1 usd = 64.88 inr 1 gbp = 90.35 inr 1 eur = 79.69 inr 1 aed = 17.65 inr 1 sar = 17.30 inr 1 kwd = 216.39 inr

Feb / 2018
23
Friday

എന്റെ ഭാര്യ ഒരു തട്ടിപ്പുകാരിയാണോ? ചാനൽ വാർത്തകളിൽ ബോബി അലോഷ്യസിനെ കുറിച്ച് റിപ്പോർട്ട് ചെയ്തതിന്റെ പിന്നിൽ എന്താണ്? അഞ്ജു ബോബി ജോർജിന് എന്തെങ്കിലും പങ്കുണ്ടോ?

July 15, 2016 | 12:10 PM | Permalink



ഷാജൻ സ്‌കറിയ

രുപാട് നാളുകൾക്ക് ശേഷമാണ് ഞാൻ ഈ കോളത്തിൽ ഒരു കുറിപ്പ് എഴുതുന്നത്. ഈ കോളം ആരംഭിച്ചതിന്റെ പ്രധാന ലക്ഷ്യം തന്നെ എന്റെ ഒറ്റയാൻ പോരാട്ടത്തെ തളർത്താൻ ഇടയ്ക്കിടെ നടക്കുന്ന ഗൂഢാലോചന തുറന്നുകാട്ടുക തന്നെയായിരുന്നു. വാർത്ത എന്ന പേരിൽ അതൊക്കെ എഴുതിയാൽ അത് മറുനാടനോട് കാണിക്കുന്ന നീതികേടാവും എന്നതുകൊണ്ടാണ് എന്റെ കോളത്തിലേക്ക് ചുരുക്കുന്നത്. എന്നെ കുറിച്ചും മറുനാടനെക്കുറിച്ചും ഞങ്ങളുമായി ബന്ധപ്പെട്ടതുമായ കാര്യങ്ങൾ അറിയാൻ താൽപ്പര്യമുള്ളവർ മാത്രം ഇത് വായിക്കാവൂ. വാർത്തകളും വിശകലനങ്ങളും തേടിയാണ് നിങ്ങൾ മരുനാടനിൽ എത്തുന്നതെങ്കിൽ ഇവിടെ വച്ച് മടങ്ങുക.

കഴിഞ്ഞ ദിവസം മാതൃഭൂമി ചാനലിലും അതിന്റെ ചുവടു പിടിച്ചു ഒട്ടേറെ ഓൺലൈൻ പത്രങ്ങളിലും പ്രചരിച്ച ഒരു വാർത്തയെക്കുറിച്ചാണ് ഈ കുറിപ്പ്. എന്റെ ഭാര്യയും കായികതാരവുമായ ബോബി അലോഷ്യസ് സർവ്വീസ് ചട്ടം ലംഘിച്ചു, സാമ്പത്തിക തിരമറി നടത്തി തുടങ്ങിയ ആരോപണങ്ങൾ ആയിരുന്നു ഈ വാർത്തകളിൽ. എന്റെയും മറുനാടന്റെയും വിശ്വാസ്യത തകർക്കാൻ കാത്തു നിൽക്കുന്നവർ ഒരു നിമിഷം പോലും നഷ്ടപ്പെടുത്താതെ അവരുടെ മുഴുവൻ സമയവും മാറ്റി വച്ച് അതിന്റെ പ്രചാരകരായി മാറി. അതിന്റെ പേരിൽ നടന്ന ഗൂഢാലോചനയെക്കുറിച്ചും ആരോപണത്തിന്റെ നിജസ്ഥിതിയെക്കുറിച്ചും വിശദമായി കുറിക്കാൻ ആണ് ഞാൻ എന്റെ ഈ വിലപ്പെട്ട സമയം നഷ്ടപ്പെടുത്തുന്നത്. എന്റെ ഭാര്യ അഴിമതി നടത്തിയാൽ പോലും അത് വാർത്തയാക്കണം എന്ന് വിശ്വസിക്കുന്ന ഒരാളാണ് ഞാൻ. അതുകൊണ്ട് തന്നെ എന്റെയും മറുനാടന്റെയും വിശ്വാസ്യത ഇല്ലാതാക്കാൻ ചിലർ നടത്തുന്ന ഗൂഢാലോചനയുടെ തെളിവുകൾ സഹിതം ഞാൻ വിശദീകരിക്കാം.

എന്താണ് ഇപ്പോൾ ഉയർന്നിരിക്കുന്ന ആരോപണം?

ആർഎസ്‌പിയുടെ യുവജന നേതാവും പത്തനംതിട്ടക്കാരനുമായ സലിം പി ചാക്കോ എന്നയാളാണ് പരാതിക്കാരൻ എന്ന് പറയപ്പെടുന്നു. ബോബി ജോലി ചെയ്യുന്ന കസ്റ്റംസിലേക്ക് സലിം ചാക്കോ പരാതി അയച്ചു എന്നതാണ് വാർത്ത. അയാളുടെ പരാതിയെ അടിസ്ഥാനമാക്കി ആദ്യം മാതൃഭൂമി ന്യൂസും പിന്നീട് ഏഷ്യാനെറ്റ് ന്യൂസും തുടർന്ന് ചില ചെറുകിട പത്രങ്ങളും ഈ വാർത്ത കൊടുത്തിരുന്നു. ഈ ആരോപണങ്ങൾ സലിം ചാക്കോ ഉന്നയിക്കുന്നു എന്ന് മാത്രമല്ല അതിനൊക്കെ തെളിവുകളും ഉണ്ട് എന്ന നിലയിലാണ് മാതൃഭൂമി റിപ്പോർട്ട് ചെയ്തത്. ഏഷ്യാനെറ്റ് വാർത്ത കൊടുത്തപ്പോൾ പുതിയ ആരോണപങ്ങളായിരുന്നു ഉണ്ടായിരുന്നത്. ചുവടേ കൊടുത്തിരിക്കുന്നതാണ് പ്രധാന ആരോപണങ്ങൾ.

1. വിദേശത്ത് പരിശീലത്തിനായി പോയ ബോബി അവിടെ ഭർത്താവുമായി ചേർന്ന് കമ്പനി രൂപീകരിച്ചു റിക്രൂട്ട്‌മെന്റ് നടത്തി ലാഭം ഉണ്ടാക്കി. അതു സർവ്വീസ് ചട്ട ലംഘനമാണ്.

2. കേന്ദ്രത്തിൽ നിന്നും ഫണ്ട് വാങ്ങിയ വിവരം മറച്ചു വച്ച് ബോബി കേരള സ്പോർട്സ് കൗൺസിലിൽ നിന്നും ഫണ്ട് വാങ്ങി. അതു അഴിമതിയും തിരിമറിയും സർക്കാരിനെ കബളിപ്പിക്കലും ആണ്.

3. സ്പോർട്സ് പഠനം പൂർത്തിയാക്കി തിരിച്ചു നാട്ടിലെത്തി സ്പോർട്സ് കൗൺസിലിൽ സൗജന്യമായി സേവനം ചെയ്യുമെന്ന് സമ്മതിച്ച ബോബി 25 ലക്ഷം രൂപ തിരിച്ചടക്കാനുണ്ട്. അതിന്റെ നോട്ടീസ് അയച്ചപ്പോൾ ബോബി മുങ്ങി നടക്കുകയാണ്.

4. വിദേശത്ത് പോയി പഠിച്ചു ജയിച്ചതിന്റെ സർട്ടിഫിക്കറ്റ് നൽകിയിട്ടില്ല.

ബോബി ഫണ്ട് വാങ്ങിയതിന്റെ രേഖകൾ, ബോബിയുടെ പേരിൽ കമ്പനി രജിസ്റ്റർ ചെയ്തത്തിന്റെ രേഖകൾ, ഓൺലൈൻ വഴി ബോബി ബിസിനസ്സിന്റെ പരസ്യം ചെയ്തതിന്റെ രേഖകൾ എന്നിവയായിരുന്നു പ്രധാനമായും ചൂണ്ടിക്കാട്ടിയത്. ഈ രേഖകൾ ഒക്കെ കസ്റ്റംസ് ചീഫ് കമ്മീഷണർക്ക് പരാതി അയച്ചെന്നും അതുകൊണ്ട് ബോബിക്കെതിരെ ഉടൻ നടപടി വരുമെന്നും ഇവർ പറയുന്നു. ഏഷ്യനെറ്റ് ന്യൂസിൽ പറയുന്നത് ബോബിക്കെതിരെ ഉടൻ വിജിലൻസ് അന്വേഷണം വരുമെന്നാണ്.

എല്ലാ ആരോപണങ്ങളെക്കുറിച്ചും വിശദമായി തന്നെ കുറിക്കാൻ ആണ് ഈ കുറിപ്പ്. ഇതിൽ യുകെയിലെ കമ്പനിയെക്കുറിച്ചും റിക്രൂട്ട്‌മെന്റ് ബിസിനസ്സിനെക്കുറിച്ചും ആദ്യം പറയാം. മറ്റ് ആരോപണങ്ങൾക്കുള്ള മറുപടി നാളെയും ഇതിന്റെ പിന്നിലെ ഗൂഢാലോചനക്കാരെ തുറന്നുകാട്ടിയാലേ ഈ ലേഖനം പൂർണ്ണമാകൂ.

സ്റ്റുഡന്റ് വിസക്കാരെ പ്രോത്സാഹിപ്പിക്കാൻ വെബ്‌സൈറ്റ്

എന്റെ ജീവിതത്തിന്റെ ലക്ഷ്യമായി ഞാൻ എന്നു കരുതിയിരുന്നത് എന്നാൽ കഴിയുന്ന വിധം മറ്റുള്ളവർക്ക് സഹായം ചെയ്യുക എന്നത് തന്നെയാണ്. പത്താം ക്ലാസ്സിന് ശേഷം സ്വന്തം വഴികളിലൂടെ വരുമാനം കണ്ടെത്തി പഠിച്ച ഞാൻ ആദിവാസികളും ദളിതരും പരിസ്ഥിതി പ്രവർത്തകരും സ്ത്രീ വിമോചനവാദികളും ഒക്കെയായി ചേർന്നു പ്രവർത്തിച്ചാണ് ഇവിടെ എത്തിയത്. യാദൃശ്ചികമായി ഓൺലൈൻ പത്രപ്രവർത്തന രംഗത്ത് എത്തിയപ്പോഴും വിട്ടുവീഴ്‌ച്ചയില്ലാത്ത നിലപാടിൽ ഉറച്ചു നിന്നു പോരാടാൻ ഞാൻ തീരുമാനം എടുക്കുക ആയിരുന്നു. അതുകൊണ്ടാണ് ലക്ഷങ്ങളുടെ പ്രലോഭനത്തിൽ വീഴാതിരിക്കാനും വളരെ പരിചയം ഉള്ളവർക്കെതിരെ പോലും എഴുതാനും എനിക്ക് സാധിക്കുന്നത്.

പരിശീലനത്തിനും പഠനത്തിനുമായി 2003 ൽ ബോബി ഇംഗ്ലണ്ടിൽ പോവുമ്പോൾ പത്രപ്രവർത്തനം ഉപേക്ഷിച്ച് ഒപ്പം ചെന്ന ഞാൻ അവിടുത്തെ നിയമം അനുശാസിക്കുന്ന വിധം ഒരു ജോലിക്ക് കയറുകയാണ് ആദ്യം ചെയ്തത്. എനിക്ക് ജോലി ചെയ്യാൻ സാധിച്ചത് സ്റ്റുഡന്റ് ഡിപ്പൻഡന്റ് വിസയിൽ ആയതുകൊണ്ടാണ്. അന്നത്തെ നിയമം അനുസരിച്ച് ഒരാൾ സ്റ്റുഡന്റ് വിസയിൽ എത്തിയാൽ അയാളുടെ ജീവിത പങ്കാളിക്ക് യാതൊരു നിയന്ത്രണങ്ങളും ഇല്ലാതെ ജോലി ചെയ്യാൻ കഴിയുമായിരുന്നു. അതിന് സഹായിക്കുന്നത് ആശ്രിതവിസയാണ് (ഈ നിയമം പിന്നീട് മാറുകയും പഠിക്കാൻ ചെല്ലുന്നവർക്ക് പോലും ജോലി ചെയ്യാൻ സാധിക്കാത്ത അവസ്ഥ ഉണ്ടാവുകയും ചെയ്തു എന്നത് മറ്റൊരു കാര്യം).

പ്രതിമാസം എനിക്ക് രണ്ടും മൂന്നും ലക്ഷം രൂപ ആ സമയത്ത് ശമ്പളം കിട്ടുമായിരുന്നു. അന്ന് പോളണ്ടും മറ്റും യൂറോപ്യൻ യൂണിയന്റെ ഭാഗമല്ല. അതുകൊണ്ട് അവർക്ക് ജോലിക്കാരെ കിട്ടാൻ പ്രയാസം ആയിരുന്നു. ദിവസം 12 മണിക്കൂർ വീതം മാസത്തിൽ ഒരു ദിവസം മാത്രം ഓഫ് എടുത്താണ് ഞാൻ അന്ന് ജോലി ചെയ്തിരുന്നത്. ദീപികയിൽ നിന്നും പ്രതിമാസം 5250 രൂപ മാത്രം ലഭിച്ചിരുന്ന എനിക്ക് ഈ ശമ്പളം ഒരു ലോട്ടറി പോലെ ആയിരുന്നു. എനിക്ക് ലഭിച്ച ഈ സൗഭാഗ്യം മറ്റുള്ളവർക്ക് കൂടി ലഭിക്കാൻ utskudyadvice.com എന്ന പേരിൽ ഞാൻ വെബ്‌സൈറ്റ് ആരംഭിച്ചു. ആ വെബ്‌സൈറ്റിൽ യുകെയിൽ പഠിക്കാനുള്ള വഴികളും യൂണിവേഴ്‌സിറ്റിയുടെ ഫീസുകളും സ്‌കോളർഷിപ്പും അടങ്ങിയ വിവരങ്ങൾ ആണ് കൊടുത്തിരുന്നത്. അനേകംപേർ സംശയം ചോദിച്ച് എത്തുകയും അവർക്കെല്ലാം മറുപടി നൽകുകയും ചെയ്തു. എനിക്ക് ജോലി കഴിഞ്ഞു വേറെ പണിയൊന്നും ഇല്ലാത്തതിനാലാണ് ഞാൻ ഇതിന്റെ പിറകെ കൂടിയത്.

ഈ സൈറ്റിന്റെ വിവരം പത്രങ്ങളിൽ വരാൻ ആയി ബോബി അലോഷ്യസ്‌ സൗജന്യ വിവരങ്ങൾ നൽകുന്ന സൈറ്റ് തുടങ്ങി എന്നൊരു പ്രസ്സ് റിലീസ് എല്ലാവർക്കും അയച്ചു കൊടുത്തു. മനോരമ അടക്കം എല്ലാ പത്രങ്ങളും അന്ന് ആ വാർത്ത കൊടുത്തു. ബിആർപി ഭാസ്‌കർ സാർ ബ്ലോഗിൽ പ്രസിദ്ധീകരിച്ച ആ കുറിപ്പിന്റെ കോപ്പി എടുത്താണ് ബിസിനസ്സ് പരസ്യം ചെയ്തു എന്ന ആരോപണം ഉന്നയിക്കുന്നത്. മാതൃഭൂമിയിൽ അത് മിന്നായം പോലെ കാണിച്ച ആ വിലപിടിപ്പുള്ള പരസ്യത്തിന്റെ രേഖ ചുവടെ കൊടുത്തിരിക്കുന്ന ലിങ്കിൽ ക്ലിക്ക് ചെയ്താൽ നിങ്ങൾക്കും വായിക്കാം. എന്നിട്ട് മനസ്സിലാക്കുക, സാധാരണക്കാർക്ക് അറിവ് നൽകാൻ വേണ്ടി സൗജന്യമായി ഒരുക്കിയ ഒരു വിവരത്തെ എത്ര നീചമായാണ് വളച്ചൊടിച്ചതെന്ന്.

യുകെയിലെ കമ്പനിയും ചട്ടം ലംഘിച്ചുള്ള റിക്രൂട്ട്‌മെന്റും

തേസമയം യുകെയിൽ ചെന്ന് ഏറെ വൈകാതെ ഞാൻ ഒരു കമ്പനി രജിസ്റ്റർ ചെയ്തിരുന്നു. എന്റെ വെബ്‌സൈറ്റിലെ ഗൂഗിൾ പരസ്യത്തിന് ലഭിക്കുന്ന വരുമാനവും പരസ്യത്തിന് ലഭിക്കുന്ന വരുമാനവും ഇടാൻ വേണ്ടിയാണ് ഞാൻ ഇങ്ങനെ ഒരു കമ്പനി രജിസ്റ്റർ ചെയ്തത്. ഇന്ത്യയിൽ കമ്പനി രജിസ്റ്റർ ചെയ്യുന്നതിലെ നൂലാമാലകൾ ഓർക്കുമ്പോൾ ഒരു വലിയ കാര്യമായി നമുക്ക് തോന്നാം. എന്നാൽ യുകെയിൽ വിലാസമുള്ള ആർക്കും ഓൺലൈനിൽ പോയി മൂന്നു മിനിറ്റ് കൊണ്ട് ഒരു കമ്പനി രജിസ്റ്റർ ചെയ്യാം. അതിൽ ഒരു ഡയറക്ടറും ഒരു സെക്രട്ടറിയും വേണം എന്നു മാത്രം. കമ്പനി ഉടമ ഡയറക്ടർ ആണ്. ഇപ്പോൾ ഉടമയ്ക്ക് തന്നെ സെക്രട്ടറി ആവാം. എന്നാൽ അന്ന് മറ്റൊരാളുടെ പേര് വെയ്ക്കാതിരിക്കുവാൻ കഴിയുമായിരുന്നില്ല. യുകെയിൽ എനിക്ക് മറ്റാരുമായും അന്ന് പരിചയം ഇല്ലാതിരുന്നതുകൊണ്ട് ബോബിയുടെ പേര് ഒരു ചടങ്ങായി വെയ്ക്കുകയായിരുന്നു. ലാഭം ഉണ്ടാക്കുകയോ, ശമ്പളം വാങ്ങുകയോ, ജോലി ചെയ്യുകയോ ഒന്നും ചെയ്യാതെ ഒരു നാമമാത്ര പദവിയിൽ ബോബിയുടെ പേര് വച്ചത് ഒരു തരത്തിലുള്ള ചട്ടലംഘനവുമല്ല. ഏറെ വൈകാതെ ഞാൻ ആ കമ്പനി ക്ലോസ്സ് ചെയ്യുകയായിരുന്നു ചെയ്തത്.

യുകെയിൽ എത്ര കമ്പനി വേണമെങ്കിലും തുടങ്ങുകയും പൂട്ടുകയും ചെയ്യാം. പല മലയാളികളും തട്ടിപ്പുകൾ നടത്തുന്നത് പോലും ഇങ്ങനെയാണ്. എന്നാൽ ഒരിക്കൽ ഓപ്പൺ ചെയ്ത കമ്പനിയുടെ വിവരങ്ങൾ എക്കാലത്തും കമ്പനി ഹൗസ് വെബ്‌സൈറ്റിൽ ഉണ്ടാവും. എന്റെ പേര് അടിച്ചു കൂടുതൽ ലഭിക്കുന്ന റെക്കോർഡിലാണ് സെക്രട്ടറി എന്ന പേര് ചേർത്തിരിക്കുന്നത്. ഇത് ബോബി പോലും അറിയാതെയാണ് എന്ന് തെളിയിക്കാൻ ഞാൻ കഴിഞ്ഞ ദിവസം വെറുതെ ഒരു ഉണ്ടാക്കി അത് സെക്രട്ടറി ആക്കി ഒരു കമ്പനി രജിസ്റ്റർ ചെയ്തിട്ടുണ്ട്. സത്യത്തിൽ ഈ വാർത്ത ചെയ്ത മാതൃഭൂമി റിപ്പോർട്ടർ പ്രശാന്ത് കൃഷ്ണയുടെയോ മാതൃഭൂമി മാനേജിംങ് എഡിറ്റർ ശ്രേയംസ് കുമാറിന്റെയോ പേരിൽ രജിസ്റ്റർ ചെയ്യാൻ ആയിരുന്നു എന്റെ ആദ്യ ആലോചന. മൂന്ന് മിനിറ്റ് കൊണ്ടു എനിക്ക് ഇവരിൽ ആരെ വേണമെങ്കിലും എന്റെ കമ്പനിയുടെ സെക്രട്ടറി ആക്കി നിയമിക്കാം. നാളെ ഞാൻ അവരുടെ പേരുപയോഗിച്ച് തട്ടിപ്പിന് ശ്രമിച്ചു എന്ന ആരോപണം ഉണ്ടാകാതിരിക്കാനായി അത് വേണ്ടന്ന് വച്ച് നിലവിൽ ഇല്ലാത്ത ഒരു പേര് ഉപയോഗിച്ചായിരുന്നു രജിസ്റ്റർ ചെയ്തത്. ഈ വിശദീകരണത്തോടെ ബോബി സ്വന്തം കമ്പനി രജിസ്റ്റർ ചെയ്തു സെക്രട്ടറിയായി ബിസിനസ്സ് ചെയ്തു എന്നു വിശ്വസിക്കുന്നവർക്ക് ചുവടെ കൊടുത്തിരിക്കുന്ന ലിങ്കിൽ ക്ലിക്ക് ചെയ്ത് ഒരു യുകെ വിലാസം നൽകിയാൽ ഒരു കമ്പനി രജിസ്റ്റർ ചെയ്യാം. അതിന് ആകെ മുടക്ക് വരുന്നത് പത്ത് പൗണ്ടാണ്.

ബോബി കമ്പനി രജിസ്റ്റർ ചെയ്തു ബിസിനസ്സ് തുടങ്ങി എന്ന് പറയുന്നവർ കാണിക്കുന്ന ഏക തെളിവാണ് ഈ കമ്പനി രജിസ്‌ട്രേഷൻ ഫോം എന്നോർക്കണം. ഒരു മിനിറ്റ് ഗൂഗിൾ സെർച്ച് ചെയ്താൽ അവർക്ക് ഉത്തരം ലഭിക്കുന്ന വിഷയമാണ് എന്തോ ഭയങ്കര സംഭവമായി അവതരിപ്പിച്ചിരിക്കുന്നത്. ഇങ്ങനെ ഒരു കമ്പനിയിൽ നിന്നു ബോബിക്ക് എന്തെങ്കിലും പണം കൊടുത്തിട്ടുണ്ടോ, ഈ കമ്പനി ബോബി കൂടി ഉൾപ്പെട്ട എന്തങ്കിലും ബിസിനസ്സ് ചെയ്തിട്ടുണ്ടോ, ബോബി ഈ കമ്പനിയുടെ പ്രതിനിധിയോ ആരോടൊങ്കിലും പണം ചോദിച്ചിട്ടുണ്ടോ, ഈ കമ്പനി ആർക്കെങ്കിലും പണം കൊടുക്കാനുണ്ടോ, ഈ കമ്പനി ആരെയെങ്കിലും കരാറുകലിൽ ഏർപ്പെട്ടിട്ടുണ്ടോ തുടങ്ങിയ കാര്യങ്ങൾ പരിശോധിക്കുകയും അതൊക്കെ കണ്ടെത്തിയാൽ ബോബിയുടെ പേരിൽ ഉത്തരവാദിത്തം ഏൽക്കുകയും ചെയ്താൽ ഒരു ശരിയുണ്ട്. 

ബോബി എന്തുതരം റിക്രൂട്ട്‌മെന്റ് ആണ് നടത്തിയത്? ആരോടാണ് പണം വാങ്ങിയത്? ആരെയാണ് ബോബി റിക്രൂട്ട് ചെയ്ത് യുകെയിലോ മറ്റെവിടെങ്കിലോ ജോലിക്ക് കയറ്റിയത്. തുടങ്ങിയ ചോദ്യങ്ങൾക്കും ഇവർ ഉത്തരം നൽകേണ്ടതാണ്. ചതിച്ചെന്നോ വഞ്ചിച്ചെന്നോ വേണ്ട, ആരെയെങ്കിലും സ്റ്റുഡന്റ് വിസായിൽ എങ്കിലും ബോബി യുകെയിൽ എത്തിച്ചെങ്കിൽ അതുപറയട്ടെ. ഞാൻ സൗജന്യമായി വിവരം നൽകിയതിന്റെ പേരിലും എന്റെ വെബ്‌സൈറ്റ് വിവരങ്ങൾ നോക്കിയും ആരെങ്കിലും ഒക്കെ ഒരു പക്ഷെ യുകെയിൽ എത്തി പഠിച്ചിട്ടുണ്ടാവാം. നിരവധി പേർ അക്കാലത്ത് എന്നെ വിളിച്ചു വിവരങ്ങൾ ചോദിക്കുകയും ഞാൻ കൈമാറുകയും ചെയ്തിരുന്നു.  ഒരാൾ എങ്കിലും അതിന്റെ പേരിൽ പണം നൽകി എന്ന് തെളിയിക്കട്ടെ. അല്ലെങ്കിൽ ഒരാൾ എങ്കിലും ബോബിയുമായി സംസാരിച്ച് യുകെയിൽ എത്തി എന്ന് തെളിയിക്കട്ടെ. ഇതൊന്നുമല്ലാതെ ഉള്ള ഗൂഗിൾ സേർച്ച് ചെയ്ത് കിട്ടിയ ഒരു പേപ്പർകാട്ടി ബോബി അഴിമതിക്കാരിയാണ് എന്ന് പറയാനുള്ള ധൈര്യം എങ്ങനെയാണ് മാതൃഭൂമി ചാനലിനും അത് പ്രസിദ്ധീകരിച്ച മറ്റ് പത്രങ്ങൾക്കും തോന്നിയത് എന്നാണ് എന്റെ ചോദ്യം.

ഇതു പറയുമ്പോൾ ഒരു കാര്യം പ്രത്യേകം ശ്രദ്ധിക്കണം എനിക്ക് ബിസിനസ്സ് ചെയ്യാനും വീടു വാങ്ങാനും ജോലി ചെയ്യാനും കമ്പനി തുടങ്ങാനും ഒക്കെ അധികാരവും അവകാശവും ഉണ്ട്. അതിന് അനുവദിക്കുന്ന വിസയാണ് എനിക്ക് ലഭിച്ചത്. ഇപ്പോഴും വർഷത്തിൽ ഒന്നോ രണ്ടോ തവണ ഞാൻ യുകെയിൽ പോയി വരുന്നുണ്ട്. അവിടെനിക്ക് ബാങ്ക് അക്കൗണ്ടും ഉണ്ട്. എന്റെ ബിസിനസ്സിന്റെ വരുമാനം അവിടേക്ക് വരുന്നുമുണ്ട്. അതിന്റെയൊക്കെ പിതൃത്വം ബോബിയുടെ പേരിൽ വെയ്ക്കരുത് എന്നാണ് പറയുന്നത്.

  • കേന്ദ്രത്തിൽ നിന്നും ഫണ്ട് വാങ്ങിയ വിവരം മറച്ചു വച്ചു സംസ്ഥാന സർക്കാരിന്റെ ഫണ്ട് വാങ്ങിയോ? സ്പോർട്സ് കൗൺസിലിന് 25 ലക്ഷം രൂപ തിരിച്ചടക്കാൻ ഉണ്ടോ? യുകെയിൽ പഠിക്കാൻ പണം വാങ്ങിയ ശേഷം പഠനം മുടക്കിയോ? മറ്റ് ആരോപണങ്ങളെ കുറിച്ചുള്ള മറുപടി നാളെ വായിക്കുക.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
വി എസ് സ്റ്റെപ് തെറ്റി വീഴുമെന്ന് തോന്നിയപ്പോൾ ഞാൻ ഓടിച്ചെന്നു....; അടുത്തെത്തിയതും ഒരു പൊട്ടിത്തെറി; തന്നോട് ആരാടോ ഇങ്ങോട്ട് വരാൻ പറഞ്ഞത് കടക്കു പുറത്ത്...; ഏതു ആക്രോശത്തിലും പതറാതെ വി എസിനൊപ്പവും നിലപാടിനൊപ്പവും നിൽക്കുക എന്ന കമ്മ്യൂണിസ്റ്റ് ബോധമാണ് എന്നെ പിന്തിപ്പിക്കാതിരുന്നത്;ഒരു സംസ്ഥാന സമ്മേളത്തിന്റ വിങ്ങുന്ന സ്മരണ......; വിഎസിന്റെ പേഴ്‌സൺ സ്റ്റാഫ് അംഗമായിരുന്ന സുരേഷ് കുറിക്കുന്നത് ഇങ്ങനെ
കടുകുമണ്ണ ഊരിലെ മൂപ്പന്റെ സഹോദരിയുടെ മകൻ; മനുഷ്യരെ ഭയമുള്ള മാനസിക രോഗം; താമസിച്ചിരുന്നത് കടത്തിണ്ണയിലും കുറ്റിക്കാട്ടിലും പുഴക്കരയിലും കല്ലുഗുഹയിലും; വിശക്കുമ്പോൾ മാത്രം നാട്ടിലേക്ക് വരുന്ന പ്രകൃതം; മോഷണം തൊഴിലുമായിരുന്നില്ല; തല്ലിക്കൊന്നത് അരിയും ഭക്ഷണസാധനങ്ങളും കട്ടുവെന്ന കള്ളം പറഞ്ഞും; മർദ്ദിച്ച് കൊന്നത് ഡ്രൈവർമാരടക്കമുള്ള ക്രിമിനൽ ഗുണ്ടാ സംഘം; അട്ടപ്പാടിയിലെ ആൾക്കൂട്ട കൊലയിൽ ലജ്ജിച്ച് തലതാഴ്‌ത്തി സാംസ്‌കാരിക കേരളം
'കടലിൽ കുളിച്ച്' വൃത്തിയായി ബിനീഷ് കോടിയേരി തൃശ്ശൂർ സമ്മേളന വേദിയിൽ; ചാനൽ ക്യാമറകളെ കണ്ട് പരുങ്ങിയെങ്കിലും മുഷ്ടി ചുരുട്ടി അഭിവാദ്യം അർപ്പിച്ച് ഇന്നസെന്റിനൊപ്പം ഹാളിലെത്തി; പച്ച ഷർട്ടും ചുവപ്പ് മുണ്ടും ധരിച്ച് ഫ്രീക്കൻ ഹെയർ സ്റ്റൈലിൽ ചുറ്റി നടന്നു; യെച്ചൂരി പ്രസംഗിക്കുമ്പോൾ ക്യാമറകൾക്ക് പിന്നിലിരുന്ന് മൊബൈലിൽ പരതി; പ്രസംഗം തീരും മുമ്പേ സ്ഥലംവിട്ടു സെക്രട്ടറിയുടെ പുത്രൻ
സിനിമാ സ്‌റ്റൈലിൽ അതിവേഗം സ്പീഡ് ബോട്ടിൽ മരണവെപ്രാളപ്പെടുന്ന രോഗിയുമായി യാത്ര; ബോട്ട് കേടായതും ബ്ലെഡ് ബാഗ് തീർന്നതും ആശങ്ക ഇരട്ടിയാക്കി; എന്നിട്ടും ഡോക്ടറുടെ നിശ്ചയദാർഢ്യം യുവതിക്ക് ജീവൻ നൽകി; ലക്ഷദ്വീപിലെ പരിമിതമായ അവസ്ഥയിൽ ഡോ: മുഹമ്മദ് വാഖിദ് കാട്ടിയ ചങ്കൂറ്റം രക്ഷപ്പെടുത്തിയത് അമ്മയേയും കുഞ്ഞിനേയും; സോഷ്യൽ മീഡിയ കൈയടിക്കുന്ന ആശുപത്രിക്കഥ ഇങ്ങനെ
ചെറുരാജ്യങ്ങളുടെ ഭരണാധികാരികൾ വരുമ്പോൾ പോലും വിമാനത്താവളത്തിൽ പോയി സ്വീകരിക്കന്ന മോദി എന്തുകൊണ്ട് കനേഡിയൻ പ്രധാനമന്ത്രിയെ സ്വീകരിക്കാൻ സഹമന്ത്രിയെ അയച്ചു...? മൂന്ന് കുട്ടികളും ഭാര്യയുമായി കൈ കൂപ്പി എത്തിയ പയ്യൻ പ്രധാനമന്ത്രിക്ക് ആകെ നിരാശ; ഇന്ത്യ-കാനഡ ബന്ധം കൂടുതൽ വഷളാവുമെന്ന് വിദേശ മാധ്യമങ്ങൾ
സ്വർണ്ണാഭരണം മോഷണം പോയെന്നത് കള്ളക്കഥ; ലൈംഗിക ബന്ധത്തിൽ ഏർപ്പെട്ടത് ഉഭയസമ്മത പ്രകാരവും; പരാതിക്കിടയാക്കിയ അഭിപ്രായ ഭിന്നതിയിൽ വികാരിക്കും ബംഗ്ലാദേശിനിക്കും മിണ്ടാട്ടമില്ല; സിംബാബ് വേക്കാരേയും ചോദ്യം ചെയ്‌തേക്കും; പരാതിക്കാരി ഉറച്ചു നിന്നാൽ അച്ചൻ കുടുങ്ങും; പള്ളി മേടിയിലെ പീഡനത്തിൽ നിറയുന്നത് ഹണിട്രാപ്പ് തന്നെ; ഫാ തോമസ് താന്നിനിൽക്കും തടത്തിൽ ഊരാക്കുടുക്കിൽ
ബൈബിളിനകത്തു കണ്ട 'രാഖി' സത്യം പറഞ്ഞു; സ്വകാര്യ സ്‌കൂൾ അദ്ധ്യാപികയെ ആസിഡൊഴിച്ച് ആക്രമിച്ചത് പ്രണയം മൂത്ത്; വിരൂപിയായാൽ അന്യമതക്കാരിയെ തനിക്ക് തന്നെ സ്വന്തമാക്കാമെന്ന് മർച്ചന്റ് നേവിക്കാരൻ സ്വപ്നം കണ്ടു; കപ്പലിൽ ഉപയോഗിക്കുന്ന ആസിഡുമായി സൗദിയിൽ നിന്നെത്തിയത് കല്ല്യാണം മുടക്കാൻ; കുറ്റിച്ചലിലെ ആസിഡ് ആക്രമണത്തിൽ പരുത്തിപ്പള്ളിക്കാരൻ സുബീഷ് വേണുഗോപാൽ അറസ്റ്റിൽ; പ്രതിയിലേക്ക് പൊലീസെത്തിയത് സമർത്ഥമായ നീക്കങ്ങളിലൂടെ
ഫയൽ ഒപ്പിട്ടശേഷം, അടുത്ത നിമിഷം മന്ത്രി എന്നെ ചുംബിച്ചു; ഒരു നിമിഷം ഞെട്ടുകയും ആഴക്കടലിൽ പെട്ടെന്നവണ്ണം ഉലയുകയും ചെയ്തു; ഒച്ചവച്ച് ആളെക്കൂട്ടാനുള്ള അവിവേകം എനിക്കുണ്ടായില്ല; വൈപ്‌സ് കൊണ്ട് കൈ തുടച്ച് നീരസം പ്രകടിപ്പിച്ച് ഞാനിറങ്ങിപ്പോന്നു; സെക്രട്ടറിയേറ്റിലെ ഓഫീസിൽ വെച്ച് മന്ത്രിയിൽ നിന്നും ലൈംഗികാതിക്രമം നേരിടേണ്ടി വന്നത് ഫേസ്‌ബുക്കിൽ എഴുതി മുൻ പിആർടി ഉദ്യോഗസ്ഥ
സാം എബ്രഹാമിനെ കൊന്നത് ഭാര്യയും കാമുകനും ചേർന്ന് തന്നെ; സോഫിയയും അരുൺ കമലാസനനും കുറ്റക്കാരെന്ന് കണ്ടെത്തി കോടതി; വികാരരഹിതനായി വിധി കേട്ട് ഒന്നാം പ്രതി; സോഫിയ വിധി കേട്ടതും ജയിലിലേക്ക് മടങ്ങിയതും പൊട്ടിക്കരഞ്ഞ്; ശാസ്ത്രീയ തെളിവുകൾ പരിശോധിച്ച് കോടതി നിഗമനത്തിലെത്തിയത് 14 ദിവസത്തെ വിചാരണയ്‌ക്കൊടുവിൽ; മെൽബണെ ഞെട്ടിച്ച മലയാളി കൊലയിൽ ശിക്ഷ തീരുമാനിക്കാനുള്ള വാദം അടുത്ത മാസം 21ന് തുടങ്ങും
രാകേഷ് എങ്ങനെ ഡയസിലിക്കുന്നുവെന്ന് മന്ത്രി ബാലനോട് ചോദിച്ചത് പാച്ചേനി; സിപിഎം പ്രതിനിധിയായെന്ന് ജയരാജൻ നൽകിയ മറുപടി തിരിച്ചടിച്ചു; ജനപ്രതിനിധികളെ വിളിച്ചിട്ടില്ലല്ലോ എന്ന ചോദ്യത്തിന് മുന്നിൽ മന്ത്രിമാർ പതറി; കെസി ജോസഫിനേയും സണ്ണി ജോസഫിനേയും കെഎം ഷാജിയേയും എത്തിച്ച് യുഡിഎഫിന്റെ മിന്നൽ ആക്രമണവും; സമാധാന ചർച്ച പൊളിഞ്ഞത് ഭരണക്കാരുടെ പിടിപ്പുകേടിൽ
രാമചന്ദ്രന് ജാമ്യം നിന്നത് സുഷമാ സ്വരാജ് തന്നെ; ചർച്ചകൾക്ക് നേതൃത്വം നൽകിയത് ദുബായിലെ ഇന്ത്യൻ അംബാസിഡർ; മോചനത്തിനായി അഹോരാത്രം പണിയെടുത്തത് ദുബായിലെ ബിജെപി എൻആർഐ സെൽ നേതാവ്; ഷെട്ടിയുടെ 100 മില്ല്യണും തുണയായി; ഇനി സെറ്റിൽ ചെയ്യാൻ അവശേഷിക്കുന്നത് ഡൽഹിക്കാരന്റെ കടം മാത്രം; എല്ലാവരും കൈവിട്ടു ജയിലിൽ കഴിഞ്ഞ അറ്റ്‌ലസ് രാമചന്ദ്രനെ ഇന്ത്യ നേരിട്ട് പുറത്തിറക്കുന്നത്‌ ഇങ്ങനെ
ഓഡി കാർ വാങ്ങാനായി 53ലക്ഷവും ഇന്ത്യയിലും യുഎയിലും നേപ്പാളിലും ബിസിനസ് തുടങ്ങാൻ 7.7കോടിയും അടക്കം 13 കോടി കൈപ്പറ്റി ദുബായിൽ നിന്നും മുങ്ങി; പണം തിരിച്ചു പിടിക്കാൻ നടത്തിയ നീക്കങ്ങൾ എല്ലാം പരാജയപ്പെട്ടപ്പോൾ പരാതിയുമായി രംഗത്ത്; ഇന്റർപോളിന്റെ സഹായത്തോടെ പിടിക്കുമെന്നായപ്പോൾ ഒത്തുതീർപ്പ് ചർച്ചകളുമായി നെട്ടോട്ടം; ഉന്നതനായ സിപിഎം നേതാവിന്റെ മകനെന്ന് മനോരമ പറയുന്നത് കോടിയേരിയുടെ മകനെ കുറിച്ചെന്ന് റിപ്പോർട്ടുകൾ
ഉറക്കത്തിൽ ആരോ ചുണ്ടിൽ സ്പർശിക്കുന്നതായി തോന്നി; ഞെട്ടി ഉണർന്ന് ബഹളം വച്ചിട്ടും ആരും സഹായിച്ചില്ല; പ്രതികരണവും പ്രതിഷേധവും ഫേസ്‌ബുക്കിൽ മാത്രം; കൺമുന്നിൽ ഒരു പെൺകുട്ടി ആക്രമിക്കപ്പെട്ടാൽ ആരും തിരിഞ്ഞ് നോക്കില്ല; സിനിമയിലെ സുഹൃത്തുക്കൾ മാത്രമാണ് പൊലീസിനെ വിളിക്കാനും പിടികൂടാനും സഹായിച്ചത്: മാവേലി യാത്രയിലെ ദുരനുഭവം മറുനാടനോട് വിവരിച്ച് സനൂഷ
പതിമൂന്ന് കോടിയുടെ തട്ടിപ്പ് കേസിൽ കുടുങ്ങി ദുബായിൽ നിന്ന് മുങ്ങിയത് കോടിയേരിയുടെ മകൻ തന്നെ; പ്രതിസ്ഥാനത്തുള്ളത് ബിനീഷിന്റെ സഹോദരൻ ബിനോയ്; രവി പിള്ളയുടെ വൈസ് പ്രസിഡന്റ് മുങ്ങിയത് ദുബായ് പൊലീസ് അഞ്ച് ക്രിമിനൽ കേസ് രജിസ്റ്റർ ചെയ്തപ്പോൾ; പാർട്ടി സെക്രട്ടറിയുടെ മൂത്തമകനെ രക്ഷിക്കാൻ മുതലാളിമാർ പണം മുടക്കാത്തത് പിണറായിയുടെ പച്ചക്കൊടി കിട്ടാത്തതിനാൽ; പരാതി ഗൗരവമായെടുത്ത് സിപിഎം കേന്ദ്ര നേതൃത്വം
മോഹൻലാലിനെ കാത്തിരിക്കുന്ന പ്രശ്‌നങ്ങൾ കിറുകൃത്യമായി പറഞ്ഞു; ദിലീപിന്റെ സമയം വെളിപ്പെടുത്തലും ശരിയായി; ഇപ്പോൾ കോടിയേരി ബാലകൃഷ്ണൻ കുടുംബത്താൽ ദുഃഖിക്കുന്നുവെന്ന പ്രവചനവും ഫലിച്ചു; 'ആസ്വാമി' എന്ന് വിളിച്ചു പുച്ഛിച്ച മലയാളികൾ ഇപ്പോൾ 'അയ്യോസ്വാമി എന്നായി വിളി; സ്വാമി ഭദ്രാനന്ദ ഭാവി പറയുന്നതിലെ കൃത്യത ചർച്ചയാക്കി സോഷ്യൽ മീഡിയ
ചെറുരാജ്യങ്ങളുടെ ഭരണാധികാരികൾ വരുമ്പോൾ പോലും വിമാനത്താവളത്തിൽ പോയി സ്വീകരിക്കന്ന മോദി എന്തുകൊണ്ട് കനേഡിയൻ പ്രധാനമന്ത്രിയെ സ്വീകരിക്കാൻ സഹമന്ത്രിയെ അയച്ചു...? മൂന്ന് കുട്ടികളും ഭാര്യയുമായി കൈ കൂപ്പി എത്തിയ പയ്യൻ പ്രധാനമന്ത്രിക്ക് ആകെ നിരാശ; ഇന്ത്യ-കാനഡ ബന്ധം കൂടുതൽ വഷളാവുമെന്ന് വിദേശ മാധ്യമങ്ങൾ