ബീഹാർ നിതീഷിന്റെ വിശ്വാസം കാത്തു; 131എംഎൽഎമാരുടെ പിന്തുണയോടെ നിതീഷ് കുമാർ വീണ്ടും മുഖ...

ബീഹാർ നിതീഷിന്റെ വിശ്വാസം കാത്തു; 131എംഎൽഎമാരുടെ പിന്തുണയോടെ നിതീഷ് കുമാർ വീണ്ടും മുഖ്യമന്ത്രി പദത്തിലേറി

July 28, 201701:27 PM IST Permalink

പട്‌ന: കൂറുമാറി എൻഡിഎയ്‌ക്കൊപ്പം ചേർന്ന നിതീഷ് കുമാർ നിയമസഭയിൽ വിശ്വാസ വോട്ട് നേടി. ജെഡിയു എൻഡിഎ സഖ്യത്തെ 131 എംഎൽഎമാർ പിന്തുണച്ചു. 108 പേർ എതിർത്തു വോട്ടു ചെയ്തു. ആകെ 243 അംഗങ്ങളുള്ള നിയമസഭയിൽ കേവല ഭൂരിപക്ഷത്തിനു 122 എംഎൽഎമാരുടെ പിന്തുണയാണ് വേണ്ടിയിരുന്നത്. ആർജെഡിക്ക് 80, കോൺഗ്രസിന് 27 എന്നിങ്ങനെയാണ് പ്രതിപക്ഷ കക്ഷിനില. ഇതുകൂടാതെ സിപിഐ (എംഎൽ)3, ഒരു സ്വതന്ത്രൻ എന്നിങ്ങനെയാണു ബാക്കിയുള്ളത്.

അതേസമയം, രാവിലെ വോട്ടെടുപ്പിനുള്ള നടപടിക്രമങ്ങൾ തുടങ്ങിയതു മുതൽ നിയമസഭയിൽ ബഹളത്തിൽ മുങ്ങിയിരുന്നു. രഹസ്യവോട്ടെടുപ്പ് വേണമെന്ന് കോൺഗ്രസും ആർജെഡിയും ആവശ്യപ്പെട്ടു. ബിജെപിക്കൊപ്പം നിൽക്കാനുള്ള നിതീഷിന്റെ തീരുമാനത്തിൽ ജെഡിയുവിനുള്ളിൽനിന്നുതന്നെ എതിർപ്പുയർന്നിരുന്നു.

അപ്രതീക്ഷിത നാടകീയ നീക്കത്തിലൂടെ മുന്നണിമാറി വീണ്ടും മുഖ്യമന്ത്രിയായ നിതീഷ് കുമാറിനെതിരെ രൂക്ഷവിമർശനവുമായി ബിഹാർ മുൻ ഉപമുഖ്യമന്ത്രി തേജസ്വി യാദവ് രംഗത്തെത്തി. സംസാരിക്കാൻ 40 മിനിട്ട് സമയം അനുവദിക്കണമെന്ന് ആവശ്യപ്പെട്ട തേജസ്വി, ബിജെപിക്കൊപ്പം പോകാൻ നിതീഷ് മുൻപുതന്നെ പദ്ധതിയിട്ടിരുന്നുവെന്നു ആരോപിച്ചു. തനിച്ചു മൽസരിച്ചപ്പോഴെല്ലാം കൂടെ ആരെങ്കിലും വേണമെന്ന് നിതീഷ് തെളിയിച്ചിരുന്നു. ബിജെപിയെയോ ആർജെഡിയെയോ ജെഡിയുവിനെപ്പോഴും വേണമായിരുന്നു. തന്നെ ചതുരംഗക്കളത്തിലെ കാലാളിനെപ്പോലെയാണ് നിതീഷ് ഉപയോഗിച്ചതെന്നും തേജസ്വി പറഞ്ഞു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: