Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202416Tuesday
ഹോം വാർത്ത ഇന്ത്യ

വോട്ടിങ് യന്ത്രത്തിൽ കൃത്രിമം നടന്നില്ലെങ്കിൽ ബിജെപി പരാജയപ്പെടും; വി.വി പാറ്റ് യന്ത്രങ്ങൾക്ക് പ്രാധാന്യം നൽകാത്തത് എന്തുകൊണ്ടാണ്? എക്‌സിറ്റ് പോൾ ഫലങ്ങൾ തെറ്റുമെന്ന് തന്നെയാണ് തന്റെ പ്രതീക്ഷ: തെരഞ്ഞെപ്പ് ഫലത്തെ കുറിച്ച് ഹാർദ്ദിക് പട്ടേലിന് പറയാനുള്ളത്

December 16, 201708:23 PM IST Permalink
വോട്ടിങ് യന്ത്രത്തിൽ കൃത്രിമം നടന്നില്ലെങ്കിൽ ബിജെപി പരാജയപ്പെടും; വി.വി പാറ്റ് യന്ത്രങ്ങൾക്ക് പ്രാധാന്യം നൽകാത്തത് എന്തുകൊണ്ടാണ്? എക്‌സിറ്റ് പോൾ ഫലങ്ങൾ തെറ്റുമെന്ന് തന്നെയാണ് തന്റെ പ്രതീക്ഷ: തെരഞ്ഞെപ്പ് ഫലത്തെ കുറിച്ച് ഹാർദ്ദിക് പട്ടേലിന് പറയാനുള്ളത്

അഹമ്മദാബാദ്: ഗുജറാത്ത് നിയമസഭാ തിരഞ്ഞെടുപ്പിൽ വോട്ടിങ് യന്ത്രങ്ങളിൽ കൃത്രിമം നടന്നില്ലെങ്കിൽ ബിജെപി പരാജയപ്പെടുമെന്ന പ്രതീക്ഷയിൽ പാടിദാർ അനാമത് ആന്ദോളൻ സമിതി (പി.എ.എ.എസ്) നേതാവ് ഹാർദിക് പട്ടേൽ. കോൺഗ്രസിനോട് കൈകോർത്ത് പോരാടിയ ഹാർദ്ദിക്ക് വി.വി പാറ്റ് യാത്രങ്ങൾക്ക് പ്രാധാന്യം നൽകാത്തത് എന്തുകൊണ്ടാണെന്നും ചോദിച്ചു.

ഇലക്ട്രോണിക് വോട്ടിങ് യന്ത്രങ്ങൾ കേടുവന്നില്ലെങ്കിൽ ബിജെപി പരാജയപ്പെടുകതന്നെ ചെയ്യും. വോട്ടിങ് യന്ത്രങ്ങളിൽ 100 ശതമാനം സംശയമുണ്ടെന്നും ഹാർദിക് പട്ടേൽ വ്യക്തമാക്കി. തിരഞ്ഞെടുപ്പിൽ വി.വി പാറ്റ് യന്ത്രങ്ങൾക്ക് പ്രാധാന്യം നൽകാത്തത് എന്തുകൊണ്ടാണെന്ന് ഹാർദിക് പട്ടേൽ ആരാഞ്ഞു. ഈ വിഷയത്തിൽ സുപ്രീംകോടതി സ്വീകരിച്ച നിലപാട് തനിക്ക് മനസിലായിട്ടില്ല. വോട്ടിങ് യന്ത്രങ്ങൾ കേടുവന്നാലും വോട്ടെണ്ണൽ സുതാര്യമായി നടത്താൻ വി.വി പാറ്റ് സംവിധാനം ആവശ്യമാണെന്നും ഹാർദിക് പട്ടേൽ അഭിപ്രായപ്പെട്ടു.

വോട്ടെണ്ണലിനൊപ്പം വി.വി പാറ്റ് യന്ത്രത്തിലെ സ്ലിപ്പുകളും എണ്ണണമെന്ന് കോൺഗ്രസിന്റെ ആവശ്യം നേരത്തെ സുപ്രീം കോടതി നിരസിച്ചിരുന്നു. ഇതേത്തുടർന്ന് വിശദമായ പരാതി സമർപ്പിക്കുമെന്ന് കോൺഗ്രസ് വ്യക്തമാക്കിയിരുന്നു. ഓരോ മണ്ഡലത്തിലെയും 20 ശതമാനം ബൂത്തുകളിൽ വോട്ടെണ്ണലിനൊപ്പം വി.വി പാറ്റ് സ്ലിപ്പുകളും എണ്ണണമെന്നായിരുന്നു കോൺഗ്രസിന്റെ ആവശ്യം. തിരഞ്ഞെടുപ്പിന്റെ സുതാര്യത ജനങ്ങൾക്ക് ഉറപ്പുവരാൻ ഇത് അത്യാവശ്യമാണെന്നും കോൺഗ്രസ് ചൂണ്ടിക്കാട്ടിയിരുന്നു.

എന്നാൽ, ഹർജി പിൻവലിക്കാനും തിരഞ്ഞെടുപ്പ് പരിഷ്‌കരണം സംബന്ധിച്ച സമഗ്രമായ പരാതി നൽകാനും ചീഫ് ജസ്റ്റിസ് അധ്യക്ഷനായ ബഞ്ച് ഹർജിക്കാരനായ കോൺഗ്രസ് നേതാവിന് അനുമതി നൽകിയിരുന്നു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP