1 aed = 17.64 inr 1 eur = 75.64 inr 1 gbp = 82.58 inr 1 kwd = 212.31 inr 1 sar = 17.13 inr 1 usd = 64.11 inr

Aug / 2017
22
Tuesday

നാല്പത് വർഷം മുമ്പ് നിങ്ങളും കൂട്ടുകാരും എന്തായിരുന്നു? ഇപ്പോൾ ഓരോരുത്തരും എന്താണ്? തൊഴിലും ജീവിതവും തമ്മിലുള്ള ബന്ധമാകാൻ ഒരു ചെറു പരീക്ഷണം; മുരളി തുമ്മാരുകുടി എഴുതുന്നു...

February 15, 2017 | 05:07 PM | Permalink



മുരളി തുമ്മാരുകുടി

ങ്ങൾ നാലു കൂട്ടുകാർ ഒരുമിച്ചാണ് പത്താം ക്ലാസ്സ് പാസായത്. അന്ന് അറുന്നൂറിലാണ് മാർക്ക്. അഞ്ഞൂറ്റിനാല്പതൊക്കെയാണ് ഒന്നാം റാങ്ക്. ഇരുനൂറ്റിപ്പത്ത് പാസ്സ്മാർക്ക്. അഞ്ഞൂറിനു മുകളിൽ മാർക്ക് വാങ്ങിയ ഞാനായായിരുന്നു ക്ലാസ്സിൽ ഒന്നാമത്. രണ്ടാമത്തെയാൾ (ബി എന്നു വിളിക്കാം) നാനൂറ്റിയന്പതിനു മുകളിൽ മാർക്ക് വാങ്ങി. മൂന്നാമന് (സി) മുന്നൂറ്റി ഇരുപത്, നാലാമന് (ഡി) ഇരുനൂറ്റിപ്പത്ത്. ഞങ്ങൾ വളരെയടുത്ത കൂട്ടുകാരാണ്. മാർക്ക് വന്നപ്പോൾ സി യുടെയും ഡി യുടെയും അമ്മമാർ അവരോട് പറഞ്ഞു, 'നീയൊക്കെ ആ മുരളിയെ കണ്ടുപഠിക്ക്' എന്ന്. അന്ന് പതിനഞ്ച് വയസ്സ് പ്രായമുള്ള ഞങ്ങൾ ആരും ആരെയും കണ്ടുപഠിക്കാൻ പോയില്ല.

പത്തുവർഷം കഴിഞ്ഞ് ഇരുപത്തിയഞ്ചാമത്തെ വയസ്സിൽ ഞങ്ങൾ വീണ്ടും കണ്ടുമുട്ടി. ഞാനന്ന് പി എച് ഡി ചെയ്യുകയാണ്. ബി ബിരുദാനന്തരബിരുദം കഴിഞ്ഞ് ബാങ്കിൽ ക്ലർക്കായി, സി ബിരുദമൊന്നും കിട്ടാതെ ഒരു കമ്പനിയുടെ സെയിൽസ് മാനായി, ഡി പ്രീ-ഡിഗ്രി പൊട്ടി നേരെ പാടത്തിറങ്ങി. 

പത്തു പാസ്സായി മുപ്പത്തിയഞ്ചു വർഷം കഴിഞ്ഞ് ഞങ്ങൾ വീണ്ടും കണ്ടുമുട്ടുമ്പോൾ കാര്യങ്ങളാകെ മാറിയിരുന്നു. ഡി റിയൽ എസ്റ്റേറ്റ് ബിസിനസ്സൊക്കെ നടത്തി നാട്ടിലെ പ്രമുഖ പണക്കാരനായെങ്കിലും കുട്ടികളുടെ പഠിത്തമെല്ലാം സ്വാഹയായി. സി സെയിൽസ് മാനിൽ നിന്നും റീജിയണൽ സെയിൽസ് മാനേജരായി. മക്കൾ രണ്ടു പേർ എൻജിനീയർമാരായി, മകളുടെ കല്യാണം കഴിഞ്ഞു. പക്ഷെ ആൾ ഫുൾടൈം തണ്ണിയാണ്, അതിന്റെ പ്രശ്‌നങ്ങളുമുണ്ട് കുടുംബത്തിൽ.

ബി യുടെ കാര്യം അപ്പോഴേക്കും സാമ്പത്തികമായി അല്പം പരുങ്ങലിലായി. മകൻ നന്നായി പഠിക്കുന്നതു കാരണം മുന്നോട്ടു നോക്കുമ്പോൾ അത്ര കുഴപ്പമില്ല. എന്റെ കാര്യം ഔദ്യോഗികമായി യു എൻ ഒക്കെയാണെങ്കിലും വ്യക്തിജീവിതത്തിൽ അന്ന് പല പ്രതിസന്ധികൾ നേരിടുകയാണ്. ആരും ആരെയും നോക്കി പഠിക്കാൻ ഇപ്പോൾ ഞങ്ങളോട് ആരും പറയാറില്ല. കാലമിനിയുമുരുളും. ജീവിതത്തിൽ ഉയർച്ച താഴ്ചകൾ ഞങ്ങൾക്കെല്ലാം ഇനിയുമുണ്ടാകും. ഇനി അറുപതോ എഴുപതോ വയസ്സിൽ ഞങ്ങൾ കണ്ടുമുട്ടിയാൽ ഞങ്ങളുടെ ആരോഗ്യം, കുട്ടികൾ ഞങ്ങളെ കരുതലോടെ നോക്കുന്നുണ്ടോ എന്നതൊക്കെയായിരിക്കും ഞങ്ങളുടെ പ്രധാന സംസാരവിഷയം. അപ്പോഴേക്കും ആരെന്നും എന്തെന്നും ആർക്കറിയാം.

ഇത് എന്റെ മാത്രം കഥയല്ല. അന്പതോ അറുപതോ വയസ്സുള്ളവർ ഓരോരുത്തർക്കും നിങ്ങളുടെ ചുറ്റിലുമുള്ള നാല് പേരെ നിരീക്ഷിച്ച് ഈ പരീക്ഷണം ചെയ്തു നോക്കാവുന്നതാണ്. നാല്പത് വർഷം മുൻപുണ്ടായിരുന്ന നിങ്ങളുടെ ആപേക്ഷിക നില എന്തായി, ഇപ്പോഴത്തെ നില എന്ത്, ഇനി എങ്ങോട്ടാണ് പോകുന്നത്. എങ്ങോട്ടു ജീവിതം പോകുമെന്നാണ് നാം കരുതിയിരുന്നത്, ഇപ്പോൾ എവിടെയെത്തി ?

കരിയറിലെ ഉന്നതിയെപ്പറ്റിയായിരുന്നു ഈ സീരീസ്. നിങ്ങൾ എവിടെയാണെങ്കിലും ഏതു തൊഴിലിലാണെങ്കിലും ഏതു പ്രായത്തിലാണെങ്കിലും തൊഴിൽ ജീവിതത്തിൽ മുന്നേറാനുള്ള മാർഗ്ഗങ്ങളാണ് പ്രധാനമായും ചർച്ച ചെയ്തത്. എന്നാൽ എല്ലാവർക്കും അവർ ആഗ്രഹിക്കുന്നതോ അവർ അർഹിക്കുന്നതോ ആയ തൊഴിൽ ജീവിതം തന്നെ ലഭിച്ചു എന്ന് വരില്ല. എന്നാൽ അതുകൊണ്ട് മാത്രം അവർ ജീവിതത്തിൽ പരാജയപ്പെട്ടുവെന്നോ, മറ്റുള്ളവരെക്കാൾ പിന്നിലാണെന്നോ വിചാരിക്കേണ്ട കാര്യമില്ല. അതേസമയം തന്നെ 'കുടുംബമാണ് ഏറ്റവും വലുത്', 'പണം കൊണ്ടൊന്നും വലിയ കാര്യമില്ല' എന്ന തരത്തിലൊക്കെയുള്ള തത്വശാസ്ത്രത്തിൽ ഒന്നും വലിയ കാര്യമില്ല താനും. ഇതൊക്കെ പൊതുവെ 'കിട്ടാത്ത മുന്തിരി' തരം ജീവിത വീക്ഷണമാണ്. ജീവിതവിജയം എന്നത് നമ്മുടെ തൊഴിൽരംഗത്തെ പുരോഗതിയോ, സാമ്പത്തികനേട്ടമോ,
കുട്ടികളുടെ പഠനമികവോ, കുടുംബത്തിലെ സന്തോഷമോ മാത്രം നോക്കി അളക്കാവുന്ന ഒന്നല്ല എന്നാണ് ഞാൻ ഉദ്ദേശിച്ചത്. ഇതിലോരോന്നിനും എത്രമാത്രം പ്രാധാന്യം കൊടുക്കണം എന്നതിന് സമൂഹത്തിൽ ചില അളവുകോലുകളുണ്ട്. ഉദാഹരണത്തിന്, കുടുംബമാണ് സമൂഹജീവിതത്തിൽ ഏറ്റവും പ്രധാനമെന്ന് ചിന്തിക്കുന്നവരാണ് സമൂഹത്തിൽ ഏറിയ കൂറും. പണമുണ്ടാക്കുന്നവരെ പൊതുവെ സമൂഹം അംഗീകരിക്കും. നല്ല കരിയറിൽ എത്തിപ്പറ്റുന്നവരെയും, അധികാര സ്ഥാനത്ത് ചെന്നെത്തുന്നവരെയും പൊതുവെ സമൂഹത്തിന് മതിപ്പാണ്. ഇതെല്ലാം കൂടി ആർക്കും തന്നെ സാധിക്കാറില്ലെങ്കിലും.

അതേസമയം വ്യക്തിപരമായി നമുക്ക് വേറെ ചിന്താഗതി ഉണ്ടാകാം. പണത്തിലും വലുത് അഭിമാനമാണെന്ന് ചിന്തിക്കുന്നവരും, മിടുക്കരായ കുട്ടികളുള്ളതാണ് ഏറ്റവും വലിയ നേട്ടമെന്ന് ചിന്തിക്കുന്നവരുമുണ്ട്. കുടുംബത്തിന്റെ സന്തോഷത്തിനു വേണ്ടി എത്രയോ മികച്ച കരിയർ അവസരങ്ങൾ വേണ്ടെന്നു വച്ച ആളുകളുണ്ട്! ഇതൊന്നും പ്രത്യേകിച്ച് ശരിയോ തെറ്റോ അല്ല, ശരിയും തെറ്റും ഉണ്ടുതാനും. ഇതിലോരോന്നിലും തീരുമാനമെടുക്കേണ്ടത് നമ്മളാണ്. എന്നുവച്ച് ഈ തീരുമാനങ്ങളൊന്നും നമ്മൾ പതിനഞ്ചാം വയസ്സിൽ എടുക്കേണ്ടതോ, ഒരിക്കൽ എടുത്തൽപ്പിന്നെ മാറ്റാൻ പറ്റാത്തതോ അല്ല.

മനുഷ്യർ അടിസ്ഥാനമായി അത്യാഗ്രഹികളാണ്. ജീവിതത്തെ അളക്കുന്ന എല്ലാ മാനദണ്ഡങ്ങളിലും പുരോഗതി മാത്രമുണ്ടാകണമെന്നും, പറ്റിയാൽ എല്ലാത്തിലും മറ്റുള്ളവരുടെ മുൻപിലെത്തണമെന്നുമാണ് എല്ലാവരുടെയും ആഗ്രഹം. പക്ഷെ അത് നടക്കുന്ന കാര്യമല്ല. അപ്പോൾ പിന്നെ ജീവിത വിജയത്തെപ്പറ്റി നമ്മുടെ വീക്ഷണം എന്തായിരിക്കണം?

രണ്ടുതരത്തിലാണ് ഞാൻ ജീവിതത്തെ നോക്കിക്കാണുന്നത്. ഒന്നാമത് ജീവിതം എന്നത് ഒരു റണ്ണിങ്
ട്രാക്കിലെ ഓട്ടം പോലെ ഒരു ദിശയിൽ മാത്രം ഉള്ളതല്ല. തൊഴിൽ ജീവിതം, കുടുംബം, കുട്ടികൾ, പണം, സമൂഹത്തിന്റെ അംഗീകാരം, ആരോഗ്യം, സുഹൃത്തുക്കൾ എന്നിങ്ങനെ ചുരുങ്ങിയത് ഏഴ് ആക്‌സിസിൽ കൂടെയാണ് ഞാൻ എന്റെ ജീവിതത്തെ കാണുന്നത്. ഇതിലോരോന്നിലും ഞാൻ ഇപ്പോൾ എവിടെ നിൽക്കുന്നു എന്നത് മാത്രമല്ല, ഞാൻ എവിടെ നിന്ന് തുടങ്ങി എന്നതും എനിക്ക് പ്രധാനമാണ്. എന്റെ കയ്യിലിപ്പോൾ അഞ്ചു കോടി രൂപ ഉണ്ടെന്നു കരുതുക (കടം ചോദിക്കണ്ട, ചുമ്മാ പറഞ്ഞതാ). അപ്പോൾ ആറ് കോടി കയ്യിലുള്ള മറ്റൊരാളെക്കാൾ പുറകിലാണെന്ന് നിങ്ങൾക്ക് തോന്നാം. എന്നാൽ ഞാൻ ജീവിതം തുടങ്ങിയത് പത്തു ലക്ഷത്തിലും, മറ്റെയാൾ തുടങ്ങിയത് പത്തു കോടിയിലും ആണെങ്കിൽ പുരോഗതി ഉണ്ടായത് എനിക്കാണെന്ന് വ്യക്തമാണല്ലോ.

നമ്മുടെ ജന്മം എന്നത് പ്രപഞ്ചത്തിലെ ഒരു ലോട്ടറിയാണ്. വെങ്ങോലയിൽ നാലാം ക്ലാസ്സ് വിദ്യാഭ്യാസം മാത്രമുള്ള ശരാശരിക്കാരായ അച്ഛനമ്മമാരുടെ മകനായി ഞാൻ പിറന്ന അതേസമയത്ത് തന്നെ അമേരിക്കയിൽ ശതകോടീശ്വരന്റെ മക്കളായും, ജർമ്മനിയിൽ നോബൽ സമ്മാനം കിട്ടിയവരുടെ മക്കളായും, സോമാലിയയിലെ മുക്കുവന്റെ മക്കളായുമൊക്കെ ആളുകൾ ജനിച്ചിട്ടുണ്ട്. ഇവരുടെ ഓരോരുത്തരുടെയും സ്റ്റാർട്ടിങ് കാപിറ്റൽ ഏറെ വ്യത്യസ്തമാണ്. എന്നാൽ ഇത് ആർജ്ജിക്കാൻ നമ്മൾ ഒന്നും ചെയ്തിട്ടുമില്ല. അപ്പോൾ നമുക്കോരോരുത്തർക്കും കിട്ടിയ മൂലധനമുപയോഗിച്ച് നാം എങ്ങനെ മുന്നോട്ടു വന്നു എന്നതാണ് നാം നമ്മളെ അളക്കാൻ ഉപയോഗിക്കേണ്ട മാനദണ്ഡം, അല്ലാതെ നമ്മുടെ കയ്യിൽ എന്ത് നീക്കിയിരിപ്പുണ്ടെന്നത്
മാത്രമല്ല. ഇതാണ് എന്നെ സംബന്ധിച്ചിടത്തോളം ജീവിത വിജയം.

രണ്ടാമത്തെ കാര്യം അല്പം സിംബോളിക്ക് ആണ്. സർക്കസിൽ കൂടാരം കണ്ടിട്ടുള്ളവർ അതിലെ നെടുംതൂണ് പല വശങ്ങളിലേക്ക് വലിച്ചുകെട്ടിയിരിക്കുന്നത് ശ്രദ്ധിച്ചിട്ടുണ്ടാകും. വലിച്ചു കെട്ടിയിരിക്കുന്ന ഓരോ കയറിന്റെയും ടെൻഷന്റെ സംതുലിതാവസ്ഥയിലാണ് നെടും തൂണവിടെ ഉറച്ചുനിൽക്കുന്നത്. ഈ തൂണിന്റെ ബലത്തിലാണ് കൂടാരം നിലനിൽക്കുന്നത്. മനുഷ്യജീവിതവും ഇതുപോലെയാണ്. സുഹൃത്തുക്കൾ, കരിയർ, സമ്പത്ത്, ആരോഗ്യം, കുടുംബം, കുട്ടികൾ, എന്നീ അനവധി ബന്ധനങ്ങളാൽ വലിച്ചുമുറുക്കിയാണ് ഓരോ മനുഷ്യനും നിലനിൽക്കുന്നത്. ഈ തൂണുകളിൽ കെട്ടിയ കൂടാരത്തിന്റെ തണലിലാണ് നാം നമ്മുടെ ജീവിതം കെട്ടിപ്പടുത്തിരിക്കുന്നത്. എന്നാൽ ഇതിലേതെങ്കിലും ഒരു കയറിൽ മാത്രം കൂടുതൽ ശ്രദ്ധ കൊടുത്താലോ തീരെ ശ്രദ്ധിക്കാതിരുന്നാലോ തൂണ് ലംബമായി നിൽക്കില്ല. അതിനാൽ നമ്മുടെ ജീവിതം എന്നത് ഏതെങ്കിലും ഒരു വിഷയത്തിലേക്ക് മാത്രമൊതുങ്ങിയാൽ അത് ഏങ്കോണിച്ച കൂടാരം പോലെയാകും. ഉദാഹരണത്തിന് ഓഫീസിനു പുറത്ത് ജീവിതമില്ലാത്ത ആൾ, കുടുംബത്തിന് പുറത്ത് ഒട്ടും ഇടപെടാത്ത ആൾ, പണത്തിന്റെ പുറകെ മാത്രം പോകുന്ന ആൾ, ഇവരെല്ലാം ചെരിഞ്ഞ തൂണിന്റെ കീഴെ കൂടാരം കെട്ടി താമസിക്കുന്നവരാണ്.

അത് വലിയ പ്രശ്‌നമൊന്നുമല്ല, എല്ലാ ടെന്റുകളും തികച്ചും സന്തുലിതമാകണമെന്ന് ഒരു നിർ ബന്ധവുമില്ല. നിങ്ങൾ നിങ്ങളുടെ ടെന്റിന്റെ രൂപത്തിലും ശക്തിയിലും സംതൃപ്തരാണോ എന്നത് മാത്രമാണ് പ്രധാനം. പ്രശ്‌നം അതല്ല, നിങ്ങൾ ഏതെങ്കിലും ഒരു കാര്യത്തിൽ മാത്രം ശ്രദ്ധ കൊടുക്കുകയും ആ വിഷയത്തിൽ നിങ്ങൾ പരാജയപ്പെടുകയും ചെയ്താൽ നെടുംതൂൺ താഴെ വീഴും. ടെന്റിലുള്ളവരുടെയെല്ലാം കാര്യം കുഴപ്പത്തിലാകുകയും ചെയ്യും. ഉദാഹരണത്തിന് കുടുംബത്തെ ശ്രദ്ധിക്കാതെ നിങ്ങൾ കരിയറിൽ ശ്രദ്ധിച്ചു എന്നും, ഏതെങ്കിലും കാരണം കൊണ്ട് കരിയർ പൊളിഞ്ഞു പോയി എന്നും കരുതുക. അപ്പോൾ നിങ്ങളുടെ ജീവിതം പിടിവിട്ടു പോകും, ടെന്റ്റ് വശം കുത്തി വീഴും. കുടുംബത്തിലോ, പണത്തിലോ, സുഹൃത്തുക്കളിലോ, സമൂഹത്തിലോ എവിടെയാണെങ്കിലും അമിത പ്രാധാന്യം കൊടുക്കുമ്പോൾ ഉള്ള കുഴപ്പമാണിത്.

നിങ്ങൾ എവിടെ ശ്രദ്ധ കൊടുക്കുന്നോ അത് പാളിയാൽ പിന്നെ നിങ്ങളുടെ ജീവിതം പിടിച്ചാൽ കിട്ടില്ല. അപ്പോഴാണ് മദ്യത്തിലും ആത്മീയഗുരുക്കന്മാരിലേക്കും നമ്മൾ എത്തിപ്പെടുന്നത്. എന്നെ സംബന്ധിച്ചിടത്തോളം അതാണ് പരാജയം. ജീവിതത്തിൽ കുടുമ്ബത്തിനും കാരിയറിനും അപ്പുറം പലതും ഉണ്ട്. അവയൊക്ക നമ്മൾ പ്രാധാന്യം കൊടുക്കേണ്ടതും ആണ്. ഒരു കാര്യത്തിലും കൂടുതൽ പ്രാധാന്യം കൊടുക്കുന്നത് ശരിയല്ലാത്ത പണമുണ്ടാക്കുന്നതും സമൂഹത്തിനു വേണ്ടി എന്തെങ്കിലും ചെയ്യുന്നതും ഒക്കെ അവഗണിക്കുന്നതും മണ്ടത്തരം ആണ്. ഇതിലൊന്നും കൃത്യമായ ബാലൻസ് ഒന്നും ആർക്കും കിട്ടില്ല, എന്ന് വച്ച് അതിനു ശ്രമിക്കാതിരിക്കുന്നത് ശരിയല്ലല്ലോ.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഒരു ചാനലിൽ മറുനാടനെതിരെ പരാമർശം നടത്തിയതിന് വൈരാഗ്യം തീർക്കുകയാണെന്ന് ദിലീപ് കോടതിയിൽ; രമ്യാ നമ്പീശൻ അടക്കം എല്ലാ സാക്ഷികളും ആക്രമിക്കപ്പെട്ട നടിയുടെ സുഹൃത്തുക്കളാണ്; ലിബർട്ടി ബഷീറും ശ്രീകുമാറും ശത്രുക്കളാണ്; ജാമ്യാപേക്ഷയുമായി കോടതിയിൽ എത്തിയ ദിലീപ് മറുനാടൻ അടക്കമുള്ള മാധ്യമങ്ങൾക്കെതിരെ പരാതി ഉയർത്തി
മകന്റെ ജനനേന്ദ്രീയത്തിൽ സ്‌ക്വീസ് ചെയ്തെന്ന പരാതി പിൻവലിച്ചില്ലെങ്കിൽ ശരിയാക്കി കളയും; പീഡകനായ അസിസ്റ്റന്റ് പ്രൊഫസർക്കായി ക്വട്ടേഷൻ ഏറ്റെടുത്തതും മറ്റൊരു കോളേജ് അദ്ധ്യാപകൻ; സിനിമയിലും സീരിയലിലും ചെറിയ വേഷങ്ങൾ ചെയ്ത കാട്ടക്കടയിലെ പ്രൊഫസറും പോക്സോ കേസിൽ കുടുങ്ങും; കൈരളി അവതാരകനായി മുഖ്യമന്ത്രിയുടെ ഓഫീസിനെ വലിച്ചിഴച്ചത് തന്ത്രങ്ങളുടെ ഭാഗം
അടുത്ത പാർലമെന്റ് സമ്മേളനത്തിൽ തന്നെ ബിൽ കൊണ്ടു വരും; നിതീഷ് കുമാറും അണ്ണാഡിഎംകെയും ഒപ്പമെത്തിയതോടെ രാജ്യസഭയിലും ബിൽ പാസാകും; തയ്യാറാക്കുന്നത് ഇസ്ലാമിക കുടുംബ നിയമത്തെ പൊളിച്ചെഴുതുന്ന നിയമം; തലാഖ് മുതൽ വിവാഹ നിയമം വരെ പരിഷ്‌കരിച്ചേക്കും; കോടതി വിധിയെ മോദി സർക്കാർ ഏകീകൃത സിവിൽ കോഡിലേക്കുള്ള ചുവടുവയ്‌പ്പാക്കി മാറ്റും
'കാരവാൻ ഗൂഢാലോചന' തിയറി ദിലീപിന് തുണയാകുമോ? പൊലീസ് അന്വേഷണത്തിലെ ലൂപ്പ് ഹോളുകളിൽ പിടിച്ച് പ്രോസിക്യൂഷനെ സമ്മർദ്ദത്തിലാക്കി അഡ്വ. രാമൻ പിള്ള; കേസിൽ എന്തെങ്കിലും സത്യമുണ്ടെങ്കിൽ നേരത്തേ പണം കൊടുത്ത് ദിലീപ് കേസ് ഒതുക്കില്ലേയെന്നും ചോദ്യം; സുനി പറയുന്ന ഒന്നരക്കോടി കഥ പണത്തിന് വേണ്ടി: ജാമ്യാപേക്ഷയിൽ ഇന്ന് വാദം നീണ്ടത് നാല് മണിക്കൂർ
ദേശീയത ഇസ്ലാമിക വിരുദ്ധം; ബഹുദൈവാരാധകരുടെ ഹൃദയത്തിലെ വിശ്വാസം മാലിന്യമുള്ളത്; ശിർക്കും കുഫ്റും ഇടകലർന്ന രാജ്യം എങ്ങിനെ പൂന്തോപ്പ് ആകും; ഇന്ത്യ സംസ്‌ക്കാര സമ്പന്നമാണെന്ന വാക്ക് തന്നെ ഏറ്റവും വലിയ കോമഡി; വിസ്ഡം ഗ്ലോബൽ ഇസ്ലാമിക് മിഷന്റെ ലഘുലേഖയ്ക്കും ദേശീയതക്കുമെതിരായ മുജാഹിദ് പണ്ഡിതൻ അബ്ദുൽ മുഹ്‌സിൻ ഐദീദിന്റെ വാദങ്ങൾ വിവാദത്തിൽ
സമസ്താപരാധം പറഞ്ഞ് മാപ്പ് ചോദിക്കാമെന്ന് വമ്പൻ സ്രാവും മാഡവും; പൾസർ സുനിയുടെ രഹസ്യ മൊഴി പുറത്തുവരാതിരിക്കാനും ഭീഷണിയും കാലുപിടിത്തവും; വിവാഹജീവിതത്തിൽ കേസ് കല്ലുകടിയാവുമെന്ന ഉപദേശിക്കാൻ താരപ്രമുഖരിറങ്ങും; ഓണച്ചിത്രങ്ങളുടെ പേരു പറഞ്ഞ് മഞ്ജുവിനേയും സ്വാധീനിക്കാനും നീക്കം: ദിലീപിനെ രക്ഷിക്കാൻ കരുതലോടെ കരുനീക്കം
ആലുവയിൽ അഴിക്കുള്ളിലുള്ള ദിലീപ് ചെറുമീൻ മാത്രം; പിന്നിൽ നിന്ന് കളിച്ച വമ്പൻ സ്രാവ് സിദ്ദിഖെന്ന് സൂചന; മാഡത്തിന്റെ പേരും ഇന്ന് പുറംലോകം അറിയും; പൊലീസ് ചോദ്യം ചെയ്ത രണ്ട് പേരെ കുറിച്ച് ഊഹാപോഹങ്ങൾ; സിനിമാ ലോകത്തെ വെട്ടിലാക്കാൻ ഇന്ന് പൾസർ സുനിയുടെ കൂടുതൽ വെളിപ്പെടുത്തലുകൾ വരും; എല്ലാം പതിനൊന്ന് മണിയോടെ അറിയാമെന്ന് അഡ്വക്കേറ്റ് ആളൂർ
ചേട്ടൻ ജയിലിൽ നിന്നും പുറത്തിറങ്ങില്ലെന്ന് ഉറപ്പായതോടെ 5000കോടിയും ബിസിനസ്സ് സാമ്രാജ്യവും പിടിച്ചടക്കി അനിയൻ; പുറത്താക്കിയ മാനേജരെ തിരിച്ചെടുത്ത് കമ്പനി ഭരണം; ഭാര്യയ്ക്കും മകൾക്കും പോലും റോളൊന്നുമില്ല; ജയിൽ ഫോണിൽ നിന്നും വിളിച്ച് ഭീഷണിപ്പെടുത്തിയെന്ന നിസാമിനെതിരെയുള്ള പരാതിയുടെ പിന്നിലെ കഥ ഇങ്ങനെ
ആ സംസാരിച്ച ശങ്കർദാസും മറുപടി പറഞ്ഞ ദീപയും വ്യാജന്മാർ! സ്റ്റേജിൽ കയറി അടിച്ച് തലമണ്ട ഉടയ്ക്കുമെന്ന് പറഞ്ഞത് റിക്കോർഡ് ചെയ്തു അറിയിക്കാൻ രാഹുൽ ഈശ്വറിന്റെ ഭാര്യയോട് ബിജെപി നേതാവ് പറയുന്ന ഓഡിയോ ആരുടെ കൂർമ്മ ബുദ്ധിയിൽ പിറന്നത്? ഹാദിയ-മദനി സന്ദർശനം നടത്തിയ രാഹുൽ ഈശ്വറിനെ വിടാതെ പിന്തുടർന്ന് വിവാദങ്ങൾ
ചില നടിമാർക്ക് പങ്കുള്ള കാര്യം തന്നോട് പറഞ്ഞിട്ടുണ്ട്; ആ പേരുകൾ സുനി തന്നെ വെളിപ്പെടുത്തട്ടെ; അഭിഭാഷക ധർമ്മനുസരിച്ച് താൻ അത് പുറത്തുപറയില്ല; പൾസറിനെ അങ്കമാലി കോടതിയിൽ കൊണ്ടുവരാത്തത് ഗൂഢാലോചന; യഥാർഥ പ്രതികളെ സംരക്ഷിക്കാൻ ഗൂഢാലോചനയെന്ന് ആളൂർ വക്കീൽ; വമ്പൻ സ്രാവിനേയും മാഡത്തേയും അറിയാൻ ഈ മാസം 30 വരെ കാത്തിരിക്കണം
അറ്റ്‌ലസ് മുതലാളി തീർത്തും അവശൻ; പാരവയ്‌പ്പും സ്വത്തുതട്ടൽ കളികളും അറിഞ്ഞ് മാനസികമായും തളർന്നു; എല്ലാ പ്രതീക്ഷയും നഷ്ടപ്പെട്ട് ഭാര്യ ഇന്ദിരയും: കടം തീർക്കാനുള്ള പണം നൽകാമെന്നു ബി ആർ ഷെട്ടി അറിയിച്ചിട്ടും രണ്ട് ബാങ്കുകൾ ഒത്തുതീർപ്പിന് തയ്യാറല്ല; അഴിക്കുള്ളിൽ തളച്ചിടുന്നതിനു പിന്നിൽ മലയാളി പ്രവാസിയുടെ ഇടപെടൽ; അറ്റ്‌ലസ് രാമചന്ദ്രന്റെ മോചനം നീളുന്നത് എന്തുകൊണ്ട്?
നാലു വയസ്സുകാരൻ മകനുമായി കാമുകനൊപ്പം ഒമാനിലേക്ക് കടന്നത് വെറുതെയായി; നീക്കം മണത്തറിഞ്ഞ ഭർത്താവ് പ്രവാസികളുടെ സഹായത്തോടെ കള്ളി പൊളിച്ചു; കേരളത്തിലേക്ക് തിരിച്ചയച്ച കാമുകീകാമുകന്മാരെ കരിപ്പൂരിൽ പറന്നിറങ്ങിയപ്പോൾ കസ്റ്റഡിയിലെടുത്ത് കേരളാ പൊലീസ്; തിരിച്ചെത്തിയ അമ്മയെ കെട്ടിപ്പിടിച്ച് കരഞ്ഞ് മൂത്തമകനും: തലശ്ശേരിയിൽ നിന്നൊരു ഒളിച്ചോട്ടക്കഥ ഇങ്ങനെ
മകളുടെ തലയിൽ കൈ വച്ച് സത്യം ചെയ്യുന്നത് കണ്ടപ്പോൾ ജനപ്രിയ നായകനെ വിശ്വസിച്ചു; അച്ഛനെ പുറത്താക്കിയ സംഘടന പിടിക്കുമെന്ന മകന്റെ ഭീഷണിയും കാര്യമായെടുത്തു; ദിലീപിന് ജാമ്യം കിട്ടിയ ശേഷം യോഗമെന്ന നിലപാടും തിരിച്ചടിച്ചു; മമ്മൂട്ടിയും ലാലും ഇന്നസെന്റും വമ്പൻ പ്രതിസന്ധിയിൽ; 'അമ്മ'യുടെ പ്രസക്തി ചോദ്യം ചെയ്ത് പൃഥ്വിരാജും: ഇങ്ങനെ പോയാൽ താരസംഘടന ഇല്ലാതാവും
നാല് വർഷത്തെ പ്രണയം; പിന്നെ അനൗദ്യോഗിക രജിസ്റ്റർ മാരീജ്; താര രാജാവിന്റെ ആദ്യ വിവാഹം അമ്മാവന്റെ മകളുമായി; മഞ്ജുവിന് വേണ്ടി ബന്ധം വേർപെടുത്താൻ ഇടനിലക്കാരായത് അമ്മയും സഹോദരങ്ങളും; നല്ല കാലത്തിന് വേണ്ടി വഴിമാറിക്കൊടുത്ത യുവതിയുടെ മൊഴിയെടുക്കാൻ പൊലീസ്; നടിയെ ആക്രമിച്ച കേസിലെ കുറ്റപത്രത്തിൽ ദീലീപ് മൂന്നാംകെട്ടുകാരനാകും
രാമലീലയുമായി നെട്ടോട്ടമോടി ടോമിച്ചൻ മുളകുപാടം; കമ്മാരസംഭവം പൂർത്തിയാക്കാനാവില്ലെന്ന തിരിച്ചറിഞ്ഞ് ഗോകുലം ഗോപാലൻ; നടിയും ഗായികയുമായ 'മാഡം' കൂടി കുടങ്ങിയാൽ പ്രതിസന്ധി ഇരട്ടിക്കും; കരുതലോടെ തീരുമാനമെടുക്കാനുറച്ച് ചാനലുകളും; ദിലീപിന് ജാമ്യം നിഷേധിച്ചത് വെള്ളിത്തിരയെ പിടിച്ചുലയ്ക്കുന്നത് ഇങ്ങനെ