1 usd = 64.70 inr 1 gbp = 90.35 inr 1 eur = 79.54 inr 1 aed = 17.62 inr 1 sar = 17.25 inr 1 kwd = 216.10 inr

Feb / 2018
26
Monday

കൊള്ളപലിശയ്ക്ക് പണം കടം കൊടുത്ത് ലക്ഷങ്ങൾ സമ്പാദിച്ചു; വിദേശത്ത് പണം തരാത്തവരെ ഗുണ്ടാ സംഘങ്ങളെ ഉപയോഗിച്ച് നാട്ടിൽ പിടിച്ചു; യുകെയിൽ താമസിക്കുന്ന മലയാളിയെ നാലു മാസത്തേക്ക് ജയിലിൽ അടച്ച് ബ്രിട്ടീഷ് കോടതി; ബാങ്ക് അക്കൗണ്ടിൽ എത്തിയ ഇരുപതു കോടിയോളം രൂപ കണ്ട് ഞെട്ടിത്തരിച്ച് ജഡ്ജി

May 16, 2017 | 12:21 PM | Permalink



പ്രത്യേക ലേഖകൻ

ലണ്ടൻ: യുകെ മലയാളികൾക്കിടയിലെ ഏറ്റവും വലിയ സാമ്പത്തിക തിരിമറി നടത്തിയ കോട്ടയം സ്വദേശിയായ യുവാവ് ജയിലിലായി. യുകെ മലയാളികൾക്കിടയിൽ പലിശക്കാരൻ കൊമ്പൻസ്രാവായി വിലസുകയും റിക്രൂട്ട്‌മെന്റും സിനിമ നിർമ്മാണവും വിസ പുതുക്കലും അടക്കം സർവ്വ മേഖലകളിലും പണം ഉണ്ടാക്കാൻ ഉപയോഗിച്ച ബാസിൽഡണിൽ താമസിക്കുന്ന സിജോ സെബാസ്റ്റ്യൻ ആണ് വെള്ളിയാഴ്ച അഴിക്കുള്ളിലായത്. അഞ്ച് വർഷത്തോളമായി യുകെ മലയാളികൾക്കിടയിൽ പണം പലിശക്ക് കൊടുത്തു കച്ചവടം പൊലിപ്പിച്ചതിന്റെ പേരിലാണ് സിജോ അകത്തായത്.

സൗത്ത് എൻഡ് ക്രൗൺ കോർട്ടാണ് സിജി സെബാസ്റ്റ്യനെ വെള്ളിയാഴ്ച നാലു മാസത്തെ തടവിന് വിധിച്ചത്. വിധി വന്ന ഉടൻ സിജോയെ പൊലീസ് അറസ്റ്റ് ചെയ്തു ജയിലിൽ അടക്കുകയും ചെയ്തു. യുകെയിലെ നിയമം അനുസരിച്ച് 12 മണിക്കൂർ ആണ് ഒരു ജയിൽ ദിവസം എന്നതിനാൽ സിജോയ്ക്ക് രണ്ടു മാസം ശിക്ഷ അനുഭവിച്ച ശേഷം ജയിലിൽ നിന്ന് പുറത്തു വരാം. വിദേശത്തുകൊള്ളപ്പലിശയ്ക്ക് പണം നൽകുകയും ഇത് യഥാസമയം നൽകാത്തവരെ നാട്ടിൽവച്ച് ഗുണ്ടാസംഘങ്ങളെ ഉപയോഗിച്ച് പിടികൂടി വൻതുകകൾ വസൂലാക്കുകയും ചെയ്യുന്നുവെന്ന ആക്ഷേപവും ഉയർന്നിരുന്നു.

പലിശയ്ക്ക് പണം വാങ്ങിയവരുടെ വീട്ടിൽ കയറി ഭീഷണി പെടുത്തുന്നത് അടക്കമുള്ള കാര്യങ്ങളിൽ പരാതി ഉയർന്നെങ്കിലും പണം വാങ്ങിയവർ ആരും പരാതിപ്പെടാതിരുന്നതോടെയാണ് സിജോയുടെ ശിക്ഷ ചെറുതാകാൻ കാരണമായതെന്നാണ് വിവരം. ചിട്ടി ഫണ്ട് കേരളത്തിൽ നിയമപരമാണ് എന്നതും പണം വാങ്ങിയ ആർക്കും പരാതി ഇല്ല എന്നതും പരിഗണിച്ചുവെന്നു കോടതി പറഞ്ഞു.

എന്നാൽ അനധികൃതമായി പണ ഇടപാട് നടത്തുന്നത് യുകെയിൽ നിയമവിരുദ്ധമായതിനാൽ ബാങ്ക് അക്കൗണ്ട് വിവരങ്ങൾ വച്ച് അതിനുള്ള ശിക്ഷ മാത്രമാണ് കോടതി വിധിച്ചത്. യുകെയിലെ മലയാളി സമൂഹത്തിൽ വളരെ മാന്യമായ പദവിയാണ് സിജോയ്ക്കുള്ളത് എന്നു വാദത്തിനിടയിൽ ഉന്നയിച്ചതും ശിക്ഷ ചെറുതാകാൻ കാരണമായി. ഇക്കാര്യം ജഡ്ജി വിധിയിൽ എടുത്തു പറഞ്ഞു. ബാങ്ക് അക്കൗണ്ടിൽ ഇരുപതുകോടിയോളം എത്തിയെന്നതിനാൽ ഇടപാടുകളുടെ വൈപുല്യം കോടതിയേപ്പോലും അമ്പരപ്പിച്ചു.

കഴിഞ്ഞ ആറേഴു വർഷമായി മലയാളി ബിസിനസുകാർക്കിടയിലും മറ്റും സാമ്പത്തിക തിരിമറി നടത്തിയിരുന്ന ഇയാൾക്കെതിരെ പല തവണ വഞ്ചിക്കപ്പെട്ടവർ മറുനാടൻ മലയാളിക്ക് വിവരം നൽകിയിരുന്നെങ്കിലും പൊലീസ് കേസിന്റെ അഭാവത്തിൽ വാർത്ത പുറത്തു വിടാൻ സാധിക്കാതെ വരുക ആയിരുന്നു. പരാതി പെട്ടാൽ അനധികൃത സാമ്പത്തിക ഇടപാടിന്റെ പേരിൽ അവരും പ്രതിചേർക്കപ്പെടും എന്നു സിജോ പറഞ്ഞു ധരിപ്പിച്ചു വച്ചതുകൊണ്ടാണ് ഇങ്ങനെ സംഭവിച്ചത്. എന്നാൽ ഇല്ലീഗൽ മണി ലീഡിങ് എന്ന കുറ്റം തെളിഞ്ഞതോടെ സിജോ ശിക്ഷിക്കപ്പെടുക ആയിരുന്നു.

രജിസ്‌ട്രേഷൻ ഇല്ലാതെ പലിശക്ക് പണം നൽകൽ നിയമ വിരുദ്ധമായ രാജ്യത്തു വൻതുകയുടെ ഇടപാടുകളാണ് ഇയാൾ നടത്തിയിരുന്നതെന്നു കോടതിയിൽ ബോധിപ്പിക്കപ്പെട്ടു. അതിനിടെ യുകെയിലെ സംഘടനാ രംഗത്ത് അടക്കമുള്ള പല പ്രമുഖരുടെയും പണം ഇയാൾ കൈകാര്യം ചെയ്തിരുന്നതായി സൂചന ലഭിച്ചു.

ഇടത്താവളമാക്കിയത് സംഘടനാ നേതാവിന്റെ ഓഫീസ്

യുകെ മലയാളികൾക്കിടയിലെ ഒരു പ്രമുഖ സംഘടനാ നേതാവിന്റെ ഓഫീസ് ആണ് ഇയാൾ ഇടത്താവളമായി ഉപയോഗിച്ചിരുന്നതും. ആത്മീയ കാര്യങ്ങളിലും സംഘടനാ കാര്യങ്ങളിലും യുകെ മലയാളികൾക്കിടയിൽ സജീവ സാന്നിധ്യമായ ഈ നേതാവിന്റെ പേരിലാണ് ഇയാൾ തന്റെ പലിശ കച്ചവടത്തിന് സൽപ്പേരുണ്ടാക്കിയത് എന്ന ആരോപണം സജീവമാണ്. എന്നാൽ ഈ നേതാവിന് ഇയാളുടെ ബിസിനസ്സുമായി എന്തെങ്കിലും ബന്ധം ഉണ്ട് എന്നു തെളിയിക്കുന്ന രേഖകൾ ഒന്നും ഇപ്പോൾ ലഭ്യമല്ല. ഒട്ടേറെ തവണ ഇയാൾ പണം തിരിച്ചു കൊടുക്കാനുള്ളവരുടെ മധ്യസ്ഥനായതായി ഇരയായ പലരും വെളിപ്പെടുത്തിയിട്ടുണ്ട്.

ബാസിൽഡനിലെ റാഫേൽസിൽ താമസക്കാരനായ സിജോ സെബാസ്റ്റ്യൻ എന്നയാൾ ചുരുങ്ങിയത് ഒരു മില്യൺ പൗണ്ടിന്റെ അനധികൃത പണമിടപാട് നടത്തി എന്ന കേസിലാണ് സൗത്തെന്റ് മജിസ്‌ട്രേറ്റ് കോടതി ഇയാളെ ജയിൽ ശിക്ഷക്ക് വിധിച്ചത്. കുടിയേറ്റ സമൂഹത്തിൽ ഉള്ളവരുടെ സാമ്പത്തിക കഷ്ടപ്പാടിൽ ഇയാൾ തന്ത്രപൂർവം വലവിരിക്കുക ആയിരുന്നു എന്നാണ് കോടതി കണ്ടെത്തുന്നത്.

പലിശ പണം കൊടുക്കുന്നതിനൊപ്പം ചിട്ടിയിൽ പണം ഇറക്കിയാണ് ഇയാൾ ബിസിനസ് വിപുലപ്പെടുത്തിയതെന്നും ഇതിൽ കേരളത്തിൽ വ്യാപകമായി ഉപയോഗത്തിലുള്ള പണ വിക്രയ മാർഗം ആണെന്നും കോടതിയിൽ ബോധിപ്പിക്കപ്പെട്ടിരുന്നു. ചിട്ടി നടത്തിപ്പ് കേരളത്തിൽ നിയമ വിധേയമായി നടക്കുന്ന ഒന്നാണെന്ന് കോടതിയെ ധരിപ്പിക്കാനും പ്രതി ഭാഗത്തിന് കഴിഞ്ഞതായി പ്രമുഖ ബ്രിട്ടീഷ് മാധ്യമങ്ങൾ റിപ്പോർട്ട് ചെയ്യുന്നു. ഒരു പക്ഷെ ഇതാകാം ശിക്ഷ കാലാവധി നാലു മാസമായി ചുരുങ്ങാനും കാരണമായത്.

എന്നാൽ അഞ്ചു വർഷം കൊണ്ട് അനധികൃതമായി നടത്തിയ പണമിടപാടിൽ നിന്നും സിജോ ഏറ്റവും ചുരുങ്ങിയത് 3. 25 ലക്ഷം ലാഭമായി കണ്ടെത്തിയിട്ടുണ്ടെന്നും പ്രോസിക്യൂഷൻ അഭിഭാഷകൻ ലീ ബെന്നെറ്റ് വാദിച്ചു. മാത്രമല്ല എട്ടു ബാങ്ക് അക്കൗണ്ടുകളിലായി രണ്ടു മില്യണിലേറെ പൗണ്ടാണ് സിജോ കൈകാര്യം ചെയ്തത്. എന്നാൽ ഈ തുകയിൽ എത്രത്തോളം കള്ളപ്പണം എത്തി എന്ന് തെളിയിക്കാനാകില്ലെന്നു പ്രോസിക്യൂഷൻ സൂചിപ്പിച്ചു. കാരണം ഇയാൾ നടത്തിയിരുന്ന ടാക്‌സി കമ്പനിയുടെയും സിനിമ നിർമ്മാണ കമ്പനിയുടെയും കണക്കുകളും ഈ അക്കൗണ്ടുകൾ വഴിയാണ് നിയന്ത്രിച്ചിരുന്നത്.

കയ്യിൽ വന്നു ചേർന്ന പണം വൻ പലിശക്കു നൽകുന്ന ബിസിനസാക്കി മാറ്റിയാണ് സിജോ കളം നിറഞ്ഞത്. എന്നാൽ 2012 മുതൽ 2015 വരെയുള്ള നാലു വർഷക്കാലയളവിൽ തനിക്കു നികുതി അടക്കേണ്ട വെറും 29000 പൗണ്ടിന്റെ ബിസിനസ് മാത്രമേ ഉണ്ടായിരുന്നുള്ളു എന്നാണ് ഇയാൾ കോടതിയെ ബോധിപ്പിച്ചത്. എന്നാൽ ഇക്കാലത്തു തന്നെ കോടികൾ വാരിയെറിഞ്ഞ ഒരു മലയാള സിനിമ ലണ്ടനിൽ ചിത്രീകരണം നടന്നപ്പോൾ ഇയാൾ അതിന്റെ മുൻനിരയിൽ നിന്നിരുന്നു.

എന്നാൽ പിന്നീട് ഇയാൾ തനിക്കു ഈ സിനിമയുമായി യാതൊരു ബന്ധവും ഇല്ലെന്നു വ്യക്തമാക്കുകയും ചെയ്തു. പൊതുവെ യുകെ മലയാളികളുടെ ജീവിത ശൈലിയെയും നേഴ്‌സുമാരെ അപകീർത്തി പെടുത്തുംവിധം കളിയാക്കാനായി മോശമായി നിർമ്മിച്ച ആ പടം എട്ടു നിലയിൽ പൊട്ടുകയും ചെയ്തു. അടുത്തിടെ സോക്റ്റാലൻഡിൽ ഇതേ സിനിമ ടീം തന്നെ വീണ്ടും എത്തിയിരുന്നെങ്കിലും റിലീസാകാത്ത ആ ചിത്രത്തിൽ ഇയാളുടെ റോൾ എത്രയുണ്ടെന്ന് വ്യക്തമല്ല.

അതേ സമയം കള്ളന് കഞ്ഞി വച്ചവന് കൂട്ട് നിന്നാലും നാറും എന്ന പഴമൊഴി ഓർമ്മിപ്പിച്ചു യുക്മയുടെ പേരും കോടതിയിൽ എത്തി. സമൂഹത്തിൽ മാന്യൻ ആണെന്ന് കാണിച്ചാൽ കോടതി ശിക്ഷ നടപടികളിൽ നിന്ന് ഒഴിവാക്കും എന്ന ധാരണയിലാകും യുക്മയുടെ പേര് അനവധ്യമായി ഈ കേസിൽ വലിച്ചിഴക്കപ്പെട്ടത് എന്ന് വ്യക്തമാണ്. ബാസിൽഡൺ മലയാളി അസോസിയേഷനിലും യുകെ ഈസ്റ്റ് ആംഗ്ലിയ മലയാളി കമ്മ്യൂണിറ്റി (യുക്മ റീജിയൻ) യിൽ ഇയാൾ പ്രമുഖനായിരുന്നു എന്നാണ് കോടതിയിൽ ബോധിപ്പിക്കപ്പെട്ടിരിക്കുന്നതെന്നു പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു.

എന്നാൽ ഇയാൾ യുക്മയുടെ ഏതെങ്കിലും ഉത്തരവാദിത്തപ്പെട്ട പദവിയിൽ ഇരുന്നതായി ഇതുവരെ വ്യക്തമല്ല. മാത്രമല്ല, കലാമേള (ഫെസ്റ്റിവൽ എന്ന വാക്കിലൂടെയാണ് കോടതിയിൽ തെറ്റിദ്ധരിപ്പിക്കൽ നടന്നിരിക്കുന്നത്) അടക്കം ഉള്ള പരിപാടികളിൽ ഇയാളുടെ 'സേവനം'' ഉണ്ടായിട്ടുണ്ടെന്നും കോടതിയിൽ ബോധിപ്പിച്ചത് വഴി യുകെ മലയാളികളുടെ കേന്ദ്ര സംഘടനയെ പലിശക്കാരന്റെ ശിക്ഷ കുറപ്പിക്കാൻ ദുരുപയോഗം ചെയ്തുവെന്ന നാണക്കേടും മലയാളി സമൂഹത്തിന്റെ തിരുനെറ്റിയിൽ ചാർത്തപ്പെട്ടിരിക്കുകയാണ്.

സിജോ സെബാസ്റ്റ്യന് വൻ പിഴയും കോടതി വിധിച്ചേക്കുമെന്ന് സൂചനയുണ്ട്. സിജോയുടെ സ്വത്തുക്കൾ വിലയിരുത്തിയ ശേഷം ആയിരിക്കും പിഴ വിധിക്കുക. മുൻപ് ലിവർപൂളിലുള്ള സുനിൽ എന്ന മലയാളിക്കെതിരെ ഇതേ വിഷയത്തിൽ കോടതി കേസ് എടുത്തിരുന്നു. വൻ പിഴ ഈടാക്കി ഇയാളെ ജയിൽ ശിക്ഷയിൽ നിന്നും കോടതി ഒഴിവാക്കുക ആയിരുന്നു. ജയിലിൽ നിന്നിറങ്ങിയാലും കോടികളുടെ പിഴ ഇയാൾ നൽകേണ്ടി വരുമെന്നു തന്നെയാണ് ഇപ്പോൾ വ്യക്തമാകുന്നത്.

സിജോയുടെ കയ്യിലകപ്പെട്ടത് ആഡംബരപ്രിയരും ചെറുകിട കച്ചവടക്കാരും

ക്രെഡിറ്റ് കാർഡുകളും പേഴ്സണൽ വായ്പകളും ചിട്ടിക്കാശും കൊണ്ട് തികയാതെ വന്നപ്പോൾ ആഡംബര പ്രിയരായ ആളുകളും ചെറുകിട കച്ചവടക്കാരെ പോലെ ദിവസവും ആയിരക്കണക്കിന് പൗണ്ട് കൈകാര്യം ചെയ്യേണ്ടി വന്നവരുമാണ് സിജോയുടെ കെണിയിൽ ആദ്യം അകപ്പെട്ടത്. തുടർന്ന് കേരളത്തിൽ വട്ടിപ്പലിശ കൈകാര്യം ചെയ്യുന്ന തമിഴ് വാണിഭക്കാരെ വെല്ലുന്ന വിധം വമ്പൻ പലിശ നിരക്കുകളുമായി വടക്കൻ പട്ടണമായ ന്യൂകാസിൽ വരെ ഇയാളുടെ പലിശ സാമ്രാജ്യം വളരുക ആയിരുന്നു. വെള്ളിയാഴ്ച മുതൽ പലിശ പിരിക്കാൻ ഇറങ്ങുന്ന ഇയാൾ ആയിരക്കണക്കിന് പൗണ്ടുമായാണ് മൂന്നും നാലും ദിവസം കഴിഞ്ഞു വീട്ടിലേക്കു മടങ്ങിയിരുന്നത്. ഏതെങ്കിലും കാരണവശാൽ ഒരാഴ്ചത്തെ പലിശ നൽകാൻ സാധിക്കാതെ വന്നാൽ ഭീക്ഷണിയുടെ സ്വഭാവത്തിലുള്ള അടവുകളായിരുന്നു സിജോ പുറത്തെടുത്തിരുന്നത്.

എന്റെ മകൻ അല്ലെങ്കിൽ മകൾ ലണ്ടനിലാണ് എന്നു വീമ്പു പറയുന്ന മാതാപിതാക്കൾക്കും സഹോദരന്മാർക്കും വേണ്ടിയാണ് പലരും വായ്പ എടുത്തത്. മറ്റുള്ളവർക്കൊപ്പം നിൽക്കാൻ അതിമോഹം കാട്ടിയ പലരും സ്വന്തം നില മറന്നു പലിശയ്ക്ക് പണം വാങ്ങി. പലിശ ഒരു മാസം മുടങ്ങിയാൽ ഭീഷണിയും തെറി വിളിയും നടത്തി പണം പിരിക്കുന്ന നാട്ടിലെ വട്ടപ്പലിശക്കാരുടെ അതേ തന്ത്രങ്ങളായിരുന്നു സിജോയും പുലർത്തിയിരുന്നത്. പണം മുടങ്ങിയതിന്റെ പേരിൽ വീട്ടിൽ കയറി ഭീഷണിപ്പെടുത്തിയ ഒന്നിൽ അധികം സംഭവങ്ങൾ ഉണ്ട്. വീട്ടിൽ അതിക്രമിച്ചു കടന്നു ഭാര്യയുടെയും മക്കളുടെയും മുൻപിൽ വച്ചു ചീത്ത വിളിച്ചപ്പോൾ മനം നൊന്തു രണ്ടു പേർ ബ്രിട്ടീഷ് മലയാളിയെ മുൻപ് വിവരം അറിയിച്ചിരുന്നു. എന്നാൽ നിയമക്കുരുക്കുകൾ ഭയന്ന് അവരാരും വിവരം പുറത്തു പറഞ്ഞില്ല.

പുറത്തു പറയാൻ കൊള്ളാത്ത വിധത്തിൽ പല വിധ ചൂഷണത്തിനും പലിശ ബിസിനസിനെ ഇയാൾ മറയാക്കിയിരുന്നു എന്നാണ് അപമാനം ഭയന്ന് പേര് പുറത്തു പറയാൻ മടിയുള്ളവർ വ്യക്തമാകുന്നത്. ഒരു തരത്തിൽ, ഇത് തന്നെ ആയിരുന്നു ബിസിനസ്സിൽ സിജുവിന്റെ പ്രധാന ആയുധവും. അമിതമായ ആത്മവിശ്വാസം മൂലം പണം ബാങ്ക് അക്കൗണ്ടിൽ സ്വീകരിക്കുകയാണ് ഇയാൾ ചെയ്തത്. ബാങ്ക് അക്കൗണ്ടിൽ പണം സ്വീകരിച്ചില്ലെങ്കിൽ പണം കൊടുത്തതിന് തെളിവുണ്ടാകില്ല എന്നതുകൊണ്ടാണ് ഇങ്ങനെ ചെയ്തത്. പരാതിപ്പെട്ടാൽ പണം വാങ്ങിയവരും കുടുങ്ങും എന്ന ഭീഷണിയിൽ വീണ് ആരും വിവരം പുറത്ത് പറഞ്ഞില്ല. ഇവിടെ പലിശ കൊടുത്തതിന്റെ പേരിൽ നാട്ടിലെ വീട്ടിലെത്തി മാതാപിതാക്കളെ ഭീഷണിപ്പെടുത്തിയ സംഭവം പോലും ഉണ്ടായിട്ടുണ്ട്. എന്നാൽ ഇവരാരും പരാതിപ്പെട്ടില്ല.

യുകെയിലെ പ്രമുഖ സംഘടനാ നേതാവുമായുള്ള ബന്ധമാണ് ബിസിനസ്സിനെ പരിപോഷിപ്പിച്ചതെന്നാണ് ഇരകളുടെ ആക്ഷേപം. പല സന്ദർഭങ്ങളിലും പണം നൽകുന്നത് സംബന്ധിച്ച തർക്കം ഉണ്ടാകുമ്പോൾ വിളിച്ചിരുന്നത് ഈ നേതാവാണ് എന്നാണ് ഇവർ പറയുന്നത്. തന്റെ സുഹൃത്തായിരുന്നു എന്നൊഴിച്ചു സിജോയുമായി ഒരു ബന്ധവും ഇല്ല എന്നാണ് നേതാവ് ഇപ്പോൾ പറയുന്നത്. എന്നാൽ ശരിയായ മാർഗ്ഗത്തിലുള്ള ബിസിനസ് അല്ലെന്ന് ഉറപ്പുള്ളതിനാൽ ഇത്തരക്കാരെ എന്തിനു ഓഫീസ് ദുരുപയോഗം ചെയ്യാൻ അനുവദിച്ചുവെന്നതിന് വ്യക്തമായ വിശദീകരണമില്ല.

മാത്രമല്ല, വിസ പുതുക്കാനും പുതിയത് സംഘടിപ്പിക്കാനും ഒക്കെ ഇതേ ഓഫീസിൽ എത്തിയാണ് പണം പലരും കൈമാറിയതും. സാധാരണക്കാരായ ആളുകൾ കരുതിയത് സംഘടനാ നേതാവിന് കൂടി പങ്കാളിത്തമുള്ള ബിസിനസാണ് സിജു സെബാസ്റ്റ്യൻ നടത്തിയിരുന്നതെന്നാണ്. അതേ സമയം പലിശ കേസിൽ സിജു മാത്രമാണ് ഇപ്പോൾ അകത്തായതെങ്കിലും ഇയാളുമായി അടുപ്പമുള്ളവർ ബുദ്ധിപരമായി ഇയാളെ ഉപയോഗിച്ചിരിക്കാൻ ഉള്ള സാധ്യതയും പറയപ്പെടുന്നുണ്ട്. ഇയാൾ കൈകാര്യം ചെയ്ത തുകയുടെ വലുപ്പം അത്തരം ഒരു സാധ്യതയിലേക്കാണ് വിരൽ ചൂണ്ടുന്നത്.

അതേ സമയം വളരെ സുരക്ഷിതമായി അഞ്ചു വർഷം നടത്തിയ പലിശക്കച്ചവടം പൊലീസ് അന്വേഷണത്തിലേക്ക് നീണ്ടത് ചിട്ടി കച്ചവടക്കാർക്കിടയിലെ കുടിപ്പക മൂലം ആണ് എന്നാണ് പരാതി ഉയരുന്നത്. യുകെയിലെ മിക്ക നഗരങ്ങളിലും മലയാളികൾ ചിട്ടി നടത്തുന്നുണ്ട്. അവരിൽ പലരും എല്ലാവർക്കും സൗകര്യപ്രദമെന്ന നിലയിൽ അമിത പലിശ ഈടാക്കാതെയാണ് നടക്കുന്നത്. എന്നാൽ ഇടക്കു ചിലരൊക്കെ പ്രശ്നം ഉണ്ടാക്കി പുലിവാല് പിടിക്കാറുമുണ്ട്. ലെസ്റ്ററിലെ ഒരു സംഭവം ഏതാനും വർങ്ങൾക്ക് മുൻപ് റിപ്പോർട്ട് ചെയ്തിരുന്നു. എന്നാൽ ചിട്ടിയെ പലിശ കച്ചവടമാക്കി മാറ്റിയതും ലിവർപൂളിലെ സുനിലും ബാസിൽഡണിലെ സിജോയുമായിരുന്നു. സുനിൽ ജയിൽ ശിക്ഷയിൽ നിന്നും രക്ഷപ്പെട്ടെങ്കിലും വൻ തുകയാണ് പിഴ അടച്ചത്.

സുനിൽ പിടിക്കപ്പെടാൻ കാരണമായത് സിജോ ആണ് എന്ന തോന്നലിൽ നിന്നും സുനിൽ പരാതിപ്പെട്ടതുകൊണ്ടാണ് അന്വേഷണം നടന്നത് എന്നാണ് പറയുന്നത്. അന്വേഷണം തുടങ്ങിയ ശേഷം സുനിൽ പ്രശ്ന പരിഹാരത്തിന് ശ്രമിച്ചെങ്കിലും പൊലീസ് വഴങ്ങിയില്ല. എന്നാൽ നേതാവിന്റെ മധ്യസ്ഥതയിൽ പരാതി പറയുന്ന ഒരാളെ പോലും രംഗത്തിറക്കാതെ നോക്കിയത് സിജോയ്ക്ക് ഗുണമായി. പലിശ ഇളവ് നൽകിയും കടം വാങ്ങിയ പണം വേണ്ടെന്ന് വച്ചുമൊക്കെയാണ് ആളുകളുമായി സിജോ ഒത്തു തീർപ്പ് നടത്തിയത്. ആരെങ്കിലും ഒരാൾ എങ്കിലും പരാതി പറഞ്ഞിരുന്നെങ്കിൽ സിജോയുടെ ശിക്ഷ കൂടുതൽ ഗുരുതരമായേനേ.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
പവർയോഗയും ടെന്നീസും പ്രാക്ടീസ് ചെയ്ത് ജങ്ക് ഫുഡുകളെ പടിക്കുപുറത്ത് നിർത്തിയ താരം എല്ലായ്‌പോഴും പ്ലാസ്റ്റിക് സർജറി വാർത്തകൾ ഗോസിപ്പുകളായി ചിരിച്ചുതള്ളി; വിടാതെ പിടികൂടിയ പാപ്പരാസികളുടെ കൺവെട്ടത്ത് അഴകളവുകൾ കാത്തുസൂക്ഷിക്കാൻ പെടാപ്പാട് പെട്ടു; പ്രായത്തെ തോൽപിക്കാൻ കഴിച്ച മരുന്നുകളും വഴങ്ങിയ സർജറികളും ശ്രീദേവിയുടെ ആയുസ് കവർന്നെന്ന ചർച്ചകളുമായി സോഷ്യൽ മീഡിയ
തമിഴ്‌നാട്ടിലെ ശിവകാശിക്കാരി ശ്രീഅമ്മ യാങ്കർ അയ്യപ്പൻ എന്ന ശ്രീദേവി ഇന്ത്യൻ സിനിമ കീഴടക്കിയത് വശ്യമായ സൗന്ദര്യവും അഭിനയ പാടവവും ഒരുപോലെ കൈമുതലാക്കി; കമൽഹാസൻ ജോഡിയായപ്പോൾ തെന്നിന്ത്യയിൽ പിറന്നത് നിരവധി സൂപ്പർഹിറ്റുകൾ ഹിറ്റുകൾ; നായികയായി അവസരം നൽകിയ മലയാള സിനിമയോട് എ്ന്നും പ്രേമം; ഹിമ്മത്വാലയിലെ അഭിനയത്തോടെ ബോളിവുഡിന്റെ ലേഡി സൂപ്പർസ്റ്റാറായി
സ്ത്രീകൾ മുലയൂട്ടുന്നിടത്ത് ഉൾപ്പെടെ പള്ളിക്കകത്ത് മുപ്പത്താറ് ഹൈടെക്ക് രഹസ്യ ക്യാമറകൾ സ്ഥാപിച്ചതെന്തിന്? എന്തുകൊണ്ട് അയ്യങ്കാന താമസിക്കുന്ന പള്ളിമേടയിൽ ക്യാമറ വച്ചില്ല? രണ്ടുകൊല്ലമായി എട്ടുകോടി രൂപയുടെ വരുമാനത്തിന്റെ കണക്ക് ഇടവക കമ്മറ്റിയിൽ അവതരിപ്പിക്കാത്തത് എന്ത്? സ്ഥലക്കച്ചവടങ്ങളിൽ ബിഷപ്പ് താഴത്തിന്റെ ബിനാമിയാണ് വികാരി അയ്യങ്കാനയെന്നും ആക്ഷേപം; ആരോപണങ്ങൾ എണ്ണിപ്പറഞ്ഞ് നിയമനടപടിയിലേക്ക് നീങ്ങി ഒല്ലൂർ ഫൊറോന പള്ളി സംരക്ഷണ സമിതി
ആത്മഹത്യയെന്ന് വിധിയെഴുതി അന്വേഷണം അവസാനിച്ച കേസിൽ നിർണായകമായി അയൽക്കാരിയുടെ മൊഴി; പൂർണ ഗർഭിണിയായ ഭാര്യയെ യുവാവ് ചുട്ടുകൊന്നതെന്ന് കണ്ടെത്തി; ക്രൂരകൃത്യത്തിന് പ്രേരിപ്പിച്ചത് കൂട്ടുകാരനുമായി ഭാര്യയ്ക്ക് ബന്ധമുണ്ടെന്ന സംശയം; ആത്മഹത്യ ചെയ്യുമെന്ന് പറഞ്ഞ് മണ്ണെണ്ണ ഒഴിച്ച യുവതിയെ തീകൊളുത്തിയത് ഭർത്താവുതന്നെ; നെയ്യാർ ഡാമിലെ ഷൈനയുടെ മരണത്തിൽ ഭർത്താവ് സുനിൽ അറസ്റ്റിൽ
ഇന്ത്യയുടെ ആദ്യ ലേഡി സൂപ്പർ സ്റ്റാറിന്റെ അപ്രതീക്ഷിത മരണം എമിറേറ്റ്സ് ഹോട്ടൽ ബാത്ത്റൂമിൽ കുഴഞ്ഞ് വീണ്; ദുബായ് റാഷിദ് ആശുപത്രിയിലേക്ക് എത്തിച്ചപ്പോഴേക്കും മരണം സംഭവിച്ചു; ശ്രീദേവിയുടെ മരണകാരണം ബാത്ത്റൂമിലെ വീഴ്ചയോ ഹൃദയാഘാതമോ എന്ന കാര്യത്തിൽ അവ്യക്തത; എല്ലാറ്റിനും ഉത്തരം പറയുക പോസ്റ്റ്മോർട്ടം റിപ്പോർട്ട്; ബർദുബായ് പൊലീസ് കേസെടുത്തു; ഭൗതികശരീരം മുംബൈയിൽ എത്തിക്കുക നാളെ
വിഭാഗീയതയുടെ കനലുകൾ ഊതിക്കെടുത്തി ഇരട്ടച്ചങ്കൻ കൂടുതൽ കരുത്തനാകുമ്പോൾ കൊടികളിൽ പോലും വേണ്ടാ പടം; തന്റെ ചിത്രം കൊടിയടയാളമാക്കിയ പ്രവർത്തകനെ ശാസിച്ച് പാർട്ടിയിലെ ഐക്യം ഉദ്ഘാഷിച്ച് പിണറായി; യെച്ചൂരി ലൈൻ എന്നൊന്നില്ല പാർട്ടി ലൈനേയുള്ളുവെന്ന് അവകാശപ്പെട്ട് സിപിഎം സംസ്ഥാന സമ്മേളനത്തിന് കൊടിയിറങ്ങി; മായാത്ത ചിരിയും സൗമ്യഭാവവുമുള്ള കോടിയേരി രണ്ടാം ഊഴത്തിനെത്തുമ്പോൾ വെല്ലുവിളികളും ഏറെ
ചെറുരാജ്യങ്ങളുടെ ഭരണാധികാരികൾ വരുമ്പോൾ പോലും വിമാനത്താവളത്തിൽ പോയി സ്വീകരിക്കന്ന മോദി എന്തുകൊണ്ട് കനേഡിയൻ പ്രധാനമന്ത്രിയെ സ്വീകരിക്കാൻ സഹമന്ത്രിയെ അയച്ചു...? മൂന്ന് കുട്ടികളും ഭാര്യയുമായി കൈ കൂപ്പി എത്തിയ പയ്യൻ പ്രധാനമന്ത്രിക്ക് ആകെ നിരാശ; ഇന്ത്യ-കാനഡ ബന്ധം കൂടുതൽ വഷളാവുമെന്ന് വിദേശ മാധ്യമങ്ങൾ
ബൈബിളിനകത്തു കണ്ട 'രാഖി' സത്യം പറഞ്ഞു; സ്വകാര്യ സ്‌കൂൾ അദ്ധ്യാപികയെ ആസിഡൊഴിച്ച് ആക്രമിച്ചത് പ്രണയം മൂത്ത്; വിരൂപിയായാൽ അന്യമതക്കാരിയെ തനിക്ക് തന്നെ സ്വന്തമാക്കാമെന്ന് മർച്ചന്റ് നേവിക്കാരൻ സ്വപ്നം കണ്ടു; കപ്പലിൽ ഉപയോഗിക്കുന്ന ആസിഡുമായി സൗദിയിൽ നിന്നെത്തിയത് കല്ല്യാണം മുടക്കാൻ; കുറ്റിച്ചലിലെ ആസിഡ് ആക്രമണത്തിൽ പരുത്തിപ്പള്ളിക്കാരൻ സുബീഷ് വേണുഗോപാൽ അറസ്റ്റിൽ; പ്രതിയിലേക്ക് പൊലീസെത്തിയത് സമർത്ഥമായ നീക്കങ്ങളിലൂടെ
ഫയൽ ഒപ്പിട്ടശേഷം, അടുത്ത നിമിഷം മന്ത്രി എന്നെ ചുംബിച്ചു; ഒരു നിമിഷം ഞെട്ടുകയും ആഴക്കടലിൽ പെട്ടെന്നവണ്ണം ഉലയുകയും ചെയ്തു; ഒച്ചവച്ച് ആളെക്കൂട്ടാനുള്ള അവിവേകം എനിക്കുണ്ടായില്ല; വൈപ്‌സ് കൊണ്ട് കൈ തുടച്ച് നീരസം പ്രകടിപ്പിച്ച് ഞാനിറങ്ങിപ്പോന്നു; സെക്രട്ടറിയേറ്റിലെ ഓഫീസിൽ വെച്ച് മന്ത്രിയിൽ നിന്നും ലൈംഗികാതിക്രമം നേരിടേണ്ടി വന്നത് ഫേസ്‌ബുക്കിൽ എഴുതി മുൻ പിആർടി ഉദ്യോഗസ്ഥ
സാം എബ്രഹാമിനെ കൊന്നത് ഭാര്യയും കാമുകനും ചേർന്ന് തന്നെ; സോഫിയയും അരുൺ കമലാസനനും കുറ്റക്കാരെന്ന് കണ്ടെത്തി കോടതി; വികാരരഹിതനായി വിധി കേട്ട് ഒന്നാം പ്രതി; സോഫിയ വിധി കേട്ടതും ജയിലിലേക്ക് മടങ്ങിയതും പൊട്ടിക്കരഞ്ഞ്; ശാസ്ത്രീയ തെളിവുകൾ പരിശോധിച്ച് കോടതി നിഗമനത്തിലെത്തിയത് 14 ദിവസത്തെ വിചാരണയ്‌ക്കൊടുവിൽ; മെൽബണെ ഞെട്ടിച്ച മലയാളി കൊലയിൽ ശിക്ഷ തീരുമാനിക്കാനുള്ള വാദം അടുത്ത മാസം 21ന് തുടങ്ങും
രാകേഷ് എങ്ങനെ ഡയസിലിക്കുന്നുവെന്ന് മന്ത്രി ബാലനോട് ചോദിച്ചത് പാച്ചേനി; സിപിഎം പ്രതിനിധിയായെന്ന് ജയരാജൻ നൽകിയ മറുപടി തിരിച്ചടിച്ചു; ജനപ്രതിനിധികളെ വിളിച്ചിട്ടില്ലല്ലോ എന്ന ചോദ്യത്തിന് മുന്നിൽ മന്ത്രിമാർ പതറി; കെസി ജോസഫിനേയും സണ്ണി ജോസഫിനേയും കെഎം ഷാജിയേയും എത്തിച്ച് യുഡിഎഫിന്റെ മിന്നൽ ആക്രമണവും; സമാധാന ചർച്ച പൊളിഞ്ഞത് ഭരണക്കാരുടെ പിടിപ്പുകേടിൽ
90 കളിൽ എതിരാളികളെ വക വരുത്തിയത് 'കാൽ വെട്ടു സംഘം'; കുടൽമാല പുറത്താക്കി മണ്ണ് വാരി ഇട്ടും മുഖം വെട്ടിക്കീറിയും കൊലകൾ; ദേഹമാസകലം പഴുത്തുള്ള ക്രൂര മരണം ഒഴിവാക്കൻ എസ് കത്തിയെത്തി; ഷുഹൈബിനെ കൊന്നത് അക്രമ രാഷ്ട്രീയം തലക്കു പിടിച്ച് അഴിഞ്ഞാടുന്ന ചാവേറുകൾ; കാൽവെട്ടി വൈകല്യം വരുത്താനുള്ള തീരുമാനം അട്ടിമറിച്ചത് സിഐടിയുക്കാരനും; മട്ടന്നൂരിലെ കൊലയിൽ ജില്ലാ നേതൃത്വം ഒന്നും അറിഞ്ഞില്ലെന്ന് ജയരാജൻ; സിബിഐയെ എത്തിക്കാനുറച്ച് സുധാകരനും
ആദ്യാക്ഷരം പകർന്ന ഗുരുനാഥയെ ഇല്ലാതാക്കിയ പ്രിയപ്പെട്ട ശിഷ്യന്മാർ പ്രതികളെ പിടികൂടാനും മുന്നിൽ നിന്നു! സ്വർണം വിറ്റ പണം വീട്ടിൽ സൂക്ഷിച്ചത് അച്ഛൻ കണ്ടത് നിർണ്ണായകമായി; ഇത്രയം പണം മകന് എങ്ങനെ ലഭിച്ചെന്ന പിതാവിന്റെ നീതി ബോധം പൊലീസിന് തുമ്പായി; ചീമേനിയിലെ ജാനകി ടീച്ചറെ വകവരുത്തിയത് അരുണിന്റെ മനസ്സിൽ രൂപംകൊണ്ട കവർച്ചയും; കൊലപാതകത്തിലേക്ക് നയിച്ചത് 'നിങ്ങളും ഈ കൂട്ടത്തിലുണ്ടോ? മക്കളെ' എന്ന ടീച്ചറുടെ ചോദ്യം
രാമചന്ദ്രന് ജാമ്യം നിന്നത് സുഷമാ സ്വരാജ് തന്നെ; ചർച്ചകൾക്ക് നേതൃത്വം നൽകിയത് ദുബായിലെ ഇന്ത്യൻ അംബാസിഡർ; മോചനത്തിനായി അഹോരാത്രം പണിയെടുത്തത് ദുബായിലെ ബിജെപി എൻആർഐ സെൽ നേതാവ്; ഷെട്ടിയുടെ 100 മില്ല്യണും തുണയായി; ഇനി സെറ്റിൽ ചെയ്യാൻ അവശേഷിക്കുന്നത് ഡൽഹിക്കാരന്റെ കടം മാത്രം; എല്ലാവരും കൈവിട്ടു ജയിലിൽ കഴിഞ്ഞ അറ്റ്‌ലസ് രാമചന്ദ്രനെ ഇന്ത്യ നേരിട്ട് പുറത്തിറക്കുന്നത്‌ ഇങ്ങനെ
ഉറക്കത്തിൽ ആരോ ചുണ്ടിൽ സ്പർശിക്കുന്നതായി തോന്നി; ഞെട്ടി ഉണർന്ന് ബഹളം വച്ചിട്ടും ആരും സഹായിച്ചില്ല; പ്രതികരണവും പ്രതിഷേധവും ഫേസ്‌ബുക്കിൽ മാത്രം; കൺമുന്നിൽ ഒരു പെൺകുട്ടി ആക്രമിക്കപ്പെട്ടാൽ ആരും തിരിഞ്ഞ് നോക്കില്ല; സിനിമയിലെ സുഹൃത്തുക്കൾ മാത്രമാണ് പൊലീസിനെ വിളിക്കാനും പിടികൂടാനും സഹായിച്ചത്: മാവേലി യാത്രയിലെ ദുരനുഭവം മറുനാടനോട് വിവരിച്ച് സനൂഷ
മോഹൻലാലിനെ കാത്തിരിക്കുന്ന പ്രശ്‌നങ്ങൾ കിറുകൃത്യമായി പറഞ്ഞു; ദിലീപിന്റെ സമയം വെളിപ്പെടുത്തലും ശരിയായി; ഇപ്പോൾ കോടിയേരി ബാലകൃഷ്ണൻ കുടുംബത്താൽ ദുഃഖിക്കുന്നുവെന്ന പ്രവചനവും ഫലിച്ചു; 'ആസ്വാമി' എന്ന് വിളിച്ചു പുച്ഛിച്ച മലയാളികൾ ഇപ്പോൾ 'അയ്യോസ്വാമി എന്നായി വിളി; സ്വാമി ഭദ്രാനന്ദ ഭാവി പറയുന്നതിലെ കൃത്യത ചർച്ചയാക്കി സോഷ്യൽ മീഡിയ
ചെറുരാജ്യങ്ങളുടെ ഭരണാധികാരികൾ വരുമ്പോൾ പോലും വിമാനത്താവളത്തിൽ പോയി സ്വീകരിക്കന്ന മോദി എന്തുകൊണ്ട് കനേഡിയൻ പ്രധാനമന്ത്രിയെ സ്വീകരിക്കാൻ സഹമന്ത്രിയെ അയച്ചു...? മൂന്ന് കുട്ടികളും ഭാര്യയുമായി കൈ കൂപ്പി എത്തിയ പയ്യൻ പ്രധാനമന്ത്രിക്ക് ആകെ നിരാശ; ഇന്ത്യ-കാനഡ ബന്ധം കൂടുതൽ വഷളാവുമെന്ന് വിദേശ മാധ്യമങ്ങൾ
വലംകൈയായ ശുഹൈബിനെ 36 വെട്ടിൽ തീർത്തതറിഞ്ഞ് വിങ്ങിപ്പൊട്ടിയ കെ സുധാകരൻ ഖത്തറിൽ നിന്നും അടുത്ത വിമാനത്തിൽ നാട്ടിലെത്തി; വെട്ടിനുറുക്കിയ മൃതദേഹം കണ്ട് സങ്കടവും രോഷവും അണപൊട്ടി കണ്ണൂരിലെ നേതാവ്; മുഖ്യമന്ത്രി അടക്കമുള്ള സിപിഎം നേതാക്കളുടെ അറിവോടെ നടന്ന ആസൂത്രിത കൊലപാതകമെന്ന് പറഞ്ഞ് പൊട്ടിത്തെറിച്ചു; ഇരുട്ടിന്റെ മറവിൽ അക്രമികൾ ഇല്ലാതാക്കിയത് മൂന്ന് അനുജത്തിമാരുടെയും പ്രതീക്ഷയായ ഏകആൺതരിയെ
നാലര ലക്ഷം രൂപ മാത്രം വിലയുള്ള വീടും സ്ഥലവും ഈടു വച്ച് ലോൺ എടുത്തത് 15 ലക്ഷം രൂപ; ലോൺ തീർക്കാതെ തന്നെ രൊക്കം കാശിന് എഞ്ചിനിയറിങ് വിദ്യാർത്ഥിക്ക് വിറ്റത് 45 ലക്ഷം രൂപ വാങ്ങി; ഭാര്യയ്ക്ക് പാരമ്പര്യമായി കിട്ടിയ വീട് വിറ്റിട്ടും നാല് വർഷമായി താമസം അവിടെ തന്നെ; കോടിയേരി ബാലകൃഷ്ണന്റെ തലശ്ശേരിയിലെ വീട് വിൽപ്പന കള്ളപ്പണം വെളുപ്പിക്കാനോ?