1 usd = 68.62 inr 1 gbp = 89.38 inr 1 eur = 79.67 inr 1 aed = 18.68 inr 1 sar = 18.30 inr 1 kwd = 226.54 inr

Jul / 2018
18
Wednesday

എത്രയെത്ര രാമായണങ്ങൾ: ഒരു മുസ്ലിം രാമായണം വായിക്കുമ്പോൾ

October 28, 2017 | 05:11 PM IST | Permalink



എത്രയെത്ര രാമായണങ്ങൾ: ഒരു മുസ്ലിം രാമായണം വായിക്കുമ്പോൾ

ഷാജി ജേക്കബ്

''രാമായണം ഒരു മതപാഠമല്ല, സമൂഹ്യപാഠമാണ്'' കെ എൻ പണിക്കർ

ഉൽപത്തി, ചരിത്രാത്മകത, വംശീയത, സ്ഥലകാലബദ്ധത, ധാർമികത, രാഷ്ട്രീയം തുടങ്ങിയ ഒരു മണ്ഡലത്തിലും 'രാമകഥ'ക്ക് ഏകപാഠപരമായ അസ്തിത്വമില്ല. ഇന്ത്യൻ പുരാണമെന്ന നിലയിലോ ഹിന്ദു സാഹിത്യമെന്ന നിലയിലോ പോലും രാമായണം ഏകശിലാത്മകമായി അംഗീകരിക്കപ്പെടുന്നില്ല. മോണിയർ വില്യംസ്, എച്ച്. യാക്കോബി, ജി. ഗ്രിയേഴ്‌സൺ, വിന്റർനിറ്റ്‌സ്, ഏ.ബി. കീത്ത്, എ.വെബ്ബർ, ബി.എം. സൂക്തങ്കാർ എന്നിങ്ങനെ നിരവധിപ്പേർ രാമായണത്തെക്കുറിച്ചു നടത്തിയ വായനകളുടെ അടിത്തറയ്ക്കുമേൽ സമീപകാല സാംസ്‌കാരിക വിമർശകർ അവതരിപ്പിക്കുന്ന ബഹുസ്വരാത്മകമായ രാമയണപഠനങ്ങളുടെ ഫലമാണിത്. ചരിത്രാത്മകവും പാഠപരവും, ദേശീയവും ഭാഷാപരവും സമൂഹികവുമൊക്കെയായ ബഹുലതകളെ മുൻ നിർത്തി 'രാമകഥ' വായിക്കുന്ന ഈയൊരു പഠനപദ്ധതിക്കു തുടക്കമിട്ടത് സാമാന്യ അർഥത്തിൽ കാമിൽ ബുൽകെയാണ് എന്നു പറയാം (1950). 'വാത്മീകി രാമയണത്തിനു മുൻപും രാമകഥയെ അടിസ്ഥാനമാക്കിയുള്ള ആഖ്യാനങ്ങൾ പ്രചാരത്തിലുണ്ടായിരുന്നു' എന്നു ചൂണ്ടിക്കാണിച്ചുകൊണ്ട് കമിൽബുൽക്കെ, മഹാഭാരതം, ബൗദ്ധ കൃതികൾ, ജൈനകൃതികൾ തുടങ്ങിയവയിൽ രാമകഥ മുൻപുതന്നെ എങ്ങനെ ആവിഷ്‌കരിക്കപ്പെട്ടിരിക്കുന്നുവെന്നു വിശദീകരിക്കുന്നുണ്ട്. ബൗദ്ധ കൃതിയായ 'ദശരഥജാതക'മാണ് രാമകഥയുടെ ഈറ്റില്ലം എന്നത് മുൻപ് തന്നെ പൊതുവെ സ്വീകാര്യമായിക്കഴിഞ്ഞ വസ്തുതയാണ്. അതേ സമയം ഹോമറുടെ ഇതിഹാസങ്ങൾ മുതൽ (വെബ്ബർ) ഈജിപ്ത്യൻ ഫറവോന്റെ കഥവരെ (എം.വെങ്കിടരത്‌നം) യുള്ളവ രാമകഥക്കാധാരമാണെന്ന വാദങ്ങൾ അത്രമേൽ സ്വീകാര്യമായിട്ടില്ല. ബൗദ്ധതത്വങ്ങളും ബ്രാഹ്മണതത്വങ്ങളും തമ്മിലുള്ള സംഘർഷം, ആര്യ-ദ്രാവിഡ സംഘർഷം, നാട്ടുവാസികളും കാട്ടുവാസികളും തമ്മിലുള്ള സംഘർഷം എന്നിങ്ങനെ നിരവധി തലങ്ങളിൽ രാമായണത്തിന്റെ അർത്ഥസാധ്യതകൾ ചർച്ച ചെയ്യപ്പെടുന്നു. എന്തായാലും പതിനാലാം നൂറ്റാണ്ടുവരെ സാഹിത്യപരം മാത്രമായിരുന്ന രാമകഥയുടെ മൂല്യം തുടർന്നിങ്ങോട്ട് മതപരമായിത്തീർന്നുവെന്നും രാമൻ വിഷ്ണുവിന്റെ അംശാവതാരമാകാതെ പരബ്രഹ്മത്തിന്റെ പൂർണാവതാരമായി കരുതപ്പെടാൻ തുടങ്ങിയെന്നുമുള്ള കാമിൽ ബുൽക്കെയുടെ നിരീക്ഷണം, കഴിഞ്ഞ കാൽനൂറ്റാണ്ടിൽ രാമകഥക്ക് ഇന്ത്യയിൽ കൈവന്നു കഴിഞ്ഞ 'രാഷ്ട്രീയ ഹിന്ദുത്വ'ത്തിന്റെ താത്വികഭൂതത്തെയാണ് വെളിപ്പെടുത്തുന്നത്. മുന്നൂറു രാമായണങ്ങൾ അവതരിപ്പിച്ചുകൊണ്ട് ബുൽക്കെ തുടങ്ങിവെച്ച രാമകഥാ വായന രാമാനുജൻ മുന്നോട്ട് കൊണ്ട്‌പോയെങ്കിലും ഇന്നിപ്പോൾ വിവിധ സാമൂഹ്യ-മാധ്യമ മണ്ഡലങ്ങളിൽ രാമായണ വായനകൾ അനുലോമപരവും, പ്രതിലോമപരവുമായ ഇരു കൈവഴികളിലൂടെ ഒഴുകി നിറയുകയാണ്. അസീസ് തരുവണയുടെ 'എത്രയെത്ര രാമയണങ്ങൾ' പ്രസക്തമാക്കുന്നത് ഈ പശ്ചാത്തലത്തിലാണ്.

രാമായണത്തെക്കുറിച്ച് ഏറ്റവും കൂടുതൽ എഴുതിയിട്ടുള്ള മലയാളികളിലൊരാളാണ് അസീസ്. തന്നെയുമല്ല, 'വയനാടൻ രാമയണം' എന്ന തന്റെ പ്രശസ്തമായ ഗവേഷണ പഠനത്തിലൂടെ, മുഖ്യധാരാ ഗ്രന്ഥപാഠങ്ങൾക്കും മതപഠനങ്ങൾക്കും വെളിയിൽ നിൽക്കുന്ന വാമൊഴി രാമായണങ്ങളുടെ കീഴാള മണ്ഡലം കണ്ടെത്തി അവതരിപ്പിച്ചതും ഇദ്ദേഹമാണ്. മലയാള ഗവേഷണ രംഗത്തുണ്ടായ ഏറ്റവും ശ്രദ്ധേയവും മൗലികവുമായ ശ്രമങ്ങളിലൊന്നാണ് വയനാട്ടിലെ ആദിവാസികൾക്കിടയിൽ പ്രചാരമുള്ള നിരവധി രാമായണ പാഠങ്ങൾ കണ്ടെത്തി പുറംലോകത്തെത്തിച്ച അസീസിന്റെ ഡോക്ടറൽ ഗവേഷണം. 'വയനാടൻ രാമയണ'ത്തിനാമുഖമായി, 'രാമന് അനന്തജന്മങ്ങളുണ്ട്; രാമയണത്തിന് കോടി ജന്മങ്ങളും' എന്ന തുളസിദാസന്റെ രാമചരിത മാനസത്തിലെ വരികൾ ഉദ്ധരിച്ചു ചേർക്കുന്നു അസീസ്. ഇപ്പോഴിതാ ഈ ആശയം മുൻ നിർത്തി രാമയണത്തെക്കുറിച്ച് പലകാലങ്ങളിലെഴുതിയ അക്കാദമിക ഗവേഷണ പ്രബന്ധങ്ങളുടെ സമാഹാരമായി 'എത്രയെത്ര രാമായണങ്ങൾ' എന്ന പുസ്തകവും.

രാമായണം ഉന്നയിക്കുന്ന അനവധിയായ രാഷ്ട്രീയങ്ങളിൽ പലതിനേയും നേരിട്ടഭിസംബോധന ചെയ്യുകയും അപനിർമ്മിക്കുകയും ചെയ്യുന്ന രീതിശാസ്ത്രമാണ് അസീസിന്റേത്. രാമായണം ചരിത്രമാണ്, ഹൈന്ദവമാണ്, ഭാരതീയമാണ്, സംസ്‌കൃതത്തിലെഴുതപ്പെട്ടതാണ് എന്നിങ്ങനെയുള്ള ധാരണകൾ മുതൽ രാമ സീതാ കഥ ഏകപാഠപരമാണ്, വാൽമീകിയാണ് ആദ്യ രാമായണത്തിന്റെ കർത്താവ്, വിഖ്യാതമായ അയോദ്ധ്യ-ലങ്കാസ്ഥല ഭൂമികകൾ മാത്രം കേന്ദ്രീകരിച്ചുള്ളതാണ് രാമായണം എന്നിങ്ങനെയുള്ള വിശ്വാസങ്ങളെ വരെ സയുക്തികം പൊളിച്ചെഴുതുന്ന രാമകഥാപാഠങ്ങളുടേയും പഠനങ്ങളുടെയും പിൻബലം അസീസിനുണ്ട്. ഒപ്പം, വയനാട്ടിലെ അടിയരും മുള്ളകുറുമരുമുൾപ്പെടെയുള്ള ആദിവാസികൾക്കിടയിലും ചെട്ടികൾക്കിടയിലും പ്രചാരത്തിലുള്ള തനതു രാമായണങ്ങൾ കണ്ടെത്തിയ മൗലികമായ ഗവേഷണത്തിന്റെ ആധികാരികതയും.

ഈ പുസ്തകത്തിലെ ഏഴു പഠനലേഖനങ്ങളിൽ ആറെണ്ണം രാമായണത്തിന്റെ പാഠബഹുലതയെ മുൻനിർത്തിയുള്ള അന്വേഷണങ്ങളാണ്. ഈയൊരാശയം ചരിത്രപരമായി സമർഥിച്ച കാമിൽ ബുൽക്കെയുടെ 'രാമകഥ'യെക്കുറിച്ചുള്ള നിരൂപണമാണ് ഏഴാമത്തേത്. രണ്ടനുബന്ധങ്ങളുള്ളതിൽ. ഒന്ന് മാപ്പിള രാമയണവും മറ്റൊന്ന് അസീസ് സമാഹരിച്ച വയനാടൻ രാമായണത്തിലെ 'അടിയരാമയണം' എന്ന അധ്യായത്തെ ആസ്പദമാക്കി ടി പവിത്രൻ രചിച്ച നാടകവുമാണ്.

'എത്രയെത്ര രാമായണങ്ങൾ ' എന്ന ആദ്യരചന, രാമായണത്തിന്റെ ബഹുസ്വരാത്മകമായ വൈവിധ്യങ്ങളെ സംക്ഷിപ്തമായവതരിപ്പിക്കുന്നു.

'വാല്മീകിയുടേതെന്നപോലെ ഒട്ടേറെ മഹർഷിമാരുടെ പേരിൽ രാമായണങ്ങൾ ലഭ്യമാണ്. ശ്രീരാമദാസഗൗഡർ തന്റെ ഹിന്ദുത്വം എന്ന ഗ്രന്ഥത്തിൽ 19 രാമായണങ്ങളിലെ കഥാവസ്തുവിന്റെ സംക്ഷേപം കൊടുത്തിട്ടുണ്ട്. അവയിൽ പലതും ബൃഹദ്കാവ്യങ്ങളാണ്. 1. മഹാരാമായണം (24,000 ശ്ലോകങ്ങൾ) 2. സംവൃത രാമായണം (32,000) 3. ലോമശരാമായണം (32,000 ശ്ലോകങ്ങൾ), 4. അഗസ്ത്യരാമായണം (16,000) 5. മഞ്ജുള രാമായണം (1,20,000) 6. സൗപത്മരാമായണം (40,000) 7. രാമായണമഹാമാല (56,000) 8. സൗഹാർദ്ദ രാമായണം (40,000) 9. രാമായണ മണിരത്‌നം (36,000) 10. സൗര്യരാമായണം (62,000) 11. ചാന്ദ്രരാമായണം (75,000) 12. മൈന്ദരാമായണം (52,000) 13. സ്വയംഭുവരാമായണം (18,000) 14. സുബ്രഹ്മരാമായണം (32,000) 15. സുവർച്ചസരാമായണം (15,000) 16. ദേവരാമായണം (10,000) 17. ശ്രവണരാമായണം (12,500) 18. ദുരന്തരാമായണം (61,000) 19. രാമായണ ചമ്പു.

മേൽപ്പറഞ്ഞ 19 രാമായണകഥകളുടെയും ഘടന വാല്മീകിയിൽ നിന്നു വളരെ വ്യത്യസ്തമാണ്. മഹാരാമായണവും രാമായണമഹാമാലയും ശിവ-പാർവ്വതീ സംവാദരൂപത്തിലാണ്. രാമായണമണിരത്‌നം വസിഷ്ഠ-അരുന്ധതീ സംവാദരൂപത്തിലും സൗര്യരാമായണം ഹനുമാൻ - സൂര്യസംവാദഘടനയിലും ചാന്ദ്രരാമായണം ഹനുമാന്റെയും സൂര്യന്റെയും സംവാദരൂപത്തിലും മൈന്ദരാമായണം മൈന്ദ - കൗരവ സംവാദരൂപത്തിലും സ്വയംഭുവരാമായണം ബ്രഹ്മ-നാരദസംവാദത്തിലുമാണ്. സുവർച്ചസരാമായണമാകട്ടെ സുഗ്രീവ - താരാ സംവാദഘടനയിലും ദേവ രാമായണം ഇന്ദ്ര - ജയന്ദ സംവാദരൂപത്തിലും ശ്രവണരാമായണം ഇന്ദ്ര - ജനക സംവാദരൂപത്തിലും ദുരന്തരാമായണം വസിഷ്ഠ - ജനകസംവാദഘടനയിലും രാമായണ ചമ്പു ശിവ - നാരദസംവാദരൂപത്തിലുമാണ്.

ഏറ്റവും രസകരമായ വസ്തുത, വാല്മീകി രാമായണം പോലും ഏകരൂപമല്ല എന്നതാണ്. ഗൗഡീയം, ദാക്ഷിണാത്യം, പശ്ചിമോത്തരീയം എന്നിങ്ങനെ മൂന്നു പാഠങ്ങൾ വാല്മീകി രാമായണത്തിനുണ്ട്. ഇതിൽ ദാക്ഷിണാത്യപാഠത്തിനാണ് താരതമ്യേന കൂടുതൽ പ്രചാരം. ഓരോ പാഠത്തിലും മറ്റു പാഠങ്ങളിലില്ലാത്ത ധാരാളം ശ്ലോകങ്ങൾ കാണാം. ദാക്ഷിണാത്യ പാഠവും ഗൗജീയപാഠവും തമ്മിൽ താരതമ്യപ്പെടുത്തുമ്പോൾ ശ്ലോകങ്ങളുടെ സംഖ്യയുടെ മൂന്നിലൊന്നു മാത്രമേ ഓരോന്നിലും ഒരേപാഠത്തിൽ കാണപ്പെടുന്നുള്ളു. മൂന്നു പാഠങ്ങളിലും ലഭ്യമാകുന്ന ശ്ലോകങ്ങളുടെ രൂപം തന്നെ ഒരു പോലെയല്ല. പല സ്ഥലങ്ങളിലും അവയുടെ ക്രമവും വ്യത്യസ്തമാണ് എന്ന് രാമായണ പണ്ഡിതനായ എച്ച്. യാക്കോബി വ്യക്തമാക്കുന്നു.

ബൗദ്ധസാഹിത്യത്തിലെ ജാതകകഥകളിൽ നിന്ന് രാമകഥകൾ പല രൂപങ്ങളിലേക്കും പാഠങ്ങളിലേക്കും വളരുകയായിരുന്നു. ദശരഥ ജാതകം, അനാമക ജാതകം, ദശരഥ കഥനം എന്നീ മൂന്നു ബൗദ്ധ സാഹിത്യ കൃതികളും രാമയണത്തിന്റെ പൂർവ്വ പാഠങ്ങളാണ്. അതേ സമയം തന്നെ ഓർക്കേണ്ട വസ്തുതയാണ്, രാമയണം ബൗദ്ധ- ജൈന-മുസ്ലിം-ഹിന്ദു-ആദിവാസി-ദലിത് വിഭാഗങ്ങൾക്കിടയിലും ഇന്തോനേഷ്യ, മലേഷ്യ, ചൈന, വിയറ്റനാം, ജപ്പാൻ, ബർമ, നേപ്പാൾ, കംബോഡിയ, ശ്രീലങ്ക, ഫിലിപ്പിൻസ് തുടങ്ങിയ നിരവധി രാജ്യങ്ങളിലും പ്രചാരമുള്ളതാണ് എന്നതും. പാലി, പ്രാകൃതം, സംസ്‌കൃതം എന്നീ ഭാഷകളിലുണ്ടായതാണ് ആദ്യകാല രാമായണങ്ങളെങ്കിൽ പിൽക്കാലത്ത് നിരവധി ലോകഭാഷകളിൽ രാമായണ കഥകളാവിഷ്‌കൃതമായി. വിവർത്തനങ്ങളും മൗലികകൃതികളുമായി രചിക്കപ്പെട്ട സാഹിത്യം മാത്രമല്ല, സമസ്ത ലിഖിത, വാമൊഴി, നടന, ചിത്ര, ശിൽപ, യന്ത്ര ആവിഷ്‌കാരങ്ങളിലും രാമായണം പുനർജനിച്ചു. തമ്മിൽ തമ്മിൽ സമാനതകളെന്നപോലെ വ്യത്യാസങ്ങളുമുണ്ട് എന്നതാണ് ഇവയെ ഭിന്ന രാമയണങ്ങളായി പരിഗണിക്കുന്നതിനടിസ്ഥാനം.

രണ്ടാമധ്യായത്തിലെ ചർച്ച സീതയെക്കുറിച്ചാണ്, രാമായണത്തിന്റെ പാഠാന്തര ദേശാന്തര വ്യവഹാരങ്ങൾ സീതക്കു നിർമ്മിച്ചു കൊടുത്തതുപോലുള്ള വൈവിധ്യം രാമകഥയിൽ മറ്റൊരു കഥാപാത്രത്തിനും സന്ദർഭത്തിനും ഭാവന ചെയ്യപ്പെട്ടിട്ടില്ല. അസീസെഴുതുന്നു:

ഒരു പക്ഷേ, സീതയോളം ഭിന്നപാഠങ്ങൾ ഉല്പാദിപ്പിക്കുന്ന സ്ത്രീ കഥാപാത്രങ്ങൾ മറ്റൊരു ഇതിഹാസത്തിലും സാഹിത്യ രൂപങ്ങളിലും ഇല്ലാതിരിക്കാനാണ് സാദ്ധ്യത. ലിഖിതരാമായണങ്ങളിൽ മാത്രമല്ല, വാമൊഴി സാഹിത്യത്തിലും കലാരൂപങ്ങളിലും സീതയ്ക്കുണ്ടായിട്ടുള്ള പാഠങ്ങളും പാഠാന്തരങ്ങളും അസംഖ്യമാണ്. ഈ ഓരോ പാഠങ്ങളും സമൂഹത്തിൽ വ്യത്യസ്ത ദൗത്യവും കാഴ്ചപ്പാടുകളുമാണ് സൃഷ്ടിക്കുന്നത്. സീതയെക്കുറിച്ച് പലപല കഥകൾ (ഒരേ പാഠത്തിന് ഭിന്ന വ്യാഖ്യാനങ്ങൾ അടക്കം) പറയുവാനുണ്ട് എന്ന് ആദ്യം തിരിച്ചറിഞ്ഞത് സീത തന്നെയായിരിക്കണം എന്ന സൂചന എഴുത്തച്ഛന്റെ അദ്ധ്യാത്മരാമായണം അയോദ്ധ്യാകാണ്ഡത്തിൽകാണാം. രംഗം ഇതാണ്: സീത രാമനോടൊത്ത് വനവാസത്തിന് പോകണമെന്ന് നിർബന്ധം പിടിക്കുകയാണ്. വനത്തിൽ ദീർഘകാലം വസിക്കുമ്പോഴുണ്ടാകുന്ന ബുദ്ധിമുട്ടുകളൊന്നും സീതയെ പിന്തിരിപ്പിക്കുന്നില്ല. ഒടുവിൽ സീത ഇങ്ങനെ വാദിക്കുന്നു:''പല കവികൾ രചിച്ച രാമായണങ്ങൾ ഞാൻ കേട്ടിട്ടുണ്ട്. രാമൻ എപ്പോഴെങ്കിലും സീതയെ കൂടാതെ വനവാസത്തിന് പോയിട്ടുണ്ടോ?

അനേകം രാമായണങ്ങൾ എന്ന പോലെ അനേകം രാമന്മാരും സീതമാരുമുണ്ട്. എന്നല്ല, രാമൻ, സീത എന്നീ കഥാപാത്രങ്ങൾ വ്യത്യസ്ത ചമയങ്ങളിലും ചായക്കൂട്ടുകളിലും അവതാരപ്പെടുകയാണ്. ഇവയുടെ ആവിഷ്‌കാരമാണ് വ്യത്യസ്ത രാമായണങ്ങൾ പങ്കു വെക്കുന്നത്. 'ത്രീ ഹൺഡ്രഡ് രാമായണാസ്: ഫൈവ് എക്‌സാംപിൾസ് ആൻഡ് ത്രീ തോട്‌സ്ഓൺ ട്രാൻസ്ലേഷൻസ്' എന്ന ഉപന്യാസത്തിൽ എ കെ രാമാനുജൻ ഒരു നാടോടിക്കഥ ഉദ്ധരിക്കുന്നുണ്ട്. ശ്രീരാമന്റെ നഷ്ടപ്പെട്ടുപോയ മോതിരം തേടി ഹനുമാൻ പാതാളത്തിലെത്തിയതാണ് കഥാ സന്ദർഭം. പാതാളാധിപനും പ്രേതാത്മാക്കളുടെ രാജാവും ചേർന്ന് ഒരു താലത്തിൽ അനേകം മോതിരങ്ങൾ ഹനുമാന് മുമ്പിൽ വെക്കുന്നു. അവയെല്ലാം രാമന്റേതായിരുന്നു. ഏതു തെരഞ്ഞെടുക്കും? ഹനുമാൻ ആകെ കുഴങ്ങി. അപ്പോൾ പ്രേതാത്മാക്കളുടെ രാജാവ് ഇങ്ങനെ പറഞ്ഞു: ''എത്ര രാമന്മാരുണ്ടോ അത്രയും മോതിരങ്ങളും ഇതിലുണ്ട്. രാമന്റെ അവതാരം പൂർത്തിയാകുമ്പോൾ അദ്ദേഹത്തിന്റെ മോതിരം ഊരിപ്പോകും. ഞാനവയെല്ലാം ശേഖരിച്ചു സൂക്ഷിക്കുകയായിരുന്നു''. തന്റെ രാമന്റെ മോതിരം തെരഞ്ഞെടുത്തു കൊള്ളാൻ ഹനുമാനോട് പ്രേതാത്മാവ് ആവശ്യപ്പെട്ടു.

സീതയുടെ ജനനം, വംശം, വളർച്ച, വിവാഹം, വനവാസം, രാവണനുമായുള്ള ബന്ധം, ആശ്രമവാസം, അഗ്നിപരീക്ഷ, മക്കൾ, മരണം എന്നിങ്ങനെ ഓരോന്നും ഭിന്ന രീതിയിൽ ആവിഷ്‌കരിക്കപ്പെടുന്ന രാമകഥകളുണ്ട്. സീത ചില രാമയണങ്ങളിൽ ജനകന്റെ പുത്രിയാണെങ്കിൽ ചിലതിൽ രാവണന്റെ പുത്രിയാണ്. മറ്റു ചിലതിൽ ദശരഥന്റെ പുത്രി. ചന്ദ്രബതി രാമായണത്തിൽ മണ്ഡോദരിയുടെ പുത്രി.

രാമൻ സീതയുടെ ഭർത്താവാണെന്ന് ചില രാമായണങ്ങൾ പറയുമ്പോൾ മറ്റു ചിലതിൽ സഹോദരനാണ്. ഇനിയും ചിലതിൽ രാമനും ലക്ഷ്മണനും സീതയുടെ ഭർത്താക്കന്മാരാണ്. വാൽമീകി രാമയണത്തിൽ സീതയുടെ മക്കൾ ലവ-കുശന്മാരാണെങ്കിൽ ഇന്ത്യോനേഷ്യൻ രാമയണത്തിൽ ഹനുമാനും സീതയുടെ മകനാണ്. ഗുണഭദ്രന്റെ രാമകഥയിൽ സീതക്ക് എട്ട് ആൺമക്കളാണ്. അസീസ് സൂചിപ്പിക്കുന്നതുപോല, സീതയുമായി ബന്ധപ്പെട്ട ഏറ്റവും കൂടുതൽ ഭിന്നകഥകൾ ഉള്ള ഒരു രംഗം സീതാത്യാഗമാണ്. ലോകാപവാദം, രജകന്റെ കഥ, രാവണന്റെ ചിത്രം, ശുക്രന്റെ ശാപം, താരയുടെ ശാപം, ഭൃഗുവിന്റെ ശാപം തുടങ്ങി ഇരുപതിലേറെ കഥകൾ ഇതുമായി ബന്ധപ്പെട്ട് നിരത്തുവാനാകും. അങ്ങനെയൊരു സംഭവമേ നടന്നിട്ടില്ല എന്ന രാമായണ പാഠങ്ങളുമുണ്ട്. രാവണൻ സീതയെ തട്ടിക്കൊണ്ടുപോയ കഥയ്ക്കും പാഠഭേദങ്ങൾ അനവധിയാണ്. എം. ഗോവിന്ദന്റെ കവിതയുദ്ധരിച്ച് സീതയുടെ അവതാരവൈവിധ്യം അസീസ് ഇങ്ങനെ സംഗ്രഹിക്കുന്നു.

''ഓരോരോ കരിച്ചാലിരോരോ നുരിക്കൂമ്പിൽ
ഓരോരോ ചിരുതയുണ്ടിരിപ്പൂ ചിരിചൂടി
ജനകന്മാരും കൂടെപ്പാടുന്നു രാമന്മാരും
ജനകീയമീ മഞ്ജുമൈഥിലീ മഹാകാവ്യം''.

മൂന്നാംമധ്യായം, ഇന്ത്യയിലെ കീഴാള രാമായണങ്ങൾ എന്നതാണ്. ഇന്ന് രാമായണത്തിന്റെ രാഷ്ട്രീയം എത്തിനിൽക്കുന്ന സവർണ, ദേശീയ, ഹിന്ദുത്വ മുനമ്പിൽ നിന്നുള്ള ഒരു പ്രതിവായനയാണ് ഈ അധ്യായം. ആദിവാസികളും നാടോടികളും ഗോത്ര വർഗങ്ങളും ദലിതരുമൊക്കെ താന്താങ്ങളുടെതായികൊണ്ടു നടക്കുന്ന നൂറുകണക്കിനു രാമയണങ്ങളുണ്ട്, ഇന്ത്യയിലൂടനീളം. കേരളത്തിൽ പോലുമുണ്ട് ഇത്തരം ദലിത്, കീഴാള രാമകഥകൾ. നരവംശശാസ്ത്രപരവും വംശീയവും ജാതീയവും ഗോത്രപരവുമൊക്കെയായ വേരുകളുണ്ട്. ഈ രാമായണങ്ങൾക്ക്. തങ്ങളുടെ ജീവിതത്തിലേക്കും സംസ്‌കൃതിയിലേക്കും രാമകഥ പറിച്ചു നട്ട് വളർത്തിയെടുക്കുകയാണ് ഓരോ വിഭാഗവും ചെയ്തിട്ടുള്ളത്. സന്താളുകളുടെയും ബിർനോറുകളുടെയും പർധാനികളുടെ ഭൂമിയാകളുടെയും ആഗരിയാകളുടെയും ഇരുളരുടെയും രാമയണകഥകളെ അസീസ് വിവരിക്കുന്നു. തുടർന്ന് നാടോടിപ്പാട്ടുകളിൽ ഉള്ളടങ്ങുന്ന രാമകഥകളുടെ അവലോകനം.

ഈ കീഴാള, പ്രാദേകിക രാമായണ പാഠങ്ങളുടെ കേരളീയ സാധ്യതകളന്വേഷിക്കുന്ന അസീസിന്റെ രാമായണ പഠനത്തിന്റെ സംക്ഷിപ്ത വിവരണമാണ് 'എന്തുകൊണ്ട് വയനാടൻ രാമയണം'?' വയനാട്ടിലെ ആദിവാസികൾക്കുള്ള സമ്പന്നമായ വാമൊഴിപ്പാട്ടുകളും കഥകളും മിത്തുകളും ചൂണ്ടിക്കാണിച്ചുകൊണ്ട് അടിയർ, മുള്ളകുറുമർ, കുറിച്യർ തുടങ്ങിയ വിഭാഗങ്ങളുടെ രാമായണപ്പാട്ടുകൾ അസീസ് വിശകലനം ചെയ്യുന്നു.

സ്ഥലനാമോൽപ്പത്തിക്കഥകൾ, വിശ്വാസങ്ങൾ, വാമൊഴി കഥകൾ, വാമൊഴി പാട്ടുകൾ, ഉൽപത്തി കഥകൾ, കലാരൂപങ്ങൾ, ക്ഷേത്ര കേന്ദ്രീകൃതമായ സങ്കൽപ്പങ്ങൾ, മലകളും പുഴകളും മറ്റു പ്രകൃതി പ്രതിഭാസങ്ങളുമായി ബന്ധപ്പെട്ട ഐതിഹ്യങ്ങൾ തുടങ്ങിയ ഒട്ടേറെ ഘടകങ്ങളുമായി ബന്ധപ്പെട്ടാണ് വയനാടൻ ഭൂമികയിൽ രാമായണ വാമൊഴി പാഠങ്ങൾ നിലനിൽക്കുന്നത്. വയനാടിനു വെളിയിൽ മറ്റു പ്രദേശങ്ങളിൽ നിലനിൽക്കുന്ന വാമൊഴി രൂപങ്ങളുമായി വയനാടൻ രാമായണ കഥകൾക്ക് സാമ്യങ്ങൾ ഇല്ലാതെയല്ല. ഉദാഹരണമായി, അടിയരാമായണത്തിൽ (വയനാട്ടിലെ അടിയാ ആദിവാസി വിഭാഗത്തിനിടയിൽ പ്രചാരത്തിലുള്ള രാമായണ വാമൊഴി രൂപം) വള്ളിയൂർക്കാവ് ഭഗവതിയും പുൽപള്ളി ഭഗവതിയും പാക്കത്തെയ്യവും തിരുനെല്ലി പെരുമാളും സിദ്ധപ്പനും നെഞ്ചപ്പനും മാത്തപ്പദൈവവും കടന്നുവരുന്നതുപോലെയും, വയനാടൻ ചെട്ടിരാമായണത്തിൽ (വയനാടൻ ചെട്ടി എന്ന സമുദായത്തിൽ പ്രചാരമുള്ള രാമായണ പാഠം) വനദേവതമാരായ അതിരുകാളൻ, അരുപുലി, കണ്ടൻപുലി, മമ്മദൻ, കൈക്കോളൻ, തമ്പുരാട്ടി തുടങ്ങിയവർ കഥാപാത്രങ്ങളാവുന്നതുപോലെയും ബംഗാളിലെ പ്രാദേശിക ദേവതമാരായ മംഗൾപണ്ഡി, മാനസ, ബനദുർഗ്ഗ, സുലപനി, ഷിതല, ഷഷ്തി എന്നിവർ ചന്ദ്രബതി രാമായണത്തിൽ കഥാപാത്രങ്ങളാണ്. (16-ാം നൂറ്റാണ്ടിൽ കിഴക്കൻ ബംഗാളിലെ മൈമാൻസിങ് ദേശത്ത് ജീവിച്ച ചന്ദ്രബതി എന്ന സ്ത്രീ രചിച്ച കൃതി. ബംഗാളിലെ പണ്ഡിതന്മാർ അവഗണിച്ച ഈ കൃതി വാമൊഴിലിയൂടെയാണ് നാലു നൂറ്റാണ്ടുകളെ അതിജീവിച്ചത്. സ്ത്രീപക്ഷത്തു നിന്ന് രാമകഥയെ അപനിർമ്മിക്കുന്ന ഈ കൃതി ഒട്ടേറെ സവിശേഷതകൾ ഉൾക്കൊള്ളുന്നതാണ്.)

വയനാട്ടിലെ ചെട്ടി സമുദായക്കാരുടെ കോൽക്കളിപ്പാട്ടുകൾ സൂചിപ്പിച്ചുകൊണ്ട് സമാനമായ പാട്ടുകൾ മറ്റ് ആദിവാസി, കീഴാള വിഭാങ്ങൾക്കിടയിലുമുണ്ടെന്നു പറയുന്നു. അസീസ് അടിയരാമായണം, ചെട്ടിരാമായണം എന്നിവ സവിശേഷമായി വിശദീകരിച്ചുകൊണ്ട് ഭൂമി ശാസ്ത്രപരവും, സാംസ്‌കാരികവും, ഭാഷാപരവും സാമൂഹ്യശാസ്ത്രപരവും മറ്റുമായി രാമയണകഥകൾ വയനാടൻ ആദിവാസികൾ സ്വാംശീകരിച്ചു പുനഃസൃഷ്ടിച്ചതിന്റെ അപഗ്രഥനം നടത്തുകയാണ്.

ഏറ്റവും കൗതുകകരമായ കാര്യം, ഏതെങ്കിലും ഒരു പാഠത്തിന്റെ (Text) ന്റെ പാഠാന്തരമാണ് വയനാടൻ ഭൂമികയിൽ വ്യത്യസ്തതരത്തിൽ നിലനില്ക്കുന്നതും വിശ്വസിക്കപ്പെടുന്നതുമായ ഇതിഹാസകഥകളെന്ന് ഒരു കൂട്ടായ്മയും കരുതുന്നില്ല എന്നതാണ്. പാഠാന്തരം എന്ന പരികല്പന പോലും ആവേദക സമൂഹത്തിന് അന്യമാണ്. അതായത്, വാല്മീകിരാമായണം, എഴുത്തച്ഛൻ രാമായണം എന്നൊന്നും കേട്ടുകേൾവി പോലുമില്ലാത്ത നിരക്ഷരരായ ആദിവാസി സമൂഹമടക്കമുള്ള വിഭാഗങ്ങൾ തങ്ങൾക്കിടയിൽ നിലനില്ക്കുന്ന ഇതിഹാസകഥകളെ തികച്ചും തങ്ങളുടേതു മാത്രമായവിശ്വാസാചാരങ്ങളുടേയും കഥ പറച്ചിലിന്റേയും പാരമ്പര്യവുമായി ബന്ധപ്പെടുത്തിയാണ് വിശ്വസിച്ചു പോരുന്നതും പരിഗണിക്കുന്നതും.

പാഠം (Text)എന്ന പരികല്പന അന്യമായതിൽ ഒരു കഥയ്ക്ക് ഒരേ വിഭാഗത്തിനുള്ളിൽത്തന്നെ ഒട്ടേറെ ആഖ്യാനങ്ങളും വ്യാഖ്യാനങ്ങളും അർത്ഥതലങ്ങളും ഉല്പാദിപ്പിക്കപ്പെടാറുണ്ട്. ഒരു ആവേദകൻ (Narrator) ഭിന്ന സന്ദർഭങ്ങളിൽ കഥ പറയുമ്പോൾ ഇതിവൃത്ത ഘടനയിൽ മൗലികമായമാറ്റത്തോടെയോ ആഖ്യാനരീതി മാത്രം മാറ്റിയോ കഥ പറയുന്നതും അപൂർവ്വമല്ല. എല്ലാ ജാതികൂട്ടായ്മകൾക്കും സർവ്വസ്വീകാര്യമായതോ എല്ലാവരുടേയും ആചാരാനുഷ്ഠാനങ്ങളേയും വിശ്വാസങ്ങളേയും സ്വത്വ-അസ്തിത്വ പ്രശ്‌നങ്ങളേയും ഉൾക്കൊള്ളുന്നതോ ആയ ബൃഹദാഖ്യാനം (Grand Narration) ഇവർക്കിടയിൽ ഇല്ലെന്നു തീർത്തു പറയാനാവും.

ഹസൻകുട്ടി എന്ന മുസ്ലിം പാടി നടക്കുകയും ടി എച്ച് കുഞ്ഞിരാമൻ നമ്പ്യാർ കേട്ടു പഠിക്കുകയും എം എൻ കാരശ്ശേരി പുറംലോകത്തെത്തിക്കുകയും ചെയ്ത മാപ്പിള രാമായണമെന്ന 148 വരികളുള്ള പാഠത്തിന്റെ വിശകലനമാണ് മറ്റൊരു ലേഖനം. ഇതിനാമുഖമായി 'മുസ്ലിം' രാമായണങ്ങളെക്കുറിച്ചുള്ള ഒരു പൊതു അവലോകനമുണ്ട്. ഇന്ത്യക്കു വെളിയിൽ, രാമകഥക്കും രാമപാഠങ്ങൾക്കും ഏറ്റവും ജനപ്രീതിയുള്ളത് മലേഷ്യയും ഇന്തോനേഷ്യയും പോലുള്ള മുസ്ലിം ഭൂരിപക്ഷ രാജ്യങ്ങളിലാണെന്ന വസ്തുത ഓർക്കുക. (മുസ്ലിം രാമയണങ്ങളെക്കുറിച്ചുള്ള വിപുലമായ ഒരു പഠനം അസീസ് തയ്യാറാക്കി വരികയാണ്) രാമയണത്തിന്റെ മതാതീതവും ദേശാന്തരവുമായ പാഠ-പാഠാന്തര വ്യാപനത്തെക്കുറിച്ചുള്ള ഒരു ഏഷ്യൻ ഗവേഷണത്തിന്റെ രൂപരേഖതന്നെയുണ്ട് ഈ ലേഖനത്തിൽ.

ഇതിന്റെ തുടർച്ചയായി കാണാം, 'ഇന്ത്യനേഷ്യൻ രാമായണങ്ങളിലെ ഇസ്ലാമികമുദ്രകൾ' എന്ന രചന. ഇന്ത്യൻ രാമായണങ്ങളുടെ പരാവർത്തനങ്ങളോ വാൽമീകി രാമയണത്തിന്റെ വിവർത്തനമോ ഒന്നുമല്ല ഇന്തോനേഷ്യൻ രാമയണങ്ങൾ. ഇസ്ലാമിക സൂഫികൾ രചിച്ച് നിഴൽ നാടകരൂപത്തിലവതരിപ്പിക്കുന്ന രാമയണങ്ങൾപ്പോലും അവിടെയുണ്ട്. ആധുനികമായ നിരവധി രാമകഥകളുമുണ്ട് ബാലിയിലും ജാവയിലും മറ്റും. അല്ലാഹുവും മുഹമ്മദ് നബിയുമൊക്കെയുണ്ട് ഈ രാമായണങ്ങളിൽ.

ചുരുക്കത്തിൽ, ഹിന്ദുമതഗ്രന്ഥം, ഭാരതീയരാമയണം, വാൽമീകി വിരചിതം, രാമസീതാ കഥ എന്നൊക്കെ സങ്കല്പിച്ച് ഏകപാഠമായി കണക്കാക്കിപോരുന്ന രാമായണത്തെക്കുറിച്ചുള്ള പൊതുബോധത്തിന്റെ അപനിർമ്മതിയാണ് രാമായണ പഠനങ്ങളുടെ ആധുനികാനന്തര രാഷ്ട്രീയം. കമിൽ ബുൽക്കെ മുതൽ ഏ.കെ. രാമാനുജൻ വരെയുള്ളവർ അതിവിദഗ്ധമായി നിർവഹിച്ച ഈയൊരു സാംസ്‌കാരിക വിമർശത്തിന്റെ മലയാളത്തിലെ ഏറ്റവും മൗലികവും ശ്രദ്ധേയവുമായ വക്താവും പ്രതിനിധിയുമാണ് അസീസ് തരുവണ. രാമായണത്തിനു കൈവന്നിട്ടുള്ള മതേതര, കീഴാള, സ്ത്രീപക്ഷ വായനകളുടെയും പുനരാഖ്യാനങ്ങളുടെയും പശ്ചാത്തലം, ബുദ്ധ, ജൈന മുസ്ലിം-ആദിവാസി രാമായണങ്ങൾ, ഏഷ്യൻ കഥാപാരമ്പര്യത്തിന്റെ ബൃഹത്‌സന്ദർഭം, പ്രാദേശികവും ജാതീയവും വംശീയവും മതാത്മകവും മറ്റുമായ വൈവിധ്യങ്ങൾ, കേരളീയ സന്ദർഭത്തിൽ പോലും സംസ്‌കൃത-ഹൈന്ദവ ബൃഹദാഖ്യാനങ്ങൾക്കപ്പറുത്ത് നിലകൊള്ളുന്ന ചിതറിയ രാമായണ പാഠങ്ങൾ എന്നിവയൊക്കെ മുൻനിർത്തിയുള്ള സാംസ്‌കാരിക വിമർശമാണ് അസീസ് നടത്തുന്നത്. ഒന്നുകൂടി സംഗ്രഹിച്ചു പറഞ്ഞാൽ, ഒരു മതേതര മുസ്ലിം, രാമായണം വായിക്കുമ്പോൾ സംഭവിക്കുന്ന കാലാന്തരവും ദേശാന്തരവും മതാന്തരവും വംശാന്തരവുമൊക്കെയായ പരകായപ്രവേശങ്ങളുടെ പാഠ്യപദ്ധതിയായി മാറുന്നു 'എത്രയെത്ര രാമായണങ്ങൾ'.

പുസ്തകത്തിൽ നിന്ന്:

റെ പ്രാചീനമല്ലാത്ത നിരവധി രാമായണാഖ്യാനങ്ങൾ ഇന്തോനേഷ്യയിലുണ്ട്. ഹിക്കായത്ത്‌സേരിരാമ, പാതാനി രാമകഥ, ജാവിലെ നേരത്തുകാണ്ഡം, രാമകേലിംഗ എന്നിവ എടുത്തു പറയേണ്ടവയാണ്. ജാവയിലെ നാടക സാഹിത്യം മിക്കവാറും സേരത്തുകാണ്ഡത്തെയും രാമകേലിംഗത്തേയും അടിസ്ഥാനമാക്കിയുള്ളതാണ്. ബാലിയിലെ എന്ന നാടകത്തിലെ മുഴുവൻ സർഗ്ഗങ്ങളും രാമായണത്തിലെ രംഗങ്ങൾ മാത്രം അവതരിപ്പിക്കുന്നു. രാമകഥയുടെ ഈ ആധുനിക രൂപം ഇന്തോനേഷ്യയിൽ നിന്ന് ഇൻഡോ ചൈന, സയാം, ബർമ്മ എന്നീസ്ഥലങ്ങൾ വരെവ്യാപിച്ചിട്ടുണ്ട്. എടുത്തു പറയേണ്ട സവിശേഷത ഇവയിൽ പതിഞ്ഞ ഇസ്ലാമികമുദ്രകളാണ്.

രാവണചരിതം മുതൽ സീതാത്യാഗത്തിനു ശേഷംരാമസീതാ സംയോഗം വരെയുള്ള ബൃഹദ് കഥ വിവരിക്കുന്ന കൃതിയാണ് ഹിക്കായത്ത്‌സേരിരാമ. അല്ലാഹു, ആദംനബി, മുഹമ്മദ് നബി തുടങ്ങി ഇസ്ലാമും മുസ്ലീങ്ങളുമായി ബന്ധപെട്ട പലതും ആ കൃതിയിൽ കാണാം. ആ കൃതിക്ക് ഏഴു ഭാഗങ്ങളാണുള്ളത്. ഒന്നാം ഭാഗത്തിൽ രാവണചരിതം, ദുഷ്പ്രവൃത്തികാരണം രാവണനെ തന്റെ പിതാവ് നാടു കടത്തുന്നത് തുടങ്ങി രാവണനുമായി ബന്ധപ്പെട്ട കാര്യങ്ങളാണ് സവിസ്തരം പ്രതിപാദിക്കുന്നത്. (രാവണനെ നാടു കടത്തുന്ന വർണ്ണനയിൽ സിംഹളദ്വീപിലെ വിജയൻ എന്ന ഒന്നാമത്തെ രാജാവിന്റെ കഥ ചേർത്തിട്ടുണ്ട്.) സിംഹള ദ്വീപിൽ എത്തി തപസ്സു ചെയ്ത് രാവണൻ അല്ലാഹുവിൽ നിന്നും നാലുലോകങ്ങളുടെ അധികാരം സമ്പാദിക്കുന്നു. ആദംനബിയുടെയും മുഹമ്മദി നബിയുടെയും നിർബന്ധത്താലാണ് അല്ലാഹു ഈ അധികാരങ്ങൾ നല്കുന്നത്. ന്യായപൂർവ്വം ഭരണം നടത്തണമെന്നായിരുന്നു വ്യവസ്ഥ തുടർന്നു ഓരോ ലോകത്തിലെയും ഓരോരാജകുമാരിയെ വിവാഹം കഴിച്ച് രാവണൻ അനേകം പുത്രന്മാരെ ജനിപ്പിക്കുന്നു. അവർ പിന്നീട് രാജാക്കന്മാരായിത്തീരുന്നു.

ഇന്ദ്രജിത്ത്-ദേവലോകത്തിലെരാജാവ്
പാതാള മഹാരായൻ (മഹിരാവണൻ) പാതാളരാജാവ്
ഗംഗാമഹാസൂരി- നാഗലോകത്തിലെരാജാവ്.

ഇതിനുശേഷം രാവണൻ ഭൂമിയിൽ മടങ്ങിയെത്തി ലങ്കാപുരിസ്ഥാപിക്കുകയും അവിടെ തന്റെ സഹോദരന്മാരായ കുംഭകർണ്ണനെയും വിഭീഷണനെയും ശൂർപ്പണഖയുടെ ഭർത്താവായ ബർഗസ്സിംഗനേയും യഥാക്രമം സേനാപതി, ജ്യോതിഷി, പ്രധാന ചാരൻ എന്നീ സ്ഥാനങ്ങളിൽ നിയോഗിക്കുന്നു.

സേരിരരാമിവൽ, ദശരഥന്റെ വംശാവലി ഇപ്രകാരമാണ്; ആദം നബി, ദശരഥരാമൻ, ദശരഥചക്രവർത്തി, ദശരഥൻ എന്നിങ്ങനെയാണ്. (ആദംനബി ഇസ്ലാമിക വിശ്വാസ പ്രകാരം ഒന്നാമത്തെ മനുഷ്യനാണ്. ആദ്യത്ത പ്രവാചകനും.)

ശ്രദ്ധേയമായ മറ്റൊരു ആധുനിക കഥയായ സേരത്തുകാണ്ഡത്തിലും ഇസ്ലാമികമുദ്രകൾ പതിഞ്ഞുകിടക്കുന്നു. സേരിരാമിൽ നിന്നും ഏറെയോന്നും ഭിന്നമല്ല ഈ പാഠത്തിലെ കഥ.

ആദം നബിയും മുഹമ്മദി നബിയും അല്ലാഹുവും രാമകഥയിലും കഥാപാത്രങ്ങളാവുന്നു. രാമരാവണയുദ്ധത്തിനിടയിൽ ജിബ്രീൽ (ഗബ്രിയേൽമാലാഖ) എന്ന മലക്ക് യുദ്ധമൊഴിവാക്കാനുള്ള സന്ധി സംഭാഷണങ്ങളുടെ സന്ദേശവാഹകനായി പ്രവർത്തിക്കുന്നു. (ഇസ്ലാമിക വിശ്വാസമനുസരിച്ച് അല്ലാഹുവിൽ നിന്ന് പ്രവാചകന്മാർക്കുള്ള സന്ദേശങ്ങൾ എത്തിച്ചു കൊടുക്കുന്ന മലക്കാണ് ജിബ്രീൽ.)

ഫിലപ്പൈൻസിൽ പ്രചാരത്തിലുള്ള മഹാരാദ്ധ്യാലാവണ (1168 ൽ ജോൺ ആർ ഫ്രാൻസിസ്‌കോയാണ് ഈ കൃതി കണ്ടെത്തിയത്) എന്ന രാമായണ പാഠത്തിലും ജിബ്രീൽ (ദിയാബറിൽ) എന്ന മലക്ക് സന്ദേശവാഹകനായി കടന്നുവരുന്നു.

കഥാപാത്രങ്ങൾ മാത്രമല്ല, ഇസ്ലാം മുമ്പോട്ടു വെക്കുന്ന മൂല്യവ്യവസ്ഥയും ജീവിതക്രമവും പല ഇന്തോനേഷ്യൻ രാമായണങ്ങളുടെയും അന്തർദ്ധാരയായി നിലകൊള്ളുന്നു. വാല്മീകിരാമായണത്തിൽ നിന്നും മറ്റിന്ത്യൻ രാമകഥാപാഠങ്ങളിൽ നിന്നും വ്യതിരിക്തമായ അത്തരം പാഠങ്ങൾ തദ്ദേശീയമായ സംസ്‌കാരവുമായി ഇഴകിച്ചേർന്നവയാണ്. അതിനാൽ ഒരു സാംസ്‌കാരിക പാഠമെന്ന നിലയിൽ ഇന്തോനേഷ്യൻ മുസ്ലീങ്ങൾ രാമായണ പാഠത്തെ തങ്ങളുടെ കൂടി സാഹിത്യ സമ്പത്തായി പരിഗണിക്കുന്നു. രാമായണത്തിന്റെ നാടകാവിഷ്‌കാരങ്ങളിലും മറ്റും സജീവമായി പങ്കുചേരുന്നു. തങ്ങളുടെ രാജ്യത്തുണ്ടായ ഇതിഹാസമായിട്ടാണ് രാമായണത്തെ അവർ വീക്ഷിക്കുന്നത്.

ഇന്തോനേഷ്യൻ രാമായണ കഥാപാത്രങ്ങളുടെ പേരുകൾ ഏറെയും ഇന്തോനേഷ്യൻ ഇന്ത്യൻ മിശ്രിത രൂപമാർന്നതാണ്. ഇന്ത്യൻ രാമായണങ്ങളുടെ സ്വാധീനം പലവിധത്തിൽ ഇന്തോനേഷ്യൻ രാമായണങ്ങൾക്കുമേലുണ്ടെങ്കിലും തദ്ദേശീയമായ മൗലിക സാഹിത്യമായിട്ടാണ് ഇന്തോനേഷ്യക്കാർ അവയെ പരിഗണക്കുന്നത്.

ഓരോ മണ്ണിലും പെയ്തിറങ്ങുന്ന മഴവെള്ളം ആ മണ്ണിന്റെ നിറവും ഗന്ധവും കലർന്നൊഴുകുന്നതു പോലെ ഓരോ ദേശത്തിലേക്കും സമുദായത്തിലേക്കും ചെന്ന രാമായണ കഥകൾ ആ നാടിന്റെയും സമുദായത്തിന്റെയും മുദ്രകളണിഞ്ഞ് പരന്നൊഴുകുകയാണ്. അവയെ അണകെട്ടി നിർത്തുവാനോ അവയുടെ വൈവിദ്ധ്യത്തെ ഇല്ലായ്മ ചെയ്യുവാനോ ഉള്ള ഏതു ശ്രമവും രാമായണ സംസ്‌കൃതിക്കുമേലുള്ള കടന്നുകയറ്റമായിട്ടേ പരിഗണിക്കാനാകൂ.

എത്രയെത്ര രാമായണങ്ങൾ
അസീസ് തരുവണ
ചിന്ത പബ്ലിഷേഴ്‌സ്
2017. വില : 105 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
പട്ടാളചിട്ടയോടെ സംരക്ഷണം ഒരുക്കിയ പോപ്പുലർഫ്രണ്ടു കേന്ദ്രത്തിൽ നിന്നും മുഹമ്മദിനെ പൊലീസ് പൊക്കിയത് പുകച്ചു പുറത്തുചാടിച്ച ശേഷം; എസ്ഡിപിഐ നേതാക്കളെ കസ്റ്റഡിയിൽ എടുക്കുകയും പോപ്പുലർ ഫ്രണ്ട് കേന്ദ്രങ്ങളിൽ തുടർ റെയ്ഡുകളും വന്നതോടെ സംരക്ഷണ വലപൊട്ടി; ഹൈക്കോടതിയുടെ അനുകൂല നിലപാടു കൂടിയായപ്പോൾ അഭിമന്യുവിന്റെ ഘാതകൻ കുടുങ്ങി: മുഖ്യപ്രതി മുഹമ്മദലിയെ പൊലീസ് പൊക്കിയത് തീവ്രസംഘടനക്ക് ചുറ്റും 'പത്മവ്യൂഹം' തീർത്ത്
ചെങ്കൊടിയേന്തിയ സഖാവുമായി അടുത്തത് ചാരനാക്കാനുള്ള പദ്ധതിയുമായി; പ്രസ്ഥാനത്തെ ചതിക്കില്ലെന്ന നിലപാടുമായി വട്ടവടയിലേക്ക് പോയപ്പോൾ രഹസ്യം ചോരുമെന്ന് ഭയന്നു; സഖാക്കളോട് സത്യം വെളിപ്പെടുത്തും മുമ്പേ വിളിച്ചു വരുത്തിയതുകൊലപ്പെടുത്താനുറച്ച് പ്രൊഫഷണലുകളെ സജ്ജമാക്കി തന്നെ; 'സഖാപ്പി'യായി മുഹമ്മദ് മാറിയതും തന്ത്രങ്ങളുടെ ഭാഗം; മഹാരാജാസിലെ അഭിമന്യുവിനെ കൊലപ്പെടുത്തിയത് ചക്രവ്യൂഹമൊരുക്കി ചതിച്ചു തന്നെ; ഗൂഢാലോചന പൊളിക്കാനുറച്ച് പൊലീസ്
കേസിൽ ജയിക്കാൻ ലൈംഗിക ബന്ധം സമ്മതിച്ച് ബലാത്സംഗം നിഷേധിച്ച് ഓർത്തഡോക്‌സ് സഭയിലെ ഫാമിലി കൗൺസിലർ കൂടിയായ ജെയ്‌സ് കെ ജോർജ്; ഇതുവരെ തന്റെ ഭർത്താവിനെ കുടുക്കിയതെന്ന് കരുതിയിരുന്ന ഭാര്യ വിവരം അറിഞ്ഞ് ഉപേക്ഷിച്ച് പോയതായി സൂചന; പെണ്ണു പിടിക്കാൻ പോയ അച്ചന്മാരെ കുടുംബവും കൈവിട്ട് തുടങ്ങി; വൈദികരുടെ ലൈംഗികാസക്തി ചർച്ച ചെയ്ത് വിശ്വാസികളും
ഏഷ്യാനെറ്റിലെ ബിഗ് ബോസിനും ലാലിസത്തിന്റേയും ലാൽസലാമിന്റേയും ദുർഗതി; കോടികൾ മുടക്കിയിട്ടും ജനപ്രിയ ചാനലിന്റെ റിയാലിറ്റി ഷോ കാണാൻ ആളില്ല; മോഹൻലാൽ ഷോയെക്കാൾ നല്ലത് കണ്ണീർ സീരിയിൽ തന്നെന്ന് തിരിച്ചറിവിൽ ചാനൽ; ബിഗ് ബജറ്റ് ഷോയ്ക്ക് സാധാരണ ഷോയുടെ റേറ്റിങ് മാത്രം; പ്രൈം ടൈമിലെ കിതപ്പ് മാറ്റാൻ പരീക്ഷിച്ച ബിഗ് ബോസ് റേറ്റിംഗിൽ തളരുന്നു; മിനിസ്‌ക്രീനിൽ ലാലേട്ടന് പറയാനുള്ളത് കിതപ്പിന്റെ കഥ മാത്രം
പാലിയേക്കര ടോളിന് മുന്നിൽ ടോൾ കൊടുക്കാൻ കാത്ത് നിന്നിട്ടും കാശ് വാങ്ങാൻ ആളെത്തിയില്ല; കലി മൂത്ത പിസി ജോർജ് പുറത്തിറങ്ങി ബാരിയർ വലിച്ച് പൊളിച്ചു; അവന്മാർക്കിട്ട് രണ്ട് പൊട്ടീര് കൊടുക്കാൻ നാട്ടുകാർ പറഞ്ഞിട്ടും ചെയ്യാൻ കഴിയാത്തതിൽ മാത്രം നിരാശ്ശയെന്ന് പൂഞ്ഞാർ എംഎൽഎ; നിയമം ലംഘിച്ച് നാട്ടുകാരെ ഭയപ്പെടുത്തി വാഴുന്ന ദേശീയ പാതയിലെ ടോൾ ഭീമന്മാർ പിസി ജോർജിന്റെ മുന്നിൽ വിറച്ചത് ഇങ്ങനെ
തന്ത്രങ്ങൾ ചോരാതിരിക്കാൻ 'പച്ചവെളിച്ചംകാരെ' ഭയന്ന് കാസർകോട്ടെ പൊലീസുകാരെ ഒന്നും അറിയിച്ചില്ല; മുഹമ്മദിനെ പൊക്കിയത് അതീവ രഹസ്യമായി എറണാകുളത്തു നിന്നും എത്തിയ അന്വേഷണ സംഘം; പിടിയിലായ വിവരവും ചോരാതെ സൂക്ഷിച്ചു; മേൽ നോട്ടക്കാരന്റെ റോളിൽ എല്ലാമറിഞ്ഞ മൂന്നാം കണ്ണായി ഡിജിപി ബെഹ്‌റയും; കേരളാ-കർണാടക അതിർത്തിയായ തലപ്പാടിയിൽ നിന്നും പിടികൂടിയവരിൽ മറ്റ് കൊലയാളികളുമെന്ന് സൂചന
മഴയുടെ ശക്തി കുറഞ്ഞെങ്കിലും മധ്യകേരളത്തിൽ ജനജീവിതം സാധാരണ നിലയിലെത്തില്ല; വെള്ളം കയറിയ റോഡുകൾ പലതും ഇപ്പോഴും അപകടാവസ്ഥയിൽ തന്നെ; രണ്ട് ദിവസം മരണത്തിന് കീഴടങ്ങിയത് 18പേർ; വീട്ടിൽ വെള്ളം കയറിയതു കൊണ്ട് വഴിയാധാരമായത് അനേകർ; ദുരിതാശ്വാസ ക്യാമ്പിലേക്ക് മാറ്റിയത് അരലക്ഷത്തോളം പേരെ; കുതിച്ചൊഴുകുന്ന വെള്ളത്തിൽ മീൻപിടിച്ചും മദ്യപാർട്ടി നടത്തിയും അടിച്ചു പൊളിച്ച് കോട്ടയത്തുകാർ
ഒരുമിച്ച് ഒൻപത് വർഷം ജീവിച്ചെന്ന് പറഞ്ഞ് ഗോപീസുന്ദർ പോസ്റ്റ് ചെയ്തത് കാമുകിയും ഗായികയുമായ അഭയ ഹിരൺമയിക്കൊപ്പം ഉള്ള ഫോട്ടോ! കണ്ടോ ഇയാൾ നാട്ടുകാരെ തെറ്റിധരിപ്പിക്കുന്നതെന്ന് ചോദിച്ച് ഭാര്യ പ്രിയയുടെ പോസ്റ്റ് പിന്നാലെ! മലയാളത്തിലെ ഹിറ്റ് സംഗീത സംവിധായകന്റെ യഥാർത്ഥ ജീവിത പങ്കാളി ആരെന്ന് തർക്കിച്ച് സോഷ്യൽ മീഡിയ
ദീൻ പഠിപ്പിക്കാൻ ഇൻബോക്സിൽ വരുന്ന ഇക്കാക്കമാരറിയാൻ...; മായ്‌ലിയാക്കന്മാർ മൂന്നു പേര് വീട്ടിലുണ്ട് ; ഹാഫിളാവാൻ അടവെച്ച രണ്ടാങ്ങളമാർ എറണാകുളത്ത് വിരിഞ്ഞുകൊണ്ടിരിക്കുന്നു; ഒരനിയത്തി ഹാദിയ കോഴ്സ് പഠിക്കാൻ ചേർന്നിട്ട് മാസം രണ്ടു കഴിഞ്ഞു; 'അനക്ക് മരിക്കേണ്ട പെണ്ണേ' എന്ന് ചോദിക്കുന്ന സൈബർ സുഡാപ്പികൾക്ക് ചുട്ട മറുപടി നൽകി ഇസ്ലാം ഉപേക്ഷിച്ച് സ്വതന്ത്ര ചിന്തയിലേക്കുവന്ന ഇർഫാന
ചുവരെഴുത്തിൽ തുടങ്ങിയ തർക്കം; എസ് എഫ് ഐ എതിർത്തപ്പോൾ ചെറുക്കാൻ തീരുമാനിച്ചു; സംഘർഷം മുന്നിൽ കണ്ട് പുറത്തു നിന്നുള്ളവർ ക്യാമ്പസിലെത്തി; തർക്കം മൂത്തപ്പോൾ കൊച്ചി ഹൗസിലുള്ളവരെ വിവരം അറിയിച്ചു; അഭിമന്യുവിനെ കൊലപ്പെടുത്തിയത് ആസൂത്രിത നീക്കത്തിലൂടെ തന്നെ; എസ് ഡി പി ഐയുടെ പങ്ക് സ്ഥിരീകരിച്ച് മുഹമ്മദിന്റെ മൊഴിയും; മഹാരാജാസിലെ കൊലപാതകത്തിലെ പ്രധാന പ്രതിയെ പൊക്കിയത് കേരള-കർണാടക അതിർത്തിയിൽ നിന്നും
ഒരുമിച്ച് ഒൻപത് വർഷം ജീവിച്ചെന്ന് പറഞ്ഞ് ഗോപീസുന്ദർ പോസ്റ്റ് ചെയ്തത് കാമുകിയും ഗായികയുമായ അഭയ ഹിരൺമയിക്കൊപ്പം ഉള്ള ഫോട്ടോ! കണ്ടോ ഇയാൾ നാട്ടുകാരെ തെറ്റിധരിപ്പിക്കുന്നതെന്ന് ചോദിച്ച് ഭാര്യ പ്രിയയുടെ പോസ്റ്റ് പിന്നാലെ! മലയാളത്തിലെ ഹിറ്റ് സംഗീത സംവിധായകന്റെ യഥാർത്ഥ ജീവിത പങ്കാളി ആരെന്ന് തർക്കിച്ച് സോഷ്യൽ മീഡിയ
കുഞ്ഞിനെ നോക്കാനെന്ന് പറഞ്ഞ് ദുബായിലേക്ക് കയറ്റിവിട്ട വീട്ടമ്മയെ ഫ്‌ളാറ്റിൽ കൊണ്ടുപോയി ക്രൂരമായി മാറിമാറി ബലാത്സംഗം ചെയ്ത് മൂവർ സംഘം; പ്രശ്‌നമാകുമെന്ന് കണ്ട് അന്നുതന്നെ നാട്ടിലേക്ക് കയറ്റി വിട്ട യുവതിയെ 'ഒത്തുതീർപ്പിനായി' കിടപ്പറയിലേക്ക് ക്ഷണിച്ച് ഡിവൈഎഫ് ഐ നേതാവും; പൊലീസിന് മുന്നിലെത്തി എല്ലാം പറഞ്ഞെങ്കിലും നേതാവിനും കയറ്റിവിട്ട ഏജന്റിനും 'മാപ്പുനൽകി' ഏമാന്മാർ; സംഭവിച്ചതെല്ലാം മറുനാടനോട് തുറന്നുപറഞ്ഞ് പൊട്ടിക്കരഞ്ഞ് വീട്ടമ്മ
പെൺകുട്ടികൾ എന്തിനാണ് കുളിച്ച് സുന്ദരിമാരായി അമ്പലത്തിൽ പോകുന്നന്നത്? ലൈംഗിക ബന്ധത്തിൽ ഏർപ്പെടാൻ തയ്യാറാണെന്ന് അബോധപൂർവമായി പ്രഖ്യാപിക്കുകയാണവർ; അവരെന്താണ് മാസത്തിൽ നാലോ അഞ്ചോ ദിവസം അമ്പലത്തിൽ വരാത്തത്? മാതൃഭൂമി ആഴ്ചപതിപ്പിൽ എഴുതിയ എസ് ഹരീഷിന്റെ നോവലിലെ പരാമർശങ്ങൾക്ക് എതിരെ നിലപാട് കടുപ്പിച്ച് സംഘപരിവാർ; ഫെയ്സ് ബുക്ക് പൂട്ടി എഴുത്തുകാരൻ സ്ഥലം വിട്ടു
ജോലി സ്ഥലത്തേക്കുള്ള യാത്രക്കിടെ ബസിലെ കിളിയായ കൗമാരക്കാരനുമായി യുവതി പരിചയപ്പെട്ടു; പ്രായപൂർത്തിയാകാത്ത ആൺകുട്ടിയെ ഭീഷണിപ്പെടുത്തി വീട്ടിൽ എത്തിച്ച് പീഡിപ്പിച്ചു; ഇടുക്കി ചൈൽഡ് ലൈൻ മുമ്പാകെ കൗമാരക്കാരൻ നൽകിയ മൊഴിയിൽ ഭർത്താവ് മരിച്ച യുവതി കുടുങ്ങി; പതിനേഴുകാരനെ പീഡിപ്പിച്ച 28കാരി പോക്‌സോ കേസിൽ അറസ്റ്റിലായി കോട്ടയം വനിതാ ജയിലിൽ റിമാൻഡിൽ
ഇതാണ് നുമ്മ പറഞ്ഞ കലക്ടർ..! മഴക്കെടുതി ഉണ്ടായാൽ അവധി പ്രഖ്യാപിച്ച് വീട്ടിലിരിക്കാൻ അനുപമ തയ്യാറല്ല; കടലേറ്റം രൂക്ഷമായ കൊടുങ്ങല്ലൂർ അഴീക്കോട് തീരദേശ മേഖല സന്ദർശിച്ച് തൃശ്ശൂർ കളക്ടർ; നാട്ടുകാരെ ആശ്വസിപ്പിച്ചും ദുരിതാശ്വാസ പ്രവർത്തനങ്ങൾ നേരിട്ട് ഏകോപിപ്പിച്ചും ഹീറോയിൻ ആയി അനുപമ; കണ്ണീരൊപ്പാൻ ഓടിയെത്തിയ കലക്ടർക്ക് ബിഗ് സല്യൂട്ട് നൽകി തീരവാസികൾ
നീണ്ട താടിവടിച്ചു നരച്ച മുടി കറുപ്പിച്ചു ഒടുവിൽ കെ ബാബു പുറത്തിറങ്ങി; കോഴ വിവാദങ്ങൾക്കും തോൽവിക്കും ശേഷം രണ്ടു വർഷം വീടിന് പുറത്തിറങ്ങാതെ കഴിഞ്ഞ ബാബുവിന്റെ മടക്കം മറുനാടൻ വാർത്ത സോഷ്യൽ മീഡിയയിൽ വൻ ചർച്ചയായതോടെ; തൃപ്പൂണിത്തുറയിലെ പരിപാടികളിൽ പോലും പങ്കെടുക്കാതിരുന്ന മുന്മന്ത്രി ഇന്നലെ മനോരമ കോൺക്ലേവിൽ എത്തിയപ്പോൾ പ്രവർത്തകർക്ക് വീണ്ടും ആവേശം
വിവാഹത്തിന് മുമ്പ് ഒരു വൈദികൻ ലൈംഗികമായി ദുരുപയോഗിച്ചു; ഇക്കാര്യം കുമ്പസാരത്തിൽ പറഞ്ഞപ്പോൾ ആ വൈദികനും ദുരുപയോഗം തുടങ്ങി; ഭർത്താവിനോട് പറയുമെന്ന് പറഞ്ഞ് തിരുമേനിയുടെ സെക്രട്ടറിയടക്കം എട്ടോളം വൈദികർ മാറി മാറി പീഡിപ്പിച്ചു; യാദൃശ്ചികമായി ഭാര്യയുടെ ഹോട്ടൽ ബിൽ കണ്ട ഭർത്താവ് വൈദികനോട് വെളിപ്പെടുത്തിയ ടെലിഫോൺ സംഭാഷണം പുറത്ത്; സോഷ്യൽ മീഡിയയിൽ സംഭാഷണം വ്യാപകമായതോടെ മുഖം രക്ഷിക്കാൻ അഞ്ച് വൈദികരെ പുറത്താക്കി ഓർത്തഡോക്സ് സഭ
ബികോമുകാരിയായ മകളെ ഇളയച്ഛന്റെ വീട്ടിൽ വിട്ട് എഫ് ബി സുഹൃത്തിനെ ക്ഷണിച്ചു വരുത്തിയത് ഗൾഫുകാരന്റെ ഭാര്യ; മലപ്പുറത്തെ ബിടെക്കുകാരൻ രാത്രി മുഴുവൻ നീണ്ട രതിവൈകൃതത്തിന് ഇരയായതോടെ ഭയന്ന് വിറച്ചു; അതിരാവിലെ സ്ഥലം വിടാൻ നോക്കിയപ്പോൾ വിഡീയോ കാട്ടി അദ്ധ്യാപികയുടെ ഭീഷണി; എല്ലാം അതിരുവിട്ടപ്പോൾ നിലവിളിച്ച് പുറത്തേക്ക് ഓടി യുവാവ്; നാട്ടുകാർ ഓടിക്കൂടിയപ്പോൾ അപമാന ഭാരത്താൽ 46-കാരിയുടെ തൂങ്ങിമരണം; ഇരവിപുരത്തെ സിനിയുടെ ആത്മഹത്യക്ക് പിന്നിലെ കഥ
'ബാഡൂ' ആപ്ലിക്കേഷനിലൂടെയുള്ള പരിചയം അവിഹിതമായി മാറി; ഭർത്താവ് ഗൾഫിലായതിനാൽ ഇണക്കിളികളായി ചുറ്റിയടിച്ചു; പിണങ്ങുമ്പോൾ ദേഹോപദ്രവം പതിവായതിനാൽ കുതിരവട്ടത്തെ ഡോക്ടറേയും കാട്ടി; അമിതമായ വികാരപ്രകടനം നടത്തിയ അദ്ധ്യാപിക പറയുന്നതെല്ലാം ചെയ്ത് നല്ല കാമുകനുമായി; മാന്തിപൊളിക്കാൻ വന്നപ്പോൾ ഇറങ്ങി ഓടിയത് ജീവൽ ഭയം കൊണ്ടും; വാട്സ് ആപ്പ് ഹാക്കിങ് വിദഗ്ധന്റെ കഥ പൂർണ്ണമായും വിശ്വസിക്കാതെ പൊലീസും; ഇരവിപുരത്തെ സിനിയുടെ ആത്മഹത്യക്ക് പിന്നിലെ പ്രണയ രഹസ്യങ്ങൾ ഇങ്ങനെ
ഒരുമിച്ച് ഒൻപത് വർഷം ജീവിച്ചെന്ന് പറഞ്ഞ് ഗോപീസുന്ദർ പോസ്റ്റ് ചെയ്തത് കാമുകിയും ഗായികയുമായ അഭയ ഹിരൺമയിക്കൊപ്പം ഉള്ള ഫോട്ടോ! കണ്ടോ ഇയാൾ നാട്ടുകാരെ തെറ്റിധരിപ്പിക്കുന്നതെന്ന് ചോദിച്ച് ഭാര്യ പ്രിയയുടെ പോസ്റ്റ് പിന്നാലെ! മലയാളത്തിലെ ഹിറ്റ് സംഗീത സംവിധായകന്റെ യഥാർത്ഥ ജീവിത പങ്കാളി ആരെന്ന് തർക്കിച്ച് സോഷ്യൽ മീഡിയ
ജിഷയെ കൊന്നത് അമീർ ഉൾ ഇസ്ലാം അല്ല! ഷോജിയെ കൊന്നതും ഇതേ ആൾ; എന്റെ പ്രതിശ്രുത വധുവിനെ ദുരുപയോഗം ചെയ്യാനും ശ്രമിച്ചു; മാതിരപ്പിള്ളിയിലെ ഒരു രാഷ്ട്രീയ നേതാവിനും എല്ലാം വ്യക്തമായി അറിയാം; ജിഷയെ കൊന്നത് സെക്‌സ് റാക്കറ്റിന്റെ പിണിയാളുകൾ; പൊലീസിലും കോടതിയിലും കൊലയാളിയെ കുറിച്ച് എല്ലാം തുറന്നു പറയാൻ തയ്യാർ; രണ്ട് പേരെ കൊന്ന ക്രിമിനലിനൊപ്പം താൻ കഴിഞ്ഞിട്ടുണ്ടെന്നും തുറന്നുപറച്ചിൽ; വെളിപ്പെടുത്തലുമായി കോലഞ്ചേരിക്കാൻ അജി
അടിവസ്ത്രമില്ലാതെ എങ്ങനെ ഒരാൾ മുന്നോട്ട് പോകുമെന്ന് പരിതപിച്ച് മത്സരാർത്ഥികൾ; രഞ്ജിനി ഹരിദാസ് സ്‌നേഹ പൂർവ്വം നൽകിയ വെള്ള ഷഡി തലയിൽ ചുറ്റി അർമാദിച്ച് നടന്ന് അരിസ്റ്റോ സുരേഷിന്റെ കൊഴുപ്പിക്കൽ; ഇഷ്ടമാകുമെന്ന വിശ്വാസത്തോടെ, സ്നഹപൂർവ്വം മോഹൻലാൽ എന്ന കുറിപ്പോടെ 'ജട്ടി' നൽകി ബിഗ് ബോസിന്റെ ഇടപെടൽ; ഏഷ്യാനെറ്റിലെ റിയാലിറ്റി ഷോ സോഷ്യൽ മീഡിയ ചർച്ച ചെയ്യുന്നത് ഇങ്ങനെ
എത്ര ആട്ടി ഓടിച്ചാലും പിന്നേം തോണ്ടാൻ വരും; മൊബൈലിലേക്ക് മെസേജുകൾ അയക്കും; ബിജു സോപാനം ഇടപെട്ടിട്ടും കാര്യമൊന്നും ഉണ്ടായില്ല; അമേരിക്കയിലെ സ്റ്റേജ് ഷോയുടെ പേരിലെ ഒഴിവാക്കൽ സംവിധായകന് വഴങ്ങാത്തതിന്റെ പ്രതികാരമെന്ന് നിഷാ സാരംഗ്; നമ്മൾ തമ്മിൽ പറഞ്ഞതിരിക്കട്ടെ; ഇനി ആരോടും പറയണ്ട; പുറത്തറിഞ്ഞാൽ ആരും വിളിക്കില്ലെന്ന് ഉപദേശം ശ്രീകണ്ഠൻ നായർ നൽകിയെന്ന് മാലാ പാർവ്വതിയും; ഫ്‌ളവേഴ്‌സിലെ 'ഉപ്പും മുളകിലും' വിവാദം പുതിയ തലത്തിലേക്ക്
മഞ്ജു വാര്യർക്കെതിരെ അച്ചടക്ക നടപടിക്ക് സാധ്യത; ചട്ടപ്രകാരം ചെയ്ത കാര്യത്തിൽ പുതിയ നേതൃത്വത്തെ വെട്ടിലാക്കുന്ന കുറ്റപ്പെടുത്തൽ; പരിധി വിടുന്ന സ്ത്രീ കൂട്ടായ്മയെ പിടിച്ചു കെട്ടാൻ ഇടവേള ബാബു; ദിലീപിനെ തിരിച്ചെടുത്തതിനെ വിമർശിച്ചതിൽ പാർവ്വതിയും റിമാ കല്ലിംഗലും രമ്യാനമ്പീശനും വിശദീകരണം നൽകേണ്ടി വരും; കടുത്ത നടപടികൾ കൂടിയേ തീരുവെന്ന് താരസംഘടനയിലെ പുതിയ ഭാരവാഹികൾ; അനുനയത്തിന് മോഹൻലാൽ; ഇനി ഞാൻ 'അമ്മ'യിലേക്കില്ലെന്ന നിലപാടിൽ ഉറച്ച് ജനപ്രിയനായകനും
അമൃത ടിവിയിൽ 'ഓർമ്മയിൽ' ഡോക്യൂഫിഷനുമായി തുടക്കം; മഴവിൽ മനോരമയിൽ 'തട്ടിയും മുട്ടിയും' നടന്ന് ആദ്യ പേരുദോഷമുണ്ടാക്കി; നടിയോട് അശ്ലീലം പറഞ്ഞെന്ന പരാതിയിൽ രാജി എഴുതി വാങ്ങിച്ചത് തന്ത്രപരമായി; ഉപ്പും മുളകും റേറ്റിംഗിൽ മുന്നേറിയപ്പോൾ സംവിധായകൻ വീണ്ടും പ്രശസ്തിയുടെ നെറുകയിലെത്തി; നിഷാ സാരംഗിനെ 'തൊട്ടു കളിച്ചപ്പോൾ' വീണ്ടും പണി കിട്ടി; ഫ്ളവേഴ്സ് ചാനലിനെ വെട്ടിലാക്കിയ ഉണ്ണികൃഷ്ണനെന്ന സംവിധായകന്റെ കഥ