Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202425Thursday
ഹോം കുവൈറ്റ് വാർത്തകൾ

പ്രവാസികൾക്ക് ആശുപത്രി ചെലവുകൾ വർധിക്കുമെന്ന് ഉറപ്പായി; വിദേശികളിൽ നിന്ന് മരുന്നിന് പണം വാങ്ങുന്നതിന് പിന്തുണയുമായി ഹെൽത്ത് അധികൃതർ

March 24, 201701:34 PM IST Permalink
പ്രവാസികൾക്ക് ആശുപത്രി ചെലവുകൾ വർധിക്കുമെന്ന് ഉറപ്പായി; വിദേശികളിൽ നിന്ന് മരുന്നിന് പണം വാങ്ങുന്നതിന് പിന്തുണയുമായി ഹെൽത്ത് അധികൃതർ

കുവൈറ്റ് സിറ്റി: സർക്കാർ ആശുപത്രികൾ സ്വദേശികൾക്കു മാത്രമായി നിജപ്പെടുത്താൻ നീക്കം നടത്തുന്നതിനിടെ വിദേശികളിൽ നിന്ന് മരുന്നിന് പണം വാങ്ങുന്ന നിർദേശത്തിന് പിന്തുണയുമായി ഹെൽത്ത് അധികൃതർ രംഗത്തെത്തി. വിദേശികളിൽ നിന്ന് മരുന്നിന് ചാർജ് ഈടാക്കുന്നതിന് പിന്തുണ നൽകിക്കൊണ്ട് ഹവാലി സോൺ ഡയറക്ടർ ഡോ.ഫഹദ് അൽ ഫോദാരിയാണ് ഇപ്പോൾ രംഗത്തെത്തിയിരിക്കുന്നത്. പ്രവാസികളിൽ നിന്ന് മരുന്നിന്റെ തുക മുഴുവനോ അല്ലെങ്കിൽ ചെറിയൊരു ഭാഗമോ ഈടാക്കാവുന്നതാണെന്നാണ് ഡോ. ഫഹദ് അടുത്തിടെ വ്യക്തമാക്കിയത്.

ഹവാലി ഹെൽത്ത് സെന്ററിൽ എത്തുന്നവരിൽ ഭൂരിഭാഗം പേരും വിദേശികളാണെന്നാണ് ഡോ.ഫഹദ് പറയുന്നത്. മുബാറക് ഹോസ്പിറ്റലിൽ എത്തുന്ന രോഗികളിൽ 60 ശതമാനത്തോളം വിദേശികളാണെന്നും അദ്ദേഹം വെളിപ്പെടുത്തുന്നു. സർക്കാർ ആശുപത്രികളിൽ വിദേശികളായ രോഗികളിൽ നിന്ന് മരുന്നിന് പണം ഈടാക്കുമ്പോൾ സ്വകാര്യ മേഖലയിൽ മരുന്നുകളുടെ വില നിയന്ത്രിക്കുന്നത് സംവിധാനം വേണമെന്നും ഡോ.ഫഹദ് ആവശ്യപ്പെടുന്നു.

സ്വകാര്യമേഖലയെ ചികിത്സയ്ക്കായി ആശ്രയിക്കേണ്ടി വരുന്നവർക്ക് കൂടുതൽ പണം നൽകേണ്ട അവസ്ഥ ഉണ്ടാകരുതെന്നും അദ്ദേഹം ചൂണ്ടിക്കാട്ടി. സ്വകാര്യമേഖലയിൽ മരുന്നുകൾക്ക് കൃത്രിമമായി വില വർധിുപ്പിക്കുന്ന സാഹചര്യം ഉണ്ടാകാൻ പാടില്ലെന്നും ഡോ. ഫഹദ് ഓർമപ്പെടുത്തി.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP