യുപി തിരഞ്ഞെടുപ്പ് ഫലം ഇന്ത്യൻ സമ്പദ്‌വ്യവസ്ഥയ്ക്ക് നൽകാൻ പോകുന്നത് ശതകോടികളുടെ നിക്ഷ...

യുപി തിരഞ്ഞെടുപ്പ് ഫലം ഇന്ത്യൻ സമ്പദ്‌വ്യവസ്ഥയ്ക്ക് നൽകാൻ പോകുന്നത് ശതകോടികളുടെ നിക്ഷേപം; തിരഞ്ഞെടുപ്പ് ഫലത്തെത്തുടർന്ന് വിദേശ നിക്ഷേപം ഇന്ത്യയിലേക്ക് കുത്തിയൊഴുകുന്നു; മാർച്ചിൽ ഇതേവരെ ലഭിച്ചത് 54,000 കോടി; മോദി അധികാരത്തിൽ എത്തിയയുടൻ ഉണ്ടായ കുതിപ്പിനെയും കവച്ചുവെക്കുന്ന പ്രകടനം

March 30, 201709:10 AM IST Permalink

ഉത്തർപ്രദേശ് നിയമസഭാ തിരഞ്ഞെടുപ്പിൽ ബിജെപി കൈവരിച്ച അഭൂതപൂർവമായ വിജയം ഇന്ത്യൻ സമ്പദ്‌വ്യവസ്ഥയുടെ ജാതകം തിരുത്തിക്കുറിക്കുമോ? നാലിൽ മൂന്ന് ഭൂരിപക്ഷവുമായി ബിജെപി അധികാരത്തിലെത്തിയതോടെ ഇന്ത്യയിലേക്ക് വിദേശ നിക്ഷേപം കുതിച്ചൊഴുകുകയാണ്. നരേന്ദ്ര മോദി സർക്കാർ അധികാരത്തിലേറിയ സമയത്തേക്കാൾ ഉയർന്ന തോതിലാണ് നിക്ഷേപങ്ങൾ പ്രവഹിക്കുന്നത്. മോദിയിലും ബിജെപിയിലും വിദേശ നിക്ഷേപകർക്കുണ്ടായ വിശ്വാസ്യതയാണ് ഇതിന് പിന്നിലെന്ന് വിലയിരുത്തപ്പെടുന്നു.

മോദി സർക്കാർ അധികാരത്തിലേറി രണ്ടുമാസത്തിനിടെ ഉണ്ടായ 36,045 കോടി രൂപയുടെ വിദേശ നിക്ഷേപമാണ് ഇതേവരെയുണ്ടായിരുന്ന ഏറ്റവും കൂടിയ നിക്ഷേപം. 2014 ജൂലൈയിലായിരുന്നു അത്. എന്നാൽ, യുപി തിരഞ്ഞെടുപ്പ് കഴിഞ്ഞശേഷമുണ്ടായ നിക്ഷേപം സർവ പ്രതീക്ഷകളെയും തകർത്ത് മുന്നേറുകയാണ്. ഇന്ത്യൻ ഓഹരികളിലും കടപ്പത്രങ്ങളിലുമായി വിദേശത്തുനിന്ന് മാർച്ചിൽ നിക്ഷേപിക്കപ്പെട്ടത് 54,255 കോടി രൂപയാണ്. ഒരുമാസത്തിനിടെയുണ്ടായുണ്ടാവുന്ന എക്കാലത്തെയും വലിയ വിദേശ നിക്ഷേപമാണിത്.

ചൊവ്വാഴ്ച വരെയുള്ള കണക്കനുസരിച്ച് ഓഹരിവിപണിയിൽ 30,203 കോടി രൂപയും കടപ്പത്രങ്ങളിൽ 24,052 കോടി രൂപയും നിക്ഷേപിക്കപ്പെട്ടു. ഓഹരിവിപണിയിലും കടപ്പത്രങ്ങളിലുമായി ഒരുമാസം ലഭിക്കുന്ന ഏറ്റവും വലിയ നിക്ഷേപവുമാണിത്. 2010 ഒക്ടോബറിൽ 28,563 കോടി രൂപ ഓഹരിവിപണിയിൽ നിക്ഷേിപിക്കപ്പെട്ടതാണ് ആ മേഖലയിൽ ഇതേവരെയുണ്ടായിരുന്ന റെക്കോഡ്. കടപ്പത്രങ്ങളിലാകട്ടെ, 2014 ജൂലൈയിലെ 22,935 കോടി രൂപയും. രണ്ട് റെക്കോഡുകളും യോഗി ആദിത്യനാഥിന്റെ സ്ഥാനമേറ്റെടുക്കലോടെ പഴങ്കഥയായി.

ഹിന്ദി ഹൃദയഭൂമിയായ ഉത്തർപ്രദേശിൽ ബിജെപി വൻ ഭൂരിപക്ഷത്തോടെ അധികാരത്തിലേറിയതാണ് വിപണിയിൽ ഈ ചലനമുണ്ടാക്കിയതെന്ന് വിദഗ്ദ്ധർ നിരീക്ഷിക്കുന്നു. കേന്ദ്രത്തിലെ ബിജെപി സർ്ക്കാരിന്റെ പ്രവർത്തന വിജയമായാണ് യുപിയിലെ ബിജെപിയുടെ നേട്ടത്തെ ലോകം വിലയിരുത്തുന്നത്. സുസ്ഥിരമായ ഭരണം സാമ്പത്തിക രംഗത്തുണ്ടാക്കിയ കുതിപ്പിന് നിക്ഷേപകർ അംഗീകാരം നൽകുന്നുവെന്നാണ് ഇതിൽനിന്ന് മനസ്സിലാക്കേണ്ടതെന്നും വിലയിരുത്തപ്പെടുന്നു.

വിദേശനി്‌ക്ഷേപത്തിന്റെ വരവ് മാർച്ച് മാസത്തിൽ സെൻസെക്‌സിനും നിഫ്റ്റിക്കുമുണ്ടാക്കിയ നേട്ടവും വലുതാണ്. ബുധനാഴ്ച സെൻസെക്‌സ് ക്ലോസ് ചെയ്തത് 29,531 പോയന്റിലാണ്. നിഫ്റ്റി 9,143 പോയന്റിലും. മാർച്ച് 17-ന് കൈവരിച്ച 9,160 പോയന്റാണ് നിഫ്റ്റിയുടെ എക്കാലത്തെയും വലിയ നേട്ടം.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

MNM Recommends +

തിരഞ്ഞെടുപ്പ്: ബുധനാഴ്ച വൈകിട്ട് 6 മണി മുതൽ മദ്യവിൽപ്പന ശാലകൾക്ക് അവധി; വോട്ടെണ്ണൽ നടക്കുന്ന ജൂൺ നാലിനും അവധി