1 usd = 69.80 inr 1 gbp = 89.03 inr 1 eur = 79.91 inr 1 aed = 19.00 inr 1 sar = 18.61 inr 1 kwd = 229.95 inr

Aug / 2018
19
Sunday

മതചടങ്ങുകളും ആഡംബരവും വേണ്ടാത്ത വെജിറ്റേറിയനായ ഒരു പെണ്ണിനെ തേടി നടന്ന എന്നോട് ഫേസ്‌ബുക്കിലൂടെ തന്നെ ഇഷ്ടം അറിയിച്ചത് ഉമ; മൂന്ന് മാസം മിണ്ടിയും സംസാരിച്ചു കഴിഞ്ഞപ്പോൾ വിവാഹിതരാകാൻ തീരുമാനിച്ചു; പുരോഗമന കുടുംബത്തിൽ പോലും യുദ്ധം ആവശ്യമുള്ള ജാതകവും മുഹൂർത്തവും മാലയിടലുമൊക്കെ ഒഴിവാക്കിയത് ഇരുവരും ചേർന്ന്: പരിസ്ഥിതി പ്രവർത്തനത്തിനും അഴിമതി വിരുദ്ധ പോരാട്ടത്തിനും ഊർജ്ജം പകരാൻ പെണ്ണുകെട്ടിയ കഥ മറുനാടനോട് പറഞ്ഞ് ഹരീഷ് വാസുദേവൻ

November 03, 2017 | 12:08 PM IST | Permalink



മതചടങ്ങുകളും ആഡംബരവും വേണ്ടാത്ത വെജിറ്റേറിയനായ ഒരു പെണ്ണിനെ തേടി നടന്ന എന്നോട് ഫേസ്‌ബുക്കിലൂടെ തന്നെ ഇഷ്ടം അറിയിച്ചത് ഉമ; മൂന്ന് മാസം മിണ്ടിയും സംസാരിച്ചു കഴിഞ്ഞപ്പോൾ വിവാഹിതരാകാൻ തീരുമാനിച്ചു; പുരോഗമന കുടുംബത്തിൽ പോലും യുദ്ധം ആവശ്യമുള്ള ജാതകവും മുഹൂർത്തവും മാലയിടലുമൊക്കെ ഒഴിവാക്കിയത് ഇരുവരും ചേർന്ന്: പരിസ്ഥിതി പ്രവർത്തനത്തിനും അഴിമതി വിരുദ്ധ പോരാട്ടത്തിനും ഊർജ്ജം പകരാൻ പെണ്ണുകെട്ടിയ കഥ മറുനാടനോട് പറഞ്ഞ് ഹരീഷ് വാസുദേവൻ

അർജുൻ സി വനജ്

കൊച്ചി: ആഡംബര രഹിതവും മത ചടങ്ങുകൾ ഒഴിവാക്കിയുമുള്ള വിവാഹം കഴിഞ്ഞതിന്റെ സന്തോഷത്തിലാണ് യുവ പരിസ്ഥിതി പ്രവർത്തകൻ ഹരീഷ് വാസുദേവും ഭാര്യ ഉമ വാസുദേവും. കുറഞ്ഞ കാലം കൊണ്ട് പരിസ്ഥിതി പ്രവർത്തന മണ്ഡലത്തിൽ തന്റേതായ സ്ഥാന നേടിയെടുത്ത ഹരീഷ് ഒക്ടോബർ 30 നാണ് സ്പെഷ്യൽ മാര്യേജ് ആക്ട് പ്രകാരം നീലേശ്വരം സബ് രജിസ്റ്റാർ ഓഫീസിൽ വെച്ച് രാവിലെ 10 ന് വിവാഹം ചെയ്തത്. വിവാഹത്തിന് ശേഷം കൊച്ചിയിലെത്തിയ ഇരുവരും മറുനാടൻ മലയാളിയോട് സംസാരിച്ചു, ജീവിതത്തിലെ പ്രണയത്തെക്കുറിച്ചും, വിവാത്തെക്കുറിച്ചുള്ള സങ്കൽപ്പങ്ങളെക്കുറിച്ചും.

വിവാഹം എല്ലാവരുടേയും ജീവിതത്തിലെ വലിയൊരു ഈവന്റ് ആണല്ലോ. എനിക്കും അതിന്റേതായ തന്തോഷമുണ്ട്. എക്സൈറ്റ്മെന്റ് ഉണ്ട് രജിസ്റ്റർ മാര്യേജ് വേണമെന്നൊരു ആഗ്രഹം ഉണ്ടായിരുന്നു പണ്ട് തൊട്ടേ മനസ്സിൽ. കല്ല്യാണത്തിന് എന്തെങ്കിലും ഡിമാന്റ് ഉണ്ടോയെന്ന് ചോദിച്ചാൽ അത് മാത്രമായിരുന്നു. ആഡംബരം പാടില്ല. കഴിയാവുന്നത്ര ലളിതം ആക്കണം, മതപരമായ ചടങ്ങുകൾ പാടില്ല, എന്നതായിരുന്നു മറ്റ് ഡിമാന്റുകൾ. അത് എന്റെ വീട്ടുകാരും ഭാര്യയുടെ വീട്ടുകാരും സമ്മതിച്ചു. ഞാൻ എറണാകുളത്ത് ആണെങ്കിലും അച്ഛനും അമ്മയും നീലേശ്വരത്താണ്. എല്ലാ അഡ്രസ്സുകളും നീലേശ്വരത്താണ്. അതുകൊണ്ട് നീലേശ്വരം സബ് രജിസ്റ്റാർ ഓഫീസിൽ വെച്ച് വിവാഹം കഴിക്കാൻ തീരുമാനിച്ചു. അത് വളരെ എളുപ്പം കഴിഞ്ഞു. അപ്പോ അതിന്റെ വലിയൊരു സന്തോഷം ഉണ്ട്. ഹരീഷ് വാസുദേവൻ പറഞ്ഞു.

ഭാര്യയുടെ പേര് ഉമാ വാസുദേവൻ എന്നാണ്. കല്ല്യാണ ആലോചനകൾ കുറച്ച് കാലമായി വീട്ടുകാർ നടത്തുന്നുണ്ടായിരുന്നു. പെൺകുട്ടി വെജിറ്റേറിയൻ ആകണമെന്ന ഡിമാന്റും ഞാൻ മുന്നോട്ട് വെച്ചിരുന്നു. ഒരിക്കൽ ഇതറിഞ്ഞപ്പോൾ ഉമ തന്നെ എന്നെ കോൺടാക്ട് ചെയ്യുകയായിരുന്നു. ഒരു വർഷത്തിലധികമായി എന്നെ ഫേസ്‌ബുക്കിൽ ഫോളോ ചെയ്യുന്നുണ്ടായിരുന്നു. ഇങ്ങനെ ഒരു ആലോചനയുണ്ടെന്ന് കേട്ടുയെന്ന് പറഞ്ഞു, തുടർന്ന് പരിചയപ്പെട്ടു, ഏതാണ്ട് രണ്ട് മൂന്ന് മാസക്കാലം സമയമെടുത്തു പരസ്പ്പരം കാണാനും സംസാരിക്കാനും. വളരെ വിശദമായി സംസാരിച്ചതിന് ശേഷമാണ് ഇങ്ങനെയൊരു തീരുമാനത്തിലേക്ക് എത്തിയത്. പ്രേമിക്കാനൊന്നും അധികം സമയം കിട്ടിയിട്ടില്ല, ഞങ്ങളുടെ തീരുമാനമായിരുന്നു ഒന്നിച്ചു ജീവിക്കുകയെന്നത്.

അത് വീട്ടുകാര് വളരെ സന്തോഷത്തോടെ സമ്മതിക്കുകയും ചെയ്തു. കണ്ടുമുട്ടി ഏതാണ്ട നാലുമസത്തിനകം വിവാഹം കഴിക്കാനുള്ള തീരുമാനമെടുത്തു. ഉമ പ്രൊഫഷണലി ഒരു ആയുർവേദ ഡോക്ടറാണ്. തിരുവനന്തപുരം ആയുർവേദ കോളേജിലാണ് പഠിച്ചതൊക്കെ. അത് കഴിഞ്ഞ് പോണ്ടിച്ചേരി ജിബ്മാറിൽ പബ്ലിക്ക് ഹെൽത്തിൽ പിജി ചെയ്യാൻ വേണ്ടി ചേർന്നു. ആ സമയത്താണ് ഞങ്ങൾ പരിചയപ്പെടുന്നത്. ഇപ്പോൾ കോഴ്സ് കഴിഞ്ഞു, ഫസ്റ്റ് റാങ്ക് കിട്ടി, കല്ല്യാണത്തിന്റെ രണ്ട് ദിവസം മുമ്പായിരുന്നു റാങ്ക് ലഭിച്ചതിന്റെ ചടങ്ങ്, പക്ഷെ അതിന് പോകാൻ പറ്റിയില്ല. പിജി പൂർത്തിയാക്കിയപ്പോൾ മുതൽ തിരുവനന്തപുരത്ത് ജോലിയക്ക് കയറിയിരുന്നു. ഇപ്പോൾ അത്േ വിട്ടു, ഇപ്പോൾ കൊച്ചിയിൽ എന്റെ കൂടെയുണ്ട്. മറ്റൊരു ജോലി കണ്ടെത്താനുള്ള ശ്രമത്തിലാണ്. ഇനി വേണം യഥാർത്ഥത്തിൽ ഒന്നുപ്രേമിക്കാൻ. കല്ല്യാണത്തിന് മുമ്പ് പ്രേമിക്കുന്നത് പോലെ, ഇനിയാണല്ലോ, പ്രേമം കണ്ടിന്യൂ ചെയ്യേണ്ടത്....? ഇനി പ്രേമിക്കാമെന്നുള്ള പ്രതീക്ഷയിലാണ്. ഹരീഷ് അൽപം ചിരിയോടെ പറഞ്ഞു.

ഞാൻ എൻഗേജിഡ് ആയപ്പോൾ ഫേസ്‌ബുക്കിൽ സ്റ്റാറ്റസ് ചെയിഞ്ച് ചെയ്തിരുന്നു. കല്ല്യാണം വളരെ പേഴ്സണലായിട്ടുള്ള കാര്യമാണ്. പിന്നെ കഴിഞ്ഞ പത്ത് വർഷക്കാലമായിട്ട് കേരളത്തിൽ അങ്ങോളമിങ്ങോളം പല വിഷയങ്ങളിലും ഇടപെട്ടത്കൊണ്ട് തന്നെ, കല്ല്യാണത്തിന് ചുരുങ്ങിയത് ഒരു അയ്യായിരം പേരെയെങ്കിലും വിളിക്കേണ്ടി വരും. രണ്ടാമത്തെ കാര്യം അതങ്ങനെ സെലിബ്രേറ്റ് ചെയ്യപ്പെടേണ്ട കാര്യമായി എനിക്ക് ഇതുവരെ തോന്നിയിട്ടില്ല. നമ്മുക്ക് വളരെ അടുത്തറിയുന്ന, നമ്മളെ അറിയുന്ന ആളുകളെ മാത്രം വിളിക്കുകയെന്നത് മാത്രമായിരുന്നു പണ്ട് മുതലേ കല്ല്യാണത്തെക്കുറിച്ചുള്ള സങ്കൽപ്പത്തിൽ ഉണ്ടായിരുന്നുള്ളു. മാത്രമല്ല, സോഷ്യൽ മീഡിയക്ക് എല്ലാം ഒരു ആഘോഷമാണല്ലോ, അത് നെഗറ്റീവ് ആയിട്ടുംകാണും പോസിറ്റീവ് ആയിട്ടും കാണും.

ഞാൻ ഇതിന്റെ രണ്ട് വശങ്ങളും കണ്ടിട്ടുണ്ട്. സ്നേഹിക്കുന്നതും കണ്ടിട്ടുണ്ട്, എന്തെങ്കിലും വീഴ്ച പറ്റിയാൽ ട്രോളി കൊല്ലുന്നതും കണ്ടിട്ടുണ്ട്. പിന്നെ സോഷ്യൽ മീഡിയയില് ആഘോഷിക്കേണ്ടകാര്യമായി തോന്നിയില്ല, പ്രത്യേകിച്ച് ഭാര്യ, സോഷ്യൽ മീഡിയയിൽ ആക്ടീവ് ഒന്നുമല്ല, അവർക്കും അവരുടേതായ സ്വകാര്യത വേണമെന്ന് തോന്നി. അതുകൊണ്ടാണ് തിയതി പരസ്യമായി ഡിക്ലയർ ചെയ്യാതിരുന്നത്. അടുത്ത സുഹൃത്തുക്കൾക്ക് എല്ലാം അറിയാമായിരുന്നു. ഇപ്പോഴുള്ള വലിയൊരു വെല്ലുവിളി എന്താണെന്ന് വെച്ച കല്ല്യാണം രജിസ്റ്റർ ഓഫീസിൽ വച്ചായത്കൊണ്ട്, വലിയൊരു ടെൻഷൻ ഉണ്ട്. മറ്റ് കല്ല്യാണങ്ങൾക്കുള്ള സൗകര്യം എന്നത് ഒരു വിളക്കും നാലുപേരും ഉണ്ടെങ്കിൽ കാര്യങ്ങൾ ഓകെ.

പക്ഷെ സർക്കാരിന്റെ രീതിയിൽ വിവാഹം കഴിക്കണമെങ്കിൽ വിവാഹം രജിസ്റ്റർ ചെയ്ത് പിന്നീടുള്ള മുപ്പത് ദിവസവും, നമ്മൾ വിവാഹം കഴിച്ചതിൽ പരാതിയുണ്ടോയെന്ന്, സ്വഭാവികമായിട്ടും എനിക്ക് ശത്രുക്കളുടെ എണ്ണത്തിന് യാതൊരു കുറവുമില്ല. ഒരു കല്ല്യാണം മുടക്കേണ്ട വകുപ്പുകൾ നമ്മൾ ശത്രുക്കൾ ആക്കിവെച്ചവരിൽ നിന്ന് ഉണ്ടാകാനുള്ള സാധ്യതകൾ ഉണ്ട്. പലർക്കും പണി കൊടുത്തിട്ടുള്ളതുകൊണ്ട് തിരിച്ചും ഒരു പണി ഞാനും പ്രതീക്ഷിക്കുന്നുണ്ട്. അത്തരത്തിൽ ഒരു പരാതി വന്നാൽ പോലും കല്ല്യാണം വിചാരിച്ച തിയതിയിൽ നടന്നെന്നു വരില്ല. ഇക്കാര്യം രണ്ട് വീട്ടുകാരേയും ബോധ്യപ്പെടുത്താനും കുറച്ച് സമയമെടുത്തു, അതിനാലാണ് ഒരു പബ്ലിക്ക് ഡിക്ലറേഷൻ നടത്താതിരുന്നത്.

കല്ല്യാണം കഴിക്കാൻ വേണ്ടി മാത്രം കടക്കാരാകുന്ന മനുഷ്യർ ഉള്ള സ്ഥലമാണ് കേരളം. പലപ്പോഴും പത്രവാർത്തകളിൽ കാണാം, വധുവിന് ആവശ്യത്തിന് സ്വർണം ഇല്ലാത്തതിന് വരൻ ഉപേക്ഷിച്ചു എന്നൊക്കെ, കല്ല്യാണം കഴിഞ്ഞ വീടുകളും കടക്കാരാകുന്ന കാഴ്ചകളും കാണാറുണ്ട്. മകളുണ്ട് കെട്ടിക്കാൻ എന്ന് പലരും ബാധ്യതയായി കാണുന്ന പൊതു സമൂഹമാണ് ഇന്നത്തേത്. അതുകൊണ്ട് കല്ല്യാണം മറ്റെല്ലാ ചടങ്ങ് പോലേയും സ്വകാര്യമായി ചെയ്യാൻ കഴിയുന്ന ഒന്നാണ്. നമ്മൾ പുതിയൊരാളുമായി ജീവിക്കുന്നു. പക്ഷെ സുഹൃത്തുക്കളുമായുള്ള സന്തോഷം പങ്കിടണം എന്നാണ് അവരുടെ നിർബന്ധം കൊണ്ട് മാത്രം വിചാരിക്കുന്നത്. അതുകൊണ്ട് ഞാറാഴ്ച അടുത്ത സുഹൃത്തുക്കൾക്കായി കലൂരിൽ വിരുന്നോരുക്കിയിട്ടുണ്ട്. ഒപ്പം നീലേശ്വരം മുനിസിപ്പാലിറ്റിയിലെ ഒരു കാര്യവും കൂടി പറയാം. മുനിസിപ്പാലിറ്റിയിലെ ടെക്നിക്കൽ കമ്മിറ്റി അംഗമാണ് ഞാൻ.

മാനിന്യ സംസ്‌ക്കരണത്തിന്റെ കാര്യങ്ങൾ ചർച്ചചെയ്തപ്പോൾ വിവാഹവുമായി ബന്ധപ്പെട്ടാണ് ഏറ്റവുമധികം മാലിന്യം ഉണ്ടാകുന്നത്. അതുകൊണ്ട് സ്റ്റീൽ പാത്രങ്ങളും ഗ്ലാസ്സുകളും ഇല്ലാത്ത കല്ല്യാണ മണ്ഡപങ്ങളുടെ അംഗീകാരം റദ്ദ് ചെയ്യാൻ തീരുമാനിച്ചതിന് ശേഷം നടന്ന ആദ്യ വിവാഹമാണ് ഞങ്ങളുടേത്. അതുകൊണ്ട് പരമാവധി വേസ്റ്റ് ഉണ്ടാകാത്ത നിലയിലായിരുന്നു ഞങ്ങളുടെ വിവാഹം. പിന്നെ, മതത്തിന്റെ വലിയൊരു പിടിയുള്ള കാലഘട്ടത്തിൽ എല്ലാവരേയും പറഞ്ഞ് മനസ്സിലാക്കി, മതാചാരാങ്ങൾ ഇല്ലാത്ത വിവാഹം നടത്തുകയെന്നത് വല്ല്യ ഒരു വെല്ലുവിളിതന്നെയായിരുന്നു. ബന്ധുക്കളും നാട്ടുകാരും ആദ്യം കേൽക്കും നല്ല കാര്യം എന്ന് പറയും, പക്ഷെ കാര്യത്തോട് അടുക്കുമ്പോളാണ് പ്രശ്നം, പൂർണ്ണമായും മതപരമായ ചടങ്ങ് ഒഴിവാക്കി, ജാതകം, നോക്കാതെ, മുഹൂർത്തം നോക്കാതെ നടന്ന വിവാഹമാണ് ഞങ്ങളുടേത്. അവനവന്റെ കാര്യങ്ങളിൽ റിസ്‌ക് എടുക്കാൻ തയ്യാറാവാത്തവരാണ് ഭൂരിപക്ഷവും, അപ്പോ ഇങ്ങനൊരു റിസ്‌ക് എടുത്തതിലെ സന്തോഷം ഉണ്ട്. വിവാഹത്തിന് ശേഷം എല്ലാവരും അഭിനന്ദിച്ചു. ഹരീഷ് കൂട്ടിച്ചേർത്തു.

എന്റെ നിലപാടുകളോട് യോജിക്കുന്ന ആളാണ്, എല്ലാത്തിനേയും പിന്തുണയ്ക്കുന്ന ആളാണ് ഉമ. ഒരുമിച്ച് ജീവിക്കാൻ തീരുമാനിച്ചു എന്നതിനപ്പുറത്ത് ഇപ്പോൾ മറ്റൊരു കാര്യത്തിലും ഇതുവരെ തീരുമാനമെടുത്തിട്ടില്ല. അതല്ലൊം അതിന്റേതായ കാലഘട്ടത്തിൽ തീരുമാനിക്കാം എന്നാണ് തീരുമാനം. പിന്നെ പ്ലാൻ ചെയ്തത് പോലെയല്ല്, ഇതുവരെ ജീവിതത്തിൽ നടന്നതൊന്നും. എൽ.എൽ.ബി എടുത്തത്് പോലും സാഹചര്യത്തിന്റെ സമ്മർദ്ദത്തിലാണ്. മുഖ്യമന്ത്രിയെ കണ്ടു ക്ഷണിച്ചിരുന്നു. കല്ല്യാണത്തിന്റെ പിറ്റെ ദിവസമായിരുന്നു നീലേശ്വരം പാർട്ടി ഓഫീസിന്റെ ഉദ്ഘാടനം.

 

അത് കഴിഞ്ഞ് തിരക്കിട്ട് പോകുന്നതിന്റെ ഇടയിലാണ് മുഖ്യമന്ത്രി വീട്ടിൽ വന്നത്. വീടിന് അകത്ത് കയറി ചായകുടിക്കാനുള്ള സമയം പോലും ഉണ്ടായിരുന്നില്ല, മുറ്റത്ത് വച്ചാണ് രണ്ടുപേരേയും കണ്ട് ആശംസനേർന്നത്. ആയുർവേദ ഡോക്ടറെ കിട്ടിയതുകൊണ്ട് പരിസ്ഥിതി പ്രവർവർത്തനത്തിൽ കൂട്ടായല്ലോ, ആയുർവേദവും പരിശ്തിതിയുടെ ഭാഗമാണല്ലോ എന്നും പറഞ്ഞാൻ സഖാവ് മടങ്ങിയത്. അദ്ദേഹത്തിന് കൊടുക്കാനായി വാങ്ങിവെച്ച ചുമന്ന ലഡുവും നൽകാനുള്ള സമയം കിട്ടിയില്ല. അഞ്ച് മിനുറ്റുകൊണ്ട് വളരെയധികം ചിരിച്ച് സംസാരിച്ച്, തമാശയെല്ലാം പറഞ്ഞാണ് അദ്ദേഹം പോയത്.

പരിസ്ഥിതി വിഷയങ്ങളുടെ പേരിൽ വല്ലാതെ ഞാൻ അദ്ദേഹത്തെ വിമർശിച്ചിട്ടുണ്ട്. പ്രത്യേകിച്ച് തോമസ് ചാണ്ടി വിഷയത്തിൽ പലപ്പോൾ എന്റെ വിമർശനങ്ങൾ അതിര് കടന്നുപോയിട്ടുണ്ടെന്ന് സ്വയം വിലയിരുത്തപ്പെട്ടതാണ്. മുഖ്യമന്ത്രിയെപ്പോലൊരാൾ വന്ന് ആശംസനേർന്നതിൽ വലിയ സന്തോഷവും ത്രില്ലും ഉണ്ട്്. പിന്നെ റവന്യു മന്ത്രി വന്നിരുന്നു. മന്ത്രി പിന്നെ ഞങ്ങളുടെ നാട്ടുകാരനാണ്, പണ്ട് മുതലേ ഞങ്ങൾ ചന്ദ്രേട്ടാ എന്ന് വിളിച്ചുവന്നയാൾ. രാഷ്ട്രീയ നിലപാടുകൾ വെറെ വ്യക്തി ബന്ധം വേറെ എന്ന നിലപാടാണ് വന്നവരിൽ എല്ലാവരിലും ഉണ്ടായിരുന്നത്. പിന്നെ എല്ല്ാ ക്വറിക്കാരും നമ്മളോട് വലിയ വിരോധം ഉള്ളവരാണെങ്കിലും, കോടതിയിൽ വെച്ച് കാണുമ്പോൾ സൗഹൃദം കാണിക്കാറുള്ളവരാണ്. നമ്മൽ പറയുന്നതിൽ പലപ്പോഴും കാര്യമുണ്ടെന്ന് അവർ തന്നെ പറയും, പക്ഷെ അവർക്ക് പണമുണ്ടാക്കാൻ വേറെ വഴിയറിയാത്തതുകൊണ്ട് പലപ്പോഴും ചെയ്യുന്നതാ. പെർമനന്റ് ശത്രുത ആർക്കും ഇതുവരെ തോന്നിയിട്ടില്ല, വീട്ടിൽ ഒക്കെ എല്ലാവരും ചോദിക്കാറുണ്ട്, മുഖ്യമന്ത്രിയെ ഒക്കെ ഇങ്ങനെ വിമർശിച്ചാൽ ടിപി ചന്ദ്രശേഖരന്റെ അവസ്ഥ ആകില്ലേയെന്ന്. അവരോട് പറയും ഭരണാധികാരികൾ പൊതുവെ ഇത്തരം വിമർശനങ്ങളെ പോസിറ്റീവ് ആയി കാണുന്നവരാണെന്ന്. മാത്രമല്ല, പരിസ്ഥിതിയുടെ കാര്യത്തിൽ ഏറ്റവും വലിയ ശത്രുക്കൾ പോലും വർഷങ്ങൾക്ക് ശേഷം പറയും, നിങ്ങൾ പറയുന്നതിൽ കാര്യമുണ്ട്, ഇതൊക്കെയില്ലെങ്കിൽ വെള്ളം കുടിച്ച് ജീവിക്കാൻ വല്ല്യാപാടാണ് കുറച്ച് നാൾ കഴിയുമ്പോൾ എന്ന്. അപ്പം അത് വലിയ പോസിറ്റീവ് ആയ കാര്യമാണ്. ഹരീഷ് വിശദീകരിച്ചു.

ഹൈക്കോടതി അഭിഭാഷകൻ ആയതിന് ശേഷം സത്യത്തിൽ വീട്ടിൽ പശുവിനെ വാങ്ങിയ പോലെയാണ്. തിങ്കൾ മുതൽ വെള്ളിവരെ കോടതിയുണ്ടാകും, ശനിയും ഞായറുമാണ് അവധി, ശനി കക്ഷികൾക്ക് വേണ്ടിയുള്ള ദിവസമാണ്. ഞായറാണ് ആകെ കിട്ടുക, അന്ന് പോകാൻ പറ്റുന്ന സ്ഥലത്ത് പോകണം എന്നാണ് കരുന്നത്. പിന്നെ കോടതി വെക്കേഷൻ കാലത്ത് പോകണം. നെല്ലിയാമ്പതി പോലുള്ള പരിസ്ഥിതിക്ക് എറെ പ്രാധാന്യമുള്ള സ്ഥലങ്ങളിൽ പോകണമെന്നാണ് ആഗ്രഹിക്കുന്നത്. ഹരീഷ് പറഞ്ഞുനിർത്തി.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
രക്ഷാപ്രവർത്തനത്തിന് ഹെലികോപ്ടർ എത്തിയാൽ വീടുതകരുമെന്ന് ഭയം; ചെങ്ങന്നൂർ ശ്രീ അയ്യപ്പ കോളേജ് ഹോസ്റ്റലിൽ കുടുങ്ങിയ പെൺകുട്ടികൾക്ക് നേരേ ഒരുകൂട്ടം സ്ത്രീകളുടെ ആക്രമണം; പ്രളയദുരന്തത്തിനിടെയുണ്ടായ സംഭവത്തിൽ ലജ്ജിച്ച് തലതാഴ്‌ത്തി നാട്ടുകാർ; സംഭവത്തിൽ നടുക്കം രേഖപ്പെടുത്തി വ്യോമസേന; കർശന നടപടിയെന്ന് മുഖ്യമന്ത്രി
'ഒരു കുപ്പി വെള്ളം നൽകണേ'.....സഹായവുമായി ബോട്ടുകൾ എത്തുമ്പോൾ നാനാഭാഗത്തു നിന്നും കേട്ടത് ഈ നിലവിളി; കുട്ടികളുൾപ്പടെ പട്ടിണിയിലായി നിരവധി പേർ; രക്ഷാ ദൗത്യത്തിന് സന്നദ്ധരായി മത്സ്യത്തൊഴിലാളികളെത്തുമ്പോൾ അകറ്റി നിർത്തുന്നവർ അതിലുമേറെ; മഹാപ്രളയത്തിൽ രക്ഷപ്പെട്ടവർ അരലക്ഷത്തിലേറെ; ഒറ്റപ്പെട്ടവരുടെ കൃത്യമായ എണ്ണവും കണ്ടെത്താനായിട്ടില്ല; പ്രളയം മുക്കിയ ചെങ്ങന്നൂരിൽ നിന്ന് മറുനാടൻ ലേഖകൻ കണ്ട കാഴ്ചകൾ ഇങ്ങനെ
പ്രളയദുരിതാശ്വാസത്തിൽ കൈയ്‌മെയ് മറന്ന് പരിശ്രമിക്കുന്നത് കടലിന്റെ മക്കൾ തന്നെ; മത്സ്യത്തൊഴിലാളികൾ രക്ഷാദൗത്യത്തിന് ഇറങ്ങിയില്ലായിരുന്നെങ്കിൽ മരണസംഖ്യ ഇനിയും ഏറിയേനെയെന്ന് തുറന്നുസമ്മതിച്ച് അധികൃതർ; ദുരന്തമുഖമായ ചെങ്ങന്നൂരിൽ ഒറ്റപ്പെട്ടയിടങ്ങൾ ഇനിയുമേറെ; ഞായറാഴ്ചയോടെ എല്ലായിടത്തും എത്താൻ കഴിയുമെന്ന് പ്രതീക്ഷ; രണ്ടുദിവസത്തിനുള്ളിൽ 22 പേർ മരിച്ചതായി സ്ഥിരീകരിക്കാത്ത റിപ്പോർട്ടുകൾ; മേഖലയിൽ നിന്ന് ശനിയാഴ്ച രക്ഷിച്ചത് 7500 ഓളം പേരെ
പുറത്താക്കൂ പിണറായീ.... പ്രളയത്തിനിടെ സുഖിക്കാൻ ജർമ്മനിക്ക് പോയ ഈ മന്ത്രിയെ; ഒപ്പം കൂടിയ ഇ ടി മുഹമ്മദ് ബഷീറിന്റെ എംപി സ്ഥാനം ലീഗ് തിരിച്ചെടുക്കണം; റോമാ നഗരം കത്തിയെരുയുമ്പോൾ വീണവായിച്ച ചക്രവർത്തിമാരുടെ കേരള പതിപ്പ് ഇനി ആവർത്തിച്ചുകൂടാ; ജനങ്ങൾ പട്ടണികിടന്നും വെള്ളംകിട്ടാതെയും മരിക്കുമ്പോൾ സുഖവാസത്തിന് പോയവരെ ഒറ്റപ്പെടുത്തുക
ഈ ദുരന്തത്തിൽ നിന്നും കേരളം പൂർണ്ണമായും തിരിച്ചുവരാൻ ചുരുങ്ങിയത് അഞ്ചു വർഷമെങ്കിലും എടുക്കും; ഈ ലോക മാധ്യമ ശ്രദ്ധ ഒക്കെ ഒരാഴ്ചയേ കാണൂ; ദുരന്തത്തിൽ അകപ്പെട്ടവർക്ക് ഇതൊരു ജീവിതകാല വെല്ലുവിളിയാണ്; കഴിഞ്ഞ ഒരാഴ്‌ച്ചയായി എന്റെ കണ്ണും മനസ്സും കേരളത്തിൽ തന്നെയാണ്; ടിക്കറ്റ് കിട്ടിയാൽ ഉടൻ 'ഫുൾ ഫിഗറും' കേരളത്തിൽ ഉണ്ടാകും; മുരളി തുമ്മാരുകുടി എന്താണ് ചെയ്യുന്നതെന്ന് ചോദിക്കുന്നവരോട്
ചെങ്ങന്നൂരിലെ ആശങ്ക മാറിയിട്ടുണ്ട്, സൈന്യം മാത്രമായി ഒരു ദുരിതാശ്വാസ പ്രവർത്തനവും ഒരിടത്തും നടത്തിയിട്ടില്ല; സിവിൽ ഭരണകൂടവുമായി ചേർന്നാണ് ഇത്തരം ദൗത്യങ്ങൾ പൂർത്തീകരിച്ചത്; രക്ഷാ ദൗത്യത്തിന് എല്ലാവരും ഒരുമിച്ച് നിൽക്കണം; രക്ഷാപ്രവർത്തനം ലക്ഷ്യത്തോട് അടുക്കുന്നു; കേന്ദ്രസേന നല്ലരീതിയിൽ സഹായിച്ചു; ജനങ്ങളെ പരിഭ്രാന്തരാക്കുന്നത് ആരായാലും അംഗീകരിക്കാൻ സാധിക്കില്ല; ഭക്ഷ്യക്ഷാമം ഉണ്ടെന്നത് തെറ്റായ പ്രചരണം: പ്രളയരക്ഷാദൗത്യത്തിൽ വീഴ്‌ച്ചയെന്ന ആരോപണങ്ങൾക്ക് മറുപടിയുമായി മുഖ്യമന്ത്രി
മരണം മുന്നിൽ കണ്ട് നാല് ദിവസമായി ഒറ്റപ്പെട്ട് കഴിയുന്നവർ പോലും രക്ഷാ ഹെലികോപ്ടറുകളിൽ കയറുന്നില്ല; 70 പേരെ ഉൾക്കൊള്ളാവുന്ന ഹെലികോപ്ടറിൽ കയറിയത് മൂന്ന് പേർ മാത്രം; വെള്ളം കുറഞ്ഞപ്പോൾ കാഴ്‌ച്ച കാണാൻ ആളുകൾ തടിച്ചു കൂടിയയത് രക്ഷാദൗത്യത്തിനും തടസമാകുന്നു; രക്ഷാപ്രവർത്തനത്തിന് ബോട്ടു വിട്ടുനൽകാൻ മടിച്ച് ബോട്ടുടമകളും: ദുരിത മുഖത്ത് മലയാളികളുടെ ചില മോശം പ്രവണതകൾ ഇങ്ങനെ
ഹോട്ടലുടമകൾ സൗജന്യമായി ഭക്ഷണം നൽകി; ലൈറ്റ് സൗണ്ടുകാർ ഉപകരണങ്ങൾ നൽകി, ടെക്സ്റ്റൈൽസ് ഉടമകൾ വസ്ത്രങ്ങൾ നൽകി; ആംബുലൻസുകളും സമാന്തര വാഹനങ്ങളും രാത്രിയുറങ്ങാതെ വിളികൾക്കായി കാതോർത്തു നിന്നു; മത്സ്യത്തൊഴിലാളികൾ രക്ഷാ പ്രവർത്തനത്തിനായി ബോട്ടുകളും വള്ളങ്ങളും വിട്ടുനൽകിയതും സ്വമേധയാ; പേമാരിയിൽ രാവും പകലുമില്ലാത്ത യുവാക്കൾ കർമ്മരംഗത്ത്; സമ്പൽ സമൃദ്ധമായ ദുരിതാശ്വാസ ക്യാമ്പുകളുമായി മലപ്പുറത്ത് സുമനസ്സുകൾ കൈകോർത്തത് ഇങ്ങനെ
ഇവരെ ഭൂമിയിലെ ദൈവ ദൂതന്മാർ എന്ന് വിളിക്കാം; രാഷ്ട്രീയക്കാരും ഉദ്യോഗസ്ഥരും തിരഞ്ഞുനോക്കാത്ത പ്രദേശത്തേക്ക് സ്വന്തം ചെലവിൽ എണ്ണയടിച്ച് രക്ഷാപ്രവർത്തകരായത് വൈപ്പിനിലെ മൽസ്യത്തൊഴിലാളികൾ; ഭക്ഷണം നൽകുന്നത് കാക്കനാട്ടെ ഒരു സംഘടന; ബസ് പോകുന്ന റൂട്ടിൽ കഴുത്തറ്റം വെള്ളം; അധികൃതർ ആരെയും ഇവിടെക്ക് കാണാനില്ലെന്ന് രോഷത്തോടെ നാട്ടുകാർ; ഭക്ഷണത്തിനും വെള്ളത്തിനും കടുത്തക്ഷാമം; പ്രളയജലത്തിലൂടെ മറുനാടൻ ലേഖകന്റെ വരാപ്പുഴയാത്ര ഇങ്ങനെ
മഴക്കെടുതിയിൽ പെട്ട മല്ലികാ സുകുമാരനെ ക്രൂരമായി അവഹേളിച്ച് സൈബർ ട്രോളുകൾ; മകന്റെ ലംബോർഗനി കാർ കൊണ്ട് വരാൻ റോഡ് ശരിയല്ല എന്ന് തള്ളിയ അമ്മയാണ് അണ്ടാവിൽ കയറി യാത്ര ചെയ്യുന്നതെന്ന് അപമാനിച്ച് ട്രോളുകൾ; പ്രകൃതിക്ക് മുന്നിൽ പണത്തിന്റെ അഹങ്കാരത്തിന് പുല്ലുവില; ഇപ്പോൾ പറയാൻ പാടില്ലെങ്കിലും ചിലത് പറയാതെ വയ്യെന്ന് കളിയാക്കലുകൾ; കുണ്ടമൺകടവിലെ പൃഥ്വിയുടെ വീട്ടിൽ സംഭവിച്ചത് എന്ത്?
സഹപാഠികളും ബന്ധുക്കളുമായ ഡോക്ടർമാരുടെ മരണകാരണം അമിത ഡോസിലുള്ള മരുന്നുപയോഗം; അനസ്‌തേഷ്യാ സ്‌പെഷ്യലിസ്റ്റുകളുടേത് ആത്മഹത്യയെന്ന പ്രാഥമിക നിഗമനം; യുവതി ഗർഭിണിയെന്നും സ്ഥിരീകരണം; കുടുംബാംഗങ്ങളെ മൊഴി എടുത്ത് തുമ്പുണ്ടാക്കാൻ മനാമാ പൊലീസ്; ഡോ ഇബ്രാഹിം റാവുത്തരുടേയും ഡോ ഷംലീന മുഹമ്മദ് സലിമിന്റേയും മരണത്തിലെ പൊരുൾ തേടി അന്വേഷണം
തമിഴ് നാട്ടിലും കർണാടകത്തിലും ആന്ധ്രയിലും പെയ്യാത്ത മഴയെന്ത് കേരളത്തിൽ മാത്രം? 18 മലകളുടെ അധിപനായ ധർമ്മശാസ്താവ് അതിന്റെ പരിശുദ്ധിക്കു കളങ്കം വരുത്തുവാൻ ശ്രമിച്ച അവിശ്വാസികൾക്ക് നൽകുന്ന മുന്നറിയിപ്പാണ് ഈ പെരുമഴ; 18 തികഞ്ഞ സ്ത്രീകളെ കയറ്റാൻ ശ്രമിക്കുന്നവരോട് അയ്യപ്പൻ പറയുന്നത് ആരും തന്നെ കാണാൻ വരേണ്ട എന്നാണ്; ശബരിമല ക്ഷേത്രത്തിൽ ചടങ്ങുകൾ പോലും മുടങ്ങിയതോടെ സ്ത്രീ പ്രവേശന വിഷയം ആയുധമാക്കി വിശ്വാസികൾ; തന്ത്രിക്ക് പോലും എത്താനാകാത്ത അവസ്ഥ സോഷ്യൽ മീഡിയ ചർച്ചയാക്കുമ്പോൾ
ഇടയനോടൊപ്പം ഒരു ദിവസം എന്ന പേരിൽ പ്രാർത്ഥന നടത്തിയും മെത്രാൻ കന്യാസ്ത്രീകളെ പീഡിപ്പിച്ചു; ഒരു ദിവസം എന്ന് പറഞ്ഞാൽ രാത്രിയും ഉൾപ്പെടുമെന്ന് പറഞ്ഞ് അരമനയിലേക്ക് അർദ്ധരാത്രിയും കന്യാസ്ത്രീകളെ വിളിപ്പിച്ചു; പ്രലോഭനങ്ങളിൽ വീഴാത്ത ജലന്ധർ മഠത്തിലെ കന്യാസ്ത്രീകളും പീഡകനെതിരെ മൊഴി കൊടുത്തതോടെ നാണക്കേട് കൊണ്ട് തല താഴുന്നുന്നത് സംരക്ഷിക്കാൻ ശ്രമിച്ച കത്തോലിക്കാ സഭ; കുമ്പസാര രഹസ്യത്തിന് പിന്നാലെ പ്രാർത്ഥനാലയവും ലൈംഗിക ചൂഷണത്തിന് ഉപയോഗിക്കുമ്പോൾ ആശങ്കയോടെ വിശ്വാസികൾ
ആന്റണി പെരുമ്പാവൂർ വേശ്യാലയം നടത്തുന്നത് മോഹൻലാലിന്റെ അറിവോടെയെന്ന വ്യാജ പ്രചരണത്തിലൂടെ ശ്രദ്ധ പിടിച്ചു പറ്റി; പെങ്ങന്മാർക്കെതിരെ കുരച്ചാൽ എസ് എഫ് ഐയെ തകർക്കുമെന്ന് വീമ്പു പറഞ്ഞ് താരമായി; പച്ചത്തെറിയുമായി പരിവാറുകാരെ ആക്രമിച്ചു പുരോഗമന വേഷം കെട്ടി; സൈബർ ഗുണ്ടായിസത്തിന്റെ ഉസ്താദായ കോട്ടയത്തെ വ്യാജ മാധ്യമ പ്രവർത്തകയുടെ ശിങ്കിടിയായി തിളങ്ങി; മയക്കുമരുന്ന് കൈവശം വച്ചതിന് പൊലീസ് പൊക്കിയ 'ആക്കിലപ്പറമ്പൻ' സോഷ്യൽ മീഡിയയിലെ വൈറലുകളുടെ സൃഷ്ടാവ്
'ഇടയനോടൊപ്പം ഒരു ദിവസം' തുടങ്ങിയത് 2014ൽ; 18 കന്യാസ്ത്രീകൾ തിരുവസ്ത്രം ഊരിയത് 'എ ഡേ വിത്ത് ഷെപ്പേഡ്' പ്രാർത്ഥനയ്ക്കിടെ മോശം അനുഭവം ഉണ്ടായപ്പോൾ; സ്വകാര്യമായി ചോദിച്ചപ്പോൾ സത്യം പറഞ്ഞ് മുഴുവൻ കന്യാസ്ത്രീകളും; ക്യാമറയ്ക്ക് മുന്നിൽ മൊഴിയെടുത്തപ്പോൾ ബിഷപ്പിനെ പുണ്യാളനാക്കി രണ്ടു പേരും; മഠത്തിലെ കംപ്യൂട്ടറുകളിലെ ഡിജിറ്റൽ തെളിവുകളും ബിഷപ്പിനെതിര്; ഇനി വേണ്ടത് ബെഹ്‌റയുടെ അനുമതി മാത്രം; ബിഷപ്പ് ഫ്രാങ്കോ മുളയ്ക്കൽ അഴിയെണ്ണാതിരിക്കാൻ നെട്ടോട്ടത്തിൽ
കുതിരാനിൽ കുടുങ്ങി ജയറാം; കഴുത്തറ്റം വെള്ളത്തിൽ നിന്നും നീന്തി രക്ഷപ്പെട്ട് ധർമ്മജൻ; ഉടൻ വരുന്ന വെള്ളത്തെ കാത്ത് ടോവിനോ; മുങ്ങിയ വീടിന്റെ ചിത്രം പങ്കുവച്ച് ജോജു; ദിലീപിന്റെ വീടിന് അടുത്തു വരെ വെള്ളം എത്തി; കായലും കടലും കയറി വീട് പണിത താരങ്ങൾക്കെല്ലാം ആശങ്ക; മല്ലികാ സുകുമാരനെ പോലെ ദുരിതം അറിഞ്ഞവരിൽ അനേകം സിനിമാക്കാർ
മഴക്കെടുതിയിൽ പെട്ട മല്ലികാ സുകുമാരനെ ക്രൂരമായി അവഹേളിച്ച് സൈബർ ട്രോളുകൾ; മകന്റെ ലംബോർഗനി കാർ കൊണ്ട് വരാൻ റോഡ് ശരിയല്ല എന്ന് തള്ളിയ അമ്മയാണ് അണ്ടാവിൽ കയറി യാത്ര ചെയ്യുന്നതെന്ന് അപമാനിച്ച് ട്രോളുകൾ; പ്രകൃതിക്ക് മുന്നിൽ പണത്തിന്റെ അഹങ്കാരത്തിന് പുല്ലുവില; ഇപ്പോൾ പറയാൻ പാടില്ലെങ്കിലും ചിലത് പറയാതെ വയ്യെന്ന് കളിയാക്കലുകൾ; കുണ്ടമൺകടവിലെ പൃഥ്വിയുടെ വീട്ടിൽ സംഭവിച്ചത് എന്ത്?
പ്രസംഗിച്ചു കൊണ്ടിരുന്ന മോഹൻലാലിനെ 'വെടി വെക്കാൻ' നടൻ അലൻസിയറിന്റെ ശ്രമം; ഈർഷ്യ മറച്ചുവെക്കാതെ മോഹൻലാൽ പ്രസംഗം തുടർന്നപ്പോൾ മുഖ്യമന്ത്രിയുടെ ശ്രദ്ധ ക്ഷണിച്ചു സ്‌റ്റേജിലിരുന്ന മന്ത്രി എ കെ ബാലൻ; ഗൗരവം ചോർത്താൻ മുഖ്യമന്ത്രി ചിരിച്ചെങ്കിലും ആർക്കും തമാശ തോന്നിയില്ല; വിരലുകൾ തോക്കുപോലെ ആ്ക്കിയുള്ള വെടിക്ക് ശേഷം സ്‌റ്റേജിലെത്തിയ നടനെ തടഞ്ഞു പൊലീസും സുരക്ഷാ ഉദ്യോഗസ്ഥരും: ചലച്ചിത്ര അവാർഡ്ദാന ചടങ്ങിൽ ഇന്നലെ നടന്നത് നാടകീയ രംഗങ്ങൾ
ജെസ്‌ന കേരളത്തിന് പുറത്ത് ജീവിച്ചിരിക്കുന്നു; മുക്കൂട്ടുതറയിൽ നിന്നുള്ള തിരോധാനം ആസൂത്രിതം; കണ്ടെന്ന കഥകൾ അന്വേഷണം വഴി തെറ്റിക്കാനുള്ള നീക്കത്തിന്റെ ഭാഗം; മടിവാളയിലെ ആശ്രയഭവനിൽ കണ്ടുവെന്ന പ്രചാരണത്തിന് പിന്നിൽ ഒന്നാന്തരം തിരക്കഥ; മറുനാടൻ മുൻപ് സൂചിപ്പിച്ച വഴിയിലൂടെ പൊലീസിന്റെ അന്വേഷണ സംഘം നീങ്ങുമ്പോൾ പുറത്തു വരുന്ന സൂചനകളെല്ലാം ഇനി ജെസ്‌നയിലേക്ക് അധികദൂരമില്ലെന്ന് തന്നെ
സിനിമ മോഹം തലയ്ക്ക് പിടിച്ച ശ്രീകുമാർ മേനോൻ മാസം ഒരുകോടി രൂപ വരുമാനം ഉണ്ടായിരുന്ന സ്വന്തം സ്ഥാപനത്തെ കൈവിട്ടു; കല്യാണുമായി തെറ്റിയതോടെ വരുമാനം നിലച്ച ശ്രീകുമാറിന്റെ പുഷ് കടം കയറി പാപ്പർ ഹർജിയിൽ വരെ എത്തി; ശമ്പളം പോലും ലഭിക്കാതായതോടെ ജീവനക്കാരെല്ലാം സ്ഥലം വിട്ടു; രണ്ടാമൂഴം ഉറപ്പില്ലാതിരിക്കെ ഒടിയൻ കൂടി പൊളിഞ്ഞാൽ എന്താകുമെന്ന് അറിയാതെ ദിലീപ്-മഞ്ജു തർക്കത്തിലൂടെ ശ്രദ്ധ നേടിയ സംവിധായകൻ
ചൂടുണ്ടെന്ന് അറിയാതെയാ അമ്മ ഗ്യാസിന് മുകളിൽ വച്ച ചട്ടുകം കാലിൽ വച്ചത്; കാലു വേദനിച്ചപ്പോ അമ്മ തേൻ പുരട്ടി തന്നിട്ട് ആരോടും പറയല്ലേ എന്ന് പറഞ്ഞു; അടിക്കുകയും പിച്ചുകയും ചെയ്യുമെങ്കിലും അമ്മയോടെനിക്ക് ദേഷ്യമൊന്നുമില്ല; കിടക്കയിൽ മൂത്രമൊഴിച്ചതിന് രണ്ടാനമ്മ ചട്ടുകം പഴുപ്പിച്ച് പൊള്ളിച്ച രണ്ടാം ക്ലാസ്സുകാരിയുടെ മൊഴിയിൽ പൊലീസും കരഞ്ഞു
അരുൺ ഗോപിയും ടോമിച്ചൻ മുളകുപാടവും ചേർന്ന് മലയാളികളെ മുഴുവൻ ഒറ്റ ദിവസം കൊണ്ട് വിഡ്ഢികളാക്കിയോ? പ്രണവ് മോഹൻലാൽ സിനിമയുടെ പ്രമോഷനായി ഒരുക്കിയ നാടകം ആയിരുന്നു ഹനയുടെ മീൻ വില്പനയെന്ന് ആരോപിച്ച് തെളിവുകൾ നിരത്തി അനേകം പേർ; സിനിമക്കാർ കുഴിച്ച കുഴിയിൽ മാതൃഭൂമി ലേഖകൻ ഒറ്റയ്ക്ക് വീഴുകയും പിന്നാലെ മനോരമ മുതൽ മറുനാടൻ വരെ സർവ്വ മാധ്യമങ്ങളും ഒരുമിച്ച് വീഴുകയും ചെയ്തെന്ന് വാദിച്ച്‌ സോഷ്യൽ മീഡിയ
ഗണേശിന്റെ 'ഇടവേളക്കളി' വേണ്ടെന്ന് തറപ്പിച്ച് പറഞ്ഞ് മോഹൻലാൽ; പത്തനാപുരത്തെ എതിരാളിയെ ഒപ്പം നിർത്തി ശുദ്ധീകരണം; ഇനി ജഗദീഷിന് കൂടുതൽ റോൾ; ഡബ്ല്യൂസിസിയെ തകർക്കാൻ വനിതാ സെൽ ഉണ്ടാക്കുന്നത് മഞ്ജു വാര്യരുടെ മനസ്സറിഞ്ഞ്; പൃഥ്വിരാജിനെ ഒപ്പം നിർത്താൻ ഭേദഗതികൾ; ചട്ടങ്ങൾ മാറ്റി ദിലീപിനെ സംഘടനയ്ക്ക് പുറത്ത് നിർത്തും; താരസംഘടനയിൽ ഒടുവിൽ ലാൽ പിടിമുറുക്കുമ്പോൾ
മോഹൻലാലിനെ 'വെടി വെക്കാൻ' ശ്രമിച്ച നടൻ അലൻസിയറിനെ എഎംഎംഎയിൽ നിന്നും പുറത്താക്കിയേക്കും; താരസംഘടനയുടെ അധ്യക്ഷനെ പൊതുവേദിയിൽ പരസ്യമായി അധിക്ഷേപിച്ചത് വെച്ചു പൊറുപ്പിക്കില്ലെന്ന് ഭാരവാഹികൾ; കാരണം കാണിക്കൽ നോട്ടീസ് നൽകി നടപടി സ്വീകരിക്കാൻ നീക്കം; സ്റ്റേജിലേക്ക് കൈചൂണ്ടിയതാണെന്നും മോഹൻലാലിനെതിരെ 'കൈതോക്ക്' പ്രയോഗിച്ചിട്ടില്ലെന്നും വിശദീകരിച്ച് അലൻസിയറും
സഹപാഠികളും ബന്ധുക്കളുമായ ഡോക്ടർമാരുടെ മരണകാരണം അമിത ഡോസിലുള്ള മരുന്നുപയോഗം; അനസ്‌തേഷ്യാ സ്‌പെഷ്യലിസ്റ്റുകളുടേത് ആത്മഹത്യയെന്ന പ്രാഥമിക നിഗമനം; യുവതി ഗർഭിണിയെന്നും സ്ഥിരീകരണം; കുടുംബാംഗങ്ങളെ മൊഴി എടുത്ത് തുമ്പുണ്ടാക്കാൻ മനാമാ പൊലീസ്; ഡോ ഇബ്രാഹിം റാവുത്തരുടേയും ഡോ ഷംലീന മുഹമ്മദ് സലിമിന്റേയും മരണത്തിലെ പൊരുൾ തേടി അന്വേഷണം