അതിവേഗം ഓടുന്ന മുഖ്യമന്ത്രിയോ? 93കാരനായ യുവാവോ? ആദർശം കൈവിടാത്ത സുധീരനോ? തീയിൽ കുരുത്ത പിണറായിയോ? ലീഗിനെ മതേതരമാക്കിയ നേതാവോ? സൗമ്യനായ ദേശീയ നേതാവോ? ആരാണു നിങ്ങളുടെ ജനനായകൻ
ടീം മറുനാടൻ
തിരുവനന്തപുരം: മറുനാടൻ മലയാളിയുടെ ജനനായകെ കണ്ടെത്താനുള്ള വോട്ടെടുപ്പിൽ നടക്കുന്നത് തലയെടുപ്പുള്ള ആറ് നേതാക്കൾ തമ്മിലെ മത്സരം. വോട്ടെടുപ്പ് തുടങ്ങിയ ഇന്നലെ മുതൽ വലിയ പ്രതികരണമാണ് വായനക്കാരുടെ ഭാഗത്ത് നിന്നുള്ളത്. ഇഷ്ടപ്പെട്ട ജനനായകനെ കണ്ടെത്താനുള്ള ഓൺലൈൻ വോട്ടെടുപ്പിൽ അതുകൊണ്ട് തന്നെ വീറും വാശിയും നിറയുകയാണ്.
വി എസ് അച്യുതാനന്ദൻ, പിണറായി വിജയൻ എന്നീ സിപിഐ(എം) നേതാക്കളും മുഖ്യമന്ത്രി ഉമ്മൻ ചാണ്ടി, വി എം സുധീരൻ എന്നീ കോൺഗ്രസ്സ് നേതാക്കളും ബിജെപി നേതാവായ ഒ രാജഗോപാലും ലീഗ് നേതാവ് പി കെ കുഞ്ഞാലിക്കുട്ടിയുമാണ് ജനനായക പുരസ്കാരത്തിന് വായനക്കാർക്ക് വോട്ട് ചെയ്യാനുള്ള അന്തിമ ലിസ്റ്റിൽ ഇടം പിടിച്ച ആറ് പേർ. മലയാളിയുടെ മനസ്സിനെ പലവിധത്തിൽ സ്വാധീനിച്ച യഥാർത്ഥ ജനനായകരാണ് ഈ ആറുപേരും.
ഈ പുരസ്കാരത്തിനായി ഏറ്റവും കൂടുതൽ നോമിനേഷനുകൾ ലഭിച്ച പേരുകളാണ് അന്തിമ ലിസ്റ്റിൽ ഇടം നേടിയത്. വിഎസും ഉമ്മൻ ചാണ്ടിക്കും ശേഷം മറ്റ് നാലു നേതാക്കൾക്ക് ഒരേ പോലെ നോമിനേഷൻ ലഭിച്ചതിനാലാണ് ആറ് പേർ ജനനായക പുരസ്കാര ലിസ്റ്റിൽ ചേർത്തത്. 14 ാം തീയതി തിങ്കളാഴ്ച മുതൽ 31 ാം തീയതി വ്യാഴാഴ്ച വരെ 18 ദിവസമാണ് വോട്ടിങ് കൊടുക്കുന്നത്.
ഈ വാർത്തയോടൊപ്പം കൊടുത്തിരിക്കുന്ന ലിങ്കിൽ ക്ലിക്ക് ചെയ്ത ശേഷം പത്ത് വിഭാഗങ്ങളിലെയും ഓരോരുത്തർക്ക് വീതം ക്ലിക്ക് ചെയ്ത് വോട്ട് രേഖപ്പെടുത്തിയ ശേഷം സബ്മിറ്റ് ചെയ്യുക. നിങ്ങളുടെ കമ്പ്യൂട്ടറിൽ ജിമെയിൽ അക്കൗണ്ട് ലോഗിൻ ചെയ്തിട്ടുണ്ടെങ്കിൽ ഓട്ടോമാറ്റിക്ക് ആയി നിങ്ങൾക്ക് വോട്ട് രേഖപ്പെടുത്താം. അല്ലെങ്കിൽ ഏതെങ്കിലും ഒരു ഇ മെയിൽ അക്കൗണ്ട് ലോഗിൻ ചെയ്ത ശേഷം മാത്രമേ വോട്ട് രേഖപ്പെടുത്താനാകു. ഒരു ഇമെയിലിന് ഒരു വോട്ട് വച്ചാണ്. നിങ്ങൾ ഒരു ഇമെയിൽ വഴി വോട്ട് രേഖപ്പെടുത്തി കഴിഞ്ഞാൽ ആ ഇമെയിൽ ഉപയോഗിച്ച് വീണ്ടും വോട്ട് ചെയ്യാൻ സാധിക്കില്ല. ഒരാൾ തന്നെ നിരവധി തവണ വോട്ട് ചെയ്യുന്നത് ഒഴിവാക്കാൻ ആണിത്.
ജനുവരി നാലാം തീയതി തിങ്കളാഴ്ച ആയിരിക്കും അവാർഡ് പ്രഖ്യാപിക്കുന്നത്. അവാർഡ് പ്രഖ്യാപനത്തിന് ശേഷം ഏതാനും ആഴ്ചകൾക്കുള്ളിൽ തിരുവനന്തപുരത്ത് വച്ച് തന്നെ പുരസ്കാരങ്ങൾ സമ്മാനിക്കുന്നതാണ്.
അതിവേഗം ബഹുദൂരം ഓടുന്ന കേരളത്തിന്റെ മുഖ്യമന്ത്രി
കേരളത്തിന്റ മുഖ്യമന്ത്രി എന്ന നിലയിൽ നടത്തിയ വികസനപ്രവർത്തനങ്ങൾക്കുള്ള അംഗീകാരം എന്ന നിലയിലാണ് മുഖ്യമന്ത്രി ഉമ്മൻ ചാണ്ടിയെ വായനക്കാർ ജനനായക പുരസ്ക്കാരത്തിനായി നോമിനേറ്റ് ചെയ്തത്. രാജ്യവ്യാപകമായി കോൺഗ്രസിന് വൻ തിരിച്ചടി നേടിട്ടപ്പോഴും കേരളത്തിൽ കോൺഗ്രസിന് കാര്യമായ ക്ഷീണമുണ്ടാകാതിരിക്കാൻ ഉമ്മൻ ചാണ്ടിയുടെ രാഷ്ട്രീയ തന്ത്രങ്ങൾക്ക് സാധിച്ചിരുന്നു. അതിലുപരിയായി ജനങ്ങൾക്കിടയിൽ പ്രവർത്തിക്കുന്ന മുഖ്യമന്ത്രി എന്ന ഇമേജ് തന്നെയാണ് ഉമ്മൻ ചാണ്ടിയെ ജനനായക പുരസ്ക്കാരത്തിന്റെ ഫൈനൽപട്ടികയിൽ ഇടംപിടിക്കാൻ സാധിച്ചതിന് കാരണം.
തദ്ദേശ തെരഞ്ഞെടുപ്പിലൊഴികെ കോൺഗ്രസിന് വിജയത്തിലേക്ക് നയിക്കാൻ മുഖ്യമന്ത്രിയായ ശേഷവും ഉമ്മൻ ചാണ്ടിക്കായി. ലോക്സഭാ തെരഞ്ഞെടുപ്പിലും അരുവിക്കര, പിറവം, നെയ്യാറ്റിൻകര ഉപതെരഞ്ഞെടുപ്പിലും യുഡിഎഫ് ജയിച്ചത് ഉമ്മൻ ചാണ്ടിയുടെ ചിട്ടയായ പ്രവർത്തനത്തിന് ഫലമാണ്. സോളാർ, ബാർ കോഴ തുടങ്ങിയ വിവാദങ്ങൾ പിടിച്ചുലയ്ക്കുമ്പോഴും വികസനത്തിലൂടെ വീണ്ടും അധികാരത്തിൽ തിരിച്ചെത്താമെന്നാണ് പ്രതീക്ഷ. വിഴിഞ്ഞവും കണ്ണൂർ വിമാനത്താവളവും കൊച്ചി മെട്രോ റെയിലുമെല്ലാം ഉമ്മൻ ചാണ്ടിയുടെ വികസന നായകനെന്ന പരിവേഷം കൂട്ടിയ ഘടകങ്ങളാണ്. ആർ ശങ്കറിന്റെ പ്രതിമാ അനാച്ഛാദന വിവാദത്തിലൂടെ ഉമ്മൻ ചാണ്ടി വാർത്തകളിൽ നിറയുന്ന ഘട്ടമാണ് ഇത്. അപ്പോഴും പ്രധാനമന്ത്രി നരേന്ദ്ര മോദിയെ പൂർണ്ണമായും ബഹിഷ്കരിക്കാതെ കേരളത്തിന്റെ ആവശ്യങ്ങൾ നേടിയെടുക്കാനാണ് ഉമ്മൻ ചാണ്ടി ശ്രമിച്ചത്. ഉമ്മൻ ചാണ്ടിക്ക് അനുകൂലമായുണ്ടായ ഈ വികാരവും മറുനാടന്റെ വോട്ടിംഗിൽ പ്രതിഫലിക്കുന്നുണ്ട്.
പുതുപ്പള്ളി കരോട്ട് വള്ളക്കാലിൽ കെ.ഒ. ചാണ്ടിയുടെയും ബേബി ചാണ്ടിയുടെയും മകനായി കോട്ടയം ജില്ലയിലെ കുമരകത്ത് ജനനിച്ച പുതുപ്പുള്ളക്കാരുടെ കുഞ്ഞുഞ്ഞ് എന്ന് കേരളാ രാഷ്ട്രീയത്തിലെ തന്ത്രശാലിയായ നേതാവാണ്. രാഷ്ട്രീയ ജീവിതത്തിലുട നീളം പ്രതിസന്ധികളെ അതിജീവിക്കാൻ വേറിട്ട വഴികളിലൂടെ ഉമ്മൻ ചാണ്ടി നീങ്ങി. അദ്ദേഹത്തിന്റെ പ്രവർത്തനത്തിൽ ഇന്നും ഇത് തന്നെയാണ് ശക്തി.പുതുപ്പള്ളി സെന്റ് ജോർജ്ജ് ഹൈസ്കൂളിലെ വിദ്യാഭ്യാസത്തിന് ശേഷം കോട്ടയം സി.എം.എസ്. കോളേജ്, ചങ്ങനാശ്ശേരി എസ്.ബി. കോളേജ് എന്നിവിടങ്ങളിൽ പഠനം നടത്തി ബി.എ ബിരുദം നേടി. എറണാകുളം ലോ കോളേജിൽ നിന്ന് നിയമബിരുദവും സമ്പാദിച്ചു. ഒരണ സമരത്തിലൂടെ കെ എസ് യുവിലൂടെ രാഷ്ട്രീയത്തിൽ സജീവമായി. പിന്നീട് എകെ ആന്റണിയുടെ വിശ്വസ്തനെന്ന നിലയിൽ കോൺഗ്രസിന്റെ അമരത്തും.
കെ കരുണാകരന്റെ കോൺഗ്രസിലെ ശക്തിചോർച്ചയ്ക്ക് കാരണമായത് ഉമ്മൻ ചാണ്ടിയുടെ തന്ത്രങ്ങളാണ്. ദേശീയ രാഷ്ട്രീയത്തിലേക്ക് ആന്റണി ഉയർന്നതോടെ എ ഗ്രൂപ്പിലെ പിൻഗാമിയായി ഉമ്മൻ ചാണ്ടി മുഖ്യമന്ത്രിയായി. രണ്ടാമനിൽ നിന്ന് ഒന്നാമനിലേക്കുള്ള മാറ്റം. പിന്നീട് എ ഗ്രൂപ്പെന്നാൽ ഉമ്മൻ ചാണ്ടിയായി. പ്രതിപക്ഷത്തിന്റെ ആരോപണങ്ങളേയും കോൺഗ്രസിനുള്ളിൽ നിന്നുള്ള എതിർപ്പുകളേയും ഒരേ പോലെ മറികടന്നാണ് മുഖ്യമന്ത്രി പദത്തിൽ ഇത്തവണ അഞ്ചുവർഷം പൂർത്തിയാക്കലിലേക്ക് ഉമ്മൻ ചാണ്ടി നീങ്ങുന്നത്. ജനസമ്പർക്കെന്ന പരിപാടിയിലൂടെ ജനങ്ങളിലേക്ക് ഇറങ്ങിയ നേതാവാണ് അദ്ദേഹം. മുഖ്യമന്ത്രിയുടെ ജാഡകൾ മാറ്റി വച്ച് പൊതുജനവുമായി സംവദിക്കാനുള്ള ഉമ്മൻ ചാണ്ടിയുടെ മികവ് തന്നെയാണ് അദ്ദേഹത്തെ കേരള രാഷ്ട്രീയത്തിൽ വ്യത്യസ്തനാക്കുന്നത്.
തൊണ്ണൂറ്റിമൂന്നിലും യുവത്വം കാക്കുന്ന കേരളത്തിന്റെ ജനകീയ നേതാവ്
പ്രതിപക്ഷ നേതാവ് വി എസ് അച്യുതാനന്ദനാണ് ജനനായക പുരസ്ക്കാരത്തിനായി വായനക്കാർ നോമിനേറ്റ് ചെയ്ത മുതിർന്ന നേതാവ്. 93ാം വയസിലും പ്രായത്തെ വെല്ലുന്ന പോരാട്ടവീര്യം തുളുമ്പുന്ന നേതാവെന്ന നിലയിൽ വി എസ് എല്ലാവർക്കും ആവേശമാണ്. മൂന്നാർ സമരത്തിലും തദ്ദേശ തിരഞ്ഞെടുപ്പിലും വി എസ് പ്രഭാവം കേരളം കാണുകയും ചെയ്തു. നിയമസഭാ തിരഞ്ഞെടുപ്പ് അടുക്കുന്ന വേളയിൽ അതുവരെ അദ്ദേഹവുമായി ഇടഞ്ഞു നിന്ന പാർട്ടി നേതൃത്വം പോലും വീണ്ടും വിഎസിൽ പ്രതീക്ഷ അർപ്പിക്കുന്നതും ജനസമ്മതിയുടെ തെളിവാണ്.
വെള്ളാപ്പള്ളിയുടെ രാഷ്ട്രീയ നീക്കത്തിന് തടയിടാൻ വേണ്ടി വി എസ് തന്നെയാണ് സിപിഎമ്മിന് വേണ്ടി മുന്നിൽ നിന്നും നയിച്ചത്. ചെറുപ്പക്കാർക്ക് പോലും കഴിയാത്ത വിധത്തിൽ ഈ പ്രായത്തിലും സജീവ രാഷ്ട്രീയപ്രവർത്തനം നടത്തുന്ന വി എസ് ജനനായക പുരസ്ക്കാര പട്ടികയിൽ ഇടംപിടിക്കുന്നതിൽ യാതൊരു അതിശയോക്തിയുമില്ല. പാർട്ടിക്കുള്ളിൽ പടനയിച്ച് നീങ്ങിയ വി എസ് ഇന്ന് അനുസരണയുള്ള സിപിഎമ്മുകാരനാണ്. അടുത്ത നിയമസഭാ തെരഞ്ഞെടുപ്പിൽ വി എസ് മത്സരിക്കുമോ എന്നതാണ് ചർച്ചകളിൽ നിറയുന്നത്. ഏതായാലും പ്രതിപക്ഷത്തിന്റെ ശബ്ദം ജനങ്ങളിലെത്തുന്നത് വിഎസിന്റെ വാക്കുകളിലൂടെയാണ്. കുറിക്കുകൊള്ളുന്ന വിമർശനവുമായി വി എസ് കേരള രാഷ്ട്രീയത്തിലെ സ്വാധീന ശക്തിയായി മാറുകയാണ്. ആരേയും ഭയക്കാതെ ജനപക്ഷത്തു നിന്ന് മുന്നേറുന്ന വി എസ് തൊണ്ണൂറ്റി മൂന്നാം വയസ്സിൽ കേരളത്തിന്റെ ഭരണതലപ്പത്ത് വീണ്ടുമെത്തുമെന്ന് കരുതുന്നവർ പോലുമുണ്ട്. പുന്നപ്ര സമര നായകന്റെ തളരാത്ത ആവേശം തന്നെയാണ് മറുനാടൻ പുര്സകാര പട്ടികയിൽ രാജ്യത്തെ തലമുതിർന്ന നേതാവിനേയും എത്തിക്കുന്നത്.
പൊതുസമൂഹത്തിൽ വലിയ തോതിൽ സ്വീകാര്യതയുള്ള നേതാവാണ് വി. എസ്. അനീതിയെയും അഴിമതികളെയും എതിർക്കുന്ന സാധാരണ ജനങ്ങളുടെ സംരക്ഷകനായി വി.എസിനെ നെഞ്ചിലേറ്റുന്നവരുണ്ട്. ജനകീയതയുടെ പേരിൽ പാർട്ടി എടുത്ത തീരുമാനങ്ങൾ പല്ലപ്പോഴും വി. എസിനനുകൂലമായി മാറ്റിയിട്ടുണ്ട്. 2006ലെ തെരഞ്ഞെടുപ്പിൽ വി.എസിനെ മത്സരിപ്പിക്കേണ്ടെന്നാണ് ആദ്യം കേരള പാർട്ടി തീരുമാനിച്ചത്. കേന്ദ്രനേതൃത്വം ഇടപെട്ട് അത് തിരുത്തിച്ചു. തെരഞ്ഞെടുപ്പിൽ ഇടതുപക്ഷ ജനാധിപത്യ മുന്നണി ഭൂരിപക്ഷം നേടിയപ്പോൾ വി.എസിനെ മുഖ്യമന്ത്രിയാക്കേണ്ടെന്നായി. പാർട്ടി ജനകീയ പ്രതിഷേധങ്ങൾക്ക് മുമ്പിൽ പാർട്ടി നിലപാട് മാറ്റി. 2011ലും വി എസ് മത്സരിക്കേണ്ടെന്ന് ആദ്യം പാർട്ടി തീരുമാനിച്ചു. പിന്നീട് പാർട്ടി നിലപാട് മാറ്റി. വീണ്ടുമൊരു നിയമസഭാ തെരഞ്ഞെടുപ്പ് എത്തുമ്പോൾ വി എസ് മത്സരകാര്യത്തിൽ എല്ലാം പാർട്ടി തീരുമാനിക്കട്ടേ എന്ന നിലപാടിലാണ്.
1964ൽ ഇന്ത്യൻ കമ്യുണിസ്റ്റ് പാർട്ടി പിളർത്തി നാഷനൽ കൗൺസിൽ യോഗത്തിൽനിന്നിറങ്ങിപ്പോന്ന 32 പേരിൽ ജീവിച്ചിരിക്കുന്ന ഏക ആൾ ആയ വി എസ് പാർട്ടി വേദികളിലും പാർലമെന്ററി രംഗത്തും കർക്കശക്കാരനായ നേതാവായാണ് വിലയിരുത്തപ്പെടുന്നത്. സമരത്തീച്ചൂളയിൽ വാർത്തെടുത്ത ജീവിതം എന്നാണ് അച്യുതാനന്ദനെ കേരളത്തിലെ മുഖ്യധാരാ മാദ്ധ്യമങ്ങൾ വിശേഷിപ്പിക്കുന്നത്. സമൂഹത്തിലെ പാർശ്വവൽക്കരിക്കപ്പെട്ട ജനവിഭാഗങ്ങൾക്കുവേണ്ടി നടത്തുന്ന ഇടപെടലുകളാണ് ഇദ്ദേഹത്തെ ശ്രദ്ധേയനാക്കുന്നത്. എന്നാൽ ഏറെക്കാലം പാർട്ടിയിൽ തന്റെ മേൽക്കോയ്മ നിലനിർത്താനും അദ്ദേഹം ശ്രദ്ധിച്ചിരുന്നു. കേരള നിയമസഭകണ്ട ഏറ്റവും ശക്തനായ പ്രതിപക്ഷ നേതാക്കളിലൊരാളാണ് അച്യുതാനന്ദൻ.
വിഎസിന്റെ വിമർശനശരങ്ങൾ ഏറ്റുവാങ്ങുന്നവർ പോലും അദ്ദേഹത്തിന്റെ പോരാട്ട മികവിനെ അംഗീകരിക്കുന്നു. ഒരു പക്ഷേ തൊണ്ണൂറു വയസ്സ് പിന്നിട്ടിട്ടുണ്ട് സമകാലിക രാഷ്ട്രീയത്തിൽ ഇത്ര സജീവമായി നിൽക്കുന്ന മറ്റൊരു നേതാവുമില്ല. ആൾക്കൂട്ടത്തെ ആകർഷിക്കാനും അതിനെ വോട്ടാക്കി മാറ്റാനും തനിക്ക് കഴിയുമെന്ന് തദ്ദേശ തെരഞ്ഞെടുപ്പിലും വി എസ് തെളിയിച്ചു.
ആദർശത്തിൽ നിന്നും അണുവിട ചലിക്കാത്ത കോൺഗ്രസ് നേതാവ്
കെപിസിസി പ്രസിഡന്റ് വി എം സുധീരനാണ് ജനനായക പുരസ്ക്കാര പട്ടികയിൽ ഇടംപിടിച്ച മറ്റൊരു പ്രമുഖ നേതാവ്. സംസ്ഥാന ഭരണത്തിന്റെ കടിഞ്ഞാൺ എന്ന വിധത്തിൽ പ്രവർത്തിക്കുന്ന വ്യക്തിയാണ് സുധീരൻ. ഭരിക്കുന്ന പാർട്ടിയുടെ അമരത്തിരിക്കുമ്പോഴും തെറ്റ് ചൂണ്ടിക്കാണിക്കുന്നതിൽ മടിക്കാത്ത നേതാവ്. അതുകൊണ്ട് തന്നെ സർക്കാരിന്റെ പല നയങ്ങളും തിരുത്തപ്പെട്ടു. ഗ്രൂപ്പുകൾക്ക് അതീതമെന്ന മുഖം കോൺഗ്രസിന് നൽകാനും സുധീരന് കഴിഞ്ഞു.
സംസ്ഥാനത്ത് ബാറുകൾ പൂട്ടുന്ന നീക്കത്തിലേക്ക് എത്തിച്ചത് സുധീരന്റെ കാർക്കശ്യം നിറഞ്ഞ നിലപാടുകളായിരുന്നു. സാമുദായിക ശക്തികളുടെ ഏറാന്മൂളികളായി നിൽക്കുന്ന കോൺഗ്രസ് സംസ്ക്കാരത്തിന് മാറ്റം വരുത്തിയത് സുധീരന്റെ ഇടപെടലായിരുന്നു. തദ്ദേശ തിരഞ്ഞെടുപ്പിന് ശേഷം അധികാരമേൽക്കുന്ന വേളയിൽ ഇത് ശക്തമായി പ്രതിഫലിക്കുകയും ചെയ്തു. കൊച്ചി കോർപ്പറേഷനിൽ സൗമിനി ജയിൻ മേയർ ആയത് അടക്കം സുധീരന്റെ നേതൃത്വത്തിൽ ശക്തമായ നിലപാട് സ്വീകരിച്ചതിനെ തുടർന്നായിരുന്നു. കാർക്കശ്യക്കാരനായ കോൺഗ്രസ് പ്രസിഡന്റ് എന്നതിലുപരിയായി അഴിമതി രഹിത പ്രതിച്ഛായയുള്ള നേതാവ് കൂടിയാണ് സുധീരൻ. അതുകൊണ്ട് തന്നെയാണ് അദ്ദേഹം മറുനാടൻ ജനനായക പുരസ്ക്കാര പട്ടികയിൽ ഇടംപിടിച്ചത്.
സ്പീക്കറായി പ്രവർത്തിക്കുമ്പോഴും ആരോഗ്യമന്ത്രിയായിരിക്കുമ്പോഴുമെല്ലാം സുധീരന്റെ പ്രവർത്തന ശൈലി വ്യത്യസ്തമായിരുന്നു. തെറ്റുകണ്ടാൽ ചൂണ്ടികാണിക്കാനും തിരുത്തിക്കാനും മടിക്കില്ല. സ്ഥാനമാനങ്ങൾ അതിന് തടസ്സമാകരുതെന്നും സുധീരൻ കരുതുന്നു. യുഡിഎഫ് സർക്കാരിന്റെ തെറ്റുകൾ ചൂണ്ടികാണിക്കുന്നതും തിരുത്തിക്കുന്നതും ഇതിന്റെ ഭാഗമാണ്. അത് തുടരുകയും ചെയ്യുന്നു. കേരളത്തിലെ കോൺഗ്രസിന് പ്രതിച്ഛായ നൽകുകയെന്ന ലക്ഷ്യത്തോടെയാണ് സുധീരനെ കെപിസിസിയുടെ നേതൃസ്ഥാനത്തേക്ക് കോൺഗ്രസ് ഹൈക്കമാണ്ട് അവതരിപ്പിച്ചത്. വിഴിഞ്ഞം പദ്ധതിയുൾപ്പെടെയുള്ള വിഷയങ്ങളിൽ സുധീരൻ പാർട്ടിക്കായി ശബ്ദമുയർത്തി. ബിജെപിയും വെള്ളാപ്പള്ളിയും നടത്തുന്ന രാഷ്ട്രീയ കൂട്ടുകെട്ടിനെതിരേയും ആഞ്ഞടിക്കുന്നത് സുധീരനാണ്.
അടുത്ത നിയമസഭാ തെരഞ്ഞടുപ്പിൽ സുധീരൻ മത്സരിക്കുമോ എന്നതാണ് ഇപ്പോഴത്തെ ചർച്ചാ വിഷയം. ജനമനസ്സുകളെ സ്വാധീനിക്കുന്ന ഈ നേതാവിനെ ഭാവി മുഖ്യമന്ത്രിയായി കരുതുന്നവരുമുണ്ട്. കോൺഗ്രസിലെ ഗ്രൂപ്പ് അതിപ്രസരത്തെ അതിജീവിച്ച് കെപിസിസിയുടെ തലപ്പത്ത് എത്തിയ സുധീരന് അതിന് കഴിയുമെന്ന വിലയിരുത്തലും സജീവം. ഗ്രൂപ്പ് പോരിനിടയിലും കോൺഗ്രസിനെ നേർവഴിക്ക് നടത്താനായി സുധീരൻ നടത്തുന്ന ഒറ്റയാൾ പോരാട്ടത്തിനുള്ള അംഗീകാരമാണ് മറുനാടന്റെ പുരസ്കാരപ്പട്ടികയിലെ സ്ഥാനം.
തീയിൽ കുരുത്ത വെയിലത്ത് വാടാത്ത സംഘാടകൻ
അടുത്ത കേരളാ മുഖ്യമന്ത്രി എന്ന സൂചനയാണ് പിണറായി വിജയനെ കുറിച്ച് സിപിഐ(എം) നേതൃത്വം നൽകുന്നത്. വർഗീയതയോട് വിട്ടുവീഴ്ച്ചയില്ലാതെ പൊരുതുന്ന നേതാവ് എന്ന പ്രതിച്ഛായയാണ് പിണറായിയെ മറുനാടൻ അവാർഡിനായി പരിഗണിക്കാൻ ഇടയാക്കിയ കാര്യം. കൂടാതെ അപ്രിയസത്യങ്ങൾ വെട്ടിത്തുറന്നു പറയുന്ന നേതാവ് കൂടിയാണ് അദ്ദേഹം.
ഡൽഹിയിലെ കേരളാ ഹൗസിലെ ബീഫ് റെയ്ഡിലും മറ്റും പിണറായി എടുത്ത നിലപാടുകൾ നിർണ്ണായകമായി. തദ്ദേശ തെരഞ്ഞെടുപ്പിൽ മുസ്ലിം ജനവിഭാഗത്തെ സിപിഎമ്മിലേക്ക് അടുപ്പിച്ചത് പിണറായിയുടെ ഇടപടെടലാണ്. സിപിഐ(എം) സംസ്ഥാന സെക്രട്ടറി സ്ഥാനം ഒഴിഞ്ഞെങ്കിലും പാർട്ടിയിൽ ഇപ്പോഴും പിണറായി തന്നെയാണ് കരുത്തൻ. സമകാലിക വിഷയങ്ങളിൽ പിണറായി വിജയന്റെ വാക്കുകൾക്കായി കേരളം കാതോർക്കുന്നതും ശ്രദ്ധേയമാണ്. അതു തന്നെയാണ് പിണറായി വിജയനെന്ന നേതാവിന്റെ ജനകീയതയ്ക്കുള്ള തെളിവും. ആരേയും ഭയക്കാതെ നിലപാട് വെട്ടിത്തുറന്ന് പറയുന്ന നേതാവെന്ന പ്രതിച്ഛായയാണ് പിണറായിയുടെ ശക്തിയും ദൗർബ്ബല്യവും.
സിപിഎമ്മിലെ കണ്ണൂർ ലോബിയുടെ നായകനായി മാത്രം ഒതുങ്ങുന്ന വ്യക്തിയല്ല പിണറായി. കേരളത്തിലെ സിപിഐ(എം) സംഘടനാ സംവിധാനം മുഴുവൻ ചലിക്കുന്നത് പിണറായിയുടെ തീരുമാന പ്രകാരമാണ്. നിയമസഭാ തെരഞ്ഞെടുപ്പിന് മുന്നോടിയായുള്ള പാർട്ടിയാത്രയെ നയിക്കുന്ന പിണറായി വീണ്ടും പാർലമെന്ററീ രംഗത്ത് സജീവമാകുമെന്നാണ് സൂചന. തന്ത്രങ്ങൾക്ക് അപ്പുറമുള്ള ഉറച്ച നിലപാടാണ് ഈ സംഘാടകന്റെ കരുത്ത്. അച്ചടക്കമാണ് പ്രധാനം. അതുകൊണ്ട് കൂടിയാണ് വി എസ് അച്യുതാനന്ദനുമായി പലപ്പോഴും ഏറ്റുമുട്ടലിന്റെ പാത സ്വീകരിക്കേണ്ടി വന്നത്. അപ്പോഴും പാർട്ടിക്ക് വിധേയനാകുന്ന തരത്തിൽ പരസ്യപ്രതികരണവുമായി തിരുത്തലുകൾക്ക് പിണറായി എത്തി. എന്ന് വിഎസിനെ ഉൾക്കൊണ്ടാണ് പിണറായിയുടെ മുന്നോട്ട് പോക്ക്. ലാവ്ലിൻ അഴിമതിയിൽ നിന്ന് അഗ്നി ശുദ്ധി വരുത്തിയ പിണറായിയെന്ന സംഘാടകന് വികസനത്തിൽ കേരളത്തിന് പുതിയ ദിശാബോധം നൽകാൻ കഴിയുമെന്ന് പ്രതീക്ഷിക്കുന്നവരും ഏറെയുണ്ട്.
1996ൽ കേരളത്തിന്റെ സഹകരണ വൈദ്യുതി മന്ത്രിയായ കാലത്ത് പിണറായിയുടെ കർമശേഷിയെന്തെന്ന് നാടറിഞ്ഞു. വൈദ്യുതോൽപ്പാദനത്തിലും വിതരണത്തിലും കാൽ നൂറ്റാണ്ടു കൊണ്ട് കേരളത്തിൽ സൃഷ്ടിക്കാനാവാത്ത നേട്ടം രണ്ടരവർഷം കൊണ്ട് നേടി എടുത്തു. സഹകരണമേഖലയിലും സജീവമായ ഇടപെടൽ പിണറായി നടത്തി. 1998ൽ ചടയൻ ഗോവിന്ദന്റെ നിര്യാണത്തെ തുടർന്ന് മന്ത്രിസ്ഥാനം വിട്ട് പാർട്ടി സെക്രട്ടറിയായി. കൊൽക്കത്തയിൽ നടന്ന പതിനാറാം പാർട്ടി കോൺഗ്രസിലൂടെ കേന്ദ്രകമ്മിറ്റിയിലും പോളിറ്റ് ബ്യൂറോയിലും അംഗമായി.
ഒന്നരവർഷക്കാലം ജയിൽവാസം അനുഭവിച്ചു. ഭീകരമായ മർദ്ദനങ്ങൾ ഏറ്റുവാങ്ങേണ്ടി വന്നിട്ടുണ്ട്. ക്രൂരമർദ്ദനത്തിന്റെ ബാക്കിപത്രമായ ചോരപുരണ്ട ഷർട്ട് ഉയർത്തിപ്പിടിച്ചാണ് പിണറായി പിന്നീട് നിയമസഭാ സമ്മേളനത്തിൽ പ്രസംഗിച്ചത്. ആഭ്യന്തരമന്ത്രി കെ കരുണാകരനെ പ്രതിക്കൂട്ടിൽ നിർത്തിയ ആ പ്രസംഗം നിയമസഭാ രേഖകളിലെ തിളങ്ങുന്ന അധ്യായമാണ്. നിയമസഭാ സാമാജികനെന്ന നിലയിലും മികച്ച പ്രവർത്തനമാണ് കാഴ്ചവച്ചത്. കേരള രാഷ്ട്രീയ ചരിത്രത്തിലെ കാമ്പയിൻ പ്രവർത്തന രംഗത്ത് തിളങ്ങി നിൽക്കുന്ന രണ്ട് മാർച്ചുകളാണ് കേരള മാർച്ചും നവകേരള മാർച്ചും ഈ രണ്ട് മുന്നേറ്റങ്ങളേയും നയിച്ചത് പിണറായി വിജയനായിരുന്നു. ഇതും അദ്ദേഹത്തിന്റെ സംഘാടനത്തിന്റെ മികവിന് തെളിവാണ്.
മുസ്ലിം ലീഗിനെ മതേതര ലീഗാക്കി നിലനിർത്തുന്ന വ്യത്യസ്തനായ നേതാവ്
മുസ്ലിംലീഗിലെ മതേതര മുഖമാണ് പികെ കുഞ്ഞാലിക്കുട്ടി. ലീഗിനെ വർഗ്ഗീയ പാർട്ടിയല്ലാതാക്കുന്ന നേതാവ്. എല്ലാ ആളുകളോടും സൗമ്യതയോടെ പെരുമാറുന്ന വികസനനായകൻ. വികസനത്തിൽ മതചിന്ത കൊണ്ടുവരാതെ അത്തരം വിവാദങ്ങളിൽ നിന്ന് അകന്നാണ് കുഞ്ഞാലിക്കുട്ടിയുടെ പോക്ക്. കേരളത്തെ വികസന സൗഹാർദ്ദമാക്കാനുള്ള കുഞ്ഞാലിക്കുട്ടിയുടെ ശ്രമങ്ങളും അംഗീകരിക്കപ്പെട്ടു. അതിലുപരി വർഗ്ഗീയതയ്ക്കെതിരെ എടുക്കുന്ന നിലപാട് തന്നെയാണ് കുഞ്ഞാലിക്കുട്ടിയെ വ്യത്യസ്തനാക്കുന്നത്. ഉമ്മൻ ചാണ്ടി മന്ത്രിസഭയിലെ രണ്ടാമനാണ് കുഞ്ഞാലിക്കുട്ടി. അപ്പോഴും ആ ഹുങ്ക് കാണിക്കാതെ ജനങ്ങളുമായി സംവദിക്കുന്നു.
പാണക്കാട് മുഹമ്മദലി ഷിഹാബ് തങ്ങളുടെ മരണത്തോടെ ലീഗിൽ കുഞ്ഞാലിക്കുട്ടിക്ക് ചില തിരിച്ചടികൾ നേരിട്ടെന്ന് കരുതുന്നവരുണ്ടായിരുന്നു. എന്നാൽ പാർട്ടിയുടെ മതേതരമുഖത്തെ തള്ളിക്കളഞ്ഞാൽ പിന്നെ കേരള രാഷ്ട്രീയത്തിൽ അപ്രസക്തമാകുമെന്ന് എല്ലാ ലീഗ് നേതാക്കളും തിരിച്ചറിയുന്നു. അതുകൊണ്ട് തന്നെ കുഞ്ഞാലി്ക്കുട്ടിയുടെ പാർട്ടിയിലെ സ്ഥാനം ഇപ്പോഴും രണ്ടാമൻ തന്നെ. നിയമസഭ തിരഞ്ഞെടുപ്പിന് മുന്നോടിയായി മുസ്ലിംലീഗും കേരള ജാഥക്കൊരുങ്ങുകയാണ്. കേരളത്തിലെ വർഗീയ പ്രവണതകൾക്കെതിരായി നടത്തുന്ന രാഷ്ട്രീയ വിശദീകരണജാഥ പി.കെ.കുഞ്ഞാലിക്കുട്ടി നയിക്കുമെന്ന തീരുമാനത്തിലൂടെ തന്നെ പാർട്ടിയിലെ സ്ഥാനം പൊതുസമൂഹത്തിന് വിശദീകരിച്ചു കൊടുക്കാൻ കുഞ്ഞാലിക്കുട്ടിക്കായി.
മുസ്ലിംലീഗിനും കോൺഗ്രസിനും ഇടയിലെ പാലവും കുഞ്ഞാലിക്കുട്ടിയാണ്. മുന്നണിയിലെ എല്ലാ നേതാക്കളുമായി അടുപ്പമുള്ള നേതാവാണ് കുഞ്ഞാലിക്കുട്ടി. ഇത് യുഡിഎഫിനെ പല പ്രതിസന്ധികളിൽ നിന്നും രക്ഷിക്കുകയും ചെയ്തിട്ടുണ്ട്. ഐസ്ക്രീം പെൺവാണിഭത്തിന്റെ ചൂടിൽ ഉഴലുമ്പോൾ ഒഴിച്ച് മുസ്ലിം ലീഗ് രാഷ്ട്രീയത്തെ നയിച്ചത് കുഞ്ഞാലിക്കുട്ടിക്കാണ്. ലീഗ് അണികളിൽ ഏറ്റവും സ്വാധീനമുള്ള നേതാവും കുഞ്ഞാലിക്കുട്ടി തന്നെ. മുഖ്യമന്ത്രി ഉമ്മൻ ചാണ്ടിയോടൊപ്പം ചേർന്ന് പ്രവർത്തിച്ച് കേരളത്തിന്റെ വികസന മുന്നേറ്റത്തിന് കാര്യമായ സംഭാവന നൽകിയ വ്യക്തി കൂടിയാണ് കുഞ്ഞാലിക്കുട്ടി. കേരള രാഷ്ട്രീയത്തിലെ അവഗണിക്കാനാവാത്ത പേരുകാരനാണ് അദ്ദേഹം.
ബിജെപിക്കാരനെന്ന് മറ്റ് പാർട്ടിക്കാർ മറന്നുപോകുന്ന സൗമ്യതയുടെ ആൾരൂപം
ബിജെപി രാഷ്ട്രീയത്തോട് എതിർപ്പുള്ളവർക്കും പ്രിയങ്കരനായ നേതാവാണ് ഒ രാജഗോപാൽ. കേരള ബിജെപിയിലെ ഏറ്റവും ജനകീയനായ നേതാവായ അദ്ദേഹം അരുവിക്കരയിൽ തന്റെ ജനപ്രീതി എത്രത്തോളമുണ്ടെന്ന് തെളിയിട്ടുണ്ട്.
കേരളത്തിലെ കക്ഷിരാഷ്ട്രീയ സംവിധാനം കൊണ്ട് മാത്രമാണ് പലപ്പോഴും അദ്ദേഹത്തിന് വിജയം അന്യമായി നിന്നത്. കക്ഷി രാഷ്ട്രീയ ഭേദമന്യേ ഏവർക്കും പ്രിയങ്കരൻ എന്ന നിലയിലാണ് രാജേട്ടനെന്ന ഓമനപേരിൽ അണികളും സുഹൃത്തുക്കളും വിളിക്കുന്നതും ജനകീയതയുടെ ഒരു തെളിവാണ്. രാഷ്ട്രീയ ജീവിതത്തിലെ അമ്പതാം വർഷം രാജഗോപാൽ ആഘോഷിച്ചപ്പോൾ സാക്ഷാൽ വി എസ് അച്യുതാനന്ദൻ പോലും അഭിനന്ദനുവമായെത്തി. അഴിമതി കറപുരളാത്ത,സത്യസന്ധനും സൗമ്യനുമായ രാഷ്ട്രീയക്കാരൻ.
രാജ്യത്തെ തലമുതിർന്ന ബിജെപി നേതാവാണ് രാജഗോപാൽ. ഏത് തെരഞ്ഞെടുപ്പ് വന്നാലും രാജഗോപാലെന്ന ജനകീയനെ ബിജെപിക്ക് വേണം. അരുവിക്കരയിലും നെയ്യാറ്റിൻകരയിലുമെല്ലാം ബിജെപി നേട്ടമുണ്ടാക്കിയത് രാജഗോപാലിന്റെ മികവിലാണ്. ജയിച്ചില്ലെങ്കിലും ജയത്തിന് സമാനമായ പ്രകടനം നടത്തി. തിരുവനന്തപുരം ലോക്സഭാ തെരഞ്ഞെടുപ്പിലെ രണ്ടാം സ്ഥാനവും ചർച്ച ചെയ്യപ്പെട്ടു. ബിജെപിക്കാരനെന്ന ലേബലിന് അപ്പുറം വോട്ട് നേടാൻ കഴിയുന്നതാണ് രാജഗോപാലിന്റെ രാഷ്ട്രീയ കരുത്ത്. സൗമ്യനായ ഈ നേതാവിനെ കേരളം ഒന്നാകെ ബഹുമാനിക്കുന്നു. വിവാദങ്ങൾക്ക് ഇടനൽകാത്ത രാഷ്ട്രീയ പ്രവർത്തനവും മാതൃകാപരം.
1992 മുതൽ 2004 വരെ മദ്ധ്യപ്രദേശിൽ നിന്നും രാജ്യസഭയെ പ്രതിനിധീകരിച്ച രാജഗോപാൽ ജനസമ്മതി ഏറെയുള്ള ബിജെപി നേതാവണ്. ആർ.എസ്സ്.എസ്സിലൂടെ ശ്രദ്ധേയനായ ഇദ്ദേഹം 1998ലെ വാജ്പേയി മന്ത്രിസഭയിൽ റയിൽവേ സഹമന്ത്രിയായിരുന്നു. അന്ന് കേരളത്തിൽ ഏറെ വികസന പ്രവർത്തനങ്ങളെത്തി. അഭിഭാഷക ജോലി ഉപേക്ഷിച്ചാണ് ഇദ്ദേഹം മുഴുവൻസമയ രാഷ്ട്രീയ പ്രവർത്തകനായത്. 1929 സെപ്റ്റംബർ 15 ന് പാലക്കാട് ജില്ലയിലെ പുതുക്കോട് പഞ്ചായത്തിൽ ഓലഞ്ചേരി വീട്ടിൽ മാധവൻ നായരുടെയും കുഞ്ഞിക്കാവ് അമ്മയുടെയും മകനായി ജനിച്ചു.പ്രാഥമികവിദ്യാഭ്യാസം നേടിയത് കണക്കന്നൂർ എലിമെന്ററി സ്കൂളിലും മഞ്ഞപ്ര അപ്പർ പ്രൈമറി സ്കൂളിലും ആയിട്ടായിരുന്നു.
അതിനുശേഷം പാലക്കാട് വിക്റ്റോറിയ കോളേജിൽ പഠനം തുടർന്നു. തുടർന്നു ചെന്നൈയിൽ നിന്നു നിയമബിരുദം നേടിയതിനു ശേഷം 1956 മുതൽ പാലക്കാട് ജില്ലാ കോടതിയിൽ അഭിഭാഷകജോലി ആരംഭിച്ചു. ദീൻ ദയാൽ ഉപാധ്യായയിൽ പ്രചോദിതനായ അദ്ദേഹം പഠനശേഷം ജനസംഘത്തിന്റെ പ്രവർത്തനങ്ങളിൽ ആകർഷിക്കപ്പെടുകയും ജനസംഘപ്രവർത്തകനായി മാറുകയും ചെയ്തു. സ്ഥാനമൊന്നും മോഹിക്കാതെ അവിടെ തുടർന്ന രാജഗോപാൽ ഇന്ന് സംഘപരിവാർ പ്രസ്ഥാനങ്ങളിലെ ജനകീയ മുഖമാണ്. ജാതിസമവാക്യങ്ങൾ പോലും ഈ നേതാവിന്റെ പേരിന് മുന്നിൽ അപ്രസക്തമാണ്. ഇതു തന്നെയാണ് രാജഗോപാലിനെ പുരസ്കാര പട്ടികയിൽ എത്തിക്കുന്നതും.
Stories you may Like
- TODAY
- LAST WEEK
- LAST MONTH
- രജനിയെ തല്ലിയതുകണ്ട് മദ്യപാനം നിർത്തി; അടിക്കടി സിനിമകൾ ഹിറ്റായതോടെ അഹങ്കാരം തലക്ക് പിടിച്ചു; മണിരത്നത്തിന് ഗെറ്റൗട്ട് അടിച്ചത് വിനയായി; റഹ്മാൻ തരംഗത്തിൽ അപ്രസക്തൻ; ഇപ്പോൾ കോപ്പിറൈറ്റ് വിവാദത്തിൽ കോടതിയിൽനിന്നും തിരിച്ചടി; ഇളയരാജ വീണ്ടും വിവാദത്തിൽ
- പ്രകാശ് ജാവദേക്കർ തന്നെയും ഇ പി ജയരാജനെയും കണ്ടിരുന്നു; ഒരേ ഒരു സീറ്റിൽ വിട്ടുവീഴ്ച ചെയ്താൽ ലാവ്ലിൻ കേസും സ്വർണക്കടത്ത് കേസും സെറ്റിൽ ചെയ്യാം എന്ന്ഉറപ്പുകൊടുത്തു; പക്ഷേ ആ ഡീൽ നടക്കാത്തത് ഇക്കാരണം കൊണ്ട്; വെളിപ്പെടുത്തലുമായി ടി ജി നന്ദകുമാർ
- ബിജെപിയിലേക്ക് പോകാൻ ചർച്ച നടത്തി സിപിഎം നേതാവ് ഇ പി ജയരാജനാണ്; ശോഭസുരേന്ദ്രൻ മുഖാന്തരം ചർച്ച നടന്നു; പാർട്ടിയിൽ നിന്ന് ഭീഷണി വപ്പോൾ ജയരാജൻ പിന്മാറി; ശോഭയും ഇ പിയും ചർച്ച നടത്തിയത് ഗൾഫിൽ വച്ചും; രാഷ്ട്രീയാരോപണം കടുപ്പിച്ച് കെ സുധാകരൻ; ഇപിയുടെ മറുപടി നിർണ്ണായകം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ആലത്തൂരിലെ ഇടത് സ്ഥാനാർത്ഥി കെ. രാധാകൃഷ്ണന്റെ അകമ്പടി വാഹനത്തിൽ നിന്ന് ആയുധം കണ്ടെത്തിയെന്ന് യു.ഡി.എഫ്; സി സി ടി വി ദൃശ്യങ്ങൾ പുറത്തുവിട്ടു; അക്രമം അഴിച്ചുവിടാനുള്ള ആസൂത്രിതമായ നീക്കത്തിന്റെ ഭാഗമെന്ന് രമ്യ ഹരിദാസ്; പ്രചാരണ ബോർഡുകൾ അഴിച്ചുമാറ്റാൻ ഉപയോഗിച്ച ആയുധങ്ങളാണെന്ന് സിപിഎം വിശദീകരണം
- പോളിങ് ഉദ്യോഗസ്ഥരുടെ നിയമന ഉത്തരവ് ചോർന്ന സംഭവം; കോന്നി താലൂക്ക് ഓഫീസിലെ എൽഡി ക്ലാർക്ക് യദുകൃഷ്ണനെ കലക്ടർ സസ്പെൻഡ് ചെയ്തു; പ്രിന്റ് അടിക്കാൻ കൊടുത്ത കോപ്പിയാണ് പുറത്തു പോയതെന്ന് വിശദീകരണം; ആന്റോയുടെ ആരോപണം ശരിയാകുമ്പോൾ
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- സംസ്കരിച്ച എണ്ണ ഇറക്കുമതിയിലുള്ള ലൂപ് ഹോൾ വഴി യുക്രെയിനെതിരെയുള്ള യുദ്ധത്തിൽ റഷ്യയെ ബ്രിട്ടൻ സഹായിക്കുന്നു എന്ന ഡാറ്റ പുറത്ത്; റഷ്യൻ എണ്ണ എത്തുന്നത് ഇന്ത്യയും ചൈനയും തുർക്കിയും വഴി; ഇന്ത്യയ്ക്കുണ്ടായത് വൻ നേട്ടം
- കെ എസ് എഫ് ഇ ഉദ്യോഗസ്ഥയ്ക്കെതിരെ പരാതിപ്പെട്ട റിട്ട പൊലീസ് ഉദ്യോഗസ്ഥനെ ക്രൂരമായി മർദ്ദിച്ച് സിപിഎം ബ്രാഞ്ച് സെക്രട്ടറിയും സുഹൃത്തും; നിസ്സാര വകുപ്പിൽ കേസൊതുക്കി പൊലീസും; ഡാനിയൽ വർഗ്ഗീസിന് നേരിട്ടത് സമാനതകളില്ലാത്ത മർദ്ദനം
- കുടുംബകലഹത്തെ തുടർന്ന് മക്കളെ പൂട്ടിയിട്ട ശേഷം ഭാര്യയെ പ്രവാസി വെട്ടിക്കൊന്നു തൂങ്ങി മരിച്ചു; സംഭവം വെൺമണി പുന്തലയിൽ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്