1 usd = 72.24 inr 1 gbp = 94.44 inr 1 eur = 85.02 inr 1 aed = 19.67 inr 1 sar = 19.29 inr 1 kwd = 238.52 inr

Sep / 2018
23
Sunday

പുറപ്പാടിന്റെ പുസ്തകം

April 21, 2018 | 05:26 PM IST | Permalink



പുറപ്പാടിന്റെ പുസ്തകം

ഷാജി ജേക്കബ്

മിത്തും ചരിത്രവും ഇത്രമേൽ തമ്മിലിണങ്ങിനിൽക്കുന്ന മറ്റൊരു പാഠമാതൃക, യഹൂദരുടെ പുറപ്പാട് (Exodus) പോലെ, മനുഷ്യഭാവനയിൽ ഇന്നോളം രൂപം കൊണ്ടിട്ടില്ല. ബൈബിൾ പഴയനിയമത്തിലെ രണ്ടാമത്തെ പുസ്തകമാണ് പുറപ്പാട്. തുടർന്നങ്ങോട്ടുള്ള മുപ്പത്തേഴു പുസ്തകങ്ങളിൽ മിക്കതും പുറപ്പാടിന്റെ തുടർക്കഥകളുമാണ്. ഗ്രീക്കോ-റോമൻ സാമ്രാജ്യങ്ങൾക്ക് യഹൂദരുമായുണ്ടായ വൈരത്തിന് യഹോവയെത്തന്നെ നേരിട്ടിടപെടുത്തിക്കൊണ്ടാണ് ഇസ്രയേൽജനത പരിഹാരമുണ്ടാക്കിയത്. എന്നിട്ടും യുദ്ധവിജയങ്ങളല്ല, പലായനങ്ങളായിരുന്നു അവരുടെ വിധി. ചരിത്രത്തിന്റെ പരിണാമത്തിൽ യഹൂദരുടെ യഹോവ, അവരുടെ വേട്ടക്കാരുടെയും ദൈവമായി. പിന്നെ അതേദൈവം ഇസ്ലാമിനെ പൊതുശത്രുവാക്കി. കുരിശുയുദ്ധങ്ങൾ പിന്നിട്ട് ഇരുപതാം നൂറ്റാണ്ടിലെത്തുമ്പോൾ യഹൂദർ നേരിട്ട മറ്റൊരു നരഹത്യക്കും ചരിത്രം സാക്ഷിയായി. ഇക്കുറി യഹോവ അയച്ചത് മോശയെയായിരുന്നില്ല, സാമ്രാജ്യത്ത-കമ്യൂണിസ്റ്റ് സഖ്യകക്ഷിസേനയെയായിരുന്നു. എന്തായാലും യഹോവ തുടങ്ങിവച്ചത് സഖ്യസേന പൂർത്തിയാക്കി. 1948-ൽ യഹൂദരാഷ്ട്രമായി ഇസ്രയേൽ രൂപം കൊണ്ടു. ലോകമെങ്ങും ചിതറിപ്പോയ യഹൂദർ ഇസ്രയേലിലേക്കു തിരിച്ചുവന്നുതുടങ്ങി. പക്ഷെ വീണ്ടുമാരംഭിക്കുന്നു, ഫലസ്തീനുമായുള്ള സംഘർഷങ്ങൾ. ലോകാവസാനം വരേയ്ക്കും തുടരും, ഇസ്ലാമും ക്രൈസ്തവ-യഹൂദമതങ്ങളും തമ്മിലുള്ള വൈരം എന്ന വസ്തുതയ്ക്കടിവരയിട്ടുകൊണ്ട് പുതിയ നൂറ്റാണ്ടിലും ലോകത്തെ ഏറ്റവും സംഘർഷാത്മകമായ രാഷ്ട്രീയനാടകമാണ് 'വിശുദ്ധ'നാടുകളിൽ അരങ്ങുതകർത്താടുന്നത്.

ബി.സി. പത്താം നൂറ്റാണ്ടിൽ സോളമന്റെ കാലത്തു തുടങ്ങിയതാണ് കേരളത്തിലേക്കുള്ള യഹൂദസഞ്ചാരം. കച്ചവടത്തിനുവേണ്ടിയാരംഭിച്ച ആ യാത്രകൾ ഏ.ഡി. ഒന്നാം നൂറ്റാണ്ടിൽ രാഷ്ട്രീയാഭയാർഥിത്വമായി മാറി. പശ്ചിമേഷ്യയിൽനിന്നു ചിതറിയ യഹൂദർ ലോകമെങ്ങും കുടിയേറി. മനുഷ്യചരിത്രത്തിലെ ഏറ്റവും വിലയ സഹനങ്ങളിലൂടെയാണ് പിന്നീടു രണ്ടു സഹസ്രാബ്ദം യഹൂദർ കടന്നുപോയത്. നാസിക്യാമ്പുകളിൽ മാത്രം കൊല്ലപ്പെട്ടത് 60 ലക്ഷം യഹൂദരാണ്! കേരളത്തിൽ കൊടുങ്ങല്ലൂരിനു ചുറ്റും വേരുറപ്പിച്ച യഹൂദർ ക്രമേണ മലബാർ യഹൂദർ, കറുത്ത യഹൂദർ എന്നൊക്കെ പശ്ചിമേഷ്യയിലും യൂറോപ്പിലും അറിയപ്പെട്ടു തുടങ്ങി. പോർട്ടുഗീസുകാരുടെ കാലത്ത് സ്‌പെയിനിലും പോർട്ടുഗലിലും നിന്നു പലായനം ചെയ്ത യഹൂദരിൽ ഒരു വിഭാഗം കൊച്ചിയിലെത്തി. അവർ വെളുത്ത യഹൂദർ, പരദേശി യഹൂദർ എന്നു വിളിക്കപ്പെട്ടു. കറുത്തവരും വെളുത്തവരും തമ്മിൽ ലോകത്തെവിടെയും നിലനിൽക്കുന്ന അന്തരങ്ങളും വൈരുധ്യങ്ങളും കേരളത്തിൽ ഈ രണ്ടു വിഭാഗം യഹൂദർക്കിടയിലുമുണ്ടായി. ഒരു ദൈവം. ഒരു മതം. പക്ഷെ പല ജാതികൾ. ചോരയുടെ കലർപ്പിൽ കാലം യഹൂദരെ പലതാക്കി. 1948-ൽ ഇസ്രയേൽ രൂപീകൃതമായതോടെ അങ്ങോട്ടു കുടിയേറി, കറുത്ത യഹൂദരെങ്കിൽ വെളുത്ത യഹൂദർ പൊതുവെ അമേരിക്ക മുതൽ ആസ്‌ത്രേലിയ വരെയുള്ള 'പാശ്ചാത്യ'രാജ്യങ്ങളിലേക്കാണ് കുടിയേറിയത്.

ഇസ്രയേലിലേക്കുള്ള കറുത്ത യഹൂദരുടെ കുടിയേറ്റത്തെക്കുറിച്ച് കേരളത്തിൽ കഴിഞ്ഞ നൂറ്റാണ്ടിന്റെ രണ്ടാം പകുതിയിലും പുതിയ നൂറ്റാണ്ടിന്റെ തുടക്കത്തിലുമുണ്ടായ നിരവധിയായ ജനപ്രിയചരിത്രപാഠങ്ങളുടെ നോവൽരൂപമാണ് 'ആലിയ'.

ഇരുപതാം നൂറ്റാണ്ടിന്റെ ഒന്നാം പകുതിയാണ് കാലം. ചേന്ദമംഗലത്തെ യഹൂദത്തെരുവിൽ എപ്രായിം കെട്ടിയ വലിയ വീട്ടിൽ ജീവിക്കുന്ന നാലുതലമുറകളാണ് 'ആലിയ'യുടെ അച്ചുതണ്ട്. മൂവായിരം കൊല്ലം മുൻപ്, സോളമന്റെ കാലത്തു പുറപ്പെട്ടുപോന്ന് കേരളത്തിൽ വേരുറപ്പിച്ച് യഹൂദരുടെ പിൻഗാമികളാണവർ. യഹൂദപ്രമാണിയായിരുന്ന എപ്രായിമിന്റെ കാലം കഴിഞ്ഞു. നേരും ചൊവ്വുമുണ്ടായിരുന്ന വർത്തകമുഖ്യനായിരുന്നു, അയാൾ. മകൻ ഐസേക്ക് കള്ളക്കണക്കും ചതിയും കൈമുതലാക്കി വളർന്നുവെങ്കിലും വെള്ളപ്പൊക്കത്തിൽപെട്ടു മുങ്ങിച്ചത്തു. ഭാര്യ ഏശി മൂന്നു മക്കളെ വളർത്തി മുത്തിമ്മയായി. മൂത്ത മകൻ മെനഹിം കൊച്ചിയിലെ തോപ്പുംപടിയിലേക്കു താമസം മാറ്റി. പണിയൊന്നുമെടുക്കാതെ, മതഗ്രന്ഥങ്ങൾ പഠിച്ച് നാടുവിട്ടു; ഏറെക്കാലം ബോംബെയിലും മറ്റും കഴിഞ്ഞ് തിരിച്ചുവന്നു. രണ്ടാമൻ ഏവറോൻ, അപ്പന്റെ കച്ചവടം ഏറ്റെടുത്തെങ്കിലും പിടിപ്പുകേടു മൂലം അതു ക്ഷയിച്ചു. ഇളയ മകൻ ഏലിയാസ് വായനയും പഠിപ്പുമായി കൂടി. ഏവറോൻ എറണാകുളത്തുവച്ച് റബേക്കയെ കണ്ടു മോഹിച്ചു. അവർ വിവാഹിതരായി. അവർക്ക് സോളമൻ എന്ന മകൻ പിറന്നു. അവനാണ് കഥാനായകനായി മാറുന്ന ശലമോൻ. വിദേശാധിപത്യത്തെ പേരുമാറ്റത്തിലൂടെ വെല്ലുവിളിച്ച്, വർഗീസ് എന്ന തന്റെ പേര് വറുതൂട്ടി എന്നാക്കിയ മാഷ് തന്നെയാണ് സോളമനെ ശലമോനാക്കിയതും.

1948-ൽ ഇസ്രയേൽ രൂപീകൃതമായതോടെ വംശവൃക്ഷത്തിന്റെ വേരുകൾ ചേന്ദമംഗലത്തെ കറുത്ത യഹൂദരെയും തിരികെ വിളിച്ചു തുടങ്ങി. റബേക്ക മരിച്ചു. ഏവറോൻ കച്ചവടം വിട്ട് പഞ്ചായത്താപ്പീസിന്റെ തിണ്ണനിരങ്ങിത്തുടങ്ങി. ശലമോൻ കോളേജിൽ ചേർന്നു. എൽസിയെന്ന നസ്രാണിപ്പെണ്ണ് അവന്റെ മനസ്സിൽ കുടിയേറി. ഇതിനിടെ മെനഹിം തന്റെ പൂർവകാമുകിയും ബാഗ്ദാദിയഹൂദയുമായ എസ്‌തേറിനെ സ്വന്തമാക്കിയെങ്കിലും അവൾക്കു കമ്പം ശലമോനോടായിരുന്നു. വല്യമ്മയുമായി പാപം ചെയ്തതിന്റെ കുറ്റബോധത്തിൽ ശലമോൻ പിന്നെ തോപ്പുംപടിക്കു പോയില്ല. നാട്ടിൽ ബൈൻഡർ ദാവീദ്, വറുതൂട്ടിമാഷ്, കമ്യൂണിസ്റ്റുകാരൻ പവിത്രൻ, ഏലിയാച്ച തുടങ്ങിയവരൊക്കെ ശലമോന് യഹൂദരുടെ ചരിത്രവും പുറപ്പാടിന്റെ രാഷ്ട്രീയവും പറഞ്ഞുകൊടുത്തു. ഏശിമുത്തിമ്മ കുടുംബത്തിന്റെ പുരാവൃത്തങ്ങളും. ആകാശവും ഭൂമിയു(ചന്ദ്രനു)മുള്ള കാലത്തോളം ജോസഫ് റബ്ബാനും പിൻഗാമികൾക്കുമായി മഹാരാജാവ് പതിച്ചുകൊടുത്ത അവകാശങ്ങൾ പോലും വേണ്ടെന്നുവച്ച് കൂട്ടരും വീട്ടുകാരും ഇസ്രയേലിലേക്കു കുടിയേറുന്നു. ശലമോൻ മാത്രം നാട്ടിൽ തുടരുന്നു.

'നേരം വെളുക്കുന്നതേ ഉണ്ടായിരുന്നുള്ളൂ. നേർത്ത മഞ്ഞും പുലരിത്തണുപ്പുമുണ്ട്.

കരിപ്പായിക്കടവിനടുത്തുള്ള കരിങ്കൽത്തിണ്ണയിൽ, പുഴവെള്ളത്തിലേക്ക് തുറിച്ചുനോക്കിക്കൊണ്ടു ശലമോൻ ഇരുന്നു.

യഹൂദത്തെരുവിൽ ഇപ്പോൾ തിരച്ചിലും ബഹളവുമായിരിക്കും. ഒച്ചയും നിലവിളിയുമുണ്ടാകും. അയാൾ ഓർത്തു. നിവർത്തിയിട്ട കിടക്കപ്പായിൽ നിന്ന് അതേപടി മാഞ്ഞുപോയ, കുടുംബത്തിലെ ഏക ആൺതരി. പേരുകേട്ട എപ്രായിം കുടുംബത്തെ ഇനി വരും തലമുറകളിലേക്ക് കൊണ്ടുപോകാൻ നിയോഗിക്കപ്പെട്ടവൻ.

ഏവറോന്റെ മകൻ, സോളമൻ എന്ന ശലമോൻ

ഒടുവിൽ -

സമയം വൈകുന്നു. ബോട്ട് പോകും. തീവണ്ടി പോകും. വിമാനം പോകും.

അങ്ങനെ, ഒടുവിൽ, എപ്രായിം കുടുംബവും ഈ കര വിടാനൊരുങ്ങുകയായി, തങ്ങളുടെ ചോരയുടെ അവസാനത്തെ തുള്ളിയെ ബാക്കിവച്ചുകൊണ്ട്. അതു ദൈവവിധിയാകാം. പൂർവ്വീകർക്കുവേണ്ടിയുള്ള പിഴയൊടുക്കലാകാം.

അന്നാദ്യമായി തന്റെ അകമാകെ ഒഴിഞ്ഞതുപോലെ ശലമോന് തോന്നി. ഒന്നും ബാക്കിയില്ല, കാഴ്ചകളായി, ശബ്ദങ്ങളായി, തോന്നലുകളായി.

നൂറ്റാണ്ടുകൾക്ക് മുമ്പു ആദ്യമായി ഈ മണ്ണ് ചവിട്ടിയവന്റെ മനസ്സ്‌പോലെ ഇതും. എല്ലാം ആദിപൂതി തുടങ്ങുകയായിരുന്നല്ലോ എവിടന്നോ വന്നു കയറിയവർ. ആ ഗതിതന്നെ ഇപ്പോൾ തനിക്കും.

ഈകരയിലെ അവസാനത്തെ യഹൂദൻ.

ആദ്യം വന്നവന്റെ പേര് ആർക്കുമറിയില്ല. പക്ഷേ, അവസാനത്തവന്റെ പേരടയാളം ഒരു കാലത്ത് ആരെങ്കിലും ആ പള്ളിച്ചുമരിൽ കൊത്തിയിട്ടുവെന്നു വരാം.

ഏവറോന്റെ മകൻ സേളമൻ എന്ന ശലമോൻ. ഇവിടെ ജനിച്ചു, ഇവിടെത്തന്നെ അടക്കം ചെയ്തു.

പിറന്ന മണ്ണിൽത്തന്നെ അലിഞ്ഞുചേരുന്നതിനെക്കാൾ വലിയ സുകൃതം എന്തുണ്ടീ ജന്മത്തിൽ?

അപ്പോഴേക്കും വെയിൽ ഉദിച്ചു കഴിഞ്ഞിരുന്നു. പുഴ കടന്നു പോകേണ്ടവർ അക്കരെ നിൽക്കുന്ന കടത്തുവഞ്ചിക്കായി വിളിച്ചു കൂവുന്നുണ്ടായിരുന്നു.

അയാളൊന്നും കേട്ടില്ല. ഒന്നും കണ്ടതുമില്ല.

കാരണം, അയാൾക്കെങ്ങും പോകാനില്ലായിരുന്നു'.

ചരിത്രം ഒരാവർത്തനപ്പുസ്തകമാണെന്നു തെളിയിക്കുന്നു, ആലിയ. അധിനിവേശങ്ങളുടെ. പുറപ്പാടുകളുടെ. വംശവെറികളുടെ. ജാതിവിവേചനങ്ങളുടെ. ലിംഗാനീതികളുടെ. മതകലാപങ്ങളുടെ. പലായനങ്ങളുടെ. കുടിയേറ്റങ്ങളുടെ. മണ്ണും മനുഷ്യരും തമ്മിലുള്ള വിശ്ലഥബന്ധങ്ങളുടെ. ചോരക്കലർപ്പുകളുടെ. പാപങ്ങളുടെ - ഒക്കെ ആവർത്തനമാണ് ചരിത്രത്തിന്റെ പാഠസ്വരൂപമെന്ന് ഈ നോവൽ അടിവരയിട്ടു പറയുന്നു.

അതേസമയം, ചരിത്രത്തെ പ്രശ്‌നവൽക്കരിക്കുന്ന നോവൽ എന്ന നിലയിൽ തോമസ്മന്നും പാസ്തർനാക്കും മറ്റുമവതരിപ്പിച്ചതുപോലെ ആലിയ ചരിത്രത്തെക്കുറിച്ചുള്ള ചിന്തകളോ വ്യാഖ്യാനങ്ങളോ അവതരിപ്പിക്കുന്നില്ല. ആനന്ദിന്റേതുപോലെ ചരിത്രത്തിന്റെ രേഖീകരണവും വിമർശനവുമല്ല സേതുവിന്റെ നോവൽരചനാരീതിശാസ്ത്രം. കുന്ദേരയും യോസയും മാർക്കേസുമൊക്കെ ചെയ്തതുപോലെ ചരിത്രം മുൻനിർത്തിയുള്ള മനുഷ്യാസ്തിത്വത്തിന്റെ ആഖ്യാനമല്ല ആലിയായിലുള്ളത്. എക്കോയും റുഷ്ദിയും മറ്റും ഊന്നൽ നൽകിയ ബദൽ ചരിത്രരചനയുമല്ല സേതുവിന്റെ സംരംഭം. മേല്പറഞ്ഞ നാലു സമീപനങ്ങളിൽനിന്നും ഭിന്നമായി, ഒരു ചരിത്രാനുഭവത്തെക്കുറിച്ചു രൂപംകൊണ്ടിട്ടുള്ള നിരവധിയായ ജനപ്രിയപാഠങ്ങളെ പിൻപറ്റി അതിനെക്കുറിച്ചു രൂപപ്പെടുത്തുന്ന ഒരു കഥാപാഠമാണ് ഈ നോവൽ.

ഇസ്രയേലിലേക്കു മടങ്ങുകയോ മടങ്ങാതിരിക്കുകയോ ചെയ്യുന്ന യഹൂദരെക്കുറിച്ചുണ്ടായ നിരവധിയായ ഫീച്ചറുകൾ, റിപ്പോർട്ടുകൾ, അവരുമായി നടത്തിയ അഭിമുഖങ്ങൾ, കറുത്ത യഹൂദരും പരദേശി യഹൂദരുമുൾപ്പെടെയുള്ളവരുടെ വംശപുരാണങ്ങൾ തുടങ്ങിയവയൊക്കെ മുൻനിർത്തി സേതു രൂപപ്പെടുത്തുന്ന നോവൽപാഠം.

നിരവധി ചരിത്രസന്ദർഭങ്ങളുടെ മിത്തുവൽക്കരണവും കഥാവൽക്കരണവുമാണ് ആലിയയുടെ ആഖ്യാന ഘടനയെ സവിശേഷമാക്കുന്നത്. കറുത്ത യഹൂദരുടെ പഴമ്പുരാണം ഏലിയാച്ചയും ആചാരങ്ങളും പാരമ്പര്യങ്ങളും ഏശിമുത്തിമ്മയും ഇസ്രയേൽ രൂപീകരണത്തിന്റെ ചരിത്രവും രാഷ്ട്രീയവും വറുതൂട്ടി മാഷും പന്തിഭോജനത്തിന്റെ കഥ പവിത്രനും ശലമോനു പറഞ്ഞുകൊടുക്കുന്നു. പുറപ്പാടിന്റെ മിത്തും ചരിത്രവും പുരാണവും വർത്തമാനവും ആ കഥകളിൽ മറനീങ്ങുന്നു. ചരിത്രത്തിന്റെ മിത്തിക്കൽ ആവർത്തനങ്ങളെന്ന നിലയിലോ മിത്തുകളുടെ ചരിത്രാത്മക പുനരാഖ്യാനങ്ങളെന്ന നിലയിലോ കാണാവുന്ന ചില സന്ദർഭങ്ങളാണ് പഴയനിയമത്തിന്റെ ജനപ്രിയരൂപകങ്ങളുടെ തനിപ്പകർപ്പുകളായി നോവലിലുടനീളം നിറയുന്നത്. പ്രളയത്തിന്റെ മിത്ത് ഐസക്കിന്റെ മരണത്തിലും മരിച്ചവരുമായുള്ള സംവാദം ശലമോന്റെ സ്വപ്നങ്ങളിലും പിതാപുത്രബന്ധത്തിന്റെ സംഘർഷങ്ങൾ ഒന്നൊഴിയാതെ നാലുതലമുറയിലും അഗമ്യഗമനത്തിന്റെ പാപത്തിണർപ്പുകൾ എസ്‌തേർ-ശലമോൻ ബന്ധത്തിലും റബേക്ക-ഏലിയാസ് ബന്ധത്തിലും ആവർത്തിക്കുന്നു. നിത്യകന്യകയാകുന്നു, എൽസി.

ഏഴു സൂക്ഷ്മഭാവസന്ദർഭങ്ങളാണ് നോവൽ എന്ന നിലയിൽ ആലിയയെ കലാത്മകമാക്കുന്നത്.

മലയാളനോവലിലെ വേറിട്ടുനിൽക്കുന്ന ദേശീയതാ-വംശീയതാ പാഠങ്ങളിലൊന്ന് എന്നതാണ് ആദ്യതലം. പ്രാദേശികനോവൽ, ഉപ-ദേശീയനോവൽ എന്നീ നിലകളിൽ ആലിയ അവതരിപ്പിക്കുന്ന സാംസ്‌കാരിക ഭൂമിശാസ്ത്രത്തിന്റെ ചരിത്രബന്ധം ഇവിടെ വിശദീകരിക്കാനാവും.

സ്ത്രീകളുടെ കർതൃശേഷിയിലുള്ള ഊന്നലാണ് രണ്ടാമത്തേത്. പാണ്ഡവപുരം ഉൾപ്പെടെയുള്ള സേതുവിന്റെ നോവലുകളുടെ തനതു രീതികളിലൊന്നാണിത്. ആലിയയിൽ ഏശിമുത്തിമ്മ, റബേക്ക, എസ്‌തേർ, എൽസി, വീറോണി എന്നീ അഞ്ചു സ്ത്രീകളും താന്താങ്ങളുടെ കുടുംബ, പുരുഷ, കാമനാബന്ധങ്ങളിൽ അസാധാരണമാംവിധം നിർവാഹകശേഷി പ്രകടിപ്പിക്കുന്നവരാണ്. സ്വാത്മബോധവും സ്വാതന്ത്ര്യദാഹവുമാണ് വീറോണിക്കും എൽസിക്കുമുള്ള ബലം. റബേക്കയും എസ്‌തേറും പഴയനിയമത്തിൽ നിന്നിറങ്ങിവന്നവരാകുന്നു. നിഗൂഢവും മോഹനീയവുമായ സ്‌ത്രൈണചേതനകൾ. സാറായുടെ പിൻഗാമികൾ.

 

ക്ഷീണകാമികളായ പുരുഷന്മാരുടേതാണ് മൂന്നാമത്തെ തലം. തൃഷ്ണാക്ഷയം വന്നവരാകുന്നു, എപ്രായിമും ഐസേക്കും മെനഹിമും ഏലിയാസും ശലമോനും ഒന്നടങ്കം. മോസസ് മാഷും അന്ത്രപ്പേരും മറ്റൊരർഥത്തിൽ ക്ഷീണിതരാണ്. കാമനാലോകങ്ങൾക്കു പുറത്താണവരുടെ ജീവിതവും സ്വത്വവും. ഏബ്രഹാം മുതൽ ലോത്ത് വരെയും ഹാം മുതൽ റൂബൻ വരെയും അബ്‌സലോം മുതൽ അമ്‌നോൺ വരെയുമുള്ളവരുടെ അഗമ്യഗമനപാരമ്പര്യം ശലമോനിൽ പൂർത്തീകരിക്കുന്നുവെങ്കിലും എൽസിക്കു മുൻപിൽ അയാൾ ഷണ്ഡനാകുന്നു.

ചരിത്രത്തിന്റെ പരിവർത്തനങ്ങളാണ് നാലാമത്തെ ഭാവതലം. മുൻപു സൂചിപ്പിച്ചതുപോലെ, ചിന്തയുടെ ആഴത്തെക്കാൾ വസ്തുതകളുടെ പരപ്പിൽ അഭിരമിക്കുന്ന നോവലാണ് ആലിയ. കുടിയേറ്റത്തിന്റെയോ പുറപ്പാടിന്റെയോ വംശീയതയുടെയോ വംശഹത്യകളുടെയോ ചരിത്രഭാരം ഏറ്റെടുക്കുന്ന ഭാവബദ്ധതയ്ക്കുപകരം പറിച്ചുനടലിന്റെ വൈകാരികതയിൽ ഒതുങ്ങിനിൽക്കുകയാണ് നോവൽ.

നിശ്ചയമായും സന്ദേഹമുണർത്തുന്ന നിരവധി വസ്തുസ്ഥിതികഥനങ്ങൾ ചരിത്രത്തിന്റെ ആഴക്കുറവിനൊപ്പം ആലിയയുടെ ആഖ്യാനകലയെ പ്രശ്‌നഭരിതമാക്കുന്നുണ്ട്. ഏതാണ്ടൊരു അരനൂറ്റാണ്ടിന്റെ കഥാകാലമുള്ളപ്പോഴും 1940കളും അൻപതുകളുമാണല്ലോ നോവലിലെ പ്രത്യക്ഷകാലം. കമ്യൂണിസ്റ്റ് പാർട്ടി, സമ്മേളനങ്ങൾക്ക് ആളെ വാടകക്കു കൊണ്ടുപോകുന്നതിനെക്കുറിച്ചും മണൽ വാരിയ കയങ്ങളിൽ ചെറുപ്പക്കാർ മുങ്ങിമരിക്കുന്നതിനെക്കുറിച്ചും ചെഗുവേര, സഖാക്കളുടെ പ്രസംഗങ്ങളിൽ നിറയുന്നതിനെക്കുറിച്ചുമൊക്കെയുള്ള സൂചനകൾ ചരിത്രവുമായി പൊരുത്തപ്പെടുന്നവയാണോ? 1930കളിൽ ഡിറ്റക്ടിവ് നോവലുകളും തകഴിയും ബഷീറും ദേവും ഉറൂബും ധാരാളമായി വായിക്കപ്പെടുന്നു എന്ന പരാമർശവും, പത്രം വരുത്താത്ത വീട് റബേക്കയുടെ അപ്പനിൽ വിസ്മയം ജനിപ്പിക്കുന്നതിന്റെ ചിത്രീകരണവും ചരിത്രപരമായി യുക്തിസഹമാണോ?

പാരമ്പര്യവും ആധുനികതയും തമ്മിലുള്ള സംഘർഷങ്ങളും സമന്വയങ്ങളുമാണ് അഞ്ചാമത്തെ തലം. ഏശി മുത്തിമ്മയാണ് ഇവ രണ്ടിന്റെയും ദൃക്‌സാക്ഷി; ഭർത്താവും ഭർതൃപിതാവും ഒരു വശത്ത്. മക്കളും കൊച്ചുമകനും മറുവശത്ത്. കല്യാണച്ചടങ്ങുകൾ, പെണ്ണിന്റെ ശുദ്ധി പരിശോധന... ഓരോന്നും മാറിമറിയുന്ന കാലങ്ങൾക്ക് അവർ സാക്ഷിയാകുന്നു.

കഥപറച്ചിലുകളുടെ പരവതാനിലോകമാണ് ആലിയയുടെ ആഖ്യാനഭൂമികയിലൊന്നടങ്കം ചുരുൾ നിവരുന്നത്. കഥകൾ ചരിത്രമാകുന്നു, ചരിത്രം കഥകളാകുന്നു. ഏശിമുത്തിമ്മയും ഏലിയാച്ചയും എസ്‌തേറും മെനിഹിമും ശലമനോടു പറയുന്ന കഥകൾ തങ്ങളുടെ വംശത്തിന്റെയും കുടുംബത്തിന്റെയും ചരിത്രമായി മാറുന്നു. ദാവീദും വറുതൂട്ടിയും പവിത്രനും പറയുന്ന കഥകൾ ലോകത്തിന്റെയും നാടിന്റെയും ചരിത്രമായും. കഥ പറയുക മാത്രമല്ല, സ്വയം കഥയായി മാറുകയും ചെയ്യുന്നു, പല കഥാപാത്രങ്ങളും. എപ്രായിം, ഐസേക്ക് എന്നീ പിതാക്കന്മാർ മാത്രമല്ല, മെനഹിം, റബേക്ക, എസ്‌തേർ എന്നീ പുത്രരും ഉദാഹരണം.

ശലമൊൻ എന്ന നായകബിംബത്തിന്റെ നിർമ്മിതിയാണ് ഏഴാമത്തെ തലം. 1950കളിലും 60കളിലും മലയാളനോവലിൽ സൃഷ്ടിക്കപ്പെട്ട നിരാസക്തനും നിർമ്മമനുമായ അസ്തിത്വാന്വേഷിയുടെ വാർപ്പുമാതൃകയിലാണ് ശലമോനും നിർമ്മിക്കപ്പെട്ടിട്ടുള്ളത്. എഴുതിയകാല(2013)ത്തിന്റേതെന്നതിനെക്കാൾ കഥാകാല(1950)ത്തിന്റെ ഭാവുകത്വഘടനയിൽ രൂപംകൊള്ളുന്ന നായകനാണയാൾ. ഇതാകട്ടെ, ഒരേസമയംതന്നെ ഒരു സാധ്യതയും പരിമിതിയുമാണ്.

നോവലിൽ നിന്ന്:-

'അവർ വന്നത് കൂട്ടങ്ങളായാണ്, അസീറിയക്കാരുടെ, ബാബിലോണീയരുടെ, റോമാക്കാരുടെ അതിക്രമങ്ങളിൽ പൊറുതിമുട്ടി, ലോകമെമ്പാടും ചിതറിയ കൂട്ടത്തിൽ പരിചിതമായ മുളകുവഴികളിലൂടെ അവർ നമ്മുടെ പടിഞ്ഞാറൻ തീരത്തെത്തിയിരിക്കണം.

പിന്നെ, ഈ കുടിയേറ്റങ്ങൾക്കൊക്കെ ഒരു പൊതുസ്വഭാവമുണ്ട്. കൂട്ടം ചേർന്നുള്ള അലച്ചിലുകൾക്കിടയിൽ അവർ തമ്മിൽ ചോദ്യങ്ങൾ ചോദിക്കാറില്ല. ഉള്ളിൽ കുരുക്കുന്ന സംശയങ്ങളുടെ മുനകൾ അപ്പപ്പോഴായി ഒടിച്ചു മടക്കിയിടാൻ അവർ എന്നേ ശീലിച്ചു കഴിഞ്ഞിരിക്കുന്നു. കാരണം, അവരുടെ മുമ്പിൽ അപ്പോഴുള്ളത് പച്ചയായ ജീവിതം മാത്രമാണ്. ജീവൻ രക്ഷിക്കാനും, ജീവിതം മുന്നോട്ടു കൊണ്ടുപോകാനുള്ള വ്യഗ്രതയിൽ തങ്ങളുടെ സംശയങ്ങളുടെ പൊരുളില്ലായ്മയും അവരെ അലട്ടാറില്ല.

കാലമിത്ര കഴിഞ്ഞിട്ട് എവിടന്നു വന്നു, എന്നു വന്നു, എന്തിനു വന്നു തുടങ്ങിയ ചോദ്യങ്ങൾ തന്നെ പാഴ്‌വേലയല്ലേ? ആർക്കെങ്കിലും എന്നെങ്കിലും സ്വന്തം ഇടം എന്നൊന്നുണ്ടായിട്ടുണ്ടോ? കുടിയേറ്റങ്ങളുടെ കഥകളല്ലേ ലോകചരിത്രം മുഴുവനും? അതായത്, വന്നവരുടെയും, പോയവരുടെയും, അടിച്ചോടിക്കപ്പെട്ടവരുടെയും കഥകൾ. മനുഷ്യരാശിയുടെ ആരംഭം മുതലേയുള്ള തുടർച്ചയാണത്. ഉയിരുകാക്കാനും പശിയടക്കാനുമുള്ള തത്രപ്പാടിൽ, ഭൂഖണ്ഡങ്ങളിലൂടെയുള്ള മനുഷ്യന്റെ അലച്ചിലുകളിലൂടെ, കടന്നുകയറ്റങ്ങളിലൂടെയല്ലേ, ജനപദങ്ങളും സംസ്‌കാരങ്ങളും രൂപം കൊണ്ടത്? ആദിമമനുഷ്യന്റെ അന്തമില്ലാത്ത സഞ്ചാരങ്ങൾ. ഒഴിച്ചുപോക്കുകൾ. തിന്നും കൊന്നുമുള്ള മുന്നേറ്റങ്ങൾ. കൈയേറാനും കീഴടക്കാനുമുള്ള അവന്റെ വ്യഗ്രതകൾക്കിടയിൽ പല ആദിമഗോത്രങ്ങളും മാഞ്ഞുപോയി. കൈയൂക്കുള്ളവന്റെ മുഷ്‌കിൽ, കൗശലത്തിൽ, നാടും കാടും ജീവജാലങ്ങളുമൊക്കെ അവന്റെ ചൊൽപ്പടിയിലായി.

ഒന്നോർത്തോളൂ, ഈ കുടിയേറ്റമെന്ന് പറയുന്നത് മനുഷ്യന്റെ മാത്രമല്ല; ജന്തുക്കളുടെ, പക്ഷികളുടെ, ജീവജാലങ്ങളുടെ, സസ്യങ്ങളുടെ വരെ. ഈ മഹാപ്രയാണത്തിൽ അറിഞ്ഞോ, അറിയാതെയോ, ഒരുപാട് ഇടകലരലുകൾ നടക്കുന്നു. ഭാഷയിൽ, ജീവിതശൈലിയിൽ, സംസ്‌കാരത്തിൽ. അങ്ങനെ ഒരർത്ഥത്തിൽ കുടിയേറ്റങ്ങൾ രൂപാന്തരങ്ങൾ കൂടിയാകുന്നു.

പറഞ്ഞുപോകുകയാണ് വറുതുട്ടിമാഷ്. പരിചയമില്ലാത്തൊരു മൊഴിയിൽ, മുമ്പിലെ പുഴയെ സാക്ഷിയാക്കിയുള്ള ആ പറച്ചിലുകളിലൂടെ ഏതൊക്കെയോ കാണാലോകങ്ങൾ വിടർന്നുവരികയായിരുന്നു ശലമോന്റെ കൺമുമ്പിൽ.

ഇതിനു പുറകിലെ തെളിവുകളും രേഖകളും തേടിപ്പോകുകയെന്നത് അബദ്ധമാവും. കാരണം വ്യാഖ്യാനങ്ങളും പൊളിവചനങ്ങളുമായി നമ്മെ കുഴക്കുകയെന്നത് ചരിത്രത്തിന്റെ കുസൃതിയാണ്. ശതാബ്ദങ്ങളും തലമുറകളും കടന്ന് ഒരുപാട് കൂട്ടിക്കിഴിക്കലുകളോടെ, വഴിതിരിക്കലുകളിലൂടെ, നമ്മുടെ കൈയിൽപെടുന്ന ചരിത്രത്തിന്റെ തുണ്ടുകൾ എന്തു പുതിയ വെളിച്ചമാണ് തരുന്നത് എന്നു ചോദിച്ചാൽ കുഴങ്ങിപ്പോകുകയേ ഉള്ളൂ.

പ്രാചീന ഈജിപ്തിലെ അടിമത്തം താങ്ങാതായപ്പോൾ യഹോവ പറഞ്ഞുവത്രെ എന്റെ ആളുകൾ പോകട്ടെ. അവരെ നയിച്ചുകൊണ്ടു സീനായ്മലയിലൂടെ മോശ നടത്തിയതായിരുന്നു ആദ്യയാത്ര. പക്ഷേ, യറൂശലേമിലെ രണ്ടാമത്തെ പള്ളി പൊളിച്ചതിനു ശേഷമായിരിക്കാം യഹൂദന്മാരുടെ വലിയൊരു ചിതറിപ്പോക്ക് നടന്നത്. അതായത് ഒന്നാം നൂറ്റാണ്ടിലോ മറ്റോ. ഉയിര്കാക്കുക, വിശപ്പടക്കുക, സുരക്ഷിതമായൊരു താവളം കണ്ടെത്തുക ഇതൊക്കെ മാത്രമായിരുന്നു അന്നവരുടെ മുമ്പിൽ. അങ്ങനെ ലോകമെമ്പാടും പടർന്നുപോയവരുടെ കൂട്ടത്തിൽ ഒരു സംഘം നമ്മുടെ പടിഞ്ഞാറൻ തീരത്തും വന്നതാവാം. യെമനിൽ നിന്ന് വലിയൊരു കൂട്ടം വന്നിരുന്നുവെന്ന് കേട്ടിട്ടുണ്ട്. പിന്നെ ഇതൊക്കെ നേരിട്ട് ഒറ്റയടിക്കുള്ള വരവായിരുന്നില്ലല്ലോ. ലോകചരിത്രത്തിൽ നടന്നിട്ടുള്ള എല്ലാ കുടിയേറ്റങ്ങളെയുംപോലെ ഇതും പടിപടിയായുള്ള കൂടുമാറ്റങ്ങളായിരുന്നിരിക്കാം.

കൂടുമാറ്റങ്ങൾ? ശലമോൻ ചോദിച്ചു.

എന്താ സംശയം? അതിരുകളോ, വേലിക്കെട്ടുകളോ ഇല്ലാത്ത വലിയൊരു ലോകമായിരുന്നില്ലോ. പച്ചപ്പും കുടിനീരും തേടിപ്പോകുന്ന കന്നുകാലികളെപ്പോലെ, ഒരിടത്തു നിന്നു മറ്റൊന്നിലേക്ക്, അവിടന്ന് വേറൊന്നിലേക്ക്.... കൂടുതൽ പച്ചപ്പ്, കൂടുതൽ സുരക്ഷ, നീർപ്പറ്റ്.

എന്നാലും, ഇത്രയും ദൂരെ നിന്നു കടലുകൾ കടന്നു, നമ്മുടെ ഈ ചെറിയ ചുറ്റുപാടുകലിലേക്ക്... അതാണ് ശലമോന് വിശ്വസിക്കാനാവാത്തത്.

ഉണ്ടായിരുന്നു, വറുതുട്ടിമാഷ് തറപ്പിച്ചു പറഞ്ഞു. പത്തു രണ്ടായിരം ആണ്ടുകൾക്കു മുമ്പു നമ്മുടെ തീരവും യൂറോപ്യൻ രാജ്യങ്ങളുമായി നടന്നിരുന്ന കുരുമുളകു കച്ചവടം തന്നെ പ്രധാന കാരണം. ചരിത്രത്തിൽ പറയുന്ന സ്‌പൈസ്‌റൂട്ട്. അന്നു നമ്മുടെ മുസിരിസടക്കം പല തുറമുഖങ്ങളുമായി അവർക്ക് കച്ചവടബന്ധമുണ്ടായിരുന്നു. അങ്ങനെ ഒട്ടേറെ പോക്കുവരവുകളിലൂടെ, ആരേയും പേടിക്കാതെ കഴിയാവുന്ന നാടായി അവരിതിനെ കണ്ടുകാണണം.

പക്ഷേ, അവരൊക്കെ യഹൂദന്മാരായിരുന്നോ? 

തീർച്ചയായും അവരിൽ കുറെയേറെ യഹൂദരും ഉണ്ടായിരുന്നിരിക്കും. വറുതുട്ടിമാഷ് ഉറക്കെ ചിരിച്ചു. കാരണം, കച്ചവടം യഹൂദരുടെ ചോരയിലുള്ളതല്ലേ? അങ്ങനെ ചേന്ദമംഗലവും പറവൂരും കൊടുങ്ങല്ലൂരും മാളയും മേത്തലയും പുല്ലൂറ്റുമൊക്കെയായി അവർ പടർന്നുകയറി. ഈ സ്ഥലങ്ങളൊക്കെ ഏതെങ്കിലും തരത്തിൽ അന്നത്തെ കടൽക്കച്ചവടവുമായി കെട്ടുപിണഞ്ഞു കിടന്നിരിക്കണം. മേത്തലയിലെ യഹൂദക്കുളത്തിന്റെ കരയിലെ പഴയ പള്ളി പിന്നീട് അക്രമികൾ കത്തിച്ചുകളഞ്ഞതാണെന്ന് കേട്ടിട്ടുണ്ട്. കിഴക്കിന്റെ യറൂശലേമായിരുന്നു അന്നു മേത്തല. അതുകൊണ്ട് അവിടം വിട്ടുപോകുന്ന തെക്കുംഭാഗക്കാർ ഒരു പിടി ചാരം കിഴി കെട്ടി കൊണ്ടുപോകുമായിരുന്നത്രെ, ചാവുമ്പോൾ ശവപ്പെട്ടിയുടെ മീതെ തൂവാൻ. മറുനാടുകളിലേക്ക് കെട്ടിച്ചുവിടുന്ന പെൺകുട്ടികൾ കുപ്പായത്തുമ്പത്ത് ഇങ്ങനെയൊരു കെട്ടിടാൻ തുടങ്ങിയതോടെ വടക്കുംഭാഗക്കാർ അവരെ ചാരംകെട്ടികളെന്നു കളിയാക്കി വിളിക്കാൻ തുടങ്ങി.

ചിലത് ചരിത്രം. ചിലത് കേട്ടുകേൾവികൾ. വറുതുട്ടിമാഷ് കൂട്ടിച്ചേർത്തു. ഇടയില് കുറെ സത്യങ്ങളും കാണാതിരിക്കില്ല'.

ആലിയ
സേതു
ഡി.സി. ബുക്‌സ്
വില: 320 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
നിങ്ങൾ എന്താണ് വിചാരിച്ചത്... മര്യാദ ആണെങ്കിൽ മര്യാദ.. അല്ലെങ്കിൽ എല്ലാറ്റിനെയും ഞാൻ ശരിയാക്കും; ഞാൻ ബിഷപ്പാണ്.. എന്റെ ഇഷ്ടം പോലെ ചെയ്യും... ആരാ ഇവിടെ ചോദിക്കാൻ? പീഡനക്കേസിലെ പ്രതി റോബിനച്ചനെ അവസാനം വരെ സംരക്ഷിച്ച ബിഷപ്പ് മാർ ജോസ് പൊരുന്നേടത്തിനെ സംശയ നിഴലിൽ നിർത്തി ഫാ ഫ്രാൻസിസ് ഞള്ളമ്പുഴയുടെ ദുരൂഹ മരണവും; പീഡകൻ ഫ്രാങ്കോയുടെ അറസ്റ്റിന് വേണ്ടി വാദിച്ച സിസ്റ്റർ ലൂസിയെ ഒറ്റപ്പെടുത്തുന്നത് മാനന്തവാടി മെത്രാന്റെ ഉള്ളിലെ ഭയം തന്നെ
പരീക്ഷണത്തിനാണ് അഭിനയിക്കുന്നതെങ്കിൽ സ്വന്തം പണം മുടക്കി നിർമ്മിക്കണം; പ്രതികരണം ശരാശരിയെങ്കിലും തിയേറ്ററിൽ ഓടുമ്പോൾ അങ്ങനെ പറയാൻ പാടില്ലായിരുന്നുവെന്നും നിർമ്മാതാവ്; അഞ്ജലി മേനോന്റെ കൂടെയുടെ ആഘോഷത്തിൽ 'രണ'ത്തെ തള്ളി പറഞ്ഞ പൃഥ്വിക്കെതിരെ പ്രതിഷേധം ശക്തം; നടനെ തള്ളിപ്പറഞ്ഞ് സോഷ്യൽ മീഡിയയും
ഇപ്പോൾ കോൺഗ്രസുകാരെ മർദിക്കുന്ന പൊലീസുകാർ അറിയുക; രണ്ടു വർഷത്തിനു ശേഷം മുഖ്യമന്ത്രിയാകാൻ പോകുന്നയാളാണ് ഈ ഇരിക്കുന്നത്; ചെന്നിത്തലയെ മുഖ്യമന്ത്രിയാക്കാൻ പെരുന്നയുടെ സ്വന്തം നായരെത്തുന്നു! ഉമ്മൻ ചാണ്ടിക്ക് പണികൊടുക്കാൻ ഐ ഗ്രൂപ്പിനൊപ്പം ചേർന്ന് പിജെ കുര്യന്റെ തന്ത്രപരമായ നീക്കം; കെപിസിസിയെ നയിക്കാനെത്തുന്ന മുല്ലപ്പള്ളിക്ക് കാര്യങ്ങൾ എളുപ്പമാകില്ല; അവഗണനയിൽ മനംനൊന്ത് ഗ്രൂപ്പ് പ്രവർത്തനം സജീവമാക്കാൻ ഐ ഗ്രൂപ്പ്  
പണ്ട് രാജാവിനെ പോലെ നെഞ്ച് വിരിച്ച് കയറി വന്നിരുന്ന അതേ മഠത്തിൽ തലകുനിച്ച് ജലന്ധർ ബിഷപ്പ്; കന്യാസ്ത്രീകളും പരിചാരകരും ആദരപൂർവ്വം ആനയിച്ചിരുന്ന ബിഷപ്പിനെ ഇത്തവണ 20ാം നമ്പർ മുറിയിലേക്ക് പിടിച്ച് വലിച്ച് കേരള പൊലീസ്; ബലാൽസംഗം നടന്ന മുറിയിൽ തെളിവെടുപ്പ് നടന്നത് 45 മിനിറ്റ്; സ്തുതി പാടിയിരുന്നവർ വഴിയരികിൽ കാത്ത് നിന്ന് കൂവി; തെളിവെടുപ്പ് പൂർത്തിയാക്കി മെത്രാനെ വീണ്ടും പൊലീസ് ക്ലബ്ബിലേക്ക് കൊണ്ട്‌പോയി
ഇന്ത്യ ലോക സൂപ്പർ പവർ ആണെന്ന് വിളിച്ചു കൂവുമ്പോഴും രൂപയുടെ മൂല്യം വിദേശ നാണയങ്ങൾക്ക് എതിരെ തകർന്നടിയുന്നു; നിനച്ചിരിക്കാതെ ലോട്ടറിയടിച്ചു ആവേശത്തിൽ വിദേശ മലയാളികൾ; സാഹചര്യങ്ങൾ പൂർണ്ണമായും ഇന്ത്യക്ക് എതിര്; ഏതാനും മാസത്തേക്ക് കാര്യങ്ങൾ ഇതേ നിലയിൽ; മോദിയെ ഇടിച്ചു വീഴ്‌ത്താൻ രാഹുലിന് പകരം രൂപ എത്തുമ്പോൾ...
വേദപാഠവും വിശുദ്ധ കുർബാനയും ഇനി വേണ്ട; ബലാൽസംഗ വീരനായ മെത്രാനെതിരെ നിലകൊണ്ടവരെ നിശബ്ദരാക്കാൻ അച്ചടക്ക നടപടി; ഹൈക്കോടതിക്ക് മുന്നിലെ സമരത്തെ പിന്തുണച്ച സിസ്റ്റർ ലൂസിക്ക് എതിരെ മാനന്തവാടി അതിരൂപതയുടെ പ്രതികാര നടപടി; സഭയ്ക്ക് വീഴ്ച പറ്റിയെങ്കിൽ തിരുത്തണമെന്ന് പറഞ്ഞത് പ്രതികാരത്തിന് കാരണമായി; സഭയെ കുറ്റം പറഞ്ഞില്ലെന്നും നടപടിയിൽ ഖേദമുണ്ടെന്നും ലൂസി കളപുരയ്ക്കൽ
പ്രകൃതി വിരുദ്ധ പീഡനവും ബലാത്സംഗവും ചെയ്ത് രസിച്ച അതേ മുറിയിൽ തലകുനിച്ച് വീണ്ടും മെത്രാനെത്തി; ഫ്രാങ്കോയെ കുറവിലങ്ങാട് മഠത്തിലെത്തിച്ചത് അതീവ സുരക്ഷയിൽ; തെളിവെടുപ്പിന് മുമ്പ് കന്യാസ്ത്രീകളേയും മഠത്തിൽ നിന്ന് മാറ്റി; പൊലീസ് ചോദ്യങ്ങളോട് സഹകരിക്കാതെ മൗനം പാലിച്ച് മെത്രാന്റെ ഇടപെടൽ തുടരുന്നു; നുണപരിശോധനയിലൂടെ കള്ളി പുറത്താക്കാൻ പൊലീസും; പീഡനകനെ രക്ഷിക്കാൻ ശ്രമിച്ച ഫാ ജെയിസ് എതർത്തയിലും കുടുങ്ങും
20-നമ്പർ മുറി കൃത്യമായി കാട്ടിക്കൊടുത്തു; അലമാര തുറന്നപ്പോൾ കണ്ടത് നിറയെ പാന്റും ഷർട്ടും മുണ്ടും; പീഡിപ്പിച്ചില്ലെന്നും അന്ന് ധരിച്ചിരുന്ന വസ്ത്രം ഏതെന്ന് അറിയില്ലെന്നും മൊഴി നൽകി നിസ്സഹകരണം തുടർന്നു; അനുകൂലികളായ കന്യാസ്ത്രീകളുമായും ആശയ വിനിമയം; 45 മിനിറ്റ് തെളിവെടുപ്പിന് ശേഷം പുറത്തെത്തിച്ചപ്പോൾ നാട്ടുകാരുടെ വക കൂവലും; കുറവിലങ്ങാട് മഠത്തിൽ പീഡനക്കേസ് പ്രതി ഫ്രാങ്കോ മുളയ്ക്കലിനെ പൊലീസ് കൊണ്ടു വന്നത് പഴുതടച്ച സുരക്ഷയൊരുക്കി; നുണപരിശോധനയുമായും മെത്രാൻ സഹകരിക്കില്ല
ഫ്രാങ്കോ മുളയ്ക്കൽ കന്യാസ്ത്രീയെ പീഡിപ്പിച്ചത് വധഭീഷണി ഉയർത്തിയ ശേഷം; 13 തവണ പീഡിപ്പിച്ചത് പുറത്ത് പറഞ്ഞാൽ പുറംലോകം കാണില്ലെന്ന അധോലോക മോഡൽ ഭീഷണിയിൽ; തുടർ ചൂഷണങ്ങൾ ആത്മീയ അധികാരത്തിന്റെ പേരിൽ തന്നെ; അതീവ സുരക്ഷയൊരുക്കി കുറവിലങ്ങാട് മഠത്തിൽ തെളിവെടുപ്പ് ഇന്ന്; ഫ്രാങ്കോയുടെ പീഡനങ്ങൾ ഞെട്ടിക്കുന്നതെന്നും റിപ്പോർട്ട്
മൂന്നാം തീയതി പോകുമെന്ന് പറഞ്ഞിട്ട് രണ്ടാം തീയതി വിമാനം കയറി; 24ന് എത്തുമെന്ന് അറിയിച്ചിട്ട് ഒരു ദിവസം മുമ്പേ തിരിച്ചെത്തിയും മാധ്യമങ്ങളെ ഒഴിവാക്കി; അമേരിക്കൻ ചികിൽസ കഴിഞ്ഞ് മടങ്ങിയെത്തിയ ഇന്ന് മുതൽ ചുമതലകളിൽ സജീവമാകും; മുഖ്യമന്ത്രിയുടെ ചികിൽസയും വിശദാംശങ്ങളും ഇപ്പോഴും അതീവ രഹസ്യം; പുറത്തു വരുന്നത് പ്രോസ്‌ട്രേറ്റ് ക്യാൻസറിനുള്ള ചികിൽസ പൂർണ്ണ വിജയമെന്ന് അനൗദ്യോഗിക സൂചനകൾ മാത്രം; പിണറായിക്ക് ഇനി ചെന്നൈയിൽ റെഗുലർ ചെക്കപ്പ്
തിരുവനന്തപുരത്ത് മോഹൻലാൽ...കൊല്ലത്ത് സുരേഷ് ഗോപി...എറണാകുളത്ത് ശ്രീശാന്ത്; ഡൽഹയിൽ സേവാഗും അക്ഷയ് കുമാറും; മുംബൈ പിടിക്കാൻ സാക്ഷാൽ മാധുരി ദീക്ഷിത്ത്; സണ്ണി ഡിയോളിനേയും മത്സരിപ്പിക്കാൻ ആഗ്രഹം; ലോകസഭയിൽ 350 കടക്കാൻ 70ഓളം പ്രമുഖരെ രംഗത്തിറക്കാൻ പദ്ധതിയുമായി അമിത് ഷാ; മനസ്സ് തുറക്കാത്തത് മോഹൻലാൽ മാത്രം; പരിവാറിലൂടെ സൂപ്പർ സ്റ്റാറും അടുക്കുമെന്ന് പ്രതീക്ഷ; മോദി ഭരണം ഉറപ്പിക്കാൻ ബിജെപി തന്ത്രങ്ങൾ ഇങ്ങനെ
ബഷീർ ബഷിക്കെതിരെ പൊലീസിനെ സമീപിച്ച് രണ്ടാം ഭാര്യ! ആദ്യ ഭാര്യയ്‌ക്കൊപ്പം തന്നെ ലിവിങ് ടുഗെദർ ബന്ധത്തിലേർപ്പെട്ട തന്നെ വഞ്ചിച്ചെന്ന് ആരോപിച്ച് ബഷിക്കെതിരെ മോഡലായ യുവതി രംഗത്ത്; ബിഗ് ബോസിൽ നിന്നും പുറത്തായ ബഷീർ ബഷി അഴിയെണ്ണേണ്ടി വരുമോ? ബിഗ് ബോസിലെ സെലബ്രിറ്റി പരിവേഷം ഫ്രീക്കൻ ബഷിക്ക് രക്ഷയാകുമോ?
അവൻ നമ്മുടെയാളല്ല തട്ടിയേക്കൂ എന്നു ഫോണിൽ പറയുന്ന മെത്രാൻ! കൂട്ടിക്കൊടുപ്പുകാരിയുടെ തലത്തിലേക്ക് അധ:പതിച്ച മദർ സുപ്പീരിയർ; സ്വത്ത് വരെ സഭയ്ക്ക് നൽകി നിത്യവ്രതം അനുഷ്ഠിക്കുന്നതിനാൽ പുറത്താക്കാൻ ആർക്കും കഴിയില്ല; പ്രശ്‌നത്തിനെല്ലാം കാരണം അമ്മയെ പിതാവിനൊപ്പം കിടക്കാൻ സമ്മതിക്കാത്തതും; ഫ്രാങ്കോയുടെ ക്രൂരതകൾ സിസ്റ്റർ അനുപമ ഓർത്തെടുക്കുമ്പോൾ
സമ്മതമില്ലാതെ ചുംബിക്കാൻ ശ്രമിച്ചു, വീട്ടിനടുത്തുള്ള സ്‌കൂൾ വിദ്യർത്ഥികളായ ആൺകുട്ടികളെ കാലങ്ങളെടുത്ത് വരുതിയിലാക്കി ലൈംഗികമായി ഉപയോഗിച്ചു'; നടൻ ഹരിനാരായണന്റെ മരണത്തിനിടയക്കിയത് ചില ഫെമിനിസ്റ്റുകളുടെ ഈ ഗുരുതര ആരോപണങ്ങളോ? അപവാദത്തിൽ മനസ്സുനീറി വിഷാദരോഗിയായി മാറിയ നടൻ അമിതമായ ഗുളിക കഴിച്ച് മരണം സ്വയം വരിച്ചുവോ? ജോൺ എബ്രഹാമിന്റെ പ്രിയപ്പെട്ട നടന്റെ മരണം ഒരുകൂട്ടം ഫെമിനിസ്റ്റുകൾ നടത്തിയ 'കൊല'യെന്ന് സുഹൃത്തുക്കൾ
രതി വൈകൃതം സുഗമമാക്കാൻ ഓരോ വിദ്യാർത്ഥിക്കും പ്രത്യേകം മുറികളൊരുക്കി; അച്ചൻ പട്ടം പോകാതിരിക്കാൻ പഞ്ചനക്ഷത്ര ഹോട്ടലിൽ എത്തിച്ച് വസ്ത്രങ്ങൾ വലിച്ചു കീറി പൂർണ്ണ നഗ്നനാക്കി ഇരയുടെ വിഡിയോ ഷൂട്ട് ചെയ്തു; കുളിമുറിയിൽ ഒളിച്ചിരുന്ന് ജനനേന്ദ്രിയത്തിൽ മർദ്ദനവും; പീഡനക്കേസിൽ 14 ദിവസത്തിനകം ജാമ്യം നേടിയിട്ടും ലൈംഗിക ഭീകരത പുറത്തെത്തിച്ച ഇരയേയും അച്ഛനേയും കഞ്ചാവ് കേസിൽ കുടുക്കാൻ കരുക്കൾ നീക്കി വീണ്ടും അഴിക്കുള്ളിലാക്കി; ഇരിട്ടിയിലെ മുൻ വൈദികൻ ജെയിംസ് തെക്കേമുറി ചില്ലറക്കാരനല്ല
ഒന്നുമറിയാത്തപോലെ കൈവീശി നിന്ന് സ്ത്രീകൾ അടുത്തു കൂടി നടന്നു പോകുമ്പോൾ പിന്നിൽ സ്പർശിക്കുന്ന ഏമാന്റെ ദൃശ്യങ്ങൾ സമൂഹ മാധ്യമങ്ങളിൽ; പട്ടാപ്പകൽ നടുറോഡിൽ ഡ്യൂട്ടിക്കിടയിൽ നടത്തുന്ന വിക്രിയകളിൽ ഇയാൾ വിദ്യാർത്ഥിനികളെ പോലെും വെറുതെ വിടുന്നില്ല; സംശയം തോന്നി ചിലർ തിരിഞ്ഞു നോക്കിയിട്ടും യാതൊരു കൂസലുമില്ലാതെ പിന്നെയും പരിപാടി തുടരുന്നു; സേനക്ക് ആകെ നാണക്കേടായ കാക്കിക്കുള്ളിലെ ഞരമ്പുരോഗി ഹോം ഗാർഡാണെന്ന് കേരളാ പൊലീസ്
ക്യാപ്റ്റൻ രാജു അന്തരിച്ചു; അന്ത്യം കൊച്ചിയിലെ വസതിയിൽ; വിമാനയാത്രയ്ക്കിടയിലെ മസ്തിഷ്‌കാഘാതം അതിജീവിക്കാനാവാതെ നടന്റെ വിടപറയൽ; ഓർമ്മയാകുന്നത് വില്ലൻ കഥാപാത്രങ്ങളിലൂടെ മലയാളിയെ ചിരിപ്പിച്ച അഭിനയ പ്രതിഭ; പട്ടാളക്കാരന്റെ ജീവിത വേഷം അഴിച്ച ശേഷം സിനിമയിലെത്തിയ രാജു ഡാനിയൽ അഭിനയിച്ചത് മലയാളത്തിലും തെലുങ്കിലും തമിഴിലും ഹിന്ദിയിലുമായി 500ഓളം സിനിമകളിൽ; ക്യാപ്ടൻ രാജുവിന്റെ വിയോഗത്തിൽ വേദന പങ്കിട്ട് മലയാള സിനിമാ ലോകം
പാർട്ടി സർജന് ഡോക്ടർ വധു! കിർമാണി മനോജിന് ശേഷം ടിപിയെ വെട്ടുനുറുക്കി കൊന്ന പ്രധാനിക്കും മാംഗല്യമെന്ന് സൂചന; പരോൾ ലഭിച്ചാൽ രണ്ട് ദിവസത്തിനകം മിന്നുകെട്ട്; കൊടി സുനിക്ക് വധുവായെത്തുന്നത് മംഗലാപുരം ആശുപത്രിയിലെ ഡോക്ടറെന്ന് അഭ്യൂഹം; പൂവണിയാൻ പോകുന്നത് ഫേസ്‌ബുക്കിൽ മൊട്ടിട്ട പ്രണയമോ? കണ്ണൂരിലെ പുതിയ കല്യാണക്കഥ ഇങ്ങനെ
മഠം സന്ദർശനത്തിന് വന്ന ഫ്രാങ്കോ മുളയ്ക്കൻ രാത്രിയിൽ അവിടെ തങ്ങി; ചർച്ചക്കെന്ന് പറഞ്ഞ് മുറിയിലേക്ക് വിളിപ്പിച്ചു; അടുത്തു ചെന്നപ്പോൾ ചേർത്തുപിടിച്ചു; ഭയന്നുപോയ ഞാൻ കുതറിയോടാൻ ശ്രമിച്ചിട്ടും സാധിച്ചില്ല; തുടർന്ന് ക്രൂരമായി ബലാത്സംഗം ചെയ്തു; കന്യാസ്ത്രീ നൽകിയത് അക്കമിട്ട് നിരത്തിയ പരാതി; ഇടയനോടൊപ്പം ഒരു ദിവസം കാരണം തിരുവസ്ത്രം ഊരിയത് കർത്താവിന്റെ 18 മണവാട്ടികൾ; കേരളാ പൊലീസ് കുടുക്കിയത് പ്രാർത്ഥനാലയവും ലൈംഗിക ചൂഷണത്തിന് ഉപയോഗിച്ച മെത്രാനെ
ബംഗളുരു നഗരത്തിൽ നാലേക്കർ സ്ഥലത്ത് പൂന്തോട്ടത്തിന് നടുവിൽ ബംഗ്ലാവ്; പല അന്താരാഷ്ട്ര വിമാനത്താവളങ്ങളുടേയും സമീപം ഭൂമി; കൊട്ടാര സദൃശ്യമായ അരമനയും സമ്പൂർണ്ണമായി എസി ചെയ്ത സെമിനാരിയും; ഡൽഹിയിൽ സ്വകാര്യ ബസ് സർവ്വീസും പഞ്ചാബിൽ സാമ്പത്തിക ഇടപാടുകളും; മഠം സ്ഥാപിച്ചത് ലൈംഗിക ആവശ്യത്തിനും സാമ്പത്തിക ഇടപാടുകൾക്കുമായി; ബെങ്കയിലെ സെമിനാരിയുടെ ചുമതല സാമ്പത്തിക ക്രമക്കേടിന് പുറത്തായ വൈദികന്; ഫ്രാങ്കോയുടെ രഹസ്യ ജീവിതത്തിന്റെ ഞെട്ടിക്കുന്ന കഥകൾ
ഇപ്പോൾ കേന്ദ്രം അനുവദിച്ചത് എത്രയാണെന്ന് അറിയാമോ? കേരളം അനുവദിച്ചത് എത്രയാണെന്ന് അറിയാമോ? ഇതേക്കുറിച്ച് അംഗത്തിന് എന്തെങ്കിലും ധാരണയുണ്ടോ? ജീവൻ നഷ്ടമായവർക്കുള്ള നഷ്ടപരിഹാരം ഉയർത്തണമെന്നും വായ്‌പ്പകൾ എഴുതി തള്ളണമെന്നും ആവശ്യപ്പെട്ട എൽദോ എബ്രഹാം എൽഎൽയോട് ക്ഷുഭിതനായി മുഖ്യമന്ത്രിയുടെ ചോദ്യം; പിണറായിയുടെ ഇടപെടലിൽ സഭ പകച്ചുപോയ നിമിഷം..!
വെറുതെ കിടന്ന് വഴക്കുണ്ടാക്കാതെ.....ഓകെ താങ്ക് യു! ക്ഷമ ചോദിക്കുമോ എന്ന് ആവർത്തിച്ച് ചോദിച്ച് അവതാരിക; ചിരിച്ച് തള്ളി പിസി; കന്യാസ്ത്രീ കന്യകയല്ലെന്ന വാദത്തിൽ പൊട്ടിത്തെറിച്ച് ചോദ്യശരങ്ങൾ; തപ്പിയും തടഞ്ഞും ഇംഗ്ലീഷ് പറഞ്ഞ് പടിച്ച് നിൽക്കാൻ ശ്രമിച്ചെങ്കിലും പതറി വീണ് പൂഞ്ഞാർ എംഎൽഎ; ഷാനി പ്രഭാകരനേയും വേണു ബാലകൃഷ്ണനേയും തെറി പറഞ്ഞ് പേടിപ്പിച്ച് ശീലിച്ച പിസി ജോർജ് റിപ്പബ്ലിക് ചാനൽ അവതാരികയുടെ ചോദ്യത്തിന് മുമ്പിൽ പെട്ട് പോയത് ഇങ്ങനെ
ദിവസം രണ്ടരക്കിലോ ചിക്കനും അൻപത് മുട്ടയുടെ വെള്ളയും ഇനി എവിടെ നിന്നു കിട്ടും? പീഡന കേസിൽ അകത്തായ മുരളീകുമാറിന്റെ ഭക്ഷണചര്യകൾ കേട്ടു ഞെട്ടി പൊലീസും; ഓർമ്മ വെച്ചപ്പോൾ മുതൽ തുടർന്ന ഭക്ഷണവും എക്‌സർസൈസും ഇരുമ്പഴിക്കുള്ളിൽ മുടങ്ങുമ്പോൾ നഷ്ടമാകുന്നത് വർഷങ്ങളായി കാത്തു സൂക്ഷിച്ച ശരീരസൗന്ദര്യം: മിസ്റ്റർ ഏഷ്യയുടെ ആരാധകർക്കും സങ്കടം ഉള്ളിൽ ഒതുക്കാൻ വയ്യ
ശശി നടന്ന വഴിയിൽ കമ്മ്യൂണിസ്റ്റ് പച്ചപോലും മുളയ്ക്കില്ല! ഞാൻ ഗുണ്ടയെന്ന് പരസ്യമായി പറയുന്ന നേതാവ്; വിമർശിക്കുന്നവരെ പച്ചത്തെറി വിളിക്കാൻ ഒരു മടിയുമില്ല; ഷൊർണ്ണൂരിലെ മണൽ മാഫിയയുടെ തലതൊട്ടപ്പൻ; പാർട്ടി സമ്മേളനത്തിനെത്തിയ പിണറായിയെ ഊണു കഴിക്കാൻ വീട്ടിൽ കൊണ്ട് പോകാൻ നടത്തിയ ശ്രമം പൊളിച്ചത് പിണറായിയുടെ മുൻകോപം തന്നെ; പാർട്ടി വനിതാ നേതാവിന്റെ പരാതിയിൽ കുടുങ്ങിയ ഷൊർണ്ണൂർ എംഎൽഎ പികെ ശശി അത്ര ചെറുമീനല്ല
ആറുമാസം മുമ്പ് ഫെയ്‌സ് ബുക്കിലൂടെ ബോഡി ബിൽഡർ പരിചയം തുടങ്ങി; വീട്ടുകാരുമായും അടുത്ത് യുവതിയിൽ വിശ്വാസം നേടിയെടുത്തു; പിന്നെ ഭക്ഷണത്തിന് വിളിച്ച് കോട്ടയത്തെ ഹോട്ടൽ ഐഡയിൽ മുറിയെടുത്ത് ബലാത്സംഗം; നിലയ്ക്കാത്ത രക്തസ്രാവമുണ്ടായപ്പോൾ ആശുപത്രിയിൽ കൊണ്ടു വന്നതും മിസ്റ്റർ ഏഷ്യ പട്ടത്തിനുടമ; അവിവാഹിതയെ വിവാഹിതനായ നാവിക സേന പെറ്റി ഓഫീസർ പീഡിപ്പിച്ചത് അതിക്രൂരമായി; മുരളി കുമാർ അറസ്റ്റിൽ
പന്ത്രണ്ടായിരം ലക്ഷം കോടി ആസ്തിയുള്ള രാജ്യമാണ് ഇന്ത്യ; വിദേശ സഹായം സ്വീകരിക്കുന്നത് അപമാനം; നവകേരള നിർമ്മിതിക്ക് പൂർണ അധികാരമുള്ള സമിതി രൂപീകരിക്കണം; എങ്കിൽ എട്ട് വർഷംകൊണ്ട് പുതിയകേരളം പടുത്തുയർത്താൻ കഴിയും; ഡാം മാനേജ്‌മെന്റിലും കേരളത്തിന് വലിയ പാളിച്ച പറ്റി; ആദ്യഘട്ടിൽ കനത്ത മഴ പെയ്തപ്പോൾ ഡാമിലെ വെള്ളം തുറന്നുവിടാമായിരുന്നു; മനസു തുറന്ന് ഇ ശ്രീധരൻ; പുനർനിർമ്മാണം മെട്രോമാനെ ഏൽപ്പിക്കുമോ എന്ന ചലഞ്ചുമായി സോഷ്യൽ മീഡിയ
അമൃതയിലെ എംബിബിഎസ് പഠനകാലത്ത് മൊട്ടിട്ട പ്രണയം; പഠനം പൂർത്തിയാക്കി ലേക് ഷോറിൽ പ്രാക്ടീസ് ചെയ്ത ശ്രീജ അമേരിക്കയ്ക്ക് പറന്നപ്പോഴും രോഹിത്തുമായുള്ള ആത്മബന്ധം തുടർന്നു; വിവാഹത്തിലൂടെ ഒരുമിക്കാനുള്ള രോഹിത്തിന്റെയും ശ്രീജയുടെയും ആഗ്രഹത്തിന് സന്തോഷത്തോടെ സമ്മതം മൂളി ചെന്നിത്തലയും വ്യവസായി ഭാസിയും; ചിങ്ങ മാസത്തിലെ ഉത്രം നാളിൽ വിവാഹ നിശ്ചയം നടന്നപ്പോൾ പൂവണിയുന്നത് വർഷങ്ങളുടെ പ്രണയം