1 usd = 70.71 inr 1 gbp = 91.12 inr 1 eur = 80.07 inr 1 aed = 19.25 inr 1 sar = 18.85 inr 1 kwd = 232.62 inr

Feb / 2019
16
Saturday

പത്രം, ചരിത്രം

July 17, 2016 | 12:45 PM IST | Permalink



പത്രം, ചരിത്രം

ഷാജി ജേക്കബ്

ച്ചടിച്ച വാക്കിനെ ദേശീയതയുടെ വാസ്തു ശില്പി (Architect of Nationalism) എന്നുവിളിച്ചത് മാർഷൽ മക്‌ലൂഹനാണ്. സാങ്കേതികത, മാദ്ധ്യമം, സംസ്‌കാരം എന്നീ മൂന്നു മണ്ഡലങ്ങളിലും അച്ചടിയും അച്ചടിച്ച വാക് രൂപങ്ങളും സൃഷ്ടിച്ച രാഷ്ട്രീയങ്ങളിൽ ഏറ്റവും പ്രമുഖം ദേശീയതയാണ് എന്നേ ഇതിനർഥമുള്ളു. മറ്റനവധി സാംസ്‌കാരിക രാഷ്ട്രീയങ്ങളുടെയും വാസ്തുശില്പിയാണ് അച്ചടിച്ച വാക്ക്. ഒരർഥത്തിൽ ആധുനികതയുടെ തന്നെ രൂപമഞ്ജരി. പത്രമാസികകളും പുസ്തകങ്ങളും ചേർന്നു പൂരിപ്പിച്ച അച്ചുകൂടങ്ങളുടെയും അക്ഷരലോകങ്ങളുടെയും നിർമ്മിതിയാണ് വാർത്ത മുതൽ സാഹിത്യം വരെയുള്ള ഓരോ വ്യവഹാരവും. മുഖ്യമായും കഴിഞ്ഞ നൂറ്റാണ്ടിന്റെ ഒന്നാം പകുതിയിൽ മലയാളത്തിൽ പത്രങ്ങൾ സൃഷ്ടിക്കുകയോ സാക്ഷ്യം വഹിക്കുകയോ ചെയ്ത ചരിത്രാനുഭവങ്ങളെ വസ്തുതാപരമെന്നപോലെ തന്നെ ഭാവനാത്മകവും നാടകീയവുമായവലോകനം ചെയ്യുന്ന പഠനമാണ് എം. ജയരാജിന്റെ ഈ പുസ്തകം.

മലയാളപത്രങ്ങളുടെ ചരിത്രവും വർത്തമാനവും ചർച്ചചെയ്തും പത്രസ്ഥാപനങ്ങളും പത്രാധിപന്മാരും പുലർത്തിയ രാഷ്ട്രീയ - സാമൂഹിക നിലപാടുകൾ വിശദീകരിച്ചും അച്ചടിമാദ്ധ്യമങ്ങളുടെ സാങ്കേതികസ്വരൂപങ്ങൾ സംഗ്രഹിച്ചും ഭിന്നങ്ങളായ മാദ്ധ്യമമണ്ഡലങ്ങൾ പരിചയപ്പെടുത്തിയും മാതൃഭൂമിയിലെ ചില സവിശേഷ വാർത്തകൾ മുൻനിർത്തി 1924-1960 കാലത്തെ സാമൂഹ്യ, ചരിത്ര ജീവിതലോകങ്ങൾ വ്യാഖ്യാനിച്ചും ദൃശ്യ, നവമാദ്ധ്യമകാലത്തെ പത്രസംസ്‌കാരം വിശകലനം ചെയ്തും മുന്നേറുന്ന വേറിട്ടൊരു പുസ്തകമാണിത്.

'അച്ചടിമാദ്ധ്യമത്തിന്റെ ഭൂതകാലം' എന്ന ഒന്നാം ഭാഗത്ത് ഏഴധ്യായങ്ങളുണ്ട്. ഇന്ത്യയിലും കേരളത്തിലും അച്ചടിവിദ്യരൂപംകൊണ്ട കാലത്തിന്റെ അവലോകനമാണ് ആദ്യ രണ്ടധ്യായങ്ങൾ. ചൈനയിൽ നിന്നു യൂറോപ്പിലെത്തിയ അച്ചടിവിദ്യ, കടലാസിലെ കലാരൂപമായി ലോകമെങ്ങും വ്യാപിച്ചതിന്റെ കഥപറയുന്ന ജയരാജ്, കൊളോണിയൽ ആധുനികത ഇന്ത്യയിൽ സൃഷ്ടിച്ച ഏറ്റവും വലിയ വിപ്ലവമായി ഈ സംസ്‌കാരത്തെ വിശദീകരിക്കുന്നു. ആധുനികതയുടെയും നവോത്ഥാനത്തിന്റെയും ദേശീയതയുടെയും ജനാധിപത്യത്തിന്റെയും പൗരാവകാശങ്ങളുടെയും രാഷ്ട്രീയ പൊതുമണ്ഡലത്തിന്റെയുമൊക്കെ മുന്നുപാധിയെന്ന നിലയിൽ പത്രങ്ങൾ നിർവ്വഹിച്ച ദൗത്യങ്ങളുടെ വിശകലനം. കെ. നടരാജന്റെ 'ഇന്ത്യൻ പത്രപ്രവർത്തനചരിത്രം', പുതുപ്പള്ളി രാഘവന്റെ 'കേരള പത്രപ്രവർത്തന ചരിത്രം' എന്നീ ഗ്രന്ഥങ്ങൾ മുഖ്യമായും ആശ്രയിച്ചുള്ള രചനകൾ.

മലയാളത്തിൽ വിദേശ-മിഷനറി പത്രപ്രവർത്തനത്തിനുശേഷം വന്ന നാട്ടു പ്രസാധകരുടെയും നാട്ടുപത്രാധിപന്മാരുടെയും ചരിത്രമാണ് മൂന്നാമധ്യായം. കണ്ടത്തിൽ വർഗീസ് മാപ്പിള (കേരളമിത്രം, മലയാളമനോരമ), ചെങ്കുളത്തു കുഞ്ഞിരാമമേനോൻ(കേരള പത്രിക), കെ. രാമകൃഷ്ണപിള്ള (കേരളദർപ്പണം, കേരള പഞ്ചിക, മലയാളി, സ്വദേശാഭിമാനി....) വക്കം അബ്ദുൾഖാദർ മൗലവി എന്നിവരുടെ സാമൂഹിക ജീവിതം വിശകലനം ചെയ്യുകയാണ് ഇവിടെ.

ഇരുപതാം നൂറ്റാണ്ടിന്റെ തുടക്കത്തിൽ മലയാള പത്രങ്ങൾ ഏറ്റെടുത്ത രണ്ട് പ്രഖ്യാപിത രാഷ്ട്രീയങ്ങളുടെ വിശകലനമാണ് അടുത്ത രണ്ടധ്യായങ്ങൾ. യഥാക്രമം, സാമൂഹ്യഅനാചാരങ്ങൾക്കെതിരെ യുള്ള(പ്രധാനമായും ജാതി, മതം തുടങ്ങിയവയുടെ അടിസ്ഥാനത്തിലുള്ള) മാദ്ധ്യമ ഇടപെടലുകളും ദേശീയ - സ്വാതന്ത്ര്യസമരത്തിലെ പങ്കാളിത്തവും. സുജനാനന്ദിനി, കേരളകൗമുദി, മിതവാദി തുടങ്ങിയ പത്രങ്ങളിലൂടെ സി.വി. കുഞ്ഞിരാമനും കെ. സുകുമാരനും സി. കൃഷ്ണനും മറ്റും ഉയർത്തിയ സാമൂഹ്യ വിപ്ലവത്തിന്റെ അലയൊലികൾ; സമദർശി, കേസരി, ഉണ്ണി നമ്പൂതിരി തുടങ്ങിയ പ്രസിദ്ധീകരണങ്ങളിലൂടെ എ. ബാലകൃഷ്ണപിള്ളയും. വി.ടി. ഭട്ടതിരിപ്പാടും മറ്റും ഇളക്കിവിട്ട കൊടുങ്കാറ്റുകൾ എന്നിവ ജയരാജ് ചർച്ചചെയ്യുന്നു.

കുറൂർ നീലകണ്ഠൻ നമ്പൂതിരിപ്പാട് (ലോകമാന്യൻ), എ.കെ. പിള്ള (സ്വരാട്), കെ.പി. കേശവമേനോൻ (മാതൃഭൂമി), മുഹമ്മദ് അബ്ദുർ റഹ്മാൻ (അൽ അമീൻ), ടി.ആർ. കൃഷ്ണസ്വാമി അയ്യർ (യുവഭാരതം),യു. ഗോപാലമേനോൻ, കെ.പി. കുഞ്ഞുണ്ണിമേനോൻ (നവീനകേരളം), കെ.ജി. ശങ്കരൻ (മലയാള രാജ്യം), എം. മാത്തുണ്ണി (ഭജേഭാരതം), മൊയ്യാരത്തു ശങ്കരൻ(കേരള കേസരി), എ.കെ. കുഞ്ഞുണ്ണി നമ്പ്യാർ(സ്വാഭിമാനി), അംശിനാരയണപിള്ള(മഹാത്മാ), പി. കുഞ്ഞിരാമൻ നായർ(നവജീവൻ), ഇ.എം.എസ്(പ്രഭാതം), വി.ആർ കൃഷ്ണനെഴുത്തച്ഛൻ(ദീനബന്ധു) എന്നിങ്ങനെ എത്രയെങ്കിലും പേർ നേതൃത്വം കൊടുത്ത മലയാളപത്രങ്ങൾ 1920-40 കാലത്ത് ദേശീയപ്രസ്ഥാനത്തിന്റെ ഭാഗമായി രൂപംകൊണ്ടു. കെ.പി. കേശവമേനോന്റെയും 'മാതൃഭൂമി'യുടെയും കഥ ജയരാജ് സവിസ്തരം പ്രതിപാദിക്കുന്നു, ഈയധ്യായത്തിൽ.

സാഹിത്യപത്രപ്രവർത്തനം, വനിതാ പത്രപ്രവർത്തനം എന്നീ രണ്ടു വിഷയങ്ങളുടെ അവലോകനമാണ് അടുത്ത അധ്യായം. മുൻ അധ്യായങ്ങളിൽ വിശകലനം ചെയ്ത കേരളീയ രാഷ്ട്രീയ പൊതുമണ്ഡലത്തിന്റെ ചരിതമായി ഈയധ്യായം മാറുന്നു. വിദ്യാവിലാസിനി, വിദ്യാവിനോദിനി, ജനരഞ്ജിനി, കവനോദയം, രസികരഞ്ജിനി, മംഗളോദയം തുടങ്ങിയ പ്രസിദ്ധീകരണങ്ങളാണ് മലയാള സാഹിത്യത്തിന്റെ ആധുനികീകരണത്തിനു വഴിവച്ചത്. ഒപ്പം, സാഹിത്യസംഘടനകൾ, സംവാദങ്ങൾ തുടങ്ങിയവയുടെ ഇടപെടലും. 'മാതൃഭൂമി' ആഴ്ചപ്പതിപ്പിന്റെ ചരിത്രം ജയരാജ് വേറിട്ടെടുത്തു പരിശോധിക്കുന്നു. മലയാളത്തിലെ സാഹിത്യ പത്രപ്രവർത്തനത്തിൽ ആഴ്ചപ്പതിപ്പിനുള്ള പങ്ക്, രാഷ്ട്രീയ പത്രപ്രവർത്തനത്തിൽ മാതൃഭൂമി പത്രത്തിനുള്ള പങ്കിനു സമാനമാണെന്നു സ്ഥാപിക്കുകയാണ് ജയരാജ്.

(എം.എൻ. വിജയൻ എഡിറ്റു ചെയ്ത് കേരള സാഹിത്യ അക്കാദമി പ്രസിദ്ധീകരിച്ച 'നമ്മുടെ സാഹിത്യം, നമ്മുടെ സമൂഹം' എന്ന ബൃഹദ്‌ഗ്രന്ഥ പരമ്പര മുതൽ സുഭാഷ് ചന്ദ്രന്റെ 'മനുഷ്യന് ഒരാമുഖം' എന്ന നോവൽ വരെ, പല സംരംഭങ്ങളിലും ആധുനിക മലയാളിയുടെ സാംസ്‌കാരിക ജീവചരിത്രം പറയാൻ 'മാതൃഭൂമി'യാണ് ഉപയോഗപ്പെടുത്തിയിട്ടുള്ളത്. പഴക്കത്തിലും പ്രചാരത്തിലും മുൻപിൽ മലയാളമനോരമയായിട്ടും എന്തുകൊണ്ടാവാം 'മാതൃഭൂമി'ക്ക് ഇത്തരമൊരു സാംസ്‌കാരിക മേൽക്കോയ്മ മലയാളത്തിൽ കൈവന്നത്? സംശയം വേണ്ട, ഈ പത്രത്തിന്റെ സവർണഹിന്ദു സ്വത്വം തന്നെയാണ് അതിനു കാരണം.)

മലയാളത്തിലെ ആദ്യകാല വനിതാ പത്രപ്രവർത്തകർ, അവരുടെ രാഷ്ട്രീയ, സാഹിത്യ പത്രപ്രവർത്തനം എന്നിവ വിശദീകരിക്കുന്നു, ഈയധ്യായത്തിന്റെ രണ്ടാംഭാഗം. 'കേരളീയ സുഗുണബോധിനി' മുതൽ 'ശാരദ'വരെ; ടി.സി. കല്യാണിയമ്മ മുതൽ ടി.സി. കമല വരെ- രാഷ്ട്രീയ, സാഹിത്യ പത്രപ്രവർത്തനങ്ങളുടെ നാനാലോകങ്ങളിൽ ഇടപെട്ട മലയാളിസ്ത്രീകളുടെ ഒരുസംക്ഷിപ്തചരിത്രം ഇവിടെയുണ്ട്.

അച്ചടിസാങ്കേതികത മലയാളത്തിൽ വികസിച്ചു വന്നതിന്റെ കഥ പറയുന്നു, ഒന്നാംഭാഗത്തെ അവസാന അധ്യായം. അവിടെയും 'മാതൃഭൂമി'തന്നെയാണ് ജയരാജിന് ആകരം.

'മാറുന്ന കാലം, മാറുന്ന ശൈലി' എന്ന രണ്ടാം ഭാഗത്ത് 1924 മുതൽ 1960 വരെ, മാതൃഭൂമി പത്രത്തിൽ വന്ന കൗതുകകരവും ശ്രദ്ധേയവുമായ ചില വാർത്തകൾ മുൻനിർത്തി അക്കാലത്തിന്റെ സവിശേഷമായ ഒരു രാഷ്ട്രീയ ചരിത്രമെഴുതുകയാണ് ജയരാജ്. ഈ പുസ്തകത്തിന്റെ സിംഹഭാഗവും ഈ ചരിത്രാന്വേഷണമാണ്. അൻപതിലധികം വാർത്തകളും അവയുടെ ചരിത്രസന്ദർഭങ്ങളെക്കുറിച്ചുള്ള അവലോകനങ്ങളും. 1924 ജനുവരി 26ന് ലെനിന്റെ മരണം റിപ്പോർട്ട് ചെയ്ത മാതൃഭൂമി നോക്കുക:

'കുറച്ചുകാലമായി രോഗം പിടിപ്പെട്ട് കിടപ്പിലായിരുന്ന റഷ്യൻ റിപ്പബ്ലിക്കിന്റെ പ്രസിഡന്റായ പ്രസിദ്ധപ്പെട്ട ലെനിൻ മരിച്ചു പോയതായി അറിയുന്നു. ലെനിന്റെ ശത്രുക്കൾ അദ്ദേഹം മരിച്ചു എന്നുള്ള പ്രസ്താവം ഇതിനുമുൻപ് പലപ്രാവിശ്യം പരത്തുകയുണ്ടായിട്ടുണ്ട്. ഈ പ്രാവിശ്യം അദ്ദേഹം യഥാർഥമായി മരിച്ചിട്ടുണ്ടെന്നുതന്നെ തീർച്ചപ്പെടുത്തണമെന്നാണ് തോന്നുന്നത്. മരിച്ചു എന്നുള്ള വർത്തമാനം റഷ്യൻ ഗവൺമെന്റുതന്നെയാണ് പ്രസിദ്ധപ്പെടുത്തിയിരിക്കുന്നത്. അതുകൊണ്ട് അത് വിശ്വസിക്കാവുന്നതാണ് '.

കുമാരനാശാൻ ബോട്ട് മുങ്ങി മരിച്ച വാർത്ത, മരണം നടന്ന് അഞ്ചാം ദിവസം മാതൃഭൂമിയിൽ വന്നതാണ് മറ്റൊന്ന് . കൊടുങ്ങല്ലൂർ ഭരണിപ്പാട്ട് നിരോധിച്ചതും പുനഃസ്ഥാപിച്ചതും (1932), സി. കേശവന്റെ വിഖ്യാതമായ കോഴഞ്ചേരി പ്രസംഗം(1935), കയ്യൂർ സമരം(1941), ഇ.എം.എസും കോൺഗ്രസ്സ് ദേശീയ നേതൃത്വവും തമ്മിലുണ്ടായ തർക്കങ്ങൾ(1937), പുന്നപ്രവയലാർ സമരം(1946),മൊറാഴ(1940), കാവുമ്പായി(1946), ഒഞ്ചിയം(1948) മുനയൻകുന്ന്(1948) സമരങ്ങൾ, പി.കൃഷ്ണപിള്ള(1948), ഗാന്ധിജി(1948), ചങ്ങമ്പുഴ(1948) കേസരി ബാലകൃഷ്ണപിള്ള(1960) തുടങ്ങിയവരുടെ മരണം, ഇടപ്പള്ളി പൊലീസ്‌സ്റ്റേഷൻ ആക്രമണം(1950) ടി.വി. തോമസ്- ഗൗരിയമ്മ വിവാഹം(1957), വിദ്യാഭ്യാസബിൽ(1957) കാർഷികബന്ധബിൽ(1957), വിമോചനസമരം(1959) അങ്കമാലി, ചെറിയതുറ വെടിവയ്പുകൾ(1959) എന്നിങ്ങനെ നിരവധി സന്ദർഭങ്ങൾ 'മാതൃഭൂമി'യിൽ അവയെക്കുറിച്ചുവന്ന വാർത്തകൾ മുൻനിർത്തി വിശകലനം ചെയ്യുകയാണ് ഗ്രന്ഥകാരൻ. 'മാതൃഭൂമി'യുടെ തന്നെ നിലപാടിനുവിരുദ്ധമായി, ഇടതുപക്ഷാനുഭാവം പ്രകടമാകും വിധമാണ്‌വിഷയങ്ങളുടെ തെരഞ്ഞെടുപ്പും വിശകലനവും. പത്രവാർത്തകൾ ചരിത്രത്തിന്റെ പാഠമാതൃകയായി മാറുന്നതിന്റെ മികച്ച ഉദാഹരണങ്ങൾ അങ്ങേയറ്റം കൗതുകകരമാണ്, ഇന്നു വായിക്കുമ്പോൾ അന്നത്തെ മാതൃഭൂമി വാർത്തകളുടെ രാഷ്ട്രീയം. ദേശീയപ്രസ്ഥാനത്തിനു നൽകിപ്പോന്ന കലവറയില്ലാത്ത പിൻതുണ, ഗാന്ധിയൻ രാഷ്ട്രീയത്തോടുള്ള കടുത്ത പ്രതിപത്തി, ഗാന്ധിഭക്തി, കമ്യൂണിസത്തോടുള്ള വിയോജിപ്പ്, കമ്യൂണിസ്റ്റ് സർക്കാരിനെതിരെ സ്വീകരിച്ച നിലപാട്, വിമോചന സമരത്തിനു നൽകിയ പിന്തുണ എന്നിങ്ങനെ ഓരോ വിഷയത്തിലും സന്ദർഭത്തിലും 'മാതൃഭൂമി'യുടെ രാഷ്ട്രീയം ദേശീയ-ജനാധിപത്യനിലപാടുകളിൽ ഉറച്ചുനിന്നുള്ളവയായിരുന്നു.

രസകരമായവിവാദങ്ങൾ സൃഷ്ടിക്കുന്നതിൽ അന്നും മാതൃഭൂമിക്കു താല്പര്യക്കുറവേതുമുണ്ടായിരുന്നില്ല. പള്ളത്തുരാമന്റെ ഒരു പ്രസംഗം മാതൃഭൂമി ലേഖകൻ റിപ്പോർട്ടു ചെയ്ത് സൃഷ്ടിച്ച പുകിലുകൾ നോക്കുക:

'വള്ളത്തോൾക്കവിത ജീവകാംശം നശിച്ച ധവളായമാനമായ ചാക്കരിക്കു സാമാനമാണ്. അതിർകവിഞ്ഞ ആശയപൗഷ്‌കല്യംകൊണ്ട് ആശാന്റെയും അങ്ങേയറ്റത്തെ പദലാളിത്യംകൊണ്ട് വള്ളത്തോളിന്റെയും കവിതകൾക്ക് ന്യൂനതകൾ സംഭവിച്ചിട്ടുണ്ട്. ഉള്ളൂരിന്റേത് അത്യധികം ശുഷ്‌കവുമാണ്.'

'ഇന്ത്യക്കാർ നിരായുധരാണെങ്കിലും മഹാത്മജിയുടെ അക്രമരാഹിത്യത്തിൽക്കൂടി ഇന്ത്യയ്ക്ക് സ്വാതന്ത്ര്യം ലഭിക്കുമെന്ന് എനിക്ക് തോന്നുന്നില്ല ആയുധമെടുത്ത് യുദ്ധം ചെയ്യാൻ അർജുനനെ ഉപദേശിച്ച ശ്രീകൃഷ്ണനായിരിക്കണം നമ്മുടെ മാതൃക. ഗാന്ധിജി ആദർശശാലിയും ത്യാഗിയും ചിന്തകനുമാണെങ്കിലും അദ്ദേഹത്തെ അനുകരിക്കുകയാണെങ്കിൽ നാമെല്ലാം അർധനഗ്നന്മാരായിത്തീരാനാണ് വഴിയുള്ളത്. ഇന്ത്യക്കാർ സസ്യഭക്ഷണം ഉപേക്ഷിച്ച് ഗോമാംസം ഭക്ഷിക്കേണ്ടതാണ്. അതാണ് സ്വാമി വിവേകാനന്ദന്റെ ഉപേദശം'

പി. കൃഷ്ണപിള്ളയുടെ മരണം മാതൃഭൂമി റിപ്പോർട്ടു ചെയ്തതിങ്ങനെയാണ്.

മി. പി. കൃഷ്ണപിള്ള പാമ്പുകടിയേറ്റു മരിച്ചുവെന്ന റിപ്പോർട്ട് കോഴിക്കോട്, ഓഗസ്റ്റ് 20

കേരളത്തിലെ ഒരു പ്രമുഖ കമ്മ്യൂണിസ്റ്റ് പ്രവർത്തകനായ മി. പി. കൃഷ്ണപിള്ള ഇന്നലെ ആലപ്പുഴവച്ചു പാമ്പുകടിയേറ്റു മരിച്ചതായി കോഴിക്കോട് കമ്യൂണിസ്റ്റ് പാർട്ടി ഓഫീസ്സിൽ ഇന്നലെ രാത്രി വിവരം കിട്ടിയിരിക്കുന്നു. ഔദ്യോഗികവൃത്തങ്ങളിൽ അന്വേഷിച്ചതിൽ അവിടങ്ങളിൽ യാതൊരു വിവരവും ലഭിച്ചിട്ടില്ലെന്നാണു പറഞ്ഞതു. മി. കൃഷ്ണപിള്ള പൊലീസിനു പിടികിട്ടേണ്ട ഒരു പ്രതിയാണ്. അയാളെ പിടിക്കുകയോ അതിനു സഹായിക്കുന്ന വിവരങ്ങൾ നൽകുകയോ ചെയ്യുന്നവർക്ക് 200ക. സമ്മാനം കൊടുക്കുന്നതാണെന്നു ഗവർമ്മെണ്ട് പ്രസിദ്ധപ്പെടുത്തിയിരുന്നു.

മതാത്മകരാഷ്ട്രീയത്തിനും ആൾദൈവപൂജകൾക്കും അപകടകരമാംവിധം പ്രചാരം നൽകുന്ന ഇന്നത്തെ മാതൃഭൂമിയുടെ അവസ്ഥയുടെ പശ്ചാത്തലത്തിൽ ജയരാജ് നടത്തുന്ന ഈ നിരീക്ഷണം ഏറെ ശ്രദ്ധാർഹമാകുന്നു:

1947 -വരെ അനാചാരങ്ങൾ, അന്ധവിശ്വാസങ്ങൾ, ജാതിമത ചിന്തകൾ എന്നിവയ്‌ക്കെതിരെയും സമത്വം, സ്വാതന്ത്ര്യം, നീതി എന്നിവയ്ക്ക് വേണ്ടിയും ശക്തമായ നിലപാടുകൾ എടുക്കുന്നതിൽ മലയാളപത്രങ്ങൾ പൊതുവെ സമാനവീക്ഷണം പുലർത്തിയിരുന്നു. 1947-നു ശേഷം സാമൂഹിക വീക്ഷണത്തിലും സമീപനത്തിലും വ്യത്യസ്ത നിലപാടുകൾ സ്വീകരിക്കുമ്പോഴും ദൈവത്തിന്റെയും മതത്തിന്റെയും ഭക്തിയുടെയും പേരിൽ ചിലർ നടത്തുന്ന തട്ടിപ്പുകൾ പൊതുസമൂഹത്തിനു മുൻപിൽ തുറന്നുകാണിക്കുന്നതിൽ ഏകാഭിപ്രായം നിലനിർത്തിയിരുന്നു. 1970-കളിൽ എത്തിയപ്പോഴേക്കും ഈ വിഷയത്തിൽ മാദ്ധ്യമനിലപാടുകളിൽ പ്രത്യക്ഷമായ മാറ്റങ്ങൾ കണ്ടുതുടങ്ങി. ജാതി-മത സ്വാധീനം വാർത്തകളിൽ പ്രകടമായിത്തുടങ്ങി. 1970-നു ശേഷം പുഷ്ടിപ്പെട്ട ആൾദൈവങ്ങളുടെയും ആധ്യാത്മികതാചാര്യന്മാരുടെയും കണക്കെടുത്താൽ ഇത് കൂടുതൽ സ്പഷ്ടമാകും.

കർഷകബന്ധബിൽ, വിദ്യാഭ്യാസബിൽ തുടങ്ങിയവയോട് മാതൃഭൂമിക്ക് അനുഭാവമാണുണ്ടായിരുന്നതെന്ന് ജയരാജ് പറയുന്നുണ്ടെങ്കിലും വിമോചനസമരത്തോട് പത്രം കൈക്കൊണ്ട സമീപനം മറ്റൊന്നായിരുന്നു. തെരഞ്ഞെടുപ്പിലെ കമ്യൂണിസ്റ്റ് വിജയത്തോടാകട്ടെ മാതൃഭൂമിക്ക് തെല്ലും ആഭിമുഖ്യമുണ്ടായിരുന്നുമില്ല. മലയാളമനോരമയും കേരളഭൂഷണവും മറ്റും ചെയ്തതുപോലെ, ഇംഗ്ലീഷിൽ മുഖപ്രസംഗമെഴുതി നെഹ്‌റുവിനെ സ്വാധീനിക്കാൻ ശ്രമിച്ചില്ല എന്നു മാത്രമേയുള്ളു. മത-ജാതി- വർഗീയ ശക്തികളുടെ പക്ഷം ചേർന്ന് കമ്യൂണിസ്റ്റ് സർക്കാരിനെതിരെ യുദ്ധം ചെയ്തു, മനോരമയെങ്കിൽ ഗാന്ധിയൻ ജനാധിപത്യബോധം മുൻനിർത്തി കമ്യൂണിസ്റ്റ് ഭരണത്തെ എതിർത്തു, മാതൃഭൂമി. മന്ത്രിസഭപിരിച്ചുവിട്ടതിനെ സ്വാഗതം ചെയ്ത 'മാതൃഭൂമി' മന്നത്തു പത്മനാഭന്റെ പ്രസ്താവന ഒന്നാം പേജിൽ പ്രസിദ്ധീകരിച്ചു. അതിൽ ഇങ്ങനെ വായിക്കാം.

'...... നമ്മുടെ സമരം ഇതുകൊണ്ടവസാനിക്കുന്നില്ലെന്ന് ഓർമിക്കുക. ജനാധിപത്യത്തെയും ധാർമികമൂല്യങ്ങളെയും കുഴിച്ചുമൂടാൻ സൃഷ്ടിക്കപ്പെട്ടിട്ടുള്ള ഈ കമ്യൂണിസത്തെ നമ്മുടെ നാട്ടിൽനിന്നും വേരോടെ നശിപ്പിക്കുന്നതുവരെ നമുക്ക് വിശ്രമിക്കാൻ പാടുള്ളതല്ല. അതിനാൽ ഈ ദേശീയ മഹാവിപത്തിനെ നിശ്ശേഷം ദുരീകരിക്കുന്നതുവരെ സർവാത്മനാ പ്രവർത്തിക്കുമെന്ന് ഒരു ധീര പ്രതിജ്ഞയെടുക്കേണ്ടതും ഈ സന്ദർഭത്തിലാണ്. കരതോറും യോഗങ്ങൾകൂടി ഈ വിധം ഒരു പ്രതിജ്ഞ പ്രമേയരൂപത്തിൽത്തന്നെ എഴുതിവായിക്കുകയും എല്ലാവരും എഴുന്നേറ്റുനിന്ന് ഈശ്വരനെ സാക്ഷിയാക്കിക്കൊണ്ട് അംഗീകരിക്കുകയും ചെയ്യണമെന്ന് ഞാൻ അഭ്യർത്ഥിക്കുന്നു.... കമ്യൂണിസമെന്നാൽ അതിത്ര ഭയങ്കര വിപത്താണെന്ന് നാം അറിഞ്ഞിരുന്നില്ല. ആ അവിവേകം നമുക്ക് വരുത്തിവച്ച വേദന 28 മാസക്കാലം നാം മതിയാവോളം അനുഭവിക്കുകയും ചെയ്തു. ഒരൊറ്റ സീറ്റിലും ജനാധിപത്യത്തിന്റെ ഘാതകനായ കമ്യൂണിസ്റ്റുകാരൻ വരാൻ ഇടവരാതെ ശക്തിയേറിയ പ്രവർത്തനങ്ങൾ രാജ്യത്തുടനീളം ആരംഭിക്കുക. നമ്മുടെ നാടിന്റെ സുകൃതക്ഷയം നിശ്ശേഷം മാഞ്ഞുമായട്ടെ. ഈശ്വരൻ നമ്മെ അനുഗ്രഹിക്കട്ടെ.'

മൂന്നാംഭാഗത്ത് മൂന്നുലേഖനങ്ങളുണ്ട്. 'മാതൃഭൂമി'യ്ക്കുശേഷം മലയാളത്തിലുണ്ടായ പ്രധാനവർത്തമാനപ്പത്രങ്ങളെക്കുറിച്ചാണ് ആദ്യലേഖനം. ദേശഭിമാനി, ജനയുഗം, വീക്ഷണം, ജന്മഭൂമി, സിറാജ്, മാദ്ധ്യമം, മംഗളം, തേജസ്..... തുടങ്ങിയ പത്രങ്ങളെക്കുറിച്ചും നിലവിൽ മലയാളപത്രങ്ങൾ പൊതുവിൽ കൈവരിച്ചു കഴിഞ്ഞ സാങ്കേതിക-മാദ്ധ്യമ സ്വഭാവങ്ങളെക്കുറിച്ചും ജയരാജ് വിവരിക്കുന്നു. സാമൂഹ്യമാദ്ധ്യമങ്ങളും ടെലിവിഷനും പത്രങ്ങൾക്കുയർത്തുന്ന വെല്ലുവിളികളെക്കുറിച്ചാണ് അടുത്ത ലേഖനങ്ങൾ. പൊതുവെ മലയാളമാദ്ധ്യമങ്ങൾ മതപ്രീണനം, വിപണിവൽക്കരണം, വിഗ്രഹവൽക്കരണം, സെൻസേഷണലിസം, രാഷ്ട്രീയപക്ഷപാതം, സ്ത്രീ - കീഴാള വിരുദ്ധത തുടങ്ങിയവയിൽ പുലർത്തുന്ന താല്പര്യങ്ങൾ തുറന്നുകാണിച്ച് 'മാതൃഭൂമി' ഉൾപ്പെടെയുള്ള പത്രങ്ങൾ എത്തിനിൽക്കുന്ന പ്രതിലോമ സാഹചര്യങ്ങൾ വിവരിച്ച് ഈ പഠനം അവസാനിപ്പിക്കുന്നു, ജയരാജ്. മാദ്ധ്യമപ്രവർത്തകർക്കും പഠിതാക്കൾക്കും ഒരുപോലെ മുതൽക്കൂട്ടാണ് ഈ പുസ്തകം.

പുസ്തകത്തിൽ നിന്ന്

കേരളത്തിന്റെ സാമൂഹികജീവിതത്തിൽ വിപ്ലവകരമായ മാറ്റങ്ങൾക്ക് അടിത്തറപാകിയ നിയമനിർമ്മാണങ്ങളായിരുന്നു കേരള വിദ്യാഭ്യാസബില്ലും കേരള കർഷകബന്ധബില്ലും. ആദ്യ ഇ.എം.എസ് . സർക്കാറിന്റെ ഏറ്റവും വലിയ നേട്ടങ്ങളായി വിലയിരുത്തുന്ന ഈ നിയമനിർമ്മാണം തന്നെ യായിരുന്നു ആ മന്ത്രിസഭയുടെ പതനത്തിലേക്കുള്ള പാതയൊരുക്കിയതും. കേരളത്തിലെ ഫ്യൂഡൽ - കൊളോണിയൽ വ്യവസ്ഥിതിയെ ആധുനികവത്കരിക്കാൻ നേതൃത്വം നല്കുകയായിരുന്നു ഭൂപരിഷ്‌കരണത്തിലൂടെ കമ്യൂണിസ്റ്റ് മന്ത്രിസഭ ചെയ്തത്. സ്വാതന്ത്ര്യാനനന്തര ഘട്ടത്തിലെ കർഷക പ്രക്ഷോഭങ്ങളും കാർഷിക പ്രശ്‌നങ്ങളുമായിരുന്നു സംസ്ഥാന രൂപവത്കരണശേഷം ആദ്യമായി നടന്ന പൊതുതിരഞ്ഞെടുപ്പിൽ കമ്യൂണിസ്റ്റ് സർക്കാരിനെ അധികാരത്തിലെത്തിച്ചത്. കുടികിടപ്പുകാരും വെറും പാട്ടക്കാരും കുടിയൊഴിപ്പിക്കപ്പെടുന്ന അന്നത്തെ സാഹചര്യത്തിൽ ഒഴിപ്പിക്കൽ നിരോധന ഓർഡിനൻസിലൂടെ കർഷകസമൂഹത്തിന് സുരക്ഷിതബോധം നല്കാൻ സർക്കാരിന് സാധിച്ചു. 1957 ഏപ്രിൽ 11-ന് സത്യപ്രതിജ്ഞ കഴിഞ്ഞ് ഒരാഴ്ച കഴിയുന്നതിനു മുൻപുതന്നെ ഒഴിപ്പിക്കലും കുടിയിറക്കലും തടയുന്ന ഓർഡിനൻസിറക്കി കർഷകബന്ധബില്ലിന് സർക്കാർ ശക്തമായ അടിത്തറയിട്ടു. അസംബ്ലിയിൽ ബില്ലവതരിപ്പിച്ച് പാസാക്കാൻ വേണ്ടിവരുന്ന സുദീർഘമായ കാലയളവ് ഉപയോഗപ്പെടുത്തി കൃഷിക്കാരെ ഭൂവുടമകൾ വൻതോതിൽ കുടിയിറക്കാനുള്ള സാധ്യത മുൻകൂട്ടിക്കണ്ട് അതിന് തടയിടാൻ വേണ്ടിയായിരുന്നു ഈ ഓർഡിനൻസ്.

1957-ലെ ഈ നിയമനിർമ്മാണം കേരളത്തിലെ സമഗ്ര സാമൂഹികമാറ്റത്തിന് പശ്ചാത്തലമൊരുക്കി. ഏതാണ്ട് 36 ലക്ഷത്തിലധികം പേർക്ക് ഭൂമിയിൽ സ്ഥിരാവകാശം ലഭിച്ചപ്പോൾ അതൊരു സാംസ്‌കാരിക വിപ്ലവവും സാമ്പത്തിക വളർച്ചയുടെ ആരംഭവുമായി. ജന്മിമാർ കാലങ്ങളായി ഈടാക്കിയിരുന്ന ഉത്പാദന വിഹിതം കർഷകസമൂഹത്തിനുതന്നെ ലഭിച്ചു.

1957 ഡിസംബർ 28-ന് കേരള കർഷകബന്ധ നിയമത്തിലെ വ്യവസ്ഥകൾ സർക്കാർ പൊതുജനങ്ങളുടെ അഭിപ്രായം അറിയുന്നതിനായി മാദ്ധ്യമങ്ങൾക്ക് പ്രസിദ്ധീകരണത്തിനു നല്കി. മാതൃഭൂമി നിയമവ്യവസ്ഥകളുടെ മലയാള പരിഭാഷ പൂർണ്ണരൂപത്തിൽ തന്നെ പ്രസിദ്ധീകരിച്ചു. പത്രത്തിന്റെ 2,3,4,5,6 പേജുകൾ ഇതിനുമാത്രമായി മാറ്റിവച്ചു. കേരള വിദ്യാഭ്യാസ നിയമത്തിലെന്നപോലെ കാർഷികബന്ധബില്ലിനും മാതൃഭൂമി കലവറയില്ലാത്ത പിന്തുണയാണ് നല്കിയത്. പൊതുജനങ്ങൾക്ക് കാര്യങ്ങൾ എളുപ്പത്തിൽ ഗ്രഹിക്കാൻ പാകത്തിൽ നിയമത്തിലെ പ്രധാനവ്യവസ്ഥകൾക്കെല്ലാം പ്രത്യേകം പ്രത്യേകം തലക്കെട്ടുകൾ നല്കിയാണ് പ്രസിദ്ധീകരിച്ചത്. നിയമങ്ങൾ മലയാളത്തിലേക്ക് പരിഭാഷപ്പെടുക്കുമ്പോൾ സ്വീകരിക്കുന്ന ഭാഷാസമ്പ്രദായം അന്നും ഇന്നും കൗതുകമുണർത്തുന്നതാണ്. കാലത്തിനനുസരിച്ച് ഭാഷയിൽ നവീകരണം നടത്താറുണ്ടെങ്കിലും നീതിന്യായകോടതികൾ ഇപ്പോഴും ആശ്രയിക്കുന്നത് നൂറുവർഷം മുൻപേ ഉപയോഗിച്ചിരുന്ന ഭാഷയെത്തന്നെയാണ്. കേരള കാർഷികബന്ധനിയമത്തിൽ സ്ഥിരം കുടിയാൻ എന്നതിന്റെ നിർവചനം ഇങ്ങനെ: 'കാണത്തിന്മേലോ കാണം കുഴിക്കാണത്തിന്മേലോ, കുഴിക്കാണത്തിന്മേലോ നാട്ടാചാരപ്രകാരമുള്ള വെറും പാട്ടത്തിന്മേലോ ഭൂമികൈവശം വെക്കുകയോ അല്ലെങ്കിൽ(2) കൈവശഭൂമി മലബാറിലാണെങ്കിൽ 1957 ഏപ്രിൽ 11-ന് തൊട്ടുമുൻപായി അഞ്ചുകൊല്ലത്തിൽ കുറയാതെയോ അല്ലെങ്കിൽ കൈവശഭൂമി സംസ്ഥാനത്തിന്റെ മറ്റുവല്ല ഭാഗത്തുമാണെങ്കിൽ പത്തുകൊല്ലത്തിൽ കുറയാതെയോ കൈവശഭൂമിയിൽ തുടർച്ചയായി കൃഷിചെയ്യുകയും ഈ ആക്ട് നടപ്പിൽ വരുന്ന സമയത്ത് കൈവശഭൂമി കൃഷിചെയ്യുന്നത് അങ്ങനെ തുടരുകയും ചെയ്യുകയോ അല്ലെങ്കിൽ (3) ഭൂമി വീണ്ടെടുക്കപ്പെടുന്നതിന് ഇടയില്ലാതെ ഒരുടമസ്ഥനെന്ന നിലയിലോ കുടിയാൻ എന്ന നിലയിലോ പരമാവധി വിസ്തീർണത്തിൽ കവിഞ്ഞ വിസ്തീർണമുള്ള ഭൂമി കൈവശമുള്ളതായ ഒരു ജന്മിയുടെ കീഴിൽ 1957 ഡിസംബർ പതിനെട്ടാം തീയതി കൈവശം വെക്കുകയോ ചെയ്യുന്ന, കൃഷിചെയ്യുന്ന കുടിയാൻ എന്ന അർഥമാകുന്നതും ഈ ആക്ട് നടപ്പിൽ വരുന്നതിന് തൊട്ടു മുൻപ് അഞ്ചുകൊല്ലത്തിൽ കുറയാത്ത കാലത്തേക്ക് തുടർച്ചയായി കൈവശംവച്ചിരിക്കുന്ന ഒരു കുടിയിരുപ്പ് കുടിയാൻ അതിൽ ഉൾപ്പെടുന്നതുമാകുന്നു. എന്നാൽ പരമാവധി വിസ്തീർണത്തിൽ കവിഞ്ഞ വിസ്തീർണമുള്ള ഭൂമി ഉടമസ്ഥനെന്ന നിലയിൽ കൈവശംവെക്കുന്ന ആളെ ഒരു സ്ഥിരം കുടിയാനായി കരുതാൻ പാടുള്ളതല്ല'(1957 ഡിസംബർ 28, മാതൃഭൂമി).

1959 ജൂൺ 10 -ന് സ്റ്റേറ്റ് അസംബ്ലിയിൽ കേരള കർഷകബന്ധ ബിൽ പാസാക്കി. 'കർഷകബന്ധ ബിൽ പാസാക്കി' എന്ന ശീർഷകത്തിൽ റവന്യൂമന്ത്രി കെ. ആർ. ഗൗരിയമ്മയുടെ ചിത്രം സഹിതമാണ് ഒന്നാം പേജിൽ മാതൃഭൂമി ഈ വാർത്ത പ്രസിദ്ധീകരിക്കുന്നത്. '...ഈ ബിൽ കമ്യൂണിസ്റ്റ് ഗവൺമെന്റിന്റെ ഒരു വമ്പിച്ച നേട്ടമാണെന്ന് മന്ത്രി കെ.ആർ. ഗൗരി പറഞ്ഞു. അതിനെ നന്നാക്കുന്നതിൽ സഹകരിച്ചതിന് അവർ അംഗങ്ങളോടും ഉദ്യോഗസ്ഥന്മാരോടും നന്ദി പറഞ്ഞു. ബിൽ നടപ്പാക്കുന്ന കാര്യത്തിലും പ്രതിപക്ഷ പാർട്ടികളുടെ സഹകരണം കിട്ടും എന്നവർ ആശിച്ചു. ബിൽ വളരെ കുഴപ്പം പിടിച്ചതാണെന്നും നടപ്പാക്കുന്ന സമയത്തെ അനുഭവങ്ങളുടെ വെളിച്ചത്തിൽ കൂടുതൽ ഭേദഗതികൾ വേണ്ടിവരുമെന്നും മന്ത്രി അഭിപ്രായപ്പെട്ടു'(1959 ജൂൺ 11, മാതൃഭൂമി).

ഇതോടൊപ്പം ഒന്നാം പേജിൽ വൻ പ്രാധാന്യത്തോടെ പ്രത്യക്ഷപ്പെട്ട രണ്ട് വാർത്തകൾ പ്രത്യേകം ശ്രദ്ധേയമാണ്. 'വിമോചനസമരം 15-ാനുതന്നെ ആരംഭിക്കും.' സമരസമിതിയുടെ തീരുമാനം, വിദ്യാലയങ്ങൾ എന്നു തുറന്നാലും സമരം ജൂൺ 15-ാം തീയതിതന്നെ ആരംഭിക്കുന്നതാണെന്ന് ഇന്ന് ഇവിടെവച്ച് ശ്രീ. മന്നത്തു പത്മനാഭന്റെ അധ്യക്ഷതയിൽ കൂടിയ വിമോചനസമരസമിതിയുടെ സെൻട്രൽ കമ്മിറ്റിയുടെ ഒരടിയന്തര യോഗം തീരുമാനിച്ചിരിക്കുന്നു.'

'കേരളത്തിലെ സംഭവവികാസങ്ങളിൽ ഉത്കണ്ഠ. കമ്യൂണിസ്റ്റ് ഗവൺമെന്റിൽനിന്ന് നീതിലഭിക്കില്ലെന്ന ബോധം ജനങ്ങളിൽ ശക്തിപ്പെടുന്നു. പത്രസമ്മേളനത്തിൽ നെഹ്‌റു.'

മലയാള അച്ചടി മാദ്ധ്യമം: ഭൂതവും വർത്തമാനവും
എം. ജയരാജ്
മാതൃഭൂമി ബുക്‌സ്
2013
വില:225 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
ട്രോളിയിൽ രോഗിയെ കൊണ്ടുവരുന്നത് കണ്ട് ട്രേ വച്ചത് രോഗിയുടെ കാലിനടുത്ത്; നേഴ്‌സ് കരഞ്ഞ് മാപ്പുപറഞ്ഞിട്ടും മറ്റു ജീവനക്കാർ അഭ്യർത്ഥിച്ചിട്ടും കനിയാതെ ശിക്ഷ വിധിക്കൽ; കയറി കട്ടിൽ കിടക്കൂ എന്ന ആക്രോശിച്ച് കാടത്തം കാട്ടിയത് സർജ്ജറി വിഭാഗം മേധാവി; പീഡിപ്പിച്ചത് സൗജ്യന സേവനത്തിന് എത്തിയ നേഴ്‌സിനെ; പ്രതിസ്ഥാനത്ത് പിജിക്കാരെ കൊണ്ട് ബാത്ത് റൂം കഴുകിച്ച ഡോക്ടർ; ഡോ ജോൺ എസ് കുര്യൻ വീണ്ടും വിവാദത്തിൽ; നടപടി സ്ഥലം മാറ്റത്തിൽ ഒതുങ്ങും
'കെട്ടുകഥയായ '56' നേക്കാൾ വലുതാണ് ഭീതിജനകമായ '44' എന്ന് തെളിഞ്ഞു': ജെയ്‌ഷെ മുഹമ്മദിന്റെ ചാവേറാക്രമണത്തെ ആഘോഷിച്ച് എൻഡിവി വെബ്‌സൈറ്റ് ഡപ്യൂട്ടി ന്യൂസ് എഡിറ്റർ നിഥി സേത്തിയുടെ ഫേസ്‌ബുക്ക് പോസ്റ്റ്; ഉറി ദ സർജിക്കൽ സ്‌ട്രൈക്ക് സിനിമയിലെ ഹൗ ഈസ് ദ ജോഷിനെ അനുകരിച്ച് ഹൗ ഈസ് ദ ജെയ്ഷ് ഹാഷ് ടാഗും; രൂക്ഷവിമർശനവുമായി സോഷ്യൽ മീഡിയ; ഉടനടി മാധ്യമ പ്രവർത്തകയെ സസ്‌പെൻഡ് ചെയ്ത് എൻഡിടിവി; ആക്രമണത്തെ ആഘോഷിച്ച് ട്വീറ്റ് ചെയ്ത അലിഗഡ് മുസ്ലിം സർവകലാശാല വിദ്യാർത്ഥിക്കെതിരെ കേസ്
ജയിച്ചാലും തോറ്റാലും സ്വർഗം കിട്ടുന്ന അപൂർവ ഗെയിം; പ്രതീക്ഷിക്കുന്നത് മദ്യപ്പുഴയും 72 ഹൂറിമാരുമൊക്കെയുള്ള മത സ്വർഗ്ഗം; ഓരോ ജിഹാദിയും വിശ്വസിക്കുന്നു ഇത് വിശുദ്ധയുദ്ധമാണെന്ന്; മതം തന്നെയാണ് ഭീകരത! ജെയ്ഷെ മുഹമ്മദ് എന്ന വാക്കിന്റെ അർഥം തന്നെ മുഹമ്മദിന്റെ സൈന്യം എന്നും; ഈ വീഡിയോ നിങ്ങളിലെത്തുമ്പോഴെക്കും ഞാൻ സ്വർഗത്തിലെത്തിയിരിക്കുമെന്ന് ചാവേർ പറഞ്ഞതും ഈ വിശ്വാസത്താൽ; ആടുമെയ്‌ക്കൽ സംഘങ്ങൾ പലതവണയുണ്ടായ കേരളവും കശ്മീരിൽ നിന്നുപഠിക്കണം ഒരുപാട്
മെക്‌സിക്കൻ മതിലിനെ ചൊല്ലിയുള്ള പോരിന് ഒടുവിൽ അമേരിക്കയിൽ അടിയന്തരാവസ്ഥ പ്രഖ്യാപിച്ച് ട്രംപ്; മതിലിനായി ചോദിച്ച അഞ്ഞൂറ് കോടി ഡോളർ ജനപ്രതിനിധി സഭ നിരസിച്ചതോടെ രാജ്യത്തെ വലിയ പ്രതിസന്ധിയിലേക്ക് തള്ളിവിട്ട് പ്രസിഡന്റിന്റെ പ്രഖ്യാപനം; സെനറ്റിൽ പിന്തുണ ഇല്ലാതെ വന്നതോടെ യുഎസിൽ ഉണ്ടായിരിക്കുന്നത് വലിയ ഭരണപ്രതിസന്ധി; പല വകുപ്പുകളിലേക്കും ധനവിഹിതം വെട്ടിക്കുറച്ചും ഉദ്യാനങ്ങൾ അടച്ചിട്ടും ശമ്പളം മുടക്കിയും നടത്തിയ നീക്കം ഒടുവിൽ കലാശിക്കുന്നത് ദേശീയ അടിയന്തരാവസ്ഥയിൽ
പാർട്ടിയുടെ കണ്ണിൽ നിന്ന് മാറാതെയൊരു പാർട്ടി കല്ല്യാണം; ചുവന്ന സാരിയുടുത്ത് എത്തിയ വധുവിന് ചാർത്തിയത് ചുവന്ന പുഷ്പഹാരം; ആഡംബരം പൂർണ്ണമായും ഒഴിവാക്കിയുള്ള മന്ത്രി ബാലന്റെ മകന്റെ വിവാഹ പന്തൽ ഒരുക്കിയത് സിപിഎം ആസ്ഥാനത്ത് തന്നെ; ആശംസയുമായി ഗവർണ്ണർ അടക്കമുള്ള വിവിഐപികൾ; പാരീസിൽ ഇന്റർ നാഷണൽ ബിസിനസ് ഡെവലപ്പറായ നവീൻ നമിതാ വേണുഗോപാലിനെ സ്വന്തമാക്കുമ്പോൾ
വിമർശിച്ചാൽ ഞങ്ങൾക്കും കുരുപൊട്ടും; സി രവിചന്ദ്രന്റെ പ്രഭാഷണ പരമ്പരയോടുള്ള അസഹിഷ്ണുത മൂലം സെമിനാറിന് ഹാൾ നിഷേധിച്ച് മുണ്ടക്കയം സിഎംഎസ് ഹൈസ്‌കൂൾ അധികൃതർ; ബൈബിളിനെയും ക്രിസ്റ്റാനിറ്റിയെയും പൊളിച്ചടുക്കുന്ന 'സുവിശേഷ വിശേഷം' സൈബർ ലോകത്ത് വൻ ഹിറ്റായതോടെ സമാധാനം പറയുന്ന വിശ്വാസികൾക്കും ചൊറിച്ചിൽ; സംഘപരിവാർ അസഹിഷ്ണുതയെകുറിച്ച് വലിയ വായിൽ ശബ്ദിക്കുന്നവർ ഇപ്പോൾ എവിടെപ്പോയെന്ന് സോഷ്യൽ മീഡിയ
പുൽവാമ അക്രമത്തിന് ചുക്കൻ പിടിച്ചത് പാക് ചാരസംഘടനയായ ഐഎസ്‌ഐ തന്നെ; അക്രമം നടത്തിയ ജെയ്ഷയുടെ പിന്നിലെ ചാലകശക്തിയായും സംരക്ഷകരും പാക്കിസ്ഥാൻ തന്നെ; തെളിവുകളോടെ ഇന്ത്യ രംഗത്തിറങ്ങിയതോടെ പാക്കിസ്ഥാന് ഭയം കൂടി; സുരക്ഷാ വീഴ്ചയിൽ ആശങ്കപ്പെട്ട് ഇന്ത്യൻ സേനകളും; ഇന്റലിജൻസ് വീഴ്ചയുടെ പേരിൽ കേന്ദ്രവും പ്രതിക്കൂട്ടിൽ
ഞങ്ങൾ മോദിയെ ട്രോളും.. അത് ഞങ്ങളുടെ ആഭ്യന്തര രാഷ്ട്രീയം; പക്ഷേ, ചൊറിയാൻ വന്നാൽ 40ന് പകരം 400 എണ്ണത്തിനെ പുതപ്പിച്ചു കിടത്തും; അതാണ് ഞങ്ങളുടെ ആർമിയിലുള്ള കോൺഫിഡൻസ് കേട്ടോടാ....: പുൽവാമ ഭീകരാക്രമണത്തിലെ കടുത്ത രോഷം അറിയിച്ച് പാക് പ്രധാനമന്ത്രി ഇമ്രാൻഖാന്റെ ഫേസ്‌ബുക്കിൽ മലയാളികളുടെ പൊങ്കാല; മലയാളം മനസ്സിലായില്ലെങ്കിൽ ഉറുദുവിലേക്ക് മാറ്റാൻ ഇമ്രാന് ആപ്പിന്റെ ലിങ്കും അയച്ചുകൊടുത്ത് തെറിയഭിഷേകം
'വലുതായിരിക്കണം....ഹിന്ദുസ്ഥാൻ കരയണം...' എന്ന സന്ദേശം ഭീകരർ പങ്കുവച്ചത് മൂന്നു മാസം മുമ്പ്; ഡിസംബർ ഒമ്പതിന് ഇന്ത്യയിലേക്ക് ഒളിച്ചുകടന്ന് ജയ്‌ഷെ മുഹമ്മദ് കമാൻഡർ അബ്ദുൾ റഷീദ് ഖാസി; അഫ്ഗാനിൽ ഐഇഡി കാർബോംബുകൾ ഒരുക്കുന്നതിൽ മികവു തെളിയിച്ചതോടെ ഇന്ത്യൻ ദൗത്യത്തിന്റെ ചുമതലയും; ഡിസംബർ അവസാനം പുൽവാമയിലെ ഒളിവിടത്തിൽ എത്തിയ ഭീകരൻ റഷീദ് ഖാസി തന്ത്രങ്ങൾക്ക് അന്തിമ രൂപം നൽകി ആദിൽ ധറിനെ ചാവേറാക്കി; ഇന്ത്യയെ കണ്ണീരിലാഴ്‌ത്തിയ ആക്രമണത്തിന്റെ ആസൂത്രണം ഇങ്ങനെ
ഇവിടെ നല്ല തണുപ്പാണമ്മേ.... പുതിയ ജോലിസ്ഥലത്തേക്കുള്ള ബസ് യാത്രയ്ക്കിടെ ഭീകരാക്രമണമുണ്ടാകുന്നതിനു 2 മണിക്കൂർ മുൻപും വീട്ടിലേക്കു വിളിച്ചു; പിന്നെ എത്തിയത് വീരമൃത്യുവിന്റെ ഫോൺ വിളി; വസന്തകുമാറിന്റെ വിധവയുടെ കണ്ണുനീർ തുടക്കാനാവാതെ ലക്കിടിക്കാർ; എങ്ങും ആദരാഞ്ജലികൾ അർപ്പിച്ചുള്ള ബാനറുകളും കറുത്ത കൊടിയും മാത്രം; ഇന്നു ധീരജവാന്റെ മൃതദേഹം എത്താൻ ഇരിക്കവേ കണ്ണീടങ്ങാതെ നാട്ടുകാർ; പൂർണ്ണ ഔദ്യോഗിക ബഹുമതികളോടെ സംസ്‌കാരം ഉച്ചയ്ക്ക്
ജെസ്ന പോയത് അന്യമതസ്ഥനായ കാമുകനൊപ്പമോ? ബംഗളൂരുവിലെ ഇൻഡസ്ട്രിയൽ ഏരിയായ ജിഗിണിയിൽ താമസം; നിത്യവൃത്തിക്ക് വ്യാജപ്പേരിൽ കമ്പനിയിൽ ജോലിയും; ആളെ തിരിച്ചറിയാതിരിക്കാൻ പല്ലിൽ ഇട്ടിരുന്ന കമ്പി ഊരിമാറ്റി; ദിവസവും കുർത്തയും ജീൻസും ധരിച്ച് പോകുന്ന പെൺകുട്ടിയെ തിരിച്ചറിഞ്ഞത് മലയാളിയായ കടക്കാരനും; ജെസ്‌ന ജീവിച്ചിരിക്കുന്നെന്ന് പൊലീസ് സ്ഥിരീകരിച്ചത് ഇയാൾ കൈമാറിയ വീഡിയോ പരിശോധനയ്ക്ക് ശേഷം; മുക്കൂട്ടുതറയിലെ തിരോധാനത്തിൽ നിർണ്ണായക ട്വിസ്റ്റെന്ന് സൂചന
ദിലീപേട്ടാ, ഇതെന്റെ ജീവിതമാണ്....; ഞാൻ എന്തു ചെയ്യണം; ദിലീപേട്ടന്റെ തീരുമാനമാണ് എന്റേതും ഒടുവിൽ ഞാൻ ചതിക്കപ്പെടരുത്; കല്ല്യാണ നിശ്ചയകാര്യം കാവ്യ അറിയിച്ചത് നിയന്ത്രണംവിട്ട കരച്ചിലിലൂടെ; കരഞ്ഞാൽ താനും നിയന്ത്രണം വിട്ടു കരയുമെന്ന നമ്പറിൽ എല്ലാം പറഞ്ഞൊതുക്കി നായകന്റെ സൂപ്പർ ഇടപെടൽ; ദിലീപിനെകുറിച്ചു കേട്ട വാർത്ത ഒരു ചെവിയിലൂടെ കേട്ടു മറു ചെവിയിലൂടെ കളഞ്ഞ് മഞ്ജുവും; ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്: പല്ലിശേരി പരമ്പര തുടരുന്നു
ഉത്തര മലബാറിൽ അഞ്ചിൽ നാലിലും ഇടതിന് മേൽക്കൈ; നേരിയ മാർജിനിൽ കാസർകോടും കണ്ണൂരും നിലനിർത്തുന്ന എൽഡിഎഫ് കോഴിക്കോടും വടകരയും പിടിച്ചെടുക്കാനും സാധ്യത; വയനാട്ടിൽ യുഡിഎഫ് ബഹുദൂരം മുന്നിൽ; 12 ശതമാനം വോട്ടുവ്യത്യാസം സൂചിപ്പിക്കുന്നത് മണ്ഡലത്തിലെ യുഡിഎഫ് തരംഗം; ബിജെപി എവിടെയും ചിത്രത്തിലില്ല; മറുനാടൻ മലയാളി ലോക്‌സഭാ തെരഞ്ഞെടുപ്പ് അഭിപ്രായ സർവേയിലെ അഞ്ച് മണ്ഡലങ്ങളിലെ സൂചനകൾ ഇങ്ങനെ
ട്രോളിയിൽ രോഗിയെ കൊണ്ടുവരുന്നത് കണ്ട് ട്രേ വച്ചത് രോഗിയുടെ കാലിനടുത്ത്; നേഴ്‌സ് കരഞ്ഞ് മാപ്പുപറഞ്ഞിട്ടും മറ്റു ജീവനക്കാർ അഭ്യർത്ഥിച്ചിട്ടും കനിയാതെ ശിക്ഷ വിധിക്കൽ; കയറി കട്ടിൽ കിടക്കൂ എന്ന ആക്രോശിച്ച് കാടത്തം കാട്ടിയത് സർജ്ജറി വിഭാഗം മേധാവി; പീഡിപ്പിച്ചത് സൗജ്യന സേവനത്തിന് എത്തിയ നേഴ്‌സിനെ; പ്രതിസ്ഥാനത്ത് പിജിക്കാരെ കൊണ്ട് ബാത്ത് റൂം കഴുകിച്ച ഡോക്ടർ; ഡോ ജോൺ എസ് കുര്യൻ വീണ്ടും വിവാദത്തിൽ; നടപടി സ്ഥലം മാറ്റത്തിൽ ഒതുങ്ങും
'അല്ലയോ മുല സ്നേഹികളേ, നിങ്ങൾ എപ്പോഴാണ് എന്റെ മുലകൾ കണ്ടത്? എന്റെ മുലകൾ ഇടിഞ്ഞ് തൂങ്ങിയതെന്ന് നിങ്ങൾ പ്രഖ്യാപിച്ചത് എന്ത് ലക്ഷണ ശാസ്ത്ര പ്രകാരമാണ്? ഇനി ഞാൻ പോലുമറിയാതെ ആരെങ്കിലും എന്റെ മുലകൾ പരിശോധിച്ച് തൂങ്ങിയതെന്ന് കണ്ടെത്തിയെങ്കിൽ ആ മാമോഗ്രാഫി സ്പെഷലിസ്റ്റുകൾ ആ പരിശോധനാ റിപ്പോർട്ട് ഒന്ന് പരസ്യപ്പെടുത്തണേ..? സ്ത്രീ ശരീരത്തെ പുച്ഛിക്കുന്ന ഒരുവിഭാഗം ഞരമ്പുകളെ പൊളിച്ചടുക്കി വീണ്ടും ജോമോൾ ജോസഫിന്റെ ഫേസ്‌ബുക്ക് കുറിപ്പ്
നേതാക്കളെ ആക്രമിച്ചത് എന്തിനെന്ന് എണ്ണിയെണ്ണി ചോദിച്ച് പട്ടുവത്തെ പാടത്ത് രണ്ട് മണിക്കൂർ വിചാരണ; രക്ഷിക്കാൻ ശ്രമിച്ചവരെ പാർട്ടിക്കാർ തടഞ്ഞു; ഷുക്കൂറിന്റെ സഹോദരനുൾപ്പെടെ പലരും സിപിഎം നേതാക്കളെ വിളിച്ചു കരഞ്ഞു കാലുപിടിച്ചിട്ടും ഫലമുണ്ടായില്ല; ഒടുവിൽ താലിബാൻ മോഡലിൽ കഴുത്തറുത്ത് മാടിനെ കൊല്ലും പോലെ വകവരുത്തി; പി ജയരാജൻ പ്രതിയായ അരിയിൽ ഷൂക്കൂർ കൊലക്കേസ് കേരളത്തെ ഞെട്ടിച്ചത് സമാനതകളില്ലാത്ത ക്രൂരതകൊണ്ട്; നിർണായകമായത് ആത്തിക്ക ഉമ്മയുടെ നിയമ പോരാട്ടം
എറണാകുളത്തും ഇടുക്കിയിലും കോട്ടയത്തും യുഡിഎഫ് തരംഗം; ആറ്റിങ്ങലിലും കൊല്ലത്തും എൽഡിഎഫ് മുന്നേറ്റം; കടുത്ത മൽസരം നടക്കുന്ന ആലപ്പുഴയിലും തിരുവനന്തപുരത്തും യുഡിഎഫിന് നേരിയ മുൻതൂക്കം; തിരുവനന്തപുരത്ത് ഒരു ശതമാനം വോട്ടിൽ ബിജെപി മൂന്നാമത്; മുഴുവൻ മണ്ഡലങ്ങളിലെയും മറുനാടൻ സർവേ ഫലം പുറത്തുവരുമ്പോൾ 9 സീറ്റുമായി എൽഡിഎഫും 11 സീറ്റുമായി യുഡിഎഫും മുന്നിൽ; ബിജെപിക്ക് ബാക്കിയാകുന്നത് കുമ്മനത്തെ ഇറക്കിയാൽ തിരുവനന്തപുരം പിടിക്കാം എന്ന പ്രതീക്ഷ മാത്രം
ഇസ്ലാമിക തീവ്രവാദം വളരാതിരിക്കാൻ മുസ്ലീങ്ങളെ പന്നിയിറച്ചി തീറ്റിച്ചും മദ്യം കഴിപ്പിച്ചും ചൈനീസ് സർക്കാർ; മുസ്ലിം ഭൂരിപക്ഷ മേഖലകളിൽ പൊലീസ് പന്നിയിറച്ചി എത്തിച്ചുകൊടുക്കുന്നതായി റിപ്പോർട്ടുകൾ; പരസ്യമായി മതാചാരങ്ങൾ ലംഘിക്കാത്തവരെ പ്രത്യേക പരിശീലന ക്യാമ്പുകളിലേക്ക് അയക്കും; ഇസ്ലാമിനെ ചൈന ഭയക്കുന്നത് ഇങ്ങനെ
എന്റെ പേര് ആദിൽ..ഒരുവർഷത്തിന് മുമ്പാണ് ഞാൻ ജെയ്‌ഷെ മുഹമ്മദിൽ ചേർന്നത്; നീണ്ട കാത്തിരിപ്പിന് ശേഷം എന്റെ ദൗത്യം സഫലമാക്കാൻ ഒരുഅവസരം കിട്ടിയിരിക്കുകയാണ്; ഈ വീഡിയോ നിങ്ങൾ കാണുമ്പോഴേക്കും ഞാൻ സ്വർഗ്ഗത്തിലെത്തിയിരിക്കും; ഇത് കശ്മീരികളോടുള്ള എന്റെ അവസാന സന്ദേശം: സിആർപിഎഫ് ജവാന്മാർക്ക് നേരേ ചാവേറാക്രമണം നടത്തിയ ഭീകരൻ ആദിൽ അഹമ്മദ് ധറിന്റെ അവസാന വീഡിയോ സന്ദേശം പുറത്ത്
ഒരു രസത്തിനു തുടങ്ങി അടിമയായി പോയ യുവതി; ഭർത്താവിന്റെ മദ്യപാനശീലവും ബോധം കെട്ടുള്ള ഉറക്കവും ലൈംഗിക വൈകൃതങ്ങൾ ബാലന് മേൽ പ്രയോഗിക്കാൻ പ്രേരണയായി; ഒൻപതുകാരന്റെ അമ്മയുമായി ഉണ്ടായിരുന്ന അടുപ്പം നാലാം ക്ലാസുകാരനെ യുവതിയുടെ അടുക്കൽ എത്തിച്ചു; കുട്ടിയുടെ രോഗം പറഞ്ഞ് പണം പിരിച്ച് അടിച്ചു പൊളിച്ചു; ഡോക്ടറോട് പറഞ്ഞത് പൊലീസിനോടും കുട്ടി ആവർത്തിച്ചപ്പോൾ പീഡകയ്ക്ക് പോക്‌സോയിൽ ജയിൽ വാസം; കാടപ്പാറ രാജിയുടെ വൈകൃതങ്ങൾ പിടിക്കപ്പെടുമ്പോൾ
മദ്യപിച്ച് ഭർത്താവുറങ്ങുമ്പോൾ അതേ മുറിയിൽ നാലാം ക്ലാസുകാരനുമായി കാമകേളി; ഇഷ്ടങ്ങൾ മുഴുവൻ നടത്തിച്ച് സംതൃപ്തി നേടി യുവതി നയിച്ചത് അടിപൊളി ജീവിതം; റെയിൽവേ സ്റ്റേഷനിൽ അഭയം തേടിയ അമ്മയ്ക്കും മകനും മാനസിക പിന്തുണ നടിച്ചെത്തി ചെയ്തതുകൊടുംക്രൂരത; ലിവർ കാൻസർ രോഗിയായ ഒൻപതു വയസ്സുകാരനുമായി ഇരുപത്തിയഞ്ചുകാരി ഗോവയിലും ചുറ്റിക്കറങ്ങി; കുട്ടിയുടെ ദേഹത്തെ തടിപ്പുകളും വ്രണങ്ങളും സംശയമായപ്പോൾ കൗൺസിലിങ്; രാജി കാട്ടിക്കൂട്ടിയത് മനസാക്ഷിയെ ഞെട്ടിക്കുന്ന ക്രൂരത
വിവാഹ ചിത്രത്തിൽ വധുവിന് വരനേക്കാൾ പ്രായം കൂടുതൽ തോന്നിയാൽ സദാചാര കമ്മറ്റിക്കാർക്ക് എന്താണ് പ്രശ്നം? കണ്ണൂർ ചെറുപുഴയിലെ 25കാരൻ യുവാവ് 48കാരിയെ വധുവാക്കിയെന്ന് വിവാഹ പരസ്യത്തിലെ ചിത്രം ചൂണ്ടി സൈബർ ലോകത്ത് കുപ്രചരണം; പഞ്ചാബ് യൂണിവേഴ്സിറ്റിയിലെ അടുപ്പം വിവാഹത്തിൽ കലാശിച്ചപ്പോൾ ഇരിക്കപ്പൊറുതി ഇല്ലാതായത് കുന്നായ്മക്കാർക്ക്; വധുവിന് പ്രായം കുറവെന്ന് വീട്ടുകാർ തറപ്പിച്ചു പറഞ്ഞിട്ടും കുപ്രചരണം തുടരുന്നതിൽ മനോവിഷമത്തിൽ നവദമ്പതികൾ
ജെസ്ന പോയത് അന്യമതസ്ഥനായ കാമുകനൊപ്പമോ? ബംഗളൂരുവിലെ ഇൻഡസ്ട്രിയൽ ഏരിയായ ജിഗിണിയിൽ താമസം; നിത്യവൃത്തിക്ക് വ്യാജപ്പേരിൽ കമ്പനിയിൽ ജോലിയും; ആളെ തിരിച്ചറിയാതിരിക്കാൻ പല്ലിൽ ഇട്ടിരുന്ന കമ്പി ഊരിമാറ്റി; ദിവസവും കുർത്തയും ജീൻസും ധരിച്ച് പോകുന്ന പെൺകുട്ടിയെ തിരിച്ചറിഞ്ഞത് മലയാളിയായ കടക്കാരനും; ജെസ്‌ന ജീവിച്ചിരിക്കുന്നെന്ന് പൊലീസ് സ്ഥിരീകരിച്ചത് ഇയാൾ കൈമാറിയ വീഡിയോ പരിശോധനയ്ക്ക് ശേഷം; മുക്കൂട്ടുതറയിലെ തിരോധാനത്തിൽ നിർണ്ണായക ട്വിസ്റ്റെന്ന് സൂചന
കാവ്യമാധവനിൽ നിന്നും ഊറ്റി എടുക്കാവുന്നതെല്ലാം എടുത്ത ശേഷം ദിലീപ് ഒഴിവാക്കാൻ ശ്രമിച്ചു..! തന്ത്രം മനസിലാക്കിയ കാവ്യ മറ്റ് നായകർക്കൊപ്പം സിനിമ കമ്മിറ്റ് ചെയ്തപ്പോൾ ഒരിക്കലും കൈവിടില്ലെന്ന് ഉറപ്പു നൽകി കൂടെ നിർത്തി; ലയൺ സിനിമയിലെ വിവാഹരംഗം സിനിമാ സീഡിയിൽ കവർ അടിക്കാൻ പ്ലാൻ ചെയ്തു; സിനിമയിൽ നിന്നും പി ശ്രീകുമാറിനെ മാറ്റിയത് തന്ത്രപരമായി; അനൂപ് ചന്ദ്രനെയും ഇല്ലാക്കഥ പറഞ്ഞ് സിനിമയിലെ വഴിമുടക്കി: പല്ലിശേരിയുടെ തുറന്നു പറച്ചിൽ തുടരുന്നു
ദിലീപേട്ടാ, ഇതെന്റെ ജീവിതമാണ്....; ഞാൻ എന്തു ചെയ്യണം; ദിലീപേട്ടന്റെ തീരുമാനമാണ് എന്റേതും ഒടുവിൽ ഞാൻ ചതിക്കപ്പെടരുത്; കല്ല്യാണ നിശ്ചയകാര്യം കാവ്യ അറിയിച്ചത് നിയന്ത്രണംവിട്ട കരച്ചിലിലൂടെ; കരഞ്ഞാൽ താനും നിയന്ത്രണം വിട്ടു കരയുമെന്ന നമ്പറിൽ എല്ലാം പറഞ്ഞൊതുക്കി നായകന്റെ സൂപ്പർ ഇടപെടൽ; ദിലീപിനെകുറിച്ചു കേട്ട വാർത്ത ഒരു ചെവിയിലൂടെ കേട്ടു മറു ചെവിയിലൂടെ കളഞ്ഞ് മഞ്ജുവും; ദിലീപിന്റെ ജയിൽ ജീവിതം ഒരു ഫ്ളാഷ് ബാക്ക്: പല്ലിശേരി പരമ്പര തുടരുന്നു
നാലാം വയസിൽ സ്‌കൂൾ സ്‌കിറ്റിനായി വിവാഹം; 22 വർഷങ്ങൾക്ക് ശേഷം പള്ളുരുത്തി ഭവാനി ശിവക്ഷേത്രത്തിൽ വെച്ച് ആ 'കുട്ടിക്കളി'യിലെ കഥാപാത്രങ്ങൾ ജീവിതത്തിൽ ഒരുമിച്ചു; 'നമുക്ക് ഒന്നുകൂടി വിവാഹം ചെയ്താലോ' എന്ന ആർമ്മി ക്യാപ്ടന്റെ സന്ദേശത്തിന് യേസ് മൂളി വനിതാ ഡോക്ടർ; സിനിമാക്കഥകളിലെ അനശ്വര വിവാഹ മുഹൂർത്തങ്ങളെ അനുസ്മരിപ്പിക്കും വിധത്തിൽ ആര്യശ്രീയുടെ കഴുത്തിൽ താലികെട്ടി ശ്രീരാം
ചീഫ് ജസ്റ്റീസിന്റെ പതിവില്ലാത്ത ഗൗരവവും രോഷവും താക്കീതും നൽകുന്ന സൂചനയെന്ത്? ചീഫ് ജസ്റ്റീസും ജസ്റ്റീസ് ഖാൻവിൽക്കറും മൗനം പാലിച്ചത് എന്തുകൊണ്ട്? ജസ്റ്റീസ് നരിമാൻ പല തവണ ഇടപെട്ടിട്ടും വിധിയെ അനുകൂലിക്കുന്ന ജസ്റ്റീസ് ചന്ദ്രചൂഡ് പ്രതികരിക്കാത്ത് എന്തുകൊണ്ട്? ജസ്റ്റീസ് ഇന്ദു മൽഹോത്ര ഹിന്ദുമതാചാര നിയമം ചോദിച്ചത് എന്തിന്? ശബരിമല പുനപരിശോധനാ ഹർജികളിലെ വിധിയിൽ അനുകൂലിക്കുന്നവരും പ്രതികൂലിക്കുന്നവരും പ്രതീക്ഷ പുലർത്തുന്നത് മൂന്ന് ജഡ്ജിമാരുടെ മൗനവും ശരീര ഭാഷയും വിലയിരുത്തി
മുള്ളൻപന്നിയേയും കാട്ടുകോഴിയേയും പിടിക്കാൻ പലവട്ടം കറങ്ങിയതോടെ കാട് മനപ്പാഠം; കാമുകിയുമായി കാടുകയറിയത് ആരെയും വെട്ടിച്ച് കുറച്ചുകാലം രഹസ്യവാസം ആകാമെന്ന് ഉറപ്പിച്ച്; തന്നെ പത്തടിയെങ്കിലും ഉയരമുള്ള മരത്തിൽ കയറ്റി സുരക്ഷിതയാക്കിയേ അപ്പു രാത്രി ഭക്ഷണംതേടി പോകൂ എന്നും ഇയാൾക്കൊപ്പം തന്നെ ജീവിക്കണമെന്നും വാശിപിടിച്ച് കാമുകിയും; ഇലവീഴാപ്പൂഞ്ചിറക്കാട്ടിലെ 'ത്രില്ലിങ്' ആയ വനവാസ കഥപറഞ്ഞ് ഏതുമരത്തിലും ഓടിക്കയറുന്ന നാട്ടുകാരുടെ 'ടാർസൻ അപ്പുവും' കൂടെപ്പോയ പതിനേഴുകാരിയും
ഉത്തര മലബാറിൽ അഞ്ചിൽ നാലിലും ഇടതിന് മേൽക്കൈ; നേരിയ മാർജിനിൽ കാസർകോടും കണ്ണൂരും നിലനിർത്തുന്ന എൽഡിഎഫ് കോഴിക്കോടും വടകരയും പിടിച്ചെടുക്കാനും സാധ്യത; വയനാട്ടിൽ യുഡിഎഫ് ബഹുദൂരം മുന്നിൽ; 12 ശതമാനം വോട്ടുവ്യത്യാസം സൂചിപ്പിക്കുന്നത് മണ്ഡലത്തിലെ യുഡിഎഫ് തരംഗം; ബിജെപി എവിടെയും ചിത്രത്തിലില്ല; മറുനാടൻ മലയാളി ലോക്‌സഭാ തെരഞ്ഞെടുപ്പ് അഭിപ്രായ സർവേയിലെ അഞ്ച് മണ്ഡലങ്ങളിലെ സൂചനകൾ ഇങ്ങനെ