‘അമ്മയിൽ’നിന്ന് സിപിഎമ്മിന് പഠിക്കാനുള്ളത്!
എം മാധവദാസ്
വഞ്ചന, ബലാൽസംഗം, കള്ളക്കടത്ത്, വിദേശനാണ്യചട്ടലഘനം----- ഒരു ശരാശരി ഇന്ത്യൻ പൗരന് ആയുഷ്ക്കാലം മുഴുവൻ ഇരുമ്പഴിക്കുള്ളിൽ കഴിയാൻ കഴിയുന്ന കുറ്റകൃത്യങ്ങളെക്കുറിച്ചുള്ള റിപ്പോർട്ട് പുറത്തുവന്നിട്ടം അമൃതാനന്ദമയീമഠം അധികൃതർക്കെതിരെ ഒരു ചെറുവിരലനക്കാൻപോലും കഴിയാത്തതെന്തുകൊണ്ടാണ്? കൈരളി ടിവിയിൽ വന്ന ഗെയിൽ ട്രെഡ്വെല്ലിന്റെ അഭിമുഖത്തിന്റെ പേരിൽ രണ്ടു ലോക്സഭാസീറ്റുകൾ നഷ്ടമായെന്ന് സിപിഐ(എം) നേതാക്കൾതന്നെ അടക്കംപറയാനുള്ള സാഹചര്യം പ്രബുദ്ധകേരളത്തിൽ എങ്ങനെയുണ്ടായി. ‘അമ്മ’യിൽനിന്ന് സി.പി.എമ്മിന് എന്തൊക്കെയാണ് പഠിക്കാനുള്ളത്?
സത്യസായിബാബയിൽനിന്ന് സന്തോഷ് മാധവനിലേക്കുള്ള ദൂരം
ഏതാണ്ട് പത്തിരുപത് വർഷങ്ങൾക്കുമുമ്പ്, ഇന്ന് ഗെയിൽ ട്രെഡ്വെൽ പൊട്ടിച്ചപോലൊരു വെടി, മറ്റൊരു സായിപ്പ് പുസ്തകരൂപത്തിൽ പൊട്ടിച്ചിരുന്നു. അന്നത്തെ ഏറ്റവും ശക്തനായ ആൾദൈവം സത്യനാരായണ രാജു എന്ന സായി ബാബക്കെതിരെ, താൾബ്രൂക്ക് എന്ന ഓസ്ട്രേലിയൻ സായിപ്പാണ്, കേട്ടാൽ അറച്ചുപോകുന്ന രതി വൈകൃതങ്ങൾ അടങ്ങുന്ന ‘ലോർഡ് ഓഫ് ദി എയർ’ (വായുഭഗവാൻ) എന്ന പുസ്കം എഴുതിയത്. ഇന്ത്യൻ ആത്മീയതയെക്കുറിച്ചുള്ള അന്വേഷണങ്ങൾക്കൊടുവിൽ, അമൃതാനന്ദമയിയുടെ ശിഷ്യയായി ഗെയിൽ ട്രെഡ്വെൽ എത്തിയപോലെ, സായിബാബയെ ആത്മീയ ഗുരുവായിക്കണ്ട് ജീവിതം സമർപ്പിച്ച് ദീർഘകാലം അദ്ദേഹത്തിനുവേണ്ടി പുട്ടപർത്തിയിലും മറ്റും സേവനംചെയ്തയ്യാളാണ് താൾ സായിപ്പ്. 'വിശുദ്ധ നരകത്തിന്’ സമാനമായ അന്തരീക്ഷമാണ് ഈ കൃതിയിലും നിറഞ്ഞു നിൽക്കുന്നത്.
ആശ്രമത്തിലെ നിരവധി പുരുഷന്മാരോടും സ്ത്രീകളോടും ബാബ ലൈംഗിക ബന്ധം പുലർത്തുന്നത് താൻ നേരിട്ടുകണ്ടെന്ന് താൾ ബ്രൂക്ക് സാക്ഷ്യപ്പെടുത്തുന്നു. ആശ്രമത്തിലെ വിധവകളെയും എന്തിന് പ്രായപൂർത്തിയാവാത്ത കുട്ടികളെപോലും ബാബ ഈ രീതിയിൽ ഉപയോഗിച്ചിരുന്നെന്ന് പുസ്തകം സാക്ഷ്യപ്പെടുത്തുന്നു. ജ്ഞാനത്തിന്റെ കേന്ദ്രമായി കുണ്ഡലിനി ഉണർത്താൻ രഹസ്യകൂടിക്കാഴ്ചക്ക് വിളിച്ചുവരുത്തിയാണത്രേ, ബാബ വേഴ്ച നടത്തുക. ഒരിക്കൽ അനുഗ്രഹം തേടി രഹസ്യകൂടിക്കാഴ്ചക്ക് എത്തിയ തനിക്കുണ്ടായ അനുഭവം താൾബ്രൂക്ക് എഴുതിയതിങ്ങനെ.-
‘ ബാബ എന്റെ തല പിടിച്ച് അദ്ദേഹത്തിന്റെ നാഭിയിലേക്ക് അടുപ്പിച്ച് പാതി ഉദ്ധരിച്ച അവസ്ഥ കാണിച്ചുതന്നു. ബാബ മുരളുന്നുണ്ടായിരുന്നു. ഇതാണ് നിങ്ങളുടെ മോക്ഷത്തിലേക്കുള്ള പാതയെന്ന് അദ്ദേഹം പറഞ്ഞു. വളരെ ശ്രദ്ധാപൂർവം ആലോചിച്ചശേഷം എനിക്ക് ഇതുവേണ്ടെന്നും അങ്ങയുടെ ഹൃദയം മതിയെന്നും ഞാൻ പറഞ്ഞു? ഹൃദയം നിനക്ക് ലഭിച്ചുകഴിച്ചുവെന്നും, നിനക്ക് പോകാമെന്നുമായിരുന്നു ബാബയുടെ മറുപടി’.
കൃഷ്ണന്റെ അവതാരമാണെന്നും അതിനാൽ താനുമായി ലൈംഗിക ബന്ധം പുലർത്തിയാൽ സ്ത്രീകളുടെ കന്വകാത്വം നഷ്ടമാവില്ലെന്നും ബാബ പ്രചരിപ്പിച്ചിരുന്നത്രേ. മുടിയിലും വസ്ത്രങ്ങളിലും അതുമിതും ഒളിപ്പിച്ച് കൈയടക്കത്തിലൂടെ അത് പുറത്തെടുത്ത് ദിവ്യശക്തിയാണെന്ന് പ്രചരിപ്പിക്കുന്ന ബാബയുടെ തട്ടിപ്പുതൊട്ട്, സ്വർണവും പണവുമെല്ലാം വാരിക്കൂട്ടുന്നതടക്കമുള്ള ഞെട്ടിപ്പിക്കുന്ന അരമന രഹസ്യങ്ങളാണ് താൾ സായിപ്പ് പുറത്തുവിട്ടത്. അതായത് സത്യബാബമുതൽ സന്തോഷ് മാധവൻ വരെയുള്ളവർ ഒരേ ജനുസ്സിൽ പെട്ടവരാണെന്ന് ചുരുക്കം. ഇത് ‘അമ്മ’ യുടേയൊ ബാബയുടെ വ്യക്തിപരമായ വിഷയമല്ല; ആൾദൈവ വ്യവസായത്തിന്റെ ഉപോല്പന്നമാണ്. അതിൽ നല്ല ആൾദൈവം, ചീത്ത ആൾദൈവം എന്നൊന്നില്ല. ലൈഫ്ബോയിയുടെ പരസ്യംപോലെ എവിടെ ആൾദൈവമുണ്ടോ അവിടെ ചൂഷണവുമുണ്ട്.
ഇന്ത്യൻ മാദ്ധ്യമങ്ങൾ പതിവുപോലെ വാർത്ത മുക്കാൻ ശ്രമിച്ചെങ്കിലും ബി.ബി.സി അടക്കമുള്ള ലോക മാദ്ധ്യമങ്ങൾ ബാബയുടെ തട്ടിപ്പിനെതിരെ രംഗത്തത്തെി. ഇന്ത്യ ടൂഡെയാണ് സർവരെയും ഞെട്ടിച്ചത്. ബാബയുടെ സകല തട്ടിപ്പുകളും രതിവൈകൃതങ്ങളും അക്കമിട്ട് നിരത്തി അവർ കവർ സ്റ്റോറി പ്രസിദ്ധീകരിച്ചു. സംഘപരിവാർ നേതാക്കൾക്കുപോലും ബാബയെ ന്യായീകരിക്കാനായില്ല. ( അന്ന് ഇതുപോലെ കുബുദ്ധി ഉപദേശിച്ചുകൊടുക്കാൻ രാഹുൽ ഈശ്വറൊന്നും ഉണ്ടായിരുന്നുമില്ല!)
ദിവ്യാത്ഭുദ അനാവരണവുമൊക്കെയായി നടന്നിരുന്ന ഈ ലേഖകനൊക്കെ കരുതിയിരുന്നത് ബാബ ഇനി ഒരിക്കലും തലപൊക്കില്ലെന്നാണ്. തട്ടിപ്പാണെന്ന് മനസ്സിലായതോടെ വിശ്വാസി സമൂഹം ഒന്നടങ്കം ഇറങ്ങി ബാബക്ക് പണികൊടുക്കുമെന്നായിരുന്നു ഞങ്ങൾ ധരിച്ചിരുന്നത്. പക്ഷേ, ഒരു ചുക്കും സംഭവിച്ചില്ല. ഇന്ത്യൻ ആൾദൈവങ്ങൾ ഉണ്ടാക്കുന്ന മാനസിക അടിമത്തത്തിന്റേതും വിധേയത്വത്തിന്റേയും അളവ് എത്ര വലുതാണെന്ന് അന്നാണ് മനസ്സിലാക്കിയത്. മാത്രമല്ല ആശുപത്രികളും, ഗ്രാമങ്ങൾ ദത്തെടുക്കലും, കുടിവെള്ള പദ്ധതികളും , വിദ്യാഭ്യാസ സ്ഥാപനങ്ങളുമായി ബാബ അപ്പോഴേക്കും സമാന്തര ഭരണകൂടമായി മാറിയിരുന്നു. പുട്ടപർത്തിയിലും വൈറ്റ് ഫീൽഡിലും ബാബയുണ്ടാക്കിയ സൂപ്പർ സ്പെഷ്യാലിറ്റി ആശുപത്രികളുടെ സേവനം മഹത്തരം തന്നെയാണ്. ഒരു പക്ഷേ കാഷ് കൗണ്ടറില്ലാത്ത ലോകത്തിലെ ഏക ആശുപത്രിയാവും വൈറ്റ് ഫീൽഡിലേത്. ( വരട്ടുചൊറിക്കുള്ള ചികിൽസ ഇനത്തിപ്പോലും ആയിരങ്ങൾ ബില്ലടയ്ക്കേണ്ട അമൃത ആശുപത്രിയൊക്കെ ഇവിടെ ഒന്നുപോയി കാര്യങ്ങൾ മനസ്സിലാക്കണം)
ഈവിധ സാമൂഹ്യപ്രവർത്തനങ്ങളൊക്കെ ചെയ്യുന്നതുകൊണ്ട് സാധാരണ ജനം ബാബയ്ക്കൊപ്പമായിരുന്നു. സത്യത്തിൽ ഭരണകൂടം തങ്ങളുടെ ഉത്തരവാദിത്തത്തിൽനിന്ന് മാറുന്നതുമൂലമുണ്ടായ പ്രശ്നമാണിത്. ആ ലൂപ്പ് ഹോളിലാണ് ബാബ പിടിച്ചുകയറിയത്. നിങ്ങൾ എന്തു കുറ്റകൃത്യവും ചെയ്തോളൂ, അതിൽ ഒരു പങ്ക് പാവങ്ങൾക്ക് കൊടുത്താൽ മതി. ആരും നിങ്ങളെ തൊടില്ല. ഈ ശരാശരി മൂന്നാലോക യുക്തി തന്നെയല്ലേ, അമൃതാന്ദമയീമഠത്തെയും രക്ഷിച്ചത്.
സർവശക്തയ്യായ ‘അമ്മ’
ബാബയുടെ അനുഭവം മുന്നിലുണ്ടായുകൊണ്ടാണ്, ഇന്ത്യൻ ആൾദൈവങ്ങൾ ക്രിമിനൽ നിയമനടപടിക്രമങ്ങൾക്കും പൊലീസിനും കോടതിക്കും അതീതരാണെന്നും അവരെ ഒന്നും ചെയ്യാൻ കഴിയില്ലെന്നും ഗെയിൽ ട്രെഡ്വെൽ വിവാദകാലത്ത് ഈ ലേഖകനൊക്കെ പറഞ്ഞത്. എന്നാലും സമ്പൂർണ സാക്ഷരതനേടിയ, സാസ്ക്കാരിക പ്രബുദ്ധരായ കേരളത്തിലാണിതുണ്ടായത് എന്നതുകൊണ്ട്, ഒരു ചട്ടപ്പടി അന്വേഷണമെങ്കിലും പ്രതീക്ഷിച്ചിരുന്നു. ഇനി അഥവാ, അന്വേഷണമുണ്ടായാൽതന്നെ ഉദ്യോഗസ്ഥർ അവർക്ക് വേണ്ടപ്പെട്ടവരാവും. സത്നംസിങ്ങെന്ന പാവം ആത്മീയ അന്വേഷകനെ തല്ലിക്കൊന്ന കേസ് അന്വേഷിക്കുന്ന തികഞ്ഞ ‘അമ്മ‘ ഭക്തയ്യായ ഒരു വനിതാ ഐ.ജിയാണ്. അവരുടെ മകൾ അമൃതാമെഡിക്കൽകോളജിൽതന്നെയാണ് പഠിക്കുന്നത് എന്ന് ഓർക്കുമ്പോൾ അന്വേഷണം എത്ര കാര്യക്ഷമമാവുമെന്ന് വ്യക്തമാണ്.
എന്തെല്ലാം ചോദ്യങ്ങളാണ് ഗെയിൽ ട്രെഡ്വെൽ അവശേഷിപ്പിക്കുന്നത്. ലൈംഗിക അതിക്രമങ്ങളും അരാജകത്വവും മാത്രമല്ലല്ലോ, രാജ്യ സുരക്ഷയെ ബാധിക്കുന്ന പ്രശ്നങ്ങളും ഇവിടെയില്ലേ? എവിടെ നിന്നൊക്കെയാണ് മഠത്തിന് ഫണ്ട് വരുന്നത്. സ്വർണത്തോടും പണത്തോടും അതീവ ആർത്തിയുണ്ടെന്ന് ഗെയിൽ ട്രെഡ്വെൽ വിശേഷിപ്പിച്ച അമൃതാന്ദമയി എന്തൊക്കെയാണ് ഗ്രീൻ ചാനലിലൂടെ കൊണ്ടുവരുന്നത്? സ്വിസ് ബാങ്കിലുണ്ടെന്ന് പറയുന്ന കോടികൾ എത്രയാണ്? ഇന്ത്യക്കാരുടെ വിദേശബാങ്കുകളിലെ കള്ളപ്പണം വെളിച്ചത്തു കൊണ്ടുവരുമെന്ന് പറഞ്ഞ് അധികാരത്തിലേറിയ നരേന്ദ്ര മോദി ഇപ്പോൾ എന്തുപറയുന്നു.
അതേസമയം ഒരു മലയണ്ണാനെ കൊന്നുതിന്നതിന്റെ പേരിൽ അഞ്ചുവർഷം ശിക്ഷിക്കപ്പെട്ടവരും, പൊലീസ് നായ കുരച്ചതിന്റെ പേരിൽ പ്രതിയാക്കപ്പെട്ടവരും ഉള്ള നാടണിത്. തീവ്രവാദക്കേസുകളിൽ വിചാരണത്തടവുകാരവായി എത്ര പാവങ്ങളാണ് ജാമ്യം കിട്ടാതെ ജയിലുകളിൽ കഴിയുന്നത്. ( മുൻകൂട്ടി നോട്ടീസടിച്ച്, നാട്ടുകാരെയെല്ലാം ക്ഷണിച്ച് ഓഡിറ്റോറിയത്തിൽ പട്ടാപ്പകൽ നടത്തിയ ഒരു പൊതുയോഗമാണ് പാനായിക്കുളം സിമി ക്യാമ്പെന്നപേരിൽ ഇന്ന് എൻ.ഐ.എ അനേഷിക്കുന്നതെന്നോർക്കണം!) അതേസമയം കുറ്റകൃത്യത്തിൽ കൂട്ടുപ്രതിയായുള്ളവൻ തെളിവു സഹിതം അക്കമിട്ട് പറഞ്ഞിട്ടും എങ്ങുമത്തൊത്ത എത്ര കേസുണ്ട് ഇവിടെ. കുഞ്ഞാലിക്കുട്ടിക്കെതിരെ റൗഫ് നടത്തിയ വെളിപ്പെടുത്തൽ, പി.ജെ കുര്യനെതിരെ സൂര്യനെല്ലി പെൺകുട്ടിയുടെ മൊഴിയും പിന്നീട് ധർമ്മരാജന്റെ വെളിപ്പെടുത്തലും ഉദാഹരണങ്ങൾ. കാശും പ്രതാപവും ഉള്ളവർക്ക് എന്തും ചെയ്യാവുന്ന വെള്ളരിക്കാപ്പട്ടണമായി കേരളവും മാറുകയാണെന്ന് ‘അമ്മ‘ വിവാദവും അടിവരയിടുന്നു.
കുറ്റവാളികൾക്കെതിരെ നടപടിയില്ലെന്നതു പോകട്ടെ, കുറ്റകൃത്യത്തെക്കുറിച്ച് എഴുതുന്നവരെയും വിമർശിക്കുന്നവരെയും കേസിൽ കുടുക്കി വിരട്ടി നിർത്താനാണ് അധികൃതരുടെ നീക്കം. ലേഖനമെഴുതുന്നവരെയും എന്തിന് ഫേസ്ബുക്കിൽ പോസ്റ്റിടുന്നവരെപ്പോലും കണ്ണുരുട്ടി പേടിപ്പിക്കയാണ് കേരളത്തിലെ പൊലീസ് സംവിധാനം. പരസ്യങ്ങൾ മുടക്കിയും, സെലിബ്രിറ്റികളെക്കൊണ്ട് സമ്മർദംചെലുത്തിയും മാദ്ധ്യമങ്ങളെയും അവർ സ്വാധീനിക്കയാണ്. വന്നുവന്ന് ഗെയിൽ ട്രെഡ്വെല്ലിന്റെ പുസ്തകത്തിന്റെ പരസ്യം കൊടുക്കാൻപോലും ചില മാദ്ധ്യമങ്ങൾക്കിപ്പോൾ പേടിയാണ്. മലയാള മാദ്ധ്യമ ചരിത്രത്തിൽ എക്കാലവും ഓർക്കാവുന്ന ഒന്നാണ് ഗെയിൽ ട്രെഡ്വെല്ലുമായി കൈരളി ടി.വി എം.ഡി ജോൺ ബ്രിട്ടാസ് നടത്തിയ അഭിമുഖം. പക്ഷേ സി.പി.എമ്മിന് കനത്ത തിരിച്ചടിയാണ് അതുണ്ടാക്കിയതെന്ന് പിന്നീട് നേതാക്കൾ രഹസ്യമായി സമ്മതിക്കുന്നു.
സിപിഐ(എം) പഠിക്കേണ്ട പാഠം
കടുത്ത പോരാട്ടമാണ് നടക്കുന്നതെങ്കിലും, വോട്ടെണ്ണലിന് തൊട്ടുമുമ്പുവരെ ആലപ്പുഴ, കൊല്ലം സീറ്റുകളിൽ ജയിക്കുമെന്ന ശുഭപ്രതീക്ഷയിലായിരുന്നു ഇടതുമുന്നണി. ഫലം വന്നപ്പോൾ പി.ബിയംഗവും, സി.പി.എമ്മിന്റെ പ്രധാനമന്ത്രി സ്ഥാനാർഥിയുമായ എം.എ ബേബിയടക്കമുള്ളവർ മൂക്കുകുത്തിവീണു. പിണറായിയുടെ പരനാറി പ്രയോഗംതൊട്ട് തോൽവിക്കുള്ള കാരണങ്ങൾ പലതുണ്ടെങ്കിലും, ബൂത്തടിസ്ഥാനത്തിൽ തീരദേശത്തുനിന്നുള്ള കണക്കെടുത്താൽ ,സിപിഐ(എം) വോട്ടിൽ വൻ ചോർച്ചയുണ്ടായതായി കാണാം. കാരണം ലളിതം. സൂനാമി പുനരധിവാസമടക്കമുള്ള നിരവധി ക്ഷേമപ്രവർത്തനങ്ങളുമായി തീരദേശവാസികളെ കൈയിലെുടക്കാൻ മഠത്തിന് കഴിഞ്ഞു. മഠം അവരുടെ സംരക്ഷകനും തൊഴിൽ ദാതാവുമാണ്. അതുകൊണ്ടുതന്നെ മഠത്തെ തകർക്കാൻ, കൈരളി ടി.വി ശ്രമിക്കുന്നു എന്ന ആരോപണത്തിൽ അവരുടെ വോട്ട് ഒലിച്ചുപോയി. (പി.ജയരാജന്റെ ഫേസ്ബുക്ക് പോസ്റ്റ് അപ്രത്യക്ഷമായതൊക്കെ ഈ സൂചന മുൻകൂട്ടികണ്ടുകൊണ്ടാണ്. എന്തിന് സാക്ഷാൽ വി എസ് പോലും എത്ര മൃദു സമീപനമാണ് ഈ വിഷയത്തിൽ കൈക്കൊണ്ടത്.) അവസാനഘട്ടത്തിൽ ഈ ധ്രുവീകരണം മനസ്സിലാക്കിയ സിപിഐ(എം) പ്രവർത്തകർ വീടുവീടാന്തരം കയറിയിറങ്ങി, കൈരളി പാർട്ടി ചാനലല്ലെന്നും, അവർക്ക് സ്വതന്ത്രമായി നിലപാടെടുക്കാമെന്നൊക്കെ പറയേണ്ടിയും വന്നു.
സത്യത്തിൽ ആരാണ് ഈ ധ്രുവീകരണത്തിന് ഉത്തരവാദി? നേരത്തെ ബാബ ഗ്രാമങ്ങൾ ദത്തെടുത്ത അവസ്ഥ പറഞ്ഞപോലെ, സർക്കാർ തങ്ങളുടെ ഉത്തരവാദിത്വത്തിൽനിന്ന് പിന്മാറുന്നതുകൊണ്ടല്ലേ ഇങ്ങനെ സംഭവിക്കുന്നത്? സി.പി.എമ്മടക്കമുള്ള സംഘടനകൾ സുനാമി പുനരധിവാസത്തിന് കാശുപിരിച്ച് സർക്കാറിന് കൈമാറിയപ്പോൾ, അമൃതാന്ദമയീമഠം സ്വന്തമായി വീടുണ്ടാക്കിക്കൊടുത്ത് സമാന്തര ഭരണകൂടമായി. അങ്ങനെയൊരു നീക്കം ഒരു സർക്കാറും അനുവദിക്കരുതായിരുന്നു. ഇനി സർക്കാറിന് ഫണ്ടില്ലായിരുന്നെങ്കിൽ, കേരളത്തിലെ ഏറ്റവും വലിയ പാർട്ടിയായ സിപിഐ(എം) എന്തുകൊണ്ട് മൽസ്യത്തൊഴിലാളികൾക്ക് വീടുണ്ടാക്കി കൊടുത്തില്ല. കോടികൾ പൊടിച്ച് പാർട്ടി കോൺഗ്രസുകളും, പ്ളീനങ്ങളും നടത്തുന്നതിനേക്കാൾ പാർട്ടിക്ക് മുതൽക്കുട്ടാവുക ഇവയായിരുന്നു. തങ്ങൾ പിറകോട്ടുപോയാൽ ഈ സ്പേസ് ഇത്തരം ശക്തികൾ ഉപയോഗപ്പെടുത്തുമെന്ന ബോധം കേരളത്തിലെ ഇടതുപക്ഷത്തിന് ഉണ്ടാവണം.
കൂട്ടത്തിൽ പറയട്ടേ, ബംഗാളിലേതുപോലെ തകർന്നടിയുന്നതിൽനിന്ന് കേരളത്തിലെ സി.പി.എമ്മിനെ രക്ഷിച്ചത് സഹകരണസംഘങ്ങളും, ബാങ്കുകളും, ആശുപത്രികളും മാദ്ധ്യമസ്ഥാപനങ്ങളും, അടങ്ങുന്ന വിശാലമായൊരു സാമ്പത്തിക ശൃംഖലയാണ്. പി.എസ്.സി കഴിഞ്ഞാൽ കേരളത്തിലെ ഏറ്റവും വലിയ തൊഴിൽ ദാതാവാണ് ഇന്നും സിപിഐ(എം). ബംഗാളിൽ ഇത്രകാലം ഭരിച്ചിട്ടും അവർക്ക് ഈ രീതിയിലുള്ള ഒരു സംവിധാനം ഉണ്ടാക്കാനായിട്ടില്ല. (സത്യത്തിൽ സായിബാബ വൈറ്റ് ഫീൽഡിൽ നിർമ്മിച്ചതുപോലെ കാഷ് കൗണ്ടറില്ലാത്ത ഒരു ആശുപത്രി കേരളത്തിൽ ഇടതുപക്ഷത്തിന് ജനകീയാരോഗ്യപ്രവർത്തകരുടെ സഹായത്തോടെ സൃഷ്ടിക്കാവുന്നതേയുള്ളൂ. എന്നാൽ പരിയാരത്തെ കോഴ മെഡിക്കൽ കോളജിനെപ്പോലെയുള്ള വ്യാജ മാതൃകകൾ സൃഷ്ടിക്കാനാണ് അവർ ശ്രമിക്കുന്നത്.) അതിനെ പിന്തള്ളിയാണ് ഇന്ന് മഠത്തിന്റെ വളർച്ച. മഠം വലിയ തൊഴിൽ ദാതാവാകുമ്പോൾ, എന്ത് അതിക്രമം അവിടെ നടന്നാലും ആശ്രിതർക്ക് അതിനെ ന്യായീകരിക്കേണ്ടതായും വരും.
ഇതേ പരിപാടി തന്നെയല്ലേ, ഇപ്പോൾ വലിയ ബിസിനസുകാരും നടത്തുന്നത്? ആരാണ് കേരളത്തിന് ഏറ്റവും വലിയ രക്തബാങ്ക് ഉണ്ടാക്കേണ്ടത്? തീർച്ചയായും അത് ബോബി ചെമ്മണ്ണൂരല്ല. സർക്കാറോ, സഹകരണസംഘങ്ങളോ, ജനകീയാരോഗ്യ പ്രസ്ഥാനങ്ങളോ ആണ് അതുചെയ്യേണ്ടത്. ഇനി ഇതുവച്ചായിരിക്കും കേരളത്തെ ബോബി വൈകാരികമായി ബ്ളാക്ക്മെയിൽ ചെയ്യുക. അയാൾ എന്ത് കുറ്റകൃത്യം ചെയ്താലും, ഈ കാര്യം പറഞ്ഞ് തടിയൂരാൻ ശ്രമിക്കും. പത്തുപേർക്ക് തൊഴിൽ നൽകിയാൽ തലമുറകൾ ഉപയോഗിക്കേണ്ട ഒരു പുഴയെതന്നെ ഇല്ലാതാക്കാമെന്ന് ഗ്രാസിം സമരകാലത്തുതന്നെ നമ്മുടെ മനസ്സിൽ ഉറച്ചുപോയ പൊതുബോധമാണ്. പത്തമ്പതിനായിരം മലയാളികൾക്ക് തൊഴിൽ നൽകുന്ന എം.എ യൂസുഫലി നമ്മുടെ ദൈവമാണ്. അയാൾ ലുലുമാളിന് അല്പം സ്ഥലം കൈയേറിയാലും, മാളിൽ അശോകസ്തംഭമില്ലാത്ത ദേശീയപതാക ഉയർത്തിയാലും ഇത്ര കാര്യമാക്കേണ്ടതുണ്ടോ. ഗൾഫാർ മുഹമ്മദാലി ഗൾഫിൽ അറസ്റ്റിലായ വാർത്തപോലും നമ്മുടെ മുഖ്യധാരമാദ്ധ്യമങ്ങൾ മുക്കിക്കളയുന്നു. പണമില്ലാത്തവൻ പിണമെന്നത് എത്രശരിയാണ്.
- TODAY
- LAST WEEK
- LAST MONTH
- രാത്രിയിൽ മഠത്തിൽ വരവ് പഞ്ചവാദ്യം നടക്കുന്നതിനിടെ നടുവിലാൽ ഭാഗത്തു പൊലീസ് ബാരിക്കേഡ് വച്ച് എഴുന്നള്ളിപ്പ് തടഞ്ഞത് പ്രകോപനമായി; നടുവിലാലിലെ പൂരപ്പന്തലിന്റെ ലൈറ്റ് അണച്ചു തിരുവമ്പാടി ദേവസ്വം; ഇരുട്ടിന്റെ ഭംഗിയിൽ ഇത്തവണ പൂര വെടിക്കെട്ട് നടന്നില്ല; തൃശൂരിൽ നാടകീയതകൾ; പൂരത്തിലുണ്ടായത് ചരിത്രത്തിലെ ആദ്യ സംഭവം
- വെടിക്കെട്ട് കമ്മറ്റിക്കാരെ പോലും മൈതാനത്ത് അനുവദിക്കാത്ത കമ്മീഷണർ; തിരുവമ്പാടിയുടെ പ്രതിഷേധത്തിന് പിന്നാലെ ദേശക്കാരും കമ്മീഷണറും തമ്മിൽ തർക്കം; നായ്ക്കനാലിൽ ലാത്തി വീശൽ; പൊലീസിനെതിരെ ഗോ ബാക്ക് വിളികൾ; രാത്രിയിലെ പൂരക്കാഴ്ചകൾ വഴിതെറ്റിയ 2024; മഠത്തിൽ വരവ് നിർത്തിയത് സർക്കാരിനും തിരിച്ചടി
- തൃശൂർ പൂരപ്രേമികൾക്ക് വേദനയുടേയും നിരാശയുടേയും വെടിക്കെട്ട്; ഏഴരയോടെ പാറമേക്കാവ് തിരി കൊളുത്തി; എട്ടു മണിയോടെ തിരുവമ്പാടിയുടെ വെടിക്കെട്ടിനും അവസാനം; പൂര പറമ്പിൽ പൊലീസ് രാജെന്ന് ദേശക്കാർ; രാത്രിയിലെ ആകാശ വിസ്മയം ഇത്തവണ നടന്നില്ല; തൃശൂർ പൂരത്തിൽ ഉണ്ടായതെല്ലാം സമാനതകളില്ലാത്ത വിവാദങ്ങൾ
- രാത്രി വെടിക്കെട്ട് വേണ്ടെന്ന് വച്ചത് വേദനയിലാക്കിയത് പൂര പ്രേമികളെ; പൂരത്തിൽ അസാധാരണമാം വിധം പ്രതിസന്ധിയുണ്ടാക്കിയത് പൊലീസെന്ന് തിരുമ്പാടി ദേവസ്വം; അലങ്കാര പന്തലിലെ വെളിച്ചം തിരിച്ചെത്തിയിട്ടും ദേശക്കാർക്ക് ആവേശമില്ല; പൂരത്തിലെ 'രാത്രി വിസ്മയം' അട്ടിമറിച്ചത് പൊലീസോ?
- കരുവന്നൂരിൽ നിക്ഷേപകർക്ക് പണം തിരികെ നൽകാൻ എങ്ങനെ ഇടപെടാനാകുമെന്ന് താൻ നിയമോപദേശം തേടിയിട്ടുണ്ടെന്ന് പ്രധാനമന്ത്രി; തൃശൂർ വിജയത്തിന് 'കരുവന്നൂർ ഫോർമുല'; രാഹുലിനെ കടന്നാക്രമിക്കാൻ വയനാട്ടിലേക്കുള്ള ഒളിച്ചോട്ടം; കേരളത്തിൽ അക്കൗണ്ട് തുറക്കാൻ അജണ്ട സെറ്റ് ചെയ്ത് മോദി
- രാജ്യദ്രോഹ പ്രവർത്തന ആരോപണം; മലയാളി ഗവേഷക വിദ്യാർത്ഥിയെ സസ്പെൻഡ് ചെയ്ത് മുംബൈയിലെ ടാറ്റ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസസ്
- സഹോദരങ്ങളുടെ ഉടമസ്ഥതയിലുള്ള അസ്ഡ സൂപ്പർമാർക്കറ്റിന്റെ ഓഹരികൾ വിറ്റഴിക്കുന്നതിനുള്ള നീക്കവുമായി ഇളയ സഹോദരൻ സുബൈർ ഐസ്സ; മൂത്ത സഹോദരൻ മൊഹ്സീന്റെ മുൻ അക്കൗണ്ടന്റുമായുള്ള പ്രണയവും അസ്ഡയുടെ കടബാദ്ധ്യതകളും ഇന്ത്യൻ സഹോദരങ്ങളെ പരസ്പരം അകറ്റുമോ?
- പ്രായപൂർത്തിയാവാത്ത സഹോദരിമാരെ ബന്ധുവീട്ടിൽനിന്നു കടത്തിക്കൊണ്ടുപോയി; ബെംഗളൂരുവിലെത്തിച്ച് മദ്യം നൽകി പീഡിപ്പിച്ചു: രണ്ട് യുവാക്കൾ അറസ്റ്റിൽ
- ജെസ്നയുടെ രക്തം പുരണ്ട വസ്ത്രങ്ങൾ വീട്ടിൽനിന്ന് ശേഖരിച്ചത് ഡിവൈഎസ്പിയായിരുന്ന ചന്ദ്രശേഖരനും സിവിൽ പൊലീസ് ഓഫിസർ ലിജുവും; ആൻഡ്രോയിഡ് ഫോണിൽ നിന്നും മാച്ച നമ്പരുകൾ കണ്ടെത്തണം; ആ 60,000 രൂപയിലും അസ്വാഭാവികത; കൂടുതൽ വെളിപ്പെടുത്തലുമായി അച്ഛൻ; ജെസ്നാ കേസിൽ ദുരൂഹത മാറുന്നില്ല
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്