1 usd = 71.26 inr 1 gbp = 91.80 inr 1 eur = 81.03 inr 1 aed = 19.40 inr 1 sar = 18.99 inr 1 kwd = 234.82 inr

Jan / 2019
20
Sunday

ആധാർ വ്യക്തികളുടെ സ്വകാര്യതയിലേക്ക് നുഴഞ്ഞു കയറുന്നത് ഉഗ്രവിഷമുള്ള ഇഴജീവിയെപ്പോലെ; ബയോമെട്രിക് മഥനം അമൃതം കൊണ്ടുവരുമോ എന്ന് തീർച്ചയില്ലെങ്കിലും കാളകൂട വിഷം വമിച്ചു തുടങ്ങിയിരിക്കുന്നു; ആധാർ ഡാറ്റാബേസിന്റെ ഡിസൈനിങ്ങിലും ഉറങ്ങുന്നത് ദുരന്തത്തിന്റെ തിരമാലകൾ തന്നെ; ക്ഷേമ രാഷ്ട്രത്തിന്റെ പടവുകളിൽ സാമ്രാജ്യത്ത ചാരന്മാരുടെ പാദമുദ്രകൾ പരമ്പരയുടെ രണ്ടാം ഭാഗം

February 13, 2018 | 03:07 PM IST | Permalink



ആധാർ വ്യക്തികളുടെ സ്വകാര്യതയിലേക്ക് നുഴഞ്ഞു കയറുന്നത് ഉഗ്രവിഷമുള്ള ഇഴജീവിയെപ്പോലെ; ബയോമെട്രിക് മഥനം അമൃതം കൊണ്ടുവരുമോ എന്ന് തീർച്ചയില്ലെങ്കിലും കാളകൂട വിഷം വമിച്ചു തുടങ്ങിയിരിക്കുന്നു; ആധാർ ഡാറ്റാബേസിന്റെ ഡിസൈനിങ്ങിലും ഉറങ്ങുന്നത് ദുരന്തത്തിന്റെ തിരമാലകൾ തന്നെ; ക്ഷേമ രാഷ്ട്രത്തിന്റെ പടവുകളിൽ സാമ്രാജ്യത്ത ചാരന്മാരുടെ പാദമുദ്രകൾ പരമ്പരയുടെ രണ്ടാം ഭാഗം

കെ.പി.പ്രകാശൻ, വി എം.ഷെമേജ്

ആധാർ എന്നത് പാവപ്പെട്ടവന് ഐഡന്റിറ്റി ഉണ്ടാക്കാനും എൽപിജി സിലിണ്ടർ കൊടുക്കാനുമുള്ള ഏർപ്പാടല്ലെന്നും അത് അലാവുദ്ദീന്റെ അത്ഭുത വിളക്കുപോലെ ഉടമസ്ഥനായ അമേരിക്കയുടെ ആജ്ഞകൾ ശിരസ്സാ വഹിക്കുന്ന ഭൂതമാണെന്നും വ്യക്തമാക്കിയുള്ള സമ്പൂർണലേഖനം കഴിഞ്ഞദിവസം മറുനാടൻ പ്രസിദ്ധീകരിച്ചു തുടങ്ങിയിരുന്നു. ക്ഷേമ രാഷ്ട്രത്തിന്റെ പടവുകളിൽ സാമ്രാജ്യത്ത ചാരന്മാരുടെ പാദമുദ്രകൾ പതിയുമ്പോൾ എന്ന ശീർഷകത്തിൽ ആധാറിന്റെ ഉള്ളറകൾ ചികയുന്ന, വി എം.ഷെമേജ്, കെ.പി.പ്രകാശൻ എന്നിവർ ചേർന്ന് വിശദ പഠനം നടത്തി തയ്യാറാക്കിയ പരമ്പരയുടെ രണ്ടാം ഭാഗം വായിക്കാം.

Biometric സാങ്കേതികവിദ്യ 100% വിശ്വാസ്യയോഗ്യമല്ല എന്നാണ് ഈ പരമ്പരയുടെ ആദ്യലക്കത്തിൽ ചൂണ്ടിക്കാണിച്ചതെങ്കിൽ ആധാർ ഡാറ്റാബേസിന്റെ ഡിസൈനിങ്ങിലും ദുരന്തത്തിന്റെ തിരമാലകളുറങ്ങിക്കിടക്കുന്നു എന്ന വിഷയമാണ് ഇന്ന് ചർച്ചചെയ്യുന്നത്.
''ആധാർ'' പദ്ധതിയിൻ കീഴിൽ ബ്രഹ്മാണ്ഡത്തിലെ സകല മനുഷ്യ സൃഷ്ടികളുടെയും ബയോമെട്രിക് മുദ്രകൾ, വിവരങ്ങൾ, വ്യക്തികളുടെ വിലാസം എന്നിവയെല്ലാം ഒരുമിച്ചു ചേർത്ത് ഒരൊറ്റ Central Identities Data Repositoryയിൽ (കേന്ദ്രീകൃതവും പട്ടികയിലെന്നപോലെ ക്രമബന്ധിതവുമായ വിവരസഞ്ചയത്തിൽ/ഡാറ്റാബേസിൽ) ശേഖരിക്കപ്പെട്ടിരിക്കുന്നു. പാസ്സ്‌വേർഡിന് പകരമായി ഉപയോഗിക്കപ്പെടുന്ന ബയോമെട്രിക് മുദ്രകൾ ഉൾപ്പെടെയുള്ള കാര്യങ്ങൾ ഇത്തരം കേന്ദ്രീകൃത വിവരസഞ്ചയത്തിൽ (centralized repository യിൽ) സൂക്ഷിക്കുകയാണെങ്കിൽ, ശത്രുരാജ്യങ്ങൾ നിയമിക്കുന്ന വിദഗ്ധ ഹാക്കർമാരുടെ സംഘങ്ങളോ സാമ്പത്തിക ക്രിമിനൽ ഇടപാടുകാരോ എപ്പോൾ വേണമെങ്കിലും നുഴഞ്ഞുകയറി കൈവശപ്പെടുത്തിയേക്കാമെന്ന് Centre for Internet and Society യിലെ സുനിൽ എബ്രഹാമിനെ പ്പോലുള്ളവർ താക്കീതു ചെയ്യുന്നു. ബയോമെട്രിക് 'പാസ് വേർഡ്' മുദ്രകൾ വികേന്ദ്രീകൃതമായി സൂക്ഷിക്കപ്പെട്ടിരുന്നെങ്കിൽ ഇത്ര അപകടം ഉണ്ടാകുമായിരുന്നില്ല എന്നും അദ്ദേഹം കരുതുന്നു.

മറ്റൊരു രീതിയിൽ പറഞ്ഞാൽ, ഈ രാജ്യത്തിലെ മുഴുവൻ ആളുകളെക്കൊണ്ടും ഒന്നുമെഴുതാത്ത ചെക്കുബുക്കിൽ ഒപ്പു വയ്‌പ്പിച്ചിട്ട് നടപ്പാതയുടെ ഇരു വശങ്ങളിലും വാരിവിതറുന്നതിന് സമാനമാണ് കേന്ദ്രീകൃത റിപോസിറ്ററിയിലെ ** ബയോമെട്രിക് ഒപ്പുകൾ സൂക്ഷിക്കുന്ന രീതി. ഏത് സമയത്തും ഹാക്ക് ചെയ്യപ്പെടുകയോ അധികാരികളാൽ തന്നെ ദുരുപയോഗം ചെയ്യപ്പെടുകയോ അതുമല്ലെങ്കിൽ, സ്വകാര്യ കമ്പനികൾ ചോർത്തിയെടുക്കുകയോ ചെയ്യാം എന്നാണിതിനർത്ഥം. (ATM/ ക്രെഡിറ്റ് കാർഡുകളുടെയും ഓൺലൈൻ ബാങ്ക് അക്കൗണ്ടുകളുടെയും സൂത്രസംഖ്യകളും പാസ്സ് വേർഡുകളും ലക്ഷക്കണക്കായ ഉപഭോക്താക്കളുടെ കൈവശം വികേന്ദ്രീകൃതമായാണ് സൂക്ഷിക്കപ്പെട്ടിട്ടുള്ളത് എന്നത് ഇവിടെ സ്മരണീയമാണ്.)

ഓ! ഇപ്പോഴും ബാങ്കിടപാടുകൾക്ക് ആധാർ ഉപയോഗിക്കുന്നില്ലല്ലോ; ക്രെഡിറ്റ് / ഡെബിറ്റ് കാർഡുകളും പാസ്സ് വേർഡും തന്നെയാണല്ലോ ശരണം എന്നു കരുതുന്നവർ ഓർത്തിരിക്കേണ്ടത്, ആധാറുമായി ബന്ധിപ്പിച്ചാൽ, മറ്റെല്ലാ പാസ് വേർഡിനും പകരമായി ബയോമെട്രിക് മുദ്രകളുമായി ചേർച്ച ഒപ്പിക്കുക സുസാധ്യവും പതിവു രീതിയുമായിത്തീരും എന്ന സംഗതിയാണ്. കൂടാതെ, താഴെ കൊടുത്തിട്ടുള്ള ഈ വാർത്ത വായിക്കുക:

''.....ക്രെഡിറ്റ്- ഡെബിറ്റ് കാർഡുകളെയും പിൻ നമ്പർ, പാസ്സ് വേർഡ് എന്നിവയും ഒഴിവാക്കിക്കൊണ്ട് കടയുടമകൾക്കും വ്യാപാരികൾക്കും ഉപഭോക്താക്കളിൽ നിന്നും ആധാർ നമ്പർ ഉപയോഗിച്ചു പേയ്‌മെന്റ് നടത്താവുന്ന ഒരു പൊതു മൊബൈൽ ഫോൺ ആപ് വികസിപ്പിച്ചെടുക്കുന്നതിന് സർക്കാർ ഇതോടൊപ്പം ശ്രമങ്ങൾ നടത്തുകയാണ്....'' (ലക്ഷ്വറി കാറുവാങ്ങുമ്പോൾ ഭാഗ്യ നമ്പർ കുറിച്ചു തരുന്നതു പോലെ, ഇനി, നിങ്ങളുടെ ഗ്രഹനില പരിശോധിച്ച് ബാങ്കിങ് പാസ് വേർഡ് ഓലയിൽ കുറിച്ചു തരുന്ന ജ്യോതിഷികളും താമസിയാതെ രംഗത്തിറങ്ങുമോ? നിങ്ങളുടെ പാസ്സ് വേർഡുകൾ മറ്റൊരു ഏജൻസിയുടെ കൈയിൽ സൂക്ഷിക്കുന്നതിന്റെ അപകടം ഓർത്തു നോക്കൂ...)

''....ജനങ്ങൾക്ക് അവരുടെ ആധാർ (ID) അവരുടെ ബാങ്ക് അക്കൗണ്ടുകളുമായി ബന്ധിപ്പിക്കാവുന്നതാണ്. അങ്ങനെ അവർക്ക് പണം ട്രാൻസ്ഫർ ചെയ്യുന്നതിനും ബാലൻസ് പരിശോധിക്കുന്നതിനും അക്കൗണ്ടിലേക്ക് കാശ് നിക്ഷേപിക്കുകയോ പിൻവലിക്കുകയോ ചെയ്യുന്നതിനും കൂടാതെ, ബാങ്കുകൾ അന്തർ- ബാങ്ക് ഇടപാടുകൾ നടത്തുന്നതിനും ''ആധാറിനാൽ പ്രവർത്തനസജ്ജമാക്കപ്പെട്ട പണമിടപാട് സംവിധാനം (Aadhaar Enabled Payment System (AEPS)) ഉപയോഗപ്പെടുത്താവുന്നതാണ്....''- ........... ഇന്ത്യൻ എക്സ്‌പ്രസ്സ്, ഡിസം: 2, 2016 . (രാത്രി കക്കാൻ വരുന്ന കള്ളനും പകൽ വീട്ടിന്റെ പൂട്ടു നിർമ്മിച്ചു തരുന്ന കൊല്ലനും ഒരാൾ തന്നെയാകുന്നത് വീട്ടുടമയ്ക്ക് സൗകര്യപ്രദമായാലുമില്ലെങ്കിലും പണപ്പെട്ടിക്ക് സുരക്ഷിതത്വം നൽകണമെന്നില്ല)

-----------------------------

പരമ്പരയുടെ ആദ്യഭാഗം:

ആധാർ എന്നത് പാവപ്പെട്ടവന് ഐഡന്റിറ്റി ഉണ്ടാക്കാനും എൽപിജി സിലിണ്ടർ കൊടുക്കാനുമുള്ള ഏർപ്പാടല്ല; അത് അലാവുദ്ദീന്റെ അത്ഭുത വിളക്കുപോലെ ഉടമസ്ഥനായ അമേരിക്കയുടെ ആജ്ഞകൾ ശിരസ്സാ വഹിക്കുന്ന ഭൂതമാണ്; ക്ഷേമ രാഷ്ട്രത്തിന്റെ പടവുകളിൽ സാമ്രാജ്യത്ത ചാരന്മാരുടെ പാദമുദ്രകൾ പതിയുമ്പോൾ: ആധാറിന്റെ ഉള്ളറകൾ ചികഞ്ഞ് ഒരു പരമ്പരhttp://www.marunadanmalayali.com/story-99132

------------------------------

2017 ഫെബ്രുവരിയിൽ, ഒരൊറ്റവ്യക്തി 397 പേരുടെ ആധാർ ഇടപാടുകൾ നടത്തിയതായി ശ്രദ്ധയിൽപ്പെട്ടതിനെ തുടർന്ന് (UIDAI അഥോറിറ്റി), ആക്‌സിസ് ബാങ്ക് ഉൾപ്പെടെ മൂന്നുസ്ഥാപനങ്ങൾക്കെതിരേ കേസെടുത്ത കാര്യം ചൂണ്ടിക്കാട്ടി, പൂർണ്ണമായും വിശ്വാസ്യ യോഗ്യമല്ലാത്ത ഈ സാങ്കേതിക വിദ്യ അടിസ്ഥാനമാക്കിയുള്ള ആധാർ പദ്ധതി അപകടകരമാണെന്ന്, കേരളസർക്കാറിന്റെ മുൻ IT ഉപദേഷ്ടാവായ ശ്രീ. ജോസഫ് സി. മാത്യു മുന്നറിയിപ്പു നൽകുന്നുണ്ട്. ''വിരലടയാളങ്ങളുടെ ഡിജിറ്റൽ കോപ്പികൾ ഉപയോഗിച്ച് ഇടപാടുകൾ നടത്താൻ ആളുകളുടെ എല്ലാവരുടെയും വിരൽ വേണമെന്നില്ല. അത് ഡാറ്റാബേസിൽ സൂക്ഷിച്ചിരിക്കുന്നത് എങ്ങനെയെന്ന് അറിഞ്ഞാൽ മതി ....'' എന്ന് അദ്ദേഹം ചൂണ്ടിക്കാണിക്കുന്നു. - (മാതൃഭൂമി, മെയ് 3, 2017) ആക്‌സിസ് ബാങ്ക് ആധാർ ദുരുപയോഗം ചെയ്തിട്ടില്ലെന്ന് വിശദീകരിക്കപ്പെട്ടിട്ടുണ്ടെങ്കിലും, ഉപഭോക്താക്കളുടെ അറിഞ്ഞോ അറിയാതെയോ ഉള്ള സഹകരണമുണ്ടെങ്കിൽ ഒരാൾക്കു തന്നെ ഒരു പാടു പേരുടെ ബയോമെട്രിക് മുദ്രകൾ ഉപയോഗപ്പെടുത്താൻ സാധിക്കും എന്ന പരോക്ഷ സൂചന അധികാരികൾ തന്നെ നൽകുകയുണ്ടായി.

http://www.india.com/technology/aadhaar-card-biometrics-duplicated-by-axis-bank-2-other-firms-uidai-files-criminal-complaint-with-cyber-crime-cell-1880994/

സാമൂഹ്യ സുരക്ഷാ സേവനങ്ങൾ പ്രദാനം ചെയ്യുന്നതിന്റെ ഭാഗമായുള്ള ഒരു പദ്ധതിയായി ഇന്ന് ആധാർ പദ്ധതി വിപണനം ചെയ്യപ്പെടുന്നു. എന്നാൽ, ''അനധികൃത താമസക്കാരെയും പുറമേ നിന്ന് കടന്നു വന്നവരെയും അടിച്ചു തളിച്ചു പുറത്താക്കാനായിരുന്നു വാസ്തവത്തിൽ ഉദ്ദേശിക്കപ്പെട്ടിരുന്നതെന്നും എന്നാൽ, വിവിധ ജനവിഭാഗങ്ങൾക്കിടയിൽ പ്രതിഷേധത്തിന്റെ കല്ലോലങ്ങൾക്ക് വഴിവയ്ക്കുമോ എന്ന ആശങ്കയാൽ ഇത് വികസനം കൊണ്ടുവരുന്ന ക്ഷേമപദ്ധതിയായി ചിത്രീകരിക്കപ്പെട്ടു'' എന്നും മുൻ ഇന്റലിജൻസ് ബ്യൂറോ ഡയരക്ടറും ഇപ്പോഴത്തെ നാഷനൽ സെക്യൂരിറ്റി അഡൈ്വസറുമായ ശ്രീ: ഏ. കെ. ഡോവൽ സമ്മതിച്ചിട്ടുണ്ട്.

http://www.tehelka.com/2009/08/falling-between-the-barcodes/?singlepage=1

അതായത്, ആധാർ സ്വന്തം ജനങ്ങളെ ചാരനിരീക്ഷണം ചെയ്യാനുള്ള ഗൂഢ പദ്ധതിയുടെ (Surveillance Project) ഭാഗമാണ്. 2000 ആം ആണ്ട് ഏപ്രിൽ മാസത്തിൽ ശ്രീ. അടൽ ബിഹാരി വാജ്‌പേയി സർക്കാർ നിയമിച്ച ഗ്രൂപ് ഒഫ് മിനിസ്റ്റേർസ് വിഭാവനം ചെയ്ത *** multi purpose National ID project കൊണ്ട് ഉദ്ദേശിച്ചത് ബംഗ്ലാദേശുമായി അതിർത്തി പങ്കിടുന്ന ഗ്രാമങ്ങളിൽ ആരംഭിച്ച്, ഇന്ത്യാരാജ്യത്താകമാനം വ്യാപിപ്പിക്കാൻ സാധിക്കും വിധം രാജ്യത്തെ എല്ലാ പൗരന്മാർക്കും (citizens) അനന്യ സ്വത്വമുള്ളതും (unique) ദേശീയാടിസ്ഥാനത്തിൽ ഉള്ളതുമായ തിരിച്ചറിയൽ രേഖ പ്രദാനം ചെയ്യണം എന്നായിരുന്നു.

കാണുക: ''....അത്യുത്സാഹത്തോടെ പ്രവർത്തിക്കുന്ന പൗരസമൂഹ പ്രതിരോധ സംഘടനകളും (civil defence organization), ഗ്രാമതലത്തിലും വാർഡ് തലത്തിലും ഉള്ള പ്രതിരോധ സമിതികളും, പുനഃസംഘടിപ്പിക്കപ്പെട്ട ക്രിമിനൽ നീതിന്യായ വ്യവസ്ഥയും ഒക്കെ ചേർന്ന് ശക്തിപ്പെടുത്തപ്പെട്ടവയാവും'' (രാജ്യരക്ഷയ്ക്കായുള്ള) ''ഈ ഘടനാസംവിധാനങ്ങൾ (structures). രാജ്യാതിർത്തിയിൽ സ്ഥിതിചെയ്യുന്ന എല്ലാ ജില്ലകളിലും ആരംഭിച്ച്, ദേശീയാടിസ്ഥാനത്തിൽ ഒരു ''വിവിധോദ്ദേശ തിരിച്ചറിയൽ രേഖ'' എല്ലാവർക്കും ലഭ്യമാക്കാനുള്ള പദ്ധതി, ഊർജ്ജിതാവേഗത്തോടെ നടപ്പാക്കേണ്ടതുണ്ട്....''

Source: http://pib.nic.in/archieve/lreleng/lyr2001/rmay2001/23052001/r2305200110.html

എന്നാൽ, 120 കോടിയിലധികം വരുന്ന ഇന്ത്യക്കാരിൽ അനധികൃത കുടിയേറ്റക്കാർ ആരൊക്കെ എന്നന്വേഷിക്കാനുള്ള, പൊടിമൂടിയ സർക്കാർ രേഖകളും ''വംശവൃക്ഷങ്ങളു''ടെ ഭൂതകാല വേരുകളും പിന്നോട്ട് പിന്തുടർന്നു കൊണ്ടുള്ള, കുടിയേറ്റ ചരിത്രത്തിന്റെ ഊടുവഴികളിലെ വിസ്മൃതരായ മനുഷ്യരുടെ ജാതകക്കുറിപ്പുകൾ ചികഞ്ഞെടുക്കുന്ന യത്‌നം ഭഗീരഥനു പോലും അസാധ്യമെന്നു കണ്ട് പി. ചിദംബരത്തെ പോലുള്ള ഭരണാധികാരികൾ ഉപേക്ഷിച്ചു. അങ്ങനെയാണ്, എല്ലാ ഇന്ത്യൻ പൗരന്മാർക്കും Unique ID നൽകുക എന്നതിനു പകരം ഇന്ത്യയിലെ എല്ലാ റെസിഡന്റ്‌സിനും ഒരു Adhaar ID നൽകുക എന്ന തീരുമാനത്തിലേക്ക് അന്നത്തെ UPA സർക്കാർ എത്തിച്ചേരുന്നത്.

''...ദേശീയ സുരക്ഷയ്ക്കായി മെനയുന്ന തന്ത്രങ്ങളുടെ ഭാഗമായാണ് ആധാർ പദ്ധതി ജന്മമെടുക്കുന്നതും അതു തന്നെയാണ് ആധാർ കൊണ്ട് ലക്ഷ്യമിടുന്നതും. (ഇന്റലിജൻസ് ബ്യൂറോ, റോ, സിബിഐ, എക്‌സൈസ് നികുതിക്കും പ്രത്യക്ഷ നികുതിക്കും വേണ്ടിയുള്ള കേന്ദ്ര ബോർഡുകൾ മുതലായ) 11 സുരക്ഷാ - ഇന്റലിജൻസ് ഏജൻസികളുൾപ്പെടുന്ന നാറ്റ്ഗ്രിഡുമായി (നാഷനൽ ഇന്റലിജൻസ് ഗ്രിഡ്) വിവരങ്ങൾ പങ്കു വയ്ക്കപ്പെടുന്ന വിധം ഇന്ത്യക്കാരുടെ അനന്യസ്വഭാവമുള്ള ഈ സ്വത്വാധാര രേഖകൾ (UIDs) ഒരു വിവരസഞ്ചയത്തിൽ സൂക്ഷിക്കപ്പെടും.'' എന്ന് പ്രഫുൽ ബിദ്വായി എഴുതിയിട്ടുണ്ട്.

http://questioningaadhaar.blogspot.in/2010/12/praful-bidwai.html

ആധാർ പദ്ധതിയിലൂടെ സമാഹരിക്കപ്പെടുന്ന പൗരന്മാരുടെ സ്വകാര്യ വിവരങ്ങൾ, ഭീകരപ്രവർത്തനം പോലുള്ള കുറ്റകൃത്യങ്ങൾ തടയാൻ സഹായകരമാകും എന്ന് സർക്കാരിന്റെ തലപ്പത്തുള്ളവർക്ക് തെറ്റിദ്ധാരണ ഉണ്ടായാലും പ്രഫുൽ ബിദ്വായ് അങ്ങനെ ഉദ്ദേശിച്ചിട്ടില്ല. നാറ്റ്ഗ്രിഡിന് കൈമാറപ്പെടുന്ന കോടിക്കണക്കിന് ഇന്ത്യക്കാരുടെ സ്വകാര്യ വിവരങ്ങൾ, വളരെ എളുപ്പം ചോർന്നു വല്ലവരുടെയും (കുറ്റവാളികളുടെയോ സ്വകാര്യ കോർപറേറ്റുകളുടെയോ) കൈയിൽ ചെന്നു ചേരാനുള്ള സാധ്യതയാണ് ഉള്ളത് എന്ന്, ഇന്റലിജൻസ് വിദഗ്ധനും ക്യാബിനറ്റ് സെക്രട്ടറിയേറ്റിലെ മുൻ സ്‌പെഷ്യൽ സെക്രട്ടറിയുമായിരുന്ന വി. ബാലചന്ദ്രൻ, നാറ്റ്ഗ്രിഡി (NATGRID) നെ കുറിച്ച് സൺഡേ ഗാർഡിയനിൽ എഴുതിയ ലേഖനത്തിൽ ചൂണ്ടിക്കാട്ടുന്നു. വിക്കിലീക്‌സിന്, അമേരിക്കൻ പ്രതിരോധ രഹസ്യങ്ങൾ ചോർത്തിക്കൊടുത്ത ബ്രാഡ്‌ലി മാനിങ്, വാസ്തവത്തിൽ, ഇന്ത്യൻ കരസേനയിലെ ''നായ്ക്ക്'' പദവിക്ക് സമാനമായ റാങ്കിലുള്ള ഒരു സാധാരണ സൈനികൻ മാത്രമായിരുന്നു എന്നും, ബ്രാഡ്‌ലി മാനിങ്ങിന് അമേരിക്കൻ പ്രതിരോധ രഹസ്യങ്ങൾ ചോർത്താമെങ്കിൽ, നാറ്റ്ഗ്രിഡിന്റെ (NATGRID) നിയന്ത്രണത്തിലുള്ള ഇന്ത്യൻ പൗരന്മാരെ സംബന്ധിച്ച അതിവിപുലമായ രഹസ്യങ്ങൾ നാളെ ഏതു ചാലക്കമ്പോളത്തിലും ഏതു ശത്രുരാജ്യത്തിന്റെ കൈയിലും ചെന്നെത്താം എന്നും ശ്രീ: ബാലചന്ദ്രൻ പറയാതെ പറയുന്നു.

കോടിക്കണക്കിന് പൗരന്മാരുടെ സ്വകാര്യ രഹസ്യങ്ങൾ ചോർത്തി, ഒരു കേന്ദ്ര ഡാറ്റാബേസിൽ വൈക്കോൽ ഏരി പോലെ കുന്നു കൂട്ടിയ ശേഷം, അതിൽ നിന്ന് ഒരൊറ്റ വൈക്കോൽ തിരഞ്ഞ് കണ്ടുപിടിക്കുക എന്നതിനർത്ഥം, നമ്മുടെ ഇന്റലിജൻസ് ഗാദറിങിന്റെ ഉദ്ദേശ്യം തന്നെ ഭീകരരെ വേട്ടയാടുകയും കുറ്റകൃത്യം മുൻകൂട്ടി തടയുകയും, അല്ല, എന്നുതന്നെയാണ്. തീവ്രവാദ ആക്രമണം നടന്നു കഴിഞ്ഞ ശേഷം ചില കടലാസുപുലികളെ അറസ്റ്റു ചെയ്യാൻ ഇത്തരം അതിവിപുലമായ വൈക്കോൽ ഏരികൾ സഹായകരമായേക്കാം.

ആധാർ പദ്ധതി ഒരു മാസ്സ് സർവെയ് ലൻസ് പദ്ധതിയാണ് എന്ന് കേണൽ (റിട്ടയർഡ്) മാത്യു തോമസും പ്രഫുൽ ബിദ്വായിയും ജീൻ ഡ്രെസെയും മറ്റ് നിരവധി വിദഗ്ദരും ആവർത്തിച്ച് ഊന്നിപ്പറഞ്ഞിട്ടുണ്ട്. ആധാർ പദ്ധതിക്കെതിരെയുള്ള ഞങ്ങളുടെ പ്രധാന വിമർശനം ഇത് സാമ്രാജ്യത്ത ചാര നിരീക്ഷണ പദ്ധതിയാണ് എന്നുള്ളതാണ്. വാഷിങ്ടൻ സമവായത്തിന്റെ അന്തഃസത്തയ്ക്ക് അനുരോധമായ വിധം രാഷ്ട്രങ്ങളുടെ നികുതി വലയുടെ പരിധി കൂടുതൽ കൂടുതൽ വിപുലമാക്കുന്നതിനും, അതേ സമയം, സ്റ്റേറ്റ് നൽകുന്ന സാമൂഹ്യ ക്ഷേമപരമായ ഇളവുകളെ പരമാവധി വെട്ടിക്കുറക്കുന്നതിനും വേണ്ടിയുള്ള മാസ് സർവെയ്‌ലൻസ് പദ്ധതിയാണ് ആധാർ. വാഷിങ്ടൺ കൺസെൻസസിലെ പ്രധാനപ്പെട്ട ചില നിർദ്ദേശങ്ങൾ ഇവയാണ്:

''ആഭ്യന്തര മൊത്ത ഉത്പാദനത്തിന് ആനുപാതികമായി വമ്പിച്ച ഫിസ്‌കൽ കമ്മി ഉണ്ടാകാത്ത വിധം കടുത്ത ഫിസ്‌കൽ അച്ചടക്കം പാലിക്കപ്പെടണം. സബ്‌സിഡികൾക്കായി അധികം പണം ചെലവഴിക്കുന്നത് ഒഴിവാക്കി, വിശാലാടിസ്ഥാനത്തിൽ വികസനത്തെ ശക്തിപ്പെടുത്തുന്ന മേഖലകളിലാണ് മുഖ്യമായും സർക്കാർ പൊതു ചെലവുകൾ നടത്തേണ്ടത്. ..... പരിമിതമായ നികുതി നിരക്കുകൾ മാത്രം ഉണ്ടായിരിക്കുന്ന വിധത്തിലും നികുതിപ്പണം ഒടുക്കുന്നവരുടെ വിഭാഗത്തിലേക്ക് കൂടുതൽ പേരെ ഉൾപ്പെടുത്തുന്ന വിധത്തിലും നികുതി പരിഷ്‌കരണം നടത്തുക.''

നോട്ട് അസാധൂകരണം, സമ്പദ് വ്യവസ്ഥയുടെ ഡിജിറ്റലൈസേഷൻ, ആധാർ ചാരനിരീക്ഷണം, ജി.എസ്.ടി എന്നീ പദ്ധതികളിലൂടെ സർക്കാർ സാക്ഷാത്ക്കരിക്കാൻ ശ്രമിക്കുന്നത് മുകളിൽ സൂചിപ്പിച്ച വാഷിങ്ടൻ സമവായ ലക്ഷ്യങ്ങൾ തന്നെയാണ്. ലക്ഷക്കണക്കിന് പാവപ്പെട്ടവർക്ക് നൽകപ്പെടുന്ന ആനുകൂല്യങ്ങൾ ഇല്ലാതാക്കുകയാണ് ആധാറിന്റെ ഒരു ഉദ്ദേശ്യം. ഒരുകാര്യം മാത്രം ഇവിടെ ചൂണ്ടിക്കാട്ടിക്കൊള്ളട്ടെ. ആധാർ, ചിലരെങ്കിലും തെറ്റിദ്ധരിച്ചിരിക്കുന്നതു പോലെ ഭീകര പ്രവർത്തനത്തിൽ ഏർപ്പെട്ടവരെ തിരഞ്ഞു പിടിക്കാനുള്ള ഒരു ഇന്റലിജൻസ് പദ്ധതി മാത്രമല്ല. മറിച്ച്, ലോകമുതലാളിത്തം നേരിടുന്ന പ്രതിസന്ധിയിൽ നിന്ന് കരകയറാൻ വേണ്ടി കൂടി രൂപം നൽകിയിട്ടുള്ള അങ്കം കണ്ടിരിക്കെത്തന്നെ താളിയൊടിക്കാനുള്ള ആഗോള പദ്ധതി കൂടിയാണ്.

ഭരണാധികാരികളും സാമ്രാജ്യത്ത നയവിദഗ്ദരും പ്രതീക്ഷ വച്ചുപുലർത്തുന്നുണ്ടെങ്കിലും അന്താരാഷ്ട്രാ ഭീകരപ്രവർത്തനത്തിനെതിരായ ചാര നിരീക്ഷണം നടത്തുന്ന കാര്യത്തിൽ ആധാർ പദ്ധതി എത്രമാത്രം ഫലപ്രദമായിരിക്കുമെന്ന് പറയുക വയ്യ. ബയോമെട്രിക് മഥനം അമൃതം കൊണ്ടുവരുമോ എന്ന് തീർച്ചയില്ലെങ്കിലും കാളകൂട വിഷം വമിച്ചു തുടങ്ങിയിരിക്കുന്നു. സ്വേച്ഛാധിപത്യ പ്രവണതയുള്ളതും വർണ്ണവെറി ബാധിച്ചവരുമായ ഭരണാധികാരികൾക്ക് ആധാർ തിരിച്ചറിയൽ കാർഡിനെ ഉപയോഗപ്പെടുത്തി, രാജ്യത്ത് ഇപ്പോൾ തന്നെയുള്ള വർഗ്ഗീയ ധ്രുവീകരണത്തെ ശക്തിപ്പെടുത്താൻ സാധിക്കും. ഒരു പ്രത്യേക പ്രദേശത്തെയോ സമുദായത്തിലേയോ (ആധാർ, ജാതി മത വിവരങ്ങൾ ശേഖരിക്കുന്നില്ലെങ്കിൽ കൂടി) അംഗങ്ങൾ താരതമ്യേന കൂടുതലായി കുറ്റകൃത്യങ്ങളിലേർപ്പെടുന്നവരാണെന്ന് സമർത്ഥിക്കാനും ഭരണ നേതൃത്വത്തിന് ഇഷ്ടമില്ലാത്തവരുടെ മേൽ കൃത്രിമമായി സൃഷ്ടിച്ച ജൈവമുദ്രാ മാനദണ്ഡപരമായ തെളിവുകൾ കെട്ടിയേൽപ്പിച്ച് വേട്ടയാടാനും മറ്റും ആധാർ കാർഡ് പോലുള്ള സർവെയ്‌ലൻസ് (ചാരനിരീക്ഷണ) പദ്ധതികൾ പ്രയോജനപ്പെടുത്തപ്പെടാം.

ആധാർ വ്യക്തികളുടെ സ്വകാര്യതയിലേക്ക് ഉഗ്രവിഷമുള്ള ഒരു ഇഴജീവിയെപ്പോലെ നുഴഞ്ഞു കയറുന്നു. രാജ്യ രക്ഷ പോലുള്ള കാര്യങ്ങൾക്ക് വേണ്ടി എന്ന ഒരു മുടന്തൻ ന്യായം പറഞ് ഞാൽ, ആധാർ പദ്ധതി പ്രകാരം ശേഖരിക്കപ്പെടുന്ന വിവരങ്ങൾ സർക്കാരിന് ഉപയോഗപ്പെടുത്താവുന്നതേ ഉള്ളൂ. ആധാർ പദ്ധതിയിലൂടെ സമാഹരിക്കപ്പെടുന്ന ബയോമെട്രിക് ഡാറ്റ, ധനകാര്യ വിവരങ്ങൾ എന്നിവ ആർക്കൊക്കെ കൈമാറ്റം ചെയ്യപ്പെടാം ആർക്കൊക്കെ (ദുരു)പയോഗം ചെയ്യാം എന്ന് നിർവ്വചിക്കുന്ന നിയമ നിർമ്മാണം ഇന്ത്യയിൽ ഇനിയും നടന്നിട്ടില്ല എന്ന കാര്യം കൂടി ഇവിടെ ഓർമ്മയിൽ വയ്ക്കാം.

ആഭ്യന്തര ഭരണാധികാരികൾക്ക് ദുരുപയോഗം ചെയ്യാൻ സാധിക്കും എന്നതു പോലെത്തന്നെ സാമ്രാജ്യത്ത ചാര ഏജൻസികൾക്കും ആധാർ പദ്ധതിയിൽ ദുഷ്ടലാക്കുണ്ട്. 1990 കളിൽ ശീതയുദ്ധാനന്തരം വമ്പിച്ച സാമ്പത്തിക പ്രതിസന്ധിയിലകപ്പെട്ട അമേരിക്കയിൽ 'It is the economy stupid ! ' എന്ന മുദ്രാവാക്യമുയർത്തി അധികാരത്തിലേറിയ ക്ലിന്റനും അൽഗോറും അമേരിക്കയുടെ ഡിഫൻസ്- ഇന്റലിജൻസ് ബജറ്റ് 10% കണ്ട് വെട്ടിക്കുറക്കുകയും, ബദലായി, സാങ്കേതിക വിദ്യകളെ ആശ്രയിച്ചുള്ള സംവിധാനങ്ങൾ വ്യാപകമായി ഉപയോഗപ്പെടുത്തി ഇന്റലിജൻസ് ഗാദറിങ് നടത്താൻ സമഗ്ര പദ്ധതികൾ ആസൂത്രണം ചെയ്യുകയുമുണ്ടായി.

Information Technology, Biometric technology എന്നീ രംഗങ്ങളിൽ ഗവേഷണം നടത്തുന്നതിനും പദ്ധതികൾ വികസിപ്പിക്കുന്നതിനും ക്ലിന്റന്റെ കാലത്ത് അമേരിക്കൻ സ്റ്റേറ്റ്, വൻ നിക്ഷേപങ്ങൾ നടത്തുകയും (ഉദാ: ബയോമെട്രിക് കൺസോർടിയം ചാർടർ, പ്രമോഷൻ ഒഫ് ഇന്റർനെറ്റ് as a global mass communication medium) ഇന്റലിജൻസ് പ്രവർത്തനങ്ങളിലുള്ള സർക്കാരിന്റെ ചെലവ് ചുരുക്കുന്നതിനായി സാർവദേശീയമായിത്തന്നെ സർവെയ്‌ലൻസ് കമ്പനികൾക്ക് കൂടുതൽ കരാറുകൾ നൽകുകയും ചെയ്തു. മറ്റൊരു രീതിയിൽ പറഞ് ഞാൽ, അമേരിക്കയ്ക്കു വേണ്ടി IT - Biometric സാങ്കേതിക വിദ്യ ഉപയോഗപ്പെടുത്തി ഇന്റലിജൻസ് ഗാദർ ചെയ്യാനുള്ള ഉത്തരവാദിത്വവും ചെലവും മറ്റു രാഷ്ട്രങ്ങളുടെ ചുമലിൽ കെട്ടിയേൽപ്പിക്കുന്ന തന്ത്രം ക്ലിന്റന്റെ കാലത്തു തുടങ്ങിയതാണ്. (സ്വകാര്യ സർവെയ്‌ലൻസ് കമ്പനികൾ അമേരിക്കയിൽ ദശകങ്ങൾക്ക് മുമ്പുതന്നെ ഉദയം ചെയ്തിരുന്നു.). പിൽക്കാലത്ത് ബുഷ് ഭരണകൂടം ഇസ്ലാമിക തീവ്രവാദത്തെ നേരിടാൻ ഡിജിറ്റൽ - ബയോമെട്രിക് സാങ്കേതിക വിദ്യ ഉപയോഗപ്പെടുത്തുന്ന സർവെയ്‌ലൻസ് കമ്പനികളെയും പ്രോസസ്സുകളെയും ആഗോളാടിസ്ഥാനത്തിൽ വികസിപ്പിച്ചെടുക്കാനുള്ള ശ്രമം കൂടുതൽ ശക്തമായി മുമ്പോട്ടു കൊണ്ടുപോയി.

Biometric സാങ്കേതിക വിദ്യ ഉപയോഗിക്കുന്ന സർവേയ്‌ലൻസ് പ്രൊജക്ടുകൾ നടപ്പാക്കപ്പെട്ടിട്ടുള്ള നിരവധി രാജ്യങ്ങളിൽ ഒന്നു മാത്രമാണ് ഇന്ത്യ. സാമ്രാജ്യത്ത ഇന്റലിജൻസ് പ്രവർത്തനങ്ങൾ ഔട്‌സോർസിങ് ചെയ്തു ജീവിക്കുന്ന നന്ദ(ഗോപ) നിലേക്കനി കുമാരന്മാർ പല രാജ്യങ്ങളിലും അപ്പപ്പോൾ പിറവികൊള്ളാറുണ്ട്. സംഹാരമാണ് എല്ലായുഗങ്ങളിലെയും അവതാരങ്ങളുടെ ജന്മദൗത്യം. രാജ്യത്തെ പൗരന്മാരുടെ ക്ഷേമത്തിനെന്നു പറഞ്ഞാണ് ഈ ആധാർ പദ്ധതി കെട്ടിയേൽപ്പിക്കപ്പെടുന്നതെങ്കിലും റാപുൻസെലിന്റെ**** വേണിയെ കുറിച്ചുള്ള കഥയിലെന്ന പോലെ, ഈ പദ്ധതിയെ ഒരു ഗോവണിയെന്ന പോലെ ഉപയോഗപ്പെടുത്തിക്കൊണ്ട് വിദേശരാജ്യങ്ങളുടെ ഇന്റലിജൻസ് ഏജൻസികൾക്ക്, ഇന്ത്യാ രാജ്യത്തിന്റെ സുരക്ഷാസംവിധാനത്തെ ശിഥീലീകരിച്ച് നുഴഞ്ഞു കയറാൻ സാധിക്കും.

അമേരിക്കൻ പ്രതിരോധ ഏജൻസികൾ സാർവ്വദേശീയമായി സ്വതന്ത്ര പൗരന്മാരുടെ ജീവചരിത്ര വിവരങ്ങളും ജൈവമുദ്രാ വിവരങ്ങളും ചോർത്തിക്കൊണ്ടിരിക്കുന്നു. അമേരിക്കൻ ഇന്റലിജൻസ് വിഭാഗങ്ങളുമായി ചേർന്നു പ്രവർത്തിക്കുന്ന വിദഗ്ധ സമിതികളും സർവേയ്‌ലൻസ് (ചാരനിരീക്ഷണ) കമ്പനികളും ചേർന്ന് ഈ ബയോമെട്രിക് വിവരങ്ങളും ബയോഗ്രാഫിക്കൽ വിവരങ്ങളും അതത് പൗരന്മാരുടെ മൊബൈൽ നമ്പറുകൾ, ഇ-മെയിൽ അക്കൗണ്ടുകൾ, സോഷ്യൽ മീഡിയ അക്കൗണ്ടുകൾ, ബാങ്കിങ് - ധനകാര്യ രേഖകൾ എന്നിവയുമായി ഒത്തു നോക്കി, വ്യക്തികളുടെ രാഷ്ട്രീയവും മതപരവുമായ നിലപാടുകളെ കുറിച്ചും മനഃശാസ്ത്രപരമായ സ്വഭാവസവിശേഷതകളെ കുറിച്ചും ലൈംഗികവും സദാചാര പരവുമായ സമീപനങ്ങളെ കുറിച്ചും കുറ്റവാസനകളെ കുറിച്ചും അഴിമതിയുടെ ഭൂതകാല ചരിത്രത്തെ കുറിച്ചും നികുതി-വരുമാന ശേഷിയെകുറിച്ചും മാനുഷികമായ മറ്റു ദൗർബ്ബല്യങ്ങളെ കുറിച്ചും വ്യക്തമായ ധാരണകൾ ഉണ്ടാക്കിയെടുക്കുന്നു.

ഇത്തരത്തിൽ അമേരിക്ക ആഗോള പൗരന്മാരുടെ വിവരങ്ങൾ ചോർത്തുന്നതിനെ പറ്റി എഡ്വേർഡ് സ്‌നോഡൻ നമുക്ക് ആധികാരികമായ വിവരങ്ങൾ നൽകുന്നുണ്ട്. 2010 നവമ്പറിൽ വിക്കിലീക്‌സ് പുറത്തു വിട്ട ഒരു രേഖയിൽ ഇങ്ങനെ പറയുന്നു: ''ഐക്യ രാഷ്ട്ര സഭയുടെ ആസ്ഥാനത്ത് പ്രവർത്തിക്കുന്ന ഇന്ത്യൻ നയതന്ത്ര വിദഗ്ദരെ കുറിച്ചുള്ള ഏറ്റവും സൂക്ഷ്മമായ വിശദാംശങ്ങൾ പോലും തനിക്ക് ലഭ്യമാക്കണമെന്ന് (അന്നത്തെ യു.എസ് സ്റ്റേറ്റ് സെക്രട്ടറിയായിരുന്ന) ഹിലാരി ക്ലിന്റൻ ആവശ്യപ്പെട്ടതായി വിക്കിലീക്‌സ് ഇന്നു പുറത്തു വിട്ട രഹസ്യ സ്വഭാവമുള്ള രേഖകൾ വ്യക്തമാക്കുന്നു.'' (ഇക്കണോമിക് ടൈംസ്, നവ: 29, 2010)

Source: http://economictimes.indiatimes.com/news/politics-and-nation/hillary-clinton-asked-us-diplomats-to-spy-on-indians-over-unsc-seat-report/articleshow/7010894.cms?intenttarget=no

റിപ്പോർട്ട് ഇങ്ങനെ തുടരുന്നു: ''ചേരിചേരാ പ്രസ്ഥാനത്തിലും G-77 കൂട്ടായ്മയിലും ഇസ്ലാമിക രാഷ്ട്രകൂട്ടായ്മയിലും പെട്ട പ്രധാന രാഷ്ട്രങ്ങളിൽ നിന്നുള്ള, പ്രത്യേകിച്ച്, ചീന, ക്യൂബ, ഈജിപ്ത്, ഇന്ത്യ, ഇന്തോനേഷ്യ, മലേഷ്യ, പാക്കിസ്ഥാൻ, ദക്ഷിണാഫ്രിക്ക, സുഡാൻ, ഉഗാണ്ട, സെനഗൽ, സിറിയ എന്നീ രാഷ്ട്രങ്ങളിൽ നിന്നുള്ള സ്ഥിരകാലയളവിലേക്കുള്ള പ്രതിനിധികളുടെ ജീവചരിത്രപരവും ജൈവമുദ്രകളെ സംബന്ധിച്ചതുമായ (biographical and biometric) വിവരങ്ങൾ ലഭ്യമാക്കണമെന്ന് ആവശ്യപ്പെടുകയുണ്ടായി, എന്നു മാത്രമല്ല; ഈ പ്രതിനിധികളോരോരുത്തർക്കും അവരുടെ സ്വന്തം രാജ്യങ്ങളോടുള്ള കൂറിന്റെ സ്വഭാവം എന്താണെന്ന് മനസ്സിലാക്കണമെന്നും നിർദ്ദേശിക്കുകയുണ്ടായി.''

കുറുക്കൻ നോട്ടമിട്ട കോഴിക്കൂടുകളിലൊന്നിൽ ഉറങ്ങിക്കിടന്നവരുടെ കൂട്ടത്തിൽ ഇന്ത്യക്കാരായ നയതന്ത്രജ്ഞരും ഉണ്ടായിരുന്നു എന്നു കാണുക. ഇന്ത്യയിൽ നിന്നുള്ള നയതന്ത്ര വിദഗ്ധരുടെയും രാഷ്ട്രനേതാക്കളുടെയും ജനപിന്തുണയുള്ള ആക്ടിവിസ്റ്റുകളുടെയും biometric വിവരങ്ങളും biographical വിവരങ്ങളും ഇങ്ങനെ ചോർത്തിയെടുക്കുക അമേരിക്കയിൽ നിന്നുള്ള ഉദ്യോഗസ്ഥർക്ക് എത്രമാത്രം വിഷമകരമാണെന്ന് ആലോചിച്ചു നോക്കുക. അതുകൊണ്ടുതന്നെയാണ് സാർവ്വദേശീയമായി അമേരിക്കയുടെ നേതൃത്വത്തിലുള്ള സാമ്രാജ്യത്ത ശക്തികൾ തങ്ങളുടെ ഇച്ഛാനുവർത്തികളായ ഭരണാധികാരികളെയും ആർത്തിപ്പണ്ടാരങ്ങളായ കോർപ്പറേറ്റ് നേതൃത്വത്തെയും ഉപയോഗപ്പെടുത്തി, വിവിധ രാഷ്ട്രങ്ങളിൽ ചാരനിരീക്ഷണ പദ്ധതികൾ (surveillance projects) നടപ്പാക്കിക്കൊണ്ടിരിക്കുന്നത് (തുടരും).

Foot notes:

** റിപോസിറ്ററി = വിവര ശേഖരം = ഡാറ്റാബേസ് = ആധാർ ID അഥോറിറ്റിയുടെ കൈയിലെ ഒരൊറ്റ താക്കോൽ(വാക്കി)ട്ടു പൂട്ടിയ, ഒട്ടും ഉറപ്പില്ലാത്ത ID കൾ സൂക്ഷിക്കുന്ന വലിയ തകരപ്പെട്ടി.

** അതേ സമയം, Unique ID എന്ന സങ്കൽപ്പം ആദ്യമായി ഉയർന്നു വന്നത് 2006 ഇൽ ആയിരുന്നു എന്ന ധാരണ പരത്താൻ National Identification Authority of India Billനെ കുറിച്ചുള്ള ലോക് സഭാ സ്റ്റാന്റിങ് കമ്മിറ്റി റിപോർട്ടിൽ ഉൾപ്പെടെ ബോധപൂർവ്വം ശ്രമം നടക്കുന്നുണ്ട്.

**** ജർമ്മൻ നാടോടി സാഹിത്യത്തിൽ, കയറിവരാൻ പടവുകളില്ലാത്ത, ഉന്നതമായൊരു ഗോപുര ശിഖരത്തിൽ, ഒറ്റക്കിളിവാതിൽ മാത്രമുള്ള കോട്ടപോലെ ഭദ്രമായ മുറിയിൽ പുരുഷസ്പർശമേൽക്കാതെ മന്ത്രവാദിനിയാൽ വളർത്തപ്പെട്ട റാപുൻസെൽ എന്ന പെൺകുട്ടിയുടെ കഥയുണ്ട്. റാപുൻസെൽ പിരിച്ചുകെട്ടിയ തന്റെ അഴകാർന്ന നീണ്ടമുടി ജനാലയിലൂടെ പുറത്തേക്കിടും. അതിൽ പിടിച്ച് ക്രൂരയും ദുഷ്ടയുമായ മന്ത്രവാദിനി കോട്ടമുറിയിലേക്ക് കയറി വരും. 

ഈ പരമ്പരയുടെ ആദ്യ ഭാഗം വായിക്കാം:http://www.marunadanmalayali.com/story-99132
 ലേഖനത്തോടുള്ള നിങ്ങളുടെ പ്രതികരണങ്ങളും അഭിപ്രായങ്ങളും ലേഖകരെ അറിയിക്കാം: ഇ-മെയിൽ: shemej@gmail.com)

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
കടംവാങ്ങിയയും കൈയിലുള്ളതുമായി മുടക്കിയത് ആറു കോടി; എല്ലാം തീർന്നപ്പോൾ അണിയറക്കാരുടെ പാസ്‌പോർട്ട് വരെ സ്‌പോൺസറുടെ കൈയിലായി; ബാങ്കോക്കിൽ സെറ്റിൽ ചെയ്യാനുള്ളത് രണ്ടരക്കോടി; കടം കൊടുത്ത ഫിനാൻസർ പടം പൂർത്തിയാക്കാൻ തയ്യാറെങ്കിലും പ്രൊഡ്യൂസർ പദവി വിട്ടുകൊടുക്കില്ലെന്ന് നിർബന്ധം പിടിച്ച് സനൽ തോട്ടം; നടിയെ ആക്രമിച്ച കേസ് അനുഗ്രഹമാക്കി രാമചന്ദ്രബാബുവിനേയും സംഘത്തേയും ബാങ്കോക്കിൽ വിട്ട് ദിലീപ് കൊച്ചിയിലുമെത്തി; പ്രൊഫ ഡിങ്കൻ സർവ്വത്ര പ്രതിസന്ധിയിൽ
സാക്കിർ നായിക്കുമായി ബന്ധപ്പെട്ട 16 കോടി രൂപയുടെ സ്വത്തുക്കൾ കണ്ടുകെട്ടി; ഇതോടെ എൻഫോഴ്സ്മെന്റ് കണ്ടുകെട്ടിയത് 50 കോടിയോളം രൂപ; പീസ് ടീവി നിരോധിച്ചതിന് പിന്നാലെ വന്ന നഷ്ടങ്ങൾ ഇതിന് പുറമെയും; സംഘടനയുടെ പേരിൽ നായിക്കിന് പ്രസംഗങ്ങൾ നടത്താനോ ഫണ്ടുകൾ സ്വീകരിക്കാനോ സാധിക്കുന്നില്ല; മതപരിവർത്തനവും ഐഎസ് റിക്രൂട്ട്മെന്റും അടക്കമുള്ള വിവാദങ്ങളിൽപെട്ട ഇസ്ലാമിക പ്രഭാഷകന്റെ സാമ്പത്തിക സാമ്രാജ്യം കേന്ദ്ര നടപടികളിൽ തകരുന്നു; മോദി സർക്കാർ സാക്കിർ നായിക്കിനെ പൂട്ടിയത് ഇങ്ങനെ
അച്ഛന്റെ കൂട്ടുകാരനായി വീട്ടിൽ കയറിക്കൂടി; മൊബൈലിലൂടെ പതിനാറുകാരിയെ വളച്ചെടുത്തു; അനുനയിപ്പിച്ച് ലോറിയിൽ കയറ്റി കമ്പനിയിലെത്തിച്ചത് ലൈംഗിക സംതൃപ്തി നേടാൻ; പീഡനത്തെ പെൺകുട്ടി എതിർത്തപ്പോൾ കലിമൂത്തുകൊന്ന് ചാക്കിലാക്കി വാഴത്തോപ്പിൽ കുഴിച്ചു മൂടി; ടിപ്പർ ലോറിക്കാരനിൽ അന്വേഷണമെത്തിച്ചത് മൊബൈൽ ഫോൺ വിളികളുടെ ശാസ്ത്രീയ പരിശോധന; അയർക്കുന്നത്ത് പതിനഞ്ചുകാരിയെ കൊന്ന് കുഴിച്ചു മൂടിയത് രണ്ട് ഭാര്യമാരുള്ള പാലാക്കാരൻ; അജേഷിനെ കുടുക്കിയത് ഇങ്ങനെ
ഓട്ടോ ചേട്ടന്മാർ പറയുന്നതെ..എന്തിനാ പെങ്ങളെ ഇങ്ങനെ ബസിനു നോക്കി നിൽക്കുന്നെ ഇപ്പോ എങ്ങും ഇനി ബസ് ഇല്ല എന്ന് അറിഞ്ഞുടെ.. ഇങ്ങോട്ട് വേണേൽ കേറിക്കോ; കെഎസ്ആർടിസി ബസ് സമയത്തിന് ഇല്ലാത്തതുകൊണ്ട് വാഴുന്നത് ഓട്ടോകൾ; തലസ്ഥാനത്തിന്റെ സബർബൻ മേഖലയിൽ നിന്ന് ടെക്‌നോപാർക്കിലേക്ക് വരാനുള്ള ബുദ്ധിമുട്ട് കാട്ടി ജീവനക്കാരി ആവണി വിഷ്ണുവിന്റെ തുറന്ന കത്ത് തച്ചങ്കരിക്ക്
പഠിത്തം അവസാനിപ്പിച്ച് ഞാൻ നടന്നു കയറിയ ജീവിതം ഒരു പേടിസ്വപ്നമായിരുന്നു; അന്ന് ഒരുപാട് കരഞ്ഞു; ആരോടും ഒന്നും പങ്കുവച്ചില്ല; ആ സ്വപ്ന ജീവിതം വിട്ടിറങ്ങുമ്പോൾ ഉണ്ടായിരുന്നത് രണ്ട് വയസ്സ് മാത്രം പ്രായമുള്ള ഒരു കുഞ്ഞും സീറോ ബാലൻസ് അക്കൗണ്ടും; അഹങ്കാരിയെന്നും ഒന്നിനും കൊള്ളാത്തവളെന്നും മുദ്രകുത്തി; ഇപ്പോൾ ഞാൻ ആരാണെന്ന് എനിക്കറിയാം: അമൃത സുരേഷ് ജീവിതം പറയുന്നു
ആശുപത്രിയിൽ പോകാൻ കാറിന്റെ താക്കോൽ ആവശ്യപ്പെട്ട് രാജേഷിനെ സമീപിച്ച ശേഷം കത്തിക്ക് കുത്തി വീഴ്‌ത്തി; കമ്പി നെഞ്ചിൽ കുത്തിയിറക്കി മരണം ഉറപ്പാക്കിയ ശേഷം വലിച്ചിഴച്ച് ചെടികൾക്കിടയിൽ ഒളിപ്പിച്ചു; രാജേഷിന്റെ സഹായി മുത്തയ്യയെ തലയ്ക്ക് ചുറ്റികയടിച്ച് വകവരുത്തിയത് ഉറങ്ങിക്കിടക്കുമ്പോൾ; പണത്തിന് ആർത്തി മൂത്തുകൊലകൾ നടത്തിയത് കാമുകിയെ സ്വന്തമാക്കാൻ; ചിന്നക്കനാൽ ഇരട്ടക്കൊലപാതക കേസിൽ ബോബന്റെ മൊഴി ഇങ്ങനെ
എന്തുകൊണ്ട് സുപ്രീംകോടതി തന്ത്രിയെ വിരട്ടി വിട്ടില്ല ? എന്തുകൊണ്ട് കോടതി അലക്ഷ്യകേസെടുത്തില്ല ? എന്തുകൊണ്ട് ശുദ്ധി കർമ്മം കോടതി അലക്ഷ്യമായി പ്രഖ്യാപിച്ചില്ല ? എന്തുകൊണ്ട് മല ചവിട്ടാൻ എത്തുന്ന സ്ത്രീകൾക്കെല്ലാം സുരക്ഷ ഒരുക്കാൻ പറഞ്ഞില്ല ? ശബരിമല യുവതീ പ്രവേശനത്തിലെ മുൻനിലപാട് തിരുത്താൻ സുപ്രീംകോടതി ഒരുങ്ങുന്നു എന്നല്ലെ സൂചനകൾ ?
മോദിക്ക് ഇന്ത്യയിൽ ഇനി ഒരു അവസരമില്ല; പ്രതിപക്ഷം ഒരുമിച്ച് നിന്ന് സർക്കാരിനെ താഴെയിറക്കും; രഥയാത്രയുടെ പേരിൽ ഒരു വർഗ്ഗീയതയും അനുവദിക്കുകയുമില്ല; മോദി സർക്കാരിനെതിരെ ഐക്യ പ്രതിപക്ഷം കൊൽക്കത്തയിൽ സംഘടിപ്പിച്ച മെഗാ റാലിയിൽ 15 സംസ്ഥാനങ്ങളിലെ മുഖ്യമന്ത്രിമാർ; അഴിമതിക്കെതിരെ പ്രവർത്തിക്കുന്നതാണ് അവരെ ചൊടിപ്പിക്കുന്നതെന്ന് തിരിച്ചടിച്ച് മോദി
48 ദിവസത്തെ വിശ്വാസ സംരക്ഷണ സമരം പൂർണവിജയമായില്ലെന്ന് തുറന്നുസമ്മതം; ഓരോഘട്ടത്തിലും ജനപിന്തുണ ഏറിവന്നുവെന്നും അവകാശവാദം; പോരാട്ടം തുടരുമെങ്കിലും സെക്രട്ടേറിയറ്റിന് മുന്നിലെ ബിജെപിയുടെ നിരാഹാര സമരം നാളെ അവസാനിപ്പിക്കുമെന്ന് പി.എസ്.ശ്രീധരൻ പിള്ള; പി.കെ.കൃഷ്ണദാസ് നിരാഹാരം അവസാനിപ്പിക്കുന്നത് രാവിലെ പത്തരയോടെ; ശബരിമല വിഷയത്തിൽ പാർട്ടിയുടെ പിന്മാറ്റം സമരം അപ്രസക്തമായെന്ന തിരിച്ചറിവിൽ
ബിന്ദുവിനും കനകദുർഗ്ഗയ്ക്കും സംരക്ഷണം നൽകുന്ന കാര്യം പറയുന്നതിനിടെയാണ് സർക്കാർ അഭിഭാഷകൻ വിജയ് ഹൻസാരിയ ഒരു പേപ്പർ ഉയർത്തി കാട്ടി പറഞ്ഞത്: അവിടെ ഇപ്പോൾ യുവതികൾ വരുന്നുണ്ട്.. 51 പേര് ഇതിനോടകം വന്നിട്ടുണ്ട്; എത്ര പേര് കയറി എന്നത് ഞങ്ങളുടെ വിഷയം അല്ലെന്ന് ചീഫ് ജസ്റ്റിസ് രഞ്ജൻ ഗൊഗോയി; സുപ്രീംകോടതിയിൽ വെള്ളിയാഴ്ച നടന്നതെന്ത്? മാധ്യമപ്രവർത്തകൻ ബാലഗോപാൽ.ബി.നായരുടെ കുറിപ്പ് വൈറലാകുന്നു
ഓണപ്പതിപ്പിനായി ദിലീപിന്റെയും കുടുംബത്തിന്റെയും ഫോട്ടോ എടുക്കാനാണ് വീട്ടിൽ പോയത്; ഇറങ്ങാൻ നേരം ദിലീപ് എന്നോടു പറഞ്ഞു: ഒരുനടൻ എന്നെ വല്ലാതെ ദ്രോഹിക്കുന്നു... അവനെ കയറൂരി വിട്ടാൽ എനിക്ക് ഭീഷണിയായി വളരും..അതുകൊണ്ട് അവന്റെ വളർച്ച തടയണം: കുഞ്ചാക്കോ ബോബൻ- അവനെ ഒന്ന് ഒതുക്കി തരണം..ഞാൻ എന്ത് വേണമെങ്കിലും ചെയ്യാം; പല്ലിശേരിയുടെ പരമ്പര തുടരുന്നു
ഓപ്പറേഷൻ തിയേറ്ററിൽ വച്ച് സിവിൽ സർജനും സുന്ദരിയായ നഴ്‌സും തമ്മിൽ ചൂടൻ ചുംബനം ! ഉജ്ജൈനിലെ ആശുപത്രിയിൽ വച്ച് നടന്ന സംഭവം പുറംലോകമറിഞ്ഞത് വാട്‌സാപ്പ് വീഡിയോ വഴി; നഴ്‌സുമാരുടെ വാട്‌സാപ്പ് ഗ്രൂപ്പുകളിൽ വീഡിയോ പ്രചരിച്ചതിന് പിന്നാലെ ഡോക്ടറുടെ പണി തെറിച്ചു; ആശുപത്രിയിലെ ചൂഷണത്തിന്റെ മറ്റൊരു മുഖമിങ്ങനെ
പീഡിപ്പിച്ച ശേഷം വിവരം ഭർത്താവറിയാതിരിക്കാൻ കാശു ചോദിച്ച് ബ്ലാക് മെയിലിംഗും ചെയ്തു; ഓർത്തഡോക്‌സ് സഭാ വൈദികന്റെ പീഡനം അതിരു കടന്നപ്പോൾ വീട്ടമ്മ ആത്മഹത്യ ചെയ്തു; നീതി തേടി പൊലീസിന്റെ മുമ്പിലും സഭാ നേതൃത്വത്തിന്റെ മുമ്പിലും കയറി ഇറങ്ങി മടുത്ത് ഒരു പാവം ഭർത്താവ്; നേതി തേടിയുള്ള കുറിച്ചിക്കാരൻ റെജിയുടെ പോരാട്ടം വിജയിക്കുമോ?
കോബാറിലെ കുടുംബവീട്ടിൽ ജിഫിലി ഉറങ്ങാൻ കിടക്കുമ്പോൾ ആരുകരുതി ഉണരില്ലെന്ന്! ജിഫിന്റെ മുറിയിൽ കിടക്കാൻ വാശിപിടിച്ചും അവന്റെ പുതപ്പ് പുതച്ചും വഴുതി വീണത് അവസാന ഉറക്കത്തിലേക്ക്; ഒരുമാസം മുമ്പേ സഹോദരൻ വിടവാങ്ങിയപ്പോൾ ജിഫിലി ഹൃദയം പൊട്ടി പാടിയ 'മറുകരയിൽ നാം കണ്ടീടും' എന്ന ഗാനം ഓർത്ത് അച്ഛൻ ജോർജും കുടുംബവും; ഇത്തവണ ആ ഗാനം മുഴങ്ങുക ജിഫിലിക്കായ്; സൗദിയിൽ രണ്ടുമക്കളുടെയും മരണം ഹൃദയാഘാതം മൂലം; ചെങ്ങന്നൂരിലെ കുടുംബത്തിന്റെ ദുരന്തത്തിൽ ആശ്വാസവാക്കുകളില്ലാതെ ഉറ്റവർ
തിരക്കേറിയ സന്ദർശനത്തിനിടയിൽ രാഹുൽ ഗാന്ധി യൂസഫലിയുടെ അബുദാബിയിലെ ആഡംബര വസതിയിലുമെത്തി; കണ്ടാൽ കൊതി തീരാത്ത അത്യാഡംബരത്തിൽ മയങ്ങി ഭാവി ഇന്ത്യൻ പ്രധാനമന്ത്രി; യൂസഫലിയും ഭാര്യയായ സാബിറയും മകൾ ഷിഫയും മരുമകൻ ഷംസീറും ചേർന്ന് വിശിഷ്ടാതിഥിയെ വീട് ചുറ്റി കാണിച്ചു; ഷെയ്ഖ് സെയ്ദ ഗ്രാന്റ് പള്ളിയും കണ്ട് ദുബായിലേക്ക് തിരിച്ച രാഹുൽ ഇന്ന് ഡൽഹിയിൽ മടങ്ങിയെത്തും
അകമണ്ണിൽ ചതരഞ്ഞത് തീർന്നത് രണ്ട് കുരുന്നുകളും അവരുടെ അമ്മയും നാത്തൂനും മകളും അടക്കം ഒരു കുടുംബത്തിലെ ആറു പേർ; എതിരെ വന്ന ബസ് കാണാതെ ടിപ്പർ ലോറിയെ അമിത വേഗത്തിൽ ഓവർടേക്ക് ചെയ്തത് ദുരന്തകാരണമായി; ബസിനിടയിലേക്ക് ഇടിച്ചു കയറിയ കാറിൽ നിന്നും പുറത്തേക്ക് തെറിച്ചത് ചോരയും മാംസകഷ്ണങ്ങളും; ചാമുണ്ടേശ്വരിയെ കണ്ടിട്ടുള്ള യാത്ര കൊടിയ ദുരന്തമായപ്പോൾ ദുബായിൽ ഇരുന്ന് മനോജ് അലറി വിളിച്ചു; ഇന്നലെ നടന്നത് എംസി റോഡ് കണ്ട ദാരുണ അപകടങ്ങളിൽ ഒന്ന്
ആറു വയസ് മുതൽ ദിവസവും നാലു തവണ പിതാവിന്റെ ക്രൂര ലൈംഗിക പീഡനത്തിന് ഇരയായി ! 'രണ്ടു തവണ ഗർഭം ധരിച്ച ഞാൻ പതിമൂന്നാം വയസിൽ പിതാവിന്റെ കുഞ്ഞിനെ പ്രസവിച്ചു; ഗൂഗിളിൽ നോക്കി ഗർഭം അലസിപ്പിക്കാനുള്ള വഴികൾ തിരഞ്ഞ് അച്ഛൻ നിർബന്ധിച്ച് ചെയ്യിപ്പിച്ചത് കഠിന വ്യായാമങ്ങൾ'; താൻ വർഷങ്ങളായി അനുഭവിച്ച നരകയാതന തുറന്ന് പറഞ്ഞ് 18കാരി ഷാനോൺ
ഇന്നലെ വരെ ബുർഖക്കുള്ളിൽ പൊതിഞ്ഞ് അടിമയെ പോലൊരു ഒറ്റപ്പെട്ട ജീവിതം; ഇന്ന് തലമുണ്ടില്ലാത്ത ബർമുഡയും ധരിച്ച ന്യൂജെൻ സ്‌റ്റൈൽ; പുതു ജീവിതത്തിലേക്ക് ഇറങ്ങിയ റാഫ് മുഹമ്മദിനെ ടൊറന്റോ എയർപോർട്ടിൽ സ്വീകരിക്കാൻ മന്ത്രിമാർ വരെ എത്തി; സൗദിയിൽ നിന്നും രക്ഷപ്പെട്ട് ബാങ്ക്കോംഗിൽ എത്തി കാനഡയിൽ രാഷ്ട്രീയ അഭയാർത്ഥിയായ 18കാരിക്ക് ഇനി സുഖജീവിതം
ആറു വർഷം പ്രേമിച്ച ശേഷം വിവാഹം കഴിഞ്ഞ് മൂന്നു മാസം മധുവിധു ആഘോഷമാക്കിയ യുവാവ് ഒന്നാം തീയതി ദുബായിലെ ജോലി സ്ഥലത്തെത്തി; 11ന് ഭാര്യയെ കാണാൻ ഇല്ല എന്ന് വീട്ടുകാർ പറഞ്ഞപ്പോൾ നെഞ്ച് പൊട്ടി പ്രാർത്ഥിച്ചത് വെറുതെയായി; മറ്റൊരു കാമുകനൊപ്പം ഭാര്യ ഒളിച്ചോടിയെന്ന് തിരിച്ചറിഞ്ഞപ്പോൾ തകർന്നു പോകാതിരിക്കാൻ ഒളിച്ചോട്ടം സുഹൃത്തുക്കൾക്കൊപ്പം ആഘോഷമാക്കി സോഷ്യൽ മീഡിയയിൽ പോസ്റ്റ് ചെയ്തത് വിഷേഷും കൂട്ടരും; ദുബായിലെ വേറിട്ട ആഘോഷം ഷെയർ ചെയ്ത് സോഷ്യൽ മീഡിയ
അവസരം നൽകാമെന്ന് പറഞ്ഞ് ഫ്‌ളാറ്റിൽ വിളിച്ചു വരുത്തി പീഡിപ്പിച്ചെന്ന നടിയുടെ പരാതിയെ തുടർന്ന് നിർമ്മതാവായ വൈശാഖ് രാജനെ തേടി പൊലീസ്; മറുനാടൻ പുറത്തു വിട്ട സിനിമാ പീഡനക്കേസിൽ നിർമ്മതാവിന്റെ പേരിൽ പൊലീസ് ചുമത്തിയിരിക്കുന്നത് ബലാത്സംഗ കേസ്; ഒത്തുതീർപ്പ് ശ്രമങ്ങൾ പൊളിഞ്ഞതോടെ ഒട്ടേറെ ദിലീപ് സിനിമകളുടെ നിർമ്മാതാവായ ഗൾഫ് വ്യവസായിയെ ഉടൻ അറസ്റ്റ് ചെയ്‌തേക്കും; ബ്ലാക് മെയിൽ ശ്രമമെന്ന് ആരോപിച്ച് നിർമ്മാതാവ്; മലയാള സിനിമയെ പിടിച്ചു കുലുക്കി പുതിയ പീഡന കേസ്
മലയാള സിനിമയെ ഞെട്ടിച്ച് വീണ്ടും ലൈംഗിക പീഡന പരാതി; പ്രമുഖ യുവനടിയുടെ ആരോപണം പ്രമുഖ നടന്മാരെ വെച്ച് ഹിറ്റ് സിനിമകൾ ഒരുക്കിയ നിർമ്മാതാവിനെതിരെ; കൊച്ചി നോർത്ത് പൊലീസ് സ്റ്റേഷനിൽ നൽകിയ പരാതി ഒതുക്കിത്തീർക്കാൻ ശ്രമങ്ങൾ തകൃതി; പ്രാഥമിക അന്വേഷണത്തിന്റ പേരിൽ ആരോപണ വിധേയനെതിരെ എഫ്‌ഐആർ ഇടാതെ നടപടികൾ നീട്ടി ഒത്തുതീർപ്പ് ശ്രമങ്ങൾക്ക് അവസരമൊരുക്കി ഉദ്യോഗസ്ഥൻ; അന്വേഷണത്തിന്റെ വാസ്തവം ബോധ്യമാകട്ടെ എന്ന് കൊച്ചി സിറ്റി പൊലീസ്
വിപണിയുടെ താരം ലാലേട്ടൻ, പ്രേക്ഷകരുടെ താരം ഫഹദ്; മമ്മൂട്ടിക്ക് ആശ്വസിക്കാൻ 'അബ്രഹാമിന്റെ സന്തതികൾ' മാത്രം; ടൊവീനോയ്ക്ക് സൂപ്പർ സ്റ്റാറുകൾക്ക് പോലുമില്ലാത്ത മിനിമം ഗ്യാരണ്ടി; വെടി തീർന്ന് ദിലീപ്; പ്രതീക്ഷ നിലനിർത്തി നിവിൻ; പൃത്ഥിയുടെ വിജയം 'കൂടെ ' മാത്രം; ദൂൽഖറിന് ചിത്രങ്ങളില്ല; ബോറടിപ്പിച്ച് കുഞ്ചാക്കോ ബോബൻ; നടിമാർ പൊടി പോലുമില്ല, സാന്നിധ്യം മഞ്ജു തന്നെ; പുതിയ താരോദയമായി പ്രണവ്; 2018ലെ മലയാളത്തിന്റെ താരങ്ങളുടെ പ്രകടനം ഇങ്ങനെയാണ്
ട്രെയിൻ ബെർത്തിലും വിമാനത്തിലും കാട്ടിലും അടക്കം വിചിത്രമായ സ്ഥലങ്ങളിൽ വച്ച് സ്വയംഭോഗം ചെയ്ത അനുഭവം സുഹൃത്തുക്കൾ ലാഘവത്തോടെ പറയുന്നത് കേട്ട് അത്ഭുതം തോന്നി; അന്ന് ഞാൻ പുരുഷനെക്കുറിച്ച് അറിയാത്ത ഒരിക്കലും അറിയാൻ സാധ്യത ഇല്ലാത്ത കുറേ കാര്യങ്ങൾ അറിഞ്ഞു; സ്വയംഭോഗത്തെക്കുറിച്ച് ബ്ലോഗിലൂടെ തുറന്നെഴുതി അർച്ചന കവി
ഓണപ്പതിപ്പിനായി ദിലീപിന്റെയും കുടുംബത്തിന്റെയും ഫോട്ടോ എടുക്കാനാണ് വീട്ടിൽ പോയത്; ഇറങ്ങാൻ നേരം ദിലീപ് എന്നോടു പറഞ്ഞു: ഒരുനടൻ എന്നെ വല്ലാതെ ദ്രോഹിക്കുന്നു... അവനെ കയറൂരി വിട്ടാൽ എനിക്ക് ഭീഷണിയായി വളരും..അതുകൊണ്ട് അവന്റെ വളർച്ച തടയണം: കുഞ്ചാക്കോ ബോബൻ- അവനെ ഒന്ന് ഒതുക്കി തരണം..ഞാൻ എന്ത് വേണമെങ്കിലും ചെയ്യാം; പല്ലിശേരിയുടെ പരമ്പര തുടരുന്നു
ശ്രീലങ്കക്കാരിക്ക് പുറമെ മൂന്ന് മലേഷ്യൻ യുവതികൾ.. ഒരു മഹാരാഷ്ട്രക്കാരി... രണ്ട് വിദേശികൾ; കനകദുർഗയും ബിന്ദുവും ഉൾപ്പെടെ ഇതുവരെ പൊലീസ് മലചവിട്ടിച്ചത് പത്ത് യുവതികളെ; എല്ലാം സുപ്രീംകോടതിയിൽ റിപ്പോർട്ട് നൽകാൻ സർക്കാർ ഒരുക്കിയ നാടകം; ശബരിമലയിൽ സംഘപരിവാറിനെ പൊളിക്കാൻ പിണറായിയെ തുണച്ചത് ബെഹറയുടെ അതിബുദ്ധി; ഡിജിപി തയ്യാറാക്കിയത് സിനിമയെ വെല്ലുന്ന തിരക്കഥ; ആക്ഷൻ സീനുകളില്ലാതെ ക്ലൈമാക്സ് ഗംഭീരമാക്കി പൊലീസ് മേധാവി
ഓപ്പറേഷൻ തിയേറ്ററിൽ വച്ച് സിവിൽ സർജനും സുന്ദരിയായ നഴ്‌സും തമ്മിൽ ചൂടൻ ചുംബനം ! ഉജ്ജൈനിലെ ആശുപത്രിയിൽ വച്ച് നടന്ന സംഭവം പുറംലോകമറിഞ്ഞത് വാട്‌സാപ്പ് വീഡിയോ വഴി; നഴ്‌സുമാരുടെ വാട്‌സാപ്പ് ഗ്രൂപ്പുകളിൽ വീഡിയോ പ്രചരിച്ചതിന് പിന്നാലെ ഡോക്ടറുടെ പണി തെറിച്ചു; ആശുപത്രിയിലെ ചൂഷണത്തിന്റെ മറ്റൊരു മുഖമിങ്ങനെ
കാൽക്കീഴിലെ മണ്ണ് ഒലിച്ചുപോകുന്നത് അറിയാതെ മമ്മൂട്ടി; ഇത്തവണത്തെ സൂപ്പർ ഫ്ളോപ്പുകളിൽ കൂടുതലും മമ്മൂട്ടി ചിത്രങ്ങൾ; എട്ടുനിലയിൽ പൊട്ടിയവയിൽ മുൻപന്തിയിൽ ദിലീപ് ചിത്രം കമ്മാരസംഭവം; പ്രതീക്ഷിച്ച വിജയം നേടാനാവതെ മോഹൻലാലിന്റെ നീരാളിയും; ആമിയും പൂമരവും രണവും തീയേറ്ററുകളിൽ ആവിയായി; 2018ൽ മലപോലെ വന്ന് എലിപോലെ പോയ സിനിമകൾ ഇവയാണ്!
ലൈംഗിക പീഡനത്തിന്റെ ദൃശ്യങ്ങൾ തെളിവായി നൽകി പ്രമുഖ നടി; ബ്‌ളാക്ക് മെയിൽ സംഭാഷണത്തിന്റെ ചുവയുള്ള സംഭാഷണം പൊലീസിന് നൽകി പ്രമുഖ നിർമ്മാതാവ്; നടപടികൾ മനഃപൂർവം വൈകിപ്പിച്ച് കൊച്ചി പൊലീസ്; എഫ്‌ഐആർ അടക്കമുള്ള നടപടികൾ വൈകിപ്പിക്കാൻ വേണ്ടി പൊലീസിൽ സമ്മർദ്ദം ചെലുത്തി മലയാളം സിനിമാരംഗത്തെ പ്രമുഖരും; നടിയുടെ ലൈംഗിക പരാതിയിൽ ഹിറ്റ് ചിത്രങ്ങളുടെ നിർമ്മാതാവിന് മേൽ കൈവിലങ്ങ് വീഴുമോ? ആകാംക്ഷയുമായി സിനിമാ ലോകം