1 aed = 17.64 inr 1 eur = 75.64 inr 1 gbp = 82.58 inr 1 kwd = 212.31 inr 1 sar = 17.13 inr 1 usd = 64.11 inr

Aug / 2017
23
Wednesday

കൊച്ചിയിലെ ന്യൂജൻ സിനിമാക്കാർക്കും ഡിജെ പാർട്ടിക്കാർക്കും നിശാമേളകൾക്ക് മയക്കുമരുന്ന് എത്തിക്കുന്ന സംഘത്തലവൻ പിടിയിൽ; ഏതെല്ലാം സിനിമാക്കാർ ഇയാളുടെ ലിസ്റ്റിലുണ്ടെന്നും അന്വേഷണം തുടങ്ങി; പിടിച്ചെടുത്തത് അരക്കോടി വിലവരുന്ന സൊയമ്പൻ മയക്കുമരുന്നുകൾ; ഉന്മാദലഹരി നൽകുന്ന എക്സ്റ്റസി എന്ന വിളിപ്പേരുള്ള എംഡിഎംഎ ഉൾപ്പെടെ കണ്ടെടുത്തു

April 20, 2017 | 02:29 PM | Permalink



പ്രകാശ് ചന്ദ്രശേഖർ

കൊച്ചി: സിനിമാമേഖലയിലും ഡിജെ പാർട്ടിക്കാർക്കും മയക്കുമരുന്നുകൾ സ്ഥിരമായി എത്തുന്ന സംഘത്തലവൻ പിടിയിലായി. ഇതോടെ കൊച്ചി കേന്ദ്രീകരിച്ച് അഭിനേതാക്കൾക്ക് ഉൾപ്പെടെ കൊക്കെയിനും ഹാഷിഷും എംഡിഎംഎയും ഉൾപ്പെടെ എത്തിക്കുന്നതിനെപ്പറ്റി കൂടുതൽ അന്വേഷണം തുടങ്ങി. ആരെല്ലാമാണ് സ്ഥിരമായി ഇതിന്റെ ആവശ്യക്കാർ എന്നതും അന്വേഷിക്കുന്നുണ്ട്.

അഭിനേതാക്കൾക്കും അണിയറപ്രവർത്തകർക്കുമടക്കം സിനിമ മേഖലയിലുള്ളവർക്കും ഡി ജെ പാർട്ടി നടത്തിപ്പുകാർക്കും അറിയപ്പെടുന്ന പ്രമുഖർക്കും വിലകൂടിയ മയക്കുമരുന്നുകൾ എത്തിച്ചു നൽകിയിരുന്ന അന്തർ സംസ്ഥാന മയക്കുമരുന്നു കടത്തൽ സംഘത്തിലെ പ്രധാനിയാണ് പിടിയിലായത്. വൻവില കൊടുത്ത് സിനിമാലോകത്ത് ഉൾപ്പെടെ പലരും വാങ്ങുന്ന എക്സ്റ്റസി (ഉന്മാദലഹരി) എന്ന വിളിപ്പേരുള്ള എംഡിഎംഎ ഉൾപ്പെടെയാണ് പിടികൂടിയിട്ടുള്ളത്.

കൊച്ചി കുമ്പളം ബ്ലായിത്തറ സനീഷിനെയാണ് (32) തന്ത്രപൂർവം കൊച്ചി കുണ്ടന്നൂരിൽ നിന്നും എക്‌സൈസ് സ്‌പെഷ്യൽ സ്‌ക്വാഡ് പിടികൂടിയത്. ക്രിസ്റ്റൽ രൂപത്തിലുള്ള 47 ഗ്രാം എംഡിഎംഎ, മൂന്നുഗ്രാം ദ്രവരൂപത്തിലുള്ള എംഡിഎംഎ, പതിനൊന്നുഗ്രാം കൊക്കെയിൻ, 230 ഗ്രാം ഹാഷിഷ്, ഇവ തൂക്കാനുപയോഗിക്കുന്ന മൊബൈൽ രൂപത്തിലുള്ള ത്രാസ്, അനുബന്ധ ഉപകരണങ്ങൾ, 12, 600 രൂപയും എക്‌സൈസ് സ്‌പെഷ്യൽ സ്‌ക്വാഡ് സി ഐ സജീ ലക്ഷ്മണന്റെ നേതൃത്വത്തിലുള്ള സംഘം ഇയാളിൽ നിന്നും കണ്ടെടുത്തു.

ഇയാൾ അധികൃതരോട് വെളിപ്പെടുത്തിയ വിവരങ്ങൾ ന്യൂജൻ സിനിമാക്കാർക്കിടയിൽ മയക്കുമരുന്ന് ഉപയോഗം വ്യാപകമാണെന്നുള്ള വാർത്തകൾ ശരിവയ്ക്കുന്നതാണെന്നാണ് ലഭ്യമായ വിവരം. സനീഷ് സഞ്ചരിച്ചിരുന്ന പതിനഞ്ചു ലക്ഷത്തോളം രൂപ വിലവരുന്ന ഹുണ്ടായ് ക്രേറ്റ കാറും അധികൃതർ കസ്റ്റഡിയിൽ എടുത്തു. പിടിച്ചെടുത്ത മയക്കുമരുന്നുകൾക്ക് അൻപത് ലക്ഷത്തോളം രൂപ വിലമതിക്കുമെന്നാണ് എക്‌സൈസ് സംഘത്തിന്റെ ഏകദേശ വിലയിരുത്തൽ. എക്‌സൈസ് ഇത്തരത്തിൽപ്പെട്ട മയക്കുമരുന്ന് പിടികൂടുന്നത് ഇത് ആദ്യമാണെന്നാണ് അധികൃതരുടെ സ്ഥരീകരണം.

ഡി ജെ പാർട്ടികളിൽ പങ്കെടുക്കുകയും എംഡിഎംഎ ഉപയോഗിക്കുകയും ചെയ്തിരുന്ന യുവാക്കളിൽ ചിലരെ രണ്ടാഴ്ചയോളം നീരീക്ഷിച്ചശേഷം ഇവരിൽ ഒരാളെ കസ്റ്റഡിയിൽ എടുക്കുകയും ഇയാളെക്കൊണ്ട് സനീഷിനെ വിളിച്ചുവരുത്തി കസ്റ്റഡിയിൽ എടുക്കുകയായിരുന്നെന്നാണ് എക്‌സൈസ് സംഘത്തിന്റെ വെളിപ്പെടുത്തൽ.

കൊക്കെയിനിനും ഹാഷീഷിനും ഗ്രാമിന് 5000 മുതൽ 6000 രൂപവരെയാണ് ചില്ലറ വിൽപ്പനക്കാർ ഉപഭോക്താക്കളിൽ നിന്നും ഈടാക്കുന്നത്. ക്രിസ്റ്റൽ രൂപത്തിലുള്ള എംഡിഎംഎ 100 മില്ലിഗ്രാമിന് 5000 മുതൽ 6500 രൂപവരെ ഇയാൾ ഈടാക്കിയിരുന്നെന്നും ഇതേ അളവിന് മോഹവില 11000 രൂപവരെ ഉണ്ടെന്നും ചെറിയ പഞ്ചസാര കട്ടയിൽ ഒരുതുള്ളി ദ്രവരൂപത്തിലുള്ള എംഡിഎംഎ ഒറ്റിച്ച് നൽകുമ്പോൾ ഇയാൾ 1500 രൂപവരെ വാങ്ങിയിരുന്നെന്നുമാണ് അധികൃതരോട് വെളിപ്പെടുത്തിയിട്ടുള്ളത്.

കിസ്റ്റൽ-ദ്രവരൂപത്തിലുള്ള എംഡിഎംഎ കുറഞ്ഞ അളവിൽ ഒരുതവണ ഉപയോഗിച്ചാൽ കെട്ടുവിടാൻ മൂന്ന് ദിവസമെങ്കിലും വേണ്ടിവരുമെന്നാണ് വെളിപ്പെടുത്തലെന്നും അധികൃതർ വ്യക്തമാക്കി. എംഡിഎംഎ ഉപയോഗിക്കുന്നത് ഏറെയും ഉന്നത സാമ്പത്തിക നിലവാരത്തിൽ കഴിയുന്നവരാണെന്നും സിനിമ ഷൂട്ടിങ് ലൊക്കേഷനുകൾ ഇയാളുടെ പ്രധാന വൽപ്പന കേന്ദ്രമായിരുന്നെന്നും ഉദ്യോഗസ്ഥ സംഘത്തിന് ബോദ്ധ്യപ്പെട്ടിട്ടുണ്ട്. ഉപഭോക്താക്കളെയും വിൽപ്പനക്കാരെയും കയ്യോടെ പിടികൂടുന്നതിന് ഇത്തരം കേന്ദ്രങ്ങൾ ശക്തമായി നിരീക്ഷിക്കുന്നതിനും അധികൃതർ കർമ്മപദ്ധതി തയ്യാറാക്കിയെന്നാണ് സൂചന.

രണ്ടാഴ്ച മുമ്പ് എക്‌സൈസ് ഡപ്യൂട്ടി കമ്മീഷണർ എം കെ നാരായണൻ കുട്ടിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ അസിസ്റ്റന്റ് എക്‌സൈസ് കമ്മീഷണർ ബെന്നി ഫ്രാൻസിസിന്റെ മേൽനോട്ടത്തിൽ നടന്ന അന്വേഷണമാണ് ഗോവ കേന്ദ്രീകരിച്ചുള്ള മയക്കുമരുന്ന് വിൽപ്പന സംഘത്തിലെ പ്രധാനിയായ ഇയാളെ കുടുക്കാൻ സഹായകമായത്. പ്രവന്റീവ് ഓഫീസർ എ എസ് ജയൻ,സി ഇ ഒ മാരായ കെ എം റോബി,സി എച്ച് റൂബിൻ,എൻ ബി ബിജു,പീ ബി ഷിബു,ഒ എസ് ജഗദീഷ് ,ദിനേഷ്‌കുമാർ,ഡ്രൈവർ സീ റ്റീ പ്രതീപ് എന്നിവരും അന്വേഷക സംഘത്തിൽ ഉൾപ്പെട്ടിരുന്നു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
'കാരവാൻ ഗൂഢാലോചന' തിയറി ദിലീപിന് തുണയാകുമോ? പൊലീസ് അന്വേഷണത്തിലെ ലൂപ്പ് ഹോളുകളിൽ പിടിച്ച് പ്രോസിക്യൂഷനെ സമ്മർദ്ദത്തിലാക്കി അഡ്വ. രാമൻ പിള്ള; കേസിൽ എന്തെങ്കിലും സത്യമുണ്ടെങ്കിൽ നേരത്തേ പണം കൊടുത്ത് ദിലീപ് കേസ് ഒതുക്കില്ലേയെന്നും ചോദ്യം; സുനി പറയുന്ന ഒന്നരക്കോടി കഥ പണത്തിന് വേണ്ടി: ജാമ്യാപേക്ഷയിൽ ഇന്ന് വാദം നീണ്ടത് നാല് മണിക്കൂർ
മാത്തൂർ ഭഗവതി ക്ഷേത്രത്തിന്റെ 34.68 ഏക്കർ ഭൂമി വിട്ടു കൊടുത്തിട്ട് പോരെ മിസ്റ്റർ തോമസ് ചാണ്ടി ഈ വിരവാദം ഒക്കെ മുഴക്കാൻ? വ്യാജ രേഖയുടെ അടിസ്ഥാനത്തിൽ തരപ്പെടുത്തിയ ഉടമസ്ഥാവകാശത്തെ ഹൈക്കോടതി പോലും അംഗീകരിക്കാത്തത് മറന്നു പോയോ? ഒരു സെന്റ് ഭൂമി കൈയേറിയെന്ന് തെളിയിച്ചാൽ എല്ലം ദാനം ചെയ്യുമെന്ന് പറഞ്ഞ മന്ത്രി ഈ ഭൂമിയെങ്കിലും വിട്ടു കൊടുക്കുമോ?
സമസ്താപരാധം പറഞ്ഞ് മാപ്പ് ചോദിക്കാമെന്ന് വമ്പൻ സ്രാവും മാഡവും; പൾസർ സുനിയുടെ രഹസ്യ മൊഴി പുറത്തുവരാതിരിക്കാനും ഭീഷണിയും കാലുപിടിത്തവും; വിവാഹജീവിതത്തിൽ കേസ് കല്ലുകടിയാവുമെന്ന ഉപദേശിക്കാൻ താരപ്രമുഖരിറങ്ങും; ഓണച്ചിത്രങ്ങളുടെ പേരു പറഞ്ഞ് മഞ്ജുവിനേയും സ്വാധീനിക്കാനും നീക്കം: ദിലീപിനെ രക്ഷിക്കാൻ കരുതലോടെ കരുനീക്കം
ആലുവയിൽ അഴിക്കുള്ളിലുള്ള ദിലീപ് ചെറുമീൻ മാത്രം; പിന്നിൽ നിന്ന് കളിച്ച വമ്പൻ സ്രാവ് സിദ്ദിഖെന്ന് സൂചന; മാഡത്തിന്റെ പേരും ഇന്ന് പുറംലോകം അറിയും; പൊലീസ് ചോദ്യം ചെയ്ത രണ്ട് പേരെ കുറിച്ച് ഊഹാപോഹങ്ങൾ; സിനിമാ ലോകത്തെ വെട്ടിലാക്കാൻ ഇന്ന് പൾസർ സുനിയുടെ കൂടുതൽ വെളിപ്പെടുത്തലുകൾ വരും; എല്ലാം പതിനൊന്ന് മണിയോടെ അറിയാമെന്ന് അഡ്വക്കേറ്റ് ആളൂർ
ചേട്ടൻ ജയിലിൽ നിന്നും പുറത്തിറങ്ങില്ലെന്ന് ഉറപ്പായതോടെ 5000കോടിയും ബിസിനസ്സ് സാമ്രാജ്യവും പിടിച്ചടക്കി അനിയൻ; പുറത്താക്കിയ മാനേജരെ തിരിച്ചെടുത്ത് കമ്പനി ഭരണം; ഭാര്യയ്ക്കും മകൾക്കും പോലും റോളൊന്നുമില്ല; ജയിൽ ഫോണിൽ നിന്നും വിളിച്ച് ഭീഷണിപ്പെടുത്തിയെന്ന നിസാമിനെതിരെയുള്ള പരാതിയുടെ പിന്നിലെ കഥ ഇങ്ങനെ
ഒരു ചാനലിൽ മറുനാടനെതിരെ പരാമർശം നടത്തിയതിന് വൈരാഗ്യം തീർക്കുകയാണെന്ന് ദിലീപ് കോടതിയിൽ; രമ്യാ നമ്പീശൻ അടക്കം എല്ലാ സാക്ഷികളും ആക്രമിക്കപ്പെട്ട നടിയുടെ സുഹൃത്തുക്കളാണ്; ലിബർട്ടി ബഷീറും ശ്രീകുമാറും ശത്രുക്കളാണ്; ജാമ്യാപേക്ഷയുമായി കോടതിയിൽ എത്തിയ ദിലീപ് മറുനാടൻ അടക്കമുള്ള മാധ്യമങ്ങൾക്കെതിരെ പരാതി ഉയർത്തി
ആ സംസാരിച്ച ശങ്കർദാസും മറുപടി പറഞ്ഞ ദീപയും വ്യാജന്മാർ! സ്റ്റേജിൽ കയറി അടിച്ച് തലമണ്ട ഉടയ്ക്കുമെന്ന് പറഞ്ഞത് റിക്കോർഡ് ചെയ്തു അറിയിക്കാൻ രാഹുൽ ഈശ്വറിന്റെ ഭാര്യയോട് ബിജെപി നേതാവ് പറയുന്ന ഓഡിയോ ആരുടെ കൂർമ്മ ബുദ്ധിയിൽ പിറന്നത്? ഹാദിയ-മദനി സന്ദർശനം നടത്തിയ രാഹുൽ ഈശ്വറിനെ വിടാതെ പിന്തുടർന്ന് വിവാദങ്ങൾ
ചില നടിമാർക്ക് പങ്കുള്ള കാര്യം തന്നോട് പറഞ്ഞിട്ടുണ്ട്; ആ പേരുകൾ സുനി തന്നെ വെളിപ്പെടുത്തട്ടെ; അഭിഭാഷക ധർമ്മനുസരിച്ച് താൻ അത് പുറത്തുപറയില്ല; പൾസറിനെ അങ്കമാലി കോടതിയിൽ കൊണ്ടുവരാത്തത് ഗൂഢാലോചന; യഥാർഥ പ്രതികളെ സംരക്ഷിക്കാൻ ഗൂഢാലോചനയെന്ന് ആളൂർ വക്കീൽ; വമ്പൻ സ്രാവിനേയും മാഡത്തേയും അറിയാൻ ഈ മാസം 30 വരെ കാത്തിരിക്കണം
അറ്റ്‌ലസ് മുതലാളി തീർത്തും അവശൻ; പാരവയ്‌പ്പും സ്വത്തുതട്ടൽ കളികളും അറിഞ്ഞ് മാനസികമായും തളർന്നു; എല്ലാ പ്രതീക്ഷയും നഷ്ടപ്പെട്ട് ഭാര്യ ഇന്ദിരയും: കടം തീർക്കാനുള്ള പണം നൽകാമെന്നു ബി ആർ ഷെട്ടി അറിയിച്ചിട്ടും രണ്ട് ബാങ്കുകൾ ഒത്തുതീർപ്പിന് തയ്യാറല്ല; അഴിക്കുള്ളിൽ തളച്ചിടുന്നതിനു പിന്നിൽ മലയാളി പ്രവാസിയുടെ ഇടപെടൽ; അറ്റ്‌ലസ് രാമചന്ദ്രന്റെ മോചനം നീളുന്നത് എന്തുകൊണ്ട്?
നാലു വയസ്സുകാരൻ മകനുമായി കാമുകനൊപ്പം ഒമാനിലേക്ക് കടന്നത് വെറുതെയായി; നീക്കം മണത്തറിഞ്ഞ ഭർത്താവ് പ്രവാസികളുടെ സഹായത്തോടെ കള്ളി പൊളിച്ചു; കേരളത്തിലേക്ക് തിരിച്ചയച്ച കാമുകീകാമുകന്മാരെ കരിപ്പൂരിൽ പറന്നിറങ്ങിയപ്പോൾ കസ്റ്റഡിയിലെടുത്ത് കേരളാ പൊലീസ്; തിരിച്ചെത്തിയ അമ്മയെ കെട്ടിപ്പിടിച്ച് കരഞ്ഞ് മൂത്തമകനും: തലശ്ശേരിയിൽ നിന്നൊരു ഒളിച്ചോട്ടക്കഥ ഇങ്ങനെ
മകളുടെ തലയിൽ കൈ വച്ച് സത്യം ചെയ്യുന്നത് കണ്ടപ്പോൾ ജനപ്രിയ നായകനെ വിശ്വസിച്ചു; അച്ഛനെ പുറത്താക്കിയ സംഘടന പിടിക്കുമെന്ന മകന്റെ ഭീഷണിയും കാര്യമായെടുത്തു; ദിലീപിന് ജാമ്യം കിട്ടിയ ശേഷം യോഗമെന്ന നിലപാടും തിരിച്ചടിച്ചു; മമ്മൂട്ടിയും ലാലും ഇന്നസെന്റും വമ്പൻ പ്രതിസന്ധിയിൽ; 'അമ്മ'യുടെ പ്രസക്തി ചോദ്യം ചെയ്ത് പൃഥ്വിരാജും: ഇങ്ങനെ പോയാൽ താരസംഘടന ഇല്ലാതാവും
നാല് വർഷത്തെ പ്രണയം; പിന്നെ അനൗദ്യോഗിക രജിസ്റ്റർ മാരീജ്; താര രാജാവിന്റെ ആദ്യ വിവാഹം അമ്മാവന്റെ മകളുമായി; മഞ്ജുവിന് വേണ്ടി ബന്ധം വേർപെടുത്താൻ ഇടനിലക്കാരായത് അമ്മയും സഹോദരങ്ങളും; നല്ല കാലത്തിന് വേണ്ടി വഴിമാറിക്കൊടുത്ത യുവതിയുടെ മൊഴിയെടുക്കാൻ പൊലീസ്; നടിയെ ആക്രമിച്ച കേസിലെ കുറ്റപത്രത്തിൽ ദീലീപ് മൂന്നാംകെട്ടുകാരനാകും
രാമലീലയുമായി നെട്ടോട്ടമോടി ടോമിച്ചൻ മുളകുപാടം; കമ്മാരസംഭവം പൂർത്തിയാക്കാനാവില്ലെന്ന തിരിച്ചറിഞ്ഞ് ഗോകുലം ഗോപാലൻ; നടിയും ഗായികയുമായ 'മാഡം' കൂടി കുടങ്ങിയാൽ പ്രതിസന്ധി ഇരട്ടിക്കും; കരുതലോടെ തീരുമാനമെടുക്കാനുറച്ച് ചാനലുകളും; ദിലീപിന് ജാമ്യം നിഷേധിച്ചത് വെള്ളിത്തിരയെ പിടിച്ചുലയ്ക്കുന്നത് ഇങ്ങനെ