1 aed = 17.67 inr 1 eur = 72.68 inr 1 gbp = 84.26 inr 1 kwd = 213.81 inr 1 sar = 17.31 inr 1 usd = 64.89 inr
May / 2017
29
Monday

അരുവിക്കരയിൽ ജയിക്കേണ്ടത് ആര്? മറുനാടൻ മലയാളി സർവേ അവസാനിക്കാൻ ഇനി മണിക്കൂറുകൾ മാത്രം; ഫലപ്രഖ്യാപനം ഇന്ന്‌

June 24, 2015 | 08:04 PM | Permalink



സ്വന്തം ലേഖകൻ

തിരുവനന്തപുരം: അഴിമതി രാഷ്ട്രീയമോ വികസന നേട്ടങ്ങളോ. എന്താകും അരുവിക്കരയുടെ വിധി നിർണയിക്കുക. ജയിക്കുന്നത് ഇടതുപക്ഷമോ യുഡിഎഫോ. അതോ കരുത്തനായ സ്ഥാനാർത്ഥിയുടെ മികവിൽ ബിജെപിയോ. അരുവിക്കര ഉപതെരഞ്ഞെടുപ്പ് പ്രചാരണം മൂർധന്യത്തിൽ എത്തിനിൽക്കുമ്പോൾ തെരഞ്ഞെടുപ്പിനെക്കുറിച്ചും സ്ഥാനാർത്ഥികളെക്കുറിച്ചുമുള്ള നിങ്ങളുടെ അഭിപ്രായം അറിയാൻ മറുനാടൻ മലയാളി ഒരുക്കിയ സർവെ അവസാനിക്കാൻ ഇനി മണിക്കൂറുകൾ മാത്രം ബാക്കി.

കേരള രാഷ്ട്രീയത്തിൽ അതിനിർണ്ണായകമാണ് അരുവിക്കര ഉപതെരഞ്ഞെടുപ്പ് എന്നതിൽ തർക്കമില്ല. തെരഞ്ഞെടുപ്പ് അരുവിക്കര മണ്ഡലത്തിലുള്ളവർ മാത്രമല്ല, ലോകമെമ്പാടുമുള്ള മലയാളികൾ ശ്രദ്ധയോടെയാണ് വീക്ഷിക്കുന്നത് എന്ന് സർവെയിലെ ജനപങ്കാളിത്തം വ്യക്തമാക്കുന്നുണ്ട്. സർവെയിൽ അഭിപ്രായം പങ്കുവയ്ക്കാത്തവർക്ക് ഇനി മണിക്കൂറുകൾ മാത്രമാണ് അവശേഷിക്കുന്നത്.

അരുവിക്കര ഉപതെരഞ്ഞെടുപ്പ് കേരള രാഷ്ട്രീയത്തിൽ അതിനിർണ്ണായകമാണ്. അവിടെ ആര് ജയിച്ചാലും അത് വരുന്ന അഞ്ച് വർഷം കേരളം ഭരിക്കേണ്ടത് ആരെന്ന ചോദ്യത്തിനുള്ള ഭാഗികമായ ഉത്തരമായി മാറും. യുഡിഎഫ് മണ്ഡലത്തിലെ എൽഡിഎഫ് വിജയം, ആരോപണങ്ങളെ നേരിട്ടുള്ള യുഡിഎഫ് യുഡിഎഫ് വിജയം, അട്ടിമറിയോടെയുള്ള ബിജെപി വിജയം ഇവ മൂന്നും തെരഞ്ഞെടുപ്പിന്റെ ഗതി മാറ്റുമെന്ന് പ്രത്യേകം പറയേണ്ടതില്ലല്ലോ.

ശബരീനാഥ് ജയിച്ചാൽ ഉമ്മൻ ചാണ്ടി സർക്കാരിന്റെ തുടർച്ച തന്നെ പ്രതീക്ഷിക്കാം. ഇത്രയധികം ആരോപണങ്ങൾ ഉണ്ടായിട്ടും അരുവിക്കരയിൽ തെരഞ്ഞെടുക്കപ്പെടാൻ സാധിക്കുന്നത് തീർച്ചയായും യുഡിഎഫ് സർക്കാരിന്റെ വിജയം തന്നെയാകും. എന്നാൽ വിജയം എൽഡിഎഫിന്റേതായാൽ അത് അടുത്ത തെരഞ്ഞെടുപ്പിലെ ഇടത് വിജയത്തിന്റെ ശംഖൊലിയായി വ്യാഖ്യാനിക്കപ്പെടാം. ഒരു യുഡിഎഫ് മണ്ഡലത്തിൽ അതും സമുന്നതനായ ഒരു നേതാവിന്റെ സ്മരണകൾക്ക് നടുവിൽ നടക്കുന്ന തെരഞ്ഞെടുപ്പിൽ യുഡിഎഫ് സ്ഥാനാർത്ഥി തോൽക്കുന്നത് തീർച്ചയായും ഉമ്മൻ ചാണ്ടി സർക്കാരിനുള്ള തിരിച്ചടി തന്നെയാകും.

ഇനി അട്ടിമറിയിലൂടെ തെരഞ്ഞെടുക്കപ്പെടുന്നത് ബിജെപി സ്ഥാനാർത്ഥി ഒ രാജഗോപാൽ ആണെങ്കിലോ? അതും അടുത്ത തെരഞ്ഞെടുപ്പിൽ കേരളത്തിന്റെ ചിന്ത എങ്ങോട്ട് എന്നതിനുള്ള അടയാളമായി മാറും. അരുവിക്കര പോലൊരു മണ്ഡലത്തിൽ ബിജെപിക്ക് ജയിക്കാൻ സാധിച്ചാൽ അടുത്ത തെരഞ്ഞെടുപ്പിൽ കുറഞ്ഞത് പത്ത് സീറ്റെങ്കിലും നേടാൻ ബിജെപിക്ക് കഴിയും എന്ന സന്ദേശമായിരിക്കും നൽകുക. കാസർകോട്ടെയും പാലക്കാട്ടേയും പല സീറ്റുകളും ഉറപ്പിക്കാൻ കഴിയുന്ന ബിജെപി നേമത്തേയും സീറ്റ് ഇതോടെ ഉറപ്പിക്കുകയും ചെയ്യും.

ഈ സർവ്വേ ഫലം തെരഞ്ഞെടുപ്പിന്റെ യഥാർത്ഥ പ്രകടനം ആയിരിക്കണമെന്നില്ല. അരുവിക്കര മണ്ഡലത്തിലെ ആളുകൾ ചിന്തിക്കുന്നത് പോലെ ആവണമെന്നുമില്ല. സൈബർ ലോകം ചിന്തിക്കുന്നത് എങ്ങനെയാണെന്ന് അറിയാനാണ് മറുനാടൻ മലയാളിയുടെ ശ്രമം. എന്നാൽ ഇത്തരം ഒരു പോൾ അരുവിക്കര തെരഞ്ഞെടുപ്പിനെക്കുറിച്ച് മലയാളികളുടെ മനസ്സിൽ ഉള്ള സങ്കല്പം പുറത്തുകൊണ്ടുവരാൻ സാധിക്കുമെന്നതാണ് പ്രത്യേകത. അതിന് ഉതകുന്ന വിധത്തിലുള്ള ചോദ്യങ്ങളാണ് മറുനാടൻ ഉൾപ്പെടുത്തിയിരിക്കുന്നത്.

അരുവിക്കരയിൽ ആര് ജയിക്കണം എന്നതാണ് ഞങ്ങളുടെ ചോദ്യം. പിന്നീട് തുടർന്ന് മൂന്ന് സ്ഥാനാർത്ഥികൾക്ക് വോട്ട് ചെയ്യാനുള്ള കാരണം വ്യക്തമാക്കാനുള്ള ചോദ്യങ്ങളും കൊടുക്കുന്നു. ഉമ്മൻ ചാണ്ടി സർക്കാറിനെതിരെ ഉയർന്ന അഴിമതി ആരോപണങ്ങളും വികസന നേട്ടങ്ങളുമൊക്കെ ചോദ്യങ്ങളായുണ്ട്. അടുത്ത തെരഞ്ഞെടുപ്പ് ഫലത്തിലേക്കുള്ള ചൂണ്ടുപലകയാണോ എന്ന ചോദ്യവും മറുനാടൻ വായനക്കാർക്കു മുമ്പിൽ വയ്ക്കുന്നുണ്ട്.

ഒരു ഇമെയ്‌ലിൽ നിന്നും ഒരു തവണ മാത്രമേ വോട്ട് ചെയ്യാൻ സാധിക്കുകയുള്ളൂ. നിങ്ങളുടെ ഇ മെയ്ൽ ഐഡി രജിസ്റ്റർ ചെയ്ത് വേണം വോട്ട് ചെയ്യാൻ. വ്യാജ വോട്ടുകൾ ഒഴിവാക്കുവാനായി ഇങ്ങനെ ഒരു സംവിധാനം ഏർപ്പെടുത്തിയിരിക്കുന്നത്. മോദി സർക്കാറിന്റെ ഒന്നാം വാർഷികത്തെ കുറിച്ച് പോളിങ് നടത്തിയപ്പോഴും ഇങ്ങനെ ആയിരുന്നു. എല്ലാ ചോദ്യങ്ങൾക്കും ഉത്തരം ടിക്ക് ചെയ്ത് ഉത്തരം നൽകാനുള്ള അവസരമായിരുന്നു അന്ന് ഒരുക്കിയിരുന്നത്. ഒരു ഐപിയിൽ നിന്നും ഒരു തവണ മാത്രമേ ഉത്തരം നൽകാൻ സാധിക്കൂ. അതിലധികം വോട്ട് ചെയ്യാൻ ശ്രമിച്ചാൽ അതിന് അവസരം ലഭിക്കുന്നതല്ല.

മോദി സർക്കാറിന്റെ ഒന്നാം വാർഷികത്തിൽ അഭിപ്രായം അറിയാൻ മലയാളത്തിൽ നടത്തിയ ആദ്യ സർവേയിൽ വായനക്കാരുടെ മികച്ച പങ്കാളിത്തമുണ്ടായിരുന്നു. അന്നത്തെ സർവേയിൽ പങ്കെടുത്തവരിൽ 67 ശതമാനം മലയാളികൾ മോദി ഭരണത്തിൽ തൃപ്തി രേഖപ്പെടുത്തിയിരുന്നു. പെട്രോൾ വിലയുടെ കാര്യത്തിലായിരുന്നു വായനക്കാർക്ക് നിരാശ.

ഇപ്പോൾ കേരളമാകെ ഉറ്റുനോക്കുന്ന അരുവിക്കര ഉപതിരഞ്ഞെടുപ്പിനെ കുറിച്ചാണ് മറുനാടൻ വായനക്കാരുടെ അഭിപ്രായം തേടുന്നത്. 24ാം തീയ്യതി അർത്ഥരാത്രിവരെ ലഭിക്കുന്ന വോട്ടുകളുടെ ഫലമാണ് മറുനാടൻ പ്രസിദ്ധീകരിക്കുക. പരസ്യ പ്രചരണം നിർത്തുന്ന ദിവസമായ 25-ാം തീയ്യതി രാവിലെ ആയിരിക്കും സർവേഫലം പ്രഖ്യാപിക്കുക. പരസ്യപ്രചരണം അവസാനിക്കുന്ന ദിവസം രാവിലെ പത്ത് മണിയോടെ ഫലം പ്രഖ്യാപിക്കും. ഫലപ്രഖ്യാപനത്തിന് മുമ്പ് ട്രെന്റുകൾ പ്രഖ്യാപിക്കുകയില്ല.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
കാളക്കുട്ടിയെ കൊന്നത് വിവേകശൂന്യവും കിരാതവുമെന്ന് രാഹുൽഗാന്ധി; ആവേശകുമാരന്മാരായി പരസ്യമായി കാളക്കുട്ടിയെ കൊന്ന യൂത്ത് കോൺഗ്രസ് നേതാക്കൾക്കെതിരേ പൊലീസ് കേസുമെടുത്തു; ഏതു നിമിഷവും അറസ്റ്റ് ഭയന്ന് 'യൂത്ത് നേതാക്കൾ'; ബീഫ് നിരോധനത്തിനെതിരായ പ്രതിഷേധത്തിന്റെ അന്തസ് കെടുത്തിയെന്ന് രാജ്യമെങ്ങും പ്രതിഷേധം
എന്തുപറഞ്ഞാലും ദുർവ്യാഖ്യാനം ചെയ്യപ്പെടും; ഏതുനിമിഷവും രാജ്യദ്രോഹിയായി ചിത്രീകരിക്കപ്പെടും; സൗഹൃദങ്ങൾപോലും മതബോധത്തിനോട് അടിമപ്പെട്ട്; യുപിയിലെ മുസ്ലിംകൾക്ക് ഇത് സ്വന്തം രാജ്യമോ എന്ന ആശങ്ക ശക്തം; തിരഞ്ഞൈടുപ്പ് യുപിയുടെ മനസ്സിനെ മാറ്റിമറിച്ചത് റിപ്പോർട്ട് ചെയ്യപ്പെടുന്നതിനെക്കാൾ ഭീദിതമായി
ലിംഗം മുറിച്ച പെൺകുട്ടിയുടെ കാമുകൻ മനോനില തെറ്റി 45കാരിയുമായി ബന്ധം പുലർത്തിയിരുന്നയാൾ; ഗംഗേശാനന്ദയ്ക്കൊപ്പം തിരുവനന്തപുരത്ത് എത്തിയപ്പോൾ പെൺകുട്ടിയുമായി പ്രണയത്തിലായി; ബന്ധത്തെ എതിർത്തത് കമിതാക്കൾക്കു സ്വാമിയോടു വൈരാഗ്യമുണ്ടാക്കി; വയനാട്ടിലായിരുന്ന സ്വാമിയെ തിരുവനന്തപുരത്തേക്കു വിളിച്ചുവരുത്തിയത് പെൺകുട്ടി; ഗംഗേശാനന്ദയുടെ സുഹൃത്ത് ഗരുഡ ഭജാനന്ദ മറുനാടനോടു നടത്തിയ വെളിപ്പെടുത്തലുകൾ
മോദി ഭരണത്തിന് കീഴിൽ ഇന്ത്യയുടെ അന്തസ്സ് ഉയർന്നു; കേന്ദ്രത്തിൽ തുടർഭരണം ഉറപ്പ്; നോട്ടു പിൻവലിക്കൽ ഭരണത്തിലെ ഏറ്റവും മികച്ച തീരുമാനം; ന്യൂനപക്ഷങ്ങളും ഭരണത്തിൽ തൃപ്തർ; മൂന്ന് വർഷം പൂർത്തിയാക്കുന്ന പ്രധാനമന്ത്രി മോദിക്കും സർക്കാറിനും ഡിസ്റ്റിങ്ഷൻ നൽകി മറുനാടൻ വായനക്കാർ: സർവേഫലം പുറത്തുവിടുന്നു
വഴിവിട്ട ബന്ധം ഭർത്താവ് ചൂണ്ടിക്കാട്ടിയപ്പോൾ അധികാരികൾ കണ്ണടച്ചു; അച്ചനെ സ്ഥലം മാറ്റിയിട്ടും പ്രണയം മൂത്തു; വാട്സ് അപ്പ് പ്രേമം മൂത്ത് രണ്ടു കുട്ടികളുടെ അമ്മ വികാരിയോടൊപ്പം വീടുവിട്ടിറങ്ങി; വൈദിക കുപ്പായമുപേക്ഷിച്ച് ഇറ്റലിയിലേക്ക് പറക്കാനുറച്ച് ഫാദർ സെബി വിതയത്തിൽ; ഇരിങ്ങാലക്കുട രൂപതയിൽ നിന്നൊരു പ്രണയകഥ
കടമായി നൽകിയ 20 ലക്ഷം തിരിച്ചു ചോദിച്ചത് പ്രശ്‌നമായി; വീട്ടുകാർ ഉറക്കമായപ്പോൾ കിടപ്പുമുറിയിലേക്ക് വിളിച്ചുവരുത്തി; ആപ്പിൾ മുറിക്കാനുള്ള കത്തി കഴുത്തിൽ ചേർത്ത് വഴങ്ങണമെന്ന് ഭീഷണിയും; പിടിവലിക്കൊടുവിൽ കത്തി കൈക്കലാക്കി ജനനേന്ദ്രിയത്തിൽ പിടിച്ച് കുറുകേ മുറിച്ചെന്ന് മൊഴി; ഗംഗേശാനന്ദ കോടിപതി ആയതിന്റെ പൊരുൾ തേടി പൊലീസ്
പുഴയിൽ കുളിച്ചു കയറിയ പതിനാറുകാരന് ആദ്യമുണ്ടായത് തലവേദന; കോട്ടയത്തെ ആശുപത്രിയിൽ വച്ചു മരണം; മണിമലയാറ്റിലെ കുളിക്കിടയിൽ പുഴവെള്ളത്തിൽ നിന്ന് മൂക്കിലൂടെയോ വായിലൂടെയോ ശരീരത്തിലെത്തിയത് അമീബിക് അണുബാധയുണ്ടാക്കിയതു മരണകാരണം; എരുമേലിയിലുണ്ടായത് ലോകത്തുതന്നെ അപൂർവമായ മരണം; നാടിനാകെ ദുരന്തമുന്നറിയിപ്പ്
കഥകളി പഠിച്ചതിനും തട്ടമിടാത്തതിനും മഹല്ലിലും നാട്ടിലും ഒറ്റപ്പെടുത്തി; ഉമ്മ മരിച്ചപ്പോൾ ഖബർസ്ഥാനിൽ അടക്കാൻ സമ്മതിച്ചില്ല; നടന്നുപോകുമ്പോൾ കുശുകുശുക്കുന്നവർ ഇപ്പോഴുമുണ്ട്; ചെന്നൈയിൽ പോയി പഠിക്കാൻ സഹായിച്ചത് സ്പീക്കർ ശ്രീരാമകൃഷ്ണൻ; വിലക്കിയവർക്ക് ഒന്നാം റാങ്കിലൂടെ മറുപടി; മൻസിയ മറുനാടൻ മലയാളിയോട് മനസു തുറക്കുന്നു
ലൗ ജിഹാദിന്റെ സൂത്രധാരൻ; ഹിന്ദു ഹെൽപ്പ് ലൈനിന്റെ മുന്നണി പോരാളി; എസ് എൻ ഡി പി-ബിജെപി കൂട്ടുകെട്ടിന്റെ സൂത്രധാരൻ; കേരളാ ഹൗസിലെ ബീഫ് വിവാദം ആളിക്കത്തിച്ച് വിവാദ നായകൻ; കുമ്മനത്തെ അധ്യക്ഷനാക്കിയ തന്ത്രശാലി; വെള്ളാപ്പള്ളിക്കും അമൃതാന്ദമയിക്കും കരിമ്പൂച്ചകളെ ഒരുക്കിയ പ്രതീഷ് വിശ്വനാഥനെന്ന 'സൂപ്പർ പവറിന്റെ' കഥ
വി എസ് എന്ന് ദേഹത്ത് എഴുതി സിറ്റിയിലൂടെ ബൈക്ക് ഓടിച്ചു; ഹക്കിം ഷായെ വടിവാളു കൊണ്ടു വെട്ടിയെന്നും ആരോപണം; ഓംപ്രകാശും പുത്തൻപാലം രാജേഷും കൂട്ടുകാർ; കാക്കികുപ്പായം നൽകരുതെന്ന് വിലക്കി ഇന്റലിജൻസ്; ചെന്നിത്തല വിശാലനായപ്പോൾ സേനയിലെത്തി; കഞ്ചാവ് കേസിലൂടെ സിപിഎമ്മിലെ കണ്ണിലെ കരടായി; ജനനേന്ദ്രിയം തകർത്തപ്പോൾ സസ്‌പെൻഷനും; എസ് ഐ സമ്പത്തിന്റെ കഥ ഇങ്ങനെ
വഴിവിട്ട ബന്ധം ഭർത്താവ് ചൂണ്ടിക്കാട്ടിയപ്പോൾ അധികാരികൾ കണ്ണടച്ചു; അച്ചനെ സ്ഥലം മാറ്റിയിട്ടും പ്രണയം മൂത്തു; വാട്സ് അപ്പ് പ്രേമം മൂത്ത് രണ്ടു കുട്ടികളുടെ അമ്മ വികാരിയോടൊപ്പം വീടുവിട്ടിറങ്ങി; വൈദിക കുപ്പായമുപേക്ഷിച്ച് ഇറ്റലിയിലേക്ക് പറക്കാനുറച്ച് ഫാദർ സെബി വിതയത്തിൽ; ഇരിങ്ങാലക്കുട രൂപതയിൽ നിന്നൊരു പ്രണയകഥ
സോഷ്യൽ മീഡിയയിലൂടെ അപകീർത്തിപ്പെടുത്തിയെന്ന കേസിൽ മുൻകൂർ ജാമ്യം എടുത്ത് സ്റ്റേഷനിലേക്ക് പോയ യുവാവിനെ പരാതിക്കാരിയായ വീട്ടമ്മയുടെ നേതൃത്വത്തിലുള്ള ക്വട്ടേഷൻ സംഘം തട്ടിക്കൊണ്ടു പോയി; ക്രൂരമായി മർദ്ദിച്ച് മൊബൈൽ ഫോണും പണവും തട്ടിയെടുത്തത് പൊലീസ് സ്‌റ്റേഷനിൽ കൊണ്ടു പോയി വിലിച്ചെറിഞ്ഞു; അറസ്റ്റ് ചെയ്തില്ല എന്നു പറഞ്ഞ് പൊലീസിനെതിരെ ഫെയ്‌സ് ബുക്കിലൂടെ ലൈവായി കൊലവിളി