Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202408Wednesday
ഹോം വാർത്ത ഇന്ത്യ

പാക് സ്വദേശിയായ മയക്കുമരുന്ന് കള്ളക്കടത്തുകാരൻ ഇന്ത്യയിൽ വിലസിയത് വ്യാജ ആധാറുമായി; തമിഴ്‌നാട്ടിൽ പിടിയിലായപ്പോൾ കണ്ടെത്തിയത് രണ്ട് ആധാർ കാർഡുകൾ; പാസ്‌പോർട്ട് നൽകിയത് ശ്രീലങ്കൻ ഏജന്റ്

July 23, 201707:09 PM IST Permalink
പാക് സ്വദേശിയായ മയക്കുമരുന്ന് കള്ളക്കടത്തുകാരൻ ഇന്ത്യയിൽ വിലസിയത് വ്യാജ ആധാറുമായി; തമിഴ്‌നാട്ടിൽ പിടിയിലായപ്പോൾ കണ്ടെത്തിയത് രണ്ട് ആധാർ കാർഡുകൾ; പാസ്‌പോർട്ട് നൽകിയത് ശ്രീലങ്കൻ ഏജന്റ്

മധുരൈ: തമിഴ്‌നാട്ടിൽ പിടിയിലായ പാക്കിസ്ഥാൻ സ്വദേശിയായ മയക്കുമരുന്ന് കള്ളകടത്തുകാരൻ ഇന്ത്യയിൽ വ്യാപകമായി സഞ്ചരിക്കുകയും മയക്കുമരുന്ന് ഇടപാടുകൾ നടത്തുകയും ചെയ്തത് വ്യാജമായി സമ്പാദിച്ച രണ്ട് ആധാർ കാർഡുകൾ ഉപയോഗിച്ചാണെന്ന് വ്യക്തമായി. ഇക്കഴിഞ്ഞ മെയ് മാസത്തിലും മൂന്ന് പാക് സ്വദേശികൾ ബംഗളൂരുവിൽ വ്യാജ ആധാറുമായി പിടിയിലായിരുന്നു. ഇതോടെ ഇന്ത്യയിൽ ഇടപാടുകൾ നടത്താൻ വ്യാജ ആധാർ കാർഡുകൾ വ്യാപകമായി നിർമ്മിക്കപ്പെടുന്നുവെന്ന സംശയവും ബലപ്പെടുന്നുണ്ട്.

കറാച്ചി സ്വദേശിയായ മുഹമ്മദ് യൂനുസാണ് കഴിഞ്ഞ ദിവസം തമിഴ്‌നാട് പൊലീസിന്റെ പിടിയിലായത്. ഇയാൾ അനധികൃതമായി സ്വന്തമാക്കിയ രണ്ട് ആധാർ കാർഡുകളുമായാണ് ഇന്ത്യയിലുടനീളം സഞ്ചരിച്ചതെന്ന് പൊലീസ് പറയുന്നു.

മെയ് മാസത്തിൽ ശ്രീലങ്കയിൽ നിന്നാണ് യൂനുസ് ഇന്ത്യയിലെത്തിയത്. ശ്രീലങ്കൻ ഏജന്റിൽ നിന്ന 400 യുഎസ് ഡോളറിനാണ് യൂനുസ് പാസ്‌പോർട്ട് സ്വന്തമാക്കിയത്. ശ്രീലങ്കയിലേക്ക് പരിപ്പ് വ്യാപാരം നടത്തുന്നയാളെന്ന പേരിലാണ് ഇയാൾ മയക്കുമരുന്ന് കടത്തിയിരുന്നതെന്നും കണ്ടെത്തിയിട്ടുണ്ട്.

ഇംഗ്ലീഷ്, ഉർദു,ഹിന്ദി, സിംഹള ഭാഷകളിൽ സംസാരിക്കാൻ കഴിയുന്ന ഇയാൾ ഇടപാടുകാരെ വീഴ്‌ത്താൻ മിടുക്കനാണെന്നും പൊലീസ് പറയുന്നു. ബ്രൗൺഷുഗർ കടത്തിയ കേസിൽ ഇയാൾക്കെതിരെ ഗുജറാത്തിൽ രണ്ടു കേസുകളുണ്ട്. മെയ് രണ്ടിന് പുതുക്കോട്ടയിൽ എത്തിയ യൂനുസ് രാമനാഥപുരം, മധുരൈ, ചെന്നൈ, ബെംഗളൂരു, അഹമ്മദാബാദ്, അജ്മീർ, രാജസ്ഥാൻ എന്നിവിടങ്ങളിൽ ഇതിനോടകം യാത്ര ചെയ്‌തെന്നും വ്യക്തമായിട്ടുണ്ട്. വ്യാജ ആധാർ ഉപയോഗിച്ചാണ് ഇയാൾ റൂമുകൾ ബുക്ക് ചെയ്യുന്നതും ഇടപാടുകൾ നടത്തുന്നതും. ഒന്ന് ബിഹാറിലെ വിലാസത്തിലും മറ്റൊന്ന് രാമനാഥ്പുരത്തെ വിലാസത്തിലുമുള്ളതാണ്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP