1 usd = 64.77 inr 1 gbp = 90.39 inr 1 eur = 79.91 inr 1 aed = 17.64 inr 1 sar = 17.27 inr 1 kwd = 216.06 inr

Feb / 2018
21
Wednesday

നമ്മുടെ കുഞ്ഞുങ്ങളുടെ ചിരിയും സന്തോഷവുമെല്ലാം നമ്മുടെ പിടിവാശി മൂലം ഡിഫ്ത്തീരിയയോ മറ്റോ കവർന്നെടുത്താൽ? ആ ദുഃഖഭാരവും പേറി ജീവിതകാലം മുഴുവൻ തള്ളിനീക്കാൻ നമുക്കാവുമോ? വാക്‌സിനേഷൻ വിരുദ്ധ പ്രചാരണങ്ങളുടെ കള്ളിപൊളിച്ചെഴുതി ഫാസിൽ ഷാജഹാന്റെ ലേഖനം

October 01, 2017 | 09:54 PM | Permalink



ഫാസിൽ ഷാജഹാൻ


വാക്‌സിനേഷൻ കൊടുക്കണോ വേണ്ടയോ?

ഈയൊരു നീണ്ട ലേഖനം വായിച്ചു നിങ്ങളുടെ വിലപ്പെട്ട സമയം നഷ്ടപ്പെടാതിരിക്കാൻ ചോദ്യത്തിനുള്ള ഉത്തരം ആദ്യമേ പറയാം, വാക്‌സിനേഷൻ നിർബന്ധമായും കൊടുക്കണം.വിശദീകരണം:
ഇതുമായി ബന്ധപ്പെട്ട് വാട്‌സപ്പിലൂടെ അടക്കം പ്രചരിക്കുന്ന ഊഹാ പോഹങ്ങളാണ് ജനങ്ങളിൽ ഇങ്ങിനെയൊരു ആശയക്കുഴപ്പം ഉണ്ടാകാൻ കാരണം.എന്തൊക്കെയാണ് ആരോപണങ്ങൾ എന്നും എന്താണ് അവയ്ക്കുള്ള മറുപടി എന്നും പറയുന്നതിനു മുമ്പ് ചെറിയൊരു ചരിത്ര വായന നടത്താം. കോടിയോളം ആളുകളെ കൊന്ന, ചില ഗ്രാമങ്ങൾ തന്നെ ഇല്ലാതായിപ്പോയ നിരവധി രോഗങ്ങളെ നമ്മൾ ഇല്ലാതാക്കുകയോ നിയന്ത്രണ വിധേയമാക്കുകയോ ചെയ്തിട്ടുണ്ട്. അവ ഇവയാണ്.
1. ചിക്കൻ പോക്‌സ്
2. പോളിയോ
3. വസൂരി
4. ടൈഫോയിഡ്
5. ന്യുമോണിയ
6. ടൈഫോയിഡ്
7. മലേറിയ
8. അഞ്ചാം പനി (മീസൽസ്)
9.വില്ലൻ ചുമ
10.ഡിഫ്ത്തീരിയ

എന്റെയൊക്കെ ചെറുപ്പകാലത്ത് നിറയെ വസൂരിക്കലയുള്ള പലരെയും നാട്ടിൽ കാണാറുണ്ടായിരുന്നു. ഇവരിൽ നിന്നൊക്കെയും അനുഭവ എഴുത്തുകളിലൂടെയും അന്നത്തെ ബീഭൽസമായ ഭീകരാവസ്ഥയെ കുറിച്ചു കേട്ടിട്ടുണ്ട്.അന്നും കൊണ്ടുപിടിച്ച ആരോപണങ്ങളും അന്ധവിശ്വാസങ്ങളും എതിർപ്പുകളും മന്ത്രവാദങ്ങളും ഇന്നത്തേക്കാൾ രൂക്ഷമായി നിലകൊണ്ടിരുന്നു. വസൂരി പിടിച്ചവരെ വീടോടെ, ജീവനോടെ, കത്തിച്ചു കളഞ്ഞിരുന്നു.അക്കരെയുള്ള രോഗികൾ പുഴയിലൂടെ നീന്തി വരുന്നത് തടയാൻ ചൂട്ടും കത്തിച്ചു പുഴയുടെ ഇക്കരെ ആളുകൾ ഉറക്കമൊഴിഞ്ഞു കാവലിരുന്നിരുന്നു.

മതങ്ങളോ പ്രാർത്ഥനകളോ മന്ത്രവാദങ്ങളോ അല്ല, മറിച്ചു മരുന്നുകളാണവ നിർമ്മാർജ്ജനം ചെയ്യാൻ നമ്മെ സഹായിച്ചത് എന്ന് ഇന്നത്തെ എതിർപ്പുകാർ പോലും സമ്മതിക്കും.ഭയത്തിന്റെ വിൽപ്പനക്കാർ എന്നും അങ്ങിനെയായിരുന്നു. ഇന്നെതിർക്കുന്നവർ ഇന്നലെയെ അംഗീകരിക്കും. നാളെ എതിർക്കുന്നവർ ഇന്നിനെ അന്ന് അംഗീകരിക്കും. എന്തായാലും നാളെകളിൽ പറഞ്ഞു ചിരിക്കാനുള്ള അത്തരക്കാരുടെ ഇന്നത്തെ വാദമുഖങ്ങൾ എന്തൊക്കെയെന്നു നോക്കാം.

1 ഈ വാക്‌സിൻ കൊടുത്തതു കൊണ്ട് ഇതുവരെ പ്രയോജനമൊന്നും ഉണ്ടായിട്ടില്ല.

അങ്ങിനെയല്ല. രണ്ടായിരമാണ്ടിൽ ഇന്ത്യയിലെ മീസിൽസ് (അഞ്ചാം പനി) വാക്‌സിനേഷന്റെ കവറേജ് 56 ശതമാനം ആയിരുന്നു, ഇന്ത്യയിലാകെ അന്നുണ്ടായ മരണം ഒരു ലക്ഷം. 2015 ഇന്ത്യയിലെ മീസിൽസ് വെക്കേഷന്റെ കവറേജ് 87 ശതമാനമായിരുന്നു, അന്നുണ്ടായ മരണങ്ങൾ 49000.

2 കുഞ്ഞുങ്ങളിൽ മീസൽസ് റുബെല്ലാ വാക്‌സിനേഷൻ ഓട്ടിസം ഉണ്ടാക്കും.

മെഡിക്കൽ സയൻസിന്റെ ചരിത്രത്തിൽ ഏറ്റവുമധികം ചർച്ച ചെയ്യപ്പെട്ട ഒരു നുണയാണിത്.'ആധുനിക വാക്‌സിൻ വിരുദ്ധ മുന്നേറ്റത്തിന്റെ പിതാവ്' എന്നു വിശേഷിപ്പിക്കപ്പെട്ടിട്ടുള്ള ആൻഡ്ര്യൂ വേക്ക്ഫീൽഡ്, പ്രശസ്ത ശാസ്ത്ര ജേർണലായ ലാൻസറ്റിൽ എഴുതിയ ലേഖനമാണ് വാക്‌സിനും ഓട്ടിസവും തമ്മിലുള്ള ബന്ധം ആദ്യമായി 'കണ്ടുപിടിക്കുന്നത്.'ലോകമെമ്പാടുമുള്ള വാക്‌സിൻ വിരുദ്ധർ ലേഖനം ഉപയോഗിച്ച് വലിയ ക്യാമ്പയിനുകൾ സംഘടിപ്പിച്ചു. വികസിത രാഷ്ട്രങ്ങളിൽ പോലും വാക്‌സിനേഷൻ നിരക്ക് കുറഞ്ഞു. പതിനാലു വർഷങ്ങൾക്കു ശേഷം ഇംഗ്ലണ്ടിൽ ആദ്യത്തെ മീസിൽസ് മൂലമുള്ള മരണം സംഭവിച്ചു.2004ൽ ബ്രയാൻ ഡീർ എന്ന പത്ര പ്രവർത്തകനാണ് വേക് ഫീൽഡിന്റെ തട്ടിപ്പ് ലോകത്തെ അറിയിച്ചത്.വേക്ക്ഫീൽഡ് പഠനത്തിൽ കാണിച്ച കൃത്രിമങ്ങൾ കണ്ടെത്തിയതിനെ തുടർന്ന് ബ്രിട്ടീഷ് മെഡിക്കൽ കൗൺസിൽ രജിസ്‌ട്രേഷൻ റദ്ദാക്കുകയും ചെയ്തു.
ഒരു കോടിയോളം കുട്ടികളുടെ ഡാറ്റ പരിശോധിച്ച 31 പഠനങ്ങൾ വാക്‌സിനും ഓട്ടിസവും തമ്മിൽ ബന്ധമില്ല എന്ന് തെളിയിക്കുകയും കൂടി ചെയ്തതിനെത്തുടർന്ന് ലാൻസറ്റ് ജേർണൽ ക്ഷമാപണത്തോടെ വേക്ക് ഫീൽഡിന്റെ ലേഖനം പിൻവലിച്ചു.ഇതോടെ ശാസ്ത്രീയ ചർച്ചകൾക്ക് വിരാമമായെങ്കിലും ലോകമെമ്പാടുമുള്ള വാക്‌സിൻ വിരുദ്ധ പ്രചാരകരുടെ പ്രധാന ആയുധം ഇന്നും ഈ ലേഖനമാണ്.

3 മാതൃഭൂമിയിൽ വന്ന ലേഖനം.

ആരുഷി ബേദി എഴുതിയ ലേഖനം വാക്‌സിൻ കച്ചവടത്തെ മനോഹരമായി തുറന്നു കാണിച്ചിട്ടുണ്ട്. അന്താരാഷ്ട്ര തലത്തിലും ദേശിയ തലത്തിലും ഈ കച്ചവടം എങ്ങിനെ നടക്കുന്നു എന്നും ആരൊക്കെ, എവിടെയൊക്കെ, എത്രയൊക്കെ ലാഭം ഉണ്ടാക്കുന്നു എന്നതും കൃത്യമായി ആരുഷി എഴുതിയിട്ടുണ്ട്.പക്ഷേ വാക്‌സിൻ എടുക്കരുത് എന്നോ, വാക്‌സിനുകൾ ദോഷമാണെന്നോ ആരുഷിയുടെ ലേഖനത്തിൽ എവിടെയും പറയുന്നില്ല. ആവശ്യമുള്ള വാക്‌സിനുകൾ എടുക്കണം എന്ന് ആ ലേഖനത്തിൽ പറയാതെ പറയുന്നുമുണ്ട്.ഇത്തരം അവസ്ഥകളെ നേരിടേണ്ടത് ബാലറ്റു പേപ്പറിലൂടെയും പ്രതിഷേധ മാർഗ്ഗങ്ങളിലൂടെയും ആണ്. വാക്‌സിൻ വിരുദ്ധത അതിന്റെ പരിഹാരമല്ല.ഒരു വടിക്കായി കാത്തു നിൽക്കുന്ന വാക്‌സിൻ വിരുദ്ധർ ഇതിനെ ആഘോഷിച്ചു. കച്ചവടം, ലാഭം എന്നീ സാമൂഹ്യതിന്മകളെ തുറന്നു കാണിക്കാനുള്ള ശ്രമം, വാക്‌സിൻ വിരുദ്ധത എന്ന ദുർഭൂതത്തെ തുറന്നു വിടും എന്ന് ആരുഷിയോ, ഇത് തർജ്ജമ ചെയ്ത മാതൃഭൂമിയോ മുൻകൂട്ടി കാണാതെ പോയത് ദുഃഖകരമാണ്.

4 എന്റെ കുട്ടിക്ക് വാക്‌സിൻ എടുക്കാത്തതുകൊണ്ട് ഉണ്ടാകാവുന്ന പ്രശ്‌നം ഞാനും കുടുംബവും സഹിച്ചോളാം.

വാക്‌സിൻ എടുക്കാതിരിക്കുന്നതിനുള്ള ഞങ്ങളുടെ സ്വാതന്ത്ര്യത്തിൽ പൊതു സമൂഹവും സർക്കാരും ഇടപെടുന്നതെന്തിനു്?വാക്‌സിൻ എടുക്കാത്തതുകൊണ്ടുള്ള പ്രശ്‌നം സ്വന്തം കുടുംബത്തിനു മാത്രമേ വരൂ എന്ന തെറ്റിദ്ധാരണ മൂലമുള്ള വാദമാണിത്.
പൊതു സമൂഹത്തിൽ പെട്ടെന്ന് പകരുന്ന, എന്നാൽ പ്രതിരോധകുത്തിവെപ്പു കൊണ്ട് തടയാവുന്ന അസുഖം ബാധിക്കാൻ സാധ്യതയുള്ളവർ വാക്‌സിൻ വിരുദ്ധർ മാത്രമല്ല. ആരെല്ലാമാണവർ ? അവരെ രണ്ടായി തിരിക്കാം

1. വാക്‌സിൻ എടുക്കാൻ പാടില്ലാത്തവർ
a. തീരെ ചെറിയ, വാക്‌സിൻ എടുക്കാൻ പ്രായമാകാത്ത കുട്ടികൾ
b. വാക്‌സിനു അലർജ്ജിയുള്ളവർ
c.. ചില വാക്‌സിനുകൾ എടുക്കാൻ പാടില്ലാത്ത അസുഖങ്ങൾ ജന്മനാ ഉള്ളവർ
2. വാക്‌സിൻ എടുത്തിട്ടുണ്ടെങ്കിലും അതിന്റെ പ്രയോജനം ഇല്ലാത്തവർ
a. ജന്മനാ പ്രതിരോധ ശക്തി കുറയുന്ന രോഗമുള്ളവർ
b. രോഗപ്രതിരോധ ശക്തി കുറയ്ക്കുന്ന ചില തരം കാൻസറുകൾ ഉള്ളവർ
c.. കാൻസർ കീമൊതെറാപ്പി മൂലമോ മറ്റ് ചില ചികിൽസകൾ കാരണമോ രോഗ പ്രതിരോധ ശക്തി കുറഞ്ഞവർ.
3അവയവമാറ്റിവെക്കലിനു വിധേയമായിട്ട് , ശരീരം അവയവത്തെ തിരസ്‌കരിക്കുന്നത് തടയാൻ മരുന്നു കഴിക്കുന്നവർ
4. വാക്‌സിൻ പരാജയങ്ങൾ ( 510 ശതമാനം പേർ പൂർണമായി വാക്‌സിൻ എടുത്തിട്ടുണ്ടെങ്കിലും സംരക്ഷണം കിട്ടാത്തവരായിട്ടുണ്ട് )
മേൽ സൂചിപ്പിച്ച വിഭാഗങ്ങളിൽപ്പെട്ട ആർക്കും വാക്‌സിൻ വിരുദ്ധരുടെ സാമീപ്യം കാരണം രോഗം വരാനും ജീവൻ അപകടത്തിലാകാനും സാധ്യത വേണ്ടുവോളമുണ്ട്.
5 കരയാമ നൂറ്റമ്പത് വർഷം ജീവിച്ചിരിക്കുന്നത് ഏത് വാക്‌സിൻ കുത്തിവെച്ചിട്ടാണ് യുക്തിവാദികളെ?

എക്കാലവും മത വിഭാഗങ്ങളിലെ അന്ധമായ ഒരു ന്യൂനപക്ഷവും നേതൃത്വവും ശാസ്ത്രത്തിന് എതിരായിരുന്നു. പതിറ്റാണ്ടുകൾക്കു ശേഷം എല്ലാവരും അംഗീകരിച്ചാൽ അതു തങ്ങളുടെ മത ഗ്രന്ഥത്തിലുണ്ട് എന്നു പറഞ്ഞു ഇത്തരക്കാർ അതിന്റെ ഉടമസ്ഥാവകാശവും പിതൃത്വവും തട്ടിയെടുക്കുകയും ചെയ്യും.

6 ഒരു സന്തോഷ വാർത്ത....... കണ്ണൂരിലും ഡിഫ്തീരിയ റിപ്പോർട്ട് ചെയ്തൂട്ടോ..

ഇത്തരം പോയിന്റ് ശതമാനത്തിനു താഴെ മാത്രം വരുന്ന ദുരന്തങ്ങളെ വാക്‌സിൻ വിരുദ്ധർ വലിയ സന്തോഷത്തോടു കൂടി ആഘോഷിക്കുന്നതു കാണാം.ഒരു വലിയ കാൻവാസിൽ അന്തർദേശീയ, ദേശീയ, സംസ്ഥാന ആരോഗ്യ വകുപ്പിന്റെ കണക്കുകൾ പഠിക്കാൻ ശ്രമിക്കാത്തതിനാലാണിങ്ങനെ തങ്ങളുടെ വാദങ്ങളുടെ വിജയമായി ഇത്തരം ദുരന്തങ്ങളെ അവർ ആഘോഷിക്കാൻ കാരണം.

7 'ലോകജനസംഖ്യ പത്തോ പതിനഞ്ചോ ശതമാനത്തിലെത്തിക്കാൻ വാക്‌സിനേഷന് മാത്രമേ കഴിയൂ' എന്ന് ടിഇഡി ഇന്റർവ്യൂവിൽ ബിൽഗേറ്റ്‌സ് പറയുന്നുണ്ട്.

ഇത്തരം വ്യാജ ആരോപണങ്ങൾ ഉന്നയിക്കുന്ന ഫേസ്‌ബുബുക്ക് ഐ ഡികൾ മിക്കതും വ്യാജമാണ്. ബാക്കിയുള്ളവ കോപ്പി പേസ്റ്റും. വായനക്കാരുടെ ചോദ്യങ്ങൾക്കു വ്യക്തമായ മറുപടികളും ഇല്ല.ഇനി അത്തരം പോസ്റ്റുകളിൽ അവർ തന്നെ തന്ന ടിഇഡി ലിങ്കുകൾ പോയി നോക്കിയാൽ പ്രതിരോധതിനുള്ള വാക്‌സിൻ ഉണ്ട്, ഫാമിലി പ്ലാനിംഗിനുള്ള വാക്‌സിനും ഉണ്ട് എന്ന് ഇന്റർവ്യൂവിൽ അദ്ദേഹം പറയുന്നതിനെ വളച്ചൊടിച്ചതാണ് എന്നു കാണാം.

8 രോഗ പ്രതിരോധത്തിനുള്ള നൈസർഗികമായ കഴിവ് ദൈവം മനുഷ്യനിൽ പ്രത്യേകം നിക്ഷേപിച്ചിട്ടുണ്ട്.

വാക്‌സിൻ വിരുദ്ധർ എല്ലാക്കാലത്തും ശാസ്ത്രീയതേക്കാളും കണക്കുകളേക്കാളും കയ്യിലെടുക്കാൻ ശ്രമിച്ചിട്ടുള്ളത് മത വിശ്വാസികളെ ആണെന്നു നമുക്കു കാണാം.
ഇക്കാലഘട്ടത്തിലും അവർ പറയുന്നത് നോക്കുക.തയോമെർസൽ എന്ന മെർക്കുറി സംയുക്തം ഒരു മാരകവിഷമാണ്. സിംഹഭാഗം ജലാറ്റിനും നിർമ്മിക്കുന്നത് യഹൂദർക്കും മുസ്ലിങ്ങൾക്കും മതപരമായി നിരോധനമുള്ള പന്നി കൊഴുപ്പിൽ നിന്നാൺ! സീറത്തിലെ ആൽബുമിനാണെങ്കിൽ ഏതൊക്കെയോ രക്തദാതാക്കളുടെ രക്തത്തിൽ നിന്നും വേർതിരിച്ചെടുത്ത ഭാഗമാണ്.

ഇവിടെ ഇവ ഓരോന്നും വിവരിക്കാൻ സാധ്യമല്ല. എങ്കിലും ചിലതു പറയാം.വാക്‌സിൻവിരുദ്ധർ 'മെർക്കുറി' എന്നും പറഞ്ഞു പേടിപ്പിക്കുന്ന സംഭവം മൾട്ടി വയൽ വാക്‌സിനുകളിൽ പ്രിസർവേറ്റീവായി ഉപയോഗിക്കുന്ന ' തൈമെറോസാൽ' എന്ന പദാർത്ഥമാണ്. (ഇതിൽ ഓർഗാനിക് മെർക്കുറി ഉണ്ട്).പ്രിസർവേറ്റീവുകളുടെ ഉപയോഗം മുമ്പേ വിവരിച്ചതാണല്ലോ. ഡിടി, ഇൻഫ്ളാവൻസ,വാക്‌സിൻ മുതലായ വാക്‌സിനുകളിലാണ് ഇതിലുള്ളത്. 1999ൽ തൈമെറോസാല് അടങ്ങിയ വാക്‌സിനുകൾ യുഎസിൽ തിരികെ എടുക്കുകയുണ്ടായി.
അതിനുള്ള കാരണം വാക്‌സിനിൽ അടങ്ങിയ മെർക്കുറി അംശം ഇപിഎ ഗൈഡ്‌ലൈൻ സേഫ്റ്റി ലെവലി ന് മുകളിലാണ് എന്ന വാർത്ത പരന്നതു മൂലമാണ്. പക്ഷേ ഇപിഎ സേഫ്റ്റി ലെവൽ മീഥൈൽ മെർക്കുറിക്കു മാത്രമേ ബാധകമാവൂ. തൈമെറോസാലിൽ ഈഥൈൽ മെർക്കുറി ആണുള്ളത്.ഇനി ഇതു രണ്ടും തമ്മിലുള്ള വ്യത്യാസം ഒന്നു നോക്കാം. മീഥൈൽ മെർക്കുറി ഒരു വിഷ പദാർത്ഥമാണ്. അതു ശരീരത്തിൽ അടിഞ്ഞു കൂടുകയും, ഞരമ്പുകൾക്കു കേടുപാടു വരുത്തുകയും ചെയ്യുന്നു.എന്നാൽ തൈമെറോസാൽ (ഈഥൈൽ മെർക്കുറി) ശരീരത്തിൽ അടിഞ്ഞു കൂടുന്നില്ല. അതു ശരീരം പൂർണ്ണമായും പുറംതള്ളുന്നു. അതിനാൽ തന്നെ സുരക്ഷിതവും ആണ്.

9 മൃതശരീരം സൂക്ഷിക്കാൻ ഉപയോഗിക്കുന്ന ഫോർമാലിൻ ആണ് പാതി ചത്ത ഈ വൈറസുകളെ പ്രിസർവ് ചെയ്യാൻ ഉപയോഗിക്കുന്നത്.

കുരങ്ങന്റെ ചലം, വൃഷ്ണം പഴുപ്പിച്ച ചലം, പന്നിയുടെ തലച്ചോർ പഴുപ്പിച്ച ചലം ഇതൊക്കെയാണ് വാക്‌സിനിലുള്ളത് (സംഭ്രമജനകമായ ടോണിൽ വായിക്കുക)ഈ പറയുന്ന മണ്ടത്തരങ്ങൾ എഴുന്നള്ളിക്കുന്നവർക്കും ഇതു വിശ്വസിക്കുന്നവർക്കും ബേസിക് ബയോളജിയെ പറ്റിയുള്ള പരിജ്ഞാനം കുറവാണ് എന്ന് സാരം.വാക്‌സിനുകൾ നിർമ്മിക്കാൻ നാം ആശ്രയിക്കുന്നത് സെൽ കൾച്ചറുകളെയാണ്.അതായത്, ഏതെങ്കിലും ഒരു ജീവിയുടെ ഒരു കോശം എടുത്ത് ലാബിലെ കൃത്രിമമായ അന്തരീക്ഷത്തിൽ അതിനെ മൾട്ടിപ്ലൈ ചെയ്യുന്നു. ഇങ്ങനെ ഉണ്ടാക്കിയെടുത്ത സെൽ കൾച്ചറുകളിൽ വാക്‌സിൻ നിർമ്മിക്കുന്നതിനാവശ്യമായ ബാക്ടീരിയകളെയും വൈറസുകളെയും വളർത്തിയെടുക്കുന്നു.
ഇനി പഴുപ്പ് എന്നു പറയുന്നത്, അണുബാധയെ പ്രതിരോധിക്കാൻ വേണ്ടി ശരീരം നിർമ്മിക്കുന്ന ശ്വേതരക്താണുക്കൾ ആണ്. ഇതും, ചത്തുപോയ അണുക്കളും സ്രവവും എല്ലാം കൂടി ചേരുമ്പോൾ ചലം ആകും.ചലം ജീവനുള്ള മനുഷ്യ ശരീരത്തിലോ മൃഗശരീരത്തിലോ മാത്രമേ ഉണ്ടാകൂ. സെൽ കൾച്ചറുകളിൽ ചലം ഇല്ല. ഇത് വാക്‌സിനെ കുറിച്ച് അറപ്പ് ഉണ്ടാക്കാൻ വേണ്ടിയുള്ള വാസ്തവ രഹിത പ്രചരണം മാത്രമാണ്.....

10 ലോക ശക്തികൾ, ഭീമൻ സ്രാവുകൾ, കുത്തകകൾ, വ്യവസായ പിമ്പുകൾ, ഞെട്ടിക്കുന്ന കണക്കുകൾ, മരുന്നു പരീക്ഷണം, വന്ധ്യംകരണം, ഇതൊന്നും ഒരു പത്രവും കാണുന്നില്ല, ഒരു കോടതിയും പരിഗണിക്കുന്നില്ല...ഇസ്ലാമിനെ ഇല്ലാതാക്കാൻ യഹൂദ ക്രിസ്ത്യൻ ഹിന്ദു ഗൂഢ അജണ്ടയുടെ ഭാഗമായുണ്ടായ ഉൽപനമാണ് വാക്‌സിനേഷൻ... അതിനു തെളിവാണ് വാക്‌സിൻ കണ്ടുപിടിച്ച ശാസ്ത്രജ്ഞർ മിക്കവരും യഹൂദനോ ക്രിസ്ത്യാനിയോ ആണ് എന്നത്...നേരത്തെപ്പറഞ്ഞതുപോലെ ഇത്തരം തള്ളലുകളും ഒരായിരം വ്യാജ ഐഡികളും ആധികാരിക കണക്കുകളില്ലാത്ത ലിങ്കുകളും പേടിപ്പെടുത്തലും അർദ്ധസത്യങ്ങളും പരിഹാരമാർഗ്ഗങ്ങൾ നിർദ്ദേശിക്കാതെയുള്ള ഭയം ജനിപ്പിക്കലുകളും വേണമെങ്കിൽ നമുക്കു സ്വീകരിക്കാം.

പക്ഷേ, നാളെ നമ്മൾ ചോരയും നീരും കൊടുത്തു വളർത്തുന്ന നമ്മുടെ കുട്ടികൾ, നമ്മുടെ സ്‌നേഹവും ലാളനയുമേറ്റ് വളരുന്ന നമ്മുടെ കുഞ്ഞുങ്ങൾ, അവരുടെ ചിരിയും, സന്തോഷവും, വാശിയും കരച്ചിലുമെല്ലാം, നമ്മുടെ ഒരു തെറ്റായ മനോഭാവം മൂലം, നമ്മുടെ ഒരു പിടിവാശി മൂലം, ഒരു ഡിഫ്ത്തീരിയയോ മറ്റോ കവർന്നെടുത്താൽ?? ആ ദുഃഖഭാരവും പേറി ഒരു ജീവിതകാലം മുഴുവൻ തള്ളിനീക്കാൻ നമുക്കാവുമോ??

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
രാകേഷ് എങ്ങനെ ഡയസിലിക്കുന്നുവെന്ന് മന്ത്രി ബാലനോട് ചോദിച്ചത് പാച്ചേനി; സിപിഎം പ്രതിനിധിയായെന്ന് ജയരാജൻ നൽകിയ മറുപടി തിരിച്ചടിച്ചു; ജനപ്രതിനിധികളെ വിളിച്ചിട്ടില്ലല്ലോ എന്ന ചോദ്യത്തിന് മുന്നിൽ മന്ത്രിമാർ പതറി; കെസി ജോസഫിനേയും സണ്ണി ജോസഫിനേയും കെഎം ഷാജിയേയും എത്തിച്ച് യുഡിഎഫിന്റെ മിന്നൽ ആക്രമണവും; സമാധാന ചർച്ച പൊളിഞ്ഞത് ഭരണക്കാരുടെ പിടിപ്പുകേടിൽ
സാം എബ്രഹാമിനെ കൊന്നത് ഭാര്യയും കാമുകനും ചേർന്ന് തന്നെ; സോഫിയയും അരുൺ കമലാസനനും കുറ്റക്കാരെന്ന് കണ്ടെത്തി കോടതി; വികാരരഹിതനായി വിധി കേട്ട് ഒന്നാം പ്രതി; സോഫിയ വിധി കേട്ടതും ജയിലിലേക്ക് മടങ്ങിയതും പൊട്ടിക്കരഞ്ഞ്; ശാസ്ത്രീയ തെളിവുകൾ പരിശോധിച്ച് കോടതി നിഗമനത്തിലെത്തിയത് 14 ദിവസത്തെ വിചാരണയ്‌ക്കൊടുവിൽ; മെൽബണെ ഞെട്ടിച്ച മലയാളി കൊലയിൽ ശിക്ഷ തീരുമാനിക്കാനുള്ള വാദം അടുത്ത മാസം 21ന് തുടങ്ങും
'അടിച്ചാൽ പോരെ എന്ന് ചോദിച്ചപ്പോൾ പോരാ, വെട്ടണം എന്ന് നിർദ്ദേശിച്ചു; നമുക്ക് ഭരണം ഉണ്ട്, പാർട്ടി സഹായിക്കും; കേസിൽ കുടുങ്ങില്ല, ഡമ്മിപ്രതികളെ ഇറക്കി രക്ഷപെടുത്താമെന്ന് ഉറപ്പ് കിട്ടി; രക്ഷപെടുത്താമെന്ന് ഉറപ്പ് നൽകിയത് ക്വട്ടേഷൻ സംഘത്തിലുണ്ടായിരുന്ന ഡിവൈഎഫ്ഐ പ്രവർത്തകൻ'; കൃത്യം നിർവഹിക്കാൻ ഉപയോഗിച്ച ആയുധങ്ങൾ വെട്ടാൻ നിർദ്ദേശിച്ച നേതാവ് കൊണ്ടുപോയി; സിപിഎം നേതാക്കൾക്കെതിരെ മൊഴി നൽകി ഷുഹൈബ് വധക്കേസിൽ അറസ്റ്റിലായ പ്രതി ആകാശ്‌
കണ്ണൂരിലെ സമാധാന യോഗത്തിൽ ബഹളവും വെല്ലുവിളിയും; പരസ്പ്പരം വിരൽചൂണ്ടി സംസാരിച്ച് പി ജയരാജനും സുരേന്ദ്രനും പാച്ചേനിയും; വിവാദമായത് എംഎൽഎമാരെ ക്ഷണിക്കാത്ത യോഗത്തിന്റെ ഡയസിൽ എംപി കെ കെ രാകേഷിനെ ക്ഷണിച്ചിരുത്തിയത്; വിവാദമായപ്പോൾ ഹാളിലേക്കെത്തി ചോദ്യം ചെയ്ത് യുഡിഎഫ് എംഎൽഎമാർ; ഷുഹൈബ് വധത്തിൽ സിപിഎമ്മിനെ അരയും തലയും മുറുക്കി കോൺഗ്രസ് രംഗത്തിറങ്ങിയതോടെ നിസ്സഹായനായി മന്ത്രി എ കെ ബാലൻ; സമാധാനത്തിനായി ചേർന്ന യോഗം അലങ്കോലമായി പിരിഞ്ഞു
അഞ്ച് ദളങ്ങളിൽ നിന്നും ഒരു ദളം കാലം പറിച്ചെടുത്തു; കുട്ടികൾക്കായി ഒരുക്കിയ 'കഥപറയും മുത്തച്ഛനിലെ' നായിക; ടെലിഫിലിമുകളിലും സാന്നിധ്യമറിയിച്ചത് സിനിമാ നടിയാകണമെന്ന ആഗ്രഹവുമായി; ഡാൻസ് പ്രാക്ടീസിനിടെയുണ്ടായ കഴുത്ത് വേദനയിൽ രോഗം തിരിച്ചറിഞ്ഞു; ആത്മവിശ്വാസത്തോടെ പൊരുതിയെങ്കിലും ആതിര മോഹങ്ങൾ ബാക്കിയാക്കി മടങ്ങി; വിയോഗത്തിൽ തളർന്ന് എസ് എൻ കോളേജ്
ഭർത്താവില്ലാത്ത സമയത്ത് യുവാവിനെ വീട്ടിൽ വിളിച്ചു വരുത്തി; പണത്തെ ചൊല്ലിയുള്ള തർക്കം അതിരുവിട്ടപ്പോൾ മർദ്ദിക്കാൻ കൈപൊക്കി ഹോട്ടൽ ജീവനക്കാരൻ; മുളക് പൊടി കണ്ണിലേക്കിട്ട് ചൂടുവെള്ളം എടുത്തൊഴിച്ച് പ്രതിരോധവും; തിരുവല്ലത്തെ ബാബു അതീവ ഗുരുതരാവസ്ഥയിൽ; കോവളത്തെ നാദിറയെ ജയിലിടച്ചതുകൊലപാതക കുറ്റം ആരോപിച്ചും
ആരും കാണാതെ കൂടിന്റെ പുറകിലൂടെ എടുത്തു ചാടി; മനുഷ്യ മണം കിട്ടിയ സിംഹം അടുത്ത് എത്തും മുമ്പേ രക്ഷാപ്രവർത്തനം നടത്തി ജീവനക്കാർ; കണ്ടു നിന്നവർക്ക് പുഞ്ചിരിച്ച് ടാറ്റ കൊടുത്ത് ഒറ്റപ്പാലത്തുകാരനും; തിരുവനന്തപുരം മൃഗശാലയിൽ ദുരന്തം ഒഴിവായത് തലനാരിഴയ്ക്ക്; സിംഹക്കൂട്ടിൽ മുരുകൻ ഇറങ്ങിയത് സുരക്ഷാ വീഴ്ച തന്നെ
മോഹൻലാലിനെ കാത്തിരിക്കുന്ന പ്രശ്‌നങ്ങൾ കിറുകൃത്യമായി പറഞ്ഞു; ദിലീപിന്റെ സമയം വെളിപ്പെടുത്തലും ശരിയായി; ഇപ്പോൾ കോടിയേരി ബാലകൃഷ്ണൻ കുടുംബത്താൽ ദുഃഖിക്കുന്നുവെന്ന പ്രവചനവും ഫലിച്ചു; 'ആസ്വാമി' എന്ന് വിളിച്ചു പുച്ഛിച്ച മലയാളികൾ ഇപ്പോൾ 'അയ്യോസ്വാമി എന്നായി വിളി; സ്വാമി ഭദ്രാനന്ദ ഭാവി പറയുന്നതിലെ കൃത്യത ചർച്ചയാക്കി സോഷ്യൽ മീഡിയ
ചെറുരാജ്യങ്ങളുടെ ഭരണാധികാരികൾ വരുമ്പോൾ പോലും വിമാനത്താവളത്തിൽ പോയി സ്വീകരിക്കന്ന മോദി എന്തുകൊണ്ട് കനേഡിയൻ പ്രധാനമന്ത്രിയെ സ്വീകരിക്കാൻ സഹമന്ത്രിയെ അയച്ചു...? മൂന്ന് കുട്ടികളും ഭാര്യയുമായി കൈ കൂപ്പി എത്തിയ പയ്യൻ പ്രധാനമന്ത്രിക്ക് ആകെ നിരാശ; ഇന്ത്യ-കാനഡ ബന്ധം കൂടുതൽ വഷളാവുമെന്ന് വിദേശ മാധ്യമങ്ങൾ
സ്വർണ്ണാഭരണം മോഷണം പോയെന്നത് കള്ളക്കഥ; ലൈംഗിക ബന്ധത്തിൽ ഏർപ്പെട്ടത് ഉഭയസമ്മത പ്രകാരവും; പരാതിക്കിടയാക്കിയ അഭിപ്രായ ഭിന്നതിയിൽ വികാരിക്കും ബംഗ്ലാദേശിനിക്കും മിണ്ടാട്ടമില്ല; സിംബാബ് വേക്കാരേയും ചോദ്യം ചെയ്‌തേക്കും; പരാതിക്കാരി ഉറച്ചു നിന്നാൽ അച്ചൻ കുടുങ്ങും; പള്ളി മേടിയിലെ പീഡനത്തിൽ നിറയുന്നത് ഹണിട്രാപ്പ് തന്നെ; ഫാ തോമസ് താന്നിനിൽക്കും തടത്തിൽ ഊരാക്കുടുക്കിൽ
ഫയൽ ഒപ്പിട്ടശേഷം, അടുത്ത നിമിഷം മന്ത്രി എന്നെ ചുംബിച്ചു; ഒരു നിമിഷം ഞെട്ടുകയും ആഴക്കടലിൽ പെട്ടെന്നവണ്ണം ഉലയുകയും ചെയ്തു; ഒച്ചവച്ച് ആളെക്കൂട്ടാനുള്ള അവിവേകം എനിക്കുണ്ടായില്ല; വൈപ്‌സ് കൊണ്ട് കൈ തുടച്ച് നീരസം പ്രകടിപ്പിച്ച് ഞാനിറങ്ങിപ്പോന്നു; സെക്രട്ടറിയേറ്റിലെ ഓഫീസിൽ വെച്ച് മന്ത്രിയിൽ നിന്നും ലൈംഗികാതിക്രമം നേരിടേണ്ടി വന്നത് ഫേസ്‌ബുക്കിൽ എഴുതി മുൻ പിആർടി ഉദ്യോഗസ്ഥ
രാമചന്ദ്രന് ജാമ്യം നിന്നത് സുഷമാ സ്വരാജ് തന്നെ; ചർച്ചകൾക്ക് നേതൃത്വം നൽകിയത് ദുബായിലെ ഇന്ത്യൻ അംബാസിഡർ; മോചനത്തിനായി അഹോരാത്രം പണിയെടുത്തത് ദുബായിലെ ബിജെപി എൻആർഐ സെൽ നേതാവ്; ഷെട്ടിയുടെ 100 മില്ല്യണും തുണയായി; ഇനി സെറ്റിൽ ചെയ്യാൻ അവശേഷിക്കുന്നത് ഡൽഹിക്കാരന്റെ കടം മാത്രം; എല്ലാവരും കൈവിട്ടു ജയിലിൽ കഴിഞ്ഞ അറ്റ്‌ലസ് രാമചന്ദ്രനെ ഇന്ത്യ നേരിട്ട് പുറത്തിറക്കുന്നത്‌ ഇങ്ങനെ
ഓഡി കാർ വാങ്ങാനായി 53ലക്ഷവും ഇന്ത്യയിലും യുഎയിലും നേപ്പാളിലും ബിസിനസ് തുടങ്ങാൻ 7.7കോടിയും അടക്കം 13 കോടി കൈപ്പറ്റി ദുബായിൽ നിന്നും മുങ്ങി; പണം തിരിച്ചു പിടിക്കാൻ നടത്തിയ നീക്കങ്ങൾ എല്ലാം പരാജയപ്പെട്ടപ്പോൾ പരാതിയുമായി രംഗത്ത്; ഇന്റർപോളിന്റെ സഹായത്തോടെ പിടിക്കുമെന്നായപ്പോൾ ഒത്തുതീർപ്പ് ചർച്ചകളുമായി നെട്ടോട്ടം; ഉന്നതനായ സിപിഎം നേതാവിന്റെ മകനെന്ന് മനോരമ പറയുന്നത് കോടിയേരിയുടെ മകനെ കുറിച്ചെന്ന് റിപ്പോർട്ടുകൾ
ഉറക്കത്തിൽ ആരോ ചുണ്ടിൽ സ്പർശിക്കുന്നതായി തോന്നി; ഞെട്ടി ഉണർന്ന് ബഹളം വച്ചിട്ടും ആരും സഹായിച്ചില്ല; പ്രതികരണവും പ്രതിഷേധവും ഫേസ്‌ബുക്കിൽ മാത്രം; കൺമുന്നിൽ ഒരു പെൺകുട്ടി ആക്രമിക്കപ്പെട്ടാൽ ആരും തിരിഞ്ഞ് നോക്കില്ല; സിനിമയിലെ സുഹൃത്തുക്കൾ മാത്രമാണ് പൊലീസിനെ വിളിക്കാനും പിടികൂടാനും സഹായിച്ചത്: മാവേലി യാത്രയിലെ ദുരനുഭവം മറുനാടനോട് വിവരിച്ച് സനൂഷ
ഭാവനയുടെ വിവാഹത്തിന് ഇന്നസെന്റിനും അമ്മ ഭാരവാഹികൾക്കും ക്ഷണമില്ല; ക്ഷണിച്ചത് മമ്മൂട്ടിയെ മാത്രം; ലുലു കൺവെൻഷൻ സെന്ററിലെത്തിയ മെഗാ സ്റ്റാർ വധൂവരന്മാരെ കണ്ട് നിമിഷങ്ങൾക്കകം മടങ്ങി; ഭാര്യക്കൊപ്പം ചടങ്ങിൽ സംബന്ധിച്ച് പൃഥ്വിരാജ്; ആട്ടവും പാട്ടുമായി വധൂവരന്മാരെ സ്വീകരിച്ച് ആദ്യാവസാനം വരെ ഒപ്പം നിന്ന് മഞ്ജുവാര്യരും സയനോരയും ഷംന കാസിം അടങ്ങുന്ന കൂട്ടുകാരുടെ സംഘം
പതിമൂന്ന് കോടിയുടെ തട്ടിപ്പ് കേസിൽ കുടുങ്ങി ദുബായിൽ നിന്ന് മുങ്ങിയത് കോടിയേരിയുടെ മകൻ തന്നെ; പ്രതിസ്ഥാനത്തുള്ളത് ബിനീഷിന്റെ സഹോദരൻ ബിനോയ്; രവി പിള്ളയുടെ വൈസ് പ്രസിഡന്റ് മുങ്ങിയത് ദുബായ് പൊലീസ് അഞ്ച് ക്രിമിനൽ കേസ് രജിസ്റ്റർ ചെയ്തപ്പോൾ; പാർട്ടി സെക്രട്ടറിയുടെ മൂത്തമകനെ രക്ഷിക്കാൻ മുതലാളിമാർ പണം മുടക്കാത്തത് പിണറായിയുടെ പച്ചക്കൊടി കിട്ടാത്തതിനാൽ; പരാതി ഗൗരവമായെടുത്ത് സിപിഎം കേന്ദ്ര നേതൃത്വം
മോഹൻലാലിനെ കാത്തിരിക്കുന്ന പ്രശ്‌നങ്ങൾ കിറുകൃത്യമായി പറഞ്ഞു; ദിലീപിന്റെ സമയം വെളിപ്പെടുത്തലും ശരിയായി; ഇപ്പോൾ കോടിയേരി ബാലകൃഷ്ണൻ കുടുംബത്താൽ ദുഃഖിക്കുന്നുവെന്ന പ്രവചനവും ഫലിച്ചു; 'ആസ്വാമി' എന്ന് വിളിച്ചു പുച്ഛിച്ച മലയാളികൾ ഇപ്പോൾ 'അയ്യോസ്വാമി എന്നായി വിളി; സ്വാമി ഭദ്രാനന്ദ ഭാവി പറയുന്നതിലെ കൃത്യത ചർച്ചയാക്കി സോഷ്യൽ മീഡിയ