1 usd = 71.92 inr 1 gbp = 90.53 inr 1 eur = 81.34 inr 1 aed = 19.58 inr 1 sar = 19.17 inr 1 kwd = 236.24 inr

Dec / 2018
16
Sunday

തിരിച്ചുപോകാനാവാത്ത വീടുകൾ

December 23, 2017 | 04:44 PM IST | Permalink



തിരിച്ചുപോകാനാവാത്ത വീടുകൾ

ഷാജി ജേക്കബ്

ചുവന്നദശകത്തിന്റെ (1967-77) ശവക്കല്ലറയ്ക്കുമേൽ എഴുതപ്പെട്ട രാഷ്ട്രീയ ചരമവാക്യങ്ങളിലൊന്നാണ് ഷീബ ഇ.കെ.യുടെ 'മഞ്ഞനദികളുടെ സൂര്യൻ'. ഇത് ഒരു സിന്ദൂരപ്പൊട്ടിന്റെ ഗൃഹാതുരമായ ഓർമ്മയല്ല; നാലുഘട്ടങ്ങളിലായി നടന്ന ഇന്ത്യൻ കമ്യൂണിസ്റ്റ് മുന്നേറ്റങ്ങളിൽ മൂന്നാമത്തേതിന്റെ കുമ്പസാരക്കുറിപ്പാണ്. വിശദീകരിച്ചുപറഞ്ഞാൽ, 1917 നവംബറിൽ നടന്ന ഒക്ടോബർ വിപ്ലവത്തിന്റെ അലയടിയിൽ ഒന്നരപതിറ്റാണ്ടിനുശേഷം ഉടലെടുത്ത ഇന്ത്യൻ കമ്യൂണിസ്റ്റ്പ്രസ്ഥാനം, വീണ്ടും ഒന്നരപതിറ്റാണ്ടിനുശേഷം 1948-ലെ കൽക്കത്താതീസിസിനെത്തുടർന്ന് അതിനുകൈവന്ന പ്രകടമായ ഹിംസാത്മകത, വീണ്ടും ഒന്നരപതിറ്റാണ്ടിനുശേഷം ഇന്ത്യൻ കമ്യൂണിസ്റ്റ്പാർട്ടിയിലെ പിളർപ്പിനെത്തുടർന്ന് 1967-ൽ രൂപംകൊണ്ട നക്‌സലൈറ്റ് രാഷ്ട്രീയം, ഏറ്റവുമൊടുവിൽ, മുഖ്യധാരാ കമ്യൂണിസ്റ്റ് പ്രസ്ഥാനങ്ങൾ ആഗോളവൽക്കരണത്തിനും മുതലാളിത്ത താല്പര്യങ്ങൾക്കും കീഴടങ്ങിയതോടെ, നവകൊളോണിയൽ-സാമ്രാജ്യത്ത-ഭരണകൂട അജണ്ടകൾക്കെതിരെ കരുത്താർജ്ജിച്ച മാവോയിസ്റ്റ് പ്രസ്ഥാനം എന്നിങ്ങനെ വിഖ്യാതങ്ങളായ നാലുസന്ദർഭങ്ങളും ചേർന്നുസൃഷ്ടിച്ച ഇന്ത്യൻ 'വിപ്ലവ'ചരിത്രത്തിന്റെ സാംസ്‌കാരിക കുറ്റപത്രം. ഭരണകൂട കമ്യൂണിസത്തിന്റെ ഒരു നൂറ്റാണ്ടും നക്‌സലിസത്തിന്റെ അരനൂറ്റാണ്ടും ആഘോഷിക്കപ്പെടുന്ന 2017-ൽതന്നെ എഴുതപ്പെട്ടു എന്നതാണ് ഈ നോവലിന്റെ ഭാവുകത്വപരമായ കാവ്യനീതികളിലൊന്ന്.

രാഷ്ട്രീയമണ്ഡലത്തിൽ സംഭവിച്ച ജനാധിപത്യോന്മുഖവും മാനവികവുമായ കമ്യൂണിസ്റ്റ് 'വ്യതിചലന'ത്തിന്റെ സ്വരം ഏറ്റവും കൂടുതൽ കേൾപ്പിച്ചത് സാഹിത്യ, സാംസ്‌കാരിക പ്രവർത്തകരാണ്. 1950-കളുടെ തുടക്കം മുതൽ മലയാളത്തിൽ ചുവടുറപ്പിച്ച ആധുനികതാവാദത്തിന്റെ അടിസ്ഥാനരാഷ്ട്രീയം ദേശീയ ജനാധിപത്യത്തിലും ഗാന്ധിയൻ മാനവികതയിലുമൂന്നിയ കമ്യൂണിസ്റ്റ് വിരുദ്ധതയായിരുന്നു. ആധുനികാനന്തരതയിൽ അത് കുറെക്കൂടി സർഗാത്മകവും സൂക്ഷ്മവുമായി എല്ലാത്തരം രാഷ്ട്രീയ സർവാധിപത്യ വ്യവസ്ഥകളെയും വിമർശിച്ചു നിലനിൽക്കുകയും ചെയ്യുന്നു.

എംപി. പോൾ, സി.ജെ. തോമസ്, തകഴി, ഇടശ്ശേരി, വൈലോപ്പിള്ളി, അക്കിത്തം, ഗോവിന്ദൻ, അയ്യപ്പപ്പണിക്കർ, വിജയൻ, ആനന്ദ്, സക്കറിയ, സുകുമാരൻ, സി.ആർ. പരമേശ്വരൻ, അടൂർഗോപാലകൃഷ്ണൻ, എൻ.എസ്. മാധവൻ, സാറാജോസഫ്, ടി.പി. രാജീവൻ, ഇ. സന്തോഷ്‌കുമാർ, എസ്. ഹരീഷ്, വിനോയ്‌തോമസ്... കഴിഞ്ഞ ഏഴുപതിറ്റാണ്ടിന്റെ മലയാളഭാവനയിലുടനീളം പ്രകടമായിരുന്നു, ഈ രാഷ്ട്രീയ വിമർശനവും സാംസ്‌കാരിക നിർമ്മിതിയും. ഷീബയുടെ നോവൽ എഴുതപ്പെടുന്ന പശ്ചാത്തലവും മറ്റൊന്നല്ല.

രാഷ്ട്രീയമോഹഭംഗത്തിലും 'പരാജയപ്പെട്ട ദൈവ'സങ്കല്പത്തിലും നിന്നുടലെടുത്ത മലയാള ആധുനികതയുടെ വിമർശനസ്വഭാവമുള്ള സാംസ്‌കാരിക മാനവികതാവാദത്തുടർച്ചകളിലൊന്ന് എന്ന നിലയിൽ മാത്രമല്ല 'മഞ്ഞനദികളുടെ സൂര്യൻ' ശ്രദ്ധേയമാകുന്നത്. 'എഴുത്തുകാരി' എന്ന എക്കാലത്തെയും പ്രസിദ്ധമായ സ്ത്രീവാദസാഹിത്യരാഷ്ട്രീയത്തിന്റെ ഭാവനാത്മകപാഠരൂപവുമാണ് ഈ കൃതി. പുരുഷഎഴുത്തുകാർ 'എഴുത്തുകാര'നെ അവതരിപ്പിക്കുന്നതിനെക്കാൾ എത്രയോ മടങ്ങധികം രാഷ്ട്രീയതീവ്രമായാണ് സ്ത്രീഎഴുത്തുകാർ 'എഴുത്തുകാരി'യെ അവതരിപ്പിക്കുന്നത്! കാരണം, അത്, ആധുനികതയിൽ സ്ത്രീക്കുകൈവന്ന ഏറ്റവും സർഗാത്മകവും സംഘർഷാത്മകവുമായ സ്വത്വങ്ങളിലൊന്നിന്റെ രൂപകമാണ്. നിശ്ചയമായും 'സ്വന്തമായൊരു മുറി' ഇന്നത്തെ എഴുത്തുകാരിയുടെ മുഖ്യ ആകുലതയല്ല. അത്തരം സാമൂഹിക-ഭൗതിക പരിമിതികൾ കുറെയെങ്കിലും മറികടന്ന് ബൗദ്ധികമായ ഉണർവുനേടിയവരാണ് ഇന്നത്തെ എഴുത്തുകാരികൾ. എങ്കിലും ലളിതാംബികയും സരസ്വതിയമ്മയും മാധവിക്കുട്ടിയും മുതൽ സാറാജോസഫും അഷിതയും വരെയുള്ളവർ പ്രശ്‌നവൽക്കരിച്ച 'എഴുത്തുകാരി'യുടെ സാമൂഹികവും സംവാദാത്മകവുമായ അസ്തിത്വം ഇന്നും പലനിലകളിൽ ആവർത്തിക്കപ്പെടുന്നുണ്ട്. ഷീബയുടെ നോവൽ എഴുത്തുകാരിയെന്ന രൂപകത്തെ ആഖ്യാനത്തിന്റെ കേന്ദ്രചിഹ്നമായി പ്രതിഷ്ഠിക്കുകയും അതിലൂടെ എഴുത്തിന്റെ രാഷ്ട്രീയത്തിലും രാഷ്ട്രീയത്തിന്റെ എഴുത്തിലും, കലാത്മകമായി ഇടപെടാൻ ശ്രമിക്കുകയും ചെയ്യുന്നു.

സ്ത്രീവാദസാഹിത്യത്തിന്റെ പ്രത്യയശാസ്ത്ര നിലപാടുകളെ അപഹസിക്കുന്ന ഭൂതകാല രാഷ്ട്രീയവിപ്ലവകാരിയുടെ കാഴ്ചപ്പാടുകൾ നോവലിലെ നായകനും 'എഴുത്തുകാരി'യുടെ വിശ്വാസപ്രമാണം നായികക്കുമുള്ളതിനാൽ ഈ രചന ഒരു സ്ത്രീപക്ഷസാഹിത്യമാതൃകയായി പരിഗണിക്കപ്പെടാനിടയില്ല. എങ്കിലും മേല്പറഞ്ഞ രണ്ടു സാംസ്‌കാരിക രാഷ്ട്രീയങ്ങളുടെയും അനുലോമപരമോ പ്രതിലോമപരമോ ആയ ആഖ്യാനമാതൃകയെന്ന നിലയിൽ 'മഞ്ഞനദികളുടെ സൂര്യൻ' വായിക്കപ്പെടുകതന്നെ വേണം.

കഥാകൃത്തായറിയപ്പെടുന്ന നിരുപമയെന്ന ബാങ്കുദ്യോഗസ്ഥ 'ചുവന്നഭൂമി'യെന്ന രചനയിൽ ഇടതുതീവ്രവാദത്തിന്റെ രാഷ്ട്രീയവിപര്യയങ്ങളെക്കുറിച്ചെഴുതിയതിനെത്തുടർന്ന് അവർക്കു ലഭിച്ച മൂന്ന് ഇ-മെയിൽ സന്ദേശങ്ങളാണ് നോവലിന്റെ ആഖ്യാനപരവും ഭാവനാപരവുമായ ആരംഭം കുറിക്കുന്നത്. 'രാഷ്ട്രീയാധുനികത'യെക്കുറിച്ചും 'ചുവന്നദശക'ത്തെക്കുറിച്ചും കൂടുതലെഴുതാനുള്ള വെല്ലുവിളിയായിരുന്നു, sun of the yellow river' എന്ന വിലാസത്തിൽനിന്നു വന്ന ആ ഇ-മെയിലുകളുടെ കാതൽ.

ഫോർട്ടുകൊച്ചിയിൽ, 'ഹിറാത്' എന്ന വാടകവീട്ടിൽ ആദിയെന്ന അരാജകവാദിയായ ചിത്രകാരനുമൊത്തു ജീവിക്കുകയാണ് നിരുപമ. വീട്ടുകാരെ വെറുപ്പിച്ചും സങ്കടപ്പെടുത്തിയും ആദിയുടെ കൂടെ ഇറങ്ങിപ്പോന്നതാണ് അവൾ. അയാളാകട്ടെ, ഒന്നിൽനിന്നടുത്തതിലേക്ക് എന്ന മട്ടിൽ പെണ്ണിനെയും ലഹരിയെയും പുണർന്നുനടന്നവനും. നിരുപമ ആകെ തളർന്നകാലങ്ങൾ. ഒടുവിൽ അവർ വേർപിരിയാൻ തീരുമാനിച്ചു. ആ സമയത്താണ് 'മഞ്ഞനദികളുടെ സൂര്യൻ' അവളെത്തേടിവന്നത്. അതൊരു വെല്ലുവിളിയായി ഏറ്റെടുത്ത നിരുപമ ചിറയ്ക്കൽ എന്ന വിപ്ലവഗ്രാമത്തിലേക്കു സ്ഥലംമാറ്റം വാങ്ങി. ചുവന്നദശകത്തെക്കുറിച്ചൊരു നോവലെഴുതുക എന്നതായിരുന്നു, അവളുടെ മുഖ്യലക്ഷ്യം.

രഞ്ജൻ എന്ന പഴയ നക്‌സലൈറ്റാണ് നോവലിലെ നായകബിംബം. ചിറയ്ക്കലിൽനിന്നു പടർന്ന വിപ്ലവത്തിന്റെ തീയിൽ കൗമാരം ചൂടുപിടിപ്പിച്ച, വ്യവസ്ഥകളിൽ അസ്വസ്ഥനായ സർക്കാരുദ്യോഗസ്ഥനാണയാൾ. ബ്യൂറോക്രസിയുടെ മനുഷ്യവിരുദ്ധതയ്ക്കും ട്രേഡ് യൂണിയൻ മുഷ്‌കിനുമിടയിൽ തിളയ്ക്കുന്ന വിപ്ലവവീര്യം അയാളെ ശ്വാസം മുട്ടിച്ചു.

നക്‌സലൈറ്റ് പ്രസ്ഥാനത്തിന്റെ തളർന്ന സിംഹം പത്മസേനന്മാഷ്. പൊലീസ് ജീപ്പിനു തീകൊടുത്ത് ചാവേറായി മാറിയ ദുർഗാപ്രസാദ്. ജീവിക്കുന്ന രക്തസാക്ഷി അലിഭായി. പരാജയപ്പെട്ട വിപ്ലവങ്ങളുടെ അവശിഷ്ടം, സുബൈർ... ചിറയ്ക്കലിന്റെ ചുവന്ന സൂര്യന്മാരെ രഞ്ജൻ നിരുപമക്കു പരിചയപ്പെടുത്തി. പത്രപ്രവർത്തനത്തിന്റെയും ഫീച്ചറെഴുത്തിന്റെയും രീതിശാസ്ത്രം പിൻപറ്റി അഭിമുഖവും അനുഭവമെഴുത്തുമൊക്കെയായി നോവലിന്റെ ചരിത്രവൽക്കരണവും വയനാട്ടിലെ കൂട്ടുകാരിയുടെ വീട്ടിലെത്തി നോവലിന്റെ രചനയും സാക്ഷാത്കരിക്കുന്നു, നിരുപമ.

അതോടെ, രഞ്ജനും പത്മസേനനും നിരുപമയുമുൾപ്പെടെയുള്ളവരുടെ ഒരു സൗഹൃദസംഘം രൂപപ്പെടുകയും എഴുപതുകളുടെ ഇരകൾക്കും ഓർമ്മക്കുമേൽ മറവിയുടെ മഹാഘാതമേറ്റവർക്കുമായി കടൽത്തീരത്ത് ഒരു ശരണാലയം പണിത് ശിഷ്ടകാലം അവിടെ ജീവിക്കാൻ അവർ തീരുമാനിക്കുകയും ചെയ്യുന്നു. ആദി മരിച്ചതോടെ നിരുപമ നോവലിനിട്ട പേരും 'ഹിറാത്' എന്നുതന്നെയായിരുന്നു. നക്‌സൽകാലങ്ങളെയും അതിന്റെ ജൈവരാഷ്ട്രീയത്തെയും കുറിച്ച് ചലച്ചിത്രകാരൻ ശിവൻ നിർമ്മിച്ച ഡോക്യുമെന്ററിക്കൊപ്പം ആ നോവലും പ്രകാശനം ചെയ്യപ്പെട്ടു. ജോലി രാജിവച്ച് നിരുപമയും രഞ്ജനും പത്മസേനനോടും ഭാര്യയോടുമൊപ്പം ശരണാലയത്തിലേക്കു മാറുന്നതോടെ നോവലവസാനിക്കുന്നു.

രണ്ടുവിതാനങ്ങളിലാണ് ഈ നോവലിന്റെ ആഖ്യാനം മുന്നേറുന്നത്. അരുണദശകത്തിന്റെ ഭൂതവും നോവലെഴുത്തുനടക്കുന്ന വർത്തമാനവും എന്ന നിലയിലല്ല ഇത്. മറിച്ച്, ഭൂതവർത്തമാനങ്ങൾ കലങ്ങിയൊഴുകുന്ന രാഷ്ട്രീയചരിത്രത്തിന്റെയും വൈകാരികചരിത്രത്തിന്റെയും ധാരകളെന്ന നിലയിലാണ്.

രാഷ്ട്രീയചരിത്രത്തിന്റെ ആഖ്യാനപാഠം ഇങ്ങനെ സംഗ്രഹിക്കാം. അറുപതുകളിൽ ബംഗാളിലെത്തിയ പത്മസേനൻ നക്‌സൽബാരി കലാപത്തിന്റെ കാലത്ത് തിരിച്ചു നാട്ടിലെത്തി അദ്ധ്യാപകനായി. കമ്യൂണിസ്റ്റ് പാർട്ടിയുടെ ആഭ്യന്തരശൈഥില്യവും വിമതവാദവും പിളർപ്പും നേതൃകലാപവും വിപ്ലവവ്യതിചലനവുമൊക്കെയായി തിളച്ചുനിന്ന അറുപതുകളുടെ രണ്ടാം പകുതി. ദുർഗാപ്രസാദ് എന്ന സർക്കാരുദ്യോഗസ്ഥനുമായി ചേർന്ന് പത്മസേനൻ തലശ്ശേരി, പുൽപ്പള്ളി, മാനന്തവാടി, കായണ്ണ മാതൃകയിലുള്ള കലാപങ്ങൾ ആസൂത്രണം ചെയ്യുന്നു. അടിയന്തരാവസ്ഥക്കാലത്ത് കേരളത്തിൽ അടിച്ചമർത്തപ്പെട്ട നക്‌സലൈറ്റ് മുന്നേറ്റങ്ങളുടെ യഥാർഥചരിത്രത്തിന്റെ നിഴൽരൂപമായി മാറുന്ന കഥാപാഠമാണ് ഷീബ ഇവിടെ രൂപപ്പെടുത്തുന്നത്. പെട്രോൾ കന്നാസിൽ ശേഖരിച്ചു മുന്നോട്ടുപോയ പൊലീസ് ജീപ്പിന് അതിനുള്ളിലിരുന്നുതന്നെ തീവെച്ച ദുർഗാപ്രസാദ് പക്ഷെ പത്മസേനനെ രക്ഷിച്ചിട്ടാണ് വെന്തുമരിച്ചത്. പൊള്ളലേറ്റ പത്മസേനനുമേൽ ഭരണകൂടവും പൊലീസും ഏറ്റവും കിരാതമായ മർദ്ദനങ്ങളഴിച്ചുവിട്ടു. പിൽക്കാലത്ത് പുകയുന്ന അഗ്നിപർവതംപോലെ അയാൾ ചിറയ്ക്കലിൽ ഭാര്യയോടൊപ്പം ജീവിച്ചു.

നക്‌സലൈറ്റ് പ്രസ്ഥാനത്തിലാകൃഷ്ടനായ കോളേജ് വിദ്യാർത്ഥി രഞ്ജൻ, വീട്ടുകാരുടെ എതിർപ്പും അമ്മയുടെ കണ്ണീരും വകവയ്ക്കാതെ രാഷ്ട്രീയത്തിലിറങ്ങി നാട്ടുകാരുടെ ശത്രുവായി മാറി. 'വിപ്ലവാ'നന്തരം ജനകീയ സാംസ്‌കാരികവേദിയുടെ പ്രവർത്തനങ്ങളിൽ പങ്കാളിയായി. (ജനകീയ സാംസ്‌കാരികവേദി ഒരു വൻ പരാജയമായിരുന്നു എന്ന് നിരുപമയോട് അയാൾ ഏറ്റുപറയുന്നുണ്ട്). ജനശത്രുക്കളായി മുദ്രകുത്തിയ ജന്മിയായ പാപ്പച്ചന്റെയും ചാക്കോ മാപ്പിളയുടെയും മറ്റും ഉന്മൂലനത്തിലും. പിന്നീട് കുറെക്കാലം ഗൾഫിൽ പണിയെടുത്തു പണമുണ്ടാക്കി തിരിച്ചുവന്ന് സർക്കാർ ജോലിയിൽ പ്രവേശിക്കുന്നു, രഞ്ജൻ.

അങ്ങനെയിരിക്കവെയാണ് നിരുപമയുടെ 'ചുവന്നഭൂമി'യെന്ന കഥ വായിച്ച് അയാൾ അവൾക്ക് ഇ-മെയിലുകളയയ്ക്കുന്നതും തുടർന്ന് നിരുപമ ചിറയ്ക്കലെത്തുന്നതും രഞ്ജനോടും മറ്റും ചങ്ങാത്തം സ്ഥാപിക്കുന്നതും നോവലെഴുതി പൂർത്തിയാക്കുന്നതും ഒടുവിൽ തങ്ങൾക്കൊപ്പം ഒരു ശരണാലയത്തിന്റെ നിർമ്മാണത്തിൽ പങ്കാളിയാകുന്നതും ജോലി രാജിവച്ച് അവിടെ താമസമാക്കുന്നതുമൊക്കെ.

എഴുപതുകളുടെ തുടർച്ചയായി പുതിയ നൂറ്റാണ്ടിന്റെ തുടക്കത്തിൽ ഇന്ത്യയിലുടനീളം തീപോലെ പടർന്നുപിടിച്ച മാവോയിസ്റ്റ് പ്രസ്ഥാനത്തിന്റെയും കേരളത്തിൽ അതു സൃഷ്ടിച്ച പ്രകമ്പനങ്ങളുടെയും ദേശീയ ജനാധിപത്യരാഷ്ട്രീയത്തിൽ വഴിത്തിരിവു സൃഷ്ടിച്ച ആം ആദ്മി പാർട്ടിയുടെയുമൊക്കെ സൂചനകളും സന്ദർഭങ്ങളും നോവലിലെ രാഷ്ട്രീയചരിത്രത്തിന്റെ ഭാഗമായി മാറുന്നു.

നിരുപമയുടെ നോവലെഴുത്തിന്റെ ഭാഗമായി ചുരുൾനിവരുന്നതോ, നോവലെഴുത്തിന്റെ കാലത്തു സംഭവിക്കുന്നതോ ആണ് ഭൂത-വർത്തമാനങ്ങളുടെ ഭാവസംയുക്തമായ ഈ രാഷ്ട്രീയചരിത്രം. ഇതിനു സമാന്തരമായി നോവലിലുള്ള വൈകാരിക ചരിത്രമോ? അതിങ്ങനെയാണ്:

നിരുപമയെന്ന ക്രിസ്ത്യൻ പെൺകുട്ടിക്കു കോളേജിലുണ്ടായ പ്രണയത്തിന്റെ ഫലമായിരുന്നു, ആദിയുമൊത്തുള്ള ജീവിതം. കലാകാരനും കാമാതുരനുമായിരുന്ന ആദി ലഹരിക്കും ലൈംഗിക രോഗങ്ങൾക്കുമടിമയായി മാറിയതോടെ അവരുടെ ദാമ്പത്യം തകർന്നു. വീട്ടിലെ മുതിർന്ന സ്ത്രീകളുടെ ലൈംഗികാതിക്രമത്തിനിരയായ ബാല്യകൗമാരങ്ങൾ പിന്നിട്ടുവന്നവനാണ് ആദി. ലൈംഗികസാഹസങ്ങളും അർമാദങ്ങളും അവനെ ലഹരിപോലെ ആവേശിച്ചു. നിരുപമയുടെ ജീവിതം എഴുത്തിന്റെ കൈവഴികളിലേക്കു മാറിയൊഴുകി. ഉപേക്ഷിച്ചുപോന്ന അപ്പനുമമ്മയും സഹോദരനും അവളെ കൈവിട്ടില്ല. പക്ഷെ മറവിയുടെ പിടിയിലമർന്ന് അമ്മ ശരണാലയത്തിലാകുമ്പോഴേ നിരുപമയ്ക്ക് അതിന്റെ വില മനസ്സിലായുള്ളു. ആദി, രോഗം മൂർഛിച്ചു മരിച്ചതോടെ രഞ്ജനുമായി അവൾക്ക് ഒരാത്മബന്ധം രൂപപ്പെടുന്നു. വൈകാരികമെന്നതുപോലെതന്നെ രാഷ്ട്രീയവും ബൗദ്ധികവുമായ ഒന്ന്.

രഞ്ജന്റെ കുടുംബമാണ് മറ്റൊന്ന്. അയാൾ മുറുകെപ്പിടിച്ച ആദർശങ്ങളൊന്നടങ്കം തച്ചുതകർത്തുകൊണ്ടാണ് ഏകമകൾ കീർത്തി തന്റെ പ്രണയവും വിവാഹവും ജീവിതസങ്കല്പവും കെട്ടിപ്പടുക്കുന്നത്. ചെറുപ്പത്തിൽ, ആദിയുടേതിനു സമാനമായ പുരുഷ, സ്ത്രീ ലൈംഗികാതിക്രമങ്ങൾ രഞ്ജനും അനുഭവിക്കുന്നുണ്ട്. രാഷ്ട്രീയത്തിലാകൃഷ്ടനായി വീടുവിട്ട രഞ്ജനും മാതാപിതാക്കൾക്കു നൽകിയത് ദുഃഖം മാത്രമായിരുന്നു. മകളിൽനിന്ന് അയാൾക്കു കിട്ടുന്നതും മറ്റൊന്നല്ല.

ഹോസ്റ്റലിൽ നിരുപമയുടെ റൂംമേറ്റായുള്ള ഭാനുമതിയമ്മയുടെ കുടുംബമാണ് മറ്റൊന്ന്. നന്ദികെട്ട മക്കളും ഭർത്താവും അവരുടെ ജീവിതം നരകമാക്കി.

നിരുപമ നോവലെഴുതാൻ അജ്ഞാതവാസം തുടങ്ങിയതോടെ രഞ്ജൻ വല്ലാത്ത വൈകാരിക സംഘർഷത്തിലായി. ഭാര്യ, മകളുടെ കൂടെ താമസിക്കാൻ വിദേശത്തു പോയതോടെ ആകെ ഒറ്റപ്പെട്ട അയാൾ നാടുവിട്ടു. ഡൽഹിയിലെ ചുവന്ന തെരുവിലും ഉത്തരേന്ത്യൻ നഗരങ്ങളിലുമലഞ്ഞ അയാളെ നിരുപമയുടെ സന്ദേശം തിരികെ നാട്ടിലെത്തിച്ചു.

ഒരർഥത്തിൽ നക്‌സലിസത്തിന്റെ രാഷ്ട്രീയപാഠങ്ങളെക്കാൾ, ഭഗ്നമായ വിപ്ലവവും നഷ്ടമായ പ്രണയവും കൂട്ടിയിണക്കുന്ന ജനപ്രിയകാല്പനികപാഠങ്ങളാണ് 'മഞ്ഞനദികളുടെ സൂര്യ'നിൽ മുന്നിട്ടുനിൽക്കുന്നത് എന്നു പറയാം.

നിരുപമയുടെ നോവലെഴുത്താണ് 'മഞ്ഞനദിക'ളുടെ പ്രമേയമെങ്കിലും ഇതിവൃത്തമായി വികസിക്കുന്നത് അതല്ല. ആ നോവലിനുപുറത്തുള്ള കാര്യങ്ങളാണ്; കഥകളും. ഒരളവോളം നിരുപമയുടെ നോവൽ ഭൂതവും ഷീബയുടെ നോവൽ വർത്തമാനവുമാകുന്ന രാസപ്രക്രിയ. പക്ഷെ എഴുത്തിന്റെ രാഷ്ട്രീയവും രാഷ്ട്രീയത്തിന്റെ എഴുത്തും ഈ കൃതിയിൽ അത്രമേൽ തമ്മിലിണങ്ങിനിൽക്കുന്നുണ്ടെന്നു പറഞ്ഞുകൂടാ.

രഞ്ജനും മകളും തമ്മിലുള്ള ബന്ധത്തിലെ ധ്രുവാന്തരം തന്നെയാണ് ആദിയും നിരുപമയും തമ്മിലുള്ളതും. രഞ്ജനും ഗീതയും തമ്മിലുള്ള ബന്ധവും വെറും യാന്ത്രികമാണ്. രഞ്ജന് മാതാപിതാക്കളോടുണ്ടായ അകലം തന്നെയാണ് നിരുപമക്കുമുണ്ടായത്. പിതാപുത്രബന്ധങ്ങളിലും ഭാര്യാഭർതൃബന്ധങ്ങളിലും സംഭവിക്കുന്ന വൈകാരിക ഭൂകമ്പങ്ങളാണ് തലമുറകളെയും കാലങ്ങളെയും തമ്മിൽ തമ്മിലകറ്റി അപമാനവീകരിക്കുന്നത്. ഒരർഥത്തിലും തിരിച്ചുപോകാനാവാത്ത വീടുകളാണ് ഓരോരുത്തരും പിന്നിലുപേക്ഷിച്ചുപോരുന്നത്. 'ശരീരത്തിന്റെ, സ്വാർഥതയുടെ, മനസിന്റെ, കാമനകളുടെ ചായംതേച്ച, മുഖംമൂടിയണിഞ്ഞ ആനന്ദനൃത്തമല്ലേ പ്രണയം?' എന്ന് രഞ്ജൻ സ്വയം ചോദിക്കുന്നുണ്ട്. രഞ്ജന്റെ കൗമാരപ്രണയവും കീർത്തിയുടെ പ്രണയവും രഞ്ജന് നിരുപമയോടുണ്ടാകുന്ന വൈകിയ പ്രണയവും ആദിക്കു നിരുപമയോടുണ്ടായ പ്രണയവുമൊക്കെ ഈ ചോദ്യത്തിനുള്ള പല ഉത്തരങ്ങളായി നിലനിൽക്കുന്നു.

എഴുത്തും രാഷ്ട്രീയവും ഒന്നിച്ചുകൊണ്ടുപോകാൻ കഴിയാത്തവരാണ് ഒറ്റയ്‌ക്കൊറ്റയ്ക്ക് നിരുപമയും രഞ്ജനും. അതുകൊണ്ടാണ് അവർ ഒന്നിക്കുന്നത്. ജോലി രാജിവച്ചുപോകുമ്പോൾ നിരുപമ സഹപ്രവർത്തകനോടു പറയുന്നതിങ്ങനെയാണ്. 'എഴുത്ത്, അതെന്റെ കൂടെയുണ്ടാവും മാധവേട്ടാ. ജീവിക്കാൻ അതുമാത്രം പോരെന്നു തോന്നുന്നു'.

പത്മസേനനും നിരുപമയും രഞ്ജനുമൊക്കെ സ്വന്തം മാതാപിതാക്കളോടും ഒന്നോ രണ്ടോ തലമുറ മനുഷ്യരോടും ചെയ്ത പാപങ്ങളുടെ കറ കഴുകിക്കളയാനാണ് മറവിരോഗം ബാധിച്ചവർക്കായുള്ള പരിചരണകേന്ദ്രം തുടങ്ങാൻ തീരുമാനിക്കുന്നത്.

അമ്മയുടെ മറവി നിരുപമയിൽ സൃഷ്ടിക്കുന്ന വൈകാരികപ്രതിസന്ധി പോലെതന്നെയാണ് രാഷ്ട്രീയത്തിലെ മറവി രഞ്ജനിലും മറ്റും സൃഷ്ടിക്കുന്ന വൈചാരിക പ്രതിസന്ധിയും. അങ്ങനെ മറിവയെന്നത് ഈ നോവലിൽ ഓർമയുടെ മാത്രമല്ല, ജീവിതത്തിന്റെ തന്നെ അപരവും മറുപുറവുമായി മാറുന്നു. പേരറിയാത്ത പൂച്ചെടികൾ നട്ടുപിടിപ്പിക്കുന്നതിനിടെ രഞ്ജൻ, താൻ പണ്ട് നിരുപമക്കയച്ച ഇ-മെയിലുകളുടെ കാര്യം അവളെ ഓർമ്മിപ്പിക്കാനൊരുങ്ങുന്നു. അതു തടഞ്ഞുകൊണ്ട് അവൾ അയാളെ നോക്കി പുഞ്ചിരിച്ചു. ഷീബ എഴുതുന്നു: 'വരണ്ട മണ്ണടരുകളിൽനിന്ന് വസന്തത്തിന്റെ തീഷ്ണസുഗന്ധങ്ങൾ അവർക്കു തിരിച്ചറിയാനായി'.

വസന്തത്തിന്റെ ഇടിമുഴക്കത്തിനു കാതോർത്ത്, ഹിംസയുടെ വഴി തെരഞ്ഞെടുത്തപ്പോൾ ഓർമകളെ മറവികൊണ്ടു മറയ്ക്കുകയായിരുന്നു, അവർ. ഇപ്പോഴിതാ അതേ മറവിക്കെതിരെ ഓർമകൾ കൊണ്ടു യുദ്ധം ചെയ്യുകയായിരിക്കുന്നു, അവരുടെ നിയോഗം. ഒരിക്കലും തിരിച്ചുപോകാനാവാത്ത വീടുകൾ വിട്ടുപോന്ന മനുഷ്യരുടെ അനിവാര്യമായ വിധിയും ദുരന്തവും മറ്റൊന്നല്ല എന്നു സ്ഥാപിക്കുകയാണ് 'മഞ്ഞനദികളുടെ സൂര്യൻ'.

നോവലിൽ നിന്ന്:-

'ജൂൺ ആറിനു വൈകിട്ട് ടൗൺഹാളിൽവച്ചാണ് പുസ്തകപ്രകാശനവും സിനിമ റിലീസിങ്ങും. മഴക്കാലം വരാൻ ഒരാഴ്ച താമസിക്കുമെന്ന് കാലാവസ്ഥാ കേന്ദ്രങ്ങൾ മുന്നറിയിപ്പു തന്നെങ്കിലും പുറത്ത് ഒരു ടാർപോളിൻ പന്തലും മറ്റു സജ്ജീകരണങ്ങളുംകൂടി ഒരുക്കിയിരുന്നു. നിറഞ്ഞുകവിഞ്ഞ സദസ്സിനെ നോക്കിയിരിക്കേ നിരുപമ വിസ്മയം കൊണ്ടു... ഓരോ മുഖങ്ങളിലും ജിജ്ഞാസ നിറഞ്ഞു നിൽക്കുന്നു. ശിവൻസാറും സുഹൃത്തുക്കളും ഓരോരോ കാര്യങ്ങളുമായി ഓടിനടക്കുകയാണ്. നോട്ടീസ് അടിച്ചതും ആളുകളെ ക്ഷണിച്ചതും മാധ്യമപ്രവർത്തകർക്ക് വിശദീകരണം കൊടുത്തതുമെല്ലാം അവർതന്നെ.

'ഹിറാത്'. നക്‌സലൈറ്റ് സംഭവങ്ങളുടെ വെളിച്ചത്തിലെഴുതപ്പെട്ട നോവലിനെക്കുറിച്ച് മാധ്യമപ്രവർത്തകർ വിശദമായി സംസാരിക്കുകയുണ്ടായി. ചിലർ അഭിമുഖം ആവശ്യപ്പെട്ടു... ഇങ്ങനെ ഒരു നോവൽ എഴുതാൻ ആരുടെയെങ്കിലും നിർദ്ദേശമുണ്ടായിരുന്നോ, പ്രോഗ്രാം സംഘടിപ്പിക്കുന്നത് ആരാണ്, നോവലിനുള്ള വിവരങ്ങൾ ശേഖരിച്ചതെങ്ങനെ, മാവോയിസ്റ്റ് പ്രസ്ഥാനവുമായി ബന്ധമുള്ള ആരെയെങ്കിലും പരിചയമുണ്ടോ എന്നിങ്ങനെ ചോദ്യങ്ങൾ നീണ്ടു. പത്മസേനന്മാഷിനെയും അംജദ് അലിയെയും ഒക്കെ പരിചയപ്പെട്ടതിനുശേഷം എന്തോ പരിഭ്രമം തോന്നാറില്ല. പൊലീസിന്റെ കഠിനമായ ശാരീരിക-മാനസിക പീഡനങ്ങൾക്കുശേഷവും അവരെല്ലാം പാറപോലെ ഉറച്ചുനിൽക്കുന്നു ഈ പ്രായത്തിലും. ആ ജീവിതങ്ങളെ അതേപടി പകർത്താൻ പേനയ്ക്കു കഴിയില്ല. എങ്കിലും എഴുത്തിൽ കഴിയുന്നത്ര നീതി പുലർത്താൻ ശ്രമിച്ചിരുന്നു. അവർക്കുവേണ്ടി അത്രയെങ്കിലും ചെയ്യാനാവണം.

മാവോയിസ്റ്റ് എന്നു സംശയിക്കുന്ന ഒരാളെ കഴിഞ്ഞ ദിവസം പൊലീസ് വെടിവെച്ചു കൊലപ്പെടുത്തിയിരുന്നു. പലരും കസ്റ്റഡിയിലാവുകയും ചെയ്തു. അതിനെയെല്ലാം അനുകൂലിച്ചും പ്രതികൂലിച്ചും സോഷ്യൽ മീഡിയ ചർച്ചകൾ നടത്തിക്കൊണ്ടിരിക്കുകയാണ്... പഴയകാല നേതാക്കളെയെല്ലാം വർഷങ്ങൾക്കുശേഷം ഒരുമിച്ചു കാണാനുള്ള ഒരു വേദി എന്നതായിരുന്നു ചടങ്ങിന്റെ മുഖ്യ ആകർഷണം. സദസ്യർ മിക്കവരും മദ്ധ്യവയസ്‌കരാണ്. പഴയ ഒരു കാലഘട്ടത്തിന്റെ തിരുശേഷിപ്പുകൾ നെഞ്ചിൽ കൊണ്ടുനടക്കുന്നവർ. കാലവും സമൂഹവും തള്ളിപ്പറഞ്ഞ വിപ്ലവകാരികളെ അവരെല്ലാം പ്രതീക്ഷയോടെ കാത്തിരുന്നു. ദീർഘകാലം അനുഭവിച്ച ജയിൽവാസത്തെക്കുറിച്ച്, ഭരണകൂടത്തിന്റെ അതിനിഷ്ഠൂരമായ പീഡനങ്ങളെക്കുറിച്ച്, നഷ്ടപ്പെട്ട ജീവിതത്തെക്കുറിച്ച് വിവരിക്കുമ്പോൾ അവരാരുംതന്നെ വികാരാധീനരായില്ല. ചെയ്തതൊന്നും തെറ്റായിത്തോന്നുന്നില്ല. ഇപ്പോഴാണെങ്കിലും അതുപോലെതന്നെ ചെയ്യുമായിരുന്നു എന്ന് എല്ലാവരും ആവർത്തിച്ചു. സ്വാർത്ഥത നിറഞ്ഞ പുതുകാലത്തെക്കുറിച്ച് അവരെല്ലാം ആശങ്ക പ്രകടിപ്പിക്കുകയുണ്ടായി. എല്ലാം തനിക്കുമാത്രം മതിയെന്ന ചിന്ത ജനങ്ങളെ സുഖലോലുപരും മത്സരബുദ്ധിക്കാരുമാക്കി മാറ്റി. സ്വന്തം മനസ്സാക്ഷിയോടുപോലും പ്രതിബദ്ധതയില്ലാത്തവർ എങ്ങനെ സമൂഹത്തിലേക്കിറങ്ങിച്ചെല്ലുമെന്ന് വേദന പങ്കുവെച്ചു. അധികാരമാണ് ഏതുപ്രസ്ഥാനത്തിന്റെയും തകർച്ചയ്ക്കു കാരണമാകുന്നതെന്ന് എല്ലാവരും അഭിപ്രായപ്പെടുകയുണ്ടായി...

അന്നേരം അംജദ് അലിയുടെ അസാന്നിദ്ധ്യം എല്ലാവരും അനുസ്മരിക്കുകയുണ്ടായി... വെള്ളിവെളിച്ചത്തിൽ ഒരു മായികലോകത്തെന്നപോലെ ഇരിക്കുമ്പോൾ നിരുപമ ആദിയെക്കുറിച്ചോർത്തു. അവന് ഒരുപാടു സന്തോഷമാകുമായിരുന്നു ഇങ്ങനെ ഒരു നിമിഷം.

'കഥയല്ല, ഒരു നോവൽതന്നെ എഴുതാനുള്ള വകയുണ്ട്'.

അവൻ പറഞ്ഞതങ്ങനെയായിരുന്നു.

വിവാഹത്തിനു മുമ്പായിരുന്നു പ്രകാശം നിറഞ്ഞ ആ ദിവസങ്ങൾ...

തിങ്ങിനിറഞ്ഞ ഓരോ മുഖങ്ങളിലും പ്രതീക്ഷ തിളങ്ങുന്ന ആദിയുടെ ആഴമേറിയ കറുത്ത കണ്ണുകൾ നിരുപമ കണ്ടു. പുസ്തകം സമർപ്പിച്ചിരിക്കുന്നത് ദുർഗ്ഗാപ്രസാദിനും കൂട്ടർക്കും പിന്നെ ആദിക്കുമായാണ്. അവരില്ലെങ്കിൽ ഈ പുസ്തകം ഉണ്ടാകുമായിരുന്നില്ല.

കൊൽക്കത്തയിൽനിന്ന് എത്തിച്ചേർന്ന പഴയൊരു വിപ്ലവകാരിയാണ് പുസ്തകവും സിനിമയും പ്രകാശനം ചെയ്തത്. കനു സന്യാലിന്റെ ദാരുണാന്ത്യത്തെക്കുറിച്ച് അയാൾ വേദനയോടെ അനുസ്മരിക്കുകയുണ്ടായി...

എല്ലാവരും ആവേശത്തോടെ കാത്തിരുന്ന സിനിമാപ്രദർശനം തുടങ്ങിയത് പൊലീസിന്റെ അകമ്പടിയോടെയാണ്. സിനിമയുടെ അന്ത്യഭാഗമായപ്പോൾ നെഞ്ചിനുള്ളിലെന്തോ കൊളുത്തിവലിക്കുന്നതുപോലെ തോന്നി നിരൂപമയ്ക്ക്. പത്മസേനൻ മാഷും അംജദ് അലിയുമെല്ലാം സ്വന്തം അനുഭവങ്ങൾ നിർവികാരതയോടെ വർണ്ണിക്കുന്നു. തടവറയിൽവെച്ചു പാടിയ പാട്ട് നാരായണേട്ടൻ പരുക്കൻ ശബ്ദത്തിലേറ്റുപാടുന്നു. പുസ്തകമായാലും സിനിമയായാലും അവരനുഭവിച്ചതിന്റെ കാൽഭാഗമേ പ്രതിഫലിപ്പിക്കാൻ കഴിയുകയുള്ളൂ. വസന്തത്തിന്റെ ഇടിമുഴക്കത്തിൽ വെന്തുവെണ്ണീറായ അവരുടെ സ്വപ്നങ്ങൾ, പ്രതീക്ഷകൾ, ജീവിതം അതെല്ലാം എഴുതി പ്രതിഫലിപ്പിക്കാൻ ആരെക്കൊണ്ടാവും...

മഴ പെയ്തു തോരുംപോലെ ഒടുവിൽ എല്ലാം ശാന്തമായി. എഴുത്തുവഴിയിൽ അതുവരെ അനുഭവിക്കാനാവാത്തൊരു സാഫല്യം ഉടലെടുത്തതായി നിരുപമയറിഞ്ഞു. വേദിയിൽ വെളിച്ചമണഞ്ഞു. എല്ലാ സൂര്യന്മാരും ഒരുമിച്ചസ്തമിച്ചതുപോലെ ഉള്ളിൽ ഒരു വല്ലാത്ത ശൂന്യത വന്നുനിറഞ്ഞു. ഇതുവരെ വലിയൊരു ലക്ഷ്യമുണ്ടെന്ന തോന്നലായിരുന്നു. എഴുത്തു മുടങ്ങുമ്പോഴൊക്കെ പത്മസേനൻ മാഷിന്റെയും അംജദലിയുടെയും വേദനയൊളിപ്പിച്ച പുഞ്ചിരി മനസ്സിനെ അസ്വസ്ഥമാക്കും; ഒപ്പം രഞ്ജന്റെ ഉദ്വേഗം നിറഞ്ഞ അന്വേഷണങ്ങളും. എഴുതാതിരിക്കാൻ കഴിയില്ലായിരുന്നു. സമീപകാല ജീവിതത്തിലെ എല്ലാ പ്രതിസന്ധികളിൽനിന്നും രക്ഷനേടാനുള്ള ഊർജ്ജം പകർന്നിരുന്നതും എഴുത്ത് പൂർത്തിയാക്കുക എന്ന ചിന്ത മാത്രമായിരുന്നു. ഇപ്പോൾ എല്ലാം പൂർത്തിയാവുമ്പോൾ തണുത്ത കൈവിരൽ നീട്ടി തൊടുന്ന ഈ ശൂന്യതയ്ക്ക് തന്നെ തകർക്കാനായേക്കുമെന്നവൾ ഭയന്നു. എത്രനാൾ ഈ ഇരുട്ടിലൂടെ തനിയെ തുഴഞ്ഞുപോകണം...

ആളൊഴിഞ്ഞ ഹാളിൽ ആരോ നിൽക്കുന്നത് അവ്യക്തമായിക്കാണാം. നിരുപമ അവിടേക്കു നടന്നു.

രഞ്ജൻ പ്രദീപ്തമായ മുഖവുമായി അവിടെ നിൽക്കുന്നുണ്ടായിരുന്നു. അയാളുടെ മുഖത്ത് അഭിമാനവും ആഹ്ലാദവും നിറഞ്ഞുനിന്നു. നിരുപമ ചുറ്റും കണ്ണോടിച്ചു. അല്പം മുമ്പുവരെ പ്രകാശവും ശബ്ദങ്ങളും നിറഞ്ഞുനിന്നിരുന്നിടത്തെ ശൂന്യതയുടെ ആഴം ഇപ്പോൾ വല്ലാതെ ഭയപ്പെടുത്തുന്നതുപോലെ.

തന്നിൽനിന്ന് മറ്റൊരു നിരുപമ ആകാശത്തേക്കുയർന്നുപോയി താഴേക്കു നോക്കുന്നതുപോലെ.

ഒഴിഞ്ഞ കസേരകളുടെ ശൂന്യതയിൽ, ലോകത്ത് തീർത്തും തനിച്ചായ രണ്ടാത്മാവുകൾ പരസ്പരം ഉറ്റുനോക്കുന്നത് അവൾ കണ്ടു.

വേനൽ കഴിഞ്ഞ് അപ്പോൾ ആദ്യത്തെ മഴ വീണു'.

മഞ്ഞനദികളുടെ സൂര്യൻ
ഷീബ ഇ.കെ.
ഡി.സി. ബുക്‌സ്, 2017
വില: 120 രൂപ

ഷാജി ജേക്കബ്‌    
കേരള സര്‍വകലാശാലയില്‍ ഗവേഷകവിദ്യാര്‍ത്ഥിയായിരുന്ന കാലത്ത് കലാകൗമുദി വാരികയില്‍ തുടര്‍ച്ചയായി ലേഖനങ്ങളും ഫീച്ചറുകളും എഴുതിത്തുടങ്ങി. ആനുകാലികങ്ങളിലും, പുസ്തകങ്ങളിലും, പത്രങ്ങളിലും രാഷ്ട്രീയസാംസ്‌കാരിക വിഷയങ്ങളെ സംബന്ധിച്ച നിരവധി ലേഖനങ്ങളും പഠനങ്ങളും എഴുതിയിട്ടുണ്ട്. അക്കാദമിക നിരൂപണരംഗത്തും മാദ്ധ്യമവിമര്‍ശനരംഗത്തും സജീവമായ വിവിധ വിഷയങ്ങളില്‍ ഷാജി ജേക്കബിന്റെ നൂറുകണക്കിനു രചനകള്‍ പുറത്തുവന്നിട്ടുണ്ട്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

MNM Recommends

TODAYLAST WEEKLAST MONTH
ജിദ്ദയിൽ നേഴ്‌സായ ഭാര്യയ്‌ക്കൊപ്പം ജീവിക്കാൻ ശ്രീജിത്ത് നാട്ടിൽ നിന്നും സൗദിക്ക് പോയത് മൂന്ന് മാസം മുമ്പ്; ദുരന്തം സംഭവിച്ചത് കുടുംബ വഴക്ക് പതിവായതോടെ ഇന്ന് നാട്ടിലേക്ക് മടങ്ങാൻ ഇരിക്കവേ; നേഴ്‌സായ ഭാര്യയോട് വഴക്കുണ്ടാക്കി ഏഴ് മാസം പ്രായമായ കുഞ്ഞിനെ ഭിത്തിയിൽ അടിച്ചു കൊന്ന ശേഷം ശ്രീജിത്ത് തൂങ്ങിമരിച്ചെന്ന് സ്ഥിരീകരിച്ച് സൗദി പൊലീസ്; കുഞ്ഞിന്റെ മരണ വിവരം അറിഞ്ഞപ്പോൾ അബോധാവസ്ഥയിലായ അനീഷയെ ആശുപത്രിയിലേക്ക് മാറ്റി
ബാലാ സേട്ടിനെ കൊന്ന് അന്ധേരിയിലെ രാജകുമാരനായി; ചോട്ടാ രാജന്റെ കണ്ണിൽ പതിഞ്ഞതോടെ ഡി കമ്പനിയിലെ പ്രധാനി; ബോംബെ സ്ഫോടനം ഹിന്ദു വിരുദ്ധമെന്ന് പറഞ്ഞ് ദാവൂദിനെ ഇന്ത്യയിൽ നിന്ന് പറത്തിയ വില്ലൻ; ഷാരൂഖിനേയും സൽമാനേയും കരൺ ജോഹറിനേയും ബ്ലാക് മെയിൽ ചെയ്ത്‌ താരമായി; ചെന്നിത്തലയെ വിരട്ടി കേരളത്തിലും സ്റ്റാറായി; കൊലയും ഭീഷണിപ്പെടുത്തലും നേരിട്ട് നടത്തി 'ഡോൺ' പദവിയിലെത്തിയ രവി പൂജാരിക്ക് വേരുകൾ കൊച്ചിയിലും; ലീനാ മരിയാ പോളിലൂടെ അധോലോക രാജാവിനെ കുടുക്കാൻ ദേശീയ ഏജൻസികളും
തേൻകുറിശിയിലെ ആസ്ഥാന റൗഡിയാണ് മാണിക്യൻ.... മാണിക്യൻ ദാദയുടെ വട്ടപ്പേരാണ് ഒടിയൻ.... പകൽ നേരങ്ങളിൽ സ്ഥലത്തെ പ്രധാന ജന്മി തറവാട്ടിലെ പുറം പണിക്കാരനാണ് മാണിക്യൻ ... ആളുകളെ പേടിപ്പിക്കുക, ബോധം കെടുത്തുക, കൈ കാലുകൾ തല്ലിയൊടിക്കുക, ഇടക്ക് കഴുത്തും ഒടിക്കുക തുടങ്ങിയ ചെറിയ ചെറിയ പണികളാണ് 'നല്ലവനായ' മാണിക്യൻ ദാദ ഏറ്റെടുക്കാറ്: ഒടിയനെക്കുറിച്ചുള്ള ഒരു പ്രേക്ഷകന്റെ കുറിപ്പ്
ഇന്ത്യയിലെ കത്തോലിക്കാ സഭയ്ക്ക് തീരാത്ത നാണക്കേട് സമ്മാനിച്ച കടപ്പ മെത്രാന്റെ രാജി പോപ്പ് ഫ്രാൻസിസ് സ്വീകരിച്ചു; ഭാര്യയ്ക്കും മകൾക്കും ഒപ്പം രഹസ്യ ജീവിതം നയിച്ച മെത്രാന്റെ കള്ളി പൊളിഞ്ഞത് രൂപതയിലെ വൈദികർ തന്നെ തട്ടിക്കൊണ്ട് പോയപ്പോൾ; ഭാര്യമാരും കാമുകിമാരുമുള്ള മറ്റ് മെത്രാന്മാരുടെ പേര് വിവരം പുറത്തു വിടുമെന്ന ഭീഷണിയും ഏശാതെ വന്നപ്പോൾ മനസ്സില്ലാ മനസോടെ രാജി; മോസ്റ്റ് റെവറന്റെ മാർ പ്രസാദ് ഗല്ലേല ഇനി വെറും പ്രസാദായി ജീവിക്കണം
തിരുവനന്തപുരം വിമാനത്താവളം അദാനിക്കും ജിൻഡാലിനും തീറെഴുതും; സ്വകാര്യവത്കരണത്തിന്റെ പേരിൽ നടക്കുന്നത് തീവെട്ടികൊള്ള; കീശ വീർപ്പിക്കാൻ മോദിയും കൂട്ടരും വിറ്റുതുലയ്ക്കുന്നത് അനന്തപുരിയിലെ 628 ഏക്കർ; വിഴിഞ്ഞം തുറമുഖം കൈയിലുള്ള അദാനിക്ക് വിമാനത്താവളം കിട്ടിയാൽ ഇരട്ട ബമ്പർ; മുന്നോടിയായി എയ്‌റോസ്‌പേസ് പാർക്ക് ആരംഭിച്ച് അദാനി; പൊതുമുതൽ വിറ്റ് കോടികൾ വാരികൂട്ടാനുള്ള കേന്ദ്രത്തിന്റെ കള്ളക്കളി പുറത്ത്
ദുബായിൽ വളർന്ന് ഡെന്റൽ ഡോക്ടറാകാൻ ബംഗളൂരുവിൽ പഠിക്കുമ്പോൾ സിനിമാ മോഹം തലയ്ക്ക് പിടിച്ചു; മോഡലിങ്ങിൽ തിളങ്ങി നിൽക്കവേ സുകാഷ് ചന്ദ്രശേഖറെ പരിചയപ്പെട്ടപ്പോൾ തട്ടിപ്പുകളുടെ മഹാറാണിയായി; രാജ്യവ്യാപക തട്ടിപ്പുകളിലൂടെ സ്വന്തമാക്കിയത് റോൾസ് റോസ് ഫാന്റവും ആസ്റ്റൻ മാർട്ടിനും അടക്കം അനേകം ആഡംബരക്കാറുകളും വില്ലകളും;രണ്ട് അംഗരക്ഷകർക്കൊപ്പം ജീവിച്ചിട്ടും ശത്രുക്കളുടെ കണ്ണിൽ നിന്നും മായാനായില്ല; കൊച്ചിയിലെ ബ്യൂട്ടി പാർലർ വെടിവയ്‌പ്പിൽ നിറയുന്നത് ചീഞ്ഞളിഞ്ഞ അധോലോക ബന്ധങ്ങൾ
കേരളാ കഫേ, റെഡ് ചില്ലീസ്, ഹസ്‌ബൻഡ് ഇൻ ഗോവ എന്ന മലയാള ചിത്രങ്ങളും മദ്രാസ് കഫേ എന്ന ഹിന്ദി സിനിമയിലും അഭിനയിച്ചു; റെഡ് ചില്ലീസിന്റെ സെറ്റിൽ മുറിയെ ചൊല്ലി തർക്കിച്ചു; രാജ്യത്ത് എവിടെ ചെന്നാലും സുഖമായി ജീവിക്കാൻ സൗകര്യങ്ങൾ ഒരുക്കി കാമുകൻ കാവൽ നിന്നു; തട്ടിപ്പ് കേസുകൾക്ക് പുറമേ ആൾമാറാട്ടം, വ്യാജരേഖ നിർമ്മാണം തുടങ്ങിയ നിരവധി കേസുകളിൽ കുടുങ്ങി; അധോലോക രാജാവ് രവി പൂജാര ഉന്നം വയ്ക്കുന്നതിന് പിന്നലെ കാരണം അജ്ഞാതം; ലീനാ മരിയാ പോളിന്റെ ജീവിതം ഒരു സിനിമാ കഥപോലെ ദുരൂഹം
ചെറിയ പച്ചക്കറിക്കട പച്ചപിടിച്ചുവരുന്നതിനിടെയാണ് ആ തീപിടുത്തം; ഇൻഷുറൻസ് കമ്പനി നൽകിയ കനത്ത തുക ഉപയോഗിച്ച് അജ്മാനിൽ സൂപ്പർ മാർക്കറ്റ് ശൃംഖലയ്ക്ക് തുടക്കമിട്ടു; നിഷ്‌ക്കളങ്ക സ്വഭാവം സ്വന്തക്കാരടക്കം പലരും മുതലെടുത്തു; ഉള്ള സമ്പാദ്യം എല്ലാം വിറ്റ് രാജ്യം വിടേണ്ടി വന്നത് വിശ്വസ്തരുടെ വഞ്ചന മൂലം; അൽമനാമ ഹൈപ്പർ മാർക്കറ്റ് ശൃംഖലയുടെ തലവൻ അബ്ദുൾ ഖാദർ സാബിറിന്റെ വീഴ്ചയ്ക്ക് കൊടുക്കേണ്ടി വന്നത് വലിയ വില
എല്ലാ ഇക്കാ ഫാൻസും ഇവിടം വിട്ടു പോകണം; ഏട്ടൻ ഫാൻസിനു മാത്രം തെറിവിളിക്കാനുള്ള അവസരം കൊടുക്കണം; ഇക്കായേം കൂടി ഈ പടത്തിൽ വലിച്ചിഴച്ചതിനുള്ള വടേം ചായേം ഉച്ചക്ക് ശേഷം കൊടുക്കും; മേനോൻ ചേട്ടൻ തള്ളിയ ഒരു കാര്യം സത്യമാണ് ലാലേട്ടന്റെ സിനിമജീവിതത്തിലെ മറക്കാൻ പറ്റാത്ത ഒന്നാകും ഇത്; നിങ്ങൾ ചെയ്ത ഏറ്റവും വലിയ ചതി.... ലാലേട്ടൻ പാടിയ പാട്ട് ഉൾപ്പെടുത്താതിരുന്നത്; 'ഒടിയനിൽ' ശ്രികുമാർ മേനോന്റെ തള്ളിൽ പൊങ്കാല; 'പുഷിൽ' ഒടി വിദ്യ പൊളിച്ചെടുക്കുമ്പോൾ
ഫാറൂഖ് അബ്ദുള്ളയുടെ മകളെ പ്രണയിച്ചത് ലണ്ടനിലെ പഠനകാലത്ത്; കശ്മീരിൽ കോളിളക്കം സൃഷ്ടിച്ച പ്രേമം വിവാഹത്തിൽ കലാശിച്ചത് കശ്മീർ മുഖ്യമന്ത്രിയായിരുന്ന സാറയുടെ പിതാവിന്റെ കട്ട എതിർപ്പുകൾക്ക് നടുവിൽ; മന്മോഹൻ മന്ത്രിസഭയിൽ ഇടംനേടിയതോടെ മരുമകൻ ആള് ചില്ലറക്കാരനല്ലെന്ന തിരിച്ചറിഞ്ഞ് ചേർത്ത് നിർത്തി കശ്മീരിന്റെ രാഷ്ട്രീയ തന്ത്രജ്ഞൻ: ഭാര്യ വീട്ടുകാരുടെ എതിർപ്പുകളെ അവഗണിച്ച് സാറയെ ജീവിതസഖിയാക്കിയ സച്ചിന്റെ പ്രണയം തെരഞ്ഞെടുപ്പിന് ശേഷം ചർച്ചയാകുമ്പോൾ
ഒടിയനല്ല ചതിയൻ; ശ്രീകുമാരമേനോൻ ഒടിവെച്ചത് പാവം പ്രേക്ഷകരുടെ നെഞ്ചത്ത്; ഇത് ഹർത്താലിനെ അവഗണിച്ച് പുലർച്ചെ നാലുമണിക്ക് പടം കാണാനെത്തിയ ആരാധകരെ പോക്കറ്റടിക്കുന്ന സിനിമ; പടത്തിന്റെ നിലവാരത്തകർച്ചയിൽ നെഞ്ചുതകർന്ന് ഫാൻസുകാർ; ലാഗിങ്ങും ചത്ത സംഭാഷണങ്ങളും ക്ലീഷെ രംഗങ്ങളും രസംകൊല്ലിയാകുന്നു; ആകെയുള്ള ആശ്വാസം രണ്ടുഗെറ്റപ്പുകളിലെത്തുന്ന മോഹൻലാലിന്റെ കരിസ്മ
നല്ല നിലയിൽ പ്രവർത്തിച്ചിരുന്ന ബിസിനസ് അടച്ചു പൂട്ടി ഒടിയന്റെ പിന്നാലെ പോയ ശ്രീകുമാർ മേനോൻ ടെൻഷൻ മാറൻ നടത്തിയ തള്ളോ റിലീസിന് മുമ്പേ 100 കോടി ലഭിച്ചെന്ന അവകാശവാദം? എത്രകൂട്ടി കിഴിച്ചാലും 40 കോടി കടക്കില്ലെന്നിരിക്കെ എന്തിന് നുണ പറഞ്ഞ് ലാലേട്ടനെ കൂടി കഴുപ്പത്തിലാക്കുന്നുവെന്ന് ചോദിച്ച് ആരാധകർ; കണക്ക് പുറത്തുവിട്ട് വിവാദങ്ങൾ ഒഴിവാക്കി താരമായി സംവിധായകൻ; റിലീസിംഗിന് രണ്ട് ദിവസം മുമ്പേ ഒടിയൻ ചർച്ചയിൽ നിറയുന്നത് ഇങ്ങനെ
മൂന്നരക്കോടിക്ക് വിറ്റ അന്യഭാഷാ റൈറ്റിന് അവകാശപ്പെടുന്നത് 24 കോടി; ഒരേ സമയം ഡബ്ബിങും റീമേക്കിനും കാശ് കിട്ടിയെന്നും വാദം; ഏഷ്യാനെറ്റിന് സാറ്റ്ലൈറ്റ് റൈറ്റ് കൊടുത്ത ശേഷം അമൃതയുടെ പേരിലും കണക്കെഴുത്ത്; ഓവർസീസ് റൈറ്റിന് കിട്ടിയ കാശും അഡ്വാൻസ് ബുക്കിങും രണ്ടായി ചേർത്ത് തട്ടിപ്പ്; റിലീസിന് മുൻപ് 100 കോടി നേടിയ ആദ്യ സിനിമയെന്ന ഒടിയനെക്കുറിച്ചുള്ള സംവിധായകന്റെ അവകാശ വാദം പച്ചക്കള്ളമോ? ശ്രീകുമാർ മേനോന്റെ തള്ളൽ വെട്ടിലാക്കുന്നത് നിർമ്മാതാവ് ആന്റണി പെരുമ്പാവൂരിനെ
ദിവസേന ചാത്തൻസേവ; മദ്യവും മയക്കുമരുന്നും ഇഷ്ടതോഴർ; ആഡംബര കാറുകളിൽ പാറി നടക്കും; ഇരകളെ ചതിക്കാൻ 'രാഷ്ട്രീയക്കാരെ' കൊണ്ട് വിളിപ്പിക്കാൻ മിമിക്രിക്കാർ; ഭർത്താവായി വേഷമിടുന്നത് മാസ ശമ്പളം പറ്റുന്ന ജീവനക്കാരൻ; ശ്രീജ.. ശാലിനി... ഗായത്രി... മേരി തുടങ്ങിയ പേരുകളിൽ ചതിച്ചും വഞ്ചിച്ചും വൻകിട ഫ്ലാറ്റുകളിലെ അടിപൊളി ജീവിതം; തട്ടിപ്പിന്റെ ഉസ്താദായ പൂമ്പാറ്റ സിനി വീണ്ടും കുടുങ്ങി; ഇത്തവണ പിടിയിലായത് ഒല്ലൂർ മേബൻ നിധി ലിമിറ്റഡിൽ പറ്റിക്കാൻ ശ്രമിച്ചപ്പോൾ
മധ്യപ്രദേശിൽ ഫോട്ടോഫിനിഷിലേക്ക്; കോൺഗ്രസും ബിജെപിയും ഒപ്പത്തിനൊപ്പം; രാജസ്ഥാനിൽ കോൺഗ്രസിന് കേവല ഭൂരിപക്ഷം; ഛത്തീസ്‌ഗഡിൽ ഭരണം ഉറപ്പിച്ച് കോൺഗ്രസ് കുതിപ്പ്; മൂന്നിൽ രണ്ട് ഭൂരിപക്ഷത്തിൽ തെലുങ്കാനയിൽ ടിആർഎസ് ഭരണം നിലനിർത്തിയപ്പോൾ കോൺഗ്രസിനെ അട്ടിമറിച്ച് മിസോറാമിൽ എംഎൻഎഫും; അന്തിമഫലം പുറത്തുവരാനിരിക്കവേ ബിജെപി കേന്ദ്രങ്ങളിൽ മ്ലാനതയും കോൺഗ്രസ് നേതാക്കളിൽ ആഹ്ലാദവും: ലോക്‌സഭാ തെരഞ്ഞെടുപ്പിന്റെ സെമിഫൈനൽ ആവേശകരമായ അന്ത്യത്തിലേക്ക്
ശബരിമലയിൽ ഒരു കാലത്തും നാമജപമില്ലെന്നും ശരണം വിളിയേ ഉള്ളൂവെന്നും മുഖ്യമന്ത്രി; ശരണം വിളിയെയാണ് നാമജപമെന്ന് പറയുന്നതെന്ന് തിരിച്ചടിച്ച് കേന്ദ്രമന്ത്രി; നാമജപം വേറെയുണ്ട് ശരണം വിളി വേറെയുണ്ടെന്ന് ആവർത്തിച്ച് പിണറായി; ശരണം വിളിക്കുന്നവരെയാണ് ക്രിമിനലുകളെന്ന് പറഞ്ഞ് അറസ്റ്റ് ചെയ്യുന്നതെന്ന് വാദിച്ച് രാജഗോപാൽ; സാറേ, ഇതൊന്ന് തീർത്ത് തരണമെന്ന് കണ്ണന്താനം; ശബരിമല സമരത്തിലെ അനുരജ്ഞന ചർച്ച പൊളിഞ്ഞത് ഇങ്ങനെ
കോട്ടയം മുതൽ പിന്തുടർന്നു; വിവാഹ ഒരുക്കം നടക്കുന്ന ആർഎസ്എസ് നേതാവിന്റെ വീടിന് സമീപമിട്ട് വെട്ടിവീഴ്‌ത്തിയത് കുറ്റം പരിവാറുകാരിൽ ചാർത്താൻ; ഫോൺവിളിച്ച് ആർഎസ്എസിനെ പ്രതികൂട്ടിലാക്കിയതും ആശുപത്രിയിൽ ഓടിയെത്തിയതും ഗൂഢാലോചനയിലെ കുബുദ്ധി; എസ്എഫ്ഐ-സിപിഎം പ്രവർത്തകരെ വെട്ടിവീഴ്‌ത്തിയത് എസ്ഡിപിഐക്കാരെന്ന് തെളിഞ്ഞത് വിഷ്ണു സത്യം പറഞ്ഞതോടെ; പന്തളത്തെ അക്രമത്തിൽ നിറയുന്നത് സിപിഎം-ബിജെപി സംഘർഷം ആളികത്തിക്കാനുള്ള നീക്കം
അച്ഛനെക്കാൾ മുതിർന്ന അർജുൻ സച്ചിന്റെ കൈപിടിച്ചെത്തിയപ്പോൾ കഴുത്തിൽ നിറയെ വജ്രങ്ങൾ ധരിച്ച് ആരാധ്യയുടെയും അഭിഷേകിന്റെയും കൈപിടിച്ച് ഐശ്വര്യ റായി എത്തി; വിരുന്നുകാർക്കൊപ്പം കളം നിറഞ്ഞ് പ്രണബ് മുഖർജി മുതലുള്ള നേതാക്കൾ; അംബാനിയുടെ മകളുടെ വിവാഹത്തിന് ഹിലാരി ക്ലിന്റൺ മുതൽ ബിയോൺസ് വരെ വേറൊരു വശത്ത്; ലോകത്തെ ഏറ്റവും ചെലവേറിയ കല്യാണമായി ഇഷയുടെ വിവാഹം മാറിയതിങ്ങനെ
നീലച്ചിത്രവുമായി കാബിനിൽ ഇരുന്ന ദിലീപ് സിബ് തുറന്നു പ്രദർശിപ്പിച്ചത് സ്വകാര്യഭാഗം; എം ആർ രാജന് എന്നെ ദുപ്പട്ടയില്ലാതെ കാണണം; എങ്ങിനെയെങ്കിലും ശരീരം സ്പർശിക്കണം എന്ന വൈരാഗ്യ ബുദ്ധിയുമായി പത്മകുമാർ; ഏഷ്യാനെറ്റ് വിനോദ ചാനലിൽ എന്നെ കുരുക്കാനായി ഒരുക്കിയത് ട്രയാംഗുലർ ട്രാപ്പ്; ഈ മൂവർ സംഘത്തിന്റെ കൈയിൽനിന്ന് ആർക്കും രക്ഷയില്ല; ഏഷ്യാനെറ്റിലെ ഉന്നതർ ലൈംഗിക മനോരോഗികൾ; മറുനാടനോട് നിറകണ്ണുകളോടെ തുറന്നുപറഞ്ഞ് നിഷാ ബാബു
സ്റ്റേജ് ഷോയിൽ പങ്കെടുക്കാനായി എത്തിയ നൃത്താധ്യാപികയെ വീട്ടിൽ താമസിപ്പിച്ചു; നേഴ്‌സായ ഭാര്യ പിണങ്ങിയതോടെ പേയിങ് ഗസ്റ്റിനെ വധുവായി സ്വീകരിച്ച് വിവാഹം കഴിച്ചു; സാമ്പത്തിക തർക്കം മൂർച്ഛിക്കവേ രണ്ടാം ഭാര്യ വിവാഹ മോചനം നടത്തിയിട്ടില്ലെന്ന് തിരിച്ചറിഞ്ഞു; അമേരിക്കയിലെ ഹൂസ്റ്റണിൽ താമസിക്കുന്ന സ്‌റ്റേജ് ഷോ സംഘാടകനായ അങ്കമാലിക്കാരൻ സാജു മാളിയേക്കൽ തനിക്ക് നഷ്ടമായ കോടികൾക്ക് വേണ്ടി കോടതിയിൽ നൽകിയ കേസിന്റെ വിവരങ്ങൾ പുറത്തു വിട്ട് മറുനാടൻ
ലൈംഗിക പൂർവ്വ കേളികൾ ഉൾപ്പെടുന്ന ബോഡി ടു ബോഡി മസാജിന് 2500 രൂപ; ഫുൾ സർവ്വീസ് ബോഡി മസാജ് വിത്ത് സെക്‌സിന് വെറും 3000 റേറ്റ്; യോഗയും ആയുർവേദവും മറയാക്കിയുള്ള സെക്സ് തെറാപ്പിയിൽ നടക്കുന്നത് മലയാളി പെൺകുട്ടികളെ കരുവാക്കിയുള്ള വാണിഭം; കേരളത്തിലെ മദ്യവ്യവസായിയും ജൂവലറി ഗ്രൂപ്പ് ഉടമയും പിന്നെ കോൺഗ്രസ് നേതാവിന്റെ ബിനാമിയും; ഇടപാടുകാരെ കണ്ടെത്തുന്നത് നവമാധ്യമ പരസ്യത്തിലൂടെ; ബംഗലുരുവിൽ തഴച്ചു വളരുന്ന സെക്‌സ് റാക്കറ്റിന്റെ കഥ ഇങ്ങനെ
കട്ടിലിൽ കെട്ടിയുള്ള പീഡനം കണ്ടപ്പോൾ കൗൺസിലർ ഒരു പകലിന് ഓഫർ ചെയ്തത് 25,000രൂപ; പെൺകുട്ടിക്ക് നഗരസഭാ അംഗം സമ്മാനമായി വാഗ്ദാനം ചെയ്തത് ആഡംബര മൊബൈലും; വീഡിയോ ചാറ്റിങ് പൊലീസ് അറിഞ്ഞതോടെ രക്ഷപ്പെടാൻ പഴുതുകൾ തേടി ശ്രീകണ്ഠാപുരം നഗരസഭാ കൗൺസിലറും; പത്താംക്ലാസുകാരിയുടെ മൊബൈൽ ഫോൺ പരിശോധന നിർണ്ണായകമാകും; പറശിനിക്കടവിലെ ട്രാപ്പിൽ സന്ദീപ് സ്വപ്‌നം കണ്ടത് മറ്റൊരു സൂര്യനെല്ലി
പമ്പയിലേക്ക് സ്വകാര്യ വാഹനങ്ങൾ കടത്തിവിടാത്തത് എന്തെന്ന് കേന്ദ്രമന്ത്രി; ഉത്തരവാദിത്തം ഏറ്റെടുക്കുമോ? താങ്കൾ ഉത്തരവിട്ടാൽ താൻ വാഹനങ്ങൾ കടത്തിവിടാമെന്ന് മറുപടി നൽകി എസ്‌പി; വിറപ്പിക്കാൻ ശ്രമിച്ച പൊൻ രാധാകൃഷ്ണന്റെ ഉത്തരംമുട്ടിച്ച് യതീഷ് ചന്ദ്രയുടെ മറുപടി; നിങ്ങൾ മന്ത്രിയെ ചോദ്യം ചെയ്യുകയാണോ എന്നു ചോദിച്ച് ശബ്ദമുയർത്തിയ എ എൻ രാധാകൃഷ്ണന്റെ മുമ്പിലേക്ക് കയറി നിന്ന് ദഹിപ്പിക്കുന്ന നോട്ടവും: നിലയ്ക്കലിൽ ഇന്നു കണ്ട 'സുരേഷ് ഗോപി മൊമന്റ്'
ജനം ടിവിയുടെ കുതിപ്പ് കണ്ട് ഞെട്ടിയ ചാനൽ മുതലാളിമാർക്ക് ഇരിക്കപ്പൊറുതിയില്ല; വിപ്ലവകാരികളായ റിപ്പോർട്ടർമാരെ മുഴുവൻ മാറ്റി അയ്യപ്പഭക്തരെ തന്നെ ശബരിമല റിപ്പോർട്ടിങ് ഏൽപ്പിച്ച് മനോരമയും മാതൃഭൂമിയും ഏഷ്യാനെറ്റും അടക്കമുള്ള ചാനലുകൾ; വേണുവിനെ പോലുള്ള സ്റ്റാർ അവതാരകർ സ്വയം മാറിയതോടെ മാതൃഭൂമിക്ക് ആശ്വാസമായെങ്കിൽ ഷാനി പ്രഭാകരനെ വടക്കേ ഇന്ത്യയിലേക്ക് അയച്ച് അയ്യപ്പദാസിനെ പുതിയ സ്റ്റാറാക്കി മനോരമയുടെ പിടിച്ചു നിൽക്കൽ ശ്രമം
കേന്ദ്രമന്ത്രി പൊൻ രാധാകൃഷ്ണനെ തടഞ്ഞിട്ടും പാഠം പഠിക്കാത്ത യതീഷ് ചന്ദ്ര ഒടുവിൽ കൈവച്ചത് ഹൈക്കോടതി ജഡ്ജിയുടെ മേൽ; ജഡ്ജിയെ നിലയ്ക്കലിൽ തടയുകയും പുറത്തിറക്കി പരിശോധിക്കുകയും തർക്കിക്കുകയും ചെയ്തതോടെ കാര്യങ്ങൾ കൈവിട്ടു; ജഡ്ജിയെ സന്നിധാനത്ത് പോയി കണ്ട് മാപ്പ് പറഞ്ഞ് മടങ്ങാൻ നേരം ഹരിവരാസനം കേൾക്കാൻ എത്തിയതെന്ന് വിശദീകരിച്ചത് വീണ്ടും വിവാദമായി; യതീഷ് ചന്ദ്രയെ സർക്കാർ കൈവിട്ടത് ജഡ്ജിയുടെ പരാതി കൂടി എത്തിയതോടെ
ശരണം വിളിക്കുന്നവരെ അറസ്റ്റ് ചെയ്യിക്കുന്ന ഉദ്ഘാടകനെ ഞങ്ങൾക്ക് വേണ്ടെന്ന് ഭക്തർ; പരസ്യ പ്രതിഷേധവുമായി ശബരിമല കർമ സമിതിയും സംഘപരിവാറും; ചക്കുളത്ത് കാവ് പൊങ്കാലയുടെ സാംസ്‌കാരിക സമ്മേളനം ഉദ്ഘാടക സ്ഥാനത്ത് നിന്ന് ഡിജിപി ലോക്‌നാഥ് ബെഹ്‌റയെ മാറ്റി; ഉദ്ഘാടനമില്ലാതെ ചടങ്ങ് നടത്താൻ ക്ഷേത്രം അധികാരികൾ
എല്ലാ ഇക്കാ ഫാൻസും ഇവിടം വിട്ടു പോകണം; ഏട്ടൻ ഫാൻസിനു മാത്രം തെറിവിളിക്കാനുള്ള അവസരം കൊടുക്കണം; ഇക്കായേം കൂടി ഈ പടത്തിൽ വലിച്ചിഴച്ചതിനുള്ള വടേം ചായേം ഉച്ചക്ക് ശേഷം കൊടുക്കും; മേനോൻ ചേട്ടൻ തള്ളിയ ഒരു കാര്യം സത്യമാണ് ലാലേട്ടന്റെ സിനിമജീവിതത്തിലെ മറക്കാൻ പറ്റാത്ത ഒന്നാകും ഇത്; നിങ്ങൾ ചെയ്ത ഏറ്റവും വലിയ ചതി.... ലാലേട്ടൻ പാടിയ പാട്ട് ഉൾപ്പെടുത്താതിരുന്നത്; 'ഒടിയനിൽ' ശ്രികുമാർ മേനോന്റെ തള്ളിൽ പൊങ്കാല; 'പുഷിൽ' ഒടി വിദ്യ പൊളിച്ചെടുക്കുമ്പോൾ
കുട്ടികൾക്കുള്ള ഉടുപ്പിന് കമ്പനി വില 695 മാത്രം; ജയലക്ഷ്മിയിൽ എത്തിയപ്പോൾ നൽകേണ്ടത് 990 രൂപയും! കൊള്ള ലാഭം ഈടാക്കാൻ വ്യാജ പ്രൈസ് ടാഗ് പതിപ്പിച്ചപ്പോൾ യഥാർഥ വിലയുടെ ടാഗ് മാറ്റാൻ മറന്നു; സാധനം വാങ്ങിയ യുവാവ് വില തട്ടിപ്പ് പിടികൂടിയപ്പോൾ നീ പോയി ഉണ്ടാക്ക് എന്ന് ഭീഷണിയും; വീഡിയോ സഹിതം സോഷ്യൽ മീഡിയയിൽ പ്രചരിച്ചപ്പോൾ ലീഗൽ മെട്രോളജി വകുപ്പ് പരിശോധനയ്ക്ക് വന്നു `ചരിത്രവും വഴിമാറി`; വസ്ത്ര വ്യാപാര രംഗത്തെ ഭീമന്മാരായ ജയലക്ഷ്മിയ്‌ക്കെതിരെ തട്ടിപ്പ് കേസ്