1 usd = 70.71 inr 1 gbp = 91.12 inr 1 eur = 80.07 inr 1 aed = 19.25 inr 1 sar = 18.85 inr 1 kwd = 232.62 inr

Feb / 2019
20
Wednesday

'ചാരുലത'യുടെ ഭാവജീവിതം; മാധവി മുഖർജിയുടെയും

January 07, 2018 | 09:03 AM IST | Permalink



'ചാരുലത'യുടെ ഭാവജീവിതം; മാധവി മുഖർജിയുടെയും

ഷാജി ജേക്കബ്

രു പുരുഷനും ഒരു സ്ത്രീയിൽ മാത്രം തൃപ്തനല്ല; തിരിച്ചും. ഓരോ കിടപ്പറയിലും ഏറ്റവും കുറഞ്ഞതു നാലുപേരെങ്കിലുമുണ്ടാകുമെന്ന് സിഗ്മണ്ട് ഫ്രോയ്ഡ് പറഞ്ഞതു വെറുതെയുമല്ല. അതൃപ്തകാമങ്ങളുടെ ശവപ്പറമ്പാണ് ഓരോ കിടപ്പറയും കുടുംബം തന്നെയും. ഒന്നുകിൽ അന്നാകരേനിനയിലെ സ്ത്രീപുരുഷന്മാരെപ്പോലെ അവർ പരസ്പരം ദൈവത്തിനും മനുഷ്യർക്കും ഒറ്റുകൊടുക്കും. അല്ലെങ്കിൽ 'sleeping with the enemy' എന്നസിനിമയിൽ ജൂലിയാ റോബർട്‌സ് അവതരിപ്പിക്കുന്ന കഥാപാത്രത്തെപ്പോലെ, പ്രണയത്തിനും ഹത്യക്കുമിടയിലൂടെയുള്ള ഒരു പ്രാണസഞ്ചാരമാണ് ഓരോ ഇണയുടെയും ജീവിതം എന്നു തെളിയിക്കും.

മലയാളത്തിൽ 'ഉമ്മാച്ചു' എന്ന ഒറ്റസാഹിത്യരചന മാത്രമേയുള്ളൂ ഈയൊരു കാമനാസംഘർഷത്തെ ഉടലിനും ഉയിരിനും തീപിടിപ്പിക്കുന്ന ഭാവസന്ദർഭങ്ങളിലാവിഷ്‌ക്കരിക്കുന്നതായി. പിന്നെ പറയാവുന്നവ സിനിമയിൽ കെ.ജി. ജോർജിന്റെ 'മറ്റൊരാ'ളും നാടകത്തിൽ കുര്യാക്കോസിന്റെ 'കുറ്റവാളിക'ളുമാണ്.

ബംഗാളിഭാഷയിൽ ഇതല്ല അവസ്ഥ. അവിടെ രവീന്ദ്രനാഥ് ടാഗോർ മുതൽ ബുദ്ധദേവബോസ് വരെയുള്ള എഴുത്തുകാരും സത്യജിത്ത് റായി മുതൽ ഋതുപർണഘോഷ് വരെയുള്ള ചലച്ചിത്രപ്രവർത്തകരും തങ്ങളുടെ ഏറ്റവും മികച്ച സൃഷ്ടികൾ മിക്കതിലും അവതരിപ്പിച്ചിട്ടുള്ളത് ഈയൊരു പ്രമേയമാണ്. ഓർക്കുക, 'അന്ന' മുതൽ 'ചാരുലത' വരെയും 'sleeping with the enemy' മുതൽ 'മറ്റൊരാൾ' വരെയുമുള്ള ഓരോ രചനയിലും സ്ത്രീയാണ്, അവളുടെ കാമനാജീവിതമാണ് ആഖ്യാനത്തിന്റെ ഭാവകേന്ദ്രം.

ഇന്ത്യൻ സിനിമയിലെയെന്നല്ല, കലാചരിത്രത്തിലെ തന്നെയും ഏറ്റവും വികാരതീവ്രമായ വിവാഹബാഹ്യപ്രണയം 'ചാരുലത'യിലാണുള്ളത്. രവീന്ദ്രനാഥ ടാഗോറിന്റെ 'നഷ്ടനീഡി'ന് സത്യജിത്ത്‌റായ് നൽകിയ ചലച്ചിത്രാനുകല്പനം. ഇന്ത്യൻ അന്നാകരേനിന. ഈ സിനിമയിൽ ചാരുലതയായഭിനയിച്ച മാധവി മുഖർജി, ഈ സിനിമ കാണുന്നവരുടെ മനസ്സിൽ നിന്ന് ഒരിക്കലും മാഞ്ഞുപോവില്ല. അത്രമേൽ ഭാവബന്ധുരവും പ്രാണസങ്കുലവുമാണ് കഥാപാത്രത്തിലേക്കുള്ള അവരുടെ പരകായപ്രവേശവും ആത്മസാക്ഷാത്കാരവും. ഇന്ത്യൻ ചലച്ചിത്ര പ്രേക്ഷകരുടെ മനസ്സിൽ ഇത്രമേൽ ഹൃദ്യമായി ഇടംപിടിച്ച മറ്റൊരു സ്ത്രീകഥാപാത്രമുണ്ടാവില്ല. ചാരുലതയുടെ പ്രണയസംഘർഷങ്ങൾക്ക് ടാഗോർ പകർന്ന പ്രാണൻ മാത്രമല്ല ഇതിനാധാരം. സൗമിത്രാ ചാറ്റർജി, ശൈലേൻ മുഖർജി എന്നിവരുടെ അഭിനയപിന്തുണ, സത്യജിത്ത്‌റായിയുടെ സംഗീതം എന്നിവ ഇതിനെ സഹായിച്ച രണ്ടു ഘടകങ്ങളാണ്. പക്ഷെ അവയിലെല്ലാമുപരി റായിയുടെ ദൃശ്യഭാവനയും സുബ്രതാമിത്രയുടെ ഛായാഗ്രഹണവും മാധവി മുഖർജിയുടെ അഭിനയമികവുമാണ് ചാരുലതയെന്ന സൗന്ദര്യശില്പത്തിനു രൂപം കൊടുത്തത്. കാൻഫെസ്റ്റിവൽ നിരസിച്ച ഈ ചിത്രം പക്ഷെ ബർഗ്മാനും ഗൊദാർദിനും ഡേവീസ് ലീനിനുമൊക്കെ പ്രിയപ്പെട്ടതായി.

ചാരുലത(യെ) അനശ്വരമാക്കിയ നടനപ്രതിഭയെക്കുറിച്ചുള്ള ഒരാദരഗ്രന്ഥമാണ് രാധിക സി. നായർ എഴുതിയ 'മാധവി മുഖർജി: ബംഗാളിസിനിമയുടെ സുവർണരേഖ'. ഇരുപത്തിരണ്ടാം കേരളരാജ്യാന്തര ചലച്ചിത്രോത്സവത്തിൽ മുഖ്യാതിഥിയായെത്തിയ വേളയിൽ മാധവി മുഖർജിക്കു മലയാള ചലച്ചിത്രലോകം സമ്മാനിച്ച ഉപഹാരമാണ് ഈ ചെറുപുസ്തകം.

അഞ്ചധ്യായങ്ങളുണ്ട് 'സുവർണരേഖ'യിൽ. ബംഗാൾ നവോത്ഥാനം സ്ത്രീക്കു സൃഷ്ടിച്ചുനൽകിയ ദൃശ്യതയും കർതൃത്വവും ലൈംഗിക-സർഗാത്മക സ്വാതന്ത്ര്യങ്ങളുമാണ് ഒന്നാമധ്യായത്തിലെ ചർച്ചാവിഷയം. മാധവി മുഖർജിയുടെ ക്ലാസിക്കായി മാറിയ ചാരുലതയെക്കുറിച്ചാണ് രണ്ടാമധ്യായം. സത്യജിത്‌റായിയുടെതന്നെ മറ്റു രണ്ടു സിനിമകളിലെ മാധവിയെക്കുറിച്ചാണ് മൂന്നാമധ്യായം. മറ്റു സംവിധായകരുടെ സിനിമകളിലഭിനയിച്ച മാധവിയെക്കുറിച്ച് നാലാമധ്യായം. മാധവി മുഖർജിയുടെ ഒരു ലഘുജീവിതചിത്രം അഞ്ചാമധ്യായം. അനുബന്ധമായി, അവരഭിനയിച്ച അറുപത്തഞ്ചു ചിത്രങ്ങളുടെ പട്ടികയും.

ബംഗാൾ നവോത്ഥാനത്തിൽ സ്ത്രീക്കു കൈവന്ന സാംസ്‌കാരിക പദവിയെ രണ്ടു ഘടകങ്ങളിലായി വിശദീകരിക്കുന്ന ഒന്നാമധ്യായം ഈ പുസ്തകത്തിന്റെ ചരിത്രപരവും സൗന്ദര്യശാസ്ത്രപരവുമായ കാവ്യഭൂമികയാണ്. 1800-1950 കാലമാണ് ഒന്നാം ഘട്ടം. സ്ത്രീക്ക് നവോത്ഥാനത്തിന്റെ നാൾവഴികളിൽ കൈവന്ന സ്വത്വപദവികളുടെയും സാമൂഹ്യപ്രതിനിധാനങ്ങളുടെയും സാഹിതീയ, കലാകർതൃത്വങ്ങളുടെയും വിശകലനം, പൊതുഇടങ്ങളിലേക്കുള്ള സ്ത്രീയുടെ കടന്നുവരവ് സാധ്യമാക്കിയ സന്ദർഭങ്ങളും അവ സൃഷ്ടിച്ച മാറ്റങ്ങളും, സ്ത്രീയുടെ ആത്മാവിഷ്‌ക്കാരവും പങ്കാളിത്തവും വിദ്യാഭ്യാസം, തൊഴിൽ, എഴുത്ത്, വായന, കലാപ്രവർത്തനം തുടങ്ങിയ മണ്ഡലങ്ങളിൽ സാധ്യമായ രീതികൾ എന്നിവയൊക്കെ വിശകലനം ചെയ്തുകൊണ്ട് രാജാറാം മോഹന്റോയ് മുതൽ ബങ്കിംചന്ദ്രചാറ്റർജിയും ടാഗോറും വരെയുള്ളവർ നിർവഹിച്ച നേതൃപരമായ ദൗത്യങ്ങൾ ചൂണ്ടിക്കാണിക്കുന്നു, രാധിക.

രണ്ടാംഘട്ടം 1950കൾ തൊട്ടുള്ളതാണ്. ഇവിടെ സിനിമയെ മാത്രം കേന്ദ്രീകരിച്ച് ബംഗാളിസ്ത്രീയുടെ സവിശേഷമായ ചില കൊളോണിയൽ-ആധുനിക പ്രതിനിധാനങ്ങളെ സത്യജിത്‌റായി തൊട്ടുള്ള ചലച്ചിത്രപ്രതിഭകളെ മുൻനിർത്തി വിവരിച്ചുകൊണ്ട് മാധവി മുഖർജിയുടെ ക്ലാസിക്കായ 'ചാരുലത'യിലേക്കു കടക്കുന്നു, രാധിക.

'1942 ഫെബ്രുവരി 10ന് ബംഗ്ലാദേശിൽ ജനിച്ച മാധവി (ആദ്യപേര് മാധുരി എന്നായിരുന്നു)യുടെ അച്ഛൻ ശൈേലന്ദ്ര മുഖോപാധ്യായും അമ്മയും തമ്മിലുണ്ടായ അഭിപ്രായവ്യത്യാസം രൂക്ഷമായപ്പോൾ അമ്മ മാധവിയുമൊത്ത് ബംഗ്ലാദേശിൽ നിന്നും കൽക്കത്തയിലെത്തി. സാമ്പത്തികബാധ്യത അത്ര വലുതായിരുന്നതിനാൽ കൊച്ചുമാധവിക്കും തൊഴിലെടുക്കേണ്ടി വന്നു. സൗന്ദര്യവും അഭിനയശേഷിയുമായിരുന്നു ആകെയുണ്ടായിരുന്ന മൂലധനം. കൊച്ചുമാധവി എട്ടാംവയസ്സിൽ ദുയിബെലായി, കൻകൻതലാ റെയിൽവേസ്റ്റേഷൻ എന്നീ ചിത്രങ്ങളിൽ 1950ൽ ബാലതാരമായി അഭിനയിച്ചു. തുടർന്ന് 1956ൽ ടോൺസിൽ എന്ന ചിത്രത്തിലും 1960ൽ 18-ാമത്തെ വയസ്സിൽ ബൈഷ്‌ണേയ് ശ്രാബെൺ എന്ന ബംഗാളിചിത്രത്തിലും അഭിനയിച്ചു. മധ്യവയസ്‌കനെ വിവാഹം കഴിക്കുന്ന പതിനാറുകാരിയുടെ കഥ പറഞ്ഞ ആ ചിത്രത്തിൽ അഭിനയിക്കാനെത്തിയപ്പോൾ പ്രൊഡ്യൂസർ ബിജോയ്ചാറ്റർജിയാണ് മാധുരിയുടെ പേര് മാധവി എന്നാക്കി മാറ്റിയത്. മൃണാൾ സെന്നായിരുന്നു ചിത്രത്തിന്റെ സംവിധായകൻ.

ബംഗാളിലെ മുൻനിരസംവിധായകരുടെ ചിത്രത്തിലെ അഭിനയത്തിനൊപ്പം ബംഗാൾ നാടകവേദിയെയും മാധവി തന്റെ അഭിനയത്തികവ് കൊണ്ട് കീഴടക്കി. ശിശിർഭാധുരി, അഹീന്ദ്രാചൗധരി, നിർമലേന്ദുലാഹിരി, ഛബ്ബിവിശ്വാസ് തുടങ്ങി ബംഗാളി നാടകവേദിയുടെ അമരക്കാർക്കൊപ്പമെല്ലാം മാധവി അഭിനയിച്ചു. ആ അരങ്ങുജീവിതത്തിന്റെ കരുത്താണ് മാധവിയിലെ അഭിനയപ്രതിഭയ്ക്ക് ചെത്തവും ചൂരും നൽകിയത്'.

രണ്ടാമധ്യായം 'ചാരുലത'യുടെ ഭാവജീവിതമാണ്. നിസംശയം പറയാം, ഇന്ത്യൻ സിനിമയിലെ ഏറ്റവും മികച്ച പ്രണയാവിഷ്‌ക്കാരമാണ് 'ചാരുലത' (1964). സ്ത്രീത്വത്തിന്റെയും കാമനകളുടെയും ആത്മസംഘർഷങ്ങളുടെ അതുല്യമായ ദൃശ്യാനുഭവം. അഭിനയമികവിന്റെ സമാനതകളില്ലാത്ത മാതൃക. മാധവി മുഖർജിയാണ് 'ചാരുലത'യെന്ന ചലച്ചിത്രം പ്രേക്ഷകമനസ്സുകളിൽ അവശേഷിപ്പിക്കുന്ന 'ഏകതാരം'. എഴുത്തുകാരിയും വായനക്കാരിയും ഗായികയും കലാകാരിയും സ്വപ്നം കാണുന്നവളുമൊക്കെയാകുന്നു, ചാരുലത. 1880കളിലെ ബംഗാളി മധ്യവർഗ കുലസ്ത്രീയുടെ ക്ലാസിക് പ്രരൂപം. രാധിക എഴുതുന്നു:

'മാധവി മുഖർജി എന്നാൽ 'ചാരുലത' എന്നാണ് മിക്ക ചലച്ചിത്രപ്രേമികളും ആദ്യമോർക്കുക. അത്രമേലാണ് ആ കഥാപാത്രവും അഭിനേത്രിയും സമരസപ്പെട്ടത്. നോട്ടത്തിലും രൂപത്തിലും ഭാവത്തിലും തികഞ്ഞ അന്തസ്സുപുലർത്തുന്ന കുലീനയായ ഒരു ബംഗാളി വധുവായിരുന്നു അക്ഷരാർത്ഥത്തിൽ മാധവി മുഖർജിയുടെ ചാരുലത. ഒപ്പമഭിനയിച്ച സൗമിത്ര ചാറ്റർജി, ശൈലേൻ മുഖർജി എന്നിവരെ നിഷ്പ്രഭമാക്കുന്ന ചലനങ്ങളും അഭിനയശൈലിയും സൗന്ദര്യവുമായിരുന്നു മാധവിയുടേത്. ഓപെറഗ്ലാസ്സുമായി ഒരു ജനാലയിൽനിന്നു മറ്റൊരു ജനാലയിലേക്ക് ഓടിനടന്ന് നിരത്തിന്റെ കൗതുകക്കാഴ്ചകളിലേക്ക് കൺപായിക്കുമ്പോൾ ആ കണ്ണുകളിലുണ്ടാകുന്ന കുസൃതി മാധവി മുഖർജിയുടെ അഭിനയസവിശേഷതയായിരുന്നു. കുസൃതി, വെറുപ്പ്, ഭയം, പ്രണയം, ആലസ്യം, പരിഹാസം, പുച്ഛം, ദേഷ്യം, വിരഹം എന്നീ വികാരങ്ങളെല്ലാം തന്നെ മുഖചലനങ്ങളിലൂടെ പ്രത്യേകിച്ചും കണ്ണുകളുടെ സവിശേഷമായ ഉപയോഗത്തിലൂടെ മാധവി മുഖർജി പ്രേക്ഷകനെ അനുഭവിപ്പിച്ചു. ചാരുലത അഥവാ ഏകാകിയായ ഭാര്യ എന്നതായിരുന്നു ചലച്ചിത്രത്തിന്റെ പേരെങ്കിലും ആ ചിത്രത്തിലുടനീളമുള്ള തന്റെ സവിശേഷമായ സാന്നിധ്യംകൊണ്ട് മാധവി മുഖർജി 'ചാരുലത' എന്ന പേരിനെ മാത്രം പ്രേക്ഷകമനസ്സിൽ ഉറപ്പിച്ചുനിർത്തി. മാധവി മുഖർജി എന്ന പേരു പരാമർശിക്കുമ്പോഴൊക്കെ സത്യജിത്‌റായിയുടെ ചലച്ചിത്രങ്ങളിലെ നായിക എന്ന രീതിയിലായിരുന്നു ആളുകൾ ആ പേരു പറഞ്ഞിരുന്നത്. ബംഗാളിലെ മറ്റനേകം മഹാസംവിധായകർക്കൊപ്പം - മൃണാൾസെൻ, ഋത്വിക് ഘട്ടക്, മനുസെൻ, പൂർണേന്ദുപത്രി, തരുൺമജുംദാർ, തപൻസിൻഹ, ഉത്പലേന്ദു ചക്രവർത്തി, ഋതുപർണഘോഷ് - അഭിനയിച്ചിട്ടുണ്ടെങ്കിലും റായിയുടെ നായികയായാണ് മാധവി മുഖർജി അറിയപ്പെടുന്നത്. സത്യജിത്‌റായിയോട് തനിക്ക് മാനസികമായി ഉണ്ടായിരുന്ന അടുപ്പത്തെക്കുറിച്ച് മാധവി തന്നെ പിൽക്കാലത്ത് പരാമർശിക്കുകയും ചെയ്തിട്ടുണ്ട്. 'അമി മാധവി' (ഞാൻ മാധവി) എന്ന പേരിൽ എഴുതിയ ആത്മകഥാപുസ്തകത്തിലായിരുന്നു മാധവി മുഖർജിയുടെ ആ വെളിപ്പെടുത്തൽ'.

മൂന്നാമധ്യായം ചാരുലതയ്ക്കു പുറമെയുള്ള മാധവിയുടെ റായ്ചിത്രങ്ങളെക്കുറിച്ചാണ്. 1963ൽ പുറത്തുവന്ന 'മഹാനഗർ', 1965ൽ പുറത്തുവന്ന 'കാപുരുഷ്' എന്നിവയിൽ മാധവി അഭിനയിച്ചു. ഇവയും ദാമ്പത്യത്തിലും പ്രണയത്തിലും സ്ത്രീയനുഭവിക്കുന്ന സംഘർഷങ്ങളുടെ സന്ദേഹപാഠങ്ങളായിരുന്നു. റായ്, മാധവിക്കു നൽകിയ മൂന്നു കഥാപാത്രങ്ങളും വ്യവസ്ഥിതിയോടു കലഹിക്കുന്ന, സ്വന്തം പ്രജ്ഞയിൽ വിശ്വസിക്കുന്ന, പുതിയ കാലത്തിന്റെ പല ഘടകങ്ങളെയും സ്വാംശീകരിക്കുന്ന, സ്ത്രീത്വത്തിന്റെ ആത്മവ്യഥകൾ ലാവണ്യവൽക്കരിക്കുന്നവരാണ്. രാധിക പറയുന്നു:

'തന്റെയുള്ളിലെ തന്നെ, തന്റെ സ്വത്വത്തെ കണ്ടെത്തുന്ന നായികയായി മാധവി മുഖർജിയുടെ വേഷപ്പകർച്ച അസാധാരണമായ അഭിനയത്തികവാണ്. ആത്മനിഷേധത്തിനും ആത്മാഭിമാനത്തിനും ഇടയിൽ ഉള്ള സ്ത്രീത്വത്തിന്റെ പൂർണസാക്ഷാത്കാരമായിരുന്നു മാധവി മുഖർജിയുടെ കഥാപാത്രം. തന്നിലെ തന്നെ, തന്റെ അവകാശങ്ങളെ, മാറുന്ന സമൂഹത്തിൽ തന്റെ സ്ഥാനത്തെ അടയാളപ്പെടുത്തുന്ന സ്ത്രീമുഖമായി മാധവി മുഖർജിയുടെ മുഖം പകരം വയ്ക്കപ്പെടുകയായിരുന്നു റായിയുടെ കഥാപാത്രങ്ങളിലൂടെ'.

ആത്യന്തികമായി റായ്-മാധവി കൂട്ടുകെട്ട് സൃഷ്ടിച്ചത് ബംഗാളി സിനിമയിലെയെന്നല്ല ഇന്ത്യൻ സിനിമയിലെതന്നെ ഏറ്റവും അസാധാരണരായ സ്ത്രീപാഠങ്ങളാണ്.

' 'മഹാനഗറി'ൽ തൊഴിൽ എന്നത് ഒരു അവശ്യമായിരുന്ന സമയത്ത് സ്വന്തം സുഹൃത്തിന് തൊഴിലിടത്തു നേരിടേണ്ടിവന്ന വിവേചനത്തെ എതിർത്തു സംസാരിച്ചുകൊണ്ട് അതിനെതിരെയുള്ള പ്രതിഷേധമായി ജോലി രാജിവയ്ക്കുന്ന ആരതിയെന്ന ധീരകഥാപാത്രമായിരുന്നു മാധവിയെങ്കിൽ രണ്ടാമത്തെ ചിത്രമായ 'ചാരുലത'യിൽ ഭർതൃമതിയായിരിക്കേ സാഹിത്യത്തോടും സംസ്‌കാരത്തോടും പാരമ്പര്യത്തോടുമുള്ള പ്രണയത്താൽ മറ്റൊരു യുവാവിനെ പ്രേമിക്കുന്ന, ആ പ്രേമം തുറന്നുപറയാൻ ധൈര്യം കാണിക്കുന്ന നായികയായിരുന്നു മാധവിയുടെ ചാരുലതയെന്ന കേന്ദ്രകഥാപാത്രം. 20-ാം നൂറ്റാണ്ടിന്റെ മധ്യത്തിൽ അത്തരമൊരു തുറന്നുപറച്ചിൽ സമൂഹത്തിലുണ്ടാക്കിയേക്കാവുന്ന നടുക്കവും അതിന്റെ അനുരണനങ്ങളും ഭീകരമായിരുന്നു. കുലവധുസങ്കല്പത്തെയാണ് അതിലൂടെ റായ് അട്ടിമറിച്ചത്. മാത്രമല്ല പ്രണയം എന്നത് വിവാഹത്തോടെ അവസാനിക്കുന്ന ഒന്നല്ലെന്നും റായ് തെളിയിച്ചു. 'കാപുരുഷി'ലെ കരുണയാകട്ടെ മറ്റൊരു സ്ത്രീയുണർച്ചയെയാണ് അവതരിപ്പിക്കുന്നത്. മൂന്നു കഥാപാത്രങ്ങളും മാധവി മുഖർജിയിൽ ഭദ്രമായിരുന്നു. വർഷങ്ങൾക്കു ശേഷവും റായ് സംവിധാനം ചെയ്ത ചലച്ചിത്രത്തിലെ നായികാസങ്കല്പത്തെക്കുറിച്ചുള്ള ചർച്ച മാധവി മുഖർജി അവതരിപ്പിച്ച ഈ മൂന്നു കഥാപാത്രങ്ങളിൽ ചുറ്റിക്കറങ്ങുന്നുവെങ്കിൽ അതിനുള്ള ക്രെഡിറ്റ് നാം നൽകേണ്ടത് അത് അണിയിച്ചൊരുക്കിയ സംവിധായകപ്രതിഭയ്ക്കു മാത്രമായിട്ടല്ല. കഥാപാത്രമായി ഒളിഞ്ഞും തെളിഞ്ഞും ജീവിക്കുകയും അഭിനയിക്കുകയും ചെയ്ത മാധവി മുഖർജിക്കുമാണ്'.

ചാരുലതയുൾപ്പെടെയുള്ള റായ്ചിത്രങ്ങളാണ് മാധവി മുഖർജിയെ ചരിത്രത്തിൽ പ്രതിഷ്ഠിച്ചതെങ്കിലും റായിചിത്രങ്ങൾക്കു മുൻപും പിൻപുമായി മറ്റനവധി സംവിധായകരുടെ ചിത്രങ്ങളിൽ നായികയായിരുന്നു അവർ. മാധവിക്കു ദേശീയപുരസ്‌കാരം ലഭിക്കുന്നതുപോലും അഞ്ജന ഭൗമിക്, ബസന്ത്ചൗധരി എന്നിവർ ചേർന്നു സംവിധാനം ചെയ്ത 'ദിബ്രത്രീർകാവ്യ'(1973)യിലെ അഭിനയത്തിനാണ്. ഋത്വിക് ഘട്ടക്കിന്റെ 'സുവർണരേഖ'യിലും മൃണാൾസെന്നിന്റെ 'ബൈഷ്‌ണേയ് ശ്രാവണി'ലും പൂർണേന്ദു പത്രിയുടെ 'സ്ത്രീർപത്ര'യിലും ഋതുപർണഘോഷിന്റെ 'ഉത്സബി'ലും തരുൺ മജുംദാറിന്റെ 'ഗണദേവത'യിലും മാധവിയുടെ ഉജ്ജ്വലമായ ഭാവസാന്നിധ്യമുണ്ടായി.

പതിനേഴു ചിത്രങ്ങളിൽ സൗമിത്ര ചാറ്റർജിയായിരുന്നു മാധവിയുടെ നായകൻ. പതിനഞ്ചു ചിത്രങ്ങളിൽ ശുഭേന്ദുചതോപാധ്യായയും.

അതുല്യമായ ഭാവപ്രകടനത്തിനു മാത്രമല്ല, അസാമാന്യമായ അഭിനയവ്യക്തിത്വത്തിനും ഉടമയായിരുന്നു, മാധവി മുഖർജി.

' 'എക്‌സ്ട്രാഓർഡിനറിലി ഓർഡിനറി' എന്നാണ് മൃണാൾസെൻ മാധവിയെ വിശേഷിപ്പക്കുന്നത്. മാധവി അതുതന്നെയായിരുന്നു. അസാധാരണമാംവിധം സാധാരണം. ആ സാധാരണത്വമാണ് ബംഗാളിചലച്ചിത്രലോകം വിട്ട് ഹിന്ദിയിലേക്ക് ചേക്കേറാൻ മാധവിക്കു വിലങ്ങുതടിയായത്. 'മേരാ നാം ജോക്കർ' എന്ന സൂപ്പർഹിറ്റായ രാജ്കപൂർ ചലച്ചിത്രത്തിൽ അഭിനയിക്കാനുള്ള ആഗ്രഹം ഒരു മടിയും കൂടാതെയാണ് മാധവി തട്ടിയെറിഞ്ഞത്. 'എന്റെ ഒരു 'യെസ്' കേൾക്കാൻ ആറുമാസം അദ്ദേഹം കാത്തിരുന്നു. ഞാൻ 'നോ' പറഞ്ഞതിനു കാരണം എനിക്കൊരു താമസസ്ഥലവും, കിടക്കാനൊരു മെത്തയും ജീവൻ നിലനിർത്താനുള്ള ഭക്ഷണവും ഇവിടെ ഉണ്ട് എന്ന ഉറപ്പിലാണ്' '.

ആറുപതിറ്റാണ്ടിലധികം നീണ്ട ചലച്ചിത്രജീവിതത്തിൽ അറുപത്തഞ്ചു സിനിമകൾ. അതിൽ പലതും ഇന്ത്യൻ സിനിമയിലെ ഏറ്റവും മികച്ച സ്ത്രീത്വാവിഷ്‌ക്കാരങ്ങൾ. 'ചാരുലത'യാകട്ടെ, സമാനതകളില്ലാത്ത കാല്പനിക ക്ലാസിക്കും. മാധവി മുഖർജിയുടെ ഭാവജീവിതം ഹ്രസ്വമായാണെങ്കിലും രാഷ്ട്രീയ സൂക്ഷ്മവും സൗന്ദര്യതീഷ്ണവുമായി ഒപ്പിയെടുക്കുകയാണ് രാധിക സി. നായർ.

പുസ്തകത്തിൽനിന്ന്:-

'മൃണാൾസെന്നിന്റെ ചലച്ചിത്രത്തിൽ അഭിനയിച്ചതാണ് മാധവി മുഖർജിയുടെ അഭിനയജീവിതത്തിലെ വഴിത്തിരിവ്. ഒരുനാൾ മാധവിയെത്തേടി സാക്ഷാൽ സത്യജിത്‌റായിയുടെ സന്ദേശമെത്തുന്നു. റായിക്ക് മാധവിയെ നേരിൽക്കണ്ടു സംസാരിക്കണം. 1963 ൽ റായിയുടെ ചലച്ചിത്രത്തിൽ ഒരുവേഷമെങ്കിലും ലഭിക്കുക എന്നത് സൗഭാഗ്യമായിക്കരുതിയ മാധവിയെത്തേടിയെത്തിയത് നായികാപ്രധാനമായ കഥയും നായികാപ്രാധാന്യമുള്ള വേഷവുമായിരുന്നു. വീണ്ടും കാണാമെന്നു പറഞ്ഞു പിരിഞ്ഞ ആ ആദ്യകൂടിക്കാഴ്ചയ്ക്കുശേഷം റായ്, മാധവിക്ക് 'മഹാനഗറി'ന്റെ തിരക്കഥ വായിക്കാൻ കൊടുത്തു. മഹാനഗറിലെ ആരതിയെ മാധവി അവിസ്മരണീയമാക്കി. റായിയുടെ കരവിരുതിൽ മാധവിക്ക് അണിയറ ഒരുങ്ങാൻ തുടങ്ങുകയായി അതോടെ. രബീന്ദ്രനാഥ ടാഗോറിന്റെ നഷ്ടനീഡ് എന്ന കഥയെ മുൻനിർത്തിയുള്ള ചാരുലതയിൽ പിന്നീട് മാധവി ചാരുലതയായി. 'മഹാനഗറിൽ റായിയുമൊത്ത് ജോലി ചെയ്യുമ്പോഴാണ് രബീന്ദ്രനാഥ ടാഗോറിന്റെ നോവെല്ല നഷ്ടനീഡ് അഡാപ്റ്റ് ചെയ്യാൻ പോകുന്നുവെന്ന് റായ് പറഞ്ഞത്. ഞാനാകണം ചാരുലതയെന്നും, ഞാൻ അക്ഷരാർത്ഥത്തിൽ അതിശയിച്ചു. ബംഗാളി അഭിനേത്രിക്ക് ടാഗോറിന്റെ മുഖ്യകഥാപാത്രമായി അഭിനയിക്കാൻ കഴിയുക എന്നത് ഒരു വലിയ ബഹുമതിയായിരുന്നു. റായ് എന്തെങ്കിലും അത്ഭുതം ചെയ്യുമെന്നെനിക്കറിയാമായിരുന്നു' എന്നാണ് ഒരു അഭിമുഖത്തിൽ മാധവി ഇതിനെക്കുറിച്ച് പ്രതികരിച്ചത്. ചാരുലതയാകാൻ മാധവിക്ക് എന്തെങ്കിലും തയ്യാറെടുപ്പുകൾ അധികമായി വേണ്ടിവന്നിരുന്നോ? മുഖാമുഖത്തിൽ മാധവി അതും പറയുന്നു. 'സിനിമ സംവിധാനം ചെയ്തു തുടങ്ങുന്നതിന് മുമ്പ് തന്നെ തന്റെ കഥാപാത്രങ്ങളെക്കുറിച്ച് ദീർഘവീക്ഷണം ചെയ്യാൻ റായിക്കു കഴിഞ്ഞിരുന്നു. കഥാപാത്രങ്ങൾക്കിണങ്ങുംവിധമുള്ള അഭിനേതാക്കളെ തെരഞ്ഞെടുക്കുമായിരുന്നു അദ്ദേഹം. ചാരുലതയ്ക്ക് ഞാൻ തീർത്തും അനുയോജ്യയാണെന്ന് എനിക്കറിയാമായിരുന്നു; അതിനർത്ഥം യുദ്ധം പാതി ജയിച്ചെന്നാണ്. അക്കാലത്ത് ചില കാര്യങ്ങൾ എനിക്കു പഠിക്കേണ്ടതുണ്ടായിരുന്നു. എംബ്രോയിഡറി പോലും. റായ് ഒരു ടീച്ചറെ എനിക്കു തന്നു'. അതായിരുന്നു മഹാസംവിധായകനായ റായിയും മാധവിയും. ഏറ്റവും സൂക്ഷ്മമായ അംശങ്ങളിൽപ്പോലുമുള്ള ശ്രദ്ധ. ആ ചിത്രത്തിലെ തന്റെ രൂപഭാവത്തെക്കുറിച്ചുണ്ടായിരുന്നു മാധവിക്ക് ഏറെപ്പറയാൻ. തികച്ചും പരമ്പരാഗതരീതിയിൽ സാരി ധരിച്ചാണ് മാധവി ആ ചലച്ചിത്രത്തിൽ പ്രത്യക്ഷപ്പെട്ടത്. അങ്ങേയറ്റം ലളിതവും പരമ്പരാഗതരീതിയിലുമായുള്ള മാധവി കാഴ്ചയിൽ ചാരുലതയായി. മെയ്‌ക്കപ്പ് കുറവായിരുന്നു. ക്യാമറാമാൻ സുബ്രതാമിത്രയുടെയും സത്യജിത്‌റായിയുടെയും നിരീക്ഷണം കൃത്യമായിരുന്നു. ആ കുറഞ്ഞ മെയ്‌ക്കപ്പിൽ പരമ്പരാഗത ഉടുത്തുകെട്ടിൽ മാധവി ഒരു കുലീനവധുവായി. ചാരുലതയുടെ തുടക്കസീനുകളിൽ മാധവി ഉപയോഗിച്ച ഓപെറാഗ്ലാസുകളെക്കുറിച്ച് മാധവി പറയുന്നതിങ്ങനെയാണ്. 'അതുണ്ടാക്കിയത് ബൻസിചന്ദ്രഗുപ്തയാണ്. ചാരുലതയും അവളുടെ ഭർത്താവും തമ്മിലുള്ള അകലം സൂചിപ്പിക്കുന്നതിനുപയോഗിക്കുന്ന ഒരു രൂപകം' ആണ് ആ ഗ്ലാസെന്നാണ് റായി മാധവിയോട് പറഞ്ഞത്. വസ്തുക്കൾ തന്നിലേക്കടുപ്പിക്കാനാണ് അവളത് ഉപയോഗിക്കുന്നത്. ഒരു സാധാരണ ഉച്ചയിലെ കാഴ്ചകളിലേക്ക് ചാരുലതയോടൊപ്പം ക്യാമറ ചലിക്കുന്നതിന്റെ ചാരുതയൊന്നും ഷൂട്ടിങ് സമയത്ത് മാധവിക്ക് മനസ്സിലായിരുന്നില്ല. എത്രയോ വിദേശമേളകളിലേക്ക് തിരഞ്ഞെടുക്കപ്പെട്ട ആ ചിത്രത്തിനൊപ്പം പക്ഷേ മാധവി വിദേശത്തേക്കൊന്നും പോയില്ല. ബർലിൻ മേളയിൽ പോകാൻ മാധവിക്ക് ഒരവസരം ഉണ്ടായതാണ്. പക്ഷേ മാധവി പോയാൽ ഒപ്പമഭിനയിച്ച നടൻ ശൈലേൻ മുഖർജിക്ക് പോകാനാകില്ല. അതിനാൽ മാധവി പിന്മാറി. ലോകസിനിമയിലെ ചില പ്രധാനപ്പെട്ട സിനിമകൾക്കൊപ്പം ചാരുലതയിൽ ഓപെറഗ്ലാസുമായി നിൽക്കുന്ന ചാരുലതയെന്ന മാധവിയെ ഏതോ ഒരു വിദേശമേളയിൽ കണ്ടപ്പോൾ താൻ അഭിമാനത്താൽ വിജൃംഭിതനായിപ്പോയതിനെപ്പറ്റി ചലച്ചിത്രകാരൻ ഋതുപർണഘോഷ് സംസാരിച്ചിരുന്നുവെന്നും ഒരഭിമുഖത്തിൽ മാധവി പറയുന്നു'.

മാധവി മുഖർജി: ബംഗാളിസിനിമയുടെ സുവർണരേഖ
രാധിക സി. നായർ
കേരളസംസ്ഥാന ചലച്ചിത്ര അക്കാദമി
2017, വില: 50 രൂപ. 

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
'ചന്ദ്രനുദിക്കുന്ന ദിക്കിൽ' കാലത്തുതന്നെ എല്ലാം ആരംഭിച്ചിരുന്നു; ഞാനതെല്ലാം ശരിക്കും ആസ്വദിച്ചു; 'മീശമാധവൻ' ആയപ്പോഴേക്കും വേർപിരിയാനാവാത്ത വിധം അടുത്തുപോയി; മീശമാധവൻ ദിലീപേട്ടന്റെ സ്വന്തം ടീമിന്റേതല്ലേ; അവിടെ എല്ലാ സ്വാതന്ത്ര്യവും ഉണ്ടായിരുന്നു; എന്റെ അരയിൽ നിന്നും 'അരഞ്ഞാണം ഊരിയെടുക്കുമ്പോൾ തിരക്കഥയിൽ ഇല്ലാത്ത അഭിനയം ഉണ്ടാകും' എന്നു പറഞ്ഞിരുന്നു; ഞാൻ തെറ്റായി ഒന്നും വിചാരിച്ചില്ല...: വിവാഹത്തിന് തൊട്ടുമുമ്പ് കാവ്യ ആത്മഹത്യക്ക് ശ്രമിച്ച സാഹചര്യവുമായി പല്ലിശ്ശേരിയുടെ പരമ്പര
പിണറായിയുടെ മകൻ അബുദാബി എച്ച്എസ്‌ബിസിയിൽ മാനേജർ; മകൾ വീണ ഐടി കമ്പനി സിഇഒ; കോടിയേരിയുടെ മക്കൾ റേഞ്ച് റോവറിൽ കറങ്ങുന്ന ദുബായിലെ കോടീശ്വരന്മാർ; മന്ത്രി എകെ ബാലന്റെ ഒരു മകൻ പാരീസിൽ.. മറ്റൊരു മകന്റെ വിദ്യാഭ്യാസം ഹോളണ്ടിൽ; രണ്ടുമക്കളും അമേരിക്കയിലുള്ള നേതാവായി മന്ത്രി തോമസ് ഐസക്ക്; മന്ത്രി ഇപി ജയരാജന്റെ രണ്ടു മക്കൾക്കും ഗൾഫ് ബന്ധങ്ങൾ; പാവങ്ങളെ പോലും വെട്ടിക്കൊന്ന് സിപിഎം അധികാരം ഉറപ്പിക്കുമ്പോഴും സ്വന്തം മക്കളുടെ ജീവിതം നേതാക്കൾ സുരക്ഷിതമാക്കുന്നത് ഇങ്ങനെ
ബോംബ് പൊട്ടിയാണ് മരിക്കുന്നതെങ്കിൽ വീട്ടിൽ വരുന്ന ശവപ്പെട്ടി തുറന്നു നോക്കരുത്; വീട്ടുകാർക്ക് മരിച്ചയാളുടെ പര്യവസാനം ഉറപ്പിക്കാനായി ആചാരപരമായി ചെയ്യുന്ന ഒരു കാര്യമാണ് ഈ പെട്ടി അയക്കൽ! പട്ടാളക്കാരന്റെ ജോലി എന്നാൽ മറ്റേതൊരാളുടെയും ജോലി പോലെ എന്ന് പറയുന്ന ഫേസ്‌ബുക്ക് ബുദ്ധിജീവികളോട് ഒരു ലോഡ് പുച്ഛം; തീവ്രവാദികളെ ഉണ്ടാക്കുന്നത് അറിവിന്റെ അഭാവവും; ഭീകരവാദം: ഇതൊരു ചെറിയ കളിയല്ല: മുരളി തുമ്മാരുകുടി എഴുതുന്നു
സംഘർഷമുണ്ടാക്കി നേതാവാകുന്ന തന്ത്രം പയറ്റുന്ന സമർത്ഥൻ; വ്യക്തിപരമായ പ്രശ്നങ്ങളെ പാർട്ടി പ്രശ്നമാക്കി വലുതാക്കി ചിത്രീകരിക്കുന്ന വിരുതൻ; തീരുമാനിക്കുന്നത് എന്തും നടപ്പാക്കാൻ എന്തിനും തയ്യാറായി നിൽക്കുന്ന വിശ്വസ്തരുടെ നേതാവും; എതിരഭിപ്രായമുണ്ടെങ്കിലും ആരും പുറത്തു പറയാൻ മടിക്കുന്നതിന് കാരണം പാർട്ടിയിലെ ഉന്നത ബന്ധങ്ങളും; ലോക്കൽ കമ്മറ്റി അംഗമെങ്കിലും സ്ഥാനം സെക്രട്ടറിക്ക് മുകളിലും! പെരിയയിൽ കാട്ടു നീതി നടപ്പാക്കിയ പീതാംബരൻ കല്യോട്ടെ രാഷ്ട്രീയക്കാരിൽ കുപ്രസിദ്ധൻ
ദുബൈയിൽ ടാക്‌സി ഓടിച്ച് തുടക്കം; കിട്ടുന്ന കാശിൽ മിച്ചം പിടിച്ച് മൂന്ന് ലോറിസ്വന്തമാക്കിയെങ്കിലും ഒരു ലോറി മറിഞ്ഞതോടെ പ്രവാസ ജീവിതത്തിൽ കാത്തിരുന്നത് പട്ടിണിയും സാമ്പത്തിക ബാധ്യതയും; ഇളയകുഞ്ഞിന് പാല് വാങ്ങാൻ പോലും കാശില്ലാത്ത അവസ്ഥയിൽ നിന്നും ഇപ്പോൾ എത്തി നില്ക്കുന്നത് മമ്മൂട്ടി ചിത്രത്തിന്റെ നിർമ്മാതാവായി; 30 കോടി മുടക്കി മധുരരാജ നിർമ്മിക്കുന്ന കുന്നംകുളം കാരനായ നെൽസൺ ഐപ്പിന്റെ കഥ
തദ്ദേശിയരുടെ സഹായത്തോടെ ജെയ്‌ഷെ നേതാക്കളുടെ ലിസ്റ്റ് തയ്യാറാക്കി അക്രമത്തിന് കോപ്പ് കൂട്ടി സേന; ഇന്ത്യക്കൊപ്പം എന്ന വ്യാജേന കാശ്മീരിൽ ഭീകര പ്രവർത്തനം നടത്തുന്ന എല്ലാ സംഘടനകളേയും കൈവിട്ടതോടെ കുറച്ചു പേർ തല്ലി ചാകുമെന്ന് കണക്ക് കൂട്ടൽ; കൊല്ലപ്പെടാതിരിക്കാൻ സാധാരണ ജനങ്ങൾക്കും സേനയുടെ മുന്നറിയിപ്പ്; ഏത് നിമിഷവും യുദ്ധത്തിനുള്ള തയ്യാറെടുപ്പോടെ സൈന്യം മുമ്പോട്ട്; ഒപ്പം തുണയുമായി സിആർപിഎഫും ബിഎസ്എഫും
പാക്കിസ്ഥാനെതിരെ പറയാൻ എംബിഎസിനെ കിട്ടില്ല; പുൽവാമയിലെ സൈനികരുടെ ജീവത്യാഗവും പ്രശ്‌നമല്ല; ഭീകരതയ്‌ക്കെതിരെ ഒരുമിച്ച് പോരാടാമെന്ന സ്ഥിരം പല്ലവിയിൽ ഒതുക്കി സംയുക്ത പ്രസ്താവന; സൽമാൻ രാജകുമാരന്റെ സന്ദർശനം ഇന്ത്യക്ക് നൽകുന്നത് നിരാശ മാത്രം; റിയാദിനെ കൂടെ കൂട്ടാൻ ആവുന്നതെല്ലാം ചെയ്ത മോദി തന്ത്രങ്ങൾക്ക് തിരിച്ചടി; പാക്കിസ്ഥാന്റെ 'തീവ്രവാദ വിരുദ്ധ' ഉദ്യമങ്ങളെ പ്രകീർത്തിച്ചയാൾക്ക് പ്രോട്ടോക്കോൾ ലംഘിച്ച് വൻ വരവേൽപ്പ് നൽകിയതിനെ വിർശിച്ച് കോൺഗ്രസും
എന്തുകൊണ്ടാണ് ഐഎസിനും, അൽഖായിദക്കും ഇസ്രയേലിന്റെ രോമത്തിൽപോലും തൊടാൻ കഴിയാത്തത്! രാജ്യത്തെ സാമ്പത്തികമായ തകർക്കുന്ന യുദ്ധമല്ല കാശ്മീരിലെ കൊലകൾക്ക് പോംവഴി; ഇല്ലാതാക്കേണ്ടത് ജെയ്‌ഷേ മുഹമ്മദിനെയും അതിന്റെ തലവൻ മൗലാനാ മസൂദ് അസറിനെയുമാണ്; അതിനു ശാസ്ത്രത്തെയും സാങ്കേതികവിദ്യയെയും കൂട്ടുപിടിച്ച് ഇസ്രായിലിന്റെ പാതയാണ് നാം പിന്തുടരേണ്ടത്; വികാര പ്രകടനങ്ങളും ബഡായികളുമല്ല വിവേകമാണ് രാജ്യത്തെ നയിക്കേണ്ടത്
'ടിക്ക് ടോക്കിൽ' തലവെച്ച് മരണത്തിൽ നിന്നും രക്ഷപെട്ടത് തലനാരിഴയ്ക്ക് ! കടലുണ്ടിക്കടവ് പാലത്തിന് മുകളിൽ നിന്നും ചാടി ടിക്ക് ടോക്ക് വീഡിയോ എടുക്കാൻ ശ്രമിച്ച പത്തു വിദ്യാർത്ഥികളുടെ പ്രാണൻ രക്ഷിച്ചത് മത്സ്യത്തൊഴിലാളികൾ; സംഭവം ഹർത്താൽ ദിനത്തിൽ; പേടി തൊട്ടുതീണ്ടാത്ത ഇവർ പാലത്തിൽ നിന്നും ചാടുന്ന ദൃശ്യങ്ങളും മത്സ്യത്തൊഴിലാളികൾ രക്ഷിക്കുന്നതും സമൂഹ മാധ്യമത്തിൽ
ബുഷിന്റെ തലവെട്ടി സൂപ്പുണ്ടാകുമെന്നു പറഞ്ഞ സദാം ഹുസൈൻ എവിടെ? അമേരിക്കയെ ബോംബിട്ടു മരുഭൂമി ആകുമെന്ന് പറഞ്ഞ ഗദ്ദാഫിക്ക് എന്തു പറ്റി? ബ്രിട്ടീഷ് സാമ്രാജ്യം തകർത്തു എന്ന് വീമ്പിളക്കിയ ഇദി ആമീനും അമേരിക്ക തകർന്നു കഴിഞ്ഞു എന്ന് അവകാശപ്പെട്ട ഒസാമ ബിൻ ലാദനും എന്തുപറ്റി? ഇന്ത്യയുടെ കണ്ണ് ചൂഴ്‌ന്നെടുക്കുമെന്ന് ഭീഷണിപ്പെടുത്തിയ പാക് മന്ത്രിയെ പരിഹസിച്ച് സോഷ്യൽ മീഡിയ
ട്രോളിയിൽ രോഗിയെ കൊണ്ടുവരുന്നത് കണ്ട് ട്രേ വച്ചത് രോഗിയുടെ കാലിനടുത്ത്; നേഴ്‌സ് കരഞ്ഞ് മാപ്പുപറഞ്ഞിട്ടും മറ്റു ജീവനക്കാർ അഭ്യർത്ഥിച്ചിട്ടും കനിയാതെ ശിക്ഷ വിധിക്കൽ; കയറി കട്ടിൽ കിടക്കൂ എന്ന ആക്രോശിച്ച് കാടത്തം കാട്ടിയത് സർജ്ജറി വിഭാഗം മേധാവി; പീഡിപ്പിച്ചത് സൗജ്യന സേവനത്തിന് എത്തിയ നേഴ്‌സിനെ; പ്രതിസ്ഥാനത്ത് പിജിക്കാരെ കൊണ്ട് ബാത്ത് റൂം കഴുകിച്ച ഡോക്ടർ; ഡോ ജോൺ എസ് കുര്യൻ വീണ്ടും വിവാദത്തിൽ; നടപടി സ്ഥലം മാറ്റത്തിൽ ഒതുങ്ങും
ജെസ്ന പോയത് അന്യമതസ്ഥനായ കാമുകനൊപ്പമോ? ബംഗളൂരുവിലെ ഇൻഡസ്ട്രിയൽ ഏരിയായ ജിഗിണിയിൽ താമസം; നിത്യവൃത്തിക്ക് വ്യാജപ്പേരിൽ കമ്പനിയിൽ ജോലിയും; ആളെ തിരിച്ചറിയാതിരിക്കാൻ പല്ലിൽ ഇട്ടിരുന്ന കമ്പി ഊരിമാറ്റി; ദിവസവും കുർത്തയും ജീൻസും ധരിച്ച് പോകുന്ന പെൺകുട്ടിയെ തിരിച്ചറിഞ്ഞത് മലയാളിയായ കടക്കാരനും; ജെസ്‌ന ജീവിച്ചിരിക്കുന്നെന്ന് പൊലീസ് സ്ഥിരീകരിച്ചത് ഇയാൾ കൈമാറിയ വീഡിയോ പരിശോധനയ്ക്ക് ശേഷം; മുക്കൂട്ടുതറയിലെ തിരോധാനത്തിൽ നിർണ്ണായക ട്വിസ്റ്റെന്ന് സൂചന
ഉറങ്ങാൻ കിടക്കുന്നത് ഭാര്യയ്‌ക്കൊപ്പം കട്ടിലിൽ; ഭാര്യ ഉറക്കം പിടിച്ചാൽ കട്ടിലിൽ നിന്ന് താഴെയിറങ്ങി പായിൽ മകൾക്കൊപ്പം കിടക്കും; ഭീഷണിപ്പെടുത്തിയും കരയുമ്പോൾ വായപൊത്തിപ്പിടിച്ചും പതിമൂന്നുകാരിയുടെ മേൽ കാമഭ്രാന്ത് തീർത്ത് നരാധമനായ പിതാവ്; ഒരുവർഷത്തോളം നടന്ന പീഡനം പെൺകുട്ടി തുറന്നുപറഞ്ഞത് പെരുമാറ്റത്തിൽ പൊരുത്തക്കേടുകണ്ട് അദ്ധ്യാപികമാർ ആവർത്തിച്ച് ചോദിച്ചതോടെ; 43കാരനായ ക്രൂരപിതാവിനെ അറസ്റ്റുചെയ്ത് പൊലീസ്; പെരുമ്പൂവൂരിൽ നിന്ന് കേരളത്തെ ഞെട്ടിക്കുന്ന പോക്‌സോ പീഡനം
എന്തുകൊണ്ടാണ് ഐഎസിനും, അൽഖായിദക്കും ഇസ്രയേലിന്റെ രോമത്തിൽപോലും തൊടാൻ കഴിയാത്തത്! രാജ്യത്തെ സാമ്പത്തികമായ തകർക്കുന്ന യുദ്ധമല്ല കാശ്മീരിലെ കൊലകൾക്ക് പോംവഴി; ഇല്ലാതാക്കേണ്ടത് ജെയ്‌ഷേ മുഹമ്മദിനെയും അതിന്റെ തലവൻ മൗലാനാ മസൂദ് അസറിനെയുമാണ്; അതിനു ശാസ്ത്രത്തെയും സാങ്കേതികവിദ്യയെയും കൂട്ടുപിടിച്ച് ഇസ്രായിലിന്റെ പാതയാണ് നാം പിന്തുടരേണ്ടത്; വികാര പ്രകടനങ്ങളും ബഡായികളുമല്ല വിവേകമാണ് രാജ്യത്തെ നയിക്കേണ്ടത്
മഞ്ജു ചേച്ചിയോട് നിങ്ങളുടെ റിലേഷൻഷിപ്പിനെ കുറിച്ച് ആരൊക്കെയോ ധരിപ്പിച്ചിട്ടുണ്ട്; അക്കാര്യം മനസ്സിലാക്കിയതോണ്ടാ നിന്റെ വിവാഹത്തിനു ദിലീപേട്ടൻ സമ്മതിച്ചത്; മഞ്ജു ചേച്ചിയുടെ കണ്ണ് മൂടിക്കെട്ടാൻ ഒരു തന്ത്രം; നിന്നെ മറ്റാർക്കും വിട്ടു കൊടുക്കില്ല എന്നാണ് ദിലീപേട്ടൻ എന്നോട് പറഞ്ഞത്; നിങ്ങൾ രണ്ടുപേരും ഒപ്പം വേണമെന്നാണ് ദിലീപേട്ടന്റെ ആഗ്രഹം; 'ചതിക്കാത്ത സുജ' പറഞ്ഞതുകേട്ട് ഞെട്ടി കാവ്യ: ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്- പല്ലിശ്ശേരിയുടെ പരമ്പര തുടരുന്നു
മുൻനിരയിൽ ഇരിപ്പിടം ലഭിച്ചില്ല; ദുബായിലെ ലോകകേരള സഭാ വേദിയിൽ പൊട്ടിത്തെറിച്ച് ചീഫ് സെക്രട്ടറി ടോം ജോസ്; ഞാൻ ആരാണെന്നാണ് കരുതിയത്? സംസ്ഥാനത്തിന്റെ ചീഫ് എക്സിക്യൂട്ടീവ് ഓഫീസർക്ക് ഇങ്ങനെയാണോ ഇരിപ്പിടം ഒരുക്കുന്നതെന്ന് ചോദിച്ച് കോപം കൊണ്ടു ജ്വലിച്ചു; മുഖ്യമന്ത്രി വേദിയിലിരിക്കെ സദസ് വിട്ട് പോകാനൊരുങ്ങിയ ചീഫ്സെക്രട്ടറിയെ അനുനയിപ്പിക്കാൻ പണിപ്പെട്ട് നോർക്ക ഉദ്യോഗസ്ഥർ; ഒടുവിൽ ചീഫ് സെക്രട്ടറിക്കായി പ്രത്യേക നിര ഒരുക്കി; പ്രവാസി വ്യവസായികൾക്ക് മുന്നിൽ ഇന്നലെ നടന്ന 'കസേരകളി'യുടെ കഥ
കാശ്മീരിനെ രക്ഷിക്കാൻ യുദ്ധം ഏതുനിമിഷവും: മിന്നലാക്രമണമോ മിസൈൽ ആക്രമണമോ ആദ്യം തുടങ്ങേണ്ടതെന്ന് ആലോചന; സർവ സന്നാഹവുമായി ഉത്തരവ് കാത്ത് കര, വ്യോമ സേനകളുടെ കമാൻഡോ വിഭാഗങ്ങൾ; കപ്പലുകൾ എല്ലാം മിസൈലുകൾ തൊടുക്കാവുന്ന നിർണായക പോർമുഖങ്ങളിലേക്ക്; അതിർത്തിയിൽ ആകാശ് മിസൈലുകൾ വിന്യസിച്ചു; ബിൻലാദനെ അമേരിക്ക ഇല്ലാതാക്കിയ പോലെ മസൂദ് അസറിനെ ഇന്ത്യൻ കമാൻഡോ ഓപ്പറേഷനിൽ തീർക്കണമെന്നും ആവശ്യം; ഇന്ന് നാലുപേർ കൂടി കൊല്ലപ്പെട്ടതോടെ ശത്രുക്കളെ തുടച്ചുനീക്കാൻ ശപഥം ചെയ്ത് സേന
ജയിച്ചാലും തോറ്റാലും സ്വർഗം കിട്ടുന്ന അപൂർവ ഗെയിം; പ്രതീക്ഷിക്കുന്നത് മദ്യപ്പുഴയും 72 ഹൂറിമാരുമൊക്കെയുള്ള മത സ്വർഗ്ഗം; ഓരോ ജിഹാദിയും വിശ്വസിക്കുന്നു ഇത് വിശുദ്ധയുദ്ധമാണെന്ന്; മതം തന്നെയാണ് ഭീകരത! ജെയ്ഷെ മുഹമ്മദ് എന്ന വാക്കിന്റെ അർഥം തന്നെ മുഹമ്മദിന്റെ സൈന്യം എന്നും; ഈ വീഡിയോ നിങ്ങളിലെത്തുമ്പോഴെക്കും ഞാൻ സ്വർഗത്തിലെത്തിയിരിക്കുമെന്ന് ചാവേർ പറഞ്ഞതും ഈ വിശ്വാസത്താൽ; ആടുമെയ്‌ക്കൽ സംഘങ്ങൾ പലതവണയുണ്ടായ കേരളവും കശ്മീരിൽ നിന്നുപഠിക്കണം ഒരുപാട്
എറണാകുളത്തും ഇടുക്കിയിലും കോട്ടയത്തും യുഡിഎഫ് തരംഗം; ആറ്റിങ്ങലിലും കൊല്ലത്തും എൽഡിഎഫ് മുന്നേറ്റം; കടുത്ത മൽസരം നടക്കുന്ന ആലപ്പുഴയിലും തിരുവനന്തപുരത്തും യുഡിഎഫിന് നേരിയ മുൻതൂക്കം; തിരുവനന്തപുരത്ത് ഒരു ശതമാനം വോട്ടിൽ ബിജെപി മൂന്നാമത്; മുഴുവൻ മണ്ഡലങ്ങളിലെയും മറുനാടൻ സർവേ ഫലം പുറത്തുവരുമ്പോൾ 9 സീറ്റുമായി എൽഡിഎഫും 11 സീറ്റുമായി യുഡിഎഫും മുന്നിൽ; ബിജെപിക്ക് ബാക്കിയാകുന്നത് കുമ്മനത്തെ ഇറക്കിയാൽ തിരുവനന്തപുരം പിടിക്കാം എന്ന പ്രതീക്ഷ മാത്രം
എട്ട് മാസമായി വീട്ടിൽ നിന്നും ഇറങ്ങിയിട്ട്; ചർച്ചകളും സ്‌ക്രിപ്റ്റുമൊക്കെയായി എപ്പോഴും തിരക്ക്; തലയിലും മുഖത്തും നര വീണു; ഇനിയും സംവിധാനമെന്ന് പറഞ്ഞിറങ്ങിയാൽ ഞാനും ആലിയും മുംബൈയിലേക്ക് തിരിച്ച് പോകുമെന്ന ഭീഷണിയുമായി സുപ്രിയ; താനൊരു സാത്താൻ ആരാധകനാണോയെന്ന ചോദ്യങ്ങൾക്ക് മറുപടി നല്കി പൃഥിയും; താരകുടുംബത്തിന്റെ വിശേഷങ്ങൾ ഇങ്ങനെ
ഒരു രസത്തിനു തുടങ്ങി അടിമയായി പോയ യുവതി; ഭർത്താവിന്റെ മദ്യപാനശീലവും ബോധം കെട്ടുള്ള ഉറക്കവും ലൈംഗിക വൈകൃതങ്ങൾ ബാലന് മേൽ പ്രയോഗിക്കാൻ പ്രേരണയായി; ഒൻപതുകാരന്റെ അമ്മയുമായി ഉണ്ടായിരുന്ന അടുപ്പം നാലാം ക്ലാസുകാരനെ യുവതിയുടെ അടുക്കൽ എത്തിച്ചു; കുട്ടിയുടെ രോഗം പറഞ്ഞ് പണം പിരിച്ച് അടിച്ചു പൊളിച്ചു; ഡോക്ടറോട് പറഞ്ഞത് പൊലീസിനോടും കുട്ടി ആവർത്തിച്ചപ്പോൾ പീഡകയ്ക്ക് പോക്‌സോയിൽ ജയിൽ വാസം; കാടപ്പാറ രാജിയുടെ വൈകൃതങ്ങൾ പിടിക്കപ്പെടുമ്പോൾ
മദ്യപിച്ച് ഭർത്താവുറങ്ങുമ്പോൾ അതേ മുറിയിൽ നാലാം ക്ലാസുകാരനുമായി കാമകേളി; ഇഷ്ടങ്ങൾ മുഴുവൻ നടത്തിച്ച് സംതൃപ്തി നേടി യുവതി നയിച്ചത് അടിപൊളി ജീവിതം; റെയിൽവേ സ്റ്റേഷനിൽ അഭയം തേടിയ അമ്മയ്ക്കും മകനും മാനസിക പിന്തുണ നടിച്ചെത്തി ചെയ്തതുകൊടുംക്രൂരത; ലിവർ കാൻസർ രോഗിയായ ഒൻപതു വയസ്സുകാരനുമായി ഇരുപത്തിയഞ്ചുകാരി ഗോവയിലും ചുറ്റിക്കറങ്ങി; കുട്ടിയുടെ ദേഹത്തെ തടിപ്പുകളും വ്രണങ്ങളും സംശയമായപ്പോൾ കൗൺസിലിങ്; രാജി കാട്ടിക്കൂട്ടിയത് മനസാക്ഷിയെ ഞെട്ടിക്കുന്ന ക്രൂരത
വിവാഹ ചിത്രത്തിൽ വധുവിന് വരനേക്കാൾ പ്രായം കൂടുതൽ തോന്നിയാൽ സദാചാര കമ്മറ്റിക്കാർക്ക് എന്താണ് പ്രശ്നം? കണ്ണൂർ ചെറുപുഴയിലെ 25കാരൻ യുവാവ് 48കാരിയെ വധുവാക്കിയെന്ന് വിവാഹ പരസ്യത്തിലെ ചിത്രം ചൂണ്ടി സൈബർ ലോകത്ത് കുപ്രചരണം; പഞ്ചാബ് യൂണിവേഴ്സിറ്റിയിലെ അടുപ്പം വിവാഹത്തിൽ കലാശിച്ചപ്പോൾ ഇരിക്കപ്പൊറുതി ഇല്ലാതായത് കുന്നായ്മക്കാർക്ക്; വധുവിന് പ്രായം കുറവെന്ന് വീട്ടുകാർ തറപ്പിച്ചു പറഞ്ഞിട്ടും കുപ്രചരണം തുടരുന്നതിൽ മനോവിഷമത്തിൽ നവദമ്പതികൾ
ട്രോളിയിൽ രോഗിയെ കൊണ്ടുവരുന്നത് കണ്ട് ട്രേ വച്ചത് രോഗിയുടെ കാലിനടുത്ത്; നേഴ്‌സ് കരഞ്ഞ് മാപ്പുപറഞ്ഞിട്ടും മറ്റു ജീവനക്കാർ അഭ്യർത്ഥിച്ചിട്ടും കനിയാതെ ശിക്ഷ വിധിക്കൽ; കയറി കട്ടിൽ കിടക്കൂ എന്ന ആക്രോശിച്ച് കാടത്തം കാട്ടിയത് സർജ്ജറി വിഭാഗം മേധാവി; പീഡിപ്പിച്ചത് സൗജ്യന സേവനത്തിന് എത്തിയ നേഴ്‌സിനെ; പ്രതിസ്ഥാനത്ത് പിജിക്കാരെ കൊണ്ട് ബാത്ത് റൂം കഴുകിച്ച ഡോക്ടർ; ഡോ ജോൺ എസ് കുര്യൻ വീണ്ടും വിവാദത്തിൽ; നടപടി സ്ഥലം മാറ്റത്തിൽ ഒതുങ്ങും
ജെസ്ന പോയത് അന്യമതസ്ഥനായ കാമുകനൊപ്പമോ? ബംഗളൂരുവിലെ ഇൻഡസ്ട്രിയൽ ഏരിയായ ജിഗിണിയിൽ താമസം; നിത്യവൃത്തിക്ക് വ്യാജപ്പേരിൽ കമ്പനിയിൽ ജോലിയും; ആളെ തിരിച്ചറിയാതിരിക്കാൻ പല്ലിൽ ഇട്ടിരുന്ന കമ്പി ഊരിമാറ്റി; ദിവസവും കുർത്തയും ജീൻസും ധരിച്ച് പോകുന്ന പെൺകുട്ടിയെ തിരിച്ചറിഞ്ഞത് മലയാളിയായ കടക്കാരനും; ജെസ്‌ന ജീവിച്ചിരിക്കുന്നെന്ന് പൊലീസ് സ്ഥിരീകരിച്ചത് ഇയാൾ കൈമാറിയ വീഡിയോ പരിശോധനയ്ക്ക് ശേഷം; മുക്കൂട്ടുതറയിലെ തിരോധാനത്തിൽ നിർണ്ണായക ട്വിസ്റ്റെന്ന് സൂചന
കാവ്യമാധവനിൽ നിന്നും ഊറ്റി എടുക്കാവുന്നതെല്ലാം എടുത്ത ശേഷം ദിലീപ് ഒഴിവാക്കാൻ ശ്രമിച്ചു..! തന്ത്രം മനസിലാക്കിയ കാവ്യ മറ്റ് നായകർക്കൊപ്പം സിനിമ കമ്മിറ്റ് ചെയ്തപ്പോൾ ഒരിക്കലും കൈവിടില്ലെന്ന് ഉറപ്പു നൽകി കൂടെ നിർത്തി; ലയൺ സിനിമയിലെ വിവാഹരംഗം സിനിമാ സീഡിയിൽ കവർ അടിക്കാൻ പ്ലാൻ ചെയ്തു; സിനിമയിൽ നിന്നും പി ശ്രീകുമാറിനെ മാറ്റിയത് തന്ത്രപരമായി; അനൂപ് ചന്ദ്രനെയും ഇല്ലാക്കഥ പറഞ്ഞ് സിനിമയിലെ വഴിമുടക്കി: പല്ലിശേരിയുടെ തുറന്നു പറച്ചിൽ തുടരുന്നു
ദിലീപേട്ടാ, ഇതെന്റെ ജീവിതമാണ്....; ഞാൻ എന്തു ചെയ്യണം; ദിലീപേട്ടന്റെ തീരുമാനമാണ് എന്റേതും ഒടുവിൽ ഞാൻ ചതിക്കപ്പെടരുത്; കല്ല്യാണ നിശ്ചയകാര്യം കാവ്യ അറിയിച്ചത് നിയന്ത്രണംവിട്ട കരച്ചിലിലൂടെ; കരഞ്ഞാൽ താനും നിയന്ത്രണം വിട്ടു കരയുമെന്ന നമ്പറിൽ എല്ലാം പറഞ്ഞൊതുക്കി നായകന്റെ സൂപ്പർ ഇടപെടൽ; ദിലീപിനെകുറിച്ചു കേട്ട വാർത്ത ഒരു ചെവിയിലൂടെ കേട്ടു മറു ചെവിയിലൂടെ കളഞ്ഞ് മഞ്ജുവും; ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്: പല്ലിശേരി പരമ്പര തുടരുന്നു
നാലാം വയസിൽ സ്‌കൂൾ സ്‌കിറ്റിനായി വിവാഹം; 22 വർഷങ്ങൾക്ക് ശേഷം പള്ളുരുത്തി ഭവാനി ശിവക്ഷേത്രത്തിൽ വെച്ച് ആ 'കുട്ടിക്കളി'യിലെ കഥാപാത്രങ്ങൾ ജീവിതത്തിൽ ഒരുമിച്ചു; 'നമുക്ക് ഒന്നുകൂടി വിവാഹം ചെയ്താലോ' എന്ന ആർമ്മി ക്യാപ്ടന്റെ സന്ദേശത്തിന് യേസ് മൂളി വനിതാ ഡോക്ടർ; സിനിമാക്കഥകളിലെ അനശ്വര വിവാഹ മുഹൂർത്തങ്ങളെ അനുസ്മരിപ്പിക്കും വിധത്തിൽ ആര്യശ്രീയുടെ കഴുത്തിൽ താലികെട്ടി ശ്രീരാം
ഉറങ്ങാൻ കിടക്കുന്നത് ഭാര്യയ്‌ക്കൊപ്പം കട്ടിലിൽ; ഭാര്യ ഉറക്കം പിടിച്ചാൽ കട്ടിലിൽ നിന്ന് താഴെയിറങ്ങി പായിൽ മകൾക്കൊപ്പം കിടക്കും; ഭീഷണിപ്പെടുത്തിയും കരയുമ്പോൾ വായപൊത്തിപ്പിടിച്ചും പതിമൂന്നുകാരിയുടെ മേൽ കാമഭ്രാന്ത് തീർത്ത് നരാധമനായ പിതാവ്; ഒരുവർഷത്തോളം നടന്ന പീഡനം പെൺകുട്ടി തുറന്നുപറഞ്ഞത് പെരുമാറ്റത്തിൽ പൊരുത്തക്കേടുകണ്ട് അദ്ധ്യാപികമാർ ആവർത്തിച്ച് ചോദിച്ചതോടെ; 43കാരനായ ക്രൂരപിതാവിനെ അറസ്റ്റുചെയ്ത് പൊലീസ്; പെരുമ്പൂവൂരിൽ നിന്ന് കേരളത്തെ ഞെട്ടിക്കുന്ന പോക്‌സോ പീഡനം
ചീഫ് ജസ്റ്റീസിന്റെ പതിവില്ലാത്ത ഗൗരവവും രോഷവും താക്കീതും നൽകുന്ന സൂചനയെന്ത്? ചീഫ് ജസ്റ്റീസും ജസ്റ്റീസ് ഖാൻവിൽക്കറും മൗനം പാലിച്ചത് എന്തുകൊണ്ട്? ജസ്റ്റീസ് നരിമാൻ പല തവണ ഇടപെട്ടിട്ടും വിധിയെ അനുകൂലിക്കുന്ന ജസ്റ്റീസ് ചന്ദ്രചൂഡ് പ്രതികരിക്കാത്ത് എന്തുകൊണ്ട്? ജസ്റ്റീസ് ഇന്ദു മൽഹോത്ര ഹിന്ദുമതാചാര നിയമം ചോദിച്ചത് എന്തിന്? ശബരിമല പുനപരിശോധനാ ഹർജികളിലെ വിധിയിൽ അനുകൂലിക്കുന്നവരും പ്രതികൂലിക്കുന്നവരും പ്രതീക്ഷ പുലർത്തുന്നത് മൂന്ന് ജഡ്ജിമാരുടെ മൗനവും ശരീര ഭാഷയും വിലയിരുത്തി