1 usd = 69.80 inr 1 gbp = 89.03 inr 1 eur = 79.91 inr 1 aed = 19.00 inr 1 sar = 18.61 inr 1 kwd = 229.95 inr

Aug / 2018
19
Sunday

ചരിത്രം കുഴിച്ചുമൂടിയത് എന്തിന്? നൂറ്റാണ്ടുകളുടെ കഥ പറയുന്ന മാമാങ്കത്തിന്റെ അവശേഷിപ്പുകൾ തുടച്ചുനീക്കി സ്വകാര്യ വ്യക്തികൾക്കു പതിച്ചുനൽകാനുള്ള ശ്രമം ആരെ സംരക്ഷിക്കാൻ: ചരിത്രകാരൻ തിരൂർ ദിനേശൻ മറുനാടൻ മലയാളിയോട്

December 08, 2014 | 11:28 AM IST | Permalink



ചരിത്രം കുഴിച്ചുമൂടിയത് എന്തിന്? നൂറ്റാണ്ടുകളുടെ കഥ പറയുന്ന മാമാങ്കത്തിന്റെ അവശേഷിപ്പുകൾ തുടച്ചുനീക്കി സ്വകാര്യ വ്യക്തികൾക്കു പതിച്ചുനൽകാനുള്ള ശ്രമം ആരെ സംരക്ഷിക്കാൻ: ചരിത്രകാരൻ തിരൂർ ദിനേശൻ മറുനാടൻ മലയാളിയോട്

എം പി റാഫി

മലപ്പുറം: ചരിത്ര പ്രസിദ്ധമായ തിരുനാവായ മാമാങ്കവുമായി ബന്ധപ്പെട്ട എല്ലാ അവശേഷിപ്പുകളെയും ചരിത്രത്തിൽ നിന്നും തുടച്ചു നീക്കി സ്വകാര്യ വ്യക്തികൾക്ക് പതിച്ചു നൽകാൻ പത്തു വർഷം മുമ്പ് ഉദ്യോഗസ്ഥ രാഷ്ട്രീയ തലങ്ങളിൽ നടന്ന വൻ അഴിമതിയുടെ വിവരങ്ങളടങ്ങിയ രേഖകളായിരുന്നു ദിവസങ്ങൾക്ക് മുമ്പ് മറുനാടൻ മലയാളി പുറത്തു വിട്ടത്. എന്തുകൊണ്ടായിരുന്നു നൂറ്റാണ്ടുകൾക്കു മുമ്പുള്ള ചരിത്ര സ്മാരകങ്ങളെയും അവശേഷിപ്പുകളെയും അധികൃതർ കുഴിച്ചു മൂടിയത്?

ചരിത്രത്തിന്റെ തിരുശേഷിപ്പുകളെ ഇല്ലാതാക്കുന്നതിനോട് കടുത്ത എതിർപ്പാണ് ചരിത്രകാരന്മാർക്കുള്ളത്. ഇക്കാര്യത്തിലുള്ള ആശങ്ക ചരിത്രകാരൻ തിരൂർ ദിനേശൻ മറുനാടൻ മലയാളിയുമായി പങ്കുവയ്ക്കുന്നു. തിരുനാവായ മാമാങ്കത്തിന്റെയും ചേരമാൻ പെരുമാൾ മുതൽ വള്ളുവക്കോനാതിരിയും കോഴിക്കോട് സാമൂതിരിപ്പാട് വരെ നീണ്ടു നിൽക്കുന്ന ചരിത്ര പശ്ചാത്തലങ്ങളിലേക്കാണ് ദിനേശൻ പറയുന്നത്. തുടർന്നു വന്ന ജർമ്മൻ മിഷണറിമാരും ബ്രിട്ടീഷ് ഭരണാധികാരികളും ഒടുവിൽ ഭൂമി കൈവശപ്പെടുത്തിയിരിക്കുന്ന ഉന്നത രാഷ്ട്രീയ ബന്ധമുള്ള സ്വകാര്യ ഭൂവുടമ വരെ നീളുന്ന നൂറ്റാണ്ടുകൾക്ക് പുറകിലേക്ക് വെളിച്ചം വീശുന്ന വിവരങ്ങൾ തിരൂർ ദിനേശൻ മറുനാടനോടു പറയുന്നു.

ഐതിഹ്യവും ചരിത്രവും കെട്ടുപിണഞ്ഞ് കിടക്കുന്ന കേരളത്തിൽ, എഴുതപ്പെട്ട ചരിത്രങ്ങളില്ലെന്ന കാരണത്താൽ ഐതിഹ്യമെന്ന് പറഞ്ഞ് തള്ളിയ കാര്യങ്ങളിൽ നിന്നും ചരിത്രങ്ങൾ കണ്ടെത്തി അത് ഭാവി തലമുറക്ക് പുസ്തകരൂപത്തിലോ ദൃശ്യ രൂപത്തിലോ പ്രയോജനപ്പെടുത്തുന്നതിനു വേണ്ടി 2012ൽ രൂപീകരിച്ച കേരള ഓറൽ ഹിസ്റ്ററി റിസർച്ച് ഫൗണ്ടേഷൻ ഡയറക്ടറാണ് തിരൂർ ദിനേശൻ. തുഞ്ചത്തെഴുത്തച്ഛനുൾപ്പടെയുള്ളവരുടെ നാല് ജീവിത ചരിത്രങ്ങൾ എഴുതിയിട്ടുണ്ട്. വെട്ടത്ത് നാടിനെ കുറിച്ചും നിരവധി ചരിത്ര നോവലുകളും ദിനേശൻ രചിച്ചിട്ടുണ്ട്.

മറുനാടൻ മലയാളി ലേഖകൻ എം പി റാഫിയുമായി വിവാദ സംഭവമായ തിരുനാവായ ചരിത്ര മാമാങ്കങ്ങളെ കുറിച്ച് എഴുത്തുകാരനും ചരിത്രാന്വേഷിയുമായ തിരൂർ ദിനേശൻ പങ്കുവച്ച കാര്യങ്ങളിങ്ങനെ:

ശരിക്കും സാംസ്‌കാരിക കേരള സമൂഹത്തിന് ഏറ്റവും അപമാനം വരുത്തി വെയ്ക്കുന്ന കാര്യങ്ങളാണ് ഇപ്പോൾ പുറത്ത് വന്നത്. പത്ത് വർഷം മുമ്പ് നടന്ന സർക്കാറിന്റെ ഭാഗത്തു നിന്നും പുരാ വസ്തു വകുപ്പിന്റെ ഭാഗത്തു നിന്നും വളരെ വലിയ അലംഭാവവും അതുപോലെ വെളിച്ചത്തു വരാതെ കിടക്കുന്ന വലിയ അഴിമതിയുടെ ചുരുളഴിയാതെ കിടക്കുന്ന ചില വിവരങ്ങൾ ഇതൊക്കെയാണ് ഇപ്പോൾ പുറത്ത് വന്നിരിക്കുന്നത്. ഇതിന്റെ അടിസ്ഥാനം എന്നത് കേരള ചരിത്രത്തിലെ ഏറ്റവും പ്രധാനപ്പെട്ട ഒരു അധ്യായമാണ് തിരുന്നാവായ മാമാങ്കം എന്നത്.

മാമാങ്കത്തിന്റെ ചരിത്രം

പന്ത്രണ്ട് വർഷത്തിലൊരിക്കലാണ് ഇവിടെ മാമാങ്കം നടക്കാറുള്ളത്. ആദ്യകാലങ്ങളിൽ നിലപാട് നിൽക്കാൻ എത്തിയിരുന്നത് ചേരമാൻ പെരുമാൾ രാജാവായിരുന്നു. ചേരമാൻ പെരുമാളിന് ശേഷം നിലപാട് നിൽക്കാനുള്ള അധികാരം വള്ളുവക്കോനാതിരിക്കായിരുന്നു കിട്ടിയത്. 1534 കാലഘട്ടത്തിലെല്ലാം വള്ളുവക്കോനാതിരിയാണ് തിരുനാവായ മാമാങ്കത്തിന് നിലപാട് നിന്നിരുന്നത്. അതിനു ശേഷം ഒരു മാമാങ്ക കാലത്ത് വള്ളുവക്കോനാതിരി മാമാങ്കത്തിൽ നിലാപാടു നിൽക്കേ കോഴിക്കോട് സാമൂതിരി രാജാവിന്റെ സൈന്യം വന്ന് വള്ളുവക്കോനാതിരിയെ അരിഞ്ഞു വീവ്ത്തിയ ശേഷം നിലപാട് നിൽക്കാനുള്ള അധികാരം സാമൂതിരിപ്പാട് പിടിച്ചെടുത്തു. അതുമുതലാണ് സാമൂതിരിയെ വധിച്ച് നിലപാട് നിൽക്കാനുള്ള അധികാരം തികെപ്പിടിക്കാൻ വേണ്ടിയാണ് ചാവേറുകൾ രൂപപ്പെടുന്നത് . മാമാങ്കം രക്തപങ്കിലമാകാൻ തുടങ്ങിയതു തന്നെ ആ കാലം മുതൽക്കാണ്.

കോഴിക്കോട് സാമൂതിരിക്ക് നിലപാടു നിൽക്കാൻ അധികാരം കിട്ടിയ ശേഷം 28 ദിവസം സാമൂതിരി തങ്ങിയിരുന്നത് തിരുനാവായയിലെ കൊടക്കൽ എന്ന സ്ഥലത്താണ്. കൊടക്കൽ എന്ന പേര് തന്നെ പ്രാചീന ശിലായുഗവുമായി ബന്ധപ്പെട്ടിട്ടുള്ള ഒരു സ്ഥലമാണ്. ഭാരതപ്പുഴയുടെ സമീപത്തുള്ള വിവിധ സ്ഥലങ്ങളിൽ പ്രാചീന ശിലകളും ഗുഹകളും ഇപ്പോഴും കാണാവുന്നതാണ്. അതുകൊണ്ട് തന്നെ പ്രാചീന ശിലായുഗവുമായി ബന്ധപ്പെട്ട നിരവധി പഠനങ്ങൾ നടത്തേണ്ട ഒരു പ്രത്യേക ഏരിയയാണ് തിരുനാവായയുമായി ബന്ധപ്പെട്ട സ്ഥലങ്ങൾ. അതായതുകൊടക്കലിലെ ഓട്ട് കമ്പനി സ്ഥിതി ചെയ്തിരുന്ന സ്ഥലം. വാഗയൂർ കുന്ന് എന്നാണ് അതിന്റെ പേര്. അവിടെ കോവിലകം നിർമ്മിച്ച് അവിടെയായിരുന്നു സാമൂതിരിപ്പാട് 28 ദിവസങ്ങൾ കേന്ദ്രീകരിച്ചിരുന്നത്. ഈ ദിവസങ്ങളിലെല്ലാം തന്നെ ഭരണ നിർവഹണം നടത്തിയിരുന്നതും വാഗയൂർ കോവിലകത്ത് വച്ചായിരുന്നു. ആ കാലത്ത് തന്നെ ജനങ്ങൾ വിശ്വസിച്ചു പോന്നിരുന്ന ഒരു കാര്യമാണ് ഭൂമിക്കടിയിൽ ഒരുക്ഷേത്രമുണ്ടെന്നും ഭൂഗർഭ പാതകൾ ഉണ്ടെന്നുമുള്ള കാര്യങ്ങൾ. ഇതെല്ലാം പരമ്പരാഗതമായി കൈമാറിപ്പോന്ന നാട്ടറിവുകളുടെ പിൻബലവുമുണ്ട്.

കൊടക്കലിലെ ഓട്ട് കമ്പനി നിലനിന്നിടത്ത് ഒരു ഭാഗം നിലപാട് തറ എന്ന പേരിലാണ് അറിയപ്പെട്ടിരുന്നത്. പക്ഷെ, യഥാർത്ഥത്തിലുള്ള നിലപാടു തറ അതായിരുന്നില്ല, അത് അവിടെ നിന്നും കിഴക്ക് ഭാഗത്തായി നാൽപ്പതടി ഉയരത്തിലാണ് നിലനിന്നിരുന്നതെന്ന വ്യക്തമായ ചരിത്രങ്ങളുണ്ട്. നാൽപ്പതടി ഉയരത്തിൽ എങ്ങനെ നിർമ്മിച്ചു എന്നതും എത്ര തൊഴിലാളികളുണ്ട് എന്നതുമെല്ലാം ലഭ്യമായ കാര്യമാണ്. ഇവിടെ നിന്നുമായിരുന്നു സാമൂതിരിപ്പാട് നിലപാട് നിന്നിരുന്നതും നവാമുകുന്ദ ക്ഷേത്രത്തിൽ പോയിരുന്നതുമെല്ലാം. 1766 ൽ ആണ് ഒടുവിലത്തെ മാമാങ്കം നടന്നത്. മാമാങ്ക കാലത്തിനു ശേഷം സാമൂതിരി ഈ ഭാഗത്തേക്ക് വരികയുണ്ടായിരുന്നില്ല. കൊടക്കലിലെ കോവിലകവും അതുമായി ബന്ദപ്പെട്ട രണ്ട് ഏക്കർ ഭൂമിയുമെല്ലാം പിന്നീട് ആഴ്‌വഞ്ചേരി തമ്പ്രാക്കളുടെ അധീനതയിലാണ് നിന്നിരുന്നത്.

ജർമൻ മിഷണറിമാരുടെ വരവും മതപരിവർത്തനവും

1885-90 കാലഘട്ടത്തിലാണ് ജർമ്മൻ മിഷണറിമാർ ക്രിസ്തു മത പ്രചരണത്തിന്റെ ഭാഗമായിട്ട് തിരുന്നാവായയിലെത്തുന്നത്. ഈ കാലഘട്ടത്തിൽ തൃപ്രങ്ങോട് മുതൽ കൈത്തക്കര വരെ അനവധി നായാടി കുടുംബങ്ങൾ താമസിച്ചിരുന്നു. മനുഷ്യനായി ജനിക്കുകയും മനുഷ്യനെപ്പോലെ ജീവിക്കാൻ സാധിക്കാതിരിക്കുകയും ചെയ്യുന്ന മൃഗങ്ങളെക്കാളും അധ:പതിച്ച രീതിയിലായിരുന്നു ഇവരുടെ ജീവിതം. ഇവരെ മത പരിവർത്തനം നടത്തുക എന്ന ഉദ്ദേശത്തോടു കൂടി ജർമ്മൻ മിഷണറിമാർ തിരുന്നാവായ മേഖലയിലേക്ക് അയച്ചത് ഹെർമൺ ഗുണ്ടർട്ടിനെയാണ് നിയോഗിച്ചത്. അദ്ദേഹം ഈ നായാടികളെയെല്ലാം കണ്ട ശേഷം തിരികെ റിപ്പോർട്ട് അയച്ചു, നായന്മാരെയും നമ്പൂതിരിമാരെയും നിരവധി മതം മാറ്റിയിട്ടുണ്ട് ഈ നായാടിമാരെ മതം മാറ്റിക്കഴിഞ്ഞാൽ ഇവർ ഒരുമിച്ചിരുന്ന് പന്തി ഭോജനം പോലും നടത്തില്ല അതുകൊണ്ട് ഞാൻ ഇതിന് തയ്യാറല്ല എന്ന് പറഞ്ഞുകൊണ്ട് ഹെർമൻ ഗുണ്ടർട്ട് തിരിച്ചു റിപ്പോർട്ട് ചെയ്യുകയാണുണ്ടായത്. ഗുണ്ടർട്ടിന്റെ മതം മാറ്റ സംബന്ധമായതും അവിടത്തെ ടൈൽ ഫാക്ടറിയുമായി ബന്ധപ്പെട്ടതുമായ വ്യക്തമായ രേഖകൾ ഗുണ്ടർട്ട്‌സ് ഡയറി എന്നപേരിൽ ഇംഗ്ലീഷിൽ അഞ്ച് വോളിയങ്ങളായി പ്രസിദ്ധീകരിച്ചത് നിലവിലുണ്ട്. ഗുണ്ടർട്ട് ഈ ദൗത്യത്തിൽ നിന്നും പിൻ തിരിഞ്ഞതിനു ശേഷം മിക്കായേൽ ഫ്രിഡ്‌സ് എന്ന് പറയുന്നയാളെ ഇവിടേക്ക് അയക്കുന്നത്. അദ്ദേഹം ആലത്തിയൂരിൽ ബി.എം സ്‌കൂൾ നിൽക്കുന്നതിനു തൊട്ടു പിറകിലായി ഒരു തുണി നിർമ്മാണ കട തുടങ്ങി. പിന്നീട് പരുത്തിയുടെ ലഭ്യത കുറഞ്ഞപ്പോൾ അത് നിറുത്തലാക്കി. ശേഷം കൃഷിയിലേക്ക് മാറുകയായിരുന്നു. അന്നത്തെ സാമൂഹിക ചുറ്റുപാട് എന്നത് ബ്രിട്ടീഷുകാരുടെ ഭാരണ കാലമായിരുന്നു. കനോലി സാഹിബായിരുന്നു അന്നത്തെ കളക്ടർ, എവിടെ എന്ത് സ്ഥാപിക്കണമെന്നുള്ളതെല്ലാം അവരുടെ തീരുമാനമായിരുന്നു. പക്ഷെ, ഇവർക്ക് ഇത്തരത്തിലുള്ള പ്രവർത്തനങ്ങൾക്കെല്ലാം അനുമതിയായിരുന്നു. അങ്ങിനെ കൃഷി ആവശ്യത്തിന് ജോലിക്കാർ ഈ വാഗയൂർ കുന്നിൽ നിലം ഉഴുതപ്പോഴാണ് അവിടെ കളിമണ്ണ് കണ്ടെത്തുന്നത്, അങ്ങിനെ സ്വാഭാവികമായും എങ്ങിനെ കളിമണ്ണ് ഉപയോഗപ്പെടുത്തി പദ്ധതി വിജയിപ്പിക്കാമെന്നായിരുന്നു. അങ്ങിനെയാണ് ഇവിടെ ഓട് ഫാക്ടറി സ്ഥാപിക്കാൻ തീരുമാനിക്കുന്നത്.

ഭൂമി കൈമാറ്റത്തിന്റെ കഥകളിങ്ങനെ

ആ കാലത്തെ ഭൂമിയുടെ മേൽ നോട്ടക്കാരായ ആഴ്‌വഞ്ചേരി തമ്പ്രാക്കളിൽ നിന്നും 99 വർഷത്തേക്ക് കൊടക്കൽ വാഗയൂർ കുന്ന് പാട്ടത്തിന് ഏറ്റെടുക്കുകയും ഈ ടൈൽ ഫാക്ടറി സ്ഥാപിക്കുകയുമാണ് ചെയ്തത്. അവിടത്തെ നായാടികളെ ജോലിക്കായി സമ്മർദത്തിലാക്കുകയും മതം മാറിയാൽ ജോലി തരാമെന്ന് പറയുകയുമാണുണ്ടായത്. ജോലിയോടൊപ്പം ഭൂമീയും വീടും വച്ച് നൽകാമെന്നും പറഞ്ഞിരുന്നു. ഇതിനായി ഹെൻഡ്രി കനോലിയുടെ എല്ലാ ചരട് വലികളും നടന്നിരുന്നു. ഇതിന്റെ ഭാഗമായി പരിസരത്തുള്ള എടമന എന്ന 1600 ഏക്കർ ഭൂമി എടമന സുബ്രഹ്മണ്യം നമ്പൂതിരിയുടെ കയ്യിൽ നിന്നും ഇവർക്ക് വീട് വെയ്ക്കാൻ വേണ്ടി വാങ്ങി. അതായത് ഇന്നത്തെ കാരത്തുർ ടൗൺ മുഴുവനായും ഇതിൽപെടും. ടൈൽ ഫാക്ടറി വർഷങ്ങൾ അവിടെ ബാസിൽ മിഷണറിമാരുടെ നേതൃത്വത്തിൽ നടത്തി വന്നു. പിന്നീട് ജർമൻ മിഷണറിമാരിൽ നിന്നും സുബ്ബയ്യ ചെട്ട്യാർ വില്ലക്കു വാങ്ങിച്ചു. ഇദ്ദേഹമായിരുന്നു ഓട് കമ്പനി കുറെ കാലം കൊണ്ട്‌നടന്നത്. ചെട്ട്യാരുടെ മരണ ശേഷം എസ്‌പി പളനിയപ്പൻ ഇത് മേൽ നോട്ടം നടത്തി വന്നു. ഇക്കാലത്ത് വളരെ ദുരിതമായിരുന്നു കമ്പനിയുടെ നടത്തിപ്പ്. ഈ ഓട് കമ്പനി ഇന്ത്യക്ക് പുറത്തും അറിയപ്പെട്ടിരുന്നെങ്കിലും സ്ഥാപിത കാലം തൊട്ടേ ഇത് ഓരോ പ്രതിസന്ധിയിലൂടെയാണ് കടന്നു പോയത്. സമരവും തൊഴിലാളികളും ബുദ്ധിമുട്ടലുമെല്ലാം പതിവായിരുന്നു. അങ്ങിനെയാണ് പളനിയപ്പൻ കൈമാറ്റം നടത്തുന്നത്. ശേഷം വീണ്ടും പലരും കൈമാറ്റം നടത്തുകയുണ്ടായി. അവസാനമായി ഒരു സ്വകാര്യ വ്യക്തി അവിടെ ഫ്‌ളാറ്റ് നിർമ്മാണം നടത്താൻ വേണ്ടി വിലക്കു വാങ്ങുകയുമാണ് ചെയ്‌തെതെന്നാണ് പറയപ്പെടുന്നത്. ഇവർ വാങ്ങിയ ശേഷം ഓട് കമ്പനി പൊളിക്കാനായിരുന്നു ആദ്യം തീരുമാനിച്ചത്. ഇതോടെ പരിസരത്തുള്ള പൊതുപ്രവർത്തകരായ ചിറക്കൽ ഉമ്മറിന്റെ നേതൃത്വത്തിൽ കോടതിയിൽ പോകുകയാണുണ്ടായത്. ഇത് പൊളിക്കരുതെന്നും ഇത് മാമാങ്കചരിത്രത്തിന്റെ ഭാഗമാണെന്നും പറഞ്ഞായിരുന്നു ഇവർ ഹൈക്കോടതിയെ സമീപിച്ചത്. ഇതിന്റെ ഉടമകൾ വിശദീകരണം നൽകിയത് മാമാങ്കവുമായി ഓട്ട് കമ്പനിക്ക് യാതൊരു ബന്ധവുമില്ലെന്നായിരുന്നു.

ഹൈക്കോടതി ഉത്തരവും ഉത്ഖനനവും

പ്രശ്‌നം രൂക്ഷമായപ്പോൾ ഈ വിഷയത്തിൽ സർക്കാറിന് എന്ത് പറയാനുണ്ടെന്നായിരുന്നു കോടതി കേട്ടത്. അങ്ങിനെ ഹൈക്കോടതി മാമാങ്ക സ്മാരകങ്ങൾ സംരക്ഷിക്കാൻ തീരുമാനിക്കുകയായിരുന്നു. ഈ സമയത്ത് വി എസ് അച്ചുതാനന്ദൻ ഈ ടൈൽ ഫാക്ടറി സന്ദർശിക്കുകയും മാമാങ്ക ചരിത്രങ്ങൾ സംരക്ഷിക്കുമെന്ന് ഉറപ്പ് നൽകിയതുമാണ്. പിന്നീട് ആരും ഈ കാര്യത്തിൽ തിരിഞ്ഞുനോക്കിയില്ല. ഈ സമയത്താണ് 2003ലെ മലപ്പുറം ജില്ലാ കലക്ടർ മാമാങ്ക ചരിത്രങ്ങൾ കണ്ടെത്തി സംരക്ഷിക്കാൻ വേണ്ടിയിട്ട് 05/07/2003 ന് 30500/2003ാം നമ്പറായി ഒരു ഉത്തരവ് പുരാവസ്തു വകുപ്പിന് കൊടുക്കുന്നത്. തിരുന്നാവായ മേഖലയിൽ സംരക്ഷണം നടത്തി ചരിത്രങ്ങൾ സംരക്ഷിക്കേണ്ടതുണ്ട് അതിനായി എവിടെയെല്ലാം മാമാങ്കവുമായി ബന്ധപ്പെട്ട സംഭവങ്ങളുണ്ടെന്ന് കണ്ടെത്താനായിരുന്നു ഉത്തരവിൽ പറഞ്ഞിരുന്നത്. ഇതിന്റെ ഭാഗമായിട്ട് കോഴിക്കോട് പഴശ്ശി രാജാ മ്യൂസിയത്തിന്റെ ചൂമതലയുള്ള ഹയർഗ്രേഡ് അസിസ്റ്റന്റിന്റെ നേതൃത്വത്തിലുള്ള ഉദ്യോഗസ്ഥരും വില്ലേജ് ഓഫീസർ അടക്കമുള്ളവരുടെയും സാന്നിധ്യത്തിലായിരുന്നു രണ്ട് ദിവസങ്ങളിലായി വിശദമായ പഠനം നടത്തിയത്. ടൈൽ ഫാക്ടറി വളപ്പിലേക്ക് ഈ സംഘം പ്രവേശിച്ച സമയത്ത് അന്ന് അവിടേക്ക് ആർക്കും പ്രവേശനമുണ്ടായിരുന്നില്ല. അകത്ത് ഉദ്യോഗസ്ഥരും ഭൂഉടമകളും മാത്രമാണ് ഉണ്ടായിരുന്നത്. അകത്ത് കണ്ടിരുന്ന സിമന്റ് തറകൊണ്ട് നിർമ്മിച്ച നിലപാട് തറ, മണിത്തറ, മരുന്ന് തറ, ചങ്ങമ്പള്ളി കളരി നവാമുകുന്ദ പഴുക്കാ മണ്ഡപം തുടങ്ങിയ ചരിത്ര സ്മാരകങ്ങളെല്ലാം സംരക്ഷിക്കണം എന്ന രീതിയിൽ ഉദ്യോഗസ്ഥർ റിപ്പോർട്ട് ചെയ്തു. ഇതോടൊപ്പം തന്നെ ഓട്ട് കമ്പനിയുടെ വളപ്പിൽ ഒരുമീറ്ററോളം താഴോട്ട് ഖനനം ചെയ്ത് കുഴിച്ചെടുത്തപ്പോൾ അവിടെ ഒരു ക്ഷേത്രത്തിന്റെ അവശിഷ്ടം കണ്ടെത്തുകയായിരുന്നു.

2003 സെപ്റ്റംബർ 13,14 തിയ്യതികളിലാണ് ഈ ഉത്ഖനനം നടന്നത്. ശിവലിംഗം, പീഠം, പഴയ ക്ഷേത്രാവശിഷ്ടങ്ങൾ ഇതെല്ലാമാണ് ഇവിടെ നിന്നും കണ്ടെത്തിയത്. ഈ സമയത്ത് പുരാ വസ്തു ഉദ്യോഗസ്ഥർ വ്യക്തമായി പറഞ്ഞിരുന്നത് , സാമൂതിരി രാജാവ് നിലപാട് നിൽക്കാൻ വരുന്ന സമയത്ത് തേവാരമായിരുന്ന ഒരു ക്ഷേത്രമായിരുന്നു ഇതെന്നായിരുന്നു. അതുകൊണ്ട് തന്നെ മാമാങ്ക ചരിത്രമെന്ന നിലയിൽ ഇത് എടുത്ത് സംരക്ഷിക്കേണ്ടതിനു പകരം ഈ ഉദ്യോഗസ്ഥന്മാർ ഇതിന്റെയെല്ലാം ഫോട്ടോയെടുത്തതിനു ശേഷം കുഴിച്ചു മൂടുകയാണ് ചെയ്തത്. ഈ ഉദ്യോഗസ്ഥർ സർക്കാറിനു സമർപ്പിച്ച റിപ്പോർട്ടിലും ചാരിത്രാവശിഷ്ടങ്ങൾ കണ്ടെത്തിയെന്നും മണ്ണിട്ട് മൂടുകയായിരുന്നെന്നും വ്യക്തമാക്കുന്നുണ്ട്. ഈ പ്രവർത്തി പുരാവസ്തു വകുപ്പ് ഉദ്യോഗസ്ഥർ ഒരിക്കലും ചെയ്യാൻ പാടില്ലാത്തതാണ്. ഇതിനു പുറമെ അതിനടുത്തായി ഒരു വലിയ തുരങ്കം കണ്ടെത്തിയിരുന്നു. അത് അതിമനോഹരമായ ഭൂഗർഭ പാതയാണ്. അതായത് പൈതൃക ടൂറിസം പദ്ധതിയിലുൾപ്പെടുത്തി ഈ പ്രദേശം അന്തർ ദേശീയ തലത്തിൽ ശ്രദ്ധിക്കുന്ന ഒരു ചിത്ര മ്യൂസിയമെല്ലാം സ്ഥാപിച്ച് നാടിന്റെ വളർച്ചക്ക് ഉപയോഗപ്പെടുത്തേണ്ടതിനു പകരം ഈ റിപ്പോർട്ട് കൈവശം കിട്ടിയിട്ട് സർക്കാറുപോലും മിണ്ടിയില്ല എന്ന് പറയുമ്പോൾ ഇതിന്റെ പിന്നിൽ ഒളിഞ്ഞിരിക്കുന്നത് ഒരു വലിയ അഴിമതിയുടെ കഥയാണ്.

ചരിത്രം കുഴിച്ചുമൂടപ്പെടുന്നതെങ്ങനെ?

ഈ ചരിത്ര സംഭവങ്ങളെല്ലാം തന്നെ പഠനത്തിനും ഗവേഷണത്തിനും ഏറെ ഉപകരിക്കുന്നതായിരുന്നു. ആദ്യകാലത്തെ കേരളത്തിന്റെ സാംസ്‌കാരിക തലസ്ഥാന കേന്ദ്രമായ വെട്ടത്തു നാട്ടിനോട് ചേർന്നാണ് ഇതെല്ലാം നിലകൊള്ളുന്നത്. ശാസത്രം, ഗണിതം, വൈദ്യം, ജ്യോതിഷം തുടങ്ങിയ എല്ലാ തലത്തിന്റെയും അടിവേരായികിടക്കുന്നത് ഇന്നത്തെ തീരൂർ താലൂക്കിലെ വെട്ടത്ത് നാട്ടിലാണ്. കാൽക്കുലസിന്റെ ഉപജ്ഞാതാവ് ഐസക്ക് ന്യൂട്ടനാണെന്ന് നൂറ്റാണ്ടുകളായി പഠിപ്പിച്ചും പഠിച്ചും വരുന്നുണ്ട്. പക്ഷെ, ഐസക്ക് ന്യൂട്ടനും മുന്നൂറ് വർഷങ്ങൾക്ക് മുമ്പ് ഈ തിരൂർ വെട്ടത്ത് നാട്ടിൽ ജീവിച്ചിരുന്ന കേളല്ലൂർ സ്വാമയാജിപ്പാട് ആണെന്നുള്ള കാര്യം യൂറോപ്യന്മാർ 1835ൽ തന്നെ യൂറോപ്യന്മാർ ചൂണ്ടിക്കാണിച്ചു. പക്ഷെ നമുക്കറിയില്ല. ആദ്യത്തെ നിരാഹാര സത്യാഗ്രഹം നടന്നതും ഇവിടെയാണ്, കഥകളിക്ക് ചെണ്ട നിർബന്ധമാക്കി ഉത്തരവ് പുറപ്പെടുവിച്ചത് വെട്ടത്ത് രാജാവാണ്. അപ്പോൾ വെട്ടം എന്നത് വെളിച്ചം വിജ്ഞാനം, വിജ്ഞാനികളുടെ പുണ്യഭൂമി എന്ന പേര് വന്നത്. അപ്പോൾ എന്തുകൊണ്ടും ഒരു പൈതൃക ടൂറിസം പദ്ധതിക്ക് ഇന്ത്യയിലോ കേരളത്തിലോ ഇങ്ങനെയൊരു സ്ഥലം ഉണ്ടാവില്ല. ഈ പ്രദേശത്താണ് പുരാ വസ്തുക്കൾ മണ്ണിട്ടു മൂടിയിട്ടുള്ളത്. ഇത് വിവരാവകാശ നിയമപ്രകാരമാണ് ഈ അഴിമതിയുടെ വിവരങ്ങൾ ലഭിച്ചത്. ഇപ്പോഴത്തെ അവസ്ഥ ഇവിടെ മണ്ണിട്ട് മൂടിയിരിക്കുകയാണ്, മുകളിൽ തൊഴുത്ത് ഉള്ളതായാണ് വിവരം.

ഇപ്പോൾ നടന്നിട്ടുള്ള നിയമലംഗനവും അഴിമതിയും ചൂണ്ടിക്കാട്ടി പ്രധാനമന്ത്രി, കേന്ദ്ര മാനവ വിഭവശേഷി മന്ത്രി, ആർക്കിയോളജിക്കൽ സർവ്വേ ഓഫ് ഇന്ത്യയുടെ ഡയറക്ടർ ജനറലിനും നിവേദനം സമർപ്പിച്ചിട്ടുണ്ട്. അടിയന്തിരമായി ഇവിടെ എത്തിച്ചേരണമെന്നും ഇവിടെ വീണ്ടും ഉത്ഖനനം ചെയ്ത് അവശിഷ്ടങ്ങൾ കണ്ടെത്തി സംരക്ഷിക്കണമെന്നായിരുന്നു ഞങ്ങളുടെ ആവശ്യം. മാത്രമല്ല കഴിഞ്ഞ ദിവസം തിരുന്നാവായ വില്ലേജിൽ നിന്നും ലഭിച്ച വിവരാവകാശ രേഖയിൽ ടൈൽ ഫാക്ടറി നിന്നിരുന്ന സ്ഥലത്ത് തളിക്ഷേത്രമായിരുന്നെന്ന് വ്യക്തമാക്കുന്നുമുണ്ട്. അതുകൊണ്ട് തന്നെ ഇത് ഏതെങ്കിലുമൊരു മതത്തിന്റെയോ രാഷ്ട്രീയ പാർട്ടിയുടെയോ ഒരു ഭാഗമായിട്ടോ വർഗീയമായിട്ടോ ചിത്രീകരിക്കരുത്. ഹിന്ദുവോ മുസൽമാനോ ക്രിസ്ത്യാനിയോ ആരായാലും നമ്മുടെ പൈതൃകത്തിന്റെ ഭാഗമായിട്ടേ കാണാവൂ, ഇത് ഉയർത്തി കൊണ്ടുവന്ന് ദേശീയ തലത്തിൽ ശ്രദ്ധിക്കുന്ന സ്മാരകങ്ങൾ വരുന്നതോടെ ആ നാടിനു തന്നെ ഗുണം കിട്ടുന്നതാണ് ഇതിനു വേണ്ടി എല്ലാവരും ഒത്തൊരുമിക്കും എന്നാണ് എന്റെ പ്രതീക്ഷ.

ചരിത്രത്തിന്റെ അവശേഷിപ്പുകൾ സംരക്ഷിക്കുന്നതിന് തടസമാകുന്നത് ആരൊക്കെ? സർക്കാരിന്റെ പങ്കെന്ത്‌?

ഇത് സംരക്ഷിക്കുന്നതിനു വേണ്ടി ആരാണ് തടസം നിന്നിരുന്നതെന്ന് വ്യക്തമല്ല. ഈ ഭൂമിയുടെ ഉടമ പണം നൽകി ഒതുക്കിയതാവാം എന്നാണ് അറിയാൻ കഴിയുന്നത്. എനിക്ക് കിട്ടിയ വിവരം ശരിയാണെങ്കിൽ മുൻകാബിനറ്റ് അംഗത്തിന്റെ മകനും ഇപ്പോഴത്തെ എംഎ‍ൽഎയുമായ സീതിഹാജിയുടെ മകൻ പി.കെ ബഷീർ എംഎ‍ൽഎയുടെ ഒരു ബന്ധുവിന്റെ കയ്യിലാണ് ഈ ഭൂമി എന്നുള്ളതാണ്. നമ്മുടെ മുന്നിൽ കൈവശക്കാരൻ എന്നുള്ള വ്യക്തിയല്ല പൈതൃകം സംരക്ഷിക്കുക മാത്രമാണ്. ഉദ്യോഗസ്ഥർ മുമ്പ് ഖനനം ചെയ്ത് സമയത്ത് ലീഗിന്റെ പിന്തുണയോടള്ള ഭരണമാണ് ഉണ്ടായിരുന്നത്. ഭൂ ഉടമകൾ ഇത് അവർക്ക് അനുകൂലമായി സംരക്ഷിക്കുന്നതിൽ എന്തും ചെയ്യാൻ മടിക്കാത്തവരാണെന്ന് പല അനുഭവങ്ങളും വ്യക്തമാക്കുന്നതാണ്. ഞാൻ വ്യക്തിപരമായി ഇപ്പോഴത്തെ കൈവശക്കാരെ കുറ്റം പറയുന്നില്ല, കാരണം അവർ ഈ ഭൂമി വാങ്ങിയതിനു ശേഷമാണ് ഇതെല്ലാം ഇവിടെ കാണുന്നത്. ഇനി അതിനു ശേഷം എന്തെങ്കിലും വസ്തുക്കൾ ഇവിടെനിന്നും കടത്തുകയോ കൊണ്ടോപോകുകയോ ചെയ്‌തെങ്കിൽ അതിനുത്തരവാദി സർക്കാറാണ്.
ഈ വിഷയങ്ങൾ എം.ജി.എസ് നാരായണൻ അടക്കമുള്ള ചരിത്രകാരുടെ ശ്രദ്ധയിൽ പെടുത്തിയിട്ടുണ്ട്. ഇത് ഗുരുതരമായ തെറ്റാണെന്നായിരുന്നു അദ്ദേഹം പറഞ്ഞത്. മാത്രമല്ല നാളുകളായി പുരാവസ്തു വകുപ്പിൽ ജോലി ചെയ്യുന്നവർക്ക് ഒരു കാര്യം കിട്ടിയാൽ എന്ത് ചെയ്യണമെന്ന് അറിയാവുന്നവരില്ലെന്നും അദ്ദേഹം പറഞ്ഞിരുന്നു. ഡൽഹി യൂണിവേഴ്‌സിറ്റി ചരിത്ര വിഭാഗം പ്രൊഫസർ വെളുത്താട്ട് കേശവനും ഇതേ അഭിപ്രായമായിരുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
രക്ഷാപ്രവർത്തനത്തിന് ഹെലികോപ്ടർ എത്തിയാൽ വീടുതകരുമെന്ന് ഭയം; ചെങ്ങന്നൂർ ശ്രീ അയ്യപ്പ കോളേജ് ഹോസ്റ്റലിൽ കുടുങ്ങിയ പെൺകുട്ടികൾക്ക് നേരേ ഒരുകൂട്ടം സ്ത്രീകളുടെ ആക്രമണം; പ്രളയദുരന്തത്തിനിടെയുണ്ടായ സംഭവത്തിൽ ലജ്ജിച്ച് തലതാഴ്‌ത്തി നാട്ടുകാർ; സംഭവത്തിൽ നടുക്കം രേഖപ്പെടുത്തി വ്യോമസേന; കർശന നടപടിയെന്ന് മുഖ്യമന്ത്രി
'ഒരു കുപ്പി വെള്ളം നൽകണേ'.....സഹായവുമായി ബോട്ടുകൾ എത്തുമ്പോൾ നാനാഭാഗത്തു നിന്നും കേട്ടത് ഈ നിലവിളി; കുട്ടികളുൾപ്പടെ പട്ടിണിയിലായി നിരവധി പേർ; രക്ഷാ ദൗത്യത്തിന് സന്നദ്ധരായി മത്സ്യത്തൊഴിലാളികളെത്തുമ്പോൾ അകറ്റി നിർത്തുന്നവർ അതിലുമേറെ; മഹാപ്രളയത്തിൽ രക്ഷപ്പെട്ടവർ അരലക്ഷത്തിലേറെ; ഒറ്റപ്പെട്ടവരുടെ കൃത്യമായ എണ്ണവും കണ്ടെത്താനായിട്ടില്ല; പ്രളയം മുക്കിയ ചെങ്ങന്നൂരിൽ നിന്ന് മറുനാടൻ ലേഖകൻ കണ്ട കാഴ്ചകൾ ഇങ്ങനെ
പ്രളയദുരിതാശ്വാസത്തിൽ കൈയ്‌മെയ് മറന്ന് പരിശ്രമിക്കുന്നത് കടലിന്റെ മക്കൾ തന്നെ; മത്സ്യത്തൊഴിലാളികൾ രക്ഷാദൗത്യത്തിന് ഇറങ്ങിയില്ലായിരുന്നെങ്കിൽ മരണസംഖ്യ ഇനിയും ഏറിയേനെയെന്ന് തുറന്നുസമ്മതിച്ച് അധികൃതർ; ദുരന്തമുഖമായ ചെങ്ങന്നൂരിൽ ഒറ്റപ്പെട്ടയിടങ്ങൾ ഇനിയുമേറെ; ഞായറാഴ്ചയോടെ എല്ലായിടത്തും എത്താൻ കഴിയുമെന്ന് പ്രതീക്ഷ; രണ്ടുദിവസത്തിനുള്ളിൽ 22 പേർ മരിച്ചതായി സ്ഥിരീകരിക്കാത്ത റിപ്പോർട്ടുകൾ; മേഖലയിൽ നിന്ന് ശനിയാഴ്ച രക്ഷിച്ചത് 7500 ഓളം പേരെ
പുറത്താക്കൂ പിണറായീ.... പ്രളയത്തിനിടെ സുഖിക്കാൻ ജർമ്മനിക്ക് പോയ ഈ മന്ത്രിയെ; ഒപ്പം കൂടിയ ഇ ടി മുഹമ്മദ് ബഷീറിന്റെ എംപി സ്ഥാനം ലീഗ് തിരിച്ചെടുക്കണം; റോമാ നഗരം കത്തിയെരുയുമ്പോൾ വീണവായിച്ച ചക്രവർത്തിമാരുടെ കേരള പതിപ്പ് ഇനി ആവർത്തിച്ചുകൂടാ; ജനങ്ങൾ പട്ടണികിടന്നും വെള്ളംകിട്ടാതെയും മരിക്കുമ്പോൾ സുഖവാസത്തിന് പോയവരെ ഒറ്റപ്പെടുത്തുക
ഈ ദുരന്തത്തിൽ നിന്നും കേരളം പൂർണ്ണമായും തിരിച്ചുവരാൻ ചുരുങ്ങിയത് അഞ്ചു വർഷമെങ്കിലും എടുക്കും; ഈ ലോക മാധ്യമ ശ്രദ്ധ ഒക്കെ ഒരാഴ്ചയേ കാണൂ; ദുരന്തത്തിൽ അകപ്പെട്ടവർക്ക് ഇതൊരു ജീവിതകാല വെല്ലുവിളിയാണ്; കഴിഞ്ഞ ഒരാഴ്‌ച്ചയായി എന്റെ കണ്ണും മനസ്സും കേരളത്തിൽ തന്നെയാണ്; ടിക്കറ്റ് കിട്ടിയാൽ ഉടൻ 'ഫുൾ ഫിഗറും' കേരളത്തിൽ ഉണ്ടാകും; മുരളി തുമ്മാരുകുടി എന്താണ് ചെയ്യുന്നതെന്ന് ചോദിക്കുന്നവരോട്
ചെങ്ങന്നൂരിലെ ആശങ്ക മാറിയിട്ടുണ്ട്, സൈന്യം മാത്രമായി ഒരു ദുരിതാശ്വാസ പ്രവർത്തനവും ഒരിടത്തും നടത്തിയിട്ടില്ല; സിവിൽ ഭരണകൂടവുമായി ചേർന്നാണ് ഇത്തരം ദൗത്യങ്ങൾ പൂർത്തീകരിച്ചത്; രക്ഷാ ദൗത്യത്തിന് എല്ലാവരും ഒരുമിച്ച് നിൽക്കണം; രക്ഷാപ്രവർത്തനം ലക്ഷ്യത്തോട് അടുക്കുന്നു; കേന്ദ്രസേന നല്ലരീതിയിൽ സഹായിച്ചു; ജനങ്ങളെ പരിഭ്രാന്തരാക്കുന്നത് ആരായാലും അംഗീകരിക്കാൻ സാധിക്കില്ല; ഭക്ഷ്യക്ഷാമം ഉണ്ടെന്നത് തെറ്റായ പ്രചരണം: പ്രളയരക്ഷാദൗത്യത്തിൽ വീഴ്‌ച്ചയെന്ന ആരോപണങ്ങൾക്ക് മറുപടിയുമായി മുഖ്യമന്ത്രി
മരണം മുന്നിൽ കണ്ട് നാല് ദിവസമായി ഒറ്റപ്പെട്ട് കഴിയുന്നവർ പോലും രക്ഷാ ഹെലികോപ്ടറുകളിൽ കയറുന്നില്ല; 70 പേരെ ഉൾക്കൊള്ളാവുന്ന ഹെലികോപ്ടറിൽ കയറിയത് മൂന്ന് പേർ മാത്രം; വെള്ളം കുറഞ്ഞപ്പോൾ കാഴ്‌ച്ച കാണാൻ ആളുകൾ തടിച്ചു കൂടിയയത് രക്ഷാദൗത്യത്തിനും തടസമാകുന്നു; രക്ഷാപ്രവർത്തനത്തിന് ബോട്ടു വിട്ടുനൽകാൻ മടിച്ച് ബോട്ടുടമകളും: ദുരിത മുഖത്ത് മലയാളികളുടെ ചില മോശം പ്രവണതകൾ ഇങ്ങനെ
ഹോട്ടലുടമകൾ സൗജന്യമായി ഭക്ഷണം നൽകി; ലൈറ്റ് സൗണ്ടുകാർ ഉപകരണങ്ങൾ നൽകി, ടെക്സ്റ്റൈൽസ് ഉടമകൾ വസ്ത്രങ്ങൾ നൽകി; ആംബുലൻസുകളും സമാന്തര വാഹനങ്ങളും രാത്രിയുറങ്ങാതെ വിളികൾക്കായി കാതോർത്തു നിന്നു; മത്സ്യത്തൊഴിലാളികൾ രക്ഷാ പ്രവർത്തനത്തിനായി ബോട്ടുകളും വള്ളങ്ങളും വിട്ടുനൽകിയതും സ്വമേധയാ; പേമാരിയിൽ രാവും പകലുമില്ലാത്ത യുവാക്കൾ കർമ്മരംഗത്ത്; സമ്പൽ സമൃദ്ധമായ ദുരിതാശ്വാസ ക്യാമ്പുകളുമായി മലപ്പുറത്ത് സുമനസ്സുകൾ കൈകോർത്തത് ഇങ്ങനെ
ഇവരെ ഭൂമിയിലെ ദൈവ ദൂതന്മാർ എന്ന് വിളിക്കാം; രാഷ്ട്രീയക്കാരും ഉദ്യോഗസ്ഥരും തിരഞ്ഞുനോക്കാത്ത പ്രദേശത്തേക്ക് സ്വന്തം ചെലവിൽ എണ്ണയടിച്ച് രക്ഷാപ്രവർത്തകരായത് വൈപ്പിനിലെ മൽസ്യത്തൊഴിലാളികൾ; ഭക്ഷണം നൽകുന്നത് കാക്കനാട്ടെ ഒരു സംഘടന; ബസ് പോകുന്ന റൂട്ടിൽ കഴുത്തറ്റം വെള്ളം; അധികൃതർ ആരെയും ഇവിടെക്ക് കാണാനില്ലെന്ന് രോഷത്തോടെ നാട്ടുകാർ; ഭക്ഷണത്തിനും വെള്ളത്തിനും കടുത്തക്ഷാമം; പ്രളയജലത്തിലൂടെ മറുനാടൻ ലേഖകന്റെ വരാപ്പുഴയാത്ര ഇങ്ങനെ
മഴക്കെടുതിയിൽ പെട്ട മല്ലികാ സുകുമാരനെ ക്രൂരമായി അവഹേളിച്ച് സൈബർ ട്രോളുകൾ; മകന്റെ ലംബോർഗനി കാർ കൊണ്ട് വരാൻ റോഡ് ശരിയല്ല എന്ന് തള്ളിയ അമ്മയാണ് അണ്ടാവിൽ കയറി യാത്ര ചെയ്യുന്നതെന്ന് അപമാനിച്ച് ട്രോളുകൾ; പ്രകൃതിക്ക് മുന്നിൽ പണത്തിന്റെ അഹങ്കാരത്തിന് പുല്ലുവില; ഇപ്പോൾ പറയാൻ പാടില്ലെങ്കിലും ചിലത് പറയാതെ വയ്യെന്ന് കളിയാക്കലുകൾ; കുണ്ടമൺകടവിലെ പൃഥ്വിയുടെ വീട്ടിൽ സംഭവിച്ചത് എന്ത്?
സഹപാഠികളും ബന്ധുക്കളുമായ ഡോക്ടർമാരുടെ മരണകാരണം അമിത ഡോസിലുള്ള മരുന്നുപയോഗം; അനസ്‌തേഷ്യാ സ്‌പെഷ്യലിസ്റ്റുകളുടേത് ആത്മഹത്യയെന്ന പ്രാഥമിക നിഗമനം; യുവതി ഗർഭിണിയെന്നും സ്ഥിരീകരണം; കുടുംബാംഗങ്ങളെ മൊഴി എടുത്ത് തുമ്പുണ്ടാക്കാൻ മനാമാ പൊലീസ്; ഡോ ഇബ്രാഹിം റാവുത്തരുടേയും ഡോ ഷംലീന മുഹമ്മദ് സലിമിന്റേയും മരണത്തിലെ പൊരുൾ തേടി അന്വേഷണം
തമിഴ് നാട്ടിലും കർണാടകത്തിലും ആന്ധ്രയിലും പെയ്യാത്ത മഴയെന്ത് കേരളത്തിൽ മാത്രം? 18 മലകളുടെ അധിപനായ ധർമ്മശാസ്താവ് അതിന്റെ പരിശുദ്ധിക്കു കളങ്കം വരുത്തുവാൻ ശ്രമിച്ച അവിശ്വാസികൾക്ക് നൽകുന്ന മുന്നറിയിപ്പാണ് ഈ പെരുമഴ; 18 തികഞ്ഞ സ്ത്രീകളെ കയറ്റാൻ ശ്രമിക്കുന്നവരോട് അയ്യപ്പൻ പറയുന്നത് ആരും തന്നെ കാണാൻ വരേണ്ട എന്നാണ്; ശബരിമല ക്ഷേത്രത്തിൽ ചടങ്ങുകൾ പോലും മുടങ്ങിയതോടെ സ്ത്രീ പ്രവേശന വിഷയം ആയുധമാക്കി വിശ്വാസികൾ; തന്ത്രിക്ക് പോലും എത്താനാകാത്ത അവസ്ഥ സോഷ്യൽ മീഡിയ ചർച്ചയാക്കുമ്പോൾ
ഇടയനോടൊപ്പം ഒരു ദിവസം എന്ന പേരിൽ പ്രാർത്ഥന നടത്തിയും മെത്രാൻ കന്യാസ്ത്രീകളെ പീഡിപ്പിച്ചു; ഒരു ദിവസം എന്ന് പറഞ്ഞാൽ രാത്രിയും ഉൾപ്പെടുമെന്ന് പറഞ്ഞ് അരമനയിലേക്ക് അർദ്ധരാത്രിയും കന്യാസ്ത്രീകളെ വിളിപ്പിച്ചു; പ്രലോഭനങ്ങളിൽ വീഴാത്ത ജലന്ധർ മഠത്തിലെ കന്യാസ്ത്രീകളും പീഡകനെതിരെ മൊഴി കൊടുത്തതോടെ നാണക്കേട് കൊണ്ട് തല താഴുന്നുന്നത് സംരക്ഷിക്കാൻ ശ്രമിച്ച കത്തോലിക്കാ സഭ; കുമ്പസാര രഹസ്യത്തിന് പിന്നാലെ പ്രാർത്ഥനാലയവും ലൈംഗിക ചൂഷണത്തിന് ഉപയോഗിക്കുമ്പോൾ ആശങ്കയോടെ വിശ്വാസികൾ
ആന്റണി പെരുമ്പാവൂർ വേശ്യാലയം നടത്തുന്നത് മോഹൻലാലിന്റെ അറിവോടെയെന്ന വ്യാജ പ്രചരണത്തിലൂടെ ശ്രദ്ധ പിടിച്ചു പറ്റി; പെങ്ങന്മാർക്കെതിരെ കുരച്ചാൽ എസ് എഫ് ഐയെ തകർക്കുമെന്ന് വീമ്പു പറഞ്ഞ് താരമായി; പച്ചത്തെറിയുമായി പരിവാറുകാരെ ആക്രമിച്ചു പുരോഗമന വേഷം കെട്ടി; സൈബർ ഗുണ്ടായിസത്തിന്റെ ഉസ്താദായ കോട്ടയത്തെ വ്യാജ മാധ്യമ പ്രവർത്തകയുടെ ശിങ്കിടിയായി തിളങ്ങി; മയക്കുമരുന്ന് കൈവശം വച്ചതിന് പൊലീസ് പൊക്കിയ 'ആക്കിലപ്പറമ്പൻ' സോഷ്യൽ മീഡിയയിലെ വൈറലുകളുടെ സൃഷ്ടാവ്
'ഇടയനോടൊപ്പം ഒരു ദിവസം' തുടങ്ങിയത് 2014ൽ; 18 കന്യാസ്ത്രീകൾ തിരുവസ്ത്രം ഊരിയത് 'എ ഡേ വിത്ത് ഷെപ്പേഡ്' പ്രാർത്ഥനയ്ക്കിടെ മോശം അനുഭവം ഉണ്ടായപ്പോൾ; സ്വകാര്യമായി ചോദിച്ചപ്പോൾ സത്യം പറഞ്ഞ് മുഴുവൻ കന്യാസ്ത്രീകളും; ക്യാമറയ്ക്ക് മുന്നിൽ മൊഴിയെടുത്തപ്പോൾ ബിഷപ്പിനെ പുണ്യാളനാക്കി രണ്ടു പേരും; മഠത്തിലെ കംപ്യൂട്ടറുകളിലെ ഡിജിറ്റൽ തെളിവുകളും ബിഷപ്പിനെതിര്; ഇനി വേണ്ടത് ബെഹ്‌റയുടെ അനുമതി മാത്രം; ബിഷപ്പ് ഫ്രാങ്കോ മുളയ്ക്കൽ അഴിയെണ്ണാതിരിക്കാൻ നെട്ടോട്ടത്തിൽ
കുതിരാനിൽ കുടുങ്ങി ജയറാം; കഴുത്തറ്റം വെള്ളത്തിൽ നിന്നും നീന്തി രക്ഷപ്പെട്ട് ധർമ്മജൻ; ഉടൻ വരുന്ന വെള്ളത്തെ കാത്ത് ടോവിനോ; മുങ്ങിയ വീടിന്റെ ചിത്രം പങ്കുവച്ച് ജോജു; ദിലീപിന്റെ വീടിന് അടുത്തു വരെ വെള്ളം എത്തി; കായലും കടലും കയറി വീട് പണിത താരങ്ങൾക്കെല്ലാം ആശങ്ക; മല്ലികാ സുകുമാരനെ പോലെ ദുരിതം അറിഞ്ഞവരിൽ അനേകം സിനിമാക്കാർ
മഴക്കെടുതിയിൽ പെട്ട മല്ലികാ സുകുമാരനെ ക്രൂരമായി അവഹേളിച്ച് സൈബർ ട്രോളുകൾ; മകന്റെ ലംബോർഗനി കാർ കൊണ്ട് വരാൻ റോഡ് ശരിയല്ല എന്ന് തള്ളിയ അമ്മയാണ് അണ്ടാവിൽ കയറി യാത്ര ചെയ്യുന്നതെന്ന് അപമാനിച്ച് ട്രോളുകൾ; പ്രകൃതിക്ക് മുന്നിൽ പണത്തിന്റെ അഹങ്കാരത്തിന് പുല്ലുവില; ഇപ്പോൾ പറയാൻ പാടില്ലെങ്കിലും ചിലത് പറയാതെ വയ്യെന്ന് കളിയാക്കലുകൾ; കുണ്ടമൺകടവിലെ പൃഥ്വിയുടെ വീട്ടിൽ സംഭവിച്ചത് എന്ത്?
പ്രസംഗിച്ചു കൊണ്ടിരുന്ന മോഹൻലാലിനെ 'വെടി വെക്കാൻ' നടൻ അലൻസിയറിന്റെ ശ്രമം; ഈർഷ്യ മറച്ചുവെക്കാതെ മോഹൻലാൽ പ്രസംഗം തുടർന്നപ്പോൾ മുഖ്യമന്ത്രിയുടെ ശ്രദ്ധ ക്ഷണിച്ചു സ്‌റ്റേജിലിരുന്ന മന്ത്രി എ കെ ബാലൻ; ഗൗരവം ചോർത്താൻ മുഖ്യമന്ത്രി ചിരിച്ചെങ്കിലും ആർക്കും തമാശ തോന്നിയില്ല; വിരലുകൾ തോക്കുപോലെ ആ്ക്കിയുള്ള വെടിക്ക് ശേഷം സ്‌റ്റേജിലെത്തിയ നടനെ തടഞ്ഞു പൊലീസും സുരക്ഷാ ഉദ്യോഗസ്ഥരും: ചലച്ചിത്ര അവാർഡ്ദാന ചടങ്ങിൽ ഇന്നലെ നടന്നത് നാടകീയ രംഗങ്ങൾ
ജെസ്‌ന കേരളത്തിന് പുറത്ത് ജീവിച്ചിരിക്കുന്നു; മുക്കൂട്ടുതറയിൽ നിന്നുള്ള തിരോധാനം ആസൂത്രിതം; കണ്ടെന്ന കഥകൾ അന്വേഷണം വഴി തെറ്റിക്കാനുള്ള നീക്കത്തിന്റെ ഭാഗം; മടിവാളയിലെ ആശ്രയഭവനിൽ കണ്ടുവെന്ന പ്രചാരണത്തിന് പിന്നിൽ ഒന്നാന്തരം തിരക്കഥ; മറുനാടൻ മുൻപ് സൂചിപ്പിച്ച വഴിയിലൂടെ പൊലീസിന്റെ അന്വേഷണ സംഘം നീങ്ങുമ്പോൾ പുറത്തു വരുന്ന സൂചനകളെല്ലാം ഇനി ജെസ്‌നയിലേക്ക് അധികദൂരമില്ലെന്ന് തന്നെ
സിനിമ മോഹം തലയ്ക്ക് പിടിച്ച ശ്രീകുമാർ മേനോൻ മാസം ഒരുകോടി രൂപ വരുമാനം ഉണ്ടായിരുന്ന സ്വന്തം സ്ഥാപനത്തെ കൈവിട്ടു; കല്യാണുമായി തെറ്റിയതോടെ വരുമാനം നിലച്ച ശ്രീകുമാറിന്റെ പുഷ് കടം കയറി പാപ്പർ ഹർജിയിൽ വരെ എത്തി; ശമ്പളം പോലും ലഭിക്കാതായതോടെ ജീവനക്കാരെല്ലാം സ്ഥലം വിട്ടു; രണ്ടാമൂഴം ഉറപ്പില്ലാതിരിക്കെ ഒടിയൻ കൂടി പൊളിഞ്ഞാൽ എന്താകുമെന്ന് അറിയാതെ ദിലീപ്-മഞ്ജു തർക്കത്തിലൂടെ ശ്രദ്ധ നേടിയ സംവിധായകൻ
ചൂടുണ്ടെന്ന് അറിയാതെയാ അമ്മ ഗ്യാസിന് മുകളിൽ വച്ച ചട്ടുകം കാലിൽ വച്ചത്; കാലു വേദനിച്ചപ്പോ അമ്മ തേൻ പുരട്ടി തന്നിട്ട് ആരോടും പറയല്ലേ എന്ന് പറഞ്ഞു; അടിക്കുകയും പിച്ചുകയും ചെയ്യുമെങ്കിലും അമ്മയോടെനിക്ക് ദേഷ്യമൊന്നുമില്ല; കിടക്കയിൽ മൂത്രമൊഴിച്ചതിന് രണ്ടാനമ്മ ചട്ടുകം പഴുപ്പിച്ച് പൊള്ളിച്ച രണ്ടാം ക്ലാസ്സുകാരിയുടെ മൊഴിയിൽ പൊലീസും കരഞ്ഞു
അരുൺ ഗോപിയും ടോമിച്ചൻ മുളകുപാടവും ചേർന്ന് മലയാളികളെ മുഴുവൻ ഒറ്റ ദിവസം കൊണ്ട് വിഡ്ഢികളാക്കിയോ? പ്രണവ് മോഹൻലാൽ സിനിമയുടെ പ്രമോഷനായി ഒരുക്കിയ നാടകം ആയിരുന്നു ഹനയുടെ മീൻ വില്പനയെന്ന് ആരോപിച്ച് തെളിവുകൾ നിരത്തി അനേകം പേർ; സിനിമക്കാർ കുഴിച്ച കുഴിയിൽ മാതൃഭൂമി ലേഖകൻ ഒറ്റയ്ക്ക് വീഴുകയും പിന്നാലെ മനോരമ മുതൽ മറുനാടൻ വരെ സർവ്വ മാധ്യമങ്ങളും ഒരുമിച്ച് വീഴുകയും ചെയ്തെന്ന് വാദിച്ച്‌ സോഷ്യൽ മീഡിയ
ഗണേശിന്റെ 'ഇടവേളക്കളി' വേണ്ടെന്ന് തറപ്പിച്ച് പറഞ്ഞ് മോഹൻലാൽ; പത്തനാപുരത്തെ എതിരാളിയെ ഒപ്പം നിർത്തി ശുദ്ധീകരണം; ഇനി ജഗദീഷിന് കൂടുതൽ റോൾ; ഡബ്ല്യൂസിസിയെ തകർക്കാൻ വനിതാ സെൽ ഉണ്ടാക്കുന്നത് മഞ്ജു വാര്യരുടെ മനസ്സറിഞ്ഞ്; പൃഥ്വിരാജിനെ ഒപ്പം നിർത്താൻ ഭേദഗതികൾ; ചട്ടങ്ങൾ മാറ്റി ദിലീപിനെ സംഘടനയ്ക്ക് പുറത്ത് നിർത്തും; താരസംഘടനയിൽ ഒടുവിൽ ലാൽ പിടിമുറുക്കുമ്പോൾ
മോഹൻലാലിനെ 'വെടി വെക്കാൻ' ശ്രമിച്ച നടൻ അലൻസിയറിനെ എഎംഎംഎയിൽ നിന്നും പുറത്താക്കിയേക്കും; താരസംഘടനയുടെ അധ്യക്ഷനെ പൊതുവേദിയിൽ പരസ്യമായി അധിക്ഷേപിച്ചത് വെച്ചു പൊറുപ്പിക്കില്ലെന്ന് ഭാരവാഹികൾ; കാരണം കാണിക്കൽ നോട്ടീസ് നൽകി നടപടി സ്വീകരിക്കാൻ നീക്കം; സ്റ്റേജിലേക്ക് കൈചൂണ്ടിയതാണെന്നും മോഹൻലാലിനെതിരെ 'കൈതോക്ക്' പ്രയോഗിച്ചിട്ടില്ലെന്നും വിശദീകരിച്ച് അലൻസിയറും
സഹപാഠികളും ബന്ധുക്കളുമായ ഡോക്ടർമാരുടെ മരണകാരണം അമിത ഡോസിലുള്ള മരുന്നുപയോഗം; അനസ്‌തേഷ്യാ സ്‌പെഷ്യലിസ്റ്റുകളുടേത് ആത്മഹത്യയെന്ന പ്രാഥമിക നിഗമനം; യുവതി ഗർഭിണിയെന്നും സ്ഥിരീകരണം; കുടുംബാംഗങ്ങളെ മൊഴി എടുത്ത് തുമ്പുണ്ടാക്കാൻ മനാമാ പൊലീസ്; ഡോ ഇബ്രാഹിം റാവുത്തരുടേയും ഡോ ഷംലീന മുഹമ്മദ് സലിമിന്റേയും മരണത്തിലെ പൊരുൾ തേടി അന്വേഷണം