1 aed = 17.58 inr 1 eur = 70.41 inr 1 gbp = 82.56 inr 1 kwd = 211.28 inr 1 sar = 17.22 inr 1 usd = 64.32 inr
Apr / 2017
27
Thursday

ബീഫിനെതിരായ വാദം തീവ്രവർഗ്ഗീതയുടെ ഭാഗം; എസ് ഡി പി ഐയുടേയും വെൽഫയർ പാർട്ടിയുടേയും പിന്തുണ വേണ്ട; രാഷ്ട്രീയ പോരാട്ടത്തിൽ ജയം ഉറപ്പ്; തൊഴിലുറപ്പാക്കുന്ന വികസനം എത്തിക്കും; കുഞ്ഞാലിക്കുട്ടിയുടെ പത്രികയിൽ നിയമപോരാട്ടം തുടരും; മലപ്പുറത്തെ പോരാട്ട ചൂടിൽ ഇടത് സ്ഥാനാർത്ഥിക്ക് പറയാനുള്ളത്

April 09, 2017 | 06:59 AM | Permalink



എംപി റാഫി

മലപ്പുറം: മലപ്പുറം ഉപതെരഞ്ഞെടുപ്പിൽ ജില്ലയിലെ സിപിഎമ്മിൽ നിന്നുള്ള ഏറ്റവും മികച്ച സ്ഥാനാർത്ഥിയായാണ് അഡ്വ.എം.ബി ഫൈസലിനെ കാണുന്നത്. വിദ്യാർത്ഥി യുവജന പ്രസ്ഥാനങ്ങളിലൂടെ കടന്നുവന്ന യുവനേതാവെന്നത് ഫൈസലിന് പാർലമെന്റിലേക്കുള്ള കന്നിമത്സരത്തിന് നറുക്കു വീഴാൻ ഇടയാക്കി. നിലവിൽ ഡിവൈഎഫ്‌ഐ മലപ്പുറം ജില്ലാ പ്രസിഡന്റും ജില്ലാ പഞ്ചായത്തംഗവുമായ ഫൈസൽ മികച്ച വാഗ്മി കൂടിയാണ്. വേനൽ ചൂടിനെ വകവെയ്ക്കാതെ പ്രചാരണ ഗോദയിൽ കർമ്മ നിരതനായ ഫൈസൽ വോട്ടുറപ്പിക്കാനുള്ള അവസാനവട്ട ഓട്ടത്തിലാണിപ്പോൾ. ആൾക്കൂട്ടങ്ങളിലേക്ക് ഇറങ്ങി ഓരോ വോട്ടും ഉറപ്പാക്കിയ ശേഷമാണ് ഫൈസൽ അടുത്ത തട്ടകത്തിലേക്ക് യാത്ര തിരിക്കുന്നത്. പൊതുപാരിപാടികളിൽ നീളൻ പ്രസംഗങ്ങളില്ല., കുറഞ്ഞ വാക്കിൽ അറുത്തുമുറിച്ച പ്രസംഗം മാത്രം.

പ്രചാരണ പരിപാടികളിലെല്ലാം യുവാക്കളുടെ സാന്നിദ്ധ്യം ശ്രദ്ധേയമായിരുന്നു. പ്രധാന എതിരാളി പികെ കുഞ്ഞാലിക്കുട്ടിയുടെ ഈറ്റില്ലമായ വേങ്ങരയിലായിരുന്നു ശനിയാഴ്ച ഫൈസലിന്റെ പര്യടനം. തെരഞ്ഞെടുപ്പ് പ്രചാരണം ഫിനിഷിംങ് പോയിന്റിലേക്ക് അടുക്കുന്ന സാഹചര്യത്തിൻ തന്റെ വികസന കാഴ്ചപ്പാടും പ്രതീക്ഷകളും രാഷ്ട്രീയ നിലപാടുകളും എം.ബി ഫൈസൽ മറുനാടൻ മലയാളിയോടു പങ്കുവെച്ചു. ഏറ്റവും കൂടുതൽ പ്രവാസികളുള്ള മലപ്പുറത്ത് പ്രവാസികളുടെ നിക്ഷേപം ഫലപ്രദമായി വിനിയോഗിച്ച് വിവിധ വ്യാവസായിക പദ്ധതികൾ നടപ്പിലാക്കുകയും ഇതിലൂടെ ചെറുപ്പക്കാർക്ക് തൊഴിൽ അവസരം സൃഷ്ടിക്കുകയുമാണ് തന്റെ പ്രധാന വികസന കാഴ്ചപ്പാടെന്ന് ഫൈസൽ മറുനാടന് അനുവദിച്ച അഭിമുഖത്തിൽ പറഞ്ഞു.

കരിപ്പൂർ വിമാനത്തിന്റെ വികസനവും ഹജ്ജ് എമ്പാർക്കേഷൻ തിരിച്ചുകൊണ്ടുവരുന്നതിനുള്ള നടപടിയും സ്വീകരിക്കും. പത്രികയിൽ വിവരം കുഞ്ഞാലിക്കുട്ടി മറച്ചു വെച്ചതിനെതിരെ തെരഞ്ഞെടുപ്പു കഴിഞ്ഞാൽ നടപടികളുമായി മുന്നോട്ടു പോകും. എസ്.ഡി.പി.ഐ, വെൽഫെയർ പാർട്ടി പോലുള്ള വർഗീയ പാർട്ടികളുമായി ഒരു തരത്തിലുള്ള കൂട്ടും ഉണ്ടാവില്ലെന്നും മുസ്ലിംലീഗ് പരസ്യമായി ഇവരോട് ബന്ധം സ്ഥാപിക്കുകയാണെന്നും ഫൈസൽ പറഞ്ഞു. മുസ്ലിം വോട്ട് ഏകീകരിക്കുന്നതിലൂടെ ഫാഷിസ്റ്റ് ശക്തികളെ സഹായിക്കലാണ്. ഇത് ഭാവിയിൽ മുസ്ലിംസമുദായത്തിന് വലിയ പ്രയാസമുണ്ടാക്കും. നൂറു ശതമാനം വിജയിക്കാൻ ആവശ്യമായ ഒരു ട്രന്റാണ് മലപ്പുറത്ത് ഇപ്പോൾ ഉള്ളതെന്നും തെരഞ്ഞെടുക്കപ്പെട്ടാൽ ജനങ്ങളോടൊപ്പം ഉണ്ടാകുമെന്നും അഭിമുഖത്തിൽ ഫൈസൽ വ്യക്തമാക്കി.

വേങ്ങര മണ്ഡലത്തിലെ സ്ഥാനാർത്ഥി പര്യടനത്തിനിടെ എൽ.ഡി.എഫ് സ്ഥാനാർത്ഥി അഡ്വ.എം.ബി ഫൈസലുമായി മറുനാടൻ മലയാളി ലേഖകൻ എംപി റാഫി നടത്തിയ അഭിമുഖത്തിന്റെ പൂർണ രൂപം:

? പ്രചാരണം എങ്ങിനെയാണ് പുരോഗമിക്കുന്നത്

ആദ്യ ദിവസങ്ങളിൽ മൈക്കില്ലാതെ ജനങ്ങളിലേക്കിറങ്ങി എല്ലാ പ്രദേശങ്ങളിലേക്കും പോയി വോട്ടർമാരെ കാണുന്ന രീതിയായിരുന്നു. അതിനു ശേഷം സ്ഥാനാർത്ഥി പര്യടനത്തിന്റെ രണ്ടാംഘട്ടമാണ്. മണ്ഡലങ്ങളിലൂടെയുള്ള പര്യടനം രണ്ടാംഘട്ടം ഞായറാഴ്ച അവസാനിക്കും.

? വികസന കാഴ്ചപ്പാട്

വികസന കാഴ്ചപ്പാട് യഥാർത്ഥത്തിൽ, മലപ്പുറം ജില്ല തന്നെ സ്ഥിതിവിവര കണക്കുകൾ പരിശോധിക്കുമ്പോൾ ആളോഹരി വരുമാനത്തിന്റെ കാര്യത്തിലും വികസനത്തിന്റെ കാര്യത്തിലും ഏറ്റവും പിറകിൽ നിൽക്കുന്ന ജില്ലയായിട്ടാണ് പുതിയ കണക്കുകൾ വരുന്നത്. കഴിഞ്ഞ പതിറ്റാണ്ടുകളായി യു.ഡി.എഫ്, വിശേഷിച്ച് മസ്ലിംലീഗാണ് എല്ലാ മണ്ഡലങ്ങളെയും ലോക്സഭയേയും പ്രതിനിധീകരിക്കുന്നത്. പക്ഷേ ജില്ലയുടെ അടിസ്ഥാന വികസന കാര്യത്തിൽ വേണ്ടത്ര ശ്രദ്ധ ഊന്നിയ വികസന കാഴ്ചപ്പാട് അവർക്ക് ഇല്ല എന്നുള്ളതാണ് കാണാൻ കഴിഞ്ഞിട്ടുള്ളത്.

കുടിവെള്ള പ്രശ്നമാണെങ്കിലും ഗ്രാമപ്രദേശങ്ങളുടെ വികസനമാണെങ്കിലും സാധാരണ ജനങ്ങളുടെ തൊഴിൽ മേഖലയുമായി ബന്ധപ്പെടുന്ന വ്യാവസായിക വികസനമാണെങ്കിലും വലിയ അളവിൽ പിറകോട്ട് നിൽക്കുന്ന ജില്ലയാണ് മലപ്പുറം. യുവാക്കൾ കൂടുതലുള്ള
ഇവിടെ തൊഴിൽ ഏറ്റവും വലിയ പ്രശ്നമാണ്. പ്രവാസികളും കൂടുതലുള്ള ജില്ലയാണ്. പ്രവാസികളുടെ നിക്ഷേപം ഫലപ്രദമായി വിനിയോഗിച്ച് വിവിധ വ്യാവസായിക പദ്ധതികൾ ചെറുപ്പക്കാർക്ക് തൊഴിൽ കിട്ടുന്ന രൂപത്തിൽ തുടങ്ങണമെന്നാണ് ഒന്നാമത്തെ കാഴ്ചപ്പാട്. അങ്ങിനെ വന്നാൽ പ്രവാസികളുടെ നിക്ഷേപത്തിന് നല്ലൊരു റി്ട്ടേൺ കിട്ടുകയും യുവാക്കൾക്ക് തൊഴിലും കിട്ടും. ഇതിലൂടെ രണ്ട് വിഭാഗത്തേയും സംരക്ഷിക്കാൻ കഴിയും.

മറ്റൊന്ന് കരിപ്പൂർ വിമാനത്താവളവുമായി ബന്ധപ്പെട്ട് നിൽക്കുന്ന പ്രശ്നങ്ങൾ വളരെ പ്രധാനപ്പെട്ടതാണ്. അതിനു വേണ്ട വികസനം സാധ്യമാക്കും. പ്രവാസികളെ സഹായിക്കാൻ കഴിയുന്നതോടൊപ്പം ഹജ്ജ് എമ്പാർക്കേഷൻ പോയിന്റ് തിരിച്ചു കൊണ്ടുവരാനുള്ള പരിശ്രമവും നടത്തും. ഇതാണ് പ്രധാന വികസന കാഴ്ചപ്പാടുകൾ.

? പ്രധാന വാഗ്ദാനം

ഒറ്റവാക്കിൽ പറയുകയാണെങ്കിൽ എല്ലാ കാര്യത്തിനും അവരുടെ കൂടെയുണ്ടാകും എന്നുള്ളതാണ്. അത് വികസനമാണെങ്കിലും മറ്റു ജീവിത പ്രശ്നങ്ങളാണെങ്കിലും മറ്റേത് കാര്യത്തിലും അവരിൽ ഒരാളായി കുടുംബാംഗത്തെ പോലെ പരിഗണിക്കാവുന്ന വിധത്തിൽ അവരുടെ കൂടെയുണ്ടാകും എന്നുള്ള ഉറപ്പാണ് കൊടുക്കുന്നത്.

?ഉപതെരഞ്ഞെടുപ്പിൽ ഉയർത്തുന്ന രാഷ്ട്രീയ ചർച്ചകൾ

ലോക്സഭാ തെരഞ്ഞെടുപ്പാകുമ്പോൾ സ്വാഭാവികമായും ദേശീയ രാഷ്ട്രീയമാകും പ്രധാനമായി ചർച്ചയാകുന്നത്. അതിൽ ഫാസിസവും വർഗീയതയും അതിന്റെ പ്രതിരോധത്തെ കുറിച്ചും ഒക്കെയാണ് ചർച്ച ചെയ്യുന്നത്. ഇപ്പോൾ വലിയ രൂപത്തിൽ ന്യൂനപക്ഷങ്ങളും ദളിത് പിന്നോക്ക മേഖലയിൽ നിൽക്കുന്ന ആളുകളുമെല്ലാം അരക്ഷിതമായ ഒരു ജീവിതം നയിക്കുന്ന സാഹചര്യത്തിലേക്ക് കാര്യങ്ങൾ മാറി. ഭക്ഷണത്തിന്റെ പേരിലുള്ള വലിയ പ്രയാസം ആളുകൾ അഭിമുഖീകരിച്ചു കൊണ്ടിരിക്കുകയാണ്.

ഇതിനെതിരെയുള്ള ഒരു കാമ്പയിനിംങ്, മതനിരപേക്ഷ ചേരി ശക്തിപ്പെടേണ്ടതുണ്ട്. മതനിരപേക്ഷ ടീം ശക്തിപ്പെടണമെങ്കിൽ ആദ്യം ഇടതുപക്ഷം ശക്തിപ്പെടണം. ഇടതുപക്ഷം മാത്രമാണ് തുറന്ന പോരിന് തയ്യാറായിട്ട് നിൽക്കുന്നത്. ബീഫ് നിരോധനം പോലുള്ള കാര്യത്തെ ഒരിക്കലും അംഗീകരിക്കാൻ കഴിയില്ല. ഇന്ത്യയിലെ ഒരു പൗരന് ഇഷ്ടപ്പെട്ട ഭക്ഷണം കഴിക്കാനുള്ള സ്വാതന്ത്ര്യമുണ്ട്. എന്ത് കഴിക്കണോ വേണ്ടയോ എന്ന് തീരുമാനിക്കേണ്ടത് ഒരു വ്യക്തിയുടെ സ്വകാര്യ വിഷയമാണ്.

അതിൽ പോലും ഫാസിസം ഇടപെടുന്നു എന്നുള്ളതാണ്. തീവ്ര വർഗീയതയിലേക്കാണ് കേന്ദ്ര ഗവൺമെന്റും സംഘപരിവാരും ബിജെപിയുമെല്ലാം മാറുന്നത്. ഏറ്റവും അപകടമെന്നത് ബീഫ് കഴിക്കുന്നത് ചെറിയ വിഭാഗമല്ല. ഇന്ത്യയിലെ 65 ശതമാനത്തിനു മുകളിൽ വരുന്ന ജനങ്ങൾ ബീഫ് കഴിക്കുന്നവരാണ്. ഇത് അത്തരം ജനങ്ങളോടുള്ള വെല്ലുവിളിയെന്നു തന്നെയാണ് ഞങ്ങൾ പ്രചരിപ്പിക്കുന്നത്.

?സംസ്ഥാന ഭരണത്തിന്റെ വിലയിരുത്തൽ കൂടിയാകുമോ ഈ തെരഞ്ഞെടുപ്പ്

കേരള ഭരണം വളരെ നല്ലത് പോലെ തെരഞ്ഞെടുപ്പിൽ ചർച്ച ചെയ്യുന്നുണ്ട്. കഴിഞ്ഞ പത്ത് മാസക്കാലത്തെ ഭരണ നേട്ടങ്ങൾ വിശദീകരിച്ചു കൊണ്ടാണ് ഞങ്ങൾ കാമ്പയിനിംങ് പുരോഗമിക്കുന്നത്. സർക്കാർ നടപ്പിലാക്കിയ ക്ഷേമ പദ്ധതികൾ, പ്രവാസി പദ്ധതികൾ, പെൻഷൻ പദ്ധതികൾ, പ്രവാസി പുനരധിവാസം, മിഷൻ പദ്ധതികളെല്ലാം വലിയ രീതിയിലുള്ള ഇടപെടലാണ്. കഴിഞ്ഞ ബജറ്റ് ഒരു നവകേരള സൃഷ്ടിക്കു വേണ്ടിയുള്ള ചുവടുവെയ്‌പ്പാണ്. മലപ്പുറം ജില്ലയിൽ തന്നെ ആയിരക്കണക്കിന് കോടി രൂപയുടെ വികസന പ്രവർത്തനങ്ങൾക്കാണ് രൂപം നൽകിയിട്ടുള്ളത്. ഒരുകാലത്തും യു.ഡി.എഫിന് നിർദ്ദേശിക്കാൻ കഴിയാത്ത വികസന മാതൃകകൾ തീർത്താണ് മലപ്പുറം ജില്ലയിൽ അടക്കം എൽ.ഡി.എഫ് ഗവൺമെന്റിന്റെ പദ്ധതികൾ വരുന്നത്. മലപ്പുറം ജില്ലയിൽ മാത്രം എണ്ണമറ്റ പദ്ധതികൾ ഈ സർക്കാറിന് കൊണ്ടുവരാൻ സാധിച്ചു.

ഇത്തവണയും ഒരു മന്ത്രിയും നാല് എംഎ‍ൽഎമാരും മാത്രമാണ് ജില്ലയിലുള്ളത് എന്നിട്ടും വലിയ വികസനങ്ങൾ കൊണ്ടുവരാൻ സാധിച്ചു. കഴിഞ്ഞ തവണ 14 എംഎ‍ൽഎമാരും 5 മന്ത്രിമാരും ഉണ്ടായിട്ട് ഒന്നും ഒന്നും ചെയ്യാൻ പറ്റാത്തത് ഈ ഗവൺമെന്റ് ആദ്യ ബജറ്റിൽ തന്നെ പ്രഖ്യാപിക്കാൻ വേണ്ടി കഴിഞ്ഞു.

? കുഞ്ഞാലിക്കുട്ടിയെ പോലുള്ള ശക്തനായ ഒരു നേതാവിനെതിരെയുള്ള മത്സരത്തെ എങ്ങിനെ കാണുന്നു

മത്സരത്തെ ഒരു രാഷ്ട്രീയ പോരാട്ടമായിട്ടാണ് കാണുന്നത്. ഇടതുപക്ഷ ജനാധിപത്യ മുന്നണിയുടെ ആശയങ്ങളും ഐക്യ ജനാധിപത്യ മുന്നണിയുടെ ആശയങ്ങളും തമ്മിലുള്ള വലിയ പോരാട്ടമാണ് നടക്കുന്നത്. അതിൽ നിലവിലുള്ള രാഷ്ട്രീയ സാഹചര്യങ്ങൾ ഇടതുപക്ഷ ജനാധിപത്യ മുന്നണിക്ക് അനുകൂലമാണ്. അത് ഈ തെരഞ്ഞെടുപ്പിൽ വിജയിക്കാൻ സഹായിക്കുമെന്നുള്ളതാണ്.

? കുഞ്ഞാലിക്കുട്ടിയുടെ പത്രികയുമായി ബന്ധപ്പെട്ട് ഉയർന്ന പരാതിയിൽ ഇടതുപക്ഷത്തിന്റെ മൗനം രാഷ്ട്രീയ അഡ്ജസ്റ്റ്മെന്റിന്റെ ഭാഗമാണെന്ന ആക്ഷേപം ഉയർന്നിരുന്നു

അത് തെറ്റായ ആക്ഷേപമാണ്. ഈ വിഷയം സൂക്ഷ്മ പരിശോധനാ സമയത്ത് കൃത്യമായി ചൂണ്ടിക്കാട്ടിയതാണ്. റിട്ടേണിംങ് ഓഫീസറുടെ വിവേചനമാണ് അത് സ്വീകരിക്കണോ തള്ളണമോയെന്നുള്ളത്. അദ്ദേഹം പത്രിക സ്വീകരിച്ചു. സ്വീകരിച്ചു കഴിഞ്ഞാൽ മറ്റു നിയമ നടപടികളും കമ്മീഷനിൽ പരാതിയുമാണ് കൊടുക്കുക. അതുമായി മുന്നോട്ടു പോകുമെന്ന് ഇടതുപക്ഷ ജനാധിപത്യ മുന്നണിയും സ്ഥാനാർത്ഥിയെന്ന നിലയിൽ ഞാനും പ്രഖ്യാപിച്ചതാണ്. തെരഞ്ഞെടുപ്പ് കഴിഞ്ഞാൽ അതിന്റെ വിദഗ്ദരുമായി കൂടിയാലോചിച്ച് നടപടി സ്വീകരിക്കും.

? എസ്.ഡി.പി.ഐ, വെൽഫെയർ പാർട്ടി എന്നിവർ സ്ഥാനാർത്ഥിയെ നിർത്തിയിട്ടില്ല. ഇവരുടെ പിന്തുണ തേടിയിരുന്നോ..

ഒരിക്കലുമില്ല., വർഗീയ രാഷ്ട്രീയ പാർട്ടികളുമായി ഒരു കൂട്ടുകൂടലും തെരഞ്ഞെടുപ്പാണെങ്കിലും അല്ലെങ്കിലും ഇടതുപക്ഷത്തിന് ആ ഒരു നിലപാടില്ല. എസ്.ഡി.പി.ഐ എന്ന പ്രസ്ഥാനവുമായിട്ട് മുസ്ലിംലീഗ് പരസ്യ ബാണ്ഡവത്തിന് തയ്യാറായിരിക്കുന്നു. ഈ രീതിയിലുള്ള മുസ്ലിം ദ്രുവീകരണം ഉണ്ടാക്കുന്നത്, ഏകീകരണം ഉണ്ടാക്കുന്നത് യഥാർത്ഥത്തിൽ ഫാഷിസത്തെ സഹായിക്കുന്നതിന് തുല്ല്യമാണ്. അതാണ് ഇതിനകത്ത് സംഭവിക്കാൻ പോകുന്നത്. അത് തെരഞ്ഞെടുപ്പ് കഴിഞ്ഞാലും വലിയ അപകടകരമായ പ്രയാസം മുസ്ലിം സമുദായത്തിന് ഉണ്ടാക്കും എന്ന അഭിപ്രായമാണ് എനിക്കുള്ളത്. വോട്ട് എല്ലാ വിഭാഗം ആളുകളോടും അഭ്യർത്ഥിക്കുന്നുണ്ട്. തെരഞ്ഞെടുപ്പാകുമ്പോൾ എല്ലാ ആളുകളോടും വോട്ട് ചെയ്യാൻ പറയും.

? പ്രചാരണം അവസാനഘട്ടത്തിലെത്തുമ്പോഴുള്ള പ്രതീക്ഷകൾ

തെരഞ്ഞെടുപ്പിന്റെ എല്ലാ ഘട്ടത്തിലും നല്ല പിന്തുണയും പ്രോത്സാഹനവുമാണ് എൽ.ഡി.എഫ് പ്രവർത്തകരുടെ ഭാഗത്ത് നിന്നും പൊതുവായ വോട്ടർമാരുടെ ഭാഗത്ത് നിന്നും കിട്ടിയിട്ടുള്ളത്. എവിടെ പോകുമ്പോഴും പൊതു സമൂഹം നല്ല പിന്തുണയും പ്രോത്സാഹവും നൽകുന്നു. ആത്മവിശ്വാസത്തോടെ പ്രചാരണ രംഗത്ത് നിലനിൽക്കാൻ സഹായിച്ചത് അതാണ്. അത് ഓരോ ദിവസവും വർദിക്കുന്നതായാണ് കാണുന്നത്. നല്ല യുവാക്കളുടെ പിന്തുണയുണ്ട്. അതുപോലെ തന്നെ കാരണവന്മാർ, സ്ത്രീകൾ ഉൾപ്പടെയുള്ള പിന്തുണയുണ്ട്. നൂറ് ശതമാനം വിജയിക്കാൻ ആവശ്യമായ ഒരു ട്രന്റ് ഈ മണ്ഡലത്തിൽ ഉണ്ടായിട്ടുണ്ടെന്നാണ് ഞാൻ മനസിലാക്കുന്നത്.

? വോട്ടർമാരോട്

ഫാഷിസത്തിനും വർഗീയതക്കും എതിരായ മതനിരപേക്ഷ രാഷ്ട്രീയത്തെ ശക്തിപ്പെടുത്താൻ ഇടതുപക്ഷ ജനാധിപത്യ മുന്നണിയെ വിജയിപ്പിക്കണം. ഇവിടത്തെ വികസന പ്രവർത്തനങ്ങൾക്ക് നേതൃത്വപരമായ പങ്കുവഹിച്ച് ഈ നാടിന്റെ സ്വപ്ന പദ്ധതികൾ നടപ്പിലാക്കാൻ കഴിയണം. അതിന് ഇടതുപക്ഷത്തെ വിജയിപ്പിക്കണം എന്നാണ് ജനങ്ങളോട് പറയാനുള്ളത്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
അപ്രതീക്ഷിതമായി വീട്ടിലെത്തിയ യുവാവ് കണ്ടത് സ്വന്തം കിടപ്പുമുറിയിൽ മറ്റൊരാൾക്കൊപ്പം അടിച്ചുപൂസായി കിടന്നുറങ്ങുന്ന കാമുകിയെ; കാലുമടക്കി തൊഴിക്കാൻ തോന്നിയെങ്കിലും ചെയ്യാതെ ഇരുവരുടെയും ചിത്രങ്ങൾ പകർത്തി സോഷ്യൽ മീഡിയയിലിട്ടു; വഞ്ചന നേരിട്ടു ബോധ്യപ്പെട്ടിട്ടും സമചിത്തതയോടെ പെറുമാറിയ ഡസ്റ്റന് സോഷ്യൽ മീഡിയയുടെ കയ്യടി
പിണറായി മുഖ്യമന്ത്രിയായ ശേഷമാണോ ഈ കുരുപൊട്ടൽ തുടങ്ങിയത്? കുരു വളർത്തുന്നത് കുമ്മനമോ ചെന്നിത്തലയോ? മാതൃഭൂമി അവതാരകൻ വേണുവിനെതിരെ മുഖ്യമന്ത്രിയുടെ സ്റ്റാഫ് അംഗത്തിന്റെ കളിയാക്കൽ വീഡിയോ; പ്രചരിപ്പിച്ചത് മന്ത്രി കടകംപള്ളിയുടെ ഔദ്യോഗിക വാട്‌സ്ആപ്പ് ഗ്രൂപ്പിലൂടെ; ട്രോളർമാർക്കെതിരെ കേസെടുക്കുന്നവർ ഇതു കാണുന്നുണ്ടോ?
മൂന്ന് പെൺമക്കളോടൊപ്പം തീവണ്ടിക്ക് മുന്നിൽ ചാടി ജീവിതം അവസാനിപ്പിക്കേണ്ടി വന്നത് ഇഷ്ടപ്പെട്ട ആളോടൊപ്പം ജീവിക്കാൻ ഇറങ്ങിയ റജീനയായിരുന്ന ഭാവന; രാജേഷ് റെജീനയുമായി അടുത്തത് മുസ്ലിംമാണെന്ന് പറഞ്ഞ്; കാമുകന് വേണ്ടി മതംമാറിയപ്പോൾ സ്വന്തം വീട്ടുകാരും കൈവിട്ടു: മരണത്തിൽ അന്വേഷണം ആവശ്യപ്പെട്ട് ബന്ധുക്കളുടെ പരാതി
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ഒരു ബസിന്റെ വരുമാനം കൊണ്ട് ശമ്പളവും പെൻഷനും നൽകേണ്ടത് 18 പേർക്ക്; ദിവസം കിട്ടുന്ന അഞ്ചരക്കോടിയിൽ മൂന്നരക്കോടിയും ചെലവാക്കുന്നത് പലിശ അടയ്ക്കാൻ; വണ്ടി ഓടണമെങ്കിൽ ദിവസവും അധികം വേണ്ടത് രണ്ടു കോടി; കെഎസ്ആർടിസിയെ ലാഭത്തിലാക്കാൻ അരയും തലയും മുറുക്കി ഇറങ്ങിയ എംഡി എം ജി രാജമാണിക്യം മറുനാടൻ മലയാളിയോട്
കേഡൽ ജിൻസൺ രാജയുടെ 'അന്ന്യൻ' കളിയുടെ ഉദ്ദേശ്യമെന്ത്? ജയിൽ ഉദ്യോഗസ്ഥനെ ആക്രമിച്ച് ഊളമ്പാറയിലെത്തിയ കേഡലിന്റെ ഉദ്ദേശ്യം ശിക്ഷയിൽ നിന്നും രക്ഷപെടലും സ്വത്ത് സംരക്ഷിക്കലുമെന്ന് പൊലീസ് നിഗമനം; സാത്താൻ സേവക്കാരനായ കൊടുംകുറ്റവാളിയുടെ പണം വേണ്ടെന്ന് പറഞ്ഞ് വക്കാലത്ത് ഏറ്റെടുക്കാൻ മടിച്ച് അഭിഭാഷകരും
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ജനറൽ കമ്പാർട്ട്‌മെന്റിൽ പെൺകുട്ടി ഒറ്റയ്ക്കാണെന്നു കണ്ടപ്പോൾ അവനു വികാരം ഉണർന്നു; ലിംഗം പുറത്തെടുത്തു പരസ്യമായി സ്വയംഭോഗം ചെയത ഞെരമ്പുരോഗിക്ക് പെൺകുട്ടി കൊടുത്ത് എട്ടിന്റെ പണി; മൊബൈലിൽ റിക്കാർഡ് ചെയ്തു വാട്‌സാപ്പിൽ ഇട്ട വീഡിയോ വൈറൽ; ആപത്ഘട്ടത്തിൽ ബുദ്ധിയും ധൈര്യവും കൈവിടാത്ത പെൺകുട്ടിക്ക് സോഷ്യൽ മീഡിയയിൽ കൈയടി
ശ്രീറാം പൊളിച്ചത് കുരിശ് നാട്ടിയും ഷെഡ് കെട്ടിയും മതവികാരം ഇളക്കി സർക്കാർ ഭൂമി സ്വന്തമാക്കാനുള്ള ശ്രമം; പൊളിക്കുന്നതിനെ എതിർത്ത കളക്ടറെ പോലും നിശബ്ദനാക്കിയത് യുവ ഐഎഎസുകാരന്റെ നിശ്ചയദാർഢ്യം; കത്തോലിക്കാ സഭയിൽ നിന്നും പുറത്താക്കിയ പ്രത്യേക ക്രിസ്ത്യൻ വിഭാഗം ആത്മീയ ടൂറിസത്തിന്റെ പേരിൽ പിടിച്ചെടുക്കാൻ ശ്രമിച്ചത് രണ്ടായിരത്തോളം ഏക്കർ ഭൂമി
കർത്താവ് ഇറങ്ങി വന്ന് വിട്ടു പോകാതെകൂടി വെളിപാടുകൾ നൽകുന്ന സ്വർഗ്ഗത്തിലെ മുത്ത് എന്ന് വിളിക്കുന്ന സിന്ധു ആത്മീയ മുഖം; സൂര്യനെല്ലിയിൽ തുടങ്ങി പൂനയിൽ ദേശീയ ആസ്ഥാനവും ഇംഗ്ലണ്ടിൽ അന്തർദേശീയ കേന്ദ്രവും സ്ഥാപിച്ച് കത്തോലിക്കാ വിശ്വാസികളെ കൂടെ കൂട്ടി; കുരിശ് സ്ഥാപിച്ചും പള്ളിപണിതും പാപ്പാത്തിച്ചോല പിടിച്ചെടുക്കാൻ ശ്രമിച്ച് കേസിൽ കുടുങ്ങിയ സ്പിരിറ്റ് ഇൻ ജീസസിന്റെ കഥ
ശബരിമലയിൽ യുവതികളെ തന്ത്രപരമായി ദർശനത്തിന് എത്തിച്ച് ആചാരലംഘനം; ദർശന ദല്ലാളായ സുനിൽസ്വാമി സന്നിധാനത്ത് ഏർപ്പാടുകൾ ചെയ്തു കൊടുത്തപ്പോൾ ഒത്താശചെയ്ത് ദേവസ്വം ബോർഡും പൊലീസും; ദർശനത്തിന് എത്തിയത് പാലക്കാട്ടുനിന്നുള്ള യുവതികളെന്ന് സൂചനകൾ; യുവതീ ദർശനം പുറത്തായതോടെ എതിർപ്പുമായി ആർഎസ്എസ് നേതാവ് ടിജി മോഹൻദാസിന്റെ ട്വീറ്റ്
മാതൃഭൂമി ന്യൂസിലെ വേണുവിന്റെ തൊഴിൽ ഊത്തെന്ന് നടൻ ദിലീപ്! ഇദ്ദേഹത്തിന് പല കുടുംബങ്ങൾ നോക്കേണ്ടതുണ്ട്; വേണുവിനെകുറിച്ച് ഒരു സിനിമയെടുക്കാനുള്ള വിവരങ്ങൾ കൈയിലുണ്ട്; ലിബർട്ടി ബഷീർ ഒരേ സമയം മൂന്നു ഭാര്യമാരെ കൈവശം വെച്ചിരിക്കുന്നയാൾ; പല്ലിശ്ശേരി കോമാളിയും പണം വാങ്ങി എഴുതുന്നവനും; വിമർശകർക്കെതിരെ ആഞ്ഞടിച്ച് ദിലീപ് രംഗത്ത്
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ഇയാൾ ആര്...? സത്യജിത് റായിയോ അമിതാഭ് ബച്ചനോ അല്ലെങ്കിൽ മമ്മൂട്ടിയോ, മോഹൻലാലോ? മഞ്ജു വാര്യരെ ഇപ്പോഴും പീഡിപ്പിക്കുന്നു; നടിയെ ആക്രമിച്ച കേസിൽ പെട്ട ബ്യൂട്ടീഷ്യനും കാവ്യയുമായുള്ള ബന്ധത്തെക്കുറിച്ചും അറിയാം; ആയിരം കുറുക്കന്മാരുടെ കൗശലവുമായി ചിരിച്ചു കൊണ്ട് കഴുത്തറക്കുന്ന സൈലന്റ് പ്രതികാരി; ദിലീപിനെതിരെ ഇനി നിയമനടപടി; ആരോപണങ്ങളിൽ പല്ലിശേരി മറുനാടനോട് മനസ്സ് തുറക്കുന്നു
മന്ത്രി മന്ദിരത്തിൽ എത്തിയപ്പോൾ കണ്ടത് കസേരയിൽ ഇരുന്ന് കാലുകൾ ടിപോയിൽ കയറ്റി വച്ചിരിക്കുന്ന മന്ത്രിയെ; സുന്ദരിക്കുട്ടിക്ക് സർക്കാർ ഉദ്യോഗം നൽകാമെന്ന് പറഞ്ഞ് ചോദിച്ചത് ഒന്ന് കെട്ടിപിടിച്ചോട്ടേയെന്നും; മുണ്ടഴിച്ചപ്പോൾ മുറിയിൽ നിന്ന് ഇറങ്ങിയോടി; ശശീന്ദ്രനെതിരെ മംഗളം റിപ്പോർട്ടർ കോടതിയിൽ നൽകിയ പരാതി ഇങ്ങനെ
തിരുവനന്തപുരത്ത് ഉപതെരഞ്ഞെടുപ്പിന് തയ്യാറെടുക്കാൻ കുമ്മനത്തിന് അമിത് ഷായുടെ നിർദ്ദേശം; കുമ്മനവും സുരേഷ് ഗോപിയും രാജീവ് ചന്ദ്രശേഖറും വി മുരളീധരനും വിവി രാജേഷും ബിജെപിയുടെ സാധ്യതാ സ്ഥാനാർത്ഥി പട്ടികയിൽ; തരൂരിനെ ഉപരാഷ്ട്രപതിയാക്കാനുള്ള തന്ത്രം തിരിച്ചറിഞ്ഞ് നീക്കങ്ങളുമായി കോൺഗ്രസും; മത്സരിക്കാൻ സുധീരൻ എത്തുമോ?