1 usd = 73.27 inr 1 gbp = 96.62 inr 1 eur = 84.87 inr 1 aed = 19.95 inr 1 sar = 19.43 inr 1 kwd = 241.86 inr

Oct / 2018
16
Tuesday

കഥയിലെ പ്രേതഭാവനകൾ

November 11, 2017 | 04:30 PM IST | Permalink



കഥയിലെ പ്രേതഭാവനകൾ

ഷാജി ജേക്കബ്

കൃത്യം നൂറ്റിഇരുപത്തിയഞ്ചുവർഷം മുൻപ് 1892-ൽ എഡ്വേർഡ് മങ്ക്, പിന്നീടു വിശ്വവിഖ്യാതമായിത്തീർന്ന 'The Scream' വരയ്ക്കുമ്പോൾ അതിനെഴുതിച്ചേർത്ത ഒരടിക്കുറിപ്പുണ്ട്. 'One evening I was walking along a path, the city was on oneside and the fjord below. I felt it tired and ill. I stopped and looked out over the fjord-the sun was setting, and the clouds turning blood red. I sensed a scream passing through nature; it seemed to me that I heard the scream. I painted this picture, painted the clouds as actual blood. The colour shrieked. This became The Scream'.

മർത്യാനുഭവങ്ങളെ ശവംപോലെ മരവിപ്പിക്കുന്ന സാമൂഹ്യാവസ്ഥകളുടെ ക്രൂരഭാവനയായി ലോകം വാഴ്‌ത്തിയ ഈ ചിത്രം എക്സ്‌പ്രഷനിസത്തിന്റെ എക്കാലത്തെയും ക്ലാസിക് മാതൃകയായി.

1929-ൽ സൽവദോർദാലിയും താനും ചേർന്നെടുത്ത സറിയലിസ്റ്റിക് ഷോർട്ട് ഫിലിം Unchie Anda louhnൽ അന്നോളം (ഒരുപക്ഷെ പിന്നീടും) കാണാത്തവിധം ഭയജനകമായി കാമനകളുടെ കറുത്ത ദുരന്തങ്ങളാവിഷ്‌ക്കരിച്ചതിനെക്കുറിച്ച് ലൂയി ബുനുവൽ എഴുതി: 'We exalted passion, mystification, blackhumor, the insult and the call of the abyss'.

നമ്മുടെ കാലത്തേക്കുവന്നാൽ കിംകിഡുക്കിന്റെ സിനിമകളിൽ അക്രമവും ക്രൂരതയും രതിയും മൃതിയും അവയുടെ ഏറ്റവും നാരകീയമായ ഭാവരൂപങ്ങളിൽ തെഴുത്തുനിൽക്കുന്നതുകാണാം. 2013-ൽ തിരുവനന്തപുരത്ത് അദ്ദേഹം പറഞ്ഞ വാക്കുകൾ ഓർക്കുക. 'My movies are based on the pains of humanbeings... For me violence is beautiful.... I tried to convey the pain and sensitivity of humanbeings'.

കലാത്മകതയിലോ രാഷ്ട്രീയമാനങ്ങളിലോ സമീകരിച്ചു കാണുകയല്ല, പക്ഷെ ഈ മൂന്നു സന്ദർഭങ്ങൾ ഓർമ്മയിലെത്തിച്ചു, ഇന്ദുമേനോന്റെ 'പഴരസത്തോട്ടം' എന്ന സമാഹാരത്തിലെ ഏഴുകഥകളും. ജോർജ് ഓർവെല്ലിന്റെ 1984 മുതൽ ടി.ഡി. രാമകൃഷ്ണന്റെ സുഗന്ധി... വരെയുള്ള നോവലുകളിലുള്ളതുപോലെ, ഭരണകൂടം മുതൽ വിപ്ലവപ്രസ്ഥാനങ്ങൾ വരെയുള്ളവ നടത്തുന്ന കിരാതമായ നരവേട്ടയുടെ കഥാപാഠങ്ങളാണ് 'പഴരസത്തോട്ടം', 'ഡി' എന്നിവയെങ്കിൽ, മതവർഗീതയുടെയും ജാതിവെറിയുടെയും അക്രമാസക്തമായ ചരിത്രപ്രവേശങ്ങളാകുന്നു മരണവേട്ട, പുലയടി എന്നീ കഥകൾ. വ്യക്തി സ്വയം കൈവരിക്കുന്ന നൃശംസതയുടെയും ക്രൗര്യത്തിന്റെയും മനുഷ്യവിരുദ്ധതയുടെയും ഹിംസാത്മകസന്ദർഭങ്ങളുടെ ആവിഷ്‌ക്കാരമാണ് 'ഷണ്ഡവിലാപ'വും 'മൃതിനിർവേദ'വും. 'പ്രേമസൂത്ര'മാകട്ടെ, ഒരേസമയം പുരുഷലൈംഗികതയെക്കുറിച്ചുള്ള ഒരുപന്യാസവും അഗമ്യഗമനത്തിന്റെ പാപസങ്കീർത്തനവുമാകുന്നു.

ഭാവുകത്വപരവും ആഖ്യാനപരവുമായ തലങ്ങളിൽ നടത്തിയ വേറിട്ട ചില ഇടപെടലുകൾ വഴിയാണ് ഇന്ദുമേനോന്റെ കഥകൾ മലയാളത്തിൽ മൗലികമായി അടയാളപ്പെടുന്നത്. ഒന്നാമത്തെ സവിശേഷത, ഭാഷയുടെ കലയിൽ അവ പ്രകടിപ്പിക്കുന്ന അസാമാന്യമായ വഴിമാറിനടപ്പാണ്. മലയാളത്തിൽ മറ്റൊരു കഥാകൃത്തിനും കഴിയാത്ത മട്ടിൽ ഭാഷയുടെ തീവ്രവും രൂക്ഷവുമായ രസസന്നിവേശങ്ങൾ സാധ്യമാക്കുന്ന പദകോശത്തിന്റെയും ബിംബകല്പനകളുടെയും നൈരന്തര്യം ഇന്ദുവിന്റെ ആദ്യകാലകഥകൾ മുതലുണ്ട്. ഒരു ലെസ്‌ബിയൻ പശു, സംഘ്പരിവാർ, ഹിന്ദുഛായയുള്ള മുസ്ലിം പുരുഷൻ എന്നീ മൂന്നു സമാഹാരങ്ങളിലെയും മിക്കവാറും രചനകളിൽ ഇതുമാറ്റമില്ലാതെ തുടരുന്നു. പഴരസത്തോട്ടത്തിലെത്തുമ്പോൾ ഈ ഭാഷാകല അതിന്റെ അമ്ലതുല്യമായ രൂക്ഷതയും തീവ്രതയും പൂർവാധികം വർധിതമാക്കുന്നു. പ്രണയമാണ് ഭാവമെങ്കിൽ ഭാഷ അതീവ കാല്പനികമാകും. വിരഹമാണു ഭാവമെങ്കിൽ ഭാഷ അത്രമേൽ കാതരമാകും. ഹിംസയാണ് പ്രമേയമെങ്കിൽ ഭാഷ ഒരു കൊടുവാൾപോലെ മൂർച്ചയുറ്റതാകും. വയലൻസാണ് സന്ദർഭമെങ്കിൽ ഭാഷയിൽനിന്നു ചോരയിറ്റും. രതിയാണ് വിഷയമെങ്കിൽ വാക്കുകൾ ഉണർന്ന ലൈംഗികാവയവങ്ങൾ പോലെ ത്രസിക്കും. മലയാളകഥ ഒ.വി. വിജയനിലൊഴികെ (അശാന്തി പോലുള്ള സമാഹാരങ്ങൾ ഓർക്കുക) ആരിലും ഇത്രമേൽ സൂക്ഷ്മമായി ആസൂത്രണം ചെയ്യപ്പെട്ട ഭാഷയിലൂടെ ഈവിധമൊരു ഭാവപാരമ്യത്തിലെത്തിയിട്ടില്ല. കഥകളുടെ ശീർഷകം മുതൽ കഥനത്തിന്റെ ആദിമധ്യാന്തം പ്രകടമാണ് ഭാഷയുടെ ഈ രാസകാവ്യകല.

രണ്ടാമത്തെ തലം പെൺകഥകളിൽ മുൻപാരും ചെയ്യാത്തവിധം കൂസലേതുമില്ലാതെ ഇന്ദുചെയ്യുന്ന ലൈംഗികതയുടെയും ഇതര കാമനാലോകങ്ങളുടെയും തുറന്നിടലാണ്. ആൺ, പെൺ ലൈംഗികതകൾ രണ്ടിലും ഒരുപോലെ പ്രകടമാണ് ഈ തുറന്നിടലുകൾ. ശരീരവും ആത്മാവും തീപിടിച്ച ആസക്തികളുടെ തെയ്യങ്ങളായി മാറുന്നു. മാധവിക്കുട്ടിയിൽനിന്നു മുന്നോട്ടുപോയി മലയാളത്തിലെ പെൺകഥ പെണ്ണുടലിന്റെ രത്യുത്സവങ്ങൾക്കു തുറന്ന മേച്ചിൽപ്പുറം കണ്ടെത്തിയത് ഇന്ദുവിലാണ്. ചിലപ്പോഴെങ്കിലും അത് കൃത്രിമത്വം നിറഞ്ഞ കാമാർത്തിയുടെ സൂത്രവാക്യങ്ങളായിപ്പോകാറുണ്ട് എന്നതു മറക്കുന്നില്ല. എങ്കിലും ചുംബനം മുതൽ സുരതം വരെ; പ്രണയം മുതൽ ബലാൽക്കാരം വരെ; ദാമ്പത്യം മുതൽ അഗമ്യഗമനം വരെ - ഒരിടത്തും സദാചാരവും ധാർമികതയും മൂല്യബോധവും കാമഭാവനയും സ്ത്രീപുരുഷന്മാരെ പിന്നോട്ടുവലിക്കുന്നില്ല; ഇന്ദുവിന്റെ കഥനകലയെയും. രതിപോലെതന്നെ രത്യാത്മകമായി അക്രമവും പീഡനവും പകയും വെറിയും ഹിംസയും വിവരിക്കുന്ന വിചിത്രമായൊരു പ്രേതഭാവനയ്ക്കുടമയാണ് ഇന്ദുമേനോൻ.

മൂന്നാമത്തെ തലം ചരിത്രബദ്ധവും മാനവികവുമായ മതരാഷ്ട്രീയമാണ്. ഇത്രമേൽ നിശിതമായി ആധുനികാനന്തര ഇന്ത്യൻ മതവർഗീയതയുടെ രാഷ്ട്രീയം അപനിർമ്മിക്കുന്ന കഥാകൃത്തുക്കൾ ഇന്ദുവിന്റെ തലമുറയിൽ മറ്റൊരാളില്ല. വി.കെ. എന്നും ആനന്ദും സക്കറിയയും മാധവനും സാറാജോസഫും തുറന്നിട്ട വഴിയിലൂടെ സുധീരം മുന്നോട്ടുപോകുന്നു, ഇന്ദുമേനോൻ. കഥയെ ചരിത്രവൽക്കരിച്ചും രാഷ്ട്രീയവൽക്കരിച്ചും മൂർത്തമായ സാംസ്‌കാരികപാഠങ്ങളാക്കി മാറ്റുന്നതിൽ തന്റെ തലമുറയിലെ ആൺ, പെൺ കഥാകൃത്തുക്കളിൽനിന്ന് ഇന്ദു പാലിക്കുന്ന ഈ അകലമാണ് ഒരുപക്ഷെ അവരുടെ രചനകളെ ഏറ്റവും കാലികപ്രസക്തവും സാമൂഹികബദ്ധവുമാക്കി മാറ്റുന്നത്. മുൻപിറങ്ങിയ മൂന്നു സമാഹാരങ്ങളിലും ഈ രാഷ്ട്രീയഭാവന ഇടതടവില്ലാത്ത ജാഗ്രതയോടെ കാത്തുസൂക്ഷിക്കുന്നുണ്ട്, ഇവർ.

'പഴരസത്തോട്ട'ത്തിലെ കഥകളും പലനിലകളിൽ മേല്പറഞ്ഞ മൂന്നു ഭാവുകത്വമണ്ഡലങ്ങളെയും ആഖ്യാനവിതാനങ്ങളെയും സ്വയം നവീകരിക്കുകയോ പ്രശ്‌നവൽക്കരിക്കുകയോ ചെയ്യുന്നു. പലതരം ഹിംസകളെ മുൻനിർത്തിയെഴുതപ്പെട്ട 'ഗോഥിക്'ഭാവനകളാണ് 'പഴരസത്തോട്ട'ത്തിലെ കഥകൾ. രതിയുടെയും മൃതിയുടെയും ഗന്ധകാഗ്നിയിൽ നീറിപ്പഴുക്കുന്ന മനുഷ്യാവസ്ഥകളുടെ ശിരോലിഖിതങ്ങൾ. ആധുനികതയുടെ ഗൂഢസാരസ്വതങ്ങൾക്ക് വാൾമൂർച്ച നൽകിയ എക്സ്‌പ്രഷനിസ്റ്റ്, സറിയലിസ്റ്റിക് സംസ്‌കാരചിഹ്നങ്ങൾക്ക് നൂറ്റാണ്ടിനിപ്പുറമുണ്ടായ പുനർജനിപോലെയാണ് ഇവയുടെ ഭാവബന്ധങ്ങളും രൂപപദ്ധതിയും ചിട്ടപ്പെടുന്നത്. വേണമെങ്കിൽ കഴിഞ്ഞ നൂറ്റാണ്ടിന്റെ അവസാനദശകങ്ങളിൽ ഉരുവംകൊണ്ട നിയോ എക്സ്‌പ്രഷനിസത്തിന്റെ തുടർച്ചയെന്നും ഇവയെ കരുതാം. ചിത്രകലയിലാകട്ടെ, സിനിമയിലാകട്ടെ, സാഹിത്യത്തിലാകട്ടെ മനുഷ്യശരീരത്തിന്റെ ക്രൂരവും അക്രമാസക്തവുമായ ആവിഷ്‌ക്കാരത്തെ തങ്ങളുടെ കാലത്തിന്റെ രാഷ്ട്രീയരൂപകമാക്കിമാറ്റിയ ഈയൊരു കലാപാരമ്പര്യത്തിലാണ് ഇന്ദുമേനോന്റെ കഥകളുടെ നില. മലയാളത്തിൽ മറ്റൊരു കഥാകൃത്തും പരീക്ഷിക്കാത്തവിധം ഉടലിന്റെ വന്യവും ഭീതിദവും തിക്തവും ജ്വരിതവുമായ പീഡാനുഭവങ്ങൾക്കുമേലാണ് ഈ കഥാകൃത്തിന്റെ ഭാവന നിഷ്‌ക്കരുണം നൃത്തം ചെയ്യുന്നത്.

വിയറ്റ്‌നാം യുദ്ധത്തിന്റെ ചരിത്രപശ്ചാത്തലത്തിൽ, തന്റെ ജനതക്കുവേണ്ടി ഉടൽകൊണ്ടു പൊരുതി കാലത്തെയും അമേരിക്കൻ സൈന്യത്തെയും അതിജീവിച്ച റൂഡിത്തായുടെ ജീവിതകഥയാണ് 'പഴരസത്തോട്ട'ത്തിന്റെ ആഖ്യാനസന്ദർഭങ്ങളിലൊന്ന്. അവരെ കണ്ട്, ജീവിതം യുദ്ധവും യുദ്ധം ജീവിതവുമാണെന്നു തിരിച്ചറിയുന്നു. ഐരാവതി. തന്റെ ഭർത്താവ് ബാലാജിയും കൂട്ടുകാരി ജയന്തിയും ചേർന്ന് ഐരാവതിയെ ചതിക്കുന്നു. മാന്ത്രികനായിരുന്ന പിതാവ് ശക്തിവേൽ, വേദിയിൽതന്നെ തൂങ്ങിമരിക്കുന്നതോടെ ബാലാജിയെ ഐരാവതി കാത്തു. എന്നിട്ടും അയാൾ തന്നെയും പിതാവിനെയും ചതിച്ചവന്റെ മകളായ ജയന്തിയെ കാമിച്ചു. അവരൊന്നിച്ച് ഐരാവതിയെ ചതിച്ചു. പകയുടെയും വെറിയുടെയും ചതിയുടെയും മാനങ്ങളിലൂടെ വ്യക്തികളും രാഷ്ട്രങ്ങളും പ്രസ്ഥാനങ്ങളും ജനതകളും കടന്നുപോകുന്ന സമാനമായ അവസ്ഥാന്തരങ്ങളുടെ രൂപകമാണ് 'പഴരസത്തോട്ടം'. ആഖ്യാനത്തിന്റെ ക്രൗര്യഭാവത്തിൽ സമാനതകളില്ലാത്ത രചന. സറിയലിസത്തിന്റെ ഭാഷാഭൂപടം. ചരിത്രത്തിന്റെയും ഭാവനയുടെയും മാന്ത്രികസംയുക്തം. മരണത്തിന്റെ കഠം.

'ഡി', ശ്രീലങ്കൻ തമിഴ് രാഷ്ട്രീയത്തിന്റെ അതുല്യമായ ആത്മബലികളുടെ ചരിത്രം പശ്ചാത്തലമാക്കി വിമോചനപ്പോരാളികളായ ദിപാകരന്റെയും പശുമാലയുടെയും കഥ പറയുന്നു. സമാധാനസേന ഭരണകൂടസൈന്യത്തോടൊപ്പം ചേർന്ന് നടത്തിയ വംശഹത്യകൾക്കു പകരം വീട്ടാൻ പശുമാല തെരഞ്ഞെടുത്ത രീതി പ്രധാനമന്ത്രിയെ വധിക്കുക എന്നതായിരുന്നു. അവൾ മനുഷ്യബോംബായി പൊട്ടിത്തെറിച്ചെങ്കിലും ശരീരത്തിന്റെ ഒരുപകുതി ജീവനോടെ അവശേഷിച്ചു. കാമറ അവളെ ഒറ്റുകൊടുക്കുകയും ചെയ്തു. ദിപാകരനും മക്കൾ പോൾ ആന്തണിയും വേദികയും തിരുച്ചെൽവിയും കുരുതികൊടുക്കപ്പെടുന്നു. പശുമാലയെ ഭരണകൂടം തൂക്കിക്കൊല്ലുന്നു. ദിപാകരനും പശുമാലയും സൈന്യത്താൽ ഭീകരമായ ശാരീരിക പീഡനത്തിനിരയാകുന്നതിന്റെ ചരിത്രാത്മകവിശകലനമാണ് കഥ. പതിനെട്ടാം നൂറ്റാണ്ടിൽ ഫ്രാൻസിൽ ലൂയി പതിനഞ്ചാമനെ ആക്രമിച്ച റോബർട്ട് ഫ്രാങ്കോ ഡാമിയൻ എന്നയാളെ ഭരണകൂടം ചിത്രവധം നടത്തിയ രീതിയിൽനിന്ന് ദിപാകരനിലേക്കും പശുമാലയിലേക്കും ഇന്ദു ഒരുവഴി തുറന്നിടുന്നു. റൂഡിത്തായിൽ അമേരിക്കൻ സൈന്യം നടത്തിയ കയ്യേറ്റംപോലെ മറ്റൊന്ന്. ആധുനികകാലത്തെ ഭരണകൂടഭീകരതയുടെയും ശരീരപീഡനങ്ങളുടെയും ഹിംസയുടെയും ചരിത്രമായി ഈകഥകൾ രണ്ടും മാറുന്നു. നാലുകുതിരകളിൽ കെട്ടി നാലുദിക്കിലേക്കു പായിച്ച് ഡാമിയന്റെ ശരീരം നാലായി വലിച്ചുകീറിയ ലൂയിപതിനഞ്ചാമനെ ഓർമയിലെത്തിച്ചുകൊണ്ട് ദിപാകരനെ രണ്ടായി പിളർന്നുകീറി മേജർ മൽഹോത്രയുടെ ചോരയ്ക്കു പകരംവീട്ടി, ഇന്ത്യൻ സേന.

മിഷെൽ ഫൂക്കോയും മറ്റും ചർച്ചചെയ്യുന്ന, ഭരണകൂടഹിംസയുടെയും ശരീരപീഡനത്തിന്റെയും ചരിത്രത്തിലെ ഏറ്റവും നിഷ്ഠൂരമായ മാതൃകകളിലൊന്നാണ് ഡാമിയന്റേത്. എത്രയെങ്കിലും പാഠരൂപങ്ങളിൽ പുനരാവിഷ്‌ക്കരിക്കപ്പെട്ട ഭരണകൂടഭീകരതയുടെ രക്തപുഷ്പം. ഡാമിയന്റെയും ദിപാകരന്റെയും കഥകൾ സിനിമാറ്റിക് ശൈലിയിൽ സീനുകളായി പുനഃസൃഷ്ടിക്കുന്നു, 'ഡി'. പീഡനത്തിന്റെ ഘോരരൂപങ്ങളിലൊന്ന് വായിക്കുക:

'ഡാമിയന്റെ കയ്യിലും കാലുകളിലും ഓരോരോ കുതിരകളെ കെട്ടി. ഭംഗിയും തലയെടുപ്പുമുള്ള കരുത്തരായ നാല് ആൺകുതിരകൾ. ചാട്ടപുളഞ്ഞു... അവ നാലു ദിക്കുകളിലേക്കും പാഞ്ഞു... ക്വാർറ്ററിങ്. നാലായി പിളർത്തൽ... എല്ലുകൾ നീങ്ങുന്ന ശബ്ദം ജനഭ്രാന്തിൽ മുങ്ങിപ്പോയി.

ആളുകളുടെ ആർപ്പുകൾ ഉച്ചസ്ഥായിലായി.

'കൊല്ല് കൊല്ല് കൊല്ല്...'. അവർ താളത്തിൽ ഹരംപൂണ്ടു. കൈകൊട്ടി ശിക്ഷകനെ പ്രോത്സാഹിപ്പിച്ചു.

ക്രിക്ക് എന്ന ശബ്ദത്തിൽ രണ്ടു കൈകളും കുഴിയിൽനിന്നും വേർപെട്ടുപോന്നു.

'അമ്മാ... അവരോടെ കാൽ, അത് വിട്ടുപോന്നതേയില്ലൈ... വീണ്ടും ഓരോ കുതിരയെയുംകൂടി ചേർത്തുകെട്ടി വലിച്ചുനോക്കി. പറ്റീലാ. പിന്നെ മഴുകൊണ്ടുവന്ന് വെട്ടിയെടുക്കുകയായിരുന്നു... എന്നിട്ടും അവങ്കെ സാവലെ... അന്ത റ്റോർസ്സോ ജീവനോടെ ഒരു മരക്കമ്പിൽ സ്റ്റേക്ക് സെയ്തിട്ടാൾ. ഒടുക്കം തീയ്യെ പോട്ട്... അവങ്കെ എരിന്ത സാരത്തെ പാരീസ്സ് നഗരത്തിൽ വിതറിയിട്ടേൻ. എന്ന കൊടുമയമ്മാ ഇത്?'.

അവൾ എന്തിനാണു കത്തെഴുതുമ്പോൾ നിലവിളിച്ചതെന്നു പശുമാലയ്ക്ക് മനസ്സിലായി. അവൾ എന്തിനെയായിരിക്കും ഭയന്നത് എന്നവൾക്കു മനസ്സിലായി.

ദിപാകരന്റെ കാലുകൾ പട്ടാളവണ്ടിയുടെ കൊളുത്തിൽ ചങ്ങല കെട്ടി ഞാത്തിയിടാൻ അതിക്രൂരമായ ഒരു പുഞ്ചിരിയോടെ മേജർ സുന്ദരരാമസ്വാമി അയ്യങ്കാർ കല്പിച്ചു. എതിർ പാതകളിലേക്കു മുഖം തിരിച്ചിട്ട രണ്ടു വണ്ടികൾ. ക്വാർറ്ററിങ്... ക്വാർറ്ററിങ്... നാലായി പകുക്കൽ...

പശുമാലയ്ക്ക് പ്രാണൻ വിലങ്ങി.

'കടവുളേ യെൻ കടവുളേ...'.

അവൾ മുഖം പൊത്തി. ദിപാകരനെ ബന്ധിച്ച രണ്ട് പട്ടാളവണ്ടികളും എതിർദിശയിലേക്ക് സാവധാനം അകന്നുപോയി... അവളുടെ കൈപ്പത്തിയിൽ ചോര ചിതറിവീണു. രണ്ടു പാതിയായി ദിപാകരൻ പശുമാലയിൽ നിന്നകന്നുപോയി. ഒരു പാതി ഇന്ത്യയിലേക്കും മറുപാടി ലങ്കയിലേക്കും. അയാളുടെ മോതിരം ഊരിത്തെറിച്ച് അവൾക്കു മുമ്പിൽവന്ന് വീണു'.

'ഒരു ലസ്ബിയൻ പശു' മുതൽ 'ഹിന്ദുഛായയുള്ള മുസ്ലിം പുരുഷൻ' വരെയുള്ള അരഡസൻ കഥകളിലെങ്കിലും ഇന്ത്യയിലെ ഹിന്ദുത്വഭീകരതയെ വിചാരണ ചെയ്ത ഇന്ദുമേനോൻ ഇസ്ലാമികഭീകരതയെ പ്രതിക്കൂട്ടിൽ നിർത്തുന്നു, 'മരണവേട്ട'യിൽ. ഈ കഥ തനിക്കുപറ്റിയ തെറ്റാണെന്ന് പുസ്തകത്തിന്റെ ആമുഖത്തിൽ കുമ്പസാരിക്കുന്നുണ്ട്, കഥാകൃത്ത്. മതഭീകരതയും ഹിംസാത്മക രാഷ്ട്രീയവും ഹിന്ദുത്വവാദികളുടെ മാത്രം സ്വഭാവമല്ല. നിലനിൽക്കുന്ന ആഗോള, ദേശീയ, പ്രാദേശിക സന്ദർഭങ്ങളിൽ ഇസ്ലാമികഭീകരതയും ഒരു യാഥാർഥ്യമാണ്. രാഷ്ട്രീയ ഇസ്ലാമിനെക്കുറിച്ചു കഥയെഴുതുന്നത് ഏറ്റുപറയേണ്ട തെറ്റായി ഇന്ദു കാണുന്നതാണ് വിസ്മയം. സുമംഗലയെ പ്രണയിച്ചു വിവാഹം കഴിച്ച ബഷീർ, അവളുടെ കൂട്ടുകാരിയും ഐസക്കിന്റെ ഭാര്യയുമായ എലിസബത്തുമായി അടുക്കുന്നതോടെ രണ്ടു ദാമ്പത്യങ്ങളും തകരുന്നു. സുമംഗലക്ക് എയ്ഡ്‌സ് പകർന്ന് ബഷീർ ആത്മഹത്യ ചെയ്യുന്നു. വർഷങ്ങൾക്കുശേഷം രോഗിയാകുമ്പോൾ താൻ ജീവിതത്തിലുടനീളം ചതിക്കപ്പെടുകയായിരുന്നു എന്നവൾ തിരിച്ചറിയുന്നു. അവളുടെ മകൻ സോനു, ഹിന്ദുവായി ജീവിക്കുകയും ഹിന്ദുത്വവാദിയായി മാറുകയും ചെയ്യുന്നതിൽ മുൻപുണ്ടായിരുന്ന അസഹിഷ്ണുത സുമംഗല മറികടക്കുന്നു. എയ്ഡ്‌സ് പരത്തുന്ന മുസ്ലിമിൽ നിന്ന് ലൗജിഹാദിന്റെ സമീപകാല രാഷ്ട്രീയത്തിലേക്ക് ഇസ്ലാമോഫോബിയ വളരുന്നതിന്റെ നിശിതമായ നിരീക്ഷണങ്ങളുണ്ട് കഥയിൽ. സോനുവിന് ആദ്യശത്രു സ്വന്തം പിതാവുതന്നെയായി മാറി. ' 'അമ്മാ... ആരേം വിശ്വസിക്കല്ലേ... അമ്മാ. അമ്മാ ചതിയന്മാരാണ്...'.

സോനുവിന്റെ ശബ്ദം...

'ഇന്നേം ഇന്റെ പാവം അമ്മേം... ചതിച്ചു'. അവന്റെ സ്വരത്തിലെ നിസ്സഹായത, നിസ്സഹായന്റെ ക്രോധം.

'പ്രിയ സഹോദരിമാരേ, നിങ്ങളിവരുടെ വലയിൽ വീഴാതിരിക്കൂ... ഭാരതാംബ....' ഭജ്‌റംഗി വിലങ്ങിട്ട കൈകൾ വായുവിൽ വീശി...

'എച്ച്.ഐ.വി. പോസിറ്റീവായതുകൊണ്ടാണ് ബഷീർ സൂയിസൈഡ് ചെയ്തത്. നിങ്ങൾക്കറിയുമെന്നാണ് ഞാൻ കരുതിയത്. സത്യമാണിത്. വിശ്വസിച്ചേ മതിയാവൂ'. ഡോക്ടർ മുഴക്കമുള്ള ശബ്ദത്തിൽ ആണയിട്ടു.

മെഡിക്കൽ റിപ്പോർട്ടുകൾ വാങ്ങി മുറിയിലേക്കു നടക്കുമ്പോൾ സുമംഗല ഒരു വിഡ്ഢിച്ചിരി ചിരിച്ചു. വേട്ടക്കാരന്റെ കൊന്ത്രമ്പല്ലുരസുമ്പോൾ അല്പനേരത്തേക്ക് ഇരയ്ക്കുണ്ടാകുന്ന ഭയപ്പെടുത്തുന്ന ഇക്കിളിയുടെ ചിരി. ഇനി സോനുവിന്റെ സർട്ടിഫിക്കറ്റുകളിൽ അവന്റെ ജാതിക്കോളത്തിൽ, 'ജാതിയില്ല, മതമില്ല' എന്നെഴുതിയത് തിരുത്തി കറുത്ത മഷികൊണ്ട് 'ഹിന്ദു....ഹിന്ദു നായർ' എന്നെഴുതണമെന്ന് അവൾ ആഗ്രഹിച്ചു.

'നമ്മുടെ മകൻ മനുഷ്യനായി വളരട്ടേ സുമേ. ജാതിയും മതവുമൊന്നുമില്ലാണ്ട് തികഞ്ഞ ഇന്ത്യക്കാരനായി അവൻ വളരട്ടെ. മനുഷ്യക്കുട്ടിയാവട്ടെ അവൻ'. ബഷീറിന്റെ ചതിച്ചതുപ്പുകൾ ഒളിപ്പിച്ച വാക്കുകൾ അവൾ ഓർത്തു.

'ഇത് ഭയങ്കര ചതിയായി ബഷീറേ... നീ എന്റെ പെങ്ങളെത്തന്നെ...' എന്നു പറഞ്ഞ് വേദനിച്ച ചെറിയേട്ടനെ അവൾക്ക് പെട്ടെന്ന് ഓർമ്മവന്നു. ഇന്നുമുതൽ സോനുവിനെ ശാഖക്കയയ്ക്കണം... അവൾ ക്രൂരമായ ഒരാനന്ദത്തോടെ ബഷീറിനെയും ഓർത്തു.

'ഇല്ല.... ഇല്ല.... ഇതിൽ ചതിയില്ല... ഇല്ല...' ബഷീറിന്റെ പുച്ഛം നിറഞ്ഞ മറുപടി വാക്കുകൾ തികഞ്ഞ ആത്മനിന്ദയോടെ അവൾ പതുക്കെ ഉരുവിട്ടു.'.

ഇരുപതാം നൂറ്റാണ്ടിന്റെ തുടക്കം പശ്ചാത്തലമാക്കി രചിക്കപ്പെടുന്ന 'പുലയടി', പുലയരുടെ ജാതിസ്വത്വസംഘർഷങ്ങളുടെ ബാഹ്യവും ആഭ്യന്തരവുമായ ലോകങ്ങളുടെ ചരിത്രാഖ്യാനമാകുന്നു. പൊയ്കയിൽ അപ്പച്ചന്റെ കാലംതൊട്ടുണ്ടായ പുലയരുടെ ക്രിസ്തുമതാദേശവും ഹിന്ദുസ്വത്വവും തമ്മിലുള്ള വൈരുധ്യങ്ങളുടെ രാഷ്ട്രീയമാണ് കഥയുടെ കാതൽ. സുകുമാരൻ തന്റെ രണ്ടു തലമുറ പിതാക്കളുടെ ചോരയിലും ചെളിയിലും മുങ്ങിയ ചരിത്രം പറയുന്ന രീതിയിലാണ് ആഖ്യാനം. ഭരണകൂടവും സവർണഹിന്ദുക്കളും അദ്ധ്യാപകരും പൊലീസും കോടതിയും..... പുലയഹിംസനടത്താൻ മത്സരിച്ച ആധുനികസമൂഹങ്ങൾ ഒന്നൊന്നായി കഥയിൽ വിചാരണ ചെയ്യപ്പെടുന്നു. മരണത്തിലും ജീവിതത്തിലും പുലയന് വ്യത്യാസമൊന്നുമില്ല. മണ്ണുതിന്നും മണ്ണിൽ പണിതും മണ്ണിലടിയുന്ന തൃണജന്മം. അമ്മ ചത്ത ശേഷം സുകുവിനെ വളർത്തിയ പൊന്തമ്മാമ്മച്ചിയെ സവർണർ ബലാൽസംഗം ചെയ്തുകൊന്നു കെട്ടിത്തൂക്കി. അതിനെതിരെ പരാതികൊടുക്കാൻപോയ വല്യപ്പച്ചനെ പൊലീസ് ഇടിച്ചുകൊന്നു. അടിയന്തരാവസ്ഥയിൽ സുകുവിന്റെ അച്ഛനെയും പൊലീസ് കൊന്നു. ക്രിസ്ത്യാനിയായി എന്ന കുറ്റം വിധിച്ച് ഭരണകൂടം സുകുവിന് സംവരണവും നിഷേധിച്ചു. പൊയ്കയിൽ അപ്പച്ചൻ ചേരമരാക്കിയ പുലയരുടെ ജാതിച്ചൂര് പക്ഷെ ക്രിസ്ത്യാനികളും ഭരണകൂടസ്ഥാപനങ്ങളും കഴുകിക്കളഞ്ഞില്ല. അങ്ങനെ സുകുവിന്റെ ജാതിയെച്ചൊല്ലി പൊതുസമൂഹം നടത്തുന്ന പ്രത്യക്ഷവും പരോക്ഷവും പ്രതീകാത്മകവുമായ ഹിംസകളുടെ ഇരയായി മാറി അയാൾ.

ഷണ്ഡവിലാപത്തിൽ, ഡോക്ടർ രാജീവിന് കേണലിന്റെ അഞ്ചാം ഭാര്യയായ ചാരുലക്ഷ്മിയുമായുണ്ടാകുന്ന അവിഹിതബന്ധവും, അതേ പേരിട്ട് അയാൾ വളർത്തിയ മകളുടെ മരണവും കാൻസർരോഗിയായ ആയിഷയുടെ സ്തനഛേദവുമാണ് കഥാസന്ദർഭങ്ങൾ. ഇവ മൂന്നും തമ്മിലുള്ള ഇഴച്ചേർച്ചകളും ഇടർച്ചകളുമാണ് കഥയുടെ നാടകീയത; നാരകീയതയും. പാപത്തിന്റെ ശമ്പളം മരണമായി മാത്രമല്ല ഷണ്ഡത്വമായും അയാളെ വേട്ടയാടി. മരണത്തിന്റെ ഗന്ധവും ശവത്തിന്റെ അഴുകലും ജീവിച്ചിരിക്കുമ്പോൾതന്നെ ഏറ്റുവാങ്ങി അയാൾ തന്റെ ആത്മാവിനെ ചെകുത്താനു വിറ്റു.

ഇതേ ചെകുത്താനു കൈവന്ന മനുഷ്യാവതാരത്തിന്റെ കഥയാണ് മൃതിനിർവേദം. ജീവിതം കുറ്റകൃത്യങ്ങളുടേതു മാത്രമാണെന്നു തിരിച്ചറിയുന്ന കേശവേന്ദ്രൻ, തന്നെ വേട്ടയാടിയ ലോകത്തോട് പകവീട്ടിയത് ഹിംസകളെ രതിപോലെയാസ്വദിച്ചുകൊണ്ടാണ്. അമ്മയെയും അമ്മയെ പ്രാപിക്കാൻവന്ന പതിവുകാരനെയും കൊന്നുതുടങ്ങിയ ജീവിതം. മുംബയിലെ ഹിന്ദുത്വരാഷ്ട്രീയത്തിന് കൂലിത്തല്ലും കൂട്ടിക്കൊടുപ്പുമായി വളർന്ന കൗമാരം. ഒടുവിൽ മരണത്തിന്റെ ദൂതനും ശവങ്ങളുടെ വ്യാപാരിയുമായി മാറുന്ന രാജ്യാന്തര വളർച്ച. കൂട്ടക്കൊലകളും വംശഹത്യകളും ദുരന്തങ്ങളും അയാൾക്കു ലഹരിയായി. നൊസ് ഫെറാദു മുതൽ ഡ്രാക്കുള്ള വരെയുള്ളവർക്കുണ്ടായ കാലാന്തരജന്മംപോലെ കേശവേന്ദ്രൻ ശവങ്ങൾക്കിടയിൽ തിമിർത്തുജീവിക്കുന്നു.

ഒരു എഴുപതുകാരൻ മരണക്കിടക്കയിൽ നിന്നെഴുതുന്ന രതിനിർവേദങ്ങളുടെ കഥയാണ് പ്രേമസൂത്രം. നാൻസി ഫ്രൈഡേയുടെ ഫാന്റസികൾ പോലെ, താൻ പ്രാപിച്ചവരും പ്രാപിക്കാൻ കൊതിച്ചവരുമൊക്കെയായ ഇരുപത്തിരണ്ടു പെണ്ണുങ്ങളിലൂടെ കടന്നുപോയവന്റെ ആസന്നമരണചിന്തകൾ. യൂണിവേഴ്‌സിറ്റി പ്രൊഫസറാണയാൾ. തുടക്കം തന്റെ പ്രൊഫസറുടെ മകൾ മൃണാളിനിയെ പ്രാപിച്ചുകൊണ്ടായിരുന്നു. ഒടുക്കം മൃണാളിനിയിൽ തനിക്കുണ്ടായ മകളെ പ്രാപിച്ചുകൊണ്ടും. അപർണ, കാലങ്ങളോളം അയാളെ പ്രണയിച്ചും പ്രാപിച്ചും കഴിഞ്ഞതിനൊടുവിലാണ് അയാൾ തന്റെ പിതാവാണെന്നറിയുന്നത്. അയാളും. അവൾ ആത്മഹത്യചെയ്തു. അയാളാകട്ടെ ഒരു മനുഷ്യന് തന്റെ രതിജീവിതത്തിലുണ്ടാകാവുന്ന ആത്മീയധ്വജഭംഗത്തിന്റെ പാരമ്യം കണ്ട് മരണക്കിടക്കയിലാകുന്നു.

ജീവിതരതികളും രതിജീവിതങ്ങളും തുള്ളിത്തുളുമ്പുമ്പോഴും ഒന്നൊഴിയാതെ മുഴുവൻ കഥകളിലും കേന്ദ്രപ്രമേയങ്ങളായി വരുന്നത് ശാരീരികമോ ആത്മീയമോ ആയ പീഡനങ്ങളും ഹിംസയുമാണ്. ആത്മഹത്യക്കും കൊലയ്ക്കുമിടയിൽ നരകതുല്യമായി തിളച്ചാർക്കുന്ന ഉടലനുഭവങ്ങളിലൂടെ മുന്നേറുന്ന ആഖ്യാനങ്ങൾ. വ്യക്തിഹത്യ മുതൽ വംശഹത്യവരെയുള്ളവ ചരിത്രത്തിന്റെ രാഷ്ട്രീയമായി വ്യാഖ്യാനിക്കപ്പെടുന്നു. വയലൻസും സെക്‌സും നിറഞ്ഞ അധികാരമണ്ഡലങ്ങൾ വിചാരണചെയ്യപ്പെടുന്നു. ബഹുതലരതി ബന്ധങ്ങളും അഗമ്യഗമനങ്ങളും മരണതുല്യമായ ആത്മനാശങ്ങളും നിറഞ്ഞ മർത്യഭാഗധേയങ്ങളുടെ ശാപഗ്രന്ഥം. സറിയലിസ്റ്റിക് രൂപകങ്ങൾ നിരനിരയായി വരുന്ന എക്സ്‌പ്രഷനിസ്റ്റ് കലയുടെ കഥയാട്ടങ്ങൾ. 'പഴരസത്തോട്ടം' മലയാളചെറുകഥയിൽ സൃഷ്ടിക്കുന്ന ഭാവനയുടെ പ്രേതഭൂമികകൾക്കുള്ള കിടിലംകൊള്ളിക്കുന്ന ഭാവുകത്വപ്രതീതി ഒന്നുവേറെതന്നെയാണ്.

'പഴരസത്തോട്ടം' എന്ന കഥയിൽനിന്ന്:-

'പൊടുന്നനേ റൂഢിത്തായുടെ കണ്ണുകളിൽ കാർമേഘങ്ങൾ കരിനിറച്ച ഒരു അബോധരാത്രിവന്ന് ജനലിലൂടെ കണ്ട ആകാശത്തെ കറുപ്പിച്ചു. പിന്നെ അന്തരീക്ഷത്തെ തണുപ്പിച്ചു. കറുത്ത പട്ടുതൊലിച്ചി കാപ്പിരിപ്പെണ്ണിന്റെ നഗ്നമായ തോളുകൾപോലെയാകാശം. നക്ഷത്രപ്പൊട്ടുകളില്ല, ചന്ദ്രനില്ല, രാത്രിനീലയെത്തിളക്കുന്ന അജ്ഞാതഗ്രഹങ്ങളിൽനിന്നു സ്ഫുരിക്കുന്ന കാന്തിക രാത്രിപ്രകാശമോ ചന്ദ്രകാന്ത രശ്മികളോ ഇല്ല. കറുത്ത പാടപോലെ നിർവികാരമായ ആന്ധ്യം. കണ്ണുകളിൽ ഊറിക്കെട്ടുന്ന ചുവന്ന രക്തപ്പാട. അതിനും താഴെ കട്ടകുത്തിയപോലെ കറുപ്പായ്തന്നെ എല്ലാ കാഴ്ചയും അറുന്നുപോകുന്നതുപോലെ റൂഢിത്തായ്ക്കു തോന്നി. പട്ടാളബൂട്ടിന്റെ പിച്ചളാറ്റംകൊണ്ട് അയാൾ കുഞ്ഞിന്റെ ജഡം ചവിട്ടിത്തെറിപ്പിച്ചു. കാലിജൂനിയറിന്റെ രോമരഹിതമായ ആപ്പിൾപ്പെണ്മുഖം. പീലികൾ നിറന്ന് വിശറിപ്പാപോലെ കനംതൂങ്ങിയ കണ്ണുകൾ. കയ്യിൽ എളിയിൽ സൂക്ഷിച്ച ചെറിയ കത്തി. ഇംഗ്ലീഷിലെ 'വി' അക്ഷരത്തിനു സദൃശമായ അതിന്റെ മുനക്കൂർപ്പിൽ വ്യാഘ്രകണ്ണൊളിമിന്നൽ റൂഢിത്തായ് കണ്ടു. ഗന്ധകാമ്ലത്തിൽ തിളങ്ങിയ അഗ്നിനക്ഷത്രങ്ങളുടെ വാൽപോലെ അതിന്റെ മൂർച്ച. അതവളോട് അപകടകരമായി ചിരിച്ചു.

വെടികൊണ്ട മുലയുടെ വലഞ്ചെരിവിലൂടെ മാങ്ങാപ്പൂളീൽ കയറ്റുന്ന ലാഘവത്തോടെ അയാൾ കത്തി കയറ്റി വരഞ്ഞു. അയാളെപ്പോഴും കടിക്കാറുണ്ടായിരുന്ന നെഞ്ചിനു മധ്യേയുള്ള ചെമ്പകമറുക് രണ്ടായി പകുന്നു. ഇടതുനെഞ്ചിനു താഴെയുള്ള വാരിയെല്ലിന്റെ ഇടയിലൂടെ അയാൾ കത്തി വൃത്താകൃതിയിൽ ചുഴറ്റി. ഹൃദയമുറിയും നാലറകളും ഒന്നായതുപോലെ റൂഢിത്തായ് അലറി.

'മിണ്ടരുത് പിശാചിനീ. നിന്നെ ഞാനെത്ര സ്‌നേഹിച്ചു? എത്ര വിശ്വസിച്ചു? എന്നെ മാത്രമല്ല, നിന്റെ ഗർഭത്തിലെ ഈ കുഞ്ഞിനെയും കൂടിയാണു നീ ചതിച്ചത്. നിന്നെയല്ലാതെ ഒരു പെണ്ണിനെയും ഞാൻ സ്പർശിച്ചിട്ടുപോലുമില്ല. ആ എനിക്കും രോഗമാണ് നിന്റെ സമ്മാനം. ഉഷ്ണപ്പുണ്ണ്. ഇതിനു മരുന്നില്ലെന്ന് നിനക്കറിയാം. ഈ രോഗം വന്നാൽ പട്ടാളക്കാരനെപ്പിന്നെ പിരിച്ചുവിടുമെന്നും. നിനക്കെല്ലാം അറിയാമായിരുന്നില്ലേ?'.

പാമ്പിൻതൊണ്ടയിൽ കുടുങ്ങിയ മരത്തവളയുടെ പിടപ്പോടെ കത്തിമുനയ്ക്കു താഴെ റൂഢിത്തായുടെ അവയവങ്ങൾ മിടിച്ചു. വേദനയ്ക്കിടയിലും അവൾ പൊട്ടിച്ചിരിക്കാൻ ശ്രമിച്ചു.

'എന്റെ രാജ്യത്തെ നിങ്ങളു ചതിച്ചില്ലേ? ഞങ്ങളുടെ സമാധാനത്തെ നിങ്ങള് ഇല്ലാണ്ടാക്കിയില്ലേ? എന്റെ കല്യാണത്തിന്റെ അന്ന് എന്റെ വരനെ നിങ്ങൾ കൊന്നില്ലേ? ഞാൻ നിങ്ങളെ സ്‌നേഹിക്കുമോ? വിഡ്ഢി'.

'ന്യായം പറയുന്നോ?' അയാൾ ക്രൂരമായ ഒരു ശബ്ദമിട്ടു. വേട്ടയിരയെ കഴുത്തുകടിച്ചെടുത്തു പായുന്ന കാട്ടുമൃഗത്തെപ്പോലെ ഒരു മുക്രശബ്ദം. പിന്നീട് സാവകാശം കത്തി പൊക്കിളിനു താഴേക്കു വലിച്ചു ചുഴറ്റി. വൻകുടലും ചെറുകുടലും അറുന്ന് അതിനു താഴെയുള്ള ഗർഭപാത്രത്തിലേക്ക് അത് സാവധാനം അയാൾ കുത്തിയിറക്കി. അടിവയറ്റിൽ ആയിരം ചിത്രശലഭങ്ങൾ പ്യൂപ്പപൊട്ടിച്ചു പുറത്തേക്ക് ഇരമ്പത്തോടെ ഇരച്ചുവന്നതായി റൂഢിത്തായ്ക്കുതോന്നി.

ഒരു നിലന്തല്ലികൊണ്ട് നിലം തല്ലുന്നതുപോലെ ലാഘവമായി ടെറിജൂനിയർ റൂഢിത്തായുടെ മുഖം ചതച്ചു. അവളുടെ മൂക്കുകുഴൽ പരന്ന് ചിതറി ഒരു ചുവന്ന തടിയൻ ശലഭത്തിന്റെ ഒറ്റച്ചിറകുപോലെ വിറച്ചു. അയാൾ കുന്തിച്ചിരുന്ന് അവളുടെ ചെവികൾ രണ്ടും അറുത്തെടുത്തു.

'ഒരു കഷണം ചോരയിറച്ചിയായിട്ടു വേണം നീയൊടുങ്ങാൻ'. അയാൾ അവളുടെ വലതു കൈവിരലുകൾ പുറകിലേക്ക് മടക്കി അഞ്ചും ഒടിച്ചു. ഇടത്തെ കയ്യിൽനിന്നും വലതു വിരൽ പറിച്ചെടുത്തു. കണ്ണുകൾ കുത്തിച്ചൂഴുവാനായി നോക്കുമ്പോൾ പട്ടാളത്തിന്റെ അപകട സൈറൺ മുഴങ്ങി'.

പഴരസത്തോട്ടം (കഥകൾ)
ഇന്ദുമേനോൻ
ഡി.സി. ബുക്‌സ്, 2017
വില : 180 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
ശബരിമലയ്ക്ക് കെ എസ് ആർ ടി സി ബസിൽ പുറപ്പെട്ട ജേണലിസം വിദ്യാർത്ഥികളെ പ്രതിഷേധക്കാർ നിലയ്ക്കലിൽ വച്ച് തടഞ്ഞു; പെണ്ണുങ്ങളെ കേറ്റുകയില്ലെന്ന് ആക്രോശിച്ച് കൊണ്ട് നിരവധി സ്ത്രീകൾ ഇരച്ച് കയറി വിദ്യാർത്ഥികളെ ഇറക്കി വിട്ടു; ചെറുത്ത് നിന്ന പെൺകുട്ടികളുമായി വാക്കേറ്റം; പമ്പക്ക് പുറപ്പെട്ട മുഴുവൻ കെ എസ് ആർ ടി സി ബസുകളും തടഞ്ഞ് പരിശോധിക്കുന്നു; പ്രതിഷേധത്തിനിടെ ആത്മഹത്യാ ശ്രമവും; നിലയ്ക്കലിലേക്ക് ആളുകളുടെ ഒഴുക്ക്; ശബരിമല യുവതി പ്രവേശന വിഷയത്തിൽ നിലയ്ക്കൽ സംഘർഷ ഭരിതമാകുന്നു
സിദ്ദിഖിന്റേത് അച്ചടക്കലംഘനം; ലളിതച്ചേച്ചിയെ ആരും ചുമതലപ്പെടുത്തിയിട്ടില്ല; സംഘടനയിലെ ഗുണ്ടായിസം അനുവദിക്കാൻ പറ്റില്ലെന്നും എല്ലാവരുടെയും ചരിത്രം അറിയാമെന്നും ജഗദീഷ്; സിദ്ദിഖ് പറഞ്ഞത് സംഘടനാ നിലപാടല്ലെന്ന് ബാബുരാജും; എഎംഎംഎ ഭാരവാഹികൾ വാട്‌സ് ആപ്പ് ഗ്രൂപ്പിൽ ഇട്ട ശബ്ദസന്ദേശം പുറത്ത്; പത്രസമ്മേളനം വിളിച്ചത് ദിലീപ് സിനിമയുടെ സെറ്റിൽ വെച്ച്; താരസംഘടനയിൽ വൻ പൊട്ടിത്തെറി; നടക്കുന്നത് മോഹൻലാൽ അനുകൂലികളും ദിലീപ് അനുയായികളും തമ്മിലുള്ള വടംവലി
ഇതൊരു സുവർണ്ണാവസരമാണ്; അയ്യപ്പൻ സ്വയം കഴിവ് തെളിയിക്കട്ടേ! കിളവികളെ വേണോ അതോ നല്ല സൊയമ്പൻ പെമ്പിള്ളേരെ വേണോ; തീരുമാനം അയ്യപ്പനെന്ന് പോസ്റ്റിട്ട ജീവനക്കാരന്റെ കാര്യത്തിൽ തീരുമാനമെടുത്ത് എംഎ യൂസഫലി; ലുലു ഗ്രൂപ്പിൽ നിന്ന് ദീപക് പവിത്രനെ പുറത്താക്കി അയ്യപ്പ വിശ്വാസികളുടെ വികാരത്തിനൊപ്പം നിന്ന് പ്രവാസി വ്യവസായിയുടെ ഇടപടെൽ; ലുലു ഹൈപ്പർമാർക്കറ്റ് ജീവനക്കാരന് പണി പോയത് സോഷ്യൽ മീഡിയയിലെ പൊങ്കാല കാരണം
നടിക്ക് അവസരങ്ങൾ നഷ്ടപ്പെട്ടതായി എനിക്കറിയാമെന്ന് മൊഴി നൽകിയ സാക്ഷി; ഇന്നലെ പറഞ്ഞത് അവസരം നഷ്ടപ്പെടുത്തിയത് ആരെന്നതിന് കുറിച്ച് നടി പറയണമെന്ന വീരവാദവും; ഇക്ക ഇക്കാര്യത്തിൽ ഇടപെടേണ്ട എന്നും ഇത് എന്റെ വ്യക്തിപരമായ കാര്യമാണെന്നും ദിലീപ് പറഞ്ഞെന്ന് സമ്മതിച്ച സിദ്ദിഖ് കൂറുമാറിയെന്ന് തിരിച്ചറിഞ്ഞ് പ്രോസിക്യൂഷൻ; കേസ് അട്ടിമറിക്കാനുള്ള നീക്കത്തെ ചെറുക്കാൻ ദിലീപിന്റെ ജാമ്യം റദ്ദാക്കാൻ കരുക്കൾ നീക്കി പൊലീസ്; നടിയെ ആക്രമിച്ച കേസ് വീണ്ടും സജീവമാക്കി അമ്മ-ഡബ്ല്യൂസിസി പോരും
അലൻസിയറുടെ ലൈംഗിക അതിക്രമത്തെ കുറിച്ച് ഡബ്ല്യുസിസിക്ക് പരാതി നൽകിയിരുന്നുവെന്ന് നടി ദിവ്യ ഗോപിനാഥ്; നടൻ മാപ്പു പറഞ്ഞാൽ ഈ പ്രശ്‌നങ്ങൾ തീരുമോ എന്നാണ് അന്ന് സിനിമയിലെ വനിതാ കൂട്ടായ്മ ചോദിച്ചത്; ജസ്റ്റിസ് ഹേമ കമ്മീഷൻ മുമ്പാകെയും പരാതി നൽകിയിട്ടും നടപടി ഉണ്ടായില്ല; മറ്റു പല സെറ്റുകളിലും സ്ത്രീകളോട് അലൻസിയർ മോശമായി പെരുമാറിയിട്ടുണ്ടെന്നും ദിവ്യയുടെ വെളിപ്പെടുത്തൽ
ഒരു പെണ്ണിനേയും ഇതിന് അപ്പുറത്തേക്ക് കയറ്റി വിടില്ല; തിരിച്ചു പോകൂ....; വിശ്വാസം സംരക്ഷിക്കാൻ നിലയ്ക്കലിൽ പ്രായമായ സ്ത്രീകളുടെ പ്രതിരോധം; ടൈംസ് നൗ ലേഖികയ്ക്ക് പോലും പമ്പയിലേക്ക് പ്രവേശനമില്ല; വാർത്ത റിപ്പോർട്ട് ചെയ്യാനെത്തിയ വനിതാ മാധ്യമ പ്രവർത്തകർക്ക് എതിരേയും ഉപരോധം; ചാനൽ വാഹനങ്ങളും പമ്പയിലേക്ക് കടത്തി വിടുന്നത് കർശന നിരീക്ഷണത്തിന് ശേഷം; നിലയ്ക്കൽ കേന്ദ്രീകരിച്ച് പ്രതിഷേധം ശക്തം; ശബരിമല തീർത്ഥാടനം പ്രതിസന്ധിയിലേക്ക്
ഊണ് കഴിക്കുന്നതിനിടെ എന്റെ മാറിടത്തിലേക്ക് തന്നെ കള്ളക്കണ്ണിട്ട് നോക്കും; മീൻ കറി കഴിക്കുമ്പോൾ മീനിനെയും പെണ്ണുങ്ങളുടെ ശരീരത്തെയും താരതമ്യം ചെയ്യും; ഏറ്റവുമൊടുവിൽ വാതിൽ തുറന്നുതള്ളിക്കയറി വന്ന് എന്റെ കൂടെ കട്ടിലിൽ കയറിക്കിടന്നു; ഡയറക്ടറോട് പരാതിപ്പെട്ടപ്പോഴും വഷളത്തരം തുടർന്നു; അലൻസിയർക്കെതിരെ മീ ടൂ ആരോപണവുമായി നടി; വെളിപ്പെടുത്തൽ ഇന്ത്യ പ്രൊട്ടസ്റ്റ്‌സ് വെബ്‌സൈറ്റിൽ
നീയതിന് നിന്നുകൊടുത്തിട്ടല്ലേ.. സുഖിച്ചിട്ട് വെളിപ്പെടുത്തുകയല്ലേ എന്നാക്ഷേപിക്കുന്നവരോട് പറയാനുള്ളത് ഇതാണ്; നിന്നുകൊടുത്തിട്ടില്ല എന്ന ധൈര്യത്തിലാണ് സംസാരിക്കുന്നത്; പെൺകുട്ടികളൊക്കെ എന്റെ കൂടെയായിരുന്നു..ഞാൻ പൊളിച്ചു എന്ന് മട്ടിൽ അലൻസിയറേട്ടൻ സിനിമാ സെറ്റിൽ വീരവാദം മുഴക്കി നടന്നപ്പോഴാണ് ഇൻസൾട്ട് ചെയ്യപ്പെട്ടതായി തോന്നിയത്; ഇന്ത്യ പ്രൊട്ടസ്റ്റ്‌സ് സൈറ്റിൽ അലൻസിയർക്കെതിരെ മീ ടൂ ആരോപണം ഉന്നയിച്ചത് താനാണെന്ന വെളിപ്പെടുത്തലുമായി നടി ദിവ്യ ഗോപിനാഥ്
കണ്ണൂരിലെ രേഷ്മയ്ക്ക് പിന്നാലെ മാലയിട്ട് വ്രതം തുടങ്ങി മലബാറിൽ കൂടുതൽ സ്ത്രീ ഭക്തർ; കോഴിക്കോട് ഇന്ന് മാലയിട്ടത് മുപ്പതിലധികം സ്ത്രീകൾ; ഭീഷണി വകവയ്ക്കാതെയും ഒരുമിച്ച് മല ചവിട്ടാൻ ഉറച്ച് വനിതകൾ; പലരും പുറത്തുപറയാത്തത് ഭീഷണി പേടിച്ച്; ശ്രീകണ്‌ഠേശ്വര ക്ഷേത്രത്തിൽ നിന്ന് മാലയിട്ട് വ്രതമാരംഭിച്ച അർച്ചന മറുനാടനോട്
എല്ലാ വഴികളും അടഞ്ഞാൽ ശബരിമല നട അനിശ്ചിത കാലത്തേക്ക് അടയ്ക്കാൻ ആലോചിച്ച് തന്ത്രി കുടുംബവും പന്തളം കൊട്ടാരവും; ആചാരങ്ങളുടെ കാര്യത്തിൽ പരമാധികാരി തന്ത്രി കുടുംബം ആയതിനാൽ സുപ്രീംകോടതിക്ക് പോലും ഒന്നും ചെയ്യാനാവില്ല; ഒരുതവണ യുവതീ പ്രവേശനം ഉണ്ടായാൽ ഉടൻ പുണ്യാഹത്തിന്റെ പേരിൽ നട അടക്കും; ഇക്കുറി മാലയിട്ട എല്ലാവർക്കും അയ്യപ്പ ദർശനം ലഭിച്ചേക്കില്ല
ഊണ് കഴിക്കുന്നതിനിടെ എന്റെ മാറിടത്തിലേക്ക് തന്നെ കള്ളക്കണ്ണിട്ട് നോക്കും; മീൻ കറി കഴിക്കുമ്പോൾ മീനിനെയും പെണ്ണുങ്ങളുടെ ശരീരത്തെയും താരതമ്യം ചെയ്യും; ഏറ്റവുമൊടുവിൽ വാതിൽ തുറന്നുതള്ളിക്കയറി വന്ന് എന്റെ കൂടെ കട്ടിലിൽ കയറിക്കിടന്നു; ഡയറക്ടറോട് പരാതിപ്പെട്ടപ്പോഴും വഷളത്തരം തുടർന്നു; അലൻസിയർക്കെതിരെ മീ ടൂ ആരോപണവുമായി നടി; വെളിപ്പെടുത്തൽ ഇന്ത്യ പ്രൊട്ടസ്റ്റ്‌സ് വെബ്‌സൈറ്റിൽ
45 കോടിയുടെ യാതൊരു കോപ്പുമില്ലാതെ കൊച്ചുണ്ണി; കുഴപ്പമില്ല കണ്ടിരിക്കാം എന്നീ വാക്കുകളിൽ വിശേഷിപ്പിക്കാവുന്ന ശരാശരി ചിത്രം; ലോകോത്തര ഫോട്ടോഗ്രാഫി ഹോളിവുഡ് സ്റ്റെലുമൊക്കെ വെറും തള്ളൽ മാത്രം; ശൂന്യമായ ആദ്യപകുതി ബാധ്യത; മോഹൻലാലിന്റെ ഇത്തിക്കരപ്പക്കി കൊലമാസ്; നിവിന് ഇത് എടുത്താൽ പൊന്താത്ത കഥാപാത്രം
യുവതിയും പത്താംക്ലാസുകാരനും പുതിയ സ്ഥലത്ത് താമസം തുടങ്ങിയപ്പോൾ മുതൽ അയൽവാസികൾക്ക് സംശയം തോന്നി; ബീച്ചിലൂടെയുള്ള നടത്തവും ഇടപഴകലും കണ്ടപ്പോൾ പന്തിയല്ലെന്ന് തോന്നി പൊലീസിലും വിവരമെത്തിച്ചു; ഒളിച്ചോടിയ വല്ല്യമ്മയും മകനും ഫോർട്ട് കൊച്ചി പൊലീസിന്റെ പിടിയിൽ; പ്രായപൂർത്തിയാകാത്ത കുട്ടിയെ പീഡിപ്പിച്ച യുവതിക്കെതിരെ പോക്സോയും ചുമത്തി
ആദ്യ വിവാഹം തകർച്ചയിൽ കലാശിച്ചപ്പോൾ ആശ്വാസമായി സരിത കണ്ടത് മുകേഷിനെ; വർഷങ്ങൾക്ക് ശേഷം വേർ പിരിയുമ്പോൾ തെന്നിന്ത്യയിലെ മുൻ സൂപ്പർ താരം ഭർത്താവിനെതിരെ ഉയർത്തിയത് ഗുരുതര ആരോപണങ്ങൾ; നാടക അക്കാദമിയിലെ പ്രണയം പൂത്തുലഞ്ഞപ്പോൾ മേതിൽ ദേവിക ജീവിത സഖിയുമായി; മുകേഷ് കടുത്ത മദ്യപാനാണെന്നും അന്യ സ്ത്രീകളെ പോലും വീട്ടിലേക്ക് കൂട്ടിക്കൊണ്ടു വന്നിരുന്നുവെന്നുമുള്ള മുൻ ഭാര്യയുടെ ആരോപണം മീ ടൂ കാമ്പൈനിനു ശേഷം സോഷ്യൽ മീഡിയ വീണ്ടും ചർച്ചയാക്കുമ്പോൾ  
കാമുകനുമായുള്ള വഴിവിട്ട ബന്ധം അറിഞ്ഞപ്പോൾ കുടുംബ വഴക്ക് സ്ഥിരമായി; വീട്ടു തടങ്കലിൽ പാർപ്പിച്ചതോടെ ഹേബിയസ് കോർപ്പസ് ഹർജിയുമായി കാമുകനുമെത്തി; കാമുകൻ കാണാനെത്തിയതോടെ നിയന്ത്രണം വിട്ട് ചിരവ ഉപയോഗിച്ച് ഭാര്യയുടെ തലയ്ക്കടിച്ച് കൊലപ്പെടുത്തി; ശാസ്താംകോട്ടയിൽ അദ്ധ്യാപികയെ കൊലപ്പെടുത്തിയത് കാമുകനൊപ്പം പോകുന്നതിലുള്ള വൈരാഗ്യം മൂലം
മീ ടൂ കാമ്പയിനിൽ കുടുങ്ങി മുകേഷ് എംഎൽഎയും; നടൻ മോശമായി പെരുമാറിയെന്ന് വെളിപ്പെടുത്തി സിനിമയുടെ സാങ്കേതിക പ്രവർത്തകയുടെ ട്വീറ്റ്; 19 കൊല്ലം മുമ്പ് കോടീശ്വരൻ ഷോയുടെ ഷൂട്ടിംഗിന്റെ ഭാഗമായി ഫോണിൽ വിളിച്ച് ശല്യപ്പെടുത്തി; അന്ന് തന്നെ രക്ഷപ്പെടുത്തി വിമാനം കയറ്റി അയച്ചത് തൃണമൂൽ നേതാവെന്നും ടെസ് ജോസഫ്; മലയാള സിനിമയെ പിടിച്ചുലക്കാൻ പോന്ന വിവാദത്തെ ചിരിച്ച് തള്ളി മുകേഷ്
പ്രളയത്തിന്റെ പേരിലുള്ള ധൂർത്തിന് തടയിട്ട് കേന്ദ്രസർക്കാർ; മുഖ്യമന്ത്രി ഒഴികെയുള്ള മന്ത്രിമാർക്ക് വിദേശത്തേക്ക് പോകാനുള്ള അനുമതി നിഷേധിച്ചു; ഗൾഫിൽ പോകുന്ന മുഖ്യമന്ത്രിക്കും ഔദ്യോഗിക പരിപാടികൾക്ക് വിലക്ക്; നയതന്ത്രചർച്ചകൾക്കും മുതിരേണ്ടതില്ല; കേന്ദ്രം തടഞ്ഞത് പ്രവാസികൾ അയയ്ക്കാവുന്നത്രയും പണം അയച്ചുകഴിഞ്ഞിട്ടും ദുരിതാശ്വാസ ഫണ്ട് ഉപയോഗിച്ച് ടൂറടിക്കാനുള്ള നീക്കം
മുകേഷിന് പിന്നാലെ മീടൂ കാമ്പയിനിൽ കുടുങ്ങി സംഗീത സംവിധായകൻ ഗോപീസുന്ദറും; തിരിച്ചറിവില്ലാത്ത പ്രായത്തിൽ തന്നോട് സംഗീത സംവിധായകൻ മോശമായി പെരുമാറിയെന്ന് പേരു വെളിപ്പെടുത്താതെ പെൺകുട്ടി; ഫോണിൽ വിളിച്ച് കന്യകയാണോ എന്നു ചോദിച്ചു, അശ്ലീല സംഭാഷണം നടത്തിയെന്നും ആരോപണം; ഗോപീ സുന്ദറിനെതിരായ ഇന്ത്യാ പ്രൊട്ടെസ്റ്റ് പുറത്തുവിട്ടത് ഗുരുതര ആരോപണങ്ങൾ
ടെസ് ജോസഫിനെ തനിക്ക് അറിയില്ല.. എനിക്ക് ഒന്നും ഓർമ്മയില്ല.. ആരോപണം ചിരിച്ചു തള്ളുന്നു... നിങ്ങൾ എന്താണെന്ന് വച്ചാൽ ചെയ്‌തോലൂ.. സുപ്രീം കോടതിയിൽ പൊയ്‌ക്കോളൂ.. ഇത്രയും കൊല്ലം എന്തായിരുന്നു.. ഉറക്കമായിരുന്നോ? മലയാളക്കരയെ ഞെട്ടിച്ച ടെസ് ജോസഫിന്റെ മീ ടൂ.. വെളിപ്പെടുത്തലിനോട് മുകേഷിന്റെ പ്രതികരണം ഇങ്ങനെ
എല്ലാ വഴികളും അടഞ്ഞാൽ ശബരിമല നട അനിശ്ചിത കാലത്തേക്ക് അടയ്ക്കാൻ ആലോചിച്ച് തന്ത്രി കുടുംബവും പന്തളം കൊട്ടാരവും; ആചാരങ്ങളുടെ കാര്യത്തിൽ പരമാധികാരി തന്ത്രി കുടുംബം ആയതിനാൽ സുപ്രീംകോടതിക്ക് പോലും ഒന്നും ചെയ്യാനാവില്ല; ഒരുതവണ യുവതീ പ്രവേശനം ഉണ്ടായാൽ ഉടൻ പുണ്യാഹത്തിന്റെ പേരിൽ നട അടക്കും; ഇക്കുറി മാലയിട്ട എല്ലാവർക്കും അയ്യപ്പ ദർശനം ലഭിച്ചേക്കില്ല
ഉറക്കമില്ലാതെ ബാലു കരഞ്ഞുകൊണ്ടിരുന്ന ആ ചതിയിലെ വില്ലന് ഈ അപകടവുമായി എന്തെങ്കിലും ബന്ധമുണ്ടോ? വടക്കുംനാഥനെ കണ്ട ശേഷം താമസിക്കാനായി തൃശൂരിൽ മുറി ബുക്ക് ചെയ്തിട്ടും ഉറക്കമിളച്ച് തിരുവനന്തപുരത്തേക്ക് മടങ്ങാൻ പ്രേരണ നൽകിയത് എന്ത്? വിദേശത്തെ സ്റ്റേജ് ഷോകൾ വഴിയും സംഗീത പരിപാടികൾ വഴിയും സമ്പാദിച്ച സ്വത്തുക്കൾ ഒക്കെ ആരുടെ പേരിൽ? ബാലഭാസ്‌കറിന്റെ മരണത്തിൽ ചില സംശയങ്ങൾ ഒക്കെയുണ്ടെന്ന് ബന്ധുക്കൾ അടുപ്പക്കാരോട് പറഞ്ഞതായി റിപ്പോർട്ട്
ഊണ് കഴിക്കുന്നതിനിടെ എന്റെ മാറിടത്തിലേക്ക് തന്നെ കള്ളക്കണ്ണിട്ട് നോക്കും; മീൻ കറി കഴിക്കുമ്പോൾ മീനിനെയും പെണ്ണുങ്ങളുടെ ശരീരത്തെയും താരതമ്യം ചെയ്യും; ഏറ്റവുമൊടുവിൽ വാതിൽ തുറന്നുതള്ളിക്കയറി വന്ന് എന്റെ കൂടെ കട്ടിലിൽ കയറിക്കിടന്നു; ഡയറക്ടറോട് പരാതിപ്പെട്ടപ്പോഴും വഷളത്തരം തുടർന്നു; അലൻസിയർക്കെതിരെ മീ ടൂ ആരോപണവുമായി നടി; വെളിപ്പെടുത്തൽ ഇന്ത്യ പ്രൊട്ടസ്റ്റ്‌സ് വെബ്‌സൈറ്റിൽ
ശരണം വിളിയിൽ പ്രകമ്പനം കൊണ്ട് പന്തളം; വട്ടമിട്ടു പറന്ന് കൃഷ്ണപ്പരുന്ത്; അയ്യപ്പനാമം ജപിച്ച് മുസ്ലിങ്ങളും ക്രിസ്ത്യാനികളും: പിന്തുണയേകി പിസിജോർജും ദേവനും തിരുവാഭരണ വാഹകരും പേട്ട സംഘങ്ങളും; മൂവായിരം പേരെ പ്രതീക്ഷിച്ചിടത്ത് വന്നത് അരലക്ഷത്തിലധികം പേർ; അയ്യപ്പന്റെ ജന്മനാട്ടിലെ ഭക്തജന പ്രതിഷേധം കണ്ട് അമ്പരന്ന് രാഷ്ട്രീയക്കാർ; വിശ്വാസികളുടെ താക്കീതെന്ന് ഉദ്‌ഘോഷിച്ച് നാമജപഘോഷയാത്ര
വേദിയെ ഇളക്കി മറിച്ച ആ കൂട്ടുകെട്ട് ഇനി ഇല്ല; അനുജനെ പോലെ ഉലകം ചുറ്റാൻ എപ്പോഴും കൂടെയുണ്ടായിരുന്ന പ്രിയപ്പെട്ട ബാലയ്ക്ക് വിടനൽകാൻ ശിവമണി എത്തി; വർഷങ്ങൾ നീണ്ട കൂട്ടുകെട്ട് തകർത്ത് ബാല പോയപ്പോൾ അന്ത്യ ചുംബനം നൽകാൻ ശിവമണി എത്തിയത് നെഞ്ചുതകരുന്ന വേദനയോടെ: സ്റ്റീഫൻ ദേവസിയുടെ തോളിൽ ചാരി നിന്ന് വയലിനില്ലാത്ത ബാലയെ കണ്ട് കണ്ണ് തുടച്ച് ശിവമണി
ഫ്രാങ്കോ മുളയ്ക്കലിന്റെ കൈവെള്ളയിൽ മൂന്ന് കറുത്തപാടുകൾ ഉണ്ട്; വിരലുകൾ കൈവെള്ളയിലേക്ക് ചേരുന്ന ഭാഗത്തായുള്ള ഈ പാടുകളാണ് സ്ത്രീപീഡന കേസിൽ ബിഷപ്പിനെ അഴിക്കുള്ളിലാക്കിയത്..! പ്രമുഖ ജ്യോതിഷ പണ്ഡിതന്റെ വിധി അച്ചട്ടായെന്ന് പി സി ജോർജ്ജ്; എന്നെ വളർത്തി വലുതാക്കി ബിഷപ്പാക്കിയ ദൈവം ജയിലിലുമാക്കി, ഇനിയെന്തെന്ന് ദൈവം തീരുമാനിക്കട്ടെയെന്ന് ബിഷപ്പും; ജയിലിൽ എത്തി മെത്രാന്റെ കൈ മുത്തിയ ശേഷം ബലാത്സംഗ കേസ് പ്രതിയെ യേശുവിനോട് ഉപമിച്ചും പിസി ജോർജ്ജ്
കേരളത്തിലേതടക്കം 4230 ബാങ്കിങ് ഇതര ധനകാര്യ സ്ഥാപനങ്ങളുടെ ലൈസൻസ് റദ്ദാക്കി ആർബിഐ; കച്ചവടം പൂട്ടുന്നവരിൽ കൊശമറ്റവും കുറ്റൂക്കാരനും പോപ്പുലറും അടക്കം 58 കേരള സ്ഥാപനങ്ങളും; പാവപ്പെട്ടവന്റെ പിച്ചച്ചട്ടിയിൽ കൈയിട്ടുവാരിയ കോടീശ്വരന്മാരായ വെള്ളക്കോളർ ബ്ലേഡ് കമ്പനി മുതലാളിമാർക്ക് നിനച്ചിരിക്കാതെ പണി കിട്ടിയതിങ്ങനെ; പ്രതിസന്ധിയിലാകുന്നത് മുണ്ടുമുറുക്കിയുടുത്ത് പണം നിക്ഷേപിച്ച അരപ്പട്ടിണിക്കാർ
ബാലഭാസ്‌കറിന് തലയ്ക്കും നെട്ടെല്ലിനും മൾട്ടിപ്പിൾ ഫ്രാക്ച്ചർ; യുവ സംഗീതജ്ഞന്റെ നില അതീവഗുരുതരമെന്ന് വിലയിരുത്തി ഡോക്ടർമാർ; അടിയന്തര ശസ്ത്രക്രിയ നിർണ്ണായകം; ഭാര്യ ലക്ഷ്മിയും ഡ്രൈവറും അപകടനില തരണം ചെയ്തു; ഒന്നരവയസ്സുള്ള മകൾ തേജസ്വനി ബാലയുടെ ജീവനെടുത്തത് അച്ഛന്റെ മടിയിൽ ഇരുന്നുള്ള ഫ്രണ്ട് സീറ്റ് യാത്ര; വയലിനിൽ വിസ്മയം തീർക്കുന്ന ബാലഭാസ്‌കറിനും കുടുംബത്തിനും വേണ്ടി പ്രാർത്ഥനയോടെ മലയാളികൾ; കഴക്കൂട്ടത്തെ അപകടത്തിന്റെ ഞെട്ടലിൽ സംഗീത ലോകം
ഒന്നുകിൽ എന്റെ ഫ്രാങ്കോ ചേട്ടനെ പുറത്തുവിടണം; അല്ലെങ്കിൽ എന്നെകൂടി പിടിച്ച് അകത്തിടണം; എന്തുമാത്രം ബിഷപ്പ്‌സിനെയും അച്ചന്മാരെയും ഞാനും റേപ്പ് ചെയ്തിട്ടുണ്ട് എന്ന് അറിയാമോ! ഫ്രാങ്കോ ചേട്ടൻ നേച്ച്വർ കോളിന് ആൻസർ ചെയ്തു എന്നു മാത്രമേയുള്ളൂ'; ശുഭ്രവസ്ത്രത്തിലെത്തി സോഷ്യൽ മീഡിയയെ പിടിച്ചുകുലുക്കിയ ഈ സ്ത്രീ ആരാണ്? സൈബർ സെൽ അന്വേഷണം തുടങ്ങി; ഫ്രാങ്കോയെ രക്ഷിച്ചെടുക്കാനുള്ള നീക്കമെന്ന് എതിരാളികൾ പറയുമ്പോൾ സഭയെ മൊത്തം പ്രതിക്കൂട്ടിലാക്കാനുള്ള കെണിയെന്ന് ഒരു വിഭാഗം വിശ്വാസികൾ