1 aed = 17.67 inr 1 eur = 72.68 inr 1 gbp = 84.26 inr 1 kwd = 213.81 inr 1 sar = 17.31 inr 1 usd = 64.89 inr
May / 2017
24
Wednesday

കണ്ണൂരിൽ ആർഎസ്എസ് പ്രവർത്തകൻ കൊല്ലപ്പെട്ടതിൽ സി.പി.എം പ്രവർത്തകർ ആഹ്ലാദപ്രകടനം നടത്തിയിട്ടില്ല; എവിടെ നടത്തിയ പ്രകടനം എന്ന് ദൃശ്യം പുറത്തുവിട്ട കുമ്മനം രാജശേഖരൻ വ്യക്തമാക്കണം; വ്യാജ ദൃശ്യപ്രചരണം കൊണ്ടൊന്നും ആർഎസ്എസിന്റെ ഫാസിസ്റ്റ് മുഖം മായില്ലെന്ന് പി ജയരാജൻ മറുനാടനോട്

May 13, 2017 | 05:29 PM | Permalink



അർജുൻ സി വനജ്

കണ്ണൂർ: കണ്ണൂരിൽ ആർഎസ്എസ് മണ്ഡലം കാര്യവാഹക് കൊല്ലപ്പെട്ടതിൽ സന്തോഷം രേഖപ്പെടുത്തി സി.പി.എം പ്രവർത്തകർ ആഹ്ലാദപ്രകടനം നടത്തിയെന്ന പ്രചരണം ശുദ്ധ നുണയാണെന്ന് സി.പി.എം കണ്ണൂർ ജില്ലാ സെക്രട്ടറി പി ജയരാജൻ മറുനാടൻ മലയാളിയോട് പറഞ്ഞു. ഹിറ്റ്ലറുടെ ജർമ്മനിയിൽ എങ്ങനെയാണോ കമ്മ്യൂണിസ്റ്റ് വിരുദ്ധ നുണകൾ പ്രചരിപ്പിച്ചത്, അതേ പോലെ ആർഎസ്എസ് നടത്തുന്ന പ്രചാരണത്തിന്റെ ഒന്നാന്തരം ഉദാഹരണമാണ് ഇപ്പോൾ പ്രചരിക്കുന്ന ദൃശ്യങ്ങൾ. സി.പി.എം പാർട്ടിയുടെ ഔദ്യോഗിക നിലപാട് നേരത്തേ പറഞ്ഞിട്ടുണ്ട്. കൊലപാതകത്തെ അപലപിക്കുന്നു. കഴിഞ്ഞ സർവ്വകക്ഷി സമാധാന യോഗത്തിന് ശേഷം സി.പി.എം സംയമനം പാലിക്കുമ്പോൾ ആർ.എസ്.എസിന്റെ ഭാഗത്ത് നിന്നും നിരന്തരമായി പ്രകോപനം ഉണ്ടാവുകയാണ്. ഇന്നലെ കൊലപാതകം നടന്നതിന് ശേഷം പയ്യന്നൂർ, രാമന്തളി പ്രദേശത്ത് ആർഎസ്എസ് വ്യാപകമായി അക്രമണം അഴിച്ചു വിട്ടിരിക്കുകയാണ്. നിരവധി പാർട്ടി ഓഫീസുകൾക്ക് നേരെ അക്രമണം ഉണ്ടായി. ജയരാജൻ പറഞ്ഞു.

കൊലപാതകം നടത്തിയ യഥാർത്ഥ പ്രതികളെ ഉടൻതന്നെ അറസ്റ്റ് ചെയ്യണം എന്നു തന്നെയാണ് പാർട്ടി നിലപാട്. കണ്ണൂരിൽ നേരത്തെ ബിജെപി നേതാവ് സുശീൽ കുമാർ കൊല്ലപ്പെട്ടപ്പോഴും ആർഎസ്എസ് സമാനമായി നുണപ്രചരണം അഴിച്ചുവിടുകയുണ്ടായി. അന്ന് ഡിവൈഎഫ്ഐ ഓഫീസിലേക്ക് സംഘപരിവാർ മാർച്ച് നടത്തി. മാർച്ചിൽ സി.പി.എം നേതാക്കളുടെ പേരുകൾ വിളിച്ചാണ് കെ.സുരേന്ദ്രൻ ഭീഷണി മുഴക്കിയത്. പക്ഷെ പൊലീസ് അന്വേഷിച്ചപ്പോൾ പോപ്പുലർ ഫ്രണ്ട് പ്രവർത്തകരാണ് അക്രമം നടത്തിയത്. പാർട്ടി തള്ളിപ്പറഞ്ഞിട്ടുള്ള സംഭവത്തിലെ യഥാർത്ഥ പ്രതികളെ കണ്ടെത്തുകയാണ് വേണ്ടത്. അതിനുള്ള ശ്രമം പൊലീസ് ആരംഭിച്ചതായാണ് മനസ്സിലാക്കുന്നത്. അത്തരം സന്ദർഭത്തിൽ കൊലപാതകത്തിൽ ആഹ്ലാദം പ്രകടിപ്പിച്ച് പാർട്ടി ഗ്രാമത്തിൽ പ്രകടനം നടത്തിയെന്ന് പ്രചരിപ്പിക്കുന്നത്, അഖിലേന്ത്യാ തലത്തിൽ സി.പി.എം വിരുദ്ധ പ്രചരണം നടത്തുന്ന സംഘപരിവാർ അജണ്ടയുടെ ഭാഗമാണ്. ജയരാജൻ കൂട്ടിച്ചേർത്തു.

കേരളത്തിൽ സി.പി.എം അക്രമം എന്ന് പറഞ്ഞ് അഖിലേന്ത്യാ തലത്തിൽ, നേരത്തേ തന്നെ തയ്യാറാക്കിവെച്ച പ്രചരണ പരിപാടികളുടെ ഭാഗമാണ് ഈ വ്യാജ ദൃശ്യപ്രചരണം. അതുകൊണ്ടൊന്നും ആർ.എസ്.എസിന്റെ ഫാസിസ്റ്റ് മുഖം ജനങ്ങളുടെ മനസ്സിൽ നിന്ന് മായില്ല. അവർ നടത്തിയ നിഷ്ടൂരമായ കൃത്യങ്ങൾ ഒട്ടേറെയാണ്, ഗുജറാത്തിൽ നടത്തിയ കൂട്ടക്കൊലയുണ്ട്, സിപിഎമ്മിനെ വേട്ടയാടാൻ നടത്തിയ കൊലപാതകങ്ങളുണ്ട് അതൊന്നും പൊതുജനത്തിന് മറക്കാൻ ആവില്ല. നേരത്തെ ആർ.എസ്.എസിന്റെ ഭാഗമായി കൊലപാതകങ്ങൾ നടത്തിയിരുന്ന സംഘങ്ങൾ ഇപ്പോൾ ക്വട്ടേഷൻ സംഘമായി മാറിയിരിക്കുന്നുവെന്നാണ് ഇന്ന് ഒരു പ്രമുഖ പത്രം റിപ്പോർട്ട് ചെയ്തിരിക്കുന്നത്. സി.പി.എം ഒരു തരത്തിലുള്ള അക്രമങ്ങളേയും പ്രോത്സാഹിപ്പിക്കുന്നില്ല. കണ്ണൂരിൽ സമാധാനത്തിനുള്ള ശ്രമങ്ങളാണ് എല്ലാ വിഭാഗത്തിൽ നിന്നും വേണ്ടതെന്നും ജില്ലാ സെക്രട്ടറി ആവശ്യപ്പെട്ടു.

കുമ്മനം രാജശേഖരൻ ബിജെപി നേതാവായിരുന്നില്ലല്ലോ..? ആർഎസ്എസ് നിയോഗിച്ച സംഘപരിവാരത്തിന്റെ ബിജെപി നോമിനിയാണ് കുമ്മനം രാജശേഖരൻ. അദ്ദേഹം സംഘപരിവാരത്തിന്റെ നുണപ്രചരണത്തിന്റെ ഭാഗമായി എന്ന് മാത്രമേ കുമ്മനം ഈ ദൃശ്യങ്ങൾ സോഷ്യൽ മീഡിയയിൽ പ്രചരിപ്പിക്കുന്നതിലൂടെ ജനം കണക്കാക്കുകയുള്ളു. എവിടെ നടന്ന ആഹ്ലാദപ്രകടനത്തിന്റെ ദൃശ്യങ്ങളാണെന്ന് പ്രചരിപ്പിക്കുന്നവർ തന്നെ വ്യക്തമാക്കണമെന്നും ജയരാജൻ വെല്ലുവിളിച്ചു. ആർഎസ്എസ് പ്രവർത്തകന്റെ കൊലപാതകത്തിലുള്ള പാർട്ടിയുടെ നിലപാട് പാർട്ടി ജില്ലാ സെക്രട്ടറിയേറ്റും പാപ്പിനശ്ശേരി ഏരിയ നേതൃത്വവും കൃത്യമായി പറഞ്ഞിട്ടുണ്ട്. ജയരാജൻ വ്യക്തമാക്കി.

ഏതോ സ്ഥലത്ത് നിന്ന് നാസിക് ബാന്റ് സെറ്റ് കൊട്ടിക്കൊണ്ട് ആളുകൾ ഘോഷയാത്ര നടത്തുന്നു. അതിനെ കൊലപാതകവുമായി ബന്ധപ്പെടുത്തിക്കൊണ്ടുള്ള പ്രചരണ, വളരെ ആസൂത്രിതമായി സിപിഎമ്മിനെ കൊലയാളികളുടെ പാർട്ടിയാണ് എന്ന് വരുത്താനുള്ള ശ്രമത്തിന്റെ ഭാഗമാണ്. സി.പി.എം അനുഭാവികളായിട്ടുള്ളവർക്കെതിരെ കേസെടുത്തിട്ടുണ്ടോ എന്ന് എനിക്ക് അറിയുന്ന കാര്യമല്ല. സി.പി.എം പ്രവർത്തകരെ പൊലീസ് ഈ കേസിൽ അറസ്റ്റ് ചെയ്താൽ പാർട്ടി അത് സംബന്ധിച്ച കാര്യങ്ങൾ വ്യക്തമാക്കും. പി ജയരാജൻ മറുനാടൻ മലയാളിക്ക് അനുവദിച്ച പ്രത്യേക അഭിമുഖത്തിൽ പറഞ്ഞു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
TODAYLAST WEEKLAST MONTH
പുഴയിൽ കുളിച്ചു കയറിയ പതിനാറുകാരന് ആദ്യമുണ്ടായത് തലവേദന; കോട്ടയത്തെ ആശുപത്രിയിൽ വച്ചു മരണം; മണിമലയാറ്റിലെ കുളിക്കിടയിൽ പുഴവെള്ളത്തിൽ നിന്ന് മൂക്കിലൂടെയോ വായിലൂടെയോ ശരീരത്തിലെത്തിയത് അമീബിക് അണുബാധയുണ്ടാക്കിയതു മരണകാരണം; എരുമേലിയിലുണ്ടായത് ലോകത്തുതന്നെ അപൂർവമായ മരണം; നാടിനാകെ ദുരന്തമുന്നറിയിപ്പ്
വ്യാജ ഐഎഎസ് തെറിപ്പിക്കും, കൂട്ടുനിന്ന ഉദ്യോഗസ്ഥരും കുടുങ്ങും; എനിക്ക് കസേരയും പദവിയുമല്ല അഴിമതിക്കെതിരായ കുരിശുയുദ്ധമാണ് പ്രധാനം; മന്ത്രി മൊയ്തീന്റെ പ്രൈവറ്റ് സെക്രട്ടറി രാജാറാം തമ്പിയുടെ ഭാര്യയ്ക്ക് ജോലി നൽകിയത് ചട്ടവിരുദ്ധം; ബിജു പ്രഭാകറിനെതിരെ വെല്ലുവിളിച്ച് വർഷങ്ങൾക്ക് ശേഷം സ്വാമി താരമാകുന്നതിങ്ങനെ
സർജിക്കൽ സ്‌ട്രൈക്കിനു ശേഷവും പാഠം പഠിക്കാത്ത പാക്കിസ്ഥാന് കനത്ത തിരിച്ചടി നൽകി ഇന്ത്യ; രജൗരി, നൗഷേര മേഖലകളിലെ പാക് സൈനിക പോസ്റ്റുകൾ ഇന്ത്യൻ സൈന്യം ബോംബിട്ടു തകർത്തു; ആക്രമണത്തിന്റെ ദൃശ്യങ്ങളും പുറത്തുവിട്ടു; അപ്രതീക്ഷിത പ്രഹരത്തിൽ പകച്ച് പാക് സൈന്യം; വരും ദിവസങ്ങളിൽ കനത്ത ആക്രമണം തുടരാൻ തീരുമാനിച്ചുറപ്പിച്ച് ഇന്ത്യ
വീട്ടിൽ പട്ടിണി കിടക്കുമ്പോഴും പാലും പഴവും കഴിച്ച് സ്വാമി കൊഴുത്തു; അമ്മയും അച്ഛനും സ്വാമിയുടെ അടിമകളായപ്പോൾ മറ്റൊരു നിവൃത്തിയുമില്ലാതെ കിടക്ക വിരിക്കേണ്ടി വന്നു; പീഡനം അക്രമം ആയി മാറിയപ്പോൾ ഇനി മറ്റൊരു പെൺകുട്ടിക്കും ഈ ദുരന്തം ഉണ്ടാകാതിരിക്കാൻ ജനനേന്ദ്രിയം തന്നെ മുറിക്കാൻ ഉറച്ചു; പെൺകുട്ടി പൊലീസിനോട് വിവരിച്ചത് ഇങ്ങനെ
വഴിവിട്ട ബന്ധം ഭർത്താവ് ചൂണ്ടിക്കാട്ടിയപ്പോൾ അധികാരികൾ കണ്ണടച്ചു; അച്ചനെ സ്ഥലം മാറ്റിയിട്ടും പ്രണയം മൂത്തു; വാട്സ് അപ്പ് പ്രേമം മൂത്ത് രണ്ടു കുട്ടികളുടെ അമ്മ വികാരിയോടൊപ്പം വീടുവിട്ടിറങ്ങി; വൈദിക കുപ്പായമുപേക്ഷിച്ച് ഇറ്റലിയിലേക്ക് പറക്കാനുറച്ച് ഫാദർ സെബി വിതയത്തിൽ; ഇരിങ്ങാലക്കുട രൂപതയിൽ നിന്നൊരു പ്രണയകഥ
കടമായി നൽകിയ 20 ലക്ഷം തിരിച്ചു ചോദിച്ചത് പ്രശ്‌നമായി; വീട്ടുകാർ ഉറക്കമായപ്പോൾ കിടപ്പുമുറിയിലേക്ക് വിളിച്ചുവരുത്തി; ആപ്പിൾ മുറിക്കാനുള്ള കത്തി കഴുത്തിൽ ചേർത്ത് വഴങ്ങണമെന്ന് ഭീഷണിയും; പിടിവലിക്കൊടുവിൽ കത്തി കൈക്കലാക്കി ജനനേന്ദ്രിയത്തിൽ പിടിച്ച് കുറുകേ മുറിച്ചെന്ന് മൊഴി; ഗംഗേശാനന്ദ കോടിപതി ആയതിന്റെ പൊരുൾ തേടി പൊലീസ്
ബൈസൺ വാലിയിലെ 20 ഏക്കറിൽ സിമ്മിങ് പൂൾ അടങ്ങുന്ന ബംഗ്ലാവ്; ബെൻസും ലാൻസറും ഉൾപ്പടെ കൈയിലുള്ള ആഡംബര കാറുകൾ ആറെണ്ണം; ചിന്നക്കനാലിൽ 90 സെന്റ് പട്ടയത്തിന്റെ മറവിൽ കൈയേറിയത് 11 ഏക്കർ; ചൊക്രമുടിയിൽ കൈയേറിയ 50 ഏക്കറിൽ യൂക്കാലി കൃഷി; പട്ടിണി മൂലം ഒട്ടിയ വയറുമായി ഹൈറേഞ്ച് കയറിയ എം എം മണിയുടെ സഹോദരൻ ലംബോധരൻ വിലസുന്നത് മൂന്നാറിലെ രാജാവായി
ലൗ ജിഹാദിന്റെ സൂത്രധാരൻ; ഹിന്ദു ഹെൽപ്പ് ലൈനിന്റെ മുന്നണി പോരാളി; എസ് എൻ ഡി പി-ബിജെപി കൂട്ടുകെട്ടിന്റെ സൂത്രധാരൻ; കേരളാ ഹൗസിലെ ബീഫ് വിവാദം ആളിക്കത്തിച്ച് വിവാദ നായകൻ; കുമ്മനത്തെ അധ്യക്ഷനാക്കിയ തന്ത്രശാലി; വെള്ളാപ്പള്ളിക്കും അമൃതാന്ദമയിക്കും കരിമ്പൂച്ചകളെ ഒരുക്കിയ പ്രതീഷ് വിശ്വനാഥനെന്ന 'സൂപ്പർ പവറിന്റെ' കഥ
വി എസ് എന്ന് ദേഹത്ത് എഴുതി സിറ്റിയിലൂടെ ബൈക്ക് ഓടിച്ചു; ഹക്കിം ഷായെ വടിവാളു കൊണ്ടു വെട്ടിയെന്നും ആരോപണം; ഓംപ്രകാശും പുത്തൻപാലം രാജേഷും കൂട്ടുകാർ; കാക്കികുപ്പായം നൽകരുതെന്ന് വിലക്കി ഇന്റലിജൻസ്; ചെന്നിത്തല വിശാലനായപ്പോൾ സേനയിലെത്തി; കഞ്ചാവ് കേസിലൂടെ സിപിഎമ്മിലെ കണ്ണിലെ കരടായി; ജനനേന്ദ്രിയം തകർത്തപ്പോൾ സസ്‌പെൻഷനും; എസ് ഐ സമ്പത്തിന്റെ കഥ ഇങ്ങനെ
സോഷ്യൽ മീഡിയയിലൂടെ അപകീർത്തിപ്പെടുത്തിയെന്ന കേസിൽ മുൻകൂർ ജാമ്യം എടുത്ത് സ്റ്റേഷനിലേക്ക് പോയ യുവാവിനെ പരാതിക്കാരിയായ വീട്ടമ്മയുടെ നേതൃത്വത്തിലുള്ള ക്വട്ടേഷൻ സംഘം തട്ടിക്കൊണ്ടു പോയി; ക്രൂരമായി മർദ്ദിച്ച് മൊബൈൽ ഫോണും പണവും തട്ടിയെടുത്തത് പൊലീസ് സ്‌റ്റേഷനിൽ കൊണ്ടു പോയി വിലിച്ചെറിഞ്ഞു; അറസ്റ്റ് ചെയ്തില്ല എന്നു പറഞ്ഞ് പൊലീസിനെതിരെ ഫെയ്‌സ് ബുക്കിലൂടെ ലൈവായി കൊലവിളി