1 aed = 17.64 inr 1 eur = 75.03 inr 1 gbp = 83.21 inr 1 kwd = 212.31 inr 1 sar = 17.13 inr 1 usd = 64.11 inr

Aug / 2017
19
Saturday

പണി കൊടുക്കുന്ന പണി: മുരളി തുമ്മാരുകുടി എഴുതുന്നു...

February 15, 2017 | 08:51 AM | Permalink



മുരളി തുമ്മാരുകുടി

കരിയർ സീരീസിനിടക്ക് ഞാൻ തള്ളിക്കയറ്റുന്ന എന്റെ കുടുംബ വിശേഷങ്ങളും നിങ്ങൾ ഫോളോ ചെയ്യുന്നുണ്ടോ എന്നറിയാൻ ഒരു ടെസ്റ്റ് നടത്തട്ടെ ?. ഞാൻ ഒരാളെപ്പറ്റി കുറച്ച് ലക്ഷണങ്ങൾ പറയാം. അതാരാണെന്ന് നിങ്ങൾ പറയണം.

മലയാളിയാണ്
പുരുഷനാണ്
വെങ്ങോലയിൽ നിന്നാണ്
തുമ്മാരുകുടിയിലാണ് ജനിച്ചത്
എൻജിനീയർ ആണ്
ഐ ഐ ടി യിലാണ് ഉപരിപഠനം ചെയ്തത്
താമസം വിദേശത്താണ്
മിക്കവാറും യാത്രയിലാണ്

ഇത്രയൊക്കെ പറയുമ്പോൾ തന്നെ നിങ്ങൾക്ക് ആളെ മനസ്സിലായിട്ടുണ്ടാകും എന്ന് ധരിച്ച് അതു ഞാനാണെന്ന് നിങ്ങൾ ധൈര്യമായി പറയും. എന്നാൽ ഇതേ ലക്ഷണങ്ങളോടു കൂടിയ മറ്റൊരാൾ കൂടി ഉണ്ട്. അതെന്റെ മൂത്ത സഹോദരൻ രവി തുമ്മാരുകുടിയാണ്. കണ്ടാൽ ഇളയ സഹോദരനാണെന്നേ തോന്നൂ, അതുകൊണ്ടാണ് 'മൂത്തത്' എടുത്തുപറഞ്ഞത്.

ഇന്ന് ചേട്ടനെപ്പറ്റി പറയാൻ ഒരു കാരണമുണ്ട്. ഐ ഐ ടി യിൽ പഠനവും കഴിഞ്ഞ് ഇരുന്നൂറു ഡോളറും ഒരു പെട്ടിയുമായി അമേരിക്കയ്ക്ക് പോയ ചേട്ടനിപ്പോൾ അവിടെയൊരു ഐ ടി സ്ഥാപനത്തിന്റെ മുതലാളിയും സി ഇ ഓ യുമാണ്. ബാംഗ്ലൂരിലും, ചെന്നൈയിലും ഒക്കെ ബ്രാഞ്ചുകളുള്ള സ്ഥാപനത്തിൽ ഏറെപ്പേർക്ക് ജോലിയും കൊടുക്കുന്നു. (.http://www.mobiveil.com/company/leadership/ravi-thummarukudy/)

ഇത് ചേട്ടന്റെ രണ്ടാമത്തെ പ്രസ്ഥാനമാണ്. 1996 -ൽ തന്നെ കൂട്ടുകാരുമായി ചേർന്ന് ജി ഡി എ ടെക്ക് എന്നപേരിൽ ഒരു കമ്പനി തുടങ്ങി, വളർത്തി അമേരിക്കയിലും സിംഗപ്പൂരിലും ഇന്ത്യയിലും ഒക്കെയായി നൂറുകണക്കിന് ആളുകൾ ജോലി ചെയ്യുന്ന പ്രസ്ഥാനമാക്കി വലുതാക്കി, അതിനെ വിറ്റ് കാശെല്ലാം പോക്കറ്റിലിട്ട ശേഷമാണ് രണ്ടാമത്തെ കമ്പനി തുടങ്ങിയത്. പറഞ്ഞു വരുന്നത് ആളുകൾക്ക് പണി കൊടുക്കുന്നതിൽ ഒന്നാമൻ തുമ്മാരുകുടിയിൽ ചേട്ടനാണ്, ഞാനല്ല. (അങ്ങനെ അല്ലാ എന്ന് അടുത്ത കൂട്ടുക്കാർക്കെല്ലാം അഭിപ്രായമുണ്ടെങ്കിലും).

പാരമ്പര്യമായി ഞങ്ങൾക്ക് ബിസിനസ് ജീനൊന്നുമില്ല. മുതുമുത്തശ്ശന്മാരായിട്ട് കൃഷിയാണ് ചെയ്തിരുന്നത്. അച്ഛൻ കമ്പനി ജോലിക്കാരനായിരുന്നു. അമ്മക്ക് കൃഷിയും മറ്റു വീട്ടുകാര്യങ്ങളും. അമേരിക്കയിൽ കമ്പനി തുടങ്ങാനുള്ള മൂലധനമൊന്നും ചേട്ടന്റെയടുത്തില്ലായിരുന്നു. പിന്നെങ്ങനെയാണ് ചേട്ടൻ ഈ രംഗത്തിറങ്ങി അത് രണ്ടുപ്രാവശ്യവും വിജയകരമാക്കിയത്?

സ്വന്തമായി ഒരു സ്ഥാപനം നടത്തുക, സ്വന്തം ബോസായിരിക്കുക, മറ്റുള്ളവർക്ക് ജോലി കൊടുക്കുക, കാശുണ്ടാക്കുക ഇതെല്ലാം എല്ലാവരുടെയും സ്വപ്നമാണ്. അപൂർവം പേരേ ഈ സ്വപ്നത്തിന്റെ പുറകേ പോകാറുള്ളൂ. അതിലും കുറച്ചു പേർ മാത്രമേ അത് വിജയമാക്കാറുള്ളൂ, ഒരുമൈക്രോസ്‌കോപ്പിക് മൈനോറിറ്റി മാത്രമേ നമ്മൾ സ്വപ്നം കാണുന്ന ബംഗ്ലാവും ജാഗ്വറും ഒക്കെ എത്തിപ്പിടിക്കാറുള്ളു.

എങ്ങനെയാണ് ഒരാൾ ഒരു നല്ല സംരംഭകൻ ആകുന്നത്? അങ്ങനെയാകാൻ ആഗ്രഹിക്കുന്നവർ ശ്രദ്ധിക്കേണ്ട കാര്യങ്ങൾ എന്തൊക്കെയാണ്? ഇതൊക്കെ വലിയ പ്രബന്ധമായി എഴുതപ്പെടേണ്ട, എഴുതിയിട്ടുള്ള വിഷയമാണ്. ഇതിനെപ്പറ്റി പഠിപ്പിക്കാൻ കോഴ്സുകൾ പോലുമുണ്ട്. എന്നാലും സ്വന്തം സ്ഥാപനങ്ങൾ തുടങ്ങുന്നതിനെപ്പറ്റി പറയാതെ കരിയർ സീരീസ് പൂർത്തിയാകില്ലല്ലോ. അതുകൊണ്ട് എന്റെ ചുറ്റുമുള്ള, പ്രസ്ഥാനങ്ങൾ നടത്തി ജയിച്ചവരുടെയും തോറ്റവരുടെയും അനുഭവത്തിൽ നിന്നും ചില കാര്യങ്ങൾ പറയാം.

ഒരു പ്രസ്ഥാനമുണ്ടാക്കാനുള്ള ആഗ്രഹം: ഒരു വ്യവസായ സംരംഭകനാകാനുള്ള ആദ്യത്തെ യോഗ്യത സ്വന്തമായി എന്തെങ്കിലും സംരംഭം തുടങ്ങണമെന്നുള്ള അടങ്ങാത്ത ആഗ്രഹമാണ് (fire in the belly എന്ന് ഇംഗ്‌ളീഷിൽ). ഇതെങ്ങനെയാണ് ഓരോരുത്തരിൽ ഉണ്ടാകുന്നതെന്ന് പറയാൻ പറ്റില്ല. ജനിച്ചതും വളർന്നതുമായ സാഹചര്യമാകാം, ഇപ്പോൾ ജീവിക്കുന്ന ചുറ്റുപാടാകാം, പൊതുവെ ജീവിതസാഹചര്യങ്ങൾ അനുകൂലമായതുകൊണ്ടാകാം, നേരെ തിരിച്ചുമാകാം. ഏതാണെങ്കിലും ഒരു ജോലിക്ക് ശ്രമിക്കുന്നതുപോലെ നിസ്സാരമായി കാണേണ്ട ഒന്നല്ലിത്. നമ്മുടെയുള്ളിൽ അടങ്ങാത്ത ആഗ്രഹമായി ഒരു പ്രസ്ഥാനം നടത്തണമെന്ന ത്വര ഉണ്ടോ എന്ന് ആത്മപരിശോധന നടത്തിക്കൊണ്ടേയിരിക്കുക, വർഷങ്ങളോളം. ജോലി കിട്ടാത്തതുകൊണ്ടോ, ആരുടെയെങ്കിലും ഉപദേശം കേട്ടോ, സർക്കാർ ധനസഹായം ചെയ്യും എന്നതുകൊണ്ടോ, കയ്യിൽ കുറച്ചു കാശുള്ളതുകൊണ്ടോ ഒന്നും പോയി ഒരു സ്ഥാപനം തുടങ്ങരുത്.

2. വിജയത്തിലേക്ക് കുറുക്കുവഴികളില്ല: സ്റ്റീവ് ജോബ്സിന്റെയും ബിൽ ഗേറ്റിസിന്റെയും സക്കർബർഗ്ഗിന്റെയുമൊക്കെ കഥയേ നമ്മൾ കണ്ടിട്ടും കേട്ടിട്ടുമുള്ളൂ. ഒരു പ്രസ്ഥാനം തുടങ്ങി പൊളിഞ്ഞുപാളീസായി കുടുംബവും തകർന്ന് മദ്യപാനത്തിലോ, ആത്മഹത്യയിലോ അവസാനിക്കുന്നവരുടെ ചരിത്രമൊന്നും പുസ്തകമോ സിനിമയോ ആകാറില്ല. കാരണം അതത്ര അപൂർവമല്ല എന്നതുതന്നെ. അപ്പോൾ പ്രസ്ഥാനം തുടങ്ങുന്നതിനു മുൻപ് പരാജയത്തിനാണ് കൂടുതൽ സാധ്യത എന്നു തന്നെ മനസ്സിൽ കരുതണം.

3. റിസ്‌കില്ലാത്ത ബിസിനസ്സില്ല: നമ്മൾ എത്ര അറിവുള്ള ആളായാലും, നമ്മുടെ കൈയിൽ എത്ര പണമുണ്ടെങ്കിലും, നമ്മുടെ എത്ര തലമുറ ബിസിനസ്സ് ചെയ്തതാണെങ്കിലും ബിസിനസ്സ് എന്നും ഒരു റിസ്‌ക്കി പണി തന്നെയാണ്. അതുകൊണ്ടാണ് അത് വിജയിക്കുമ്പോൾ നമുക്ക് അതിനർഹമായ പ്രതിഫലം കിട്ടുന്നത്. റിസ്‌കില്ലാത്ത ബിസിനസ്സ് അന്വേഷിക്കുന്നത് ചുക്കില്ലാത്ത കഷായമന്വേഷിക്കുന്നതു പോലെ പാഴ്‌വേലയാണ്.

4. റിസ്‌ക്കെടുക്കലാണ് ബിസിനസ്സിന്റെ ഒന്നാം പാഠം: ബിസിനസ്സ് നടത്തുന്നവരെയും തൊഴിൽ ചെയ്യുന്നവരെയും തമ്മിൽ മാറ്റിനിർത്തുന്ന ഏറ്റവും വലിയ ഘടകം അവരുടെ റിസ്‌ക് എടുക്കാനുള്ള മാനസികനിലയാണ്. ഇതിന്റെയർത്ഥം എത്ര ഉയരത്തിലും അടിയിൽ വലകെട്ടാതെ ട്രപ്പീസ് കളിക്കാനുള്ള ധൈര്യമാണ് ബിസിനസിന് വേണ്ടത് എന്നല്ല, മറിച്ച് എന്തൊക്കെയാണ് ഇതിലെ റിസ്‌ക്ക് എന്നു മനസിലാക്കി നമ്മുടെ കംഫർട്ട് സോണിനു പുറത്ത് കാര്യങ്ങൾ ചെയ്യാനുള്ള മനക്കരുത്തുണ്ടാകണം എന്നാണ്.

5. എല്ലാമറിഞ്ഞിട്ട് ഒന്നും നടക്കില്ല: റിസ്‌കെടുക്കുന്നതിലെ ഒരു പ്രധാന സംഗതി ചില കാര്യങ്ങൾ എങ്ങനെയാകുമെന്ന് നമുക്ക് പ്രവചിക്കാനേ പറ്റില്ല എന്നതാണ്. ഉദാഹരണത്തിന്, നമ്മൾ റിന്യുവബിൾ എനർജിയുടെ ബിസിനസ് ചെയ്യുന്നു എന്നു കരുതുക. ആഗോള എണ്ണവില ഈ ബിസിനസിനെ ബാധിക്കുന്ന ഒരു ഘടകമാണ്. അതിനെ ബാധിക്കുന്നതാകട്ടെ, സാമ്പത്തികഘടകങ്ങളേക്കാൾ കൂടുതൽ രാഷ്ട്രീയഘടകങ്ങളാണ്. അപ്പോൾ അമേരിക്കയിൽ ഒരു പുതിയ പ്രസിഡന്റ് അധികാരമേൽക്കുന്നു, ഇറാനെതിരെ ഉപരോധമുണ്ടാകുന്നു, ഇതെല്ലാം എണ്ണവിലയെ ബാധിക്കും. അതുവഴി നമ്മുടെ ബിസിനസിനേയും. ഇതൊക്കെ മുൻകൂട്ടി അറിഞ്ഞ് ഒരു ബിസിനസ്സ് നടത്താൻ ഒരിക്കലും കഴിയില്ല.

6. ബോസുമാരുടെ വേലിയേറ്റം: ഏറെയാളുകൾ ഒരു ബിസിനസ്സ് സംരഭത്തെപ്പറ്റി ചിന്തിക്കുന്നത് ഓഫിസ് അന്തരീക്ഷത്തിൽ ഒരു ബോസിന്റെ കീഴിൽ ജോലിചെയ്യാനുള്ള വിമുഖത കൊണ്ടാണ്. എന്നാൽ സത്യം നേരെ മറിച്ചാണ്. ഓഫിസ് ജോലിക്കാരന് ഓഫിസിലെ ഔദ്യോഗിക സംവിധാനമനുസരിച്ചുള്ള ഒരു ബോസിനെ മാത്രം ഗൗനിച്ചാൽ മതി. എന്നാൽ ബിസിനസ് നടത്തുന്നവർക്ക് എല്ലാവരെയും ഗൗനിക്കണം. ഇന്ത്യയിൽ ഇതിന്റെ അതിപ്രസരവുമാണ്. ഒരു പാറമട നടത്താൻ തന്നെ പതിനാറ് ലൈസൻസ് വേണം എന്നാണ് പറഞ്ഞു കേട്ടിട്ടുള്ളത്. ഇലക്ട്രിസിറ്റി ബോർഡിലെ എൻജിനീയർ, പൊല്യൂഷൻ കൺട്രോൾ ബോർഡ്, യൂണിയൻ നേതാക്കൾ, ലോക്കൽ എം എൽ എ, ബാങ്കർ, ക്ലയന്റ് തുടങ്ങി നമുക്ക് ഏതൊക്കെ പ്രസ്ഥാനങ്ങളുമായി ബന്ധപ്പെടണോ അതിലൊക്കെയുള്ളവർ
നമ്മുടെ ബോസുമാരായി അവതരിക്കും.

7. അറിവുണ്ടാകണം, പക്ഷെ പാരാലിസിസ് ബൈ അനാലിസിസ് ആകരുത്: പുതിയതായി ബിസിനസ്സ് തുടങ്ങുന്നവർ ശ്രദ്ധിക്കേണ്ട ഒരു കാര്യം നമുക്ക് അത്യാവശ്യം അറിവുള്ള ഡൊമൈനിൽ വേണം ബിസിനസ്സ് തുടങ്ങാൻ എന്നതാണ്. നമ്മുടെ പഠനം, പരിശീലനം, യാത്ര, ബന്ധുബലം, പാരമ്പര്യം, ഇവയൊക്കെ കാരണം നമുക്ക് ഏതെങ്കിലുമൊക്കെ രംഗത്ത് അറിവും സാമൂഹ്യ ബന്ധങ്ങളും ഉണ്ടാകുമല്ലോ. അതിലോ, അതിന്റെ അനുബന്ധമായിട്ടോ വേണം പണിതുടങ്ങാൻ. അതെ സമയം ഒരു പ്രസ്ഥാനവും ഉണ്ടാക്കുന്നതിന്റെ നിയമ വശം സാമ്പത്തിക വശം ഇവയിൽ ഒക്കെ കുറച്ച് സമയത്തെ ചെലവാക്കണം. നമുക്ക് യാതൊരു പരിചയവുമില്ലാത്ത രംഗത്ത് അല്ലെങ്കിൽ രാജ്യത്ത് പോയി ബിസിനസ്സ് തുടങ്ങുന്നത് അനാവശ്യ റിസ്‌ക് ആണ്. എന്നുവച്ച് ഒരു ബിസിനസ്സ് തുടങ്ങുന്നതിനു മുൻപ് ആ വിഷയത്തിൽ പി എച് ഡി യോ മാസ്റ്റേഴ്സോ ഒന്നും എടുക്കേണ്ട കാര്യമില്ല കേട്ടോ.

8. കഠിനാധ്വാനം നിർബന്ധം: ലോകത്തെമ്പാടും ജോലിചെയ്യുന്നവരുടെ ജോലിഭാരം വർഷാവർഷം കുറഞ്ഞുവരികയാണ്. യൂറോപ്യൻ യൂണിയനിലൊക്കെ ആഴ്ചയിൽ മുപ്പത്തിയഞ്ച് മണിക്കൂറുകളായിട്ടുണ്ട് ജോലിസമയം. എന്നാൽ ബിസിനസ്സ് തുടങ്ങുന്നവർ, ആദ്യകാലത്തെങ്കിലും പകലോ രാത്രിയോ നോക്കാതെ, അവധി ദിവസമോ തൊഴിൽ ദിവസമോ നോക്കാതെ ആഴ്ചയിൽ എൺപത് മണിക്കൂറോ അതിലും കൂടുതലോ ജോലിചെയ്യാൻ സന്നദ്ധരായിരിക്കണം.

9. കുടുംബത്തിന്റെ പിന്തുണ: ബിസിനസ്സ് പച്ചപിടിച്ചു കഴിഞ്ഞാൽ നമുക്ക് ഉറപ്പാക്കാവുന്ന ഒന്നുണ്ട്, സമൂഹത്തിന്റെ പിന്തുണ. എന്നാൽ തുടങ്ങുന്ന കാലത്ത് സ്ഥിതി നേരെ തിരിച്ചാണ്. ബിസിനസ് ബാക്ഗ്രൗണ്ടിൽ നിന്നല്ലാതെ ആ രംഗത്തെത്തുന്നവരെ പരമാവധി നിരുത്സാഹപ്പെടുത്താനേ സമൂഹം ശ്രമിക്കൂ. അപ്പോൾ നമുക്ക് പൂർണ്ണമായും കുടുംബത്തിന്റെ വൈകാരികപിന്തുണ ഉണ്ടായേ പറ്റൂ. ഇതത്ര എളുപ്പമല്ല. പ്രത്യേകിച്ചും ബിസിനസ്സ് അറിയാത്ത ബാക്ഗ്രൗണ്ടിൽ നിന്നും വരുന്ന പങ്കാളിയാണെങ്കിൽ. സ്ഥിര ജോലിയിൽ നിന്നാണ് നാം ബിസിനസിലേക്ക് ഇറങ്ങുന്നതെങ്കിൽ ഉറപ്പായും കുടുംബത്തിൽ ഇത് പ്രശ്‌നങ്ങളുണ്ടാക്കും. പണത്തിന്റെ കാര്യത്തിലും കുടുംബത്തിനോടൊപ്പമുള്ള സമയത്തിന്റെ കാര്യത്തിലും കുറവ് വരുമല്ലോ. ഇക്കാര്യങ്ങൾ പങ്കാളിയുമായി നേരത്തെ ചർച്ച ചെയ്യണം. ബിസിനസ്സിന്റെ തുടക്കത്തിലുണ്ടാകുന്ന മനസികവിഷമങ്ങൾ, സാമ്പത്തിക ഞെരുക്കം, സമയക്കുറവ് ഇതെല്ലാം നമ്മുടെ കുടുംബബന്ധങ്ങൾ അതിജീവിക്കുമോ എന്ന് നമ്മൾ ഉറപ്പാക്കണം. അല്ലെങ്കിൽ അതിന്റെ പ്രത്യാഘാതങ്ങൾ നേരിടാൻ തയ്യാറായിരിക്കണം.

10. പണം ലാഭിച്ചും ചെലവാക്കിയും പഠിക്കണം: ബിസിനസ്സിൽ ഇറങ്ങുന്നവരെ സംബന്ധിച്ചിടത്തോളം പണത്തെപ്പറ്റി വ്യക്തമായ ധാരണയുണ്ടാകണം. ബിസിനസ്സിനകത്ത് പൂർണ്ണ മുതലാളിത്ത ചിന്തയോടെ വേണം തീരുമാനങ്ങളെടുക്കാൻ. കാര്യക്ഷമത, കോസ്റ്റ് എഫക്ടീവ്‌നെസ്സ് എന്നിവയിൽ ഒരു വിട്ടുവീഴ്ചയും പാടില്ല. പണം ചുരുക്കി ചെലവാക്കണം. അതേസമയം ബിസിനസ്സ് പച്ചപിടിച്ചുവന്നാൽ പഴയതുപോലെ ടൊയോട്ടയുമോടിച്ച് നടക്കരുത്. പണം ചെലവാക്കാനുള്ള അവസരം ലഭിച്ചത് ബിസിനസിൽ ഇറങ്ങിയതിന്റെ, കഠിനാധ്വാനം ചെയ്തതിന്റെ, റിസ്‌ക്ക് എടുത്തതിന്റെ എല്ലാം പ്രതിഫലമാണ്. നല്ല വീടുവെക്കുന്നതിനും, ബി എം ഡബ്‌ള്യു വാങ്ങുന്നതിനും, ബിസിനസ്സ് ക്ലാസ്സിൽ യാത്ര ചെയ്യുന്നതിനും ഒരു മടിയും വിചാരിക്കേണ്ട. നിങ്ങളും കുടുംബവും അതർഹിക്കുന്നു. ധാരാളം പണം ചെലവുചെയ്യുന്നതു കാണുമ്പോൾ സമൂഹം ചുമ്മാ കുറ്റമൊക്കെ പറയും, മൈൻഡ് ചെയ്യണ്ട.

11. ബിസിനസ്സ് ചാരിറ്റിയല്ല: ബിസിനസ്സിൽ തീരുമാനങ്ങളെടുക്കുന്നത് ബിസിനസ് താല്പര്യങ്ങൾ മാത്രം നോക്കിയായിരിക്കണം. കഷ്ടപ്പാട് അനുഭവിക്കുന്നവർക്ക് ജോലി കൊടുക്കുന്നതോ ബിസിനസ്സ് പൊളിഞ്ഞവരുടെ കടം എഴുതിത്ത്ത്ത്തള്ളുന്നതോ ഒന്നും നല്ല ബിസിനസ്സുകാരന് പറ്റിയ പണിയല്ല. ഒരു ബിസിനസ്സ് നടത്തി ലാഭമുണ്ടാക്കിക്കഴിഞ്ഞാൽ അതിന്റെ നല്ലൊരു ഭാഗം സമൂഹത്തിനുവേണ്ടി ചെലവഴിക്കാം. അതിൽ സന്നദ്ധസംഘടനകളെയും രാഷ്ട്രീയക്കാരെയുമൊക്കെ ഉൾപ്പെടുത്താം എന്നാൽ രാഷ്ട്രീയക്കാരുടെയോ ബന്ധുക്കളുടെയോ വാക്കുകേട്ട് ആരെയും ജോലിക്കെടുക്കരുത്. ബന്ധുക്കൾക്ക് ആർക്കും കോൺട്രാക്റ്റും കൊടുക്കരുത്.

12. പണമല്ല പ്രശ്‌നം: നല്ല ബിസിനസ്സ് ആശയങ്ങളെ പിന്തുണക്കാനിപ്പോൾ അനവധി സംവിധാനങ്ങളുണ്ട്. സർക്കാരിന്റെ മുദ്രാബാങ്ക്, വെഞ്ചർ കാപിറ്റൽ, ക്രൗഡ് ഫണ്ടിങ്, എന്നിങ്ങനെ പലതും. നല്ല ആശയം ഉണ്ടായിരിക്കുക, നമ്മുടെ പാഷൻ കാണിക്കുക, നമ്മൾ അതിൽ നൂറുശതമാനം മുഴുകാൻ തയ്യാറായിരിക്കുക ഇതൊക്കെയാണ് പ്രധാനം.

13 . അതിരുകളില്ലാത്ത കമ്പോളം: ഇന്റർനെറ്റിന്റെ ലോകത്ത് ബിസിനസ്സ് തുടങ്ങുന്നതിൽ പഴയതിൽ നിന്നും പല മാറ്റങ്ങളുമുണ്ട്. ഒന്നാമത് വലിയ മുതൽമുടക്കൊന്നും വേണ്ട, രണ്ടാമത് സഹായം ലോകത്ത് എവിടെ നിന്നും വരാം, മൂന്നാമത് വിജയമായിക്കഴിഞ്ഞാൽ അതിന് അതിരുകളില്ല. കേരളത്തിൽ നിന്നും ഒരു ബില്യൺ ഡോളർ വരുമാനമുള്ള ബ്രാൻഡ് ഉണ്ടായി വരാവുന്നതേയുള്ളൂ. കേരളത്തിലെ തോറ്റ എഞ്ചിനീയര്മാരിൽ നിന്നായിരിക്കും അത് സംഭവിക്കുക എന്നാണ് എന്റെ പ്രവചനം.

13. നെറ്റ്‌വർക്ക് സർവപ്രധാനം: ഒരു ജോലി കിട്ടാൻ നെറ്റ് വർക്ക് ഗുണകരമാണെങ്കിലും നെറ്റ് വർക്ക് ഇല്ലെങ്കിലും ജോലി നേടാം, നിലനിർത്തുകയും ചെയ്യാം. പക്ഷെ ബിസിനസ്സ് എന്നുപറയുന്നത് മൊത്തം നെറ്റ് വർക്കിന്റെ കളിയാണ്. മറ്റുള്ളവരിൽ വിശ്വാസ്യത ഉണ്ടാക്കിയെടുക്കുക, അത് നിലനിർത്തുക, ഇതൊക്കെയാണ് പ്രധാനം. പ്രൊഫഷണൽ രംഗത്തും വ്യക്തിപരമായും നെറ്റ്‌വർക്കിങ് ഉഷാറാക്കാതെ ബിസിനസ്സിൽ വിജയിക്കില്ല.

ഒരു ബിസിനസ്സ് തുടങ്ങി വിജയിപ്പിക്കാൻ ഏറ്റവും എളുപ്പം ഇപ്പോൾ നടക്കുന്ന ഏതെങ്കിലും ബിസിനസ്സ് ഏറ്റെടുത്ത് അത് കൂടുതൽ നന്നായി ചെയ്യുകയാണെന്നാണ് എന്റെ സുഹൃത്തും അയർലൻഡിലെ സംരംഭകയും ആയ നിക്കോള യുടെ അഭിപ്രായം. ഒരു സംരഭകയുടെ ജീവിതവും തൊഴിലും എങ്ങനെ ബന്ധപ്പെട്ടു കിടക്കുന്നു എന്നറിയാൻ താല്പര്യം ഉള്ളവർ അവരുടെ പ്രസംഗം സൂക്ഷിച്ചു കേൾക്കുന്നത് നന്നായിരിക്കും. 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
വിദേശത്ത് നിന്നുള്ള ഫണ്ട് ഒഴുക്ക് നിലച്ചു; നോട്ട് നിരോധനവും കള്ളപ്പണവേട്ടയും വിനയായി; ആത്മീയയാത്രാ ചാനൽ പൂട്ടിക്കെട്ടി കെപി യോഹന്നാൻ; പിരിഞ്ഞു പോകാൻ 54 സ്ഥിരം ജീവനക്കാർക്ക് നോട്ടീസ്; ആനുകൂല്യമെല്ലാം നൽകുമെന്ന മാനേജ്‌മെന്റ് വാക്ക് വിശ്വസിക്കാനാവാതെ ജീവനക്കാർ: ബിലിവേഴ്‌സ് ചർച്ചിനെ വലയ്ക്കുന്നത് അമേരിക്കയിലെ കേസ്
വെൽകം ടു സെൻട്രൽ ജയിൽ ഇറങ്ങിയത് കഴിഞ്ഞ ഓണത്തിന്; വർഷം ഒന്നു കഴിയുമ്പോൾ താരരാജാവ് അഴിക്കുള്ളിൽ; മലയാളികളുടെ ആഘോഷക്കാലത്തും ഇത്തവണ പടമിറക്കാൻ നിർമ്മാതാക്കൾക്ക് മുട്ടിടി; ഉറപ്പായത് ലാലിന്റെ വെളിപാടിന്റെ പുസ്തകം മാത്രം; അങ്കം മുറുക്കാൻ മമ്മൂട്ടി ചിത്രവും എത്തിയേക്കും; അച്ഛനുമായി അങ്കം ഒഴിവാക്കാൻ ദുൽഖർ ചിത്രം റിലീസിംഗിനില്ല; പ്രതീക്ഷയോടെ പൃഥ്വിയും നിവിൻ പോളിയും
ഗൾഫിൽ കിടന്ന് കഷ്ടപ്പെട്ട് ഉണ്ടാക്കിയ 150 കോടി മുടക്കി കേരളത്തിന്റെ ടൂറിസം നന്നാക്കാൻ തുടങ്ങിയ റിസോർട്ടിന്റെ പേരിൽ നിയമസഭയിൽ പൊട്ടിത്തറിച്ച മന്ത്രി തോമസ് ചാണ്ടി തെരഞ്ഞെടുപ്പ് പത്രികയിൽ ഈ ഉടമസ്ഥത രഹസ്യമാക്കി വച്ചു; ഏഷ്യാനെറ്റിനോട് ചൊറിഞ്ഞ് പണി വാങ്ങിച്ചു കേറ്റി മന്ത്രി തോമസ് ചാണ്ടി; കാര്യങ്ങൾ നീങ്ങുന്നത് ധനാഢ്യന്റെ മന്ത്രിസ്ഥാനം തെറിക്കുന്നതിലേക്ക്
നടൻ ശ്രീനാഥിന്റെ മരണത്തിലെ ദുരൂഹത നീങ്ങുമോ? പുനരന്വേഷണം ആവശ്യപ്പെട്ട് മുഖ്യമന്ത്രിയെ നേരിൽ കണ്ട് പരാതി നൽകി നടന്റെ കുടുംബം; ശ്രീനാഥ് ഒരിക്കലും കൈഞരമ്പ് മുറിക്കില്ലെന്ന് ബന്ധുക്കൾ; സത്യാവസ്ഥ പുറത്തു കൊണ്ടുവരാൻ ക്രൈംബ്രാഞ്ചോ മറ്റേതെങ്കിലും ഏജൻസികളോ അന്വേഷിക്കണം; വേണ്ടതു ചെയ്യാമെന്ന ഉറപ്പു നൽകി പിണറായി വിജയനും; 'ശിക്കാറി'ന്റെ സെറ്റിൽ നടന്നത് എന്തെന്നറിയാൽ അന്വേഷണം വരും
സോഷ്യൽ മീഡിയയിലെ താരപരിവേഷവുമായി മംഗളത്തെ നയിക്കാൻ കാനഡയിൽ നിന്നെത്തിയ സുനിതാ ദേവദാസിന്റെ ആദ്യ നീക്കങ്ങൾക്ക് തിരിച്ചടി; ഫെയ്‌സ് ബുക്കിലൂടെ പ്രഖ്യാപിച്ച മുതിർന്ന റിപ്പോർട്ടർക്കെതിരെയുള്ള അച്ചടക്ക നടപടി പിൻവലിക്കേണ്ടി വന്നു; പെൺകെണി വിഷയത്തിലെ നാടകീയ നീക്കങ്ങളും വിവാദമായി; ഫെയ്‌സ് ബുക്ക് പോസ്റ്റുകൾ ഇടുന്നതിന് നിയന്ത്രണം പ്രഖ്യാപിച്ച് ചെയർമാൻ
കാക്കനാട്ടെ ജയിലിൽ നിറയെ വമ്പൻ സ്രാവിന്റെ ആളുകൾ; പേരുകൾ മജിസ്‌ട്രേട്ടിന് മുമ്പിൽ പറഞ്ഞാൽ മർദ്ദനം ഉറപ്പ്; വിയ്യൂരിൽ നിന്ന് 30ന് അങ്കമാലിയിലെത്തുമ്പോൾ 'മാഡത്തിന്റെ' കള്ളി പൊളിയുമെന്ന് ആളൂർ വക്കീൽ; പൾസറിന്റെ വെളിപ്പെടുത്തൽ ഓണചിത്രങ്ങളെ ബാധിക്കുമെന്ന ആശങ്കയിൽ സിനിമാലോകം: കൂടുതൽ പേരെ അറസ്റ്റ് ചെയ്യാനും സാധ്യത
ഏഴ് തവണ സുപ്രീംകോടതിയിലും 15തവണ ഹൈക്കോടതിയിലും പോയിട്ടും കേസ് പരിഗണിച്ചേയില്ല; അപ്പീൽ അപേക്ഷ കേൾക്കാൻ ജഡ്ജിമാർക്കും മടി; പണം കൊടുത്ത് നാട്ടുകാരെ കൊണ്ട് നിവേദനം നൽകാനുള്ള ശ്രമവും മാനസിക രോഗി ആവാനുള്ള ശ്രമവും പൊളിഞ്ഞു; കോടികളുടെ വാഹനങ്ങളിൽ മേക്കപ്പ് മാനുമായി കറങ്ങി നടന്നിരുന്ന അമൽ വെറും സാധാരണക്കാരിയായി; നിയമത്തിന് മുമ്പിൽ പണക്കൊഴുപ്പ് വീണപ്പോൾ പരിവേദനവുമായി ഭാര്യ രംഗത്ത്
'മാഡം' സംവിധായകന്റെ ഭാര്യയോ? മഞ്ജുവിനെതിരെ വിമൻ ഇൻ സിനിമാ കളക്ടീവ് യോഗം ചേർന്നുവെന്നത് പച്ചക്കള്ളം; പാർവ്വതി ഇപ്പോൾ കേരളത്തിൽ പോലുമില്ല; മീനാക്ഷിയെ ആശ്വസിപ്പിക്കാൻ അമ്മ ദിലീപിന്റെ വീട്ടിലെത്തിയെന്നും റിപ്പോർട്ട്; അച്ഛനെ കുടുക്കിയത് താനല്ലെന്നും മകളോട് അമ്മ; എതിർപ്പ് പ്രകടിപ്പിക്കാതെ കാവ്യയും; സിനിമയിലെ ഊഹാപോഹങ്ങൾക്ക് അവസാനമില്ല
ആലുവയിൽ അഴിക്കുള്ളിലുള്ള ദിലീപ് ചെറുമീൻ മാത്രം; പിന്നിൽ നിന്ന് കളിച്ച വമ്പൻ സ്രാവ് സിദ്ദിഖെന്ന് സൂചന; മാഡത്തിന്റെ പേരും ഇന്ന് പുറംലോകം അറിയും; പൊലീസ് ചോദ്യം ചെയ്ത രണ്ട് പേരെ കുറിച്ച് ഊഹാപോഹങ്ങൾ; സിനിമാ ലോകത്തെ വെട്ടിലാക്കാൻ ഇന്ന് പൾസർ സുനിയുടെ കൂടുതൽ വെളിപ്പെടുത്തലുകൾ വരും; എല്ലാം പതിനൊന്ന് മണിയോടെ അറിയാമെന്ന് അഡ്വക്കേറ്റ് ആളൂർ
ചേട്ടൻ ജയിലിൽ നിന്നും പുറത്തിറങ്ങില്ലെന്ന് ഉറപ്പായതോടെ 5000കോടിയും ബിസിനസ്സ് സാമ്രാജ്യവും പിടിച്ചടക്കി അനിയൻ; പുറത്താക്കിയ മാനേജരെ തിരിച്ചെടുത്ത് കമ്പനി ഭരണം; ഭാര്യയ്ക്കും മകൾക്കും പോലും റോളൊന്നുമില്ല; ജയിൽ ഫോണിൽ നിന്നും വിളിച്ച് ഭീഷണിപ്പെടുത്തിയെന്ന നിസാമിനെതിരെയുള്ള പരാതിയുടെ പിന്നിലെ കഥ ഇങ്ങനെ
തീരദേശ പരിപാലന നിയമത്തിന്റെ പേരിൽ മറ്റുള്ളവർക്ക് അനുമതി നിഷേധിച്ചപ്പോഴും എം ജി ശ്രീകുമാറിന് മുമ്പിൽ നിയമം വളഞ്ഞു; മുളവുകാട് പഞ്ചായത്തിൽ ഗായകൻ മണിമാളിക കെട്ടിപ്പൊക്കിയത് ചട്ടങ്ങളെല്ലാം കാറ്റിൽപ്പറത്തി; വീടിനോട് ചേർന്നുള്ള ജങ്കാർക്കടവും കൈയടക്കി ഇരുമ്പു വേലി കൊണ്ട് കെട്ടിമറച്ചു; പൊതുവഴി അടച്ചപ്പോൾ പ്രതിഷേധവുമായി നാട്ടുകാർ
സനീഷ് പലതവണ എന്നെ ചീത്തവിളിച്ചു; ചെയ്യാത്ത കുറ്റത്തിനു നിരന്തരം കേട്ട വഴക്കു പോലെ അല്ല ന്യൂസ് പോകുന്നതിനിടെ പരസ്യമായി എന്റെ സ്ത്രീത്വത്തെ അപമാനിച്ചത്; ലല്ലു ശശിധരൻ പിള്ളയ്ക്ക് എന്നെ കാണുമ്പോഴൊക്കെ ചൊറിച്ചിലാണ്; ന്യൂസ് 18 ലെ ആത്മഹത്യാ ശ്രമം മറുനാടന്റെ കെട്ടുകഥയെന്ന് ആരോപിച്ച മഹാന്മാരെല്ലാം വായിച്ചറിയാൻ പീഡനത്തിനിരയായ പെൺകുട്ടിയുടെ പരാതിയുടെ കോപ്പി പുറത്ത് വിടുന്നു
ഹാദിയ കേസിൽ സത്യസരണിക്കും പോപ്പുലർഫ്രണ്ട് നേതാക്കൾക്കുമെതിരെ ക്രൈംബ്രാഞ്ച് അന്വേഷണത്തിൽ നിർണായക കണ്ടെത്തലുകൾ; മതംമാറ്റൽ കേന്ദ്രത്തിലേക്ക് ഒഴുകുന്ന ഫണ്ടുകളെ കുറിച്ചും സുപ്രധാന വിവരങ്ങൾ ലഭിച്ചു; മുൻ അന്വേഷണ ഉദ്യോഗസ്ഥനെതിരെയും അന്വേഷണ റിപ്പോർട്ടിൽ പരാമർശം; അന്വേഷണം വഴിമുട്ടിയത് അഖിലയെ ആസിയ ആക്കിയ ദമ്മാജ് സലഫി ബന്ധത്തിലേക്ക് അന്വേഷണം എത്തിയപ്പോൾ
മകളുടെ തലയിൽ കൈ വച്ച് സത്യം ചെയ്യുന്നത് കണ്ടപ്പോൾ ജനപ്രിയ നായകനെ വിശ്വസിച്ചു; അച്ഛനെ പുറത്താക്കിയ സംഘടന പിടിക്കുമെന്ന മകന്റെ ഭീഷണിയും കാര്യമായെടുത്തു; ദിലീപിന് ജാമ്യം കിട്ടിയ ശേഷം യോഗമെന്ന നിലപാടും തിരിച്ചടിച്ചു; മമ്മൂട്ടിയും ലാലും ഇന്നസെന്റും വമ്പൻ പ്രതിസന്ധിയിൽ; 'അമ്മ'യുടെ പ്രസക്തി ചോദ്യം ചെയ്ത് പൃഥ്വിരാജും: ഇങ്ങനെ പോയാൽ താരസംഘടന ഇല്ലാതാവും
നാല് വർഷത്തെ പ്രണയം; പിന്നെ അനൗദ്യോഗിക രജിസ്റ്റർ മാരീജ്; താര രാജാവിന്റെ ആദ്യ വിവാഹം അമ്മാവന്റെ മകളുമായി; മഞ്ജുവിന് വേണ്ടി ബന്ധം വേർപെടുത്താൻ ഇടനിലക്കാരായത് അമ്മയും സഹോദരങ്ങളും; നല്ല കാലത്തിന് വേണ്ടി വഴിമാറിക്കൊടുത്ത യുവതിയുടെ മൊഴിയെടുക്കാൻ പൊലീസ്; നടിയെ ആക്രമിച്ച കേസിലെ കുറ്റപത്രത്തിൽ ദീലീപ് മൂന്നാംകെട്ടുകാരനാകും
രാമലീലയുമായി നെട്ടോട്ടമോടി ടോമിച്ചൻ മുളകുപാടം; കമ്മാരസംഭവം പൂർത്തിയാക്കാനാവില്ലെന്ന തിരിച്ചറിഞ്ഞ് ഗോകുലം ഗോപാലൻ; നടിയും ഗായികയുമായ 'മാഡം' കൂടി കുടങ്ങിയാൽ പ്രതിസന്ധി ഇരട്ടിക്കും; കരുതലോടെ തീരുമാനമെടുക്കാനുറച്ച് ചാനലുകളും; ദിലീപിന് ജാമ്യം നിഷേധിച്ചത് വെള്ളിത്തിരയെ പിടിച്ചുലയ്ക്കുന്നത് ഇങ്ങനെ