നര(ക)ജീവിതങ്ങൾ
ഷാജി ജേക്കബ്
അതിസാധാരണമാംവിധം ദാമ്പത്യത്തിൽ സ്ത്രീ-പുരുഷന്മാർക്കിടയിൽ വളർന്നു മുറ്റുന്ന വിശ്വാസനഷ്ടത്തിന്റെയും ലൈംഗിക വരൾച്ചയുടെയും കാമനാദാരിദ്ര്യത്തിന്റെയും വഞ്ചനാലഹരിയുടെയുമൊക്കെ ആഴം തിരിച്ചറിഞ്ഞതുകൊണ്ടാണ് സിഗ്മണ്ട് ഫ്രോയ്ഡ് പറഞ്ഞത്, 'ഓരോ കിടപ്പറയിലും കുറഞ്ഞതു നാലു പേരെങ്കിലുമുണ്ടാകും,' എന്ന്. വ്യവസ്ഥയായിക്കഴിഞ്ഞാൽ ഏതുബന്ധവും അതിന്റെ ആസ്ഥയും ആർജ്ജവവും നഷ്ടമായി വെറും ചടങ്ങുമാത്രമായിത്തീരും. ക്രമേണ ചതിയുടെ ചതുപ്പുനിലമായും അതുമാറും.
മലയാളത്തിലെന്നല്ല, ലോകഭാഷകളേതിലും എഴുതപ്പെട്ടിട്ടുള്ള ആധുനിക സാഹിത്യത്തിലെ ഏറ്റവും പ്രമുഖമായ പ്രമേയമണ്ഡലങ്ങളിലൊന്ന് ഈ ദാമ്പത്യകാപട്യങ്ങളുടെ മറനീങ്ങലാകുന്നു. ആധുനിക-വ്യക്തിക്കു മേൽ കുടുംബമെന്ന സ്ഥാപനത്തിലൂടെയും ദാമ്പത്യം എന്ന വ്യവസ്ഥയിലൂടെയും സമൂഹവും മതവും ഭരണകൂടവുമൊക്കെ നിലനിർത്തുന്ന ശ്വാസംമുട്ടിക്കുന്ന അധികാരബാന്ധവങ്ങളും ഫണം നീർത്തിയ ലൈംഗികവെറികളും ഏതെല്ലാം വിധത്തിൽ പൊട്ടിത്തെറിക്കാം എന്നാർക്കുമറിയില്ല. അവരവർക്കൊഴികെ ലോകത്ത് രണ്ടാമതൊരാൾക്ക് ഒരിക്കലും പിടികൊടുക്കാത്ത മനസ്സുമായി ജീവിക്കുന്ന മനുഷ്യരുടെ ഇത്തരം ആത്മദംശനങ്ങളുടെ ആവിഷ്കാരമാണ് ഇ. സന്തോഷ്കുമാറിന്റെ 'ചിദംബരരഹസ്യം'. സന്തോഷ്കുമാറിനെക്കാൾ മികച്ച ഒരു കഥാകൃത്ത് ഈ നൂറ്റാണ്ടിൽ മലയാളത്തിലുണ്ടായിട്ടില്ല എന്നു തെളിയിക്കുന്ന മൂന്നു ഗംഭീരകഥകളാണ് ഈ പുസ്തകത്തിലുള്ളത്. പുരുഷാർത്ഥം നരകാഗ്നിയല്ലാതെ മറ്റൊന്നുമല്ലാത്ത ഒരു പറ്റം മനുഷ്യരുടെ ജീവിതവും മരണവും ഇടകലർന്നുണ്ടായ സൗന്ദര്യശില്പങ്ങൾ. ചിദംബരരഹസ്യം, മറ്റൊരു വേനൽ, മുസോളിയം എന്നിങ്ങനെ മൂന്നുകഥകൾ.
അരവിന്ദന്റെ 'ചിദംബരം' എന്ന സിനിമ ടിവിയിൽ കാണുകയാണ് ലീന. ഭാര്യാഭർതൃബന്ധത്തിലെ ഒറ്റപ്പെടലുകളും ചതികളും കുറ്റബോധം ജനിപ്പിക്കുന്ന പാപസഞ്ചാരങ്ങളും ഹത്യകളും പലായനങ്ങളും ജീവിതത്തിന്റെ എന്നെന്നേയ്ക്കുമായുള്ള പൊട്ടിച്ചിതറലുകളും ആത്മാനുതാപത്തിന്റെ പരകോടിയിൽ ചിദംബരത്തെ മഹാശൂന്യമണ്ഡലത്തിലേക്കുള്ള വിലയനവുമൊക്കെയായി മലയാളിയെ വിസ്മയിപ്പിച്ച കാമനാകാവ്യമായിരുന്നുവല്ലോ സി.വി.ശ്രീരാമന്റെ കഥ മുൻനിർത്തി നിർമ്മിക്കപ്പെട്ട അരവിന്ദന്റെ സിനിമ.
ഒന്നിച്ചു ജീവിക്കുമ്പോഴും രണ്ടു ജീവിതം നയിക്കുന്ന ദമ്പതികളാണ് ലീനയും സജീവനും. ഏകമകൻ ദൂരെ നഗരത്തിൽ പഠിക്കുന്നു. അഭിഭാഷകനായ സജീവൻ കേസ് നടത്തിപ്പിനായി തീവണ്ടിയിൽ തിരുവനന്തപുരത്തേക്ക് പോകുന്നുവെന്ന് പറഞ്ഞ് യാത്രയായി. പക്ഷെ ജൂനിയർ അഭിഭാഷകയുമൊത്ത് കാറിൽ മൂന്നാറിലേക്കാണ് അയാൾ പോയത്. യാത്രയിൽ കാർ കൊക്കയിലേക്ക് മറിഞ്ഞ് സജീവനും പെൺകുട്ടിയും ആശുപത്രിയിലാകുന്നു. അവൾ സുഖംപ്രാപിച്ചുവെങ്കിലും സജീവൻ ജീവിതത്തിലേക്കു തിരിച്ചുവന്നില്ല. അവളുമായി സജീവനുള്ള ബന്ധമെന്താണ്? എന്തിനാണ് വീട്ടിൽ നുണപറഞ്ഞ് അയാൾ അവളുമൊത്ത് മൂന്നാറിലേക്കു പോയത്? പെൺകുട്ടി കള്ളം പറയുകയല്ല എന്നു ലീനക്കു ബോധ്യമായി. പിന്നെ ആരാണ് കള്ളം പറഞ്ഞത്? നുണകളും കള്ളങ്ങളും കൊണ്ട് മുഖം മറച്ച് ഒരേ കിടപ്പറയിൽ ജീവിക്കുന്ന ഭാര്യാഭർത്താക്കന്മാരുടെ ആത്മസംഘർഷങ്ങളുടെ കഥയായി ചിദംബരരഹസ്യം മാറുന്നു.
സജീവന്റെ മരണം ഉറപ്പാകുമ്പോഴും പക്ഷെ ലീന അയാളെ വിട്ടുപോകുന്നില്ല. അച്ഛന്റെ തോളിൽ തലചായ്ച്ച് മകന്റെ കൈ മുറുക്കെപ്പിടിച്ച് അവൾ അയാൾക്കു വേണ്ടി പ്രായശ്ചിത്തം ചെയ്യുന്നു. 'ചിദംബര'ത്തിലേതുപോലെ ചിദാകാശത്തിന്റെ വെൺമണ്ഡലത്തിൽ സ്നേഹശൂന്യതകളും ഒറ്റുകളും നിറഞ്ഞ് പാപപങ്കിലമായ സജീവന്റെ ജീവിതം അവൾ നേർക്കുനേർ കാണുന്നു. അയാളുടെ അഭാവത്തിൽ അവൾ അയാളുടെ വഴിതെറ്റിയ ആത്മാവിനു പിഴയൊടുക്കുന്നു. സ്വപ്നത്തിന്റെ വന്യതകളിലൂടെയും പുത്രവാത്സല്യത്തിന്റെ തീക്ഷണതകളിലൂടെയും ലീന തന്റെ ജീവിതത്തിനർത്ഥം നിർമ്മിക്കാൻ കൊതിച്ചു.
ഭാര്യ സുനന്ദയുടെ ചികിത്സക്കായി അവരുമൊത്ത് ദൂരെയുള്ള നഗരത്തിലേക്കു പോകുന്ന രഘുവിന്റെ കാമായനങ്ങൾ അയാളെകൊണ്ടെത്തിക്കുന്ന ചതിക്കുഴികളുടെ കഥയാണ് 'മറ്റൊരു വേനൽ'. സുനന്ദയ്ക്കും രഘുവിനും മക്കളില്ല. സജീവന്റെ യാത്രയ്ക്കു തലേന്ന് ലീന കാണുന്നസ്വപ്നം പോലൊരു അനുഭവം നഗരത്തിലേക്കുള്ള യാത്രയിൽ സുനന്ദയ്ക്കുമുണ്ടായി. പക്ഷെ അതൊരു സ്വപ്നമായിരുന്നില്ല, അവളുടെ ശരീരം പുറന്തള്ളിയ ചോരയുടെ മുന്നറിയിപ്പായിരുന്നു. ഹോട്ടൽമുറിയിൽ സുനന്ദയെ തനിച്ചാക്കി നഗരം കാണാനിറങ്ങിയ രഘുവിന് പെൺശരീരങ്ങൾ കണ്ട് കൊതിമാറിയില്ല. അയാളെ ഒരു യുവതി തന്റെ ശരീരത്തിന്റെ മിനുപ്പും കൊഴുപ്പും ആസക്തിയും കാട്ടി കൂട്ടികൊണ്ടു പോയി. അവൾ അയാളുടെ പണവും കെഡ്രിറ്റ് കാർഡും കവർന്നു. അയാളുടെകാമം പത്തിതാഴ്ത്തി തളർന്നുപോകും വിധം പെരുമാറിയ അവളുടെ സഹായികൾ അയാളുടെ മൊബൈൽഫോണും. അവരുമായേറ്റു മുട്ടേണ്ടി വന്ന അയാൾക്കു കുത്തേറ്റു. പക്ഷെ അവൾ അയാളെ ആശുപത്രിയിലാക്കി, സുനന്ദയെ വിവരമറിയിച്ച്, വിളിച്ചു വരുത്തി പണവും കാർഡുമെല്ലാം തിരിച്ചു നൽകി. വഴിവക്കിൽ കള്ളന്മാരുടെ കുത്തേറ്റു കിടന്ന രഘുവിനെ രക്ഷിച്ച മാലാഖയായി, സുനന്ദയ്ക്ക് അവൾ. സജീവന്റെ ജീവിതവും രഹസ്യങ്ങളും ഒരിക്കലും തിരിച്ചുവരാത്തുപോലെ രഘുവിന്റെ രഹസ്യങ്ങളും ഒരിക്കലും പുറത്തുവരുന്നില്ല. സിനിമാറ്റിക് എന്നുതന്നെ പറയാവുന്ന ആഖ്യാനകലയിലൂടെ ഈ കഥകൾ രണ്ടും ആവിഷ്കരിക്കുന്നത്. മനുഷ്യജീവിതത്തിലെ കൊമ്പുകെട്ടിയ നുണക്കുറ്റന്മാരുടെ മരണവെപ്രാളമാണ്. ഒന്നിച്ചു ജീവിക്കുമ്പോഴും ആത്മാവിന് ഇരുമ്പുമറ കെട്ടി താന്താങ്ങളുടെ ലോകം സൃഷ്ടിക്കുന്ന ഇത്തരം മനുഷ്യരെക്കുറിച്ചാണ് മുൻപുദ്ധരിച്ച ഫ്രോയ്ഡിയൻ നിരീക്ഷണം രൂപം കൊണ്ടിട്ടുള്ളത്.
മുസോളിയം എന്ന മൂന്നാമത്തെ കഥ, കുറെക്കൂടി വികാരതീവ്രവും ദുരന്തമയവുമാണ്. കോളേജിൽ ഒന്നിച്ചു പഠിച്ചും ഹോസ്റ്റലിൽ ഒരുമിച്ചു താമസിച്ചും കഴിഞ്ഞ ജെന്നിയും അനിതയും വർഷങ്ങൾക്കു ശേഷം കണ്ടു മുട്ടുന്നു. അന്യദേശത്തുപോയി വിവാഹിതയായി ഒരു കുഞ്ഞുണ്ടായശേഷം ദാമ്പത്യം തകർന്ന് വീട്ടിൽ തിരിച്ചെത്തിയ ജെന്നി അനിതയെ ഫോൺ ചെയ്ത് തന്റെ മകൾ മരിച്ച കാര്യം പറയുന്നു. അനിതയും ഭർത്താവും ജെന്നിയെ കാണാനെത്തി. അവളൊന്നും തുറന്നു പറയുന്നില്ല. കുറെ നാൾ കഴിഞ്ഞ് ജെന്നിയുടെ രണ്ടാം ഭർത്താവ് സോണി അനിതയെ കാണാനെത്തി ജെന്നി ആകെ തളർന്നിരിക്കുകയാണെന്നും കുഞ്ഞിന്റെ മരണവും തുടർജീവിതവും അവൾക്ക് ഒരിക്കലും തമ്മിൽ പൊരുത്തപ്പെടുത്താനാവുന്നില്ലെന്നും പറയുന്നു. സോണി പറഞ്ഞാണ് ജെന്നിയുടെ കഥ അനിതക്കു മനസ്സിലാകുന്നത്. ജെന്നിയുടെ അപ്പനും സോണിയും അവൾക്കൊപ്പം യാന്ത്രികമായി ജീവിച്ചു പോകുകയാണ്. ശവമഞ്ചങ്ങളിലെന്നപോലെ അവർ ആ വീട്ടിൽ ഉറങ്ങുന്നു. ഉണരുന്നു.
കുഞ്ഞുങ്ങളുടെ മരണത്തെ കേന്ദ്രീകരിച്ച് മലയാളത്തിലുണ്ടായ ഏറ്റവും തീക്ഷ്ണമായ കഥകൾ സന്തോഷ് കുമാറിന്റേതാണ്. ഗാലപ്പഗോസ്, ദ്വീപ്, നദിക്കരയിലേക്ക്, മയിലുകളുടെ നൃത്തം, നീല നിറമുള്ള കുട്ടി, ഒരു മരണം നിരവധി കാരണങ്ങൾ, മുട്ടയോളം വലിപ്പമുള്ള ധാന്യമണികൾ, മീനുകൾ..... എന്നിങ്ങനെ എത്രയെങ്കിലും കഥകളിൽ, മനുഷ്യജീവിതത്തിന്റെ നരകാനുഭവങ്ങളിൽ ഏറ്റവും തീവ്രം കുഞ്ഞുങ്ങളുടെ മരണമാണെന്ന് സന്തോഷ് ആവർത്തിച്ചു പറയുന്നുണ്ട്. നമ്മുടെ കഥാവായനയെ ഇത്രമേൽ സങ്കടഭരിതമായ ഒരനുഭവമാക്കാൻ കഴിയുന്ന മറ്റൊരു കഥാകൃത്ത് ഈ തലമുറയിലില്ല. 'മുസോളിയ'ത്തിൽ ഒന്നിലേറെ സന്ദർഭങ്ങളിൽ ജെന്നിയുടെ കുഞ്ഞിന്റെ ജീവിതവും മരണവും നമ്മെ വന്നു തൊട്ടു വിളിക്കും, ഞെട്ടിക്കും.
ജെന്നിയെ ആദ്യം കാണാൻ പോകുമ്പോൾ അവൾക്കെന്തു സമ്മാനം കൊണ്ടു പോകും എന്ന് അനിതയും ഭർത്താവും സംശയിക്കുന്നുണ്ട്.
ഒരുകുഞ്ഞു മരിച്ചു പോയ വീട്ടിലേക്കാവുമ്പോൾ എന്തുവാങ്ങണമെന്നല്ല, എന്തെല്ലാം വാങ്ങിച്ചുകൊണ്ടു പോകരുത് എന്നതായിരുന്നു വിഷയം. മധുരപലഹാരങ്ങളും പഴങ്ങളും കൊണ്ടുചെല്ലുമ്പോൾ, മുമ്പ് അങ്ങനെ ചിലതൊക്കെക്കൊണ്ട് അവിടെ ചെന്നെത്തിയിരിക്കാവുന്ന അതിഥികളെക്കുറിച്ചുള്ള ഓർമ്മകൾ അവരിൽ നിറയുകയില്ലേ? ആ ഓർമ്മകളിലൂടെ സഞ്ചരിച്ചാൽ എളുപ്പം അവർ സ്വന്തം കുഞ്ഞിലേക്കുതന്നെ എത്തിച്ചേരും . അല്ലെങ്കിൽ തന്നെ മരിച്ച കുഞ്ഞുങ്ങളെ കുറിച്ചുള്ള ഓർമ്മകളിൽ നിന്നും ഒഴിഞ്ഞുമാറുക പ്രയാസമാണ്. നമുക്കു പ്രായമാകുമ്പോഴും, മൺമറഞ്ഞ കുട്ടികൾ, അവർ പുറപ്പെട്ടുപോയ അതേ പ്രായത്തിൽത്തന്നെ മുറ്റത്തു കളിച്ചുകൊണ്ടിരിക്കും. കളിപ്പാട്ടങ്ങളും ബലൂണുകളും ഐസ്ക്രീം കപ്പുകളുമെല്ലാം അവരുടെ ഓർമ്മകൾക്ക് നിത്യസ്മാരകങ്ങൾ നിർമ്മിക്കും. നിറമുള്ള വസ്ത്രങ്ങൾ ധരിക്കുമ്പോൾ, രുചിയുള്ള ഭക്ഷണം കഴിക്കുമ്പോൾ, വിനോദയാത്രയ്ക്ക് പുറപ്പെടുമ്പോഴെല്ലാം അകാരണമായ ഒരു കുറ്റബോധം രക്ഷിതാക്കളെ നിഴൽപോലെ പിന്തുടരും. മുതിർന്ന മനുഷ്യരെ അവർ ഏർപ്പെടുന്ന ഓരോ പ്രവൃത്തിയിലും കുറെക്കൂടി പാപികളാക്കിത്തീർത്തു കൊണ്ടാണ് കുട്ടികൾ യാത്ര പോകുന്നത്.
ആ ശനിയാഴ്ച വൈകുന്നേരം ജെന്നിയെ കാണാൻ പോകുമ്പോൾ ഞങ്ങൾ ഒന്നും കരുതിയില്ല.
അസാധാരണമായ രഹസ്യാത്മകതകൾ, നിഗൂഢതകൾ, ആത്മസംഘർഷങ്ങൾ, മറ്റാരോടും പങ്കുവയ്ക്കാത്ത അനുഭവങ്ങളുടെ ആഘാതങ്ങൾ - ജീവിതം ഒറ്റക്കോ കൂട്ടായോ നയിക്കുന്ന മനുഷ്യരുടെ ഇത്തരം വിധികളുടെ രക്തം കിനിയുന്ന കഥകളാണ് ഈ പുസ്തകത്തിലെ മൂന്നു രചനകളും. മരണവും മരണത്തെക്കാൾ വലിയ ദുരന്തമായി മാറുന്ന ജീവിതവും മനുഷ്യരുടെ നെറുകയിൽ കയറ്റിവയ്ക്കുന്ന സങ്കടങ്ങളുടെ ഭാരം മുഴുവനും വാക്കുകളിൽ ഉറ്റുനിൽക്കുന്ന കഥകൾ.
എൻ.എസ് മാധവനു ശേഷം വന്ന തലമുറയിൽ കെ.എ. സെബാസ്ററ്യനെ പോലെയും സന്തോഷ്കുമാറിനെപ്പോലെയും ഒന്നോ രണ്ടോ കഥാകൃത്തുക്കൾക്കു മാത്രം സൃഷ്ടിക്കാൻ കഴിയുന്ന ഒന്നാണ് സാമ്പ്രദായികമായ കഥാഖ്യാനകലയുടെ ശിരച്ഛേദമായി മാറുന്ന ഈ മാജിക്കൽ ഇഫക്ട്. നോവൽ എന്ന പേരിൽ ചെറുകഥകൾ വിറ്റഴിക്കാനുള്ള പ്രസാധകന്റെ ക്ഷുദ്രത ഈ പുസ്തകത്തിന്റെ സാംസ്കാരിക ബാധ്യതയായി മാറുമ്പോഴും സന്തോഷിന്റെ പ്രതിഭയിലും ഭാവനയിലുമുള്ള വായനക്കാരുടെ വിശ്വാസം ഇരട്ടിയാക്കുന്ന കലയുടെ മാന്ത്രികലാവണ്യം 'ചിദംബരരഹസ്യ'ത്തെ അസാധാരണമായ ആഘാതശേഷിയുള്ള ഒരു സൗന്ദര്യാനുഭവമാക്കുന്നു
കഥയിൽ നിന്ന്
ആഴ്ചകൾക്കു ശേഷം, അനിത ജെന്നിയുമായുള്ള ഫോൺസംഭാഷണങ്ങൾ പുനരാരംഭിച്ചു. പഴയ കൂട്ടുകാർ, ഹോസ്റ്റൽ ദിനങ്ങൾ, അദ്ധ്യാപകർ അങ്ങനെ ഒരുമിച്ചു പഠിച്ച കാലം ആ സംഭാഷണങ്ങളിലൂടെ വീണ്ടും തെളിഞ്ഞു വന്നു. സോണി എന്നെ സന്ദർശിച്ചിരുന്നു എന്നതല്ലാതെ അയാളുമായുള്ള സംഭാഷണത്തിലെ കാര്യങ്ങളൊന്നും അനിതയോടു പങ്കുവയ്ക്കാതിരിക്കാൻ ഞാൻ ശ്രദ്ധിച്ചു.
അന്നത്തേതു പോലെ ഒരു ശനിയാഴ്ച വൈകുന്നേരം കുട്ടികളെ ഒരു സുഹൃത്തിന്റെ വീട്ടിലേല്പിച്ച് ഞങ്ങൾ ജെന്നിയുടെ വീട്ടിലേക്കിറങ്ങി. മുൻകൂട്ടി നിശ്ചയിച്ചതനുസരിച്ച് സോണി വീട്ടിലുണ്ടാവില്ലെന്നു തീരുമാനിച്ചിരുന്നു. ഞാൻ അനിതയെ വീടിനടുത്തായി ഇറക്കിയശേഷം, പഴയ സഹപ്രവർത്തകരെ അന്വേഷിച്ച് നഗരത്തിലേക്കു പോയി. കുറെ നേരത്തിനുശേഷം അതുപോലെതന്നെ തിരികെ വന്ന് അനിതയെ കൂടെക്കൂട്ടി.
സോണി ഇല്ലായിരുന്നു. ഭാഗ്യത്തിന് ആ നായ്ക്കളെ അയാൾ കൂട്ടിലാക്കിയിട്ടു പോയി. അനിത പറഞ്ഞു. ഞാൻ പതുക്കെ വളർന്നു വലുതായിക്കൊണ്ടിരിക്കുന്ന നഗരത്തിലെ രാത്രിയിലേക്കു നോക്കി.
ജെന്നിയുടെ അപ്പൻ കിടപ്പിലാ, അനിത തുടർന്നു. ഇപ്പോൾ തീരെ വയ്യ. ഭക്ഷണം കോരിക്കൊടുക്കണം.
ആരാ സഖാവിനെ നോക്കുന്നത്? ഞാൻ ചോദിച്ചു.
സോണി. അയാളെ മാത്രമേ അപ്പന് ഓർമ്മയുള്ളൂ.
ജെന്നിക്കിപ്പോൾ എങ്ങനെയുണ്ട്? ഞാൻ തിരക്കി. ഞങ്ങൾ നഗരത്തിന്റെ വാഹനത്തിരക്കുകൾ കടന്നുപോന്നിരുന്നു.
അനിത മറുപടി പറഞ്ഞില്ല.
കുറെ നേരത്തേക്ക് ഞങ്ങൾ രണ്ടുപേരും ഒന്നും മിണ്ടിയില്ല. ഞാൻ മ്യൂസിക് സിസ്റ്റം ഓൺ ചെയ്തുവെങ്കിലും അനിത അതു നിർത്തിക്കളഞ്ഞു.
മക്കൾ ഉറങ്ങിക്കാണും അല്ലേ? ഒരു തുടക്കത്തിനായി ഞാൻ ചോദിച്ചു.
അലസമായി ഒന്നു മൂളിയതല്ലാതെ അനിത മറുപടി പറഞ്ഞില്ല.
ഞങ്ങൾ പിന്നെയും ഊമകളെപ്പോലെ തുടർന്നു.
ഇന്ന് കമ്പ്യൂട്ടറിലും കണ്ടു കുറെ ഫോട്ടോകൾ. അനിത എന്നെ നോക്കി അതൊക്കെത്തന്നെ....
ഞാൻ അവൾ പറയുന്നതു കേൾക്കാത്തതു പോലെയിരുന്നു.
പിന്നെ.... അന്ന് അവൾ കാണിക്കാൻ ശ്രമിച്ചിരുന്ന ആ ചെപ്പ് ഇന്ന് അവളെന്നെ തുറന്നു കാട്ടി. അനിത തുടരാൻ മടിച്ചു.
എന്താണ് അതിൽ? തെഴുത്തു വരുന്ന വലിയ ആകാംക്ഷയെ ആവുന്നത്ര നിയന്ത്രിച്ചുകൊണ്ട് ഞാൻ അവളെ നോക്കി.
അപ്പോൾ അവൾ വിൻഡോ ഗ്ലാസ് താഴ്ത്തി പുറത്തേക്കു തുപ്പിയ പിന്നെ എന്റെ നേരെ നോക്കാതെ പതുക്കെ പറഞ്ഞു:
ആ ചെപ്പിൽ മൂന്നുനാലു പല്ലുകളുണ്ടായിരുന്നു. ചെറിയ പല്ലുകൾ. പിന്നെ, ഒരു ചുരുൾ മുടി. രണ്ടു കുഞ്ഞുനഖങ്ങൾ.....
അപ്പോൾ പിറകിൽ നിന്നും ഭയാനകമായ ശബ്ദത്തോടെ ഒരു വലിയ ലോറി ഞങ്ങളെ കടന്നു പോയി.
കുറെ ദൂരം ചെന്നപ്പോൾ കുറച്ചു വിജനമായ പ്രദേശത്തുവച്ച് കാർ നിർത്താൻ അനിത പറഞ്ഞു. ഞാൻ ഒന്നും ചോദിക്കാതെ വാഹനം ഒരു ഓരത്തേക്കു മാറ്റി നിർത്തിയിട്ടു. അനിത ഡോർ തുറന്നു പുറത്തേക്കിറങ്ങി.
മുഖം കുനിച്ച് ശബ്ദമുണ്ടാക്കാതെ അവൾ ഛർദ്ദിക്കുന്നത് ഞാൻ കണ്ടു. കുറച്ചു നേരം കഴിഞ്ഞപ്പോൾ പിറകിലെ സീറ്റിൽ നിന്നു വെള്ളത്തിന്റെ കുപ്പിയെടുത്ത് മുഖം കഴുകി. ഞാൻ ഒന്നും ചോദിച്ചില്ല.
പിന്നെയും ഞങ്ങൾ യാത്രതുടർന്നു.
ആ നിറഞ്ഞ നിശ്ശബ്ദത ഭേദിക്കണമെന്ന് എനിക്കുണ്ടായിരുന്നു. എന്നാൽ കുട്ടികളെക്കുറിച്ച് ആവരുത്. അതായിരുന്നു പ്രശ്നം, പൊതുവിൽ സംസാരിക്കാവുന്ന എല്ലാ വിഷയങ്ങളിലും ഇപ്പോൾ കുട്ടികൾ കടന്നുവരുന്നു. അവരെ ഒഴിവാക്കിക്കൊണ്ട് എന്താണ് പറയാനുള്ളത് എന്ന് കുറച്ചു നേരം ആലോചിച്ചു. വിചിത്രം തന്നെ, ഭൂമിയിലെ വിഷയങ്ങളിലെല്ലാം കുട്ടികൾ വന്നു നിറയുന്നു. അവർ കളിക്കുന്നു, തെന്നിയും തെറ്റിയും വീഴുന്നു, പാടുന്നു, ബഹളം വയ്ക്കുന്നു, എല്ലാം തിരിച്ചറിയുന്നുണ്ട് എന്ന മട്ടിൽ നമ്മെ നോക്കിക്കൊണ്ടെയിരിക്കുന്നു.
കുട്ടികളായിരുന്നു എവിടെയും, എപ്പോഴും.
-യാത്രയിലുടനീളം പിന്നെ ഞങ്ങൾ സംസാരിച്ചതേയില്ല.
ചിദംബരരഹസ്യം
ഇ. സന്തോഷ് കുമാർ
ഡിസി ബുക്സ്
2014 വില: 100 രൂപ
Stories you may Like
- TODAY
- LAST WEEK
- LAST MONTH
- രാത്രിയിൽ മഠത്തിൽ വരവ് പഞ്ചവാദ്യം നടക്കുന്നതിനിടെ നടുവിലാൽ ഭാഗത്തു പൊലീസ് ബാരിക്കേഡ് വച്ച് എഴുന്നള്ളിപ്പ് തടഞ്ഞത് പ്രകോപനമായി; നടുവിലാലിലെ പൂരപ്പന്തലിന്റെ ലൈറ്റ് അണച്ചു തിരുവമ്പാടി ദേവസ്വം; ഇരുട്ടിന്റെ ഭംഗിയിൽ ഇത്തവണ പൂര വെടിക്കെട്ട് നടന്നില്ല; തൃശൂരിൽ നാടകീയതകൾ; പൂരത്തിലുണ്ടായത് ചരിത്രത്തിലെ ആദ്യ സംഭവം
- തൃശൂർ പൂരപ്രേമികൾക്ക് വേദനയുടേയും നിരാശയുടേയും വെടിക്കെട്ട്; ഏഴരയോടെ പാറമേക്കാവ് തിരി കൊളുത്തി; എട്ടു മണിയോടെ തിരുവമ്പാടിയുടെ വെടിക്കെട്ടിനും അവസാനം; പൂര പറമ്പിൽ പൊലീസ് രാജെന്ന് ദേശക്കാർ; രാത്രിയിലെ ആകാശ വിസ്മയം ഇത്തവണ നടന്നില്ല; തൃശൂർ പൂരത്തിൽ ഉണ്ടായതെല്ലാം സമാനതകളില്ലാത്ത വിവാദങ്ങൾ
- വെടിക്കെട്ട് കമ്മറ്റിക്കാരെ പോലും മൈതാനത്ത് അനുവദിക്കാത്ത കമ്മീഷണർ; തിരുവമ്പാടിയുടെ പ്രതിഷേധത്തിന് പിന്നാലെ ദേശക്കാരും കമ്മീഷണറും തമ്മിൽ തർക്കം; നായ്ക്കനാലിൽ ലാത്തി വീശൽ; പൊലീസിനെതിരെ ഗോ ബാക്ക് വിളികൾ; രാത്രിയിലെ പൂരക്കാഴ്ചകൾ വഴിതെറ്റിയ 2024; മഠത്തിൽ വരവ് നിർത്തിയത് സർക്കാരിനും തിരിച്ചടി
- കരുവന്നൂരിൽ നിക്ഷേപകർക്ക് പണം തിരികെ നൽകാൻ എങ്ങനെ ഇടപെടാനാകുമെന്ന് താൻ നിയമോപദേശം തേടിയിട്ടുണ്ടെന്ന് പ്രധാനമന്ത്രി; തൃശൂർ വിജയത്തിന് 'കരുവന്നൂർ ഫോർമുല'; രാഹുലിനെ കടന്നാക്രമിക്കാൻ വയനാട്ടിലേക്കുള്ള ഒളിച്ചോട്ടം; കേരളത്തിൽ അക്കൗണ്ട് തുറക്കാൻ അജണ്ട സെറ്റ് ചെയ്ത് മോദി
- രാത്രി വെടിക്കെട്ട് വേണ്ടെന്ന് വച്ചത് വേദനയിലാക്കിയത് പൂര പ്രേമികളെ; പൂരത്തിൽ അസാധാരണമാം വിധം പ്രതിസന്ധിയുണ്ടാക്കിയത് പൊലീസെന്ന് തിരുമ്പാടി ദേവസ്വം; അലങ്കാര പന്തലിലെ വെളിച്ചം തിരിച്ചെത്തിയിട്ടും ദേശക്കാർക്ക് ആവേശമില്ല; പൂരത്തിലെ 'രാത്രി വിസ്മയം' അട്ടിമറിച്ചത് പൊലീസോ?
- രാജ്യദ്രോഹ പ്രവർത്തന ആരോപണം; മലയാളി ഗവേഷക വിദ്യാർത്ഥിയെ സസ്പെൻഡ് ചെയ്ത് മുംബൈയിലെ ടാറ്റ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസസ്
- സഹോദരങ്ങളുടെ ഉടമസ്ഥതയിലുള്ള അസ്ഡ സൂപ്പർമാർക്കറ്റിന്റെ ഓഹരികൾ വിറ്റഴിക്കുന്നതിനുള്ള നീക്കവുമായി ഇളയ സഹോദരൻ സുബൈർ ഐസ്സ; മൂത്ത സഹോദരൻ മൊഹ്സീന്റെ മുൻ അക്കൗണ്ടന്റുമായുള്ള പ്രണയവും അസ്ഡയുടെ കടബാദ്ധ്യതകളും ഇന്ത്യൻ സഹോദരങ്ങളെ പരസ്പരം അകറ്റുമോ?
- കള്ളനോട്ട് അച്ചടിച്ചത് എടിഎമ്മിലൂടെ മാറ്റിയെടുക്കാൻ; നിക്ഷേപിച്ച നോട്ടുകൾ മിഷിനുള്ളിലേക്ക് പോയപ്പോൾ അവർ തുള്ളിച്ചാടി; അമ്മയുടെ അക്കൗണ്ടിൽ പണം കാണിക്കാതെ വന്നപ്പോൾ ആശങ്കയും; പിന്നാലെ പൊലീസ് എത്തി ആ വിരുതന്മാരെ പൊക്കി; ആര്യാനാട്ടെ അറസ്റ്റിൽ തെളിയുന്നത് എടിഎമ്മിന്റെ മികവ്
- യാത്ര നിഷേധിച്ച് വിമാനക്കമ്പനി; കൊച്ചി വിമാനത്താവളത്തിൽ യാത്രക്കാരുടെ പ്രതിഷേധം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്