1 usd = 68.10 inr 1 gbp = 89.72 inr 1 eur = 78.87 inr 1 aed = 18.54 inr 1 sar = 18.16 inr 1 kwd = 225.15 inr

Jun / 2018
19
Tuesday

എത്രകാലം തൊഴിൽരംഗത്തു നിന്നു മാറിനിന്നു എന്നതോ പ്രായമോ ആഗോള തൊഴിൽരംഗത്തു പ്രശ്നമല്ല; വീടുനോക്കിക്കഴിഞ്ഞ സ്ത്രീകൾക്കും സ്വന്തം സ്ഥാപനം തുടങ്ങി പച്ചപിടിക്കാത്തവർക്കും രണ്ടാം ഊഴം പരീക്ഷിക്കാം; തൊഴിൽ രംഗത്ത് സെക്കൻഡ് ഇന്നിങ്സ് തുടങ്ങാൻ ആഗ്രഹിക്കുന്നവരുടെ സാധ്യതകളെക്കുറിച്ച് മുരളി തുമ്മാരുകുടി എഴുതുന്നു

February 07, 2017 | 07:37 PM IST | Permalink



എത്രകാലം തൊഴിൽരംഗത്തു നിന്നു മാറിനിന്നു എന്നതോ പ്രായമോ ആഗോള തൊഴിൽരംഗത്തു പ്രശ്നമല്ല; വീടുനോക്കിക്കഴിഞ്ഞ സ്ത്രീകൾക്കും സ്വന്തം സ്ഥാപനം തുടങ്ങി പച്ചപിടിക്കാത്തവർക്കും രണ്ടാം ഊഴം പരീക്ഷിക്കാം; തൊഴിൽ രംഗത്ത് സെക്കൻഡ് ഇന്നിങ്സ് തുടങ്ങാൻ ആഗ്രഹിക്കുന്നവരുടെ സാധ്യതകളെക്കുറിച്ച് മുരളി തുമ്മാരുകുടി എഴുതുന്നു

മുരളി തുമ്മാരുകുടി

 


ഓരോ വർഷവും ഞങ്ങളുടെ ഓഫീസിൽ പത്തു മുതൽ പന്ത്രണ്ടു വരെ ഇന്റേണുകൾക്ക് പരിശീലനം കൊടുക്കാറുണ്ട്.
സാധാരണ നവംബറിലാണ് ഇതിനുള്ള അപേക്ഷകൾ ക്ഷണിക്കുന്നത്. ഇത് ഞാൻ ഫേസ്‌ബുക്ക് പേജിൽ ഷെയർ ചെയ്യാറുമുണ്ട്. വർഷത്തിലൊരിക്കലെങ്കിലും മലയാളികൾ ഇതിനായി അവിടെ വരാറുമുണ്ട്.

രണ്ടുവർഷം മുൻപത്തെ ഇന്റേൺഷിപ്പ് അപേക്ഷകളിലൊന്ന് ഞാൻ പ്രത്യേകം ശ്രദ്ധിച്ചു. പോർച്ചുഗലിൽ
നിന്നുള്ള ഒരു സ്ത്രീ ബഹറിനിൽ നിന്നാണ് അപേക്ഷിച്ചിരിക്കുന്നത്. ഓഫീസ് മാനേജ്‌മെന്റ് കോഴ്‌സിൽ വിദൂരപഠനം പൂർത്തിയാക്കുകയാണ്.

ഇതിലെന്താണ് പ്രത്യേകത?

അവർക്ക് അന്പത്തിയഞ്ചു വയസ്സുണ്ടായിരുന്നു. എന്റെ ഓഫീസിൽ എന്റെ ബോസിനുൾപ്പെടെ ആർക്കും ആപ്രായമില്ല.

യു എൻ ഇന്റേൺഷിപ്പുകൾക്ക് ശമ്പളമോ മറ്റ് ആനുകൂല്യങ്ങളോ ഒന്നുമില്ല. ബിരുദമോ ബിരുദാനന്തരബിരുദമോ കഴിയുന്ന കുട്ടികളാണ് സാധാരണ അപേക്ഷിക്കുന്നത്. അതുകൊണ്ടാണ് അന്പത്തിയഞ്ചു വയസ്സുള്ള പട്രീഷ്യയുടെ (പേര് സാങ്കൽപ്പികം) അപേക്ഷ പ്രത്യേകം ശ്രദ്ധിച്ചത്.

''ഇവരെ ഇന്റർവ്യൂ ചെയ്യണോ? ഇനി വല്ല തെറ്റിദ്ധാരണയുടെയും പുറത്ത് അപേക്ഷിച്ചതാണെങ്കിലോ?''

''തീർച്ചയായും ഇന്റർവ്യൂ ചെയ്യണം.'' ഞാൻ പറഞ്ഞു. ഇവരുടെ പ്രായത്തിൽ പുതിയത് എന്തെങ്കിലും പഠിക്കാൻ ശ്രമിച്ചു എന്നതുതന്നെ എന്നെ സന്തോഷിപ്പിക്കുന്നു.

അങ്ങനെ ഇന്റർവ്യൂ നടത്തി. ഭർത്താവിന്റെ കൂടെ ഏറെക്കാലം ലിബിയയിലായിരുന്നു, അവിടെ യുദ്ധം വന്നപ്പോൾ ബഹറൈനിലേക്ക് പോന്നു. കുട്ടികളെല്ലാം വളർന്ന് യൂറോപ്പിലെ പോലെ കൂടുവിട്ട് പറന്നു. അപ്പോഴാണ് കുറച്ചുനാൾ ജോലിചെയ്യണമെന്ന മോഹമുദിച്ചത്. ഭർത്താവ് ഫുൾ സപ്പോർട്ട്. അങ്ങനെയാണ് പഠിക്കാൻ ചേർന്നതും ഇന്റേൺഷിപ്പിന് അപേക്ഷിച്ചതും.

അതിശയകരമായ സവിശേഷതകളുള്ള ട്രെയിനിയായിരുന്നു അവർ. ചെറിയ കുട്ടികളെപ്പോലെ ചുറുചുറുക്ക്, അതേസമയം പ്രായത്തിനൊത്ത പക്വത. മൂന്നുമാസത്തെ ഇന്റേൺഷിപ്പ് കഴിഞ്ഞപ്പോഴേക്കും പട്രീഷ്യ ഞങ്ങളുടെയെല്ലാം സുഹൃത്തായി മാറി.

ഓരോ വർഷവും പുതുവത്സരകാലത്ത് അവിടെ ഇന്റേൺ ആയിരുന്നവരെല്ലാം പരസ്പരം ആശംസകൾ അറിയിക്കും. പട്രീഷ്യയും എഴുതി, ബ്രസീലിൽ അവർക്ക് ജോലി കിട്ടി. ഭർത്താവ് താമസിയാതെ അവിടെയെത്തും. മകളുടെ ബോയ്ഫ്രണ്ടും ബ്രസീലിൽ നിന്നാണ്, ആകെ സന്തോഷം.

ഇത്രയേ ഉള്ളു കാര്യം. ആഗോള തൊഴിൽരംഗത്ത് പ്രായം എത്രയായി എന്നോ എത്രകാലം തൊഴിൽരംഗത്തു നിന്ന് മാറിനിന്നു എന്നതോ ഒന്നും ആളുകൾ പ്രശ്‌നമാക്കുന്നില്ല. താല്പര്യമുള്ളവർക്ക് എന്നുവേണമെങ്കിലും തുടങ്ങാം, തുടരാം.

മലയാളികളിലും രണ്ടാമത് തൊഴിൽ രംഗത്തേക്ക് തിരിച്ചുവരാൻ ആഗ്രഹമുള്ളവരുടെ എണ്ണം കൂടിവരികയാണ്. ഇതിന് പല കാരണങ്ങളുണ്ട്.

1. കുട്ടികളും കുടുംബജോലിയുമായി തൊഴിൽരംഗത്തുനിന്ന് വിട്ടുനിന്ന സ്ത്രീകൾ.

2. സ്വന്തമായി എന്തെങ്കിലും പ്രസ്ഥാനം തുടങ്ങി അത് പച്ചപിടിക്കാതെ പോയവർ.

3. അൻപത്തിയാറോ അറുപതോ വയസ്സിൽ ജോലിയിൽ നിന്ന് വിരമിക്കുമ്പോൾ പോലും സാമ്പത്തികഭദ്രത ആകാത്തവർ.

4. പ്രവാസത്തിൽ നിന്നും നാട്ടിലേക്ക് മടങ്ങുന്നവർ.

5. നാട്ടിൽ നിന്നും പ്രവാസികളായ പങ്കാളികളുടെ അടുത്തേക്ക് താമസം മാറ്റുന്നവർ.

കാരണങ്ങൾ വേറെയും പലതുണ്ടാകാം. ഇനിയുള്ള കാലത്ത് തൊഴിൽജീവിതത്തിൽ ഒരു രണ്ടാം ഇന്നിങ്‌സ് ആഗ്രഹിക്കുന്നവരുടെയും വേണ്ടിവരുന്നവരുടെയും എണ്ണം കൂടിവരികയേയുള്ളു.

എങ്ങനെയാണ് രണ്ടാമൂഴത്തിൽ ഒരു തൊഴിൽ കണ്ടുപിടിക്കുന്നത്? പ്രത്യേകിച്ചും ലോകത്തെ അനവധി സ്ഥാപനങ്ങൾ ബയോഡേറ്റയിൽ വലിയ ബ്രേക്ക് ഉള്ളവരെയും, നാല്പതിനു മുകളിൽ പ്രായമുള്ളവരെയും ഒക്കെ കമ്പനിനയത്തിന്റെ ഭാഗമായും നയപരമായും ഒഴിവാക്കാവുന്ന ലോകത്ത്?

ഏറ്റവും ഫലപ്രദമായ പദ്ധതി ഏതു പ്രായമാണെങ്കിലും തിരിച്ച് യുണിവേഴ്‌സിറ്റിയിലേക്ക് പോയി ഇപ്പോഴത്തെ സാഹചര്യത്തിൽ തൊഴിൽ സാധ്യതയുള്ള ഒരു യോഗ്യത കരസ്ഥമാക്കുക എന്നത് തന്നെയാണ്. പ്രത്യേകിച്ചും പാശ്ചാത്യനാടുകളിലേക്ക് കുടിയേറുന്നവർ. തന്നാട്ടിലെ യൂണിവേഴ്‌സിറ്റിയിൽ നിന്ന് ബിരുദമെണ്ടെന്നതും ഈ പ്രായത്തിലും പുതിയത് എന്തെങ്കിലും പഠിക്കാൻ താല്പര്യം കാണിച്ചു എന്നതും തൊഴിൽദാതാക്കൾ പോസിറ്റിവായി കാണും. യൂണിവേഴ്‌സിറ്റിയുടെ ഔദ്യോഗിക സംവിധാനങ്ങൾ തൊഴിൽ തേടുന്നതിന് ഉപയോഗിക്കാമെന്നതും, പഠനത്തിനിടക്കുള്ള ഇന്റേൺഷിപ്പും മറ്റവസരങ്ങളും തൊഴിൽദാതാക്കളുമായി നെറ്റ് വർക്ക് ചെയ്യാനുപയോഗിക്കാം എന്നതുമൊക്കെ യൂണിവേഴ്‌സിറ്റി വഴിയുള്ള യാത്രയുടെ ഗുണങ്ങളാണ്.

സാമ്പത്തികവും സമയപരവുമായ കാരണങ്ങളാൽ ഈ യൂണിവേഴ്‌സിറ്റി വഴിയുള്ള രണ്ടാം തൊഴിൽയാത്ര അത്ര എളുപ്പമല്ല. അവർക്ക് വേണ്ടി വേറെ കുറച്ച് നിർദ്ദേശങ്ങൾ നൽകാം.

ചിന്തിച്ച് എടുക്കേണ്ട തീരുമാനം: രണ്ടാമത് തൊഴിൽരംഗത്തേക്ക് വരണോ എന്നത് നന്നായി ആലോചിച്ചെടുക്കേണ്ട തീരുമാനമാണ്. തീരുമാനമെടുത്താൽ അത് ഉറച്ചതായിരിക്കുകയും വേണം. ജോലി ചെയ്യണോ, അതോ മറ്റു വല്ല സംരംഭവും തുടങ്ങണോ, മുഴുവൻ സമയ ജോലിയാണോ അതോ പാർട്ട് ടൈം ജോലിയാണോ വേണ്ടത്, ജോലിക്കു വേണ്ടി ഇപ്പോൾ താമസിക്കുന്ന സ്ഥലം മാറണോ അതോ താമസിക്കുന്ന സ്ഥലത്തു തന്നെയാണോ ജോലി നോക്കേണ്ടത്,
മുൻപ് ചെയ്ത തൊഴിൽരംഗത്തു തന്നെ വീണ്ടും തുടങ്ങണോ, അതോ മറ്റൊന്ന് കണ്ടുപിടിക്കണോ ഇതെല്ലാം ആലോചിക്കണം. പങ്കാളിയും മക്കളുമായി ഇക്കാര്യം ചർച്ച ചെയ്യണം. തൊഴിലിൽ നിന്നും നാം എന്താണ് പ്രതീക്ഷിക്കുതെന്നതും പ്രധാനമാണ്. വരുമാനമാണോ, സ്വന്തം കഴിവുകൾ ഉപയോഗിക്കുക എന്നതാണോ, അതോ വീടിന് പുറത്ത് കുറച്ചുസമയം മറ്റാളുകളോടൊപ്പം ചിലവഴിക്കുകയാണോ ഉദ്ദേശ്യം ഇതെല്ലാം പ്രധാനമാണ്.

കൈയിലിരുപ്പ് പരിശോധിക്കുക: മുൻപറഞ്ഞ ചോദ്യങ്ങൾക്കെല്ലാം ഉത്തരം കിട്ടുകയും അത് കുടുംബത്തോട് പങ്കുവെക്കുകയും ചെയ്താൽ പിന്നെ വേണ്ടത് രണ്ടാമത്തെ തൊഴിൽജീവിതത്തിന് നിങ്ങളെ സ്വയം പ്രാപ്തരാക്കുന്ന എന്തു കഴിവുകളാണ് നിങ്ങൾക്കുള്ളതെന്ന് കണ്ടെത്തുകയാണ്. തൊഴിൽ രംഗത്തുനിന്ന് പത്തോ അതിലധികമോ വർഷം മാറിനിന്നിട്ടുണ്ടെങ്കിൽ നിങ്ങളുടെ അടിസ്ഥാന വിദ്യാഭ്യാസം അല്പം തുരുമ്പിച്ചുകാണും.

ഒരുപക്ഷെ അതായിരിക്കില്ല നിങ്ങളുടെ പ്രധാന ഗുണം. ലോകരാഷ്ട്രങ്ങൾ കണ്ട അനുഭവമാകാം, പ്രായത്തിന്റെ പക്വതയാകാം, ഭാഷയിലുള്ള അറിവാകാം, വിപുലമായ വ്യക്തിബന്ധങ്ങളാകാം, ശമ്പളമില്ലാതെയോ ശമ്പളത്തോടു കൂടിയോ കുറഞ്ഞ ശമ്പളത്തിനോ ജോലി ചെയ്യാനുള്ള സാഹചര്യം ആകാം, മുഴുവൻ സമയ ജോലി നിർബന്ധമില്ല എന്നതാകാം. ഇങ്ങനെ തൊഴിൽരംഗത്തേക്ക് പുതിയതായി വരുന്നവരെ മലർത്തിയടിക്കാനുള്ള എന്തൊക്കെ കൈയിലിരുപ്പുകളാണ് നിങ്ങൾക്കുള്ളത് എന്ന് മനസ്സിലാക്കുക.

തൊഴിൽരംഗത്തെ അവലോകനം ചെയ്യുക: നിങ്ങൾ ഏതു പ്രദേശത്താണോ ജോലി ചെയ്യനുദ്ദേശിക്കുന്നത് അവിടുത്തെ തൊഴിൽ സാധ്യതകളെ അവലോകനം ചെയ്യുക എന്നതാണ് അടുത്ത പടി. ഏതൊക്കെ തരം തൊഴിലവസരങ്ങളാണ് അവിടങ്ങളിലുള്ളത്, വലിയ തൊഴിൽ ദാതാക്കളാരാണ്, ചെറിയ തൊഴിലവസരങ്ങൾ എന്തൊക്കെയുണ്ട്, പാർട്ട് ടൈം അവസരങ്ങൾ എവിടെയാണ് ഉണ്ടാകാൻ സാധ്യത, സന്നദ്ധസേവനത്തിന് അവസരങ്ങൾ ഏതൊക്കെയാണ്, വീട്ടിലിരുന്ന് ചെയ്യാവുന്ന തൊഴിലുകളുണ്ടോ, എന്നിങ്ങനെ തൊഴിൽരംഗം മുഴുവൻ അരിച്ചുപെറുക്കി നോക്കണം. കേരളത്തിലാണെങ്കിൽ തൊഴിൽവീഥി പോലുള്ള മാസികകളും മാതൃഭൂമിയുടെയും മനോരമയുടെയുമൊക്കെ തൊഴിലവസരവാർത്തകളും ശ്രദ്ധിക്കണം. ചുറ്റുമുള്ളവരോട് സംസാരിക്കുക, ഒന്നോ രണ്ടോ എംപ്ലോയ്മെന്റ് ഏജൻസികളിലൊക്കെ
കയറിനോക്കുക, ഇതെല്ലാം ചെയ്തുവേണം അവസരങ്ങൾ മനസ്സിലാക്കാൻ. മറ്റു രാജ്യങ്ങളിൽ അവിടുത്തെ പത്രവും സംവിധാനവും ഉപയോഗിക്കുക. പല വലിയ കമ്പനികളിലും 'spouse's employment' ശരിയാക്കാൻ വേണ്ടി പ്രത്യേകവകുപ്പ് തന്നെയുണ്ട്.

യോഗ്യതകൾ പൊടിതട്ടിയെടുക്കുക: മുൻപ് പറഞ്ഞതുപോലെ പത്തുവർഷമൊക്കെ തൊഴിൽരംഗത്തു നിന്ന് മാറിനിന്നിട്ടുണ്ടെങ്കിൽ നമ്മുടെ അടിസ്ഥാന യോഗ്യതകളൊക്കെ ഒന്നു പൊടിതട്ടിയെടുക്കണം. ഇപ്പോഴാണെങ്കിൽ കുറച്ച് ഫ്രീ ഓൺലൈൻ കോഴ്സുകളൊക്കെ ചെയ്ത് തുടങ്ങുക. പറ്റിയാൽ ആ രംഗത്തിന് പറ്റിയ പുതിയ പരിശീലനങ്ങൾ (നിങ്ങൾ സിവിൽ എൻജിനീയറാണെങ്കിൽ ഓട്ടോകാഡ്, ജി ഐ എസ്, സുരക്ഷയിലെ NEBOSH) ഒക്കെ ചെയ്ത് നിങ്ങളുടെ അറിവ് വർധിപ്പിക്കുക. കൂടാതെ തൊഴിൽരംഗത്തേക്ക് തിരിച്ചുവരാൻ നിങ്ങൾ ആത്മാർഥമായി ശ്രമിക്കുന്നുവെന്ന് തെളിയിക്കുക.

ബയോഡേറ്റ: ഇത്രയുമൊക്കെ ചെയ്തുകഴിഞ്ഞാൽ പിന്നെ ഒരുഗ്രൻ ബയോഡാറ്റ ഉണ്ടാക്കണം. സി വി യിൽ നിങ്ങൾ പത്തുവർഷം ജോലി ചെയ്യാതിരുന്ന കാര്യം മറച്ചുവെക്കേണ്ട കാര്യമൊന്നുമില്ല. അക്കാലത്ത് എന്താണ് ചെയ്തതെന്ന് വ്യക്തമായി എഴുതുക. അതിനുശേഷം ഏതു രംഗത്താണോ നിങ്ങൾ തൊഴിൽ നേടാൻ ഉദ്ദേശിക്കുന്നത് അത് ഫുൾ ടൈമാണോ പാർട്ട് ടൈമാണോ എന്നൊക്കെ ബയോഡേറ്റയിൽ എഴുതണം. ഇത് നന്നായി തയ്യാറാക്കണം. വേണ്ടിവന്നാൽ അല്പം കാശ് മുടക്കി വിദഗ്‌ദ്ധോപദേശം തേടുകയുമാകാം. ഇതോടൊപ്പം ഒരു ലിങ്ക്ഡ് ഇൻ പ്രൊഫൈൽ ഉണ്ടാക്കണം, അവിടെ പരമാവധി ആളുകളെ നിങ്ങളുടെ മെയിൽ കോണ്ടാക്ട് അല്ലെങ്കിൽ അലുംനിയിൽ നിന്നൊക്കെ തപ്പിപ്പിടിച്ച് സുഹൃത്തുക്കൾ ആക്കണം. പഴയ ഫേസ്‌ബുക്ക് പ്രൊഫൈൽ
ഒക്കെ ഡിലീറ്റ് ചെയ്ത് ലക്ഷ്യബോധത്തോടെ പുതിയതായി ഒന്ന് തുടങ്ങുക.

നാലാളെ അറിയിക്കുക: നമ്മൾ വീണ്ടും തൊഴിൽരംഗത്തേക്ക് വരികയാണെന്നുള്ള കാര്യം പരമാവധി ആളുകളെ അറിയിക്കുക എന്നതാണ് അടുത്ത പടി. നമ്മളുടെ യോഗ്യതയുള്ള ഒരാളെ ജോലിക്കെടുക്കാൻ സാധ്യതയുള്ളിടത്തൊക്കെ ബയോഡേറ്റ, കവർ ലെറ്റർ ഉൾപ്പെടെ അയക്കുക. കേരളത്തിലാണെങ്കിൽ സർക്കാർ സ്ഥാപനങ്ങളിലേക്കൊന്നും അയച്ചുകൊടുത്ത് വെറുതെ സമയം കളയേണ്ട കാര്യമില്ല. മറിച്ച് ചെറുകിട സ്ഥാപനങ്ങൾ, പുതിയ തലമുറ സ്ഥാപനങ്ങൾ ഇവയൊക്കെയായിരിക്കണം നമ്മുടെ ലക്ഷ്യം. നിങ്ങൾ ഉദ്ദേശിക്കുന്ന ഫീൽഡിൽ എന്തെങ്കിലും സെമിനാറുകളൊക്കെ നടക്കുന്നുണ്ടെങ്കിൽ പോയി അറ്റന്റ് ചെയ്യുക, അവിടെ പരമാവധി പേരെ പരിചയപ്പെടുക, അവരുടെ വിസിറ്റിങ് കാർഡും ഇ-മെയിൽ ഐ ഡി യുമൊക്കെ വാങ്ങി പിറ്റേന്നുതന്നെ തലേന്ന് കണ്ടത് സൂചിപ്പിച്ച് ഒരു മെയിൽ അയക്കുക, എന്നീ കാര്യങ്ങളിലൂടെ നിങ്ങൾ തൊഴിൽ മാർക്കറ്റിൽ ഉണ്ടെന്ന് നാട്ടിൽ പാട്ടാക്കണം. നിങ്ങളുടെ കോളേജിന്റെ അലുംനി അസോസിയേഷൻ, നിങ്ങൾ പോകുന്ന സോഷ്യൽ ക്ലബ് എല്ലാം മറ്റുള്ളവരുമായി നെറ്റവർക്ക് ചെയ്യാനുള്ള അവസരമാണ്. ഒന്നും വിട്ടുകളയരുത്. ഫേസ്‌ബുക്കിന്റെ സാധ്യതകളും ഏറെയാണ്. ഉപയോഗിക്കുക.

സന്നദ്ധസേവനത്തിൽ പിടിച്ചുകയറുക: വീട്ടിലിരുന്ന പത്തുവർഷത്തിൽ നിന്നും ഒരു ഓഫീസ് അന്തരീക്ഷത്തിലേക്ക് കടന്നുകയറുക എന്നതാണ് നമ്മുടെ ലക്ഷ്യം. അതിനുവേണ്ടി രണ്ടോ മൂന്നോ മാസം കൂലിയില്ലാതെ വേല ചെയ്താലും കുഴപ്പമൊന്നുമില്ല. ചെറിയ സ്ഥാപനങ്ങളിലോ പ്രൈവറ്റ് സ്ഥാപനങ്ങളിലോ നിങ്ങൾ മൂന്നുമാസം 'അപ്രന്റീസ്' ആയിട്ടോ 'വോളണ്ടിയർ' ആയിട്ടോ തൊഴിൽ ചെയ്യാൻ തയ്യാറാണെന്ന കാര്യം അറിയിക്കുക.

അങ്ങനെ ഒരവസരം കിട്ടിയാൽ പരമാവധി ആത്മാർത്ഥതയോടെ തൊഴിൽ ചെയ്യുക. ഈ സമയത്ത് തൊഴിൽക്കാലത്തേക്ക് തിരിച്ചുവരാൻ നിങ്ങൾ പ്രാപ്തനാണോ എന്ന് നിങ്ങൾക്കുതന്നെ തിരിച്ചറിയുകയും ചെയ്യാം. അത് കഴിഞ്ഞാൽ കോൺട്രാക്ട് ജോലിയായോ കൺസൽട്ടന്റ് ആയിട്ടോ ഒക്കെ തുടരുക. ആഴ്ചയിൽ ഒരു ദിവസമാണ്
ജോലി ചെയ്യുന്നതെങ്കിൽ പോലും കുഴപ്പമില്ല.

കിട്ടുന്ന തൊഴിലിൽ അഭിമാനിക്കുക: രണ്ടാമത്തെ തൊഴിൽ ഒന്നാമത്തെ തൊഴിലിന്റെ തുടർച്ചയായി കാണരുത്.  ഒന്നാമത്തെ തൊഴിലിൽ നിങ്ങൾ എൻജിനീയറായിരുന്നു എന്നത് രണ്ടാമത്തെ ജോലി ഓഫീസ് മാനേജർ ആകുന്നതിൽ നിന്നും നിങ്ങളെ പുറകോട്ടു വലിക്കരുത്. നിങ്ങളുടെ പ്രധാന ഉദ്ദേശ്യം എന്താണെന്നതും ഇവിടെ വിഷയമാണ്. കുട്ടികളൊക്കെ സ്‌കൂളിൽ പോയതിനുശേഷം കുറച്ചുസമയം വീടിനു പുറത്ത് മറ്റുള്ളവരോടൊപ്പം ഒരു പ്രൊഫഷണൽ അന്തരീക്ഷത്തിൽ ജോലി ചെയ്യുക എന്നതാണ് ഉദ്ദേശമെങ്കിൽ പിന്നെ മാന്യമായ ഏതു തൊഴിലും നിങ്ങൾക്ക് സ്വീകരിക്കാമല്ലോ.

'ഇപ്പ ശരിയാക്കുന്ന'വരെ സൂക്ഷിക്കുക: കേരളത്തിൽ മൊത്തം 'ഇപ്പ ശരിയാക്കിത്തരുന്ന'വരുടെ പ്രളയമാണ്. ഇതിൽ രാഷ്ട്രീയക്കാരും, നിങ്ങളുടെ സുഹൃത്തുക്കളും, ബന്ധുക്കളും, ജോലി വാങ്ങിത്തരുന്ന ഏജന്റുമാരും വരെ ഉണ്ടാകാം. എന്തൊക്കെയാണെങ്കിലും ഒരു കാര്യം ശ്രദ്ധിക്കണം. മനഃപൂർവമോ അല്ലാതെയോ ആളുകളുടെ സമയം മെനക്കെടുത്തുന്നതിൽ ഉസ്താദുമാർ ആണിവർ. രണ്ടാമത്തെ ജോലിക്കിറങ്ങുമ്പോൾ
അത് സ്വയം കണ്ടുപിടിക്കുന്നതാണ് ബുദ്ധി.

വിദേശത്തു നിന്നൊക്കെ തിരിച്ചു കേരളത്തിൽ എത്തുന്നവർക്ക് ശ്രമിച്ചുനോക്കാവുന്ന ചില ജോലികൾ
ഞാൻ ശ്രദ്ധിച്ചിട്ടുണ്ട്. ഒന്നാമത് കേരളം പുറത്തുനിന്നുള്ള കച്ചവടക്കാരുടെ ഒരു പറുദീസയാണ്. ബി എം ഡബ്‌ള്യു മുതൽ വൈറ്റ് ഗുഡ്‌സ് വരെ കേരളത്തിന് പുറത്ത് നിർമ്മിക്കുന്ന വസ്തുക്കൾ ധാരാളം ഇവിടെ വിറ്റഴിയുന്നുണ്ട്. ഇങ്ങനെയുള്ളതിൽ അധികം പേർ കേട്ടിട്ടില്ലാത്ത കമ്പനികൾക്ക്
കേരളത്തിൽ പബ്ലിക് റിലേഷനായും ട്രബിൾ ഷൂട്ടിംഗിനായും ഒക്കെ മലയാളവും ഇംഗ്ലീഷും നന്നായി കൈകാര്യം ചെയ്യുന്ന, അതേസമയം ലോകപരിചയവും പ്രൊഫഷണലിസവുമുള്ള ആളുകളുടെ ആവശ്യം ഏറെയുണ്ട്. നല്ല ധൈര്യമുള്ളവർ ഇത്തരം ജോലിക്ക് തയ്യാറാണെന്ന് കാണിച്ച് ഒരു പരസ്യം കൊടുത്താൽ തീർച്ചയായും അതിന് പ്രതികരണമുണ്ടാകും എന്നാണെന്റെ വിശ്വാസം.

രണ്ടാമത്തെ എന്റെ നിർദ്ദേശം കൗൺസിലിങ് ജോലിയാണ്, പ്രത്യേകിച്ചും സ്‌കൂളുകളും കോളേജുകളും കേന്ദ്രീകരിച്ച്. കേരളത്തിൽ ഇരുപതിനായിരത്തോളം സ്‌കൂളുകളും കോളേജുകളുമുണ്ട്. അതിൽ ഒരു ശതമാനത്തിൽ പോലും പ്രൊഫഷണലായി കരിയർ കൗൺസലിങ് നടത്താനറിവുള്ളവരില്ല. കുട്ടികളാകട്ടെ, ഈ അറിവിനായി നട്ടം തിരിയുകയുമാണ്. അത്യാവശ്യം ഭാഷയും കമ്മ്യൂണിക്കേഷൻ സ്‌കില്ലുമുള്ള ആർക്കും ആറുമാസം കൊണ്ട് മാസ്റ്റർ ചെയ്യാവുന്ന തൊഴിലാണ് കരിയർ കൗൺസലിങ്. ഇത്തരത്തിൽ കൗൺസിലിംഗിനുള്ള തയ്യാറെടുപ്പ് നടത്തിക്കഴിഞ്ഞാൽ സ്‌കൂളുകൾക്ക് ഒരു ഓഫർ നൽകുക. ഫ്രീയായി കരിയർ കൗൺസലിങ് ലെക്ചർ നൽകും എന്ന്. അതിനുശേഷം സ്‌പെഷ്യൽ കൗൺസിലിങ് വേണ്ടവർക്ക് ഫീ ഈടാക്കി അത് ചെയ്തുകൊടുക്കാം.

അഞ്ചോ പത്തോ സ്‌കൂളുകൾ നമ്മുടെ കസ്റ്റഡിയിലായാൽ തന്നെ ആഴ്ചയിൽ മൂന്നോ അഞ്ചോ ദിവസം പല സ്‌കൂളുകളിലായി മാറിമാറി പോയി നമുക്ക് ഒരു പ്രൊഫഷൻ ഉണ്ടാക്കിയെടുക്കാം. നിങ്ങളുടെ അടിസ്ഥാനയോഗ്യത എന്താണെങ്കിലും ഇത് ചെയ്യാവുന്നതാണ്. കുട്ടികളോട് ഇടപെടാനുള്ള കഴിവും അവരുടെ ഭാവിയിലുള്ള താല്പര്യവുമാണ് പ്രധാനം. പിന്നെ എം ടി രണ്ടാമന്റെ എല്ലാ ലേഖനങ്ങളും പത്തു പ്രാവശ്യമെങ്കിലും വായിച്ചിരുന്നാൽ ഇതിന് ഒരു പ്രയാസവും ഉണ്ടാകില്ല. അപ്പോഴേക്കും ഞാനിതെല്ലാം ഒരു ബുക്ക് ആക്കിയിട്ടുണ്ടാകും. കൂടുതൽ ഉപദേശം വേണ്ടവർ നേരിട്ടും ചോദിക്കുക.

(ഐക്യരാഷ്ട്ര പരിസ്ഥിതി സംഘടനയുടെ ദുരന്ത ലഘൂകരണ വിഭാഗം തലവൻ ആണ് മലയാളിയായ മുരളി തുമ്മാരുകുടി. അഭിപ്രായങ്ങൾ വ്യക്തിപരം ആണ്, ഐക്യ രാഷ്ട്ര സഭയുടെതാകണം എന്നില്ല.)

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
പൊലീസിന്റെ പെട്ടിവെക്കൽ പരീക്ഷണം വിജയിച്ചു; വീടിന്റെ അടുത്തുള്ള പെട്ടികളിൽ നിന്നും ലഭിച്ചത് അടുപ്പക്കാരുടെ നിർണായക വെളിപ്പെടുത്തൽ; ജെസ്‌ന ഇപ്പോഴും ജീവിച്ചിരിക്കുന്നുവെന്ന് തന്നെ വിശ്വസിക്കുന്ന പൊലീസ് പൂണെയിലെയും ഗോവയിലെയും കന്യാസ്ത്രീ മഠങ്ങളും ഹോസ്റ്റലുകളും കേന്ദ്രീകരിച്ച് അന്വേഷണം തുടങ്ങി; ഈ നഗരങ്ങളിൽ ജെസ്‌നയുടെ ഫോട്ടോയുള്ള നിരവധി പോസ്റ്ററുകൾ പതിപ്പിച്ചു
തലയിലും മുഖത്തും കയ്യിലുമായി ഉണ്ടായത് പതിനഞ്ചോളം മുറിവുകൾ; പ്രതി പതിനാറുകാരനാണെന്ന് അറിഞ്ഞപ്പോൾ പ്രൊഫഷണൽ കില്ലറെ അന്വേഷിച്ച് നടന്ന പൊലീസും ഞട്ടി; അരക്കിണറിലെ ആമിനയെ കൊല്ലാൻ കൗമാരക്കാരന് പ്രചോദനമായത് ആക്ഷൻ സിനിമകൾ: അതിവിദഗ്ദമായി തെളിവുകൾ നശിപ്പിച്ചു മുങ്ങിയ 16കാരനെ പിടികൂടാൻ സഹായമായത് മുറിക്കുള്ളിൽ നിന്നും കിട്ടിയ ബട്ടൻസ്
കൃഷ്ണകുമാറിനെ നാട്ടിൽ എത്തിച്ചത് ദുബായിലെ സിപിഎം പ്രവർത്തകരായ ജലീലും ജുലാഷും കേരളാ പൊലീസുമായി നിരവധി തവണ ബന്ധപ്പെട്ട ശേഷം; വിമാനത്താവളത്തിൽ നിന്നും പിടികൂടിയ പ്രതിയെ ഏറ്റെടുക്കാൻ കേരളാ പൊലീസ് എത്താൻ വൈകി; ട്രെയിനിൽ കയറി എത്തിയ കേരളാ പൊലീസിനെ കാത്തിരുന്നു മടുത്ത ഡൽഹി പൊലീസ് കൃഷ്ണകുമാറിനെ തിഹാർ ജയിലിൽ അടച്ചു; കേരളത്തിൽ എത്തിക്കണമെങ്കിൽ ഇനി കോടതിയുടെ അനുമതി കൂടിയേ തീരൂ
കല്യാൺ മുതലാളിയെ കുറിച്ച് സത്യം പറഞ്ഞപ്പോൾ പൊലീസ് ഏമാന്മാർക്ക് വല്ലാതങ്ങു നൊന്തു; വാർത്ത പ്രസിദ്ധീകരിച്ച മറുനാടനെതിരെ കേസെടുക്കാൻ ധൈര്യമില്ലാത്തതിനാൽ പൊലീസ് ഷെയർ ചെയ്ത ചെറുപ്പക്കാരെ വേട്ടയാടുന്നു; മൊബൈൽ ഫോൺ പിടിച്ചെടുത്തും കോടതിയിൽ ഹാജരാക്കിയും പൊലീസ് പീഡനം; പ്രതി ചേർക്കപ്പെട്ടവരുടെ കേസ് സൗജന്യമായി ഏറ്റെടുത്ത് മറുനാടൻ
മാനസിക രോഗിയായ നീനുവിന്റെ ചികിത്സ നടത്തിയത് തിരുവനന്തപുരത്ത്; ചികിത്സാ രേഖകൾ ഹാജരാക്കാൻ അനുവദിക്കണമെന്ന ചാക്കോയുടെ ഹർജി കോടതി അംഗീകരിച്ചു; പൊലീസ് അരിച്ചു പെറുക്കിയിട്ടും കാണാത്ത രേഖകൾ എടുക്കാൻ ചാക്കോയ്ക്ക് പൊലീസ് അകമ്പടിയോടെ പുനലൂരിലെ വീട്ടിലേക്ക് പോകാം: കെവിന്റെ വീട്ടിൽ നിന്നും നീനുവിനെ പുകച്ച് പുറത്തു ചാടിക്കാൻ ചാക്കോ
മുഖ്യമന്ത്രി പിണറായി വിജയനെ കൊല്ലുമെന്ന് ഭീഷണിപ്പെടുത്തിയ കൃഷ്ണകുമാർ നായർ അറസ്റ്റിൽ; കേരളത്തിൽ വിമാനമിറങ്ങിയാൽ പൊലീസ് പൊക്കുമെന്ന് ഭയന്ന് ഡൽഹി വിമാനത്താവളം വഴി എത്തിയിട്ടും രക്ഷപെട്ടില്ല; വിമാനമിറങ്ങിയ പ്രവാസി മലയാളിയെ കാത്തിരുന്നത് ഡൽഹി പൊലീസ്; അറസ്റ്റു ചെയ്തു കേരളാ പൊലീസിന് കൈമാറിയ പ്രതിയെ ഇന്ന് തന്നെ കൊച്ചിയിൽ എത്തിച്ച് ചോദ്യം ചെയ്യും: ജോലി പോയതോടെ എല്ലാരോടും മാപ്പു പറഞ്ഞ് നാട്ടിലെത്തിയ കൃഷ്ണകുമാറിനെ കാത്തിരിക്കുന്നത് ഇരുമ്പഴികൾ തന്നെ
വെട്ടിയത് ഉമ്മൻ ചാണ്ടിയല്ല രാഹുൽ ഗാന്ധി തന്നെ; തീർന്നു കുര്യാ നിങ്ങൾ തീർന്നു; പിജെ കുര്യന്റെ രാജ്യസഭാ സ്ഥാനം തെറിച്ചത് ബിജെപി പിന്തുണയോടെ ഒരുവട്ടം കൂടി രാജ്യസഭാ വൈസ് ചെയർമാനാകാനുള്ള നീക്കം മണത്തറിഞ്ഞ്; തീരുമാനം എടുത്തത് മോദിയുടേയും അമിത് ഷായുടേയും അടുപ്പക്കാരനായി അവസരം നോക്കി കാലുമാറുമെന്ന് വ്യക്തമായപ്പോൾ  
കാനായി തൊമ്മന്റെ പിന്തുടർച്ചക്കാർ തന്നെയാണോ ക്നാനായക്കാർ? ഡിഎൻഎ ടെസ്റ്റ് നടത്തി അല്ലെന്ന് സ്ഥാപിച്ച് അമേരിക്കയിൽ നിന്ന് ഒരു ക്നാനായക്കാരൻ; മുരളി തുമ്മാരുകുടി ഡിഎൻഎ ടെസ്റ്റിലൂടെ നായർ വേരുതേടി പോയതിന്റെ പിന്നാലെ നടത്തിയ ഡിഎൻഎ ടെസ്റ്റ് ചർച്ചയാക്കി ക്നാനായ വിശ്വാസികൾ; ശുദ്ധരക്തവാദം സംരക്ഷിക്കാൻ വിശ്വാസികളും രംഗത്ത്
വേണു ബാലകൃഷ്ണനെ മാറ്റണമെന്ന് ആവശ്യപ്പെട്ട് 'അമ്മ' കടുത്ത നിലപാടിലേക്ക്; വേണു തുടരുന്നിടത്തോളം കാലം ഒറ്റ സിനിമാ പരസ്യം പോലും നൽകുകയില്ലെന്ന് മാതൃഭൂമിക്ക് മുന്നറിയിപ്പ് നൽകി താര സംഘടന; ക്വട്ടേഷൻ നിരൂപണങ്ങൾ തങ്ങൾക്ക് പുല്ലാണെന്ന് ശ്രേയംസ് കുമാറിനെ നേരിട്ട് അറിയിച്ച് താരങ്ങൾ; പ്രതിസന്ധി പരിഹരിക്കാനുള്ള മാതൃഭൂമി മാനേജ്‌മെന്റിന്റെ തിരക്കിട്ട നീക്കങ്ങൾക്ക് തിരിച്ചടി; പരസ്യ നഷ്ടത്തിനൊപ്പം താരബഹിഷ്‌കരണം കൂടിയാകുമ്പോൾ ചാനലിന് വൻ തിരിച്ചടിയെന്ന് തിരിച്ചറിഞ്ഞ് വീരനും കൂട്ടരും
ഭാര്യയുടെ 'ബ്രാ' കഴുകാൻ വിസമ്മതിച്ചാൽ തന്തയ്ക്ക് വിളിക്കും; മകളെ നോക്കി ചിരിച്ചതിന്റെ പേരിൽ നല്ല നടപ്പിന് വിധിക്കും; എസ് എ പി ക്യാമ്പിൽ പൊലീസുകാർക്ക് വറക്കുന്ന മീൻ മകളുടെ പട്ടിക്ക് കൊണ്ടു കൊടുത്തില്ലെങ്കിലും നടപടി; അടുക്കളപ്പണിയും അടിമപ്പണിയും മടുത്ത് പൊലീസുകാർ; മകൾ മാത്രമല്ല എഡിജിപിയും പുള്ളിപ്പുലി തന്നെ; അസഭ്യവർഷം സഹിക്കാതെ കാർ നിർത്തിയപ്പോൾ എഡിജിപിയുടെ മകളുടെ മർദ്ദനം ഏറ്റ പൊലീസുകാരന്റെ പരിക്ക് ഗുരുതരം
അമേരിക്കൻ ചാരസംഘടനയെ ഭയന്ന് കിമ്മിന്റെ മലമൂത്രം പോലും പൊതിഞ്ഞെടുത്ത് തിരിച്ച് നാട്ടിലെത്തിക്കാൻ പ്രത്യേക സംഘം; സിംഗപ്പൂരിലേക്ക് എത്തിയപ്പോൾ വഴി തെറ്റിക്കാൻ ഒരുപോലെ മൂന്ന് വിമാനങ്ങൾ; നഗരസന്ദർശനത്തിന് ഇറങ്ങിയപ്പോൾ ചുറ്റിനും 20 അകമ്പടി വാഹനങ്ങളും ചുറ്റിനും ഓടുന്ന സുരക്ഷാ ഉദ്യോഗസ്ഥരും; ഉത്തരകൊറിയൻ പ്രസിഡന്റിന്റെ സുരക്ഷാ സന്നാഹം കണ്ട് വാപൊളിച്ച് കാണാനെത്തിയ അമേരിക്കൻ പ്രസിഡന്റുപോലും
തയ്യൽക്കടയുടെ ബോർഡ് വീടിന്റെ മുമ്പിൽ; ഒരു മണിക്കൂറുകൾക്കുള്ളിൽ വസ്ത്രം തയ്ച്ചു കൊടുക്കപ്പെടുമെന്നും പരസ്യവാചകം; ടെയിലറിങ് കടയിൽ എത്തിയവരെല്ലാം കാറിലെത്തി തിരിച്ചു പോകുന്ന കസ്റ്റമേഴ്‌സും; സീമയുടെ വാണിഭ ബുദ്ധി പൊളിച്ചത് നാട്ടുകാരുടെ സംശയം; പ്രധാന പ്രതി വഴുതിപോയ നിരാശയിൽ പൊലീസ്; പുഴയ്ക്കലിലെ മാഫിയയുടെ വേര് തേടി അന്വേഷണം
ക്ഷോഭംകൊണ്ട് അലറുകയായിരുന്ന ജനക്കൂട്ടത്തെ കണ്ട് പൊലീസും റവന്യു ഉദ്യോഗസ്ഥരും ഭയന്നു; മധ്യസ്ഥർക്ക് കിട്ടിയത് കൂകി വിളി; കടൽ പോലെ ഇളകി മറിഞ്ഞ സമരക്കാർക്ക് മുന്നിൽ കളക്ടറെത്തിയപ്പോൾ രംഗം ശാന്തവും; സമരക്കാരെ കേൾക്കാനും അവരോട് പറയാനും ക്ഷമയും സമയവും മാറ്റി വച്ച് മനുഷ്യത്വപരമായ ഇടപെടൽ; കൊടുങ്ങല്ലൂരിലെ തീരവാസികളെ ശാന്തരാക്കി ഗംഭീര തുടക്കം; തൃശൂരിലും 'അനുപമ മാജിക്ക്'
പൃഥ്വിരാജിനെ ലാലിനെ കൊണ്ട് 'കടക്ക് പുറത്തെന്ന്' പറയിച്ചു; വിശ്വസ്തരെ കുത്തി നിറച്ച് 'അമ്മ'യെ കൈക്കലാക്കി കരുത്ത് കാട്ടി; മമ്മൂട്ടിയെ നായകനാക്കി സംവിധായകനാകാനുള്ള തയ്യാറെടുപ്പും; മകളുടെ കൈപിടിച്ച് 'അമ്മ വീട്ടിലെത്തി' മഞ്ജു വാര്യരുടെ സുഹൃത്തുക്കളെ പോലും ഞെട്ടിച്ച നയതന്ത്രം; അറസ്റ്റ് ചെയ്ത എവി ജോർജ് കേസിൽ കുടുങ്ങിയതും ആത്മവിശ്വാസം കൂട്ടി; ദിലീപിന്റേത് കരുതലോടെയുള്ള ഉറച്ച നീക്കങ്ങൾ; നടിയെ ആക്രമിച്ച കേസിന് ഇനി എന്ത് സംഭവിക്കും?
സുഖം അന്വേഷിക്കാൻ പോലും ആരും തിരിഞ്ഞു നോക്കാറില്ല; വീട്ടിലുള്ളവരോട് പോലും കടുത്ത ദേഷ്യം; പത്രക്കാരെ കണ്ടാൽ ആട്ടിയോടിക്കും; ആകെ നരച്ച മുടിയും എല്ലും തോലുമായ രൂപവും; അലട്ടാൻ രോഗങ്ങളുടെ കൂമ്പാരം; വീടിന് പുറത്തിറങ്ങിയിട്ട് വർഷം ഒന്നാകാറായി; മന്ത്രി സ്ഥാനം ഒഴിഞ്ഞ ശേഷം തിരുവനന്തപുരം കണ്ടിട്ടില്ല; രണ്ട് കൊല്ലം മുൻപ് മന്ത്രി മന്ദിരത്തിൽ വസിച്ച് കൊടി വച്ച കാറിൽ പാഞ്ഞു നടന്നിരുന്ന കെ ബാബു ഇപ്പോൾ ആരോടും ഒന്നും മിണ്ടാതെ ഇവിടെയുണ്ട്
ഇസ്ലാമായ അയൽവാസിയെ എതിർപ്പുകളെ അവഗണിച്ച് വിവാഹം ചെയ്തപ്പോൾ കൂടെയുണ്ടായിരുന്നത് ദാരിദ്യം മാത്രം; കഷ്ടപാട് തീർക്കാൻ ഭാര്യയെ ഗൾഫിലേക്ക് അയച്ചത് വഴിത്തിരിവായി; വർഷങ്ങൾ പ്രവാസ ജീവതം നയിച്ച് സമ്പാദിച്ചത് കോടികൾ; വസ്ത്ര വ്യാപാരം പൊടിപൊടിച്ചപ്പോൾ വന്ന വഴി മറന്നു; രണ്ടരക്കൊല്ലം മുമ്പ് യുവാവിനെ വെട്ടിപരിക്കേൽപ്പിച്ചതും മകളുമായി അടുത്തതിന്റെ പേരിൽ; ദുരഭിമാനത്തിന്റെ പേരിൽ കെവിനെ വകവരുത്തിയ കുടുംബത്തിന്റെ കഥ
അറിയാത്ത പണി ചെയ്യുന്നത് ഇനിയും നിർത്താനായില്ലേ ലാലേട്ടാ..? ഓസ്‌ട്രേലിയയിലെ പെർത്തിലും മോഹൻലാലിന്റെ 'ലാലിസം'; റെക്കോർഡ് ചെയ്ത പാട്ടിനൊപ്പം ചുണ്ടനക്കിയപ്പോൾ വീണ്ടും വമ്പൻ പാളിച്ച; പ്രയാഗാ മാർട്ടിനൊപ്പം 'ചന്ദ്രികയിൽ അലിയുന്ന ചന്ദ്രകാന്തം' പാടിയപ്പോൾ പണി പാളി; മുമ്പേ പോയ പാട്ടിനെ പിടിക്കാൻ ഞെട്ടലോടെ മൈക്കെടുത്തു സൂപ്പർസ്റ്റാർ: സോഷ്യൽ മീഡിയയിൽ വൈറലാകുന്ന വീഡിയോ കാണാം
കാമുകൻ മതിയെന്ന് മകൾ വാശി പിടിച്ചപ്പോൾ അച്ഛൻ നാണംകെട്ടു; ഒളി സങ്കേതം കണ്ടെത്താനുള്ള ദൗത്യം ഏറ്റെടുത്ത് രഹന പൊലീസ് സ്റ്റേഷനിലെത്തി; അനീഷിന്റെ വീട്ടിലേക്കുള്ള വഴി എഎസ്ഐയിൽ നിന്ന് മനസ്സിലാക്കി കെവിനെ നേരിൽ കണ്ടുള്ള അനുനയം പൊളിഞ്ഞു; ഭീഷണി വിലപോകാതെ വന്നപ്പോൾ ഗൾഫിലുള്ള മകനെ വിളിച്ചു വരുത്തി; വിവാഹം സാധുവാകും മുമ്പ് നീനുവിനെ വിധവയാക്കിയത് അമ്മയുടെ പക; ഭർത്താവിനേയും അച്ഛനേയും ഒളിവിൽ താമസിപ്പിച്ചത് ഷാനുവിന്റെ ഭാര്യയോ? ദുരഭിമാനക്കൊലയിലെ വില്ലത്തികളെ കുടുക്കാനുറച്ച് പൊലീസ്
ഏഴേ മുക്കാലോടെ ആദ്യമെത്തിയത് ഇടവേള ബാബു; തൊട്ടുപിറകേ അച്ഛനും മകളും; മുത്തച്ഛന്റെ കാല് തൊട്ട് വന്ദിക്കാൻ അമ്മാവൻ നിർദ്ദേശിച്ചപ്പോൾ അനുസരിച്ച് മീനാക്ഷി; അമ്മയ്ക്ക് അടുത്ത് പോയി ആശ്വാസം ചൊരിഞ്ഞ ശേഷം അച്ഛനടുത്ത് ഇരിപ്പുറപ്പിച്ച് മകൾ; ചടങ്ങ് കഴിഞ്ഞ് തിരിച്ചെത്തും വരെ കാത്തിരിപ്പ്; മധുവാര്യരെ കൈപിടിച്ച് കുലുക്കി സമാധാനിപ്പിച്ച് മകളുമൊത്ത് മടക്കം; അപ്പുപ്പന്റെ മുഖം മകളെ അവസാനമായി കാണിക്കാൻ മഞ്ജു വാര്യരുടെ വീട്ടിൽ ദിലീപ് എത്തിയത് അതീവരഹസ്യമായി
അവൾ അനശ്വര രക്തസാക്ഷിയെന്ന് നഴ്‌സിങ് സമൂഹം; എല്ലാമെല്ലാമായ അമ്മയെ മരണം വിളിച്ചപ്പോൾ ഒരു അന്ത്യചുംബനം പോലും നൽകാൻ സാധിക്കാതെ രണ്ടു പിഞ്ചുമക്കൾ; സഹജീവികൾക്ക് ആശ്വാസം നൽകാനുള്ള ശ്രമത്തിനിടെ നിപ്പ വൈറസ് ബാധിച്ചു മരിച്ച ലിനിയെ വൈദ്യുതി ശ്മശാനത്തിൽ രാത്രി തന്നെ സംസ്‌ക്കരിച്ചത് രോഗം പകരാനുള്ള സാധ്യത ഒഴിവാക്കാൻ; വിടപറഞ്ഞ പ്രിയ മാലാഖയ്ക്കായി കണ്ണീർവാർത്ത് സഹപ്രവർത്തകരും ബന്ധുക്കളും
റെഡ്ഡിമാരുടെ പണത്തിൽ തുന്നിയ ചാക്കുമായി അമിത് ഷായുടെ ആളുകൾ എത്തും മുമ്പേ 12 എംഎൽഎമാരെ അങ്ങോട്ട് ഇട്ടുകൊടുത്ത് കളി നിയന്ത്രിച്ചു; ആവശ്യത്തിന് എംഎൽഎമാരെ കിട്ടിയ ആശ്വാസത്തിൽ വേറെയാർക്കും വേണ്ടി വല വീശാതെ ബിജെപി സംഘം; മുങ്ങലും പൊങ്ങലും ഒക്കെ ബോധപൂർവ്വം ഒരുക്കിയ തിരക്കഥയുടെ ഭാഗം; അവസാന നിമിഷം വരെ വിജയപ്രതീക്ഷ നിലനിർത്തി അമിത് ഷായുടെ ചാണക്യതന്ത്രത്തെ വെട്ടിയ 'ഓപ്പറേഷൻ ഡികെ'യുടെ കഥ
സീൻ ഡാർക്കായത് അവനും അവന്റെ ചേട്ടത്തിയമ്മയ്ക്കും; ഡൽഹിയിൽ ശരീരം വിറ്റ് നടക്കുന്ന ഒരു സംഘി; ഏതോ ഒരുത്തൻ പട്ടിയുടെ കൂടെ ഇരിക്കുന്ന പടമെന്ന കമന്റും ഊള ലാൽ ഫാൻസും; സ്റ്റേജിൽ പുലയാട്ടു നടത്തുന്ന ഒരുത്തിയുടെ പേരാണ് റിമി ടോമി; കലാഭവൻ മണിയുടെ മരണത്തിലെ സംശയം ഉന്നയിച്ചവർക്കെല്ലാം തെറിവിളി; ലസിതാ പാലക്കലിനെ കിടപ്പറയിലേക്ക് ക്ഷണിച്ചപ്പോൾ പണി കിട്ടി; ഇനി ചാനലുകളിൽ അവതരണത്തിന് വിളിക്കില്ല; തരികിട സാബുവിനെ കണ്ടെത്താൻ പൊലീസ്