൾ സഹിച്ചാണെങ്കിലും ലക്ഷ്യം നേടുകയും പത്മാവതിയുമായി ചിറ്റോറിലേക്ക് മടങ്ങുകയും ചെയ്തുവത്രെ. പത്മാവതി ചിറ്റോറിൽ രാജ്ഞിയായി വാഴ്‌ത്തപ്പെട്ട വിവരം അറിഞ്ഞ അലാവുദ്ദീൻ ഖിൽജിയും അറിഞ്ഞു. പത്മാവതിയുടെ സൗന്ദര്യത്തെ കുറിച്ച് കേട്ടറിഞ്ഞ അലാവുദ്ദീൻ ഖിൽജി വൻ സൈന്യവുമായി ഉടൻ പുറപ്പെട്ടു. ശക്തമായ പ്രതിരോധത്തിനിടയിൽ ചിറ്റോർ കോട്ട പിടിച്ചടക്കിയെങ്കിലും അലാവുദ്ദീൻ അകത്ത് പ്രവേശിക്കുകയാണെന്നും തന്നെ കൈക്കലാക്കുകയാണ് ഉദ്ദേശ്യമെന്നും മനസ്സിലാക്കിയ പത്മാവതി 16,000 സ്ത്രീകളോടൊപ്പം സ്വയം തീയിൽ ചാടി ആത്മാഹുതി നടത്തി എന്നാണ് കഥ.

ശത്രുവിന്റെ കൈയിൽപെട്ട് മാനം പിച്ചിച്ചീന്തുന്നതിൽനിന്ന് രക്ഷപ്പെടാൻ നടത്തുന്ന ഈ ജീവബലിയെ 'ജൗഹർ' എന്നാണ് വിശേഷിപ്പിച്ചിരുന്നത്. സൂഫി കവി പറയുന്ന ഇക്കഥ, ആധികാരിക ചരിത്രത്തിൽ എവിടെയും വായിക്കാൻ സാധിക്കില്ല. 1296 മുതൽ 1316 വരെ ഡൽഹി മുതൽ ഡെക്കാൻ വരെ നീണ്ടുകിടക്കുന്ന അതിവിശാലമായൊരു സാമ്രാജ്യം ഭരിച്ച അലാവുദ്ദീന്റെ സംഭവബഹുലമായ കാലഘട്ടത്തെക്കുറിച്ചും സൈനികാക്രമണങ്ങളെക്കുറിച്ചും ചരിത്രകാരനായ ളിയാഉദ്ദീൻ ബറാനി, പ്രശസ്തമായ താരീഖേ ഫിറോസ് ഷാഹിയിൽ ദൃക്‌സാക്ഷി വിവരണമെന്നോണം സവിസ്തരം പ്രതിപാദിക്കുന്നുണ്ട്.

1303 ജനുവരിയിലാണ് സുൽത്താന്റെ നേതൃത്വത്തിൽ വൻ സൈനിക സന്നാഹം ചിറ്റോർ കോട്ടയിലേക്ക് നീങ്ങുന്നത്. രാജാ രത്തൻ സിങ്ങിന്റെ നേതൃത്വത്തിൽ രജപുത്രർ ശക്തമായ പ്രതിരോധം തീർത്തെങ്കിലും പിടിച്ചുനിൽക്കാനായില്ല. ഓഗസ്റ്റ് അവസാന വാരത്തോടെ കോട്ടയിലേക്ക് കടന്ന അലാവുദ്ദീൻ രാജകുടുംബാംഗങ്ങളെ വെറുതെ വിട്ടെങ്കിലും ഗ്രാമത്തലവന്മാരുടെ തലയെടുത്തുവെന്നാണ് ബറാനി രേഖപ്പെടുത്തിയിരിക്കുന്നത്. കൊട്ടാരഭരണം പുത്രൻ ഖിസ്ർ ഖാനെ ഏൽപിച്ച് ഡൽഹിയിലേക്ക് മടങ്ങുകയും ചെയ്തു.

ചരിത്രം വക്രീകരിക്കുകയാണെന്നും രജപുത്രരുടെ മാനംകെടുത്തുകയാണെന്നുമൊക്കെ ആേക്രാശിച്ചുകൊണ്ട് 'പത്മാവതി'െക്കതിരെ രംഗത്തുവന്നവർ (ഇതിൽ രാജസ്ഥാൻ ബിജെപി നേതാവും രാജ്ഞിയുമായ ദിയാകുമാരിയും ഉണ്ടെന്നതാണ് വിചിത്രം) ഏതുവിധത്തിലാണ് ചരിത്രത്തെ വളച്ചൊടിച്ചതെന്ന് വ്യക്തമാക്കുന്നില്ല. കാരണം, സിനിമയോ അതിന്റെ തിരക്കഥയോ കാണാതെയാണ് ഇപ്പോഴത്തെ ഉറഞ്ഞുതുള്ളൽ മുഴുവനും.

ഈ വിഷയത്തിൽ ആഴത്തിൽ പഠനംനടത്തിയ ചരിത്രകാരി രമ്യാ നമ്പീശൻ 'ദ മെനി ലൈവ്‌സ് ഓഫ് രജ്പുത് ക്വീൻ' എന്ന പുസ്തകത്തിൽ ചൂണ്ടിക്കാട്ടുന്ന ഒരുവശമുണ്ട്: ഓരോ ഭാഷ്യത്തിലും പത്മാവതിയുടെ ഉള്ളടക്കവും പശ്ചാത്തലവും വിഭിന്നവും കാൽപനികതയുടെ അതിരുകൾ ലംഘിക്കുന്നതുമാണ്. 18ാം നൂറ്റാണ്ടിൽ മുഗള ഭരണത്തിന്റെ ശൈഥില്യം സൃഷ്ടിച്ച പുതിയ ദേശീയബോധ പരിസരത്തെയും ഹൈന്ദവ നവജാഗരണ പ്രവണതകളെയും തൃപ്തിപ്പെടുത്തുന്ന തരത്തിലുള്ള രചനകളിൽ രജപുത്ര/ഹൈന്ദവ വികാരം ഉണർത്തുന്ന പ്രതിപാദനത്തിന് സ്വീകാര്യത ലഭിച്ചത് സ്വാഭാവികം. 18,19 നൂറ്റാണ്ടുകളിൽ എഴുതപ്പെട്ട ഓറിയന്റലിസ്റ്റുകളുടെ ഒരു ഡസനിലധികം വരുന്ന ചരിത്രപുസ്തകങ്ങളിലെല്ല്‌ലാം പത്മാവതി കയറിവരുന്നത് മലിക് മുഹമ്മദ് ജയാസിയെ ഉദ്ധരിച്ചാണ്. സൽത്തനത്ത്, മുഗള ഭരണകർത്താക്കളെ രാക്ഷസവത്കരിക്കുന്നതിനും അവർക്കെതിരെ ഹിന്ദുവികാരം ഈതിക്കാച്ചി മതധ്രുവീകരണം വളർത്തുന്നതിനും ബ്രിട്ടീഷ് ചരിത്രകാരന്മാർ കൂടുതലായും ആശ്രയിച്ചത് ഇത്തരം കെട്ടുകഥകളെയും മിത്തുകളെയുമായിരുന്നു. ഇതെല്ലാം കൂട്ടി വായിച്ചാൽ പത്മാവതിയുടേത് വെറും കെട്ടുകഥയാണെന്ന് തന്നെ പറയേണ്ടി വരും.

ദീപികയ്ക്ക് മുന്നേ അനിതാ ഗുഹയും വൈജയന്തിമാലയും റാണി പത്മിനിയായി വെള്ളിത്തിരയിൽ എത്തി മറഞ്ഞവരാണ്. അവർ അവതരിപ്പിച്ച റാണി പത്മാവതിമാർ വെള്ളിത്തിരയിൽ വന്നതും പോയതും കണ്ണഞ്ചിക്കുന്ന വേഗത്തിലായിരുന്നു. ആരും അറിഞ്ഞതുപോലുമില്ല ആ വരവും പോക്കും. ജീവനോടെ കത്തിക്കുമെന്നും മൂക്കു ചെത്തുമെന്നും തല കൊയ്യുമെന്നും ഭീഷണി മുഴക്കി ഒരൊറ്റയാളും അവർക്കു പിന്നാലെ ചെന്നതുമില്ല.

റാണി പത്മാവതി എന്ന പത്മിനിയെ കുറിച്ചുള്ള മിക്ക ഐതിഹ്യങ്ങളിലും ഡൽഹി സുൽത്താൻ അലാവുദ്ദീൻ ഖിൽജിയാണ് പ്രതിനായകൻ. പക്ഷേ ''മഹാറാണി പത്മിനി''യുടെ തിരക്കഥാകൃത്ത് ദിനനാഥ് മധോക്കും സംവിധായകൻ ജസ്വന്ത് സാവേരിയും ബുദ്ധിപൂർവം ആ വിശ്വാസംതിരുത്തി. ഏതെങ്കിലുമൊരു മതവിഭാഗത്തെ അനാവശ്യമായി പിണക്കുന്നതെന്തിന് എന്നോർത്തിരിക്കാംഅവർ. ചിത്തോർ റാണ (നടൻ ജയരാജ്) യുടെ ധർമ്മപത്നിയായ പത്മിനിയോട് ഉള്ളിൽ പ്രണയമുണ്ടെങ്കിലും അത് സദാചാരവിരുദ്ധമായ ഏർപ്പാടാണെന്ന് തിരിച്ചറിഞ്ഞു.

ഒടുവിൽ റാണിയെ പെങ്ങളായി കാണാൻ തീരുമാനിക്കുന്ന മാന്യനാണ് ഈ സിനിമയിലെ ഖിൽജി (നടൻ സജ്ജൻ). മാത്രമല്ല സിനിമയിൽ ഒരിടത്ത് സ്വന്തം ജീവൻ പണയപ്പെടുത്തി ഖിൽജിയെ മരണത്തിൽ നിന്ന് രക്ഷിക്കുക വരെ ചെയ്യുന്നു പത്മിനി. ക്ലൈമാക്സിലുമുണ്ട് മെലോഡ്രാമയുടെ പ്രളയം. ഖിൽജിയുടെ സൈന്യവുമായുള്ള യുദ്ധത്തിൽ റാണ വീരമൃത്യു വരിക്കുന്നു. പശ്ചാത്താപ വിവശനായി കുതിരപ്പുറത്തു നിന്നിറങ്ങുന്ന ഖിൽജിഎതിരാളിയായ രജപുത്ര രാജാവിന്റെ മൃതദേഹം മടിയിൽ കിടത്തി വിലപിക്കുകയാണ്. രണ്ടു രാജാക്കന്മാർ തമ്മിലുള്ള മതാതീതമായ സൗഹൃദത്തിന്റെ ഉദാത്തമായ ആവിഷ്‌കാരം. തീർന്നില്ല. ഭർത്താവിന്റെ മരണത്തിനു പിന്നാലെ ചിതയിൽ ചാടി സതി അനുഷ്ഠിക്കുന്നു റാണി പത്മിനി. വേദനയോടെ റാണിയുടെ ചിതാഭസ്മം വാരിയെടുത്ത് വിതുമ്പുന്ന ഖിൽജിയേയുമാണ് ഈ ചിത്രത്തിൽ ചിത്രീകരിച്ചിരിക്കുന്നത്യ

അതേസമയം ''ചിത്തോർ റാണി പത്മിനി'' എന്ന സിനിമയിൽ അലാവുദ്ദീൻ ഖിൽജിക്ക് അസ്സൽ വില്ലന്റെ പ്രതിച്ഛായയാണ്. എംഎൻ നമ്പ്യാരാണ് ഖിൽജിയായി വേഷമിട്ടത്. നടികർതിലകം ശിവാജി ഗണേശനാണ് രത്തൻ സിങ് റാണ. ഭാവനക്കനുസരിച്ച് ശ്രീധർ മിനഞ്ഞെടുത്ത കഥയിൽ റാണി ഭരതനാട്യം നർത്തകിയായി മാറുന്നു. തമിഴ് സിനിമയിലെ പതിവു മസാലക്കൂട്ടുകൾ എല്ലാമുണ്ട് കഥയിൽ. റാണി പത്മിനിയുടെ സൗന്ദര്യത്തിൽ ഭ്രമിച്ച് ചിത്തോർ കീഴടക്കാൻ കോപ്പുകൂട്ടുകയാണ് ഖിൽജി. ഒരിക്കലെങ്കിലും റാണിയെ നേരിൽ കണ്ടു സംസാരിക്കണം. അതാണ് സുൽത്താന്റെ ആവശ്യം. റാണിയെ കാണാനുള്ള അനുമതി തരാൻ പറ്റില്ലെന്ന് റാണ. പകരം ഒരു പോംവഴി കണ്ടെത്തുന്നു അദ്ദേഹം.

കൊട്ടാരത്തിലെ കുളത്തിന്റെ വക്കിൽ റാണിയെ കൊണ്ടുചെന്ന് നിർത്തുക. കുളത്തിലെ വെള്ളത്തിൽ പ്രതിബിംബിക്കുന്ന റാണിയുടെ മുഖം കൊട്ടാരത്തിനകത്തെ ഒരു കണ്ണാടിയിൽ കാണാം സുൽത്താന്. റാണിയെ കാണാനുള്ള സുൽത്താന്റെ ആർത്തി മുതലെടുത്ത് അദ്ദേഹത്തെ കെണിയിൽ പെടുത്തുകയായിരുന്നു റാണയുടെ ലക്ഷ്യം. പക്ഷേ ശത്രുവിന് മുന്നിൽ സ്വയം പ്രദർശിപ്പിക്കാൻ ഒരുക്കമല്ലായിരുന്ന റാണി അപമാന ഭയത്താൽ അഗ്നികുണ്ഡത്തിൽ ചാടി ജീവനൊടുക്കുന്നു. ഇങ്ങിനെയായിരുന്നു തമിഴിലെത്തിയ റാണി പത്മിനിയുടെ കഥ.

പത്മാവതിയുമായി ബന്ധപ്പെട്ട് ഇപ്പോഴുയർന്ന വിവാദങ്ങൾ ഹിന്ദുത്വശക്തികളുടെ കൃപാശിസ്സുകളോടെയാണെന്ന് വേണം കരുതാൻ. 'മ്ലേച്ഛനായ' മുസ്‌ലിം ഭരണാധികാരി അലാവുദ്ദീൻ ഖിൽജിയുടെ മുന്നിൽ രജപുത്ര റാണി പത്മാവതി നൃത്തംചെയ്യുകയോ എന്ന ചോദ്യത്തിൽതന്നെ വിഷയത്തിന്റെ മർമം ഒളിഞ്ഞിരിപ്പുണ്ട്. മുസ്‌ലിംവിരുദ്ധ വികാരം ഊതിക്കത്തിച്ച് വോട്ട്ബാങ്ക് ഉറപ്പിക്കുക എന്ന സംഘ്പരിവാർ ലക്ഷ്യമാണ് ഇപ്പോഴത്തെ 'ധർമരോഷ'ത്തിനു പിന്നിൽ. കേന്ദ്രത്തിലെയും സംസ്ഥാനങ്ങളിലെയും ബിജെപി ഭരണം ഒരുക്കിക്കൊടുത്ത അനുകൂല സാഹചര്യമാണ് ഫാഷിസ്റ്റ് രീതി സ്വീകരിക്കാൻ രജപുത്ര കർണി സേനക്കും അഖില ഭാരതീയ ക്ഷത്രിയ മഹാസഭക്കും മറ്റും ധൈര്യംപകരുന്നത്. രാജസ്ഥാൻ മുഖ്യമന്ത്രി വസുന്ധര രാജെ സിന്ധ്യ മൗനത്തിലാണ്. ചിത്രം പ്രദർശിപ്പിച്ചാൽ സംസ്ഥാനത്ത് ക്രമസമാധാന പ്രശ്‌നം ഉണ്ടാവുമെന്ന് യു.പി മുഖ്യമന്ത്രി യോഗി ആദിത്യനാഥ് കേന്ദ്രത്തിന് മുന്നറിയിപ്പ് നൽകിയിരിക്കുന്നു. അതേസമയം പത്മാവതി രാഷ്ട്രമാതാവെന്നാണ് മധ്യപ്രദേശ് മുഖ്യമന്ത്രി പറഞ്ഞത്.

ദീപിക പദുകോണിനെ ജീവനോടെ കൊല്ലുന്നവർക്ക് ഒരുകോടി ഇനാം പ്രഖ്യാപിച്ചിട്ടും സർക്കാർ നോക്കിനിൽക്കുകയാണ്. ഭൻസാലിയുടെയും ദീപികയുടെയും തലക്ക് ഹരിയാനയിലെ ബിജെപി നേതാവ് സൂരജ് പാൽ വിലയിട്ടിരിക്കുന്നത് 10 കോടിയാണ്. പുരാണത്തിലെ ശൂർപ്പണഖയോട് ചെയ്തതുപോലെ ദീപികയുടെ മൂക്ക് അരിയാനാണ് ഒരു വംശീയഭ്രാന്തന്റെ ആഹ്വാനം. പരസ്യമായി തല എടുക്കാൻ ഇനാം പ്രഖ്യാപിക്കാനും മൂക്കും മുലയും ചെത്താൻ പറയാനും ഇന്ത്യ എന്താ വെള്ളരിക്കാ പട്ടണമാണോ.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
വീടിന്റെ താഴത്തെ നിലയിലുള്ള സവിശേഷകണ്ണാടി കാണണമെന്ന് വാശിപിടിച്ചു; പറ്റില്ലെന്ന് പറഞ്ഞപ്പോൾ ബലം പ്രയോഗിച്ച് മുകൾ നിലയിലേക്കു കൊണ്ടുപോയി എതിർപ്പവഗണിച്ച് ഭിത്തിയോടു ചേർത്തു നിർത്തി ബലാത്കാരമായി ചുംബിച്ചു; സ്വകാര്യഭാഗങ്ങളിൽ സ്പർശിക്കുകയും വസ്ത്രങ്ങൾ വലിച്ചഴിക്കുകയും ചെയ്തു; കഥ പറയാനെത്തിയ യുവതിയുടെ മൊഴി നടന് വിനയാകും; ഉണ്ണി മുകുന്ദൻ ഊരാക്കുടുക്കിൽ
നായന്മാർക്ക് സംവരണം ഏർപ്പെടുത്തിയാൽ ഈഴവർ ആർക്ക് വോട്ട് ചെയ്യും? ഗുജറാത്തിൽ സംഭവിച്ചതും ഇതു തന്നെ; മുന്നോക്കകാരായ പട്ടേലന്മാർക്ക് കോൺഗ്രസ് സംവരണം ഉറപ്പു നൽകിയപ്പോൾ ദളിതർ കൂട്ടത്തോടെ ബിജെപി പക്ഷത്തേക്ക് ചേർന്നു; മുസ്ലിം ബെൽറ്റിൽ പോലും വോട്ട് ചോർന്നത് കോൺഗ്രസിന്റെ പ്രതീക്ഷ തകർത്തു; കോൺഗ്രസ് നേട്ടം കൊയ്യുന്നത് പട്ടേൽ ബെൽറ്റിൽ തന്നെ; ഗുജറാത്തിൽ സംഭവിച്ചത് എന്ത്?
യഥാർത്ഥ വില്ലൻ ഖനന വ്യവസായി ഗണേശ് എന്ന് പൊലീസ്; ബംഗ്‌ളൂരു കിഡ്‌നാപ്പിങ് കേസിൽ ആന്റി ക്‌ളൈമാക്‌സ്; ഓർത്തഡോക്‌സ് സഭാ നേതാവ് ബാബുപാറയിലിനെ തട്ടിപ്പുകേസിൽ തിരക്കഥമെനഞ്ഞ് കുടുക്കിയതെന്ന് പുതിയ ട്വിസ്റ്റ്; മലേഷ്യയിൽ നിന്ന് കൊച്ചിയിൽ പറന്നിറങ്ങിയപ്പോൾ കോൺഗ്രസ് നേതാവ് ദീപ്തി മേരി വർഗീസിന്റെ ജീവിതപങ്കാളിയെ കയ്യോടെ പൊക്കി പൊലീസ്; പ്രവാസി വ്യവസായി മഠത്തിൽ സണ്ണിയെ കബളിപ്പിച്ച് ഒരുകോടി തട്ടിയെന്ന് പുതിയ കേസ്
മാനം കാത്ത് മോദിയും അമിത് ഷായും! രാഹുൽ ഗാന്ധിയുടെ തന്ത്രങ്ങളിൽ കാവിക്കോട്ടയിൽ വിള്ളലുണ്ടായപ്പോഴും അടിത്തറ ഭദ്രമാക്കി ആറാം തവണയും ബിജെപി ഗുജറാത്തിൽ അധികാരത്തിൽ; വീരോചിതമായ പോരാട്ടം കാഴ്‌ച്ചവെച്ച് കോൺഗ്രസ്; അഭിമാന പോരാട്ടത്തിൽ ബിജെപിക്ക് നേട്ടം 99 സീറ്റുകളിൽ; 80 സീറ്റുകളിൽ കോൺഗ്രസും; മേവാനിയും അൽപേഷും വിജയിച്ചു; അടിതെറ്റാതെ വിജയ് രൂപാണിയും നിതിൻ പട്ടേലും
മോദിയുടെ ജനപ്രീതിയും അമിത് ഷായുടെ തന്ത്രങ്ങളും ഇന്ത്യയെ വീണ്ടും കാവി പുതപ്പിച്ചു; മോദി അധികാരത്തിൽ എത്തിയപ്പോൾ 7 സംസ്ഥാനങ്ങൾ മാത്രം ഭരിച്ചിരുന്ന ബിജെപി മൂന്ന് കൊല്ലം കൊണ്ട് പിടിച്ചത് 7 സംസ്ഥാനങ്ങളുടെ ഭരണംകൂടി; എൻഡിഎ ഇപ്പോൾ ഭരിക്കുന്നത് 18 സംസ്ഥാനങ്ങൾ; പാർട്ടിക്കുള്ളിലെ എതിരാളികളെ നിഷ്പ്രഭരാക്കിയുള്ള മുന്നേറ്റത്തിൽ പകച്ച് ബിജെപി-ആർഎസ്എസ് വിഭാഗങ്ങളും; അടുത്ത ലക്ഷ്യം വടക്ക് കിഴക്കൻ സംസ്ഥാനങ്ങളും ദക്ഷിണേന്ത്യയും
മാധ്യമത്തിനെയും തേജസിനെയും അനുകരിക്കുന്ന ലേഔട്ടിലേക്ക് മാറി മാതൃഭൂമി പത്രം കുടുങ്ങി; കടുത്ത വിമർശനവുമായി പരമ്പരാഗത വായനക്കാർ, പത്രഓഫീസിലേക്ക് ദിവസേന തെറിവിളി; സർക്കുലേഷനിലും ഇടിവ്; സിനിമാലോകം ബഹിഷ്‌ക്കരിച്ചതിന്റെ പേരിലുള്ള കോടികളുടെ നഷ്ടത്തിനു പിന്നാലെ മുഖം മാറ്റവും മാതൃഭൂമിക്ക് വിനയാവുന്നു
കാക്കനാട്ടെ സീപോർട്ട് എയർപോർട്ട് റോഡരികിൽ 69 സെന്റ്; ഭാരത് മാതാ കോളേജിന് എതിർവശത്ത് 60 സെന്റ്; തൃക്കാക്കരയിൽ ഒരേക്കർ; മരടിൽ 54 സെന്റ്.... മാർ ആലഞ്ചേരി വിറ്റെന്ന് വിമതർ ആരോപിക്കുന്നത് ഈ സ്ഥലങ്ങൾ; വിറ്റവകയിൽ 22 കോടി ലഭിക്കേണ്ടിടത്ത് സഭയ്ക്ക് ലഭിച്ചത് ഒൻപത് കോടി മാത്രം; ആധാരത്തിൽ ചേർക്കാത്ത വില എങ്ങോട്ട് പോയി? സീറോ മലബാർ സഭയിലെ ചക്കളത്തിൽ പോര് അതിരു ലംഘിച്ചപ്പോൾ നാണംകെട്ട് വിശ്വാസികൾ
ആനയെ മയക്കുന്ന അരിങ്ങോടരെ മുറിച്ചുരിക കൊണ്ട് മുറിച്ചിട്ട ആരോമർ ചേകവരാകാൻ രാഹുൽ ഗാന്ധിക്ക് കഴിഞ്ഞില്ല, എങ്കിലും പുത്തൂരം വീടിന്റെ മാനം കാത്തു! അവസാന ഘട്ടത്തിൽ പൂഴിക്കടകൻ പയറ്റിയിട്ടാണ് നരേന്ദ്ര മോദി അങ്കം ജയിച്ചത്; ഒരു കാര്യം ഉറപ്പാണ്: രാഹുൽഗാന്ധിയെ ഇനിയാരും പപ്പു എന്നു വിളിക്കില്ല: ഗുജറാത്ത് തെരഞ്ഞെടുപ്പ് ഫലത്തെ അഡ്വ. ജയശങ്കർ വിലയിരുത്തുന്നു
സഭയുടെ സ്വത്തുകൾ വിറ്റു സ്വന്തമാക്കിയെന്നു ആരോപിച്ച് ഒരുകൂട്ടം വൈദികർ മാർ ആലഞ്ചേരിയെ തടഞ്ഞു വച്ചു; മാർ ഭരണികുളങ്ങരയുടെ നേതൃത്വത്തിൽ ഒരുക്കിയ കെണിയിൽ വീണു പോയെന്നു മറ്റൊരു വിഭാഗം; അപവാദ കഥയിൽ മനം നൊന്ത് വലിയ പിതാവിന് ഹൃദയാഘാതം വന്നത് മറച്ചുവച്ചത് മൂന്ന് ദിവസം:സീറോ മലബാർ സഭയിൽ വൻ പൊട്ടിത്തെറി; അനാരോഗ്യത്തിന്റെ പേര് പറഞ്ഞു മേജർ ആർച്ച് ബിഷപ്പ് രാജി വച്ചൊഴിഞ്ഞേക്കുമെന്ന് റിപ്പോർട്ടുകൾ
നളന്ദയിലെ സരസ്വതിയെ ഷെറിൻ മാത്യൂസാക്കിയത് അമേരിക്കയിലെ ആനുകൂല്യം തട്ടാൻ; ഭിന്നശേഷിക്കാരിയുടെ അച്ഛനും അമ്മയുമായി കൊച്ചിക്കാർ മാറിയത് ബോധപൂർവ്വം; ഒരു കുട്ടിയുണ്ടായിട്ടും മൂന്നു വയസ്സുകാരിയെ മകളാക്കിയതിന്റെ രഹസ്യം അറിഞ്ഞ് ഞെട്ടി അമേരിക്കൻ മലയാളികൾ; വെസ്ലിക്കും സിനിക്കുമെതിരെ കൊലക്കുറ്റം ചുമത്താനുറച്ച് അന്വേഷണ സംഘം; ഹൂസ്റ്റണിലെ മൂന്നുവയസ്സുകാരിയോട് വളർത്തച്ഛനും വളർത്തമ്മയും കാട്ടിയതുകൊടുംക്രൂതയെന്ന് തിരിച്ചറിഞ്ഞ് അന്വേഷണ സംഘം
കുടവയർ കാണാതിരിക്കാൻ മോഹൻലാൽ വയറിൽ ബെൽറ്റ് കെട്ടിവെച്ചോ? ബനിയൻ ധരിച്ച് പൊതുവേദിയിൽ പ്രത്യക്ഷപ്പെട്ട ലാൽ എയർപിടിച്ചു നിന്നതെന്തിന്? പൊതുവേദികളിൽ അനായാസം ഇടപഴകുന്ന ലാലേട്ടനെ ഒടിയൻ ലുക്കിന് വേണ്ടി സംവിധായകൻ ശ്വാസം മുട്ടിച്ചെന്ന് ആരോപണം; ഞങ്ങടെ ലാലേട്ടൻ ഇങ്ങനെയല്ലെന്ന് എന്നു പറഞ്ഞ് ഒരു കൂട്ടം ആരാധകരും
വീടു നിറയെ നൂറു രൂപയുടെ കള്ളനോട്ടുകൾ; വ്യാജ ലോട്ടറിയുണ്ടാക്കി സമ്മാനവും തട്ടിയെടുത്തു; മീഡിയാവൺ ടിവിയുടെ കൃത്രിമ ഐഡന്റിറ്റീകാർഡുപയോഗിച്ചും തട്ടിപ്പ്; പുതിയറയിലെ വാടക വീട്ടിൽ നിറയെ അധോലോക ഇടപാടുകളുടെ തെളിവുകൾ; ഓർക്കാട്ടേരിയിൽ നിന്ന് ഒളിച്ചോടിയ 32കാരിയേയും കൊച്ചു മുതലാളിയേയും അഴിക്കുള്ളിൽ തളയ്ക്കാൻ തെളിവുകിട്ടിയ ആവേശത്തിൽ പൊലീസ്; ഹേബിയസ് കോർപസിൽ തീർപ്പായാലും കാമുകനും കാമുകിക്കും മോചനമില്ല
പണമുണ്ടാക്കാൻ മൊബൈൽ അനുബന്ധ ഉപകരണങ്ങളുടെ ഓൺലൈൺ ഇടപാട് നടത്തി ഓർക്കാട്ടേരിക്കാരൻ; ആരെങ്കിലും തിരക്കിയെത്തുന്നോ എന്ന് അറിയാൻ വീട്ടിൽ സിസിടിവി സംവിധാനം; പിടിക്കുമെന്ന് ഉറപ്പായപ്പോൾ ബൈക്കിൽ രക്ഷപ്പെടാനും ശ്രമം; പ്രണയം മൂത്ത് 32കാരിയുമായി മുങ്ങിയ കൊച്ചു മുതലാളിയെ പൊക്കിയത് കെണിയൊരുക്കി; കുവൈറ്റിലുള്ള ഭർത്താവിനേയും ഏഴ് വയസ്സുള്ള മകളേയും ഉപേക്ഷിച്ചുള്ള പ്രവീണയുടെ ഒളിച്ചോട്ടത്തിൽ ക്ലൈമാക്‌സ് ഇങ്ങനെ
ഓർക്കാട്ടേരിയിലെ മൊബൈൽ ഷോപ്പ് ഉടമയായ 23കാരന്റേയും സ്റ്റാഫായ വീട്ടമ്മയുടേയും തിരോധാനത്തിന് തുമ്പുണ്ടാക്കി പൊലീസ്; ഏറെക്കാലം നീണ്ട അന്വേഷണത്തിന് ഒടുവിൽ ഇരുവരേയും കോഴിക്കോട്ടെ വാടക വീട്ടിൽ നിന്ന് പൊക്കി; അംജാദിനെ കാണാതായി രണ്ടുമാസം കഴിഞ്ഞ് 32കാരിയായ പ്രവീണയും പോയതെങ്ങോട്ടെന്ന നാട്ടുകാരുടെ ആശങ്കയും തീരുന്നു
കൊച്ചു നാൾ തൊട്ടേ പ്രതിഭയുടെ പൊൻ തിളക്കം നടിയിൽ പ്രകടമായിരുന്നു; ദിലീപിനൊപ്പം ഇഴുകി ചേർന്നഭിനയിച്ച ഗാനരംഗങ്ങൾ ചേതോഹരം; ഞാൻ ദ്രോഹം ചെയ്തിട്ടുണ്ടെങ്കിൽ നടിക്ക് സമ്മതമാണെങ്കിൽ ഞാൻ വിവാഹം കഴിക്കാം; പ്രായശ്ചിത്തമായിട്ടല്ല. ഒരു ജീവിത പങ്കാളിയെ ആവശ്യമുള്ളതു കൊണ്ട്; ദിലീപ് ശിക്ഷപ്പെട്ടാൽ ആത്മഹത്യയും: സലിം ഇന്ത്യയ്ക്ക് പറയാനുള്ളത്
ഓർത്തഡോക്‌സ് സഭാ വൈദികൻ ചട്ടങ്ങൾ ലംഘിച്ച് രണ്ടാം വിവാഹം നടത്തിയെന്ന് ആക്ഷേപം; വിധവയേയോ ഉപേക്ഷിപ്പെട്ടവരേയോ വിവാഹം കഴിക്കാൻ പാടില്ലെന്ന വിലക്ക് ലംഘിച്ചെന്ന് കാതോലിക്കാ ബാവയ്ക്ക് പരാതി; നിസ്സാര തെറ്റുകളുടെ പേരിൽ വർഷങ്ങളോളം 'സസ്‌പെൻഷനിൽ' നിർത്തിയ വൈദികരോട് ഇനി സഭ എന്തു പറയുമെന്ന് വിശ്വാസികളുടെ ചോദ്യം; അമേരിക്കയിലെ വൈദികന്റെ മിന്നുകെട്ട് വിവാദമാകുമ്പോൾ
സഭയുടെ സ്വത്തുകൾ വിറ്റു സ്വന്തമാക്കിയെന്നു ആരോപിച്ച് ഒരുകൂട്ടം വൈദികർ മാർ ആലഞ്ചേരിയെ തടഞ്ഞു വച്ചു; മാർ ഭരണികുളങ്ങരയുടെ നേതൃത്വത്തിൽ ഒരുക്കിയ കെണിയിൽ വീണു പോയെന്നു മറ്റൊരു വിഭാഗം; അപവാദ കഥയിൽ മനം നൊന്ത് വലിയ പിതാവിന് ഹൃദയാഘാതം വന്നത് മറച്ചുവച്ചത് മൂന്ന് ദിവസം:സീറോ മലബാർ സഭയിൽ വൻ പൊട്ടിത്തെറി; അനാരോഗ്യത്തിന്റെ പേര് പറഞ്ഞു മേജർ ആർച്ച് ബിഷപ്പ് രാജി വച്ചൊഴിഞ്ഞേക്കുമെന്ന് റിപ്പോർട്ടുകൾ
നളന്ദയിലെ സരസ്വതിയെ ഷെറിൻ മാത്യൂസാക്കിയത് അമേരിക്കയിലെ ആനുകൂല്യം തട്ടാൻ; ഭിന്നശേഷിക്കാരിയുടെ അച്ഛനും അമ്മയുമായി കൊച്ചിക്കാർ മാറിയത് ബോധപൂർവ്വം; ഒരു കുട്ടിയുണ്ടായിട്ടും മൂന്നു വയസ്സുകാരിയെ മകളാക്കിയതിന്റെ രഹസ്യം അറിഞ്ഞ് ഞെട്ടി അമേരിക്കൻ മലയാളികൾ; വെസ്ലിക്കും സിനിക്കുമെതിരെ കൊലക്കുറ്റം ചുമത്താനുറച്ച് അന്വേഷണ സംഘം; ഹൂസ്റ്റണിലെ മൂന്നുവയസ്സുകാരിയോട് വളർത്തച്ഛനും വളർത്തമ്മയും കാട്ടിയതുകൊടുംക്രൂതയെന്ന് തിരിച്ചറിഞ്ഞ് അന്വേഷണ സംഘം
14കാരിയായ മകളുമൊത്ത് കാമുകനൊപ്പം ഒളിച്ചോടി നിലമ്പൂരുകാരി; അമ്മയോടുള്ള ഭ്രമം തീർന്നപ്പോൾ ഒൻപതാംക്ലാസുകാരിയെ കടന്ന് പിടിച്ച് രണ്ടാം ഭർത്താവ്; പഴയ കേസുകൾ പൊടി തട്ടിയെടുക്കുമ്പോൾ എസ് ഐയുടെ കണ്ണിലുടക്കിയത് പോക്സോ കേസ്; കൂട്ടുകാരെ നിരീക്ഷിച്ച് പ്രതിയെ കണ്ടെത്താൻ 'ബീഫിൽ' കുരുക്കിട്ടു; ഗുജറാത്ത് പൊലീസ് ഒന്നും നടക്കില്ലെന്ന് പറഞ്ഞപ്പോഴും അതിസാഹസിക നീക്കങ്ങൾ ഫെനിയെ വലയിലുമാക്കി; പീഡകരുടെ പേടിസ്വപ്നമായ നെയ്യാർഡാമിലെ ആക്ഷൻ ഹീറോ സതീഷിന്റെ ബറോഡാ ഓപ്പറേഷൻ ഇങ്ങനെ
കുടവയർ കാണാതിരിക്കാൻ മോഹൻലാൽ വയറിൽ ബെൽറ്റ് കെട്ടിവെച്ചോ? ബനിയൻ ധരിച്ച് പൊതുവേദിയിൽ പ്രത്യക്ഷപ്പെട്ട ലാൽ എയർപിടിച്ചു നിന്നതെന്തിന്? പൊതുവേദികളിൽ അനായാസം ഇടപഴകുന്ന ലാലേട്ടനെ ഒടിയൻ ലുക്കിന് വേണ്ടി സംവിധായകൻ ശ്വാസം മുട്ടിച്ചെന്ന് ആരോപണം; ഞങ്ങടെ ലാലേട്ടൻ ഇങ്ങനെയല്ലെന്ന് എന്നു പറഞ്ഞ് ഒരു കൂട്ടം ആരാധകരും