1 aed = 17.64 inr 1 eur = 73.79 inr 1 gbp = 83.98 inr 1 kwd = 212.76 inr 1 sar = 17.13 inr 1 usd = 64.34 inr

Jul / 2017
20
Thursday

ജയിലിൽ കിടന്ന് അവൻ പ്രശ്‌നമുണ്ടാക്കുന്നു; എങ്ങനെയും നിശബ്ദനാക്കി പ്രശ്‌നം പരിഹരിക്കണം; നടനെ കേസിൽ കുടുക്കിയത് രഹസ്യ നമ്പറിൽ നിന്നുള്ള ഈ ഫോൺ വിളി; ജനപ്രിയ നായകനെ അഴിക്കുള്ളിലാക്കിയത് റിയൽ എസ്റ്റേറ്റ് ഇടപാടിലെ പ്രിയ തോഴനുമായുള്ള സംഭാഷണം; 'പാലാ തമ്പി'യിലൂടെ ദിലീപിലേക്ക് പൊലീസ് എത്തിയത് ഇങ്ങനെ

July 16, 2017 | 12:42 PM | Permalink



മറുനാടൻ മലയാളി ബ്യൂറോ

കൊച്ചി: നടി ആക്രമിക്കപ്പെട്ട കേസിലെ ഗൂഢാലോചനയിൽ ദിലീപിനെ കുടുക്കിയത് പാലാ തമ്പിയെന്ന വിശ്വസ്തൻ. കൊച്ചയിലെ റിയൽ എസ്റ്റേറ്റ് ഇടപാടുകാരിൽ പ്രധാനിയാണ് പാലാ തമ്പി. ദിലീപുമായി ആത്മബന്ധമുള്ള വ്യക്തി. ദിലീപിന്റെ പല ഇടപാടുകളും ചെയ്തിരുന്നത് ഈ സുഹൃത്തായിരുന്നു. കേസിൽ ദിലീപിനെ ബന്ധപ്പിക്കാനുള്ള നിർണ്ണായക തെളിവായി മാറിയതും പാല തമ്പിയാണെന്നാണ് സൂചന. പാലാ തമ്പിയെ കണ്ടെത്താനായതാണ് നടി ആക്രമിക്കപ്പെട്ട കേസിൽ അതിനിർണ്ണായക തുമ്പായി പൊലീസിന് മാറിയത്. പാലാ തമ്പി കാര്യങ്ങൾ എല്ലാം പറഞ്ഞതോടെ പൊലീസ് പൾസർ സുനിയെ നിരീക്ഷിക്കാൻ തുടങ്ങി. ഇതോടെയാണ് ദിലീപിലേക്ക് കാര്യങ്ങൾ കോർത്തിണക്കാനുള്ള തെളിവ് പൊലീസിന് കിട്ടിയത്.

കേസിൽ ആദ്യ കുറ്റപത്രം നൽകിയതോടെയാണ് ദിലീപിനെ പ്രശ്‌നങ്ങൾ പിന്തുടരാൻ തുടങ്ങുന്നത്. കുടുങ്ങുമെന്ന് ഉറപ്പായ പൾസർ സുനി ദിലീപിനെ ബന്ധപ്പെട്ടു. വിഷ്ണുവിലൂടെ ആദ്യ കത്തും എത്തി. ഇതോടെ ദിലീപിന് കാര്യങ്ങളുടെ കിടിപ്പ് മനസ്സിലായി. എങ്ങനേയും പൾസറിനെ നിശബ്ദമാക്കാൻ തീരുമാനിച്ചു. ഇതിന് വേണ്ടി നടത്തിയ നീക്കമാണ് കുരുക്കായത്. ദിലീപിന് അതിരഹസ്യമായി ഉപയോഗിക്കുന്ന ഫോൺ സ്വന്തമായുണ്ട്. അതി വിശ്വസ്തരെ മാത്രമേ ബന്ധപ്പെടാറുള്ളൂ. ഈ നമ്പർ പൊലീസിന് അറിയാമായിരുന്നു. പൾസർ സുനിയുടെ ഭീഷണി മറികടക്കാൻ ഈ ഫോൺ ദിലീപ് ഉപയോഗിച്ചു. അതായത് ജയിലിലുള്ള സുനി പ്രശ്‌നമുണ്ടാക്കുമെന്ന് ഭയന്നപ്പോൾ രഹസ്യ നമ്പരിൽ നിന്ന് പാലാ തമ്പിയിലേക്ക് ഒരു കോൾ പോയി. കത്ത് പുറത്തായ ശേഷം ദിലീപിന്റെ ഫോണിൽ നിന്ന് പോയ കോളുകളെല്ലാം പൊലീസ് പരിശോധിച്ചു. ഈ അന്വേഷണത്തിൽ നിന്ന് കാര്യങ്ങൾ പാലാ തമ്പിയിലേക്ക് എത്തി.

പൊലീസ് അപ്പോൾ തന്നെ പാലാ തമ്പിയെ പൊക്കുകയും ചെയ്തു. അതായത് മാസങ്ങൾ മുമ്പ് തന്നെ കേസിൽ ദിലീപിനെ ബന്ധിപ്പിക്കാനുള്ള നിർണ്ണായക തെളിവ് പൊലീസിന് ലഭിച്ചിരുന്നു. തമ്പിയെ പൊക്കിയത് ദിലീപ് അറിഞ്ഞതുമില്ല. ഈ ചോദ്യം ചെയ്യലിൽ കാര്യങ്ങളെല്ലാം തമ്പി പൊലീസിനോട് സമ്മതിച്ചു. പൾസർ സുനിയെ നിശബ്ദനാക്കാൻ വേണ്ടത് ചെയ്യണമെന്ന നിർദ്ദേശമാണ് ദിലീപ് നൽകിയതെന്ന് തമ്പി തുറന്നു പറഞ്ഞു. ഈ അന്വേഷണത്തെ കുറിച്ച് ഇതിനിടെയിൽ ദിലീപും മനസ്സിലാക്കി. ദിലീപിന്റെ വെൽകം ടു സെൻട്രൽ ജയിൽ എന്ന സിനിമയിൽ ചില പൊലീസുകാരും അഭിനയിച്ചിരുന്നു. ഇതിൽ ഒരാളാണ് ദിലീപിന് അന്വേഷണ വിവരം ചോർത്തി നൽകി. ഇതോടെയാണ് അന്ന് ഡിജിപിയായിരുന്ന ലോക്‌നാഥ് ബെഹ് റയ്ക്ക് സുനിയുടെ ഭീഷണിയിൽ പാരാതി നൽകിയത്. ഇതും പൊലീസ് ഉദ്യോഗസ്ഥന്റെ ബുദ്ധിയായിരുന്നു.

പാലാ തമ്പിയെ പൊലീസ് പിടികൂടിയത് അന്ന് ദിലീപ് അറിഞ്ഞിരുന്നില്ല. പൾസർ സുനിക്കെതിരായ പരാതിക്കാരനായി മാറിയാൽ കേസിൽ നിന്ന് ഊരിപ്പോകാമെന്നും കരുതി. ഈ പ്രതീക്ഷയാണ് പൊലീസ് തെറ്റിച്ചത്. പാലാ തമ്പിയിലൂടെ ദിലീപിന്റെ റിയൽ എസ്റ്റേറ്റ് ബന്ധങ്ങളും പൊലീസ് മനസ്സിലാക്കി. അങ്ങനെ കുരുക്കുകൾ മുറുകി. കൊച്ചിയിൽ റിയൽ എസ്‌റ്റേറ്റുകർക്ക് പ്രിയങ്കരനായ ഗുണ്ടാ നേതാവാണ് പാലാ തമ്പി. മറ്റൊരു പൾസർ സുനി. എന്നാൽ കുറ്റകൃത്രങ്ങളിൽ നേരിട്ട് പങ്കെടുക്കാത്തതിനാൽ ഗുരുതര സ്വഭാവമുള്ള കേസുകളൊന്നും പാലാ തമ്പിയുടെ പേരിൽ ഇല്ല. എങ്കിലും കൊച്ചയിലെ കൊച്ചു രാജാവാണ് പാലാ തമ്പി. എല്ലാ ഇടപാടുകളും തമ്പിയിലൂടെയാണ് നടക്കുന്നത്. ചുരുങ്ങിയ കാലം കൊണ്ട് ദിലീപിന്റെ ഗുഡ് ബുക്കിൽ ഇടം നേടിയ വിശ്വസ്തൻ.

കുടുംബാംഗങ്ങളും സുഹൃത്തുക്കളുമല്ലാത്തവരെ വിളിക്കാനായിരുന്നു ദിലീപ് രഹസ്യ നമ്പർ ഉപയോഗിച്ചിരുന്നത്. അന്വേഷണ ഉദ്യോഗസ്ഥർ ഈ നമ്പറിലെ ഫോൺ രേഖകൾ വിശദമായി പരിശോധിക്കുന്നതിനിടയിലാണ് സ്വകാര്യ ആവശ്യങ്ങൾക്കായി മറ്റൊരു നമ്പർ ഉപയോഗിക്കുന്നുണ്ടെന്ന് കണ്ടെത്തിയത്. സ്വന്തം നമ്പറിൽ നിന്നുള്ള ഫോൺവിളിയുടെ വിശദാംശങ്ങൾ പരിശോധിക്കുന്നതിനിടയിലാണ് വേറെ നമ്പർ ഉപയോഗിക്കുന്നുണ്ടോയെന്ന സംശയം ബലപ്പെട്ടത്. രഹസ്യ നമ്പറിലേക്ക് വഴി തെളിയിച്ചത് അങ്ങനെയായിരുന്നു. അതിലെ രേഖകൾ പരിശോധിച്ചപ്പോഴാണ് പാലാ തമ്പിയെ ബന്ധിപ്പിക്കുന്ന നിർണ്ണായക വിവരങ്ങൾ ലഭിച്ചത്. ഈ ഫോണിൽ നിന്ന് കുടുംബാഗമല്ലാത്ത പാലാ തമ്പിക്ക് എന്തിന് ഫോൺ വിളി പോയെന്ന സംശയമാണ് ദിലീപിനെ കുടുക്കിയത്.

ഇതിനൊപ്പം പൾസറിനെ അറിയില്ലെന്ന് ആദ്യം മുതലേ ദിലീപ് പറഞ്ഞു കൊണ്ടിരുന്നു. പാലാ തമ്പിയുമായുള്ള ഫോൺ സംഭാഷണം പോലും പൊലീസിന്റെ കൈയിലുണ്ടെന്നാണ് സൂചന. അതിനിടെയാണ് ജോർജ്ജേട്ടൻസ് പൂരത്തിലെ ഫോട്ടോ പുറത്തുവന്നത്. കേസിലെ ഗൂഢാലോചനയ്ക്കു ദൃക്സാക്ഷികളായ രണ്ടു പേരുടെ രഹസ്യമൊഴിയെടുത്തു. കേസിൽ അറസ്റ്റിലായ മുഖ്യപ്രതി പൾസർ സുനിയും നടൻ ദിലീപും തമ്മിൽ ഗൂഢാലോചന നടത്തിയതിനു ദൃക്ഷ്സാക്ഷികളായവരുടെ മൊഴിയാണ് രേഖപ്പെടുത്തിയത്. ഗൂഢാലോചനയെക്കുറിച്ച് കൂടുതൽ തെളിവുകൾ ഉറപ്പിക്കാനാണ് പൊലീസ് നീക്കം. തൃശ്ശൂർ സ്വദേശികളായ രണ്ടു പേരുടെ മൊഴിയാണ് രേഖപ്പെടുത്തിയത്. കാലടി കോടതിയിലാണ് ഇവരുടെ രഹസ്യമൊഴി രേഖപ്പെടുത്തിയത്.

ജോർജ്ജേട്ടൻസ് പൂരം' സിനിമുടെ ഷൂട്ടിങ്ങ് ലൊക്കേഷനിൽ ഇരുവരെയും ഒരുമ്മിച്ച് കണ്ടവരാണ് ഇവർ. കേസിൽ ഗൂഢാലോചനക്കുറ്റം തെളിയിക്കാൻ രഹസ്യമൊഴി നിർണായകമാകും. ജോർജ്ജേട്ടൻസ് പൂരം ചിത്രീകരണ വേളയിൽ  2016-17 നവംബർ 13 നു തൃശ്ശൂർ ടെന്നീസ് ക്ലബിൽ നിർത്തിയിട്ട കാരവൻ വാഹനത്തിന്റെ മറവിൽ ദിലീപും സുനിയും സംസാരിക്കുന്നത് കണ്ടെന്നും സാക്ഷിമൊഴിയുണ്ട്. അതേസമയം പൾസർ സുനിയുടെ ആദ്യ അഭിഭാഷകൻ പ്രതീഷ് ചാക്കോയെയും ദിലീപിന്റെ സഹായി അപ്പുണ്ണിയേയും കണ്ടെത്താനുള്ള ശ്രമങ്ങൾ പൊലീസ് ഊർജ്ജിതമാക്കി. ഇവരും സുനിയും ദിലീപും തമ്മിലെ ബന്ധത്തിന് തെളിവുകളായി മാറുമെന്നാണ് പൊലീസിന്റെ പ്രതീക്ഷ.

കേസിൽ ഗൂഢാലോചന ദിലീപിൽ മാത്രം ചുമത്താനാണ് പൊലീസ് നീക്കം. നടിയെ ആക്രമിച്ച് ദൃശ്യങ്ങൾ നൽകിയത് ദിലീപ് നേരിട്ടാണ് എന്ന നിലയിലാണ് പൊലീസ് കുറ്റപത്രത്തിൽ ചൂണ്ടിക്കാട്ടുന്നതെന്നാണ് സൂചന. ക്വട്ടേഷൻ നൽകിയതുമുതൽ ഈ കൃത്യത്തിൽ പങ്കാളികളായതു ദിലീപും സുനിയും മാത്രമാണ്. എന്നാൽ പിന്നീട് സുനിക്കു പണം നൽകി ഒത്തു തീർപ്പിനു ശ്രമം നടത്തിയത് ദിലീപിന്റെ മാനേജരായ അപ്പുണ്ണിയാണെന്നും കുറ്റപത്രത്തിൽ പറയുമെന്നും സൂചനകളുണ്ട്. ഇതേസമയം അപ്പുണ്ണി അറസ്റ്റിലാകും മുൻപ് ജാമ്യം നേടാൻ ദിലീപ് ശ്രമം തുടങ്ങിയതായാണ് വിവരം. മജിസ്ട്രേട്ട് കോടതി ജാമ്യപേക്ഷ തള്ളിയ സാഹചര്യത്തിൽ ഹൈക്കോടതിയിലേയ്ക്കും സുപ്രീംകോടതിയിലേയ്ക്കും നീങ്ങാൻ ഒരുങ്ങുകയാണ് പ്രതിഭാഗം.

യുവനടി ആക്രമിക്കപ്പെട്ട സംഭവത്തെ 'ഇന്ത്യയിലെ ആദ്യ റേപ്പ് ക്വട്ടേഷൻ എന്നാണ് ദേശീയമാധ്യമങ്ങൾ ഉൾപ്പെടെ വിശേഷിപ്പിച്ചത്. അപൂർവങ്ങളിൽ അപൂർവമായ പീഡനകേസാണിതെന്ന് നിയമവൃത്തങ്ങൾ വിലയിരുത്തുന്നു. കേസിൽ പതിനൊന്നാം പ്രതിയായ ദിലീപിനെ രണ്ടാം പ്രതിയാക്കിയേക്കുമെന്നാണ് കുറ്റപത്രം. ക്വട്ടേഷനുള്ള അഡ്വാൻസ് തുക സുനിക്ക് നൽകിയത് കണ്ടെടുക്കാൻ പൊലീസ് അന്വേഷണം വ്യാപിപിച്ചു.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
രാജി സന്നദ്ധത അറിയിച്ച് കുമ്മനം രാജശേഖരൻ; മെഡിക്കൽ കോഴയിലെ അന്വേഷണ റിപ്പോർട്ട് ചോർന്നതിൽ സംസ്ഥാന പ്രസിഡന്റിന് കടുത്ത അമർഷം; അധ്യക്ഷ പദം ഒഴിയുമെന്ന് അറിയിച്ചത് ആർഎസ്എസ് നേതൃത്വത്തെ; രാജിവയ്ക്കില്ലെന്ന നിലപാടിൽ എംടി രമേശും ആർ എസ് വിനോദും; പാർട്ടി ഗ്രൂപ്പ് പോരിൽ അമിത് ഷായ്ക്ക് പൂർണ്ണ അതൃപ്തി; കേരളാ ബിജെപി ഘടകം പൊട്ടിത്തെറിയിലേക്ക്
ഏഷ്യാനെറ്റ് ശ്രമിച്ചത് കുമ്മനത്തിന്റെ പ്രതിച്ഛായ തകർക്കാനോ? ലക്ഷ്യമിടുന്നത് ചാനൽ മുതലാളിയുടെ കേന്ദ്ര മന്ത്രിപദം ഉറപ്പാക്കലെന്ന് വിലയിരുത്തൽ; മെഡിക്കൽ കോഴ റിപ്പോർട്ട് ചോർന്നതിലെ ഗൂഢാലോചന ആർഎസ്എസും അമിത് ഷായും അന്വേഷിക്കും; ഗ്രൂപ്പിസം അതിരുവിടുന്നതിൽ മോദിക്കും നീരസം; കേരളത്തിലെ വിവാദത്തിൽ വെട്ടിലാകുന്നത് കേന്ദ്ര സർക്കാർ
ജനപ്രിയതാരം കാർണിവല്ലിൽ മുറി ബുക്ക് ചെയ്തത് ഒത്തുതീർപ്പ് ചർച്ചയ്ക്ക്; കാവ്യയെ ചോദ്യം ചെയ്യില്ലെന്ന് ഉറപ്പാക്കാനുള്ള മാനസികാവസ്ഥ മുതലെടുത്ത് കെണിയൊരുക്കി; ഉന്നതനുമായി നീക്കുപോക്കുണ്ടാക്കാനെത്തിയ താരത്തെ കുടുക്കിയത് തന്ത്രങ്ങളിലൂടെ; അത്താണിയിലെ മാധ്യമ സ്ഥാപനത്തിന്റെ ഗസ്റ്റ് ഹൗസ് സാക്ഷ്യം വഹിച്ചത് സിനിമയെ വെല്ലുന്ന തിരക്കഥയ്ക്ക്; ദിലീപ് അറസ്റ്റിലായതിന് പിന്നിലെ കഥ ഇങ്ങനെ
പൾസർ സുനി ആദ്യം തട്ടിക്കൊണ്ട് പോയി ആക്രമിച്ചത് കാവ്യയുടെ കൂട്ടുകാരിയെ; പ്രശ്‌നം പറഞ്ഞു തീർത്തതിൽ താര സംഘടനയുടെ പങ്കും അന്വേഷണ പരിധിയിൽ; കിളിരൂരിലെ വിവാദ നിർമ്മാതാവിനെതിരെ മൊഴികൊടുക്കാൻ ലോഹിയുടെ നായിക തയ്യാർ; നടിയുടെ അടുത്തു ചെന്ന് കാര്യങ്ങൾ തിരക്കാൻ പൊലീസ്: 'അമ്മ'യെ കുടുക്കാൻ വീണ്ടും വനിതാ കൂട്ടായ്മ
ഭരണഘടന പ്രകാരം പുറത്താക്കാനാവില്ലെന്ന് മമ്മൂട്ടി; സിനിമകൾ കൂവി തോൽപ്പിച്ചപ്പോൾ ഈ ഭരണഘടന എവിടെ പോയെന്ന് മറുചോദ്യം? ഞാൻ നൽകിയ പരാതികൾ ചവറ്റുക്കൂട്ടയിൽ കളഞ്ഞില്ലേ? എല്ലാം ഇനി മാധ്യമങ്ങളോട് പറഞ്ഞോളമാമെന്നും ഭീഷണി; ഇറങ്ങി പോകാൻ തുനിഞ്ഞപ്പോൾ സ്‌നേഹത്തോടെ കൈപിടിച്ച് തടഞ്ഞ് മോഹൻലാൽ; ദിലീപിനെ 'അമ്മ'യിൽ നിന്ന് പുറത്താക്കിയത് പൃഥ്വി രാജിന്റെ സൂപ്പർ ഇടപെടൽ; താര സംഘടന പിളരാത്തതിന്റെ രഹസ്യകഥ ഇങ്ങനെ
എന്റെ അച്ഛനെ പുറത്താക്കിയ സംഘടന പിടിച്ചെടുക്കും; നടന്മാർക്കും നടിമാർക്കും പെരുമാറ്റച്ചട്ടം കൊണ്ടു വരും; കൂവി തോപ്പിക്കലും തിയേറ്ററിലെ ഹോൾഡ് ഓവറും അനുവദിക്കില്ല; ഉറച്ച തീരുമാനവുമായി പൃഥ്വി രാജ്; ചെറുക്കാൻ സൂപ്പർതാരങ്ങളും; താരങ്ങൾക്കിടയിൽ ചേരിതിരിവ് രൂക്ഷം; 'അമ്മ' പിടിച്ചെടുക്കാൻ ഉറച്ച് യുവതാരങ്ങളും വനിതാ കൂട്ടായ്മയും
ദിലീപിന്റെ അക്കൗണ്ടിൽ നിന്ന് വൻതുക ഒരു അഭിനയേത്രിയുടെ അക്കൗണ്ടിലേക്ക് മാറ്റി; ഇടപാട് കൊച്ചിയിൽ നടി ആക്രമിക്കപ്പെട്ട ശേഷം; മാർച്ചിലെ കോടികളുടെ ബിനാമി ഇടപാട് കണ്ടെത്തിയത് എൻഫോഴ്‌സ്‌മെന്റ്; കണ്ടില്ലെന്ന് നടിച്ച് അന്വേഷണ സംഘവും; ഗൂഢാലോചന കേസിനിടെയിലെ സാമ്പത്തിക അന്വഷണത്തിൽ ഭയന്നു മലയാള സിനിമാ ലോകം
മഞ്ജുവുമായുള്ള വിവാഹമോചനത്തോടെ കലാഭവൻ മണിയുമായി തെറ്റി; സൂപ്പർ താരത്തിന്റെ മൂന്നാറിലെ ഇടപാടുകൾ വൈരാഗ്യം കൂട്ടിയോ? മണിയുടെ മരണത്തിൽ ദിലീപിനെതിരെ ആരോപണമുന്നയിച്ചത് കോഴിക്കോടുകാരിയായ നടി; ബൈജു കൊട്ടാരക്കര നൽകിയ ഫോൺ സംഭാഷണം ഗൗരവത്തോടെ എടുത്ത് സിബിഐ; ഇടുക്കി ജാഫറും തരികിട സാബുവും സംശയ നിഴലിൽ തന്നെ; പാടിയിലെ മരണത്തിലെ നേര് പുറത്തുവരുമോ?
ജനപ്രിയതാരം കാർണിവല്ലിൽ മുറി ബുക്ക് ചെയ്തത് ഒത്തുതീർപ്പ് ചർച്ചയ്ക്ക്; കാവ്യയെ ചോദ്യം ചെയ്യില്ലെന്ന് ഉറപ്പാക്കാനുള്ള മാനസികാവസ്ഥ മുതലെടുത്ത് കെണിയൊരുക്കി; ഉന്നതനുമായി നീക്കുപോക്കുണ്ടാക്കാനെത്തിയ താരത്തെ കുടുക്കിയത് തന്ത്രങ്ങളിലൂടെ; അത്താണിയിലെ മാധ്യമ സ്ഥാപനത്തിന്റെ ഗസ്റ്റ് ഹൗസ് സാക്ഷ്യം വഹിച്ചത് സിനിമയെ വെല്ലുന്ന തിരക്കഥയ്ക്ക്; ദിലീപ് അറസ്റ്റിലായതിന് പിന്നിലെ കഥ ഇങ്ങനെ
പ്രധാനനടി വസ്ത്രം മാറുന്നത് ഒളിഞ്ഞു നോക്കിയപ്പോൾ നിന്നെ തലകീഴായി കുനിച്ചു നിർത്തിയത് ഓർമ്മയുണ്ടോ? അവന്റെ കൈയൊന്നു തെറ്റിയാൽ നീ ഈ ഭൂമിയിൽ ഓർമ്മ മാത്രമായേനേ; അന്നും നീ ഒരു ക്വട്ടേഷൻ നൽകി ഒരു ജീവനെടുത്തു; 20 കൊല്ലം മുമ്പ് നടൻ ദിലീപ് ചെയ്ത ഒരു ക്രൂരകൃത്യം വെളിപ്പെടുത്തി സിനിമാ പ്രവർത്തകന്റെ പോസ്റ്റ്
അന്വേഷണം കാവ്യാമാധവന്റെ അടുത്ത ബന്ധുവിലേക്ക്; 'മാഡത്തെ' കുറിച്ചുള്ള സംശയങ്ങൾ പൊലീസിന് തീരുന്നു; ഫെനി ബാലകൃഷ്ണന്റെ മൊഴിയെടുക്കുന്നത് വ്യക്തമായ തെളിവ് കിട്ടിയതിനാൽ; കാക്കനാട്ടെ ലക്ഷ്യയിലേയും ദിലീപിന്റെ ഭാര്യാ വീട്ടിലേയും റെയ്ഡ് ലക്ഷ്യമിടുന്നത് യാഥാർത്ഥ പ്രതിയെ കുരുക്കാൻ: കാവ്യയുടെ അമ്മയെ ചോദ്യം ചെയ്യും
പൾസർ സുനി ആദ്യം തട്ടിക്കൊണ്ട് പോയി ആക്രമിച്ചത് കാവ്യയുടെ കൂട്ടുകാരിയെ; പ്രശ്‌നം പറഞ്ഞു തീർത്തതിൽ താര സംഘടനയുടെ പങ്കും അന്വേഷണ പരിധിയിൽ; കിളിരൂരിലെ വിവാദ നിർമ്മാതാവിനെതിരെ മൊഴികൊടുക്കാൻ ലോഹിയുടെ നായിക തയ്യാർ; നടിയുടെ അടുത്തു ചെന്ന് കാര്യങ്ങൾ തിരക്കാൻ പൊലീസ്: 'അമ്മ'യെ കുടുക്കാൻ വീണ്ടും വനിതാ കൂട്ടായ്മ
നടി ആക്രമിക്കപ്പെട്ട കേസിൽ ദിലീപ് അറസ്റ്റിൽ; ഗൂഢാലോചനക്കേസിൽ വ്യക്തമായ തെളിവുകൾ കിട്ടിയത് പൾസർ സുനിയെ വിശദമായി ചോദ്യംചെയ്തതോടെ; ഒരു വർഷം മുമ്പുതന്നെ ആസൂത്രണം തുടങ്ങി; നേരത്തെ സംസ്ഥാനത്തിന് പുറത്തുവച്ചും ആക്രമിക്കാൻ ശ്രമം നടന്നതായി വിവരം; മലയാളസിനിമയ്ക്ക് നാണക്കേടുണ്ടായ സംഭവത്തിൽ ഒടുവിൽ സൂപ്പർസ്റ്റാർ വലയിൽ