1 usd = 68.04 inr 1 gbp = 89.62 inr 1 eur = 78.87 inr 1 aed = 18.53 inr 1 sar = 18.14 inr 1 kwd = 225.00 inr

Jun / 2018
20
Wednesday

ഈ അവാർഡ് നിവിൻ പോളി അർഹിക്കുന്നുണ്ടോ? കഥാപാത്രത്തിന്റെ സൗന്ദര്യം മൂലമാണോ മമ്മൂട്ടിയെ തഴഞ്ഞത്? പ്രിയപ്പെട്ട ജോൺപോൾ പ്രതിഭകളെ ഇങ്ങനെ അപമാനിക്കാൻ താങ്കൾ കൂട്ടുനിൽക്കരുതായിരുന്നു! സംസ്ഥാന ചലച്ചിത്ര അവാർഡിന്റെ പിന്നാമ്പുറ വർത്തമാനം

August 12, 2015 | 10:28 AM IST | Permalink



ഈ അവാർഡ് നിവിൻ പോളി അർഹിക്കുന്നുണ്ടോ? കഥാപാത്രത്തിന്റെ സൗന്ദര്യം മൂലമാണോ മമ്മൂട്ടിയെ തഴഞ്ഞത്? പ്രിയപ്പെട്ട ജോൺപോൾ പ്രതിഭകളെ ഇങ്ങനെ അപമാനിക്കാൻ താങ്കൾ കൂട്ടുനിൽക്കരുതായിരുന്നു! സംസ്ഥാന ചലച്ചിത്ര അവാർഡിന്റെ പിന്നാമ്പുറ വർത്തമാനം

എം മാധവദാസ്

വാർഡുകളുടെ കളി പലപ്പോളും അങ്ങിനെയാണ്. ആയുഷ്‌ക്കാലം ശാന്തിയുടെ പ്രവാചകനായിരുന്ന മഹാത്മാഗാന്ധിക്ക് ഒരിക്കലും കൊടുക്കാതിരുന്ന സമാധാനത്തിനുള്ള നൊബേൽ സമ്മാനം, യുദ്ധക്കൊതിയൻ എന്നറിയപ്പെടുന്ന അമേരിക്കൻ മുൻ പ്രസിഡന്റ് റൊണാൾഡ് റീഗന് കിട്ടിയിട്ടുണ്ട്! അതുകൊണ്ട് ഗാന്ധിജിയുടെ മഹത്വം ലോകത്തിനു മുന്നിൽ കുറഞ്ഞുപോവുകയോ, ആസ്ഥാന യുദ്ധക്കൊതിയൻ എന്ന് റീഗന് മാലോകർ കൽപ്പിച്ചു നൽകിയ പദവി മാഞ്ഞുപോവുകയോ ചെയ്തിട്ടില്ല.അവാർഡുകളുടെ കാര്യം ഇത്രയൊക്കെയേ ഉള്ളൂ.ഓസ്‌ക്കാർ അവാർഡ് തൊട്ട് നമ്മുടെ സംഗീത നാടക അക്കാദമി അവാർഡ് വരെ ഒന്നും ഒന്നിനും അവസാന വാക്കല്ല.

ഒരു ജൂറിക്ക് ഇഷ്ടപ്പെടുന്ന പടങ്ങൾക്ക് മറ്റൊരു ജൂറിക്ക് നല്ല അഭിപ്രായം ഉണ്ടായിക്കൊള്ളണവും എന്നില്ല.( ഭാരതീരാജ പറഞ്ഞപോലെ, അന്തജൂറിവേറെ ഇന്ത ജൂറിവേറെ) കായിക ഇനങ്ങളെപ്പോലെ ടേപ്പ്വച്ച് അളന്ന് വിജയിയെ പ്രഖ്യാപിക്കാൻ കഴിയില്ലല്ലോ, കലാലോകത്ത്.അതുകൊണ്ടുതന്നെ അഭിപ്രായ വ്യത്യാസങ്ങൾ സ്വാഭാവികവും. പക്ഷേ എതൊരു കണ്ണുപൊട്ടനും അവാർഡ് കൊടുത്തുപോവുന്ന 'മുന്നറിയിപ്പ്', 'ഞാൻ സ്റ്റീവ് ലോപ്പസ'് ,'അപ്പോത്തിക്കിരി', 'ഇയ്യോബിന്റെ പുസ്തകം', 'ഞാൻ' തുടങ്ങിയ സിനിമകളെ ഒതുക്കിയത് അതിശയിപ്പിക്കുന്നതാണ്.മാത്രമല്ല, അവാർഡ് കമ്മറ്റിയിട്ടപ്പോൾതന്നെ ഇത്തവണ മമ്മൂട്ടിക്കും ഫഹദിനുമൊന്നും അവാർഡ് ഉണ്ടാവില്‌ളെന്ന് ചലച്ചിത്ര അക്കാദമിയിലെ ഒരു അംഗം തന്നെ പറഞ്ഞു നടക്കയായിരുന്നു. ആദ്യം ഗോസിപ്പെന്ന നിലയിൽ അത് തള്ളിയതായിരുന്നു. പക്ഷേ അവാർഡ് പ്രഖ്യാപനം അറിഞ്ഞപ്പോഴാണ് ഞെട്ടിയത്. അപ്പറഞ്ഞത് അക്ഷരംപ്രതി. മുൻകൂട്ടിതീരുമാനിച്ച് അവാർഡ് നൽകാനാണെങ്കിൽ എന്തിനാണ് ഒരു കമ്മറ്റി.

മാത്രമല്ല, ഇത് എഷ്യാനെറ്റ് അവാർഡോ, വനിതാ അവാർഡോ ഒക്കെയാണെങ്കിൽ കുഴപ്പമില്ലായിരുന്നു. കാരണം അവരുടെ കാശ് അവരുടെ അവാർഡ്. എന്നാൽ എന്നെയും നിങ്ങളെയുംപോലുള്ള നികുതിദായകരുടെ പണം എടുത്താണ് സംസ്ഥാന അവാർഡ് നൽകുന്നത്. (ഈ പരിപാടി മാറ്റണമെന്നും, നികുതിദായകരുടെതല്ല, ആസ്വാദകരുടെ പണം മാത്രമെടുത്താവണം സംസ്ഥാന അവാർഡ് കൊടുക്കേണ്ടതെന്ന് എംപി നാരായണപ്പിള്ള ഒരിക്കൽ എഴുതിയതിനെ തുടർന്ന് അന്നത്തെ നായനാർ സർക്കാർ ഇക്കാര്യം പരിഗണിച്ചിരുന്നു. സിനിമാ ടിക്കറ്റ് നിരക്കിൽ ഇതിനായി പത്തുപൈസയുടെയോ മറ്റോ നികുതി എർപ്പെടുത്തണമെന്നായിരുന്ന നാരായണപ്പിള്ളയുടെ നിർദ്ദേശം) ജൂറി അംഗങ്ങൾ പഞ്ചനക്ഷത്രഹോട്ടലുകളിൽ തങ്ങി മദ്യപിച്ച ബില്ലുപോലും സർക്കാർ വകയാണ്.( മൂന്നാലുകൊല്ലംമുമ്പൊരു ജൂറി ഇങ്ങനെ ലക്ഷക്കണക്കിന് രൂപക്ക് കുടിച്ചത് വിവാദമായിരുന്നു) അപ്പോൾ നമ്മൾ പൊതുജനങ്ങൾ അതിൽ സുതാര്യത പ്രതീക്ഷിക്കുന്നതിൽ തെറ്റുണ്ടോ? എറ്റവും ചുരുങ്ങിയത് ജൂറി അംഗങ്ങൾ ഇതൊക്കെ കണ്ടോയെന്ന് അറിയാനുള്ള അവകാശമെങ്കിലും പൊതുജനത്തിനില്ലേ.

ജോൺപോളിന് എന്തുപറ്റി

കടിച്ചപാമ്പിനെകൊണ്ടുതന്നെ വിഷമിറപ്പിക്കുക എന്ന പറഞ്ഞ രീതിയിലായിപ്പോയി ഈ പരിപാടി. അവാർഡ് നിർണ്ണയരീതികൾ സുഗമമാവേണ്ടതിനെക്കുറിച്ചും മറ്റും എപ്പോഴും പറയുന്ന, ലോക സിനിമയെ അറിയുന്ന, കഴിവുറ്റ തിരക്കഥാകൃത്തുകൂടിയായ ജോൺപോളിനെക്കൊണ്ട് അദ്ദേഹം നാളിതുവരെ പറഞ്ഞുവന്ന എല്ലാ ആശയങ്ങൾക്കും വിരുദ്ധമായി അവാർഡ് കൊടുപ്പിക്കാൻ അക്കാദമിയിലെ കാർക്കോടകന്മാർക്കായി.

'1983', 'ബാംഗ്‌ളൂർ ഡെയസ'് എന്നീ ചിത്രങ്ങളിൽ ശരാശരിക്ക് മുകളിൽ എന്നല്ലാതെ, അവാർഡ് കിട്ടാന്മാത്രം എന്ത് അസാധാരണമായ പ്രകടനമാണ് നിവിൻപോളിയിൽനിന്ന് ഉണ്ടായത്. അതുവരെ സ്വിറ്റേഷ്വണൽ കോമഡിയിൽ ഒതുങ്ങിനിന്ന നിവിൻ, ബാംഗ്‌ളൂർ ഡെയസ്്‌സിൽ ലൈവ് കോമഡിയും വ്യത്യസ്തമായ ശരീരഭാഷയുമായി രംഗത്തത്തെി പ്രേക്ഷകരെ രസിപ്പിച്ചുവെന്നത് സത്യമാണ്.ബാബുരാജും, ഭീമൻ രഘുവും കോമഡിചെയ്തപ്പോൾ പ്രേക്ഷകന് എതാണ്ട് ഇതേ മേക്ക് ഓവറാണ് ഉണ്ടായത്. '1983' എന്ന മികച്ച ചിത്രത്തിലും നിയന്ത്രിത അഭിനയംമൂലം നിവിൻ തന്റെ ഭാഗം ഭദ്രമാക്കിയിട്ടുണ്ട്. പക്ഷേ ഒരു അവാർഡിന് അതുപോരല്ലോ.ഇത് എഷ്യാനെറ്റ് അവാർഡോ, വനിതാ അവാർഡോ ഒക്കെയാണെങ്കിൽ കുഴപ്പമില്ലായിരുന്നു. കാരണം അവരുടെ കാശ് അവരുടെ അവാർഡ്. എന്നാൽ എന്നെയും നിങ്ങളെയുംപോലുള്ള നികുതിദായകരുടെ പണം എടുത്താണ് സംസ്ഥാന അവാർഡ് നൽകുന്നത്. (ഈ പരിപാടി മാറ്റണമെന്നും, നികുതിദായകരുടെതല്ല, ആസ്വാദകരുടെ പണം മാത്രമെടുത്താവണം സംസ്ഥാന അവാർഡ് കൊടുക്കേണ്ടതെന്ന് എംപി നാരായണപ്പിള്ള ഒരിക്കൽ എഴുതിയതിനെ തുടർന്ന് അന്നത്തെ നായനാർ സർക്കാർ ഇക്കാര്യം പരിഗണിച്ചിരുന്നു. 

ആരെയൊക്കെ തഴഞ്ഞാണ് നിവിന് അവാർഡ് നൽകിയതെന്ന് നോക്കുക. കഴിഞ്ഞ പത്തുവർഷത്തിനിടെ മലയാളത്തിൽ ഉണ്ടായ ഏറ്റവും നല്ല സിനിമകളിൽ ഒന്നെന്ന് വിലയിരുത്തപ്പെട്ട 'മുന്നറിയിപ്പിലെ' മമ്മൂട്ടിയെയും, 'ഇയ്യോബിന്റെ പുസ്തകത്തിലൂടെ' ഇടിവെട്ട് പ്രകടനം കാഴ്ചവച്ച ഫഹദ് ഫാസിലിനെയും മറികടന്നാണിത്. തൊട്ടുപിറകിൽ 'അപ്പോത്തിക്കിരിയിലെ' ജയസൂര്യയും, 'ഞാനിലെ' ദൂൽഖർ സൽമാനുമുണ്ട്. ഈ ജൂറി ഒരു കാര്യം ചെയ്യട്ടേ. കുറച്ച് എൽ.പിസ്‌ക്കൂൾ കുട്ടികളെ ഈപടങ്ങളൊക്കെ കാണിച്ച് ആരാണ് നല്ലനടൻ എന്നുചോദിച്ചുനോക്കുക. നിവിൻപോളി ഏറ്റവും അവസാനത്തായിരിക്കും. അതായത് കാഴ്ചക്ക് കുറവില്ലാത്ത എതൊരു പ്രേക്ഷകനും മമ്മൂട്ടിയുടെയും ഫഹദിന്റെയുമൊക്കെ അഭിനയ മികവ് പിടികിട്ടും. എന്നിട്ടും ജോൺപോളിനെപ്പോലുള്ള ലോകസിനിമകൾ അറിയുന്ന ഒരു പണ്ഡിതന് ഈ മാറ്റം മനസ്സിലായില്ലെന്ന് പറയുന്നത് അതിശയമാണ്.

രണ്ടുപേർ ശക്തമായ അഭിനയ മൽസരം ഉണ്ടാകുമ്പോൾ ജൂറിയിൽ ആശയക്കുഴപ്പവും ഭിന്നതയും ഉണ്ടാവുന്നത് സ്വാഭാവികം. മുമ്പ് ഒരു ദേശിയ അവാർഡിന് മമ്മൂട്ടിയുടെ വടക്കൻ വീരഗാഥയും , മോഹൻലാലിന്റെ കിരീടവും എത്തിയപ്പോൾ ജൂറിയിൽ കടുത്ത ഭിന്നതയുണ്ടായതായി വാർത്ത വായിച്ചത് ഓർമ്മയുണ്ട്. രണ്ടു നടന്മാരും ഒന്നിനൊന്നങ്ങ് അഭിനയച്ച് തകർക്കുമ്പോൾ ആർക്കാണ് അവാർഡ് നൽകുക. അവസാനം ജൂറി ചെയർമാന്റെ കാസ്റ്റിങ്ങ് വോട്ടിൽ, നേരിയ വ്യത്യാസത്തിന് മമ്മൂട്ടിക്ക് ദേശീയ അവാർഡ് കിട്ടി. എന്നാൽ ജൂറി മോഹൻലാലിനെ തഴഞ്ഞില്ല. അദ്ദേഹത്തിന് സ്‌പെഷ്വൽ ജൂറി അവാർഡ് കൊടുക്കുകയും ചെയ്തു. (അതും ഒരുമാന്യതയാണ്. ദേശീയ തലത്തിലെ മികച്ച നടനെ, സംസ്ഥാനത്തെ ഹാസ്യനടനാക്കി ആനന്ദിച്ചവർക്ക് അതൊന്നും പറഞ്ഞാൽ മനസ്സിലാവില്ല) തിലകനും, അമിതാബച്ചനും ദേശീയ അവാർഡിന് മൽസരിച്ചപ്പോഴും ജൂറിയിൽ വലിയ തർക്കം ഉണ്ടായിരന്നു. അത് പ്രതിഭയുടെ ധാരാളിത്തം കൊണ്ടാണ്. എന്നാൽ നമ്മുടെ സംസ്ഥാന അവാർഡിൽ അങ്ങനെ ഒരു സർഗാത്മക ഭിന്നതയുണ്ടായിരുന്നോ? ഇവിടെയെല്ലാം ഈസി വാക്കോവറായിരുന്നു. ആരോകൊടുത്ത ലിസ്റ്റ് അവർ അംഗീകരിച്ചപോലെ തോനുന്നു.

ലോക സിനിമ കുട്ടികളെ പഠിപ്പിച്ച് പഠിപ്പിച്ച് ജോൺപോൾ സാർ എവിടെയത്തെിയെന്തിന് മറ്റൊരു ഉദാഹരണമാണ് തിരക്കഥക്ക് 'ബാംഗ്‌ളൂർ ഡെയ്‌സിന്' കൊടുത്തത്. സാറേ, ഐസൻസ്റ്റീൻ മുതൽ കിം കീഡുക്ക് വരെ സാറ് ഉദ്ധരിക്കാറുള്ള എത് ചലച്ചിത്ര പ്രതിഭയുടെ രചനാസങ്കേതമായിരുന്ന് ഇതിൽ പ്രയോഗിച്ചത്. ഒരു വാണിജ്യ സിനിമയുടെ എല്ലാം മസാലക്കൂട്ടുകളും ലക്ഷണമൊത്ത രീതിയിൽ അരച്ചുകലക്കുകയാണോ, നല്ല തിരക്കഥയുടെ ലക്ഷണം. 'ഇയ്യോബിന്റെ പുസ്തകത്തിലെ' ലാലിന്റെ പ്രകടനം കണ്ടില്ലെന്ന് നടിച്ച്, നമ്മുടെ അനൂപ് അണ്ണനെ മികച്ച സഹനടനാക്കിയത് മറ്റൊരു കോമഡി. ഈ സിനിമയിലെ ലാലിന്റെ ശൈലിയെ ബ്രാന്റോയോടൊക്കെ താരതമ്യം ചെയ്ത് ഒരിടത്ത് താങ്കൾ സംസാരിച്ചത് ഇത്രവേഗം മറന്നുപോയോ. ലോക സിനിമ അത്യാവശ്യം നന്നായി അറിയുന്ന അനൂപ് മേനോൻ ഈ അവാർഡ് കേട്ട് ചിരിച്ചപോയി എന്നാണ് അറിയാൻ കഴിഞ്ഞത്. ആ പാവം പിടിച്ച നടി സേതുലക്ഷ്മി സഹനടിക്കുള്ള അവാർഡ് കേട്ട് തലകറങ്ങിപ്പോയിരിക്കണം. 'ഹൗ ഓൾഡ് ആർ യൂവിലെ' അവരുടെ ഹ്യൂമർടച്ചുള്ള കഥാപാത്രത്തിന് അവാർഡ് കിട്ടുമെന്ന് ആരും കരുതിയിരുന്നില്ല. മറ്റുള്ളവരെ ഹീനമായി ഒതുക്കാൻവേണ്ടിയാണ് ,അല്ലാതെ സേതുലക്ഷ്മിയോടുള്ള സ്‌നേഹം കൊണ്ടല്ല ഈ അവാർഡ് എന്നൊക്കെ ആർക്കും മനസ്സിലാവും. ഇങ്ങനെനോക്കുമ്പോൾ കലാമേന്മയും ജനപ്രീതിയുമുള്ള ചിത്രത്തിനുള്ള അവാർഡ് 'ഓം ശാന്തി ഓശനക്ക്' കിട്ടിയതിൽ അമ്പരപ്പൊന്നും വേണ്ട.രണ്ടുപേർ ശക്തമായ അഭിനയ മൽസരം ഉണ്ടാകുമ്പോൾ ജൂറിയിൽ ആശയക്കുഴപ്പവും ഭിന്നതയും ഉണ്ടാവുന്നത് സ്വാഭാവികം. മുമ്പ് ഒരു ദേശിയ അവാർഡിന് മമ്മൂട്ടിയുടെ വടക്കൻ വീരഗാഥയും , മോഹൻലാലിന്റെ കിരീടവും എത്തിയപ്പോൾ ജൂറിയിൽ കടുത്ത ഭിന്നതയുണ്ടായതായി വാർത്ത വായിച്ചത് ഓർമ്മയുണ്ട്. രണ്ടു നടന്മാരും ഒന്നിനൊന്നങ്ങ് അഭിനയച്ച് തകർക്കുമ്പോൾ ആർക്കാണ് അവാർഡ് നൽകുക. 

ഇനി നോക്കുക. തഴയപ്പെട്ട ചിത്രങ്ങളെല്ലാം വ്യക്തമായ രാഷ്ട്രീയ സാംസ്‌ക്കരിക കാഴ്ചപ്പാടുകൾ ഉള്ളവയാണ്. അവാർഡ് കിട്ടയതോ വെറും പൈങ്കിളിവ്യക്തി അതിഷ്ഠിത ജീവിതത്തെ പ്രോൽസാഹിപ്പിക്കുന്നതും. ഈ ഒരു കാഴ്ചപ്പാട് അനുസരിച്ചാണെങ്കിൽ അടുത്ത തവണ രാജ്‌മോഹൻ ഉണ്ണിത്താന്റെ നേതൃത്വത്തിലുള്ള ജൂറി മതി.ഉണ്ണിത്താനും ഒരു ചലച്ചിത്ര പ്രതിഭയല്ലേ!

സൗന്ദര്യം മമ്മൂട്ടിക്ക് ശാപമായപ്പോൾ !

ഇനി അവാർഡിന്റെ പിന്നാമ്പുറ കഥകൾ ഇങ്ങനെയാണ്. ചലച്ചിത്ര അക്കാദമി ഡെപ്യൂട്ടി ഡയറക്ടറായ ബീനാപോൾ അക്കാദമിയെ നിശിതമായി വിമർശിച്ചുകൊണ്ടാണ് ഈയിടെ പടിയിറങ്ങിയത്. എന്തൊക്കെ പറഞ്ഞാലും തിരുവനന്തപുരം അന്താരാഷ്ട്ര ചലച്ചിത്രോൽസവത്തെയൊക്കെ മാതൃകാപരമായി നടത്തുന്നതിന് ബീനാപോൾ വഹിച്ച പങ്ക് നിർണായകമാണ്. ബീനാപോളിന്റെ ഭർത്താവും പ്രശസ്ത ഛായാഗ്രാഹകനുാമയ വേണുമാണ് 'മുന്നറിയിപ്പിന്റെ' സംവിധായകൻ. അപ്പോൾ പിന്നെ കാര്യങ്ങൾ കൂടുതൽ വിശദീകരിക്കണ്ടല്ലോ. ഇത്തവണ ഈ പടത്തെ നിലം തൊടീക്കിലെന്ന് അവാർഡ് പ്രഖ്യാപനത്തിന്മുമ്പേതന്നെ ചിലർ പ്രഖ്യാപിച്ചിരുന്നു.

വാണിജ്യസിനിമകളുടെ വക്താക്കളെ മാത്രം ഉൾക്കൊള്ളിച്ചുകൊണ്ടാണ് ഇത്തണ ജൂറിയുണ്ടാക്കിയത്.അതിൽതന്നെ ക്യാമറാൻ സണ്ണിജോസഫ് കമ്മറ്റിയിൽനിന്ന് ഇറങ്ങിയും പോയി. അദ്ദേഹത്തിന്റെ അഭാവത്തിലാണ് മികച്ച ക്യാമറാനുള്ള അവാർഡ് നിർണ്ണയിച്ചത്.ഛായാഗ്രഹണത്തിലെ സൗന്ദര്യം ആസ്വദിക്കാൻ സംവിധായകർ മാത്രം മതിയെന്ന നിലപാടാണ് ജൂറി ചെയർമാൻ ജോൺപോൾ എടുത്തത്.അങ്ങനെയാണെങ്കിൽ സംഗീതത്തിനും മറ്റുവിഭാഗങ്ങൾക്കുമൊക്കെ സംവിധായകർ മാത്രം പോരെ. തീർത്തും ടെക്‌നിക്കലായ ചില കാര്യങ്ങൾ മനസ്സിലാക്കാൻ അതാത് മേഖലിലെ വിദഗ്ദ്ധർതന്നെ വേണം. (വർഷങ്ങൾക്കുമുമ്പ് ഒരു സംസ്ഥാന ജൂറിയിൽ നടി സീമ അംഗമായിരുന്നു. അന്ന് 'തക്ഷശില'യെന്ന ചിത്രം പ്രദർശിപ്പിച്ചപ്പോൾ ഹിമാലയം കണ്ട്, ഇത് ഒറിജിനൽ മഞ്ഞാണോ എന്ന് അവർ ചോദിച്ചവെന്നത് വലിയ തമാശയായിരുന്നു.)ലോക സിനിമ കുട്ടികളെ പഠിപ്പിച്ച് പഠിപ്പിച്ച് ജോൺപോൾ സാർ എവിടെയത്തെിയെന്തിന് മറ്റൊരു ഉദാഹരണമാണ് തിരക്കഥക്ക് 'ബാംഗ്‌ളൂർ ഡെയ്‌സിന്' കൊടുത്തത്. സാറേ, ഐസൻസ്റ്റീൻ മുതൽ കിം കീഡുക്ക് വരെ സാറ് ഉദ്ധരിക്കാറുള്ള എത് ചലച്ചിത്ര പ്രതിഭയുടെ രചനാസങ്കേതമായിരുന്ന് ഇതിൽ പ്രയോഗിച്ചത്. ഒരു വാണിജ്യ സിനിമയുടെ എല്ലാം മസാലക്കൂട്ടുകളും ലക്ഷണമൊത്ത രീതിയിൽ അരച്ചുകലക്കുകയാണോ, നല്ല തിരക്കഥയുടെ ലക്ഷണം. 'ഇയ്യോബിന്റെ പുസ്തകത്തിലെ' ലാലിന്റെ പ്രകടനം കണ്ടില്ലെന്ന് നടിച്ച്, നമ്മുടെ അനൂപ് അണ്ണനെ മികച്ച സഹനടനാക്കിയത് മറ്റൊരു കോമഡി. ഈ സിനിമയിലെ ലാലിന്റെ ശൈലിയെ ബ്രാന്റോയോടൊക്കെ താരതമ്യം ചെയ്ത് ഒരിടത്ത് താങ്കൾ സംസാരിച്ചത് ഇത്രവേഗം മറന്നുപോയോ.

ഇനി ജോൺപോൾ പറഞ്ഞതായി ചില മാദ്ധ്യമങ്ങളിൽ വന്ന വാർത്തയും വിവാദമായിട്ടുണ്ട്. ജയിലിൽ കിടന്ന രാഘവന്റെ ( 'മുന്നറിയിപ്പിൽ' മമ്മൂട്ടി ചെയ്ത കഥാപാത്രം) ഭംഗിയാണ് അവാർഡ് നൽകാതിരാക്കാൻ കാരണമത്രേ. എങ്കിൽ ആ അവാർഡ് മമ്മൂട്ടിക്ക് വേണ്ടെന്ന് എഴുത്തുകാരനും 'മുന്നറിയിപ്പിന്റെ' രചന നിർവഹിക്കുകയും ചെയ്ത ഉണ്ണി. ആർ തുറന്നടിക്കുന്നു. ഒരു നടന്റെ അഭിനയമല്ല രൂപമാണ് മാനദണ്ഡമെങ്കിൽ ജൂറി ചെയർമാനോട്, ഹാ കഷ്ടമമെന്നേ പറയാനുള്ളൂവെന്ന് ഉണ്ണി വ്യക്തമാക്കി.

'കേരളത്തിൽ അങ്ങോളമിങ്ങോളമുള്ള ജയിലുകൾ സന്ദർശിച്ച ശേഷമാണ് ഈ സിനിമക്ക് വേണ്ടിയുള്ള കഥാപാത്രത്തെ വാർത്തെടുത്തത്. ഇതിന് ഉത്തമ ഉദാഹരമാണ് ഗോവിന്ദചാമി. ജയിലിൽ പോവുമ്പോൾ ഉള്ള രൂപവും, പിന്നീട് ഒരു വർഷത്തിന് ശേഷം മാദ്ധ്യമങ്ങളിൽ അയാളെ വീണ്ടും കാണിച്ചപ്പോൾ ഉള്ള മാറ്റവും നാമെല്ലാം കണ്ടതാണ്. മുന്നറിയിപ്പിലെ രാഘവനും ജയിലിനുള്ളിൽ തന്നെയാണ് ജോലി. അയാൾ ഭക്ഷണം കഴിച്ച് വെയിൽ കൊള്ളാതെ മതിലുകൾക്കുള്ളിൽ സ്വതന്ത്രനായി ജീവിക്കുകയാണ്.ഇനിയുള്ള ജയിൽ കഥാപാത്രങ്ങൾ വിരൂപരായിരിക്കണമെന്ന് സർക്കാരിനോട് ജൂറി ചെയർമാൻ അഭ്യർത്ഥിക്കരുതെന്ന ഒരു അപേക്ഷ കൂടിയുണ്ട്'.ഉണ്ണി. ആർ ഒരു പ്രമുഖ മാദ്ധ്യമത്തിന് നൽകിയ അഭിമുഖത്തിൽ ചൂണ്ടിക്കാട്ടി.

ഇത് ശരിയാണെങ്കിൽ നാടൻ ഭാഷയിൽ 'തൂറി തോൽപ്പിക്കുക' എന്നുപറയുന്നപോലുള്ള ഒരുപരിപാടിയല്ലേ. ഒരു നടന്റെ സൗന്ദര്യം നോക്കിയാണോ അവാർഡ് കൊടുക്കുക. പക്ഷേ ആ കഥാപാത്രത്തിന്റെ ശരീരഭാഷയിലേക്ക് കൃത്യമായി എത്തുന്നുണ്ട് മമ്മൂട്ടി. സൗന്ദര്യം കൂടിപ്പോയതിന്റെ പേരിൽ ലോക ചരിത്രത്തിൽ ആദ്യമായി അവാർഡ് നിഷേധിക്കപ്പെടുന്ന താരം മമ്മൂട്ടിയായിരിക്കും!ഇങ്ങനെ മൊത്തത്തിൽ കോമഡിയായിട്ടും ഈ അവാർഡിനെക്കുറിച്ച് കാര്യമായ പ്രതിഷേധം ഉയരാത്തത് അതിശയമാണ്. ജോൺപോൾ എന്ന വ്യക്തിയോടുള്ള ബഹുമാനവും,അദ്ദേഹത്തിന്റെ അത്യസന്ധതയിലുള്ള വിശ്വാസവും ആയിരക്കണം ഒരുപക്ഷേ ഇതിനുകാരണം. ജോൺപോളിനെ മുന്നിൽനിർത്തി കളിച്ചവർ ആഗ്രഹിച്ചതും അതുതന്നെ.

നിവൻപോളി: വിമർശനങ്ങൾക്ക് തടയിടാനുള്ള മറ

ഇതിനർഥം നിവൻപോളി ജൂറി അംഗങ്ങളെ സ്വാധീനിച്ച് എന്തെങ്കിലും അനർഹമായി ചെയ്തു എന്നല്ല.യാതൊരു ഉപജാപങ്ങൾക്കുംപോവാതെ സ്വന്തം കരിയർമാത്രം നോക്കിപ്പോവുന്ന ഒരാളാണ് നിവിനെന്ന് ഇൻഡസ്ട്രിയിൽ എല്ലാവർക്കും അറിയാം. അവാർഡിന്റെ അവസാനഘട്ടത്തിലാണ്, താൻ പരിഗണിക്കപ്പെടുന്നുണ്ടെന്ന വിവരംപോലും നിവിൻ അറിഞ്ഞത്.

പക്ഷേ ജൂറിയുടെ പ്രശ്‌നം നിവിൻ എന്ന വ്യക്തിയല്ല. താരമാണ്. 'പ്രേമം'ന്റെ സർവകാല റിക്കോർഡ് ഇട്ടതോടെ നിവിന്റെ പ്രതിഫലം മമ്മൂട്ടിക്കും ലാലിനും തുല്യമായി ഉയർന്നുവല്ലോ.ഇനിയുള്ള മലയാള വ്യാവസായിക സിനിമയെ നിയന്ത്രിക്കുന്ന ശക്തികളിൽ പ്രമുഖൻ ഈ നടൻ കൂടിയാണ്.സൂപ്പർതാരം എന്ന് അനൗൺസ് ചെയ്യുന്നില്‌ളെങ്കിലും പ്രഥ്വീരാജും ദിലീപും അടക്കമുള്ള നിരയെ ബഹുദൂരം പിന്തള്ളിക്കൊണ്ട് നിവിൻ ആ പദവിയിലേക്ക് ഉയർന്നുകഴിഞ്ഞു. അങ്ങനെ വരുമ്പോൾ വിപണിയുടെ വലിയൊരു സാധ്യതയാണ് നിവൻപോളി പ്രീതിയിലൂടെ ഈ ജൂറിയിലെ വിളഞ്ഞവിത്തുകളിൽ പലരും ലക്ഷ്യമിടുന്നത്. ജൂറിചെയർമാൻ താങ്കൾക്ക് അവാർഡ് നൽകുന്നതിന് അവസാന നിമിഷവും എതിരായിരുന്നെന്നും, പിന്നെ ഞങ്ങളൊക്കെ ശക്തമായി സമ്മർദം ചെലുത്തിയാണ് കാര്യങ്ങൾ ഈ വഴിക്ക് കൊണ്ടുവന്നതെന്ന്, യാതൊരു ഉളുപ്പുമില്ലാതെ ഇവർ വൈകാതെ നിവിന്റെ ചെവിയിലും എത്തിക്കും.ഒപ്പം അവരുടെ ചാർച്ചക്കാർക്ക് നിവിന്റെ ഡേറ്റും വേണം!

അല്ലെങ്കിൽ അപ്പപ്പോൾ കാണുന്നവനെ അപ്പായെന്ന് വിളിക്കാൻ സിനിമക്കാരെക്കാൾ മിടുക്കർ ആരാണുള്ളത്. 'പ്രേമം' സിനിമയെക്കുറിച്ച് എന്താണ് അഭിപ്രായമെന്ന് നമ്മുടെ പ്രമുഖ സംവിധായകരോടും എഴുത്തുകാരോടും ചോദിച്ചുനോക്കൂ. അത് വെറും ചവറാണെന്ന് സൗഹൃദ സദസ്സുകളിൽ വിദേശമദ്യവും അച്ചാറും തൊട്ടുനക്കി സിദ്ധാന്തിക്കുന്ന ഒറ്റൊരുത്തനം പക്ഷേ അത് പരസ്യമായി പറയാൻ ധൈര്യമില്ല. കാരണം നിവൻപോളിയുടെ താരപദവിയെ അവർ ഭയക്കുന്നു.സംവിധായകൻ കമൽ പറഞ്ഞ ബാലിശമായ അഭിപ്രായമല്ലാതെ 'പ്രേമവും' മലയാളി പ്രേക്ഷകരുടെ മാസ് സൈക്കോളജിയും തമ്മിലുള്ള ആരോഗ്യകരമായ സംവാദംപോലും ഇവിടെയുണ്ടായില്ല. പ്രേമം കണ്ട് ചിരിക്കുന്നവർക്കാണോ അതോ എനിക്കാണോ ഭ്രാന്ത് എന്ന് ചോദിച്ച് ഗായകൻ വേണുഗോപാൽ ഇട്ട പോസ്റ്റ് ,എന്തുകൊണ്ടാണ് പിൻവലിക്കണമെന്ന് അദ്ദേഹത്തിനുതന്നെ തോന്നിയത്. അതായത് പണവും, താരപദവിയുമുള്ളവനെ എല്ലാവരും അബോധമായി ഭയക്കുന്നുവെന്ന് ചുരുക്കം. ഈ മൈൻഡ് സെറ്റിന്റെ ഉപോൽപ്പന്നമാണ് സത്യത്തിൽ നിവിന് കിട്ടിയ ഈ അവാർഡ്. ഇത് നിവിൻ എന്ന സൂപ്പർതാരത്തിനുള്ള ദക്ഷിണയാണ്. അല്ലാതെ നടനുള്ളതല്ല.

ഇനി നോക്കുക, ഇത്രയും വലിയൊരു അനീതി നടന്നിട്ട് ഫേസ്‌ബുക്കിലെ പിള്ളേരല്ലാതെ,ചലച്ചിത്രലോകത്തുനിന്ന് കാര്യമായ എന്തെങ്കിലും പ്രതിഷേധമുണ്ടായോ? ഇതിനുവേണ്ടിതന്നെയാണ് അവർ നിവിന് കൊടുത്തതും. വിപണിയിലെ നമ്പർ 1 ബ്രാൻഡിന്റെപേര് മുന്നിൽ എടുത്തിട്ടാൽ വിമർശിക്കാൻ ആരുമുണ്ടാവില്‌ളെന്ന് അവർക്ക് നന്നായി അറിയാം.അല്ലാതെ നിവിനോടുള്ള സ്‌നേഹം കൊണ്ടല്ല. ഒരുകാരണവശാലും ചിലർക്ക് അവാർഡ് കൊടുക്കരുതെന്ന് ഈ ജൂറി ആദ്യമേ തീരുമാനിച്ചിട്ടുണ്ട്്. അത് മുങ്ങിപ്പോവണമെങ്കിൽ നിവിനെതന്നെ മുന്നിലിടണം. രാഷ്ട്രീയക്കാർ നമിച്ചുപോവുന്ന കുടില ബുദ്ധിയാണ് ചലച്ചിത്ര അക്കാദമിയുടെതുതെന്ന് പറയാതെ വയ്യ!ജൂറിയുടെ പ്രശ്‌നം നിവിൻ എന്ന വ്യക്തിയല്ല. താരമാണ്. 'പ്രേമം'ന്റെ സർവകാല റിക്കോർഡ് ഇട്ടതോടെ നിവിന്റെ പ്രതിഫലം മമ്മൂട്ടിക്കും ലാലിനും തുല്യമായി ഉയർന്നുവല്ലോ.ഇനിയുള്ള മലയാള വ്യാവസായിക സിനിമയെ നിയന്ത്രിക്കുന്ന ശക്തികളിൽ പ്രമുഖൻ ഈ നടൻ കൂടിയാണ്.സൂപ്പർതാരം എന്ന് അനൗൺസ് ചെയ്യുന്നില്‌ളെങ്കിലും പ്രഥ്വീരാജും ദിലീപും അടക്കമുള്ള നിരയെ ബഹുദൂരം പിന്തള്ളിക്കൊണ്ട് നിവിൻ ആ പദവിയിലേക്ക് ഉയർന്നുകഴിഞ്ഞു.

കൂട്ടത്തിൽ പറയട്ടെ, ഈ ലേഖകന് നിവിൻപോളിയോട് യാതൊരു വിരോധവുമില്‌ളെന്ന് മാത്രമല്ല, അയാളുടെ ആരാധകൻ കൂടിയാണ്. നിവിനെപ്പോലുള്ള മിടുക്കൻ അഭിനേതാക്കൾ കയറിവരുന്നത് മലയാള സിനിമയെ ശക്തിപ്പെടുത്തുകയാണ് ചെയ്യുക. ( ചുവരില്ലാതെ, ചിത്രം വരക്കാനാവില്ലല്ലോ? സിനിമയില്‌ളെങ്കിൽ പിന്നെന്ത് നിരൂപണം) പക്ഷേ അർഹരെ തഴഞ്ഞ് പുരസ്‌ക്കരങ്ങൾ വീതം വെക്കുകയും, പരിണിതപ്രജ്ഞനായ ജോൺപോളിനെപ്പോലൊരാൾ അതിന്കൂട്ടുനിൽക്കയും ചെയ്യുന്നതിനോടാണ് കടുത്ത പരിഭവവും പ്രതിഷേധവും.

വാൽക്കഷ്ണം:മുമ്പ് 'വെള്ളരിപ്രാവിന്റെ ചങ്ങാതിയെന്ന' സിനിമയിലെ അഭിനയത്തിന് നമ്മുടെ ദിലീപേട്ടന് അവാർഡ് നൽകിയതാണ് ഇപ്പോൾ ഓർമ്മവരുന്നത്. ഒരു ശരാശരി റോൾ.അന്നും നല്ല അഭിനേതാക്കൾ തഴയപ്പെട്ടു. അവാർഡ് കിട്ടിയപ്പോൾ തലക്ക് അടികിട്ടിയപോലായിപ്പോയെന്നാണ് ദിലീപിന്റെ ആദ്യ പ്രതികരണം. അന്നത്തെ ജൂറി ചെയർമാൻ ഭാഗ്യരാജ് പിന്നീട് ദിലീപിന്റെ അടുത്തസുഹൃത്തായെന്നാണ് കേട്ടത്. തൊട്ടടുത്ത വർഷം അവർ 'മിസ്റ്റർ മരുമകൻ' എന്ന സിനിമയുമായത്തെി. ഇനി നിവിനെവച്ച് ആരൊക്കെ എന്തൊക്കെ പടമെടുക്കുമെന്നും എത്ര ഏക്കർ സബർജില്ലി തോട്ടം വാങ്ങുമെന്നൊക്കെ കാത്തിരുന്ന് കാണാം!

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
പിഡിപ്പിക്കു വേണ്ടി പ്രഖ്യാപിച്ച വെടി നിർത്തൽ മുതലെടുത്ത് ഭീകരർ അഴിഞ്ഞാടിയതോടെ സഖ്യത്തെ എന്നും എതിർത്തിരുന്ന ആർഎസ്എസ്സിന്റെ വിമർശനങ്ങൾക്ക് മറുപടി പറയാനാവാതായി; കശ്മീരിൽ കാവിക്കൊടി പാറിക്കാനുള്ള നീക്കം പാളിയതോടെ ഭരണം തന്നെ ഉപേക്ഷിച്ചു ബിജെപി; ഇനി ഭീകര വിരുദ്ധ പോരാട്ടത്തിന്റെ കാഠിന്യം കൂട്ടും: തെരഞ്ഞെടുപ്പിന് മുൻപ് ഇൻഡോ- പാക് യുദ്ധം തന്നെ ഉണ്ടായാലും അത്ഭുതപ്പെടേണ്ടതില്ല.
കല്യാൺ മുതലാളിയെ കുറിച്ച് സത്യം പറഞ്ഞപ്പോൾ പൊലീസ് ഏമാന്മാർക്ക് വല്ലാതങ്ങു നൊന്തു; വാർത്ത പ്രസിദ്ധീകരിച്ച മറുനാടനെതിരെ കേസെടുക്കാൻ ധൈര്യമില്ലാത്തതിനാൽ പൊലീസ് ഷെയർ ചെയ്ത ചെറുപ്പക്കാരെ വേട്ടയാടുന്നു; മൊബൈൽ ഫോൺ പിടിച്ചെടുത്തും കോടതിയിൽ ഹാജരാക്കിയും പൊലീസ് പീഡനം; പ്രതി ചേർക്കപ്പെട്ടവരുടെ കേസ് സൗജന്യമായി ഏറ്റെടുത്ത് മറുനാടൻ
'നിങ്ങൾ മുസ്ലീമായതിനാൽ എനിക്ക് നിങ്ങളുടെ ജോലിയിൽ വിശ്വാസമില്ല; കാരണം കസ്റ്റമർ സർവ്വീസിന് ഖുർആനിൽ വ്യത്യസ്തമായൊരു വേർഷനാണുള്ളത്'; തന്റെ പരാതി മുസ്ലീങ്ങൾ നോക്കേണ്ടെന്ന് എയർടെൽ ഉപഭോക്താവ്; അനുകൂല മറുപടി നൽകിയ കമ്പനിക്കെതിരെ സോഷ്യൽ മീഡിയയിൽ പ്രതിഷേധം; ഇനി എയർടെല്ലിൽ തുടരില്ലെന്ന് പ്രഖ്യാപിച്ച് ജമ്മുകശ്മീർ മുൻ മുഖ്യമന്ത്രി ഒമർ അബ്ദുല്ല അടക്കമുള്ള പ്രമുഖർ
തൊഴിലാളി യൂണിയനുകളുടെ നട്ടെല്ല് തല്ലിയുടയ്ക്കാൻ ഉറച്ച് തച്ചങ്കരി; രണ്ട് വർഷമായി യൂണിയൻ പോലും മിണ്ടാൻ പേടിച്ചിരുന്ന ശമ്പള വർധന ചർച്ചയാക്കി സിഎംഡി; വെള്ളാനകളെ പിണ്ടം വച്ച് തുടങ്ങിയതോടെ ജോലിയെടുക്കുന്ന ജീവനക്കാർക്ക് ശമ്പളം വർധിപ്പിക്കുന്ന കാര്യം ആലോചിച്ച് ടോമിൻ; യൂണിയൻ പ്രവർത്തനം നിർത്തി ജീവനക്കാർ കെസ്ആർടിസിയെ നന്നാക്കാൻ രംഗത്തിറങ്ങി തുടങ്ങി
തലയിലും മുഖത്തും കയ്യിലുമായി ഉണ്ടായത് പതിനഞ്ചോളം മുറിവുകൾ; പ്രതി പതിനാറുകാരനാണെന്ന് അറിഞ്ഞപ്പോൾ പ്രൊഫഷണൽ കില്ലറെ അന്വേഷിച്ച് നടന്ന പൊലീസും ഞട്ടി; അരക്കിണറിലെ ആമിനയെ കൊല്ലാൻ കൗമാരക്കാരന് പ്രചോദനമായത് ആക്ഷൻ സിനിമകൾ: അതിവിദഗ്ദമായി തെളിവുകൾ നശിപ്പിച്ചു മുങ്ങിയ 16കാരനെ പിടികൂടാൻ സഹായമായത് മുറിക്കുള്ളിൽ നിന്നും കിട്ടിയ ബട്ടൻസ്
വെട്ടിയത് ഉമ്മൻ ചാണ്ടിയല്ല രാഹുൽ ഗാന്ധി തന്നെ; തീർന്നു കുര്യാ നിങ്ങൾ തീർന്നു; പിജെ കുര്യന്റെ രാജ്യസഭാ സ്ഥാനം തെറിച്ചത് ബിജെപി പിന്തുണയോടെ ഒരുവട്ടം കൂടി രാജ്യസഭാ വൈസ് ചെയർമാനാകാനുള്ള നീക്കം മണത്തറിഞ്ഞ്; തീരുമാനം എടുത്തത് മോദിയുടേയും അമിത് ഷായുടേയും അടുപ്പക്കാരനായി അവസരം നോക്കി കാലുമാറുമെന്ന് വ്യക്തമായപ്പോൾ  
കാനായി തൊമ്മന്റെ പിന്തുടർച്ചക്കാർ തന്നെയാണോ ക്നാനായക്കാർ? ഡിഎൻഎ ടെസ്റ്റ് നടത്തി അല്ലെന്ന് സ്ഥാപിച്ച് അമേരിക്കയിൽ നിന്ന് ഒരു ക്നാനായക്കാരൻ; മുരളി തുമ്മാരുകുടി ഡിഎൻഎ ടെസ്റ്റിലൂടെ നായർ വേരുതേടി പോയതിന്റെ പിന്നാലെ നടത്തിയ ഡിഎൻഎ ടെസ്റ്റ് ചർച്ചയാക്കി ക്നാനായ വിശ്വാസികൾ; ശുദ്ധരക്തവാദം സംരക്ഷിക്കാൻ വിശ്വാസികളും രംഗത്ത്
ഭാര്യയുടെ 'ബ്രാ' കഴുകാൻ വിസമ്മതിച്ചാൽ തന്തയ്ക്ക് വിളിക്കും; മകളെ നോക്കി ചിരിച്ചതിന്റെ പേരിൽ നല്ല നടപ്പിന് വിധിക്കും; എസ് എ പി ക്യാമ്പിൽ പൊലീസുകാർക്ക് വറക്കുന്ന മീൻ മകളുടെ പട്ടിക്ക് കൊണ്ടു കൊടുത്തില്ലെങ്കിലും നടപടി; അടുക്കളപ്പണിയും അടിമപ്പണിയും മടുത്ത് പൊലീസുകാർ; മകൾ മാത്രമല്ല എഡിജിപിയും പുള്ളിപ്പുലി തന്നെ; അസഭ്യവർഷം സഹിക്കാതെ കാർ നിർത്തിയപ്പോൾ എഡിജിപിയുടെ മകളുടെ മർദ്ദനം ഏറ്റ പൊലീസുകാരന്റെ പരിക്ക് ഗുരുതരം
തയ്യൽക്കടയുടെ ബോർഡ് വീടിന്റെ മുമ്പിൽ; ഒരു മണിക്കൂറുകൾക്കുള്ളിൽ വസ്ത്രം തയ്ച്ചു കൊടുക്കപ്പെടുമെന്നും പരസ്യവാചകം; ടെയിലറിങ് കടയിൽ എത്തിയവരെല്ലാം കാറിലെത്തി തിരിച്ചു പോകുന്ന കസ്റ്റമേഴ്‌സും; സീമയുടെ വാണിഭ ബുദ്ധി പൊളിച്ചത് നാട്ടുകാരുടെ സംശയം; പ്രധാന പ്രതി വഴുതിപോയ നിരാശയിൽ പൊലീസ്; പുഴയ്ക്കലിലെ മാഫിയയുടെ വേര് തേടി അന്വേഷണം
പൃഥ്വിരാജിനെ ലാലിനെ കൊണ്ട് 'കടക്ക് പുറത്തെന്ന്' പറയിച്ചു; വിശ്വസ്തരെ കുത്തി നിറച്ച് 'അമ്മ'യെ കൈക്കലാക്കി കരുത്ത് കാട്ടി; മമ്മൂട്ടിയെ നായകനാക്കി സംവിധായകനാകാനുള്ള തയ്യാറെടുപ്പും; മകളുടെ കൈപിടിച്ച് 'അമ്മ വീട്ടിലെത്തി' മഞ്ജു വാര്യരുടെ സുഹൃത്തുക്കളെ പോലും ഞെട്ടിച്ച നയതന്ത്രം; അറസ്റ്റ് ചെയ്ത എവി ജോർജ് കേസിൽ കുടുങ്ങിയതും ആത്മവിശ്വാസം കൂട്ടി; ദിലീപിന്റേത് കരുതലോടെയുള്ള ഉറച്ച നീക്കങ്ങൾ; നടിയെ ആക്രമിച്ച കേസിന് ഇനി എന്ത് സംഭവിക്കും?
തൊടുപുഴ പൊലീസ് രജിസ്റ്റർ ചെയ്ത വഞ്ചനാ കേസ് തടയാനുള്ള എല്ലാ ശ്രമവും പരാജയപ്പെട്ടു; പിണറായി സർക്കാരിന്റെ റിപ്പോർട്ടും എത്തിയതോടെ സുപ്രീംകോടതിയിൽ നൽകിയ ഹർജി തള്ളി; നികേഷ് കുമാറിന്റെ ജാമ്യം റദ്ദ് ചെയ്ത് അറസ്റ്റ് ചെയ്യാൻ സാധ്യത; ചാനൽ കൈമോശം സംഭവിക്കുമെന്നായപ്പോൾ കിട്ടുന്ന വിലയ്ക്ക് വിറ്റൊഴിയാൻ നീക്കം; റിപ്പോർട്ടർ ചാനൽ വാങ്ങാനുള്ള ചർച്ചകളുമായി വിവാദ വ്യവസായികളായ സുന്ദർമേനോനും സിസി തമ്പിയും
ദിലീപിന് സർക്കാറിന്റെ ചെക്ക്..! സർക്കാറിനെയും പൊലീസിനെ പ്രതിക്കൂട്ടിലാക്കുന്ന വാദമുന്നയിക്കുന്ന താരത്തോട് യാതൊരു ദാക്ഷിണ്യവും വേണ്ടെന്ന ഉറച്ച നിലപാടിൽ മുഖ്യമന്ത്രി; സിബിഐ അന്വേഷണ ആവശ്യം വിചാരണ തടസപ്പെടുത്താനെന്ന് പറഞ്ഞ് ഹൈക്കോടതിയിൽ പ്രതിരോധം തീർത്ത് സർക്കാർ; വിചാരണ തുടങ്ങിയാൽ അഴിയെണ്ണേണ്ടി വരുമെന്ന ഭീതിയിൽ ജനപ്രിയൻ
സിപിഎം കേന്ദ്രങ്ങൾ കടുത്ത സമ്മർദ്ദം ചെലുത്തിയിട്ടും ഊരാളുങ്കൽ സൊസൈറ്റി ചുളുവിൽ അടിച്ചുമാറ്റിക്കൊണ്ടിരുന്ന കോടികൾ വെട്ടി തച്ചങ്കരി; വളഞ്ഞ വഴിയിലൂടെ ഒരു ടിക്കറ്റിന് പത്തു രൂപയോളം അടിച്ചു മാറ്റിയിരുന്ന ഊരാളുങ്കലുകാരനെ പുറത്താക്കി കരാർ നേരിട്ടു നൽകി എംഡി; ഒരു ടിക്കറ്റിന് 15.5 രൂപ നൽകിയിരുന്നത് 3.25 ആക്കിയതോടെ കെഎസ്ആർടിസി ലാഭിക്കുന്നത് കോടികൾ; ടോമിനെതിരെ സിപിഎമ്മിലും മുറുമുറുപ്പ്
സുഖം അന്വേഷിക്കാൻ പോലും ആരും തിരിഞ്ഞു നോക്കാറില്ല; വീട്ടിലുള്ളവരോട് പോലും കടുത്ത ദേഷ്യം; പത്രക്കാരെ കണ്ടാൽ ആട്ടിയോടിക്കും; ആകെ നരച്ച മുടിയും എല്ലും തോലുമായ രൂപവും; അലട്ടാൻ രോഗങ്ങളുടെ കൂമ്പാരം; വീടിന് പുറത്തിറങ്ങിയിട്ട് വർഷം ഒന്നാകാറായി; മന്ത്രി സ്ഥാനം ഒഴിഞ്ഞ ശേഷം തിരുവനന്തപുരം കണ്ടിട്ടില്ല; രണ്ട് കൊല്ലം മുൻപ് മന്ത്രി മന്ദിരത്തിൽ വസിച്ച് കൊടി വച്ച കാറിൽ പാഞ്ഞു നടന്നിരുന്ന കെ ബാബു ഇപ്പോൾ ആരോടും ഒന്നും മിണ്ടാതെ ഇവിടെയുണ്ട്
ഇസ്ലാമായ അയൽവാസിയെ എതിർപ്പുകളെ അവഗണിച്ച് വിവാഹം ചെയ്തപ്പോൾ കൂടെയുണ്ടായിരുന്നത് ദാരിദ്യം മാത്രം; കഷ്ടപാട് തീർക്കാൻ ഭാര്യയെ ഗൾഫിലേക്ക് അയച്ചത് വഴിത്തിരിവായി; വർഷങ്ങൾ പ്രവാസ ജീവതം നയിച്ച് സമ്പാദിച്ചത് കോടികൾ; വസ്ത്ര വ്യാപാരം പൊടിപൊടിച്ചപ്പോൾ വന്ന വഴി മറന്നു; രണ്ടരക്കൊല്ലം മുമ്പ് യുവാവിനെ വെട്ടിപരിക്കേൽപ്പിച്ചതും മകളുമായി അടുത്തതിന്റെ പേരിൽ; ദുരഭിമാനത്തിന്റെ പേരിൽ കെവിനെ വകവരുത്തിയ കുടുംബത്തിന്റെ കഥ
അറിയാത്ത പണി ചെയ്യുന്നത് ഇനിയും നിർത്താനായില്ലേ ലാലേട്ടാ..? ഓസ്‌ട്രേലിയയിലെ പെർത്തിലും മോഹൻലാലിന്റെ 'ലാലിസം'; റെക്കോർഡ് ചെയ്ത പാട്ടിനൊപ്പം ചുണ്ടനക്കിയപ്പോൾ വീണ്ടും വമ്പൻ പാളിച്ച; പ്രയാഗാ മാർട്ടിനൊപ്പം 'ചന്ദ്രികയിൽ അലിയുന്ന ചന്ദ്രകാന്തം' പാടിയപ്പോൾ പണി പാളി; മുമ്പേ പോയ പാട്ടിനെ പിടിക്കാൻ ഞെട്ടലോടെ മൈക്കെടുത്തു സൂപ്പർസ്റ്റാർ: സോഷ്യൽ മീഡിയയിൽ വൈറലാകുന്ന വീഡിയോ കാണാം
കാമുകൻ മതിയെന്ന് മകൾ വാശി പിടിച്ചപ്പോൾ അച്ഛൻ നാണംകെട്ടു; ഒളി സങ്കേതം കണ്ടെത്താനുള്ള ദൗത്യം ഏറ്റെടുത്ത് രഹന പൊലീസ് സ്റ്റേഷനിലെത്തി; അനീഷിന്റെ വീട്ടിലേക്കുള്ള വഴി എഎസ്ഐയിൽ നിന്ന് മനസ്സിലാക്കി കെവിനെ നേരിൽ കണ്ടുള്ള അനുനയം പൊളിഞ്ഞു; ഭീഷണി വിലപോകാതെ വന്നപ്പോൾ ഗൾഫിലുള്ള മകനെ വിളിച്ചു വരുത്തി; വിവാഹം സാധുവാകും മുമ്പ് നീനുവിനെ വിധവയാക്കിയത് അമ്മയുടെ പക; ഭർത്താവിനേയും അച്ഛനേയും ഒളിവിൽ താമസിപ്പിച്ചത് ഷാനുവിന്റെ ഭാര്യയോ? ദുരഭിമാനക്കൊലയിലെ വില്ലത്തികളെ കുടുക്കാനുറച്ച് പൊലീസ്
ഏഴേ മുക്കാലോടെ ആദ്യമെത്തിയത് ഇടവേള ബാബു; തൊട്ടുപിറകേ അച്ഛനും മകളും; മുത്തച്ഛന്റെ കാല് തൊട്ട് വന്ദിക്കാൻ അമ്മാവൻ നിർദ്ദേശിച്ചപ്പോൾ അനുസരിച്ച് മീനാക്ഷി; അമ്മയ്ക്ക് അടുത്ത് പോയി ആശ്വാസം ചൊരിഞ്ഞ ശേഷം അച്ഛനടുത്ത് ഇരിപ്പുറപ്പിച്ച് മകൾ; ചടങ്ങ് കഴിഞ്ഞ് തിരിച്ചെത്തും വരെ കാത്തിരിപ്പ്; മധുവാര്യരെ കൈപിടിച്ച് കുലുക്കി സമാധാനിപ്പിച്ച് മകളുമൊത്ത് മടക്കം; അപ്പുപ്പന്റെ മുഖം മകളെ അവസാനമായി കാണിക്കാൻ മഞ്ജു വാര്യരുടെ വീട്ടിൽ ദിലീപ് എത്തിയത് അതീവരഹസ്യമായി
അവൾ അനശ്വര രക്തസാക്ഷിയെന്ന് നഴ്‌സിങ് സമൂഹം; എല്ലാമെല്ലാമായ അമ്മയെ മരണം വിളിച്ചപ്പോൾ ഒരു അന്ത്യചുംബനം പോലും നൽകാൻ സാധിക്കാതെ രണ്ടു പിഞ്ചുമക്കൾ; സഹജീവികൾക്ക് ആശ്വാസം നൽകാനുള്ള ശ്രമത്തിനിടെ നിപ്പ വൈറസ് ബാധിച്ചു മരിച്ച ലിനിയെ വൈദ്യുതി ശ്മശാനത്തിൽ രാത്രി തന്നെ സംസ്‌ക്കരിച്ചത് രോഗം പകരാനുള്ള സാധ്യത ഒഴിവാക്കാൻ; വിടപറഞ്ഞ പ്രിയ മാലാഖയ്ക്കായി കണ്ണീർവാർത്ത് സഹപ്രവർത്തകരും ബന്ധുക്കളും
സീൻ ഡാർക്കായത് അവനും അവന്റെ ചേട്ടത്തിയമ്മയ്ക്കും; ഡൽഹിയിൽ ശരീരം വിറ്റ് നടക്കുന്ന ഒരു സംഘി; ഏതോ ഒരുത്തൻ പട്ടിയുടെ കൂടെ ഇരിക്കുന്ന പടമെന്ന കമന്റും ഊള ലാൽ ഫാൻസും; സ്റ്റേജിൽ പുലയാട്ടു നടത്തുന്ന ഒരുത്തിയുടെ പേരാണ് റിമി ടോമി; കലാഭവൻ മണിയുടെ മരണത്തിലെ സംശയം ഉന്നയിച്ചവർക്കെല്ലാം തെറിവിളി; ലസിതാ പാലക്കലിനെ കിടപ്പറയിലേക്ക് ക്ഷണിച്ചപ്പോൾ പണി കിട്ടി; ഇനി ചാനലുകളിൽ അവതരണത്തിന് വിളിക്കില്ല; തരികിട സാബുവിനെ കണ്ടെത്താൻ പൊലീസ്
വെട്ടിയത് ഉമ്മൻ ചാണ്ടിയല്ല രാഹുൽ ഗാന്ധി തന്നെ; തീർന്നു കുര്യാ നിങ്ങൾ തീർന്നു; പിജെ കുര്യന്റെ രാജ്യസഭാ സ്ഥാനം തെറിച്ചത് ബിജെപി പിന്തുണയോടെ ഒരുവട്ടം കൂടി രാജ്യസഭാ വൈസ് ചെയർമാനാകാനുള്ള നീക്കം മണത്തറിഞ്ഞ്; തീരുമാനം എടുത്തത് മോദിയുടേയും അമിത് ഷായുടേയും അടുപ്പക്കാരനായി അവസരം നോക്കി കാലുമാറുമെന്ന് വ്യക്തമായപ്പോൾ