1 aed = 17.49 inr 1 eur = 71.93 inr 1 gbp = 81.74 inr 1 kwd = 212.54 inr 1 sar = 17.13 inr 1 usd = 64.56 inr
Jun / 2017
25
Sunday

ആഗോള മാർക്കറ്റിൽ വെള്ളി-കൃത്രിമ രത്‌ന ആഭരണ വിൽപ്പന തകൃതി; സ്വർണം കണികാണാൻ ഇല്ല; കേരളത്തെ കാത്തിരിക്കുന്നത് വൻ സ്വർണ്ണക്കെണിയെന്ന് മലയാളികൾക്ക് മനസ്സിലായി; കച്ചവടവും വിലയും താഴ്ന്ന നിലയിൽ; മഞ്ഞലോഹത്തിന്റെ കാലം കഴിഞ്ഞോ?

December 18, 2015 | 01:10 PM | Permalink



കെ ആർ ഷൈജുമോൻ

ലണ്ടൻ: സ്വർണ്ണത്തിന്റെ ലോക വിപണി നിയന്ത്രിക്കുന്നത് ലണ്ടനിൽ നിന്നാണ്. എന്നിട്ടും ബ്രിട്ടീഷുകർ ഏറ്റവും അധികം പണം ചെലവിടുന്ന ക്രിസ്തുമസ് ഷോപ്പിങ് രംഗത്ത് സ്വർണം വാങ്ങാൻ ആളില്ല. കൃത്രിമ രത്‌നം എന്നറിയപ്പെടുന്ന ക്രിസ്റ്റലും വെള്ളിയും ഒക്കെ ചേർത്ത ആഭരണ വിപണി ബ്രിട്ടീഷ് ജനതയെ കീഴ്‌പ്പെടുത്തുമ്പോൾ സ്വർണം വാങ്ങാൻ പേരിനു പോലും ആളില്ല എന്നതാണ് വസ്തുത. അതേ സമയം മലയാളികൾ ആഭരണമായി അധികം ഉപയോഗിക്കാത്ത വെള്ളിക്കു ബ്രിട്ടണിൽ ആവശ്യക്കാർ ഏറെ. ക്രിസ്തുമസ് വിപണി വെള്ളി, ക്രിസ്റ്റൽ ആഭരണ വിൽപ്പനയിൽ തകർപ്പൻ കൊയ്ത്താണ് നടത്തുന്നത്. ചില വിൽപ്പന ശ്യംഖലകൾ 80% വരെ വിലക്കുറവ് പ്രഖ്യാപിച്ചാണ് ആളെ പിടിക്കുന്നത്.

ഈ വൈരുധ്യം നിറഞ്ഞ വിപണിസത്യം തെളിയിക്കുന്നത് കാലങ്ങളായി മലയാളി സ്വർണ്ണ വിൽപ്പനക്കാരുടെ പരസ്യത്തിൽ മയങ്ങി സ്വയം കബളിപ്പിക്കപ്പെടുക ആണെന്നും പൊങ്ങച്ച സംസ്‌ക്കാരത്തിന്റെ ഭാഗമായി സ്വർണം മാറിയതും തന്നെയാണ്. സ്വർണം കേരളത്തിൽ ഏറെ ജനപ്രിയമാകാൻ കാരണം അതിന്റെ റീ സെയിൽ വാല്യുവും നിക്ഷേപം എന്ന നിലയിൽ അവതരിപ്പിക്കപ്പെട്ടതുമാണ്. കൂടാതെ ഗൾഫ് മലയാളി സാന്നിധ്യം വഴി പുതുപ്പണക്കാരുടെ അടയാളമായി സ്വർണം അവരോധിക്കപ്പെട്ടതും കടം വാങ്ങിയും ഇല്ലാത്ത പണമുണ്ടാക്കി വിവാഹ വേളയിലും മറ്റും വധുവിനെ സ്വർണ്ണത്തിൽ മുക്കിയെടുക്കാൻ ഒരു വിഭാഗം തയ്യാറായതും ലോക പ്രസിദ്ധമായ നാഷണൽ ജിയോഗ്രഫി ചാനലിനെ പോലും കേരളത്തിലെ സ്വർണ്ണ വിൽപ്പന തരംഗത്തിന്റെ രഹസ്യം കണ്ടെത്താൻ കൊച്ചിയിൽ എത്തിച്ചു. എന്നാൽ ഈ സാഹചര്യം ഒക്കെ മാറുക ആണെന്ന് ഇപ്പോൾ സ്വർണ്ണത്തിന്റെ വിൽപ്പന ഇടിവ് സാക്ഷ്യപ്പെടുത്തുന്നു.

ചൈനയെ മറികടന്നു ഇന്ത്യയുടെ സ്വർണ്ണ ഇറക്കുമതി വർദ്ധിച്ചതതാണ് ആഗോള തലത്തിൽ തന്നെ സ്വർണ്ണ വില കുതിച്ചുയരാൻ കാരണമായത്. എന്നാൽ പ്രണബ് മുഖർജി ധനമന്ത്രി ആയ കാലം മുതൽ ഇക്കാര്യത്തിൽ തടയിടാൻ കേന്ദ്ര സർക്കാർ കാണിച്ച താൽപ്പര്യമാണ് ഇപ്പോൾ സ്വർണ്ണ വിലയിടിവിന്റെ പ്രധാന കാരണങ്ങളിൽ ഒന്നായി മാറുന്നത്. സ്വർണ്ണ ഇറക്കുമതിക്ക് നികുതി വർദ്ധിപ്പിക്കുന്ന നയം ഏർപ്പെടുത്തിയപ്പോൾ തുടക്കത്തിൽ സോണിയ ഗാന്ധിയെ സ്വാധീനിച്ചു സ്വർണ്ണ ലോബിക്ക് തടയാൻ കഴിഞ്ഞിരുന്നെങ്കിലും പിന്നീട് യുപിഎ സർക്കാരിന്റെ കാലം മുതൽ തന്നെ സ്വർണ്ണ ഇറക്കുമതിയിൽ നികുതി ഏർപ്പെടുത്തിയത് ഇന്ത്യയിലേക്കുള്ള സ്വർണ്ണ ഇറക്കുമതിയിൽ കുറവ് ഉണ്ടാക്കിയത് ആഗോള തലത്തിൽ തന്നെ വിലയിടിവിന് കാരണമായി മാറുകയാണ്. ഇറക്കുമതിക്കായി ഇന്ത്യ വലിയ തോതിൽ ഡോളർ ചെലവിടേണ്ടി വരുന്നത് സാമ്പത്തിക രംഗത്തിന് ആഘാതം സൃഷ്ടിക്കും എന്ന പ്രണബിന്റെ കണ്ടെത്തൽ ശരി വയ്ക്കുന്ന സൂചനയാണ് ഇപ്പോൾ വിപണിയിൽ ലഭ്യമാകുന്നത്. കഴിഞ്ഞ 3 വർഷത്തെ താഴ്ന്ന നിലയിൽ വില എത്തിയിട്ടും ഇറക്കുമതിയിൽ 36% കുറവുണ്ടായത് ആവശ്യക്കാരുടെ എണ്ണത്തിൽ ഉണ്ടായ കുറവാണ് കാണിക്കുന്നത്. ഈ വർഷം ഇതുവരെ 3. 53 ബില്ല്യൺ ഡോളറിനുള്ള സ്വർണം ഇന്ത്യ ഇറക്കുമതി ചെയ്തതായി ഇക്കഴിഞ്ഞ ചൊവാഴ്ച വാണിജ്യ മന്ത്രാലയം പുറത്തു വിട്ട കണക്കുകൾ കാണിക്കുന്നു. എന്നാൽ കഴിഞ്ഞ വർഷം ഇതേ സമയത്തും 5. 57 ബില്ല്യൺ ഡോളറിന്റെ സ്വർണം ഇറക്കുമതി ചെയ്തിരുന്നു.

എന്നാൽ, സാധാരണ സ്വർണ്ണ വില ഇടിയുമ്പോൾ കാണപ്പെടുന്ന തിരക്ക് ഇപ്പോൾ കേരളത്തിലെ സ്വർണ്ണ വിപണിയിൽ ഇല്ലെന്നു മാത്രമല്ല അനുദിനം വിൽപ്പനയും വിലയും ഇടിയുകയാണ്. ഇപ്പോൾ മൂന്നു വർഷത്തെ ഏറ്റവും താഴ്ന്ന വിലയിലാണ് സ്വർണ്ണ വിൽപ്പന. ഇന്നലെ ഒരു പവൻ സ്വർണം കൊച്ചി വിപണിയിൽ വിറ്റത് വെറും 19080 രൂപ നിരക്കിലാണ്. 2012 സെപ്റ്റംബറിൽ 25000 രൂപയിലെക്കെത്തിയ സ്വർണ്ണ വില ഇപ്പോൾ ഒരു പവന് 6000 രൂപയുടെ ഇടിവ് ഉണ്ടാക്കിയത് വിപണിയെ സംബന്ധിച്ച് അവിശ്വസനീയമായി മാറുകയാണ്. ഒരിക്കലും വില ഇടിയില്ല എന്ന് കരുതപ്പെട്ടിരുന്ന ഒരു ഉൽപ്പന്നം ക്രമേണ ആവശ്യക്കാർ കുറഞ്ഞു തുടങ്ങുന്ന സാഹചര്യം ഉണ്ടായതോടെ സംസ്ഥാനത്തിന്റെ സാമ്പത്തിക രംഗത്ത് തന്നെ പ്രതിഫലം സൃഷ്ടിക്കും എന്നാണ് കരുതപ്പെടുന്നത്. ഈ നിലയ്ക്ക് സ്വർണ്ണത്തെ വിശ്വസിക്കാൻ കൊള്ളില്ല എന്ന ധാരണ വിപണിയിൽ സാവധാനം രൂപപ്പെടുകയാണ്. സ്വർണം എന്നും ഉയരങ്ങൾ താണ്ടും എന്ന അമിത ആത്മവിശ്വാസം ആണ് ഏതാനും വർഷം കൊണ്ട് കേരളത്തിൽ സൃഷ്ടിക്കപ്പെട്ടതും കൂണുകൾ പോലെ ജ്വവല്ലറികളും സ്വർണ്ണ മാളുകളും പ്രത്യക്ഷപ്പെടാൻ കാരണമായതും.

എന്നാൽ അനിവാര്യമായ വിലയിടവ് എത്തിയതോടെ, ഒട്ടും പ്രതീക്ഷിതം അല്ലാത്ത ഈ സാഹചര്യം എങ്ങനെ തരണം ചെയ്യും എന്ന കാര്യത്തിൽ ജ്വവല്ലറി ഉടമകൾക്കും വലിയ നിശ്ചയം ഇല്ല. പക്ഷെ പ്രതിസന്ധി നിവാരണ പാക്കേജ് എന്ന നിലയിൽ പരസ്യ രംഗത്ത് നിന്ന് സ്വർണ്ണ കടകൾ ഏറെക്കുറെ പിന്മാറിയിരിക്കുകയാണ്. കഴിഞ്ഞ ദിവസങ്ങളിൽ വളരെ മിതമായ നിലയിൽ മാത്രം പ്രിന്റ് മാദ്ധ്യമങ്ങളിൽ സ്വർണ്ണ വിൽപ്പന പരസ്യം പ്രത്യക്ഷപ്പെടുമ്പോൾ പുതിയ ട്രെന്റ് എന്ന നിലയിൽ വജ്ര ആഭരണ പരസ്യം കൂടുകയാണ്.

എന്നാൽ ഉയർന്ന വില മൂലം സ്വർണ്ണത്തോട് മലയാളി കാട്ടിയ ആർത്തി വജ്രത്തോട് കാണിക്കാൻ സാധ്യത ഇല്ല എന്നതിനാൽ കരുതലോടെ ആണ് വ്യാപാരികളും നീങ്ങുന്നത്. മാറുന്ന ട്രെന്റ് എന്ന നിലയിൽ വിവാഹ വേദികളിൽ നിന്ന് സ്വർണം അപ്രത്യക്ഷമായാൽ കനത്ത തിരിച്ചടി ആകും ഈ രംഗം നേരിടുക. ഇയ്യിടെ പ്രമുഖ വ്യവസായി രവി പിള്ള കോടികൾ പൊടിച്ചു നടത്തിയ മകളുടെ വിവാഹം മുതൽ യുവ തലമുറയുടെ അഭിരുചി വരെ സ്വർണ്ണ വിപണിക്ക് നൽകുന്ന തിരിച്ചടി ചെറുതല്ല. രവി പിള്ള മകളെ അണിയിച്ച രത്‌ന ആഭരണങ്ങളുടെ മൂല്യം എത്രയെന്നു ഇനിയും പുറത്തു വന്നിട്ടില്ലെങ്കിലും ഇൻഷുറൻസ് കമ്പനികൾ പോലും മുഖം തിരിക്കുന്ന മൂല്യം ഉള്ള ആഭരണങ്ങളാണ് രവി പിള്ള മകൾക്ക് സമ്മാനിച്ചതെന്ന് വിപണിയിലെ പിന്നാമ്പുറ സംസാരം. ഈ സാഹചര്യത്തിൽ പഴയത് പോലെ വധുവിനെ സ്വർണ്ണത്തിൽ പൊതിഞ്ഞു വിവാഹ വേദിയിൽ എത്തിക്കുന്നത് പണക്കാർക്ക് കുറച്ചിൽ ആകുന്ന സാമൂഹ്യ സാഹചര്യം ഉടലെടുത്തു തുടങ്ങിയതും കേരളത്തിലെ സ്വർണ്ണ വിപണിക്ക് ആഘാതം സൃഷ്ടിക്കുകയാണ്.

വജ്രം ആയാൽ രവി പിള്ള നടത്തിയത് പോലുള്ള ബ്രൈഡൽ ഷോക്കേസിങ്ങ് നടത്താൻ കെൽപ്പുള്ളവർ കേരളത്തിൽ അധികം പേരില്ലെന്നിരിക്കെ പേരിനൊരു വജ്രം അണിയിച്ചു വധു വേദിയിൽ പ്രത്യക്ഷപ്പെട്ടു തുടങ്ങുന്ന ട്രെന്റ് സാവധാനം വേര് പിടിക്കുകയാണ്. ഇക്കൂട്ടത്തിൽ ടീനേജ് പിന്നിടുന്ന പെൺകുട്ടികൾ മുതൽ പ്രായം ആയവർ വരെ ട്രെന്റി ആഭരണം എന്ന നിലയിൽ ക്രിസ്റ്റലുകൾക്കും പ്ലാസ്റ്റിക്, മുത്ത്, ക്ലേ തുടങ്ങിയ വിപണിയുടെ ഇഷ്ടം കണ്ടെത്തിയതും സ്വർണ്ണത്തെ പിന്നോട്ടോടിക്കുന്നതിൽ പ്രധാന കാരണമായി. വിലക്കുറവും ഫാഷൻ എന്ന നിലയിൽ വസ്ത്രത്തിന് ചേരുന്ന തരത്തിൽ മാറി മാറി ഉപയോഗിക്കാൻ കഴിയുന്നതും മലയാളിയുടെ സ്വർണ്ണ ഭ്രമത്തിന് കടിഞ്ഞാൺ ഇടാൻ കാരണമാകുകയാണ്.

സ്വർണ്ണ വിൽപ്പന ശാലകൾ പണിക്കൂലി എന്ന പേരിൽ ഓരോ പവൻ സ്വർണം വാങ്ങുമ്പോൾ 30 ശതമാനത്തിലേറെ പണം ഈടാക്കുന്നതും ആഭരണം വിൽക്കുമ്പോൾ ഈ പണം ഒന്നാകെ ഉപയോക്താവിന് നഷ്ടമാകുന്നതും ചേർന്ന വിൽപ്പനക്കാരുടെ ചതിക്കുഴി സോഷ്യൽ മീഡിയ വഴിയായും മറ്റും ഉപയോക്താവ് തിരിച്ചറിഞ്ഞു തുടങ്ങിയതും സ്വർണ്ണ ആഭരണ വിപണിക്ക് സൃഷ്ടിച്ച ആഘാതം ചെറുതല്ല. സമീപ ഭാവിയിൽ തന്നെ സ്വർണ്ണ ആഭരണം മിതമായ തോതിൽ മാത്രം വാങ്ങുന്ന ശീലത്തിലേക്ക് മലയാളി മാറുന്ന ട്രെന്റ് ആരംഭിക്കും എന്നാണ് സ്വർണ്ണത്തിന്റെ വിലക്കുറവിൽ പോലും ആവശ്യക്കാർ ഇല്ലാത്ത വിപണി നൽകുന്ന പ്രധാന സൂചന.

 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
സൂപ്പർതാരത്തിന്റെ ചോദ്യം ചെയ്യലിനും അറസ്റ്റിനും വഴിയൊരുങ്ങുന്നു; ഗൂഢാലോചനയിലെ രഹസ്യങ്ങൾ എണ്ണിയെണ്ണി പറഞ്ഞ് ആക്രമിക്കപ്പെട്ട സൂപ്പർ നടി; സംവിധായകനേയും നടനേയും സംശയ നിഴലിൽ നിർത്തി എഡിജിപി സന്ധ്യ അന്വേഷണം തുടങ്ങി; പൾസർ സുനിയുടെ പുതിയ വെളിപ്പെടുത്തൽ മലയാള സിനിമയെ പ്രതിസന്ധിയിലാക്കും; മഞ്ജുവാര്യരുടെ നീക്കങ്ങൾ ലക്ഷ്യത്തിലേക്ക്
ആൺസുഹൃത്തിനെ മർദ്ദിച്ച് വിരട്ടിയോടിക്കും; പെൺകുട്ടിയെ മലമുകളിലെ രഹസ്യകേന്ദ്രത്തിലെത്തിച്ച് കാമകേളി; എതിർത്താൽ കരണത്തടിയും പീഡനവും; എല്ലാം കഴിഞ്ഞാൽ ഭക്ഷണവും വണ്ടിക്കൂലിയും; ഭൂതത്താൻകെട്ടിലെ ചതിക്കുഴിയിൽ വീഴുന്നതിൽ ഏറെയും കാമുകീകാമുകന്മാർ; എല്ലാം അറിഞ്ഞിട്ടും കണ്ണും കാതും തുറക്കാതെ പൊലീസും വനംവകുപ്പും
വാടക കൊടുക്കാൻ പോലും എന്റെ കൈയിൽ പണമില്ല; എന്റെ ഭർത്താവിനെ എങ്ങനെ രക്ഷപ്പെടുത്തണമെന്ന് എനിക്കൊരു പിടിയുമില്ല; 21 മാസം മുമ്പ് പൊലീസ് കൊണ്ടു പോയപ്പോൾ മുതൽ തുടരുന്ന കാത്തിരിപ്പ്; ഒരു ബിസിനസ്സിലും ഇന്നേവരെ ഇടപെട്ടിട്ടില്ലാത്ത ഞാനും ഏത് നിമിഷവും ജയിലിലാകും; രണ്ട് കൊല്ലം കൊണ്ട് എല്ലാം നശിച്ച് ആകെ തളർന്നു പോയ അറ്റ്‌ലസ് രാമചന്ദ്രന്റെ ഭാര്യ മനസ്സ് തുറക്കുന്നു
സ്വത്തിലെ തർക്കം തുടങ്ങിയത് നടന്റെ വിവാഹ മോചനത്തിന് ശേഷം; ആവശ്യപ്പെട്ടത് സംവിധായക സുഹൃത്തിന്റെ പേരിൽ എല്ലാം തിരികെ എഴുതിക്കാൻ; മുൻ ഭാര്യയ്ക്ക് മാത്രമേ നൽകൂവെന്ന് പറഞ്ഞത് വൈരാഗ്യമുണ്ടാക്കി; പൾസർ സുനിയുടെ വെളിപ്പെടുത്തലുകളുടെ വഴിയേ നടിയുടെ മൊഴിയും; നടിയെ ആക്രമിച്ച കേസ് അന്വേഷണം ബംഗളുരുവിലെ ഭൂമി ഇടപാടുകളിലേക്ക്
ഇന്റർവ്യൂവിനിടെ 'ഇൻഷാ അള്ളാ' എന്ന് പറഞ്ഞതോടെ നോട്ടപ്പുള്ളിയായി; ഇസ്ലാം മതം സ്വീകരിക്കാനും മുസ്ലിം യുവാവിനെ വിവാഹം ചെയ്യാനും നിർബന്ധിപ്പിച്ചത് നൗഫൽ കുരുക്കൾ; അച്ഛനും അമ്മയും കാഫിറുകളാണെന്ന് പറഞ്ഞു വിശ്വസിപ്പിച്ചു; കേസായപ്പോൾ എങ്ങനെ പൊലീസിനോട് സംസാരിക്കണമെന്ന് പോലും പോപ്പുലർ ഫ്രണ്ടുകാർ പഠിപ്പിച്ചു; ആയിഷയായ മാറിയ കഥ പറഞ്ഞ് ആതിര
നോട്ട് പിൻവലിക്കൽ ചരിത്രപരമായ മണ്ടത്തരമെന്ന മന്മോഹൻ സിംഗിന്റെ വാക്കുകൾ അച്ചട്ടായി! ഇന്ത്യയുടെ സാമ്പത്തിക വളർച്ചാ നിരക്ക് എട്ട് ശതമാനത്തിൽ നിന്നും 6.1 ശതമാനമായി ഇടിഞ്ഞു; മോദി നഷ്ടമാക്കിയത് ലോകത്തിലെ അതിവേഗം വളരുന്ന സമ്പദ് വ്യവസ്ഥയെന്ന ബഹുമതി; സാമ്പത്തികവിദഗ്ധൻ കൂടിയായ മുൻ പ്രധാനമന്ത്രിയുടെ വാക്കിന്റെ വില തിരിച്ചറിഞ്ഞ് രാജ്യം
കനത്ത പൊലീസ് സുരക്ഷയിൽ റംസാൻ നോമ്പുനോറ്റ് ഒറ്റയ്ക്ക് കഴിയും; പകൽ മുഴുവൻ മുറിയടച്ച് പ്രാർത്ഥന മാത്രം; ഇസ്‌ളാം മതം സ്വീകരിക്കാതെ മാതാപിതാക്കളോടും സംസാരിക്കില്ലെന്ന് വാശി; സന്ധ്യയ്ക്ക് നിലവിളക്ക് കൊളുത്തുന്നതും തടഞ്ഞു; പുറത്ത് ഒരു ഡിവൈഎസ്‌പിയുടെ നേതൃത്വത്തിൽ അനേകം പൊലീസുകാരുടെ തോക്കേന്തിയ കടുത്ത കാവൽ; മാതാപിതാക്കൾക്ക് ഒപ്പം പോയ ഹാദിയയെ തേടി മറുനാടൻ ലേഖകൻ പോയപ്പോൾ
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ഷാപ്പു പൊന്നമ്മ ഊരിക്കൊടുത്ത വളയുമായി അലഞ്ഞുനടന്ന് അമേരിക്കയിൽ എത്തി കോടീശ്വരനായ വരുൺ ചന്ദ്രൻ കൈരളി ചാനലിന്റെ അവാർഡ് വാങ്ങി നടത്തിയ പ്രസംഗം പച്ചക്കള്ളമോ? കടം കയറി നാടുവിട്ടെന്നു മകൻ പറഞ്ഞ അമ്മ സൗദിയിൽ ഗദ്ദാമയായി പണിയെടുക്കുന്നു; മമ്മൂട്ടിയുടെ പ്രത്യേക പുരസ്‌കാരം നേടി മുകേഷിനെയും ജോൺ ബ്രിട്ടാസിനെയുമൊക്കെ വരുൺ പച്ചയ്ക്കു പറ്റിച്ചോ? മാതൃദുഃഖത്തിന്റെ നൊമ്പരപ്പെടുത്തുന്ന റിപ്പോർട്ട് മറുനാടൻ പുറത്തുവിടുന്നു