1 aed = 17.49 inr 1 eur = 71.93 inr 1 gbp = 81.74 inr 1 kwd = 212.54 inr 1 sar = 17.13 inr 1 usd = 64.56 inr
Jun / 2017
24
Saturday

യൂസഫലി നൽകിയ രണ്ട് കോടി രൂപ അടിച്ചുമാറ്റി സ്വന്തം ക്രെഡിറ്റിലാക്കി സംസ്ഥാന സർക്കാർ; പുറ്റിങ്ങൽ വെടിക്കെട്ട് ദുരന്തം മാറ്റാൻ പ്രവാസി വ്യവസായി നൽകിയ പണം ഇരകൾക്ക് നൽകാതെ സർക്കാറിന്റെ കള്ളക്കള്ളി; വെടിക്കെട്ട് ദുരന്തത്തിൽ എല്ലാം നഷ്ടമായവരുടെ പിച്ച ചട്ടിയിലെ കൈയിട്ടുവാരലിന്റെ രേഖകൾ പുറത്ത്; ലുലു ഗ്രൂപ്പ് കടുത്ത നിരാശയിൽ

November 01, 2016 | 02:18 PM | Permalink



അരുൺ ജയകുമാർ

തിരുവനന്തപുരം: സഹജീവികളോട് സ്‌നേഹം കൂടുതലുള്ള കൂട്ടത്തിലാണ് മലയാളികൾ. അതുകൊണ്ട് തന്നെ ഏതൊരു ദുരിതം ഉണ്ടായാലും എല്ലാവരും കൈമെയ് മറന്ന് സഹായിക്കാൻ എല്ലാവരും രംഗത്തെത്തെത്തും. മലയാളികളെ നടുക്കിയ പുറ്റിങ്ങൽ വെടിക്കെട്ട് ദുരന്തം ഉണ്ടായപ്പോഴും ഉടനടി സഹായ വാഗ്ദാനങ്ങളുമായി മലയാളികൾ മതവും രാഷ്ട്രീയവും മറന്നെത്തി. ഇക്കൂട്ടത്തിൽ ആദ്യം സഹായവാഗ്ദാനം പ്രഖ്യാപിച്ചത് പ്രമുഖ പ്രവാസി വ്യവസായി എം കെ യൂസഫലി ആയിരുന്നു. പുറ്റിങ്ങൾ വെടിക്കെട്ട് ദുരന്തത്തിലെ ഇരകൾക്ക് യൂസഫലി രണ്ട് കോടി രൂപയാണ് വാഗ്ദാനം ചെയ്തത്. വാഗ്ദാനം അദ്ദേഹം പാലിക്കുകയും ചെയ്തു. നേരിട്ട് സഹായധനം നൽകുന്നതിന് പുറമേ സർക്കാർ തന്നെ ഇരകളുടെ ബന്ധുക്കൾക്ക് പണം കൈമാറട്ടെ എന്നാണ് വിചാരിച്ചത്. ഇത് പ്രകാരം പണം അധികൃതരെ ഏൽപ്പിക്കുകയും ചെയ്തു. എന്നാൽ, യൂസഫലി നൽകിയ സഹായധനം സർക്കാർ അടിച്ചുമാറ്റി. ഈ പണം ഇരകൾക്ക് നൽകാതെ സർക്കാറിന്റെ സ്വന്തം ക്രെഡിറ്റിലാക്കി. എൽഡിഎഫ് സർക്കാറിന് നൽകിയ പണം ഇതുവരെ ഇരകളുടെ ബന്ധുക്കുൾക്ക് നൽകാത്തതിന്റെ കടുത്ത നിരാശയിലാണ് ലുലു ഗ്രൂപ്പും യൂസഫലിയും.

യൂസഫലി നൽകിയ പണം വകമാറ്റി സർക്കാർ ചെലവഴിച്ചു എന്നതിന്റെ വിശദാംശങ്ങളാണ് മറുനാടൻ മലയാളിക്ക് ലഭിച്ചത്. ഈ വിവാദത്തോട് പരസ്യ പ്രതികരണത്തിന് ലുലു ഗ്രൂപ്പ് തയ്യാറായിട്ടില്ല. എന്നാൽ പുറ്റിങ്ങൽ ദുരിത ബാധിതർക്ക് വേണ്ടിയാണ് യൂസഫലി പണം കൈമാറിയതെന്ന് ലുലു ഗ്രൂപ്പിലെ പ്രമുഖൻ മറുനാടനോട് പ്രതികരിച്ചു.

ദുരിതാശ്വാസങ്ങൾ നൽകാനാണ് മുഖ്യമന്ത്രിയുടെ ദുരിതാശ്വാസ നിധിയുള്ളത്. ഇതിലേക്ക് സുമനസ്സുകൾ സംഭവാന ചെയ്യാറുമുണ്ട്. യൂസഫലിയെ പോലുള്ള പ്രവാസികൾ തന്നെയാണ് ഈ ഫണ്ടിലും കാര്യമായ സഹായം നൽകുന്നത്. അടിയന്തരാവശ്യങ്ങൾ വരുമ്പോൾ ഈ ഫണ്ട് ഉപയോഗിക്കാറാണ് പതിവ്. എന്നാൽ എന്തെങ്കിലും ദുരിതമുണ്ടാകുമ്പോൾ ഏതെങ്കിലും വ്യവസായ പ്രമുഖൻ ആ പ്രത്യേക ആവശ്യത്തിന് പണം നൽകിയാൽ അത് മുഖ്യമന്ത്രിയുടെ ദുരിതാശ്വാസ നിധിയിലേക്ക് എടുക്കാറില്ല. പകരം വ്യവസായിയുടെ സഹായമെന്ന രീതിയിൽ നൽകുകയാണ് പതിവ്. ഇതാണ് പുറ്റിങ്ങൽ വെടിക്കെട്ടിലെ ദുരിതാശ്വാസ സഹായ വിതരണത്തിൽ തെറ്റുന്നത്.

വെടിക്കെട്ടപകടത്തിൽ മരിച്ചവരുടെ കുടുംബത്തിന് ഒരു ലക്ഷം രൂപ വീതവും പരിക്കേറ്റവരുടെ കുടുംബത്തിന് അമ്പതിനായിരം രൂപ വീതവുമാണ് ദുരിതാശ്വാസ സഹായമായി ലുലു ഗ്രൂപ്പ് പ്രഖ്യാപിച്ചത്. തെരഞ്ഞെടുപ്പു കാലമായതിനാൽ അന്ന് ഇരകൾക്കു വിതരണം ചെയ്യാനുള്ള തുക ലുലു ഗ്രൂപ്പു നൽകിയിരുന്നില്ല.

തെരഞ്ഞെടുപ്പിനുശേഷം എൽഡിഎഫ് സർക്കാർ അധികാരമേറ്റതിനു പിന്നാലെ 2 കോടി രൂപയുടെ ചെക്ക് ലുലു ഗ്രൂപ്പു കൈമാറിയിരുന്നു. എന്നാൽ മുഖ്യമന്ത്രിയുടെ ദുരിതാശ്വാസനിധിയിൽ നിന്നും ഇരകൾക്ക് പണം നൽകിയതിനാൽ ലുലു ഗ്രൂപ്പ് നൽകിയ പണം ഭാവി ആവശ്യങ്ങൾക്കായി മാറ്റിവച്ചതായാണ് കളക്ടർക്ക് ധനകാര്യ അഡീഷണൽ സെക്രട്ടറി അയച്ച കത്തിൽ പറയുന്നത്.

2016 ഏപ്രിൽ 10ന് നാടിനെ നടുക്കിയ വെടിക്കെട്ടപകടത്തിൽ 109 പേർ കൊല്ലപ്പെടുകയും 318 പേർക്ക് പരിക്ക് പറ്റുകയും ചെയ്തിരുന്നു. ലുലു ഗ്രൂപ്പ് പണം നൽകിയത് ഇരകൾക്ക് കൈമാറുന്നതിന് വേണ്ടിയാണ്. മരിച്ചവരുടേയും പരിക്കേറ്റവരുടേയും കൃത്യമായ ലിസ്റ്റ് എടുത്ത് ഇരകളുടെ കൈവശം നേരിട്ട് പണം എത്തിക്കുക അപ്രായോഗികമായതിനാലും സർക്കാർ സംവിധാനത്തിലൂടെയാകുമ്പോൾ അത് കൃത്യമായിരിക്കുമല്ലോ എന്ന വിശ്വാസത്തിലുമാണ് തുക സർക്കാറിന് കൈമാറിയതെന്നാണ് അന്വേഷണത്തിൽ മറുനാടൻ മലയാളിക്ക് മനസ്സിലായത്. എന്നാൽ ഈ തുക സർക്കാർ ധനസഹായത്തിന്റെ ഫണ്ടിലേക്ക് മാറ്റുകയാണ് ചെയ്തത്. ഫലത്തിൽ കൊട്ടിഘോഷിച്ച് സർക്കാരിന്റേതെന്ന അവകാശ വാദവുമായി നടത്തിയ ഫണ്ട് വിതരണത്തിലെ തട്ടിപ്പാണ് പുറത്തു വരുന്നത്.

 

അതോടൊപ്പം തന്നെ വലിയ അപകടമായതിനാൽ പരിക്കേറ്റവരുടെ എണ്ണം അന്ന് കൃത്യമായി തിട്ടപ്പെടുത്തിയിരുന്നുമില്ല. നൽകിയ രണ്ട് കോടിക്ക് പുറമേ അപകടത്തിലെ ഇരകളുടെ എണ്ണം വർദ്ധിച്ചാൽ കൂടുതൽ തുക നൽകാൻ തയ്യാറാണെന്നും ലുലു ഗ്രൂപ്പ് അധികൃതർ അറിയിച്ചിരുന്നു. എന്നാൽ പിന്നീട് പരിക്കേറ്റവരുടെ കൂടുതൽ വിവരങ്ങൾ കമ്പനി അധികൃതരെ അറിയിച്ചുമില്ല. ഇപ്പോൾ സർക്കാർ നൽകിയ രേഖയിൽ പറയുന്നത് അന്നത്തെ വെടിക്കെട്ടപകടത്തിൽ മരിച്ചവരുടെ കുടുംബത്തിന് സർക്കാരിൽ നിന്നും ആറ് ലക്ഷം രൂപ വീതവും ഗുരുതരമായി പരിക്കേറ്റവർക്ക് 2 ലക്ഷം രൂപയും നിസ്സാര പരിക്കേറ്റവർക്ക് അമ്പതിനായിരം നൽകിയിട്ടുണ്ടെന്നുമാണ്.

ലുലു ഗ്രൂപ്പ് ഡയറക്ടർ സർക്കാരിലേക്ക് നൽകിയ തുക ദുരിതാസ്വസ നിധിയിലേക്കുള്ള സംഭാവനയായി കണക്കാക്കുന്ന സാഹചര്യത്തിൽ ഭാവി ആവശ്യങ്ങൾക്ക് ഉപയോഗിക്കുന്നതാണ് എന്നും ധനകാര്യ അഡീഷണൽ ചീഫ് സെക്രട്ടറി വിശദീകരിക്കുന്നു. കൊല്ലം കളക്ടർക്കാണ് ഇതും സംബന്ധിച്ച വിശദാംശങ്ങൾ ധനവകുപ്പ് നൽകിയത്. പുറ്റിങ്ങൽ ദുരന്തവുമായി ബന്ധപ്പെട്ട് അമൃതാനന്ദമയീ മഠവും ധനസഹായം പ്രഖ്യാപിച്ചിരുന്നു. കഴിഞ്ഞ മാസം ഇതിന്റെ വിതരണം മഠം നടത്തുകയുണ്ടായി. ഇതോടെയാണ് എന്തുകൊണ്ടാണ് ലുലുവിന്റെ ധനസഹായം കിട്ടാത്തതെന്ന ചർച്ച പുറ്റിങ്ങൽ ദുരന്തത്തിന് ഇടയായവരിൽ ഉണ്ടായത്. ഇത് പരാതി രൂപത്തിൽ കളക്ടറുടെ മുന്നിലെത്തിയെന്നാണ് സൂചന.

 

ഇക്കാര്യത്തിൽ ധനവകുപ്പിനോട് വിശദീകരണം ചോദിക്കുകയും ചെയ്തു. ഇതിനുള്ള മറുപടിയിലാണ് ലുലുവിന്റെ പണം സർക്കാരെടുക്കുന്നുവെന്ന് വ്യക്തമാക്കുന്നത്. ഫലത്തിൽ അന്ന് സർക്കാർ നൽകിയ ദുരിതാശ്വാസത്തിൽ ലുലു ഗ്രൂപ്പ് നൽകിയ തുകയും ഉപയോഗിക്കുകയും പിന്നീട് അതേക്കുറിച്ച് യാതൊരു പരാമർശവും നടത്താതിരിക്കുകയെന്ന നെറികേടുമാണ് കാണിച്ചിരിക്കുന്നത്. ഇതുമായി ബന്ധപ്പെട്ട് കൂടുതൽ വിവരങ്ങൾ ലഭിക്കുന്നതിനായി കൊല്ലം കളക്ടറേറ്റുമായി ബന്ധപ്പെട്ടെങ്കിലും വിവരാവകാശമായി രേഖകൾക്ക് അപേക്ഷ നൽകാനാണ് കളക്‌റ്റ്രേറ്റിൽ നിന്നും ലഭിച്ച നിർദ്ദേശം.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
സ്വത്തിലെ തർക്കം തുടങ്ങിയത് നടന്റെ വിവാഹ മോചനത്തിന് ശേഷം; ആവശ്യപ്പെട്ടത് സംവിധായക സുഹൃത്തിന്റെ പേരിൽ എല്ലാം തിരികെ എഴുതിക്കാൻ; മുൻ ഭാര്യയ്ക്ക് മാത്രമേ നൽകൂവെന്ന് പറഞ്ഞത് വൈരാഗ്യമുണ്ടാക്കി; പൾസർ സുനിയുടെ വെളിപ്പെടുത്തലുകളുടെ വഴിയേ നടിയുടെ മൊഴിയും; നടിയെ ആക്രമിച്ച കേസ് അന്വേഷണം ബംഗളുരുവിലെ ഭൂമി ഇടപാടുകളിലേക്ക്
എന്നെ വിശ്വസിച്ച് നടിയെ ആക്രമിച്ച അഞ്ചുപേരെ എനിക്കു സേഫാക്കണം; ദിലീപിന്റെ ശത്രുക്കളും നടിയുടെ ആളുകളും എന്നെ വന്നു കാണുന്നുണ്ട്; ജയിലിലായ എന്റെ കാര്യങ്ങൾ അന്വേഷിക്കാൻ ഒരു വക്കീലിനെയെങ്കിലും വിടാമായിരുന്നു; ഇനിയും വിശ്വസിക്കണമെങ്കിൽ 300 രൂപ മണിയോർഡർ അയയ്ക്കുക; ഇനി എല്ലാം ആലോചിച്ച് ചെയ്യണമെന്ന് പൾസർ സുനി ദിലീപിനു നൽകിയ കത്തു പുറത്ത്
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ആൺസുഹൃത്തിനെ മർദ്ദിച്ച് വിരട്ടിയോടിക്കും; പെൺകുട്ടിയെ മലമുകളിലെ രഹസ്യകേന്ദ്രത്തിലെത്തിച്ച് കാമകേളി; എതിർത്താൽ കരണത്തടിയും പീഡനവും; എല്ലാം കഴിഞ്ഞാൽ ഭക്ഷണവും വണ്ടിക്കൂലിയും; ഭൂതത്താൻകെട്ടിലെ ചതിക്കുഴിയിൽ വീഴുന്നതിൽ ഏറെയും കാമുകീകാമുകന്മാർ; എല്ലാം അറിഞ്ഞിട്ടും കണ്ണും കാതും തുറക്കാതെ പൊലീസും വനംവകുപ്പും
സൂപ്പർതാരത്തിന്റെ ചോദ്യം ചെയ്യലിനും അറസ്റ്റിനും വഴിയൊരുങ്ങുന്നു; ഗൂഢാലോചനയിലെ രഹസ്യങ്ങൾ എണ്ണിയെണ്ണി പറഞ്ഞ് ആക്രമിക്കപ്പെട്ട സൂപ്പർ നടി; സംവിധായകനേയും നടനേയും സംശയ നിഴലിൽ നിർത്തി എഡിജിപി സന്ധ്യ അന്വേഷണം തുടങ്ങി; പൾസർ സുനിയുടെ പുതിയ വെളിപ്പെടുത്തൽ മലയാള സിനിമയെ പ്രതിസന്ധിയിലാക്കും; മഞ്ജുവാര്യരുടെ നീക്കങ്ങൾ ലക്ഷ്യത്തിലേക്ക്
വാടക കൊടുക്കാൻ പോലും എന്റെ കൈയിൽ പണമില്ല; എന്റെ ഭർത്താവിനെ എങ്ങനെ രക്ഷപ്പെടുത്തണമെന്ന് എനിക്കൊരു പിടിയുമില്ല; 21 മാസം മുമ്പ് പൊലീസ് കൊണ്ടു പോയപ്പോൾ മുതൽ തുടരുന്ന കാത്തിരിപ്പ്; ഒരു ബിസിനസ്സിലും ഇന്നേവരെ ഇടപെട്ടിട്ടില്ലാത്ത ഞാനും ഏത് നിമിഷവും ജയിലിലാകും; രണ്ട് കൊല്ലം കൊണ്ട് എല്ലാം നശിച്ച് ആകെ തളർന്നു പോയ അറ്റ്‌ലസ് രാമചന്ദ്രന്റെ ഭാര്യ മനസ്സ് തുറക്കുന്നു
മാതൃഭൂമി കാർട്ടൂണിൽ മുന്തി നിൽക്കുന്നത് കുമ്മനത്തിന്റെ കറുത്ത നിറം; ട്രോളുകളിൽ സൂപ്പർ കറുത്ത നായർ പ്രയോഗം; ഡെക്കാൺ ക്രോണിക്കൾ എഡിറ്റർ കളിയാക്കാൻ ഉപയോഗിച്ചത് നായയോട് ഉപമിച്ച്; പ്രധാനമന്ത്രിക്കൊപ്പം യാത്ര ചെയ്ത കുമ്മനത്തെ പുരോഗമനം നടിക്കുന്നവർ പോലും അധിക്ഷേപിക്കുന്നത് വംശീയ വിദ്വേഷത്തോടെ
ഇന്റർവ്യൂവിനിടെ 'ഇൻഷാ അള്ളാ' എന്ന് പറഞ്ഞതോടെ നോട്ടപ്പുള്ളിയായി; ഇസ്ലാം മതം സ്വീകരിക്കാനും മുസ്ലിം യുവാവിനെ വിവാഹം ചെയ്യാനും നിർബന്ധിപ്പിച്ചത് നൗഫൽ കുരുക്കൾ; അച്ഛനും അമ്മയും കാഫിറുകളാണെന്ന് പറഞ്ഞു വിശ്വസിപ്പിച്ചു; കേസായപ്പോൾ എങ്ങനെ പൊലീസിനോട് സംസാരിക്കണമെന്ന് പോലും പോപ്പുലർ ഫ്രണ്ടുകാർ പഠിപ്പിച്ചു; ആയിഷയായ മാറിയ കഥ പറഞ്ഞ് ആതിര
നോട്ട് പിൻവലിക്കൽ ചരിത്രപരമായ മണ്ടത്തരമെന്ന മന്മോഹൻ സിംഗിന്റെ വാക്കുകൾ അച്ചട്ടായി! ഇന്ത്യയുടെ സാമ്പത്തിക വളർച്ചാ നിരക്ക് എട്ട് ശതമാനത്തിൽ നിന്നും 6.1 ശതമാനമായി ഇടിഞ്ഞു; മോദി നഷ്ടമാക്കിയത് ലോകത്തിലെ അതിവേഗം വളരുന്ന സമ്പദ് വ്യവസ്ഥയെന്ന ബഹുമതി; സാമ്പത്തികവിദഗ്ധൻ കൂടിയായ മുൻ പ്രധാനമന്ത്രിയുടെ വാക്കിന്റെ വില തിരിച്ചറിഞ്ഞ് രാജ്യം
കനത്ത പൊലീസ് സുരക്ഷയിൽ റംസാൻ നോമ്പുനോറ്റ് ഒറ്റയ്ക്ക് കഴിയും; പകൽ മുഴുവൻ മുറിയടച്ച് പ്രാർത്ഥന മാത്രം; ഇസ്‌ളാം മതം സ്വീകരിക്കാതെ മാതാപിതാക്കളോടും സംസാരിക്കില്ലെന്ന് വാശി; സന്ധ്യയ്ക്ക് നിലവിളക്ക് കൊളുത്തുന്നതും തടഞ്ഞു; പുറത്ത് ഒരു ഡിവൈഎസ്‌പിയുടെ നേതൃത്വത്തിൽ അനേകം പൊലീസുകാരുടെ തോക്കേന്തിയ കടുത്ത കാവൽ; മാതാപിതാക്കൾക്ക് ഒപ്പം പോയ ഹാദിയയെ തേടി മറുനാടൻ ലേഖകൻ പോയപ്പോൾ
നടിയെ അക്രമിക്കാൻ ക്വട്ടേഷൻ കൊടുത്തത് മെഗാതാരമെന്ന് മൊഴി; തൃശൂരിൽ നിന്ന് കൊച്ചിയിലേക്കുള്ള യാത്രാ വിവരങ്ങൾ കൈമാറിയത് പ്രമുഖ സംവിധായകനും; മിമിക്രി താരത്തിനെതിരെയുള്ള ആരോപണം പണം തട്ടാനുള്ള തന്ത്രമാണോ എന്നും പരിശോധിക്കും; പൾസർ സുനിയുടെ വെളിപ്പെടുത്തലുകളിലെ മറുനാടൻ റിപ്പോർട്ടുകൾ ശരിവച്ച് ഇന്ത്യാ ടുഡേയും
ഷാപ്പു പൊന്നമ്മ ഊരിക്കൊടുത്ത വളയുമായി അലഞ്ഞുനടന്ന് അമേരിക്കയിൽ എത്തി കോടീശ്വരനായ വരുൺ ചന്ദ്രൻ കൈരളി ചാനലിന്റെ അവാർഡ് വാങ്ങി നടത്തിയ പ്രസംഗം പച്ചക്കള്ളമോ? കടം കയറി നാടുവിട്ടെന്നു മകൻ പറഞ്ഞ അമ്മ സൗദിയിൽ ഗദ്ദാമയായി പണിയെടുക്കുന്നു; മമ്മൂട്ടിയുടെ പ്രത്യേക പുരസ്‌കാരം നേടി മുകേഷിനെയും ജോൺ ബ്രിട്ടാസിനെയുമൊക്കെ വരുൺ പച്ചയ്ക്കു പറ്റിച്ചോ? മാതൃദുഃഖത്തിന്റെ നൊമ്പരപ്പെടുത്തുന്ന റിപ്പോർട്ട് മറുനാടൻ പുറത്തുവിടുന്നു