മോഷ്ടാവാണെന്നു കരുതി നിറയൊഴിച്ചത് സ്വന്തം മകനു നേരേ; ഓസ്ട്രിയയിലെ ഒരു പിതാവിന് സംഭവിച...

മോഷ്ടാവാണെന്നു കരുതി നിറയൊഴിച്ചത് സ്വന്തം മകനു നേരേ; ഓസ്ട്രിയയിലെ ഒരു പിതാവിന് സംഭവിച്ച അബദ്ധം

July 21, 201502:43 PM IST Permalink

വിയന്ന: രാത്രിയിൽ ജനാലയിൽ പിടിച്ചുകയറുന്ന ആളെ കണ്ടപ്പോൾ ഈ പിതാവിന് ഒന്നും ആലോചിക്കേണ്ടി വന്നില്ല. തലയണയ്ക്കടിയിൽ വച്ചിരുന്ന തോക്കെടുത്ത് രണ്ടു തവണ നിറയൊഴിച്ചു. എന്നാൽ സ്വന്തം മകനു നേരെയാണ് നിറയൊഴിച്ചതെന്ന് പിന്നീടാണ് ഈ പിതാവിന് മനസിലായത്.

ലോവൽ ഓസ്ട്രിയയിലാണ് സംഭവം. പുറത്തു കറങ്ങാൻ പോയ നാല്പതുകാരൻ രാത്രി വൈകിയാണ് തിരികെ വീട്ടിലെത്തുന്നത്. താക്കോൽ കൈവശം ഇല്ലാതിരുന്നതിനാൽ ആരേയും ഉണർത്താതെ ജനാല വഴി വീട്ടിൽ കയറാമെന്നും ഇയാൾ കരുതി. അർധ രാത്രിയിൽ ജനാല വഴി കയറുന്നത് കള്ളൻ ആണെന്നു ധരിച്ചാണ് എഴുപതുകാരനായ പിതാവ് വെടിവയ്ക്കുന്നത്.

അയൽവീടുകളിൽ അടുത്ത ദിവസങ്ങളിൽ മോഷ്ടാക്കളുടെ ശല്യം ഉണ്ടെന്ന് അറിഞ്ഞതോടെ ഇയാൾ റിവോൾവറും തലയിണയ്ക്കടിയിൽ വച്ചാണ് ഉറക്കം. ജനാലയിൽ ശബ്ദം കേട്ട് എഴുന്നേറ്റ് ആരെന്നു നോക്കാതെ നിറയൊഴിക്കുകയായിരുന്നു. ഒരു ബുള്ളറ്റ് മകന്റെ കവിളത്തു തന്നെ പതിക്കുകയും ചെയ്തു. യുവാവിന്റെ നിലവിളി കേട്ട് എത്തിയ അയൽവാസി പെട്ടെന്ന് ആംബുലൻസ് വിളിച്ച് ഇയാളെ ആശുപത്രിയിൽ എത്തിക്കുകയായിരുന്നു.

വെടിയുണ്ട നീക്കം ചെയ്ത് ആശുപത്രിയിൽ സുഖം പ്രാപിച്ചു വരികയാണ് യുവാവ്. അതേസമയം സംഭവത്തിൽ പ്രതികരിക്കാൻ കുടുംബം തയാറായില്ല. സ്വന്തം മകനു നേരെ നിറയൊഴിച്ച പിതാവ് ഷോക്കിൽ നിന്നും വിമുക്തനായിട്ടില്ല എന്നാണ് റിപ്പോർട്ട്. അബദ്ധത്തിൽ വെടിവച്ചതാണെങ്കിലും പിതാവിന് നിയമനടപടികൾ നേരിടേണ്ടി വരുമെന്നു തന്നെയാണ് പറയുന്നത്.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

മോഷ്ടാവാണെന്നു കരുതി നിറയൊഴിച്ചത് സ്വന്തം മകനു നേരേ; ഓസ്ട്രിയയിലെ ഒരു പിതാവിന് സംഭവിച്ച അബദ്ധം

Readers Comments+

More News in this category+

നോർത്തേൺ അയർലന്റ് യൂത്ത് അസംബ്ലിയിലേക്ക് ജോവാഷ് വർഗീസ്

ജർമനിയിലെ മിനിമം വേതനം വീണ്ടും ഉയർത്തുന്നു; അടുത്ത വർഷം മുതൽ വേതനം കുത്തനെ ഉയരുമെന്ന് സൂചന

തെരുവുകളിൽ മാലിന്യങ്ങൾ കുന്നുകൂടുന്നു; ഫ്രാൻസിൽ ശുചീകരണത്തൊഴിലാളികൾ പണിമുടക്ക് ജനജീവിതത്തെ ബാധിക്കുന്നു

കാലാവസ്ഥാ പ്രവർത്തകർ പ്രതിഷേധവുമായി റൺവേയിൽ; ബർലിൻ വിമാനത്താവള പ്രവർത്തനം തടസ്സപ്പെട്ടു

MNM Recommends +