ഓടെടാ മാധവാ കണ്ടം വഴി; പത്രാധിപർ ജയചന്ദ്രൻനായരെ ചെറ്റയെന്ന് വിളിച്ച എൻഎസ് മാധവനെ ഓടിച്ചിട്ടടിച്ച് സോഷ്യൽ മീഡിയ; ഇത് പെർവേർഷനോ സെൽഫ് പ്രൊജക്ഷനോ എന്ന് ബൽറാം; രണ്ട് മാധവന്മാർക്കും നൽവാഴ്ത്തുക്കൾ എന്ന് കെ എ ഷാജി; മാധവൻ തിരുത്തിയേപറ്റൂ എന്ന് ജ്യോതികയും ആ നീലപ്പെൻസിൽ കൊണ്ട് മലയാളികൾ മാധവന്റെ പേരുവെട്ടുമെന്ന് ടി അരുൺകുമാറും ചെവിയടിച്ചുള്ള ഒരടിക്ക് താങ്കൾ അർഹനാണെന്ന് പിആർ ജോൺ ഡിറ്റോയും; മാധവന്റെ 'വേണ്ടാതീന'ത്തിൽ പ്രതികരണങ്ങൾ കനക്കുമ്പോൾ
മറുനാടൻ മലയാളി ഡസ്ക്
തിരുവനന്തപുരം: മുതിർന്ന മാധ്യമപ്രവർത്തകനും പത്രാധിപരുമായ എസ് ജയചന്ദ്രൻ നായരെ 'പത്രാധിപ ചെറ്റ' എന്ന് ട്വീറ്റിൽ വിശേഷിപ്പിച്ച എഴുത്തുകാരൻ എൻഎസ് മാധവന് സോഷ്യൽ മീഡിയയിൽ പൊങ്കാല. രാഷ്ട്രീയ, സാംസ്കാരിക, മാധ്യമരംഗത്തെ പ്രമുഖരും സോഷ്യൽ മീഡിയയിൽ ആനുകാലിക വിഷയങ്ങളിൽ ശക്തമായി പ്രതികരിക്കുന്നവരും എല്ലാം എൻഎസ് മാധവന്റെ മോശം പരാമർശത്തിന് എതിരെ ശക്തമായി രംഗത്തുവരികയാണ്. ഓടു മോനേ കണ്ടംവഴി എന്ന അടുത്തിടെ തരംഗമായ OMKV ഹാഷ് ടാഗ് ഇപ്പോൾ മാധവനെതിരെ ഓട് മാധവാ കണ്ടംവഴി എന്ന പ്രയോഗമാക്കി മാറ്റിയാണ് മാധവന് എതിരെ സോഷ്യൽ മീഡിയ ശക്തമായി പ്രതികരിക്കുന്നത്.
മാതൃഭൂമി ആഴ്ചപ്പതിപ്പിൽ പ്രസിദ്ധീകരിച്ച എം സുകുമാരനെക്കുറിച്ചുള്ള ലേഖനവുമായി ബന്ധപ്പെട്ടായിരുന്നു എൻഎസ് മാധവന്റെ വിവാദ പരാമർശം. ആഴ്ചപ്പതിപ്പിൽ കെഎസ് രവികുമാർ എഴുതിയ ലേഖനത്തിൽ, പിതൃതർപ്പണം എന്ന കഥ പ്രസിദ്ധീകരിച്ചപ്പോൾ അതിൽ ഒരു വാക്ക് പത്രാധിപർ എസ് ജയചന്ദ്രൻ നായർ വെട്ടിക്കളഞ്ഞതായി പറയുന്നുണ്ട്. ഇത് ചൂണ്ടിക്കാട്ടി, 'എം സുകുമാരന്റെ കഥയിൽ നിന്ന് 'നാറിയ' എന്ന വാക്ക് വെട്ടിമാറ്റിയ എഡിറ്റർ എം ജയചന്ദ്രൻ നായർ, ആ പണിക്ക് പറ്റാത്ത, മലയാളമറിയാത്ത, മാർവാടി പത്രമുടമയുടെ, ശേവുകനായിരുന്നു' എന്ന് മാധവൻ ട്വീറ്റ് ചെയ്തു. പിന്നീട് ഇനിഷ്യൽ തെറ്റിയതു ബോധ്യപ്പെട്ടപ്പോഴാണ് 'എം അല്ല, എസ് ജയചന്ദ്രൻ നായർ എന്നാണ് പത്രാധിപ ചെറ്റയുടെ ഇനിഷ്യൽ' എന്ന കമന്റ്.
ഇതോടെയാണ് മാധവന്റെ 'ചെറ്റ' പ്രയോഗം സോഷ്യൽമീഡിയ വൃത്തങ്ങളിൽ വലിയ എതിർപ്പ് ക്ഷണിച്ചുവരുത്തിയത്. കഴിഞ്ഞ കുറച്ചു ദിവസമായി എഴുത്തുകാരും സാംസ്കാരിക പ്രവർത്തകരുമായ പലരും എൻഎസ് മാധവന്റെ 'ചെറ്റ' പരാമർശനത്തിൽ വിയോജിപ്പ് രേഖപ്പെടുത്തി രംഗത്തെത്തുന്നു. മാധവൻ മാപ്പുപറഞ്ഞ് വിവാദ പരാമർശം പിൻവലിക്കണമെന്നും. മുതിർന്ന പത്രാധിപരെ ഇത്തരത്തിൽ അവഹേളിച്ചത് വളരെ ഹീനമായ മാധവന്റെ ഇടപെടലായെന്നും എല്ലാമാണ് വിഷയത്തിൽ ഭൂരിഭാഗം പേരുടേയും പ്രതികരണം.
പത്രാധിപ കുലപതി എന്നുതന്നെ വിശേഷിപ്പിക്കാവുന്ന എസ് ജയചന്ദ്രൻനായർക്കെതിരായ മാധവന്റെ ഭാഷാപ്രയോഗം അശ്ലീലവും ആഭാസവുമാണെന്ന് വിമർശനമുന്നയിച്ചവർ മിക്കവരും ചൂണ്ടിക്കാട്ടി. മാധവന്റെ ട്വീറ്റിനു താഴെ എസ് ജയചന്ദ്രൻ നായരെ അധിക്ഷേപിച്ച് മാധ്യമ പ്രവർത്തകനായ എൻ മാധവൻകുട്ടിയും കമന്റ് രേഖപ്പെടുത്തിയിരുന്നു. മാധവൻ തെറ്റായി എഴുതിയ എം എന്ന ഇനിഷ്യൽ കൃത്യമാണെന്നും #OMKV എന്നുമായിരുന്നു മാധവൻകുട്ടിയുടെ ട്വീറ്റ്. ഇിതനെല്ലാം എതിരെ പിന്നീട് വ്യാപക പ്രതിഷേധമാണ് സോഷ്യൽ മീഡിയയിൽ ഉയർന്നത്. എംഎൽഎ വി ടി ബൽറാം, നിരൂപകയായ ജ്യോതിക, മാധ്യമപ്രവർത്തകരായ കെഎ ഷാജി, വിആർ ജ്യോതിഷ്, ദിനിൽ, സംഗീത നിരൂപകൻ രമേഷ് ഗോപാലകൃഷ്ണൻ, അദ്ധ്യാപകനും സഹിത്യ നിരൂപകനുമായ ജോൺ ഡിറ്റോ, തിരക്കഥാകൃത്ത് ടി അരുൺകുമാർ, എൻ ഇ സുധീർ തുടങ്ങി നിരവധി പേർ മാധവനെതിരെ ശക്തമായി പ്രതികരണങ്ങളുമായി എത്തി.
ഇത് പെർവേർഷനോ സെൽഫ് പ്രൊജക്ഷനോ?
വിടി ബൽറാം എംഎൽഎ
എകെജി വിഷയത്തിലെ ചർച്ചയ്ക്കിടെ നിങ്ങളേത് കഞ്ചാവാണ് ബൽറാം എന്ന് ചോദിച്ച് പരിഹാസവുമായി എൻഎസ് മാധവൻ എത്തിയിരുന്നു. ഇതിനെ കൂടി ട്രോളിക്കൊണ്ടാണ് ജയചന്ദ്ര്ൻനായരെ അപമാനിച്ച മാധവന്റെ പ്രയോഗത്തിനെതിരെ ബൽറാം എത്തിയത്.
നിങ്ങളേത് പുകയാണ് വലിക്കുന്നതെന്ന് ഞാൻ ചോദിക്കുന്നില്ലെന്ന് പറഞ്ഞ ബൽറാം 'ചേറിൽ പണിയെടുക്കുന്നവരും ചേറുകൊണ്ടുള്ള കുടിലുകൾ മാത്രം സ്വന്തമായുള്ളവരുമൊക്കെ സംസ്കാരശൂന്യരാണ് എന്ന പഴയ മാടമ്പി ധാർഷ്ട്യത്തിന്റെ സംഭാവനയാണ് 'ചെറ്റ' എന്ന അധിക്ഷേപവാക്കെന്നത് വിഖ്യാത കഥാകൃത്തിന് മനസ്സിലാകാത്തതുകൊണ്ടാകുമെന്ന് തോന്നുന്നില്ല. ഇത് പെർവെർഷനോ സെൽഫ് പ്രൊജക്ഷനോ എന്നേ ഇനി അറിയാനുള്ളൂ എന്നായിരുന്നു ബൽറാമിന്റെ കുറിപ്പ്.
#OMKV ഓട് മാധവാ കണ്ടം വഴി
ദിനിൽ സി. എ (മാധ്യമ പ്രവർത്തകൻ)
മാവോയിസ്റ്റുകളെ വെടിവെച്ചു കൊല്ലാനുള്ള റിപ്പോർട്ടിൽ നീതിബോധത്തിന്റെ കണിക പോലും അവശേഷിക്കാതെ ഒപ്പിട്ട മാഹാനാണ് എൻ.എസ് മാധവൻ എന്നു കേട്ടത് ശരിയാണോ ! പത്രാധിപർ ചെറ്റക്ക് കത്തെഴുതിയ മഹാനും ഈയാളാണ്
രണ്ട് മാധവന്മാർക്കും നൽവാഴ്ത്തുക്കൾ
കെഎ ഷാജി (മാധ്യമ പ്രവർത്തകൻ)
ചെറ്റകുടിലിൽ ജീവിക്കുന്ന മനുഷ്യരെ ആക്ഷേപിക്കാനായി ഫ്യൂഡൽ മാടമ്ബികൾ ഉപയോഗിച്ചു തുടങ്ങിയ പദമാണ് ചെറ്റയെന്ന് ഇവർക്ക് രണ്ട് പേർക്കും അറിയാത്തതല്ല. സായുധ വിപ്ലവം വിട്ട് അവസരവാദത്തിന്റെ ന്യായീകരണ വിപ്ലവ വഴികളിൽ നടക്കുന്ന രണ്ട് മാധവന്മാർക്കും നൽവാഴ്ത്തുക്കൾ. ഇരുവർക്കും ശ്യാമമാധവം.
ഇത് ജയചന്ദ്രൻ സാറിന്റെ മനസ്സിനെ വേദനിപ്പിക്കാതിരിക്കട്ടെ
ടി ടി ശ്രീകുമാർ
ഓരോ വ്യക്തിയുമായും ഓരോരുത്തർക്കും വ്യത്യസ്തമായ ബന്ധമാണ് ഉണ്ടാവുക. മറ്റുള്ളവരുടെ ജീവ ചരിത്രങ്ങൾക്ക് മേൽ കയറി നിന്ന് നമുക്ക് അറിയാത്തവയെ കുറിച്ച് പറയാൻ കഴിയില്ല. പക്ഷെ , സ്നേഹത്തിന്റെ ഒരു വിദൂര സ്പർശം കൊണ്ടെങ്കിലും ഒരാൾ ഓമനിച്ചിട്ടുണ്ടെങ്കിൽ അത് പറയേണ്ട ഒരു സന്ദർഭത്തിൽ പറയാതിരിക്കുന്നത് നീതികേടാണ്. എനിക്ക് ജയചന്ദ്രൻ സാർ അങ്ങനെ ഒരാളാണ്. വിദ്യാർത്ഥി ആയിരുന്ന കാലം മുതൽ എനിക്കറിയാം. റോഡരുകിൽ നിന്ന് പോലും എന്നോട് മണിക്കൂറുകൾ സംസാരിച്ചിട്ടുണ്ട്- ഞാൻ വിദ്യാർത്ഥി ആയിരുന്ന കാലം മുതൽ. എഴുതാൻ പ്രോല്സാഹിപ്പിച്ചിട്ടുണ്ട്. ചോദിച്ചു വാങ്ങി ലേഖനങ്ങൾ കൊടുത്തിട്ടുണ്ട്. കലാകൗമുദിയിലും മലയാളത്തിലും. അദ്ദേഹം എഴുതാൻ പറഞ്ഞ ചില കാര്യങ്ങൾ - ചില ഫീച്ചറുകളും മറ്റും- സാധ്യമല്ല എന്ന് പറഞ്ഞത് പുഞ്ചിരിയോടെ തന്നെ സ്വീകരിച്ചിട്ടുണ്ട്. എനിക്കിഷ്ടമുള്ളതേ ചോദിച്ചാലും ഇല്ലെങ്കിലും എഴുതൂ എന്ന നിർബന്ധത്തോട് ഒരു പ്രതികാര ബുദ്ധിയും കാണിച്ചിട്ടില്ല.
എനിക്ക് അകൽച്ചയോ വെറുപ്പോ തോന്നേണ്ട ഒന്നും അദ്ദേഹത്തിന്റെ ഭാഗത്ത് നിന്ന് ഒരിക്കലും ഉണ്ടായിട്ടില്ല. അദ്ദേഹത്തെ വിമർശിക്കുന്നതിൽ പരിഭവിച്ചിട്ടില്ല. ഞാൻ എന്റെ രാഷ്ട്രീയമാണ് എക്കാലത്തും എഴുതുന്നത്. അതിനു വേണ്ടി മാത്രമാണ് എഴുതുന്നത് എന്ന് പറഞ്ഞപ്പോൾ അത് അംഗീകരിക്കാൻ അദ്ദേഹത്തിന് ഒരു വിസമ്മതവും ഉണ്ടായിരുന്നില്ല. ഞാൻ ഇത് പറഞ്ഞു കഴിഞ്ഞു വല്ലാത്ത മാനസിക ഭാരത്തോടെ ആണ് മടങ്ങിയത്. അങ്ങനെ പറഞ്ഞു അദ്ദേഹത്തെ പോലെ ഒരാളെ അകറ്റണമായിരുന്നോ എന്ന് സംശയിച്ചു. പക്ഷെ അങ്ങനെ ഉറപ്പിച്ചു പറയാതെ ഞാൻ എങ്ങനെ മുന്നോട്ടു പോകും എന്നും മനസ്സിൽ വിചാരപ്പെട്ടു. രാഷ്ട്രീയ പാർട്ടികളുടെ സഹായമോ പത്രാധിപ സുഹൃത്തുക്കളോ ഒന്നുമില്ലാത്ത ഒരാളാണ് ഞാൻ. കെ.സി നാരായണനും, എൻ ആർ എസ ബാബുവും ജയ ചന്ദ്രൻ സാറും ഒക്കെ വിദൂരത്ത് നിന്നുള്ള പരിചയം മാത്രം ഉള്ള ഒരാൾ.
എന്നാൽ എന്നെ അതിശയിപ്പിച്ചു കൊണ്ട്, സാർ അപ്പോൾ ചെയ്തത് കലാകൗമുദി കേരള വികസനത്തെ കുറിച്ച് നടത്തിയ സംവാദത്തിൽ എന്റെ അഭിപ്രായം കൂടി വാങ്ങുവാൻ ആളെ അയക്കുക ആയിരുന്നു. ഞാൻ എഴുതിക്കൊടുത്തെങ്കിലും അത് എങ്ങനെയാണ് പ്രസിദ്ധീകരിക്കുന്നത് എന്ന് എനിക്ക് ഒരു ഊഹവും ഉണ്ടായിരുന്നില്ല. എന്നാൽ കേവലം ഒരു വിദ്യാർത്ഥി മാത്രമായിരുന്ന എന്റെ കുറിപ്പ് അദ്ദേഹം ചേർത്തത് ഇ.എം.എസ്, ഉമ്മൻ ചാണ്ടി, പി ജെ ജൊസഫ്, മൈക്കിൽ തരകൻ, ചെറിയാൻ ഫിലിപ്പ് കെ. രാമചന്ദ്രൻ നായർ എന്നിവരോടൊപ്പം കലാകൗമുദിയുടെ കവർ പേജിൽ വലുതായി പേര് കൂടി ചേർത്തുകൊണ്ടായിരുന്നു. ഇ.എം. എസ്. , ടി ടി ശ്രീകുമാർ ...എന്നിങ്ങനെ കാണുന്നത് അന്ന് ഒരു ചെറിയ കാര്യമല്ല. ഇന്നുമല്ല.
വിമർശനം രാഷ്ട്രീയത്തിന്റെ പേരിലാണ്, വ്യക്തിപരമല്ല. ഞാൻ എനിക്ക് പറയാനുള്ളത് പറയുന്ന ഒരാളാണ് എന്ന് അദ്ദേഹത്തോട് തറപ്പിച്ചു പറഞ്ഞതിന് വെറുപ്പോ അകൽച്ചയോ അല്ല, ഇങ്ങനെ വലിയൊരു അഭിനന്ദനം ആണ് അദ്ദേഹം നൽകിയത്. എന്റെ കുറിപ്പിന്റെ അനിവാര്യതയല്ല, എന്റെ വാക്കിനോട് ഞാൻ കാണിച്ച ആത്മാർത്ഥതയോടുള്ള അഭിനന്ദനം ആയിരുന്നു അത് എന്ന് ഞാൻ മനസ്സിലാക്കിയിരുന്നു. എൻ എസ് മാധവൻ വിളിച്ച മാതിരിയുള്ള ഒരു വാക്ക് കൊണ്ട്- ആ വാക്ക് ഉപയോഗിക്കുന്നത് തന്നെ എത്ര അധമം, അതിന്റെ വ്യാപ്തികൾ അറിയുന്ന മനസ്സുള്ളവർക്ക്- വിളിക്കപ്പെടെണ്ട ആളാണ് അദ്ദേഹം എന്ന് ഒരിക്കലും തോന്നിയിട്ടില്ല.
ആർക്കയ്ക്ക് ഫ്യൂഡൽ മനോനില മാറാൻ ഈ സാമൂഹിക മാധ്യമ കാലത്ത് പോലും കഴിയാത്തവർ ഉണ്ടാവും എന്നത് ദൗർഭാഗ്യകരം. അതിന്റെ ഒപ്പം നിന്ന് മറ്റൊരു അശ്ലീലം തൊടുത്തു വിട്ട മാധവൻ കുട്ടിയും എനിക്ക് സുഹൃത്ത് തന്നെ- ദീർഘകാലമായി. അദ്ദേഹം അകന്നിട്ടുണ്ട്. അത് പക്ഷെ അദ്ദേഹത്തിന്റെ രാഷ്ട്രീയത്തിൽ ഉണ്ടായ മാറ്റത്തിന്റെ പേരിലാണ് എന്ന് എനിക്കറിയാം. സിപിഎം നെ വിമർശിക്കുന്ന എന്റെ ലേഖനങ്ങൾ ചോദിച്ചു വാങ്ങി തന്നെ ഇന്ത്യൻ എക്സ്പ്രസ്സിൽ പ്രസിദ്ധീകരിച്ചിട്ടുള്ള ആളാണ് അദ്ദേഹം. ഞാൻ സിവിൽ സമൂഹ സമരങ്ങളിൽ പങ്കെടുക്കുന്ന കാലത്ത് പല തരത്തിൽ പിന്തുണ തന്നിട്ടുണ്ട്. അദ്ദേഹം ഓർക്കുന്നുന്ടെങ്കിലും ഇല്ലെങ്കിലും.
പിന്നീട് അദ്ദേഹം സി പിഎം അനുഭാവി ആകുന്നതോടെ ആശയപരമായി അകന്നു പോയി എന്നേയുള്ളു. എന്തെങ്കിലും കാലുഷ്യം ഉണ്ടെങ്കിൽ അദ്ദേഹത്തിനെ ഉള്ളു. എനിക്കില്ല. എക്കാലത്തും സഹോദരസ്ഥാനത്തെ ഞാൻ കണ്ടിട്ടുള്ളു. അദ്ദേഹവും ഇത്ര വലിയ ഒരു ഫ്യൂഡൽ തെറി വാക്കിനാൽ ജയചന്ദ്രൻ സാർ അധിക്ഷേപിക്കപ്പെടുന്നതിനു കൂട്ട് പറയുന്നത് എന്നെ വേദനിപ്പിക്കുന്നു. തെറി പറയുന്നു എന്നതിലല്ല. അതൊക്കെ ഒരു പൊതു ജീവിതത്തിന്റെ ഭാഗമാണ്. പക്ഷെ അത് അദ്ദേഹം അർഹിക്കുന്നു എന്ന് സമ്മതിക്കാൻ എന്റെ ദീർഘകാലത്തെ പരിചയം അനുവദിക്കുന്നില്ല. ജയചന്ദ്രൻ സാറിനോടുള്ള സ്നേഹം ഒട്ടും കുറയുന്നില്ല. സ്വന്തം എഡിറ്റർ മാർ പറയുന്നത് കൂടാതെ ഫിഡൽ കാസ്ട്രോ പറയുന്ന മാറ്റങ്ങൾ കൂടി സ്വന്തം രചനകളിൽ വരുത്താൻ തയ്യാറായിരുന്നു ഗാർസ്യ മാർക്വേസ്.
എഡിറ്റർമാർ ചെയ്യുന്ന എല്ലാ കാര്യങ്ങളോടും നമ്മൾ യോജിച്ചെന്നു വരില്ല. പക്ഷെ അതിന്റെ പേരിൽ പരിധി വിട്ടു അധിക്ഷേപിക്കുന്നത് ശരിയായ രീതിയായി തോന്നുന്നില്ല. അതിനു എനിക്ക് ഏറെ സ്നേഹമുള്ള മാധവൻ കുട്ടി കൂടെ നിൽക്കുന്നത് -അത് അദ്ദേഹത്തിന്റെ സ്വാതന്ത്ര്യം, തർക്കമില്ല, അദ്ദേഹത്തെയും പലരും അധിക്ഷേപിക്കുന്നുണ്ട്- കൂടുതൽ വേദന ജനകം. എനിക്ക് രാഷ്ട്രീയമുണ്ട്. പക്ഷെ സൗഹൃദം സൗഹൃദം തന്നെ. ഞാൻ ആരെയും വേദനിപ്പിച്ചിട്ടില്ല എന്നല്ല. അത്തരം കാർക്കശ്യങ്ങൾ ഉണ്ടെങ്കിൽ എന്നിൽ നിന്നും അകലണം എന്നാണ് ആഗ്രഹം. ഇത്രയും കാലുഷ്യം കലർന്ന പ്രതികരണം സാങ്കേതികമായി പത്രാധിപ വൃത്തിയിൽ നിന്ന് വിരമിച്ചിരിക്കുന്ന ജയചന്ദ്രൻ സാറിന്റെ മനസ്സിനെ വേദനിപ്പിക്കാതിരിക്കട്ടെ, അദ്ദേഹം ഒരു പതിവ് പുഞ്ചിരിയിൽ അതിനെ തള്ളിക്കളയട്ടെ...
വിആർ ജ്യോതിഷ്
(മാധ്യമ പ്രവർത്തകൻ)
ഇതു ശരിയാണെന്നു മാത്രമല്ല.... മറ്റേതൊരു പ്രസിദ്ധീകരണത്തിൽ കഥ അച്ചടിക്കുന്നതിനെക്കാളും കലാകൗമുദിയിൽ അച്ചടിച്ചു വരുന്നതാണ് സന്തോഷമെന്ന് പത്രാധിപർ ചെറ്റക്ക് കത്തെഴുതിയ മഹാനും ഈയാളാണ്.
ആ നീലപ്പെൻസിൽ കൊണ്ട് മലയാളികൾ മാധവന്റെ പേരു വെട്ടും
ടി അരുൺകുമാർ (കഥാ തിരക്കഥാകൃത്ത്)
അടിമുടി എഡിറ്ററായിരുന്ന എസ്.ജയചന്ദ്രൻ നായർക്കാണോ ഓണക്കാല പരസ്യവിപണിക്കായി മാത്രം ഔട്ട്ലുക്ക് ഗ്രൂപ്പ് പുറത്തിറക്കുന്ന പ്രത്യേക മലയാളം പതിപ്പിന്റെ ഗസ്റ്റ് എഡിറ്ററായി പണിയെടുത്തിരുന്ന തനിക്കാണോ 'മാർവാഡിയുടെ ശേവുകക്കാരൻ ' എന്ന പേര് ശരിക്കും ചേരുന്നതെന്ന് എൻ. എസ്. മാധവൻ ഒരു വട്ടം കൂടി ആലോചിച്ചു നോക്കുന്നത് നന്നായിരിക്കും.
ചുല്യാറ്റിന്റെ കൈയിലെ നീലപ്പെൻസിൽ നവ മാധ്യമങ്ങളിലെ അക്കൗണ്ടുകളായി എല്ലാ മലയാളികളുടെയും കൈയിലുണ്ട്. അവരത് ഉളി പോലെ മുറുകെപ്പിടിച്ച് മാധവൻ എന്ന പേര് കുറുകെ വെട്ടി പകരം മറ്റെന്തെങ്കിലും എഴുതിയേക്കാം. അപ്പോഴും അവർ അങ്ങ് പ്രയോഗിച്ച പോലെ 'ചെറ്റ ' എന്നെഴുതുവാൻ സാധ്യതയില്ല. എസ്. ജയചന്ദ്രൻ നായരെ വിളിച്ച പുലഭ്യം കൊണ്ട് അങ്ങ് തിരുത്ത് എന്ന കഥയെ തന്നെ തള്ളിപ്പറഞ്ഞിരിക്കുന്നു. ജയചന്ദ്രൻ നായർ താങ്കളോട് ക്ഷമിച്ചാലും ചുല്യാറ്റ് ക്ഷമിക്കും എന്ന് തോന്നുന്നില്ല.
മാധവൻ തിരുത്തണം... തിരുത്തിയേ പറ്റൂ
ജ്യോതിക (നിരൂപക)
പത്രാധിപ 'കുലപതി' എന്നു തന്നെ വിശേഷിപ്പിക്കാവുന്ന എസ്. ജയചന്ദ്രൻ നായരെ അധിക്ഷേപിച്ച എൻ.എസ് മാധവന്റെ ഭാഷാ പ്രയോഗം... അദ്ദേഹത്തിന്റെ കഥകളോടുള്ള ആസ്വാദനം നിലനിർത്തിക്കൊണ്ടു തന്നെ പറയട്ടേ... മ്ലേച്ചമായി... അശ്ലീലമായി... ആഭാസമായി.
മാധവൻ തിരുത്തണം .. തിരുത്തിയേ പറ്റു..
മാധവന്റെ 'തിരുത്ത്' എന്ന കഥയിൽ 'തർക്കമന്ദിരം' തകർന്നു എന്നത് മാറ്റി ' ബാബറി മസ്ജിദ് തകർന്നു ' എന്നു തിരുത്തുന്ന ഒരു പത്രാധിപരുണ്ട്. മുമ്പിലെത്തുന്ന വാർത്തകളുടേയും ലേഖനങ്ങളുടെയും സത്യസന്ധമായ ആധികാരികത അളന്നെടുക്കുന്ന... നിഷ്പക്ഷമായ നിലപാടുകളുടെ ആർജ്ജവത്താൽ കപട ജനാധിപത്യത്തിന്റെയും പക്ഷപാതപരമായ മതബോധത്തിന്റെയും വേരറക്കുന്ന ചുല്യാറ്റ് എന്ന പത്രാധിപർ?
വിറക്കുന്ന കൈകളിൽ പിടിച്ച പേന കൊണ്ട് അയാൾ 'തിരുത്തുന്ന' വാക്യം ഒരു വിഭാഗത്തിന്റെ ആത്മവിശ്വാസമാകുന്നു. ഈ കഥാപാത്രത്തെ സൃഷ്ടിച്ചപ്പോൾ മാധവന്റെ മനസ്സിൽ ആരായിരിക്കും നിഴലിച്ചിട്ടുണ്ടാവുക??? പത്രാധിപരുടെ പേന 'വെട്ടി തിരുത്താൻ' കൂടിയുള്ള താണെന്ന് മാധവൻ അറിയാത്തതോ... പറയാത്തതോ?? എന്തായാലും 'തിരുത്ത്' എഴുതിയ മാധവൻ തിരുത്തണം.. തിരുത്തിയേ പറ്റൂ..
എം. സുകുമാരന്റെ കഥയിലെ 'നാറിയ ' പദപ്രയോഗം പത്രാധിപധർമ്മത്തിന്റെ പേരിൽ ജയചന്ദ്രൻ നായർ വെട്ടിയിട്ടുണ്ടെങ്കിൽ... അതിനു ശേഷവും ആ കഥയുടെ ശക്തി ക്ഷയിച്ചിട്ടില്ലെന്ന് എം.സുകുമാരന് ബോധ്യപ്പെട്ടെങ്കിൽ പിന്നെ ആരെ പ്രീതിപ്പെടുത്താനാണ് മാധവൻ ശ്രമിക്കുന്നത്?? ആരുടെ വക്കാലത്തെടുത്താണ് മാധവൻ ആക്രോശിക്കുന്നത്?? ആത്യധികമായി ഒരു വാരികയുടെ പരമാധികാരി പത്രാധിപരാണെന്നും വളയാത്ത നട്ടെല്ലും പണയം വെക്കാത്ത തലച്ചോറുമുള്ള പത്രാധിപർ ഒരു ജനാധിപത്യ കാലത്തിന്റെ ആവശ്യമാണെന്നും അറിയാത്ത നിഷ്ക്കളങ്കതയാണോ മാധവ ബുദ്ധി? കഥകളിൽ പദപ്രയോഗ കണിശത ദീക്ഷിക്കുന്ന മാധവൻ ഈ കാണിച്ച 'ചെറ്റത്തരം ' തിരുത്തണം.... തിരുത്തിയേ പറ്റൂ..
എത്രയോ എഴുത്തുകാരെ കൈ പിടിച്ചുയർത്തിയ മുതിർന്ന പത്രാധിപരാണ് ജയചന്ദ്രൻ നായർ. അദ്ദഹത്തിന്റെ പ്രോത്സാഹനം ലഭിച്ചവർ മലയാള സാഹിത്യത്തിൽ ധാരാളമുണ്ട്.. മാധവൻ പോലും വ്യത്യസ്തനല്ല.. എന്നിരിക്കെ വിശ്രമജീവിതം നയിക്കുന്ന ജയചന്ദ്രൻ നായരെ ഇപ്രകാരം അധിക്ഷേപിക്കുമ്ബോൾ മാധവന്റെ ലക്ഷ്യം എന്താവും?? രാഷ്ട്രീയ സാമുദായിക നേതാക്കളേക്കാൾ അസ്സലായി മലയാളിയെ തെറിയുടെ രാഷ്ട്രീയം പഠിപ്പിക്കാൻ മുതിർന്നതെന്തിനാവും?? കഥയുടെ ക്രാഫ്റ്റ് കൈകാര്യം ചെയ്യുന്നതിലെ കൃത്യത ഇവിടെയും മാധവൻ നിർവ്വഹിക്കുന്നു. എം. സുകുമാരന്റെ ദാർശനിക രാഷ്ട്രീയ സത്യസന്ധതയെ ചാരി നിന്നു കൊണ്ട് മാധവൻ പറയുന്നത് ഒറ്റ വായനയ്ക്കു വഴങ്ങുന്നില്ല.. കാരണം ധ്വനികളുടെ തമ്ബുരാനാണല്ലോ മാധവൻ !
എന്തായാലും മാധവൻ ഒന്നു മറന്നു.. വർഷത്തിലൊരിക്കൽ ഒരാൾക്കേ എഴുത്തച്ഛൻ പുരസ്ക്കാരം സർക്കാർ കൊടുക്കൂ.. ഈ വർഷം അത് സച്ചിദാനന്ദൻ കൊണ്ടുപോയി....ഇനി അടുത്ത വർഷത്തിനായുള്ള തയ്യാറെടുപ്പായാലും ശരി... തിരുത്തണം... ഇത് മ്ലേച്ചമായിപ്പോയി... തിരുത്തിയേ പറ്റൂ
പ്രതികരണം അസ്ഥാനത്ത്
രമേഷ് ഗോപാലകൃഷ്ണൻ (സംഗീത നിരൂപകൻ)
ഒരു ലേഖനം പ്രസിദ്ധീകരിക്കുന്ന പത്രാധിപർക്കും ഒരു രാഷ്ട്രീയമുണ്ട്. അത്, ലേഖനം പ്രസിദ്ധീകരണത്തിന് പത്രാധിപർക്ക് നൽകുന്ന എഴുത്തുകാരനും അറിഞ്ഞിരിക്കേണ്ടതുണ്ട്. ഇവിടെ ലേഖനം പ്രസിദ്ധീകരണത്തിന് നൽകിയ എഴുത്തുകാരൻ എം സുകുമാരനും ഇതിനെപ്പറ്റി നല്ല ബോദ്ധ്യം ഉണ്ടെന്നുതന്നെയാണ് മനസ്സിലാകുന്നത്. അതിനാൽ ഈ സംഭവത്തെക്കുറിച്ചുള്ള ഒരു മറുപ്രതികരണം അസ്ഥാനത്താണ്. ഒരിക്കൽ ശേമ്മങ്കുടി ശ്രീനിവാസ അയ്യരെപ്പറ്റി ഞാൻ എഴുതിയ ഒരു ലേഖനത്തിൽ അദ്ദേഹത്തെ ഞാൻ സംഗീതരംഗത്തെ ചാണക്യൻ എന്ന് വിശേഷിപ്പിച്ചത് ആ ലേഖനം പ്രസിദ്ധീകരിച്ച പത്രാധിപരായ ശ്രീ. എസ് ജയചന്ദ്രൻ നായർ വെട്ടിമാറ്റി. ഇതിനെപ്പറ്റി അദ്ദേഹം എന്നോട് അന്ന് പറഞ്ഞത് ശേമ്മങ്കുടി അങ്ങനെയാണെങ്കിൽ പോലും ചാണക്യൻ എന്ന് ഞാൻ അദ്ദേഹത്തെ വിശേഷിപ്പിക്കാൻ പാടില്ല എന്നായിരുന്നു. ശ്രീ. ജയചന്ദ്രൻ നായരുടെ ആ അഭിപ്രായത്തെ പൂർണ്ണബോദ്ധ്യത്തോടെ തന്നെ ഞാനന്ന് മാനിക്കുകയാണ് ചെയ്തത്. കാരണം, അത് അദ്ദേഹത്തിന്റെ രാഷ്ട്രീയമാണ്. അതും ഞാൻ മാനിക്കേണ്ടതുണ്ട്. ഈ സന്ദർഭത്തിൽ ഇങ്ങനെയൊരു സംഭവം ഉണ്ടായത് സൂചിപ്പിച്ചു എന്നുമാത്രം.
ചെവിയടച്ചുള്ള ഒരടിക്ക് താങ്കൾ അർഹനാണ്
പിആർ ജോൺ ഡിറ്റോ, അദ്ധ്യാപകൻ, സാഹിത്യ നിരൂപകൻ
കലാകൗമുദി, സമകാലിക മലയാളം പത്രാധിപരായിരുന്ന എസ്.ജയചന്ദ്രൻ നായർ സാറിനെ ച ട മാധവൻ എന്ന ചെറുകഥാകൃത്ത് അധിക്ഷേപിച്ചിരിക്കുന്നു .. എം. സുകുമാരന്റെ കഥയിൽ മുഷിഞ്ഞു നാറിയ ഗാന്ധിത്തൊപ്പി എന്നതിൽ നാറിയ എന്ന വാക്ക് പണ്ടെങ്ങോ വെട്ടിക്കളഞ്ഞതിനാണ് മാധവന്റെ ചീത്ത വിളി. മാധവനും ബാലവേന്ദ്രൻ ചുള്ളിക്കാടുമുൾപ്പെട്ട വരേണ്യ സാഹിത്യ കൂട്ടായ്മയെ കാര്യമായെടുക്കാതെ അനേകം പുതിയ എഴുത്തുകാരെ ഉയർത്തിയെടുത്തത് ജയചന്ദ്രൻ സാറിന്റെ വൈശിഷ്ട്യമാണ്.
ആ വാത്സല്യം നിർലോഭം നേടിയിട്ടുള്ളയാളാണ് ഞാൻ. മലയാളം വാരികയുടെ ചീഫ് എഡിറ്ററായിരുന്ന ജയചന്ദ്രൻ സാറിന്റെ ഓഫീസിൽ ച്ചെന്ന്
സാറിനെക്കണ്ട് ,ഞാൻ എഴുതും എന്നു പറഞ്ഞ വാക്കിലാണ് എന്റെ ജീവിതം മാറിമറിയുന്നത്. ചെറിയ ചിരിയോടെ 25 വയസ്സുകാരനായ, മെലിഞ്ഞുണങ്ങിയ എന്റെ കയ്യിലേക്ക് 10 പേജ് പ്രിന്റ് ഔട്ട് തന്നു. ഓഷ്വിറ്റ്സിലെ യഹൂദ പീഡന പരമ്പരയെക്കുറിച്ച് എഴുതി നോബൽ സമ്മാനം നേടിയ ഇംറേ കർട്ട്സിനെക്കുറിച്ചായിരുന്നു അത്.വിവർത്തനം ചെയ്യണം. ഞാനതിലാഞ്ഞു പിടിച്ചു.
Schindlers list എന്ന സിനിമ കണ്ടിട്ടുണ്ടായിരുന്നതിനാൽ യഹൂദരുടെ സഹനങ്ങളെ തൊട്ടറിഞ്ഞിരുന്നു. വിവർത്തനമായിരുന്നില്ല അത്. ഞാൻ ആഞ്ഞെഴുതിയ എന്റെ ഓഷ്വിറ്റ്സായിരുന്നു അത്. ജയചന്ദ്രൻ സാർ അത് സ്വീകരിച്ചു എന്നു മാത്രമല്ല
കവർ സ്റ്റോറിയാക്കുകയും ചെയ്തു. ഒരു ബൈലൈൻ മാത്രം പ്രതീക്ഷിച്ച എനിക്ക് കവറിൽ എന്റെ പേരു സഹിതം അടിച്ചാണ് സാറെന്നെ ഞെട്ടിച്ചത്. എന്നെപ്പോലെ അനേകം പേർ ജയചന്ദ്രൻ സാറിന്റെ സ്പർശത്താൽ അക്ഷര ലോകം കണ്ടു.കവികൾ, കാഥികർ പത്രപ്രവർത്തകർ.. ആ ജയചന്ദ്രൻ സാറിനെ മോശം വാക്കുപയോഗിച്ച് അധിക്ഷേപിച്ച എൻ.സ്.മാധവാ ചെവിയടച്ചുള്ള ഒരടിക്ക് താങ്കൾ അർഹനാണ്..
അർഹനാണ്.
ഇയാളുടേത് ഏതുതരം മാനസികാവസ്ഥയാണ്?
എൻ ഇ സുധീർ എഴുത്തുകാരൻ
ഒരു വ്യക്തിയെ ചെറ്റ എന്ന വാക്ക് കൊണ്ട് വിശേഷിപ്പിക്കുന്നതിന് പിന്നിൽ ഏത് തരത്തിലുള്ള മാനസികാവസ്ഥായണ് ഉള്ളതെന്ന് എൻഇ സുധീർ ചോദിക്കുന്നു. ചെറ്റക്കുടിൽ എന്നാൽ പാവപ്പെട്ടവന്റെ കുടിലാണെന്നും ചെറ്റ എന്നാൽ പാവപ്പെട്ടയാൾ എന്നാണ് അർത്ഥമെന്നും അധിക്ഷേപാർഹമായ ഒരു പദമല്ല അതെന്നുമാണ് എൻഇ സുധീർ ഫേസ്ബുക്ക് പോസ്റ്റിൽ പറയുന്നത്.
പോസ്റ്റ് ഇപ്രകാരം: ഒരു വ്യക്തിയെ 'ചെറ്റ' എന്ന വാക്ക് കൊണ്ട് വിശേഷിപ്പിക്കുന്നതിനു പിന്നിൽ എന്ത് മാനസികാവസ്ഥയാണ് ഉള്ളത് ? എനിക്കേറെ പ്രിയപ്പെട്ട എഴുത്തുകാരൻ എൻ .എസ് .മാധവൻ അതിലേറെ പ്രിയപ്പെട്ട എസ് . ജയചന്ദ്രൻ നായരെ ആ പദം ഉപയോഗിച്ചു വിശേഷിപ്പിച്ചിരിക്കുന്നു. മാധവൻ ഇന്നലെ നടത്തിയ ഒരു ട്വീറ്റിലാണ് ഈ പദ പ്രയോഗം കടന്നുകൂടിയത്. 'ചെറ്റ' എന്ന പദം എന്താണ് സൂചിപ്പിക്കുന്നത് ? എന്റെയൊക്കെ കുട്ടിക്കാലത്ത് ചെറ്റക്കുടിൽ എന്ന് കേട്ടിട്ടുണ്ട്.
പാവപ്പെട്ടവരുടെ ചെറിയ കുടിലിനെ ഉദ്ദേശിച്ചാണ് അന്നത് ഉപയോഗിച്ചത്. അതുകൊണ്ടു തന്നെ ഒരു സാമൂഹ്യാവസ്ഥയുമായി ബന്ധപ്പെട്ട ഒരു രാഷ്ട്രീയം ആ വാക്കിന് പിന്നിലുണ്ട്. എന്നാൽ വ്യക്തികളെ ഉദ്ദേശിച്ചാണ് ഉപയോഗമെങ്കിൽ ഹീനൻ, നികൃഷ്ടൻ എന്ന അർത്ഥത്തിലും ആവാം എന്ന് ശബ്ദതാരാവലി പറയുന്നു. ചെറ്റക്കുടിൽ എന്ന വാക്കിന് ഹീനമായ കുടിൽ എന്ന വ്യഖ്യാനമില്ലാത്തതുപോലെ ചെറ്റയായവൻ എന്നതിനും അത് വേണ്ട. പാവപെട്ടവൻ എന്ന് മതി. രണ്ടായാലും ഇത് കടന്നകൈ ആയിപ്പോയി. വാക്കിന്റെ രാഷ്ട്രീയം നന്നായി അറിയുന്ന മാധവനിൽ നിന്ന് ഇത് പ്രതീക്ഷിച്ചില്ല. പൊടുന്നനെയുള്ള ആശയസംവേദനത്വര പലപ്പോഴും നമ്മുടെ ചിന്തകളെയും സംസ്കാരത്തെയും പ്രതിരോധത്തിലാക്കുന്നു.
ഇതിനു കാരണമായ വിഷയം അതിലേറെ രസകരമാണ്. എം സുകുമാരന്റെ പിതൃതർപ്പണം എന്ന കഥ പ്രസിദ്ധീകരിച്ചപ്പോൾ പത്രാധിപർ എസ്. ജയചന്ദ്രൻ നായർ 'നാറിയ' എന്ന ഒരു വാക്ക് ആ കഥയിൽ നിന്ന് വെട്ടിക്കളഞ്ഞിരുന്നു എന്ന് സുകുമാരൻ പറഞ്ഞതായി കെ . എസ് . രവികുമാർ ഈ ലക്കം മാതൃഭൂമി ആഴ്ചപ്പതിപ്പിൽ എഴുതിയിട്ടുണ്ട്. അത് ഉചിതമായി എന്ന മട്ടിലാണ് സുകുമാരൻ പറഞ്ഞത് എന്നും രവികുമാർ സൂചിപ്പിക്കുന്നു. ഈ വെട്ടിമാറ്റലിനെ ഏറ്റു പിടിച്ചാണ് മാധവൻ പ്രകോപിതനായിരിക്കുന്നത്. എടുത്തു ചാടിയുള്ള ഇടപെടലുകൾ നമ്മളെ പലപ്പോഴും മറ്റൊരാളായി മാറ്റുന്നു. വാക്കുകൾ കടുത്ത ആയുധങ്ങളാണ്. അതിന്റെ എടുത്തുമാറ്റലുകളും, അനവസരത്തിലുള്ള പ്രയോഗവും ചിലപ്പോൾ ഉണങ്ങാത്ത മുറിവുകൾ ഉണ്ടാക്കും.
- TODAY
- LAST WEEK
- LAST MONTH
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- അറസ്റ്റിലായാൽ താൻ മുൻപ് പിടികൂടി ജയിലിലാക്കിയ പ്രതികളോടൊപ്പം കഴിയേണ്ടി വരുമല്ലോ എന്ന ആശങ്ക സ്വയം ജീവനൊടുക്കലായി; സിഐയുടെ തൂങ്ങി മരണം അറസ്റ്റ് ഭയത്തിലോ? കൊച്ചിയിലെ സിഐ സൈജുവിന്റെ മരണകാരണം ഉറപ്പിക്കാൻ വിശദ അന്വേഷണം; സിസിടിവി പരിശോധനയ്ക്ക് പൊലീസ്
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- കർത്തായിൽ നിന്നും ഇഡിക്ക് നിർണ്ണായക വിവരങ്ങൾ കിട്ടിയെന്ന് സൂചന; മാസപ്പടിയിലെ അന്വേഷണം അതിവേഗം നീങ്ങുമ്പോൾ വീണാ വിജയന്റെ ചോദ്യം ചെയ്യലും ഉടനുണ്ടാകുമെന്ന സൂചന ശക്തം; മുഖ്യമന്ത്രിയുടെ മകൾക്ക് നോട്ടീസ് ഉടൻ നൽകിയേക്കും; സിഎംആർഎല്ലിന്റെ വിഐപി ബന്ധങ്ങൾ കണ്ടെത്താൻ ഇഡി
- മദ്യലഹരിയിലായിരുന്നെന്നും ബോർഡ് നശിപ്പിച്ചത് പ്രത്യേക ഉദ്ദേശ്യത്തോടെയല്ലെന്നും വിദേശവനിത; ഫലസ്തീൻ അനുകൂല പോസ്റ്ററുകൾ നശിപ്പിച്ചത് ഓസ്ട്രേലിയൻ വംശജരായ രണ്ട് ജൂത വനിതകൾ; ഹോം സ്റ്റേ പൊലീസ് കാവൽ; ടൂറിസ്റ്റ് വിസയിൽ എത്തിയവരുടെ മടക്കം അനിശ്ചിതത്വത്തിലോ?
- ഞാൻ ചുംബന സമരത്തിൽ പങ്കെടുത്തതിന്റെ പേരിൽ ഇവളുടെ പ്രണയം പൊട്ടി; പ്രണയിക്കുന്ന ആൾ പൊളിറ്റിക്കൽ ആകണമെന്ന് മാത്രമാണ് മക്കൾക്ക് നൽകിയ ഉപദേശം
- പിണറായിസത്തിന്റെ അന്ത്യം? സംസ്ഥാന ഭരണത്തിനെതിരെ ജനവികാരം ശക്തം; എൽഡിഎഫ് സർക്കാർ മോശമെന്ന് 41 ശതമാനം; പ്രതിപക്ഷത്തിന്റെ പ്രകടനവും ശരാശരി; കഴിഞ്ഞ തവണത്തെ പ്രതികൂല തരംഗം ഇല്ലാഞ്ഞിട്ടും ഇടതുമുന്നണി മങ്ങുന്നത് ഇതുകൊണ്ടെന്ന് മറുനാടൻ സർവേ
- കെ സുരേന്ദ്രനേക്കാൾ അഞ്ചിരട്ടിയിലേറെ ജനപിന്തുണയുള്ളത് സുരേഷ് ഗോപിക്ക്; വി ഡി സതീശനെക്കാർ പിന്തുണ ശശി തരൂരിന്; എം വി ഗോവിന്ദന് വോട്ട് വെറും 2 ശതമാനം; സംസ്ഥാന ഭരണം മോശമായിട്ടും പിണറായി കേരളത്തിന്റെ ജനപ്രിയ നേതാവ് ആവുന്നത് എങ്ങനെ?
- എൽ നിനോ പിൻവാങ്ങി; പസഫിക് സമുദ്രം തണുത്തു: ഇനി ലാ നിനോയ്ക്ക് സാധ്യത
- ഞാൻ പുകവലിക്കുന്ന ആളാണ്, മറ്റുള്ളവരെ ഉപദേശിക്കാൻ എനിക്കാവില്ല; ധൂമം സിനിമയുടെ പരാജയത്തെ കുറിച്ച് തുറന്നു പറഞ്ഞ് ഫഹദ് ഫാസിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
- ക്ഷേമപെൻഷൻ യഥാസമയം കൊടുക്കാൻ കഴിഞ്ഞില്ലെങ്കിൽ തിരിച്ചടിയെന്ന് വിലയിരുത്തൽ; പണം കണ്ടെത്താൻ സഹകരണ ബാങ്കുകളിൽ നിന്ന് 2000 കോടി കടമെടുക്കാൻ സർക്കാർ; 9.1 ശതമാനം പലിശയിൽ കടമെടുപ്പ്; ഒന്ന വർഷത്തിനുള്ളിൽ സഹകരണ ബാങ്കുകളെ സമീപിക്കുന്നത് ഇത് മൂന്നാം വട്ടം
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- മലയാളി ക്വട്ടേഷൻ സംഘം യുകെയിലും; പ്രതി സ്ഥാനത്തു മലയാളി വിദ്യാർത്ഥി വിസക്കാർ; പ്രകോപനം റിക്രൂട്ട് മാഫിയക്കെതിരെ നടത്തിയ സോഷ്യൽ മീഡിയ പ്രതികരണം; ലീഡ്സിലെ മലയാളി പ്രമുഖനും സംശയ നിഴലിൽ; യുകെ മലയാളികൾക്കിടയിൽ ഇതാദ്യ സംഭവം; വിളിച്ചു വരുത്തിയുള്ള അക്രമത്തെ അപലപിച്ചു ലീഡ്സ് മലയാളി സമൂഹം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്