1 usd = 69.84 inr 1 gbp = 89.53 inr 1 eur = 80.46 inr 1 aed = 19.01 inr 1 sar = 18.62 inr 1 kwd = 230.40 inr

Aug / 2018
21
Tuesday

സോളാർ എന്നുകേട്ടാൽ ഞെട്ടുന്ന കാലം മാറുന്നു; ലോകത്തെ ആദ്യ സമ്പൂർണ സോളാർ എയർപോർട്ടും രാജ്യത്തെ ആദ്യ സോളാർ ബോട്ടും ഓട്ടോയുമെല്ലാം ഒരുക്കി കേരളം രാജ്യത്തിന് തന്നെ മാതൃകയാകുന്നു; നിയമസഭ മുതൽ വീടുകളിലെ റാന്തൽ വരെ സോളാർ തരംഗം തീർത്ത് കേരളം മാറുന്നതിങ്ങനെ

May 20, 2017 | 04:45 PM IST | Permalink



സോളാർ എന്നുകേട്ടാൽ ഞെട്ടുന്ന കാലം മാറുന്നു; ലോകത്തെ ആദ്യ സമ്പൂർണ സോളാർ എയർപോർട്ടും രാജ്യത്തെ ആദ്യ സോളാർ ബോട്ടും ഓട്ടോയുമെല്ലാം ഒരുക്കി കേരളം രാജ്യത്തിന് തന്നെ മാതൃകയാകുന്നു; നിയമസഭ മുതൽ വീടുകളിലെ റാന്തൽ വരെ സോളാർ തരംഗം തീർത്ത് കേരളം മാറുന്നതിങ്ങനെ

മറുനാടൻ ഡെസ്‌ക്

തിരുവനന്തപുരം: സോളാർ എന്നുകേട്ടാൽ അഴിമതിയെന്ന നിലയിലേക്ക് ജനം ചിന്തിച്ചുപോകുന്ന സ്ഥിതിയാണ് കഴിഞ്ഞ സർക്കാരിന്റെ കാലത്ത് ഉണ്ടായത്. എന്നാൽ കേരളം വലിയൊരു കുതിപ്പിലാണ് ഈ രംഗത്തെന്ന് പുതിയ റിപ്പോർട്ടുകൾ സൂചിപ്പിക്കുന്നു. രാജ്യത്തിന് തന്നെ മാതൃകയാകുന്ന സ്ഥിതിയിലേക്ക് സംസ്ഥാനത്ത് സോളാർ വൈദ്യുതി ഉപയോഗിക്കുന്ന വ്യക്തികളുടേയും സ്ഥാപനങ്ങളുടേയും എണ്ണം അനുദിനം കൂടിവരികയാണിപ്പോൾ.

ജല, തെർമൽ പ്‌ളാന്റുകളിലെ വൈദ്യുതി എന്നതിന് പകരമായി സോളാർ പവർ എന്ന ഊർജ സ്രോതസ് ഉപയോഗിക്കാൻ നിരവധി സ്ഥാപനങ്ങൾ മുന്നോട്ടുവരികയും അതെല്ലാം തന്നെ വിജയം കാണുകയും ചെയ്യുന്നതോടെ ഇക്കാര്യത്തിൽ വലിയ കുതിപ്പാണ് കേരളത്തിൽ ഉണ്ടാവുന്നത്. പല കാര്യങ്ങളിലും രാജ്യത്തിന് മാതൃകയായി മാറിയ സംസ്ഥാനം സോളാർ ഊർജം ഫലപ്രദമായി ഉപയോഗിക്കുന്ന കാര്യത്തിലും വലിയ തോതിൽ മുന്നേറുന്നതായാണ് പുതിയ റിപ്പോർ്ട്ടുകൾ.

സോളാർ വൈദ്യുതി സംരംഭങ്ങളെ പ്രോത്സാഹിപ്പിക്കുന്നതിന് കേന്ദ്ര സംസ്ഥാന സർക്കാരുകൾ അമ്പതു ശതമാനം വരെ സബ്‌സിഡി നൽകുന്ന കാലഘട്ടത്തിലാണ് കേരളത്തിൽ സോളാർ വിവാദം കത്തിപ്പടരുന്നത്. ഇത്തരത്തിൽ സോളാർ ഉൽപ്പന്നങ്ങൾ നിർമ്മിക്കാനും വിപണനം ചെയ്യാനും രാജ്യത്താകെ മുന്നൂറോളം കമ്പനികൾക്ക് അനുമതി ലഭിച്ചിരുന്നു. കേരളത്തിൽ അനർട്ടിന് ഈ അനുമതിയുണ്ട്. ഇവർ വഴി ഗുണഭോക്താക്കളെ കണ്ടെത്തിയാലേ അതിന് സബ്‌സിഡി ലഭിക്കൂ.

എന്നാൽ ഇത്തരം അനുമതിയൊന്നുമില്ലാതെ വന്ന ടീം സോളാർ എന്ന കമ്പനിയുടെ പ്രവർത്തനങ്ങളാണ് കേരളത്തിൽ സോളാർ വിവാദമായും അതിന്റെ മറവിൽ നടന്ന അഴിമതിയായും കത്തിപ്പടർന്നത്. മുഖ്യമന്ത്രിയുടെ ഓഫീസ് വരെ അഴിമതിയുടെ ആരോപണമുനകൾ നീണ്ടതോടെ സോളാർ എന്നുകേട്ടാൽ ആരും ഞെട്ടുന്ന സ്ഥിതിയിലേക്ക് കാര്യങ്ങൾ എത്തി. എന്നാൽ ഇപ്പോൾ കാര്യങ്ങൾ മാറിവരികയാണ്.

ഈ വിവാദങ്ങൾ ഏറെക്കുറെ കെട്ടടങ്ങിയ സ്ഥിതിയായതോടെ വീണ്ടും ഉണർവിലേക്കാണ് കേരളത്തിലെ സോളാർ പദ്ധതികൾ എത്തുന്നത്. ഇതോടെ വീണ്ടും രാജ്യത്ത് പരമ്പരാഗത ഊർജ സ്രോതസ്സുകൾ ഫലപ്രദമായി ഉപയോഗിക്കുന്ന സംസ്ഥാനമായി കേരളം മാറുന്നു. പൂർണമായും വൈദ്യുതീകൃത സംസ്ഥാനമെന്ന പദവിയിലേക്ക് സംസ്ഥാനം അടുക്കുമ്പോൾ അതിൽ സോളാർ വൈദ്യുതിക്കും നിർണായക പങ്കുണ്ട്. ഇതിനകം ആന്ധ്രയും ഗുജറാത്തും രാജ്യത്ത് നേടിയ പദവിയിലേക്കാണ് സംസ്ഥാനം എത്തുന്നതെങ്കിലും അതിൽ സോളാർ വൈദ്യുതി കൂടുതലായി ഉപയോഗിക്കുന്ന സംസ്ഥാനമെന്ന നിലയിലേക്ക് കേരളം മാറുകയാണ്.

ഇതിനകം തന്നെ അനർട്ടിന്റെ നേതൃത്വത്തിൽ വലിയ മുന്നേറ്റമാണ് ഉണ്ടായിട്ടുള്ളതെന്ന് റിപ്പോർട്ടുകൾ സൂചിപ്പിക്കുന്നു. ഈ സർക്കാർ ഏജൻസി കഴിഞ്ഞ വർഷം മാത്രം സോളാർ ശേഷിയിൽ അമ്പതു ശതമാനം പുരോഗതി നേടിക്കഴിഞ്ഞു. 200 ലക്ഷം യൂണിറ്റ് വൈദ്യുതിയാണ് സോളാർ പദ്ധതികളിലൂടെ അനർട്ട് വഴി ലഭിച്ചത്.

സംസ്ഥാനത്താകെ 13000 സോളാർ വൈദ്യുതി പദ്ധതികളുണ്ട് ചെറുതും വലുതുമായി. അതിൽ നൂറെണ്ണം വലിയ പദ്ധതികളാണ്. ഭാവിയിൽ ഊർജരംഗത്ത് സൗരോർജത്തിന് നിർണായക സംഭാവനകൾ നൽകാൻ കഴിയുമെന്ന് ഉറപ്പിച്ചുകൊണ്ട് കേരളം മുന്നോട്ടുവയ്ക്കുന്ന ഒമ്പത് പദ്ധതികൾ ഇതിനകം ദേശീയ തലത്തിൽ തന്നെ വലിയ ശ്രദ്ധ നേടിക്കഴിഞ്ഞു.

പ്‌ളസ് വൺ, ടു വിദ്യാർത്ഥികൾക്ക് സൗരോർജ റാന്തലുകൾ

കഴിഞ്ഞ സർക്കാരിന്റെ കാലം മുതലേ അനർട്ട് വളരെ കാര്യക്ഷമമായി നടപ്പാക്കുന്ന പദ്ധതിയാണിത്. വൈദ്യുതി ലഭിക്കാത്ത വീടുകളിൽ താമസിക്കുന്ന പ്ലസ് വൺ, പ്ലസ് ടു വിദ്യാർത്ഥികൾക്കു സൗജന്യമായി സൗരോർജ്ജ റാന്തൽ നൽകുന്ന പദ്ധതിയാണ് സൗരപ്രിയ. പത്തു വാട്ട് ശേഷിയുള്ള സോളാർ പാനലും ഏഴു വോട്ട് ശേഷിയുള്ള സിഎഫ്എൽ വിളക്കും അടങ്ങിയ 2190 രൂപയുടെ റാന്തലുകളാണ് വിതരണം ചെയ്യുന്നത്. ഒരു ദിവസം സൂര്യപ്രകാശം ലഭിച്ചാൽ നാല്-അഞ്ച് മണിക്കൂർ വരെ റാന്തൽ പ്രവർത്തിപ്പിക്കാം. അഞ്ചു വർഷം വാറണ്ടിയുള്ള സൗരോർജ റാന്തലിന്റെ ബാറ്ററിക്കു രണ്ടു വർഷം വാറണ്ടി ലഭിക്കും. സബ്‌സിഡിയോടെ മറ്റുള്ളവർക്കും ഈ റാന്തൽ സ്വന്തമാക്കാനും അനർട്ട് അവസരമൊരുക്കിയിട്ടുണ്ട്.

സിയാൽ പൂർണമായും സോളാറിലുള്ള ലോകത്തെ ആദ്യ എയർപോർട്ട്

പൂർണമായും സോളാർ എനർജിയിൽ പ്രവർത്തിക്കുന്ന ലോകത്തെ ആദ്യ എയർപോർട്ട് എന്ന ബഹുമതി കൊച്ചിയിലെ നെടുമ്പാശ്ശേരി അന്താരാഷ്ട്ര വിമാനത്താവളം നേടിയതോടെ ഇത് സംസ്ഥാനത്തിന് അപൂർവ നേട്ടമായി. പൂർണമായും സൗരോർജത്തിൽ പ്രവർത്തിക്കുന്ന ലോകത്തിലെ ആദ്യ വിമാനത്താവളമാണ് ഇന്ന് നെടുമ്ബാശ്ശേരി. 45 ഏക്കറിലെ 46,000 സോളാർ പാനലുകൾ 60,000 യൂണിറ്റ് വൈദ്യുതിയാണ് ഒരു ദിവസം ഉത്പാദിപ്പിക്കുന്നത്. 2013 ൽ വിമാനത്താവളത്തിന്റെ മേൽക്കൂരയിൽ 400 സോളാർ പാനലുകൾ സ്ഥാപിച്ചു തുടങ്ങിയ പദ്ധതി വിജയം കണ്ടതോടെയാണ്, സോളാർപ്പാടങ്ങളിലേക്കും സൗരോർജക്കൊയ്ത്തിലെക്കും വ്യാപിപ്പിച്ചത്. ഇതിലൂടെ അടുത്ത 25 വർഷത്തിനുള്ളിൽ 300000 ടൺ കാർബൺ ബഹിർഗമനം കുറയ്ക്കാൻ കഴിയുമെന്നാണ് പ്രതീക്ഷിക്കുന്നത്. ആവശ്യം കഴിഞ്ഞുള്ള ഊർജം 'കെഎസ്ഇബി' ക്ക് വിൽക്കുകയും ചെയ്യുന്നു.

കേരള നിയമസഭയ്ക്കും ഇനി സോളാർ പവർ

ഇക്കഴിഞ്ഞ ഏപ്രിലിൽ ഈ സർക്കാർ പുതിയൊരു തീരുമാനം കൈക്കൊണ്ടു. സിയാൽ മോഡലിൽ സംസ്ഥാന നിയമസഭ തന്നെ സോളാർ വൈദ്യുതി ഉപയോഗിച്ച് പ്രവർത്തിക്കുന്ന നിലയിലേക്ക് മാറും. സഭാമന്തിരത്തിന്റെ മേൽക്കൂരയിൽ സ്ഥാപിക്കുന്ന സോളാർ പാനലുകൾ ഉപയോഗിച്ച് മന്തിരത്തിന്റെ ആവശ്യം പൂർണമായും നിറവേറ്റും വിധത്തിലേക്ക് കാര്യങ്ങൾ എത്തിക്കുന്ന പദ്ധതിയാണ് നടപ്പിലാകുക. ഇതിന്റെ പ്രാരംഭ പ്രവർത്തനങ്ങൾ ഇതിനകം ആരംഭിച്ചുകഴിഞ്ഞു.

സൗരോർജത്തിന്റെ പകിട്ടുമായി കൊച്ചി മെട്രോയും

അടുത്തുതന്നെ ഉദ്ഘാടനം കാത്തുനിൽക്കുന്ന കൊച്ചി മെട്രോ പദ്ധതിയും സൗരോർജം ഉപയോഗിക്കാൻ ഉറച്ചാണ് വിഭാവനം ചെയ്തിട്ടുള്ളത്. ആദ്യ ഘട്ടത്തിൽ നാല് മെഗാവാട്ട് സോളാർ വൈദ്യുതി ലഭ്യമാക്കുന്നതിന് സ്വകാര്യ സംരംഭകരുമായാണ് കൊച്ചി മെട്രോ റെയിൽ ലിമിറ്റഡ് (കെ.എം.ആർ.എൽ.) ധാരണാപത്രം ഒപ്പിട്ടത്. മെട്രോ സ്റ്റേഷനു മുകളിൽ സോളാർ പാനലുകൾ സ്ഥാപിച്ച് വൈദ്യുതി ഉല്പാദിപ്പിക്കാനാണ് നീക്കം. ഇതിന്റെ ആദ്യപടിയായി നാല് മെഗാവാട്ട് സോളാർ പവർ വാങ്ങുന്നതിനാണ് ധാരണാപത്രം ഒപ്പുവെച്ചത്. കെഎംആർഎൽ എംഡി ഏലിയാസ് ജോർജിന്റെ സാന്നിധ്യത്തിൽ ഹീറോ സോളാർ എനർജി ലിമിറ്റഡ് കമ്പനി അധികൃതരുമായാണ് കരാർ ഒപ്പിട്ടത്.

കരാർ പ്രകാരം ഒരു മെഗാവാട്ട് വൈദ്യുതി ഒക്ടോബർ രണ്ടോടെ ലഭ്യമാകും. മെട്രോയുടെ ആദ്യഘട്ടത്തിൽ 22 സ്റ്റേഷനുകളും ഒരു ഡിപ്പോയുമാണ് ഉൾപ്പെടുന്നത്. ഈ 22 സ്റ്റേഷനുകളുടെയും മെട്രോ യാർഡിലെ കെട്ടിടത്തിനു മുകളിലും സൗരോർജ പാനലുകൾ സ്ഥാപിക്കാനാണ് കെഎംആർഎൽ ലക്ഷ്യമിടുന്നത്. വൈദ്യുതി ഉല്പാദിപ്പിക്കുന്നതിനും അറ്റകുറ്റപ്പണിക്കുമെല്ലാമുള്ള ചെലവ് സ്വകാര്യ സംരംഭകർ വഹിക്കും. 27 കോടിയാണ് പ്രതീക്ഷിക്കുന്ന ചെലവ്. രാജ്യത്തെ മെട്രോ പദ്ധതികളിൽ ഏറ്റവും കുറഞ്ഞ ചെലവിൽ സൗരോർജ പദ്ധതി നടപ്പാക്കുക കൊച്ചി മെട്രോയായിരിക്കും. ഒമ്പത് മാസത്തിനകം പദ്ധതി പൂർത്തിയാകും. പദ്ധതിച്ചെലവിന്റെ 15 ശതമാനം കേന്ദ്ര സഹായമായി കെഎംആർഎല്ലിന് ലഭിക്കും.

രാജ്യത്തെ ആദ്യ സൗരോർജ ബോട്ടായി കേരളത്തിന്റെ ആദിത്യ

ഇരുപത് മീറ്റർനീളവും ഏഴുമീറ്റർ വീതിയും ഉള്ള ബോട്ട്. മണിക്കൂറിൽ 14 കിലോമീറ്റർ വേഗത്തിൽ സഞ്ചരിക്കാം. രാജ്യത്തെ ആദ്യ സൗരോർജ യാത്രാബോട്ടായ ആദിത്യ ഇക്കഴിഞ്ഞ ജനുവരിയിലാണ് നീറ്റിലിറക്കിയത്. ജലഗതാഗതവകുപ്പിന്റെ അരൂരിലെ യാർഡിൽ ആണ് ആദിത്യയുടെ നിർമ്മാണം നടന്നത്.

വൈക്കം മുതൽ തവണക്കടവുവരെ സർവീസ് നടത്താനാണ് ഇന്ത്യൻ രജിസ്ട്രാർ ഓഫ് ഷിപ്പിങ് അനുമതി നൽകിയിരിക്കുന്നത്. സാധാരണ വെയിലുള്ള ദിവസങ്ങളിൽ ആറരമണിക്കൂർ തുടർച്ചയായി യാത്രചെയ്യാം. ചാർജ് ചെയ്യാനുള്ള സോളാർ പാനലുകൾ ബോട്ടിനു മുകളിലാണ് നിരത്തിയിരിക്കുന്നത്. മലിനീകരണം ഇല്ലാതാക്കുന്നതിനും ജലഗതാഗതവകുപ്പിന്റെ ചെലവുകളിൽ കാര്യമായ കുറവുവരുത്തുന്നതുമാണ് സോളാർ ബോട്ടുകളെന്നതാണ് പ്രത്യേകത. വൈക്കത്ത് സർവീസ് വിജയകരമാകുന്നതോടെ ഭാവിയിൽ ജലഗതാഗത വകുപ്പ് പണിയുന്ന ബോട്ടുകൾ ഈ മാതൃകയിലേക്ക് മാറ്റാനാകുമെന്നാണ് അധികൃതരുടെ കണക്കുകൂട്ടൽ.

ശബ്ദമലിനീകരണവും അന്തരീക്ഷമലിനീകരണവും ജലമലിനീകരണവും ഇല്ലാത്ത ബോട്ട് സർവീസ് എന്നതാണ് പ്രത്യേകത. 75 പേർക്ക് ഇരിക്കാവുന്ന സോളാർ ബോട്ട് 1.5 കോടി രൂപ ചെലവിലാണ് നിർമ്മിച്ചത്. കേന്ദ്ര ഊർജമന്ത്രാലയത്തിന്റെ സബ്‌സിഡിയുംലഭിച്ചു.

സോളാർ ഓട്ടോകളും ഒരുക്കുന്ന കേരള മോഡൽ

അന്തരീക്ഷ മലിനീകരണം ഉണ്ടാക്കുന്നതിൽ നഗരങ്ങളിൽ വലിയൊരു പങ്കുണ്ട് ഓട്ടോറിക്ഷകൾക്ക്. ഇതിനൊരു പരിഹാരമെന്ന നിലയിൽ ജോർജ്കുട്ടി കരിയാനപ്പള്ളി ഒരുക്കിയ സോളാർ ഓട്ടോറിക്ഷകളും ഇപ്പോൾ ശ്രദ്ധ നേടുകയാണ്. പരിസ്ഥിതി മലിനീകരണം ഒട്ടുമില്ലാത്ത ഓട്ടോകളാണ് ഇദ്ദേഹം ഒരുക്കുന്നത്. കഴിഞ്ഞവർഷം ഓഗസ്റ്റിൽ സോളാർ ഓട്ടോ കൊച്ചിയിലെ നിരത്തിലിറങ്ങി.

ലൈഫ് വേ സോളാറാണ് ഇ-റിക്ഷ ഇറക്കിയത്. ആറു മണിക്കൂർ ചാർജ്ജ് ചെയ്താൽ 80 മുതൽ 100 കിലോ മീറ്റർ വരെ റിക്ഷ ഓടിക്കാനാകും. അതേസമയം പെട്രോൾ, ഡീസൽ റിക്ഷകളെ പോലെ പുകയും ശബ്ദവും ഇല്ലാത്തതിനാൽ ഇ-റിക്ഷ അന്തരീക്ഷ മലിനീകരണത്തിന് ഇടയാക്കില്ല. 30 കി.മീ വേഗത്തിൽ മാത്രം സഞ്ചരിക്കുന്ന ഇ-റിക്ഷ തിരക്കേറിയ നഗരത്തിലെ റോഡുകളിൽ ഉപയോഗിക്കാനാണ് ഏറ്റവും അനുയോജ്യം.

1.25 ലക്ഷം രൂപ വിലയുള്ള ഈ റിക്ഷയിൽ അഞ്ചു പേർക്ക് ഒരു സമയം യാത്ര ചെയ്യാം. രൂപമാറ്റം വരുത്തിയാൽ ചെറിയ കാറായും ഇതിനെ വികസിപ്പിച്ചെടുക്കാം. 1.5 മീറ്റർ നീളത്തിൽ ഒരു മീറ്റർ വീതിയിലാണ് സോളാർ പാനലുകൾ റിക്ഷയുടെ മുകളിൽ ഘടിപ്പിച്ചിട്ടുള്ളത്. ഇതുവഴി വാഹനത്തിലെ ബാറ്ററിയിലേക്ക് ചാർജ്ജ് ചെയ്യും. 12 വാൾട്ടിന്റെ നാലു ബാറ്ററികളാണ് വാഹനത്തിലുള്ളത്. സൗരോർജ്ജത്തിന്റെ അഭാവത്തിൽ വൈദ്യുതി വഴിയും ബാറ്ററി ചാർജ് ചെയ്യാനാകും.

5.4 കിലോവാട്ട് വൈദ്യുതിയുണ്ടാക്കി നേവിയുടെ കപ്പൽ ഐഎൻഎസ് സർവേക്ഷക്

കൊച്ചിയിലെ സതേൺ നേവൽ കമാൻഡിലുള്ള ഐഎൻഎസ് സർവേക്ഷക് എന്ന കപ്പലിലും സോളാർ വൈദ്യുതിയുണ്ട്. 5.4 കിലോവാട്ട് വൈദ്യുതിയാണ് ഈ കപ്പൽ ഉത്പാദിപ്പിക്കുന്നത്. കപ്പലിലെ എമർജൻസി ഡീസൽ അർട്ടർനേറ്റർ പ്രവർത്തിപ്പിക്കാനാണ് ഈ വൈദ്യുതി ഉപയോഗിക്കുന്നത്.

സംസ്ഥാനത്തൊട്ടാകെ 20 ലക്ഷംവരെ സോളാർ വാട്ടർ ഹീറ്ററുകൾ

വാട്ടർ ഹീറ്ററുകളാണ് സംസ്ഥാനത്ത് വൈദ്യുതി വൻതോതിൽ ഗാർഹിക തലത്തിൽ ഉപയോഗിക്കുന്നത്. അതിനാൽ ഈ രംഗത്ത് സോളാർ എനർജി ഉപയോഗിക്കാനായാൽ അത് സംസ്ഥാനത്തിന് വളരെ ഗുണംചെയ്യുമെന്ന കണ്ടെത്തലിന്റെ അടിസ്ഥാനത്തിൽ 12 ലക്ഷം മുതൽ 20 ലക്ഷം വരെ സോളാർ വാട്ടർ ഹീറ്ററുകൾ വീടുകളിലേക്ക് എത്തിക്കാനുള്ള സർക്കാരിന്റെ പദ്ധതിയാണിത്. ഇത് നടപ്പാകുന്നതോടെ വൈദ്യുതി വകുപ്പിനും അത് നേട്ടമാകും. ജില്ലാ കളക്ടർമാർ മുഖേനയാണ് ഇത്രയും സോളാർ വാട്ടർ ഹീറ്ററുകൾക്ക് ഗുണഭോക്താക്കളെ ജില്ലാ അടിസ്ഥാനത്തിൽ കണ്ടെത്തുന്നത്.

സോളാർ വൈദ്യുതി പരിചയപ്പെടുത്താൻ എനർജി എജുക്കേഷൻ പാർക്ക്

അനർട്ടിന്റെ നേതൃത്വത്തിൽ സോളാർ എനർജി എജുക്കേഷൻ പാർക്കുകളും സ്ഥാപിക്കുന്നുണ്ട്. സോളാർ എനർജിയെപ്പറ്റി ബോധവൽക്കരണം നടത്താൻ ഉദ്ദേശിച്ചുള്ള പാർക്കുകൾ വരുന്നത് ഇതിന്റെ പ്രചാരണത്തിന് ഗുണംചെയ്യുമെന്നാണ് പ്രതീക്ഷ. കൂടുതൽ പേർ ആകൃഷ്ടരാവുന്ന സ്ഥിതി വന്നാൽ പതിയെപ്പതിയെ കേരളം പുതിയ ഊർജസ്രോതസ്സിലേക്ക് വലിയതോതിൽ മാറുമെന്ന പ്രതീക്ഷയാണ് ഉള്ളത്.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
അബദ്ധം പറ്റിയെന്ന് വിചാരിച്ചാൽ മതി; ശാസ്ത്രത്തിൽ എന്തു കണ്ടുവോ അതാണ് പറഞ്ഞത്; ശാസ്ത്രം തെറ്റാണെന്ന പ്രചരണമാണ് നടക്കുന്നത് അത് ശരിയല്ല; തനിക്ക് തെറ്റ് പറ്റിയിരിക്കാം, തനിക്ക് തെറ്റുപറ്റാമല്ലോ; മെയ് ആദ്യം മുതൽ മഴ ആരംഭിക്കും എന്ന പ്രവചചനം ശരിയായി; പിന്നെ തുലാവർഷത്തിൽ നല്ല മഴ ലഭിക്കും എന്ന് പറഞ്ഞത് ശരിയാകും: വിഷുഫല ട്രോളർമാരോട് കാണിപ്പയ്യൂരിന് പറയാനുള്ളത്
വീട്ടുമുറ്റത്തുപോലം വെള്ളം കയറാത്തവർ കുടുംബസമേതം ക്യാമ്പിൽ വലിഞ്ഞുകയറി ആഹാരത്തിനും വസ്ത്രത്തിനും കടിപിടി; രാവിലെ വന്ന് സന്ധ്യയ്ക്ക് വീട്ടിൽ പോയി ഉറങ്ങുന്നവരും ക്യാമ്പിലെ അന്തേവാസികൾ; സർക്കാർ ദുരിതാശ്വാസ ക്യാമ്പുകളിൽ കയറിപ്പറ്റിയ അനർഹർ അർഹരേക്കാൾ ഏറെ; കൊല്ലം ജില്ലയിലെ ക്യാമ്പുകൾ സർക്കാർ കാശ് വിഴുങ്ങാൻ വേണ്ടി മാത്രം; ദുരിതാശ്വാസ ക്യാമ്പിലെ തട്ടിപ്പുകൾ ഇങ്ങനെ
യുഎഇ കേരളത്തിന് വാഗ്ദാനം ചെയ്തത് 700 കോടി രൂപ! യുഎഇ ഭരണാധികാരികൾക്ക് പ്രത്യേകം നന്ദി അറിയിച്ച് മുഖ്യമന്ത്രി; പുതിയ കേരളം സൃഷ്ടിക്കേണ്ട സാഹചര്യമെന്ന് പിണറായി വിജയൻ; ദുരിതാശ്വാസത്തിനും പുനരധിവാസത്തിനും ബൃഹത്തായ പദ്ധതി; വായ്പാ പരിധി ഉയർത്താൻ കേന്ദ്രത്തോട് ആവശ്യപ്പെടും; വിഭവ സമാഹരണത്തിന് സംസ്ഥാന ജിഎസ്ടിക്ക് പുറമേ 10 ശതമാനം സെസസ് ഏർപ്പെടുത്തും; പ്രളയക്കെടുതി ചർച്ച ചെയ്യാൻ പ്രത്യേകം സമ്മേളനം വിളിക്കാനും തീരുമാനം
പ്രളയക്കെടുതിയിൽ വലയുന്ന കേരളത്തിന് രാജ്യാന്തര സംഘടനകളുടെ സഹായം വേണ്ടെന്ന് കേന്ദ്രസർക്കാർ; സഹായം വാഗ്ദാനം ചെയ്ത ഐക്യരാഷ്ട്ര സഭയോടും റെഡ് ക്രോസിനോടും നോ പറഞ്ഞ് മോദി സർക്കാർ; ദുരിതാശ്വാസ പ്രവർത്തനങ്ങൾ നടപ്പിലാക്കാൻ കേന്ദ്രത്തിന് കഴിയുമെന്നും മറുപടി; നിലവിൽ കേന്ദ്രം നൽകിയ അടിയന്തര സഹായം കുറവെന്ന് പരാതി പറയുന്ന കേരളത്തിന് തിരിച്ചടിയായി സഹായം നിരസിക്കൽ
കത്വയിലെ ബലത്സംഗക്കൊലയുടെ കാലത്ത് ന്യൂമോണിയ ബാധിച്ച് ആശുപത്രിയിൽ കഴിയുന്നപ്പോഴും കാശ്മീരിലേക്ക് കുതിച്ച ഇ.ടി.ക്ക് പ്രളയകാലത്ത് എങ്ങനെ ജർമ്മനിയിൽ പോവാൻ തോന്നി? ചന്ദ്രിക ഡയറക്ടറുടെ കെണിയിൽ ഇ ടി വീണുവോ? മുട്ടിന് താഴെ മാത്രം വെള്ളമുള്ള മലപ്പുറത്തെ റോഡിലെ തോണിയിൽ കയറിയ കുഞ്ഞാലിക്കുട്ടി സൈബർ സഖാക്കൾക്ക് പരിഹസിക്കാനുള്ള വക ഇട്ടു കൊടുക്കത്തില്ലേ? ലീഗ് നേതാക്കൾക്കെതിരെ പാർട്ടി അണികളുടെ വാട്‌സാപ്പ് രോഷം
മഴക്കെടുതിയിൽ പെട്ട മല്ലികാ സുകുമാരനെ ക്രൂരമായി അവഹേളിച്ച് സൈബർ ട്രോളുകൾ; മകന്റെ ലംബോർഗനി കാർ കൊണ്ട് വരാൻ റോഡ് ശരിയല്ല എന്ന് തള്ളിയ അമ്മയാണ് അണ്ടാവിൽ കയറി യാത്ര ചെയ്യുന്നതെന്ന് അപമാനിച്ച് ട്രോളുകൾ; പ്രകൃതിക്ക് മുന്നിൽ പണത്തിന്റെ അഹങ്കാരത്തിന് പുല്ലുവില; ഇപ്പോൾ പറയാൻ പാടില്ലെങ്കിലും ചിലത് പറയാതെ വയ്യെന്ന് കളിയാക്കലുകൾ; കുണ്ടമൺകടവിലെ പൃഥ്വിയുടെ വീട്ടിൽ സംഭവിച്ചത് എന്ത്?
സഹപാഠികളും ബന്ധുക്കളുമായ ഡോക്ടർമാരുടെ മരണകാരണം അമിത ഡോസിലുള്ള മരുന്നുപയോഗം; അനസ്‌തേഷ്യാ സ്‌പെഷ്യലിസ്റ്റുകളുടേത് ആത്മഹത്യയെന്ന പ്രാഥമിക നിഗമനം; യുവതി ഗർഭിണിയെന്നും സ്ഥിരീകരണം; കുടുംബാംഗങ്ങളെ മൊഴി എടുത്ത് തുമ്പുണ്ടാക്കാൻ മനാമാ പൊലീസ്; ഡോ ഇബ്രാഹിം റാവുത്തരുടേയും ഡോ ഷംലീന മുഹമ്മദ് സലിമിന്റേയും മരണത്തിലെ പൊരുൾ തേടി അന്വേഷണം
എന്റെ അറിവില്ലായ്മ കൊണ്ടു പറ്റിപോയതാണ്.. എന്നോട് ക്ഷമിക്കണം; ഞാൻ ചെയ്തത് 100 ശതമാനം തെറ്റാണ്; മദ്യലഹരിയിൽ ചെയ്ത ഒരു കമന്റാണ്; അതെന്നും ഒരിക്കലും തന്റെ ഭാഗത്തുനിന്നും ഇതുണ്ടാവാൻ പാടില്ലാത്തതായിരുന്നു; ദുരിതാശ്വാസ കേന്ദ്രങ്ങളിലേക്ക് ആവശ്യത്തിന് നാപ്കിനുകൾ ആവശ്യപ്പെട്ട പോസ്റ്റിൽ 'കുറച്ചു കോണ്ടം കൂടി ആയാലോ' കമന്റിട്ടതിൽ ഖേദം പ്രകടിപ്പിച്ച് പ്രവാസി മലയാളി യുവാവ്
തമിഴ് നാട്ടിലും കർണാടകത്തിലും ആന്ധ്രയിലും പെയ്യാത്ത മഴയെന്ത് കേരളത്തിൽ മാത്രം? 18 മലകളുടെ അധിപനായ ധർമ്മശാസ്താവ് അതിന്റെ പരിശുദ്ധിക്കു കളങ്കം വരുത്തുവാൻ ശ്രമിച്ച അവിശ്വാസികൾക്ക് നൽകുന്ന മുന്നറിയിപ്പാണ് ഈ പെരുമഴ; 18 തികഞ്ഞ സ്ത്രീകളെ കയറ്റാൻ ശ്രമിക്കുന്നവരോട് അയ്യപ്പൻ പറയുന്നത് ആരും തന്നെ കാണാൻ വരേണ്ട എന്നാണ്; ശബരിമല ക്ഷേത്രത്തിൽ ചടങ്ങുകൾ പോലും മുടങ്ങിയതോടെ സ്ത്രീ പ്രവേശന വിഷയം ആയുധമാക്കി വിശ്വാസികൾ; തന്ത്രിക്ക് പോലും എത്താനാകാത്ത അവസ്ഥ സോഷ്യൽ മീഡിയ ചർച്ചയാക്കുമ്പോൾ
കുതിരാനിൽ കുടുങ്ങി ജയറാം; കഴുത്തറ്റം വെള്ളത്തിൽ നിന്നും നീന്തി രക്ഷപ്പെട്ട് ധർമ്മജൻ; ഉടൻ വരുന്ന വെള്ളത്തെ കാത്ത് ടോവിനോ; മുങ്ങിയ വീടിന്റെ ചിത്രം പങ്കുവച്ച് ജോജു; ദിലീപിന്റെ വീടിന് അടുത്തു വരെ വെള്ളം എത്തി; കായലും കടലും കയറി വീട് പണിത താരങ്ങൾക്കെല്ലാം ആശങ്ക; മല്ലികാ സുകുമാരനെ പോലെ ദുരിതം അറിഞ്ഞവരിൽ അനേകം സിനിമാക്കാർ
വിദേശത്ത് താമസിക്കുന്ന സമ്പന്നരായ മക്കൾ വലിയ വീടുകൾ നിർമ്മിച്ച് സുരക്ഷ ഉറപ്പു വരുത്താൻ കൂറ്റൻ മതിലുകളും കോൺക്രീറ്റിന് കേട് വരാതിരിക്കാൻ ഇരുമ്പഴികളിൽ തീർത്ത റൂഫ് ടോപ്പുകൾ നിർമ്മിച്ച് സംരക്ഷണം ഉറപ്പാക്കി; ടെറസ്സിൽ കയറി നിന്നാലും രക്ഷാപ്രവർത്തകരെ സാന്നിധ്യം അറിയിക്കാൻ സാധിക്കാതെ വൃദ്ധരായ മാതാപിതാക്കൾ; ചെറുവള്ളങ്ങൾ ഒഴുകി പോവുകയും ബോട്ടുകൾ മതിലിൽ ഇടിച്ച് തകരുകയും ചെയ്യുന്നതോടെ എയർലിഫ്റ്റിംഗും നടക്കാതെയായി; ചെങ്ങന്നൂരിൽ രക്ഷാപ്രവർത്തനം അസാധ്യമാകുന്നത് ഇങ്ങനെ
ഇത്തരത്തിലുള്ള തോന്ന്യാസം ഒരുകാരണവശാലും വച്ചുപൊറുപ്പിക്കില്ലെന്ന് എം.എ.യൂസഫലി; ഒമാനിൽ ലുലു ഗ്രൂപ്പിൽ ജോലി നോക്കുന്ന മലയാളി യുവാവ് സോഷ്യൽ മീഡിയയിൽ ഇട്ട കമന്റ് പൂർണമായി തള്ളിക്കളയുന്നു; ഉടനടി യുവാവിനെ ജോലിയിൽ നിന്ന് പുറത്താക്കി യൂസഫലിയുടെ നടപടി; 'ദുരിതാശ്വാസ കേന്ദ്രങ്ങളിലേക്ക് നാപ്കിനുകൾ ആവശ്യപ്പെട്ട പോസ്റ്റിൽ കുറച്ചു കോണ്ടം കൂടി ആയാലോ' എന്ന കമന്റിന് ഖേദം പ്രകടിപ്പിച്ചിട്ടും രാഹുൽ സിപിക്ക് പണിയായത് സോഷ്യൽ മീഡിയയിലെ ശക്തമായ പ്രതിഷേധം
ആദ്യം മുല്ലപ്പെരിയാറിലെ ചതി; പിന്നെ ചാലക്കുടിപുഴയെ മുക്കിയ മലക്കപ്പാറയിലെ ഷോളയാറിൽ നിന്നുള്ള വെള്ളമൊഴുക്ക്; ഇന്ന് നീരാറിലൂടെ ഇടമലയാറിനേയും കുഴപ്പത്തിലാക്കി; നീരാർ ഡാമിൽ നിന്നും ഒഴുക്കിവിടുന്ന വെള്ളത്തിന്റെ അളവ് കൂട്ടി തമിഴ്‌നാടിന്റെ കുതന്ത്രം വീണ്ടും; പെരിയാറിലേക്കുള്ള വെള്ളമൊഴുക്ക് കൂടുന്നത് ആലുവയേയും ചാലക്കുടിയേയും പ്രതിസന്ധിയിലാക്കും; കോതമംഗലവും നേര്യമംഗലവും മൂവാറ്റുപുഴയും ഒറ്റപ്പെട്ട അവസ്ഥയിൽ
മഴക്കെടുതിയിൽ പെട്ട മല്ലികാ സുകുമാരനെ ക്രൂരമായി അവഹേളിച്ച് സൈബർ ട്രോളുകൾ; മകന്റെ ലംബോർഗനി കാർ കൊണ്ട് വരാൻ റോഡ് ശരിയല്ല എന്ന് തള്ളിയ അമ്മയാണ് അണ്ടാവിൽ കയറി യാത്ര ചെയ്യുന്നതെന്ന് അപമാനിച്ച് ട്രോളുകൾ; പ്രകൃതിക്ക് മുന്നിൽ പണത്തിന്റെ അഹങ്കാരത്തിന് പുല്ലുവില; ഇപ്പോൾ പറയാൻ പാടില്ലെങ്കിലും ചിലത് പറയാതെ വയ്യെന്ന് കളിയാക്കലുകൾ; കുണ്ടമൺകടവിലെ പൃഥ്വിയുടെ വീട്ടിൽ സംഭവിച്ചത് എന്ത്?
പ്രസംഗിച്ചു കൊണ്ടിരുന്ന മോഹൻലാലിനെ 'വെടി വെക്കാൻ' നടൻ അലൻസിയറിന്റെ ശ്രമം; ഈർഷ്യ മറച്ചുവെക്കാതെ മോഹൻലാൽ പ്രസംഗം തുടർന്നപ്പോൾ മുഖ്യമന്ത്രിയുടെ ശ്രദ്ധ ക്ഷണിച്ചു സ്‌റ്റേജിലിരുന്ന മന്ത്രി എ കെ ബാലൻ; ഗൗരവം ചോർത്താൻ മുഖ്യമന്ത്രി ചിരിച്ചെങ്കിലും ആർക്കും തമാശ തോന്നിയില്ല; വിരലുകൾ തോക്കുപോലെ ആ്ക്കിയുള്ള വെടിക്ക് ശേഷം സ്‌റ്റേജിലെത്തിയ നടനെ തടഞ്ഞു പൊലീസും സുരക്ഷാ ഉദ്യോഗസ്ഥരും: ചലച്ചിത്ര അവാർഡ്ദാന ചടങ്ങിൽ ഇന്നലെ നടന്നത് നാടകീയ രംഗങ്ങൾ
ജെസ്‌ന കേരളത്തിന് പുറത്ത് ജീവിച്ചിരിക്കുന്നു; മുക്കൂട്ടുതറയിൽ നിന്നുള്ള തിരോധാനം ആസൂത്രിതം; കണ്ടെന്ന കഥകൾ അന്വേഷണം വഴി തെറ്റിക്കാനുള്ള നീക്കത്തിന്റെ ഭാഗം; മടിവാളയിലെ ആശ്രയഭവനിൽ കണ്ടുവെന്ന പ്രചാരണത്തിന് പിന്നിൽ ഒന്നാന്തരം തിരക്കഥ; മറുനാടൻ മുൻപ് സൂചിപ്പിച്ച വഴിയിലൂടെ പൊലീസിന്റെ അന്വേഷണ സംഘം നീങ്ങുമ്പോൾ പുറത്തു വരുന്ന സൂചനകളെല്ലാം ഇനി ജെസ്‌നയിലേക്ക് അധികദൂരമില്ലെന്ന് തന്നെ
സിനിമ മോഹം തലയ്ക്ക് പിടിച്ച ശ്രീകുമാർ മേനോൻ മാസം ഒരുകോടി രൂപ വരുമാനം ഉണ്ടായിരുന്ന സ്വന്തം സ്ഥാപനത്തെ കൈവിട്ടു; കല്യാണുമായി തെറ്റിയതോടെ വരുമാനം നിലച്ച ശ്രീകുമാറിന്റെ പുഷ് കടം കയറി പാപ്പർ ഹർജിയിൽ വരെ എത്തി; ശമ്പളം പോലും ലഭിക്കാതായതോടെ ജീവനക്കാരെല്ലാം സ്ഥലം വിട്ടു; രണ്ടാമൂഴം ഉറപ്പില്ലാതിരിക്കെ ഒടിയൻ കൂടി പൊളിഞ്ഞാൽ എന്താകുമെന്ന് അറിയാതെ ദിലീപ്-മഞ്ജു തർക്കത്തിലൂടെ ശ്രദ്ധ നേടിയ സംവിധായകൻ
ചൂടുണ്ടെന്ന് അറിയാതെയാ അമ്മ ഗ്യാസിന് മുകളിൽ വച്ച ചട്ടുകം കാലിൽ വച്ചത്; കാലു വേദനിച്ചപ്പോ അമ്മ തേൻ പുരട്ടി തന്നിട്ട് ആരോടും പറയല്ലേ എന്ന് പറഞ്ഞു; അടിക്കുകയും പിച്ചുകയും ചെയ്യുമെങ്കിലും അമ്മയോടെനിക്ക് ദേഷ്യമൊന്നുമില്ല; കിടക്കയിൽ മൂത്രമൊഴിച്ചതിന് രണ്ടാനമ്മ ചട്ടുകം പഴുപ്പിച്ച് പൊള്ളിച്ച രണ്ടാം ക്ലാസ്സുകാരിയുടെ മൊഴിയിൽ പൊലീസും കരഞ്ഞു
അരുൺ ഗോപിയും ടോമിച്ചൻ മുളകുപാടവും ചേർന്ന് മലയാളികളെ മുഴുവൻ ഒറ്റ ദിവസം കൊണ്ട് വിഡ്ഢികളാക്കിയോ? പ്രണവ് മോഹൻലാൽ സിനിമയുടെ പ്രമോഷനായി ഒരുക്കിയ നാടകം ആയിരുന്നു ഹനയുടെ മീൻ വില്പനയെന്ന് ആരോപിച്ച് തെളിവുകൾ നിരത്തി അനേകം പേർ; സിനിമക്കാർ കുഴിച്ച കുഴിയിൽ മാതൃഭൂമി ലേഖകൻ ഒറ്റയ്ക്ക് വീഴുകയും പിന്നാലെ മനോരമ മുതൽ മറുനാടൻ വരെ സർവ്വ മാധ്യമങ്ങളും ഒരുമിച്ച് വീഴുകയും ചെയ്തെന്ന് വാദിച്ച്‌ സോഷ്യൽ മീഡിയ
ഗണേശിന്റെ 'ഇടവേളക്കളി' വേണ്ടെന്ന് തറപ്പിച്ച് പറഞ്ഞ് മോഹൻലാൽ; പത്തനാപുരത്തെ എതിരാളിയെ ഒപ്പം നിർത്തി ശുദ്ധീകരണം; ഇനി ജഗദീഷിന് കൂടുതൽ റോൾ; ഡബ്ല്യൂസിസിയെ തകർക്കാൻ വനിതാ സെൽ ഉണ്ടാക്കുന്നത് മഞ്ജു വാര്യരുടെ മനസ്സറിഞ്ഞ്; പൃഥ്വിരാജിനെ ഒപ്പം നിർത്താൻ ഭേദഗതികൾ; ചട്ടങ്ങൾ മാറ്റി ദിലീപിനെ സംഘടനയ്ക്ക് പുറത്ത് നിർത്തും; താരസംഘടനയിൽ ഒടുവിൽ ലാൽ പിടിമുറുക്കുമ്പോൾ
മോഹൻലാലിനെ 'വെടി വെക്കാൻ' ശ്രമിച്ച നടൻ അലൻസിയറിനെ എഎംഎംഎയിൽ നിന്നും പുറത്താക്കിയേക്കും; താരസംഘടനയുടെ അധ്യക്ഷനെ പൊതുവേദിയിൽ പരസ്യമായി അധിക്ഷേപിച്ചത് വെച്ചു പൊറുപ്പിക്കില്ലെന്ന് ഭാരവാഹികൾ; കാരണം കാണിക്കൽ നോട്ടീസ് നൽകി നടപടി സ്വീകരിക്കാൻ നീക്കം; സ്റ്റേജിലേക്ക് കൈചൂണ്ടിയതാണെന്നും മോഹൻലാലിനെതിരെ 'കൈതോക്ക്' പ്രയോഗിച്ചിട്ടില്ലെന്നും വിശദീകരിച്ച് അലൻസിയറും
സഹപാഠികളും ബന്ധുക്കളുമായ ഡോക്ടർമാരുടെ മരണകാരണം അമിത ഡോസിലുള്ള മരുന്നുപയോഗം; അനസ്‌തേഷ്യാ സ്‌പെഷ്യലിസ്റ്റുകളുടേത് ആത്മഹത്യയെന്ന പ്രാഥമിക നിഗമനം; യുവതി ഗർഭിണിയെന്നും സ്ഥിരീകരണം; കുടുംബാംഗങ്ങളെ മൊഴി എടുത്ത് തുമ്പുണ്ടാക്കാൻ മനാമാ പൊലീസ്; ഡോ ഇബ്രാഹിം റാവുത്തരുടേയും ഡോ ഷംലീന മുഹമ്മദ് സലിമിന്റേയും മരണത്തിലെ പൊരുൾ തേടി അന്വേഷണം