അനിലയുടെ ആത്മകഥ- നോവൽ 29
'നീ പോകാമെന്നു സമ്മതിക്കുക. പക്ഷെ നീ മാത്രമല്ല പോവുക. നീ മാത്രമായിക്കൂടാ'
വളരെ വേണ്ടപ്പെട്ട ഒരു ബന്ധുവിന്റെ സുരക്ഷിതത്വം ഉത്തരവാദിത്വമായി ഏറ്റെടുത്ത ആത്മാഭിമാനിയായ ഉദ്യോഗസ്ഥന്റെ സ്വരം അഖിലിന്റെ വാക്കുകളിൽ അലയിട്ടു.
ചഞ്ചൽ മുഖത്തണിഞ്ഞ നേർത്ത കുങ്കുമ വർണ്ണമുള്ള പുതിയ ചമയം ആ വാക്കുകൾ ഉണ്ടാക്കിയതാണെന്ന് ഊഹിക്കാൻ അധികം ബുദ്ധിയൊന്നും വേണ്ട.
എനിക്കത് മനസ്സിലായി. എങ്കിലും മനസ്സിലായില്ലെന്ന് ഭാവിക്കുകയാണ് ഉചിതമെന്ന് ഞാൻ ചിന്തിച്ചു.
പ്രണയമങ്കുരിക്കുന്നതിന്റെ ആദ്യ പ്രകൃതങ്ങൾ നിരീക്ഷിച്ചറിയാൻ മനുഷ്യന് ചിട്ടപ്പെടുത്തിയ പരിശീലനത്തിന്റെ ആവശ്യകതയെന്ത്?
എനിക്ക് കലശലായ കോപം തോന്നി.
വളരെ ചിട്ടയോടെ പണിതെടുത്ത് കാലങ്ങളോളം മനസ്സിന്റെ ഉലയിൽ എരിഞ്ഞ മോഹങ്ങളുടെ കനത്ത കനലുകളിൽ ഇട്ടു നിശ്വാസ സഹസ്രങ്ങൾ കൊണ്ട് ഊതിപ്പഴിപ്പിച്ച്, കണ്ണീരു കൊണ്ട് പൊടുന്നനെ തണുപ്പിച്ച് കാഠിന്യം ഉറപ്പുവരുത്തി, ചിന്തയും അത് പകർന്ന വാക്കുകളും കൊണ്ട് രാകി മൂർച്ചകൂട്ടി കാത്തു വച്ച ആയുധമാണ് ചഞ്ചൽ. ഒടുവിൽ അന്ത്യ യുദ്ധം മുറുകുന്ന വേളയിൽ ഇതാ അവളിൽ പ്രണയം മുളക്കുന്നു.
പ്രണയം!
വെറുപ്പാണ് ആ വാക്കിനോട് എനിക്ക്.
അറപ്പാണ് അത് പകരുന്നു എന്ന് പറയുന്ന അനുഭൂതിയെ കുറിച്ച് കേൾക്കുമ്പോൾ.
വാക്കുകളുടെ ബൗദ്ധികമായ സമ്മിശ്രണം കൊണ്ട് മനസ്സിലെ തിന്മയെ മറച്ചു വച്ച് ചതിക്കുഴി പണിയുന്ന അധമ വികാരം.
അതിലും എത്രയോ മെച്ചമാണ് ആത്മാവിനെ കളങ്കപ്പെടുത്താതെ ശരീരങ്ങൾ തമ്മിൽ ഇടപഴകി പോകുന്നത്.
ഉള്ളിൽ ആളിക്കത്തിയ കോപം ശോഷിച്ച ശരീരത്തിൽ പ്രതിഫലിക്കാതിരിക്കാൻ ഞാൻ നടത്തിയ തീവ്ര ശ്രമം എന്നിൽ ഒരു വിറയൽ ഉണ്ടാക്കി.
എന്റെ ശ്വാസഗതി അതി ശീഘ്രഗതിയിലായി.
കണ്ണുകൾ നിറഞ്ഞൊഴുകി.
'അമ്മേ...അമ്മേ..........'
ചഞ്ചൽ വിളിക്കുന്നത് ഞാൻ കേട്ടു.
അഖിൽ ഡോക്ടർ അയ്യരെ കൂട്ടിവന്നു
'അനിലാ.....എന്താ കുട്ടീ.....ഇത്?'
എനിക്ക് മറുപടി ഉണ്ടായിരുന്നില്ല.
ഞാനെന്തു പറയും?
എന്റെ മകൾ എന്നെ തോൽപ്പിക്കാനായി ഞാൻ വിശ്വസിച്ചു തുണയായി കൂട്ടിയവനെ പ്രണയിച്ചു തുടങ്ങി എന്നോ?
എന്നെ നിതാന്ത നരകത്തിലേക്ക് തള്ളി വീഴ്ത്തിയ കാരണങ്ങളിൽ ചെറുതല്ലാത്ത നിരർത്ഥകതയുടെ ജ്വാലയിലേക്ക് എന്റെ മകൾ ഇയ്യാം പാറ്റയായി പറന്നു വീഴുന്നുവെന്നോ?
ഞാൻ സരുൺ ദാസിനെ ഓർമ്മിച്ചു.
അവൻ പഴയ സന്നാഹത്തോടെ മുന്നിൽ എത്തിയെങ്കിൽ ഇവരെ കൊന്നുകളയാൻ പറയാമായിരുന്നു. അവൻ കേൾക്കുമെന്നെനിക്ക് തീർച്ച തോന്നി.
ഞാൻ റഫീക്കിനെ ഓർമ്മിച്ചു.
ഷാഫി റബ്ബാനിയെ ഓർമ്മിച്ചു.
ആ നിമിഷം എന്റെ മിഴികൾ വരണ്ടു.
എന്റെ തനുവിനെ തളർത്തിയ വിറയൽ വിടചൊല്ലി.
'ഒന്നുമില്ല ഡോക്ടർ ..എനിക്കൊന്നുമില്ല'
'നുണ പറയാനുള്ള ശേഷി നിനക്കിനിയും ആർജ്ജിക്കാനായിട്ടില്ല'
'അതവൾക്ക് ഒരിക്കലും ഇല്ലായിരുന്നു ഡോക്ടർ. പറയാൻ അരുതാത്തത് അവൾ മൗനം കൊണ്ട് പൊതിഞ്ഞു വച്ചിരുന്നു. അങ്ങെനെയാണവൾ പലപ്പോഴും വിജയിച്ചത്'
നീനയുടെ ശബ്ദം ഞാൻ കേട്ടു.
നേരീയ മഞ്ഞിന്റെ നൈർമ്മല്യമാർന്ന കുളിര് എന്നെ പൊതിഞ്ഞു.
പുറത്തു ശക്തമായ കാറ്റ് വീശും പോലെ തോന്നി.
ഞാൻ ആർത്തിയോടെ ജനാലയിലേക്ക് നോക്കി.
അഖിൽ കർട്ടൻ മാറ്റി ഇട്ടു.
വിഷാദത്തിലും തിളങ്ങുന്ന സ്ഥൈര്യം ആ മുഖത്ത്.
ഡോക്ടർ എന്നെ തൊട്ടു പരിശോധിച്ചു.
ജനാലയിലൂടെ കടന്നു വന്ന വേറിട്ട വെളിച്ചത്തിന്റെ കണികകൾ എന്റെ കണ്ണിലെ ചില്ലുകളിൽ പ്രതിഫലിക്കുന്നത് ഡോക്ടർ നോക്കി ഇരുന്നു.
അദ്ദേഹം ചിന്തയാൽ വശംകെട്ട പോലെ.
'അനിലാ ..നിനക്ക് ജിതേന്ദ്ര യതിയെ കാണാൻ സമയമായി എന്ന് തോന്നുന്നു'
മോഹ വലയത്തിൽ അകപ്പെട്ടു ഉഴലുന്ന മനുഷ്യന് ഗാർഹിക ലൗകിക ജീവിത മാർഗ്ഗം വെടിയാതെ തന്നെ, മോഹങ്ങളെ മോഹ ഭംഗങ്ങൾ ആക്കാതെ തന്നെ, വരുതിയിലാക്കി ആത്മാവിനെ പുതുജീവനത്തിലേക്ക് ആനയിക്കാൻ പോന്ന ലളിത കർമ്മ പദ്ധതികളെ കുറിച്ച് അദ്ദേഹം എഴുതിയ പുസ്തക പരമ്പര ഞാനും നീനയും വായിച്ചിരുന്നു. മരണം തിരികെ വിളിക്കും വരെ മൈഥിലിയും അവ വായിച്ചിരുന്നു.
ഞാനത് പറയാൻ മറന്നു.
അവളെ ഞാൻ ആവാഹിച്ചെടുത്ത് അധിക കാലം കഴിയും മുമ്പേ ജീവൻ അവളുടെ ശരീരം വെടിഞ്ഞു പോയി.
നടപടി ക്രമങ്ങൾ അനുസരിച്ച് കണ്ടെത്താനായ എല്ലാ ബന്ധു ജങ്ങളെയും ഞങ്ങൾ വിവരം അറിയിച്ചു.
ജീവൻ പോയ ആ ശരീരത്തിന്മേൽ ആരും അവകാശം ഉന്നയിച്ചില്ല.
എങ്കിലും കൂടുതൽ വാർത്താ പ്രാധാന്യം ഇല്ലാതെ ശരീരം കത്തിച്ചുകളയാൻ കണക്കില്ലാതെ പണം ഒഴുക്കാൻ പേര് വെളിപ്പെടുത്തരുത് എന്ന നിബന്ധനയോടെ ഒരുപാട് പേർ വന്നെത്തി.
ആ പുസ്തക പാരായണവും അദ്ദേഹത്തിന്റെ പൂർവ്വ ആശ്രമത്തിൽ ഉള്ള പേരും എന്നെ ആകർഷിച്ചിരുന്നു.
ഞാൻ സ്വയം ഈ വഴി തെരഞ്ഞെടുത്ത ശേഷം അധികകാലം കഴിയും മുമ്പേ കണ്ടിരുന്ന ഒരു രാജേന്ദ്ര പ്രസാദ് ആണ് ജിതേന്ദ്ര യതി എന്നെനിക്ക് തോന്നി.
പൂർവ്വാശ്രമത്തിൽ ആ പേരായിരുന്നു തനിക്ക് എന്നൊരു സൂചന യതി തന്നിരുന്നു.
ഹരിതഭംഗി തുളുമ്പി നിന്ന പ്രകൃതിയുടെ മടിയിലെ ഒരു വിശ്രമ കേന്ദ്രത്തിൽ എന്നെ രാജേന്ദ്രപ്രസാദ് വിളിച്ചു വരുത്തിയതാണ്. മൂന്നു ദിന രാത്രങ്ങൾ ഞാൻ അയാൾക്കൊപ്പം തങ്ങി.
എന്റെ സങ്കൽപ്പങ്ങളിൽ വിള്ളൽ വീഴ്ത്തിയ പുരുഷൻ.
അതാണ് യതിയെ കാണണം എന്ന തോന്നൽ എന്നിൽ വളരാൻ ഹേതു.
ഒരുപാട് തവണ ആവശ്യപ്പെട്ടു ഞാൻ.
ഒക്കെയും ഈ കിടക്കയിൽ അടിഞ്ഞതിനു ശേഷമാണ്.
'വന്നുകാണും ഒരിക്കൽ' എന്ന മറുപടി എപ്പോഴും കിട്ടിയിരുന്നു.
ഡോക്ടർ അയ്യർക്ക് ഈ വിവരങ്ങൾ അറിവുള്ളതാണ്.
അദ്ദേഹം ഇപ്പോൾ പറയുന്നു യതിയെ കാണാറായി എന്ന്.
കരചരണങ്ങൾ മുറിച്ചുമാറ്റപ്പെട്ട്, ആസന്ന മരണയായി കിടന്നിരുന്ന വസവദത്തയുടെ ചാരത്തേക്ക് വന്നെത്തിയ പുരുഷന്റെ പൂർണ്ണകായ രൂപം ഞാൻ ഓർമ്മിച്ചു. അവളിൽ പക്ഷെ ആത്മാവ് ബന്ധിച്ച അനുരാഗം കനത്തു കിടന്നിരുന്നു. എന്നിൽ അതില്ല. മൂന്ന് രാത്രികളും പകലുകളും ഒരുമിച്ചു കഴിഞ്ഞപ്പോൾ ലഭ്യമായ ചിലത് മാത്രം.
ഇതിൽ ഒരു സൂചനയുണ്ട്.
എന്റെ മരണം ആസന്നമാണ്.
പരാജയ ബോധം പടപുറപ്പെടുന്ന മനസ്സുമായി ഞാൻ മരിക്കണമെന്നോ?
ഇല്ല.
ആ ബോധം എന്റെ ചിന്തയിൽ മാത്രമേയുള്ളൂ.
എന്റെ ചെയ്തികളുടെ വ്യാഖ്യാനത്തിൽ വിജയം മാത്രം.
ഞാൻ പ്രയാസപ്പെട്ടു ചിരിച്ചു.
'അഖിൽ, ഇവളുടെ കഥ ഏതുവരെ ആയി?'
ഡോക്ടർ അഖിലിനോട് ചോദിച്ചു.
'ആന്റി പറഞ്ഞു തന്നത്രയും ഡീ ടീ പീ ചെയ്തു കഴിഞ്ഞു. അല്ലറ ചില്ലറ എഡിറ്റിങ് വേണ്ടി വന്നു എന്ന് മാത്രം'
'കഥയിൽ ചഞ്ചൽ എങ്ങിനെ, എവിടെ നിൽക്കുന്നു?'
അഖിൽ മറുപടി പറഞ്ഞില്ല.
അവൻ ചഞ്ചലിനെ നോക്കി.
അവൾ എന്നെ നോക്കി.
ഞാൻ നീനയെ നോക്കി.
നീന ഓരോ മുഖത്തും മാറി മാറി നോക്കി.
അവളുടെ കണ്ണുകൾ ഈറൻ കണ്ടു.
'എനിക്കറിയാം കുട്ടികളെ...... നിങ്ങൾക്കത് പ്രയാസകരമാണ്'
മൗനം ആ മുറിയിൽ പതിയിരുന്നു.
ഡോക്ടർ തുടർന്നു.
'അനിലാ, ചഞ്ചൽ എങ്ങനെ ആകണം എന്ന് നിനക്കൊരു കണക്കു കൂട്ടലുണ്ട്. അതെനിക്ക് നന്നായി അറിയാം. അതിനു നീ കാണുന്ന ശരികൾ കാരണമാണ് താനും. പക്ഷെ ആ ശരികൾ എല്ലാപേർക്കും ശരി ആകണം എന്നില്ല'
'അതുകൊണ്ട്?'
എന്റെ ശബ്ദം വല്ലാതെ ഉയർന്നതായി എനിക്കും തോന്നി.
'ആരോഗ്യമുള്ള ശരീരത്തിൽ മാത്രമാണ് ആരോഗ്യമുള്ള മനസ്സ് കുടികൊള്ളുക. നിന്റെ ശരീരം വളരെ ക്ഷീണിതമാണ്. ഇവരുടെ ശരീരങ്ങൾ പ്രതിദിനം കരുത്താർജ്ജിക്കുന്ന താരുണ്യത്തിന്റെ ആരോഗ്യപൂർണ്ണതയിലും. സ്വാഭാവികമായും ആരോഗ്യമുള്ള മനസ്സുകളുടെ തീരുമാനം ശരിയോട് അടുത്തു നിൽക്കും'
'ദുഷ്ടൻ. പുരുഷനല്ലേ നിങ്ങൾ. ഞാനോ നീര് വാർന്നുപോയി തുടി കെടാറായ ഒരു പാഴ്ചെടി'
ഞാൻ തേങ്ങി.
ആരും എന്നെ ആശ്വസിപ്പിക്കാൻ മുതിർന്നില്ല.
'ഇല്ല കുട്ടീ...നിന്റെ ജീവിതം നിനക്ക് തന്ന അനുഭവം നിന്നിൽ ചില ശരികൾ ഉരുവാക്കി. അതിനു ഞാൻ എതിരല്ല. പക്ഷെ ആ ശാപം നീ എന്തിന് അവളിലേക്ക് പകരണം? വിശേഷിച്ച് അവൾ അതാഗ്രഹിക്കുന്നില്ല എങ്കിൽ?'
'അവൾ തന്നെ പാപം ഉരുവായതാണ്. ഞാൻ ചൊല്ലിക്കൊടുത്ത കാര്യം എഴുതിയ അഖിലിന് അറിയാം അത്. എനിക്ക് തന്ന വാക്കനുസരിച്ച് അവൻ അവളെ അതറിയിച്ചിരിക്കില്ല'
അത് പറയുമ്പോൾ എന്നിൽ ഒരാവേശം നിറഞ്ഞു കത്തി.
'ഇല്ലമ്മേ....എനിക്കറിയാം എന്റെ അച്ഛൻ ആരെന്ന്... അഖിൽ എന്നോട് പറഞ്ഞിരുന്നു'
'നോക്ക് . അപ്പോൾ അതിലും വഞ്ചന. നീയും ആണല്ലേ, ദ്രോഹീ'
ഞാൻ ചീറി.
'അനിലാ ആശ്വസിക്കൂ.....നോക്ക് നിന്റെ ശരികൾ തെറ്റുകളായി പരിണമിക്കാതെ കാക്കുകയാണ് ഈ കുട്ടികൾ എന്ന് കരുതൂ....'
'സ്വാർത്ഥരായ വർഗ്ഗം. അറിയാം നിങ്ങൾക്ക് എന്റെ ഗതികേട്. അപ്പോൾ ഇഷ്ടം പോലെ എന്തും കളിക്കാമല്ലോ. നീനാ നിനക്കെങ്കിലും പറയരുതോ ഇവളോട്?'
ഞാൻ പിന്നെയും വെട്ടി വിറച്ചു.
'ആന്റി വിഷമിക്കരുത്. ചഞ്ചൽ പോകും കാസിം അലിയെ കാണാൻ. അവൾ മാത്രമല്ല. ഞാനും ഉണ്ടാകും. എന്റെ ഒരു ഫ്രണ്ടും. വിജയധരനും ഞാനും ആയി ഒരു ഡീൽ ഉണ്ട്. കാസിം അലി ഹോട്ടൽ മുറിയിൽ ഇടപെടുന്ന കാര്യങ്ങൾ വീഡിയോ ചെയ്യണം. സ്പൈ ക്യാമറ കൊണ്ട്. അതവന് കിട്ടുന്നതോടെ എനിക്ക് ലഭിക്കുക ലക്ഷങ്ങൾ ആണ്. അതോടെ കാസിം അലിയുടെ രാഷ്ട്രീയ പ്രവേശം മുടങ്ങും. അത് കഴിയുമ്പോൾ കാസിം അലിയോടോത്തു ചിത്രീകരിക്കപ്പെടുന്ന പെൺകുട്ടിയുടെ വെളിപ്പെടുത്തൽ വരും. അവളെ അതിനു നിയോഗിച്ചത് വിജയധരൻ ആണെന്ന് പറഞ്ഞു കൊണ്ട്. എന്നെ സംബന്ധിച്ച് ഒരു വെടിക്ക് ഒന്നിലധികം കിളികൾ. ഇത് നടത്തിയെടുക്കാൻ എനിക്ക് ചഞ്ചലിന്റെ സഹായം കൂടിയേ പറ്റൂ'
'കാസിം അലിയെ കാണുന്നത് ചഞ്ചൽ തന്നെ ആയിരിക്കണം'
ഞാൻ പറഞ്ഞു.
എന്നിൽ നടമാടുന്ന സത്യം അവളിലേക്ക് പകരാൻ അത് ഇടയാകും എന്ന് ഞാൻ വിശ്വസിച്ചു.
'ചഞ്ചൽ കാസിമിനെ കാണും. തീർച്ച. പിന്നെ ആന്റീ ഒരു കാര്യം കൂടി എനിക്ക് ആന്റിയെ അറിയിക്കാൻ ഉണ്ട്. ചഞ്ചൽ അവളുടെ അച്ഛനെ ചെന്ന് കണ്ടിരുന്നു. ഞാനും ജിതേന്ദ്ര യതിയും ഒപ്പം ഉണ്ടായിരുന്നു'
പുറത്തു മഴ തുടങ്ങി.
ജനാല വഴി വീശുന്ന കാറ്റിനു ദുസ്സഹമായ തണുപ്പ് തോന്നി.
'അതെ അമ്മെ. അമ്മ ക്ഷമിക്കണം. അദ്ദേഹം മാപ്പ് പറഞ്ഞു. എന്റെ കയ്യിൽ നിന്ന് ഒരിറക്ക് വെള്ളം കുടിച്ചു മരിക്കണം എന്ന് പറഞ്ഞു'
ആ നിമിഷം പുറത്തു ശക്തമായ ഇടി മുഴങ്ങി.
എനിക്കിവരെ വിശ്വസിക്കാമോ?
എനിക്കാ ചോദ്യത്തിന് ഉത്തരം കിട്ടിയില്ല.
നീനയുടെ വിതുമ്പൽ ഞാൻ കേട്ടു.
തുടരും...
- TODAY
- LAST WEEK
- LAST MONTH
- 27 ലക്ഷത്തോളം ഞാൻ മുടക്കി, ഒരു രൂപ പോലും ശമ്പളമായി കിട്ടാത്ത സിനിമയും; ഒരാൾ ലോകം മുഴുവൻ തന്നെ തകർക്കാൻ ശ്രമിക്കുന്നു എന്ന് കരുതുന്നത് അയാളുടെ കുഴപ്പമാണ്; എല്ലാം പുള്ളിക്കുവേണ്ടി ചെയ്തിട്ട് അവസാനം വില്ലനായി മാറുന്നത് സങ്കടകരം; 'വഴക്ക്' സംവിധായകനെതിരെ ടൊവിനോ തോമസ്
- എന്റെ സഹോദരന്റെ വിട് ബോംബിട്ടു, എന്റെ മോനെ സിപിഎം വെട്ടിക്കെല്ലാൻ ശ്രമിച്ചു; ഊരു വിലക്കി; എന്നിട്ടും കോൺഗ്രസിന് തൊണ്ട പൊട്ടി പ്രസംഗിച്ചു; ഇപ്പോൾ ഒരു വരത്തൻ പറയുന്നു, പുറത്തുപോകാൻ; ഉണ്ണിത്താനു വേണ്ടി പുറത്തുപോകുന്നു; രാജി ഭീഷണിയുമായി ബാലകൃഷ്ണൻ പെരിയ
- കെജ്രിവാൾ തീകോരിയിട്ടത് മോദിയെ തുറുപ്പാക്കിയ ബിജെപിയുടെ പ്രചരണ തന്ത്രങ്ങൾക്ക് മേൽ; 75 വയസ്സെന്ന പ്രായപരിധിയിൽ അദ്വാനിയെയും ഒഴിവാക്കിയ പഴയകഥ ചർച്ചയാക്കി യശ്വന്ത് സിൻഹയും; പ്രായം എന്തായാലും മോദി തന്നെയാകും പ്രധാനമന്ത്രിയെന്ന് ആവർത്തിച്ചു അമിത്ഷായും
- ഡാ മോനേ.. ആ ലൈബ്രറി പ്രേമം നടക്കില്ല..! അഡ്മിഷൻ തുടങ്ങിയെന്ന് അറിയിച്ചുള്ള വിവാദമായ പരസ്യം പിൻവലിച്ചു മൂവാറ്റുപുഴ നിർമല കോളേജ് അധികൃതർ; പണി കിട്ടിയത് പരസ്യ ഏജൻസിയെ ഏൽപ്പിച്ചതു കൊണ്ടെന്ന് വിശദീകരണം; പരസ്യ വീഡിയോ തുടർന്ന് ഷെയർ ചെയ്യരുതെന്ന് അഭ്യർത്ഥന
- വിവാദ പ്രസംഗത്തിൽ കെ എസ് ഹരിഹരനെതിരെ കേസെടുത്തു പൊലീസ്; വടകര പൊലീസ് എഫ്ഐആർ രജിസ്റ്റർ ചെയ്തത് സ്ത്രീത്വത്തെ അപമാനിച്ചു, കലാപം ഉണ്ടാക്കാൻ ശ്രമിച്ചു തുടങ്ങിയ വകുപ്പുകൾ ചുമത്തി; നിയമപരമായി നേരിടുമെന്ന് ഹരിഹരൻ; ഹരിഹരന്റെ വീടിനെ നേരെ ബോംബെറിഞ്ഞതിന് പിന്നിൽ സിപിഎം എന്ന് കെ.കെ രമ
- 'കൂട്ടമായി വരുന്നവർ ഗ്യാങ്സ്റ്റർ ഒറ്റക്ക് വന്നാൽ മോൺസ്റ്റർ'; കെജിഎഫ് റോക്കിയുടെ ആരാധകരായ മാഫിയാ കൂട്ടം; അഖിലിന്റെ ജീവനും ഇവരെടുക്കുമ്പോൾ പ്രതിയാകേണ്ടതുകൊടും ക്രിമിനലുകൾക്ക് അനന്തു കേസിൽ ജാമ്യം കിട്ടുന്നത് തടയാനാകാത്ത ഭരണകൂട വീഴ്ച; കരമനയിലെ ഈ ഗ്യാങ് ഇനി പുറത്തിറങ്ങരുത്
- ആലുവയിൽ വീടുകയറി ആക്രമണം; മാധ്യമപ്രവർത്തകയുടെ വീട് അടിച്ചു തകർത്തു; നാല് പേർ അറസ്റ്റിൽ
- ആദ്യ ക്യാമറ മുൻ വശത്തെ റോഡ് കിട്ടാനുള്ളത്; രണ്ടാമത്തേത് യാത്രക്കാരേയും ഫുട്ബോർഡും കാണുന്ന തരത്തിൽ ക്രമീകരിച്ചത്; പിറകു വശത്തുള്ളതും റോഡിലെ കാഴ്ച പകർത്താൻ; ആ ബസിൽ അശ്ലീല ആംഗ്യം കാട്ടിയോ എന്നത് ചിത്രീകരിക്കുന്ന ക്യാമറയൊന്നുമില്ല; ക്യാമറ സ്ഥാപിച്ചവർ സത്യം പറയുമ്പോൾ
- ഹാർദിക്ക് പാണ്ഡ്യയെ ലോകകപ്പ് സ്ക്വാഡിൽ ഉൾപ്പെടുത്തിയത് രോഹിതിനും അഗാർക്കറിനും താൽപര്യമില്ലാതെ; ടീമിലെടുത്തത് മുംബൈ ഇന്ത്യൻസ് മാനേജ്മെന്റിന്റെ സമ്മർദ്ദമോ? സൂചനകൾ നൽകി ദേശീയ മാധ്യമം
- തുടർച്ചയായ അഞ്ചാം ജയവു പ്ലേഓഫ് പ്രതീക്ഷ നിലനിർത്തി റോയൽ ചാലഞ്ചേഴ്സ് ബംഗളൂരു; ഡൽഹി ക്യാപ്പിറ്റൽസിനെ 47 റൺസിന് വീഴ്ത്തി; മൂന്ന് വിക്കറ്റുമായി തിളങ്ങി യഷ് ദയാൽ
- മെയ് മാസത്തിൽ വിരമിക്കുക 20000 പേർ; പെൻഷൻ ആനുകൂല്യങ്ങൾ കൊടുക്കാൻ മാത്രം ഈ സാമ്പത്തിക വർഷം വേണ്ടത് പതിനായിരം കോടി; 37000 കോടിയുടെ കടമെടുക്കലിന് അനുമതി കിട്ടിയാൽ പോലും പ്രതിസന്ധി രൂക്ഷമാകും; അടിയന്തരമായി പെൻഷൻപ്രായം ഉയർത്താൻ അണിയറ നീക്കം സജീവം; സർക്കാർ ജീവനക്കാർക്ക് കോളടിച്ചേക്കും
- കോഴിക്കടയിൽ വാഹനത്തിന്റെ നമ്പർ പ്ലേറ്റ് മറച്ച് ലോഡ് ഇറക്കാനെത്തി; നാട്ടുകാർക്ക് സംശയം; പരിശോധിച്ചപ്പോൾ കണ്ടെത്തിയത് ചത്ത കോഴികൾ
- ഒരു ദിവസത്തേക്ക് രണ്ടുകോടി പ്രതിഫലം വാങ്ങുന്ന പവൻ; ഇന്ത്യയിൽ ആദ്യമായി ഒരുകോടി വാങ്ങിയ ചിരംഞ്ജീവി; അനിയന്റെയും ജ്യേഷ്ഠ പുത്രന്റെയും ഫാൻസ് ഏറ്റുമുട്ടിയപ്പോൾ ഒരുമരണം; രാഷ്ട്രീയ ഭിന്നത സിനിമയിലേക്കും; ദക്ഷിണേന്ത്യയിലെ ഏറ്റവും വലിയ സിനിമാ കുടുംബം അടിച്ചുപിരിയുമ്പോൾ!
- രാത്രിയിൽ കാമുകിയെ പിരിഞ്ഞിരിക്കാൻ വിഷമം; ഭർത്താവും ഭാര്യയും കിടപ്പുമുറിയിൽ സംസാരിച്ചിരിക്കെ, കടന്നുകയറി യുവതിക്കൊപ്പം കട്ടിലിൽ കിടന്നു; കലി കയറി കാമുകനെ വെട്ടിപ്പരുക്കേൽപ്പിച്ച് ഭർത്താവ്; ആശുപത്രിയിൽ ശുശ്രൂഷയ്ക്കായി യുവതിയും ഒപ്പം
- ഭരണവിരുദ്ധ വികാരം വോട്ടായി മാറുന്നതോടെ യുഡിഎഫ് ട്വന്റി-ട്വന്റി അടിക്കുമോ? എൽഡിഎഫിന് ഭരണവിരുദ്ധ വികാരം വലിയ തിരിച്ചടിയാകുമോ? എൻഡിഎക്ക് സാധ്യത എത്ര സീറ്റിൽ? റാഷിദ് സിപി വീണ്ടും പ്രവചിക്കുന്നു സംസ്ഥാന തിരഞ്ഞെടുപ്പ് ചിത്രം
- സെഞ്ചുറിയിലേക്ക് കുതിക്കുന്നതിനിടെ സഞ്ജുവിന്റെ വിവാദ പുറത്താകൽ; 86 റൺസെടുത്ത് തിളങ്ങിയ നായകൻ മടങ്ങിയതോടെ താളം നഷ്ടപ്പെട്ട് രാജസ്ഥാൻ; 20 റൺസിന് ഡൽഹിയോട് തോൽവി; 350 ടി 20 വിക്കറ്റുകൾ നേടുന്ന ആദ്യ ഇന്ത്യൻ കളിക്കാരനായി യുസ്വേന്ദ്ര ചാഹൽ
- വീട്ടിൽ സോളാർ വെക്കുമ്പോൾ ഓൺ ഗ്രിഡ് ആക്കല്ലേ, കെ എസ് ഇ ബി കട്ടോണ്ട് പോകും; ബാറ്ററി വാങ്ങി ഓഫ് ഗ്രിഡ് വച്ചാൽ നമ്മുടെ കറന്റ് നമുക്ക് തന്നെ കിട്ടുമല്ലോ! കെ എസ് ഇ ബി കാട്ടുകള്ളന്മാരെന്ന് മുൻ ഡിജിപി ആർ ശ്രീലേഖയുടെ പോസ്റ്റ്
- പഠനകാലത്തെ പ്രണയം പൂവണിഞ്ഞില്ല; പൂർവ്വ വിദ്യാർത്ഥി വാട്സാപ്പിൽ വീണ്ടും അടുപ്പം പൂത്തുലഞ്ഞു; ബന്ധുക്കളുടെ നയപരമായ ഇടപെടൽ അനിലയുടെ കുടുംബത്തെ തകർത്തില്ല; കുടുംബം തകർന്നതിന്റെ വേദന മൃദു സ്വഭാവിയായ സുദർശന പ്രസാദിനെ മറ്റൊരാളാക്കി; അനിലയുടെ കൊല ആസൂത്രിതം
- പെൺകുട്ടിയുടെ പിറന്നാളിന് കേക്കുമായി എത്തിയ യുവാവ്; തേങ്ങ തുണിയിൽ കെട്ടി മർദ്ദിച്ച ബന്ധുക്കൾ; പോക്സോ കേസെടുത്ത പൊലീസും; നഹാസിനെതിരെ നടന്നത് ക്രൂര മർദ്ദനം
- ഒരു ഡോക്ടറെ അടിയന്തരമായി വീട്ടിൽ അയക്കാൻ സൂപ്രണ്ടിന് നിർദ്ദേശം; പറ്റില്ലെന്ന് പറഞ്ഞെങ്കിലും അധികാര സ്വരത്തിൽ ആവശ്യപ്പെട്ടു; വീട്ടിലെത്തിയ ഡോക്ടർ കണ്ടത് കാലിലെ കുഴിനഖം; ഒപി നിർത്തിയത് വിവാദത്തിൽ; തിരുവനന്തപുരം കളക്ടർക്കെതിരെ പരാതി
- 'പെണ്ണുങ്ങളെ കൂടെക്കിടത്തുന്നു; മത്സരാർഥികളുടെ പ്രതിഫലത്തിന്റെ ഷെയർ വാങ്ങുന്നു; മോഹൻലാലിനെ കോമാളിയാക്കുന്നു; സിബിനെ ഡ്രഗ്സ് കൊടുത്ത് മനോരോഗിയാക്കാൻ നോക്കി': ബിഗ്ബോസ് അണിയറക്കാർക്കെതിരെ ആഞ്ഞടിച്ച് അഖിൽ മാരാർ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- മെയ് മാസത്തിൽ വിരമിക്കുക 20000 പേർ; പെൻഷൻ ആനുകൂല്യങ്ങൾ കൊടുക്കാൻ മാത്രം ഈ സാമ്പത്തിക വർഷം വേണ്ടത് പതിനായിരം കോടി; 37000 കോടിയുടെ കടമെടുക്കലിന് അനുമതി കിട്ടിയാൽ പോലും പ്രതിസന്ധി രൂക്ഷമാകും; അടിയന്തരമായി പെൻഷൻപ്രായം ഉയർത്താൻ അണിയറ നീക്കം സജീവം; സർക്കാർ ജീവനക്കാർക്ക് കോളടിച്ചേക്കും
- കോഴിക്കടയിൽ വാഹനത്തിന്റെ നമ്പർ പ്ലേറ്റ് മറച്ച് ലോഡ് ഇറക്കാനെത്തി; നാട്ടുകാർക്ക് സംശയം; പരിശോധിച്ചപ്പോൾ കണ്ടെത്തിയത് ചത്ത കോഴികൾ
- 'കൊടുത്താൽ കൊല്ലത്തും കിട്ടുമെന്ന് കേട്ടിട്ടില്ലേ...; അത് പോലെ ഒരു ഇതാണ് ഡ്രൈവർ യദുവിന് കിട്ടിയിട്ടുള്ളത്; ഒരു സ്ത്രീയാണെന്ന പരിഗണനയില്ലാതെ മോശമായ വാക്കുകൾ എന്നോട് പറഞ്ഞു'; ദുരനുഭവം തുറന്നുപറഞ്ഞ് നടി റോഷ്ന
- ഒരു ദിവസത്തേക്ക് രണ്ടുകോടി പ്രതിഫലം വാങ്ങുന്ന പവൻ; ഇന്ത്യയിൽ ആദ്യമായി ഒരുകോടി വാങ്ങിയ ചിരംഞ്ജീവി; അനിയന്റെയും ജ്യേഷ്ഠ പുത്രന്റെയും ഫാൻസ് ഏറ്റുമുട്ടിയപ്പോൾ ഒരുമരണം; രാഷ്ട്രീയ ഭിന്നത സിനിമയിലേക്കും; ദക്ഷിണേന്ത്യയിലെ ഏറ്റവും വലിയ സിനിമാ കുടുംബം അടിച്ചുപിരിയുമ്പോൾ!
- രാത്രിയിൽ കാമുകിയെ പിരിഞ്ഞിരിക്കാൻ വിഷമം; ഭർത്താവും ഭാര്യയും കിടപ്പുമുറിയിൽ സംസാരിച്ചിരിക്കെ, കടന്നുകയറി യുവതിക്കൊപ്പം കട്ടിലിൽ കിടന്നു; കലി കയറി കാമുകനെ വെട്ടിപ്പരുക്കേൽപ്പിച്ച് ഭർത്താവ്; ആശുപത്രിയിൽ ശുശ്രൂഷയ്ക്കായി യുവതിയും ഒപ്പം
- നിന്റെ അച്ഛന്റെ വകയാണോ റോഡ് എന്ന് കാർ യാത്രക്കാർ; അച്ഛന് വിളിച്ചപ്പോൾ താൻ തിരിച്ചുപറഞ്ഞു; യുവതി അടുത്തെത്തി 'നിനക്ക് എന്നെ അറിയാമോടാ' എന്ന് ചോദിച്ചു; എം എൽ എയാണോ മേയറാണോ എന്ന് അറിയില്ലായിരുന്നു എന്നും കെ എസ് ആർ ടി സി ഡ്രൈവർ; മേയർക്ക് വിമർശനം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ഭരണവിരുദ്ധ വികാരം വോട്ടായി മാറുന്നതോടെ യുഡിഎഫ് ട്വന്റി-ട്വന്റി അടിക്കുമോ? എൽഡിഎഫിന് ഭരണവിരുദ്ധ വികാരം വലിയ തിരിച്ചടിയാകുമോ? എൻഡിഎക്ക് സാധ്യത എത്ര സീറ്റിൽ? റാഷിദ് സിപി വീണ്ടും പ്രവചിക്കുന്നു സംസ്ഥാന തിരഞ്ഞെടുപ്പ് ചിത്രം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്