1 usd = 67.89 inr 1 gbp = 90.06 inr 1 eur = 79.12 inr 1 aed = 18.49 inr 1 sar = 18.10 inr 1 kwd = 224.73 inr

Jun / 2018
24
Sunday

ആഭ്യന്തര കലാപം നിറഞ്ഞ യെമനിൽ നിന്നും എല്ലാം വിറ്റുപെറുക്കി ജീവനും കൊണ്ട് കേരളത്തിലെത്തി; ഇന്ത്യൻ എംബസി നൽകിയ പ്രത്യേക സ്‌കോളർഷിപ്പ് സഹായകമായപ്പോൾ കേരള സർവകാശാലയിൽ എംഎയ്ക്ക് ചേർന്നു; മലായളികളുടെ സ്‌നേഹത്തിന് മറുപടി നൽകിയത് ഒന്നാംറാങ്ക് നേടി; കേരളത്തിന്റ വളർത്തുപുത്രനായി മാറിയ ഇസ അലി മറുനാടനോട്..

July 10, 2017 | 01:27 PM IST | Permalink



ആഭ്യന്തര കലാപം നിറഞ്ഞ യെമനിൽ നിന്നും എല്ലാം വിറ്റുപെറുക്കി ജീവനും കൊണ്ട് കേരളത്തിലെത്തി; ഇന്ത്യൻ എംബസി നൽകിയ പ്രത്യേക സ്‌കോളർഷിപ്പ് സഹായകമായപ്പോൾ കേരള സർവകാശാലയിൽ എംഎയ്ക്ക് ചേർന്നു; മലായളികളുടെ സ്‌നേഹത്തിന് മറുപടി നൽകിയത് ഒന്നാംറാങ്ക് നേടി; കേരളത്തിന്റ വളർത്തുപുത്രനായി മാറിയ ഇസ അലി മറുനാടനോട്..

അരുൺ ജയകുമാർ

തിരുവനന്തപുരം: കേരളാ സർവ്വകലാശാലയിൽ എംഎ പരീക്ഷയ്ക്ക് ഒന്നാംറാങ്ക് വാങ്ങുന്നത് അത്ര നിസാരമായ ഒരു കാര്യമല്ല. അപ്പോൾ വെടിയൊച്ചകളുടേയും ആഭ്യന്തര കലാപങ്ങളുടെയും നടുവിലെ ഒരു രാജ്യത്തുനിന്നും കടൽകടന്ന് കേരളത്തിലെത്തി എംഎ പരീക്ഷയ്ക്കു ഒന്നാംറാങ്ക് കരസ്ഥമാക്കുന്നത് അത്ര ചെറിയ നിസാര കാര്യമൊന്നുമല്ല. പറഞ്ഞു വരുന്നത് ആഭ്യന്തര കലാപങ്ങളുടെ ആസ്ഥാനമായ ജീവനും മറ്റു വേണ്ടപ്പെട്ടതുമെല്ലാം പെറുക്കിയെടുത്ത് അഭയാർത്ഥികളായി പലായനം ചെയ്യുന്നവരുടെ നാടായ യെമനിൽ നിന്നുമുള്ള ഒരു ചെറുപ്പക്കാരന്റെ ജീവിത കഥയാണ്. തലസ്ഥാനമായ സനആയിൽ നിന്നും കേരളത്തിലെത്തി റാങ്കു നേടിയ ഇസാ അലി എന്ന ചെറുപ്പക്കാരന്റെ കഥ കെട്ടുകഥകളേക്കാളേറെ വിസ്മയിപ്പിക്കുന്നതാണ്. ഭാഷകളുടെ ശാസ്ത്രീയ പഠനമായ ലിങ്ഗ്വിസ്റ്റിക്സിലാണ് ഇസ ഒന്നാംറാങ്ക് നേടിയത്.

ജീവൻ പോലും നഷ്ടമാകാൻ സാധ്യതയുള്ള ആക്രമണങ്ങൾക്കു നടുവിൽ നിന്നും ഉള്ളതെല്ലാം വിറ്റുപെറുക്കിയാണ് ഇസ കേരളത്തിലെത്തിയത്. അതും രണ്ടര വയസും ഏഴു വയസും പ്രായമുള്ള രണ്ടു പെണ്മക്കളെ അമ്മ അബീറിനൊപ്പം സുരക്ഷിത സ്ഥാനത്ത് എത്തിച്ച ശേഷമായിരുന്നു ഇസ കേരളത്തിലെത്തിയത്. തുടർന്നു കുറച്ചു ദിവസങ്ങൾക്കു ശേഷമാണ് ഇസ ഭാര്യയേയും മക്കളേയും കൊണ്ടുവന്നത്. ഇന്ത്യൻ എംബസി നൽകിയ പ്രത്യേക സ്‌കോളർഷിപ്പിലാണ് ഇസയ്ക്ക് പഠിക്കാൻ അവസരം ലഭിച്ചത്. യുദ്ധങ്ങളും ബോംബാക്രമണങ്ങളും കാരണം, ആശയവിനിമയം നടത്താൻ പോലും യെമനിൽ വലിയ ബുദ്ധിമുട്ടാണ്. തന്റെ വിജയം ആദ്യമറിയേണ്ട അച്ഛനും അമ്മയും അത് അവസാനമാണല്ലോ അറിഞ്ഞത് എന്നതാണ് ഇസയുടെ സങ്കടം.

തന്റെ നാട്ടിലെ ദുരവസ്ഥകളെല്ലാം മാറി സമാധാന പൂർണമായ അന്തരീക്ഷം ഉണ്ടാവുമെന്നും ഈ യുവാവ് പ്രതീക്ഷിക്കുന്നു. കേരളം തന്നെ സ്നേഹം കൊണ്ടു ഞെട്ടിച്ചുവെന്നും തന്റെ മക്കളെ സ്വന്തം മക്കളായി കാണുന്ന എല്ലാവരും തനിക്ക് വലിയ പിന്തുണ നൽകുന്നുവെന്നും ഇസ പറയുന്നു. കേരളത്തിലെ സഹപാഠികൾ, അദ്ധ്യാപകർ, സുഹൃത്തുക്കൾ, നാട്ടിലെ അമ്മയുടേയും അച്ഛന്റെയും പ്രാർത്ഥന എന്നിവയാണ് തനിക്ക് റാങ്കു നേടാൻ സഹായകമായതെന്ന് ഇസ പറയുന്നു.

ഒന്നാംറാങ്ക് നേടിയതിനെ കുറിച്ച്...

ഈ വിജയത്തിന് ദൈവത്തോടു നന്ദി പറയാതെ തുടങ്ങാനാകില്ല. വലിയ ബുദ്ധിമുട്ടുകളിൽ നിന്നെല്ലാം എന്നെ ഇവിടെ എത്തിച്ചത് ദൈവാണ്. പിന്നെ എന്റെ മാതാപിതാക്കളുടെ പ്രാർത്ഥനയ്ക്കും വലിയ പങ്കുണ്ട്. പിന്നെ, എന്റെ അദ്ധ്യാപകർക്കും സഹപാഠികൾക്കും സുഹൃത്തുക്കൾക്കും ഭാര്യയ്ക്കും. ഒന്നാംറാങ്ക് നേടുന്നത് വലിയ കാര്യം തന്നെയാണ്. നാട്ടിൽ ഡിഗ്രിക്കും എനിക്ക് ഒന്നാംറാങ്ക് ഉണ്ടായിരുന്നു. റാങ്ക് നേടുക എന്ന ലക്ഷ്യത്തോടെ തന്നെയാണ് ഞാൻ ഇവിടെ എത്തിയതും. ആദ്യ ദിവസം ക്ലാസിലെത്തിയപ്പോൾ കുട്ടികൾ എങ്ങനെയായിരിക്കും എന്നോടു പെരുമാറുക എന്ന കാര്യത്തിൽ എനിക്ക് സംശയമുണ്ടായിരുന്നു. ആരും ഇങ്ങോട്ടു വന്ന് സംസാരിക്കും എന്നു പോലും കരുതിയിരുന്നില്ല. എച്ച്ഒഡി ഷാനവാസ് സർ എന്നെക്കുറിച്ച് ക്ലാസിൽ പറഞ്ഞപ്പോൾ കയ്യടിച്ചാണ് സഹപാഠികൾ സ്വീകരിച്ചത്. പിന്നീട് എന്റെ ഭാര്യയുടേയും കുഞ്ഞുങ്ങളുടേയും ചിത്രങ്ങൾ കാണാനും വിശേഷങ്ങൾ ചോദിച്ചറിയുവാനും അവരെത്തിയപ്പോൾ വലിയ സന്തോഷമായി.

ഇതു പോലുള്ള പിന്തുണകളും പ്രോത്സാഹനങ്ങളും പഠനകാലത്ത് ലഭിച്ചപ്പോൾ കൂടുതൽ നന്നായി പഠനത്തിൽ ശ്രദ്ധിക്കാൻ കഴിഞ്ഞു. നാട്ടിലുള്ള വേണ്ടപ്പെട്ടവരെ പിരിഞ്ഞു നിൽക്കുന്നതായി തോന്നിയതേയില്ല. അദ്ധ്യാപകർ നൽകുന്ന ഏതൊരു ജോലിയും കൃത്യമായി ചെയ്യാൻ സുഹൃത്തുക്കൾ സഹായിച്ചിട്ടുണ്ട്. ഇതൊക്കെ എന്റെ ലക്ഷ്യം നേടുന്നതിന് എന്നെ സഹായിച്ച കാര്യങ്ങളാണ്. ക്ലാസുകൾ കഴിഞ്ഞുള്ള സമയങ്ങളിലെ ഒഴിവു വേളകളിൽ സുഹൃത്തുക്കൾക്കൊപ്പം ക്യാന്റീനിൽ പോവുന്നതും തമാശകളും പൊട്ടിച്ചിരികളും നിറഞ്ഞ സുന്ദര നിമിഷങ്ങളും ഇസ ഓർക്കുന്നു. നാട്ടിൽ 92ശതമാനം മാർക്കോടെ ഡിഗ്രി പാസായതും ഒന്നാംറാങ്കോടെ തന്നെ.

യെമനിൽ നിന്നും കേരളത്തിലേക്ക്

2011 അവസാനത്തോടു കൂടി ഡിഗ്രി പഠനം പൂർത്തിയാക്കിയ ഇസ ആ നാട്ടിലെ നിയമം അനുസരിച്ച് ഒന്നാംറാങ്കു നേടിയതിനാൽ പഠിച്ച ആ കോളേജിൽ തന്നെ അദ്ധ്യാപകനായി ജോലിയിൽ പ്രവേശിച്ചു. അവിടെ ജോലി ചെയ്യവേയാണ് സഹപാഠി കൂടിയായിരുന്ന അബീറിനെ വിവാഹം ചെയ്യുന്നത്. ഈ സമയത്ത് യെമനിൽ ആഭ്യന്തര കലാപവും യുദ്ധവും കൊടുമ്പിരിക്കൊണ്ടു നിൽക്കുന്ന സമയമായിരുന്നു. യെമനിൽ തങ്ങളെ പഠിപ്പിച്ചിരുന്ന നിരവധി അദ്ധ്യാപകർ ഇന്ത്യയിൽ പഠനം പൂർത്തിയാക്കിയവരായിരുന്നു. അതുകൊണ്ടുതന്നെ ഇന്ത്യയിൽ പഠിക്കുക എന്നത് ഒരു സ്വപ്നമായി മനസിൽ കിടന്നിരുന്നു. അപ്പോഴാണ് ഇന്ത്യൻ എംബസി ഇന്ത്യയിൽ പഠനസൗകര്യം ഒരുക്കിക്കൊണ്ട് അപേക്ഷ ക്ഷണിച്ചത്. ഇന്ത്യയിലെ വിവിധ സർവ്വകലാശാലകളിലായി 38ഓളം വിദ്യാർത്ഥികൾക്കാണ് അവസരം. ഇന്ത്യൻ എംബസി അനുവദിക്കുന്ന ഐസിസിആർ സ്‌കോളർഷിപ്പിലൂടെയാണ് തനിക്കും ഈ അവസരം ലഭിച്ചത്.

രണ്ടായിരത്തോളം പേർ അപേക്ഷിച്ചതിൽ നിന്നുമാണ് 38 പേരെ തെരഞ്ഞെടുത്തത്. അപേക്ഷ അയച്ചശേഷം മറുപടി ലഭിക്കുക ഇമെയിൽ ആയിട്ടാണ്. ബോംബാക്രമണങ്ങൾ നിരന്തരമായ യെമനിൽ ആശയവിനിമയം നടത്തുക ദുഷ്‌കരമാണ്. ഇന്റർനെറ്റ് ഉൾപ്പെടെയുള്ള സൗകര്യങ്ങൾ ലഭിക്കുന്നതും വിരളമായി മാത്രമാണ്. താൻ തെരഞ്ഞെടുക്കപ്പെട്ട വിവരം മെയിൽ വന്നിട്ടും മറുപടി അയക്കായതോടെ അധികൃതർ ഫോണിൽ വിളിച്ച് പറഞ്ഞപ്പോഴാണ് ഇസ അറിഞ്ഞത്. വലിയ സന്തോഷം തോന്നിയെങ്കിലും ഇന്ത്യയിലേക്കുള്ള യാത്ര എങ്ങനെ എന്നതായിരുന്നു അടുത്ത ചിന്ത.

ഉള്ളതെല്ലാം വിറ്റുപെറുക്കി മരണത്തെ മുന്നിൽ കണ്ട് കേരളത്തിലേക്കുള്ള യാത്ര

നേരത്തെ പറഞ്ഞതു പോലെ ആക്രമണങ്ങൾ കാരണം യാത്രാ സൗകര്യങ്ങൾ ഉൾപ്പെടെ എല്ലാം തകർന്ന അവസ്ഥയായിരുന്നു. തലസ്ഥാനമായ സനആയിലെ വിമാനത്താവളം പോലും അടച്ചുപൂട്ടിയിരുന്നു. അഞ്ചു ദിവസത്തിനുള്ളിൽ ഇന്ത്യയിൽ എങ്ങനെ എത്തും എന്നതായിരുന്നു ആദ്യ പ്രതിസന്ധി. ഈ സമയത്ത് ഇന്ത്യൻ എംബസി സനആയിൽ നിന്നു തിപ്പൂത്തിയിലേക്ക് മാറുകയും ചെയ്തു. വലിയ തുക ചെലവാക്കിയാൽ മാത്രമെ വിമാനത്താവളമുള്ള നഗരത്തിൽ എത്താൻ സാധിക്കുകയുള്ളൂ. പിന്നീട് സനആയിലെ ഒരു തുറമുഖ പ്രദേശത്ത് എത്തി. അവിടെ നിന്നും തിപ്പൂത്തിയിലേക്ക് എത്തിയാൽ മാത്രമെ ഇന്ത്യയിലേക്ക് വിമാനം ലഭിക്കുകയുള്ളൂ. അവിടെ എത്തിയപ്പോൾ ഇന്ന് തിപ്പൂത്തിയിലേക്ക് ബോട്ടുകൾ ഒന്നും ഇല്ലായെന്ന വിവരമാണ് അധികൃതർ നൽകിയത്. ഉണ്ടായിരുന്ന കാറും ഗൃഹോപകരണങ്ങളും ഉൾപ്പെടെ വിറ്റാണ് ഇന്ത്യയിലേക്ക് വരാൻ പണം കണ്ടെത്തിയത്.

സനആയിൽ നിന്നും അഞ്ചു മണിക്കൂർ ബസിലും അവിടെ നിന്നും നാലുമണിക്കൂർ കാറിലും സഞ്ചരിച്ചാണ് അൽമഹാത് സീ പോർട്ടിലെത്തിയത്. ബോട്ടില്ലെന്ന അധികൃതർ നൽകിയ വിവരം അറിഞ്ഞ് എന്തു ചെയ്യണമെന്ന് അറിയാതെ നിൽക്കുമ്പോഴാണ് യെമനിലെ സംഘർഷങ്ങൾ നടക്കുന്നതിനാലുള്ള യാത്രാ ബുദ്ധിമുട്ടുകൾ പരിഗണിച്ച് ഇന്ത്യയിലെത്താനുള്ള അവസാന തീയതി ഏഴു ദിവസമായി നീട്ടിയത്. ഈ വിവരം നൽകിയ ആശ്വാസം ചെറുതായിരുന്നില്ല. തുടർന്ന് അന്ന് അവിടെ തങ്ങിയ ശേഷം അടുത്ത ദിവസമാണ് തിപ്പൂത്തിയിലേക്ക് ബോട്ട് കയറിയത്. ഏതു നിമിഷവും തകർന്നേക്കാവുന്ന മൃഗങ്ങളെ കടത്തുന്ന ഒരു ബോട്ടായിരുന്നു അത്. അതിൽ എന്നെ കൂടാതെ, ഒട്ടനവധി സ്ത്രീകളും കുട്ടികളും ഉൾപ്പെടുന്ന അഭയാർത്ഥികളായ സംഘവും ബോട്ടിൽ ഉണ്ടായിരുന്നു. 17 മണിക്കൂർ നീണ്ട ബോട്ട് യാത്ര മരണത്തെ മുന്നിൽ കണ്ടുള്ളതായിരുന്നു. അപകടകരമായ രീതിയിൽ ബോട്ട് കുലുങ്ങുമ്പോൾ സ്ത്രീകളും കുട്ടികളും ഭയന്നു വിറയ്ക്കുകയും കരയുകയും ചെയ്യുന്നുണ്ടായിരുന്നു.

തിപ്പൂത്തിയിൽ ബോട്ട് ഇറങ്ങിയ ഉടൻ ഇന്ത്യൻ എംബസിയിൽ വിളിച്ച് പുറപ്പെടുന്ന വിവരം അറിയിക്കുകയും തുടർന്ന് ആശങ്കാകുലരായി നാട്ടിൽ കഴിയുന്ന സ്നേഹിതരോട് താൻ സുരക്ഷിതനായി തിപ്പൂത്തിയിൽ എത്തിയെന്ന് വിവരം അറിയിക്കുകയും ചെയ്തു. തിപ്പൂത്തി വരെയുള്ള യാത്രയിൽ തന്നെ കയ്യിലുള്ള പണമെല്ലാം തീരുകയും ചെയ്തു. നാട്ടിൽ നിന്നും പണം അയച്ചാൽ മാത്രമെ ഇന്ത്യയിലേക്ക് വിമാനം കയറാൻ കഴിയൂവെന്നും സ്നേഹിതരോട് പറയുകയും പണം അക്കൗണ്ടിൽ എത്തുകയും ചെയ്തു. ഇതിനിടയ്ക്ക് പാസ്പോർട്ട് സ്റ്റാമ്പ് ചെയ്യുന്നതിന് ചില സാങ്കേതിക പ്രശ്നങ്ങൾ ഉണ്ടായി. എങ്കിലും ഇന്ത്യൻ എംബസി ഇടപെട്ട് ഒരു മണിക്കൂറിനുള്ളിൽ പ്രശ്നം പരിഹരിച്ചു. വിസ ശരിയായ ശേഷം ടിക്കറ്റിന്റെ കോപ്പി ഉൾപ്പെടെയുള്ള രേഖകൾ ഐസിസിആർ സ്‌കോളർഷിപ്പ് പ്രതിനിധികൾക്ക് അയച്ചുകൊടുത്തു. അവിടെ നിന്നും മുബൈയിലേക്കും പിന്നീട് കേരളത്തിലേക്കും എത്തി. വിമാനം തിരുവനന്തപുരം വിമാനത്താവളത്തിൽ ഇറങ്ങാനായപ്പോൾ പച്ചപ്പാണ് കൂടുതൽ കണ്ടത്. ഞാനൊരു വനത്തിലേക്കാണോ വിമാനം ഇറങ്ങുന്നത് എന്ന് തോന്നിപ്പിക്കുന്നതായിരുന്നു കേരളത്തിന്റെ പ്രകൃതി ഭംഗി.

കേരള സർവ്വകലാശാലയിൽ എത്തിപ്പെട്ടത് അവിചാരിതമായി

ഉപരിപഠനത്തിന് ഇന്ത്യയിലേക്ക് പോകണമെന്ന് ഉറപ്പിച്ചപ്പോൾ ഹൈദരാബാദിലെ ഇഫ്ളുവോ ഒസ്മാനിയയോ ആണ് തെരഞ്ഞെടുത്തത്. എന്നാൽ ലഭിച്ചത് കേരള സർവ്വകലാശാല ആയിരുന്നു. കേരളത്തിലേക്കാണ് പോകുന്നത് എന്ന് അറിഞ്ഞപ്പോൾ തന്നെ ഇന്റർനെറ്റിൽ പരിശോധിച്ചിരുന്നു. പച്ചപ്പു നിറഞ്ഞ നാട് എന്ന് അറിഞ്ഞിരുന്നതെങ്കിലും ഇത്രത്തോളം പ്രതീക്ഷിച്ചിരുന്നില്ല. ഇവിടുത്തെ മഴയും തണുപ്പും കാറ്റും വെയിലുമെല്ലാം ഹൃദ്യമായ അനുഭൂതികളാണ്. ഇതു ദൈവത്തിന്റെ സ്വന്തം നാടാണല്ലോ.. അവിചാരിതമായി ആണ് എത്തിയതെങ്കിലും സ്വന്തം നാട്ടിൽ നിൽക്കുന്ന അതേ സന്തോഷമാണ് കേരളവും നൽകുന്നത്. നിരവധി ഗൾഫുകാരുള്ള കേരളത്തെ കുറിച്ച് പിന്നീടാണ് അറിഞ്ഞത്. പലരും അറബി ഭാഷ സംസാരിക്കുന്നതു കേട്ടപ്പോൾ അന്തംവിട്ടുപ്പോയി.

കുടുംബ ജീവിതവും പഠനവും ഒന്നിച്ച് മുന്നോട്ട്..

പഠനത്തിനായി ആദ്യം ഒറ്റയ്ക്കാണ് ഇവിടെ എത്തിയത്. ഭാര്യയേയും രണ്ടര വയസ്സും ഏഴ് മാസവും പ്രായമുള്ള മക്കളേയും പിരിഞ്ഞിരിക്കുക വലിയ ബുദ്ധിമുട്ടായിരുന്നു. നാട്ടിൽ അധ്വാനിച്ചുണ്ടാക്കിയ ബാക്കി ചിലതും വിറ്റ് പെറു്കിയാണ് അവരെ ഇവിടെ എത്തിച്ചത്. വലിയ പ്രതിഫലം നൽകിയാണ് വിമാന ടിക്കറ്റ് ഉൾപ്പടെ ശരിയാക്കിയത്. ഒരു വിദ്യാർത്ഥി എന്നതിലുപരി ഒരു അച്ഛനും ഒരു ഭർത്താവും കൂടിയാണെന്ന തിരിച്ചറിവ് എപ്പോഴും ഉണ്ടായിരുന്നു. എൻെ പഠനവും കുടുംബ ജീവിതവും ഒരിക്കലും പരസ്പരം ബുദധിമുട്ടുണ്ടാക്കാതെ മുന്നോട്ട് കൊണ്ട് പോകാൻ കഴിഞ്ഞു. മക്കളഓടൊപ്പം ചിരിക്കാനും കളിക്കാനും അവരെ പഠിപ്പിക്കാനും ഒക്കെ സമയം കണ്ടെത്താറുണ്ട്. പിന്നെ ഭാര്യയെ സഹായിക്കും.

ക്ലാസ് കഴിഞ്ഞ് വന്നാൽ പിന്നെ വീട്ടിലെ കാര്യങ്ങളൊക്കെ നോക്കിയ ശേഷം 9 മണിയോടെ തന്നെ കിടന്നുറങ്ങും. പിന്നെ വെളുപ്പിന് മൂന്നു മണിക്കാണ് മറ്റ് ശല്യങ്ങളൊന്നുമില്ലാതെ പഠനം മാത്രമായി മുന്നോട്ട് പോകുന്നത്. ഇതിന് വലിയ പിന്തുണ നൽകുന്ന ഭാര്യ തന്നെയാണ് വിജയത്തിന് കാരണം.ഇനി ഇപ്പോൾ പിഎച്ച്ഡി ചെയ്യാനുള്ള തയ്യാറെടുപ്പിലാണ് അതും കേരളത്തിൽ തന്നെയാണ് ചെയ്യാനുള്ള അനുമതി ലഭിച്ചിരിക്കുന്നത്.

നാട്ടിലെ കുടുംബത്തെക്കുറിച്ച്

നാട്ടിൽ അച്ഛനും അമ്മയും നാല് സഹോദരങ്ങളുമാണുള്ളത്. ഒരു സഹോദരനും മൂന്ന് സഹോദരികളും. അച്ഛൻ അലി മുഹമ്മദ് അലി അദ്ധ്യാപകനാണ്. ഇപ്പോൾ ഒരു ഗ്രാമത്തിലാണ് അവർ താമസിക്കുന്നത്. എനിക്ക് വിദേശത്ത് പഠിക്കാനുള്ള പണം നൽകാൻ കഴിയാത്തത് അച്ഛനെ എപ്പോഴും വിഷമിപ്പിച്ചിരുന്നു. പക്ഷേ അവരുടെ പ്രാർത്ഥനയും അനുഗ്രഹവും മാത്രം മതി എനിക്ക് എന്ന് ഞാൻ പറഞ്ഞിട്ടുണ്ട്. പിന്നെ സ്ഥിരമായി അവരോട് സംസാരിക്കാൻ പറ്റാറില്ല. യെമനിൽ ഭൂരിഭാഗം സ്ഥലങ്ങളിലും ആക്രമങ്ങൾ കാരണം കറന്റ് കണക്ഷൻ ഇല്ല. സോളാർ എനർജിയാണ് ഉപയോഗിക്കുന്നത്. വലിയ ചെലവിൽ അത് വാങ്ങാൻ കഴിയില്ല. അടുത്ത വീട്ടിലൊക്കെ പോയി മൊബൈൽ ബാറ്ററി ചാർജ് ചെയ്താൽ മാത്രമെ അവരെ വിളിക്കാൻ കഴിയുകയുള്ളു. അതും എപ്പോഴും സിഗ്‌നൽ കിട്ടുകയുമില്ല. അവരെയൊക്കെ പിരിഞ്ഞിരിക്കുന്നതിൽ വലിയ വിഷമമുണ്ട്. നാട്ടിലെ സ്ഥിതി ശാന്തമാകുമെന്നും എത്രയും വേഗം അവിടെ എല്ലാവർക്കുമൊപ്പം സന്തോഷത്തോടെ ജീവിക്കാമെന്നുമംാണ് ഇസയുടെ പ്രതീക്ഷ

കേരളത്തിലെ ജീവിതം, മനുഷ്യർ, അനുഭവങ്ങൾ

കേരളത്തിലെ ജനങ്ങൾ സത്യം പറഞ്ഞാൽ ഞെട്ടിച്ചു. ഇത്രയും പരസ്പരം സഹായിക്കുന്നവരെ വേറെ ഒരിടത്തും കണ്ടിട്ടില്ല. മിക്ക നാടുകളിലും അയൽവാസികളെക്കുറിച്ച് ഒന്നുമറിയില്ല. കേരളത്തിൽ പക്ഷേ എല്ലാവരും പരസ്പരം സ്നേഹത്തോടെ ഒരുമയോടെ മുന്നോട്ട് പോകുന്നു. നമ്മളെ കാണുമ്പോൾ ഭക്ഷണം കഴിച്ചോ എന്ന ചോദ്യം മാത്രം മതി നമുക്ക് ഇവരൊക്കെ ഏതോ ബന്ധുക്കളാണെന്ന പോലും തോന്നാൻ. പലപ്പോഴും അങ്ങനെ തോന്നിയിട്ടുമുണ്ട്. മറ്റ് സ്ഥലങ്ങളിലൊക്കെ നമ്മളെ സഹായിക്കാൻ വരുന്നവർ പണം വാങ്ങിയ ശേഷമാണ് ഉപകാരങ്ങൾ ചെയ്യുന്നത്. എന്നാൽ കേരളത്തിലുള്ളവർ തങ്ങൾക്ക് സഹായം ചെയ്യുന്നതിനെ വിലമതിക്കാനാകില്ല. മനുഷ്യത്വമുള്ളവരാണ് ഭൂരിഭാഗവും. ഞങ്ങളുടെ ഹൗസ് ഓണർ സ്വന്തം മകനെപ്പോലെയാണ് എന്നെ കാണുന്നത്.

പിന്നെ അറബി സംസാരിക്കുന്നവർ നിരവധിയുണ്ടെന്നതും പ്രത്യേകത തന്നെ. വായനയും വിദ്യാഭ്യാസവും ഏറെ ഇഷ്ട്ടപ്പെടുന്നയാളായ ഇസയ്ക്ക് കേരളത്തിന്റെ 100 ശതമാനം സാക്ഷരതയോട് വലിയ ബഹുമാനം. വിവരവും വിനയവുമുള്ളവരാണ് ഇവർ എന്ന് സന്തോഷത്തോടെ പറയാം. മറ്റ് സ്ഥലത്ത് നിന്നുള്ളവരെ ചൂഷണം ചെയ്ത് സമ്പാദ്യമുണ്ടാക്കാൻ മലയാളികൾ തയ്യാറല്ലെന്നതാണ് പ്രത്യേകത. എനിക്ക് കേരളം ഇഷ്ടമാണ് എന്ന് പറഞ്ഞാണ് ഇസ തന്റെ വാക്കുകൾ അവസാനിപ്പിച്ചത്. മക്കൾ നന്നായി മലയാളം പറയും എന്നും ഇസ അഭിമാനത്തോടെ പറയുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
വിവാഹത്തിന് മുമ്പ് ഒരു വൈദികൻ ലൈംഗികമായി ദുരുപയോഗിച്ചു; ഇക്കാര്യം കുമ്പസാരത്തിൽ പറഞ്ഞപ്പോൾ ആ വൈദികനും ദുരുപയോഗം തുടങ്ങി; ഭർത്താവിനോട് പറയുമെന്ന് പറഞ്ഞ് തിരുമേനിയുടെ സെക്രട്ടറിയടക്കം എട്ടോളം വൈദികർ മാറി മാറി പീഡിപ്പിച്ചു; യാദൃശ്ചികമായി ഭാര്യയുടെ ഹോട്ടൽ ബിൽ കണ്ട ഭർത്താവ് വൈദികനോട് വെളിപ്പെടുത്തിയ ടെലിഫോൺ സംഭാഷണം പുറത്ത്; സോഷ്യൽ മീഡിയയിൽ സംഭാഷണം വ്യാപകമായതോടെ മുഖം രക്ഷിക്കാൻ അഞ്ച് വൈദികരെ പുറത്താക്കി ഓർത്തഡോക്സ് സഭ
ജെസ്‌ന മാറി നിൽക്കുകയോ അല്ലെങ്കിൽ ആരെങ്കിലും മാറ്റി നിർത്തിയതോ ആവാം; വീട്ടിൽ ചില നിർമ്മാണങ്ങൾ നടത്തിയത് തിരുവനന്തപുരത്തെ സ്വാമിയുടെ ഉപദേശ പ്രകാരം; വീട്ടിൽ പരിശോധന നടക്കാൻ ഇടയാക്കിയത് നിർമ്മാണ മേഖലയിലെ തന്റെ ഉയർച്ചയിൽ അസൂയപൂണ്ട ചിലരുടെ നീക്കം മൂലം; സിബിഐ അന്വേഷണത്തിനായി ശ്രമിച്ചത് പൊലീസ് അന്വേഷണം വഴിതെറ്റുന്നോ എന്ന് തോന്നിയപ്പോൾ: പഴുതടച്ച പരിശോധനകൾ തുടരണമെന്നും നുണ പരിശോധനയ്ക്കും തയ്യാറെന്നും പെൺകുട്ടിയുടെ പിതാവ് ജെയിംസ് ജോസഫ്
ഭക്ഷണത്തിനും മദ്യപാനത്തിനും ഒരു പോലെ ഇണങ്ങുന്ന ഒരു പേര് തിരക്കിയപ്പോൾ 'ഗ്ലാസിലെ നുരയും പ്ലേറ്റിലെ കറിയും' ലഭിച്ചു; ഡ്രൈഡേയായ മെയ് ദിനത്തിൽ പിറവിയെടുത്ത ഫേസ്‌ബുക്ക് ഗ്രൂപ്പിൽ ഇപ്പോൾ അംഗങ്ങളായത് 18 ലക്ഷം പേർ; സ്ത്രീ-പുരുഷ വേർതിരിവുകളില്ലാത്ത സമത്വസുന്ദരമായ ഗ്രൂപ്പ്; സൈബർ ലോകത്ത് വൈറലായ മദ്യപരുടെ സീക്രട്ട് ഗ്രൂപ്പിന്റെ കഥ മറുനാടനോട് തുറന്നു പറഞ്ഞ് വിനിതയും അജിത്തും ഉമേഷും
പൃഥ്വിരാജിനെ എത്തിക്കാൻ നെട്ടോട്ടമോടി താരങ്ങൾ; മമ്മൂട്ടി എത്തുമോ എന്നതിലും ആശയക്കുഴപ്പം; ക്രൗൺ പ്ലാസ ഹോട്ടലിനെ നിരീക്ഷിക്കാൻ സ്വകാര്യ രഹസ്യ പൊലീസ്; നടി-നടന്മാരാല്ലാതെ ഈച്ചയെ പോലും അകത്ത് കടത്തില്ല; മൊബൈൽ ഫോണിനും നിരോധനം; തീരുമാനങ്ങൾ ഫെയ്‌സ് ബുക്കിൽ അപ് ഡേറ്റ് ചെയ്യാൻ പ്രത്യേക സംവിധാനം; ആവശ്യമുണ്ടെങ്കിൽ താരങ്ങൾ ലൈവിലുമെത്തും; ദിലീപിന്റെ പുറത്താക്കൽ ചർച്ചയാക്കാതിരിക്കാനും നീക്കം; അമ്മയുടെ അമരത്ത് നാളെ മുതൽ മോഹൻലാൽ
കടക്കൂ പുറത്ത്.. എന്നതിനെപ്പറ്റി എന്താണ് പറയാനുള്ളതെന്ന് മാധ്യമപ്രവർത്തകരുടെ ചോദ്യം; അതേപ്പറ്റി പലതും പറയാനുണ്ട്, മാധ്യമ പ്രവർത്തകർ ക്ഷണിക്കാത്ത സ്ഥലത്തു പോകരുത്, അപ്പൊ ശരി.. എന്നു പറഞ്ഞ് വാർത്താ സമ്മേളനം നിർത്തി; പിന്നാലെ എല്ലാവരും കഴിച്ചിട്ടേ പോകാവൂ എന്ന് ക്ഷണവും: ഡൽഹിയിൽ മുഖ്യമന്ത്രി പിണറായി വിജയന്റെ വാർത്താസമ്മേളനത്തിലെ ക്ലൈമാക്സ് ഇങ്ങനെ
പന്തയത്തിൽ തോറ്റ ബിജെപി നേതാവ് ശിവശങ്കരൻ രാജിവെച്ച് രാഷ്ട്രീയം അവസാനിപ്പിക്കുമോ? ആർഎസ്എസ് ഒളിക്യാമറാ ആക്രമണത്തിന്റെ മുനയൊടിച്ച് മാധ്യമപ്രവർത്തകൻ അഭിലാഷ് മോഹൻ; സ്വാതന്ത്ര്യ സമരത്തിനിറങ്ങാൻ ആവേശത്തോടെ എത്തിയവരെ ഹെഡ്‌ഗേവാർ നിരുത്സാഹപ്പെടുത്തി പറഞ്ഞയച്ചതിന്റെ തെളിവുകൾ നൽകി; മലയാളം മനസിലാകാത്ത സംഘികൾക്കായി പുസ്തകത്തിന്റെ രാഷ്ട്രഭാഷാ പതിപ്പും
അവനെ ചുട്ടുകളഞ്ഞേക്കെന്ന് അമ്മ; എവിടെ എങ്കിലും കൊണ്ടു പോയി മറവു ചെയ്‌തേക്കെന്ന് സഹോദരി; സ്വന്തം മകന്റെ കൊലപാതക വിവരം അറിഞ്ഞപ്പോൾ അമ്മയും സഹോദരിയും പ്രതികരിച്ചത് ഇങ്ങനെ; അടിമലത്തുറ സ്വദേശിയായ 25കാരന്റേത് ഭാര്യയും സഹോദരിയും ഭർത്താവും ചേർന്ന് നടത്തിയ ആസൂത്രിത കൊലപാതകം: ഹൃദയാഘാതമെന്ന് കരുതിയ മരണത്തിൽ തുമ്പുണ്ടാക്കിയത് നാട്ടുകാർ
പോസ്റ്റ്‌മോർട്ടം റിപ്പോർട്ടിൽ സൈനയ്ഡ് കണ്ടെത്തിയതിനാൽ പോസ്റ്റ്മാനായും പ്ലംബറായും വീട്ടിൽ പണിക്കെത്തി പൊലീസ് തെളിവ് ശേഖരിച്ചു; ഫോൺ കോളുകൾ ചോർത്തിയും കാമുകനുമായുള്ള കൂടിക്കാഴ്ചകൾ നിരീക്ഷിച്ചും അവരുറപ്പിച്ചു കൊലയാളി ഇവൾ തന്നെയെന്ന്; മൃതദേഹം നാട്ടിൽ എത്തിച്ച് സംസ്‌കരിച്ചതോടെ എല്ലാം ശുഭമെന്ന് കരുതി മടങ്ങിയ സോഫിയയെ കുടുക്കിയത് ഓസ്‌ട്രേലിയൻ പൊലീസിന്റെ അതീവ ജാഗ്രത
സാമിന്റെ മൃതദേഹത്തിന് മുമ്പിൽ മോഹലസ്യപ്പെട്ട വീണ് നിലവിളിച്ച സോഫിയയെ ആശ്വസിപ്പിക്കാൻ പിതാവ് നന്നേ പ്രയാസപ്പെട്ടു; കൊലപാതകവും തെളിവു നശിപ്പിക്കലും പൂർത്തിയാക്കിയ ശേഷം മെൽബണിൽ മടങ്ങിയെത്തിയപ്പോൾ ഓസ്‌ട്രേലിയൻ മലയാളികൾ തുണയാകാൻ പിരിച്ചു നൽകിയ 15 ലക്ഷവും വാങ്ങി അവൾ കാമുകനൊപ്പം ചുറ്റിക്കറങ്ങി; സോഫിയ അതിക്രൂരയായ കുറ്റവാളി തന്നെ
വിവാഹത്തിന് മുമ്പ് ഒരു വൈദികൻ ലൈംഗികമായി ദുരുപയോഗിച്ചു; ഇക്കാര്യം കുമ്പസാരത്തിൽ പറഞ്ഞപ്പോൾ ആ വൈദികനും ദുരുപയോഗം തുടങ്ങി; ഭർത്താവിനോട് പറയുമെന്ന് പറഞ്ഞ് തിരുമേനിയുടെ സെക്രട്ടറിയടക്കം എട്ടോളം വൈദികർ മാറി മാറി പീഡിപ്പിച്ചു; യാദൃശ്ചികമായി ഭാര്യയുടെ ഹോട്ടൽ ബിൽ കണ്ട ഭർത്താവ് വൈദികനോട് വെളിപ്പെടുത്തിയ ടെലിഫോൺ സംഭാഷണം പുറത്ത്; സോഷ്യൽ മീഡിയയിൽ സംഭാഷണം വ്യാപകമായതോടെ മുഖം രക്ഷിക്കാൻ അഞ്ച് വൈദികരെ പുറത്താക്കി ഓർത്തഡോക്സ് സഭ
കാമുകനൊപ്പം ജീവിക്കാൻ ഭർത്താവിനെ സയനൈഡ് നൽകി കൊലപ്പെടുത്തിയ സോഫിയ 22 കൊല്ലം അഴിയെണ്ണണം; മകൻ കിടന്ന കട്ടിലിൽ വെച്ച് സാം എബ്രഹാമിനെ കൊന്നപ്പോൾ മകന്റെ കാര്യത്തെക്കുറിച്ച് ഓർത്തില്ലേയെന്ന് പ്രോസിക്യൂഷൻ വാദം കോടതിയുടേയും കണ്ണു നനയിപ്പിച്ചു; കാമുകിക്ക് വേണ്ടി കൊല നടത്തിയ അരുണിന് 27 വർഷം ജയിൽ ശിക്ഷ; സാമിനെ സയനൈഡ് നൽകി വകവരുത്തിയ ജാര കമിതാക്കൾക്ക് ശിക്ഷ വിധിച്ച് മെൽബൺ കോടതി; അർഹിക്കുന്ന ശിക്ഷയെന്ന് വിലയിരുത്തി ഓസ്ട്രേലിയൻ മലയാളികളും
തയ്യൽക്കടയുടെ ബോർഡ് വീടിന്റെ മുമ്പിൽ; ഒരു മണിക്കൂറുകൾക്കുള്ളിൽ വസ്ത്രം തയ്ച്ചു കൊടുക്കപ്പെടുമെന്നും പരസ്യവാചകം; ടെയിലറിങ് കടയിൽ എത്തിയവരെല്ലാം കാറിലെത്തി തിരിച്ചു പോകുന്ന കസ്റ്റമേഴ്‌സും; സീമയുടെ വാണിഭ ബുദ്ധി പൊളിച്ചത് നാട്ടുകാരുടെ സംശയം; പ്രധാന പ്രതി വഴുതിപോയ നിരാശയിൽ പൊലീസ്; പുഴയ്ക്കലിലെ മാഫിയയുടെ വേര് തേടി അന്വേഷണം
എല്ലാവരെയും നോക്കി ചിരിച്ച് സന്തോഷവാനായി അരുൺ; മുഖം കനപ്പിച്ച് ആരെയും നോക്കാതെ എത്തിയ സോഫിയ ശിക്ഷാവിധി കേട്ട് പൊട്ടിക്കരഞ്ഞു; സാമിന്റെ മാതാപിതാക്കൾ കൊച്ചുമകന്റെ സംരക്ഷണം ആവശ്യപ്പെട്ടതിൽ വ്യക്തമായ അഭിപ്രായം പറയാതെ കോടതി; സോഫിയയുടെ സഹോദരിക്കൊപ്പമുള്ള കൊച്ചുമകന്റെ ജീവിതം സുരക്ഷിതമല്ലെന്ന് സാമിന്റെ അച്ഛൻ സാമുവൽ; മെൽബണിലെ സാം എബ്രഹാം വധക്കേസിന്റെ ബാക്കിപത്രം ഇങ്ങനെ
ആറടിയിലേറെ ഉയരവും വ്യായാമം ചെയ്ത് മിനുക്കിയ ശരീരത്തിൽ ഓളം വെട്ടുന്ന മസിലുകളും; കണ്ടാൽ ആരും നോക്കി നിന്നുപോകുന്ന പേഴ്‌സാണിലിറ്റി; ജോലിയിൽ മാത്രമല്ല കുതിരയോട്ടത്തിലും ക്രിക്കറ്റിലും കേമൻ; ഫേസ്‌ബുക്കിൽ പ്രത്യേക ഫാൻ ക്ലബ്; എല്ലാം കണ്ട് ആകൃഷ്ടയായ പഞ്ചാബി യുവതി കിലോമീറ്ററുകൾ താണ്ടിയെത്തി ഉജ്ജെയിനിലെ യുവ എസ്‌പിയെ കാണാൻ; കണ്ടേ മടങ്ങൂവെന്ന് 27 കാരി വാശി പിടിച്ച ചുള്ളൻ സച്ചിൻ അതുൽക്കറുടെ കഥ
ഗൾഫിലെ 52 ജുവല്ലറികൾ വിറ്റാൽ വീട്ടാനുള്ള കടത്തിന്റെ ഒരംശം പോലുമാകില്ല; ഇന്ത്യയിലെ ഭൂസ്വത്തുക്കൾ വിൽക്കാൻ സാങ്കേതിക തടസങ്ങളേറെ; 12 ദിവസത്തിനകം 1000 കോടി എങ്ങനെ ഉണ്ടാക്കുമെന്ന് ബാങ്കുകളെ അറിയിച്ചില്ലെങ്കിൽ പണിയാകും; ഡിസംബറിന് മുമ്പ് കടമെല്ലാം വീട്ടിയില്ലെങ്കിൽ വീണ്ടും അഴിക്കുള്ളിലേക്ക്; ജയിലിൽ നിന്നും പുറത്തിറങ്ങിയെങ്കിലും അറ്റ്‌ലസ് രാമചന്ദ്രൻ ഇപ്പോഴും വീട്ടുതടങ്കലിന് സമാനമായ അവസ്ഥയിൽ തന്നെ
പൃഥ്വിരാജിനെ എത്തിക്കാൻ നെട്ടോട്ടമോടി താരങ്ങൾ; മമ്മൂട്ടി എത്തുമോ എന്നതിലും ആശയക്കുഴപ്പം; ക്രൗൺ പ്ലാസ ഹോട്ടലിനെ നിരീക്ഷിക്കാൻ സ്വകാര്യ രഹസ്യ പൊലീസ്; നടി-നടന്മാരാല്ലാതെ ഈച്ചയെ പോലും അകത്ത് കടത്തില്ല; മൊബൈൽ ഫോണിനും നിരോധനം; തീരുമാനങ്ങൾ ഫെയ്‌സ് ബുക്കിൽ അപ് ഡേറ്റ് ചെയ്യാൻ പ്രത്യേക സംവിധാനം; ആവശ്യമുണ്ടെങ്കിൽ താരങ്ങൾ ലൈവിലുമെത്തും; ദിലീപിന്റെ പുറത്താക്കൽ ചർച്ചയാക്കാതിരിക്കാനും നീക്കം; അമ്മയുടെ അമരത്ത് നാളെ മുതൽ മോഹൻലാൽ
സുഖം അന്വേഷിക്കാൻ പോലും ആരും തിരിഞ്ഞു നോക്കാറില്ല; വീട്ടിലുള്ളവരോട് പോലും കടുത്ത ദേഷ്യം; പത്രക്കാരെ കണ്ടാൽ ആട്ടിയോടിക്കും; ആകെ നരച്ച മുടിയും എല്ലും തോലുമായ രൂപവും; അലട്ടാൻ രോഗങ്ങളുടെ കൂമ്പാരം; വീടിന് പുറത്തിറങ്ങിയിട്ട് വർഷം ഒന്നാകാറായി; മന്ത്രി സ്ഥാനം ഒഴിഞ്ഞ ശേഷം തിരുവനന്തപുരം കണ്ടിട്ടില്ല; രണ്ട് കൊല്ലം മുൻപ് മന്ത്രി മന്ദിരത്തിൽ വസിച്ച് കൊടി വച്ച കാറിൽ പാഞ്ഞു നടന്നിരുന്ന കെ ബാബു ഇപ്പോൾ ആരോടും ഒന്നും മിണ്ടാതെ ഇവിടെയുണ്ട്
വിവാഹത്തിന് മുമ്പ് ഒരു വൈദികൻ ലൈംഗികമായി ദുരുപയോഗിച്ചു; ഇക്കാര്യം കുമ്പസാരത്തിൽ പറഞ്ഞപ്പോൾ ആ വൈദികനും ദുരുപയോഗം തുടങ്ങി; ഭർത്താവിനോട് പറയുമെന്ന് പറഞ്ഞ് തിരുമേനിയുടെ സെക്രട്ടറിയടക്കം എട്ടോളം വൈദികർ മാറി മാറി പീഡിപ്പിച്ചു; യാദൃശ്ചികമായി ഭാര്യയുടെ ഹോട്ടൽ ബിൽ കണ്ട ഭർത്താവ് വൈദികനോട് വെളിപ്പെടുത്തിയ ടെലിഫോൺ സംഭാഷണം പുറത്ത്; സോഷ്യൽ മീഡിയയിൽ സംഭാഷണം വ്യാപകമായതോടെ മുഖം രക്ഷിക്കാൻ അഞ്ച് വൈദികരെ പുറത്താക്കി ഓർത്തഡോക്സ് സഭ
ഇസ്ലാമായ അയൽവാസിയെ എതിർപ്പുകളെ അവഗണിച്ച് വിവാഹം ചെയ്തപ്പോൾ കൂടെയുണ്ടായിരുന്നത് ദാരിദ്യം മാത്രം; കഷ്ടപാട് തീർക്കാൻ ഭാര്യയെ ഗൾഫിലേക്ക് അയച്ചത് വഴിത്തിരിവായി; വർഷങ്ങൾ പ്രവാസ ജീവതം നയിച്ച് സമ്പാദിച്ചത് കോടികൾ; വസ്ത്ര വ്യാപാരം പൊടിപൊടിച്ചപ്പോൾ വന്ന വഴി മറന്നു; രണ്ടരക്കൊല്ലം മുമ്പ് യുവാവിനെ വെട്ടിപരിക്കേൽപ്പിച്ചതും മകളുമായി അടുത്തതിന്റെ പേരിൽ; ദുരഭിമാനത്തിന്റെ പേരിൽ കെവിനെ വകവരുത്തിയ കുടുംബത്തിന്റെ കഥ
അറിയാത്ത പണി ചെയ്യുന്നത് ഇനിയും നിർത്താനായില്ലേ ലാലേട്ടാ..? ഓസ്‌ട്രേലിയയിലെ പെർത്തിലും മോഹൻലാലിന്റെ 'ലാലിസം'; റെക്കോർഡ് ചെയ്ത പാട്ടിനൊപ്പം ചുണ്ടനക്കിയപ്പോൾ വീണ്ടും വമ്പൻ പാളിച്ച; പ്രയാഗാ മാർട്ടിനൊപ്പം 'ചന്ദ്രികയിൽ അലിയുന്ന ചന്ദ്രകാന്തം' പാടിയപ്പോൾ പണി പാളി; മുമ്പേ പോയ പാട്ടിനെ പിടിക്കാൻ ഞെട്ടലോടെ മൈക്കെടുത്തു സൂപ്പർസ്റ്റാർ: സോഷ്യൽ മീഡിയയിൽ വൈറലാകുന്ന വീഡിയോ കാണാം
കാമുകൻ മതിയെന്ന് മകൾ വാശി പിടിച്ചപ്പോൾ അച്ഛൻ നാണംകെട്ടു; ഒളി സങ്കേതം കണ്ടെത്താനുള്ള ദൗത്യം ഏറ്റെടുത്ത് രഹന പൊലീസ് സ്റ്റേഷനിലെത്തി; അനീഷിന്റെ വീട്ടിലേക്കുള്ള വഴി എഎസ്ഐയിൽ നിന്ന് മനസ്സിലാക്കി കെവിനെ നേരിൽ കണ്ടുള്ള അനുനയം പൊളിഞ്ഞു; ഭീഷണി വിലപോകാതെ വന്നപ്പോൾ ഗൾഫിലുള്ള മകനെ വിളിച്ചു വരുത്തി; വിവാഹം സാധുവാകും മുമ്പ് നീനുവിനെ വിധവയാക്കിയത് അമ്മയുടെ പക; ഭർത്താവിനേയും അച്ഛനേയും ഒളിവിൽ താമസിപ്പിച്ചത് ഷാനുവിന്റെ ഭാര്യയോ? ദുരഭിമാനക്കൊലയിലെ വില്ലത്തികളെ കുടുക്കാനുറച്ച് പൊലീസ്
ഏഴേ മുക്കാലോടെ ആദ്യമെത്തിയത് ഇടവേള ബാബു; തൊട്ടുപിറകേ അച്ഛനും മകളും; മുത്തച്ഛന്റെ കാല് തൊട്ട് വന്ദിക്കാൻ അമ്മാവൻ നിർദ്ദേശിച്ചപ്പോൾ അനുസരിച്ച് മീനാക്ഷി; അമ്മയ്ക്ക് അടുത്ത് പോയി ആശ്വാസം ചൊരിഞ്ഞ ശേഷം അച്ഛനടുത്ത് ഇരിപ്പുറപ്പിച്ച് മകൾ; ചടങ്ങ് കഴിഞ്ഞ് തിരിച്ചെത്തും വരെ കാത്തിരിപ്പ്; മധുവാര്യരെ കൈപിടിച്ച് കുലുക്കി സമാധാനിപ്പിച്ച് മകളുമൊത്ത് മടക്കം; അപ്പുപ്പന്റെ മുഖം മകളെ അവസാനമായി കാണിക്കാൻ മഞ്ജു വാര്യരുടെ വീട്ടിൽ ദിലീപ് എത്തിയത് അതീവരഹസ്യമായി
സീൻ ഡാർക്കായത് അവനും അവന്റെ ചേട്ടത്തിയമ്മയ്ക്കും; ഡൽഹിയിൽ ശരീരം വിറ്റ് നടക്കുന്ന ഒരു സംഘി; ഏതോ ഒരുത്തൻ പട്ടിയുടെ കൂടെ ഇരിക്കുന്ന പടമെന്ന കമന്റും ഊള ലാൽ ഫാൻസും; സ്റ്റേജിൽ പുലയാട്ടു നടത്തുന്ന ഒരുത്തിയുടെ പേരാണ് റിമി ടോമി; കലാഭവൻ മണിയുടെ മരണത്തിലെ സംശയം ഉന്നയിച്ചവർക്കെല്ലാം തെറിവിളി; ലസിതാ പാലക്കലിനെ കിടപ്പറയിലേക്ക് ക്ഷണിച്ചപ്പോൾ പണി കിട്ടി; ഇനി ചാനലുകളിൽ അവതരണത്തിന് വിളിക്കില്ല; തരികിട സാബുവിനെ കണ്ടെത്താൻ പൊലീസ്
വെട്ടിയത് ഉമ്മൻ ചാണ്ടിയല്ല രാഹുൽ ഗാന്ധി തന്നെ; തീർന്നു കുര്യാ നിങ്ങൾ തീർന്നു; പിജെ കുര്യന്റെ രാജ്യസഭാ സ്ഥാനം തെറിച്ചത് ബിജെപി പിന്തുണയോടെ ഒരുവട്ടം കൂടി രാജ്യസഭാ വൈസ് ചെയർമാനാകാനുള്ള നീക്കം മണത്തറിഞ്ഞ്; തീരുമാനം എടുത്തത് മോദിയുടേയും അമിത് ഷായുടേയും അടുപ്പക്കാരനായി അവസരം നോക്കി കാലുമാറുമെന്ന് വ്യക്തമായപ്പോൾ