1 aed = 17.77 inr 1 eur = 76.82 inr 1 gbp = 85.92 inr 1 kwd = 216.04 inr 1 sar = 17.40 inr 1 usd = 65.25 inr

Oct / 2017
18
Wednesday

സംസ്‌കാരത്തിന്റെ ജനിതകപാഠങ്ങൾ

April 22, 2017 | 06:59 PM | Permalink



ഷാജി ജേക്കബ്

"When scientific conversations cease, then dogma rather than knowledge begins to rule the day'' Jaak Panksepp.   'Brain is the most incredible thing in the Universe' എന്ന Oliver Wolf Sacksന്റെ നിരീക്ഷണം ഇതു രണ്ടാം തവണയാണ് ഈ പംക്തി എടുത്തെഴുതുന്നത്. വിഖ്യാത നാഡീശാസ്ത്രഗവേഷകനായ വിളയന്നൂർ രാമചന്ദ്രന്റെ Tell Tale Brain എന്ന പുസ്തകത്തിന്റെ വിവർത്തനം നിരൂപണം ചെയ്തപ്പോഴായിരുന്നു മുൻപ് (2016 ഓഗസ്റ്റ് 20) ഈ വാക്യം ഉദ്ധരിച്ചത്. ഇത്തവണ നിരൂപണം ചെയ്യുന്നത് മലയാളിയും അമേരിക്കയിലെ ഷിക്കാഗോ സർവകലാശാലയിൽ സീനിയർ സയന്റിസ്റ്റുമായ എതിരൻ കതിരവൻ എഴുതിയ ‘മലയാളിയുടെ ജനിതകം’ എന്ന പുസ്തകമാണ്. വിഷയം സമാനമാണെന്നും അല്ലെന്നും പറയാം. രാമചന്ദ്രന്റേത് നാഡീശാസ്ത്ര (Neuroscience) ഗവേഷണങ്ങൾ വഴിതുറന്ന രോഗഭാവനകളുടെയും സാംസ്‌കാരികാനുഭൂതികളുടെയും വിശകലനമായിരുന്നുവെങ്കിൽ എതിരന്റേത് ജനിതകശാസ്ത്രം (Genetics) മുന്നോട്ടുവയ്ക്കുന്ന പാരമ്പര്യസ്വഭാവങ്ങളുടെയും ജൈവപ്രകൃതങ്ങളുടെയും വിശകലനപാഠങ്ങളാണ്. രണ്ടു വിജ്ഞാനവിഷയങ്ങളും തമ്മിൽ ആഴത്തിൽ ബന്ധപ്പെട്ടിരിക്കുന്നു. നാഡീജനിതകം (Neuro Genetics), പെരുമാറ്റജനിതകം (Behavioural Genetics) എന്നീ മണ്ഡലങ്ങളിൽ നടക്കുന്ന ഗവേഷണങ്ങളാണ് എതിരന് ആശ്രയം. തന്മാത്രാജീവശാസ്ത്രം (Molecular Biology), സാമൂഹ്യജീവശാസ്ത്രം (Socio Biology). കോശജീവശാസ്ത്രം (Cell Biology) തുടങ്ങിയവയിൽനിന്നുള്ള മുന്നോട്ടുപോക്കിലാണ് എതിരൻ ഈ മണ്ഡലത്തിൽ ചെന്നെത്തിയത്. മലയാളിയുടെ സവിശേഷ ജീവിതസന്ദർഭങ്ങളെ ജനിതകവിജ്ഞാനത്തിന്റെ കാഴ്ചപ്പാടിൽ വ്യാഖ്യാനിക്കുന്ന ശ്രദ്ധേയമായൊരു വിചാരപദ്ധതിക്കു തുടക്കം കുറിക്കാൻ അതുവഴി എതിരനു കഴിഞ്ഞിരിക്കുന്നു.   മദ്യപാനത്തിന്റെ സാമൂഹ്യശാസ്ത്രം മുതൽ വികസനത്തിന്റെയും വിഭവചൂഷണത്തിന്റെയും പാരിസ്ഥിതിക രാഷ്ട്രീയം വരെ; ആചാരങ്ങളുടെ സാമുദായികശാസ്ത്രം മുതൽ ബ്രാഹ്മണ്യത്തിന്റെ തത്വശാസ്ത്രം വരെ; ഓട്ടിസത്തിന്റെ നാഡീ-ജനിതകശാസ്ത്രം മുതൽ തെരുവുനായകളുടെ ജീവശാസ്ത്രം വരെ; ക്ലാസിക്കൽ കലകളുടെ ലാവണ്യശാസ്ത്രം മുതൽ സദാചാരപൊലീസിംഗിന്റെ അധീശരാഷ്ട്രീയം വരെ; ജനപ്രിയസിനിമയുടെ ലിംഗരാഷ്ട്രീയം മുതൽ സാഹിത്യത്തിന്റെ സൗന്ദര്യശാസ്ത്രം വരെ; ശാസ്ത്രീയസംഗീതത്തിന്റെ പ്രതിലോമപരവും വിപ്ലവകരവുമായ ജാതിരാഷ്ട്രീയം മുതൽ ചലച്ചിത്രഗാനങ്ങളുടെയും തിരക്കഥയുടെയും വാണിജ്യരാഷ്ട്രീയം വരെ; രോഗങ്ങളുടെ വൈദ്യശാസ്ത്രം മുതൽ ആർത്തവരക്തത്തിന്റെ കോശശാസ്ത്രം വരെ; ദേശീയതയുടെ രാഷ്ട്രീയം മുതൽ ജാതീയതയുടെ നരവംശശാസ്ത്രം വരെ; കേൾവിയുടെ ശരീരശാസ്ത്രം മുതൽ മദപ്പാടിന്റെ കാമശാസ്ത്രം വരെ-എത്രയെങ്കിലും സാമൂഹ്യ-സാംസ്‌കാരിക ജീവിതമണ്ഡലങ്ങളിലേക്കു വിരൽ ചൂണ്ടുന്ന ശാസ്ത്രീയ വിശകലനങ്ങളുടെ ഒരു ബൗദ്ധികവ്യവഹാരലോകംതന്നെ രൂപപ്പെടുത്തിയിരിക്കുന്നു, തന്റെ ബ്ലോഗ് രചനകളിലും അച്ചടിരചനകളിലും കൂടി എതിരൻ കതിരവൻ. വിശാലാർഥത്തിൽ, സംസ്‌കാരവും പെരുമാറ്റ ജനിതകശാസ്ത്രവും തമ്മിലുള്ള ബന്ധം മുൻനിർത്തി മലയാളത്തിൽ മുന്മാതൃകകളില്ലാത്ത ഒരു വിജ്ഞാന/വിശകലന ശാഖക്ക് അടിത്തറയൊരുക്കുകയാണ് എതിരൻ ചെയ്തത് എന്നും പറയാം.           ജീനുകൾ ((genes) സസ്യങ്ങളുടെയും ജന്തുക്കളുടെയും സ്വഭാവസവിശേഷതകളെ നിയന്ത്രിക്കുന്നതെങ്ങനെ എന്നു പഠിക്കുന്ന ശാസ്ത്രശാഖയാണല്ലോ ജനറ്റിക്‌സ്. മനുഷ്യരും ഇതര ജന്തുക്കളും പാരമ്പര്യമായി ആർജ്ജിക്കുന്ന പെരുമാറ്റ സ്വഭാവരീതികളെക്കുറിച്ചുള്ള പഠനം. ജീനുകൾ സംസ്‌കാരത്തെയും സംസ്‌കാരം ജീനുകളെയും സ്വാധീനിക്കുന്നുവെന്ന നിരീക്ഷണം മുൻനിർത്തി ‘ഭാവനയുടെ ജീവശാസ്ത്രം’ (Biology of Imagination) പോലുള്ള വിഷയങ്ങൾ/ചർച്ചകൾ ഇന്നു സജീവമാണ്. ടൈം വാരിക, നാഷണൽ ജിയോഗ്രഫിക് മാസിക തുടങ്ങിയ പ്രസിദ്ധീകരണങ്ങൾ ജനകീയമാക്കിയ ശാസ്ത്രഗവേഷണങ്ങളുടെ വലിയൊരു പരമ്പരതന്നെ നമുക്കു മുന്നിലുണ്ട്.           തന്റെ ചിന്തകളെയും പഠനങ്ങളെയും ഏറെ സ്വാധീനിച്ച രണ്ടു പുസ്തകങ്ങളെക്കുറിച്ച് എതിരൻ ഒരു സംഭാഷണത്തിൽ സൂചിപ്പിക്കുകയുണ്ടായി. Douglas Fieldssâ Why we Snap: Undestranding the Rage circuit in your brain; Jack Panksepp, Lucy Biuen എന്നിവർ ചേർന്നെഴുതിയ The Archeology of Mind: Neuroevolutionary origins of human emotions എന്നിവയാണ് ആ പുസ്തകങ്ങൾ.           നാഡീശാസ്ത്രം, മനഃശാസ്ത്രം, ജനിതകശാസ്ത്രം തുടങ്ങിയവയെ ജീവജാലങ്ങളുടെ പെരുമാറ്റസംസ്‌കാരത്തിന്റെ വ്യാഖ്യാനത്തിനുപയോഗപ്പെടുത്തുന്ന എതിരന്റെ ലേഖനങ്ങൾ മുഖ്യമായും മൂന്നു മണ്ഡലങ്ങളെയാണ് അഭിസംബോധന ചെയ്യുന്നത്. ഒന്ന്, ഭാഷ, സാഹിത്യം, കലകൾ തുടങ്ങിയ ഭാവനാത്മകസിദ്ധികളെ. രണ്ട്, രോഗങ്ങൾ, ലൈംഗികത, കുറ്റവാസന, പെരുമാറ്റരീതികൾ തുടങ്ങിയ ജൈവപ്രകൃതങ്ങളെ. മൂന്ന്, പാരമ്പര്യം, കുടുംബം, ആചാരങ്ങൾ, മൂല്യങ്ങൾ, വംശം-ജാതി-മതം തുടങ്ങിയ സാമൂഹ്യശാസ്ത്ര-നരവംശശാസ്ത്രതലങ്ങളെ.           ഒട്ടാകെ പന്ത്രണ്ടു ലേഖനങ്ങളുള്ള ‘മലയാളിയുടെ ജനിതക’ത്തിലെ ഏഴു രചനകൾ മേല്പറഞ്ഞവയിൽ രണ്ടാമത്തെ മണ്ഡലത്തെക്കുറിച്ചുള്ളവയാണ്. അഞ്ചെണ്ണം മൂന്നാമത്തെ മണ്ഡലത്തെക്കുറിച്ചും.           ചിരിയുടെ ജനിതകസ്വരൂപം വിശകലനം ചെയ്യുന്ന ‘ചിരിയുടെ ഡി.എൻ.എ’, കുറ്റവാസനകൾ സാമൂഹികമല്ല, ജനിതകമാണ് എന്നു സ്ഥാപിക്കുന്ന ‘പാരമ്പര്യമഹത്വം അഥവാ ഗുണ്ടകൾ ഉണ്ടാകുന്നത്’, സ്വവർഗരതിയുടെ ജനിതകശാസ്ത്രാപഗ്രഥനം നടത്തുന്ന ലേഖനം, ഇരട്ടവാലന്റെ ദ്വിലിംഗജീവിതം ചർച്ചചെയ്യുന്ന രചന, മദ്യപാനാസക്തിയുടെ പാരമ്പര്യസ്വഭാവവും കരൾരോഗത്തിന്റെ സാധ്യതകളും വിശദീകരിക്കുന്ന ലേഖനം, ആർത്തവരക്തത്തിലെ വിത്തുകോശസമൃദ്ധിയെക്കുറിച്ചുള്ള പഠനം, ആനയുടെ മദപ്പാടിന്റെ കാമ-ജീവശാസ്ത്രങ്ങൾ അവലോകനം ചെയ്യുന്ന രചന എന്നിവയാണ് ജൈവപ്രകൃതങ്ങളെക്കുറിച്ചുള്ള ജനിതകപാഠങ്ങൾ.           മലയാളിയുടെ ജാതിമതഘടനകളെ തന്മാത്രാ ജനിതകശാസ്ത്രത്തിന്റെ വെളിച്ചത്തിൽ വിശദീകരിക്കുന്ന ലേഖനം, അന്യഗ്രഹങ്ങളിലെ ജീവിതസാധ്യതകളെക്കുറിച്ചുള്ള രചന, ന്യൂട്രിനോ നിരീക്ഷണശാലയെക്കുറിച്ചുള്ള സംവാദം, പാരിസ്ഥിതികസന്തുലനവും വികസനവും സമീകരിക്കുന്ന രചന, ഉലുവയുടെയും മഞ്ഞളിന്റെയും ജീവ-വൈദ്യശാസ്ത്രമൂല്യങ്ങൾ വിശകലനം ചെയ്യുന്ന ലേഖനം എന്നിവ ജനിതകവിജ്ഞാനം മുൻനിർത്തിയുള്ള നരവംശശാസ്ത്ര-സാമൂഹ്യശാസ്ത്രപഠനങ്ങളും.           സിനിമയും സംഗീതവുമുൾപ്പെടെയുള്ള കലകളും സാഹിത്യവും നിരന്തരം രൂപകാർഥത്തിൽ സന്നിഹിതമാകുന്നു, എതിരന്റെ ശാസ്ത്രലേഖനങ്ങളിൽ. ആലങ്കാരികവും ചമൽക്കാരപരവുമായ കേവലകൗതുകമല്ല എതിരന് ഈ സാംസ്‌കാരികബിംബങ്ങൾ. മറിച്ച് സംസ്‌കാരത്തിന്റെ ലാവണ്യാത്മകവും ജൈവികവുമായ അർഥസാധ്യതകളുടെ തുറന്നിടലാണ്. സാമൂഹ്യശാസ്ത്രപരവും നരവംശശാസ്ത്രപരവുമായ എതിരന്റെ ഒരു പഠനവും ജനായത്തപരവും ലിംഗനീതിപരവും മറ്റുമായ രാഷ്ട്രീയത്തിൽനിന്നു മുക്തമല്ല. ആവിഷ്‌ക്കാരത്തിലുടനീളം ഓളം തല്ലുന്ന പ്രസന്നമായ നർമബോധവും നിശിതമായ യുക്തിചിന്തയും എതിരന്റെ മുഖമുദ്രയാകുന്നു. കാവ്യാത്മകമായ ഭാഷയും സമകാലപ്രാധാന്യം ഏറെയുള്ള പ്രമേയങ്ങളുംവഴി എതിരൻ ഓരോ വിഷയത്തെയും ജനപ്രിയശാസ്ത്രത്തിന്റെ ആഖ്യാനകലയിലേക്കു വിവർത്തനം ചെയ്യുന്നു. സങ്കീർണമായ ശാസ്ത്രസംജ്ഞകളെയും പ്രക്രിയകളെയും ഏറെക്കുറെ ജനകീയവും ലളിതവുമായി വിവരിക്കാനും അങ്ങേയറ്റം പ്രശ്‌നഭരിതമായ സാംസ്‌കാരികസന്ദർഭങ്ങളെ സംവാദാത്മകമായി സമീപിക്കാനും എതിരനു കഴിയുന്നു. പ്രത്യയശാസ്ത്രങ്ങളുടെ പിടിവാശികളെപ്പോലും റദ്ദാക്കുന്ന ജനിതകയാഥാർഥ്യങ്ങൾ കൊണ്ട്, സാമൂഹ്യശാസ്ത്ര രീതിശാസ്ത്രങ്ങൾ ഏകപക്ഷീയമായി പിടിമുറുക്കിയ നമ്മുടെ പൊതുമണ്ഡലങ്ങളെ പുനർവായിക്കാനുള്ള വഴികൾ തുറന്നിടുകയാണ് മലയാളിക്കു മുന്നിൽ എതിരൻ കതിരവൻ. ഈ പുസ്തകത്തിലെ മുഴുവൻ രചനകളും ആധുനിക മലയാളി കെട്ടിപ്പൊക്കിയ ചില്ലുമേടകൾക്കു നേരെവരുന്ന കല്ലേറുകൾ തന്നെയാണ്. വർഗരാഷ്ട്രീയം മുതൽ ജാതിവാദംവരെ; ലിംഗബോധം മുതൽ സൗന്ദര്യശാസ്ത്രം വരെ - ഓരോന്നും ഈ പുതിയ വായനകൾക്കു മുന്നിൽ സ്വയം നവീകരിക്കാൻ മലയാളിയെ നിർബ്ബന്ധിതമാക്കുകതന്നെ ചെയ്യുന്നു.           ഭിന്നജാതികളിലും മതങ്ങളിലും വംശ, വർണ, വർഗങ്ങളിലുംപെട്ട മലയാളിയുടെ തന്മാത്രാ ജനിതകവിശ്ലേഷണം തെളിയിക്കുന്നതെന്താണ്? നാളിതുവരെ സാമൂഹ്യശാസ്ത്രപരമായി നാം കെട്ടിപ്പൊക്കിയ സിദ്ധാന്തങ്ങൾക്കും സങ്കല്പനങ്ങൾക്കും ഘടകവിരുദ്ധമായ പ്രകൃതിയാഥാർത്ഥ്യങ്ങൾ ജനിതകവിജ്ഞാനം വെളിപ്പെടുത്തുന്നു. ‘പറച്ചിപെറ്റ പന്തിരുകുലം’ തന്നെയാണ് മലയാളി എന്നത് വെറുമൊരു മിത്തല്ല, ജീവശാസ്ത്രപരമായ വസ്തുതയാണ് എന്നു തെളിയിക്കുന്നു, ഗവേഷണങ്ങൾ.           “ജനസമൂഹങ്ങളുടെ വ്യാപനവും കുടിയേറ്റവും കലർപ്പും കൃത്യമായി വിശകലനം ചെയ്യാൻ ഇന്നുപയോഗിക്കുന്ന മറ്റു തന്ത്രങ്ങളിൽ y ക്രോമൊസോമിലെ ഹാപ്ലോ ഗ്രൂപ്പുകളും മൈറ്റോകോൺട്രിയൽ ഡി.എൻ.എ.യിലെ ഹാപ്ലോഗ്രൂപ്പുമാണ് പ്രധാനികൾ. Y ക്രോമൊസോം അച്ഛനിൽനിന്നും ലഭിക്കുന്നതാണ്. അതിലെ ഹാപ്ലോഗ്രൂപ്പിന്റെ വ്യാപനം അടയാളപ്പെടുത്തുന്നത് ആണുങ്ങൾവഴിയുള്ള കലർപ്പിന്റെ വഴികളാണ്. ഒരു സമൂഹത്തിലേക്ക് വേഴ്ചയുമായി എത്തുന്ന ആണുങ്ങൾ അവരുടെ മുദ്ര അവിടെ പതിപ്പിക്കുകയാണ്. മൈറ്റോകോൺട്രിയൽ ഡി.എൻ.എ. ആകട്ടെ, അമ്മയുടെ അണ്ഡംവഴി പകർന്നുവ്യാപിക്കുന്നതും അങ്ങനെ സ്ത്രീകളിൽനിന്നും പകർന്നുകിട്ടിയ ‘പൈതൃക’ത്തിന്റെ സൂക്ഷ്മകോഡുകളും തലമുറകൾ കഴിഞ്ഞും ഇത്തരം വ്യാപനങ്ങൾ കണ്ടുപിടിക്കപ്പെടാം എന്നത് ശാസ്ത്രം മനഃസാക്ഷിയുമായി ചെയ്യുന്ന ലീലാവിനോദം ഭാരതത്തിലെ ഗോത്രവർഗ്ഗക്കാരിലും ഹിന്ദുജാതികളിലും മാതൃ ജീൻ പൂൾ (മൈറ്റോകോൺട്രിയൽ ഡി.എൻ.എ. അടയാളപ്പെടുത്തുന്ന (maternal gene pool) വൻശതമാനവും ഒരുപോലത്തവയാണ്. അവർ ദ്രാവിഡരാകട്ടെ, ഇൻഡോ-യൂറോപ്യൻ വംശാവലിയിലുള്ളവരാകട്ടെ, ‘ഏകാംബ പുത്രരാം കേരളീയർ’ എന്നു കവി പാടിയത് മൊത്തം ഭാരതീയർക്കും ബാധകമാക്കാം. എന്നാൽ y ക്രോമൊസോം പരമ്പര തെളിയിക്കുന്നത് വ്യത്യസ്തമായ വംശാവലികൾ വന്നുകയറിപ്പോയതിന്റെ കഥകളാണ്. കുടിയേറ്റത്തിനു വന്നവരിലെ ആണുങ്ങൾ നാടൻ പെണ്മണികളെ വശംവദരാക്കിയതിന്റെ ശേഷപത്രം. ദുഷ്യന്ത-ശകുന്തള മഹാകാവ്യങ്ങൾ. പാടത്തെ ഉഴവുചാലിൽനിന്നും കിട്ടിയ സുന്ദരിക്കുട്ടിയെ പട്ടമഹിഷിയാക്കുന്ന താൻപേരിമകൾ.           സാംസ്‌കാരിക അനുമാനങ്ങളുടെയോ ധൈഷണിക പര്യാലോചനകളുടെയോ പിന്താങ്ങൽ ഇല്ലാതെയാണ് ജനിതകശാസ്ത്രം വസ്തുനിഷ്ഠമായ ചരിത്രസത്യങ്ങൾ കുഴിമാന്തി പുറത്തിടുന്നത്. കേരളചരിത്രത്തിന്റെ പുതിയ പാഠങ്ങൾ ആയിരിക്കും പരീക്ഷണശാലയിൽനിന്നും പഠിച്ചെടുക്കേണ്ടിവരുന്നത്. മലയാളികളുടെ Y ക്രോമൊസോം പഠനങ്ങൾ കൊടുക്കൽവാങ്ങലുകളുടെയും കലർപ്പ് കൈമാറ്റത്തിന്റെയും നിജസത്യങ്ങൾക്കു വഴിതെളിച്ചേക്കും”.           ചിരിയുടെ സാധ്യതകളും അസാധ്യതകളും സൃഷ്ടിക്കുന്ന ആരോഗ്യകരവും രോഗാതുരവുമായ മനുഷ്യാവസ്ഥകളുടെ മറനീക്കുന്നു, ജീനുകളാൽ നിയന്ത്രിക്കപ്പെടുന്ന ചിരിയുടെ ഘടനപഠിക്കുന്ന ലേഖനം. എതിരൻ എഴുതുന്നു:           “ചിരിക്കാത്ത മുഖം സമൂഹത്തിൽ നിശിതമായി ഒതുക്കപ്പെടുന്ന വ്യക്തിയെയാണ് സൃഷ്ടിച്ചെടുക്കുന്നത്. ചിരിക്കാത്ത കുഞ്ഞിന് അക്കാരണത്താൽതന്നെ മാതാപിതാക്കളുമായി ഉചിതബന്ധം നിഷേധിക്കപ്പെട്ടേക്കാം. നിർവ്വികാരമായ മുഖം ബുദ്ധിക്കുറവിനെയോ മാനസിക പ്രശ്‌നത്തെയോ ദ്യോതിപ്പിക്കുന്നതായി തെറ്റിദ്ധരിക്കപ്പെടാം. കളിയാക്കലുകൾ, ആളെ ചെറുതാക്കൽ ഇവയൊന്നും പോരഞ്ഞ് കൂട്ടത്തിൽ കൂട്ടാത്ത കുട്ടിയായി അവഗണിക്കപ്പെട്ടേക്കാം. ആത്മാഭിമാനത്തിന്റെയും സ്വത്വബോധത്തിന്റെയും സമസ്യകളിലേക്കു നയിക്കുന്ന മാനസികവൃഥകളാണ് ഇതിന്റെ പരിണതി. മനോഹരമായ പുഞ്ചിരി നിങ്ങൾക്കുണ്ടെങ്കിൽ ഒന്നാന്തരം ചിരിക്കുടുംബത്തിൽ പിറവിയെടുത്തെന്ന സാഫല്യത്തിനു നന്ദി പറയുക. ‘നിൻ മുഖത്തെന്നോ മറഞ്ഞൊരാ പുഞ്ചിരി എന്നിനി എന്നിനി കാണും’ എന്ന് വിസ്മയപ്പെടുമ്പോൾ ക്രോമൊസോം 3, 10, 13 ഇവിടങ്ങളിലെങ്ങോ ഉള്ള ഒന്നോ രണ്ടോ ജീനുകളുടെ പ്രവർത്തനം തകരാറിലായി എന്ന ആശങ്കയ്ക്കും വഴിയുണ്ട്”.           ജൈവപരമല്ല, സാമൂഹികമാണ് കുറ്റവാസനകളെന്ന പ്രഖ്യാതമായ നിഗമനത്തിന്റെ അടിക്കല്ലിളക്കിമാറ്റുകയാണ് മറ്റൊരു ലേഖനം. ഡാർവിൻ ജനറ്റിക്‌സിൽ തീഷ്ണാതനായിരുന്നില്ലെങ്കിലും മറ്റു ജീവികളുടേതുപോലെ മനുഷ്യന്റെയും പെരുമാറ്റരീതികൾ ജനിതകപരമാണ്, സാംസ്‌കാരികമല്ല എന്നു തിരിച്ചറിഞ്ഞിരുന്നു. മോളിക്യൂളാർ ബയോളജിയിൽ നടക്കുന്ന ഗവേഷണങ്ങൾ ഈ തിരിച്ചറിവിനെ സമർഥമായി മുന്നോട്ടുകൊണ്ടുപോകുന്നു. പെരുമാറ്റ ജനിതകശാസ്ത്രത്തിന്റെ കണ്ടെത്തലുകൾ ജയിംസ് വാട്‌സൺന്റെ വാക്കുകളെ സാർഥകമാക്കുകയും ചെയ്യുന്നു. അദ്ദേഹം പറഞ്ഞു:  ".....ptsa eugenic horrors in no way jtsuify the "Not Our Genes' politically correct outlook of many letfwing academics. Theyts ill spread the unwarranted message that only our bodies, not our minds, have genetic origins. Essentially protecting the ideology that all ourt rouvles have capitaltsiic exploitative origins, they are purticularly uncomfortable with the thought that genes have any influence on intellectual abilities or tha tunoscial criminal behaviour might owe sti origins to other than class or racially motivated oppression''. എതിരൻ വിശദീകരിക്കുന്നു:                    “ക്രിമിനൽ സ്വഭാവങ്ങളോ ഹിംസാത്മകചേഷ്ടകളോ ദാരിദ്ര്യത്തിൽനിന്നോ തൊഴിലില്ലായ്മയിൽനിന്നോ മാത്രം ഉയിർത്തെഴുന്നേൽക്കുന്നതല്ലെന്ന് ബ്രസീലിന്റെ രാഷ്ട്രീയ-സാമൂഹിക ചരിത്രം ചൂണ്ടിക്കാണിക്കുന്നു. സാമൂഹിക-സാമ്പത്തിക അസമാനതയും ദാരിദ്ര്യവും വളരെ പരിഹരിക്കപ്പെട്ടിട്ടും ബ്രസീലിലെ ക്രിമിനൽ കുറ്റങ്ങളുടെയും ക്രൂരവാസനകളുടെയും ഗ്രാഫ് കുത്തനെ ഉയരുകയാണ്”.           ചൊവ്വ ഉൾപ്പെടെയുള്ള അന്യഗ്രഹങ്ങളിൽ ജീവൻ നിലനിൽക്കുന്നുണ്ടോ എന്ന അന്വേഷണത്തിന്റെ സാധ്യതകൾ വിശദീകരിക്കുന്നു, ഇനിയൊരു രചന.           ഈ പുസ്തകത്തിൽ ഏറ്റവും ശ്രദ്ധേയവും സംവാദങ്ങൾ തുറന്നിട്ടതുമായ രചന സ്വവർഗരതിയെക്കുറിച്ചുള്ളതാണ്. സ്വവർഗരതി ‘പ്രകൃതിവിരുദ്ധ’മല്ല എന്നു സ്ഥാപിക്കുകമാത്രമല്ല, ഭ്രൂണാവസ്ഥയിൽതന്നെ ഓരോ വ്യക്തിക്കും ജന്തുവിനും കൈവരുന്ന ജനികതസ്വഭാവമാണെന്നു വിശദീകരിക്കുകയും ചെയ്യുന്നു, നിരവധി പഠനങ്ങളുദ്ധരിച്ച് എതിരൻ. ആൺ-പെൺ ലിംഗ വേർതിരിവും ദ്വിലിംഗ, ഏകലിംഗ അവസ്ഥകളും സ്വ, ഭിന്ന, ഉഭയവർഗലൈംഗിക താൽപര്യങ്ങളുമൊക്കെ ജനികതവിജ്ഞാനം മുൻനിർത്തി ഒന്നൊന്നായി വിശദീകരിക്കുന്നു, ഈ ലേഖനം. എതിരൻ വിവരിക്കുന്നതു നോക്കുക:           “ലൈംഗികാഭിമുഖ്യത്തിന്റെ കാര്യത്തിൽ തലച്ചോർ ഇക്കാലത്ത് ചില തീരുമാനങ്ങൾ എടുക്കുകയാണെന്നതിന്റെ വ്യക്തമായ തെളിവ് CAH (Congenital Adrenal Hyperplasia) എന്ന അസുഖം ബാധിച്ചവരിൽനിന്നാണ് ലഭിച്ചിട്ടുള്ളത്. ഭ്രൂണാവസ്ഥയിലെ ഹോർമോണുകളുടെ സ്വാധീനം മൂലം ലൈംഗികാഭിമുഖ്യം മാറപ്പെടുന്നതിനെക്കുറിച്ച് വ്യക്തമായ അറിവുകളാണ് ഇഅഒ ബാധിച്ചവരിൽ നടത്തിയ പഠനങ്ങൾ ശാസ്ത്രലോകത്തിനു സമ്മാനിച്ചത്. തത ക്രോമൊസോമുകളുള്ള, പെണ്ണായിത്തീരേണ്ട കുഞ്ഞിന്റെ പെൺഹോർമോണുകളുടെ നിർമ്മാണരീതി പുരുഷഹോർമോൺ നിർമ്മാണരീതിയുമായി കൂടിക്കുഴയുന്ന സ്ഥിതിയാണിത്. ടെസ്റ്റോസ്റ്റിറോൺ എന്ന പുരുഷ ഹോർമോൺ കൂടുതലായി ഉത്പാദിപ്പിക്കപ്പെടുകയാണ് ഈ ഭ്രൂണങ്ങളിൽ. ഈ സ്ഥിതിയിൽ ജനിക്കുന്ന പെൺകുഞ്ഞുങ്ങൾക്ക് ഏകദേശം ആൺകുഞ്ഞുങ്ങളുടെ ബാഹ്യരൂപം കാണപ്പെടും. ലിംഗവൃഷണങ്ങൾ സഹിതം. ഇത് ശസ്ത്രക്രിയവഴി ക്രമീകരിക്കാമെങ്കിലും ഇവർ സ്വവർഗ് ലൈംഗികാഭിമുഖ്യമുള്ളവർ (ലെസ്‌ബിയൻസ്) ആയിത്തീരുകയാണ് പതിവ്. തഥ ക്രോമൊസോമുകളുള്ള, ആണാകേണ്ട ഭ്രൂണം, ആൺഹോർമോണുകളുടെ സ്വീകരിണികളുടെ അഭാവം നിമിത്തം പെൺസ്വരൂപങ്ങളായി ജനിക്കാറുമുണ്ട് (androgen insensittÈys yndrome). ഇവരുടെ തലച്ചോറ് പെണ്ണത്തമാർന്നതിനാൽ പിൽക്കാലത്ത് ഇവർക്ക് ആണുങ്ങളോടുതന്നെയായിരിക്കും താത്പര്യം. തഥ ക്രോമൊസോമുള്ള, ആൺകുഞ്ഞാവേണ്ട ഭ്രൂണം ലിംഗവൃഷണങ്ങൾ വളർന്നുതുടങ്ങിയിട്ടും തലച്ചോറ് പൂർണ്ണമായും ആണായി മാറിയില്ലെങ്കിൽ അവർ ദ്വിലിംഗവ്യക്തി ആയിത്തീരും. മാനസികമായും സമൂഹപെരുമാറ്റപരമായും അവർ പെണ്ണുങ്ങളായിരിക്കും”.           രണ്ടു ലിംഗമുള്ള ഇരട്ടവാലൻ പ്രാണികളുടെയും മറ്റുചില ജീവികളുടെയും സവിശേഷമായ ലൈംഗികജീവിതം വിശകലനം ചെയ്യുന്നു, അടുത്ത രചന. മദ്യപാനത്തെക്കുറിച്ചു നിലനിൽക്കുന്ന രണ്ടു വലിയ ധാരണകൾ തിരുത്തുന്നു, തുടർന്നുള്ള ലേഖനം. ഒന്ന്, മദ്യപാനാസക്തി ജനിതകമല്ല എന്ന ധാരണ. രണ്ട്, മദ്യപർക്കുമാത്രമേ ലിവർസിറോസിസ് വരൂ എന്ന ധാരണ. യഥാർഥത്തിൽ ഇവ രണ്ടും വലിയതോതിൽ പാരമ്പര്യമായി കിട്ടുന്ന ജനിതക സ്വഭാവങ്ങളാണ്. സാമൂഹികമായും ജീവിതപരമായും ചില മാറ്റങ്ങൾ വരാം എന്നു മാത്രം.         ആർത്തവരക്തം ഏറെ അപഹസിക്കപ്പെട്ട സമീപകാലത്ത് എതിരൻ എഴുതിയ ലേഖനം, വിത്തുകോശങ്ങളുടെ അക്ഷയഖനിയായി ആർത്തവരക്തത്തിനുള്ള സാധ്യതകൾ മറനീക്കുന്നു. കാവ്യാത്മകമായ രൂപകങ്ങളിലൂടെ ആർത്തവവിവാദം സൃഷ്ടിച്ച പുകിലുകളുടെ അസംബന്ധം എതിരൻ തുറന്നുകാണിക്കുന്നു.         “രക്തബാങ്കുപോലെ വിത്തുകോശബാങ്കും തുടങ്ങാൻ എളുപ്പവഴികളാണ് തുറക്കപ്പെടുന്നത്. കോശങ്ങളുടെ ചേർച്ചയനുസരിച്ച് സ്വീകാര്യത വിപുലപ്പെടാം. ഈ ബാങ്കുകളിൽ ശേഖരിക്കപ്പെടുന്ന വിത്തുകോശങ്ങളുടെ ബാഹുല്യവും വൈവിധ്യവും അനുസരിച്ച് സ്വീകരിക്കപ്പെടുന്നവരുടെ എണ്ണം അതിബൃഹത്തായിരിക്കും. ഹൃദയസംബന്ധിയായ പല അസുഖങ്ങൾക്കും വിത്തുകോശങ്ങൾ ഉപയോഗിക്കപ്പെടാം എന്ന പുതിയ അറിവ് വിപ്ലവാത്മകമായ മാറ്റങ്ങളാണ് വരുത്തിത്തീർക്കുന്നത്. ഹൃദയകല (tissue) പുനർനവീകരണത്തിനു വശംവദമാകുമെന്ന അറിവ് നൂതനമാണ്. ഹൃദയത്തിന്റെ വേണ്ട ഭാഗത്ത് നിക്ഷേപിക്കപ്പെട്ട വിത്തുകോശങ്ങൾ മരാമത്തിലും അറ്റകുറ്റപ്പണികളിലും പങ്കെടുക്കുമെന്ന അറിവ് പുതിയ പരീക്ഷണങ്ങൾക്ക് വഴിതെളിയിച്ചിരിക്കയാണ്. കാർഡിയോളജി ക്ലിനിക്കുകൾ വമ്പന്മാറ്റങ്ങൾക്കു വിധേയമാകുമെന്നാണു സൂചന. സാഹിത്യത്തിൽ ആർത്തവരക്തം ലൈംഗികതാസൂചനയാണെങ്കിൽ ഹൃദയം പ്രണയസംബന്ധിയുമാണെങ്കിൽ ഇവ രണ്ടും കൂട്ടിയോജിപ്പിക്കുന്നത് ക്ലിനിക്കുകളിൽ ആയിരിക്കും. പ്രണയിനിയുടെ വിത്തുകോശങ്ങൾകൊണ്ട് പ്രണേതാവിന്റെ ഹൃദയമുറിവുകൾ ഉണക്കിയെടുക്കുന്ന ഭാവുകത്വം സത്യമായിത്തീരാൻ സാദ്ധ്യത”.         തമിഴ്‌നാട്ടിലെ തേനി, കേരളത്തിലെ മതികെട്ടാൻ മലനിരകളുടെ അടിയിൽ നിർമ്മാണം നടക്കുന്ന ന്യൂട്രിനൊ നിരീക്ഷണശാലക്കെതിരെ ഉയർന്നുവന്ന എതിർപ്പുകളുടെ നട്ടെല്ലൊടിക്കുകയാണ് അടുത്ത ലേഖനം. ന്യൂക്ലിയർ ഫിസിക്‌സിലും പാർട്ടിക്കിൾ ഫിസിക്‌സിലും നിരക്ഷരരായ ‘വിദദ്ധർ’ മാതൃഭൂമി ആഴ്ചപ്പതിപ്പിലെഴുതിയ അസംബന്ധലേഖനത്തിലെ കുയുക്തികൾ ഒന്നൊന്നായി എതിരൻ റദ്ദാക്കുന്നു. സ്വവർഗരതി, ജാതിവ്യവസ്ഥ എന്നീ വിഷയങ്ങളെക്കുറിച്ചെന്നപോലെ ഏറെ സങ്കീർണവും വിപുലവുമായ ശാസ്ത്രസങ്കല്പനങ്ങളെ ആശ്രയിച്ചുകൊണ്ടാണ് ന്യൂട്രിനൊയെക്കുറിച്ചു എതിരൻ എഴുതുന്നത്.       പരിസ്ഥിതിബദ്ധമായ ഊർജ്ജോല്പാദനത്തെക്കുറിച്ചും ഉലുവയുടെയും മഞ്ഞളിന്റെയും അസാമാന്യമായ രാസവിസ്മയങ്ങളെക്കുറിച്ചുമാണ് തുടർന്നുള്ള ലേഖനങ്ങൾ.         അവസാനലേഖനം ആനയുടെ മദപ്പാടിനു പിന്നിലെ ജീവശാസ്ത്രവും കാമസൂത്രവും ചർച്ചചെയ്യുന്നു. കേരളീയസന്ദർഭത്തിൽ ഏറെ പ്രസക്തവും ശാസ്ത്രീയവും അപൂർവവുമായ ഒരു ശ്രമമാണിത്. ആനകളെ പരിരക്ഷിക്കുന്നതിന് മലയാളി പുലർത്തിപ്പോരുന്ന സമീപനങ്ങളുടെ ‘പ്രകൃതിവിരുദ്ധത’ മുതൽ മദപ്പാടിനെക്കുറിച്ചുള്ള തെറ്റിദ്ധാരണകൾ വരെ എതിരൻ പൊളിച്ചടുക്കുന്നു.                        “ലൈംഗികോത്തേജനത്തിന്റെ പരിണതി മാത്രമാണ് മദംപൊട്ടൽ എന്ന് തെളിയിക്കപ്പെട്ടിട്ടില്ലെങ്കിലും ഇണയെ പ്രാപിക്കാനുള്ള ഉപാധികളുടെ ശരീരധർമ്മശാസ്ത്രമാണ് മദപ്പാടിന്റെ പ്രധാന പ്രകരണങ്ങൾ. സസ്തനികളിൽ ആനകൾക്കു മാത്രം പ്രകൃതി അനുവദിച്ചുകൊടുത്തിട്ടുള്ള ചില വിട്ടുവീഴ്ചകൾ. പരസ്പരസംവേദനത്തിന്റെ ഉൽക്കടമായ പ്രത്യക്ഷപ്പെടുത്തൽ. ബന്ധനത്തിലാക്കപ്പെട്ട ആനകൾ വിനിമയോപാധികൾ ഇല്ലാതെപോയോ അതിരുകടന്നുപോയോ സംഭ്രമത്തിൽ എത്തിച്ചേർന്നതിന്റെ ദൃഷ്ടാന്തം. ഏഷ്യൻ ആനകളുടെ സ്വാഭാവികജീവശാസ്ത്രത്തിന്റെ ഭാഗമാണ് മദപ്പാട്. ചരിത്രാതീതകാലത്ത് പ്രകൃതിയുമായി സമരസപ്പെടാൻ പരിണാമശാസനങ്ങൾ നിർദ്ദേശിച്ചുകൊടുത്ത പോംവഴികളുടെ ശേഷപത്രവുമാവാം ഇത്. സമൂഹജീവിയാണ് ആന. അതിസങ്കീർണ്ണമായ രാസവിദ്യകളാൽ പരസ്പരം സന്ദേശങ്ങളയച്ചും ഇണങ്ങിയും പിണങ്ങിയും കൂട്ടംചേർന്നും അവർ സമൂഹവ്യവസ്ഥകൾ നിർമ്മിച്ചെടുക്കുന്നു. കല്യാണപ്രായത്തിൽ പെണ്ണുങ്ങൾ ചൂടുന്ന കന്മദഗന്ധം തേടിനടക്കുന്ന കാമുകന്മാരും പ്രിയന്റെ കാമച്ചൂരിനാൽ വിജൃംഭിതയായവളും രാസവിദ്യാപ്രണയലേഖനം എങ്ങനെയെഴുതണം എന്ന് ചിന്താക്കുഴപ്പമില്ലാത്ത ഗജിനികളും ഈ വിസ്തൃതകുടുംബത്തിലെ അംഗങ്ങളാണ്. ഈ കൂട്ടായ്മയിൽനിന്നും ‘ഒറ്റ’യാക്കി മാറ്റപ്പെട്ടവരാണ് നമ്മുടെ നാട്ടാനകൾ. മദപ്പാട് സ്വയം നിയന്ത്രിക്കാൻ വയ്യാതാവുന്നത് കണക്കിലെടുക്കേണ്ടത് ഈ മാറ്റപ്പെട്ട സാഹചര്യങ്ങളിലാണ്”.         ചുരുക്കത്തിൽ, നാളിതുവരെ മലയാളിയുടെ പൊതുബോധം കാത്തുസൂക്ഷിച്ചിരുന്ന എത്രയെങ്കിലും സാമൂഹ്യധാരണകളെ, രാഷ്ട്രീയവിശ്വാസങ്ങളെ, പ്രകൃതിയാഥാർഥ്യങ്ങളെ, ജീവിതവിസ്മയങ്ങളെ, മാനുഷികസംസ്‌കാരങ്ങളെ, പെരുമാറ്റശീലങ്ങളെ, പ്രപഞ്ചവീക്ഷണങ്ങളെ ജനിതകവിജ്ഞാനത്തിന്റെ കാഴ്ചപ്പാടിൽ തിരുത്തിയെഴുതാനുള്ള വഴികളിലേക്കു വിരൽ ചൂണ്ടുകയാണ് എതിരൻ കതിരവൻ. ആധുനികത മലയാളിക്കു സൃഷ്ടിച്ചുനൽകിയ സാംസ്‌കാരികചിന്തകൾക്കുമേൽ അടിപടലേ നടക്കുന്ന ഒരു പൊളിച്ചെഴുത്താണിത്.   പുസ്തകത്തിൽ നിന്ന്       “1991-ലാണ് ആദ്യമായി സ്വവർഗ്ഗാഭിമുഖ്യം തലച്ചോറിന്റെ ഘടനാസ്വാധീനത്തിലാകാൻ സാദ്ധ്യതയുണ്ടെന്നും സാമൂഹികമോ സ്വയം തെരഞ്ഞെടുത്ത ജീവിതരീതി (lifets yle choice) അടിസ്ഥാനപ്പെടുത്തിയ കാരണങ്ങളാലോ ആയിരിക്കില്ലെന്നുമുള്ള നിഗമനം ശാസ്ത്രലോകം സമ്മാനിച്ചത്. ഏറ്റവും പ്രബലമായ സയൻസ് ജേർണലിൽത്തന്നെയാണ് ലിവേ എന്ന ശാസ്ത്രജ്ഞന്റെ ഈ പഠനം പ്രസിദ്ധീകരിക്കപ്പെട്ടത്. ഹൈപ്പോതലാമസ്സിലെ ലൈംഗികാഭിമുഖ്യം നിയന്ത്രിക്കുന്ന ന്യൂക്ലിയസ് ഹോമോ ആണുങ്ങളിൽ എങ്ങനെ വ്യത്യസ്തമായിരിക്കുന്നു എന്നതായിരുന്നു പ്രധാന നിരീക്ഷണം. അതിനും ഒരു കൊല്ലം മുൻപ് തലച്ചോറിലെ ‘ക്ലോക്ക്’ ആയ SCN (Supra Chiasmatic Nucleus) നു ലൈംഗികപങ്കാളിയെ തെരഞ്ഞെടുക്കലിനു സ്വവർഗ്ഗപ്രേമികളിൽ വ്യത്യാസപ്പെട്ടിരിക്കുന്നു എന്നൊരു വസ്തുതയും പ്രസിദ്ധീകരിക്കപ്പെട്ടിരുന്നു. ലോകമെമ്പാടുമുള്ള മതപിന്തിരിപ്പൻ സമൂഹസ്വാധീനങ്ങളാൽ ശാസ്ത്രജ്ഞന്മാർപോലും അറച്ചുനിന്നിരുന്ന ഈ ‘പ്രശ്‌നം’ പഠിക്കാൻ നിരവധി പരീക്ഷണശാലകൾ താമസിയാതെ മുന്നോട്ടിറങ്ങി. ടെസ്റ്റോസ്റ്റിറോണിന്റെ പ്രവർത്തനങ്ങളെ മാറ്റിമറിക്കുന്ന ഇടപെടൽ നടത്തിയ എലിയുടെ ഭ്രൂണാവസ്ഥയിൽ ഈ ടഇച-ന്റെ വലിപ്പം കൂടിയതായും പിറന്നശേഷം ഹോമോസെക്ഷ്വൽ സ്വഭാവരീതികൾ പ്രകടിപ്പിച്ചതായും കണ്ടെത്തിയത് ഇത്തരം പരീക്ഷണങ്ങളിലായിരുന്നു. തലച്ചോറിന്റെ മറ്റു ഭാഗങ്ങളൊക്കെ ആൺ/പെൺ നിജപ്പെടുത്തലുകൾ കൃത്യമായി അനുഷ്ഠിക്കപ്പെട്ടാലും ഹൈപ്പോതലാമസ്സിലെ ചില ഭാഗങ്ങളുടെ സൂക്ഷ്മവിന്യാസക്രമവൃതാസമാണ് പ്രധാനമായും ലൈംഗികാഭിനിവേശത്തെ നിയന്ത്രിക്കുന്നത് എന്ന നിഗമനത്തിന് ആക്കംകൂട്ടപ്പെടുകയായിരുന്നു ഇത്തരം പരീക്ഷണങ്ങളാൽ. ഹൈപ്പോതലാമസ് ലൈംഗികാഭിമുഖ്യത്തെ നിയന്ത്രിക്കുന്നു എന്ന അറിവ് നേരത്തേതന്നെ ആടുകളിലെ ലൈംഗികരീതികൾ പഠിച്ച ശാസ്ത്രജ്ഞന്മാർക്ക് അറിവുള്ളതായിരുന്നു. മുട്ടനാട് 10% സ്വവർഗ്ഗരതിക്കാരാണ്. ആടുവളർത്തൽകാർക്ക് ഇതു പണ്ടേ അറിയാം. ജന്തുക്കളിൽ ഏറ്റവും കൂടുതൽ സ്വവർഗ്ഗപ്രേമികളെ കാണുന്നത് ആടുകളിലാണ്. കാമവിജൃംഭിതകളായ പെണ്ണാടുകൾ ഇവരുടെ മുൻപിൽ വന്നുനിന്നു യാചിച്ചാലും ഈ ഗേ ആടുകളുടെ കണ്ണ് മറ്റേ സുന്ദരൻ മുട്ടനാടുകളിലാണ്. ഇവരുടെ തലച്ചോറ് പഠനങ്ങൾ മനുഷ്യരുടെ ലൈംഗിക മനോവ്യാപാരങ്ങൾ അറിയാൻ ഉതകിയിട്ടുണ്ട്. ഹൈപ്പോതലാമസ്സിലെ ന്യൂക്ലിയസ്  ovine SDN or oSDN (മൃഗങ്ങളിൽ ലൈംഗികപങ്കാളിയെ തെരഞ്ഞെടുക്കുന്നതിൽ പ്രധാന പങ്കുവഹിക്കുന്നത് ഈ ഭാഗമാണ്) ആണിനും പെണ്ണിനും രണ്ടു വലിപ്പത്തിലാണ്. പെണ്ണാടുകളെ ഇഷ്ടമുള്ള മുട്ടനാടിന് ഈ oSDN വലുതാണ്, ഗേ ആടുകളെക്കാൾ. പെണ്ണാടിനും ഇത് ചെറുതാണ്. ഭ്രൂണാവസ്ഥയിൽ 60 ദിവസം ആകുമ്പോൾതന്നെ ഈ ഭാഗം വ്യതിരിക്തമായിത്തുടങ്ങും; 135 ദിവസം ആകുമ്പോഴേക്കും ഈ വലിപ്പവ്യത്യാസം ദൃഢീകരിക്കപ്പെടുകയുമാണ്. പ്രധാനമായും ടെസ്റ്റോസ്റ്റിറോൺ എന്ന ഹോർമോണിന്റെ പ്രാഭവമാണിത്. ഹൈപ്പോതലാമസ്സിന്റെ മുൻഭാഗത്തെ മൂന്നാമത്തെ ന്യൂക്ലിയസ് INAH3 എന്ന പേരിൽ അറിയപ്പെടുന്നു. മനുഷ്യരിൽ INAH3 (Intestritial Nucleus of the Anterior Hypothalamus3) ആടുകളുടെ oSDN നു സമമാണ്. റീസസ് കുരങ്ങുകളിലും എലികളിലും ഇതിനു സമാനമായ കചഅഒ ലൈംഗികപെരുമാറ്റത്തെ നിയന്ത്രിക്കുന്നു എന്നത് ദൃഢീകരിക്കപ്പെട്ടിട്ടുണ്ട്. മനുഷ്യരിൽ, ആടുകളുടെ oSDN പോലെ INAH3യ്ക്ക് വലിപ്പവ്യത്യാസമുണ്ട്. ആണിനും പെണ്ണിനും. ആണുങ്ങൾക്ക് വലിപ്പക്കൂടുതലുണ്ട്. ഹോമോ ആണുങ്ങളുടെ INAH3 സ്ത്രീകളുടേതു മാതിരിയാണ്. ചെറുതാണ്. പെണ്ണ്/ആണ് ലിംഗമാറ്റം വേണ്ടിവന്നവരുടെ INAH3 ആണുങ്ങളുടേതുമാതിരിയാണ്. ഈ നിരീക്ഷണങ്ങൾ പിന്തുണയ്ക്കുന്നത് ഭ്രൂണാവസ്ഥയിൽ രൂപീകരിക്കപ്പെടുന്ന INAH3 യുടെ സ്വരൂപവ്യത്യാസം സ്വവർഗ്ഗ ലൈംഗികതയിലേക്കു നയിച്ചേക്കാം എന്ന നിഗമനത്തെയാണ്.”   മലയാളിയുടെ ജനിതകം (ശാസ്ത്രലേഖനങ്ങൾ) എതിരൻ കതിരവൻ ഡി.സി. ബുക്‌സ്, 2017 വില: 120 രൂപ
ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
ഞാനും ഗണേശനും തമ്മിൽ 2005ൽ തുടങ്ങിയ റിലേഷനാണ്; പരസ്പര സമ്മതത്തോടെയാണ് ഞങ്ങൾ ഒരുമിച്ച് കഴിഞ്ഞത്; അയാൾ വേറെ കല്യാണം കഴിച്ചുവെന്ന് പറഞ്ഞ് പീഡനക്കേസ് കൊടുക്കുന്നത് ശരിയായ രീതിയാണോ? ഇപ്പോഴത്തെ വിവാഹത്തിന് പിന്നിൽ എന്തൊക്കെയോ പ്രശ്‌നങ്ങൾ ഉണ്ട്: മറുനാടനോട് സരിതാ നായർ പറഞ്ഞത് സോളാർ കേസിലെ യഥാർത്ഥ നായകൻ ഗണേശ് കുമാർ ആണെന്ന ആരോപണം ശരിവയ്ക്കുന്ന തരത്തിൽ
മാമനു വേദനയാണ്, മോളുഴിഞ്ഞ് തന്നേ..എന്നു പറഞ്ഞ് കുഞ്ഞു കൈകളിൽ ഒരു മാംസ കഷണം വച്ചു തന്നിരുന്ന മാമൻ; ഉറുമ്പ് നടക്കുന്നതെങ്ങനാന്ന് കാണിച്ചെരാന്ന് പറഞ്ഞ് കൈയെടുത്ത് കാലിടുക്കുകളിലേക്ക് കൊണ്ടു പോയിരുന്ന കസ്സിൻ ചേച്ചി; മദ്രസയിലെക്ക് ചായ കൊണ്ടുപോയപ്പോൾ കെട്ടിപ്പിടിച്ചു കുന്നിക്കുരു വലിപ്പമുള്ള മുലഞെട്ട് തോണ്ടി കടിയാക്കിയ ഉസ്താദ്: മീ ടൂ കാമ്പയിൻ പടർന്നുപിടിക്കുമ്പോൾ മലയാളികൾ തലയിൽ കൈവയ്ക്കുന്നു
സുഹൃത്തുക്കൾക്കൊപ്പം റഹ്മത്ത് ഹോട്ടലിൽ കയറി മട്ടൻ ബിരിയാണി ഓർഡർ ചെയ്തു; കാത്തിരിക്കുന്നതിനിടെ സോറി മാഡം.. തീർന്നു പോയെന്ന് പറഞ്ഞ് വെയ്റ്റർ; വിശപ്പിന്റെ ആക്രാന്തത്തിൽ കലികയറിയ സീരിയൽ നടിയും വനിതാ സുഹൃത്തും കലിപ്പു തീർത്തത് കരണത്തടിച്ച്; ബന്ധുക്കളെ വിളിച്ചു വരുത്തി വിട്ടയക്കാമെന്ന് പൊലീസ് പറഞ്ഞപ്പോൾ ഒപ്പം പോകില്ലെന്ന് വാശി
കർണ്ണനെ തൊട്ടാൽ പൊള്ളുമെന്ന് അമേരിക്കൻ മലയാളിക്ക് ഉറപ്പായി; മഹാഭാരത കഥയെ വിട്ട് വള്ളുവനാട്ടിലെ വീരന്മാരായ ചാവേറുകളെ വെള്ളിത്തിരയിൽ സന്നിവേശിപ്പിക്കാൻ പ്രവാസി വ്യവസായി; മമ്മൂട്ടിയുടെ ബിഗ് ബജറ്റ് ചിത്രം നിരാശനാക്കുന്നത് പൃഥ്വിരാജിനെ തന്നെ; അഭിനയജീവിതത്തിലെ ഏറ്റവും വലിയ പ്രൊജക്ട് അവിശ്വസനീയമാക്കാൻ മെഗാ താരവും; അസ്തമിക്കുന്നത് ആർ എസ് വിമലിന്റെ 300 കോടിയുടെ മോഹങ്ങൾ
സമഗ്രവും സൂക്ഷ്മവുമായ ഇരുപതിലേറെ നിർണായക തെളിവുകൾ; കൂട്ടമാനഭംഗത്തിലും ഗൂഢാലോചനയിലും ജനപ്രിയ നായകനെതിരെ കുറ്റപത്രം തയ്യാർ; തൊണ്ടി മുതലായ മൊബൈൽ കണ്ടെടുക്കാൻ ശ്രമം തുടരും; കാവ്യയ്ക്കും നാദിർഷായ്ക്കും വമ്പൻ സ്രാവിനുമെതിരെ മൂന്നാം ഘട്ടത്തിൽ അന്വേഷണം; ചാർജ്ജ് ഷീറ്റ് നൽകിയാൽ ഉടൻ ഹൈക്കോടതിയെ സമീപിക്കാൻ താരരാജാവും; ദിലീപിന് ജീവപര്യന്തം ഉറപ്പെന്ന് വിശദീകരിച്ച് അന്വേഷകർ
അതിരാവിലെ ക്ഷീരസംഘത്തിൽ നിന്ന് പാലെടുത്ത് നാട്ടുകാരോട് കുശലംപറഞ്ഞ് പാൽവിൽപന; ആ വരുമാനം മാത്രം കുടുംബത്തിന്; നഗരസഭയിലെ ശമ്പളംകൊണ്ട് ഷാജു നാടിന് സമ്മാനിച്ചത് മനോഹരമായൊരു പാർക്ക്; ഒറ്റ പ്രതിപക്ഷാംഗം പോലും ഇല്ലാത്ത ആന്തൂർ എന്ന 'പാർട്ടി നഗരത്തിലെ' ജനപ്രിയനായ നഗരസഭാ വൈസ് ചെയർമാൻ; പണിയെടുക്കാതെ രാഷ്ട്രീയം കളിക്കുന്നവർക്ക് കണ്ടുപഠിക്കാൻ ആന്തൂർ കണികണ്ടുണരുന്ന നന്മയുടെ കഥ
ഡിഫൻസ് ഡീലിൽ പങ്കാളിയാക്കാമെന്ന ഉറപ്പിൽ ലൈംഗികമായും സാമ്പത്തികമായും ചൂഷണം ചെയ്ത് മുൻ പ്രതിരോധമന്ത്രിയുടെ മകൻ; കുഞ്ഞാലിക്കുട്ടിയുടെ വീട്ടിനടുത്തുള്ള വസതിയിലിട്ട് ബഷീറലി തങ്ങളും ആസക്തി തീർത്തു; ആദർശ ധീരനായ ആന്റണിയുടെ കുടുംബവും സോളാറിൽ പ്രതിസ്ഥാനത്ത്; മുസ്ലിം ലീഗ് കാരണവരുടെ കുടുംബമായ പാണക്കാടിന് നേരെയും ആരോപണങ്ങൾ; സോളാർ ബോംബിൽ കേരള രാഷ്ട്രീയത്തെ പിടിച്ചുലയ്ക്കാനുറച്ച് സരിതാ നായർ വീണ്ടും; എല്ലാം അന്വേഷിക്കാൻ പിണറായിയും
ആദ്യ ഭർത്താവിനെ കുത്തുപാളയെടുപ്പിച്ച് വിവാഹമോചനം നേടി; പലതവണ വേശ്യാവൃത്തിക്ക് പിടിക്കപ്പെട്ടു; കഴിഞ്ഞ ഇരുപതുവർഷമായി നിരവധി പേരിൽനിന്ന് ലക്ഷങ്ങൾ തട്ടി; നന്ദിനി നായർ, ലക്ഷ്മി നായർ, സരിത നായർ..; എല്ലാം തട്ടിപ്പ് വീരായായ ഒരേ സ്ത്രീതന്നെ; സോളാറിൽ പൊള്ളിയ കോൺഗ്രസ് നേതാക്കൾ സൈബർസേനയും പ്രവർത്തകരേയും ഉപയോഗിച്ച് സരിതയെക്കുറിച്ച് പ്രചരിപ്പിക്കുന്നത് ഇങ്ങനെ
മാനം പോകുമെന്നും അവസരം നഷ്ടമാകുമെന്ന് ഭയന്ന് പുറത്തുപറയാത്ത അനേകം നടിമാരെ എനിക്കറിയാം; ഒന്നും അറിയാത്ത പോലെ നടിമാരുടെ നിതംബത്തിൽ തട്ടുന്ന പലരുമുണ്ട്; പേരും പ്രശസ്തിയുമുള്ള പല നായികമാരും ഒരു മടിയുമില്ലാതെ കിടക്ക പങ്കിടും; എന്നെ ഒതുക്കിയത് ചിലരോടൊപ്പം കിടക്ക പങ്കിടാൻ മടിച്ചതു കൊണ്ട്; അനുഭവങ്ങൾ തുറന്നു പറഞ്ഞ് പത്മപ്രിയ
ഉമ്മൻ ചാണ്ടിയെ കുറിച്ച് ഞാൻ പറഞ്ഞത് തെറ്റാണെന്ന് തോന്നുന്നുവെങ്കിൽ അദ്ദേഹത്തിന്റെ റിലേറ്റീവ്‌സിനോടും അടുപ്പക്കാരോടും ചോദിക്കണം; എന്നെ ലോറിയിടിച്ച് കൊല്ലാൻ ബെന്നി ബെഹന്നാൻ ഏർപ്പാടാക്കിയെന്ന് തമ്പാനൂർ രവി തന്നെ സമ്മതിച്ചു; ഈ നേതാക്കളൊക്കെ ഗൾഫിൽ പോകുന്നത് എന്തിനാണ്? സരിതാ നായർ മറുനാടൻ മലയാളിയുമായി നടത്തിയ സംഭാഷണം കേൾക്കാം
കേരള രാഷ്ട്രീയത്തിലെ അതികായനെ കാണാൻ അന്ന് ഞാൻ അദ്ദേഹത്തിന്റെ പക്കലെത്തി; മാന്യമായി ചിരിച്ചുകൊണ്ട് സ്വീകരിച്ചു; കാത്തുനിൽക്കുവാൻ ആവശ്യപ്പെട്ടു; കുടിക്കുവാൻ ചായ നൽകി; പിന്നീട് നടന്നത് എന്റെ സപ്തനാഡികളെയും തളർത്തുന്ന അനുഭവമാണ്: തമിഴ് മാസികയിൽ വന്ന സരിതയുടെ 'ശൊല്ലത്താൻ നിനയ്ക്കിറേൻ' എന്ന 'സസ്‌പെൻസ് ത്രില്ലർ'ആത്മകഥയിലെ വിവരണങ്ങളിൽ എല്ലാം ഇനി അന്വേഷണം
14കാരിയായ മകളും വീട്ടുജോലിക്കാരനും തമ്മിലുള്ള അവിഹിതം കണ്ട പിതാവ് സർജിക്കൽ ബ്ലേഡ് കൊണ്ട് കഴുത്തറുത്തു കൊലപ്പെടുത്തിയെന്ന് കേസ്; അരുഷിയെ കൊന്നതിന്റെ രണ്ടാം ദിവസം ഹേംരാജിന്റെ മൃതദേഹം വീടിന്റെ ടെറസിൽ നിന്നും കണ്ടെത്തി; ഗോൾഫ് സ്റ്റിക്ക് കൊണ്ട് തലയ്ക്കടിച്ചു കൊലപ്പെടുത്തിയെന്നും കണ്ടെത്തൽ; വാർത്താ ചാനലുകളുടെ സെൻസേഷണൽ റിപ്പോർട്ടിൽ ഒമ്പത് വർഷം നീണ്ട അന്വേഷണം: ഒടുവിൽ മാതാപിതാക്കളെ കോടതി കുറ്റവിമുക്തരാക്കുമ്പോൾ അവശേഷിക്കുന്ന ചോദ്യങ്ങളേറെ
കാശുകാരായ കൊച്ചമ്മമാരാണ് സുഖത്തിനു വേണ്ടി വിളിക്കുന്നത്; ഇഷ്ടപ്പെട്ടു കഴിഞ്ഞാൽ എത്ര വേണമെങ്കിലും കാശു തരും; മെയിൽ എസ്‌കോർട്ട് എന്ന പേരിൽ സംസ്ഥാനത്തു വളർന്നു വരുന്നത് ആൺ വാണിഭസംഘം; വെബ്‌സൈറ്റുകളും വാട്‌സാപ് നമ്പരുകളുമായി ഓൺലൈനിലും സംഘം സജീവം; ടൂറിസത്തിന്റെ പേരിൽ വളരുന്ന സുഖവ്യാപാരത്തിൽ പൊലീസും നിഷ്‌ക്രിയം
ഉമ്മൻ ചാണ്ടിയും എന്നെ ലൈംഗികമായി ഉപയോഗിച്ചു; ഞാൻ ചെന്നത് ക്‌ളിഫ് ഹൗസിൽ; മുഖ്യമന്ത്രിയുടെ ഭാര്യ അന്നവിടെ ഇല്ലായിരുന്നു; പീഡിപ്പിച്ചതിന്റ വിശദാംശങ്ങളുമായി സരിതാ നായർ മാതൃഭൂമി ന്യൂസിൽ; പുറമേ കാണുന്നപോലൈയല്ല യുഡിഎഫ് നേതാക്കൾ; പുറത്തു ചിരിക്കുമെങ്കിലും ഉള്ളിൽ കോൾഡ് വാറാണ്; കീറിയ ഉടുപ്പും, ചപ്രത്തലമുടിയുമൊക്കെ സാധാരണക്കാർ പുറമേ കാണുന്നു; അവരുടെ ബിസിനസും ഇൻവെസ്റ്റുമെന്റും ഒന്നും കാണുന്നില്ല; വെള്ളവസ്ത്രമായതിനാൽ കറ പറ്റിയാൽ മാറുന്നത് ആരും അറിയില്ല; സരിത തുറന്നു പറഞ്ഞത് ഞെട്ടിക്കുന്ന വിവരങ്ങൾ
ദോശകഴിക്കാൻ തട്ടുകടയിൽ എത്തിയ ഒരു യുവാവിന്റെ കൗതുകം കവിതാ ലക്ഷ്മിയുടെ ജീവിതം മാറ്റിമറിച്ചു; മകനെ വിദേശ പഠനത്തിന് അയച്ചപ്പോൾ കുമിഞ്ഞുകൂടിയ കടം വീട്ടാൻ തട്ടുകട തുടങ്ങിയ കവിതാ ലക്ഷ്മിയുട തട്ടുദോശ കഴിക്കാൻ ആൾത്തിരക്ക് കൂടി; ദോശ ചുട്ടുവിറ്റ് കടം വീട്ടാമെന്ന് കരുതി പ്രൈംടൈം സീരിയൽ നായിക: മറുനാടൻ ടീം നെയ്യാറ്റിൻകരയ്ക്ക് സമീപം പകർത്തിയ വീഡിയോ കാണാം
മാവേലി വന്ന സമയത്ത് പുട്ടും കടലയും സമ്മാനിക്കുന്ന സംവിധായകൻ: വിവാഹത്തിനു മുൻപ് മധുവിധു നടത്തി വിപ്ലവം സൃഷ്ടിച്ച വിരുതൻ; പിന്നെ സ്വന്തം സമുദായത്തിലെ യുവതിയെ നിക്കാഹ് ചെയ്ത് ഭാര്യയാക്കിയ ഒന്നാം വില്ലൻ; ഭാര്യയുടെ മരണശേഷം അവസരങ്ങൾ കുറഞ്ഞപ്പോൾ ക്രൈം സീരിയലുകളിലൂടെ തിരിച്ചു വരവ് നടത്തിയ രണ്ടാമൻ; ദിലീപ് എത്രയോ ഭേദമെന്ന് പല്ലിശേരി; മലയാള സിനിമയിലെ ക്വട്ടേഷൻ തമ്പുരാക്കന്മാർ ആര്?
രമ്യാ നമ്പീശന്റെ ലാൻഡ് ഫോണിലേക്ക് പോയ വിളി നിർണ്ണായകമായി; പനി പിടിച്ചെന്ന മൊഴിയും വിനയായി; നടിയെ ആക്രമിച്ച ദിവസം നടന്റെ ഫോൺ വിളികൾ നീണ്ടത് രാത്രി രണ്ടര വരെ; ഒരാളെ കത്തിയെടുത്ത് കുത്താൻ പറഞ്ഞുവിട്ടിട്ട് കുത്തിയതിൽ പങ്കില്ലെന്ന് പറയുന്നതിൽ എന്ത് യുക്തി? നടിയെ ആക്രമിച്ച സംഘത്തിൽ ഉണ്ടായിരുന്നില്ലെങ്കിലും സംഭവത്തിന്റെ ബുദ്ധികേന്ദ്രം ദിലീപ് തന്നെ; അങ്കമാലി കോടതി താരരാജാവിന് ജാമ്യം നിഷേധിച്ചതിന് കാരണം ശക്തമായ തെളിവുകൾ തന്നെ
പുഷ് ശ്രീകുമാർ അമ്മയുടെ മരണം അറിയിക്കാൻ വിളിച്ചപ്പോൾ തെറി പറഞ്ഞതിൽ തുടങ്ങിയ വൈരാഗ്യം; കോടിയേരിയുടെ മകനെ ബോളിവുഡ് നടനാക്കാമെന്ന് പറഞ്ഞ് ദിലീപിനെ കുരുക്കാൻ ഒരുക്കിയ തിരക്കഥ; 1000 കോടി മുതൽമുടക്കുള്ള രണ്ടാമൂഴും മോഹൻലാലിനെ പറ്റിക്കാൻ മാത്രമുള്ള ഒരു കെട്ടുകഥ; കാവ്യയുടെ ജാമ്യഹർജി മഞ്ജുവിനെതിരായ യുദ്ധ പ്രഖ്യാപനമോ? ജയിലിൽ നിന്ന് പുറത്തിറങ്ങിയാൽ ദിലീപ് വിവാഹ മോചന രഹസ്യം വെളിപ്പെടുത്തും
ദിലീപിനും കാവ്യയ്ക്കും കണ്ടകശ്ശനി തുടങ്ങാൻ പോകുന്നതേയുള്ളൂ; വ്യക്തിജീവിതത്തിലും സിനിമാരംഗത്തും നിന്ന് കിട്ടിയ വാക് ശാപവും ശത്രുദോഷവും പിന്തുടരുന്നു; മാർച്ചിനുശേഷം കാരാഗൃഹ വാസത്തിന് ഇരുവർക്കും യോഗം; അടുത്ത സുഹൃത്തുക്കളുടെ ചതിക്കെതിരെ കരുതിയിരിക്കാനും മുന്നറിയിപ്പു നൽകി ദിലീപിന്റെ ജാമ്യം പ്രവചിച്ച ജ്യോതിഷി
ജയിലിൽ വെച്ച് വായിച്ച സങ്കീർത്തനവും സുഭാഷിതവും ദിലീപിനെ ആകെ മാറ്റി മറിച്ചു; ഇന്ന് രാവിലെ ആലുവ എട്ടേക്കർ സെന്റ് ജ്യൂഡ് പള്ളിയിലെ മുഴുവൻ കുർബാനയിൽ പങ്കുകൊണ്ടു; പള്ളിയിലേക്ക് കയറിയത് പ്രവേശന കവാടത്തിലെ തിരുസ്വരൂപത്തിന് മുന്നിൽ മെഴുകുതിരി കത്തിച്ച് പ്രാർത്ഥിച്ച ശേഷം; നൊവേനയും കുർബ്ബാനയും കഴിഞ്ഞ് പുറത്തിറങ്ങിയ ദിലീപ് പള്ളി ഓഫീസിലെത്തി വഴിപാടുകൾക്കായി പണമടച്ചു
ഡിഫൻസ് ഡീലിൽ പങ്കാളിയാക്കാമെന്ന ഉറപ്പിൽ ലൈംഗികമായും സാമ്പത്തികമായും ചൂഷണം ചെയ്ത് മുൻ പ്രതിരോധമന്ത്രിയുടെ മകൻ; കുഞ്ഞാലിക്കുട്ടിയുടെ വീട്ടിനടുത്തുള്ള വസതിയിലിട്ട് ബഷീറലി തങ്ങളും ആസക്തി തീർത്തു; ആദർശ ധീരനായ ആന്റണിയുടെ കുടുംബവും സോളാറിൽ പ്രതിസ്ഥാനത്ത്; മുസ്ലിം ലീഗ് കാരണവരുടെ കുടുംബമായ പാണക്കാടിന് നേരെയും ആരോപണങ്ങൾ; സോളാർ ബോംബിൽ കേരള രാഷ്ട്രീയത്തെ പിടിച്ചുലയ്ക്കാനുറച്ച് സരിതാ നായർ വീണ്ടും; എല്ലാം അന്വേഷിക്കാൻ പിണറായിയും
ആദ്യ ഭർത്താവിനെ കുത്തുപാളയെടുപ്പിച്ച് വിവാഹമോചനം നേടി; പലതവണ വേശ്യാവൃത്തിക്ക് പിടിക്കപ്പെട്ടു; കഴിഞ്ഞ ഇരുപതുവർഷമായി നിരവധി പേരിൽനിന്ന് ലക്ഷങ്ങൾ തട്ടി; നന്ദിനി നായർ, ലക്ഷ്മി നായർ, സരിത നായർ..; എല്ലാം തട്ടിപ്പ് വീരായായ ഒരേ സ്ത്രീതന്നെ; സോളാറിൽ പൊള്ളിയ കോൺഗ്രസ് നേതാക്കൾ സൈബർസേനയും പ്രവർത്തകരേയും ഉപയോഗിച്ച് സരിതയെക്കുറിച്ച് പ്രചരിപ്പിക്കുന്നത് ഇങ്ങനെ