കോൺഗ്രസ് വിട്ട നാരായൺ റാണെ പുതിയ പാർട്ടി പ്രഖ്യാപിച്ചു; പുതിയ പാർട്ടിയുടെ പേര് മഹാരാഷ...

കോൺഗ്രസ് വിട്ട നാരായൺ റാണെ പുതിയ പാർട്ടി പ്രഖ്യാപിച്ചു; പുതിയ പാർട്ടിയുടെ പേര് മഹാരാഷ്ട്ര സ്വാഭിമാൻ പാർട്ടി; പിന്തുണ എൻഡിഎ മുന്നണിക്ക്; കോൺഗ്രസിനും ശിവസേനയ്ക്കും പുതിയ വെല്ലുവിളി

October 01, 201704:19 PM IST Permalink

മുംബൈ: മഹാരാഷ്ട്രയിലെ രാഷ്ട്രീയത്തിൽ പുതിയ മാറ്റങ്ങൾക്കുള്ള സാധ്യത തുറന്നിട്ട് നാരാണൺ റാണയുടെ പുതിയ രാഷ്ട്രീയ പാർട്ടി പ്രഖ്യാപനം. കോൺഗ്രസിൽ നിന്ന് കഴിഞ്ഞ മാസം രാജിവച്ച മുതിർന്ന നേതാവ് പുതിയ പാർട്ടി പ്രഖ്യാപിച്ചു. മഹാരാഷ്ട്ര സ്വാഭിമാൻ പാർട്ടി എന്നാണ് പുതിയ പാർട്ടിയുടെ പേര്. മുംബൈയിൽ വാർത്താ സമ്മേളനത്തിലാണ് റാണെ പുതിയ പാർട്ടി പ്രഖ്യാപിച്ചത്. പാർട്ടി എൻഡിഎയ്ക്ക് പിന്തുണ നൽകുമെന്ന് നാരായൺ റാണെ അറിയിച്ചു

കോൺഗ്രസ് ഉപേക്ഷിച്ച് നാരായൺ റാണെ ബിജെപിയിൽ ചേരുമെന്ന് റിപ്പോർട്ടുകളുണ്ടായിരുന്നു. വിഷയത്തിൽ ബിജെപി തണുത്ത സമീപനം സ്വീകരിച്ചതോടെയാണ് റാണെ പുതിയ പാർട്ടി പ്രഖ്യാപിച്ചതെന്നാണ് സൂചന. റാണെയുടെ ബിജെപി പ്രവേശനത്തിന് തടസ്സമായി നിൽക്കുന്നത് ശിവസേനയാണെന്ന് സൂചന നില നിൽക്കെ വാർത്താ സമ്മേളനത്തിൽ അദ്ദേഹം ശിവസേനയെ കടുത്ത ഭാഷയിൽ വിമർശിച്ചു. ശിവസേന നേതാവ് ഉദ്ധവ് താക്കറെയ്ക്കെതിരെയും മന്ത്രിമാർക്കെതിരെയും റാണെ വാർത്ത സമ്മേളനത്തിൽ ആഞ്ഞടിച്ചു.

മഹാരാഷ്ട്രയിൽ നിർണായക സ്വാധീനമുള്ള നാരായൺ റാണെയെ എൻഡിഎ പാളയത്തിലെത്തിക്കുക വഴി കോൺഗ്രസിനെ തളർത്താനാകുമെന്നാണ് ബിജെപിയുടെ പ്രതീക്ഷ. ബിജെപിയുമായി ഇടഞ്ഞ് നിൽക്കുന്ന ശിവസേനയക്കും നാരായൺ റാണെയുടെ എൻഡിഎ പ്രവേശം വെല്ലുവിളിയുയർത്തും.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Readers Comments+

More News in this category+

ഡ്യൂട്ടിക്കിടെ ബിജെപി സ്ഥാനാർത്ഥിയെ ആലിംഗനം ചെയ്തു; വനിതാ എഎസ്ഐക്ക് സസ്പെൻഷൻ

MNM Recommends +