1 aed = 17.58 inr 1 eur = 70.41 inr 1 gbp = 82.56 inr 1 kwd = 211.28 inr 1 sar = 17.22 inr 1 usd = 64.32 inr
Apr / 2017
30
Sunday

കേരളത്തിലെ സഹകരണ ബാങ്കിൽ കോടികളുടെ കള്ളപ്പണം; പത്ത് ലക്ഷത്തിൽ കൂടുതലുള്ള എല്ലാ നിക്ഷേപങ്ങളുടെയും ഉറവിടം തേടി ആദായ നികുതി വകുപ്പ് രംഗത്തെത്തി; 25 ലക്ഷം രൂപയിലധികം നിക്ഷേപമുള്ളവർ ഉദ്യോഗസ്ഥർക്ക് മുമ്പിൽ നേരിട്ടു ഹാജരായി വിശദീകരണം നൽകണം; സുരക്ഷിതമായി പണം നിക്ഷേപിച്ച അനേകായിരങ്ങൾ കുടുങ്ങും

February 03, 2017 | 06:26 AM | Permalink



മറുനാടൻ മലയാളി ബ്യൂറോ

ന്യൂഡൽഹി: കേരളത്തിലെ സഹകരണ ബാങ്കുകളിൽ കള്ളപ്പണ നിക്ഷേപമുണ്ടെന്ന കാര്യം സംശയത്തിന് അതീതമാണ്. സാധാരണക്കാരായ ആളുകളെ മറയാക്കി ഒരു വിഭാഗം ആളുകൾ ഇത്തരത്തിൽ കള്ളപ്പണം വെളുപ്പിക്കാൻ മാർഗ്ഗം ആരാഞ്ഞതു മൂലം നേരാംവണ്ണം സഹകരണ ബാങ്കുകളിൽ നിക്ഷേപം നടത്തിയവരും ഇപ്പോൾ പ്രതിസന്ധിയെ അഭിമുഖീകരിക്കുകയാണ്. സുരക്ഷിതമായ പണം നിക്ഷേപിച്ച അനേകായിരങ്ങളെ വെട്ടിലാക്കുന്ന വിധത്തിൽ ആദായ നികുതി വകുപ്പ് എല്ലാ നിക്ഷേപങ്ങളുടെയും ഉറവിടം തേടി അന്വേഷണം തുടങ്ങി. കേരളത്തിലെ ബാങ്കുകളിൽ കോടികളുടെ കള്ളപ്പണമുണ്ടെന്ന വ്യക്തമായതിന്റെ അടിസ്ഥാനത്തിലാണ് അന്വേഷണം ഊർജ്ജിതമാക്കുന്നത്. പത്ത് ലക്ഷത്തിൽ കൂടുതലുള്ള എല്ലാ നിക്ഷേപങ്ങളുടെയും ഉറവിടം തേടിയാണ് ആദായ നികുതി വകുപ്പ് രംഗത്തെത്തിയിരിക്കുന്നത്.

പ്രാഥമിക സഹകരണ ബാങ്കുകളിലെ പാൻ ഇല്ലാത്ത നിക്ഷേപങ്ങളെക്കുറിച്ചാണ് ആദായ നികുതി വകുപ്പ് വിശദമായ അന്വേഷണം ആരംഭിച്ചിരിക്കുന്നത്. കോഴിക്കോട് ജില്ലയിലെ സഹകരണ ബാങ്കുകളിൽ ആരംഭിച്ച അന്വേഷണം ഉടനെ തിരുവനന്തപുരം, എറണാകുളം ജില്ലകളിലേക്കും തുടർന്നു മറ്റു ജില്ലകളിലേക്കും വ്യാപിപ്പിക്കും. മൂന്നു മാസത്തിനകം അന്വേഷണം പൂർത്തിയാക്കാമെന്നാണ് ആദായ നികുതി വകുപ്പിന്റെ പ്രതീക്ഷ.

സഹകരണ ബാങ്കുകളിലെ നിക്ഷേപകരിൽ പലർക്കും പല പേരുകളിൽ അക്കൗണ്ടുള്ളതിനാൽ വീട്ടുപേരുകളാണ് ആദായ നികുതി വകുപ്പ് ഉദ്യോഗസ്ഥർ പരിശോധിക്കുന്നത്. പത്തു ലക്ഷം രൂപയിലധികമുള്ള നിക്ഷേപങ്ങളുടെ കണക്കെടുക്കുന്നുണ്ട്. 25 ലക്ഷം രൂപയിലധികം നിക്ഷേപമുള്ളവരിൽ നിന്നു നേരിട്ടു വിശദീകരണം തേടാനും തുടങ്ങിയിട്ടുണ്ട്. സഹകരണ ബാങ്കുകളിൽ നിന്നു ലഭിക്കുന്ന മൊത്ത നിക്ഷേപക്കണക്കും വ്യക്തിഗത നിക്ഷേപക്കണക്കും ഒത്തു നോക്കി നിക്ഷേപങ്ങൾ മറച്ചു വയ്ക്കുന്നില്ലെന്ന് ഉറപ്പു വരുത്തുന്നുണ്ട്.

സഹകരണ ബാങ്കുകളിൽ പത്തു ലക്ഷത്തിനു മുകളിലുള്ള നിക്ഷേപങ്ങളിൽ 60% റിയൽ എസ്റ്റേറ്റ് ഇടപാടുകളിൽ കള്ളപ്പണമായി ലഭിച്ച തുകയും 40% പെൻഷൻ ആനുകൂല്യങ്ങളുമാണെന്നാണു പ്രാഥമിക വിശകലനം. നിക്ഷേപങ്ങൾക്കു ലഭിക്കുന്ന പലിശയ്ക്ക് 95 % നിക്ഷേപകരും ആദായ നികുതി അടയ്ക്കുന്നില്ലെന്നും പരിശോധനയിൽ വ്യക്തമായിട്ടുണ്ട്.

കേരളത്തിലെ പൊതുമേഖലാ, സ്വകാര്യ ബാങ്കുകളിലെ നിക്ഷേപങ്ങളെക്കുറിച്ചു പാൻ അടിസ്ഥാനമാക്കിയുള്ള പരിശോധനയും ഊർജിതമായിട്ടുണ്ട്. പാൻ മുഖേന ഓൺലൈനിൽ ലഭിക്കുന്ന നിക്ഷേപ വിവരങ്ങളെക്കുറിച്ചുള്ള ഡിജിറ്റൽ വിശകലനം ആദായ നികുതി ഉദ്യോഗസ്ഥർക്കു ലഭിക്കുന്നുണ്ട്.

കണക്കിൽ പെടാതെ ബാങ്കിൽ പണമിട്ടവർക്ക് പിടിവീഴും

അതേസമയം ബുദ്ധിമുട്ടുകൾ ഒഴിവാക്കാൻ വേണ്ടി ഓൺലൈൻ നടപടികളിലേക്കും ആദായനികുതി വകുപ്പ് അധികൃതർ കടക്കുന്നുണ്ട്. നോട്ടുകൾ അസാധുവാക്കിയ നവംബർ എട്ടിനുശേഷം കണക്കിൽ കാണിക്കാത്ത ബാങ്ക് നിക്ഷേപങ്ങൾ നടത്തിയ ആദായ നികുതിദായകർ വകുപ്പിന്റെ വെബ്‌സൈറ്റ് (https://incometaxindiaefiling.gov.in) പരിശോധിക്കണമെന്നും പൊരുത്തക്കേടു സബന്ധിച്ച ചോദ്യങ്ങൾക്കു മറുപടി നൽകണമെന്നും ആദായനികുതി വകുപ്പ്. നികുതിദായകർ സൈറ്റിൽ ലോഗിൻ ചെയ്തശേഷം ഇ-ഫയലിങ് വിൻഡോയിൽ അവരവരുടെ പാൻ നമ്പർ നൽകി ഇതു പരിശോധിക്കണം.

കംപ്ലയൻസ് സെക്ഷനിൽ കാഷ് ട്രാൻസാക്ഷൻസ് എന്ന ലിങ്കിൽ ക്ലിക്ക് ചെയ്താൽ നവംബർ ഒൻപതു മുതൽ ഡിസംബർ 30 വരെ നിക്ഷേപങ്ങൾ നടത്തിയിട്ടുണ്ടെങ്കിൽ അതു കാണാനാവും. ഈ നിക്ഷേപം നടത്തിയ ബാങ്ക് അക്കൗണ്ട് പാൻ കാർഡ് ഉടമയുടേതല്ലെങ്കിൽ അതു രേഖപ്പെടുത്തണം. അക്കൗണ്ട് ഉടമയുടേതു തന്നെയാവുകയും എന്നാൽ നിക്ഷേപത്തുക തെറ്റാവുകയും ചെയ്താൽ അതു തിരുത്തണം. തുകയുടെ ഉറവിടം ഓൺലൈനായി രേഖപ്പെടുത്താനും കഴിയും. നിക്ഷേപം പിൻവലിച്ചിട്ടുണ്ടെങ്കിൽ അതിന്റെ വിവരങ്ങളും നൽകണം.

മറ്റാരുടെയെങ്കിലും പണം വായ്പയായോ സംഭാവനയായോ സമ്മാനമായോ ലഭിച്ചതാണോ, എന്തെങ്കിലും വിൽപന നടത്തി ലഭിച്ചതാണോ എന്നു വ്യക്തമാക്കണം. കാർഷികാദായം പോലെ നികുതി രഹിത വരുമാനമാണെങ്കിൽ അതും വ്യക്തമാക്കാം. നികുതിദായകനെ സംബന്ധിച്ചു രേഖപ്പെടുത്തിയിട്ടുള്ള വിവരങ്ങളുമായി പൊരുത്തപ്പെടുന്നതല്ല ഈ നികുതിരഹിത വരുമാനമെങ്കിൽ അതു പരിശോധനാ വിധേയമാകാം. മുൻകാല വരുമാനമോ സമ്പാദ്യമോ ആണു നിക്ഷേപിച്ചിട്ടുള്ളതെങ്കിൽ അതും വ്യക്തമാക്കാം.

ഇതും പൊരുത്തപ്പെടുന്നതല്ലെങ്കിൽ പരിശോധനാവിധേയമാകാം. അങ്ങനെ വന്നാൽ നികുതിദായകനെ ഇ-മെയിൽ മുഖേനയോ എസ്എംഎസ് മുഖേനയോ അറിയിക്കും. മറുപടി തൃപ്തികരമെങ്കിൽ തുടർനടപടി ഉണ്ടാവില്ല. കള്ളപ്പണം വെളുപ്പിക്കൽ പദ്ധതി പ്രകാരം ഈ നിക്ഷേപം പ്രധാനമന്ത്രി ഗരീബ് കല്യാൺ യോജനയിൽ നിക്ഷേപിച്ചിട്ടുണ്ടെങ്കിലും തുടർനടപടി വരില്ല.

18 ലക്ഷം അക്കൗണ്ടുകളിലായി 4.17 ലക്ഷം കോടി രൂപയുടെ ദുരൂഹ നിക്ഷേപം

നോട്ട ് അസാധുവാക്കൽ നടപടിയെയും കള്ളപ്പണക്കാർ മറികടന്നുവെന്ന വിവരം നേരത്തെ തന്നെ പുറത്തുവന്നതാണ്. ഇതിന്റെ വിശദാംശങ്ങളും പുറത്തുവന്നു. നോട്ട് അസാധുവാക്കലിന്‌ശേഷം 18 ലക്ഷം അക്കൗണ്ടുകളിലായി 4.17 ലക്ഷം കോടി രൂപ ദുരൂഹസാഹചര്യത്തിൽ നിക്ഷേപിച്ചുവെന്ന് സിബിഡിടി ചെയർമാൻ സുശീൽ ചന്ദ്ര വ്യക്തമാക്കി..ഇത്തരത്തിൽ പണം നിക്ഷേപിച്ച 13 ലക്ഷം ആളുകൾക്ക് ഇ-മെയിലിലൂടെയും എസ്എംഎസിലൂടെയും സന്ദേശം നൽകിയെന്നും അദ്ദേഹം അറിയിച്ചു. അഞ്ചു ലക്ഷം പേർക്ക് വരും ദിവസങ്ങളിൽ സന്ദേശം നൽകാനും തീരുമാനിച്ചു.

'സ്വച്ഛ് ധൻ അഭിയാൻ' എന്ന പദ്ധതിയുടെ അടിസ്ഥാനത്തിലാണ് നടപടി. 10 ദിവസമാണ് അക്കൗണ്ട് ഉടമകൾക്ക് മറുപടി നൽകാൻ അനുവദിച്ച സമയം. ഇതിനുള്ളിൽ കൃത്യമായ മറുപടി ലഭിച്ചില്ലെങ്കിൽ നടപടിയുമായി മുന്നോട്ടുപോകുമെന്നും സുശീൽ ചന്ദ്ര അറിയിച്ചു. ഇത്രയും പേർ അവർ വെളിപ്പെടുത്തിയ ആസ്തിവിവരവും അവരുടെ നിക്ഷേപവും തമ്മിൽ പൊരുത്തക്കേടുള്ളതിനാലാണ് വിശദീകരണം ആവശ്യപ്പെട്ടത്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
തിങ്കളാഴ്ച ഹർജി നൽകാനിരുന്ന സെൻകുമാർ രണ്ട് ദിവസം മുമ്പേ നൽകിയതിൽ പരിഭ്രമിച്ച് സർക്കാർ; വിജിലൻസ് അന്വേഷണങ്ങൾ പ്രഖ്യാപിച്ചതും തിരിച്ചടിയായേക്കും; എത്രയും വേഗം നിയമനം നൽകി നിയമക്കുരുക്ക് അഴിക്കാൻ ഉപദേശിച്ച് ഉപദേശകർ; എന്തു സംഭവിച്ചാലും നിയമനം നൽകരുതെന്ന് ഉപദേശിച്ച് ചിലരും; ഡിജിപി വിഷയത്തിൽ പിണറായി സർക്കാർ പിടിച്ചത് പുലിവാല് തന്നെ
സൈക്കിൾ ചവിട്ടി മുമ്പോട്ട് പോകവേ പിന്നിൽ ഭാര്യ ഓടിച്ച കാർ ഇടിച്ച് തെറിപ്പിച്ചത് പാട്ടിടാൻ ശ്രദ്ധ തെറ്റിയപ്പോൾ; അബോധാവസ്ഥയിലായ ഭർത്താവിനെ എടുത്ത് കാറിൽ ഇട്ട് രശ്മി കിലോമീറ്ററുകൾ ആശുപത്രി തേടി ഭ്രാന്ത് പിടിച്ച് അലഞ്ഞു; തിരുവനന്തപുരത്ത് നിന്നും ഭാര്യയേയും മകളേയും കൂട്ടി മൂന്നാറിൽ ടൂറിനെത്തിയ അശോകന്റെ മരണം താങ്ങാനാവാതെ ബന്ധുക്കളും സുഹൃത്തുക്കളും
കുത്തിതുറന്നത് ജയയും ശശികലയും ഉപയോഗിച്ചിരുന്ന ഒരു വർഷമായി തുറക്കാത്ത മുറി; രാത്രിയിൽ പിടികൂടിയിട്ടും രക്ഷപ്പെട്ടത് ഗൂഡല്ലൂർ പൊലീസിന് 10,000 രൂപ കൈക്കൂലി നൽകി; ക്വട്ടേഷൻ ഏറ്റെടുത്തത് 20ലക്ഷം രൂപയ്ക്കും; ജയലളിതയുടെ വേനൽക്കാല വസതിയിലെ മോഷണത്തിലെ ദുരൂഹത മാറുന്നില്ല; നിർണ്ണായകമായത് മലപ്പുറം പൊലീസിന്റെ ഇടപെടൽ തന്നെ
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
അപ്രതീക്ഷിതമായി വീട്ടിലെത്തിയ യുവാവ് കണ്ടത് സ്വന്തം കിടപ്പുമുറിയിൽ മറ്റൊരാൾക്കൊപ്പം അടിച്ചുപൂസായി കിടന്നുറങ്ങുന്ന കാമുകിയെ; കാലുമടക്കി തൊഴിക്കാൻ തോന്നിയെങ്കിലും ചെയ്യാതെ ഇരുവരുടെയും ചിത്രങ്ങൾ പകർത്തി സോഷ്യൽ മീഡിയയിലിട്ടു; വഞ്ചന നേരിട്ടു ബോധ്യപ്പെട്ടിട്ടും സമചിത്തതയോടെ പെറുമാറിയ ഡസ്റ്റന് സോഷ്യൽ മീഡിയയുടെ കയ്യടി
മനുഷ്യരെ കണ്ടാൽ വാലാട്ടും! മറ്റ് മൃഗങ്ങളെ കണ്ടാൽ സ്‌നേഹം കാട്ടും; നിറം മങ്ങാനുള്ള കാരണം ഷാംപു കൊണ്ടുള്ള കുളിയും; സ്വന്തമായി ഇര തേടാനും അറിയില്ല; നാടിനെ വിറപ്പിച്ച പുലിയിൽ പുലിവാലു പിടിച്ചത് വനം വകുപ്പും; കണ്ണൂരിൽ നിന്ന് നെയ്യാർഡാമിലെത്തിച്ച പുലി നാട്ടിൽ വളർത്തിയത്; പുലിയെ വളർത്തിയ മലബാറിലെ ഉന്നതനെ തേടി പൊലീസ്
ശബരിമലയിൽ യുവതികളെ തന്ത്രപരമായി ദർശനത്തിന് എത്തിച്ച് ആചാരലംഘനം; ദർശന ദല്ലാളായ സുനിൽസ്വാമി സന്നിധാനത്ത് ഏർപ്പാടുകൾ ചെയ്തു കൊടുത്തപ്പോൾ ഒത്താശചെയ്ത് ദേവസ്വം ബോർഡും പൊലീസും; ദർശനത്തിന് എത്തിയത് പാലക്കാട്ടുനിന്നുള്ള യുവതികളെന്ന് സൂചനകൾ; യുവതീ ദർശനം പുറത്തായതോടെ എതിർപ്പുമായി ആർഎസ്എസ് നേതാവ് ടിജി മോഹൻദാസിന്റെ ട്വീറ്റ്
മാതൃഭൂമി ന്യൂസിലെ വേണുവിന്റെ തൊഴിൽ ഊത്തെന്ന് നടൻ ദിലീപ്! ഇദ്ദേഹത്തിന് പല കുടുംബങ്ങൾ നോക്കേണ്ടതുണ്ട്; വേണുവിനെകുറിച്ച് ഒരു സിനിമയെടുക്കാനുള്ള വിവരങ്ങൾ കൈയിലുണ്ട്; ലിബർട്ടി ബഷീർ ഒരേ സമയം മൂന്നു ഭാര്യമാരെ കൈവശം വെച്ചിരിക്കുന്നയാൾ; പല്ലിശ്ശേരി കോമാളിയും പണം വാങ്ങി എഴുതുന്നവനും; വിമർശകർക്കെതിരെ ആഞ്ഞടിച്ച് ദിലീപ് രംഗത്ത്
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ഇയാൾ ആര്...? സത്യജിത് റായിയോ അമിതാഭ് ബച്ചനോ അല്ലെങ്കിൽ മമ്മൂട്ടിയോ, മോഹൻലാലോ? മഞ്ജു വാര്യരെ ഇപ്പോഴും പീഡിപ്പിക്കുന്നു; നടിയെ ആക്രമിച്ച കേസിൽ പെട്ട ബ്യൂട്ടീഷ്യനും കാവ്യയുമായുള്ള ബന്ധത്തെക്കുറിച്ചും അറിയാം; ആയിരം കുറുക്കന്മാരുടെ കൗശലവുമായി ചിരിച്ചു കൊണ്ട് കഴുത്തറക്കുന്ന സൈലന്റ് പ്രതികാരി; ദിലീപിനെതിരെ ഇനി നിയമനടപടി; ആരോപണങ്ങളിൽ പല്ലിശേരി മറുനാടനോട് മനസ്സ് തുറക്കുന്നു
മന്ത്രി മന്ദിരത്തിൽ എത്തിയപ്പോൾ കണ്ടത് കസേരയിൽ ഇരുന്ന് കാലുകൾ ടിപോയിൽ കയറ്റി വച്ചിരിക്കുന്ന മന്ത്രിയെ; സുന്ദരിക്കുട്ടിക്ക് സർക്കാർ ഉദ്യോഗം നൽകാമെന്ന് പറഞ്ഞ് ചോദിച്ചത് ഒന്ന് കെട്ടിപിടിച്ചോട്ടേയെന്നും; മുണ്ടഴിച്ചപ്പോൾ മുറിയിൽ നിന്ന് ഇറങ്ങിയോടി; ശശീന്ദ്രനെതിരെ മംഗളം റിപ്പോർട്ടർ കോടതിയിൽ നൽകിയ പരാതി ഇങ്ങനെ
തിരുവനന്തപുരത്ത് ഉപതെരഞ്ഞെടുപ്പിന് തയ്യാറെടുക്കാൻ കുമ്മനത്തിന് അമിത് ഷായുടെ നിർദ്ദേശം; കുമ്മനവും സുരേഷ് ഗോപിയും രാജീവ് ചന്ദ്രശേഖറും വി മുരളീധരനും വിവി രാജേഷും ബിജെപിയുടെ സാധ്യതാ സ്ഥാനാർത്ഥി പട്ടികയിൽ; തരൂരിനെ ഉപരാഷ്ട്രപതിയാക്കാനുള്ള തന്ത്രം തിരിച്ചറിഞ്ഞ് നീക്കങ്ങളുമായി കോൺഗ്രസും; മത്സരിക്കാൻ സുധീരൻ എത്തുമോ?