വയോധികസദനത്തിൽ പോകാൻ തയാറായാകാത്ത അമ്മയെ മകൻ ഇടിച്ചു കൊന്നു; ക്രൂരതയുടെ വാർത്ത രാജ്യത...

വയോധികസദനത്തിൽ പോകാൻ തയാറായാകാത്ത അമ്മയെ മകൻ ഇടിച്ചു കൊന്നു; ക്രൂരതയുടെ വാർത്ത രാജ്യതലസ്ഥാനത്തു നിന്നും

April 28, 201702:35 PM IST Permalink

ന്യൂഡൽഹി: വയോധികസദനത്തിൽ പോകാൻ വിസമ്മതിച്ച 76കാരിയായ മാതാവിനെയാണ് മകൻ കട്ടകൊണ്ട് ഇടിച്ചുകൊന്നത്. സൗത്ത് വെസ്റ്റ് ഡൽഹിയിലെ സാഗരപുരിലാണ് സംഭവം.

മാതാവിനെ ഇഷ്ടികകൊണ്ട് അടിച്ചു വീഴ്‌ത്തിയ ശേഷം ശ്വാസം മുട്ടിച്ചാണ് മരണം ഉറപ്പാക്കിയത്. ലക്ഷ്മൺ കുമാർ എന്ന 48 കാരനാണ് സ്വന്തം മാതാവിനെ ക്രൂരമായി കൊലപ്പെടുത്തിയത്. സംഭവത്തിന് ശേഷം ഇയാൾ പൊലീസ് സ്റ്റേഷനിൽ കീഴടങ്ങി.

മാതാവിനെ ശുശ്രൂഷിക്കാനുള്ള സാമ്പത്തിക ശേഷിയില്ലെന്നും അതിനാൽ വീടു വിട്ടുപോകണമെന്നും തൊഴിൽ രഹിതനായ ലക്ഷ്മൺ കുമാർ അമ്മയോട് ആവശ്യപ്പെട്ടിരുന്നു. എന്നാൽ തനിക്ക് പോകാൻ സ്ഥലമില്ലെന്ന് അമ്മ അറിയിച്ചു. ഒന്നുകിൽ വയോധികസദനം അല്ലെങ്കിൽ ഏതെങ്കിലും ആശ്രമങ്ങളിേേലക്കാ ഫരീദാബാദിൽ താമസിക്കുന്ന മകന്റെ അടുത്തേക്കോ പോകാൻ ലക്ഷ്മൺ ആവശ്യപ്പട്ടു.തനിക്ക് അവിടെയൊന്നും യോജിച്ചുപോകാനാവില്ലെന്ന് കാട്ടിയാണ് വയോധികസദനത്തിലേക്ക് പോകില്ലെന്ന് അമ്മ വാശിപിടിച്ചത്.

ഇതാണ്‌ലക്ഷ്മണിനെ പ്രകോപിതനാക്കിയത്. പ്ലാസ്റ്റിക് പൈപ്പുപയോഗിച്ച് കഴുത്ത് ഞെരിക്കുകയും കട്ടകൊണ്ട് ഇടിക്കുകയുമായിരുന്നന്നുവെന്ന് പൊലീസ് പറയുന്നു. രണ്ട് വർഷം മുമ്പ് ഭാര്യ ഉപേക്ഷിച്ച ശേഷം ലക്ഷ്മൺ അമ്മയോടൊപ്പമാണ് കഴിഞ്ഞിരുന്നത്. സ്ഥിരമായി അമ്മയുമായി വഴക്കു കൂടാക്കാറുണ്ടെന്ന് അയൽക്കാർ മൊഴി നൽകിയതായി പൊലീസ് പറഞ്ഞു.

താൻ വിഷാദരോഗത്തിന് ചികിത്സ തേടുന്ന ആളാണെന്നാണ് ലക്ഷ്മൺ കുമാർ പറയുന്നത്. ഇതേക്കുറിച്ച് പൊലീസ് അന്വേഷിക്കുന്നുണ്ട്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: